أهلا ومرحبا بك أختي هوب في قصة
يسعدني تواجدك
و الا أسعدني أكثر أن قصتي نالت على اعجابك
لا تحرمينا من طلتك
أختك: نيو

عما قريب سوف يكون الجزء الثالث بين يديكم

السلام عليكم أختي
القصة الظاهر أنها حلوه فواصل
دمتي بود

السلام عليكم..
بارت ما يـقل روعـه عن الي قبلـه..
بالنسـبه لنورة والعنود شكلي تخربطت بينهم زين نبهتيني:)

نورة
مو بكيفهـا الشعور الي تحـس فيـه بعد اهي بنـت من حقـها تحلـم بأن يكون لهـا بيت وزوج وعيال..
غير جذي الي فهمـته ان "علي" كان خطيبهـا يمكن!!
وتركهـا لما انشلـت..!!

سيـف
كان يشـرب وترك الشـرب من فتـرة بس الحيـن رد مرة ثانيـه..
اكيد في سبـب خلاه يرجـع لـه..
امممم انصدمـت صراحـه شمعنـى يبي نورة..!!
معقولـه كان لـه يد بالحادث وبيتزوجهـا عشان يصلح غلطـه..!

حمـد
واختفاءه..!!

محمـد
امم ما عجبنـي الي سواه وانـه عشـم عهود..
يكسـر فرحتهـا الحين احسن من انـه يكسرهـا بعدين لما تكون كبـرت..

تقبلي مروري

* الجزء الثالث *

مديت أيدي أسلم عليه, فمد أيده هو بعد, شكله تعبان وايد , و حالته لا تسر لا صديق و لا عدو , قعد وأن تبعته بعد و قعدت , افتتح الحديث, كالعادة نفس السؤال :
كيف حال عهود ؟
• بخير , لا تخاف عليه , المهم أنت كيف حالك؟
• الحمد لله , الحمد لله . " قعد يقولها و هو يهز رأسه"
ابتسمت و قلت :
عندي بشارة لك.
رفع رأسه إلي من قعد وه منزلنه , و قال بلهفة لمعرفة الخبر :
خير؟
زيت من حجم ابتسامتي, وقلت :
دبرت محامي.
بدل ما أشوف الفرحة في ويهه شفت التعجب و الاستغراب:
كيف ؟!!! كيف دبرت محامي , ومن وين عندك فلوس له؟!!
• أنا ما دبرته , صديقي عبيد دبره , أخوه محامي, وقالي بيكلمه و بخليه ينقص من قيمة أجره.
هنا كأني لمحت طيف ابتسامه على شفايفه الجافتان, وقال:
صدق , الحمد لله , الحمد لله, يعني في أمل.
• ما قلتلك البارحة لا تيأس ؟
• أيه صح , كان لازم استمع لكلام , بس , بس تعتقد أنه بقدر عليهم.
• إنشاء الله بيقدر , و بيرميهم بسجن بعد.
• مشكور محمد ما قصرت معي .
• لا تقول ها الكلام يا أخوي , فهذا واجبي صوب أخوي.
أخيرا طلعت ابتسامته إلي من قلبه, و قال:
تسلم يا أخوي , تسلم.
****
كنت طالعه من المطبخ , وناويه أروح لغرفتي, لكن صوت أمي وهي تناديني خلاني أتوقف , وألتفت ناحيتها, كانت قاعدة على الكنبة , و في أيدها فنجان القهوة, كالعادة كل عصريه تقعد ها القعدة و تشرب قهوة و تأكل تمر, في العادة يكون معها أبوي , لكن أنا ما أشوف عندها اليوم غريبة , المهم طلبت مني أجي و أجلس بقربه, فنفذت طلبها, قعدت بقربها , وما أن قعدت حتى هي بدأت في الكلام :
حبيبتي قول لي هل قررت بخصوص محمد و إلا بعد, ترانا طولنا عليهم برد , مر أسبوع و ما قلنا لهم شيء, عشان كذيه قول لي الحين أنت موافقة و ألا لا ؟
مشكله , الحين أنا في موقف مو سهل , أنا حتى الحين ما قررت , في دخلي شعور قوي يقول لي وافقي , لكن عقلي يقول لي لا , ما أدري و ش أقول , أوافق و ألا لا .
• وش قلت حبيبتي؟
• أمي بعدني محتارة.
• ليش محتارة يا ريم , محمد ريال و النعم فيه , ريال شهم و ذو أخلاق عاليه , شفت كيف هو المتكفل بعائلته من مات أبوه , أصراحة لو تريدين رأيه لا تفرطي فيه .
• أمي أنا أعرف كل هذا الكلام , بس أنت تعرفين أن هذا زواج مو لعبه , و بعد أنت شايفت حالتهم يا دوب قادرين يعشون بالمعاش إلي يطلعه.
• أفهم من كلامك أنك تريدين ريال غني يصرف عليك؟!!
• لا يا أمي مو هذا قصدي , أقصد أنا بزيد عليهم مصاريف , أنا أعرف محمد ريال ونعم فيه , بس .
قاطعتني أمي بكلامها:
ريم بس عاد خلاص , أعطينا قرار نهائي تقطع و يوهنا من الناس , معلقينهم كذيه بلا جواب, و بعد أبوك متضايق , و يرد منك تعطينا جواب اليوم.
هذا إلي كان ناقصن ضغط أهلي عليه , ما كافي ضغط التفكير بها الموضوع.
****
دخلت البيت هلكن من البارحة ما نايم , ما لي خلق أكلم أحد , و لا أشوف أحد , إلي أريده أروح لسريري و أنامـــــــــــــــــم, لكن صوت أبوي المتضايق منعني من أن أكمل طريقي,تلفت صوبه بعد أن سمعته يناديني باسمي , وقلت :
خير أبوي ؟
قرب صوبي , و قال و هو بعده معصب :
وين كنت , حرقنا التلفون نتصل بك, و تلفونك مغلق , و ين غطيت ؟
هنا ارتبكت , ما عرفت وش أقول له , بس إلي أنا متأكد منه إني لازم ما أقوله الحقيقة .
رد يكلمني بصوت أعلى من قبل:
وش فيك ما تتكلم ؟
رديت بصوت مهزوز :
أنا ... أنا كنت مع أحد رباعتي كان في مشكله , ورحت أساعده .
• تضن أني غبي , ما أفهم, تحسب بأن ها الكذبة بتعدي عليه؟
• أبوي أنا ما أكذب , هذا الصدق , و بخصوص التلفون شكلي نسيته مغلق بسبب الربشة كان المسكين مسوي حادث.
• و أين أهل رفيقك هذا ؟
يا دوب قدرت أبلع ريقي , أبوي مو راضي يتركني أروح بحال سبيلي , ناوي على هوشه شكله .
• ما تتكلم يا حمد .
• أهله ,... أهله يعيشون ي منطقة ثانيه , وما يعرف , يعرف أحد غيري .
خفت أحط عيني بعينيه , فيكشف أني أكذب , فنزلته في الأرض , بعيد عنهن .
أمي أخيرا تدخلت , و أنقضتن من أبوي , لما قالت:
• خلاص عاد يا بو حمد , الولد قالك كان مع ربيعه , ما صلح شيء غلط , بالعكس , سوى فعل يرفع الرأس.
ضل ساكت , وما نطق بحرف لكم ثانيه , مما زاد من خوفي , توقعت يستمر يسألني , لكنه راح صوب غرفته , و ما نطق بشيء, وأمي وراء, صح أنه عمري 25 سنه , و ريال بطولي وعرضي , لكن قدام أبوي أشعر أني ولد 4 سنين , ما أقدر أرفع راسي , و لا أرد عليه , من الخوف .
****
كان ينتفض مثل الورقة قدام أبويه رغم أنه رجال كبير طوله , من ما بينتفض قدام صوت أبويه إلي يهز البيت هز لما يتضايق, صوت أجبرني حتى أطلع من غرفتي إلي مسكرتنها , الله يعد ها اليوم على الخير, شكله الدوري يا ي صوبه عشان موضوع محمد , وش أسوي أنا بعدني محتارة مو عارفه وش أقول له, محمد ريال أزين , بس أنا ما أحبه , بس بعد ما أكرهه , ما أعرف كيف أوصف إلي في دخله اتجاها , أمكن أعتبره أخ لأنا تربينا تقريبا معا , هو أكبر مني بأربع سنين , ما أدري وش أسوي , بعد مو أزين أرفضه أمكن ما ألقى شخص مثله, وبعد أمكن هالموضوع يسبب مشاكل بينا و بين عائلتهم , أووووووووووه الموضوع معقد , مو عارفه و ش أسوي .

****
سويتها , نعم , سويتها , رحت لبيت عمي , وأنا في نيتي أطلب أيدها, كنت عارف إن عمي بيسألن عن أبويه , لكن ما يهمن , لأنه بهذي الطريقة بخلي أبوي يجبر يطلب أيد نوره لي , مستحيل لما يسأله عمي عن هذا الموضوع يقول أنه مو موافق على هذا الزواج , صح , هذي خطه مضمونه, دخلت البيت بعد ما فتحت الخدامة لي الباب , سألتها عن عمي , قالت لي في الصالة, سألتها إذا كان أحد عنده , فقالت لا, فرحت صوب الصالة , لكني تفاجأت بأنه مو وحده , هي عنده , نوره , استحيت فنزلت راسي بسرعة, شافني عمي , و قال :
هلا بيك سيف , قرب , قرب .
رفعت عيوني شويه , و رديت عليه :
هلا بيك عمي .
لمحتها تعدل من شلتها .
فنزلت راسي مره ثانيه , وقلت لازم اسلم عليها , فشله :
السلام عليكم نوره .
ما ردت عليه , حركت عجلات كرسيها , و راحت صوب الباب الثاني وطلعت , و تركتني أنا و عمي لوحدنا , واضح أنها بعدها شايله عليه , من حقها , ما ألومها , عمي المسكين استحى من تصرفها فحاول يرقع الموضوع , فقال:
اسموحه ولدي, تعرف نوره , من النوع إلي يستحي.
• لا , أنا لازم أعتذر منك لأني دخلت كذيه, لكن الخدامة قالت لي أنك لوحدك في الصالة .
• ما يهم حصل خير, قرب , قرب. " وأشر لي أجلس بقربه , استجبت لطلبه , وقعدت "
قعد هو الثاني , ومد يده صوب صحن التمر وقربه مني , وقال:
أهبش .
مديت أيدي وأخذ تمره .
• كيف حالك , و حالك أبوك , أمك ؟
• بخير الحمد لله , يسلمون عليك.
• الله يسلمك و يسلمهم من الشر, و ش فيك ما تأكل .
• بسني , مشكور.
مسك بدلت القهوة بيد , و بيده الثانية مسك بالفنيان , و صب القهوة , أما أنا قاعد أفكر كيف أفتتح الموضوع معه , قرب صوبي الفنيان , فأخذت وبديت أشرب منه , وأنا بعدي حائر كيف أبدأ الكلام معه.
• من زمان ما شفناك يا سيف , علومك ؟
• علوم الزينه , علومك أنته و الأهل؟
• الحمد لله بنعمه و عافيه .
لازم أفتح الموضوع الحين و إلا ضعفت و ما تكلمت, حطيت الفنيان على الطاولة إلي بقربي, و جهزت نفسي عشان أفاتحه بالموضوع, أخيرا نطقت بعد تردد :
عمي يت أطلب منك طلب, وأرجو ما تردني .
• خير يا سيف ؟
• خير إنشاء الله , أنا ... أنا أريد ... أريد أطلب يد نوره لي.
أخذ يبحلق فيه عمي بعيونه إلي كادت تطلع من مكانها, شكله مو مصدق بالي يسمعه .
• عمي وش ردك ؟
• ما أعرف و ش أقول لك , بس ..بس مو لازم بو حمد هو إلي يقول هذا الكلام , ومو أنت؟!!
• أيه عمي , بس أنا حبيت أعرف رأيك قبل لا يك أبوي .
سكت , ما نطق بحرف , و نزل رأسه للأرض , وأنا قاعد أطالعه بخوف ممزوج بترقب لرده .
بعد طول انتظار قال:
يا سيف خل أبوك أي , و حينها يصير خير.
ما توقعت هذا الرد منه , بس أحسن من رد ثاني, قمت وأنا أقول:
تمام عيل , أنشاء الله بخلي أبوي أيك بأقرب وقت.
****
سعيد وين أنت رايح .
قبل ناحتي , و حاجبينه مقطبنهن , و قال و ضيق مرسوم على ويهه :
وأنت و ش دخلك و ين رايح ؟
بسرعة نزلت راسي هربا من عيونه إلي يخوفا , و قلت بصوت يا دوب ينسمه:
أنا آسفة ما قصد , بس .. بس عشان إذا سأل أحد عنك.
• إذا أحد سأل عني خليه يكلمني على الموبايل.
هزيت راسي , وأنا أقول:
أزين .. أزين.
طلع وسكر الباب وراه بقوه , فانتشرت رعشه في جسمي .
آآآآآآآآآآآه منك يا سعيد , آآآآآآآآآآآه يوم ما تحبني , و لا تطيق شوفت رقعت ويهي , ليش تزوجتني , ليش؟
رحت بخطى مكسوره صوب المراية المعلقة على اليدار, و قعد أتأمل و يهي , مررت أيدي على ويهي , وقلت:
ومن يحب وحده مثلي , ما شيء ينحب فيه , لا عيون واسعة , ولا وجه صافي , و لا حتى جسم رشيق " تنهدت من خاطر" كنت أضن بزواجي منك بكون أسعد بنت في العالم , لكن غديت أتعس بنت.
****
بعد طول دق على الباب , جاني صوته :
من هناك؟
رديت عليه :
هذا أنا ريم .
• وش تريدين ريم؟
• أريد أكلمك.
• في وش ؟
• الأول خلن أدخل .
سمعت صوت خطواته تقرب من الباب , انفتح الباب, لما طاحت عيوني عليه , شفته متضايق , لفت عيوني لما وراه , لقيت الغرفة مقلوبة فوق حدر , شكله فش ضيقه على الأغراض إلي بالغرفة, قاطع حملت تفتيشي صوته وهو يقول:
وش تريدين ؟
• ممكن أدخل؟
هنا نرفز و قال:
ريم وش فيك , تكلمي و خلصيني أنا مو ناقصنك .
• الأحسن نتكلم و الباب مسكر , صدقني.
رفع حاجبيه لفوق وقال:
ليش؟!!
• لأني أريد أكلمك عن الاتصال إلي جاك البارحة و خليك تركض كا المهبول لبرى , و من ساعتها ما شفناك إلا اليوم.
تطلع فيه شويه , و بعدين قال:
أدخلي .
وسكر الباب وراه, ألتفت صوبي , و قال:
وش عندك؟
• أريد أسألك من إلي أتصل بك , و من في المستشفى , شكله شخص تعزه وايد.
أخذ نفس و بعدين طلعه , وقال:
كان هذا صديقي , صديقي إلي كان في المستشفى , عرفت الحين؟
ابتسمت لما سمعت رده , يحسبني غبيه , صح أنه عمري 17 سنه , بس ما يعني هذا بأن كل إلي سمعه أصدقه, فقلت له:
حمد أنا أعرف أنه مو صديقك , فلا تحاول تكذب عليه , نظرة الخوف ذيك إلي كانت في عيونك , تدل أن كلامي صح.
ابتسم هو بعد , و قعد يصفق , و يقول:
برافوو أصبحت شرطيه وأنا ما أعرفه , شكلك ورثت ها الشيء من أبويه .
• حمد بس ضحك , قولي الحقيقة , أمكن أساعدك .
هنا ضحك بأعلى صوته , بعدين قال:
أنت تساعديني ؟
• أيه أنا .
• ريم أطلع أحسلك, فأنا تعبان , أريد أنام .
• حمد ..
قاطعني بصوته المتضايق :
قلت لك برا , مو ناقصنك أنت.
شفت أنه ما شيء فايده من الكلام معه , شكله ما بيتكلم , فقمت و مشيت , ما أن طلعت حتى سكر الباب ورايه , كأنه ما صدق أني طلعت .
****
يا ربي , شكله الموضوع بينكشف , أففففففففف, وش أسوي , حتى أنا ما تهنيت بك , فالخوف من أن ينكشف كل شيء غطى فرحتي بك , و ش أسوي , و ش الدبرة .
****
كنت رايحه لغرفتي لما يتني الخدامة وقالت لي أن سيف يريدني على التلفون , أصراحة استغربت, وش يريد بي سيف, قلت لها برد من غرفتي عليه , رحت ركض صوب غرفتي, و رفعت السماعة :
ألو سيف , وأين أنت يا المجنون , أبويه متضايق حده منك .
سمعت تنهيدته من على الخط الثاني , تبعها بكلامه :
أنا عارف أن أبوي متضايق مني , بس لازم يفهم بأني مو فاشل , وأنه من حقي أتزوجها.
• سيف ليش تريد تتزوج بنوره , أنت تحبها ؟
ما ياني جواب , غير أنفاسه إلي بدأت تتسارع , فسألته :
سيف ليش ما تجاوبني؟
• أيش تريديني أقولك ؟
• قول لي الحقيقة .
• المهم أنا أريد أتزوجها , هذا المهم .
• لا مو هذا المهم , المهم إذا كنت تحبها أو أنك تتزوجها لأنك تشعر بذمب .
هنا تغير صوتها , وأخذ يصارخ و هو يقول:
أسمعي أنا مو متصل منك عشان تحققين عندي , أنا اتصلت بك عشان تساعديني .
تعجبت من كلامه , أساعده ..:
أساعدك في و يش؟!!
• أريد تسألين نوره إذا كانت توافق تتزوج بي ؟
• أنت جنيت , أنا ما لي دخل بها الأمور.
• ليش أيش فيها ؟
• أيش فيها , إذا عرف أبويه به الموضوع لضربني علين أقول بس , وبعد نوره أعتقد أنك عارف شعوره أزين صوبك .
• ليش الكل ضدي يوم أنا ناوي أصلح شيء واحد صح في حياتي , ليش؟ " قالها و هو معصب , و قبل ما أرد عليه سكر التلفون "
****
أنا عارف بأنها تكرهني بسبب الحادث , بس كان عندي أمل إذا طلبت أيدها تحس بأني ريال مو مستهتر , وأني ندمان على إلي فعلته , وأريد أصلح غلطتي , آآآآآآآآآآآآآآآه ليش البيبان مسكره في ويهي يوم نويت أصلح خطأي ليش , ليش ؟
* يتبع *