هلا وغلا .. كيفك ياقلبي ..
وحشتينا موووووت ..
البارت رائع جدا
ياحبي لك ياجنى احسها كتكوتة صغيرونة
زياد احسه بدأ يحبها ويفكر فيها كزوجة
هيف ودانة علاقتهم كل مالها في تردي
حبيت خوفه عليها .. وانجذابه لها ..
ان شاء الله يكون لهم مستقبل مليء بالحب والحنان والاستقرار..
داخلة جو <<<<<:)
تقبلي خالص اعجابي وتقديري ..
لاتطولين بالبارت الجاي

اشكر الي ردو على الباااارت تسلموون حبايبي..وهذا الباارت وصل..




الجزء العاشر..



سمعت صوت الجرس وطلعت تفتح الباب ..الباب الخارجي الي كان مايبعد مسافه عن باب الرجال يفصل بينهم جدار ..جمدت رجلينها بعد مانتبهت للي قدامها ..صرخت بداخلها مستحيل مره ثانيه ..كان معطيها ظهرها ويحرك بالكوره مره بيدينه ومره برجلينه وبأتقان منه..ماتبيه يشوفها توها بتتراجع بخطوتها قبل لايلتفت وصارالي ماتبيه.. قلب الكوره برجلينه بحركه سريعه,شافها واقفه ابتسم بداخله..لحظات عيونهم التقت..عيون مشتاقه وعيون حايره عيونهم حكت الي داخلهم ..صد بعيونه بعد طلعت امها من صوت الجرس الي دق مره ثانيه..دخلت البيت ومشاعر داخلها موجديده عليها,,جلست وهي تقاوم الفرحه الي حستها ..تذكرت شلون كانت تناظره وماقدرت تتحرك شي خلاها تركز عينها عليه..شافت بعيونه الي شافته من سنين .. الي من بعدها نبض قلبها له,,تمنت لو تأخرت امها شوي لودقيقه بس..معقوله يكون للحين على كلامه معي ..معقوله مانساه او ماقال حب مراهقه وبيروح,,انا شفت بعيونه نفس نظرته الي من سنين حسيتها دخلت فيني ,,رجعت لورى لكم سنه تقريبا قبل 5سنوات,,
كانت بنت بداية مراهقتها,,وهو كان بداية العشرين..ماتنسى هالموقف ولاراح تنساه..

كانت جالسه عندهم في بيت عمها ابو خالد وسهرانه مع بنات اعمامهم ,,قربت لها وحده من البنات الصغار وقالت لها ::خالد يبيك هناك عند الباب..الي كان يفصل بين الحريم والرجال
فعلا راحت وقتها كانت بس تتحجب منه وكان بينهم ميانه يعني سوالف ضحك كانت صغيره وهو مراهق على وشك النضوج,,
شافته واقف عند الباب وكان متوتر ويقلب بالكاب الي لابسه تكلم بعد ماشافها وهو يبتسم بتوتر واضح::اممم اسيل ودي اكلمك موضوع ومابيك تفهميني غلط؟؟
اسيل استغربت وقالت براءه::وشووو؟؟

تذكره شلون رفع عيونه وهو يميل بفمه ويحرك بالكاب::اممم اليوم بالليل ابيك تنتظريني بالصاله بعد ماينامون وراح اقولك؟؟
استغربت زياده ابتسمت وقالت ::طيب؟؟ ابتسم لها وطلع
وجاء الليل وجلست تنتظره ماكان في بالها توقع للي بيقوله او ايش عنده ..دخل عندها وجلس بالكنب المقابل لها وكان فيه شي بعيونه حلو نظره وقتها مافهمتها قال وعيونه عليها ::اسيل في كلام ابي احكيه لك؟؟
اسيل ماتدري وقتها حست بحياء يمكن لانها اول مره تستفرد معه او طريقة نظرات عيونه ,,كمل حكيه وعيونه للحين على عينها::اسيل انا احب وحده؟؟
ماتدري ليه حست بشي ينغز صدرها سكتت ثوانيوبعدها ناظرته بأستفهام يعني ايش المطلوب..
::ماتبين تعرفين من هالبنت ؟؟
قالت وهي تبلع ريقها ماتدري ماودها تعرفها::طيب قول مين هذي؟؟
::اسمها اربع حروف وتسكن بالرياض وتصير بنت عمي؟؟
اسيل قلبها دق كأنه فهمت لفت عينها عنها ,,سمعته يكمل بصوت فيه رجى::اسيل انا احبك وابيك تكونين لي ؟؟
صمت لخبطه يخالطه شعور حلو تضايقت وقت قال يحب وحده وماتدري ليش ارتاحت بعد ماعرفت رجع يتكلم::اسيل ناظريني؟؟
استجابت له::اسيل اذا ضايقتك بكلامي انسيه ؟؟
نزلت عيونها وهو يكمل كلامه::بس ابي ردك ايه اولا وصدقيني ماراح ازعل؟؟
ابتسمت من الاحاسيس الي حستها,,ماتبي تقول لا فرحت لكلامه..
خالد والي واضح من صوته الفرحه من ابتسامتها::يعني ايه مرحبه فيني؟؟
هزت راسها ,,رفعت عينها له على اخر كلامه وهو يوقف يستعد بيطلع ::ابيك توعديني انك ماتكونين لغيري؟؟
سكتت تبي ترد س ماتعرف كيف رجع يعيد بصوت يخليها تنطق غصب عنها::توعديني اسيل؟؟
بصوت اقرب للهمس وقلبها يخفق بطريقه مجنونه::اوعدك؟؟
ابتسم لها وطلع......من هذاك اليوم ماجرى بينهم أي حكي بهالموضوع بأستثاء تلميحات اهلهم..................

رجعت للواقعها,,يمكن نسى ,,او انا الي اتناسى هوللحين على حكيه واضح من عيونه,,بس انا كيف ماهتميت واحاول انسى وعدي له,,تحس نفسها بداومه تبيه بس اهلها ماتبي تبعد عنهم,,شي مافكرت فيه بهذاك الوقت..طلعت من الغرفه الي سكرت نفسها عليها وراحت للصاله للبنات جيرانهم الي دخلوا وجلسوا وتسمعهم يسألون عنها.......................................................















يحاول يركز بالي بيده رص على القلم بقوه..خلاص اترك حياتك الي برى انت اللحين بشغل ركز عليه وبس ..,,وقف على طوله ضاقت فيه الوسيعه ,,ماهو قادر يركز بشي,,موادميه هذي,,اطلعي من راسي..رجع لكرسيه قلب بالاوراق . حاول يركز ماقدر..ماكمل ساعه على بعضها اخذ نفسه وطلع من الشركه بالشقه بالحالها مو قادر يرتاااح ابد,,,...













اختارت لها بنطلون اسود طويل ضيق مبين طولها الحلو مظطره تلبس طويل لوجود ماجد وبلوزه لونها ازرق مايل للغامق ماسكه لتحت الصدر بحزام اسود عريض تحت الصدر بعدها واسعه لتحت الخصر..تحب اذا لبست تطلع بصوره هي تحبها وترضيها والي واثقه انها بتعجب الي حولها,, سوت شعرها بوف خفيف من قدام والباقي رفعته على شكل ذيل حصان ..غيرت زمامها اختارت لها زمام قريب لبسها,,وحطت كحل ازرق داخل عيونها ,,وماسكره ,, ,,وروج وردي صارخ..ابتسمت لنفسها اعجاب بشكلها ..نزلت بعد ماخذت شال لفته عليها أي كلام لانهم وصلوا وطبعا جوالها بيدها......................................




شافها تنزل من الدرج قلبه صار يرجف له فتره ماشافها ..له مده ماجلس معها..مشتاق لها,,مشتاق لضحكتها,,مشتاق لحكيها الي يأسره بدلعها ,,يحبها ومستعد يتحمل غرورها,,تأكد انه مايقدر يتستغي عنها باهالفتره الي ماشافها فيها شاغله تفكير ينتظر يشوفها ,,وكيف مايتأكد وقلبه زاد نبضه وقت قربت عنده
تحس بعيونه عليها من قربت عندهم سلمت على خالتها وعلى ريم الي حضنتها ,, قربت مدت يدها له ولمحت بداخل عيونه شي هزها من جوى عقدت حواجبها لهالشعور استغربت ها لتأثير هذا الي حست فيه من ماجد ترك يدها بعد ماقال ::كيفك رغد؟؟
جلست على الكنب وهي تحط رجل على رجل وللحين مستغربه تأثير قوي شي عصف بداخلها:: بخير انت كيفك وكيف دراستك؟؟
ماجد الي مال على جهتها وركز عينها عليه ::الحمدالله تخرجت هذي السنه؟؟
صحيح تضايقت من حركته اخر مره شافها بس ماتنكر ماجد من صغرتها تميزه عن عيال خالتها حتى عن ريم يجلس معها اكثر من ريم قالت بفرحه::والله مبروووك والتفتت على خالتها وقالت ::خالتي انا زعلانه منك؟؟
ابتسمت لها::وليش الحلوه زعلانه؟
قالت بدلع::ماجد ينجح ومامعنا خبرعموما قامت وباستها بخدها وقالت:مبروووك يأحلى خاله تستاهلي نجاحه..
ام رغد::انتي الي مو عايشه معنا انا اعرف من زمان؟؟
رغد رجعت وجلست بغرور::يعني انا القديمه طيب اقل شي اعملوا حفله ..؟
ماجد ضحك::هههههههه لاتخافين علي عزمت كل ربعي بمطعم واحتفلت بنجاحي؟؟
رغد تكلمت من قلب::ياربي متى انجح واتخرج وربي لاخلي بابا يسوي لي حفله اخلي كل ناس الرياض يحكوا فيها ؟؟
ريم ناظرت اخوها بنظره فهمها ماجد دايم تحسسه بهالشي ان رغد فووق لاتطالع فيها..
سمعها تكمل حكيها لأمه::خالتي ماراح تسافروا هذي السنه؟؟
امها ماتبغى تتكلم بهالاشياء تخاف تضايقهم او يحسون انهم اقل منهم ردت خالتها::بنروح لجده ومكه؟؟
رغد بدون اهتمام::ههههه خالتي هذي تسميها سفره؟
ريم تضايقت من كلامها وقفت وهي تسحبها تبي تطلع وفعلا سحبتها وطلعت........

ماجد وقف على طول حس بتحطيم..فعلا وين هو ورغد وين,,حتى لو عرفت مستحيل تتنازل عن الي هي فيه وترضى بواحد بمثل مستواي.. سحب الافكار الي كانت براسه,,طلع بعد ماسلم على خالته وقال لأمه ::اذا خلصتوا اتصلوا علي؟؟
طلع يحس بحرقه بقلبه يحبها مو قادر يوصلها حب من طرف واحد شي يحرقك بداخلك..طلع هو شايل يرجع يفكر بأفكاره الي حسها تهوور لو طبقها.........










ابتسمت لزوجها الي استأذن بعد مادق جواله وطلع لبرى..عقدت حواجبها ,,مين يحاكي.. من جاء ومكالمته كثيره..جلست تقلب بالقنوات,,لا لا انا صايره شكاكه ,,اكيد شغل ,,من زمان هو على هالحاله..زفرت بضيق,,شي مو راضي يروح من مخها,,صحيح تطمنت شوي بس ماتأكدت عن الي شافته..تذكرت الصبح وقت كانت بالنادي مع وحده من زميلاتها تقولها::


صحيح انا مـتاكده يحبني بس مستحيل اثق فيه ثقه عمياء مثلك؟؟
نوت ووهي تصنع لان ثقتها التامه فيه نقصت قالت بثقه وبتصنع::انا عكسك تماما واثقه في زوجي؟؟
تذكرت ردها الي خوفها::ياقلبي الرجال صحيح بيحبك بس مستحيل يستغني عن غريزه فيه يعني الخيانه عنده سهله..
نوت تكابر ردت بغرورها ماتبي تبين شي:امم صح يمكن زوجك من النوع الي كذا بس زوجي غير يحبني ومستحيل يخووني؟؟
خافت نوت اكثر من ابتسامتها الواثقه وكلامها الاخير الي لصق بأذنها::ياقلبي اقولك انتي بالذات انتبهي لانك زوجك اغلب وقته برى الرياض يعني بعيد عنك.......تضايقت من كلامها ردت بحكم كبرياءها الي مستحيل تنازل عنه::ياقلبي عندك نصايح وفريها لنفسك اوكي وقامت وتركتها ماعد له خلق تحاكيها يكفي هي تبغى تنسى تجي هذي تذكرها...رجعت للو اقعها,,انا بنجن اذا بصير على هالحاله لازم اتأكدواريح نفسي.......



طلع برى الحديقه وهو معصب::كم مره اقولك انا بالرياض ماتتصلين علي؟؟
::كيف يعني مابيصير مابتصل؟؟
::اسمعيني والله لو تتصلين مره ثانيه مايحصلك طيب وانتي فاهمه قصدي وسكر السماعه بوجهها......

دخل للبيت وبناته نازلين من الدرج يركضوا له فتح يدينه لهم::تعاالوا ياحبايب بابا؟؟
وسن::متى بنثافر؟؟؟
ضحك على كلمتها :شويه بس ونسافر؟؟
سوسن::بابا ميري تلوح معنا؟؟
ياسررد على نفس طريقة كلامها::ايه بتلوح معنا؟؟
وسن مدت بوزها::ماتحلينا نلعب ؟؟
كملت سوسن بأنفعال::ايه كله سوفوا كرتون وناموا؟؟
ضحك عليهم::لا انا بخليكم تلعبون وتسون الي تبغوون؟
كالعاده صفقوا بيدينهم فرحانين تعبوا من تحكم الشغاله فيهم تكلمت وسن::بابا انت احلى واحد؟؟
نزلهم من يده وهو يقول ::وانتوا احلى بنات ,,...تركهم ودخل وجلس قريب من نوت ::كيف استعدادك للسفر؟؟
نووت بضيق من تفكيرها اخفته عنه:تقريبا كل شي جهز ؟؟
ياسروهو يحط راسه على رجل نوت وعيونه الي سكرها فيه النوووم ..
نوت الي تلعب بشعره وتقول::روح ارتاح فوق؟؟
ياسرمو مفكر يتحرك::لا لاخليني كذا مرتاح ؟؟
نوت تناظره تحب كل شي فيه على الرغم مرت مده على زواجهم لكن كل يوم تحس تحبه اكثر من اليوم الي قبله ,,تتمنى لو مايتركها دقيقه....انتبهت لعيونها الي فتحها ..
ابتسم وهو يشوفها تناظره يعرف انها تحبه ومـتأكد انه يموت فيها تكلم بصوت تسمعه هي بس::احبك ؟؟
ابتسمت له حست انها محتاجه فعلا تسمعها
.نادر تسمعه منه بس تحس فيها بدون لايقوله.... حست انها محتاجه فعلا تسمعها..استمرت تناظره بعد ماغمض عيونه والي وضح انه نام ومستحيل تمل من ملامحه الي تعشقها ....ياسر لاتخيب ظني فيك..................................









فتحت عينها على صوت الجرس انتبهت لبس هيف بيدها رمتها وهي متقرفه..انا كيف نمت وهي بيدي .. ,,اقلقها صوت الجرس الي زاد.. طلعت من الغرفه ..وبكل خطوه قلبها يدق خوف,,مين هذا الي يدق الجرس ....قربت بهدوء وناظرت من فتحت الباب وتنهدت براحه,,فتحت الباب ورجعت على طول....

هيف دق الجرس مره ماردت,مرتين نفس الشي..عاد اكثر من مره وماجاه رد..خاااف ,,ضغط عليه بدون لايبعد يده وهو متوتر,,وينها هذي,,لايكون صار فيها شي..ارتاح سمع صوت الباب يفتح تكلم بعصبيه بعد مادخل وهو يشوفها ماشيه للغرفه::اظن حتى الاصمخ بيسمع صوت الجرس ؟؟
سحبت نفس ولفت عليه برووود ::كنت نايمه؟؟
هيف بعد ماهدى حس قلبه بيطلع من مكانه مجرد ماتخيل صار لها شي::بعديها هالمره بس ثاني مره لو انعادت المفتاح ماتشوفينه يعني لو بتموتين محد يدري عنك؟؟
دانه بصوت كله برود خلاص بتعامله بهالطريقه ::لو اموت يكون احسن الف مره من الجلسه معك ولفت عنه ومشت

هيف ماعلق على حكيها جلس على الكنب يحس بشي غرس صدره.. مو مستحمله الجلسه معي موعاجبها تتمنى الموت ولا الجلسه معي ..اكيد وش تبي تبيها تقول ابيك,,مو محتاج تقولها..وش الي يخليني اتضايق.. انا كل الي شادني فيها تغير روتين,,شي جديد,,انا من الشركه للبيت والشغل ,,ماهتميت للجنس الناعم وهذا الي شدني فيها .....
تذكر الشركه وتكلم بصوت تسمعه::البسي عبايتك بوديك لاهلك؟؟
دانه سمعت صوته ماتدري هو يستهبل عليها هو اليوم قال لا فرحت سمعته يقول : معك خمس دقايق بسرعه البسي عبايتك؟؟
حمدت ربها انه مايشوفها لان لويشوف الفرحه بعيونها اكيد بغير رايه ,,من الوناسه لبست عبايتها بسرعه بس تذكرت لبسها ,,مايصير ابوها يشوفها بهاللبس هي عروس بعينه لازم تلبس لبس يدل على انها عروس بيومها الثاني,,فصخت العبايه ,,واختارت لها لبس على السريع لبست تنوره كانت من اختيار العنود ..ولبست بلوزه الي اختاراتها معها..


حس انها تأخرت ,,تحرك من مكانه يبي يشوف متى ناويه تطلع,,جمدت رجلينه ,,معطته ظهرها وتلبس,,عيونه عليها ,, تمنى بهاللحظه تكون زوجته بدون أي حواجز مثل أي زوجين عايشين حياتهم طبيعين ,,ابتسم وهو يشوفها ,,تطلع بلوزها وتغيرها بحركه سريعه منها,,يعرف انها مستعجله ونست تسكر الباب....


تذكرت الميك اب ,,ماعندها خبره كثير بالمكياج ,قررت تمشي نفسها بكحل وقلوس ,,قربت للكومدينه ..توها بتحط الكحل ,,لمحته واقف عكس صورته المرايه,, تحس نشف حلقها مهما الي بينهم حست بأحراج,,هذا من متى واقف,,لايكون شافني..انا اساسا غبيه كيف نسيت اسكر الباب .. كملت وكأنها مو مهتمه حاولت تكون عاديه رغم الحراره الي تحسها فيها...

هيف مشى للغرفه وهويشوفها تسوي شعرها تكلم بعكس الي داخله مايبيها تحس باللي يحسه اتجاها وبتأثيرها القوي عليه ::اوووه حلو العروس بتلعب الدور صح؟
دانه تشوفه مكتف يدينه ويتكلم بنبره تخلي الواحد يغلي طنشته وماردت تخاف ترد وماياخذها لاهلها؟؟
قرب لها وهي تحاول تركب حلق بأذنها ..خافت وهي تشوفه يقرب لها,,مسكت نفسها ماتبي تسوي شي ويغير رايه ومايأخذها..بهدوء بعدت يديها..

هيف يبي يقرب منها بأي شكل المهم يقرب,,مسك الحلق وعمله لها ببساطه ومامنع نفسه من انه يبوسها وتكلم بصوت تبين الي يحس فيه::انتظرك بالسياره....................


فتحت عيونها بعد ماحست بخطواته تبعد عنها,,حطت يدها على خدها مسحت اثاره بهدوء,,سحبت نفس ولبست عبايتها وطلعت وهي تحس بقايا انفاسه بخدها............











الجوهره ناظرت العنود يعني تكلمي وفعلا تكلمت العنود ::اممم دانه راحت مع ابوي عندها موعد اسنان وبتتأخر؟؟
ام بندر ::والله من زمان ماشفتها مشتاقه لها؟
العنود حست بتأنيب ضمير لانها ماقالت الصدق بيجي يوم وبتعرف بس حست مو هذا وقته تقولها رفعوا عينهم للي دخلت وتلقائيا عرفوها لانهم عارفين انها موجوده::هلا وعليكم السلام؟؟
غاده الي دخلت وعبايتها لابستها تفأجاءت بجمال الي اسمها العنود مثل ماعرفتها انوار وحتى على الجوهره الي لفتها فيها نعومتها على رغم من قصرها حلوه حدة ملامحها..جلست وهي تفكر وهذولا طول عمرهم مقابلين بيت عمي ولا شكله ميانه طايحه بينهم سمعت العنود تقولها وهي تبتسم::والله مبسوطه لاني شفتك؟؟
ردت لها نص ابتسامه وبأستعجال::امم وانا اكثر وكملت وهي تناظر ام بندر::يالله عمه خلينا نروح يكفي اخرناه ساعه قالتها وهي تناظر العنود ..
العنود حست بأحراج انوار حكت معهم يجون وماقالت انهم بيطلعون حست من نظرات غاده كأنهم معطلينهم عن الطلعه سمعت اختها الجوهره تتكلم وبألاخص انهم شافوا اسيل وانوار بيلبسوون عبايتهم::اوكيه خاله حنا لازم نرجع البيت حبينا نسل
قطعتها ام بندر الي تضايقت من غاده وطريقة حكيها ::لاحبايبي البسوا عبايتكم بتروحون معهم؟؟
العنود ردت بسرعه::لاخالتي انا مأقدر رجلي ماتسمحلي اطلع لاي مكان؟؟
انوار واسيل بصوت واحد::ليش طيب؟؟
وكملت انوار::انا مأراح امشي بأقعد معك وكملت اسيل برجى ::تكفين الله يخليك والله راح ننبسط؟؟
ام بندروحطت شي براسها:مايمنعك انك تطلعين واجلسي بوحده من هالكراسي الي بالمجمع اهم شي تغيرين جو معهم؟؟
العنود وماودها تطلع ماتدري تحس كأنها دخيله بينهم اهل بيطلعون مع بعض حست انهم غريبن وهذا غير نظرات غاده الي حسستها بهالشي:: مأستاذنا من ابوي اوعدكم مره ثانيه نطلع معكم؟؟
الجوهره تعرف العنود تصرف لان ابوهم مايمنع يروحون مع ام بندر معطيهم الموافقه بدون لايستأذنون.. تمنت لو توافق العنود لانها فعلا ضايق خليقها ودها تتطلع لاي مكان,,فرحت بعد ماسمعت استسلام العنود لأم بندر..
استسلمت العنود بألاخص تشوف عيون رشا ورنا يعني وافقي..
اسيل بأستعجال طلعت وهي تقول ::انا بركب السياره؟



جالس بالسياره ينتظرهم يطلعون ..كان ابوه بيأخذهم بسيارته ,,فهم من امه بيطلعون معهم بنات جيرانهم,, عشان كذا قال لابوه,انا وخالد فاضين ماعندنا شي بنوديهم...عيوونه على الباب ينتظرها تطلع ,.,دقق بعيونه من داخل الحوش ابتسم شافها عرفها على طول من رجلينها....


قلبها صار يدق وهي تلمحه بالسياره هذا الانسان يعنيلها كثييير تتمناه تشتاق له كل هذا تعيشه لوحدها تتمنى لو يدري ويحس باللي هي فيه ,,
تكلمت الجوهره للعنود بصوت مايسمعه غيرهم::الفارس حقك انتبهي لاتموتين من الفرحه؟؟
العنود وهي تسحب الشيله على عيونها وهي بعالم ثاني سمعت انوار الي قالت::العنود والجوهره اركبوا مع بندر اسيل بالسياره وانا وغاده مع خالد


تضايقت غاده من كلام انوار تبي تركب مع بندر والي ضايقها اكثر بندر وقت قرب السياره والي واضح عشان العنود ورجلينها,,وزاد قهرها وهي تشوفه يفتح الدريشه ويلقي السلام عليهم وبعد سمعته يقول ::شلونكم بنات؟؟
دخلت عليهم عرض حتى قبل لايردون بصوت وضحت فيها الغيره ماخفت على بندر::العنود معقوله بتروحين ورجلك هذا حالها لوتقعدين احسن لانك ببتعبين؟؟
العنود تمنت الارض تنشق وتبلعها من حكي غاده هي تدري انها بتروح ليش تقول كذا.. بالذات بندر يسمع حست كأنها غثيثه احاسيس كثيره تجمعت عليها ردت وهي بربكه من الأحراج::صادقه مايصير ارو ح انا قلتها من الأول,,التفتت على خواتها وقالت بهدوء ::يالله خلونا نروح البيت؟؟
ماحد اعترض من خواتها حتى الجوهره انسدت نفسها حست كأن غاده مو راغبه فيهم ..
انواربأعتراض قوي::وين وين من جدك مافييه تروحين معنا يعني تروحين؟؟
العنود برجى وكرهت الطلعه::معليش والله مالي خلق صدقيني رجلي بتضايقني ماراح انبسط ولا اخذ راحتي؟؟
انوار بأستسلام::براحتكم والله تمنيناكم معنا؟؟
ودعتها وهي توعدها بطلعه ثانيه...

بندر الي سمع حكي غاده وعرف ان العنود انحرجت وانتبه لغاده ,,بتركب السياره كذا نفسه.. ..انسدت عن الروحه طفى السياره بعد ماكان مشغلها ونزل بعد ماقال لها بصوت شبه مسموع::اتمنى تحاسبين على كلامك قبل ترمينه على الناس وبألاخص هالناس الي شفتيهم..

اسيل الي طلعت اول وحده عشان ماتظر تركب مع خالد.. كانت تتحاشى تناظر سيارتة الي واقفه وراهم..واستغربت العنود وهي تشوفها تروح,,واستغربت اكثر من بندر وقت التفت على غاده اول ماركبت ماتدري وش قالها سكر السياره.تكلمت اسيل لغاده::ليش العنود وخواتها رجعوا للبيت؟؟
غاده تحس ودها تبكي زعل عشانها كل هذا حب بجيرانه خربت فرحتها باللي سوته عشان مايرحون معهم ردت على اسيل تسوي ماتعرف::مدري توها بتركب السياره؟؟

بندر نزل راح لعند خالد بسيارته وفتح بابه وهو يقول::خالد عندي شغل ضروري لازم ارجع للشركه اخذ اوراق ابي اكملها شرايك تأخذهم ..؟؟
خالد حس انها فرصه وجأت لعنده::اوكيه ماعندي مانع انا بأخذهم؟
بندرصد عنه وهو يقول::خلا ص بروح اناديهم لك قطعه خالد::لا لا خلاص كلهم ركبوا عطني مفاتيحك وخذ سيارتي قالها وهو ينزل..











فعلا خذا مفاتيحه وخالد راح بيركب سيارة بندر...


حرك بندر بسيارة خالد مايدري وين يروح اساسا ماعنده شغل بس انسدت نفسه عن الروحه ,ووبيقابل غاده وماله خلق ثقالتها..تذكر العنود حس بأحراجها.,فرق بينها وبين غاده,, العنود بنت عاقله وهاديه,,وغاده هز راسه مايبي يفكر بشي شين في بنت عمه..................................











::خلاص قلتلك طيب بغطي عليك روحي؟؟
ريم بأمل اخير::مافيه مجال تغيرين رايك؟؟
رغد وهي تنسدح على سريرها::قلتلك لا مالي نفس للطلعه؟؟
ريم فقدت الامل من عرفت ان زياد مسافر غسلت يدها تطلع اكيد اخلاقها زفت فقالت::اوكيه اللحين بطلع مع السواق وانتي ماتطلعين من الغرفه لحد مارجع؟؟
رغد بدون نفس::اصلا مالي خلق حتى اطلع من الغرفه تطمني؟؟
ريم بأستعجال وهي حاطه عبايتها بكيس::طيب قلتي للسواق ؟؟
رغد وتعبت من ريم من كثر ماتزن::ايه اطلعي هو يستناك من الباب الخلفي اطلعي من باب المطبخ ولاحد راح يحس فيك؟
هزت راسها وطلعت...




طول الطريق ساكتين الصمت حديثهم..رقص قلبها فرح بعد مادخلت حارتهم.. يوم واحد كأنه عشرين سنه,,توها بتنزل سمعته يقولها::بالليل بمر بأخذك؟؟
ماردت سكرت الباب بسرعه,,ابتسم على حركتها وهي تهز راسها بسرعه,, وحرك سيارته.......







فعلا طلعت بسرعة البرق ولا احد حس فيها,,ركبت وهي مبتسمه وطلعت جوالها واتصلت عليه::مرحبتين..؟
طلال وصار الي يبيه بعد ماعطته مسج واكدت له ان بتطلع::ثلاث واربع مراحب بالعسل؟؟
ريم بدلع::امممم وش رايك تنتظرني عند البوابه ؟؟
طلال ابتسم بخبث::اوكيه ؟؟
قطعته بمياعه::بس لفتين حول المجمع وترجعيني لان مافيني اتأخر؟؟
::تأمرين امر........................................................





غاده ساكته ماحكت كلمه منقهره من بندر..العنود واريان يتكلمون شوي ويسكتون.. اما خالد على وجهه ابتسامه اقل كلمه يعبر فيها وحده فرحااااااان ,,يحس وده يطير ,,اسيل معه..كانت بتنزل بس كان اسرع منها وسكره من عنده..يبيها جنبه ,,قريبه منه ..وش يبي اكثر من كذا..وش هاليوم الحلو اشوفها ,,وتجلس جنبي...صحيح تضايق من اسلوبها وقت شافها بالمطبخ ....تمنى تسلم عليه تسأله وش اخباره,,يستنى اللحظه الي يجمعهم بيت واحد..بس لازم تخلص دراستها هذا طلب عمه..






قلبها تحس بين يدينها.. تحس انها موقف لايحسد عليه,,سبت بندر عشرين مره,,يدينها ترجف مكتفتها عشان مايحس فيها..شعور حلو ماتبي تحس فيه تتمنى تبعده بس ماتقدر وجوده مسيطر عليها ..قالب كيانها..عينها على الدريشه مالفت عليه من التوتر مانتبهت..الا على صرخة انوار::اسيل شفيك ساعه اناديك؟؟
ردت بهدوء بعكس التوتر الي تحس فيه::اسفه ماسمعتك؟؟
انوار ودها تنفجر من الضحك على العقل الي نزل عليها وهي تعرف ليش انوار بنذاله قالت::دوري لنا شريط نسمعه؟
:
اسيل لو بيدها فتحت باب السياره ودفتها,,طنشتها وماردت عليها..
اريان الصغيره::ايه صح ساكتين كذا نبي نسمع أي حاجه؟؟
خالد يبيها تكلم::يمكن اسيل ماتبي وكمل وهو يناظرها::تبين تسمعين شي؟؟
اسيل وعيونها قدام قالت بحياءها الي متعود خالد عليه تتكلم معه بهدوء عكس اذا كانت مع غيره::عادي اذا يبغون شغل لهم؟؟
جلست تسترق النظر له وهونازل و يحوس بالأشرطه..يعجبها شعره الطويل بزياده طالع شكله يجذب مع الشماغ ..تمنت لو تمد يدها وتلعب فيه,,لفت بسرعه حست بيرفع راسه..

مد يده ودخل الشريط وسغله..

كانت اغنية عبدالمجيد ياغلى شي .وكانه يبي يوصل لها بالي يحسه لها اتجاها...









مجتمعين حولها فرحانين انها موجوده رشا لاصقه فيها والعنود ارتاحت لشوفتها الجوهره مو اقل منها قربت وقالت بحماس ::بشري كيف شفتيه ؟؟
دانه ماتبي تبين لها شي::الحمدالله مبسووطه لفت الجوهره على العنود وقالت::الحمدالله يعني الي في بالنا غلط؟
العنود على طول ناظرت دانه تشوف تعابير وجهها..
دانه حست من دخلت في شي يعرفونه والدليل رنا الي للحين تمسح دموعها تحسبها فرحه بس عرفت انه خوف بعد ماقالت بصوت مقطع::دانه انا شفت هيف هو نفس الي صررخ علينا ؟؟
دانه توترت ماتبيهم يعرفون بالاخص رنا والجوهره لان لسانهم مفلوت فقالت وهي تضحك ضحكه مصطنعه::ههههه ياقلبي ايه هو نفسه ؟؟
رنا الي ابتسمت لانها تضحك وقالت::ماسوى لك شي؟؟
كملت دانه بنفس الطريقه::ههههههه لا ليش وحش هو بالعكس طيووب ؟؟
بحكم سنها رنا اقتنعت بهاالكلام ..
الجوهره بهمس لها::مو علي هالحكي بأمانه كيفك معه احس في شي مو طبيعي؟؟
دانه ابتسمت لها::يعني وش بيكون فيه بدال ماتباركون لي تقولون كذا؟؟
العنوود مانطقت كلمه وحده عيون دانه تقول غير هالحكي ..
وكملت تقنع الجوهره من عيونها الي مشككه بالسالفه::يابنت انا صحيح انصدمت وقت شفته بس طلع كله صدفه بصدفه وكملت تحاول تقنعها وهي تبتسم وبكذب::شفت اهله ماتصدقون شلون حبايب؟؟
الجوهره اقتنعت قالت بحماس::بالله كيف بيتهم الي اعرفه انهم اغنياء؟؟
دانه تبي تصرف ماتعودت تكذب او ماتعرف تكذب فقالت::خلي الحكي بعدين وين ابوي؟؟
العنود ومافي امل تصدق تعرف دانه ردت عليها::ابوي طالع لواحد من جيرانا شوي وبيجي وكملت دانه::الجوهره الله يخليك حدي ميته جوع سوي لي اكل؟؟
الجوهره تكلمت وهي تمد بحكيها::عرووس ومستحيه تاكل مع زوجها وكملت وهي توقف:: ولايهمك اللحين اسوي لك بدلعك اليوم بس بعدين مافيه دلع تسوي لنفسك مثل اول..؟
وقفت بعد مارحت الجوهره وقفوا معها خواتها رنا ورشا ناظرتهم دانه وقالت::روحوا اجلسوا بالصاله وشغلوا التلفزيون وشوي وبجيكم؟؟
رنا وهي تسحب رشا:امشي بدينا بهالحركات قولي بقولها شي مابيكم تسمعونه؟؟

ضحكت دانه وسحبت العنود ودخلو لغرفتهم..................................









ظبطت لثمتها ورشت لها عطر وهي بالسياره خلصت تأكدت من شكلها ,,خذت الشنطه من ماركة ديور من عند رغد..نزلت بهدوء وركبت بالسياره الي امامهم مباشره على حسب اتفاقهم..


سحب نفس من ريحة عطرها الي حرك كل خليه بجسمه..قال بأتسامته المعروفه بجمالها :مااااني مصدق انتظر هاللحظه الي ريم تكون فيها جنبي؟؟
ريم لفت عليه وبجراءه فتحت لثامها ونزلتها على اكتافها وجلست تحرك بشعرها بدلع::وانا كمان قالت بمايعه وهي تشوف صورته على مرتبة السياره::وااااااو مأحلاك بأستها وهي تقول::هذي انساها ابي اصبح وامسي بشوفتك؟؟
طلال عجبته دخلت راسه يبيها خلاص بس اليوم يبي يخليها توثق فيه لحد مايصير الي براسه قرب منها مسك يدها وباسها::كلي فدوه لك ..
ناظرته نظره جريئه بعيده عن الحياء او الخووف وقف السياره بطريق هادي مافيه ناس..وقرب منها..........................................








دانه وحست جزء كبير طاح منها تبي تتكلم تبي تقول لاحد ماعندها الا العنود لانها مستحيل يخبوون شي عن بعض ....
العنود بعد ماسمعت كل السالفه قالت بصدمه::الحين سكوتك مقابل مايفصل ابوي من الشغل؟
هزت راسها بأيه,,
تكلمت العنود ::دانه المفروض ماطاوعتيه ابوي اسا
حطت دانه يدها على فم العنود::ابيك تحطين نفسك بمكاني بأمانه وش بتكون ردة فعلك؟؟
ماردت العنود كملت دانه::يالعنود انسان كل شي بيسويه لو ابوي طلع من شغله بيحس بذل وحرقه بقلبه يكفي يفكر بخواتي اذا ماقدر ينفذ لهم شي لو بسيط كيف لو ما يقدر يشتغل وش بيصير فيه,,مستعده اتحمل ولا ابوي ينهان,,ناظرت انه العنود المنصدمه::مابي احد يعرف حتى الجوهره تعرفينها ماتقدر تمسك لسانها؟؟
العنود هزت راسها للحين بصدمتها قالت:: يالله دخلت بيت صار فيها كل هذا؟؟ وكملت بأستفهام::وش ناويه تسوين هذا يوم وعمل فيك كذا عاملك بهالطريقه؟؟
دانه وعيونها غرقت::تخيلي صرت مثل اللعبه بيده وقالت وهي تتذكر صوته بأذنها وهو مستولي عليها ويقول::لاتفكرني ميت فيك بس مستحيل احرم نفسي وما استمتع فيك ..نزلت دموعها ورمت نفسها بحضن العنود::ليش يصير فيني كذا عاملني ولاخدامته صرخت بقهر اكرهه ..
العنود كسرت خاطرها اختها ,,انقهرت لحالها ..مسحت على شعرها وهي تقول::دانه انتي اقوى من كذا وصدقيني وربي معاك ماينسى عبده تذكري هذا الشي دايم..واستمرت تمسح على راسها لحد ماهدت وحست انها ارتاحت...............................









بالمجمع..
راحت غاده تتسوق مع اخوها وانوار و اسيل لحالهم مع اختهم الصغيره::غاده ماحكت كلمه وحده من ركبنا السياره مو عادتها ؟؟
اسيل تذكرت بندر::مدري انا شفت بندر التفت وقال لها شي بس مانتبهت؟
انوار:: وين تنتبهين والحبيب موجود؟
اسيل عصبت::انوار خلاص فكينا امشي خلينا نشوف العطورات؟؟
دخلوا للمحل وقربت للبايع..وسألت عن اخر عطر من جنفنشي ..وفعلا طلع لها ..وخذت منديل تبي تبخ منه شوي عشان تشم ريحته توها بتبخ من العطر فلت من يدها وطاح من يدها على ارضية المحل وانكسر.شهقت بخفيف رفعت عينه للبايع تبي تعتذر::اسفه والله ماق؟؟
قطعها بصراخه::شو بينفع اسفك؟؟
اسيل انحرجت تكلمت بصوت اوطى::اسفه م قطعها مره ثانيه::لك بدك تدفعي ثمنه!
::اقصر صوتك ولاترفعه؟
التفتوا على مصدر الصوت والي كان واضح عليه العصبيه وكمل خالد بعد ماسأل البايع الثاني عن سعره,, وطلع الفلوس قال وهو يرميها بوجهه::في شي اسمه ذوق واسلوب بالحكي مو بهالهمجيه وهالصراخ؟؟
التفت على اسيل الي واقفه ::وانتي لاتعتذرين لأحد وانتي ماغلطتي ؟؟

انوار بهمس::لا مستقبلك مضمون بيد خالد شفتي كيف خلاه يتلعثم ؟؟
اسيل ابتسمت وهي تشوفه يتقدمهم وهو ماسك يد اختها,,حست بنشوة الانتصار..قهرها البايع وهو يصرخ عليها قدام الناس احرجها..وعجبها وقت قالها لاتعتذرين اذا انتي مو غلطانه.................................


ناوي بيدخل المحل الي جنب محل العطورات بس لفت انتباه صراخه وكلامه الي وصل اذنه,,التفت شافه يصرخ على اسيل,,دخل وهو يسمع اسيل تعتذر عصب..واحد مثل هذا يصرخ عليها قدام العالم من يكون,,والي قهره زياده اعتذار اسيل له واضح انه احرجها,,....ماقدر يتحمل تلقائيا دخل وهزاءه كان وده يمحيه ولا ان يرفع صوته عليها,,.........................






رجعت للبيت بعد ماتطمنت من رغد مافيه احد سأل عنهم,,نطت على سرير رغد وهي تقول::يجنننن يارغد تصدقين خاف علي وقال لازم ترجعين بدري ؟
رغد تناظرها تعرف ريم مستحيل تكون تحبه لانها مستحيل تفكر تحب ريم للتسليه وبس تدور وناستها فقالت لها::يعني هو يحبك؟؟
ريم وتدري طلال مو من النوع ا لي يحب ::نونو وين وصل تفكيرك انا اقصد مافكر بوناسته واصر يجلس معي زياده او حتى فكر يتجاوز الحدود معي ابد؟؟
رغد فهمت عليها قالت وهي تشوف الكيسه الكبيره وقمة الفخامه::هذي الهديه منه؟؟
ريم تهز راسها::ايه منه تدرين وش فيها .؟
هزت راسها بمعنى وش فيها..
::موبايل نوكيا اخر موديل وساعه من ديور فيها الماس..؟
رغد بدون مبالاه::تتهني فيها ؟؟
وجلست تكمل ريم حكيها لها وش صارمعها...........................







بعيد عن عاصمتنا الحبيبه واجواءها عند جنيف,,




بعد ماصحوا من النوم وكان بالليل مافيه وقت يطلعون حبو ينزلوا يتعشوا تحت بالفندق بالمطعم العربي,,وفعلا طلعوا بعد ماتفقوا ام عبدالله وام هيف ينزلوا يتعشوا مع بعض..
جنى تقدمت لأم هيف الي كانت بالكرسي وخدامتها معها مستحيل تستغني عنه بسبب ركبتها ,,فتفضل بسفراتهم تجلس بكرسي ,,ام هيف كانت بحجاب مستغنيه عن العباه مكتفيه بجلباب طويل لحد الركب ,,بنطلون اسود واسع بحكم طبيبعتهم مايتغطوا بالسعوديه,,بعكس ام عبدالله مستحيل تترك لبسها للعباءه وحتى غطاها..تكلمت وهي مرتاحه لان زياد مو موجود وعرفت من ابوها انه نايم ..تبي تتحرر من نظراته::خالتي وين نوره ماراح تنزل معنا.!
ام هيف:: بتجي اللحين مدري وش تحوس فيه داخل .؟
تكلم ابوها::خلاص خليك معها واحنا ببنزل تحت وانتوا لحقونا؟؟
جنى ابتسمت لابوها::اوكيه..؟



فتحت الباب الي كان مفتوح دخلت
مشت للجهة الغرف فيه ثلاث غرف ..سمعت صوت جوال يدق ,,قربت من ناحية الصوت وكان باب غرفه مفتوح شوي,,قربت له طلت براسها وقفت حركتها من منظره,,شافت زياد نايم على ظهره بالبطلون الي كان عليه بس صدره عاري,,نايم بدون بلوزه,,واضح انه تعبان ..فمه كان مفتوح ..رجعت لها الاحاسيس الي صايره تحسها مع زياد ..بس بدون توتر..مشاعر حلوه هاديه... للحين الجوال مستمر ماوقف,,تذكرت وقت شافت جواله وتذكرت الاسم المتصله ,,اكيد هي الي تتصل اللحين ,,حست عليه بيتحرك تحركت من مكانها على طول,,حست بربكه شافت نوره تناظرها وتبتسم مافهمت وش نوع ابتسامته حست وراها مغزى ,,ماهتمت كثير تكلمت لها::وينك قاعده ادور عليك,,
ابتسمت لها كانت منتبه للنظراتها لزياد حست كأن جنى متغيره معه ماصارت تشوفهم يتخانقون كثير فقالت لها::شكلك ميته من الجووع ؟؟
تحركوا وهي ماسكه يدها::قولوا علي السلام مره موصله من الجوع................................................





في بيت ابودانه
الساعه
9بالليل..
مرتاح لاخر حد بنته حسها من حكيها وضحكها مع خواتها انها مرتاحه..تكلم لدانه:هاه كيف شفتي اهله ؟؟
دانه الي كانت مندمجه مع خواتها باللعب بلاستيشن لعبة كراش ونست هيف لو لساعات ردت بسرعه بدون ماتناظره عشان ماتنفضح::اممممم الحمدالله ورجعت تكمل لعبها,,...
سمعوا صوت الجرس قام ابوها فتح الباب وشاف هيف ::هلا ومرحبا؟
هيف الي بدوره سلم عليه مايدري ليه يرتاح لابودانه يحس وجهه يعطي طمأنينه يريح النفس فقال بعد ماقال ابوها يدخل يتقهوى::لاعمي يالليت دانه تجي وراي بكره اشغال واعذرني ماقدر ادخل؟؟
ابودانه::ابشر ياولدي نبيك مره ثانيه تجي وتعشى معنا.
هزراسه وهو يحس بذنب مايستاهل ابوها ::ان شاء الله عطها خبر
انتظرها بالسياره.
سلمت على خواتها وعلى ابوها لانهم يومين بيرحون للشرقيه..وطبعا مفاجاءه لهم للحين ماخبردانه ابوهم بس عطى خبر لدانه.............




سلمت على خواتها ..حضنت دانه العنود
وهمست لها:اعتذري عني لخالتي وقولي لها دانه تحبك مثل امها؟؟
العنود همست لها::ان شاء الله بتنحل وربي يساعدك؟؟
ابتسمت وبعدت عنها وطلعت وبخاطرها,,وين تنحل وانا شهر وبرجع وين تنحل وابوي مدري وش ردة فعله لارجعت ولا وش اقوله. وين تنحل وانا مدري وش بيصير ,,سكرت باب السياره بحزن العبره ماسكه حلقها ..حطت راسها على الدريشه ..تركت دموعها تنزل مايشوفها بغطاها تقدر تاخذ راحتها..بكت عيون ابوها الي مفكر انها مبسوطه ومتهنيه,,بكت كذبها عليه,,بكت الشخص الي ماكرهت احد كثره ولا عرفت الكره الامنه..طلعت منها شهقه بدون لاتحس..صرخت بداخلها ابي انسى الي انا فيه ابي ماهتم للي يصير فيني ابي اقول عادي ولا ابالي بس كيف مادري.............


هيف فتح ازرة ثوبه فوق من الضيق الي حس فيه من ناحية ابوها تجي هي تكملها,,شك انها تبكي من ركبت ,ووتأكد من الصوت الي طلع منها...وده لو يخفف منها شوي,,بس صعبه ,,صعبه حيل,,كيف وهو اساس الي فيها ..حاول يطنش شغل الاف ام وحاول يلهي نفسه مع البرنامج.......................................







اليوم الثاني...

في جنيف..

صحتها جدتها بدري بيطلعون يتمشوون صحت بكل نشاط خذت لها شور,,لبست بنطلون جنز وبلوزه طويله بنفسجي لحد نص فخذها ..وحطتت اكسسوار ,,كذا نوع من السلسله,,الوانها بنفسجي فاتح بعكس بلوزتها الغامقه,,حطت ماسكرا,,لبست حجاب يناسب لبسها وطلعت لاهلها الي ينادون عليها,,,,,




لهم وقت من طلعو زياد مع امه واخته وخدامتهم..نوره الي بحجابها وبالطوا ابيض وتحته بنطلون اسود,,وزياد برمودا بيج وتشيرت اسود ,,وبنظارات سوداء مستحيل يستغني عنها..اتفق مع ابو جنى يروحون للبحيره ويلتقون هناك..




نزلوا تحت طلعوا للمشى الي يوديهم للبحيره,,
تمشي وهي ماسكه يد جدتها وتتفرج على الناس شافت عجوز وشايب جالسين على الكرسي ويسون حركات تعرف جدتها ببتكلم عليها,,
تكلمت ام عبدالله::يازين جوووهم لو جو الرياض كذا والله ماطلع منها احسن لي من هالناس الي مايستحون؟
ضحكت جنى ::هههههه يمه المفروض تتعودتي على هالناس ؟؟

ام عبدالله::ناس مدري وشلون جايين موب صاحين..
تكلمت جنى لابوها شي متعوده عليه مستحيل ماتمره::يبه ابي كريب نوتيلا
,, جدتها شافت ام هيف ونوره جالسين بالكرسي وراحت لهم ,, وقف ابوها عند العربه ..عربه صغيره عند البحيره,,يبعون كريب نوتيلا طعمه لذيذ وشي اساسي عند جنى لازم تأكل منه كل صباح..خلص واخذت لها معه عصير ,,راح ابوها لعند زياد..وجنى شافت زياد موجود ابتعدت عنهم,,راحت تتمشي تحب تشوف الناس هنا بالذات عند البحيره,,جلست بوحده من هالكراسي,,قعدت تأكل برواقه ..خلصت اكلها..فتحت شنطتها طلعت شي مستحيل تنساه ومستحيل تتركه..
غرقت عيونها,,باستها وهي تقول::ماقدر اقسى عليك انتي امي..صورة امها وين ماتروح بشنطتها,,انتبهت على شخص قبالها,,يسوي حركات ,,مافهمت عليها خافت,,





اخذ له عصير لمحها من بعيد جالسه على الكرسي..ابتسم ولقاها فرصه..مشى لها لحد ماقرب عندها وقف وراها بمسافه بهدوء بدون,,بدون ماتحس,,يبي يراقبها من قريب ..شافها تحوس بشنطتها,,عقد حواجبه ,,مين صورته الي تبوسها,,قرب زياده ,وكأنه عرفها ,, ,,هذي امها,, كسرت خاطره..فاقده امها.,حاسه بغيابها,,ماعمره فكر بهالشي..انصدم جنى للحين امها في بالها..عقد حواجبه من الرجال الي عندها,,قرب لها بعد ماشافها انكمشت على روحها,,



جنى خافت ماتدري وش يقول يتكلم فرنسي وقفت بعد ماقرب منها..انتبهت لزياد الي طلع لها وصار يبعده ويدفه والرجال ماينفهم منه الاكلمه وحده يتكلم ويقول لجنى::اربك<<عرب

يبعده وهو يبي يمسكها خافت وقفت ورى زياد وقالت بصيحه من بين يد الرجال الي ماعرفت وش فيه::زياد خلينا نروح؟؟
زياد دفه بأقوى ماعنده وفهم انه سكران,,التفت لجنى ومسك يدها وشبكها بيده بتحكم منه قال بضيق لان الرجال ماكان ناوي خير::المفروض ماتمشين لحالك هنا؟؟
جنى هزت راسها له موافقه بعد مابعدت عنه فكت يدها منه بصعوبه,,وتحس انها بتجرف بمشااعرها او بدت تفهم شعورها لزياد,,الي تعرفه صارت تحب تشوووفه...
زياد حس بشي يمشي بعروقه من مسكة يدها.. مبسوووط اول مره جنى تطاوعه بدون لاترد عليه بكلمه....مستانس هذا بداية اليوم وان شاء الله الايام الجايه تكوون احلى يقولها وعيونه على جنى الي تقدمته بخطوات سريعه لقدام لعند اهلهم...........................................





نهاية الجزء
قراءه ممتعه

هلا حزني يعطيكـ العافيه ....

دانه الله يعينها كيف راح تتئقلم على هيف

ريم هذي بدايت ضياعهاا مع طلال بس ان شاء الله يصير شي يمنعها

جنى عرفت مشاعارها من زياد راح تبتعد عنه بسبب الحياء...

يعطيكـ العافيه ننتظركـ

جـــ,ـــ,ــــودي

السلام عليكم..
وحشتيــنا حزنـي..ووحشتنا القصـه..يسلمووو عالباارت..

دانـه
وحياتهـا..والذل والظلم..الي رضته لنفسهـا..عشان ابوهـا..وخواتها..لي متى بتم جذي..حلو احساسها بالامان معاه..وحلو بعد انها نامت مع هدومه..صج انها ما تحبه..ويمكن تكرهه حتـى..بس تحس بالامان معاه..وهالشي يبشر بالخيـر..

غادة
وغيرتها على بندر..من العنود..والي زادت يوم بندر زعل منها..على كلامها التافه..يعني الحب مو غصـب..مثل ما انتي تحبينه..هو يحبهـا..وكلامها كان حيل بايخ معاها..بس الله يستر منهـا..

العنود
مسكينه..بس زين الي قعدت ببيتهم..اهون من بياخة غادة..

اسيل
وموقفها صج انه محرج..لكنه بين لها شكثر خالد يحبها..ومايرضى عليهـا..

هيف
حلو احساس الذنب الي يحس فيه..تجاه دانه..وابوهـا..وان شاء الله تتعدل معاملته..معاها..

جنى
ومشاعرها الي بدت تتغير تجاه زياد..

ريم
بتندمين ياريم..واذا هالمرة ما صار شي..بعدين بصـير..

بنووتة