الجزء الخامس وسوري على الاخطاء الاملائيه
بعد ماطلع هيف دخل لعند بناته وعلى طول طلعت له لجوهره وسألته بفضول:: مين طلع الي جاي تعرفه ولاماتعرفه؟؟
ابو دانه ومايبي دانه تعرف شي لحد مايسأل عنه بس مظطر يجاوب على الجوهره يعرفها فضوليه::ابد صدق كلامك طلع واحد من اقاربنا وجاي من مكان بعيد وحب يمر يسلم علي!!
الجوهره بتفكير:اها طيب ليش يسوي مشوار ويخلي واحد يتصل عنه ليه مو هو الي اتصل عليك يبه لايكون الملك عبدالله وماتبي تقولنا؟؟
ابو دانه ضحك على تعليقها وقال بمزح::والله ماحققت مع الرجال ثاني مره بسأله وكمل ينهي كلامه::قولي لخواتك يبكرون بالعشاء بنام بدري اليوم؟؟
الجوهره وهي تبتسم ::ان شاء الله اللحين اقولهم ,,...............................................
في نفس المكان بالرياض
في احدى الشقق الي ماتقل فخامه لمكانة صاحبها ومالكها
جالسين مجموعة من الشباب ,,الي جالس على النت والله العلم وش جالس يسوي عليه ,,والي مندمجين وفاتحين عيونهم بتركيز على الشاشه على شو تايم على المحطات الخليعه ,,هذا غير سهرتهم الي ماتبتدي الا بأخر الليل,,
سكر الجوال وهو يبتسم::هذي البنت نفسي اقابلها فيني فضول اشوفها ؟؟
زياد يحوس بالجوال بصندوق الرسايل ::أي وحده الي تعرفت عليها بالنت؟؟
قال وهو يتذكر جرائتهاو بأبتسامه::ايه هي نفسها؟؟
رفع زياد راسه للطلال::انت كل البنات الي تحاكيهم تقول نفس الكلام؟؟
طلال بحماس::لا صدقني هذي غير بالعاده البنات الي علاقتي معهم ماتتعدى الجوال مو جريئات اسحب منهم الكلام سحب عشان يتجراءون معي بس هذي لا غير عنهم..
زياد تحمس معه::والله حمستني لها ..
طلال بلع ريقه اكثر من مره وبحالميه فيه خبث شيطاني ::تخليك بصوتها ودلعها وجرائتها فوق السحاب فوووق وابعد من السحاب بعد..
زياد:: ياخوفي هالصوت الحلو مايطلع وراه وجهه حلو؟؟
طلال ابتسم::هي عطتني وعد نتقابل بوحده من هالمجمعات وماهمني شكلها اهم شي ابي اوصلها؟؟
زياد بضيق::اترك عنك هالشي ياطلال؟؟
طلال بعدم اهتمام::هي الي جابته نفسها لو تسمع كلامها معي مكاقلت كذا وبعدين لاتسوي مصلح...؟؟
زيادعنده حدود بهالاشياء::بس ياطلال يمكن البنت صغيره ومتاثره من هالاشياء الي تشوفها ؟؟
طلال وهو يعرف زياد مستحيل يكلم بنات او يقابل اقل من عشرين ::هي عمرها 20 يعني مو بزر وعقلها براسها..؟
زياد لانه حاط براسه تحت العشرين يلعب عليها بس من عشرين فوقه تفهم وتعرف الصح من الغلط:: ارجع واقولك اترك عنك اللعب بشرف البنات
طلال برود تام ::وانا بعد ارجع واقولك البنات الي يجبونه للنفسهم .....................................
اليوم الثاني ..
الساعه 10 الصباح
دخلت جنى البيت والابتسامه ماليه الوجه شافت جدتها لي وقفت لها::هاه بشري يابنتي؟؟
جنى قربت لها وححضنتها::يمه انا جنى بنتك قلتلكم ماينخاف علي؟؟
ام عبدالله بفرحه::والله اني عارفه انك قدها مبرووك وتستاهلين حفله للنجاحك واعزمي كل الي تبين؟!
جنى جلست على الكنب وهي ماسكه يد جدتها الي جلست معها وقالت بأنفعال::لا لا كل سنه لازم حفله مابي حفله ولاشي..
استغربت ام عبدالله::ليش ماتبين خلينا نفرح للنجاحك
جنى ::خليها للاخر سنه من الثنوي هالمره مالي خلق ابد ؟
ام عبدالله ::براحتك بس الي تبينه اطلبه وبسوي لك انتي ناجحه اللحين تتدللي؟؟
جنى ابتسمت::فديتك والله بس ودي هالسنه نسافر للجنيف ؟؟
ام عبدالله بكلامها المعتاد الي لازم تقوله كل سنه::والله لو نروح لمكه ابرك لنا من برى؟؟
جنى وهي تضحك::ههههههه يمه لازم هالموال ماكأنك قبل شهر رايحه عمره؟؟
ام عبدالله ماتحب تسافر برى السعوديه بس علشان جنى تسافر::خلاص انتي شاوري ابوك وشوفي وش ناوي عليه هو وعمك؟؟
جنى بضيق::عمي واهله بيرحون معنا مثل السنه الي طافت؟؟
ام عبدالله لاحظت ضيقها::ايه وش فيك عفستي وجهك؟؟
جنى وهي تتذكر رغد مو نفسها مونفس جوها فوق هذا متكبره::لالا عادي مافيني شي وكملت كلامها وهي توقف::يالله انا طالعه ابدل ملابس وانام.....................................
ردت على الجوال والنوم في عيونها::اهلين ريم؟؟
::هلا رغد اخبارك حبيبتي؟؟
::تمام؟؟
ريم::طيب وش رايك ت
قاطعتها رغد بطفش::اليوم ماقدر بنروح عند جدتي؟؟
ريم بكذب::ياحرام قهر كنت بقولك تجين عندي؟؟
رغد وتبي تكمل نومتها::طيب ابي انام يالله باي.....سكرت رغد وغطت نفسها بالفراش وهي تبتسم على جنب من كلامها الاخيروتقول في نفسها::تبيني اروح عندها وع بيتهم يجيب الضيقه مادري كيف يتحملون يجلسون فيه .................
في بيت ام بندر
الساعه 4:30
سكرت من التلفون,,والتفت اسيل على امها,,
::يمه دانه تبينا نجي عندها.؟
ام بندر::خلاص روحو ا ماعندي مانع وتذكرت كلام زوجها البارح بالليل::نسيت اقولكم قريب عمكم واهله بيجون؟؟
اسيل عفست وجههامن الخبر::لا يمه لاتقولين؟؟
ام بندر::استحي على وجهك هذا عمك ؟؟
اسيل بضيق::يمه عمي على عيني وراسي بس مأحب بنته كريهه ثقيلة دم؟؟
انواروحالها قريب لاختها:لا بالله قضينا احلى عطله ؟؟
اسيل ولوت فمها:واكيد بيطولون كالعاده؟؟
ام بندر::اكيد مثل كل مره؟؟
انواربقهر::ياخساره ابوي اجازته بس شهر وكان ودي نطلع نتمشى بالشرقيه ولاجده؟؟
اسيل ودها بعد بهالشي::مافيه لاالشرقيه ولاجده في شي اسمه الرياض وبنت عمك ثقيلة الطينه..؟
ام بندر تشوف بناتها وهم يتحلطمون ماتدري تضحك عليهم ولا تتحسر مثلهم وماودها يقضون شهر كامل وعمهم عندهم وتروح اجازة ابوهم ولا استانسوا فيها بس الموضوع طلع من يدهم لان اتصل عمهم وبلغ ابوهم انهم جايين قريب ومافيه قداهم الا انهم يستقبلونهم و احلى استقبال لانه بالنهايه عمهم ومايجون الا بالعطل ومن مكان بعيد.................................................
كانوا مجتمعين بالحديقه ,,ام عبدالله وعيالها الاثنين وحتى ام رغد..وماخذخينها سوالف وضحك::هههههههههه جدتي شي اسمه ذا الدرج الي يتحرك على قولتها بعد هذيك المره حرمت تركبه؟؟
ام عبدالله وهي تتذكر سفرتهم العام وقت ركبت الدرج بالحالها بدون ماتخلي احد يمسكها تبي تبين لهم انها ماتخاف ولا وعت الا رجلها زلقت وطاحت قالت تصرف ضحك جنى عليها اللحين::محد طيحني غيرك انتي لو مانتي قدامي كان ماطحت.!!!!!!
جنى للحين تضحك::ههههه لاتحاولين ماتترقع ابد..ضحك ابوها وعمها وبذات انهم يشوفون امهم تتلفت تدور شي عشان تضربها فيه ,,التفتت على ابوها وعمها//ياويلي الحقوي علي شكلي بنضرب؟؟
عبدالله ابتسم وهو يناظر بنته الي راحت لامه وجلست تبوس راسها ويدها وابتسم اكثر وهو يشوف امه الي حضنت جنى كالعاده بنفس طريقة وقت ماكانت تحضنها وهي بخمس سنين ,,شكر ربه على هالأم الي عوضتها عن غيابي وزعن حناني الي ماعرفت اطلع لها البنت وعطتها حنان الام الي فقدته من امها عقد حواجبه على طاري امها والتفت لاخوه يبعد الطاري::خلاص معزم على مصر مانت مغير رايك؟؟
نقزت جنى على طاري السفر::لا لا وش مصر خلونا نروح للسويسرا؟؟
ضحك ابو رغد::الله يستر عليكم خليكم هالسنه على راحتكم واحنا على راحتنا؟؟
ابو جنى ابتسم ::على خير ان شاء الله والتفت لبنته الي تسأل وين وجهتهم هالسنه::خلاص بنروح للجنيف ؟؟
جنى انسطت وباست راس ابوها الي قالها::بس ترى اسبوعين وبنرجع؟؟
جنى لفت بوزها::يالله مع انها شوي بس ماشي الحال؟؟
ام عبدالله ::الا وين رغد؟؟
جنى بعفويه::من جاءت وهي جالسه بالحديقه من ورى و تكلم بالجوال ؟
ام رغد تفشلت وبخاطرها هالبنت ماترتاح من الجوال حتى هنا والله مدري من تحاكي طول هالوقت..
قامت جنى تنادي رغد لان جدتها طلبت منها علشان تجي تقعد معهم .
التفتت ام عبدالله على ام رغد الي ماحكت كلمه وحده من جلست::شلونك يابنتي وشلون اهلك؟؟
:الحمدالله والله بخير ياخاله...............
في نفس الوقت
الساعه 8ونص بالليل
جالس مع ابوه بالحديقه وبكلامهم المعتاد الي يدور عن الشغل::لا يبه ابشر فيه قريب راح نفتح الفرع لنا الثاني بلندن؟
::الحمدالله وربي يوفقكم ويعينكم؟؟
قطع على هيف صوت الجوال ورد:: وعليكم السلام
:طال عمرك لقينا المطلوب واسعارها كلها 40000الف
ابتسم هيف لامأنته::خلاص تم وفوقها 10000لك تستاهل؟؟
ابوه كان يشوفه وهو يتكلم وخطر باله الى متى وهو عازب صك الثلاثين وماتزوج انتبه لولده الي يبتسم ويقول::اشكر ربي على هالرجال امين وخلص مايزيد بالاسعار لصالحه يعطيني السعر الصح ؟؟
ابو هيف::اجل يستاهل المكافاءه وسكت شوي ::الا ياهيف متى ناوي تعرس؟
هيف بتلقائيه مرت صورة دانه وابو دانه والي سواه امس حس انه صغيروانه يستغفل ابوه وماتعود على هالشي رد بعكس الي يدور داخله::ان شاء الله قريب ؟؟
ابو هيف:شوف حياتك وكمل نص دينك وترى الشغل لاحق عليه الشغل مايخلص ياهيف..
ابتسم هيف دلالة تأييد لكلامه.............................................
جنى شافت رغد جالسه معطتها ظهرها وللحين تتكلم بالجوال قربت لها وحست انها ماحست فيها قربت زياده توها بتناديها وقفت من كلمتها::زيودي حبيبي؟؟
حطت يدها على فمها من الصدمه ...وشتقول هذي,,معقوله تحاكي احد غريب,,,
رغد حست ان فيه احد واقف وراها فقالت::اوكيه حبيبتي انا اللحين بسكر..؟
رغد لفت راسها بخيف خافت انها تكون امها وسمعت كلامها وارتاحت وبداخلها لانها جنىواشرت لها بيدها بجنبها::شفيك واقفه كذا اجلسي ؟؟
جنى انتبهت على كلمة حبيبتي لاشكلي ظلمتها الحمدالله ماطلع صدق يمكن اكرها يكفي اني مستثقله دمها ::لاامشي نقعد هناك جدتي تبينا نقعد عندها؟؟؟
وقفت رغد وهي تبعد خصله طاحت على وجهها بطريقه مغرووره ::اوكيه يالله خلينا نروح عندهم؟؟؟؟.........................
عند هيف..
نوره الي شاركتهم الجلسه وعبايتها عليها ::ابد سلامتك بطلع بشتري هديه للجنى؟؟
هيف عقد حواجبه::هديه وش المناسبه.؟؟
نوره استغربت بالعاد ه هو الي يقولهم اذا نجحت:: هدية نجاحها ؟؟
هيف حس انه نسى شي كبير::اوووه راحت من بالي نتيجتها؟؟
ابو هيف ::ماتصلت عليك بشرت كل الي في البيت ؟؟
هيف ابتسم::والله بالعاده انا الي اتصل عليها واسألها عن نتيجتها ؟؟
ابو هيف على طاري جنى تذكر زياد:: والله ياخوفي نظلم جنى بزياد؟؟
نوره مايده لكلام ابوها:: حتى انا افكر بنفس الشي؟؟
هيف عقد حواجبه ::ليش وش الي مخوفكم؟؟
نوره::الولد تحسه طايش واخاف مايعقل ويستمر على كذا؟؟
هيف بثقه::بهالشي لاتحاتون انا واثق زياد بيعقل وعلى يد جنى بعد؟؟
ابو هيف ابتسم لان يحس الكلام كبير على جنى ::الله يسمع منك؟؟
والتفت هيف على نوره ::يالله نوره انا الي بوديك نشتري الهديه وناخذها لها....
في بيت ابو دانه..
كانوا البنات فوق السطح بعد ماتعبوا من السوالف جابت لهم اسيل فكره وطبقوها كان كل السطح مليان مووويه وحاطين صابون عليه وجالسين يلاحقون بعض وكل شوي وحده زالاقه بشكل وانواع الضحك عليها..وحتى البنات الصغار معاهم,,وكان على دانه والعنود يلحقون البنات ويمسكونهم..
دانه وهي ترفع حاحبها بحركه شرانيه لانوارواريان الي صوت ضحكها مالي المكان طفله وعاجبتها اللعبه::هاهاها مسكتكم يالدبات
اسيل وهي تجلس وتلهث من الركض والحر::زين انك مسكتيني تعبت..
انوار تضحك على العنودوتبي تقهرها عشان تلحقها:ههههههههه عنود عيونك تخرع من كثر الصابون؟؟
العنود حاطه يدها على خصرها وتناظرها تبي تمكسها:: انا اوريك وراحت لها ومانتبهت للطابوق الي قبالها وعثرت رجلها وهي ملتويه بأقوى ماعندها طاحت على جنب ماسمعوا الاصرختها::اااااااااااااه
ركضوا لها البنات وهم خايفين,,
دانه شافت الدم ينزل خافت قربت وجهها زياده شافت شق كبير وخافت اكثر وقت صرخت العنود::داااانه يعورنيييييييي اتصلي على ابوي بسرعه..
هزت راسها ونزلت دانه تكلم ابوها...
قربت الجوهره وهي تبكي على العنود الي تون ::عنوووود خلاص اللحين بيجي ابوي ؟..
العنود تحس اشكالهم تدور قدامها واصوزاتهم حولها تروح وترجع ماقدررت تتحمل اكثر وبعدها غابت عن الوعي
صرخت الجوهره ورجعت على ورى وهي حاطه يدها على اذنها ,, واسيل الي قربت لها صارت تضرب وجهها..
بعدتها انوارالي كانت ترجف ::اكيد اغمى عليها وناظرت رجلها شكله كسر لحد يمسكه ؟؟
دانه رجعت لهم وشافت المنظر وشافت رنا ورشا حاطين وججهم بطن الجوهره ويبكون,,خافت بقوه وقربت للعنود الي ماسمعت حسها على طول التتفت على اسيل الله يخليك خلي احد يجي يوديها المستشفى ابوي مايرد ..
هزت راسها وطلعت لبست عبايتها على لبسها الي كله مويه وراحت للبيتهم الي مايبعد عن بيت ابو دانه شي قباله على طول..
::يمه يمــــــــه وينك؟؟
ام بندر الي خافت من صوتها:: انا هنا وشفيك تصارخين؟؟
::يمه صحي بندر العنود زلقت على رجلها واللحين مغمى عليها..؟
ماردت عليها على طول دخلت ولقت بندرصاحي وجالس على النت وقالتله ان بنت منهم طايحه ومافيه احد يوديها المستشفى نقز من مكانه واخذ مفتاح السياره وطلع ينتظر امه الي لبست عبايتها وخذت شنطتها عشان الكرت المستشفى وبسرعه وراحت ودخلت بيتهم ..التفتت لبنتها::وينها؟؟
اسيل وهي ترجف::فوق السطح؟؟
ام بندر وهي تركب الدرج التفتت على انوار لي لحقتها::روحي قولي لبندر ينزل؟؟
هزت راسها وطلعت برى لبندر الي كان واقف عند السياره وانتبه اخته::بندرتعال امي تبيك داخل..؟
بندر استغرب::انا ليش؟؟
اسيل صاحت::مدري بس العنود مغمى عليها امش بسرعه؟؟
::العنود طيب امشي بسرعه وسوي لي طريق؟؟
على طول دخلوا وراحو للسطح بعد ما تخبوا البنات قالت لهم بيدخل بندر ,,دخل وشاف العنود مغطينها بعبايه مع قرب وجلس بهدوؤ على ركبته قال بهدؤ ::وين يوجعها..؟
سمعهم تكلمو بصوت واحد فهم انه رجلها ارتاح انها بالرجل بتردد رفع العبايه وشاف ساقها منتفخ مع فتحة الجرح عرف انه كسرغطاها ,,ودخل يده تحت ظهرها وحملها بين يدينه ونزل من الدرج وانزعج من قلبه الي يدق وهو يحس بشعرها على يده من تحت ..قربها له اكثر يبي يهدي من قلبه بس مايدري بهالحركه زاد ت من نبضاته وربكته الي هو فيها,,لحقته امه وعلى طول فتحت له الباب ونزلها وركبت امها معها ورى وعلى طول على اقرب مستشفى.؟؟؟؟
نرجع لهيف ..
بعد ماشترى كل واحد منهم هديه لجنى ,,اخذ جوالها واتصل عليها...
بوسط سوالفهم قطع على جنى نغمة جوالها الي مخصصه له اوعدني عني ماتغيب..فزت بداخلها وهي تقول لنفسها مابغى يدق الاخ ابتسمت ردت عليه اول مره تطول ماتشوفه واول مره مايتصل يسأل عن نتيجتها ردت وسمعت صوته..
::والله قدها بنت عبدالله الف مبروووك النجاح؟
قالت بزعل::بدري توك تتذكرني ؟؟
ضحك هيف::والله انشغلت..؟
جنى بضيق خفيف::اصلا كل سنه اخذ النتيجه بدري الاهالسنه يعني المفروض تتصل من قبل وتسأل؟؟
هيف كل سنه هو السباق وتعودت وهو يسأل عنها بأستمرار وعن نتيجتها قال لها::طيب انا ونوره عند باب بيتكم ؟؟
نطت من مكانها::صحيح خلاص ادخلوا ؟؟
كل هذا تحت انظار رغد الي منهبله هذي مين تكلم ولابعد ماخذه راحتها وانا مقطعه نفسي لحد يسمعني..
ابوها عارف مين المتصل وفعلا ماخاب ظنه سمعها تقول
::يمه هيف ونوره اللحين بيدخلون جايين يباركون لي ؟؟
ام عبدالله التفت على ام رغد ورغد::اجل يالله خلونا ندخل؟؟
رغد بخاطرها ايه هذا هيف الي مع ابوي بكل شي..وقفتها جنى وهي تقولها ::رغد ممكن طرحتك لان هيف يبي يبارك لي بالنجاح؟؟
رغدابتسمت::ايه عادي كلها حلالك؟؟
ابتسمت جنى شاكره لها..
بالمستشفى,,
دخلوها بأسم اسيل وعلى طول جبروا لها رجلها لانه فعلا طلع معها كسر ..
::تسلمين خاله تعبتك معي؟؟
ام بندر::الله يهديكم كأنكم بزران تلعبون بالصابون والمويه؟؟
نزلت راسها وابتسمت,,سمعتها تقول يالله خليني البسك عباتك ولبستها ومدت لها العكازات الي بتخاويها لمدة شهرين..
اخذت العكازه وقفت بصعوبه بمساعده من ام بندر..
طلعوا للممر كانت تمشي وتحس بصعوبه ماتعرف كيف تمشي فيها كانت ام بندر ماسكتها مع ظهرها,,::خالتي وين ابوي ماشوفه؟؟
ام بندرضحكت بخفيف لانها مغمى عليها ولاتدري عن شي:ابوك اتصلو اعليه ومارد وجبناك انا وبندر للمستشفى,,
ارتبكت بندر وهو الي جابني للمستشفى دق قلبها لانها رفعت عينها وشافته جاي لهم وبيده كيسه ,,نزلت عينها يوم قرب منهم وغصبا عنها تبتسم لسمعت صوته : الحمدالله على سلامتك؟؟
العنود بخجل يخالطه شعور حلو شعور تحس فيه اذا شافت بندر::الله يسلمك.؟
بندرناظرها والله لو بيدي شلتك بيدي وركبتك السياره مثل ماجبتك بالذات وهو تحاول تثبت نفسها بدون شعور قال::انتبهي تضغطين على رجلك وتتعبينها وكمل وهو يشرح بيدينه وكأنه ماسك عكاز ::ارفعي نفسك كذا على العكاز ,؟
العنود هزت راسها وارتبكت لقربه منها وهو يحاكيها كان تقريبا ملاصق لها..
وبعدها خذوا نفسهم وطلعوا من المستشفى..وطول الطريق تفكر انا كان مغمى علي شلون جيت هنا رفعت عينها للبندر الي كان ماتشوف منه الي شعره ونص من من وجهه ..تستغل الفرصه تناظره وهي مبسوطه هذي المره الثانيه اركب معه بالسياره ,,شافته يلتفت لامه ويبتسم ماتدري وش عليه ,,,لاشعوريا ابتسمت معه ,,وكل الي في بالها ليتك تدري بالي فيني ..
اما بندر كان ملاحظ نظرات العنود طول الطريق كان يسترق النظر لها ,,رفع عينه وحس بشعور غريب التقت عينه بعينها ,,شاف لمعه غريبه في عيونها ,,ماوخر عينه ركز عيونه عليها مايدري ليش بس شي داخل عيونها شده وماقدر يكسر نظرته ..
العنود انتبهت على نفسها وصدت بعيونها ,,وهي تسب نفسها ..اللحين وش بيقول عني بيقول اكيد ماستحي اول مارفعت عيني على مرايه شافني ,,نزلت الغطى على عينها وصدت ناحية الدريشه.....
ابتسم لاحظ ربكتها بعيونها ,,حب هاللحظه وماوده يوصل للبيت بس هذا الي صار وصلها ونزلت ام بندر وفتح الباب لها ونزلتها ::ومد لهم كيس الدواء ,,هذي ادويه للحراره الجسم يمكن ترتفع وان شاء الله ماتحتاجينها؟؟
مثل كل مره هزت راسها ودخلت للبيت مع ام بندر...
ركضت دانه والبنات لها,.,
ام بندر::شوفوا ترى العنود لمدة شهرين تدلعونها فاهمين؟؟
العنود ابتسمت::سمعتوا؟؟
رنا حظنت لانها اكثر وحده خوافه ماعندها الا لسان::خفنا عليك احسبك بتموتين؟؟
العنود بخرعه::بسم الله علي لا شوفيني قدامك مامت..؟
ضحكوا البنات ودعوا خالتهم وشكروها من قلبهم ....
بعد مادخلوها للغرفه وانسدحت على السرير..
العنود وهي تمد رجلها بصعوبه على السرير::وين ابوي؟؟
الجوهر بنص عين::ابوي ولا الفارس الي حمل الحبيبه بيده ونقلها للمستشفى هاه؟؟
العنود عقدت حواجبها ::كيف يعني؟؟
دانه ابتسمت وقالتها الي صار,,
حست بحر بمجرد ماتخيلت شكلها بين يده وحمرت خدودها ::طيب لو صبرت لحد مايرد ابوي والله احراج
الجوهره بخبث:: اقول عنوده ماكان ودك تعيشين هالشي وانتي بكامل وعيك مواحسن
ضحكت دانه ورمت العنود المخده الي بسرير دانه على الجوهره............................................
بعد مرورايام,,
دخلت دانه لعند ابوها بعدماكانت تابع فلم مصري مع خواتها سمعته يناديها وراحت له,,
::هلا يبه
اشر لها تجلس جنبهوفعلا جاء ت وجلست وهي مستغربه من جدية ابوها حط يده على كتوفها وقال بعد ماسأل عنه:: دانه كل بنت لازم تتزوج وتروح بيت زوجها,,
عقدت حواجبها على كلام ابوها,,وتفاجاءت وقت سمعته يقول::وفيه واحد متقدم لك؟؟
دانه على طول خواتها صاروا بالها::بس يبه انا مابي اتزوج مو مستعده.؟
ابودانه استغرب::كيف مو مستعده؟؟
دانه نزلت راسها::اقصد خواتي شلون اتركهم؟؟
ابتسم لها وباس جبهتها::يابنتي انتي بالنهايه لازم تتزوجين وخواتك ماعليهم خوف وانا موجود وبعدين العنود والجوهره كبارماينخاف عليهم ورنا ورشا كلها كم سنه ويكبرون لاتحاتينهم؟؟
دانه بتردد ::يبه مدري شقولك؟؟
::انا اقولك ابيك اللحين تروحين وتصلين وتستخرين ربك وابي اقولك ترى انا سألت عنه؟؟
دانه ونست هالشي::صحيح يبهم ين الي خاطبني؟؟
::هذا ولد ناس معروفين بسمعتهم الطيبه وكل ماسألت عنه يمدحون فيه وفوق اخلاقه مقتدرين ومن تجار هالديره؟؟
دانه ركزت على تجارهالديره وتلقائيا منها::يبه وشلون يجي يخطبني انا؟؟
ابو دانه فهم عليها لانه هو في البدايه استغرب من هالشي:: يابنتي الناس يشوفون السمعه ومايفكرون الافيها؟؟
ندمت على سؤالها لابوها بس للحين مستغربه كيف واحد مثل كذا يفكر يخطب بنت مو من مستواهم انتبهت على ابوها وهو يقول::يالله ابيك تروحين وتستخرين وتردين علي؟؟
هزت راسها وقامت بعد ماباست راس ابوها تحس فيها برود موطبيعي,,طلعت شافت الجوهره بوجهها::وش يبي فيك ابوي؟؟
ماردت عليها تحس مو وقته تقولها اللحين وقفت عند المغسله تتوضاء..
استغربت الجوهره شفيها كانت تضحك ورايقه طنشت ورجعت تناظر الفلم..
وفعلا دخلت الغرفه وفرشت سجادتها وقالت لنفسها بصلي وبوكل امري لله اذا لي خير معه يجيبه اذا شر يبعده,,,,,,,............
اليوم الثاني عند هيف بالشركه,,
جالس على الكرسي وتفكيره بعيد عن الشغل,,شطلها غاليه عند ابوها مافيه احد ماسأله عني,,
عرف من راشد وبعض من معارفه ان فيه شخص سأل عنه الاهو بو دانه وكانوا مستغربين,,ابتسم على جنب مشتغل متحري لأنسه دانه ,,بس اكيد بنته ويبي يطمن عليها,,بس تأخروا بالرد,,انتبه للجوال يدق وناظر الشاشه ورد بحماس::هلا والله..
::مرحبتين وشلونك عساك بخير؟؟
::بخير بشرني عنك؟؟
ابو دانه ::ابشرك بكل خير البنت موافقه؟؟
هيف وحس بنصر مو طبيعي:: اجل خير البر عاجله بكره بعد المغرب و ابوي يعتذر منك مايقدر يحضر الملكه؟؟
ابو دانه::حياك وابوك ان شاء الله قريب بنشوفه؟؟
::بس عندي طلب ييالليت وماودي يكون احد موجود ولا احد يعرف الا بعد الملكه؟
استغرب ابو دانه لطلبه هو اساسا ماراح احد يكون موجود رد عليه:الي تبيه ياولدي؟؟
سكر منه هو حاس بتأنيب ضمير من ناحية ابوها ’’بألاخص بعد كلمة ياولدي,,بعد هالشي من راسه وعلى طول صرف مكافاءه للموظفين لها الخبر..ريح نفسه على لاكرسي وهو وده يغمض ويفتح وتكون بين يده.......
ابو دانه بلغها ان الملكه بكره وبلغها محد يعرف بشي لبعد الملكه افضل حتى ام بندر..
ماعارضت دانه احترمت رغبة ابوها ,,وقالت لنفسها بكره بعد الملكه بقولها على طووول..
جاء اليوم المنتظر عند هيف وتفاجئ من البنت الي مع ابوها وكانت تناظره وتبتسم دخل للمجلس ومعه الشيخ واثنين الي هم راشد ومحمد الي معه بالشركه لانه مأمن عليهم ,,دخلو بعد ماكان الباب مفتوح وريحة العود واصله اخر الشارع::يامرحبا حياكم الله؟
جلس هيف وهو للحين منصدم هي نفسها البنت الي شفتها بالبقاله اخر ماتوقعت ماجاء في بالي ابد انتبه على ابوها وهو يمد الفنجان القهوه؟؟
::دام فضللك؟؟......................................
عند البنات بالغرفه العنود كانت مبسوطه للدانه وماسكه نفسها للتصيح ماتتخيل البيت من دونها..دانه لبسها عادي تنوره لونها ابيض وبلوزه لونها وردي من النوع الرسمي شوي حاولت جوهره تكثر لها المكياج بس هي عارضت تبيه ناعم,,شعرها فاكته وتركته عادي مثل ماهو طالع شكلها نعوووم تمنت امها مو جوده عشان تفرح لها,,فكرت وقت قال ابوها اهله ماراح يحضرون..ليش ابوه مايجي حتى لو تعبان يحضركله كم ساعه بس يمكن فيه شي قوي..الي يخليها تستغرب اكثر امه معقوله ماتبي تشوفني طيب ماعنده خوات,,سمعت صوت الرجال الي دخلوا توترت حست كل شي صار بسرعه وبلمح البصر..مين هذا وش حياتي معه ابوي يقول اسمه هيف ,,جاها شعور لو تفركش كل شي,,اخترعوا من صوت الباب الي انفتح ودخلت رشا وقربت للدانه بحماس وهي تقول::دانه تذكرين راعي الهمر؟
دانه و ماهي فاضيه لسوالف رشا::رشا حبيبتي خوفتينا شوي شوي ثاني مره؟
بس استغربت يوم سمعتها تقول::ياغبيه هو الي بيتزوجك حتى طلعت برى عشان اتأكد وشفت سيارته وكملت بحماس عشان تصدقها::والله العظيم اني ماكذب عليك,,؟؟
العنود والجوهره مايعرفون شي عن السالفه ناظروا بعض مستغربين,,
اما دانه ماتدري تصدق ولاتكذب هي اصلا ماتذكر شكله نهائيا,,ماوعت الاابوها داخل::يالله دانه تعالي وقعي؟؟
مسكتها العنود وقامت معها بصعوبه,حست ريقها نشف وهي تسمع الشيخ يتكلم لها وردت له بالموافقه وسمعته يقول عندك شروط ماتدري كيف قالت::ايه ابيه كل يوم يجيبني عند خواتي؟؟
ابتسم الشيخ لطلبها لغريب
هيف سمع طلبها بالبدايه على باله بتشرط شي فيه ففلوس ولا بيت وانصدم بتفكيرها,,
مدت يدها طبعا وقعت وصارت زوجة هيف رسمي..
استأذن الشيخ ومعه محمد وراشد..
مد الظرف البني::هذا المهر ياعم وان شاء الله نرضيكم؟؟
ابو دانه ::احنا شارين رجال وهذا يكفينا؟؟
هيف::تسلم وهذا حقها وحق كل بنت تتزوج وكمل بأبتسامه::بعد اذنك يالليت تناديها اسلم عليها؟؟
ابو دانه ابتسم له وطلع يناديها..
دخل عليها بالغرفه وشافها جالسه وخواتها حواليها يسولفون ويضحكون,,قرب لها وباس جبهتها ::مبروك يابنتي الله يوفقك يارب؟؟
دانه ابتسمت بخجل::الله يبارك فيك؟
::يالله روحي لزوجك يبي يسلم عليك؟؟
دانه عارضت :لايبه مو اللحين بعدين؟؟
او دانه ويعرف بنته عنيده::يابنتي بس بيسلم وبيمشي؟
دانه بأصرار::لايبه مابي مايشوفني الا يوم الزواج؟؟
ابو دانه:كذا تفشليني عند الرجال؟؟
العنود::دانه وششفيك بيسلم وبيبارك وبيمشي؟
دانه بدت تقنع::ضروري؟؟
ابو دانه::يالله يابنتي لاتطولين عليه روحي..
وفعلا طلعت تمشي للمجلس وتحس مع كل خطوه قلبها بدا يدق فيه ,,يدق خوف للشخص المجهول الي جالس ينتظرها ارتبطت فيه وماتعرف عنه الا الي قاله لها ابوها,, وقفت عند الباب سحبت نفس وسمت بالله ودخلت وهي منزله راسها وبصوت اقرب للهمس::السلام عليكم؟؟
هي فالي كان عينه على باب وينتظرها تدخل وتشوفه يبي يشوف ردة فعلها,,
بدون شعور اول ماشافها وقف على طوله شاف البنت الي كانت معطته ظهرها ,,مايشوف وجهها عدل لاشعهرها مغطي شوي وجهها ,,قرب لها ,,حست دانه فيه وهو يقرب ورفع راسها بدون ماتحط عينها عليه..انصدم بتقاسيم وجهها حلوه البنت..بعد هالشي عنه وقرب زياده منها..
دانه بطنها مغصها ماتكلم وبس يقرب لها وتوها بتلف وتطلع حست بيده على ذقنها وبحركه لاراديه رفعت عينها لعينه و شافته وفتحت عينها على الاخر قالت بخوف وضيق::انت؟؟
هيف حس بالخوف بعيونها قرص خدها المليان بعكس جسمها هو يقول::هاه تبين اتفل بوجهك ولا اسلم عليك ؟
دانه للحين مصدومه عيونها تاهت بالمجلس هذا الي ماخطر لها..
هيف وهو يمسح على خدها بهدوء::هاه ماقلتي وش تبين؟؟
دانه ركزت عينها عليه وقالت بعصبيه:: لاتلمسني وبعدين كل شي بينتهي وبتطلقني سامع.؟
ضحك هيف ضحكه استفزازيه::هههههههه بدري عليك اللحين وكمل بثقه::اهلي مايعرفون بالموضوع ولاقلتلهم شي تدرين ليه ::لاني ماتشرف فيك؟؟
دانه حست المجلس كله اسود قالت بأستنكار::كيف يعني؟؟
::يعني الاسبوع الجاي بأخذك وبنسكن في شقه ولا ابي مخلوق بشري يعرف بالموضوع.؟
دانه استوعبت يعني يبي بالسر ولفت بتطلع بتقول لابوها عن كل شي وينهي هالمهزله بس وقفها بصوته الخشن::وقفي ماخلصت كلامي..؟
وقفت وسمعته وهو يكمل حكيه بكل ثقه لانه مـتاكد انها بتقول لابوها وقال يذكرها::صدقيني لو طلقتك بتندمين لانها بتكون نهاية ابوك لاني بفصله من الشغل ودوري احد يوظفه ماراح تلاقين..؟!
دانه الدموع تجمعت بعيونها وللحين ةماسكه نفسها لفت عليه وقالت::عادي الارزاق بيد الله؟
انقهر من عنادها وثقتها قال برود وبعكس الي داخله ولانه عرف نقطة ضعفها من شرطها::صدقيني يادانه انا فكرت في ابوك بس قلت ماله ذنب اذا فكرت فيه الا اذا انتي مو هامك ابوك وخواتك شلون بيعيشون بعدين؟؟
دانه لفت وعطته ظهرها لان دموعها بتنزل::والمطلوووب؟؟
هيف::ايوووه كذا خلينا شاطرين...............................
نهاية الجزء الخامس
قراءه ممتعه
وبكره بالليل ان شاء الله البارت السادس بينزل ,,
01-01-09, 12:02 PM
جديد مواضيع قسم الارشيف
العرض العادي
