مرحبا افيك موووونه وهذا البارت وصل
الجزء التاسع
الساعه2:15الظهر
نومها كان مقطع صار لها اكثر من نص ساعه وعلى نفس وضعيتها مسكره عيونها وهي صاحيه ..انزعجت من صوت الجوال يمكن هذي عاشر مره وهي تتصل ماله خلق تكلم احد,,تحس شي
كاتم على صدرها ,, زياده على ان حبيبها مو قريب منها , الافكار الي استولت على تفكيرها والهواجيس الي صارت تخاف منها,,,,يمكن لانها فاهمه تفكير الشباب مايقبلون بنت يحاكونها من قبل الزواج ,,بس كانت تعطي نفسها اوهام تقول زياد غير,,قلبها متعلق فيه لدرجة ماتتخيل تعيش حياتها هو مو معها,,تفكيرها فيه جنووني استولى على كل شي فيها عقلها قلبها كل شي فيها يقول زياد..نزلت دموعها ودها تتكلم تشتكي بالي تحس فيه تبي تقول انها تحبه ولاتخلونه يبعد عني,,حست بأحد يدخل الغرفه ,,عرفتها على طول ,,اكيد من بيكوون غيرها,,سمعتها تقول::الله يهديك يارغد نايمه بهالملابس والتكيف بارد ..حست بيد امها تسحب الفراش من تحتها وتغطيها,,بلحظه حست انها مقصره من جهة امها..امها الي حنونه عليها بدرجه محد يتصورها..ماتمنت امها تطلع وتسكر الباب ,كان ودها ترتمي بحضها وتصيح,,تعرف امها بتكون بتستقبلها بحنيتها اليم تعوده عليها ..بس اذا سألتها امها وش الي يخليها تصيح وش بيكون ردها ........................................
بنفس الوقت
,,كان يبي يطلع مو اعد اصحابه ,,غير رايه وجلس بعد ماسمع اخته الي تأفف وهي حاطه جوالها على السبيكر وتقول::افف متى بتردين يارغد؟؟
سمع اسمها وجلس.. يهز رجلينه وعيونه على التلفزيون ومقصر على الصوت,,ينتظرها ترد ,,يبي يسمع صوتها,شي بداخله مايبي يبعده عنها,,محتله تفكيره غصبا عنه..يحبها ومايقدر ينكر هالشي ..
دخلت امهم عليهم معها صحن القهوه ,,ابتسم ضرب براسه حكي ,فقام واخذ الصحن من امه وجلسو على الارض سمع امها تقوله::غريبه ماطلعت مع اخوياك؟؟
ابتسم وهو يمد لها القهوه::لاحق عليهم القعده معك تسواهم كلهم!
ابتسمت ::والله ودي دايم معي وماتطلع من البيت وتريح نفسك من الدواره برى؟؟
التفت لاخته المستمره وهي تتصل قال بعبط::مين هذي المقروده الي تتصلين فيها تراك قلق ومزعجه ؟؟
ريم متربعه على الكنب ردت بدون نفس::و انت واحد ملقوووف؟؟
التفت لامه وهو يقول::اشهدي يمه هي الي جنت على نفسها ,,التفت عليها وسحبها برجلينها وهي تصرخ لحد ماصارت جنبه ومسك كشتها وهي صارخها لامها تبيها تلحق عليها وامها تشرب قهوتها و تضحك عليهم مطنش صراخها ويشرب القهوه بيده الثانيه ويتكلم براحه::مين الملقووف هاه؟؟
ريم تبي تبعد يده بس وينها وين يده الكبيره بالنسبه لحجم يدها ردت عناد::انت يعني مين صرخت وقت زاد عليها وقالت::اووف انا الملقوفه خلاص فكني؟؟
::نفض يده وهو يقول::اها قلتي احسب بعد؟؟
امها لريم::شلون رغد؟؟
ريم وهي تعدل شعرها::مدري لي يومين ماحاكيتها واللحين اتصل فيها ماترد؟
ماجد ماصدق تجيه الفرصه عشان يحكي لامه::على طاري رغد من زمان عن خالتي وش رايك يمه نروح نسلم عليها ؟؟
ابتسمت امه تتأيد لكلامه::خلاص بحاكيها ونروح نسلم عليها وفرصه قبل لايسافرون نشوفهم ونجتمع مع بعض..
فرح من خاطر,,وانتبه لاخته الي عطته نظره,,يدري اننها حاسه وعارفه بأهتمامه برغد,,صحيح ماتكلم لها ولاقال لها عن مشاعره رغد بس يدري انها ماتطوفها حركاته,,رجع بذاكراته لورى,,بالضبط كان ثانويه عامه ورغد بأول سنه بالثنوي,,
كانت جايه تدرس مع ريم وكانوا مجتمعين بالصاله,,رغد وريم يذاكرون على جنب وهو فاتح كاتبه ويذاكربنفس المكان,,يذكر كيف رغد متحمسه وهي تشرح لريم بعكس اخته الي شوي تضحك وشوي تلعب وقليل ماتركز,,تذكر شلون رغد قالت بحماس ::ماجد حبيبي الله يخليك ابيك تشوف هذي المسأله عجزت اعرفها؟؟
رفع راسه لها بحالميه وماهو قادر يستوعب الكلمه الي قالتها صحيح قالتها عفويه بس من رغد وبعيونها الي تترجاه كانت لها اثر قوي على قلبه درجة بان بوجه وعيونه وخلى لسانه ينطق لها::وانا يحصل لي تطلب مني رغد شي واقولها لا لو تقولين جيب القمر جبته؟؟
تذكر شلون ابتسمت وصفقت بغروروهي تقول::رغد تقولك شكرا ياولد خالتي.. وقربت لعنده وهي تاخذ الكتاب وتأشرله على المسأله ,اخذ الكتاب منها و مابيها تبعد عنه,, ,,كل هذا بين عيون وصوت ريم الي تمد بالكلام ::لو طلبتك انا مافكرت فيني بس رغد غير موووياماجد؟
طنش ريم ومارد عليها,,
كانت كل حركه منه تنتبه له ريم بس رغد مافكرت بشي ,,فيه شي يدور براسه,,مايدري يساير قلبه ويطبق الي براسه,,رجع لواقعه التفت لامه الي اندمجت مع المسلسل::يمه انا اللحين بطلع اتصلي علي اذا حاكيتي خالتي..؟
باس راسها امه وطلع.
ريم وهي تحوس بصندووق الرسايل ,,تسمع اخوها ..للحين اخوي عايش بأوهام..ابتسمت على جنب ,,مستحيل رغد تلتفت له,,هو عارف هالشي ,فاليش يسأل عنها على طول.. المفروض يشيلها من تفكيره,ماهتمت كثييير...فزت من مكانها تحت عيون امها الي قالت لها:: شوي شوي ياريم,,
وردت بميووعه بصوت واطي وهي تمشي لغرفتها::هلا.........؟
ياما جلست وياما انسدحت على السرير,,راسها صدع من كثر التفكيرمن الي هي فيه ومن وضعها,,ناظرت ساعتها شافتها 2ونص..تسمع صوت التلفزيون الي الى للحين يشتغل..ماشافته من بعد ما كلت شبه فطور.. ولا هو طلع من المجلس..خذت نفسها وطلعت له بعد تفكيرمنها,,تبي تقوله مضطره تحكيه بس ماتبي تشوف الشماته بعيووونه يذكرها هو المنتصر وهي الضعيفه..
مريح راسه على الكنب ومدد رجلينه على طول الكنب والريموت فوق بطنه ..مايدري وش القناه ولا وش يقولون.يبي الشهر يمر بسسرعه ,,مايتحمل قربها ,,هذا يوم واحد وكذا,,..,, كل كلمه تقولها تأثر فيني وتترد بداخلي نفورها الي اشوفه بعيونها يضايقني,, ..الضعف الي شفته فيها كرهني نفسي, ,,انا بالعاده اذا ماعجبني شي بالبدايه اواحد مس شي فيني ارده بالمثل بدون ماندم..وهذا الي حصل معها,,قدرت ارده لها,, بس ليش شي داخلي يخلني اعطف عليها,, نحيبها في حضني للحين مأنساه ,,شي قاهره,,و يحترق بداخله,,شاغله تفكيري من عرفتها....سحب نفس انا وش الي يخليني احط راسي بنت,, مضيع وقتي وبس دايم تفكير محصور بشغل ,,خلاص ياهيف الي صار صار,,لازم ماخليها تأثر علي كلها شهر وبتروح ,,ويرجع كل شي مثل اول ..
واقفه عند الباب ماتدري هو حاس فيها ولا يستعبط ولا فعلا سرحان ,,ماحبت وقفتها حست نفسها باحساس كرهته,,كانها خادمه وتنتظر امر من مالكها..ماعرفت كيف تقوله ولا شلون تكلمه وجهه يخلي الشخص الي قدامه يتراجع,,ملامح تدل على غرور صاحبها كانت بتلف وتتطلع بس انتبهت لحركة عيونه وقت ناظرها وصد وعرفت انه فعلا كان سرحان..
ماعرفت شلون تتكلم شبكت اصابعها يدها بعض وحطت عينها عليه وتشجعت وقالت::ابي اروح لبيتنا؟؟
تعرفون الطفل الصغير اذا منعت منه شي ويبي يرجع يأخذه هذا نظرته لدانه صد عنها وقال بنص ابتسامه فيها استهزاء ::وش قصدك تروحين لبيتكم مافهمت؟؟
يقهر كلامه يشوفني من فوق لتحت كأني شخص قذرسحبت نفس وقالت بثقه وهي تكتف يدها بصوت وضحت منها الضيقه::يعني انا ابي ارجع بيتنا كلامي واضح يأستأذ هيف؟
هيف وده يطلعها من المجلس مو كره لقربها مايبيها تسيطر عليه يخاف يضعف قدامها يكفي اليوم خاف عليها وجبرها تاكل سحب نفس وبهدوء تحرك مكانه,..
دانه تشوف برود بوجهه مافهمت عليه ,,كمشت على روحها وقت تحرك من مكانه وقف على طوله..بلعت ريقها لفت بتطلع قبل لايمر من عندها,,ماتبيه يحتك فيها ,تكره تشمئز منه بنظرها مو انسان..حست بيده يمسكها ويلفها عليه ويقربها لوجهه غمضت عيونها منه.. صوته دخل اذانها بألم من عصبيته::متى ماطق براسي رجعتك لاهلك تسمعين انا الي اقرر مو انتي ؟تركها ومشى .
فتحت عينها وهي تمسح وجهها مكان انفاسه وتضربت برجلها الارض بقهر تكلمت وهي تقاوم دموعها تنزل و تشوفه معطيها ظهره ورايح::طيب بس ابي احاكيهم ؟
دخل الغرفه ورمى نفسه على السرير بعد ماسمع جملتها الاخيره..ناظرساعته بتوتر وقال يضيع الي يحس فيه::بنام ساعه وبروح للشركه....تأأفف وغمض عيونه وهو يقول خلها تعدل نظراته معي ,.قال ايش رجعني ..انا الي اقررمتى ارجعها واخلص منها موهي ,,,ريح عيونه وهو يقنع نفسه بهالكلام.................
دانه جلست عند باب المجلس بقلة حيله,,وهي ماسكه مكان قبضته,,كانت متوقعه رده بيكون كذا ,,بس قالت لنفسها خلاص وش يبي اكثر من كذا..تهديده نفذه زواج بالسر.. تهديده لي وسكوتي مقابل تهديده لفصله لشغل ابوي ..قبلت بكل شي ..ضيع حياتي,,زواج بدون علم احد وبعد بيكون طلاق بدون محد يدري وش بتكون حياتي بعدين بعد مارجع وش اقول لناس ,,وش يبي اكثر من هذا كله.. ضيع حياتي وحلمي بحالي حال البنات,..فيه دمعه بعيونها كابرتها ..تحس هذا كثير عليها,,هي مافيه شي بيدها ,,الا بحاله انها تروح لابوها وتنفجر عنده وتقوله بكل شي,,بس ماتبي اهانه لابوها ..هذا كبيـــر ويقدر على كل شي ,,ماتبي ابوها بأخر عمره يشوف القهر.. ماتدري بتقدر تتحمل لحد مايطيب الي براسه ويطلقها تحس نفسها بدوامه ..تتمنى اللحين بس ترفع الجوال لاهلها وتسمع صوتهم...................
بنفس الوقت.
::مشاءالله توك تصحين؟؟
الجوهره على سريرها تتكلم وكلها نووم::اصلا مانمت كويس؟
العنود وهي تعدل العكاز وتجلس على سريرها::وشلون نقدر ننام ودانه مو معنا؟؟
الجوهره فزت من مكانها::امشي نحاكيها؟؟
::ابوي اتصل اليوم على هيف وسلم عليه وسأله عن دانه وطلب يحاكيها بس ماقدر يقوله مشغوله؟
الجوهره رجعت انسدحت على سريرها بضيق::يعني كيف بتجي اليوم ولا لا ؟؟
العنود تطمن نفسها::اهم هي شي بخير؟
الجوهره وبأفكارها الغريبه::الي يشوفك كلمتيها وتطمنتي والله ماندري لايكون سوى لاختي شي؟؟
العنود تعرف تفكير اختها متأثره من هالافلام::اسكتي ياشيخه على افكار اعوذبالله ..قطع عليهم رشا وهي تقول::امشووا ابوي يقول تعالوا الغداء جايبه معه من المطعم..
العنود لفت على الجوهره وقالت بتأنيب ضمير::شفتي شلون كله منك لو انك صاحيه بدري كان صلحتي غداء؟
اوقفت الجوهره::يعني انا المذنبه يزعم رجلك مجبره وماتقدرين تسوين شي لو صادقه كان صحيتني انتي تقطعين وانا اطبخ رجلك تعورك مو يدك؟؟
العنود وفعلا ناسيه هالشي لانهم مو كلين هالشي لدانه وجارتهم ام بندر طلعوا من الغرفه وكل وحده منهم تتفق على انهم يتقاسمون شغل الغدا بكره...............................
طلال وهو بعالم ثاني عالم الخبث الشيطاني عالم كل شهوانيه قال بصوت ذايب::لا وين تسكرين ريم ماشبعت منك؟؟
ريم عايشه الجو معه::اوعدك احاكيك بالليل؟؟
طلال ومايبيها تسكر::وش الي يشغلك اللحين؟؟
ريم من تحت الفراش::امي تناديني تبيني اجهز بنروح لخالتي؟؟
طلال ابتسم بخبث::اها يعني ماعندك أي عذر عشان تقابليني؟؟
ريم ودها بالهشي هي عارفه يبيها تطلع معه بس ماتدري عن مزاج رغد تعبت وهي تتصل بس ماترد قالت بدلع::خلاص حبيبي انتظرني برد عليك اليوم اذا اقدر؟؟
طلال وهو مبسوط يبيها تطلع معه ::اوكيه قلبي انتظرك على نار.
ابتسمت وقالت بكلام معتاد بدون ماتفهم معناه::احبك؟
رد عليها بالمثل سكر منها ودعها بطريقته الخاصه..يالله كلنا نبي نتسللى تلعب علي والعب عليها,,مادري ليه نقول لبعض كلام وحنا ميقين انه كذب....انتبه لجوال الي دق مره ثانيه ورد بترحيب صادق::هلا والله,,ظلمت الرياض ياشيخ؟؟
زياد الي مريح باللوبي قال وهو يبتسم بثقه::اكيد نورها راح ؟
طلال بمزح::يارجال لاتاخذ مقلب بنفسك المهم الحمدالله على السلامه؟؟
::الله يسلمك ..
طلال بخبث::زياد عينك خلها قدام ماتلف لايمين ولايسار؟
فهم عليه::هههههه لامايهموني دام الحبايب معي..وكمل كلامه::انت وش جدولك اليوم؟؟
طلال بأبتسامه وبصوت كله حماس::احلى جدول تذكر الي كلمتك عنها بالفتره الاخيره؟؟
::لالا لحظه لاتقول بتطلع معك؟؟
::تقريباا ايه؟؟
::ماترتاح الا لحد ماتوصل للي تبيه؟
طلال بثقه::صدقني ماراح اجبرها بخليها هي بنفسها تطلع معي وهي راضيه,,المهم خلك مني ::وروح نام وارتاح؟؟
::اوكيه يالله حبيت اطمنك بوصولنا ..اوكيه ان شءالله يوصل سلامك للاهل .الله يسلمك................
الساعه
4العصر
طلع بروب الحمام بعد شور سريع بعد الغفوه الي نامها ,,,ناظر ساعته,,لازم اطلع للشركه..والي عندي وش اسوي فيها..معقوله اتركها لحالها..وانا وش علي منها,,وبعدين كلها كم ساعه وبرجع ..البيت ومافيه احد وابوي طيارته اليوم على مكه ..ماسمع حس ولاصوت استغرب وين راحت؟.مشى للصاله و لمح ظلها بالمطبخ ..وقف عند الباب وعلى وجهه شبه ابتسامه.
دانه وقفت اللقمه بفمها وقت شافته واقف بروب الحمام وشعره ينزل من المويه والمنشفه بيده ..حست بقرف من منظره كل صدره واضح هذا الي علق لقمتها بفمها,, تشوف على وجهه ابتسامه عارفه معناها وماخاب ظنها سمعته يقول::شوي شوي لاتغصين هذا الي مايسمع الكلام ولايأكل كويس يصير مفجووع مثلك.؟!!
دانه فعلا من صحت وهي تحس بالجووع بس نفسها مسدوده وحتى يوم كلت ماقدرت تتحمل تاكل معه ..نزلت لقمتها بعد جهد جهيد وتكت ظهرها على طاولة المطبخ وهي تكمل اكلها وتناظره بروود,,,وبخاطرها فرحان بوقفته ولا مريح نفسه مافهمت نظراته وهويناظرها......تبيه يطلع تحس المطبخ كله صار هيف..وهو خلقه صغيرويجي يكتم نفسي فيه,,صدت بعينه عنه.... وهي مستمره تاكل,,
هيف الي كان بيروح للغرفه ,وغصب عنه وقف..,,حس بأحساس لو يقرب منها ويلعب بخدودها ,, جذبه شكله وهي تاكل,,تمعن بعيونها فيها ثقه تعجبه وشي ثاني مايدري وشو بس ينرفزه قال بعصبيه بعد ماصدت::انا طالع للشركه ؟؟
تركها بعد ماقال كلامه ..هذا وش قصته مره بارد ومره معصب الحمدالله كيف يتحمل نفسه هذا.. ماتدري ان كرهها له ينعكس بعيونهاا..
وبعدين وين بيروح ويتركني ..غرقت عيونها,,ليش ماياخذني عند اهلي ,,اقل شي يخليني احاكيهم ..ماتبي تبكي فتحت نافذة المطبخ تحس دخل سحب الهواء وطلع,,تبي تسوي أي شي تلهي نفسها بأي شي عشات تمنع دموعها تنزل ..عادي مأخذني اليوم بيأخذني بيوم ثاني .........
حست بملل وهي بغرفتها قررت تنزل تجلس مع امها..نزت بجامتها شورت وعلاق ..والجوال بيدها صحيح زياد طمنها بمسج بس كان ودها يحاكيها ,,شافت امها مع الخدم تحوس بالمطبخ ,,قربت لها وحضنتها ,,
استغربت امها مو بالعاده تعمل هالحركه من نفسها ,,هي تجيها ايه بس رغد من نفسها,ابتسمت امها لها وباستها بخدها وهي تقول:رغد واقفه معي بالمطبخ؟
ابتسمت رغد للحين حاضنتها:مشتاقه لماما ما يصيريعني؟؟
ابتسمت لهابتجي خالتك وعيالها روحي غيري ملابسك؟
ميلت فمها::عادي مولازم اغيرها؟
::وش الي مو لازم ماجد بيكون موجود ؟
كتت يدينها تذكرت كلامه معها هذاك اليوم::وش عنده مطووع زمانه؟
استغربت امها:ماجد الي بيجي ماهو صالح؟
قالت بغرور::ماجد ولاصالح عيال اختك غثيثين؟
ضربتها بكتفها وقالت بعصبيه::لاتحكين كذا عنهم ويالله روحي غيري لبسك قبل لايجون؟؟
::طيب طيب لاتعصبين هذا انا رايحه اغير لبسي..مشت بطريقها وشافت ابوها داخل البيت..
::هلا حبيبتي..
رغد بعد ماباسته::بابا يعني لازم شغل لحد مانسافر ريح نفسك قبل السفر؟؟
ابو رغد طنش كلامها وقال لبنته بلهجه غريبه عليهابعد مانتبه للجوالها الي يدق : اكلمك من اليوم مغلق ؟؟
رغد بربكه::امممم توني صاحيه وفتحته؟؟
قال يبي يشوف ردة فعلها::نزلت فاتورة جوالك ؟
رفعت كتوفها بأستفهام وكمل حكيه::استغربت على انك دايم تحكين فيه بس فاتورتك ماتتعد300ريال؟؟
رغد بلعت ريقها ماتوقعت ابوها منتبه للمكالمتها ردت عليه::مدري بس اكيد هم يحكوون معي اكثر ؟؟
ابو رغد تركها ومشى ..لاول مره تحس بخووف,,سبت نفسها لانها مقفله جوالها ماتبي ازعجات البنات ...لو عرف ابوها عندها رقم مايدري عنه.. ,,وش بتكون ردة فعله ..بعدت هالفكره عن راسها ,,وطلعت لغرفتها..............
طلع لغرفته ورمى شماغه على السرير وجلس على كرسي..معقوله يطلع الي بالي صح ,,لالا ماتسويها رغد..رغد دلوعتي وبنتي وحبيبتي . تخون ثقتي فيها,,ماينسى هذاك اليوم..
كانت تكلم بالحديقه وكان يشوفها من غرفته ,,صارلها اكثر من ساعه وهي تسولف,,استغرب كل ماشافها يكون تلفون بأذنها وتحرص انه يكون بيدها,,فأخذ جواله واتصل فيها,,استغرب لاهو مشغوول ولا انتظار ماجاه رد ,,عقد حواجبه ناظر برقم يتأكد رقم بنته او لابس هذا هو رقمها,,ويعيد ويتصل,,ونفس الشي...
من هذاك اليوم والشك يدور براسه..يمكن اكون ظالمها,,مسح يده على وجهه بتوتر,,انا لازم اتأكد..................................
جالسه على الكنب بالصاله..حاسه بخوف ماتبيه يطلع ويتركها ..ماتدري هو بيرجع او لا..وبعدين ليش اخاف ..وانا وش علي منه يعني هو بيحمني خلني احمي نفسي منه..شافته واقف عندها ويحوس بجيبه,,تعالت دقات قلبها,,من وسامته الواضحه..ثوب وشماغ صحيح مو اول مره تشوفه بهالبس بس اول مره تنتبه له ,,كان هيبه بمعنى الكلمه,,شافته يلبس نظارته ,,كتفت يدينها بتوتر وهي تسمعه يقول بعد ماطلع المفتاح من جيبه::امشي قفلي على نفسك ؟
يشوفها تناظره بطرف عيونها تمناها تقوله خذني لاهلي لانه فعلا خاف عليها بالننهايه هي بنت ولحالها بمكان زي كذا التفت عليها وهو يحط المفتاح بالباب ومايدري شلون قال ::كلها كم ساعه وبجي وفتح الباب وطلع.يمكن قالها يبي يطمنها لانه لاحظ خوف بعينها او يمكن يبي يطمن نفسه قبلها..............
سكرت الباب قفلتين..ودخلت المجلس وقفت عند الدريشه..هذا يعرف يضحك,,تشوفه جالس بالسياره ويحكي بالجوال وكان يضحك ويسولف..استغربت من هذا الي يضحك مع هالانسان...انتبهت عليه وهو يحرك سيارته,,تمنت توقفه ..قالت لنفسها لو حاولت فيه وترجيته ياخذني يمكن يوافق,,لانه هو يبي كذا يبي يشوف الضعف فيني وش صار لو دست على نفسي وترجيته,,ابي ابين قويه وانا اساسا ضعيفه..بداخلي شي يقول عانديه اقهريه عندك كرامه..وين هالكرامه وهو للحين مستولي عليك.. انتي ماسويتي شي هو داس عليك وخلص,,,,..رفعت بصرها لخالقها,,ياربي افرجها علي يارب مافيه غيرك يعلم بحالي ...هذا كلامها اذا ضاقت عليها نفسها تلجأ للخالق الي مافيه غيره يمدها بالصبر.............
سكر من زياد اخوه يسولف معه بس عقله وقلبه يحس مو معه تركه مكان ماطلع,, لازم اجيبلها جوال اذا ابغيت منها حاجه وبعدين مو ناقص يصير فيها شي واخذ ذنبها طول عمري ..يدور لنفسه اعذار يبي يقنع نفسه بأي شي.............................
بغرفته منسدح على السرير ,,فيه غصه بحلقه قدر يخفيها عن بناته..فقد بنته فقد نور البيت فقد اول فرحته..يبي يعرف ارتاحت معه او لا..قلب للجهه الثانيه,,كل شي صار بسرعه ..حتى عرس ماسوينا.معقوله اكون تسرعت..بس انا سألت عنه كل يشهد له ويمدح فيه وفي اهله ,,لازم اكلم دانه ودي اسمع صوتها واعرف حالها واشوف هي قعدت مع اهله ارتاحت معهم ا,لازم احاكيها و اطمن عليها,,قبل لانطلع للشرقيه..ابتسم وهو يتذكرها بعد مأشترت اغراض عرسها,,وعطته نص مهرها بعد محاولات رفض منه,بس رفضت وعطته وهي تقول::ابيكم تنبسطوون بالعطله ورحوو ا للشرقيه اجلسوا فيها كم يوم وكملت وهي تقول :ابي خواتي ينبسطون,,
,,للحين بناته ماعرفوا ولامره راحوا للشرقيه اكيد بيفرحون,,,
موبعيد بنفس البيت
بغرفتهم
تأأففت وهي منسدحه على بطنها ::اف ملل زهق طفش بالله هذي تتسمى عطله لاطلعه ولاشي لو وحنا بالمدرسه احسن؟!!
رنا وهي تلعب ورقه معه رشا::الي يسمع كلامك يقول اول مره تمر عليك عطله كذا؟؟
رشا بأنفعال وعصبيه البزران::احمدي ربك اهم شي عطله ومانروح لمدرسه؟
العنود للجوهره ::والله انك فاضيه احنا وين واانتي وين؟؟
الجوهره فهمت قصدها::يابنت مثل ماقلتي واثقين بدانه وماتنجبر على شي ماتبيه وبعددين ماتدرين يمكن تكون مستنانسه وحنا الي قالبينها خوووف على الفاضي ..
العنودمن قلب::الله يسمع منك,,المهم اليوم بنروح بيت خالتي ام بندر؟؟
:اذا سألوا عن دانه وش نقولهم؟
العنود وهي تحضن الدبدوب::ماعليك خليه علي؟؟
الجوهره ماعلقت على كلامها ..
تبي تنرفزها تعرفهاماتعصب الا من هالجمله سحبت الدبدوب منها وهي تقول::يابنت اعتقيه لوجهه الله ولا عشانه هديه من الفارس المنتف <<رصت على الكلمتين الاخيره
العنود بعصبيه وبصوت واطي مايسمعونه رنا ورشا::هاتيه منتف ولا مو متتف وش دخلك؟
الجوهره تقهرها زياده::مالت عليك والله مافكر بواحد منتف اطلع من فقر وادخل بفقر!!
العنود طنشتها وماردت عليها التفتت على رشا ورنا وقالت لهم :تعالوا عندي بلعب معكم.......................
للحين واقفه على نفس وقفتها بعد ماحست الخوف دخل عليها قرأت المعوذات واية الكرسي وفعلا زال الخوف منهابس طغى الملل..شافت 3 اولاد صغار اشكالهم مراهقين مايتعدون 14سنه ,,فرحت وقت شافتهم حست فيه ناس مو جوده ,,عقدت حواجبها,,وش يسوون ..انتهت لاثنين منهم يحفرون بالتراب والثالث يراقب,, ,,ضحكت على جنب ,,شافتهم يطلعون من جيبيهم علبة دخان ويخبونها داخل الحفره ..وراحوا ولاكأنهم مسوين شي..فهمت انهم يدخنوون واهلهم مايدرون,,ضحكت صدق مراهقين واغبياء الله يهديكم..حست انها طلعت من جوها الي هي فيه ,,راحت للغرفه ..تبي تسوي أي شي..شافتت شنطتها ,,فتحتها حبت ترتبها تضيع وقتها,,طلعت الملابس وفتحت الدولاب شافت ملابسه بجايم وبناطيل سكرته بضيق,,فتحت دولاب التعليق وبدت ترتب كل ملابسها فيه..بعد ماخلصت,,التفتت على السرير الي كان حالته حاله ,,لوبيدها كسرته قطعه قطعه..نظفته بأشمزاز ..جسمها كلش عليها ريحته الي لصقت بجسمها بأنفها اللحين,,انتبهت لفانيلة البجامه مرميه بأللارض ,,نزلت لها بتردد ,,وبتردد اكثر رفعتها,,ماتدري كيف قربتها لها سحبت نفس ,,حست برجفه شعر جسمها وقف ..دموعها نزلت بدون تردد,,تعبت وهي كابته طول اليوم,,مر عليها الي صار امس شي صعب تنساه عاملها ولاكأنه حيوان عبدته كل شي كريه توصفه للي سواه معها...انسدحت على السرير وتكورت على نفسها...ومازلت بجامته بيدها مابعدتها عنها تبي تبكي لحد ماطللع الي فيها يمكن ترتاح ويمكن تخلص دموعها وماتنزل مره ثانيه.........
الساعه
4:30العصر
انوار::يمه مو ضروي اليوم نروح خلوها بكره اليوم قلت للعنود يجوون عندنا؟؟
::خلاص ابوك قال لبندر يوديكم وغاده مشتطه على الروحه؟؟
انوار::خلاص اسيل انتي روحي معهم وانا بجلس ع قطعتها امها::لاكلكم بتروحون حتى دانه وخواتها؟
اسيل تذكرت العنود:: يمه عنود يمكن ماتوافق عشان رجلينها؟؟
ام بندرمافاتها هالشي:معليش تروح معكم مو شرط تمشي تقعد على وحده الكراسي و حه منكم بتجلس معها ؟؟
انوار صفقت بفرحه:هييييييه وناسه بتصل بقولهم؟
امهم ::لا لاتتصلين خليهم يجون وانا بقولهم؟
اسيل ابتسمت::صادقه يمه عشان نحطهم بالأمرالواقع ..قطعت عليهم غاده وهي تقول::يالله عمه متى بنروح؟
ام بندرابتسمت لها::شوي بس نتظر بنات جيرانا بيرحون معنا؟
غاده تعكر مزاجها ::بس عمه سيارة بندرصغيره ويالله تكفينا؟؟
اسيل وانوار ماسكين ضحكتهم..
ام بندر::ماعليك بقول لعمك يعطي بندر سيارته وتكفيكم ولا تنقسمون نصكم مع بندر والثاني مع خالد..
هزت راسها وهي موعاجبها الوضع ,,للحين ماشفاتهم قالت لنفسها خليني اشوف الي كرهتكم قبل لاشوف خلقتهم...
اما اسيل سمعت طاري خالد ماتبيه يوديهم ماتبيه يروح معهم ::يمه نبي روح كلنا بسياره وحده ؟
هزت راسها ام بندر وهي تقول:يصير خير......
انوار لاسيل::انتي ليش تبي تتجنبين خالد بأي طريقه؟؟
اسيل ماردت عليها طنشتها ومشت.....عصبت انوار منها وراحت تلحقها عشان يجهزون نفسهم للطلعه.................................
في جنيف
تحديد بفندق
بريزيدنت ويلسون
تحس فيها نشاط مو طبيعي ..ناظرت نفسها بالمرايه رفعت شعرها لفوق بعد ماخذت لها شور..حاولت تنام بس ماجاها نوم ودها تطلع ,,جدتها وابوها استسلمو للنوم ,,راحت فتحت باب غرفتها الي تطل على الي تحت بالفندق.. حست بالهوى يدغدغ وجهها,,ابتسمت وتكلمت بصوت تسمعه::يامحلى صيفك ياجنيف..جلست تتفرج على الي تحت ,,ضحكت وهي تقول لنفسها::وينك ياجده تشوفين الي تحت وتعيدين نفس موالك وجملتك ( هذولا مايستحون وهم بهالملابس).. استمرت وهي تناظر الناس الي تحت,,اجانب عربين ناس كثثثيير..تحمست تنزل تحت وفعلا دخلت و غيرت ملابسها لبست بنطلون ابيض وبلوزه لونها اصفر طويله لحد الركبه بأكمام طويله,,وخذت لها حاجب بلونين لبست الابيض من تحت ولاصفر من فوقه,,ماجاها النووم قالت لنفسها بتمشى بالفندق خافت تنزل لحالها.. بعد ماخذت شغالتهم معها.. طلعت من السويت,,ودخلت المصعد..اكثر شي عجبها بالفندق مليان خليجييين..صادفت معها بنفس المصعد..ام وابو وعيالهم صغار معهم والي واضح منهم من لهجتهم ان كويتين,,انتبهت للعيال الصغار يتخانقون,,امهم وابوهم ابتسمو لهم بحنان وبعدهم عن بعض وكل واحد منهم مسك صغير بيده..تمنت لو عندها اخوان معها وتتخانق معهم تضحك معهم تبي تجرب شعور لاخوه ,,عجبها جووهم ,أام وأب مع بعض.. اطفال صغار..تمنت لو تعيش بعايله كامله,,انفتح المصعد وطلعت وهي ماسكه يد شغالتهم وتسولف ومازالت على وجهها ابتسامه طفوليه ..
توه كان متحرك من مكانه بيطلع ينام ,,غير رايه بثانيه,,شافها تمشي بين الناس وكان جايه من ناحيته بس مانتبهت له,,قال لنفسه لحالها ما معها احد فرصه احاكيها براحتي بدون مراقبه من عيون خالتي..مشى لها,, دنيته تحلو لاشافها,,احاسيس حلوه لاحط عينه بعيونها..احاسيس مع يحسها مع غيرها ..قال وهو يشوف شلون وجهها تغير وقت شافته مايدري هو كره فعلا:ليش وجهك تغير كأنك شايفه جني؟؟
جنى ماتوقعته يكون تحت ردت عليه براحه تتمناه يكوون كذا يناقرها عشان تعرف ترد عليه::ليش لا سمح الله فيه احد قال انك جني.؟
زياد يبي يحسن الاموور معها مايبي يناقرها يبيها تغيرنظرتها معه بالعربي يبيها تحبه::اوكيه اسفين شرايك نطلع نتمشى شوي برى؟؟
جنى وخرت عيونها بخاطرها رجعنا على هالنظرات ماعرف ارد عليه كذا ردت بأختصاروهي تمسك يد الشغاله وتروح:لا انا اللحين راجعه؟؟
زياد حس بخيبة امل وهو يشوفها تروح ,وده لو طلع معها شوي بعيد عن انظار اهلهم,,يمكن يقدر على قلبها..يبي اذا عرفت انه بيكون زوجها تفرح..سحب نفس وهو ماشي..والله انا ابيك ياجنى وياخوفي ماتقبليني,...........
نهاية الجز التاسع..
نهاية الجزء التاسع
قراءه ممتعه
16-03-09, 01:59 AM
طمااااااااااااااااااااااااااااااااااعه
جديد مواضيع قسم الارشيف
العرض العادي
