رجفة خفوق

الجزء الثـانـي,,


بعـد اسبوعين على ابطـالنا ,,
وقريب منهم وفي نفس المكـان وفي نفس الاجواء لكن في حي اخر,,
في الاحياء الراقيه والطبقه المخمليه,,
يوم الاربعاء
30 :3العصر

~
~
~


فتح باب الفيلا الداخلي ,,ودخل بشمـوخه الي مو غريب عليه,,مشى بخطواته الواثقه المعتاد عليها,,قطع عليه’’الشغاله وهي تاخذ شنطة الاب توب منه,,..

وابتسم لابوه::ياهلا والله بالسندي؟؟
باس راسه::هـلا فيك يـالأسـد؟؟
ابو هيف بشيبه الي مغطيه وباللحيه الي معطته وقـاروغالب عليها اللون الابيض::خلاص انا راحت علي انت اللحين اللأسد!
هيف وهو يرجع ظهره على الكنب::مافيه غيرك اسد وانـا الشبل ومثل مايقولون هذا الشبل من هذا الاسد ,,.
ابو هيـف بجديـه:: هاه بشر شلون الشغل اليوم؟؟
هيـف بجديه اكثر منه::والله ماشي الحمدالله ,,وبعد كم يوم عندي سفره لجنيف ؟؟
ابو هيـف::الله يقدم لنـا الخير,,
ابوهيف::بترجع للشركه ؟؟
هيف::لا اليوم مافيه شغل , ,

تمشي والجوال بأذنهاوبصوت كعبها الي يرن بالرخام رن وصداه مالي المكان::لاياقلبي عارفه زوجي حبيبي مايجلس كثير بالرياض,,
جلست على الكنب وحطت رجل على رجل ::اكيد اشتاق له هو بعد يشتاق لي اكثر!!!!
::اوكيه يالله اشوفك بعزيمة اللأستقبال اليوم؟؟
وسكـرت الجوال وهي تتـأفف ::شايفه نفسها على ايش مادري لامركز زوج ولامركز اهل,,
ابو هيف يتضايق من غرور بنته من كانت صغيره وتشوف الناس اقل منها ولاشي عندها واللأبتسامه عندها بالقطـاره::يانوت متى بتتركيـن طبعـك تسـولفين مع البنت وبعدين تذمينها؟

نوت :: هذي شايفه نفسهارافعه نفسها على الفاضي!!
ابوهيف تضايق من غرور بنته من هي صغيره وهي تشوف الناس اقل منها ::يانوت متى بتتركين طبعك ,,
نوت تلوي فمها بطريقه مغروره::لايبه انت ماتعرفها هذي بكل جلسه تسوي نفسها سيدة مجتمع وتجلس تتفلسف بكل الجلسه وهي فيها قراوه!!!
هيف عارف طبع اخته ذمة احد اكيد تغار ::اها وطبعا تبين انتي الي تاكلين الجو بالجلسه,,
نـوت بثقه زايده::لامايحتاج انا كذا ولاكذا ماكله الجو,,وقطع على جوالها الي مايسكت ,,واستأذنت ,,
ابو هيف يناظرها لحد ماختفت عن عينه ويهز راسه::مدري متى بتترك غرورها؟؟
هيف بـابتسامه::يحق لها مو انت ابوها!!!
ابو هيف::مابيها تشوف حالها على الناس الي اقل منها خذ انت ونوره عكسها تماما تحبون الخير للناس هذي حتى صديقاتها ماسلمو من شوفة نفسها والله خايف ربي يبلاها !!!
هيف بعدم اهتمام::يبه ريح بالك كلام حريم لااكثر ولااقل!
ابوهيف::الله يهديها.؟
ابو هيف وقف::بطلع للحديقه اتقهوى هناك شرايك تجي معي؟؟
هيف وده يرتاح:لا يبه بطلع ارتاح..
::براحتك ,,وطلع ابوهيف,,
ومشى هيف بريح,وهو بطريقه للدرج سمع صوت امه واخته,,


::يوه يمه تيبن ولدك يموت هذا بالنسبه له اكبر عذاب بدنيته!!
::لاخليه يستاهل خله يلتفت لنا شوي بريح السواق مافي احد بيودنا ويجيبنا من اليوم الاهو!!؟
هيف يبتسم على امه الي معصبه باس راسها::وليش الغاليه متضايقه علميني من الي مضايقك عشان اوريه؟؟
ام هيف حطت العصا على جنب وجلست بعد مساعده من نوره::من غيره هالزياد هذا الي مو فالح الابالسهر لاخر الليل والسفر الي ماله طعم؟!
نوره تضحك بخفيف تذكرت وجه اخوها يوم عرف بقرار امه::هههه لابس امي معاقبه زياد مايودينا ويجينا الاهو وطبعا مو عاجبه طول الطريق وهو يتحلطم على قولته اخرناه على ربعه؟؟
هيف تذكر سوالف اخوه الي مو غافل عنها::زياد مصيره بيتعدل اتركوه علي!!
نوره::ياوليك والله وطحت بيد هيف!!
ام هيف ::خله ماييحسب حساب الا للهيف ولا انا وابوه كل شي ان شاء الله ومانشوف شي!!
هيف::يالله اجل طالع اريح,,اخليكم,,
ام هيف تناظر ولدها وتكلم نوره::مدري متى بيتزوج وصل الثلاثين ولامره فاتحني بالزواج معقوله واحد بعمره مايبي يعرس نوره انتي دايم يجلس معك ماتدرين ليه مايبي يتزوج؟؟
نوره ودها تشوف اخوها معرس::والله يمه كل ماقلتله يقول مو متهيئ نفسيا؟؟
ام هيف::والله حتى هذا كلامه لي والله اني مافهمت وش يقصد بحكيه ذا..!
ابتسممت نوره::يمه هيف رجال ويعرف مصلحته..قطع عليها صوتين تموت فيه::ياحياتي تعالوا؟؟
::حالتي يلا نلعب بالبرته برى؟؟
سوسن تذكرت حكي امها ::لا ياوثن ماما تدول لميري مايلعبون مويه بالبرته!!(لاياوسن ماما تقول لميري مانلعب مويه,,)
ام هيف::امكم وينها الله يخلف عليها راميتكم على هالي ماتسمى,.
وسن::ماما فوق عندها توفيله(كوفيره؟)
ام هيف ::هذا الي هي فالحه فيه التزين!
نوره و نفس الشي موعاجبها اختها راميه بناتها على هالمربيات من صغرهم ::خلاص ماما قالت مافيه مويه بس بكره تروحون معي للحضانه شرايكم,,
وسن سوسن::يسسسسس ,,

نزلت من الدرج ونص شعرها كيرلي والجهه الثانيه ماخلصت ::ميري ميري ..
::يس مدام..
::انا طالعه بعد شوي الساعه 8 تقولين لهم يجهزون العشاء لوسن وسوسن,,والساعه 9بالفراش ,,
ميري وحفظت هالاسطوانه::اوكيه ,,
نوره تناظر اختها الي تستعد للطلعه لاخر الليل::نوت مايصير كذا كل يوم طالعه وبناتك ماتدري عنهم مرمين على المربيه ؟؟
نوت ::يانوره انتي ماجربتي تربية الصغار صدقيني تعب ويبغى لها طولة بال والله يخلي هالمربيات يكفون ويفون,,!!
نوره جرحها كلام اختها بس مابينت سكتت وماعلقت على كلامها.التفتت على امها يالله يمه انا طالعه لغرفتي
ام هيف حاسه بنتها وماعجبها كلام نوت الي ترمي الكلام وماتحسب حساب اوقفت بصعوبه ومسكت العصا::خذني للأبوك برى الحديقه......................................

اما هيف دخل لجناحه نزل شماغه ورماه على الكنب ,,وفتح ازارير ثوبه ,,ورمى نفسه على اول كنبه,,يحس لادخل جناحه كأنه داخل عالم ثاني,,عالم صغيرعالم طفل ,,تلقائيا يرتاح ,,لاشعوريا منه اول مايفتح الباب يبتسم,,لأنه داخل وتارك العالم وراه تارك الثقل والتعب الي عليه وتارك المجاملات والابتسامات المصطنعه للناس بالشغل,,ناظر السقف الي مأختلا من افخم الديكورات,,ناظره وهو يبتسم لانه سمع كلام امه الأخير,,ياليتك تدرين يايمه انا نفسي مدري شفيني مع ان ظروفي تسمح لي اتزوج ,,بس نفسيا احس ماني متهيئ ابدولامستعد..ومع افكاره غمضت عيونه وراح بسابع نومه.........



صفط السياره على جنب سيارته بي ام ,,فتح بابها ,,نزل رجل ورفع الثانيه,,ولبس النظاره السوداء,,كالعاده مايروق يكلم بالسياره الابهالطريقه::هلا والله هلابقلبي ودنيتي!؟
::هلا فيك زيودي!!
زياد بكذبه الي مايخلص وبهيامه المصطنع وبكلامه الي ينطقه لسانه وماينطقه قلبه:اشتقتـلك!!
البنت توهم نفسها بالحياء لانه تبخر كيف مايتبخر و فيه عشرين قبله ومعه قالت وهي تمد بكلامها تزعم استحت ::زيووووودي ؟!
زياد مل منها يمكن صارله معه 6شهورمعه رقمها بالبلتوث بدون مايشوفها ويبي يقابلها ::ودي اشوفك ولا مومشتاقه .!!
::لا اكيد مشتاقه اشوفك؟؟
::طيب ياعيون زياد ريحني خليني اشوف صاحبة الصوت الي مارتاح والا انام الا اذا سمعته !!!
::بصراحه خايفه منك..
زياد باستغراب مزيف::تخافين مني اكلمك لي مده ولاتثقين فيني هذا الي طلع معك الثقه ممسوحه,,قطع عليه صدمته الخداعه خط ثاني وناظر صاحبة المكالمه وقفل الخط من البنت وقالها::يالله مع السلامه اذا مافيه ثقه ليش نستمر!!!!!!!!!!

ورد على حبيبة قلبه مولانه يحبها لا,,لان كل مابغاها لقاها,,يطلب يشوفها على طول توافق,,والي يستغرب منه انها هي بنفسها تطلب تقابله ,,لكن فسره اكيد تتسلى مثله..
::ياهلا بالغلاكله......................................... ............

نوقف شوي نشوف شخصيات عائلة ابو هيف,,
ابوهيف::رجل كبير بالسن ,,تعب بداية حياته لحد مابنى اسمه واثبت وجوده وتحمل المسؤليه,,وبعدها وكل المسؤليه لولده لانه تعب بحكم تقدم العمرطلع قدها هيف من كان مراهقته وابوه ياخذه معه لشركه وكل اشغاله.. تزوج هيا بسن متاخر الاهي ام هيف تصير بنت عمه..

ام هيف كبيره بالسن بنفس عمر ابوهيف,,طيبه حنينه ,متعذبه مع زياد تبيه يعقل,,عندها الم بالركبه ومسويه عمليه ماتجلس وتقوم الابمساعده عشان كذا العصا ملازمتها,,عندها جاره من ايام قديمه والى اللحين مع بعض راح نتعرف عليها..

البنت الكبيره نوره::35سنه,,مطلقه,,ماتجيب عيال عالجت كثير بس ماينفع,,وطلبت من زوجها يتزوج ,,فعلا تزوج ,,بس هي ماقدرت تستمر معه وطلبت الطلاق بعد زواج 13سنه ومن سنتين تطلقت,,,وراضيه بحايتها موكله امرها لربها,,تموت على الصغارعشان كذا فاتحه حضانه وهي الي تديرها..طيووووبه وملامحه مرره متسامحه وبشاشه في وجهها

بعدها يجي هيف:30سنه ,,رجل عملي تحمل مسؤلية اعمالهم..يحب اعمال الخير..شخصيته بحكم شغله فهو غالبا جدي ,, فيه غرور,,طويـل ,,ابيضاني ,,شعره اسود,,مسوي سكسوكه,,الولدعامه غالب عليه الوسامه اكثر من الجمال.....

بعده تجي نوت::29سنه..انسانه مغروره لابعد حدود,,يهمها المظاهر اكثر من اي شي ..متزوجه من شخص له مركز مرموق نادر تواجد زوجها بالرياض والغالبيه تجلس بيت ابوها,,تهتم بالموضه,,وتلبس اخر الصرعات,,تهتم بنفسها كثير,,شكلها الخارجي عادي جداا ولكن مع اهتمامها تبين احلى.............

اخر العنقود زياد ::25سنه خلص دراسته الجامعيه السنه الي فاتت تخصص ادارة اعمال,,قلبه حنين لكن مغزلجي نبر ون وعنده مقوله مع البنات(داخل السعوديه بحدود وخارجها فلها ياولد)ماكأن ربي فوقه<<<الله يهدي الي امثاله,,اما عن شكله ..طويل جسمه رياضي لزوم البنات طبعا داخل النادي,,شعره ناعم لاخر رقبته..عيونه مو كبيره لكن حلوه نظرته فيها حنيه وهذا الي ذابح البنات فيه..,..............................

&
&
&
&
&
&
&
&

&
&
&
&
&
&
&
&









::بتروحون لام بندر
دانه::ايه يبه اليوم مجتمعين الحاره عندهم..
ابو دانه بعد ماكان جالس ببطن البيت المكشوف وقف ::يالله انا طالع للشغل تبون شي ؟؟
رشا::ايه يبه انا ابي؟؟
ابو دانه::وشو يايبه؟؟
رشا::لو سمحت ماتتاخر اليوم لاني بنام بدري
ضحك على بنته::ههههه ان شالله تامرين امر,,ويالله مع السلامه

دانه بملل تنادي::يالعنود والجوهره يالله خلصونا!؟؟؟
جات الجوهره وهي تلبس عباتها ::يالله هذا انا خلصت؟
العنود جايه تمشي وهي فاتحه عبايتها من قدام::شكلي زين؟!
دانه بنظره سريعه وبنص عين::اكيد جالسه كم ساعه قدام المرايه ؟؟
العنود انحرجت وطقتها بكتفها..
الجوهره بهمس لهم وهي تضحك::هههههه ماتدرين يمكن تقابل الفارس بندر الي ذابحها مدري وش عليه حافي ومنتفف خخخخ,
قاطعتهم رنا::ماله داعي هالمساسر ترى الخبز واحد!!!!!
الجوهره تناظرها وهي تحرك بيدها مثل العجايز وقالت وهي تسوي نفس الحركه::ماعليه ياجده اعذرينا السموحه منك!!
رنا تلوي فمها::مره ثانيه اذا عندكم شي وماتبون احد يسمعكم قولوه لحالكم!!!!!
دانه :هههههههه ان شاء الله خاله ابشري يالله خلونا نروح تاخرنا............................................ ......



&
&
&
&
&
&
&
&









في الاحياء الراقيه,,
لكن في فيلا ثانيه

نازله من الدرج تركض بحيوتها ,,وحركتها الكثيره الي تعودوا عليها اهلها ,, وبـأعلى صوتها::يمه يمه,,ماما ,,مامي؟؟

::تعالي انا هنا؟؟


قفزت قبل الدرجتين الاخيره وهي تقول::يمه يالله خلينا نروح بيت خالتي ام هيف؟؟
ام عبدالله::ابوك اليوم سأل عنك يقول يومين ماشافك يابنتي؟؟؟
جنى بملل وهي تستعد تلبس عبايتها لمشوارها الي تعودت عليه ::انا من عطلت ماصحى الا العصر ولا اتغداء و مايكون موجود الابوقت الغداء وبالليل يجي وينام على طول وانا اكون بغرفتي,, وكملت تنهي الموضوع لانها تعرف جدتها بتقعد تهاوش وبتطولها::ولايهمك بكره ابصحى من بدري واقعد معه؟!!!!!!!!!!!!!!
ام عبدالله تناظر جنى وهي تلف الشيله ومستعده::انتي وش تلقين وناسه هناك روحي لرغد بنت عمك؟؟
جنى كشرت::لايمه مابي اروح لها مدري كيف مانبسط عندهاوكملت وهي بتسم لجدتها ابتسامه كرتونيه ::وممثل ماتلقين انتي من وناسه عندهم انا استانس؟؟
ام عبدالله::ايه انا عندي ام هيف استانس معها بس انتي مامن وحده بسنك؟؟؟
جنى وحست ان جدتها مطوله بالاسئله::يمه مو انتي تستانسين هذا يكفيني يلاعاد خست بهالعباه؟؟
استسلمت ام عبدالله ::قولي لشغاله تجيب عباتي..........................


ام عبدالله::جارة ام هيف واكثر من جاره تعتبرها اختها متعلقين بعض,تقريبا يوميا يزورون بعض,,زوجها متوفي من فتره ,,عندها ولدين,,ومارزقها الله بنت..لكن عندها بنت ولدها جنى,,تموت فيها وهي الي مربيتها,,,

عبدالله ::ابو جنى بنته الوحيده,,مطلق ام جنى انسان عملي لاقصى درجه,,طبعا يحب بنته بس مايعرف يبين مشاعره ولاحنانه لها,,يغلب على وجهه الجمود,,لهم علاقة عمل مع عائلة ابو هيف من فتره طويله..من ايام المرحوم,,عنده اخو ثاني,,بنتعرف عليه..

جنى::16سنه اول ثنوي,,ابوها طلق امها من كان عمرها6سنوات لسبب مجهول ,,,,امها تزوجت بعد طلاقها بسنه,,وراحت كندا مع زوجها بحكم شغله,,,,ماتشوفه الابالسنه مره ,,اذا جات عند اهلها الاهم خالاتها لان جدانها متوفين..واللحين صارلها سنتين ماشافتها..ونادرا ماتتصل امها عليها,,وهالشي يضايقها بس تكابره,,تقول جدتي تكفيني عن الكل,,تموت على جدتها تعتبرها مثل امها..اماشكلها الخارجي,,بيبي براءه طولها اقل من متوسط جسمها صغير ,,الي يشوفها يعطيها 12سنه,,بيضا,,ملامحها جدااا طفوليه,,عيونها مو كبيره ولاصغيره,,بس نظرتها تشع براءه.. خشمها حاد وصغير وفمها صغير وجهها مدور,,تحب الضحك والمزح ...................................


&
&
&
&
&
&
&
&








نرجع لاحياء العاديه,,
جالسين بالصاله وصوت التلفزيون عالي وازعاجهم واصل اخر الدنيا وناسين الي حولهم ,,دانه طايحه على جنبها من الضحك::هههههههههه الله يخليك لاتهزين بتعتزل فيفي عبده؟؟!!!
اسيل ومايأست مستمره الا تهز صح::ليش هالعجوز وش احسن مني فيه؟؟؟؟
العنود تشرب من الشاهي الي صار بعضه بحلقها واغلبه برى::ههههه الله يخسك على هالرقص !!
انواروتعودت على منظر اختها::ماشفتوا شي ترى اللحين تعتبر فنانه!!!!!!!!!!!!!!
الجوهره مو اقل منهم ::هههههههههههه اي فنانه الله يعافيك هههههههههههههههههههههه,,
اسيل بعد تعب رقص على الفاضي فكت الشيله::صدق ماعندكم سالفه كل هالهز وموحلوماعندكم نظر!!!!!!!!!!!!!!!!!!
دانه بعد تعب ضحك على اسيل لان فعلا شكلها تحفه تقدم رجل وترجع الثانيه واليدين طايره فوق::ههه لاتكفين خليك على الخليجي وبس...............
وقفت انوار بالوسط بينهم::بنات شرايكم نروح للسوبر ماركت؟؟
الجوهره صرخت بفرحه ::هيييييييييييه انا موافقه؟؟
دانه تضايقت من الجوهره::وين موافقه الوقت متاخر؟؟
اسيل::وين متأخر تو العالم و اللحين اذن المغرب على مانوصل يكونون خلصوا الصلاه وفتحوا ؟؟؟؟
أريان سمعتهم::نبي نروح معكم!؟
اسيل::لا مافيه مانبي بزران؟؟
أريان لفت وجهه عنها وهي عارفه اسيل قالت كذا مستحيل تروح فقالت عكس ماتبي::اصلا مانبي نروح صح رشا؟؟!!!!!!!!!!
رشا تناظر دانه ومن ورى قلبها::ايه صح نتعب رجلينا وبس ’’
أريان تسوي قويه::ياويلك اذا ماشتريتوا لنا كاكاويات وشبسات؟؟
طنشتها اسيل وناظرت البنات: بروح اقول لأمي ؟؟
فعلا طلعت ونادت على امها الي كانت مشغوله مع حريم الحاره::يمه نبي نروح للسوبر ماركات؟؟
ام بندر::معكم دانه؟؟؟
::ايه اكيد معنا,,..؟؟
ام بندر::خلاص روحوا؟
اسيل تخصرت::ليش يمه واذا دانه مو معنا وانا وين رحت؟؟
ام بندر وهي تضرب كتفها::ايا العياره يالله روحي ولااغير رايي.............................................. .




بهالوقت العنود ماكانت موجوده معهم< كانت طالعه ورايحه للمطبخ ,,شربت مويه وخلصت,,وتوها بتطلع استوقفهاصوته ,,الصوت الي هي حافظته انرسخ بعقلها وتبرمج لقلبها الي صار يدق ,,صوته يهئ انه بيدخل المطبخ لانه كان قريب سمعته يقول::يـاولد,,ماكان منها الاسكرت باب المطبخ لان مايمديها تطلع المطبخ ملاصق للصاله الي جالسين فيها وهوكان واقف قريب من الصاله واكيد انه بيدخل المطبخ لان مافيه قدامه الاهو,,حست بأحد بيفتح الباب ,,خافت وعلى طول رجعت ظهرها ليه,,رجع اندف الباب ,,غرقة عيونها ودق قلبها زياده,,حست انها موقف محرج وبألاخص هي من النوع الهادي والخجول ,,تبي تتكلم بس مو عارفه شلون او وش تقول,,ماكان منها الاانها ترجع ظهرها زياده,ارتاحت شوي حست انه راح,,فجاءه انفتح الباب بقوه وماحست الابندر قريب منها ::اريان حركتك قديمه وعلى طولوقف كلامه,,
نزلت عينها ودخلت نفسها بهدؤء ورى الباب بعد مابعدها عنه بقوته,,,,,,,,,,,,,,
نزل عينه وبعد عن الباب وقال وهو مرتبك وعارف صاحبة هالعيون ماينساها عيال حاره وحده::اممم العنود ان انا اسف حسبتك اريان.وطلع وتركه,,,
ثانيه ,,ثانيتن ,,ثلاثه,,دقيقه,
واقفه ماتحركت من مكانهاوصورته وهو قريب منها بعيونها حست بشي يتحرك قدام عيونها::انتي شفيك تقولين احد مخرعك؟
العنود عينها على اسيل بس عقلها وقلبها مو معها::ههههمممم وش تقولين؟؟
اسيل ::اقول بنروح للسوبر ماركت كلنا جهزنا الا انتي؟؟
العنود بهدوئها::اوكيه اللحين بلبس عبايتي؟؟...................


نوقف شوي مع عايلة ام بندر,,

ام بندر::جارة ام الدانه المرحومه,,حزنت عليها كثير تغلي بناتها من غلا امهم,,تعاملهم مثل ماتعامل بناتها ,,من توفت الغداء مايحسبون حسابه,لان وقتها دانه تدرس ,,كانت تسويه وترسله,,ولحد الان مع دانه تحاول تمنعها لانه تعب عليها بس تقولهم انتوا بناتي..زوجها عسكري,,ومرابطته كثيره وقليل وجوده بالبيت

بندر::23سنه,تخرج من الجامعه ,,توظف بوحده من هالشركات,,ولد قلبه على امه وخواته,,يكره حركات الشباب السخيفه الي يشوفها من ربعه.,اسمرسمار البدو,,طوله مناسب لجسمه ولكتوفه العريضه الجبره..ملامحه نجدي خشم مسلول بفم صغير بعيون واسعه وحواجب مرسومه بطريقه متسلطه..,


اسيل:20سنه تدرس بالكليه رياض اطفال تحب الاستهبال,,خفيفة دم,,ملامحه ناعمه وهاديه بعكس هبالها,,وجسمها متانسق,,

انوار::18سنه,,ثالث ثنوي,,بنفس صف العنود,,تحب العنود ومن صديقاتها القريبات لها..بس شخصياتهم تختلف,,هي اجتماعيه حركتها كثيره بعكس عنود الهاديه,,طويله بجسم ريان..تاخذ من اخوها بندر بالملامح..شعرها طويل وناعم واسود فاحم..

اريان::الصغرهم,,10 سنوات,,دائما مع رشا ,,وكل شي تشتريه تشتري لرشا معها,,على قولها رشا توأمي,,,








&
&
&
&
&
&
&
&
&
&
&










ناظرت نفسها بالمرايه وتغني ومبسوطه,,اكيد بتكون فرحانه بتقابل حبيب قلبها وعمرها,,بتقابل زياد’’,,زياد الي عشانه,,تركت كثير قبله ,,وغيرت شريحتها,,صارت ماتشوف غيره ,,مايملى عينها الاهو,,بعد ماكانت تتسلى مع كثيرومع زياد لكن صار العكس وصارت مغرمه بزياد,,, لبست بنطلون جنز ضيق غامق,,وبلوزه لونهابنفسجي ,,وحزام اسود عريض,,ولبست كعب مو عالي مره كعب ارتفاعه بسيط..وحاطه مكياج ناعم ,,رشت لها من العطر الي اهداه لها زياد,,لبست عبايتها المخصره والملفته بـألوانها..واخذت شنطتها جفنشي,,وابتسمت لشكلها بغرور وطلعت.,من غرفتها وقابلت ابوها بطريقها وصرخت بفرحه::بابي وراحت وباسته بخده,,
:هاه دلوعتي شكلها بتطلع؟؟
رغد تهز براسها::يس بابي طالعه؟؟
سلطام ولافكر يسـألها وين طالعه بس اكتفى وهو يمسح على شعرها::لاتتاخرين ياعيون بابا؟؟
رغد وهي مستعجله لانه دق جوالها بنغمه تحبها::اوكيه يالله انا طالعه تأخرت على صديقتي!!!!!!!

كل هذا وتحت انظار امها الي مو حاسبه لها اي حساب ناظرتها وهي تنزل من الدرج مو عاجبها حال بنتها كل يوم طالعه وماترجع الامتاخرولا الجوال كله بأذنهاناظرتها لحد ماختفت من عينها::الله يهديك ويسامح ابوك؟




سلطان ::الولد الثاني لام عبدالله ,,تزوج ام رغد من عايله مو من مستواهم بنت عايله فقيره,,لان سلطان كان في بدايته لعاب يعني يشرب ,,وسفرات وبنات,,بس تغير حاله بعد ما جاء عمر رغد 5سنوات,,انقلب 180 درجه,,صاريهتم بيته وفي رغدو بشؤؤن اشغالهم مع ابوه واخوه صار سند لهم,,عكس اخوه حنون على بنته ومدلع بنته اخر دلع ,,لحد ماصارما يقدر يرفض لها طلب ولا له راي عليها...........


امنه::ام رغد,,تزوجت من سلطان لحاجة ابوها واهلها,,جابت رغد,,تعذبت معه السنين الاولى ,,وبعدها تغير بفضل الله ثم بفضل دعائها بكل صلاه,,علاقتها معه شبه رسميه ,,علاقه فاتره وبارده,,يعني يلتقون على الغداء والعشاء والفطور ,وطول الوقت مشغول ,,ويجي بالليل وينام هذي حياتهم.,مالها اي كلمه على بنتها اذا منعتها من شي تقول لابوها وعلى طول يوافق وقتها ماتقدر تقول شي...........


رغد::بنت دلوعه وانانيه..اي شي تبيه تبيه عندها,,20سنه ,,تدرس بالكليه,, قسم حاسب ,,ملامحها حاده واضحه تلفت الي يشوفها,,خشمنهاىطويل مرسوم بطريقه حلوه مزين بزمام..فمها وسيع شوي لكن محليها اسنانها المرتبه ومزينه بفص صغيرالماس على سنها اليسار لابتسمت يبان,,............



&
&
&
&
&
&
&
&
&
&
&
&
&
&
&




صحى هيف من نومه,,ناظر ساعته شافها 6المغرب ,,تحرك من مكانه ,,ودخل الحمام اخذ له شور هو رايق ,,طلع بروب الحمام اليوم ماعنده شغل بس عنده شي مهم مو له لا,,للأمه ,,لانها دايم تحن فوق راسه روح شوف بيتك الي موكل المقاولين والعمال فيه ولاتدري عنه ,,وقال لنفسه لازم امره اليوم لي فتره مامريته,,,اخذ جواله واتصل على مصمم الديكور واتفق معه يتقابلون هناك ,,توجه لغرفة الملابس ,,فتح دولابه اختار له بنطلون جنز وبلوزه سوداء في كتابه من قدام بالابيض Diesel

لبس ملابسه,,صلى المغرب,,وقف قدام المرايه ,,مشط شعره الموج بنعومه لاخر رقبته,,مد يده لعطره المفضل ماركة (لانكوم) تعطر
واخذ نظارته وطلع,,



تحت بالصاله بالقسم التراثي بالجلسه العربيه..جالسه ومتربعه قدام جدتها وخالتها ام هيف ومستلمتهم::ايه بصير مغنيه وبلبس قصير وبطلع بالتلفزيون وشفيها يعني!!!

ام هيف بحكم كبر سنها وهذا الشي غريب عليها بس ماستبعدته على هالجيل ::سمعتي وش تقول يأم عبدالله ؟؟!
ام عبدالله ومتعوده على سوالف جنى ::هاتي عصاك يأم هيف وانا اوريك فيها خذتها وبدت تضرب بخفيف على فخذ جنى ..
جنى تتصنع الوجع::اي اي يمه عورتيني؟؟
ام عبدالله::احسن جالسه طول اليوم قبالنا بس عشان تهايطين علينا بسوالفكّ!!
جنى وقفت بملل::طيب خاله هيف متى يصحى؟؟؟
ام عبدالله::وانت وش لك بالرجال يصحى متى مايبي وش عليك منه؟؟
ام هيف ونظرها على الدرج الدائري الي ينتصف البيت وهم من خلفه::الطيب عند ذكره هذا هو صحى؟؟
التفتت جنى وابتسمت شافته كاشخ والاكيدين انه بيطلع راحت له على طول.....
ام هيف للأم عبدالله::تعز هيف كثييييييير من كانت صغيره بعكس زياد ماتحب تجلس معه؟؟
ام عبدالله::لانها تعودت عليه من هي صغيره ماتجلس الامعه بس والله كبرت مابغت ترضى تتحجب منه؟؟
ام هيف::خليها على راحتها توها صغيره...................


قطع عليه تفكيره مصدر صوت يناديه وهو عارفه صاحبته زين لانه شبه يومي يشوفها التفت لها وببتسامه::هلا والله بجنى؟؟

جنى تعدل شيلتها وتحطها على راسها طبعا بعد ماشافها تذكرت توصيات جدتها وبأنها كبرت::هيف طالع؟؟
هيف يبتسم وهو يشوف الي قدامه والي تذكره بمراهقته وقت ماكان يلعبها وهي طفله واللحين صارت تتحجب منه يحسها للحين نفسها جنى البنت الصغيره ::ماتشوفيني لابس اكيد بطلع؟؟
جنى بملل ميلت فمها:: مايصير اليوم خليه راحه لاتطلع؟؟

هيف جلس على الكنب وريح نفسه::هذي جلسه عشانك ,, ؟؟
جنى جلست بالكنب الي جنبه وقالت وهي مقصره صوتهاوتضحك:: هههه فاتك من شوي صدقت خالتي اني بصير مغنيه وبلبس قصير وبطلع بالتلفزيون؟؟
هيف يضحك ::ههههه حرام عليك مغنيه مره وحده ,ووكمل بجديه::شخبار النتيجه ماطلعت؟؟
جنى وهذي عاشر مره تدخل شعره زلقت منه وعشرين مره تلف الحجاب المعفوس:: ان شاء الله ناجحه,,هنا وقف هيف وقفت معه على طول,, وكملت كلامها: بس خايف من الرياضيات.قطع عليها هيف وهو يدخل نص شعرها الي طالع ولف لها الحجاب بطريقه متقنه وهو يقول::كذا اعمليه ياجنى بهذلتي نفسك الشيله من تحت طويله ومن فوق قصيره مايصير..
جنى ابتسمت بخجل ولاول مره تستحي منه قالت بارتباك وضح على وجهها الطفولي والي ماخفى عليه و استغرب منه قالت::مدري امي قالت البسي حجاب..
ابتسم هيف وضربها بخفه على راسها::كيف تلبسينه بالمدرسه يالفالحه؟؟
جنى رجعت طبيعيه::عادي اسويه اي كلام ويمشي الحال!!
::اوكيه يالله انا طالع؟؟
جنى بأستسلام::اوكيه بايو..

وطلع بعد مامر وسلم على ام عبدالله,,. وركب سيارته الثانيه..وحرك انفتحت بوابة الفيلا الرئيسيه,,ولفت انتباه الطراره الي تطر عند الباب وتستنى احد يطلع عشان تاخذ فلوس,,ابتسم جاء في باله البنت الي شافها بالبقاله وتذكرعصبيتها على اختها ,,سبحان الله ناس يحتاجون بس عندهم عزة نفس وكرامه,,وناس تمد يدها ..فتح دريشته ومد لها فلوس ,,ومشى لمكانه المقصود......................................



&
&
&
&
&
&
&
&

عند البنات...

بعد ماشتروا وخلصو طلعوا وكل وحده معها كيسه::هاه بنات وش قلتوا نمر البيت نشوفه؟؟؟
رنا الي طلعت ومشت وراهم بهدوء بدون لايحسون لحد مابعدوا بعدين بينت نفسها::ايه نشوفه وش ورانا؟؟
الجوهر تضحك::ههههههههه وراك عيالك ياجده خخخخخ؟
رنابنظره::ياثقل دمك ؟؟!
دانه بعد تفكير وشافت ان البيت يوم مروا عليه يهيئ ان مافيه احد::انا موافقه بس قبلها نتأكد اذا فيه احد او لا؟؟
الجوهره بفرحه::اخيرا بشوف بيت كشخه؟!
العنود ماتدري ليش خايفه::بنات والله خايفه مو لازم نروح؟؟
اسيل::ياشيخه وش بيصير لنا خلينا نشوفه وبعدين البيت مافيه احد والبوابه دايما تكون مفتوحه وامي وجارتها دخلوا شافوه يعني عادي؟؟؟
انوار::والله يابنات امي تقول البيت جنااان ؟؟
دانه قالت نفسها فره عالسريع::يالله بنات والله تحمست مع انها لقافه منا بس يالله.......واتفقوا البنات يدخلونه........................................... .........

&
&
&
&
&
&
&
&
&





في المطعم

زياد ماسك يدها ::رغوده حبيبتي ماتصدقين كيف مشتاق لك؟؟
رغد بعيون لامعه::زياد انت تحبني؟؟
زياد رفع يدها وباسها وبكذبه المعتاد على البنات::اكيد ياقلبي احبـك ؟؟
رغد قربت منه بجراءه وباست خده::وانا اكثر احبك يازياد فوق ماتتصور....
زياد حس البنت صادقه بشعورها ,,وقال لنفسه كلهم كذا::وانا بعد مايهنى لي بال اذا مر اسبوع وماشفتك فيه وقرب منها................يطبق مقولته



&
&
&
&
&
&
&
&
&





وقف سيارته عند الباب الخلفي للفيلا ,ناظر سيارة المصمم الديكور ,,وقال نفسه حلو جاء بدري ,,نزل دف الباب الي كان مفتوح,,دخل وهو يشمر اكمامه,,ابتسم وهو يشوف البيت ويتذكر كلام امه ,,بيتك المستقبلي ورى ماتمر تشوفه ,,مشى من بين البركه الي خاليه من المويه والحديقه الي تو ماكتمل ترتيبها,,فتح باب الباب الخلفي للمطبخ,,ومر من الصاله وطلع الدرج ,,طلع لجناحه..لأن اليوم موعد تصميم ديكور غرفته,,......
::السلام عليكم,
::اهلين استاز هيف؟
::هاه ان شاء الله التصميم اوكيه.؟
::ان شالله بيعجبك راح يكون من هون .......................................







بهالوقت وصلوا البنات البيت وكل وحده بحماس طلت براسها من عند البوابه الرئيسه يتـاكدون فيه احد او لا,,,
العنود بخوف وعيونها تدور حول واجهة حديقة البيت من قدام ::بنات شوفوا الانوار كلها مفتوحه؟؟
اسيل والوضع عادي عندها::اصلا دايما الانوار مفتوحه!!!
الجوهره تقدمتهم ::يالله امشوا ادخلوا يعيني وش بيصير ترى مره مكبرينها,,.!

دانه ساكته ومانطقت حرف واحد...... حست بأحساس غريب من وقفت قدام البيت جسمها فجأءه كلش عليها ,,
انوار::دانه شفيك كأن حماسك تبخر؟؟
دانه::لا لا,,يالله خلونا ندخل,,
رنا مسكت يد دانه بقوه ناظرتها دانه وقالت::اف يارنا كل هذا خوف الي يشوفنا داخلين قصر رعب ؟؟

مامداهم وصلوا نص الحديقه الخوف كله تبخر ,,ركضوا وهم يستهبلون لحد ماوصلوا الباب الداخلي باب بني طويل تصميمه قريب لتراثي ,,فتحوا الباب الي توقعوا يكون مقفل وابتسمو لانه انفتح.وكل وحده يدها فوق الثانيه على الباب..طلت اسيل براسها وطلعت منها شهقه من كبر صالة الاستقبال::اهيئئئئئئئئئ من شهقتها دفوا البنات الباب درجة بغت تطيح اسيل....مشوا خطوتين وكل وحده مبلمه..
ثانيه ,,ثانيتين ,,دقيقه..وهو يلقون نظره على البيت وعلى الثريات الفخمه والديكورات الي بتكون غريبه على ناس وضعهم عادي واقل من عادي...
العنود نست خوفها تماما::مشاءالله البيت كبير مره احسن اني بضيع..
الجوهره تمد يدها لانوار::اقرصيني ماني مصدقه اني واقفه بيت كذا ولا قصر ملك..
انوار ::من جد ولاقصر ملك وهذا تو الاثاث ماحطوه كيف بيطلع لاكتمل ماقول الايا حظ اهل البيت الي بيسكنون فيه!!

رنا منبهره مثلهم::والله يارشا فاتك هالشوفه......
الجوهره وعيونها تروح يمين ويساروفوق وتحت على الصاله والصالات الجانبيه::بس ابي اعرف ليش يبي يسكن بهالحي غريبه؟؟
انوار::ياقلبي موقعه مره حلو صحيح الحي متواضع بس الموقع حلو ؟؟

دانه فصخت عبايتها ارتاحت مافيه احد وجاء لها فضول تشوف البيت كله::يالله بنات خلونا نفر بالبيت.....

وبدت كل وحده منهم الي تسولف والي تضحك والي تنكت وباصوات عاليه وماخذين راحتهم......................





بنص شغلهم واندماجهم لفت انتباهه اصوات ,,قال لنفسه ,يمكن برى بالشارع من اهل هالحي,,بس حس الصوت قريب,,اصوات عاليه وازعاج وضحك,,وقريب منه حيل ,, ..اشر للمصمم يسكت عشان يسمع ويتأكد,,وفعلا طلع الصوت ,,قريب ولا بعد بالبيت .....طلع لبرى الجناح ,,وقربت الاصوات الي اتضح انها اصوات بنات..مشى لحد ماوصل عند الدرج وطل براسه ورفع حاجب شاف بنات لابسين عبايات راس ورافعين غطاهم عن وجيهم وماخذينها ضحك واول مره يشوفهم مايعرفهم,,اخذ له لفه بينزل يشوف وش سالفتهم ,,نزل من الدرج وانتبهوا له البنات ,,وبوسط كلام دانه وهي واقفه بنص الدرج وتناظرهم وتقول ::بسرعه كل وحده تسوي الي قلتلها عليه خدم اخر زمن..سكتت يوم شافت البنات غطوا وجهيهم وفتحت عينها على الاخر من صوت الرجولي الي اتضح انه وراها............................................. ...............





&
&
&
&
&
&
&
&
&

&
&
&
&
&
&
&
&
&
نهـاية الجزء الثاني اتمنى يعجبكم,,

الجزء الثالث:


~
~
~
~
~
~
~

~
~
~
~
~
~
~



بنص شغلهم واندماجهم لفت انتباهه اصوات ,,قال لنفسه ,يمكن من اهل هالحي,,بس حس الصوت قريب,,اصوات عاليه وازعاج وضحك,,وقريب منه حيل ,, ..اشر للمصم يسكت عشان يسمع ويتأكد,,وفعلا طلع الصوت ,,قريب ولا بعد بالبيت .....طلع لبرى الجناح ,,وقربت الاصوات الي اتضح انها اصوات بنات..مشى لحد ماوصل عند الدرج وطل براسه ورفع حاجب شاف بنات لابسين عبايات راس ورافعين غطاهم عن وجيهم وماخذينها ضحك واول مره يشوفهم مايعرفهم,,اخذ له لفه بينزل يشوف وش سالفتهم داخلين للبيت,,نزل من الدرج وانتبهوا له البنات ,,وبوسط كلام دانه وهي واقف بنص الدرج وتناظرهم::بسرعه كل وحده تسوي الي قلتلها عليه خدم اخر زمن..سكتت يوم شافت البنات غطوا وجهيهم وفتحت عينها على الاخر من صوت الرجولي الي اتضح انه وراها............................................. ...............



هيف قبل لاييتكلم وقف شوي وعينه على البنت الي قدامه بنطلون سماوي بسيط وتي شيرت وردي بيدين سمراء نحيفه وشعرها ناعم ومبهذل معطته ظهرها تكلم ومازلت عينه عليها وهو مستغرب منهم::خير ان شاء الله تبون حاجه ولاشي؟؟البنات ردة فعلهم سريعه على طول تغطوا من اول ماشافوه وتجمعوا على بعض وتلخبطوا من كلامه وماعرفوا وش يردون,,,


دانه قبضت يدينها بقوه وغمضت عيونها وشدت على اسنانها من شكلها وهي واقفه بدون عبايه تبي تنزل بس تحس الدرج ماسك رجلينها :!

العنود ماتحملت الموقف نزلت دموعها....
الجوهره خافت على بالها بيصير مثل الافلام وبيخطفهم...
انوار لامت نفسها لان هي الي اقترحت عليهم,,
رنا مسكت عباية العنود بقوه ..
اسيل الوحيده الي ماحست بخوف ردت عليه ::اسفين ..دانه يالله امشي خلينا نطلع؟؟
دانه ناظرتها بنظره تستنجد فيها يعني هاتي عباتي:____؟
تكلم هيف وعينه رجعت لدانه وبألاخص على يدها الي مازالت مقبوضه::ليش داخلين هنا بدون احم ولادستور ولابعد ماخذين راحتكم وماتوقع انكم تعرفون احد من طرفنا ولا انا غلطان؟؟
اسيل بصوت فيه حده::قلنا اسفين رجعت ناظرت دانه::يالله امشي ؟؟
دانه حست من كلمته ماخذين راحتكم هي المقصوده لانها ماعليها عبايه ناظرت اسيل ونزلت رجلها درجه وحده وبصوت مخنوق ::يأسيل عطيني عبايتي؟؟
اسيل سبت نفسها على غبائها المفروض من البدايه عطتها وعلى طول جابتها لها..
وكل هذا تحت انظار البنات الي عيونهم خايفه ومرتبكه ولا وحده نطقت بحرف.....
هيف الفضول حرك دمه كان وده تلتفت ويشوفها كانت رجله بتخونه وبينزل بس سبقته ولبست عبايتها ,,قال وهو يشوفها نازله وتمشي للبنات مايدري ليه ثار دمه فقال كلام مو متعود عليه من طبعه يرحب بضيوفه وهم يعتبرون ضيوف بمجرد ماوطت اقدامهم باب بيته و فهم من اشكالهم انهم يبون يتفرجون على البيت فقال عكس الي متعود عليه مايدري ليش::اتمنى ماتنعاد هالحركه لان فيه شي اسمه ادب وذوق يامتربيات؟؟؟
دانه تضايقت وعصبت من كلامه الى هنا وبس التفتت وهي تاشر بأصبعها المرتجف من العصبيه ::متربين غصبن عنك وعن ابوك فاهم لفت عنه بتكمل طريقها ..
هيف وقفها بصوته الغليض والبارد بحده وفيه استهزاء،،::طراره ولها لسان يالله يالله برى امشي اشوف قدامي ؟؟
البنات ناظروه انقهروا من طريقة كلامه ..

دانه وهي معطته ظهرها انقهرت حست بذل منه ليش حشره شايفها رفعت غطاها وتفلت في ارضية الرخام وقالت تشفي غليلها منه::هذي الطراره شوف وش سوت تفلت في بيتك وعلى طول طلعت والبنات وراها طلعت وهي تسمع كلامه ونبرة صوته لكن غير مختلفه مو بارده لا قويه بغيض مو اي غيض غيض يخوف ارعد قلبها قبل جسمها وكل خليه فيه تحسه نزع قلبها من مكانه::صدقيني بتندمين لانك مو قدي وتحملي الي بيجيكم يابنت ابوك ..........................................


~
~
~
~
~
~
~
~
~
~
~







::يمه بروح لرغد؟؟
::انتي مايرسبك الاالطلعه لعند رغد والهياته انتي وياها؟؟
تخصرت وبصوت عالي::يعني وش تبيغني اسوي مو كفايه الحاله الي عايشين فيها؟؟
ام ريم بعصبيه من صراخ بنتها::اقصري صوتك وبعدين عيشتنا الي مو عاجبتك كثير يتمننونها ماكلين وشاربين ولابسين والحمدالله لك يارب؟؟
ريم بأستهزاء::وكل سنه سفره لأروبا شكل وكملت بنفس نبرة الصوت::شوفي اختك كيف عايشه وبعدين تكلمي؟؟
دخل صالح معصب من صوت ريم الي رافعته على امه وبعصبيه::ريم تأدبي وانتي تكلمين امي ؟؟
ريم انقطع النفس عندها وبخاطرها وش جابه بوسط الاسبوع ..بلعت ريقها يوم شافته قرب لعندها ,,هذا الي تخاف منه حتى اذا ماسوت شي كيف وهو معصب منها ,,محد يوقفها عند حدها الاهو ,,لأن ماعنده دلع..غمضت عين وشدت عليها والثانيه مفتوحه وهي تهز راسها تبي تقوله اني فهمت تركها ,بعد ماقال وهو يطق بأصبيعين من يده على راسها بصوت فيه حده::ان سمعتك ترفعين صوتك على امي الاهي امك ماتلومين الا نفسك؟؟

وطلعت على طول لغرفتها....

صالح وهو يصب القهوه لأمه ::يمه بنتك ذي دلعك لها يخليها ماتحشم لاكبير ولاصغير؟؟
ام صالح مدت يدها وخذت الفنجال ومن داخلها مو عاجبها اسلوب بنتها معها::ماعليك منها توها صغيره؟؟
صالح::يمه وين صغيره بتدخل العشرين وتقولين صغيره وحتى الصغير مايسوي سواتها ويرفع صوت على امه؟؟
ابتسمت لولدها وعزوتها وسندها تحب عيالها كلهم بس صالح غير تشوف فيه الاب والام والاخ وكل شي::اتركنا منها شلون زوجتك مع الحمل؟؟
ابتسم ::والله بخير وعافيه وكلها فتره وبتصرين جده؟؟
ام صالح::الله يسهل عليها ......













طلعت ريم لغرفتها وهي تتحلطم وتبكي رمت نفسها على سريرها الي ماختلى من الانوثه,,سرير وردي بكومدينه بنفس اللون ,وستاير ومفرش وردي بأبيض ,امها تعمدت تخلي احلى غرفه بالبيت غرفتها ,,صحيح بسيطه لكن بالنسبه لبيت مستواه عادي كانت فعلا احلى غرفه بالبيت..ياربي من هألاخو ,انا قلت بيتزوج وبرتاح منه ومن تعقيده..مدري وشيبي جاي ,,الظاهر يطلع حرة زوجته فيني.اف ياربي اخوي هذا وحش ,,اخاف منه كان بيسبب لي ازمه نفسيه ...
عدلت جلستها على لسرير..الحين كيف اروح لرغد ..لوعرف صالح اني ابي اطلع لرغد ماراح يخليني ,,لانها ماتعجبه..على قولته ,,مايرتاح لها ومايبيني اجلس معها كثير..طلعت جوالها واتصلت عليها تشوف بالبيت او لا.....................






::قطع عليها الجوال ناظرته وعطتها بزي..
::زياد بعد عنها وبغيره مصطنعه::من الي يتصل فيك وبياخذك مني؟؟؟
ابتسمت وناظرت ساعتها ولفت طرحتها::لا حبيبي بس هذي بنت خالتي ,,وانا تأخرت ولازم ارجع البيت..
زياد بحنيه:افا مليتي مني؟؟
رغد قربت وجهها منه::لو أمل من العالم كلها مأمل منك بس حبيبي لازم ارجع البيت امي اكيد بستلميني؟؟
::خلاص حبيبتي بينا اتصال اوكيه؟؟
رغد طيرت له بوسها::اوكيه يالله باي...
زياد ناظرها وبأبتسامه خارجيه ولاأعذب ودعها بالمثل ,,وبداخله راميه الطرحه عندي ولبستها وقت ماطلعت برى بنات يستحقرون وينزلون نفسهم وبس .................................................. ...





~
~
~
~
~
~
~
~
~
~
~










من طلعت من البيت وهي تمشي بخطوات سريعه تبي تطلع كل القهر الي فيها منه..وبنفس الوقت من كلامه الاخير الي تكابره,,عيونها تلمع قهر,,ومطنشه البنات الي ينادونها ,,وتحاكي نفسها,,وش يقصد بكلامه,,عادي اصلا ماهمني وش يقدر يسوي .. يستاهل اكثر من كذا اجل ليش يقول كذا شايفنا حشرات عنده وكل هذا علشان دخلنا بيته ..قطع عليها اسيل وهي تمسكها من ذراعها::يابنت شفيك وقفي تقولين طياره واقلعت ؟
دانه فكت يد اسيل وكملت مشيها بس اخف خطوات وهي تسمع اسيل ::يابنت هدي ماعليك منه ويستاهل اجل احنا مو متربين؟؟
لفت للعنود الي لحقتهم::تبغون الصدق احنا متطفلين المفروض من الاساس مادخلنا!
دانه بأنفعال::حتى لو على قولتك ملاقيف بس مايمنع انه يحترمنا وكملت بقهر::لا والمشكله يتكلم بثقه زياده خليه يعرف قيمة كلامه قبل لايرميه ؟
دانه ودها تذبح الجوهر الي دخلت عرض بكلامها::وااو يابنات بصراحه يجنن كأنه امير!
انوار تساسر الجوهره وتضحك بخفيف::هههه شكل بتجيك حصى من تحت رجل دانه؟
البنات وهم يمشون وبعد ماهدت دانه شوي::تصدقون بنات احس وجهه مألوف شكلي شايفته بس وين مدري؟؟
الجوهر ضحكت::هههههههه انا اقولك وين شكله بأحلامك؟؟
رنا بخوف وهي تتذكره::دانه صوته يخرع كأنه رعد اللهم ياكافي؟؟
دانه بخاطرها ::والله صادقه صوته قوي حسيت قلبي انتزع من مكانه واهتز من الخوف ........................









من الشارع الثاني الشارع المقابل الي يمشون فيه البنات لكن من الجهه الثانيه..بعد ماطلعوا صرف المصمم
وطلع من الباب الخلفي..
كان يراقبهم بدون مايحسون ..يشوفها سابقتهم قدام ميزها بينهم لانها انحف وحده فيهم ..ابتسم على جنب وقت ماوخرت يد اسيل بعصبيه البنت نار ..
معقوله كلهم خوات ماظنيت شكل اعمارهم مشابهه لبعض ..عجبه شي واحد فيهم محتشمات كلهم عبايات راس ومايبان منهم شي .بعكس عايلتنا عبايتهم على الكتف وحجاب..كل ناس لهم اطباعهم ..
هذي كانت افكار تدور براسه لحد ماقطع عليه تفكيره وهو يراقبهم ...ايوا وصلوا دقق بعيونه اكثرلانهم انقسموا .. ..ابتسم وهو يشوف دانه الي فتحت الباب حديد مفاتيح الي معها وتكلم بصوت مسموع::اها اجل هذا بيتهم اوكيه حلو ..عكس طريقه ومشى ..خليني اعلمك من هيف انا تتفل في بيتي ومين بعد وحده مثل هذي وحده لاراحت ولاجات ....افكار براسه تروح وتجي مايدري وش يسوي بالضبط يبي يأدبها كيف مايدري...............




~
~
~
~
~
~
~
~
~
~
~





نرجع لريم..
فتحت باب غرفتها بعد ماجلست وطقطقت على المسن شوي مع ربعها الي تتسلى معهم ..قربت لعند دربزين الدرج بهدؤء تبي تتشوف صالح موجود ولاراح ..ابتسمت حست مافيه صوت مامداها بتلف الا طالع بوجهها ::بوووو؟
ريم انقزت من الخوف::بسم الله من وين طالع انت؟؟
ماجد وهو يكتف يده::من الجدار يعني من وين من غرفتي؟
ريم ابتسمت بداخلها ::مجودي حبيبي؟؟
ماجد عارف اخته::هاتيها من الاخر؟؟
ريم وفعلا جابتها من الاخر::ابيك توديني لرغد؟؟ وكملت برجى::تكفى تكفى والله طفشانه؟؟
ماجد يحب طاري رغد ::كيفها رغد من زمان ماشفناها؟؟
ريم وعارفه اخوها يميل لرغد وملاحظه هالشي من هم صغار وماودها بهالشي لان رغد وين وهو وين::بخير الحمدالله وكملت ::بتوديني او لا؟؟
ماجد ويبي يشوف رغد من زمان ماشافها صار له فتره ::بوديك بس بشرط؟؟
ريم عفست وجهها::شرط يعني لازم المذله؟؟
ماجد بأبتسامه عريضه::ماعاش من يذل ريومي هو مو شرط قوي شرط يونس؟؟
ريم متعجبه::وش هالشرط؟؟
::تكلمين رغد وتقولين لها ماجد عازمكم على عشاء ؟؟
ريم بنص عين::ولا مره سويتها معي وليش اللحين يعني؟؟
::عاد هذا شرطي تبين ولابراحتك؟؟
ريم تذكرت انها اتصلت عليها وعطتها مشغول اكيد مع زياد بس شكلي بحاول مره ثانيه:اوكيه بكلمها..
ماجد ::يالله اتصلي عليها وانا انتظرك تحت معك ربع ساعه ..........



~
~
~
~
~
~
~
~
~
~
~




::وين البنات؟؟
اسيل رمت الاكياس بوسط الصاله::رجعوا للبيت؟؟
ام بندر استغربت::ليش تو الناس ليش يرجعون اللحين؟؟
اسيل ناظرت انوار الي بتتكلم بنظره يعني لاتقولين::لابس يبون يسون عشاء لابوهم بيجي بدري اليوم..وقالت تصرف الموضوع وبقهر::يمه تدرين عنود مو حاضره التخرج؟؟
ام بندر::ماقالت لك ليش؟؟
انوار::تقول مالها خلق حفلات وخرابيط تجلس بالبيت احسن؟؟
بندركان جالس عند التلفزيون ويسمع حكيهم...
ام بندر وعرفت السبب::لا مو كذا الا اكيد ماقدرت تدفع الفلوس وكملت بضيقه::مدري ليش اذا احتاجوا شي مايقولون لي ياليتهم يطلبوني؟؟
انواروهي تتذكر::صادقه يمه لأن كل ماسالتها الاستاذه تقول نسيت .!!
تلقائيا تكلم بندر::كم فلوس تخرجكم؟؟
انوار فرحت::500 ريال؟؟
وقف بندر::خلاص بروح اجيب الفلوس وخليها تحضر معكم يستاهلون بنات ابو دانه؟؟
ام بندر تحس بفخر بولدها::فديتك ربي لايحرمنا منك سويت فيها خير..
بندر ابتسم::والله يهمني اشوفهم مبسوطين مثل خواتي ...

اول ماطلع نطت اسيل جنب امها::يمه ليش ماتخطبين دانه لبندر؟؟
ام بندر هذا الي تبيه ::والله ودي مو عايفه هالشي بس تدرين الله ماكثر بنات عمك؟؟
انواركشرت::لا وع اي بنات عم كلهم مايصلحون لبندر الي اكبر منه ومغرورات..؟
ام بندر::بنقول لابوكم ويحلها الف حلال ..............




~
~
~
~
~
~
~
~
~
~
~








في بنت ابو هيف,,

في الصاله الجانبيه

جالس عند التلفزيون على قناة العربيه وجنى جالسه وتسولف على نوره..
::ههههههه مشاءالله عليك احد ينام بوقت الحصه؟؟
جنى وهي تضحك ومكمله سالفتها:هههههه قصدك برى الفصل كملت نومتي!
نوره::اكيد طردتك الاستاذه؟؟
جنى وتقلد كلام الاستاذه:: اذا عاوزه تنامي حبيبتي كملي نومتك برى وكملت كلامها::وانا ماقصرت اخذت الشنطه لزوم المخده والعبايه عشان اغطي نفسي وطلعت ..
نوره ضربتها على كتفها::مادري كيف بتنجحين الله يستر بس؟؟
جنى بثقه:لا لاتخافين علي انا بنت عبدالله؟؟
قطع عليهم صوت ابوهيف::اسكتوا خلوني اسمع الاخبار؟؟
جنى تمثل عليه::الله يهديك ياعم تسمع اخبار هاه ولا عاجبتك هالبنيه المزيونه !
ابو هيف ابتسم::اي والله زوينه حطيتها براسي؟
جنى شهقت:: والله لاعلم خالتي ام هيف بعدين تزعل وتجيك باللي معها وانت عارف وش الي معها؟؟
ابوهيف ::لا مدام فيها الي معها سكرناه التلفزيون بكبره وش الي بيفكنا من عصاها ..ضحكوا عليه نوره وجنى..ودخلت نوت عليهم بعابيتها بعد ماسلمت على ام عبدالله::هلا والله حبيبتي جنى كيفك؟؟
جنى بدورها الي قامت تسلم عليها::بخير الحمدالله مشتاقه للحلوات وينهم ؟؟
نوت جلست على الكنب ::فوق عند ميري؟؟
جنى كانت بتروح لهم::مشتاقتلهم وابي العبهم؟؟
نوت وقفتها::لالا حبيبتي جنى خليهم اللحين ميري حاطه لهم افلام كرتون وبعدها بيتعشون وينامون واذا شافوك بيجلسون معك وماراح ينامون بدري ويخترب نظامهم..؟
جنى هزت راسها بعدم اقتناع وجلست...
نوت باقي على طلعتها نص ساعه::جنى حبيبتي كيف امك؟؟
جنى استغربت ولاول مره احد يسألها من اهل هالبيت هالسؤال ماعرفت وش ترد لانها ماتعرف اخبار امها اكتفت بأنها ترد بكلمه حده ::بخير!
نوت بدون مبالاه:: هي باقي للحين تتصل عليك وتسأل عنك؟؟
جني لفت عينها عن نوت بتوتر::هاه ايوا تتصل يعني مو دايم؟؟
نوت ومستمره بكلامها الي ماتحسب حساب لكلامها ابد::متى اخر مره شفتيها؟؟
نوره هز راسها من نوت ماتفكر بعواقب كلامها يعرفون جنى وش كثر تتحسس من هالموضوع.
ابو هيف عطى نوت نظره بس بعد وشو بعد مارمت قنبلتها..
جنى بلعت حلقها حركت فيها شي كان ساكن شي ماتحب تتذكره شخص مهم عندها بس ماتحب طاريه بلعت حلقها بصعوبه وبصوت مقطع:يعـ يعني ل لي فتره ماشفتها؟؟
نوت ومطنشه نظرات نوره في بالها ماقلت شي غلط:: وش هاللأم الي تطول وماتشوف بنتها الله يعينك ياجنى كيف متحمله....
جنى ابتسمت بألم وقفت وطلعت من المكان.............
نوره التفتت بعصبيه على نوت::انتي شفيك ماتدرين انها تتضايق من هالسيره؟
نوت باستغراب::عادي ماقلت شي عشان تتضايق وبعدين مازعلت البنت انتي لازم تحطين فيها أن يعني؟!!
ابوهيف:وانتي كل شي عندك عادي ترمين كلامك وماتحسبين حسابه.
نوت وقفت::يوووه خلوني اطلع اشوف شكلي قبل لاروح احسن لي.!!!!
نوره وابو هيف ناظروا وبعض وهزوا راسهم بعدم رضى .................................................. ...









رجع زياد للبيت,,


وقف السياره ونزل شاف جنى جالسه على الارض بالحديقه وتقطع الزرع بيدها تكلم بصوت عالي::لاتخربن حديقتنا؟؟
جنى سمعت صوته ومالتفتت مالها خلق ترد عليه..
رجع لها صوته ::اقول جنوني لاعاد تجين مع خالتي غثيتينا كل يوم عندنا؟؟
لفت ناظرته واكتفت بتكشيره بوجهه وصدت عنه..
زياد لف عنها واستغرب مو عادتها ماترد ,,ضحك على حركتها بوجهها ودخل وهو يقول لنفسه:: هالبنت ياعالم غييييييير.!.


ياثقل دمه هالولد غثيث ويخرب اسمي بلسانه اف ..قطعت الزرع باقوى ماعندها ..صحيح كلام نوت..وش هالأم الي ماتشوف بنتها سنتين ليش انا مو بنتها ,,ولاخلاص نستني جابت عيالها ونست ان عندها بنت ..معقوله تحبهم وانا لا معقوله امي ماتحبني,,الااكيد ماتحبني ولا كيف ماتشوفيني سنتين حتى اتصالاتها نادره ,,اخر مره قبل شهر,,وكلها خمس دقايق ..حتى كلمه منها تدل انها تحبني مافيه ..ولامره قالتلي انها مشتاقه لي ..ليش ماتشتاقلي بس انا..انا.. قطع عليها صوته الصوت الي ياما تكلمت له وياما قالت الي في نفسها له ,,من هي صغيره تعودت تتكلم له مع انه مقاربه لشخصية ابوها بس الفرق يتكلم معها يسألها,ماتنسى هذاك اليوم يوم تركت امها البيت حتى بدون ماتسلم عليها كانت جالسه نفس جلستها هذي بس بحديقة بيتهم ..كان جاي للبيت عندهم ماتدري وش جابه بس تحس نفس المشهد اللحين ينعاد::وش في جنى قاعده لحالها؟؟
رفعت عينها له وابتسمت وللحين حلقها يوجعها وبالموت طلع الكلام معها ::رجعت بدري غريبه ..
جلس على الارض نفس جلستها وهو ملاحظ الدموع بعيونها::ابد والله قلت جنى عندنا ليش مارجع للبيت اقعد معها ؟؟
جنى تحس اذا شافت هيف تشوف شي فاقدته بدون مقدمات بكت,,
هيف ماخاب ظنه يعرف جنى ماتجلس لحالها الا اذا شي مضايقها::افا ليش هالدموع وشفيك؟؟
جنى وهي تمسح دموعها بظهر كفها بصوت مقطع:مـ مافيني شي؟؟
هيف ابتسم::جنى كل هالدموع ومافيك شي؟!
جنى مسحتها بسرعه وقالت::هاه شوف مافيه راحت,,
هيف قرب لوجهها وقال هو يأشر بيدها على واحد من خدودها::لاهنا باقي شوي وخريها..؟
ضحكت من بين دموعها الي طلعت مره ثانيه واستسلمت وقالت::امي ماتشتاقلي ؟؟
هيف استغرب وش الي طرى في بالها من زمان ماجابت سيرة امها وبنفس الوقت كسرت خاطره لان فعلا امها مقصره معها كثيرقال هو يبتسم::مين قالك اكيد تشتاقلك بس اكيد عندها ظروف؟
جنى بحزن::ماتوقع عندها ظروف واصلا مهما كانت الظروف مفروض ماتمنعها عني؟!
هيف حس تفكير جنى تغير::ان شاء الله قريب بتشوفينها
قطعت كلامه وللحين دموعها تنزل مع انها تمسحها::انا ماعد يهمني بس تخيل قبل شهر كلمتني تدري وش تقول مدري اجي بالعطله اولا ليش كذا هي انا انا ماقدرت تكمل سكتت ..
هيف فهم عليها انها كابته شعور بقلبها شعور كل شخص امه بعيده عنه شعور فطري::اشتقتي لها؟؟
بكت زياده نزلت راسها لركبتهاوبصوت خافت:: ابي اشوفها ,,
هيف مسح على راسها::خلاص ياجنى جدتك فيها الخير وبعدين احنا وين رحنا ابوك انا ..
جنى بعد ماهدت وتبي ترجع طبيعيه مسحت دموعها بركبتها ورفعت راسها المحمرمن الصياح::ابوي مو فاضي وانت بعد مثله وكملت من صميم قلبها::ربي يطول بعمر جدتي؟؟
هيف ابتسم ::امين ورفع نظره لفوق وانتبه للي يناظرهم::طيب عندك زياد اقعدي معه فاضي ماوراه شي وتونسي فيه طفشيه ؟؟
كشرت بخيفيف::اخوك هذا يستخف دمه على الفاضي ياثقل طينته؟؟
هيف ابتسم::بس حبيب؟؟
جنى حست انها ارتاحت تماما وتكلمت بطلاقتها المعتاده::ايه مره حبيب انا اذا شفته اعرف ان يومي بيصير سوداوي؟؟
ضحك هيف::ههههه اها اجل الله يعينك؟؟
جنى::الله يعنكم انتوا انا لو هذا اخوي كان انا متبريه منه من زمان!!!
سمعت صوت تصفير رفعت راسها لفوق من مصدر نظرة هيف::هاه شوف بالله هذا احد يجلس معه انا عني اشك بعقله؟؟؟؟
زياد الي جالس على الحديده الي بواجهة البيت من قدام بالدور الثاني من البلكونه منزل رجليه ويحركها ويتكلم بصوت عالي::مسوين فلم هندي بعض الناس؟؟
وقفت ومشت بخطوات سريعه عشان تقرب عنده::وانت وش دخلك ان شاء الله اسوي فلم صيني؟؟
زياد وهو يطل عليها وبحالميه وبصوت يحاول يوصلها::ماقدر اشوفك متضايقه ياقلبي شوفيني بنتحر علشانك..
جنى باستهزاء::هاهاهاها ,وكملت::احسن انتحر عشان خالتي ترتاح منك شويطنشته ومشت لداخل البيت,,,,,,
زياد ناظر هيف::شفت البزر وش سوت فيني؟؟
هيف ناظر زياد وقال بجديه::انا جايك فوق لاتطلع ابيك؟؟
زياد كشر بوجهه::يوه وش هالعلقه الي علقت فيها انا اساسا وش الي جابني للبيت............................




~
~
~
~
~
~
~
~
~
~
~











في سيارة ماجد..
وصلوا لعند لبيت رغد::يالله اتصلي عليها خليها تطلع؟؟
ريم بحركه سريعه فتحت الباب ونزلت ::حبيبي مجود هالمره سويت فيك صادوه معليش مره ثانيه ان شاء الله تظبط؟؟
ماجد عقد حواجبه::كيف يعني؟؟
ريم ضحكت::هههههههههه لابس رغد تقول مالها خلق ابد تطلع لمكان ؟؟
ماجد بخاطره مغروره ماراح تتغير هالبنت::اوكيه سكري الباب وشغلك بعدين..
ريم اشرت بيدها::باي.............دخلت وماهتمت لمشاعر اخوها زعل واو مازعل مايهمها الانفسهاوبس..

خلونا نتعرف على عايلة ام صالح..

ام صالح::عندها 3ولدين وبنت زوجها متوفي ,,طيبه حنونه,,ماتحب تزعل عيالها بأي شي,,عندها اخت الي هي ام رغد,,وعنهم اخوان بس كل واحد لاهي بحياته..

صالح::بار في امه ,,عمره 28متزوج وزوجته حامل ,,ملتزم,,ماتعجبه تصرفات اخته,,ويخاف عليها كثير عشان كذا يعصب عليها,,

ماجد::22سنه يدرس بالجامعه,,ولد يمكتلك مقومات الجمال الصحيحه عيون كبار ناعسه خشم مسلول بشفايف صغيره مليانه بأبتسامه عذبه..غير طوله الي يعرض..يميل لرغد مع انه يدري بعيوبها بس تعجبه..........

ريم::20 سنه..تدرس بالثنوي لانها بأختصار كسلانه وماطلعت منها,,مستهتره بنت مايهمها شي غيرالجوال والشباب وطلعات,, بس تخاف من اخوها وماتسوي شي لحد ماتحسب حساب له اول ..شكلها الخارجي عادي,,ملامحها مملوحه ,,شعرها قصير مقصوص فرواله ,سمراء..وبس



دخلت لوسط البيت وشافت خالتها كالعاده جالسه على لتلفزيون لحالها::اهلين ريم؟؟
بعد ماسلمت عليها::وين رغد؟؟
::يعني وينها بغرفتها والجوال اكيد بأذنها؟
ريم هزت راسها:اها ايه اكيد خاله صديقات رغد مشاءالله كثير عشان كذا دايم تكلم بالجوال!!!..
::روحي لها خليها ترتاح من االجوال شوي ..فعلا شالت نفسها وراحت لها,,
فتحت الباب ودخلت بدون لاتطق عليه وصوت كله حماس::هااااااااااااااااي..
رغد الي توها مكسره من زياد الي استغربت انه مارد عليها قالت بملل::هلا
ريم باستها بخدها::كذا تستقبليني؟؟
رغد بعدت بعدت الفراش عنها ::يعني انتي دايم ناقعه عندي لازم كل يوم استقبال شكل..
ريم تضايقت منه بس ماوضحت لزوم المصالح ::طيب مقبوله منك بس فاتك تعرفتلك على واحد شكله واووو وابغى اقابله......
رغدترفع شعرها المبهذل ::لا مايهمني احد لو يكون مالك الدنيا بكبرها مايهمني غير زياد..؟
ريم ضحكت بنفسها كانت لاعابه وشوفي لوين وصلت::بس يارغد لاتصدقين زياد كثير؟؟
رغد مسكت الدبدوب الي على سريرها وحظنته::عارفه انتي غيرانه طبيعي لانك عاديه ومافيه احد يحبك؟؟
ريم متعوده على غرورها وتجريحها ::المهم خلينا نروح الفيصليه ابي اشوفه هناك؟؟
رغد::نونونو مالي خلق تبين روحي لحالك؟؟
ريم ::يمه صاحيه انتي اروح لحالي ماقدر و فقدت الامل انها تطلع::خلاص خليها مره ثانيه...ودق جوال ريم ::ايه هذا هو اتصل وردت بنعومه:هلا.........................

هذي حياة رغد وريم ,,ريم تجي لرغد عشان تطلع تتمشى تاخذ راحتها ,,وحركات الشباب بدايتهم كانت علاقات مسن م لحد ماتطورت للجوال ومقابلات لوين نهايتهم ماندري......................................




~
~
~
~
~
~
~
~
~
~
~



بعد مرور ساعات على ابطالنا جاء اخر الليل ,,الوقت الي كل العباد ترتاح فيه الي كان يشتغل طول اليل والي كان طلع رجع لبيته ,وقت الراحه وقت النووووم..

منسدحه على سريرها ..مبتسمه تتذكر شكل بندر تقول لنفسها كنت اتمنى قربه بس مو بهالطريقه ..ضمت مخدتها بقوه..فديته يجنن حست انها تبي تتكلم لفت لدانه ,,حس ان دانه نايمه..انقهرترجعت غمضت عيونها ونااااامت,,,,


دانه ماكانت نايمه مغطيه كل جسمها بفراشها وضامه صورة امها لصدرها وتبكي ..اشتاقت لها تبي تعرف الي سوته اليوم صح او غلط ..ماتدري ليش مو راضي يروح من بالها ,,حسته صادق بكل كلمه قالها ..زادت من ضمتها لصوره وهي تقول باطنها::وينك يايمه والله بدري تركتينا......................



~
~
~
~
~
~
~
~
~
~
~

جالس يتقلب على الفراش اول مره احد ينرفزني كذا ولا يخليني افكر فيه انا كل تفكيري محصور بالشغل ,,انا وش علي منها بالنهايه بنت ,,لا واشكالهم مساكين,,بيتهم عدم يوحي انهم فقراء ..بس بنت وقحه حركتها حركة وحده حقيره ومفروض ماتنرحم الي اشكالها لازم ياخذون درس ..فكر وش اسوي اسأل عن ابوها واخذ حقي منه,,,,لاابي منها هي,,,انقلب للجهه,,وهو يدرس فكره براسه ,,بس حسها قويه ,,كلم نفسه,,الفكره قويه يمكن دخلك متاهات والناس وسمعتي بينهم ,,لا محد راح يعرف ,,ابتسم على هالنقطه ,,مافيه الاكذا,,.......................................... .........................................


~
~
~
~
~
~
~
~
~
~
~


نهاية الجزء الثالث,,


قراءه ممتعه

ابي ردوووود وتوقعات ..

سي يو












يالله حبايبي اللحين انتظر ردودكم على الاجزاء الي نزلتها وان شاءلله اكمل الجزئين الباقيه بعد ماشوف ردووودكم


بحفظ المولى