الجزء السادس




دانه لفت وعطته ظهرها لان دموعها بتنزل::والمطلوووب؟؟

هيف::ايوووه كذا خلينا شاطرين..............وكمل كلامه وهو واثق انها بتوافق عليه ::بعد اسبوع بمر عليك وباخذك والا اقولك ليش اسبوع بعيد يومين سامعه؟؟
دانه عقدت حواجبها بقهر وبنفس الوقت بخوف حاولت تخفيه لفت عليه بعد مامسحت دموعها وطلع السؤال معها ::وين بتاخذني؟؟

هيف ناظر بعيونها الي اقرب ماتكون صغيره وكانت مفتوحه على الاخر وفيها حده بلمعة قهر رد عليها بأسلوب استفزازي::مالك شغل وين باخذك كل الي ابيه منك تقولين لابوك انك ماتبين عرس ومابي اشوف جنس بشري جي واخذك وانتهى الموضوع مابي حفله ولاشي ؟؟

دانه تسمع كلامه وعيونها تدور حول المكان يمكن تكون بحلم ..بين يوم وليله دخل بحياتها تحس كأنه كابوس وبتصحى منه وينتهي الموضوع ,, حست بهيف يقرب لها بس لاهذا موحلم تحس بقهر بداخلها....ركزت عينها عليه وقالت تنهي كلامها معه::بسوي الي قلتي عليه بس صدقني بتندم على الساعه الي عرفت فيها دانه ..وتركته وطلعت!!؟؟
هيف ضحك بينه وبين نفسه على كلامها الاخير,,خذا نفسه وطلع من البيت..........

وقفت عند الباب تسمع ابوها وخواتها يحكوون والي واضح انهم يتكلمون عن ملكتها,,خذت نفس وارسمت على وجهها ابتسامه,,ودخلت وجلست جنب ابوها بين غمزات خواتها الي ينتظرون بس يخلى لهم الجو ويبدون بألاسئله,,
دانه مسكت يد ابوها الي توه بيقوم ::يبه ه طلع خلاص (كانت بتنطق اسمه وحسته ثقيل على لسانها واصلا هي ماتدري موجود ولا طلع بس تتمنى انه يكون موجود علشان يلطع لحاله)
ابتسم لها وهو يبي يعرف عجبها ولاماعجبها ارتاحت له اولا عنده اسئله كثيره وده يعرفها تمنى زوجته عايشه وتسألها لانها بالنهايه بنت وماراح تقول الي بخاطرها له بس اكتفى::الله يوفقك واشوف عيالك؟؟
دانه غصب عنها نزلت راسها وحمرت خدودها طبيعة خجل الانثى تجبرها لو انها داخليا بركان خامد وتقول لنفسها شلون اكلم ابوي سمعت الجوهره تقول::متى الزواج وين بيكوووون؟؟
رنا وهي تضحك:::ههههه والله سؤالك بايخ يعني وين بيكون اكيد بوحده من هالصالات المليانه؟؟
الجوهره ومبسووطه ومصدقه احلامها::أي صالات مالومك ماشفتي شي من خير الدنيا بنت اسكتت (انتبهت لعيون العنود الي تأشر لها على ابوي يعني اسكتي ابوي موجود) وكملت حكيها يعني اكيد بيكون بأكبر فنادق الرياض.....
دانه كانت منزله راسها وتسمع كلام اختها الي تموووت على هالاشياء قالت لنفسها اللحين فرصه اقول لابوي,,التفتت على ابوها الي وضح عليه الضيق واكيد من كلام الجوهره ..مسكت يده وباستها وحبت راسه بدوره لمها بيده وهو متعود على بناته يعاملونه دايم بهالطريقه::الله يرضى عليك يابنتي؟؟
قربت الجوهره له حست بغلطة كلامها ::وخري عن ابوي انتي كبرتي وحضنته وباسته::والله اني احبك الله لايحرمنا شوفتك؟؟
ابتسم على بنته يعرفها تقول الكلام وهي مو قاصده تجرح فيه تقوله على حسن نيه ماحست الا برشا تسحب شعرها وتجلس بحضن ابوها ..الجوهره::أي عورتيني شوي شوي؟؟
رنا وبسوالفها المعتاده::والله بناتك مدري متى بيخلون الدلع؟!
ابو دانه يستانس على سوالف رنا::شفتي انتي الكبيره العاقله.........
دانه ساكته من بين سوالف خواتها توها كانت بتتكلم بس الجوهره ضيعتها قررت تدخل على طووول بالموضوووع ::صحيح يبه ابي اقولك انا مابي اسوي عرس ولاشي؟؟
ابوها استغرب بالعاده البنات يحبون يسوون عرس واحلى عرس بعد وهذا غيرالجوهره الي انصدمت بقوووه بستثناء العنود الي قالت::ايه احسن ماله داعي حفله كبيره نسوي حفله صغيره؟؟
الجوهره بعصبيه::لاوالله خير ان شاء الله نبي ننبسط ونستانس؟؟
ابو دانه التفت لدانه وقال وهو مستانس لتفكير بنته حسه عين العقل (مايدري وش الخافي)::بقوله وبشوف لان يمكن اهله يبون يسوون له حفله كبيره وهذا ولدهم ومانقدر نمنعهم؟؟
دانه صدت بعيونها تخاف تضعف وتبكي من كلام ابوها حست بغصه من ناحية اهلها ابوي يفكر فيهم ومايدري ان الاخ هيف مايتشرف فينا وبيتزوجني بالسر لحد مايريح الي براسه ,,بلعت ريقها اكثر من مره لازم تنفذ كلامه تشجعت وتكلمت بين خواتها الي كانوا ييتكلمون الي مأيده والي معارضه::لايبه انا اقصد عشاء بس وكملت بصعوبه::يعني بس انت وخواتي وبعدها ياخذني وخلاص؟؟
ابو دانه رفح حاجب على كلامها بأستعجاب:يعني تبين محد يدري سكاتي مثلا؟؟
دانه ابوها ضرب وتر حساس عندها مع انها تدري قاله مزحه بس هذا الي بالضبط يبيه هيف::يبه حنا ماعندنا معازيم كثير نعزمهم فماله داعي وكملت محاوله بأقناعه::وانا ماحب صجة الناس؟؟
ابو دانه بثقه من كلامه::انتي مالك شغل بالعرس و زوجك ماراح يرضى واكيد اهله يبون يفرحون فيه نمنعهم يعني؟؟
دانه وحست الفرج جاها وماتدري انها بينقلب عليها::لا يبه اتفقنا وانتهى الموضوع؟؟
عصب ابوها وفتح عينه على الاخر::شلون يعني هو اللي طلبك من يكون العرس مافيه احد؟؟
دانه ابتسمت ترقع الي قالته ومن داخلها خافت بقوه يكشفها وقتها ابوها بيشقى بعمره::لا يبه بالعكس هو قالي وين تبين يكون العرس قلت له مابي حفله ولا شي .؟؟
ابو دانه ارتاح وبمعارضه منه::بكفيكم بس لازم نسوي عشاءونعزم فيه العرب؟؟
نزلت راسها وهي كارهه هالهيف لان صورته وصوته مافارقتها وقالت بصوت اقرب للترجي ::يبه الله يخليك اذا تزوجت بيعرفون وبعدين لاتنسى امه وابوه كبار ويتعبون يحضرون ؟؟
ابو دانه صرخ عليها ولاول مره تطلعه من طوره ::دانه شفيك لازم نعلن العرس تفهمين ولا لا وامه وابوه عاذرينهم؟؟
دانه فقدت الامل من ابوها سحبت نفسها وطلعت لغرفتها من بين عيون خواتها المصدومات ,,
التفت ابو دانه على العنود وقال لها تلحقها ...









في وحده من صالات القصر جالس مع زوجته يناظرون التلفزيون,, طبعا كالعاده بدون أي حوار بينهم ,,يعني الصمت وهو وضعهم باستثناء اصوات كاسات العصير...صارشي طبيعي عند الاثنين ................
نزلت وكالعاده سماعات الجوال بالاذن ,,انتبهت لابوها موجود ركضت له بدلع وحضنته::حبيبي جاي بدري اليوم؟؟
ابتسم لها::خلصت شغلي بدري و فجاءه عقد حواجبه انتبه على الشاش الي ملفوف على يدها مسك يدها بخوف ::ليش يدك ملفوفه وشفيك؟؟
رغدوهي متعوده على خوف ابوها الزايد عليها ضحكت وقالت::لايبه مافيها شي بس هذي مووضه؟؟
ابو رغد بأستغراب ::وشو موضه؟؟
ام رغد::بالله احد يلف يده بشاش مستشفى ويقول موضه الله يصلححك بس..
رغد وماتتحمل كلام من امها تتضايق بسرعه::يمه لازم تتحسسيني اني مسويه شي غلط وهو شي عادي يعني لازم تكبرينها اعوذبالله والله شي يقرف ..
ام رغد تناظرها وهي تتحلطم والي يشوفها كاني قايمه ومعطتها كف ..
ابورغد لامها::اتركيها براحتها هالموضه عاجبتها ؟؟..
عدلت جلستها وهي تأشر بيدها قدام عين ابوها دليل على كلامها الي بتقوله::ابيك تحولي فلوس ودي اغير جهازي ؟؟
ابتسم لها::امداك تصرفين فلوسك كلها بس ولايهمك بحولك اليوم؟؟
رغد متوقعه رد ابوها ::تسلملي ويخليك لي يارب..ودق جوالها للمره الثالثه وابتسمت لاهلها وقامت...............

ابو رغد ناظر بنته وهي رايحه ,,من فتره ملاحظ تلفونات بنته الكثيره ودايم امها تشتكي من هالجوال الي بأذنها علىطول ,,خاف على بنته ,,,,,,,,,,..............................................







في غرفة دانه..
::دانه شفيك معقوله ماتبين نعزم احد مافيه احد بيتقبل هالشي؟؟

دانه جالسه على الكرسي ومقابله المرايه بس الي تشوف بين عيونها صورة هيف..
العنود جالسه على السرير ومدده رجلينها ومن دخلت وهي تحاكيها بس هي مو معها ::طيب انسي العرس قولي وشرايك بهيف؟؟؟؟؟؟؟؟
دانه للحين تسمع عنود تتكلم بس مو معها ساكته فكرت تنرضخ وتستسلم وتقول لابوها بس ماودها ابوها يتمرمط ويشقى ,,اما العنود تعرف دانه ماتنسكت وماترد على احد يعني في شي يحوس براسها تفكر فيه ::دانه انا عارفه في شي شاغلك قولي لي وشفيك؟؟
دانه للفت للعنود وقالت برجى::عنود الله يخليك اقنعي ابوي
معي مابي احد يحضر ؟؟
العنود عصبت::دانه انتي شفيك مريضه فيك شي معقوله ماتبين احد يحضر فيه ناس ضروري يحضرون وانتي عارفه مين اقصد ولا نسيتيها؟؟
فهمت عليها تقصد جارتهم ام بندر وهي كانت تتمنى انها تكون اول وحده وجنبها في زواجها بس هذا لو كان زواج مثل العالم والناس رجعت وقالت ::مصيرهم بيعرفون ومصير الناس كلها تعرف طال الوقت ولاقصر؟؟
العنود تحس كلامها وراه شي::انتي وش تخربطين وليه مايعرفون اللحين ؟؟
دانه تضايقت وعصبت وصرخت بوجه العنود::عنود خلاص بتفهمين بعدين اطلعي برى ابي اجلس لحالي؟؟!
العنود تاكدت ان دانه فيها شي شالت نفسها وطلعت ..قفلت الباب ورمت نفسها على السريروجلست تبكي القهرا لي فيها وتبكي حظها تبكي الساعه الي دخلت فيها بيته.. واكثر شي بكت حست نفسها رخيصه بفكرة انه يتزوجها بالسر هذي حسستها انها ولاشي,,مسكت الفراش بقوه ودموعها عليه وتكلمت بصوت مقطع مايسمعه الاهي:ليش هذا كله ماتوقعت تهديده بيوصل لكذا هو الي غلط علي مو انا غطت وجهها كامل بالفراش وهي تتوعد فيه بتخليه يندم ............................................................ .















هيف بعد ماطلع من عندهم ماخلى شارع بالرياض مامر من عنده..جالس يفكر بالي صار معه .. هذا الي ابيه و صار,,و اللحين صارت زوجتي رسمي بس كلها كم شهر وترجع بيت اهلها وان شاء الله ماينتشر الخبر ,,تذكرعيونهاوقت قالها ماتشرف فيك..مايدري جاه شعور لو يمسح كلمته الي قالها له مو عشان شي بس هذا مو هو...,,ليش سويت هذا كله ,,لان مافيه احد عاملني بطريقتها ولا بحركتها القذره هذي ..اخذ جواله واتصل على راشد::هلا راشد خلاص الشقه ..جهزت يومين ان شاءلله وبكون فيها..ايوا اهم شي هي نفسها بالحي الي قلتلك عليه؟؟
سكر منه بعد ماتاكد من الشقه الي بيسكن فيها وتعمد تكون بالاحياء البعيده عن اماكن رجال الاعمال والناس الي من الطبقه المخمليه عشان محد يعرفه ولاشي....................................................... .












من بعد الشركه اليوم كان تعب بالنسبه له لأن هيف كان مشغول وماجاء للشركه فكان هو الي مو جود لبعد المغرب..ولاول مره تصير بالعاده الى الظهر ويطلع ,,ونادرا مايرجع لها العصر..واقف عند دريشة غرفته والجوال بأذنه ::لاياقلبي هذي السنه ان شاء الله على جنيف؟؟
رغد وندمت انها قالت لابوها انها تبغى مصرقالت بقهر واضح::لا لاتقول وش هالحظ تخيل بابا كان يبغى جنيف بس رفضت وقلتله مصر؟؟
زياد وبداخله يحمد ربه لانه مايبغاها تكون هناك لانها سفره عائليه وبالاخص جنى فيها::مصر ولاجنيف مافيه شي يبعدنا عن بعض؟؟
رغد تحس ودها تطير من الفرحه بأحساسها ان زياد يحبها::زياد والله انتظر اللحظه الي نجتمع فيها انا وانت؟؟
زياد حك جبهته بتوتر وانتبه على الي يدخلون البيت::يالله انا ضروري اسكر الحين اوكيه بينا اتصال ..
رغد كان ودها تسمع رده::اوكيه قلبي مع الف سلامه..........






ام عبدالله وجنى لهم فتره مازاروا بيت ابو هيف وكل ماجنى تقول لجدتها تصرفها,, وهذا كله لتفكير ام عبدالله علشان جنى كبرت وفوق هذا زياد ماتبيه يشوفها كثيرعلى قولها تمصخ السالفه,,,,بعد ماسلموا عليهم وجلسوا
نوره::ياخاله اشتقنالك من زمان مادخلتي بيتنا؟؟
ام عبدالله:: مو من زمان كلها كم يوووم ؟؟
ام هيف:: كنت بحاربك لو ماجيتي اليوم عندي وبزعل عليك كل يوم وانا شايله عبايتي وعصاتي وجايتك وانتي ماعاد جيتيني مدري وشفيك على بيتنا.؟؟
جنى بمزح تصطنع فيه الجديه::خاله مفروض ماتكلمينها ولاشي اصلا من زمان تقول هي ماتحبك ؟؟
ام عبدالله خافت ام هيف تصدق::ماعليك منها انا لو ماحبك كان ماجيييت؟؟
ام هيف ونفس حالة ام عبدالله تصدق على طول::ياخوفي تطلع صادقه وتطلعين ماتحبيني؟؟
نوره وهي تضحك::هههه افا تشككون بصداقتكم لبعض؟؟
جنى ::ههههههههه شفتي كيف مايثقون بعض وش هالصداقه؟؟
ام هيف وام عبدالله ناظروا بعض ..وكل وحده صارت تلوم الثانيه انها ماتثق فيها...........
طلع زياد من غرفته بعد مالبس وكشخ ..بنطلون بيج وتيشيرت مقلم بزيتي واحمر ..وحط جل بس اكتفى فيه من فوق وترك الي تحت مثل ماهو ..وقف في مكانه سمع اصواتهم يضحكون طرت في باله فكره ..رجع واخذ لفه كامله حول الدرج من فوق وقرب لجهه الي هم جالسين فيها بحيث لو يطل يشوفهم يبي يشوفها مع انه شبعان منها بس فكرت انها تحجبت منه شوقته يشوفها ,,قرب بهدوء وقف قرب راسه ,,شافها تنح شوي ..صحيح دايم يشوفها بس اول مره يشوفها بهاللبس ,,لابسه برموده فوق الركبه وبدي تقريبا ثلاثة ارباع جسمها طالع فيه والله دايم اشوفك احلى بنت ..ابتسم ,,هو يشوفها تتحرك كثير وتضحك لاحظ شعرها طولان طالع رهيب.. فديت هالضحكه ....نسى نفسه وجلس يدقق فيها اكثر ..ماحس الا باللي ساحبه من شعره::اوووه يارجال شوي شوي علي؟؟
هيف الي توه راجع للبيت::وش تسوي هاه البنت كبرت وانت مبحلق عينك فيها تراني مارضى عليها جالس تشوفها كذا بدون شي ؟؟
زياد ابتسم::خربت علي جوووي ؟؟
هيف ابتسم لاخوه ::لاحق عليها ...يالله انا بروح ارتاح؟؟
زياد ::اوكيه وانا بنزل اسلم على الي تحت تعرف حق واجب..
ضحك هيف وراح لجناحه..............

نزل بعد ماتنحنح ولبست جنى عبايتها وتحجبت ...
::كيفك خاله ؟؟
ام عبدالله ::بخير ياولدي انت وشلونك؟؟
::بخير والتفت على جنى وحط نفسه كانه توه يشوفها::اووه جنوني تصدقين ماشفتك؟؟
جنى طالعته بنظره وهي تقول:: مو لازم تشوفني؟؟
زياد طالعها بنظره فيها ابتسامه حلوه وبجراءه::انتي بالذات لازم تتعودين على شوفتي ؟؟
نوره عشان تنقذ الموقف لانها فهمت قصد زياد يقصد بأنه بتكون زوجته وخافت يخورها ويقولها وهو بوقته فقالت تبررلها::اكيد لان سفرتنا بتكون مع بعض على نفس الرحله؟؟
جنى فرحت:صحيح بتكون سفرتنا هالسنه مع بعض؟؟
نوره ابتسمت::ايه انا وزياد وأمي بتكون رحلتنا معكم؟؟
جنى تكدرت ماذكرت اسم هيف

زياد وهو الي كان متعمد سفرتهم تكون معهم يقول::عشان كذا لازم تتحمليني؟؟
جنى بضيق::انت لاتقرب مني وانتهى الموضوع؟؟
زياد وده يأكلها حتى اذا تضايقت وعفست بوجهها حلوه ..نبهته نوره::زياد اطلع اترك جنى تاخذ راحتها؟؟
فعلا خذا نفسه وطلع ..جنى متضايقه من نظرات زياد لها..شفيه يناظرني كذا نظراته غريبه مادري كيف تخليني ارتبك ..اوف بكون هناك معه الله يعيني............
ام عبدالله ملاحظه عيون زياد على قولها تزووغ ومايعجبها كذا ........................














نرجع لبيت ابو دانه..
::يبه اذا هي ماتبي خلاص مو لازم تلبس وتتزين ويجي يأخذها والسلام عليكم وانتهى الموضوع؟؟
الجوهر وهي مو مقتنعه ابد بس علشان دانه::صحيح يبه حتى فكرت وقلت ماله داعي اهم شي راحتها واثنيهما كيد راضين ؟؟
العنود ::يبه وامه وابوه مايقدرون على الطلعه والجيه حرام نكسر بخاطرهم ونسوي عرس ونعزم وهم مايقدرون يجون واكيد انت تعرف؟
ابو دانه احتاروقال::خلاص انا بحاكيه وبشوف وش يقول ..وعلى طول قام وطلع لغرفة دانه..


دانه غفت عينها شوي ماحست الا بصوت ابوها ,,على طول فزت من مكانها وفتحت له وشافته مبتسم لها::اجل نايمه هاه ؟؟
ابتسمت وقربت له لكرسي وجلس عليه::يادانه انا مايهمني الا راحتك ومابيك تزعلين عشان موضوع زي كذا وانا بكلم وبتفق معه ؟؟
حست حمل كبير طاح منها ::باست راسه وقالت هي تجلس عند ركبته::يبه الله يخليك مابيك تزعلي علي بيوم ابيك تسامحني.؟(قصدها اذا طلقها وعرف الموضوع)
ابو دانه ابتسم لها :: مازعلت ولاشي وهذي رغبتك وماعندي ناس مهمين يحضرون بس كان ودي تفرحين ويشاركونا الناس الفرحه بس اهم شي راحتك والي تبينه انتي وشوفي قدامك وش بسوي؟!!!!!!
طلع الجوال واتصل على هيف ..


منسدح على الكنب شوي يفكر بالشغل وشوي يرجع لدانه ,,قطع عليه الجوال وابتسم للمتصل::يامرحبا ؟؟
::يامرحبتين شلونك ؟؟
هيف وحس من صوته بيقول شي::بخير اللله يسلمك من الشر ؟؟
ابو دانه بتردد::والله ياهيف دانه طلبت مني ماتبي عرس ولاشي لانها ماتحب الحفلات والاشياء هذي و وعشان الوالد والوالده مايقدرون فماله داعي عرس؟؟
هيف ابتسم شلون قدرت تقنع اهلها::خلاص اجل انا ياعم جاهز وياليت بعدي يومين اقدر اخذها ؟؟
ابو دانه مايقدر يمنعه زوجته وعرس مافيه ليش يمنعه::والله هذي هي عندي كلمها واتفقوا انت وياها...وعطى الجوال دانه وطلع دانه الي سمعت المكالمه وحست انها رايحه للمشنقه بيدها هي........
هيف حس بنفس احد على السماعه واكيد دانه فقال::مشاءاللله عليك شكلك ذكيه وعندك طريقة اقناع سريعه؟؟

دانه غمضت عيونه من صوته صوت كريه :: انا مو فاضيه مع السلامه وسكرت السماعه بوجهه...وضحكت خله هذي بدايتناو الي يبيه صار وانا من اليوم بعلمه من انا.....

ناظر الجوال سكرت بوجهي مردود لك ..بس صوتها عكس شكلها الناعم صوتها فيه بحه...









اليوم الثاني,,

في بيت ام عبدالله..
جالسه جنى على التلفزيون ودق جوالها ,,ناظرت الرقم وشافته خارج المملكه..على طول عرفت مين ظغطت على الزر بسرعه::الووو
::الو جنى ..؟
جنى بعتب بعيون دامعه الي حركه صوت امها::يمه وينك ليش ماتتصلين علي؟؟
::طيب انتي ليش ماتتصلين ولا انتي مو بنتي؟؟
جنى دمعت عينها::انا اتصل عليك بس ماتردين؟؟
::طيب طيب انتي كيفك؟؟
جنى كانت بتقولها نجحت بس سكتت::بخير متى بتجين هنا؟؟
::مادري ماعتقد اجي هالسنه؟؟
جنى ضاقت فيها وقالت لامها::طيب يمه مع السلام انا مشغوله..
::طيب يالله مع السلامه

رمت الجوال بعصبيه ..هذي ام ماتوقع صرخت بصوت عالي::اكرها ماحبها ,,
قربت لها ام عبدالله وبيدها كأس حليب الجنى الي حاطته على الطاوله وجلست جنبها ::وشفيك ياجنى ؟؟
جنى رمت نفسها عليها وجلست تصيح::يمه خلاص هذيك مو امي انتي بس الي امي ابي انساها ابي انسى وجودها؟؟
ام عبدالله جاء بخاطرها ربتها وللحين حاسه بغياب امها عنها::يابنتي اكيد انا امك وهذيك الشينه ماعليك منها انسيها؟؟
جنى وهي بحضن جدتها واول مره تقول شي ضد امها ماعمرها تكلمت عنها بكلمه سألتها وهي للحين بحضنها::يمه ابوي وامي ليش تتطلقوا؟؟
ام عبدالله ارتبكت وقالت وهي تمسح دموع جنى::وانا وش دراني هذا شي بينهم ..يالله قومي اشربي كأس الحليب خليه يقويك شوي بدال هالعظام اللي مادري وشلون جايه..
جنى حست بتصريفة جدتها وقالت::مابي حليب ولاشي جده الي يشوفني يقول بزره تراني كبرت.
ام عبدالله::هو هذا انا اشربه يعني انا بزر..!!
ضحكت على كلام جدتها تحبها تموت فيها ماتقدر ترفض لها طلب خذت الحليب وشربته وهي مقرره تسأل لحد ماتعرف شكل جدتها وارتباكها وراه شي......................


عند ريم,,
الساعه 4::العصر

لاصقه في امها وهي مبسوطه لان الي تبيه بيصير اليوم وفي شي تخاف يكدرفرحتها وقالت تبي تتأكد::يمه اخوي صالح بيجي الرياض اليوم؟؟(يشتغل في منطقه تبعد عن الرياض 100 كيلوا وبحكم شغله ساكن وهو زوجته هناك)
ام صالح وعارفه ان بنتها بتطلع مع رغد كالعاده::يمكن يجي بالليل ويمكن بكره؟؟
ريم ابتسمت::حلو لان تعرفين ولدك شلون معقد اخاف مايخلي اروح مع رغد؟؟
ام صالح عصبت::لاعاد تقولين اخوك معقد ولا والله لامنعك انا واحرمك من الطلعات فاهمه كل هذا عشانه خايف عليك تقولين عنه كذا؟؟
ريم بصوت قريب للصراخ ::تبين تحرميني على شان الاخ صالح مايكفي طفش وملل وماعندي احداحكي معه بسني يفهمني وافهمه اف على هالمملل وقامت وهي معصبه...............
ام صالح هزت راسها على هالبنت تعبت معها كثيييير..


في بيت ام بندر..
اسيل لانوار::ليش مارح يجون من زمان عنهم؟؟
::اقولك يوم قلتلها قالت بنروح للسوق طلبت مني العنود نروح معهم بس اعتذرت عشان عمي واهله؟؟

ام بندرانبسطت::زين لهم فتره طويله ماطلعوا للسوق ان شاء الله ينبسطوون ؟؟

دخل بندر عليهم..:السلام عليكم؟؟
بصوت واحد:وعليكم السلام؟
اسيل وهي تستهبل::هلا بزوج بنت عمي؟؟
بندر عقد حواجبه بضيق ::الله يرجك فوق مانتي مرجوجه الله لايقوله؟؟
انواركملتها::هع يعني ماتدري انها حاطه عينها عليك؟؟
بندروهو عارف هالشي::والله كيفها بعدين هي ماتصلح لي اكبر مني؟؟
ام بندر بمزحه::طيب مايهم العمر ؟؟
بندر وده لو يقول لامه ابي العنود بس ينتظر الوقت المناسب::يمه صحيح وبنت عمي على عيني وراسي بس ماحسها تصلح لي؟؟
اسيل::اصلا لو انت تجي وتقول ابي بنت عمي بشنقك عليها ثقل دم ولسان اعوذ بالله؟؟؟
ام بندر عصبت::اسيل ترى غاده بنت عمك ومايصير تقولين عنها كذا..
اسيل لفت بوزها::اسفين خلاص سكتنا..
بندر::ترى اتصل علي خالد ويقول العشاء ان شاء الله عندنا؟؟
انوار::غريبه خالد معهم بالعاده مايحب يجي للرياض..
بندر::صحيح بس انا لزمت عليه يجي ....واستمر الكلام عن عمهم وجيته لهم؟..............................................







الساعه 6::المغرب ..

جالسه بالسياره بعد مانزلت امها لعند اختها وهي تتأفف من حي الي يقرف على قولتها ,,تكلمت بصوت مسموع::اف ياربي وينها هذي متى تتطلع اقرفوني عيال هالحاره اشكالهم همجيه ..بدون تردد مسكت جوالها واتصلت::الو وينك ,,بسرعه ترى طفشت وانا بالسياره..وسكرت بدون لاتسمع ردها..

لفت انتباها شخص يمشي من بعيد شوي وبما ان الطبع بدمها ,,تقدمت تبي تشوفه ..دققت بعيونها اكثر وقالت واو شكله حلو تذكرت زياد ورجعت ظهرها وهي تقول بنفسها,,بالطقاق حلوولا شين وش علي..لفت من الجه الثانيه على اصوات التصفير من العيال الصغار وشافتهم يشجعون ويصفقون لاولاد يتصارعون ,ابتسمت على جنب ,,مره مصدقين نفسهم ..رجعت تناظر باب البيت ..وانصدمت من الشخص الي كان واقف عند الباب ::ماصدق هو نفسه الي كان يمشي الا اكيد هو لانه كان معه علبة ببسي...والله تغير بظرف شهور هذا ماجد كيف ماعرفته بس حليان ,,اصلا هو من يومه حلو بس السكسوكه مطلعته احلى ,,
ماجد كان بيدخل للبيت بس عرف السياره وعشان كذا جلس عند الباب مع انه مايشوف شي منها مغيمه حيييل..تردد يقوم يسلم عليها او لا..وشتبي فيها ياماجد اعلق نفسي فيها زياده وبس ..البنت ماهي لي ولاراح تكون ,,هي وين وانا وين ,,وفوق هذا شايفه نفسها ..الي يقهر ادري انها مغروره ومتكبره فوق هذا احبها,,طلعت ريم كالعاده مصرقعه تكلم ماجد::شوي شوي لاطيحين؟؟
ريم مكمله طريقها ماردت عليه موفاضيه له على طول راحت وركبت من الجهه الثانيه,,لفت رغد عليها::مابغيتي وانتبهت للكيس ال بيدها يعني لازم هالكيسه ,,
ريم وتوها بتفصخ عباية الراس وتحطها بالكيس::ياشيخه يطب علي صالح ولاشي اروح فيها؟؟
استغربوا وقفت سيارة السواق فجاءه بعدماشوا شوي عن الباب ناظرت رغد من مراية السواق وشافت ماجد جاي لهم قالت وعينها على المرايه::وش يبي اخوك؟؟
قرب واشر للسواق بفتح الدريشه رخى راسه بحيث انه يشوفها وهو يقول::عاش من شافك رغد؟؟
ردت بغرور::هلا ماجد عاشت ايامك ؟؟
ريم وتبي تروح مستعجله::اخلص ماجد وش عندك؟؟
ماجد وده يجي ويدبجها::ابد بغيت اسلم على رغد وكمل ::ياليتك تثقيلن الغطا شوي لاني انا الحين قاعد اشوفك؟؟
رغد بنظرة تعالي::نعم وش قلت؟؟
ماجد تضايق من نظراتها::اظن سمعتيني وناظر السواق وقال::شوي وشوي طيب ورجع نظرته لها::يالله مع الف سلامه رغوده....................
طالع السياره وهي تروح,,ليش اهلها تاركينهاعلى راحتها بعبايتها.. انا ادري اساسا انها تكشف بس والله شي يقهر طاقه المكياج وراميه شيله خفيفه يزعم حركه....ليتها تكون لي والله ماخلي احد يشوفها الا انا...........................

التفتت على ريم بعصبيه :قولي لاخوك ماله دخل فيني وقولي له لو امشي بدون عبايه مالك شغل ومن يكون هو عشان يتكلم ولا ياليته يشوف اخته وش تسوي قدامه عباية راس وراه الله العالم..
ريم وهي تحرك يدها بلامبالاه::ماعليك منه وكملت::واو شوفي صورته يجنن ماني مصدقه بشوفه اليوم.......
رغد لريم::دايم تتعرفين وتقابلين بس ماعمري شفتك مهتمه باحد كثر هذا....
ريم اسكتت ماعرفت وش ترد عليها تقولها عشانه غني وبيغرقها بالهدايه الغاليه حييييل مايصير.......................

وصلوا للمملكه للمكان المحدد..
رغد راحت تلف بالمحلات ..وريم جالسه على نار تستناه..
دق جوالها ابتسمت وردت بدلع::هلا؟؟
طلال بالثوب والشماغ تعمد يلبس عليه احلى كثيير من البدل,,وبالزلوف الي عاملها طالع رجوله طاغيه..::ماتصدقين كيف زحمه برى اسف ااذا تاخرت على غلاي..؟.
ريم انتبهت له وشعرفته وانتبهت ان فيه كي بيده قالت::جنااان وربي انك جنان؟
طلال واثق انه بيعجبها::لا قلبي مايصير كذا ابي اشوفك؟؟
ريم بصوت مايع:قرب قرب وتشوفني؟؟
طلال الي خق::وينك ؟؟
ريم بجراءه لوحت بيدها....
طلال انتبه لها وقرب ناحيتها لحد ماصار قريب منهاقالها وهو يتفحصهاوبالاخص عيونها الي بتاكله اكل قال وللحين الجوال بأذنه::فديت العيووون؟؟
ريم بدلع:اممم بأمانه شرايك فيني؟؟
طلال برضى على شكلها مع ان صوتها احلى بكثييير::قمر وربي قمر,,بس عندي طلب؟؟
::امرني؟؟
::كذا عذاب امشي اخذ لفه فيك بالسياره؟؟
ريم تذكرت كلام امها واحتمال يجي صالح::لا لالالاماقدر؟؟
انصدم طلال ماتوقعها تقول كذا علىجرائتها معه بالجوال ::ليش كذا حرام عليك؟؟
ريم ابتسمت له وهو يشوفها قدامه بس الحكي بالجوال ::اليوم لا بس اوعدك بيوم ثاني؟؟
طلال بنظره هيام::وعد؟؟
ريم وعيونها عليه::وعد؟؟
طلال ::طيب بجي اللحين وبعطيك هديه مني وان شاء الله تعجبك؟؟
قرب لها واعاطها الهديه ,,وبكل جراءه مدت يدها له وخذتها,,وابتسم لها ومشى عنها .......
انتبهت لرغد::يالله حبيبي بسكر بنت خالتي تتصل فيني؟؟
::اوكيه يالله قلبي انا طالع ...
سكرت منه وتوها على رغد الي شافتها وجاءت عندها قبل لاترد عليها::واو يارغد شوفيه يهبل؟؟
رغد وهي تشوفه::اها طيب ...
طلال شاف رغد وش هالطول والجسم والنعومه عجبته البنت اجل هذي بنت خالتها بس شكلها مو من مستوى ريم ...خليني بريم اللحين وبعدها افكر بهذي.................,..................................
بالليل بالسباااااات جالسه على سريرها تحس انها هلكانه من السوق مع انها ماختارت شي كل ماجاء ت بتاخذ شي تجيها الضحه تكذب على نفسها وتقول انها عروس وكلت الامر للعنود والجوهره,, تشوف الجوهره ورنا يقلبون بالاكياااس الكثيره الي اشترتها وماجاء من ربع المهر يقول 60000اف بس طلعت 200000مالت عليه وعلى فلوسه ,,انتبهت للعنودالي ترتب شنطتها وتجهزها وترتبها لها واضح الدموع بعيونها,,تفكر كيف اللحين بطول ماراح اشوف خواتي معقوله يحرمني من اهلي ,,,والله مو بعيده عليه..تذكرت ام بندر..اكيد راح تزعل انتبهت للعنود تقول::تصدقين اليوم اتصلت انوار تبينا نجي عندهم وقلتلها طالعين للسوق وطبعا فشله ماقولها تجي الحمدالله قالت عمها بيجي وماتقدر؟؟
ابتسمت دانه وماردت حست ماعندها تعليق على كلامها.........
الجوهره ::الفستان روووعه قومي البسيه خلينا نشوفه عليك؟؟
دانه بضيق::بكره بتشوفينه...؟
الجوهره::ميلت فمها والتفتت على عنود بصوت واطي::عنود مادرت انا حجزنا مصوره من نفس الكوفيره الي راح تجي؟
العنود ضحكت بخفيف::لا وربي لاتقلب الدنيا علينا الكوفيره مابغت توافق عليها كانت تبي تسوي مكياجها نفسها وبعد مصوره اسكتي بس.....
الجوهره بغيض::مايكفي بين يومين بتروح من عندنا وماتبينا ننبسط بعد ماتبي هي تفرح نفسها بصراحه اشك انها عروووس,,
العنود اسكتت وناظرت لاختها السرحانه هي متاكده دانه مو كذا دانه تحب تنبسط وتحب الي حولها يفرح بس اكيد في شي على قولتها بفهم بعدين....................................................... .....



صارت بكامل زينتها الي يشوفها يقول عروس فرحانه ومبسوووطه تضحك وتسولف مع خواتها تبي تستغل الفرصه ماتبي تضايق نفسها عشانه ...وماتدري ليه انبسطت وقت شافت المصوره موعشانها لا عشان تشوف صور خواتها وهم مبسوطيييين ,,خذوا لهم كم صوره ,,
دخل ابوها وهو يقول ::مشاءالله تبارك الله وش هالزين,,

دانه كان فستانها ناعم مررره,,كان بدون اكمام ماسك على جسمها بذيل طويل شوي..وطرحتها عملت لها الكوفيره حركه بحيث لافيته على شعرها من جنب كانها مربوطه ظفيره على,..مطلعها قمررررر..والمكياج اصرت عليها يكوون ناعم....

خذا ابوها كم صوره معها,,والتفت عليها وقاال يالله زوجك ينتظرك البسي عبايتك..
العنود غرقت عينها::يبه لا خليه يصور معها؟؟
::رفض يقول مستعجل..؟
رنا على طول صارت تبكي..ورشا دست راسها ورى ابوها وصاحت..
العنود قربت لها وحضنتها::مبررروك والله بنشتاقلك ياوليك بكره تجين؟؟
الجوهره وهي حاضنتها مع العنود وتبكي::دوني اذا ماجيتي بكره ياويلك؟؟
دانه تحس قلبها بيتقطع ماتدري هي بتجي بكره ولا لا ابتسمت لهم وقالت من بين دموعها::وخروا عني خلوني اروح اسلم على ابوي قبل لاطلع...
ابو دانه يحس بفرحه بنته بس فيه شي يحسه ناقص مايدري يمكن لان كل شي صار بسرعه ويحس بنته طارت من يده ::حضنها وباس راسها ربي يسعدك ويوفقك,,
سحبت رشا من وراه::حبيتبي رشا انتي كبيره ليه تصيحين؟؟
رشا من بين شهقاتها::كلهم يصيحوون؟؟
دانه ماسكه نفسها::شوفيني انا ماصي حانتي مو قويه؟؟
رشا مسحت دموعها::هاه حتى انا شوفي..
راحت وباست رنا الا على صوتها بالصياح......

لبست العبايه عليها وطلعت مع ابوها الي اخذ شنطتها وطلعوا لبرى كان جالس ينتظرها بالسياره ,,,انتبه لها ونزل واخذ الشنطه من ابوها الي قاله::تكفى ياهيف ماوصيك عليها ترى دانه غاليه وانا وثقت فيك ياهيف,ماوصيك عليها ,؛
هز راسها وكل الي قاله::لاتخاف عليها ياعم............وكل هذا تحت عيون شافتهم وطلعت منهم شهقه

ركبت السياره من ورى وجلست وهي تشوفه يتكلم مع ابوها ..فتح باب السياره وحركها وابعد عن البيت وفجاءه وقف وركز المرايه عليها وقال بعصبيه وصوته الي ارعبها من قبل واللحين زاد اكثر:: انزلي بسرعه واركبي قدااام...................................................... ........................................







نهاية الجزء السادس قراءه ممتعه

انتظروني بالبارت السابع

هيف ودانه وش بيصير بينهم..
ومين العيون الي شافتهم

زياد وجنى وسفرتهم..؟؟وجنى وامهاا؟
وبنت عم اسيل وانوار غاده واهلها الي ماتعرفنا عليهم وش دووورهم؟؟؟




كله بالبااارت الجاي