واااااااو حزنـي رجعـت..وانا اقول شفيه ليلاس منوور..بارت يهبـل مثلج..طفا شوقنا بعد الغياب..تسلم ايدج عليـه..

نووت
استغربت صراحة..يوم قلتي ان هذي نووت..فرق..كبير بينها مع اهلها..ومعاه..الشعرة الي لقتها..وريحة العطر..ادلة قاطعه..على انه متزوج..شعرا شقرا بعد..يعني مو عربية..المرة..هع..ويمكن عنده عيال بعد..بس شالي خلاه يتزوج عليها..معاملته لها حلوة..و احساسه بتقصيره معاهم وانه بعوضهم..بعد شي حلـو..ما اقول غير الله يستـر..

دانـه
والذل الي عاشته مع هيف..اذا هذي البداية بعدين شلون.. بتكون مجبورة تطيعه..خوفا منه وانه بيحرمها من اهلهـا..مثلا..اهي مهما تظاهرت بالقوة..بتم مو قده..لا ننسى انه ريال واهي بنت..الله يعينهـا..

زيـاد
حلو انه قام يحاول يترك رغد..ويلمح لها انها صديقة لا اكثر ولا اقل..وكل هالشي عشان جنـى..

جنـى
والمشاعر الي تحسها تجاه زياد..والي مستغربة منها..!!

هيـف
ومعاملته مع دانه المختلفة كليا عن معاملته مع باقي الناس..هل لانها شدته..قدرت تحرك شي فيه..تحدته ووقف بويهه..وكل هذا انتقام..طيب لي متى..يدري انه غلطان..وده لو يتأسف بس كرامته ما تسمحله..!

غاده
وحبها لبندر..او ايهامها لنفسها بانها تحبه..وانه بكون لهـا..كرهها للعنود قبل لا تشوفها..شلون لو شافتهـا..اكيد بتغار منها وبتكرهها اكثـر..وبتسوي الي تقدر عليه عشان تمنع هالزواج..

اسيل&خالـد
الله يكتب لهم الي فيه الخير:)

نوورتي مرة ثانية

بنووتة

قصة مشوقة

عجبتني

ننتظر التكملة بين اروقة سطورك يالغلا ..

دانة وهيف ..
حياتهم اتوقع بتكون مليئة بالشقاء اذا هذي بدايتها ..


جنو وزياد ..
متعة القصة وهبالهم ،
بس مدري علاقات زياد بالبنات اكيد بتأثر على حياتهم ..

أمـــا نوت ،،
فصراحة غريبة اختلاف شخصيتها بين أهلها وزوجها ..
سلمت يمناك

شكرا, من البدايه في الروايه شي مميز وجديد راح نشوفه ,,, يعطيك العا فيه ننتظر جديدك موفقه يارب

حزني الضامي.... تدرين اسمج ذكرني بمسلسل بدوي قديم اسمه حزم الضامي <== يعني أني لحقته أنا ووجهي؟!! المهم إن بطل المسلسل شاف البطلة على حزم الضامي.. فكان طول المسلسل يقول (آه ياحزم الضامي ) والعهدة على خالتي اللي قالت لي السالفة

وأنا بأقول: آه ياحزني الضامي...... رجفة خفوق رواية فله.. وتجنن.. بس قبل أمدح لازم أقول شاللي قهرني..مايصير أخلي في خاطري بعدين تجيني بلهاريسيا..
فديت عمرج يالغالية 8 أجزاء في 3 شهور.. هذا اسمه تعذيب طال عمرج.. وزين أني ماقريت إلا بعد نزول البارت 8.. وإلا كان أنا مولية من زمان...
الحين أنتي صار لج أكثر من شهر غياب بين بارت 7 و8.. إن شاء الله تكونين مخمختي لنا وكتبتي لنا عشرطعش بارت... الغالية باين إن روايتج طويلة وايد.. لأن الشخصيات وااااااااايد والأحداث بعدها في أولها أولها... فلاتطولين علينا جعلني فدا خشمج وإلا بننسى الأحداث والشخصيات

تدرين الغالية أكثر شيء يضر الكاتبة الموهوبة والمبدعة هو لطعة متابعينها بالشهور وهم ينطرونها..<= سامحيني لو زودتها.. بس أنا بطبعي صريحة..

نجي للرواية... الرواية فيها ذكاء كبير.. وأنا تعجبني الرواية الذكية أكثر من أي شي ثاني..
طريقة ادخالج للشخصيات بالتدريج كان ممتع وماخلانا نتوه بين الشخصيات رغم كثرتها
صياغتج للاحداث مميزة ومثيرة وممتعة...
طريقتج في وصف الأحداث ومشاعر الشخصيات رائعة وعميقة ولكنها تحتاج زيادة تعمق عشان تقفزين للمستوى الأعلى..

دانة... عجبتني شخصيتها.. تعجبني الأنثى القوية الواثقة.. لكن ماعجبني استسلامها بسرعة لهيف... عشان كذا لازم تعوضيننا وتخلينها توريه النجوم في عز الظهر البارتات الجايه... خليه يلف حوالين نفسه... ويحسب حسابها ألف مرة.... نعنبو عشان تفلت في بيته يسوي لها كذا... زين لو تافلة في وجهه وش كان سوا لها!!!

هيف..تدرين أنه أول مرة اسمع الاسم هذا... مامر علي أبد... بس عرفت تالي انه فيه رواية ثانية فيها هيف ثاني.... اسم نايس وغريب بس مافيه قوة... تعرفين هيف بجرس الاسم الناعم اسم يوحي بالوداعة... موب ذا المتوحش أبو تفلة.... بس بعد شخصيته جذابة... والشخصيات اللي مثل هذي هي اللي تصنع الاكشن في الرواية... بس شخصيته تحتاج زيادة تدعيم وابراز... لحد الحين حضور شخصية دانة طاغي على حضوره

الشخصيات الباقية كلها ترا مازالت تحتاج تدعيم وتقوية وتوضيح.. يعني في بعضها قلق وعدم استقرار.. والباقيين فيهم ضبابية رؤية

زياد بين حبه وجنى ولعبه على بنات خلق الله..

نوت بين اهمالها لعيالها واهتمامها بزوجها..

الجوهرة بين تربيتها المحافظة وتطلعاتها الفوقية..

رغد والعنود وبندر وريم وماجد وشخصيات مازالت تنتظر دورها في التدعيم....

أنا هنا ناطرتج مع الباقيين... بس موب تنسينا وتطولين الغيبة علينا فديتج

بنت الخالة

السلام عليكم ورحمة الله وبركاته


حمد الله على السلامة .......... وحشتينا ووحشتنا رواياتك .... وابطالها ...........

رجعتي لنا ببارت رائع كعادتك ........ يحمل الاسى .. والحسرة .. والندم لبعض الشخصيات ......... ويحمل غموض المستقبل للبعض الاخر ..........



دانة ........... بداية صعبة ... ومؤلمة ......... فيها من الاسى على النفس والحسرة لما يحدث لها الكثير ......... وعدم معرفة ما سيحدث لها .... حيرة ما بين الاستسلام والمقاومة ..........

هيف .......... صراع مع النفس شديد فانت لم تكن نذلا في حياتك كلها ...... ولكن اصبحت كذلك عندما هددت دانة عرشك .......... وندم على ما جانته يدك وكبرياء كاذبة تمنعك من الاعتراف بخطأ ........ وكرامة لها تأبى ان تعترف بها ....... فالى اين المفر ...........


نوت ........ وحياة ظاهرة الكل كعترض عليها ......... وحياة اخرى مع زوج عاشقة له ......... مع قرب اكتشاف ما يهدد هذا العشق ............

اسيل ........ ما بين الرجاء للحبيب وحب قربه وما بين الخوف من البعد عن الاهل ........ فالى من ستميل الكفة الى الاهل ام الى الحبيب ...........

زياد ...... وجنى ......... غموض في مستقبلهما ........... ما بين مشاعر تولد ومشاعر انولدت ........ ومشاعر ينلعب بها ............


باقي الشخصيات مازالنا معهم ليرسموا معكي ايتها الكاتبة الواعدة احلى رواية مليئة بالمشاعر المرهفة والصراع المرير بين المشاعر .............

لا نعرف سوى قول استمرى وتقدمي منتظرين جديدك ...........