...@@البارت الثامن والثلاثون @@...









ايه أحبك والهوى فيني دفيــن



وأعشقك والله هجران ووصال



ايه أحبك ايه أحبك ..مرتين



مــــره للود وأخــــرى للدلال

×××







ساره ماعد عرفت تقعد من قلقها وزود عليها أن محد منهم رد لارنا ولازيد ولاحتى تليفون البيت ..



سعود:يمــه ماصارت مافيهم الا كل خير تبيني أروح بيتها عشان ترتاحين ؟؟..

ساره بلهفه:ايه الله يعافيك يابوي رح وريح بالي ..

سعود:ماطلبتي يام سعود وببشرك ان شاء الله ..

ديما تهمس لريهام اللي جنبها:ما يسوى علينا احساس !..

ريهام:عشان تعرفين أحساسك الخايس ؟! ..

ديما رفعت صوتها:هيييييه خير أن شاء الله احترميني وجع..

ساره انفجرت فيهم:وجع يوجع عدوكم إن شاء الله فاضيه أنا لمناقركم ديمووه فارقي عن وجهي أحسن لك ..

ديما قامت تتحرطم>>وش دخلني انا كل شي على راسي يابعد عمري انا ديما وديما ان شاء الله تموت وتفتكون

>>بسم الله عليك ..



دخلت غرفتها معصبه وصقعت بالباب وقامت تحوس وتدوس تطلع الحره اللي فيها العاده تلقى ريما قدامها وتقعد تفضفض لها

بس اللحين تحس العبره خانقتها ولاقدامها أحد يوم يأست قررت تدق على ريما والا دلال والا حتى عنود يمكن تهدى شوي ..











...................











ريما متربعه على جلستها ومتحمسه للأخير أذن المغرب وماحسوا بالوقت

ريما:كل ذا بقلبك وساكتــه ؟؟!..

دلال بضعف :وش أسوي أنا تعبت دليني على شي أبي أنسى بس أنا البقره علقت نفسي بسراب وانا عارفه انه سراب

من الاول بس القلب وما يهوى..

ريما:ههههههه دليييل ما تخيلت أشوفك بهالحاله رايــحه فيها والله ماتوقعتك أبداااا ..

دلال:الله يسامح اللي كان السبب..

ريما:هههههههههههههههههههههههههههههه..

دلال:خير أنا افضفض لك عشان تضحكين علي أنتي وذا الخشه ..

ريما:والله موب قصدي بس ههههه لايقين على بعض واللي تعطيك وعد ماتدور السنه إلا أنتي في بيته؟! ..

دلال:أقولها أحس أني سخيفه وأبي أنسى تقول واللي يعطيك وعد ريموووه العرس مأثر عليك ؟؟؟..

ريما:ههههههه بقووووه بس أتكلم جد؟؟! ..

دلال:ما ابي لاوعد ولا شي عندك نصيحه قولي اي شي حتى لو فرمته !..

ريما:هههههه وش فرمته؟؟..

دلال:والله أني أحياناً أقول ليه مافي فرمته لعقولنا ننسى الفتره اللي مانبيها أو نبي ننساها ونرتاح ..

ريما:ولا مسحتي اللي بعقلك شلون تمسحين اللي بقلبك صعب دلال صعب..

دلال:تتكلمين عن تجربه ؟؟..

ريما:تقدرين تقولين !..

دلال مبتسمه :كنتي تحبين فيصل ؟؟..

ريما احمرت خدودها وهي تحكي:كنت معجبه بشخصيته حضوره حتى عصبيته ومزاجه وله معزه في قلبي الله

اعلم بها هو الشخص الوحيد اللي ارتبك اذا شفته غيييرني دلال غيييرني مررره وياليتني أقدر أغيره ..

دلال تصفق:هههه استحت الله يوفقك أنتي تستاهلينه ريما وصدقيني ترى موب هذا فيصل وانا متأكده أنك بتغيرينه وقريب

أنتــي موب مقصــره والله بيتغير والله بيتغير !

ريما:يكفيني كذا موب لازم أغيـــ... ماكملت كلمتها ..



فيصل:سلااااااااام..

ردوا عليه:وعليكم السلام ..

ريما:قمت ؟؟..

فيصل:لا استنى مرتي تقومني للصلاه وسحبت علي ..

ريما تقعد زين على السرير :هههههه والله نسيت ..

دلال:خلها ياخي عندي شوي من جيت وانت صاك عليها ..

فيصل يشاركهم جلستهم :أما صاك عليها كثري منها تقعد معك أكثر مني ..

ريما بخجل :آسفـــه بس خذتنا السوالف ..

فيصل:من كنتوا تحشون فيه ؟؟..

دلال:هههههه للأسف إنا كنا نحش فيك!..

فيصل تحمس:تحشوون فيني وش تقولون؟؟؟ ..

ريما تناظر دلال نظرات والله لو قلتي شي أن أذبحك ..

دلال قامت من السرير>تظمن عمرها>:ههههههه أبد مرتك تفصح عن مشاعرها ..

ريما:دلااااااااال..

دلال تبعد عن منطقة الخطر :عاااادي ياختي تراه رجلك !..

ريما:تدرين الشرهه موب عليك الشرهه على اللي تقولك شي مره ثانيه ..

فيصل:ههههههه ليه وش قايله لهالدرجه خطير ؟؟؟! ..

دلال واقفه عند باب الحمام :أقوووول والا ما أقووول ..

ريما:انطــــــــمي !!..

دلال بأسلوب ينرفز :أقوووووول؟؟..

ريما وقفت بتمشي ومسك يدها فيصل وجلسها جنبه ..

فيصل:قــــولي ؟؟؟؟..

دلال تناظر ريما:ههههههههه أقووول؟؟..

ريما وجهها احمر وودها تزنطها ..

ريما:قولي واللي تسوي لك شي في اللي خبرك ؟!..

دلال:لااااااااا عاد أنا في ذي مقدر هههههههه اسمح لي فصول انت ومرتك تصلحون باي ..ودخلت الحمام

فيصل:تمون الأخت فصول ..

ريما:عادي تدلعك احد لاقي !..

فيصل:وأنتي ورى ماتدلعيني ؟؟..

ريما:وش أقول؟؟..

فيصل بابتسامه:قولي اللي قلتيه عني !..

ريما:ماقلت شي لاتصدق ذا الخبله ترى تحكي من عندها

دلال من الحمام :أقوووووووول..

فيصل:ههههه مركبه رادار ..وقف :يالله ننزل..

ريما:يالله بس مافي أحد ..

فيصل:خذي جلالك معك يمكن يجي بندر ..

ريما تأخذ جلالها :انزل وبلحقك ..

فيصل:لا بنزل معك ..

ريما توهقت ماتبي تقول بزين مكياجي وماتدري شلون تتعذر :دقيقه بس ..

فيصل:خلاص بستناك ..

ريما لحوول :طيب برتب شكلي لحظه..

وراحت تسريحه دلال ترتب شعرها والمحيوس من مكياجها والأخ يتأمل

فيصل:والله تـهـبــــلــيــن ماله داعي! ..

ريما ما أمداها ترد ..إلا دلال مدرعمه

دلال:عيـــب في عزابيه هنا !...

فيصل:ههههههههههههههههههههه فارقي بس ..

ريما تتوعدها>> هين يادليل ..

شالت جلالها وطلعت معه تحت يتقهون مع ابو فيصل وام فيصل ..





اول مادخلوا ..

ابو فيصل:ياهلا والله بالريم ياهلا وغلا اقربي يابنيتي..

ريما:هلا بك عمي راحت وحبة راسه ورجعت تقعد وفيصل جنبها اخذت القهوه من خالتها وصبت لفيصل

ابو فيصل:وش اخبارك وانا ابوك؟؟..

ريما:الحمد الله بخير ..

ريما:سم..مدت الفنجال له ..

فيصل:سم الله عدوك ..



ورجعت القهوه ..

ام فيصل:هوو ورى ماتتقهوين ؟؟؟..

ريما مبتسمه :مشكوره خالتي بس والله ما اشتهيت ..

اخذ فيصل الدله وصب فنجال..

فيصل:خذي بس اتقهوى بلحالي ؟!..

استحت ريما منهم واخذت الفنجأل ..

ام فيصل:عنبوه قاله بيكحلها عماها وأنا ماملينا عينك ؟؟..

فيصل:هههههه لا بس الريم غير عاد لاتدققين الغاليه..

ام فيصل:قردني !..

ابو فيصل:عسى منتيب تغارين ترى مالي قهوةٍ من دونتس..>>ياويلي على الحب..

ام فيصل استحت :الله يسلمك مير ..

فيصل ضحك عليهم ومد لريما التمر بيغذيها الأخ..

ريما بصوت واطي أقرب للهمس:مشكوور أسوي رجيم ما أقدر..

فيصل بنفس درجة الصوت :أقووول اكلي متزاينتلي هالعصاقيل..

ريما بروعه:عصــــــاقيل ؟؟؟..

فيصل:هههههههه خذي لاتزعليني..

خذت وهي ما ودها بس ماتبي ترده ..



وللمره الألف تدخل الأخت مدرعمه:السلااااااااااااام عليكم حي الله شيابي..

ام فيصل:شاب رأستس قولي آآميييين !..

دلال:مااامي بسم الله علي ..حبت رأسها ورأس أبوها..

دلال:وش أخبارك يبه؟؟..

ابو فيصل:اخباري من اخبارك؟؟..

دلال:تعجبك اخباري ..وعجبها المكان اللي بين ريما وفيصل مع أنه مايكفي نصها ..

دلال:ريموه زحفي زحفي شوي بتقهوى ! ..

فيصل:مناك مناك الله لايهينك..

دلال مستقعده:ما ابي ابي فيذا اقرب شوي ..

ريما توها بتزحف مسكها فيصل

فيصل:مصدقه أنتي فارقي بس ..

دلال قعدت في الكنبه اللي جنبهم :مالت عليك من أخو ماتنفع ..

فيصل:تقهوي بس ..









..................









سعود مر بيت رنا ومالقى احد ورجع دق على زيد ..زيد استحى على وجهه ورد لـنه سافههم من اليوم

زيد:هلا ببو عبد العزيز ؟؟..

سعود:هلا والله السلام عليكم..

زيد:وعليكم السلام..

سعود:وينكم يارجال اقلقتونا عليكم ؟؟؟..

زيد:في المستشفى ..

سعود بخوف وهو يركب سيارته :مستشفى ليييه عسى ماشر ؟؟..

زيد:ماشر بس أختكم المصون تولد..

سعود:هههههههههههه المصون بعد..

زيد:هههههه وش نسوي..

سعود:هاا بشر مافي اخباااار ؟؟؟..

زيد:لا الله يسهل عليها من الظهر وحنا فيذا وما ولدت يقولون متعسره أصلاً توها باخر السابع بس ما ادري

وش ذا اللي جاها ..

سعود:الله يهون عليها تأمر على شي اخوي بطمن الوالده قلقانه ..

زيد:سلامتك وان جاني خبر ببشرك ماتقصر يابو عبد العزيز..

سعود:حق وواجب يالله فمان الله أجل ..

زيد:في حفظ الكريم ..



سعود دق على امه وطمنها على رنا وانها تعبانه شوي وتدعي لها الله يسهل عليها

ام سعود اجتلدت زياده على رنا وما ركدت الا قلقت زياده >>قلب الام وما ادراك وما قلب الام !!!..



سعود ماله خلق يرجع البيت فمر بيت امه منيره يسير ويسلم ويشوف طلال بالمره ..



وصل ولبق سيارته ونزل يرن الجرس ..



جوا البيت ..

منيره:العنـــــــــود عنــــــــــــــــود ..

العنود:هلا يمه ؟؟..

منيره:شوفي الباب منهوو ..

العنود:طيب..رفعت السماعه وردت :ميييييين؟؟..

سعود:أنا سعود..

العنود راح عن بالها سعود ولد عمتها ..

العنود:من تبي ؟؟..

سعود عصب :افتحوا الباب ..

العنود خافت وجع شفيييه رجعت لجدتها :يمه هذا سعود ولد عمتي ساره ..

منيره:خليه يدخل ..

العنود مستغربه:مافتحت له ..

منيره:هووو روحي افتحي له مخليته عن الباب ..

العنود حامت كبدها :يمه شلون افتح له ..

منيره:افتحي زي مايفتحون الناس ..

نزل طلال بقميص البيت مسرع ..:ورى مافتحتوا الباب ماتسمعون؟؟؟ ..

منيره:رح افتح وانا امك ذا الخبله ماراحت..

العنود:يــــــــــــــمه انا خبله ..

طلال وهو يطلع :هههه أحسن هذا سعود ..

العنود بصوت واطي:مالت عليه ..وطلعت معصبه ..



دخل سعود:كن ماودكم تفتحون ملطعيني ساعه ؟؟؟..

طلال:هههههههه وش نسوي تستحي..

سعود:أحلف بس وأنت غريبه رابد بالبيت مارحت ولاشي ؟؟؟..

طلال:عندي كم شغله مأخذها من الدوام بخلصها ..

سعود:ياربيه على المجتهد ..

طلال:هههههه مايمديك بس غايب يومين وماكملتها ..

سعود:ههههههه أمحق مجتهد والله ..وصلوا لمنيره

سعود:هلا بالغاليه ..وحب رأسها

منيره:هلا وغلا بوليدي هلا والله وش أخبارك علومك .؟؟؟

سعود:أنا بخير أسأل عنك وعلومك..

منيره:تسأل عنك العافيه وش أخبارك أهلك مادقت امك اليوم ...

سعود:امي مشتقه من رنا يمكن تولد ..

منيره:تولــــــــــــــد؟؟؟..

نط طلال :يعني بصير جد ! ..

سعود:انثبر بس خايفين تولد..

منيره:ياويلي عليها توها بالسابع بنيتي..

سعود:يقولون تعبت ويمكن ولاده مبكره ..

منيره:الله يهون عليها ياربي ..

ردوا :آآمييييين ..

طلال يصب قهوه:وش عندك جاي؟؟..

سعود:ماجيتك جاي لأمي منيره ..

منيره:ياحيا الله من جانا وأنا أمك ..

سعود:الله يحييك ..قعدوا يتقهون ويسولفون مع منيره وخبال طلال عليهم ..

في الأخير قام سعود وأستأذن وطلع معه طلال للصاله ومسوين أزعاج ..

طلال:يالله عاد ياشينك لاقمت تتميلح ..

سعود:انـــــــا اتميلح روح دورك لك واحد ثاني..

طلال:والله أنك ولد أخت ماينفع ..

سعود:هههههه احلف بس تكرفني وإلا ما أنفع ..

طلال:مابقى الا أخر ورقتين كملها معي يالله عاد مسكه مع يده ورقى معه سعود الدرج وطلال يصوت

:دربــــــــــ دربـــــــــــ



عنود ارتاعت وقامت بسرعه وسكرت باب غرفتها بقووه ..

طلال وسعود توهم واصلين الدور الثاني:عنيده ووجع كسرتي بيبابنا ؟؟؟؟..

سعود:ههههههه صاير كنك شايب على بيبابنا ..

طلال يدخل غرفته:شنسوي الواحد لازم يحافظ على حلاله !..

سعود:هههههههه وحلال بعد عز الله راحت فيها ..

طلال:وش دخلك بنت أخوي وأصلح أنا وياها ..









.................











الصبح من يوم الخميس الكل متحمس لرنا وولادتها والخبر وصلهم من زيد من أول الصبح بشرهم أنها ولدت وجابت ولد

وهو مستاااانس مرررره فرح الكل لها بس اللي ضيق صدورهم ان الولد تعبان شوي لانه والد بالسابع ومابعد اكتمل نموه

يعنـــي توه ..



الكل اتفق يروح لها العصر وقت الزياره >لطيفه اللي بتجيب عيالها لبيت ساره ومنيره اللي بعد بتذب العنود في بيت

ساره وديما مافي أمل تروح عشان الحضانه اللي عندهم في البيت فبيخلونها في الليل إذا رجعوا الحريم الكبار ..





في المستشفى ..

رنا بعد ماصحت من البنج يمكن لها ساعه وهي تعبانه ومنهد حيلها كنها طايحه من جبــــل ..



زيد:هااا وش اخبارك اللحين ؟؟؟..

رنا:الحمد الله شفته >>الولد ؟؟؟..

زيد:ايه كبر ذيا ويأشر بيده.. صغينوني مررره بس يشبه لي ملح وقبله ..

رنا:ههههههه ملح وقلبه أجل هههه والله مافيني حيل أضحك ..

زيد:دوم ياربي تبين تغيرين ملابسك ترى أهلك بالطريق ..

رنا:اللحين ؟؟..

زيد:هههههه لا العصر ..

رنا :شلون في الطريق أجل ؟؟؟..

زيد:أحمسك ..

رنا بتعب :لا والله مافيني حيل اتحرك ..

قرب زيد وحط يده على كتفها :الحمد الله على سلامتك يالغاليه ..

رنا:الله يسلمك ياربي..

زيد يبي يغير الجو شوي :وش تبينا نسميه ؟؟؟..

رنا:ما أدري ما أمداني أفكـــر أنت وش تبي ؟!..

زيد يستهبل :أبي باسل !..

رنا:نعـــــــــــم باســـــــــل خير ان شاء الله كابتن ماااجد !..

زيد:وش فيه وش حلوه ..باسل زيد... يهبل ..

رنا:ايه ان شاء الله أخر عمري ام باسل خير عسى ماشر ..

زيد:اسم حلو نادر..

رنا:مشكلته سم عبد العزيز على أبوك خالد على أبوي أي شي نواف ترى حلووو..

زيد:لا وش نواف بايخ ..

رنا:والله أحلى من باسل اللي مدري وش يبي ..

زيد:ههههههه يبي يصير ولدي ..

رنا :تدري الشرهه ميب عليك الشرهه على اللي تجيب لك ولد >>عصب عليه !..

زيد مات عليها من الضحك :ههههههه لا عاد كلش ولا اللي بتجيب الولد ..باس رأسها ..

أنتي تأمرين أمر أن شاء الله نسميه شليويح نسميه ولا يهمك ..

رنا:لا ألعب علي بكلمتين !..

زيد:خلاص الأسم لك اللي تبينه حطيه ..

رنا:يا..عبد العزيز يا..خالد ..

زيد:تم يا أم عزيز ..

رنا:هئ هئ وش أم عزيز بعد من اللحين ..

زيد:هههههههه والله ما درينا عنك ..



جتهم النيرس :خلاص وقت الزياره خلص بعد العصر الزياره الثانيه ..



زيد:طيب شوي وتجلدني ..تبين شي ؟؟..

رنا:لا سلامتك بس خل أمي تكلمني عشان أبيها تجيب لي اغراض يوووه نسيت جوالي بالبيت ..

زيد طلع جواله:خذي جوالي ودقي عليهم وأنا بمرك العصر اوكي..

رنا خذت جواله :اوكي فمان الله ..

زيد:في حفظ الكريم ..









..................









من العصر وعيال لطيفه يدهرون في بيت ساره وديما ضعيفه تنرحم بينهم ما تدري تصارخ على من والا تسكت من

والا تقصر على التلفزيون والا وش تسوي ريهام شايله يدها من كل شي وطالعه فوق تذاكر عليها امتحان كيمياء وماهمها شي

من اللي يصير تحت ..



ديما:قســـــــــــــم بالله يا محيميد لو ماتقصر عليه لايجيك هالشبشب في رأسك !!!..

محمد ولد لطيفه الكبير >للتذكير..

التفت عليها وهو مشغول بالمباراه اللي في السوني :تلعبين معي ؟؟..

ديما بتجيها جلطه :لاااااااااااا ..وراحت تفك راكان وساره متناشبين بالكشش :وجــــــع خلاص ..

ساره تشاهق:والله هو اللي طقني !..

راكان:نصاااااااااابه من اللي قال يالدب ؟؟..

ديما:انطم يالدب إي دب عصاقيل مقعده ..وأنتي تعالي ..خذتها من بلوزتها شوي وتشقها ودتها لغرفة ريهام ..

ديما:خليها تلعب بالألعاب اللي عندك لا أشوفها برى ..

ريهام :طيب لاتصارخين !..

ديما صقعت بالباب وراها فاضية لك أنـا ..

نزلت والأزعاج على اوجه تحت خلاااااااااص تحس أنها تحت ضغط نفسي فضيع وزاد عليها هاللي معلق على جرس البيت ..

ديما:ليييييش ما فتحتوا الباب ..

صالح يرد عليها >الولد الثاني للطيفه للتذكير فقط ههههههههه ازعجتينا!

صالح:بيتكم ؟؟..

شالت السماعه وهي معصبه :مييييييييييييييييييييييييييين؟؟..

طلال:هههههههههه بسم الله علي خالو طلال حبيبتي ..

ديما:حبتك القراده قل آمين ..

طلال:هههههههههه معصبه الأخت افتحي لعنود أنا ماشي ..

ديما طلعت تفتح :هلا ..

العنود:ههههههه شفيكم بيتكم يهتز ؟؟؟..

ديما:عساه يطيح عليهم قولي آآمين ..

العنود:ههههه بسم الله علينا ترانا فيه ..

ديما:لا عادي برى اللحين ..

العنود:ههههههههههه قسم بالله خبله ..

ديما:أقول أدخلي غريبه ما رحتي مع امي منيره لرنا ؟؟..

العنود:وش يوديني بلحالي قلت اروح معكم اصرف ..

ديما :تفضلي ..









.................











مها:الف الف الف مبروووووووووك الحمد الله على السلامه وربي ماصدقت يوم شفت الرساله توك يالدبا شلون ؟؟..

رنا:هههههه الله يسلمك وش نسوي مكتوب..

مها:ياربي اتخيل شكلك وشلون البيبي؟؟..

رنا:ماشفته للحين يقولون تعبان ولازم حضانه ..

مها:الله يخليه لك ياربي شفيه صوتك تعبان ؟؟ ..

رنا:هو اللي شفته شوي ..

مها:هههههههه وش حادك ؟؟..

رنا:هههه فاتك شكلي ماخليت حلف ما حلفته ..

مها:هههههههه من الحره والله يالله اجل ما أطول عليك سلمي على اللي عندك ..

رنا:الله يسلمك يبلغ ان شاء الله مع السلامه ..

مها:فمان الله ..



رنا:مها تسلم عليكم ..

ساره ولطيفه :الله يسلمها ..

لطيفه :ماقالوا لك متى بتطلعين ؟؟..

رنا:مدري والله على حسب يمكن أسبوع ..

ساره:تأخرت أمي ؟؟..

رنا:امي منيره بتجي وشوله تتعب عمرها لاطلعت بدال هالمرمطه ..

لطيفه :أفا عليك امي تعد وتغلط عشان تولدين تقول أول حفيد حفيد على قولتها ..

رنا:ههههه والله ولدي ماركه ..

ساره:لو تسوفين ذا الولد عاد يادبي صعنون ..

رنا:ياحبي له أبي أشوفه ومعيين ؟؟!..

ساره:لسلامته وين يطلع من الحضانه وأنا أمك ..

قاطعهم صوت منيره وطلال يتناقشون على رقم الغرفه ..

لطيفه :فضحتنا أمي ..

رنا:ههههه ياحبي لها ..

دخلوا اخيرا ومنيره محمله معها كل اللوازم الغذائيه اللي ممكن تحتاجها رنا وتغذيها على قولتها

>مرقوق وعصيده(مفروك)وحلبه وما أدراك بالباقي عيت تخليني أشوفه تقول عن اللقافه !..



منيره :السلام عليكم ..

طلال:سلااااااااااااام ..

ردوا السلام وراحت لرنا تسلم عليها وتبارك لها ..

طلال:وأخيييييييراً صرت جد تصدقين رنوو والله أني أدعي أنك تولدين اليوم قبل بكره ..

رنا:يالخايس أجل هذي دعاتك ماسويت فيني خير! ..>>ماتوا عليها من الضحك ..

طلال:وين حفيدي بس ؟؟..

رنا:والله اللي مصدق ..

لطيفه :يمه وش جايبه معك نص مواعين مطبخكم ..

منيره :خليها لبنيتي تتغذى ..

رنا:الله يسلمك يمه كان ماتعبتي عمرك ..

منيره:هوو مافيها لاتعب ولا شي..

طلال :وين ولدك اجل ؟؟>>يكلم ساره ..

ساره:وش يدريني علمي به معك الا ورى ماجت معكم العنود ؟؟..

طلال:مع الدفعه الثانيه وصلتها لبيتكم ودويم فيذاك مسويه حريقه ..

ساره :الله يهدي ذا البنت مدري متى بتعقل ..

طلال:لاعقلت عقلت وعد بينا ترى !!..

لطيفه:ويعترف بعد ..

رنا:ليه متى ناوي تعقل أن شاء الله ترى أخاف على مستقبل ولدي لاصار له جدٍ مثلك !..

طلال:هههههههههه لاعرست عقلت ..

منيره:بدورلك من باتسر أجل !..

طلال:لا تكفين يمه انا ببالي وحده وابيها ..

لطيفه ورنا :حركااااااااااات..

طلال مبتسم وهو يأكل شوكولاته من حقت رنا:مايمديكم اصلاً..

لطيفه :منهي اتحفنا ؟؟..

طلال :لا استحي ..

ساره:ههههههههههه الحمد الله والشكر مفروض هي اللي تستحي ..

منيره:عاد ذا تاخذين منه حق والا باطل بيصك ال27 وهو بيعرس ..

طلال:لا ناوي ذا المره ..

منيره :نشـــــوف اللي مانكره ..



جاهم سعود وبعده بشوي ريما وفيصل اللي بارك لرنا من الباب عاد رنا صديقه الطفوله على قولته ..

ووقف مع طلال وسعود بسيب الجناح يعني سواليف بس بدون مايشوفون اللي داخل لان بينهم مسافه ..

وطلال كالعاده :يالله عاد عقبالكم ..

ريما وجهها حمر وتحاول تشغل نفسها بالأشياء اللي ترتبها عشان تحط سله الحلى اللي جايبته ..

فيصل :ههههههههه أن شاء الله قريب ..

طلال:عاد ولدكم مدري وش بيطلع ..

فيصل :وش قصدك ؟؟؟..

سعود:يدق ..

طلال:ههههههه لا بس أحسه مدري بيطلع أدب وثقل على أهله يعني هههه ..

فيصل :إلا ملح وقبله والله ..

طلال:هههه عاد ولدكم وأنتوا أدرى به !

...@@ البارت التاسع والثلاثون @@...









هلا باللي فقدتــه حيييل وقلبي فيه شاغلني

.............ذبحني صدق بغيابه وفيه الشوق جنني

أحسبه ضيع دروبي ولقى غيري وبدلني

.............أثاري قلبه حنييين وبوفاه دوم يغلبني







راحوا البنات لرنا وديما ماصدقت سلمت البيت لأمها وانحاشت ..

ماطولوا عندها لأنهم جايين على وقت انتهاء الزياره طلعوا منها وراحوا يشوفون البيبي ..

طبعاً الوفد >ديما والعنود ريهام عيت تجي عندها امتحان وطلال المرافق الرسمي وسعود نائبه <

ديما:أي واحد كلهم يشبهون لبعض؟؟؟ ..

طلال:الحمد الله والشكر أكيد يشبهون لبعض موب بزران ..

سعود:هههههههه ما أطقع منها إلا أنت ..شوفيه ذاك الثالث على اليمين من الجهه هذيك !..

طلال:ما شاء الله تعرف توصف ..

ديما :ياااااربي صغينووووووون وش ذا النتفه تعالي شوفيه ؟؟..وسحبت العنود وشوي تخبط بسعود من رباشة

هالبنت سعود راح للجهه الثانيه وتركهم على راحتهم ..



طلال:يالله خلاص ..

ديما:ما تخيل أني خاله ذا ؟؟؟..وتأشر عليه ..

طلال يتأمله:ولا حتى أنا اتخيل أني جده ؟! ..

ديما:ههههههه لأنك أصلاً منتب جده !..

طلال يدفها :أمشي بس جده غضبن عنكم ..

ديما :طيب شوي شوي لاتدف ..



طلعوا من المستشفى ..



أول ما ركبوا طبعا المتحدث الرسمي ديما طلال خالها وسعود أخوها وماخذه راحتها والعنود على الصامت ..

ديما:مانبي نروح البيت الله يعافيكم ..

سعود:وش تبين أجل يا بنت فهد ؟؟..

ديما:لا أنا بنت خالد .. اي مكان عادي لو دوره في التحليه ..

طلال:هههههههههههههه عندها طموح أختك ..

ديما:شفيها انتوا معنا ناخذ قهوه ونرجع ..

طلال:قهوه بعد انتبه لها ترى البنت في مرحله مراهقه ..

ديما:خيييير وش مراهقته أنت ؟؟..

طلال :أنتي مرفوع عنك القلم عنود وين تبين نروح ؟..

ديما:الأخت على الصامت ..

طلال:عادي حوليه هزاز هههههههههه..

ديما:ههههههه حلووه يالله أنا بتكلم انتي هزي رأسك أوكــي >>وتهز راسها مثل الهنود وتضحك ههههههه..

العنود بحنق :أنطمي ! ..

ديما:ههههههههههههه أن شاء الله ..وسعود ابتسم على كلمتها ..



طلال:تبون شوري ؟؟..

ديما:افصح عن ماعندك ..

طلال:اوديكم لمحل شورما تحبها قلوبكم شــــــيء..

سعود:لييه تبينا نتسمم ؟؟؟..

طلال:بيقعد يطلع عقد الدكاتره فينا ..

سعود:عقد وجهك رح مطعم صاحي وإلا بيتنا اصرف ..

>>كل ذا السواليف وطلال يدور بهم في الشوراع ..









.................











هالاسبوع الكل منشغل برنا وطلعتها من المستشفى طلعت بعد ماتمت خمس أيام في المستشفى وولدها بيطلع بعد أسبوع أسبوعين يعني شوي بس يكملون تحاليله وكل شي لأنهم سخافون لانه في السابع بس كامل بسم الله عليه والكامل الله..

ساره جهزت لها المقلط اللي تحت عشان يستقبلون فيه الضيوف اللي بيجونها ..

ومنيره كل ماطرت عليها جتهم تسير عليهم وتتقهوى أم فيصل مرتها مع أبو فيصل يوم الصبح ودلال بالجامعه

وهي الوحيده اللي للحين ماشافت لا رنا ولا باركت لها الا بالتليفون ..

مــر الوقت سريع وما جاهم أحد غريب لأن الناس دراسه ومنشغلين شوي يالله يفضون على الاربعاء والخميس

يوم الأربعاء من نهاية الأسبوع الثاني راحت رنا الصبح وخذت ولدها وألبي يااااناااس صعنوووون تخاف تشيله يطيح ههههه

ختموا اوراقه وشهادة الميلاد وطلعوا به لبيت أهلها (بيت أبو سعود )









.................











دلال:موب على كيفكم مالي دخل والله لروح اليوم ..

ام فيصل:موب على كيفنا عسى ماشر وراه الدنيا سايبه ..

دلال:ماقلت كذا !..

بندر:الا أنا سامع موب على كيفكم والله لروح اليوم..

دلال:قل خيرا أو أصمت ..

ام فيصل:استحي على وجهك واحترمي أخوك!..

دلال:يمــــــــه ؟؟..

ام فيصل:وصمـــــــه ..



قامت دلال معصبه منهم اليوم اربعاء وتبي تروح لبيت عمها تسلم على رنا وتشوفهم وامها راحت لهم مع ابوها

واليوم معزومه عن خالتها ام عبير واكره مالها هالروحه ..



طلعت وطقت على ريما الباب..

ريما:مين ؟؟..

دلال فتحت الباب ودخلت لأنها داريه أن فيصل برى البيت ..

دلال:أنا يعني مين..

ريما:ههههههه سلمي طيب وش فيك مكشره ؟! ..

دلال:أمـــي ياختي بتجيب لي جلطه ..

ريما:دلال عيـــــب هذي أمك !..

دلال تقعد على السرير بعصبيه وتقلب ملابس ريما اللي مطلعتها تختار منها

دلال:أي عيب أنتي الثانيه ما أبي أروح لاختها غصب هوو..

ريما:أختها خالتك ترى ..

دلال:وخالتي عندها بنت تجيب المرض ماعندها إلا فيصل وفيصل ..

ريما مستغربه :فيــــــــــــصل؟؟؟....

دلال حست انها قالت شي غلط :من قال فيصل ؟؟..

ريما:انتي؟؟..

دلال:يتهيألك اقول بندر وبندر..

ريما بشك :ووش تبي ببندر؟؟..

دلال:سالفه قديمه أنسي ياختي.. بتروحين لأهلك ؟؟؟..

ريما:ايه ورى ماتروحين معي ؟؟..

دلال:ودي بس أخاف أمي تهزئني قدها كبريت اللحين وشين الحلايا عندها تحت أنا أخبر الحب والدلع لأخر العنقود

وذولي بندر وبندر لو أبوي موب فيه والله لأنحاش لشهار ..

ريما:هههههههه طيب شوي شوي تبيني أكلمها ؟!..

دلال:تهقينا ترضى ؟؟..

ريما تروح لتليفون غرفتها :نجرب ..

دقت على الصاله اللي تحت >>سنتراال <<..

بندر:الووو..

ريما:السلام عليكم ..

بندر:وعليكم السلام ..

ريما:بندر وش اخبارك؟؟..

بندر:بخير من معي ؟؟..

ريما:ريما مرت فيصل ..

بندر:أهلا أهلا ببنت العم وش علومك ؟؟..>>يمون ..

ريما:بخير خالتي عندك؟؟..

بندر:ايه دقيقه يمــه ريما تبيك ..

ام فيصل:هلا والله ..

ريما:أهليييييييين خااااالتي وش أخبارك ؟؟..

ام فيصل:يسرك حالي وأنا أمك ..

ريما:خالتي ممكن أطلبك طلب ؟!..

ام فيصل :تأمرين أمر كم ريما عندنا ..

ريما:تسلمين ممكن أخذ دلال معي اليوم بيتنا كل البنات هناك خليها توسع صدرها الله يعافيك ..

ام فيصل:هي اللي جايتك ؟؟؟..

ريما:لا والله أنا اللي ودي تروح معي ..

ام فيصل:بسلامتكم أجل..

ريما:الله يعاااافيك ياقلبي ..

ام فيصل:هههههههه الله يخليكم لي ياربي ..

ريما:آميييين ويخليك لنــا..

سكرت أم فيصل:ياحبي لذا البنت ..

بندر:سوتها بنتك ومشت اللي برأسها ..

ام فيصل:خلها توسع صدرها أنا أبيها بس تتأدب وتعرف تحكي ..

بندر:مرره تأدبت ما أمداك 5 دقايق الا راضيه ..

ام فيصل:بنيدر مالك دخل فيها أنا سكت لك عشانها فيه ..

بندر:هههههههههه وربي هالبنت لاعبه في روسكم ..





ريما:وش رأيك فيني مرة اخوو فله ؟؟؟..

دلال تضمها :ياحبــــــــــــــــــــــــــي لك يا ملــي ..

ريما:ههههههه الدنيا مصالح !..

دلال: لاوالله اني ـحبك اكثر من فصيل ..

ريما تروح تكمل شغلها :عن الغلط عاد روحي البسي ترى بيجي بعد شوي ..

دلال:من بيجي عندهم ؟؟..

ريما:توقعي اي احد هذي والده واكيد خالتي لطيفه وامي منيره ..

دلال:تصدقين فشيله اروح معك ..

ريما:اقول فارقي البسي لا بذا الاستشوار على خشتك ..

دلال:هههههههه طالعه مجرمه خيتوو..

ريما:بركات هتلر..

دلال:ههههههههههههههههه الله يقطع شرك والله لأعلم ..

ريما:سويها انتي عاد واوريك ..

دلال:لا انا اقدر بايوو بغير وأجي أتمكيج عندك ..توها طالعه إلارجعت ..

دلال:ريمووه وش البس ..

ريما:دلال بتفارقين والا شلوون ..

دلال:طيب لاتصارخين ..









................









بيت ساره وما ادراك عن بيت ساره يتدهرون هنــاك..



الشعب كله عندهم عشــــان رنا اللي طلعت وفي بيت اهلها يستقبلون الضيوف الرايح والجاي بس اليوم مافي احد الا لطيفه ومنيره وطلال ..

طلال شايل عزيز ولد رنا>>استقروا على عبد العزيز لانه اسم ابو زيد ومو حلوه يسمون خالد على ابوها وابوه حي وزيد

اول ولد ولد له ..

طلال:يشبه لي وإلا ؟؟..

رنا:لا والله ولدي أحلى ..

طلال:والله ان طلع يشبه لي ماعليه خلاف ..

سعود قاعد معهم لان العنود فوق مع ديما ..

منيره :ايه والله ملح وقبله وليدي..

لطيفه :ومن يشهد للعروسه ؟؟..

طلال خذا علبه جنبه :أنا عرووووسه ؟؟..ويهدد لطيفه ..

رنا:هيييييييييه ولدي وجع مصعته ..

طلال يذبه عليها :خذي ازعجتنا بذا الولد ولدي وولدي هااااك ..

رنا:حرااااااام عليك أحد يذب ذا الزين ..

طلال:سعيد صب لي قهوه ..

سعود:تكلمني ..

طلال:لا الطاوله اللي جنبك..

سعود يمد له الدله :خذ الله لايهينك..

طلال:والله معد يستحوون ..

سعود:ايه والله..

ساره:اللحين ورى ماتروحون مجلس الرجال تخلون البنيات يجون فيذا ..

طلال:اي بنيات الله يهديك أنا محــــرم لهم كلهم ..

منيره:هو مافيها شي مابه الا العنود تجي وتقعد من تستحي منه مافيه الا سعود وولد عمتها ..

ساره:ساره حبيبتي >بنت لطيفه <روحي نادي ديما وعنود خليهم يجون يتقهون قولي ماما ساره تقول ..

ساره الصغيره :تيب ..>طيب..

نط راكان :لاااااا لاتروحين بيتنا ماما أنا بروح ..

ساره:يالله طس نادهم ..

رجعت ساره بنت لطيفه تصيح لـن راكان دفها وراح ركض يعني سبقها >>ههههههه تفكير بزران ..

لطيفه تشيل بنتها :والله ولدك ذا عومه مدري شفيه على بنيتي ؟؟..

منيره:موب ما خذ إلا هي اغلى لها ..

لطيفه عاد ماتحب هالسواليف فلان لفلانه ومدري ايش اكره شي عندها لانها متعقده منه من ولد عمها فعشان كذا تطبق

هالشي على عيالها

لطيفه :بنتــــي موب لحد اللي كاتبه لها ربي بتأخذه ..

رنا:اي والله بس انا بخطب بنت ريما اضمن مستقبل ولدي ..

طلال:خوش والله ايه والله وبخطب بنت ريما خلها تحمل أول !..

منيره:بتحمل وورى ماتحمل فال الله ولا فالك ..

طلال:عاد أنـا قايل شي ..

منيره:أهاااا بس ..









...................





:سكـــــــري..

مها:ما ابي اسكر سكر انت !..

تركي:موب انتي اللي زعلانه خلاص سكري ..

مها:ما ابي !..

تركي:وانا ما ابي !..

مها:أحســــــن !!!..

تركي انفجر من الضحك يموت عليها وعلى عنادها مها العقل والثقل إذا جت معه تنقلب لطفله صغيره تنهبل في شي

اسمه عناد تركي وهو يحب هالحركه فيها موب توها يوم تزوجته لا من يومهم صغار وهي تدري عن حب تركي لها

الا الكل يدري وهي تطنش ولا معطيه للسالفه بال مع انها تموت على ترابه بس هالشي بينهم وهم يصلحون ..

مها:خير ان شاء الله قايله نكته ؟؟؟..

تركي:انتي احلى نكته شفتها في حياتي ..

مها:أحلف بس ؟؟؟..

تركي:ههههههه والله العظيم ..

عصبت وسكرت السماعه في وجهه ويالله بدى طقاق من جديد ..

بعد ما هدى من موجه الضحك اللي انتابته وامه تتحمد عليه أرسل لها مسج !...





" لو تبي عيني حشا ماقلـت لكـن

تحت امرك يالغضي هذي وذي !!

والله انك داخـل الخفـاق ساكـن

من عرفتك وانت عندي كل شي !!

كل ماغنى ابـو نـوره الاماكـن

انت والله بس من يطري علـي !! "



سفهته ربع ساعه ,,

ورجع يرسل ..



اشوف الناس في عيوني ومن بدهم اشوفك غير..

واحس مثلك في ها الدنيا ابد مايصير ..

في عينك سحر ياخذني ويخليني معك اسير..

واحس عمري وقف عندك وايامي وراك اتسير..

أحبـــــــك ..



مها خلاص ماتقدر لو تقعد تقرى رسايله اللي ميب موقفه هي اللي بتدق عليه فاتصلت على رنا تمرر وقتها

وتحدد يوم عشان تجيها ..



مها:اهليييييين وسهليييييييين على الحلوييييييييين..

رنا:هههه هلا وغلا النفسيه أوكي اليوم ..

مها:آآآآه بس..

رنا:هههههههههه وراها مصيبه هالآآآآآآه ..

مها:هههههههههه مدري شلون تقرين أفكاري ؟؟ ..

رنا:صديقه ببلاش ..

مها:وش ذا الصجه عندكم ؟؟..

رنا:ابد انا واهلي بس تعرفين عاد السواليف كنها طقاق الحمد الله والشكر ..

مها:هههههههه ياحبي لكم ..

رنا:ماقلتي لي وشفيك؟؟..

مها:أحبــــــه ..

رنا:ههههههههه من قلب ..بس موب شيء جديد ..

مها تلعب بشعرها :عارفه بس اتطاقيت معه تو..

رنا:أبعرف أنتوا متى رضيتوا ؟؟؟..

مها:هههههه ولا يوم أخاف نتطاق في الكوشه بس هههه..

رنا:هههههههههههههه اتخيل شكلكم زواج اسطوري صراحه ..

مها:هههه انطمي عجبتك السالفه ..

رنا:متى بتجيني ؟؟..

مها:بجي انا ونجلاء بس يبيلي الهديه السنعه لعزوز عاد وحددي لنا يوم ..

رنا:ماله داعي تكلفين على عمرك جيتك تكفي ..

مها:الله يسلمك بس حق وواجب ..

رنا:وش اخبار نجلاء ؟؟..

مها:تزقح صايره بزنز وومن هالايام من محل لمحل هي وحمود وابوي مستانس وامي مشتطه ..

رنا:ههههههه الله يعينكم شفيه تليفونك يقطع ؟؟..

مها:عندي انتظار ..

رنا:روحي أجل لعريس الغفله !..

مها:الله يصبرني ! ..

رنا بجديه :مها اثقلي شوي خلي عنك عناد البزران وربي موب نافعك وانتي تحبينه وتموتين عليه ترى بيمل ويخليك ..

مها:ههههههه لا أجل ماعرفتيه بعدين ما اقدر اتحكم بمشاعري معه هو ينرفزني من نبره صوته شلون تبيني اثقل اذا ماتطاقيت معه بخق ..

رنا:هههههههههه الحمد الله والشكر والله أنكم نكته ..

مها:تخيلي يقولي أنتي أحلى نكته شفتها في حياتي سكرت بوجهه السماعه ..

رنا:ههههههه ماكذب..

مها:اقول روحي قابلي اهلك اصرف وسلمي عليهم كلهم فرداً فرداً وبزورك قريب انا ونجول ..

رنا:الله يحييكم يالله فمان الله وشوي شوي على بعلك خيتو ..

مها:ههههههه ماعليك منه في الحفظ والصون ..



سكرت منها ..

رنا:تسلم عليكم جميعـــاً..

لطيفه :مين مها ؟؟..

رنا:ايه ههههههه الخبله ..

لطيفه:متى عرسها ؟؟

رنا:مدري والله اخر هالشهر اتوقع عساني احضره بس..

ساره:وش اخبارها عساها متوفقه ؟؟..

رنا:ههههه صك وتسنيد الله يسهل عليهم ياربي ..

...:آميييين ..

ساره:الباب يرن قم يا راكان افتح ..

لطيفه :لي كثروا دبروا خلي خدوج تفتح >>الشغاله ..

فتحت الباب ..ودخلت ريما ودلال ..

>>وطلال وسعود للحين متسمرين ويتعبثون بجوالاتهم ..



ريما :سلاااااااااام ..

دلال استحت تدخل يوم شافتهم ..

ريما :ترى فيصل برى ..

دلال طلعت فوق من قبل لاتقولهم ريما يقومون لأن فيصل برى ..



طلال وسعود قاموا سلموا على ريما وطلعوا سعود طلع لفيصل برى بس طلال ما طاوعه قلبه مايلتفت التفت

وودلال تطلع الدرج >طبعاً مافتشت ولافصخت عبايتها ..



ديما يوم درت عن دلال جت طايره وطلت من الدرج ..

شافت طليل مفهي وصرخت :هيييييييييييييييييه طلووووووووول ووجع ..

دلال بغت تخبط يوم سمعتها تصارخ بس ما التفتت ..

طلال:ووجعييييييين أن شاء الله ..

ديما :الباب مناك ..

طلال يتوعد فيها وتوه بيطلع وخبط في الباب ديما غشت من الضحك وهو يحك جبهته هههههههههه..

دلال مامسكت نفسها ولفت نص لفه وهي تضحك على ضحك ديما وهي قد وصلت الدور الثاني يعني مايشوفها تطالعه

يشوف ديما اللي ميته ضحك على الدرابزين حق الدرج ..

طلال:ضحكتي بلا ضروس قولي آميييييين يالدبا يالشينه يالخااااايسه هيييييييييين شغلك عندي ياشينه الحلايا ..

ديما:ههههههههههههههههههههه آآآآآآه بطنــــي يا ربي ههههههههههههههههههه ..طلعت العنود من ضحكها ..

العنود تضحك على شكلها :وش فيكم ؟؟..وشافت دلال توا بتناديها اشرت لها دلال تسكت وسكتت

العنود:خييير ان شاء الله ؟؟..

ديما:ههههههههههههههههه عمك ههههههههههههههههه آآآه بطني ههههههههههههههه

فاتك نص عمرك ههههههههههههه خبط خبطه هههههههههههه آآه يحبها قلبك ..

طلال يدور شي يذبه عليها مالقى شي لو خذى تحفه ولا زينه كسرتها ساره على رأسه ..اخر شي صرخ ..

طلال:انطــــــــــــــــــــمي !!!..

ريما طلعت:خير وش عندكم ؟؟.. ماطلعت لفيصل ؟! ..

طلال :وأنتي ماهمك إلا فيصل بطلع اللحين ..بنات أخت يجيبون السكر والضغط ..طلع وصقع بالباب ..

ريما:هههههههههه شفيه شكله شي قوي ؟؟؟..

ديما للحين تضحك :ههههههه فاتك خبط بالباب هههههههههخ..

دلال تفصخ عبايتها :يالله سلموا علي ..

العنود:هههههههه احلفي بس تو اسكتوا واللحين سلموا علي ..

دلال:هههههههه وش أسوي متحمسه على المسرحيه ..

ديما بعد ماوقفت وبدت تهدي:هههههه مسرحيه هين والله لأفتن..

دلال:أكبر همي فتني حبيبتي عادي ..

سلمت عليهم ونزلت لريما لأنها تناديها تتقهوى وتبي تشوف رنا والبيبي متحمسه لهم ومنيره تناديها

>>طلبيه خااااصه عاد ..









....................













نجلاء :خلاص تعبت ..

حمد:اوديك المستشفى ؟؟..

نجلاء:لا مايحتاج بس عشان السياره والدوره وانا الله بالخير ..

حمد:ههههههه وش ذي بعد الله بالخير ..

نجلاء:هههههههههه لاتدقق وينهم غريبه البيت فاضي ..

حمد :مدري عنهم ؟؟..

نجلاء دقت على المطبخ تبي عصير برتقال فرش :تبي معي عصير ؟؟..

حمد:ايه جيبي ..

نجلاء:ميري جيبي 2 عصير برتقال بالصاله اللي تحت >>لاتحسبون أني العب عليكم كل شوي جايبه أسم لا والله هم شغالاتهم وش كثرهم عشان كذا أشكل بس !..

سكرت ودقت على غرفة مهــا ..

نجلاء:مهاااا ..

مها ترفع السماعه:اهلين وينك سحيله معد تقرين بالبيت ؟؟..

نجلاء:هههههه حرام عليك إنا تحت هزي طولك وانزلي يالله ..

مها:ليه رائصني ياقدع خخخخخخ

نجلاء:اأتي من اعرستي وانتي ولو هههههه

مها:يالله عاد ماتنعطين وجه يالله بنزل وبنسى جوالي فوق لاتذكريني أوكي..

نجلاء:ههههههههههههههههه الحمد الله والشكر

مها:بايوو ..

نجلاء:لحظه ..تبين عصير معانا ..

مها:ايه يالله بنزل وسكرت بوجهها ونزلت وبالفعل نست جوالها فوق او تناسته الخبله ..









...................









دلال:يااااناس وش ذا الزين ماشاء الله تبارك الله رنوو وين جايبينه منه اعترفي وصغنووون ؟؟؟..

رنا:ههههههه وين جايبته منه أنتي ووجهك هذا من عرق جبيني ..

دلال:هههههههههه حلووه عرق جبيني ..

ديما:دلوول خذي قهوه ..

دلال:لا ما ابي اصبري شوي معي عزوز..

منيره:عطيه امه وتعالي تقهوي..

ديما بغمزه:يالله اشتغل محامي الدفاع ..

منيره:قومي شيلي ولد اختس عن البنت خلها تقهوى ..

ديما:تعطيه امه وش دخلني انا ..

رنا:عطيني اياه يابعدي تسبدي ..واخذته وقامت تكلمه ..مايبونك الله أبوهم خلك عند ماما وش تبي بهم كلهم وعييين ..

لطيفه :تخربه من اللحين ..

رنا:خله يتعلم الدنيا ما تمي لاحد ..

منيره:بعدي بنيتي ..

جت دلال ومالقت لها مكان بالدائره اللي يتقهون فيها قربت لها منيره وهي تناديها :تعالي جنبي وأنا أمك ..

دلال استحت منها وراحت قعدت جنبها وريما وديما يضحكون على شكلها أدبــ..

ساره:ورى ماجت معك الوالده يا دلال ؟؟..

دلال:معزومه عن خالتي حصه وماقدرت ..

ديما:فاااااااااااتكم قصه بنت عندنا بالجامعه مت عليها من الضحك ههههه

لطيفه:لييه خييير ؟؟..

ديما:تقول أنهم رايحين لملاهي وتقول من فرشنا زوليتنا وقعدنا وحرمه عينها على لدرجه اني استحيت قلت اكيد بتخطبني ..

لطيفه تحمست:وبعدين..

ديما:تقول يوم جا الليل جت لامي وانا قاعده وقالت لامي لو سمحتي ممكن اسأل سؤال وهي تناظرني ..

تقول انا ما تشوفوني من الحياء خلاص بتخطبني ياربي وأمسك في اصابعي وحالتي حاله من الحياء وعرقي يصبصب

تقول في الاخير وش قالت ههههههههههه

لطيفه:اخلصي وش قالت ؟؟..

ديما:قالت لو سمحتي أختي أختك وين صابغه شعرها فييييه ؟؟ هههههههههههههههههههه

لطيفه:ههههههههههههههه انصدمت ياقلبي ..

ديما:تقول كن أحد معطيني كف على وجهي ههههههه..

لطيفه :هههههههه ياحليلها ..

ساره:خذت حساناتكم اللحين وهي قاعده ..

ديما:لاعادي هي قايله لنا وأنا أستاذنتها أنقل القصه قالت حلالك !..

ساره:حتى الحش صار فيه استئذان لاحول ولاقوه الا بالله ..

ديما:يمـــه شفيك أموون عليها وبعدين هي تقص لنا القصه وعادي النقل ..

دلال:متزاينه نفسها يوم تقصها ..

منيره:وراها شينه ؟؟..

دلال تفشلت يوم زل لسانها:لا خالتي بس يعني ماله داعي تشهر بنفسها أنها تبي العرس الله يستر علينا ..

البنات ضحكوا على كلامها ..

منيره:وش تضحكون عليه بعدي بنيتي هذا الرأي السنع تستر على نفسها يالله صلاح العطا بس..

دلال من الخيل يا شقرا:ايه والله صادقه خالتي ..





مر الوقت سريع جلسه حلوه وأرواح أحلــــــى الكل يحب الثاني وقلبه عليه مافيها لاحقد ولاضغينه

لدرجة أن الوقت يمشي ما حسوا فيه وياحلوا هالجلسات ويا قربها للقلب تستنى جمعتهم وأهلها ..

والبنات جلستهم أحلى وأحلى مع أنهم ما انفصلوا عن الحريم ولا شي بالعكس السواليف بين الكل ..

وعنود اللي تسرح بين الدقيقه والثانيه وهي تشوف عمتها ساره وشلون تعاملها ويجي سعود ببالها شلون بترفضه بتحس

أنها غلطت بحق الكل خواته اللي استقبلوها احسن استقبال وماعدوها الا وحده منهم جدتها وعمها اللي رسموا عليها

كل الامال بس مع كل هذا ماترضى انها تنباع وبرخيص من ان الطلب غالي وماتبي ترد احد تحس انها بدوامه قبل لايصير

شي والسالفه كلام في كلام وياخوفها يصير فعل ومافي الا الهروب ..



>>كل هذا ماغاب عن عين ريما اللي ملاحظه اللي فيها بس تبيها هي اللي تجي وتحكي عنه ماتبي تجبرها

على شي هي ماتبيه ..



الكل راح للعشا وأول من طلع دلال وريما كانوا واقفين عند المغاسل يغسلون وطول الوقت سواليف ..

ريما:ههههههههه ماقلت لك ؟؟..

دلال:ريمووه لاتعشميني في شي أصلًا أنا أحس أني سخيفه يوم فكرة هالتفكير وأبي أنسى السالفه !..

ريما:بس هو يبيك !..

دلال جتها أم الركب ويدينها تنافض:انطمي طيب..

ريما:هههههه وش فيك ؟؟؟..

دلال:خلاااااااص ما ابي افكر خلااااص بغيت أموت اليوم يوم دريت انه يطالعني ولا يخبط بالباب علشاني ما أقدر أنا ..

ريما:هههههههههه دلوول لو يخطبك توافقين ..

دلال:بستخير؟! ..

ريما:انطمي بس ..

دلال:اندري عنك أكيد بستحي وبقول الشور شوركم هههههه

ريما:ههههههه خبله بس مبرووووك أجل ..

دلال مستغربه :على وشوو؟؟..

ريما:أنا ما اعدك الا اختي ولو شايفه أنه موب باغيك ماكلمتك بالموضوع حتى كنت أنا اللي بهزئك وبعلم فيصل بعد

بس والله امي منيره ودها فيك من زمان وانتي تشوفين شلوون تعاملها معك عندنا لا احد يتكلم بدلال دلال العقل والثقل ..

دلال:احم احم..

ريما:هههه خليني أكمل وحتى خالي تحسبينه يعرف يخبي شي كذاااب أصلاً واضح من كلامه واسلوبه وكل شي

واخرها أمس..

دلال:وش قال؟؟..

ريما:تلمح له أمي منيره عن العرس وما أدري ايش يقول أنا فيه وحده في بالي وبجيك أقول أبيها ..

كتم وجه دلال:منهــــي ما سألتوه؟؟..

ريما:سألته خالتي لطيفه يقول يستحي هههههه

دلال:شفتي عشان كذا اقول ما ابي اعشم نفسي باحد ريما في باله وحده ياااااويل حالي ..

ديما:حشـــــــــى كل ذا تغسيل اعترفوا من تحشون فيه ؟؟؟؟..

ريما تهمس لدلال:بنتفاهم بالبيت ..

ديما:حلوو حلووو تاخذونها وبعد أسرار وين زمان ديما راح يا قلبي عليك ياديما ..

ريما تبوسها على خدها:أنتي رأس الماااال ههههههههه

ديما:خفي بي بكلمتين ؟! ..

ريما تسحبها ويمشون مع بعض للمجلس :أفا ياذا العلم ..



ومـــر سريع على الكل..

لطيفه ظفت عيالها وراحت بيتها وفيصل مر ريما ودلال وراحوا اخر الناس

وطلال اخذ امه والعنود وعلى بيتهم وديما تحاول في العنود تنام عندهم بس العنود

معنده تقول عندي بحث وهي كذااابه ماتبي تحتك في عمتها وسعود من قريب ..

...@@ الجـــزء الاربعون @@...









ياللـــي نسيتـــونا رحتــوا وبعتــونا

............بأسم الهوا اللي كان صرتوا تسمونا









بطمر بكم طمــره قووويه أربطوووا الأحـــزمــه !!!>>مطبــه هوائيه ههههههه>>









صحيــح أن الزمــان قادر يفرق لمة احبــاب

.........................لكنه عجــز يموت محبتك فينــــي !



7

7

7

7

7

7







مــــر شهر على ذاك اليوم والأحوال كلها على مايرام ..

مها مابقى على زواجها الا اسبوعين ومتوتره مرره طبعاً بيكون الزواج عائلي بس بياخذها وبتسافر شهر العسل

اللي بيكون شهر كامل وماتدري وين بتروح كلها من خطط تركي والله يستر منها ..



بندر >مبروووووووووووووووووووووووووووووووووووووووك تخرج يابعد حيي وأخييييييييراً فرحان مرره

والكل فرحان له أبوه مسوي له عشاء بهالمناسبه وماخلى أحد ماعزمه غير العزيمه الخاصه باصدقاه وعلى حسابه بعد

>>هههههههه ماصدق المسيكين ..



رنا خلاص على وشك تطلع من النفاس وتتقضى هالأيام مشغووله وشاغله معها ديما اللي ساحبتها معها لكل مكان وسوق وزيد ينتظر زوجته وولده القادم بقووه ..



طلال يفكر جدياً ينفذ اللي بباله لانه فعلاً وده به ومايدري متى الوقت المناسب اللي يكلم امه فيه ووده يكلم ريما أول عشان

يتطمن وبعدين يتكلم رسمي ..



فيصل وريما حياتهم من أحلــــى لأحلـــى أوكي متفاهمين وريما تفهم عليه بدون مايتكلم حتى وهالشي يجنن فيصل عليها

خلاص مايبيها تصرح بشيء له يكفي كل اللي تسويه علشانه وحرصها على راحته والدخان في صدد تركه نهائياً..



دلال في عالمهــا وأحلامها الورديه وحبها العذري اللي مابعد انولد والله يوفقها ويحقق لها كل اللي تبيه ..



العنود من دوامه لدوامه خصوصاً بعد مكالمة امها الاخيره لها وعتبها عليها انها ماعد تجي ولاتسلم ولا حتى تزورها

وتفكر تمشي الخبر فاي لحظه وتخلي كل شي وراها يمكن حتى ترتاح من تفكيرها ..



وساره تحاول انها تتكلم في موضوع سعود والعنود رسمي والشيء بيصير قريب ..









...................









بندر:بهالمناسبه وتحقيق حلمي الاول والاخير عااااااااازمكم كلكم على اي مطعم تبوووووووون ؟؟..

دلال:ياحــــــــــــــــــــــــــــــبي لك تصدق كنت بعزمك بس يوم جت منك الله يعافيك ..

بندر:لا عااادي اعزميني اليوم وانا بعدين..

فيصل:هههههههههههه هون بعزمكم انا ولاتتطاقون ..

بندر:بعــــــدي أخوي ..

فيصل:الدنيا مصالح بس بشرط اذا وافقت ريما والمطعم اللي تبيه هــي ؟!..

ريما كانت جالسه جنب فيصل معهم بس متغطيه بجلال عشان بندر معهم ومافيه الاهي وفيصل ودلال وام فيصل وابو فيصل

نايمين بدري مع ان الساعه 10 بس نام بكير أصحى بكير شوف الصحه شو بتصير >>هههه أمثاال..

ريما بهدوء:بكيفكم أنـا عادي ..

فيصل:لا موب عادي منيب متحرك إلا برأيك ؟؟ ..

دلال:يالله عاد لاتقعدين تتدلعين علينا !..

فيصل:خلها تتدلع أنتي وش دخلك ..

دلال:لنا الله والله متى أعرس بس وأفتك ..

بندر يقلب في التلفزيون :حنا والله اللي بنفتك ..

دلال:همن دق علي قل >>وتقلد صوته <<دلال وينك من زمان ماجيتينا فقدناكم والله؟؟؟..

بندر:أن دقيت صكي السماعه في وجهي..

دلال:والا بشاورك عاااد ..

فيصل:لا نطلع عن موضوعنا الريم وين تبينا نروح؟؟..

ريما لفيصل اللي جنبها :والله عادي بكيفك اللي تبيه ابيه !..

فيصل :لا اللي أنتي تبين ؟!..

دلال:ياللللللللله بتقعد تتغلى ..

فيصل رفع طرف جلال ريما ودخل تحته وغطى عليهم ..

ودلال مفتحه عيونها وبندر يضحك عليها ..

فيصل:يالله عااد ..

ريما وجهها أحمر :طيب أطلع فشيـــــــــله أخوانك فيه ؟؟؟..

فيصل يتسند على الكنب >مطول الأخ <:وش فيها مرتي يالله وش مشتهيه؟؟ ..

ريما:بليييز فيصل أطلع وأقولك ..

فيصل:وش فيييك عادي ما أبي أطلع مستانس كذا !..

ريما تحاول تسحب طرف الجلال وهو ماسكه بيده ..

دلال:مطــــــــوليـــــن ؟؟؟؟..

فيصل:هههه ألعن أم اللقافه ..

ريما :لاااااا تلعن !

دلال :ورانا عشا يا أبو الشباب ..

فيصل:إذا أختارت طلعت ؟!..ويبتسم ..إن شاء الله مانيب لاعن ..

ريما خلاص وجهها احترق من جد لو دلال عادي بس بندر بعد فيه ..

ريما:خلاص المطعم اللي رحنا له ذيك المره بس أطلع ..

فيصل مستانس عليها :أي واحـــد ؟؟؟؟....

ريما بترجي :فيــــــــــــــصـــل ..

فيصل:ههههههه عيونه يالله باي وأرسل لها بوسه وطلع ..

فيصل:هاااااااااي

دلال:أحلف بس ..

فيصل:والله العظيم خلاص قررنا تبون اليوم والا بكره ؟؟..

دلال:اليوم وش بكره بعد أنت ..

فيصل:يالله أجل قوموا ..

بندر :هيااا إلى المناهل هيااا إلى الحياه ..............

دلال:الحمد الله والشكر يكبر وينهبل..

بندر يبي يمسكها بس كانت أسرع منه وطارت فوق تجيب عبايتها وهي تضحك عليه ..

طلعت ريما وراها وهي تضحك عليها !







.................







بعد ما حس أنه من دونها ولاشي ارسل لها ..







من قال لك ان الكـــتاب خير جليس

انعميت عيوني وبالي حيل محتــاس



لايبادل المشاعر ولا يبادل الاحاسيس

مغير اقلب صفحاته واعد انا القرطاس



وين اللي طلته تطرد عنك الهواجيس

هنــــــوف ما تنوزن بالذهب والألماس



كنت ما ابالي لاغــابت يوم الخميس

واليوم لها اسابيع وحالي انا منحاس



ثيابي مجدعه في كل غرفة كيس

والدار يتعب علــى تنظيفهـا كناس



أكلي أصبح تقل برنـــامج تخسيس

وجبه باليوم اكلها والكيف منحــاس



غرتني ذيك الأيام يوم أنا عريــس

ماحسبا لأربعين يوم يسمونها نفاس



يقول المثل تعزب دهر وجنب ابليس

ولاتتعزب شهر ويشيب فيك الراس



اسهر لحالي بالدار لاحس ولا ونيس

والنوم جافيني من كثرة الهوجاس



وجـــدي أنا عليها مثل وجد قرينيس

للصـــاحب اللي خوته صعب تنقاس



أو وجد من كساه الدهر كاس خسيس

وجد راشد العبدالله في غيبة دبـــاس



من قال لك إن الكتاب خير جليييس

والله ما يطرب الرأس غير شم الانفاس





والعبره خانقتها:يااااابعد قلبي ياااارجيلي هئ

ديما:ههههههه ملتاااااااااع من قلب ..

رنا :ماتوقعتها منه !

ديما:هههههه خير بتصيح عاااادي قوي قلبك مع ديوومووو هههه

رنا تقاوم دموعها :ياحبي له ياجعلي ما أخلى منه هئ

ديما:لا تصيحين ياختي دقي عليه وفكينا ..

رنا :أدق وش أقول ؟؟؟؟؟؟..

ديما:أنا أدري عنك أنا اللي معرسه وإلا أنتي !

رنا:عادي أروح بيتي بكره ..

ديما:أقول انثبري وكملي النفاس خقت الأخت ..

رنا:ههههههه أنطمي بس ..















.............................

















وفي مكان اخر العنود قررت تفاتح طلال بالموضوع ..



طلال :الشرقـــــــــــــــــــــّيه ؟؟؟..

العنود:ايه ابي ازور أمي من زمان عنهم ..

طلال:طيب عادي بس في أحد مضايقك مكدر عليك العنود أنتي موب على بعضك موب العنود اللي نعرفها ؟؟..

العنود تحبس دمعتها :لا والله كلهم يبون راحتي بس أنا ابي أروح لأمي ..

طلال:زيــاره يعني ؟؟؟..

العنود :تقدر تقول بس الله يخليك لاتقول لامي منيره شيء..

طلال :ليه طيب ؟؟..

العنود:ما ابي شيء يأثر علي ..

طلال:عنـــود وش فيك ؟؟..

العنود بصوت مخنوق :مافيني شي بس ودي أروح !..

طلال:طيب لاتصيحين هالأسبوع وأنتي عند أمك وش تبين بعد؟؟ ..

العنود: سلامتك ..





طلعت من عنده ودق على ريما من هنا ..



ريما كانت مع فيصل ودلال وبندر في المطعم يتعشون بندر ودلال بطاوله وريما وفيصل بطاوله

وفيصل رايح يطلب لهم العشا >للطاولتين <

ريما:هلا والله ..

طلال:أهلييين أزعجتك ؟؟..

ريما:هوو أزعاجك راحه وش أخبارك بس ؟؟..

طلال:بخير وينك فيه سحيله عندك أزعاج ؟؟؟..

ريما:هههههه سحيله في عينك طالعه مع الأهل ..

طلال:هههههههه ياعيني على الأهل ..

ريما:ههههههه أخــــــلص ..

طلال:ههههه والله معد تستحي أعرست وخربت ..

ريما:هههههه حــــرام عليك ..

طلال :يالله بس ..الريم أبيك في موضوع ضروري ؟!>>حسته يتكلم جدي ..

ريما:هلا أمـــر؟؟..

طلال:مايصلح بالتليفون وموضوعين بعد موب موضوع هههههههه..

ريما:هههه الله يحييك طيب تعال لي البيت ؟! ..

طلال :أحسن شي فاضيه بكره ؟؟..

ريما:بكره؟؟.. بكره ؟؟..ايه ماعندي شيء الله يحييك ..

طلال:خلاص أجل بعد المغرب زين ..

ريما:لا بعد المغرب فيصل توه جاي وبيتغدى صعبه ..

طلال:ههههه ياحظ ذا الفيصل خلاص بعد العشا ..

ريما:ههههههه أجل أهم ماعلي رجلي ..

طلال:ياويلي خربت البنت صدق ..

ريما:هههههههه ترى عندك مصلحه !..

طلال:سوري بنت خيتووو..

ريما:هههههههه ايه خلك كذا وخلاص استناك بعد العشا..

طلال:يالله أجل ما أطول عليك وسلمي على الأهل هههههههه

ريما:هههههه يبلغ سلم على امي منيره وعنود ..

طلال:يبلغ ان شاء الله يالله فمان الله ..



سكرت على دخلة فيصل :طلال؟؟..

ريما بابتسامه:ايه يسلم عليك ..

فيصل:الله يسلمه ..مرتاحه ؟؟..

ريما:أكيد بكون مرتاحه إذا معك ..

فيصل:يابعد عمري بس ..

ريما:هههه قصر صوتك طيب..

فيصل يتنهد:طيــــــب..







..............





نوره >ام تركي <:أنتي لييش خايفه ؟؟؟..

مها:عمتي مدري وين بيوديني أكيييد بخاف ومعيي يقول لي !..>>قسم بالله ذا الاثنين كنهم بزران ! آآه الله يصبر قلب سما عليهم بس<<

نوره:الحمد الله والشكر بيخطفك هو شهر عسل وراجعه ..

مها:ما ادري ما ابي ..

نوره:طيب ورى ماتكلمينه وتسألينه ؟؟..

مها:ماقصرت بس يقعد يضحك علي ..>>كانت مها تتكلم وهي تحاول تخفي دموعها عن عمتها اللي زايرتهم في بيتهم ..

نوره:مهـــا منتيب صاحيه ليش الدموع طيب ؟!..

مها تمسح دموعها:مدري أحس أني بزر بس والله خايفه !..

نوره تمسك يدها:مها حبيبتي أنتي بايدي أمينه ترى وتركي يحبك ومستحيل يضايقك بشيء..

مها :داريه ..يووه نسيت ماتقهويتي عمتي وش تبين شاهي والا نعناع ؟؟..

نوره :ههههه ما ابي شي انا بروح اللحين سواقكم برى ؟؟..

مها :ايه تبيني اكلمه ؟!..

نوره تقوم تلبس عبايتها :ايه كلميه ابي اروح وسلميني على أمك ودي أشوفها بس ماتقر أبد أماني سلمت على أخوي

بسلامتها ..

مها:هههههه طيب دقيقه ..



نوره طلعت ومن ركبت السياره دقت على تركي ومسكته تهزئ..

نوره:أنت ماتستحي على وجهك البنت خايفه وتزيدها بثقالة دمك بدال ما تطمنها اللحين توترها هذا الوقت اللي

هي محتاجتك فيه ..

تركي:هههههه شوي شوي مام ! ..

نوره:مام بعينك دق عليها اللحين وعلمها وين بتروحون شهر العسل مدري البصل البنت شوي وتصيح وهي تكلمني ..

تركي:ههههههه معصبه أم ترووك هدي يا أم الشباب !..

نوره:تــــــركي..

تركي:خلاص والله بدق عليها بنت أخوك صايره دلوووعه ؟! ..

نوره:والله أنت تدري عنها من زمان موب توك تعرفها ..

تركي:وهذا اللي مجنني ..

نوره:يالله فارق بس ..

تركي:ههههههه تأمرين طال عمرك ..



سكر من أمه ودق عل مهاااوي ..

مها شافت رقمه وابتسمت طلعت في الحديقه وردت ..

مها:هــلا ..

تركي :هلاومليوووون غلا ..

مها:أهليييين ..

تركي:وش أخبارك اليوم ؟؟..

مها:بخير ..

مسوي كنه مايدري :ماطلعت أمي من عندكم ؟؟..

مها:لا طلعت من شوي وينك أنت ؟؟..

تركي :في أرض الله الواسعه يقولون زعلانه ؟!..

مها:أنـــــا ..من اللي يقوله ؟؟؟؟..

تركي:العصفوره قالت لي !..

مها:خلها تصحح معلوماتها بالعكس أنا مستانسه اليوم مرره ..

تركي :طيب ماتبين تعرفين وين بنروح شهر عسلنا ههههههههه ؟؟

مها بعصبيه :شهر بصل إن شاء الله موب لازم إذا كنت داق تستهبل يالله مع السلامه ..

تركي:هههههههههههه بدايه مطمنه لمستقبل مشرق معك ..

مها بتعب :تركـي خـلااااص ..

تركي:من عيوني بس والله جد ماتبينــ.....

قطعته :سكر السالفه وإلا بسكر ..

تركي:أنتي وينك فيه ؟؟..

مها :في بيتنا ..

تركي:داري بس وين بالضبط ؟؟..

مها:برى بالحديقه ليييه؟؟..



تركي كان واقف عن باب بيت خاله ويأشر لعامل البوابه يفتح له باب الكراجات ..



تركي:أبد اسأل موب كنه برد عليك ؟؟..

مها:تركي صاحي أنت اي برد ؟؟ االجوو حلوو ..

تركي :هههه والله أجوائنا متقلبه..

مها:لا الجو حلوووو واللحين الليل يعني شيء أنت وينك ؟..

تركي:في غرفتي !>>الله من النصب ..

بدى يدور في حديقه خاله الخلفيه يدورها بس مايدري وين غاطسه فيه تذكر الكراسي اللي في الجهه الثانيه عند المسبح

وراح ..

مها:غريبه وش عندك في البيت ؟؟..

تركي :استرخي ..

مها:ههههههه أحلف بس ..

تركي يبتسم وهو يشوف شكلها جد كنها طفله بجامه زهر ورصاصي ورسمة دبدوب على البلوزه وشعرها مرفوع ذيل

حصان وتلعب فيه كالعاده اذا كانت تكلم أحد كانت قاعده على الكرسي ورافعه رجولها ومسنده رأسها على ركبها وتكلمه ..

تركي :محــــلوه ؟؟..

مها مستغربه وش دخل الكلمه :عيونك الحلوه !وش فيك كنك تتكلم في غضاره ؟؟>>الباديه الحديد >الزبديه يعني..

تركي مسك ضحكته على كلمتها :هه حتى أنتي ؟؟..

مها:أنا وشوو تركي وش فيك ؟؟..

تركي:مافيني شي بس التفتي وراك !..

التفتت مها بسرعه وشهقت يوم شافته ونزلت يدها من أذنها بشكل بطئ شكلها يضحك مصدومه من وجوده هنـــا

تركي يقرب منها:ههههههههه وش فيك ؟؟؟..

مها تناظرشكلها و لبسها بعدين رفعت رأسها :وشلوون دخلت ؟؟..

تركي :من الباب من وين يعني ؟!..جر كرسي من جنبها وجلس >>يمــون الأخ ..

مها تعدل جلستها ووجهها أحــــمر ومرتبكه جد ما توقعت يكون هنا اللحين وهي بهالحاله !..

تركي يطالعها :وش فيك مستحيه أروح؟؟..

مها:هااااا لا بس مدري !..

تركي :والله الجـــو فيذا صدق حلوووو ماعندكم قهوه شاهي شي ماشيات عصيير ..

مها تطالعه بنظره :لا والله ؟؟..

تركي:ايه والله هههههههه..

مها وقفت :أستأذن ..

تركي :على ويــــــن صدقتي أمزح أنا جاي أجلس معك بس ..

مها للحين واقفه وماتدري وش تقول :طيب بروح .....أغيـر !..>>أبدل ملابسي يعني ..

تركي يمسكها من يدها ويقعدها :موب لازم عاجبتني كذا !..

مها مفتحه عيونها :أحلف بس لو يجي أبوي يرضيك قاعده معك كذا ؟؟؟! ..

تركي:ههههههه عاااادي مرتي ..

مها:بعد أسبوعين قل اللي تبي ..

تركي :آآآآه متى بس تمر هالاسبوعين كنها شهرين ؟..

مها:تركـــي بليييز ..

تركي:مهـــــــاااااوي بليييزين أنا مكلم خالي ومستأذن منه ..

مها ودموعها على الأبواب :بعــد ؟؟؟؟؟..

تركي يبتسم :طيب ليش تصيحين مضايقك عادي أروح ؟؟...

مها تهز رأسها بلا ودموعها تنزل وتمسح فيها بسرعه ماتدري ليييه تصيح تحس أنها سخيفه ..

تركي ضاق صدره :مها طيب لييش ؟؟؟..لاتضيقين صدري خلاص روحي ـدخلي اللحين..

مها:لا ما ابي ..

تركي:بس انا ابي يالله بسرعه ادخلي أنا برووح !..

مها:ماااااااا ابي ..

تركي بابتسامه قالك بيغير جو :طيب ماتبين تعرفين وين بنروح ؟؟؟..

مها:ههههه لاموب لازم ..

تركي :منتيب خااايفه يعني ؟؟..

مها:لا عادي ..

تركي :متأكده ؟؟..

مها:جوااب نهائي ..

تركي :هههههههههه ياحبي لك ..

وقعد الأخ معها يعني كمل السهر والجو برد في الحديقه فاعتذر منها وودعها وراح وهي دخلت البيت

وهي تغنــي ..



نجلاء:ماأقدر أنا سهره خاصه بعد ..

مها :ههههههههه شفتي عاد ..

نجلاء:هههه مستانسه دوووم إن شاء الله مو يووم..

مها:أن شاء الله ..

نجلاء:وش عندك غريبه ؟؟؟..

مها:اسكتي بس طب علي مدري من وين طلع وأنا ببجامتي وحوسه وخربتها عنده وصحت يعني

هي خاربه خاربه خلينا نعميها ههههههههه..

نجلاء:هههههههههه لا بالله على الدنيا السلام وخالي يدورك وين مها ووين مها ؟؟..

مها:ليييه مايدري ان تركي فيه ؟!..

نجلاء:إلا يقول مستأذن منه ..

مها:اشوى بعد احسبه يلعب علي ..

نجلاء:ههههههههه تبي تتطاق بس..

مها:ههههههههه حرام عليك..

نجلاء: وش صار ؟؟..

مها:كل خير خيتوو ..











................









ديما:ماشفتيهم ؟؟..

دلال :لا منهم ؟؟ ..

ديما :انتي وينك عايشه فيه شاعر المليون برنامج شــــــيء لايفوتك ..

دلال :وش عنه؟؟..

ديما :انتي غبيه والا تستغبين اقولك شـــــــــــــــــــاعر المليون تقول وش عنه شعر يعني وش عنه ؟!..

دلال :ومن متى تسمعين شعر ؟؟؟!..

ديما :اقول فمان الله ..

دلال :ههههههههه وش فيك عصبتي ؟؟..

ديما :ترفعين الضغط اقولها كذا تقولي كذا ياختي الشعر أحساس..

دلال :ياعيني على الأحساااااااس متأثره الأخت ..

ديما :فارقي طيب يالله مع السلامه ..

دلال :خلاص سوري وينك فيه اللحين ؟؟..

ديما :في بيتنا ويني فيه ..

دلال :ماتدرين من بيجينا ؟؟..

ديما :لا ميين ؟؟..

دلال :خالك طلال ..

ديما :أشـــــوف البنت متنحه من الصبح ..

دلال:لا والله حراااام عليك ههههههه ماجبت خبره والله ..

ديما :هههههههههههه ايه كثري منها وش عنده مسير ؟!..

دلال:مدري بس زيااره خاصه لريما ..

ديما :والله ريموووه مهمه هالايام ؟؟..

دلال :هههههه فاتك أمس عشانا فيصل علشانها ..

ديما:وشوووله؟؟..

دلال:بالله ماتدرين ؟؟..

ديما:لا والله وش عندكم حملت ؟؟..

دلال:ههههههههه تفكيرك غبي ماحملت ولا شي بس بمناسبه تخرج بندر تبرع فيصل

وعزمنا على شرف مرته المصون ..

ديما:والله مالكم خـــــوي !..

دلال:ههههههههههههه..

ديما:ومتى نجح أخوك ؟؟؟..

دلال:هوو ماتدرين قبل امس طلعت النتائج وبيي مسوي له عزيمه الأسبوع الجاي ..

ديما:الله كل ذا يصير وانا مدري باركي له بالنيابه عني ..

دلال:ابارك له صدق ؟؟..

ديما:لا مجاااازي يالخبله ..

دلال :ههههههههه انتي ووجهك ..









....................









ريما:حيا الله من جانا ..

طلال:الله يحييك وين فيصل أجل ؟؟..

ريما:صرفته..

طلال:هههههههه قويه والله بنت أختي صرفته مره وحده ..

ريما:هههه اعجبك يالله وش مواضيعك ؟؟..

طلال:على طول مافيه قهوه شاهي مكسرات ..

ريما:ههههه فيه لاتطير على رزقك إذا خلصت جابوها وش عندك ..

طلال:يالله الاول العنود..

ريما بخوف :وش فيها ؟؟..

طلال :مافيها شي بس احسها موب زي اول واخرها امس تقول ابي اروح الشرقيه ! ..

ريما:الشرقـــــــــــيه ليييييييه ؟؟..

طلال:علمي علمك تقول بروح ازور امي انا احس في شيء مضايقها بس ماتبي تقول يمكن شيء

في الجامعه برى ما ادري والله ..

ريما:حتى انا ملاحظه وكلمتها كم مره بس ما اخذت منها لاحق ولا باطل ..

طلال :فاتحيها انتي بالموضوع انتي اقرب وحده لها يا ريما مابيها تكره جلستها في الرياض وانتي ادرى

بامي وغلاة هالبنت عندها ..

ريما:ان شاء الله من عيوني بكلمها وبشوفها بكره بالجامعه ان شاء الله بحجر لها ..

طلال:هههههههههههه ايه كذا تعجبيني ..

طق الباب وريما ردت :مييين ؟؟..

دلال ودها تخبطها :القهــــوه ..>>وبصوت واطي مين يعني ..

ريما :هههههههه طيب ..

طلال بتوتر :سلمي عليها !..

ريما تناظره بعين :أحلف بس أثقل يالأخو ..

طلال :ههههههه طيب ..

طلعت لدلال واخذت منها الصينيه وهي تبتسم ..

دلال:فرحينا معك ؟؟..

ريما :ههههه لاخلني أعرف الموضوع الثاني أول ..

وتوها بتدخل رجعت طلت برأسها برى المجلس و همست :يسلم عليك ..

دلال مدت يدها بتخبطها بس ديما دخلت المجلس بسرعه :يــــمه هههههههههه هالأنسانه إجرام ..

دخلت بالقهوه وصبت لطلال وتستنى منه يفتح السالفه الثانيه وطول شكله متردد من هالشي ..

ريما:وش عندك ؟؟..

طلال:ابي اشاورك بموضوع وابيك تجيبين لي خبر بس عشان اتحرك ؟!..

ريما :موضوع ايش وخبر وشوو أفصح ؟؟؟؟..

طلال:أنا ابي دلال ..ريما ضحكت ..خير قلت شي غلط ؟؟...

ريما:لا كمل ..

طلال:وأبيك تجيبين رأيها قبل ما أتقدم رسمي ..

ريما:والله وكبرت ياطلال ..

طلال:احلفي بس خالك بلا ..

ريما:هههههه طيب ان شاء الله عطني يومين وتلقى الخبرين عندك ..

طلال:امااانه ريما ابي رأيها ما أبيك تاثرين عليها أو شي ..

ريما:ههههههههه افا عليك لاتوصي حريص خالو ..

طلال:يعني أزهلها؟؟؟؟ ..

ريما:أزهلها وأنا بنت خالد ..

طلال :والنعم والله بمرت فيصل بعد هههههه

ريما:ههههههه و7 أنعام ..

دخل فيصل ..

طلال:الطيب عند ذكره ..

فيصل:هههههههههه ليه تحشون فيني ؟؟..

ريما:إلا نمدح ..

فيصل يسلم على طلال :حيا الله من جانا ..

طلال:الله يحييك وش اخبارك ؟؟..

فيصل يقعد :بخير جعلك بخيير ..

صبت له ريما القهوه وقعدوا سواليف وضحك ومر عليهم االوقت بسرعه خصوصاً بوجود طلال اللي ينسي الواحد نفسه >>يااااجعلي ما أبكيييه قوولوووا آميييين ..

استأذن منهم طلال ..

فيصل:اقعد تعشى ..

طلال:لا والله مواعد الوالده !..

فيصل:هههههههه ميب سهله خالتي ..

طلال:ههههههه أجل أم طلال حركات ..

فيصل:يالله فمان الله اجل بس سير علينا عاد جيةٍ تسوى ..

طلال:ان شاء الله لا اوصيك ريما الله الله في الثنتين ..

ريما:ان شاء الله ..













...................











كانت توها بتحط راسها تنوم وهز جوالها مسج فتحته وهي مبتسمه لأنها تدري من مين ..







"

يفز العشق بضلوعي .....واباريها بدون احساس



--------------------------توصلني الجنون بزينها المجنون << واسألها>>



اقولــــــ : بربك اللي اعطاك زين بلا قدر وقيـاس



-------------------------وحطك ..في ..وسط ..قلبي ..سعاده مقدر آصلها



تحبيني ؟.. تقولــــ : بكثر ما بالارض رمل وناس



--------------------------واحلفها- من الفرحه - وانرفزهـــا - وامللهـــا



وحتى بالزعل تحلى !!!! تصيــر بروعة الالماس



------------------------تصدقني .... بعض مرات ....انا اتقصد وازعلها



تهب عطور من مفرق شعرها ،،،،عذبة الانفاس



------------------------مثل عطر ..المطر ..لا عانق ..التربه .. وبللهـــــا





ضحكت على كلامه وارسلت كلمتين بــــــس وراحت بسابع نومه ..



وصله المسج فتحه



"

أحبـــــــــك كثر ما بالارض رمل وناس..



زوجتكــــ: مها "



دق كم مره بس الأخت ماتدري وين الله حاطها فيه كنها ماخذه حبوب منومه وماتدري عن اللي حولها من الضغط اللي عليها بقرب الزواج وتفكيرها مايخليها ترتاح يمكن لما ريحها شوي وتكلم معها اليوم ارتاحت نوع

مـــا ونــــــــــــــــــــــــــــــــــــامت ..







..................

...@@ البارت الواحد والاربعين @@...









اهمه لو كذب اني ما اهمه

.......غلاي يجول في قلبه وفي دمه

يبان الحب في نظره عيونه

........يقول الصدق وإلا ولد عمه

يكابر وادري انه هو يكابر

.......وانا ادري بس بس دوم صابر

ابيه يبوح بحبه وشوقه

........وانا اللي بين خلق الله اهمه









رجــــــعت ...







بندر اليوم مستقعد لدلال وحاجرها بقرنه يسولف ويضحك معها يعني معطيها وجه بزياااااده ودلال مستغربه من متى هالحب

ههههه موب لشي بس دومهم طقاق القطو والفأر مع انهم مستحيل يستغنون عن بعض الوقت اللي يمر بدون ما يتناقرون مايحسبونه بس اليوم الأخ طالع حمل وديع ..



كان منسدح على الكنبه وبيده الريموت ويقلب في القنوات "المحدوده" اللي حاطها ابو فيصل لهم >عشان ما يستأثم فيهم على قولته حاط الاخباريات والسعوديات هههه قصدي القناة الاولى والثانيه والرياضيه السعوديه والرياضيات الباقيه عشان المباريات للعيال ووشوو بعد ياربي ايه قنوات الشعر اللي هابين فيها هالايام وكم قناه بعد <..

بندر:أنتي بأي مستوى اللحين ؟؟..

دلال قلبها موب معه مع اللي قاعد يصير في المجلس قلبها ناغزها وماتدري ليه ..

بندر:دلييييييييل؟؟..

دلال:هاااا ؟!..

بندر:وجع يوجع العدو ساعه اكلمك انتـــــــــي بأي مستوى اللحين؟؟ ..

دلال بنرفزه شوي:في المستوى الثالث وش تبي ياخي حومت كبدي..

بندربتردد:وديما بنت عمي بأي مستوى ؟؟..

دلال:وش دخلك في ديما أنت ؟؟؟..

بندر:سؤال ياختي حرام ..

دلال:عن اللقافه بتخطبها وأنا مدري ..قالت كلمتها وهي بتقوم تطلع ووقفها رده ..

بندر:هذا اللي أفكر فيه ..

دلال لفت منصدمه :نعــــــــــم وش قلت؟؟..

بندر:الله ينعم عليك أقول فارقي أصرف ..

دلال ماتدري هي سمعت غلط والا فعلا قاصد هالكلمه سفهته ومهيب فاضيه تتناقش معه في شي اصلاً ..

طلعت من الصاله ولقت ريما وفيصل طالعين من المجلس وريما بيدها صينيه القهوه وفيصل شايل الصينيه الثانيه وسواليف ..

دلال:أهلييييين ..

دلال تقدمت لفيصل وخذت الصينيه منه ..

فيصل:وين بندر أجل ؟؟..

دلال: في الصاله .. ..فيصل تركهم وراح عند بندر وريما مشت هي ودلال للمطبخ ..

دخلوا المطبخ حطت دلال الصينيه على الطاوله وقعدت ولفت لديما ..

ريما مبتسمه وهي تحوس في هالخرابيط وتحط وتشيل ..

دلال تبيها تتكلم بس الأخت سافهتها ..

دلال :وش عنـــــــده؟؟..

ريما :أبــد مسير يقول بسلم عليك وعنده سالفه قالها وراح >>اللحين قالك قالت لها الموجز تذكرني بحركات نجوده صارت لي أشياء وبس مااالت عليك وعلى مسجاتك ! ..



دلال قامت خذت لها كأس وراحت البراده صبت لها مويه خلاااااص قررت تسألها خااارت كل قواها >> تعبانه عليها ترى >خااارت كل قواها < هههههههه..

دلال:إي سالـــــفه ؟؟؟؟..

ريما :يسلم عليك !..

دلال بترجي:ريــــــــمــا ..

ريما لفت عنها وقالت خلني العب بأعصابها شوي..

ريما:يبيني أكلم البنت اللي يبيها !!!..

ريما سمعت صوت شي أنكســـر التفتت بسرعه وهي مرتاعه كان الكأس اللي بيد دلال متكسر على الأرض..

ريما :بسم الله الرحمن الرحيم ..

دلال تحاول تخفي اللمعه اللي بعيونها نزلت بسرعه تشيل القزاز المتنثر وهي تقول :والله أني حاسه !..

ريما راحت تجيب مكنسه صغيره من واحد من الدروج ماتدري وين الشغاله ذابته فيه ولا وين ذالفه أصلاً وأخيراً لقتها ..

قربت عند دلال ..

ريما:قومي بكنسه ..وشهقت ..:دلاااااااال يــــدك !!..

دلال انتبهت ليدها اللي كانت مجروحه من القزاز وتنزف بس الجرح اللي فقلبها أكبر حلم حياتها اندفن في هاللحظه

وماكذبت يوم قالت أنها سخيفه !!!..

ريما:دلال ؟؟..

دلال بصوت مخنوق:هلا..

ريما :وشوو هلا شوفي يدك شلووون تنزف شكله على عرق لازم تروحين للطوارئ !..

دلال ماتحركت من مكانها ..

ريما صارت تنادي على فيصل بصوت عاالي:فيصـــــــــل ؟؟فيصـــــــــــــل ..

فيصل ارتاع من نبره صوتها جا مسرع من الصاله :وش فيكم؟؟ ..

ريما:دلال جرحت يدها وتـــنزف بقووه !..

فيصل لما اتقدم لمكان دلال أرتاع يوم شاف شكل الدم اللي مالي يدها وبجامتها والغريب أنها ما أصدرت أي ردة فعل!..

فيصل قعد جنبها :شلووون انجرحتي ؟؟؟؟...

ريما:انكسر الكأس وتبي تشيل القزاز وجرحها ..

فيصل:جيبي عبايتها بســـــرعه ..دلال تحسين بشي ؟؟..

دلال خلاص أطلقت العنان لدموعها :توجعنــــي هئ هئ هئ ,,

فيصل :طيب قومي ..

ريما راحت طيران تجيب عبايتها وعباية دلال وفيصل لف يدها بقطعه قماش وضغط عليها يوقف النزف شوي ..

ريما وهي بالدرج سمعت أصوات فيصل وبندر ودلال واقفه معهم لبست عبايتها بالدرج ونزلت ..

فيصل:ساعديها ..بندر لاتقول لأهلي شي أن شاء الله جرح بسيط وراجعين !..

بندر:ان شاء الله ..,,بندر يناظر دلال وكاسره خاطره سألها :يوجعك؟؟..

فيصل:بندر بلا اسأله غبيه تكفــى ..

بندر:وش فيك اسأل !..

دلال جوابها دموع فقط لاغــــير

لما لبست عبايتها طلعوا بسياره فيصل ومعهم ريما وبندر ظل بالبيت..











......................











ديما :يمــــه ..

ساره:هلا..

ديما:يمـــــه متى بتزوجين ولدك نبي زواج من زمان عن العروس ؟!..

سعود:الله من النصب عرس ريما ماله كم شهر وتبين عرس اعرسي انتي لاتوهقيني ياختي..

ساره:هووو وش توهقك به ؟؟..

ديما:اندري عنه موب كفوو نعمه ولدك ؟!..

ريهام:ههههههه وش دخل النعمه اللحين ..

ديما:مدري جت ببالي الا عنود مادقت اليوم ؟؟..

ساره:لا ..

ديما:مدري وش فيها بنت أخوك ذا الايام تقول كلام مثل وجهها ..

ساره شدها الموضوع وواحد ثاني بس يكابر انه يقرى جريده :وش فيـــــــها؟؟..

ديما:مدري عنها سامحيني وحلليني وبيحيني ومدري وشوو وانتوا خواتي وما ابي أزعلكم ومن هالحكي..

ساره:ليه ؟؟..

ديما:يمكن عشانها بتروح الشرقيه ..

كلهم مع بعض حتى سعود :الشرقـــــــــيه ..

سعود:ليه على كيفها هي ؟!..

ديما:ايه على كيفها بتروح بس مابعد قالوا لأمي منيره ..

ساره وهي تفكر :يعني بتروح مرره ؟؟! ..

ديما:أقولك مدري ما أخذت منها لاحق ولا باطل ..

ساره:غريبه ؟؟..يمكن انها متضايقه من شي ولاش اسأليها انتي القريبه لها ..

ديما:والله حاولت بس ما تعطيني وجه كلمتها سامحوني ..

ساره شغلها الموضوع وتفكر فيه ..

اما سعود طلع منهم وهو يبي يتأكد من الموضوع لأنه قاعد يفكر بالموضوع اللي قالته امه بشكل جدي تجي الأخت تروح

الشرقيه دق على طلال ..

طلال:هلااااااااا..

سعود:أهلين وينك فيه ؟؟..

طلال:اتجول في شوارع مدينتنا الجميلـــه النظيفه الــ >>سكته سعود لانه داري ان فتح المعلقه معد سكت ..

سعود:قريب ولا بعيد ..

طلال :والله بعييد ..

سعود:طيب صدق الكلام اللي سمعته بنت أخوك بتروح الشرقيه خلاااص ؟؟؟؟..

طلال:ما شاء الله الاخبار عندكم توصيل سريع ديموووه صح هالبنت ما ينبأ بتما فوله >>مثل سوري يعني ما تقدر تمسك

بفمها شي ..

سعود:طلاااااااال ..

طلال:وأنت وش حارق رزك تروح وإلا تقعد هههههههههه اثرك عريس الغفله سووري نسيت لا بتروح تسير

على امها وترجع ..

سعود:غفلــــــــه بعينك طيب وبسلامتها هالشي مايهمني أصلاً بس أنا كنت مخطط أتكلم في الموضوع جدي وخربت علي ..

طلال حس انه أخذ على خاطره :أبو خالد لاتزعل لوها ذبيحه ماعشتك تبيها الليله هي عندك ..

سعود:هههههههههههههه شلون تقلب جــدي مدري ؟؟..

طلال:ههههههه بس أنا أدري ..

سعود:طيب قفل هالموضوع اللحين وبعدين فيها الف حلال ..

طلال:تأمر أمــر وشرايك أمرك ونكمل هجوله ؟!..

سعود:أنت بتخرب برستيجي ..

طلال:ألعـــــــــن أم البرستيج اللي تعرفه البس بس البس بمرك ! ..

سعود:هههههههههه يالله احتريك ولاتلعن مره ثانيه..

طلال:ههههه إن شاء الله ..









...................







>>>ازعـــــــــــــــا ج بكل ما تحملــــه الكلمـه من معنــــــى <<<





رنا في المطبخ تحوس تصلح العشا والجوال يرن وتليفون البيت يرن وعزيز الصغير فاتح المسجل صيااااااح

وابوه يناظره ومستانس عليه ..

رنا بصراخ :زيـــــــــد شل ولدك فقع رأسي خلني أخلص شغلي !..

زيد :خليه يابعد أبوه يغرد ..

رنا ترد على الجوااااال وتصارخ :شلــــــــــــه !..

زيد:طيب لاتصارخين ..

لطيفه :ههههههههه وش فيكم الحرب العالميه الثالثه السلام عليكم ؟!..

رنا :وعليكم السلام ..

لطيفه:وش فيك؟؟..

رنا :ذا الولد شق بي 24 صياح وعندي شغل وقاعده أسوي عشا وأبوه يناظر فيه..

دخل زيد المطبخ وفي يده عزيز:يا صبر أبـــوه ..

رنا: إلا يا صبري أنا والله ..

لطيفه :ههههه منتيب صاحيه أجل لو عنك شله الانس اللي عني وش بتسوين ؟؟!..

رنا تحط صحون العشا على طاوله المطبخ والسماعه في أذنها :بنتــــــحر! ..

زيد:حرااام ما يجوز ..

رنا:داااريه ..

لطيفه:شكلك مشغوله ؟؟..

رنا :مررره إذا خلصت دقيت عليك ..

لطيفه :خلاص بس بعد 12 لا بيجي عبد المجيد من المناوبه تعبان وبقعد معه ..

رنا:شف مالها خاتمه ..

لطيفه :ههههههه أبــد تبين شي ؟!..

رنا:سلامتك فمان الله ..رنا تبي تحط الجوال على الطاوله راحت ذبت الجوال في صحن الزبادي من الربشه هههههههه

رنا:لااااااااا هئ هئ جواااالي ..

زيد:هههههههههه وماحط لابن ادم في جوفه قلبين ! ..

رنا:زيد بلا أمثال خايسه بليز وش أسوي ؟!..

زيد:طلعيه وسبعيه فمويه ونشفيه وخلاص ..

رنا:احلف بس تتهزى ؟؟..

زيد:اندري عنك ذابته في الزبادي وتسألين ذبيه في الزباله خلااص خرب ..

رنا:لا ما طاح كله ماجاه إلا شوي ..

زيد:تعالي شيلي ولدتس ترى حوم كبدي !..

رنا :وولدك ترى بعد ..

زيد:يالله حطي العشا عاد ميت من الجووع ..

رنا:طيب ياخي اصبر كم لي من يد وساعدني وإلا بس حكي >وتتهزا<شم الانفاس!

زيد:ههههههه تدرين أكبر غلط في حياااتي هالرساله !

رنا تركت اللي في يدها :أحلف بس يعني موب من قلبك ؟؟؟!

زيد:إلا من قلب قلب قلب قلبــــي وسكته صوت صيااااااااااااح بأعلى صوت وااااااااااااو>>عزوز يصيح !

رنا: ههههههه ياحليله ولدي يغار !

زيد:أوووووص هذي أولها ..





>>هههههه وهكذا أزمـــــات قوييه في حياة رنا عشان هالضيف الضعيف "عزيز"اللي قلب البيت فوق تحت ..

صاروا مصدر ازعااااج في العماره اشك انهم بيطردونهم في يوم والله لا يلومهم

صراااحه ههههههه أنا لاجيت أكتب أحط قطن بأذني قبل !هههههههه..











........................











في المستشفى طلع جرح دلال على عرق عشان كذا نزف كثير خاطوه لها 3 غرز وماسووا لها شي إلا ببنج موضعي ..

كانت مسنده رأسها على ريما اللي واقفه جنبها ومغمضه عيونها وماده يدها لهم يشوفون شغلهم حاااسه انها لو شافت شي

بيغمى عليها على طول هي يالله تتحمل عاد ..

وفيصل واقف جنبهم ..



النيرس:خلاصنا بتحسي بألم يامدام ؟؟ ..

دلال وهي مغمضه: أنا آنســـه ! ..

فيصل:ههههههه وربي فاضيه ..

ريما:من جــد ..

فيصل:آنســـه لو سمحتي ..

النيرس :وماااله أحلى آنسه تأدروا تروحوا هاللحين بس تأخدون لهامهدئات من الصيدليه وماتشوفيش شر يا آنسه ..

دلال وقفت وهي يالله تشيل يدها ..

ريما:خليني أساعدك ..

دلال تحس بدوخه:لا أقدر ..أول ماخطت خطوتين طاااحت عليهم وانحاسوا مررره ثانيه..

خلاص أغمى عليها وكميه الدم اللي نزفته ما ساعدتها أخذوها لسرير ومغذي وحوسه من جديد..

بعد ساعه تقريباً كانت قاعده مصحصحه من تأثير المغذي ..

دخل عليهم فيصل :يالله نمشي ؟؟؟..

ريما:ايه خلاص جبت العلاج ؟!..

فيصل:ايه هذا هو معي أنا بالسياره استناكم اوكي ..

ريما :اوكي ..



تغطت دلال بمساعده ريما طبعاً لانها مو قادره تحرك يدها >>جرحها من عند الابهام >>..



اول ماركبوا السياره ..





فيصل:تبون موكـــا ؟؟..

دلال :لا ابي بيتنا بلييز..

فيصل:غرييييييييبه دلول تبي بيتنا ؟!..

ريما :تعبانه ؟؟..

دلال بصوت ثقيل :أبي "أمــــي"..

فيصل:ههههههه طيب ياماما !..

ريما لفت عليها لقتها حاطه راسها على الشباك ونايمه شكلها ينرحم ..

ريما:حراااام نامت ..

فيصل:أحسن خليها تفضي الجو ..

ريما:حرااام عليك تنرحم ..

فيصل:يالله بس وش تبين موكا والا آيس ؟؟ ..

ريما:موكا فرش ..

فيصل:أوكي ..

ريما:جب لدلال واحد ..

فيصل:نامت ..

ريما:أخاف تقوم اذا وصلنا ..

فيصل:ان شاء الله ويلوموني فيك ..



طلب اللي يبي وتوجه للبيت بما أن المحل قريب من بيتهم ..

او ما وصلوا قوموا دلال ودخلوا البيت ..

البيت هجده حتى أنوار الصاله طافيه شكل بندر طلع مع ربعه والشياب نايمين منذ مبطي ..

طلعوا فوق دلال سيده على غرفتها بدون أي كلمه ..



ريما طلبت فيصل تروح لدلال:الله يخليك دقيقه بس..

فيصل:دقيقـــه ؟! ..

ريما:لا عاد دقيقتين عشاااااني ..

فيصل:عشانك بس ودقيقتين بحسبها ان ماجيتي بوريك ..

ريما:لا والله ما اتأخر ..

فيصل :نشووف ..



راحت لغرفه دلال ومالقتها سفطت عبايتها وطلعت دلال بعد ماغيرت بجامتها الوسخه ورمت نفسها على السرير ..

ريما:مايسوى ذا الحب واحد خابط بالباب لين بغى ينفلق والثانيه جارحه يدها 3 غرز !..

دلال تتكلم وهي مغمضه عيونها لفت للجهه الثانيه :ويــــن رجلك عنك ؟؟؟..

ريما:ههههه مستأذنه وراحت قعدت على السرير من الجهه الثانيه >>عندها ..

ريما :ما تبين تعرفين من اللي يبيها .؟؟..

دلال وهي بين اليقضه والنوم لدرجة أنها ماتدري وش تقول :الله يوفقه وبيعوضني ربي أحسن منه..

ريما :بس هو يبيك ؟؟؟..

دلال:الله يوفقه !

ريما تطول صوتها:يبييييك أنتــي !

دلال طمرت والتفتت على ريما :آآآي يدي ..وش قلتي ؟؟؟؟؟..

ريما:ههههههه أقووول هو يبيك؟؟..

دلال الدموع بعيونها :ريما خلاااص حرام عليك لا تعبيني واللي يخليك أنا ما أبيه خلاااص ما أبيه والله تعبت ما عاد أحبه خلاص ..

وقعدت تصيح ما تدري ليه قالت هالكلام >>يمكن ماصدقت! ..

ريما كانت حاسه فيها راحت لها وضمتها ..

ريما:خلاااص طيب لاتصيحين ..

دلال:خليني والله تعبت هئ هئ ! ..

ريما: والله العظيم يبيك ويحبك حتى قالي اسأليها إذا موافقه بخطبها رسمي ! ..

دلال :هووو قالك كذا ؟؟؟؟..

ريما:ايه وش ردك أنتي ؟؟..

دلال تضحك وتصيح ما تدري وش تسوي من الفرحه :من جدك أنتي تتكلمين وش ردي يعني أكييييد موافقه ههههههه لا لا لاتقولين شي خليني بفكــر هئ هئ وش بفكر بعد مافيها تفكييير مواااافقه والله موااافقه ههههه الشور شوركم !..

ريما:هههههههه هذي اللي ماتبيه ؟! ..

دلال تمسح دموعها :أحبك ريووومه والله العظيم أحبك موووووت ..

ريما :هههههه موب لله ! ..

دلال تضمها :والله أنــــــي أحبك قسمن بالله أحبك ..

ريما :ههههههه خلاص صدقت فكيني رجلي يبيني ؟؟؟؟..

دلال :ههههههه مالت عليك فرحااااااااااااااااااااااااانه والله مدري وش أسوي انطط ايه انطط وقامت على السرير تنطط

:هياااااااااااااا..

ريما:ايه انكسري ونزوجكم في العناااايه ههههههههه..

دلال :بســـــــــــــــــــــــــم الله علينا في عدوينا ان شاء الله ياااااااااااااااااااااااااااربي شكراً شكراً شكراً أحبك ياربي

وااااااااااو هيلاااااا هوووووووب ماما وبابا رمز الحب (مغبره)هههههههههه >>انقلبت بزر ..

ريما:الحمد الله والشكر العقل نعمه !..دلال تصارخ طلعت كل حرتها اللي فيها لدرجه أن الوجع اللي في يدها راااح

معد تحس به >>هههه إلا نسته !



دخلت أم فيصل وهي مستغربه من ذا الصجه :يالله صلاح العطـــا انهبلـتـي ؟؟؟؟..

دلال تنطط:أحبــــــــــــــــــك يمه أحب أمه وأحب أبوه وأحب خاله وأحب عمه >>قااامت تخوره شعر مع غزل اللي تبي هههه ..

ام فيصل تلتفت لريما :وش فيها عسى ماشر ؟؟؟؟..

ريما :هههههههه حالات ..

ام فيصل :انزلي وجع رجيتي البيت الناس نايمين وأنتي بذا اللسان ..قعدت دلال بعد ماتعبت وهي تشحن من الخبال ..

ام فيصل:وين فيصل أجل ؟؟؟..

ريما شهقت :يووووووووه نسيته ..وطلعت تركض ..

دلال:هههههههه مره ولدك هذي نكته هههههه..

ام فيصل :والله ما خربها إلا أنتي ..

دلال:انــــــــــا حراام عليكم أنا الأدب كله ..>>>آآآه بس قال أيش الأدب كله !

ام فيصل :أيه باين ..وانتبهت للفه اللي بيدها وقالت بخوف ..

أم فيصل:وش فيها يدك ؟؟؟؟..

دلال بفرح :جرح بسيط مام كلها يومين ويطيب !..

ام فيصل :جـــــــــــــــــــــرح وش منه ذا الجرح ؟؟..وجت عندها في السرير وبدى التحقيق ..

وقالت لها السالفه من طق طق للسلام عليكم ..

ام فيصل تمسح دموعها >لازم الامهااات تعرفون <:وتخيطين يدك 3 غرز وأنـا مدري ؟!..

دلال :يمــــــه ماحبيت أضيق صدرك ..وضمتها ..لهالدرجه غاااليه عليك يا أم فيصل أنا دلال ترى منيب بندر هههههه

ام فيصل :الله لايبين غلاكم بس..واللحين يدك مخيطه وتطامرين كنك خبله ما تعلميني أنتي متى بتصيرين حرمه وثمره؟؟؟؟؟؟ >وبدى التهزء..

دلال :إذا أعرست أن شاء الله أبعجبك يا أم فيصل تعرفين أنك ماربيتي إلا حرمة سنعه ..

ام فيصل :ياويل حالي عز الله شاب رأسي ما تسنعتي ..

دلال :ههههههههههههه تفائلي بالخير يمه ..

دخلت عليهم ريما وعلى وجهها خيبه أمل كبييييره..

دلال:هههههههههههه وش فيك كنك عجوز مضيعه عشاها ؟؟؟..

ريما:مافيني شي ..

ام فيصل :يالله معاد إلا خير ارقدوا وش تحترون بعد تصبحون على خير..

وطلعت وخلتهم ..

ريما:ياعمري رحت لقيته نااااايم شكله طفش ونام ..

دلال بفرح :بسلااااامته وسعي صدرك الليله سهرتنا صبااااااااااحي خيتووو مافيه نووم..

ريما :عندك أنا بروح أقومه اخاف زعلان مني ؟!..

دلال:والله أنك خبله وش زعلان أنتي موب زعلان ولا شي بعدين ما يقدر أنتي أصلاً من خذتيه وأنتي ساحرته ..

ريما:بدينا الحسد لاحول ولاقوه الا بالله ..

دلال:هههههههههههه لا والله ما أحسدك الا أتمنى لك كل خير ..

دلال فيها طااااقه مستحيل تنام صارت تدور الحمد الله والشكر ,,>>فيييس ما يدري وين يروح بس يدور >>هههه كل ذا بفيس!

دلال:ودي أرقص ؟! ..

ريما:الحمد الله والشكر سمي بس الناس تالي الليل ..

دلال :وجع لاتخوفيني ..

ريما:هههه أنبهك بس يالله تصبحين على خير ..

دلال:وأنتي من اهله منتيب مغيره رأيك وقاعده معي نخربها ..

ريما :لا خربيها بلحالك بروح أنا اشوفه ..

راحت غرفتها ودخلت ..

شكله مرررررررره رايح في النوم تحسفت تقومه ومن شكله رايق موب معصب غيرت ملابسها وجت بتنسدح لقت ورقه

على مخدتها ..



"دقيقتين هااااا اليوووم سمااح بكــره ياااااويلك مني ..

هتلر قصدي فيصل >حتى أسمي قمت الخبط فيه! "



ضحكت على كلامه وحطت رأسها ونامت وهي مرتااحه..











....................









بعد ماخلصت الروايه وسكرت النافذه حقتها >قاعده على الاب توب <

فتحت المفكره وكتبت اللي تحس فيه اللحين ..



""

نظرة حب ..



عنوان شدني فسألت نفسي ..

هل للحب نظره.؟؟

لا أعلم فلم أجرب معنى الحب الحقيقي بعد ..

لم أعش شعوره..

ولاأعلم بنظراته..



لكني ..



أعرف

حبي لله..

حبي لامي وابي ..

حبي لرفيقه دربي..

حبي لمن حولي..

حبي لمن يحبني..



لكنـــــــــــــــــــــــــــــــي..



وبملئ صوتي..

اريد حب آخر..

اهب له كل ما في يدي..

ان احبه بجنوني..

وبكامل عقلي..

لا أعلم أيوجد ما يسمى ..

بنظرة حب..

واعلم جيدا بان من الصعب

علي ان اجدها..

في وحل من المشاعر المتضاربه..

في هذه الدنيا الغادره ..

ولكن..

ما اجمل دنيا الحب..

حب يعمر حنايا قلبي..

ويجدد عبير نفسي..

حب يحملني على بساط الريح بنظره..

لن أيئس ولن امل

ساقضي عمري ..

بحثا عنه

وعن نظره حبه ..

وما ستقدمه لي

وكلي امل بالله اولاً

وباصراري ثانياً

على ايجاده

وانا على هذا الطريق حتى اجده

أو تجدني نظرته ..

وان وجدته..

فوعدي مني بأ ن اخبركم ..

فأنا من سيوجه هذه النظره لكم.."">>من كتاباااتي ^^ ..







سكرت ديما المفكره وهي تتنهد سكرت الاب توب بكبره وشافت الساعه يمكن 1ونص خلاص بكره جامعه وهي للحين

قاعده أصلاً مابقى شي ويعطلون ويفتكون >أي نفتك ياختي بتبدأ رحله الطفش وانتي الصادقه ما ادري لييه احس ان

مافيني نوم ماعندك أحد أسولف معه ؟! >>هههههه كانت هذي ديما وابشري بعزك يالغلا ..

يوم طفشت اتجهت لسريرها وانسدحت تتقلب رن جوالها ونطت من ذا اللي داق عليها هالحزه >ما تبين أحد يسولف معك ^_*<

راحت له بسرعه وهو على الطاوله وقريب بيطيح عشان الهزاز الله يأخذه ..

استغربت(دلول ..يتصل بك )غريييبه العاده دجاجه وش مقعدها للحين ؟!..

ردت بخوف:هلا دلال ؟؟..

دلال بفرح ونشوه واللي تبي :هلاااا وغلاااا يااااا الله حيييها وش اخبارك وش لونك وش مسويه لا يكون نايمه بس ؟؟ياحيي أنتي أزعجتك ؟؟..

ديما تنسدح مره ثانيه :أحلفي بس لوني نايمه قمت من هالمعلقه سلمي بالاول! ..

دلال:هههههههه ياحبي لك السلام عليكم نايمه ؟؟..

ديما:وعليكم السلام لا والله كنت بنوم بس مافيني نوم وش عندك شكلك مصحصحه ؟؟..

دلال:اسكتي بس وش مصحصحه كني مأخذه حبوب منشطه هههههههههههه استغفر الله ما أتوقع أنوم أصلاً ..

ديما:خير أن شاء الله ؟؟..

دلال:فيه شي موسع صدري !..

ديما:وسعي صدرونا معك ..

ولأن دلال مستحيل تمسك شي في لسانها قالت لها السالفه من طق طق للسلام عليكم من طاح الكاس لين اللحظه اللي تكلمها

فيها وديما متحمسه مع هالخطوه الجديده بما انها متابعه الاحداث من البدايه ..

ديما:ههههههه ياحبي لكم الله يوفقكم ياربي والله أنكم شي تصلحون لبعض هههههه..

دلال:ويييياااااك ولاتضحكين يالدبا ..

ديما :تصدقين قصتكم تصلح أكتبها روايه بتطلع شي ؟؟..

دلال:أقول انطمي بس أنتي ولوو متأثره بهالقصص اللي مقابلتها ذا الايام ؟!..

ديما:وش أسوي اسلي نفسي شفتي شاعر المليون ؟؟؟؟..

دلال:لا والله الأمتحانات على الأبواب مدري ودي أعتذر عشان عرسي !!..

ديما ماااتت عليها من الضحك :هههههههههههههههههههههههههههههههههههههههههه ياويلي ههههههههههه خليه يخطب بالأول ههههههههههههه خخخخخخخخخ..

دلال:هههههههه انطمي بيخطب أن شاء الله ..

ديما ماحست بالوقت الساعه بتجي على الثلاث وهي بربره مع دلال ..





سعود كان توه جاي استغرب من الضحك والصوت اللي بغرفة ديما ..



طق الباب والأخت ماسمعته ..

سعود:ديما ديما ..

ديما انتبهت :دلال لحظه ..

فتحت الباب وماتدري لييه اترتبكت يوم شافت سعود قدامها يمكن لأنها ماسكه الجوال في هالحزه وبالليل ماتدري لييه طقتها

ام الركب

>اتوقع انها وراثه <

رحمها ربي وانطلق صوت دلال في الأنحـــــــاء وهي تغني



أكثر من أول أحبـــك

بس ما ابغى اقول

اخاف لو قلت تتغلى علي مره

انا بصراحه احبك حب مو معقول

اكبر دليل لغلاتك غيرتي مره

اكثــر ....>>كانت رده الفعل الوحيده ان سعود وديما اللي ميته خوف ماااااااااتوا من الضحكـــــــــ



ههههههههههههههههه كانت مرره متحمسه والسالفه أن ديما ضغطت على السبيكر بدون ماتدري ..

والأخت الثانيه (دلال)كانت بعااالم ثاني اكثر من أول تحبه أجل ههههههههههههه..



سعود:هههه نوموا ماوراكم بكره جامعه ؟؟..

ديما :ههههههه إلا بنوم اللحين تبي شي ..

سعود مبتسم :لا سلامتك سلمي على بنت العم هههههه..

ديما:هههههه ما درى عنك طلال ؟؟..

سعود :هههههههههه وأنتي الصادقه يالله تصبحين على خير ..طلع وسكر الباب معه ..

ودلال حدث ولاحرج سااااعه وهــــي تصارخ في التليفون وديما مبعده السماعه تخاف يجي أذنها شي يوم هدت أعصابها

سكرت وكل وحده على فراشها وكل ماتذكروا الموقف ماتوا ضحك



>الحمد الله والشكر <



ما أدري ليه أحياناً لحظات الخوف تنقلب لضحك فضيع بس أخاف منه وأردد

الله يكفينا شر هالضحكـ ..!!!

>> ليتني أخذ بسمه من بسماتكم وأهديها لعمــري الجريح ..!.!.!<<











..........................

...@@البارت الثاني والاربعين @@...









..عيونك اخر امالي وليلي اطول من اليم..

..كيف القى كلام عذب يوصف دافي احساسي..

..عشقتك قبل لا اشوفك وشفتك صرت كلي حلم ..

..ابي رمشك يغطيني وابيك اقرب من انفاسي ..

..يهمك تعرفي انك قتلتي في سنيني الهم..

..قتلني ضحكك وجدك قتلني لينك القاسي ..

..رميت اقداري في دربك ..

..وصرتي في عروقي الدم ..

..احبك كثر ما سالت دموع ومانسى ناسي ..

..يجول الحزن في ضلوعي بردت وذاب فيني العظم..

..تحبي عيوبي وغدري تحبي المر في كأسي..

..انا من كثر ما احبك ابيك كثر رمل اليم ..

..وابيك تكوني فوق الناس..

..وابي ما ينحني راســــــي ..











>كانت هذي المشاعر اللي جسدت كل ابطال قصتي صرحوا بها او اخفوها او انتظروا اللحظه اللي بيقولونها فيها <











...







مها:والله بموووت من الخــــوف ما توقعت أن شعوركم كان كذا !..

رنا :لييه متبلدين احساس انتي ووجهك بعدين تذكرين أول يوم تضحكين علي جا اليوم اللي أشوفك فيه اتنافضين هههههههه..

مها:حرام عليك اليوم بروح عنكم ما أدري وين ما أدري شلوون بصبر ووش بيصير لي ؟؟..

رنا:وشلون بصبر هذا وجهي ان ذكرتينا ؟؟!..

مها:أقول ورى ما تروحين لولدك أصرف ..

رنا:هههههههه هذا هو عندي كني بديت أتأقلم معه شوي ..

مها:ههه ليه أن شاء بيئه وأنا مدري ؟؟!..

رنا:لا بس تعرفين شعور غريب يزيد كائن حي جديد عليكم في حياتكم ما أدري ما حسيت بشعور الامومه على طول بس

اللحين يابعد قلب أمه يدنن ههههههه ويضحك بعد ..

مها:هههههههه ياحبيله بوسيه لي إيـاه ويالله اجل دعواتك ودي أنك كنتي معي اليوم بس مكتوب ..

رنا:وأنا معك حبيبتي روقي اللحين ومتى بتروحين المشغل ..

مها:ما رح أروح بتجيني وحده بعدين منيب متكلفه بحط كل شي عاااادي مافيه ضيوف بس عمتي وعلى المطار حتى فستان مدري البس والا لا ..

رنا:منتيب صاحيه وش البس والا لا إلا طقي الزيـــــن واكشخي يوم واحد ترى ومارح تنسينه ..

مها:يصير خير يالله تبين مني شي ؟؟؟..

رنا:لا سلامتك بس لاتقطعين عاد ..

مها:الله يسلمك ومنيب قاطعه أن شاء الله فمان الله اشوفك على خير ..

رنا:فمان الكريم ..



سكرت منها وهي ما تدري موب قادره تحدد شعور معين اليوم يوم زواجها اللي بيكون مختصر مرررره على طلب

من تركي لانه يبي يسافر على طول واذا رجع واعدها بحفله كبييييره (زواره)مع ان هالشكليات ماتهمها اللي يهمها

أن اليوم هو اليوم الموعود بالنسبه لها يعني (جاك الموت ياتارك الصلاه )..



نجلاء:هااااااااياااااااااات كيف العروس ؟؟؟ ..

مها:تزقح هاا جت والا لا ؟؟..

نجلاء:الحمد الله ..إلا توني مكلمتها تقول أنها بالطريق وش أخبار النفسيه ؟؟..

مها:زفـــــت ..

نجلاء:أفااا ويــــن تروكي عنك ..

مها بتوتر :نجلاء ترى اللي فيني مكفيني ..

نجلاء:ههههههههه والله انك نكته ياختي عارفته وعارفك غير المده اللي كنتوا متملكين فيها وتدرين انه يدور رضاك

بس وش اللي يضيق صدرك اللحين ؟؟..

مها:ما ضاق صدري بس ما أدري >>وسكتت يوم انطق الباب عليهم..

وكان ابو حمد اللي متعب نفسه وطالع لغرفة بنته اللي عنده هي وحمد بالدنيا كلها اليوم بتفارقهم وبيفضى البيت عليهم من جد

كان مليااان بصوتها بس الشكوى لله ان شاء الله ربي بيعوضه في حمد ونجلاء والبيبي اللي في الطريق

ومسوي زحمه للكل ..



بعد ما اخذ اخبار بنته التفتت لنجلاء..

ابوحمد :هاا يا بنيتي وش اخبار الشغل ؟؟.. ناقصكم شي تبين شي لا يرد الا لسانك ؟؟..

نجلاء:الله يسلمك ياربي والشغل ماشي الحمد الله بدينا اللحين بالاعلانات والخرابيط بس وقفنا عشان زواج مها

وبنرجع تقدر تقول أجازه قصيره ههههههه..

ابوحمد:ههههههه الله يوفقك ان شاء الله ومتى ناوي يشرف ولي العهد ؟؟؟..

نجلاء احمر وجهها ومها ضحكت عليها ..

مها:رااح الكثير معد بقى الا القليل ..وقعدت تكلم بطن نجلاء قالك تكلم الصغير ..لاتسوي حركه خيانه وانا عمتك لا تطلع الا وانا فيه ؟!..

ضحكوا كلهم ومها تحس انها اشـــوى شوي..











...................









في هالوقت وفي مكـــــان ثاني ..

اليوم يوم الاربعاء والعاده ماعندهم محاضرات في هالوقت تنتهي محاضرتها 11 فقاعدين في الكافتيريا ويستنون ريما اللي

بتجيب الفطور لأنها عازمتهم عليه ..

دلال:هزي طولك وروحي ساعدي أختك شوفيها ماتدري وش تشيل ..

ديما:يامعلم الناس علم نفسك ! ..

دلال:قلتي الناس مو توأمي ؟!..

ديما مسترخيه تقريباً على الكرسي :فيني نووووم كله منك ..

دلال:دجاجه انا جايه مواصله ترى ..

ديما:والله أني أشك فيك ؟؟؟! ..

دلال:بسم الله علي طاااااقه من ربي بتحسدوني عليها ..

ديما :تف تف تف ما شاء الله لا اله الا الله لا تجيني بكره تقولين نظلتيني اتفلي علي ..

دلال:وجع مانيب قايلة لك شي قومــــي لأختك ..>>قالك راحمتها اللحين طيب قومي أنتي "بنــي"..

ديما:قومي أنتي ..

العنود:تتعازمون أقعدوا ثنتينكم أنا بروح وراحت وخلتهم ..

دلال:وش فيها؟؟؟؟..

ديما:علمي علمك ..

دلال:بنت ولدنا عاد ما أرضى عليها ..

ديما:ههههههه أقول انطمي صدقت الدور الأخت أي بنت ولدكم ؟..

دلال :دوووور في عينك مرة خالك غصب عنك وقريب ان شاء الله الله لايحرمني وأشوف ذا اليوم ..

ديما:من قلـــــب ..

دلال :من قلب القلــــــب ..

ديما:هههههههه الحمد الله والشكر ..

جت ريما ومعها العنود والفطور اللي شاريته ريما ..

دلال:ولك تسلمي خيتووو ياجعلني أرقص في عرستس قولي آمين ..

ريما:ههه أعرست وخلصت أرقص في عرسك ان شاء الله ..

ديما:وحنا مالنا رب ؟؟..

دلال:ياجعلها ترقص حامل في عرسي هالسنه وفي عرس عنود وهي بكرشتها وفي عرسك ياديما وهي في التاسع ..

ريما:ههههههههه وجع قطوه !..

دلال:ههههههههههه لازم ننتج جيل جديد ..

ريما :مخليته لك >>وقعدوا يفطرون ضحك وسواليف ..

ديما بغت تشرق :كح كح شوفوها ذيك ذيك لااااااااا لاتلتفتون في الطاوله الأخيره على الطرف كح كح مــر..

ريما:وش فيييييك؟؟؟؟..

ديما تأخذ نفس:هذيك هي البنت اللي قلت لك عنها دلال ! ..

دلال :اللي تلاحقك ؟؟؟..

ديما:ايه هي ..

ريما :وش السالفه ؟؟..لفت دلال وعطتها نظره استحقار ولفت ..

دلال:اسفهيها شكلها ما يطمن ..

ديما:وهذا اللي مخوفني !..

ريما ماتدري وش السالفه :وجع وش فيكم ؟؟..

العنود:هذي بنت تحتك في ديما في كذا محاضره والبنت موب مضبوطه ..

ريما:مسترجلـــــــه؟؟..

ديما تمثل :هئ هئ ايــه ياربي وش أسوي لهالدرجه أنــــا جذابه ؟؟..

...:يااااااااااا عيني ..

ديما:انطموا بس أصلاً أنا ما عطيتها وجه اذا شفتها يجيني ماغص! ..

العنود:ههههههههه خذي سبيرين ..

ديما:هههههههههه وش دخله أخبره حق الصداع ..

العنود:مدري عنك شي يسكن وبس ..

رن جوال ريما وطلعته وابتسمت :هدووووء بلييز >>كان طلال أكيد متحمس يبي يعرف رأي دلال لأنه من الصبح

داق ماصبر الأخ ..

دلال وجعها قلبها :هـــو؟؟ ..

ريما:ايه اسكتوا ..

دلال:حطي سبيكر ..

ديما:احلفي بس عند خلق الله وفي الكافتيريا بعد عشان يقولون متزوجه وتكلم واحد ! ..

ريما:بسم الله علي في عدويني ان شاء الله بعدين ترى محد يدري أني متزوجه لا تقعدين تفضحين !وردت ..



طلال:صباح الخير ..

ريما:صباح النور والسرور وش عندك قايم بدري؟؟؟..

طلال:دوام وش عندي يعني بس تصدقين شكلي بسحب عليهم؟! >صوته كان واضح انه توه قايم من النوم <

ريما:لييه وينك فيه ؟؟..

طلال:في بيتنا ..

ريما:ههههههههه ويقول دوام رح أرقد بس أصرف ..

طلال:وش أرقد أنتي ووجهك كلمتيها ؟؟! ..

دلال كانت تترجى ريما تحطه سبيكر بس ريما معييه خبله أحطه سبيكر عند الناس رحمتها ديما وطلعت سماعتها شبكتها

في جوال ريما بدون ماتشاور أصلاً وعطت وحده من السماعات دلال والثانيه ريما دلال مسكت ديما وباستها على خدها

ودخلت معهم في الخط ..

العنود:هههههه رهيبه !..

ديما:تنرحم ياختي ..وقعدوا يضحكون على شكل دلال وهي تسمع طلال تسوي حركات تمووت من الضحك قالك مستحيه اللحين >>ييااااوووويييليييييي

طلال:وش عندك اللحين تضحكين ؟؟؟؟..

ريما:عندي ناااس مهبل ..

طلال بابتسامه :لا تغلطين وش ذا الأصوات ؟؟؟ ..>>دلال تاشر لهم اسكتوا ..

ريما:أصوات البنات في الكافتيريا..

طلال بتعمد :اللله بناااات ليتني معكم ..

دلال انصدمت>> وش عنــــده ذا ؟؟..

ريما :هههههه هذا اللي بيعرس اللحين ..

طلال :هههههه هااا يالله وش قالت ترى فيني النوووم ؟؟..

ريما:توك قايم ؟؟..

طلال:من قالك أني نمت اصــلاً يالله اخلصي علي ..>>دلال وجهها أحمر ..

ريما :تقول بفكـــر.. دلال بغت تقول نصاااااااااابه تعابير وجهها تموت من الضحك ..

طلال بخيبه أمل:تفكـــــــــــــر ؟؟؟؟؟..

ريما :تقووول !>>دلال تاشر بيدها لا لا ..

ديما للعنود :الأخت طاااايره ..

العنود:هههههههه ياحبي لها بتوسع صدري والله ..

ديما غلطت:يعني منتيب رايحه للشرقيه ؟؟..

العنود :إلا بروح ........



طلال ضاق صدره مايدري ليييه هو كان مأمل أنه بيلقى الرد على طول بس ريما مستانسه على اللعب بالأعصاب اللي

تمارسه عليهم من أمس ..

ريما:معـــــي؟؟..

طلال:ايه معك يالله تبون شي بروح الدوام ؟!..

ريما رحمته شكله تحطم نفسياً:لا سلامتك بس لاتنسى تخلي أمي منيره تكلم خالتي لأنها موافقه ههههههههه..

طلال ما استوعب ودلال من جد تضحك بس من جوى..

طلال:هلا شلوون يعني ؟؟؟..

ريما:تمر ولوون كلام الشيوخ ماينعاد وأنا بنت أختك ..

طلال بفرح:من جـــــــدك؟؟..

ريما:ههههههه والله لاتطير بس ههههه..

طلال:انطمي يالدباااااا يالشييييينه يالخااااايسه >>لاحظوا ان كل هالسبات من الفرح يعني كنه يمدح فيهاااااااا هههههه..

ريما:ههههه والله هذا جزاي خير تعمل شر تقلى ..

طلال:لا عاااااااااااد وربي ما اصدق ياحبيلهااااااااا ياناااااس>دلال وجهها أشاره مرور مع كل كلمه منه لون<

خلاص اللحين بكلم أمي وشوله نأجل بعد ريما أحبــــك حبتك القراده قولي آمين ..

ريما:قرااااااااده تحبك أنت ومرتك ..

طلال:هههههههه ياجلعني فدا لها بس !ياجعلي ماخلى منها..كان ينزل مع الدرج مسرع بيروح لأمه وخبطت رجله في الخشب حق درابزين الدرج اللي في نهايته

وقام ينطط ..

طلال:ههههه آآآي وجــــع انكسر أصبعي ! ..

ريما:هههههه الحمد الله والشكر شوي شوي ميب طايره ترى ..

طلال مسفها ويدور أمه :يمــــــــــــه مااااااااااااامي مااااااااااااااااامتيوو أمـــــــه ههههههههههههه اميمتي ..

دلال تحاول تمسك ضحكتها وعيونها تدمع أربع أربع البنات تأثروا منها معقوله تحبه لهالدرجه ؟؟؟؟؟؟؟؟؟..

الجواب راجع لها

طلال:أمي ما هي أم أمي كنز حنيه ..

منيره:هووو ياللله صباح خير ورى مارحت الدوام ؟؟..

طلال النصاب :مأخذ اجازه يالغاليه ..

ريما:ههههههههههههه طيب سكر السماعه وكلمها على كيفك ؟!..

طلال بصوت واطي :انطمي داري أنها معك ..>كانت رده فعل دلال انها شالت السماعه من أذنها ورمتها بقووه وبروعـــه ..

منيره: من تكلم ؟؟؟..

طلال:ريما بنت ساره ..

البنات فطسوا من الضحك على حركه دلال سبحان الله البنت عفووويه وبرااااءه لدرجه فظيعه تأخذ كل شي على سجيته وتعيشه بوقته

ديما :هههههه جيبي بس منتيب كفوو ..

دلال أخذت يد العنود وحطتها على قلبها ..

العنود:هههههههه خير أن شاء الله شفيه مسرع ؟؟..

دلال:مدري شكله يفحط ؟؟..

العنود:هههههههههههههههههههه هههههههههههه الله يرجك بعد ههههه يفحط مره وحده ..

ديما نطت بالخط :مبروووك مبرووووك طلوووول جعلني أحفل في عرسك قل آمين ..

طلال:ههههههههه آميييين أنتي من وين طلعتي لي ؟..

ديما:من هنااااا ..

طلال:يالله فااااااارقوا خلوني أكلم مامي ..

ريما:ماااله خـــوي ..

طلال:هههههه اللي أبيها وراحت يالله مع السلامه ..

ديما:والله اللي مايستحي وأنتي الصادقه ..

طلال:ههههههه يالله بــــس ..

ريما:الشرهه على اللي تدابل لك من أمس ..

طلال:لا عاد كلش والا انتي راس المال ترى مانسيت الموضوع الثاني ..

ريما:ابد الدنيا مصاااالح ..

طلال:هههههههه لا والله ما ارضى ترى ..

ديما:وش موضوعه ؟؟؟..

طلال:عن اللقافه يالله تبون شي ما شيات اللي عندكم هااا حواليكم ؟؟؟..

ديما:فارق بس..

طلال:هههههههههههه يالله مع السلامه ..

ريما وديما:مع السلامه ..

دلال:درى أني أسمعه؟؟؟؟؟؟..

ديما:داري من زمان تعلميني فيهم ذا العيال سكــــن ..

دلال:بسم الله عليه وجع ماتعرفين تحكين ! ..

ديما:من اللحين بتدافع ؟!..

العنود:أذا مادافعت عنه من يدافع عنه أجل ..

دلال:يابعدي أنتي اللي فاهمتني بس ..

ريما:يالله ضفوا قشكم طولنا ترى ..

دلال:من بيجي بيأخذك ..

ريما:فيصل بيجي اللحين..

ديما:أنا بقعد مع العنود اجل عندها محاظره اللحين ..

ريما بخوف على اختها :تقعـــدين بلحااالك ؟؟..

ديما:لا لا تخافين بحظر معها المحاظره ..

ريما:بكيفك عاد تبيني أوصلك قلت لفيصل ..

ديما :لا بسلامتكم ..

ريما لديما بصوت واطي :أبيك في موضوع شوي ..

ديما بدون ما تشاورها بصوت عااالي :ريمـــــــا تعالي معي بشتري لراكان صاجني ريما اللي تعرفه ريما اللي تعرفه ..

ريما:ههههه يالله ..

ودلال والعنود ما لاحظوا شي لأنهم اصلاً يشيلون اغراضهم ويسولفون ..



ريما:ههههه والله أنك شـــــي ..

ديما :اعجبك توأم ببلاش ..

ريما :ياحبي لك ..>بعد ما بعدوا شوي <

ديما : وش عندك ؟؟..

ريما:كنت ابي اكلمها انا بس فيصل بيجي وما يمديني ..

ديما:منهـــــي؟؟..

ريما:العنــــــود خالي طلال يبيني اكلمها اخذ اللي بخاطرها فيه شي مضايقها مزعجها عشان تقرر فجأه انها تروح الشرقيه ..

ديما :طيب ليش ما كلمني أنا ؟؟..

ريما:يقول انك الاقرب بعدين كان جايني عشان موضوع دلال وفتح السالفه ..

ديما:خلاص بس يمكن تبي تروح زياره طيب وبترجع ..

ريما:ما اتوقع ديما احرصي تكفين ..

ديما:لاتوصين حريص بحجر لها اليووم مانيب طالعه الا العلم عندي ..

ريما:ههههههه وهذا الله ابيه ..

ديما:أزهليها وأنا أم ولدي ..

ريما:هههههه وماله أسم هالولد؟؟ ..

ديما:آآه بس خل أبوه يجي بالاول وبفصح عن الأسم ..

ريما:هههههههههه بيجي الله يرزقك ان شاء الله الرجل الصالح ..

ديما:من بوك لباب السما خلاص تعبت من العزوبيه ..

ريما:ههههه اقول امشي بس ماتنعطين وجـــه..

ديما:ههههههههه انتي ووجهك..



وصلوا وراحت ريما ودلال لفيصل لانه جا والعنود راحت مع ديما للمبني اللي يبونه..













...................











طلال :هاا وش قلتي ؟؟..

منيره:هذي الساااعه المباركه انا والله اني ماتمنيت لك الا هي سنع ومنع..>>والله مدري وش معنى منع بس أسمعهم دايم اللي تبي تمدح تقولها مع بعض سنع ومنع والمعني في بطن القائل !<<..

طلال:يعني خلاص بتكلمينهم ؟؟..

منيره:ايه أباخذ رقم أمها من اختك وبدق عليهم والله يكتب اللي فيه الخير ..

طلال:أن شاء الله ياربي والله بكــــون أسعد واحد في العالم ..

منيره:ههههههه الله يكتبها أن شاء الله من نصيبك ..

طلال بدى يخورها:أحبــــها يمـــه !..

منيره:وش ذا الحتسي اهااا بس أثقل لا أعرست فيها ألف حلال ..

طلال قام :هههههههههه فديتك أنا يا روحي أنا وأمي أنا هههههه وحب رأسها ..دعواتك يالغاليه..

منيره:الله يوفقك ويرزقك ويكتب لك في كل خطوه سلامه ياربي يا حبيبي ويحميك من كل شر ويحقق اللي في بالك ..

حب رأسها مرره ثانيه :الله لايحرمني منك قولي آمين..

منيره بعبره >خلاص هذا طلال اخر العنقود بيعرس <:ولامنك وأنا أمــــك منتيب رايح تجيب بنت اخوك ؟؟..

طلال:الا اللحين بسبح وبغير وبروح أجيبها يووووه الدوام نسيتهم مادقيت عليهم ..

منيره:أماك تقول مأخذ اجـــازه؟؟..>>طاح في شر اعماله<<

طلال:هااا ايه مأخذ بس يقولون دق علينا عشان تأكد الاجازه >ههههههه والله من النصب لييه حجز وأنـــا مدري <

منيره:بسلامتك وأنا أمك ..

طلال :الله يسلمك ..











......................









شوفوا العرابجه على أصولها ..



ديما :شوفي أنا ماعندي لف ودوران بدخل في الموضوع سيده واتوقع انه اهم من محاظره فبلا محاظره بلا بطيخ ..

العنود مستغربه:وش فييييك؟؟؟..

ديما:انتي متغيره وفيك شي وما رح اخليك الا قايله كل شي تسمعين بلا دلع ويالله احكي ؟!..

العنود:احكي عن ايش ؟؟..

ديما:اللي فيك لييش متضايقه أحد مزعجك مضيق صدرك لييش بتروحين الشرقيه بهالوقت بالذات واحنا على وجه امتحانات لاتحسبين انا محنا حاسين بهالشي كل اللي حولك ملاحظ عليك وش فيييك ؟؟..

موب انا زي اختك ومدري وشوو يالله احكي ؟؟..

العنود:أنا مو من طبعي احكي انا اكتم في قلبي بس!..

ديما:صدقيني بيجيك يوم وتنفجرين ..

العنود:عارف وأخاف يكون قريب ..

ديما:طيب وش اللي يمنعـــك؟؟..

العنود :أنتــــــــي..

ديما:أنـــــــــــــــــــــــــــا ليييه ؟؟..



العنود حكت لها كل شي سمعته من منيره مع عمتها ساره وانها باعتها وما ادري ايش وهي ما تبي ترفض احد وتخسر الكل عشان هالشي اصلا هي مستحيه ترفض سعود وهو مافيه شي يعيبه ومفتشله من عمتها ومنهم فتحوا لها قلوبهم ما تبي تخيب

ظنهم وما عجبها بعد ان جدتها تبيعها ..

العنود بدموع تمسحها بسرعه :والله اني احبكم كلكم وما اضيق صدر احد ولا ابي اجبر او ارمي نفسي على احد

افهميني ديما ..

ديما :وربي فاهمتك لاتصيحين طيب وانا عرفت كل شي وصدقيني سعود اكثر واحد مستحيل احد يجبره على شي او حتى

يأثر عليه اخوي وانا اعرفه وصدقيني اي خطوه بتصير منه صدقيني بتكون منه اهو موب من احد ووش تبيعك وماتبيعك انتي

عند امي منيره تسوين عيونها ولو امي ماكلمتها اول ما قالت لها شي ماحكت و هي خايفه انك ترجعين لامك فقط لاغير

وهي اللي ما صدقت رجعت لها بنت ولدها بنت عبد الرحمن الغالي اللي يسوى عيونها وغلاتك من غلاته يالخبله

>>تلاحظون ان كلامها مقنع فديتها انا حـــــــرمه والحريم قليل ..



العنود:ما أدري ؟؟..

ديما:وش ماتدرين بلا هبااال وانتي تطووولين أصلا سعوووودي والا انا اصير اخت رجلك حبي يدك مقلوبه انتي ووجهك ..

العنود:احلفي بس ..

ديما:والله العظيم ..

العنود:ديما امااااانه هالحكي بيني وبينك مايطلع لاحد ثاني انا ماحكيت لك الا لمعزتك عندي وبروح للشرقيه عشــــــاني ..

ديما:تامرين خيتوو..

العنود رن جوالها :هذا عمي طلال بتروحين معي ..

ديما:ايه اجل وش رايك ارقد فيذا ؟..

العنود:هوو وبيتنا وين راح الله يحييك بس لاتنسين وعد ..

ديما:وعدين يا ام وعد والا اقول ام خالد ؟؟!..

العنود:هههههه انطمي بس ..











...................













على الغدا ..

العنود لطلال لانهم يتغدون لحالهم منيره نايمه وماتبي غدا ..

العنود:متى بنروح ؟؟..

طلال:وين له ؟؟..

العنود:نسيييت الشرقيه ..

طلال:ايه لا ما نسيت تبين اليوم الليله نمشي ..

العنود:لا بكره الصباح ..

طلال:قلتي لأمي ؟؟..

العنود:لا بكره بقولها ..



طلال مستغرب ماعطته ردة فعل مناسبه مايدري ريما كلمتها والا لا ..

كمل غداه وهو ساكت ..





>>>>>>>>>>>>>

في شي صار أمس نسيناه نرجع له لأنه سقط سهواً



<<<<<<<<<<<<<<<









تركي:مبروووك ..

مها:الله يبارك فيك ..

تركي :خاايفه ؟؟؟؟..

مها:لا ..

تركي :ماتبين تعرفين وين بنروح ؟؟..

مها:لا موب لازم ..

تركي :ههههههههههه ياحبي لك تعقدتي بس منيب معلمك في الطياره أن شاء الله ..

مها:هههه أن شاء الله ..

مها سكتت ماتدري وش تقول توهم راكبين السياره متجهين للمطار بعد الحفله المختصره اللي ببيت أبوحمد ..

مها كااانت طااالعه كيووووت مررره مكياج هادي وفستان أهدى بلون بمبي فاتح ..

تركي قعد يحوس بجيبه شكله يدور شي ومها تطالعه بنص عين ..

تركي :مدري ويـــن حطيته فيه ؟؟..

مها:وشووو؟؟؟...

تركي :شريط ..

مها في نفسها >يا فضيك تكفى ..

تركي :لقيته ..طلعه ..راجوا حط هذا شريط ..>>كانوا مع السواق عشان يرجع السياره للبيت

مها تحمست وش ذا الشريط اللي مجرجره معه في ثوبه وليله عرسه ..

فجـــأه صدح في الآرجاء >ههههههه ما تلاحظون أني صايره أجيب كلمات عربيه واجد مدري شلوون تطلع معي بس أحسها معبره >فارقي بس < صدح في الارجاء صوت القارئ /ناصر القطامي يرتل القران الكريم بصوته اللي يدخل السكينه على النفوس ..

هالشي ادخل الراحه في قلب مهـــا بشكل ماتتصورونه ووش أحسن من كلام ربي بعد ..

مها لاشعورياً مسكت يد تركي وضغطت عليها ..

تركي تركها وما كلمها غير انه مسك يدها وسكت يمكن يبيها ترتاح شوي أو تهدي من خوفها لهالرحله ..













......................













أبو فيصل :ما اقدر اتكلم وانا ابوك ..

بندر:لييييييه؟؟؟..

ابو فيصل :ما اقدر اكلم اخوي وانت حتى وظيفه ماعندك توك متخرج دور لك وظيفه وان كانها مكتوبه لك منتب ماخذ الا هي ..

بندر:بس انا ابيها واخاف تروح علي يبه مافيها شي انت اخووه وتمون وما اتوقع عمي خالد بيردني ..

ابو فيصل:ياولدي افهمني اللي ما ارضاه على بنتي ما ارضاه على بنت اخوي وانا منيب مزوج بنتي واحد ما معه وظيفه ولا امن مستقبله حتى ..

بندر:يعنـــــي..

ابو فيصل:يعني شد حيلك واذا لقيت لك وظيفه المهر وعرسك علي ..

بندر:بـــس يبه ..

ابو فيصل:لا بس ولا شي وان راحت واللي خلقها خلق غيرها ..

بندر:يبه بس انا ابيها ..

ابو فيصل وقف :هذا اللي عندي وبسلامتك عاد ..طلع وخلاه في المجلس دخل داخل عندهم بالصاله >>صراحه قهرني في هالحركه يوم فيصل وأنت تغصبه على وحده ما يبيها بس لأنها بنت أخوك (بغض النظر عن ريما) واللحين يوم جا الضعيف يبي يخطب ويبيها قلت ما أقدر لو كلام عن خاطره يا عمري !!!!<<<<



اول ما دخل فيصل البيت استغرب انوار مجلس الرجال اللي مولعه >غريبه من عندنــــا ..

دخل المجلس ولقى بندر جالس ومسند راسه ومغمض عيونه وشكله يوحي انه واحد غرقان بالتفكير ..

فيصل:اهلييين يابو الشباااااب ..

فتح عين :هلا..

فيصل:وش عندك قاعد فيذا والا مرتي داخل..

بندر:ماجبت خبرها والله..

فيصل:ههههههه صريح بزياده وش فيك مكتــــم ؟؟؟..

بندر:ابـــوك..

فيصل ارتاع:ابــــوي شفيه؟؟؟..

بندر:مافيه الا العافيه بس جاي بشد فيه الظهر وتنكر لي..

فيصل:هههههههه تنكر مره وحده ليه وش عندك ؟؟..

بندر:ابي اعرس ..

فيصل:والله وكبرت يابندر..

بندر:اقول انطم

فيصل:ههههه طيب وليش معيي الوالد عليك ؟؟؟...

بندر:موب خاطب لي بنت اخوه وانا مامعي وظيفه ..

فيصل:بنت اخوه؟؟؟ تبي من بنات عمي خالد؟؟..

بندر :ما ابي الا وحده ..

فيصل :اذا كنت من جدك تتكلم ابوي صادق شلوون يخطب لك وانت حتى وظيفه ماعندك ياخي تلحلح ودور لك شغله تضفك وبعدين فكر بالعرس انت بترضى على دلال تاخذ واحد حتى الوظيفه ماعنده ولا امن له ولا لعايلها مستقبل ما اتوقع ..

بندر رد عليه بكلمتين بس تحمل المعنـــى الكبيــرعندي وعنده..:الله يعــــــين بس ..







.............