السلام عليكم
كيفكم حبايبي؟؟
اعذرورني على التأخير ..اشكر الي ردو علي وربي اسعدتنوني بردوووكم فديتكم..لايحرمني ردودكم الي تفرحني دوووم
هذا البارت ان شاء الله تستمتعون فيه
الجزء الثامن
شابك يدينه بعض وهو حاط راسه على الدركسون ..يحس نفسه ضايقه ,,يحس برووود بداخله من الي سواه ..يحس الى هنا وخلاص يكفيها هالشي ..
الي ابيه وصلت له,,وحتى انهاصارت مثل لعبه بيدي ,,هذي اكبر اهانه عند البنت تلمسهاا بدوون رضاها .. عقد حواجبه بقوه,, بس ماكان هذا مغزاي منها,,كان عندي الف طريقه وطرييقه غير هالشي.. بس هذي مافكرت فيها ,,ماتوقعت انها تحركني,,هي حركت فيني شي ساكن ,,كره الي سواه معها .. غمض عيونه بضيق..ماظن اقدر اخليها اكثر من شهر ..يكفي الي حسيته منها اليوم,وهي بين يدي,........................................................ ...
جالسه على البانيو وماسكه راسها بقوووه من الالم الي تحس فيه من كثر من استفرغت..وجهها مليان دموع ,,تحس بأثار انفاسه للحين باقيه فيها,,تذكرت جملته بعد ماطلع الي قاله بعصبيه:: لازم تتعودين على هالوضع تفهمين..!
طلعت شهقه منها,,يارب صبرني ياربي عجل برجعتي ماني قادر اتحمله ,,حست انها ولاشي تحس فعلا انها اانهزمت,,تأكدت انها ضعيفه ومابيدها شي ..فتحت دش تركت المويه تنزل عليها لعل وعسى يبرد على الي فيها..............
في بيت ابو بندر
بعد ماناموا الكبار,,
جلسوا البنات يسولفون
::ومين هذي الي تبغونها تجي بكره؟؟
اسيل انبسطت تبي تحطها على الصوره عشان تريح بالها وتشيل بندر من راسها::هذي دانه بنت جيرانا وربي بنت حبوبه بس ادعي تكون من نصيب بندر؟؟
غاده بضيق::ليش تبون تخطبون له من برى العايله والبنات عايلتنا كثير؟؟
اسيل وفاهمه عليها انها تقصد نفسها::بس مايصلحوون له وكملت وهي تميل فمها::الله يهديك انتي وش خسرانه قولي ان شاء الله تكون من نصيبه وبس ؟؟
غاده ماعجبها كلامهم::ان شاء الله بس ماتوقع ان بياخذها؟؟
::طيب اذا مو دانه العنووود كلهم ينحطون على الجرح يبرى وكملت وهي تناظر اختها::صح يأنوار؟؟
انوار ماسكه ضحكتها::ايه صح بنعرفك عليهم صدقيني بتحبينهم؟؟
غاده وقفت بسرعه وقالت وهي تطلع::يالله تصبحون على الخير ابي انام؟؟
بعد ماطلعت غاده
انوار::شفتي جهها شلون تشكل ؟؟
اسيل::خليها عشان تشيل بندر من راسها؟؟
انوار::بس حرام تضايقت؟؟
اسيل بجديه::غاده بنت عمي واحبها وقلبها طيب بس تصرفاتها ماتعجبني احسها خفيفه؟؟
انوار::عمي يبي بندر لبنته وهذا معروف منذ زمن؟؟
اسيل بثقه::بس ابوي يهم هراي بندر قبل الكل.؟
انوار بنظرات تفحص لاسيل::ايه بس يمكن اذاما تمت اتفاقيه بين بندر وغاده يمكن هم ينسون تلميحاتهم ؟
اسيل سحبت الريموت منها::هاتي بس خليني اغيرالقناه و اشوف لي فيلم اتابعه؟؟
ابتسمت انواروقامت:: اوكيه تابعيه لحالك انا بروح اناااام؟.................................................... ............................................................ ...........
بعد ماطلعت من عندهم وهي تفكر بفراشها ..مين هذي دانه والعنود..ليش وشفيني انا ماتوقع ناقصه عنهم,,طول عمري احلم اجي اسكن بالرياااض ..واحلم يكون زوجي واحد مثل بندر,,بالاخير هذولا يجيون ياخذونه بارده مبرده..صحيح اني ماحبه احبه كولد عم مافيه شي ثاني ,بس بندرانسان مايتفوت .. . طول عمري احاول ابين له اني مهتمه فيه .وانه عاجبني..معقوله ماحركت فيه شي ..
بس مستحيل اترك بندر لغيري.......هذا الي كان يدور براسها لحد ماغفت عينها........................................نشوف بكره وش مخبا لها هي وبندر.............
فتح باب الشقه كان بيروح للغرفه وغير رايه دخل للمجلس ماحب يشوفها بعد الي صار ,,حس نفسه يبي يرتاح يبي ينام ,,انسدح على الكنب وغمض عيونه يريح نفسه ودخل بسابع نووومه......
بعد ماخلصت ولبست ملابسها طلعت من الحمام و ارتاحت انه مو موجود بالغرفه وسكرت باب الغرفه وراها ..تذكرت انها للحين العشاء ماصلتها,,خذت سجادتها وصلت ودعت ربي يسر امورها ويفك الضيق عنها,
ناظرت السرير اقشعر جسمها حست كل شي انعاد ..جلست على الارض وتكت ظهرها على السرير ,ضمت رجلينها لصدرها..وجلست تحاكي نفسها,,ياربي انا وش سويت بحياتي عشان يصير فيني كذا,,بنت بحالي مأذيت احد ..ليش يصير معي كذا ,,ليش انا من بين هالبنات يصير لي كذا,,
مسحت دموعها وهي تقول استغفر الله ,,اعوذ بالله من الشيطان,,وش قاعده اقول,,اللهم لا اعتراض عليك ..
..طرت بالها تكلم خواتها..لفت بعينها يمين ويسار تدور تلفون مالقت ,,تحركت للباب وحطت اذنها عليه .. راح شكله مو موجود..,تذكرت ان العماره شبه فاضيه والمكان يخوف ,,بلعت ريقها وفتحت الباب بسرعه,,تقدمت للصاله مافيه احد ,,كملت للمجلس,,الباب مفتوح والنور مسكرخافت ..طلت براسها شافته نايم على الكنب,,تنفست براحه ,,غصباا عنها ارتاحت..صحيح ماتحسه مصدر امان لها بس فكرة انك لحالك في مكان اول مره تدخله وتقريبا مافيه حولك احد,,هذا بذااته يخليك تخاف تبي تحس بوجود احد معك بوجود حس وجود بشر غيرك بنفس المكان......
رجعت جلست على الكنبه الطويله الوحيده بالصاله..تنهدت ,,مكان يجيب الضيق زياده,,ابتسمت على جنب,,ولابعد مختار مكان معزول,, ,,جايبي للعماره مو مستواه يبعد نفسه عن القيل والقال,,رجعت دموعها تنزل,,مسحتهابقهر,,اووف اليوم دموعي شكلها مارح تخلص,,خلاص الي صار صارماتنفع الدموع,
ريحت نفسها على الكنب غاست بهمها وبدموعها الي معاندتها ومو راضيه توقف................................................
اليوم الثاني,
7الصباح..
نازله تركض من الدرج من صوت هرنات سيارة السواق..وتكلم نفسها,,اكيد اللحين امي عصبت,,طلعت وركبت السياره بعد ماتأكدت ان مافيه من اشياءها الصغيره الي تنحط بشنطة اليد ناسيتها..
جنى ر كبت السياره وهي تقول:: :: لو ماتتأخرين مانتيب جنى؟؟
ام عبدالله بعصبيه::ايه وانا صادقه وهماك تقولين امس كل شي جاهزهاه ؟؟
جنى كالعاده باست يد جدتها::خلاص والله توبه ماعد اتاخر ,,وناظرت ابوها من امرايه وقالت بحماس::يبه ان شاء الله لوصلنا قبل لاروح الفندق نمر على البحيره نجلس فيها شوي؟
::اعرفك انتي كل مره نروح هذا كلامك متحمسه لانزلنا من الطياره اول شي تقولينه ابي انااام ؟؟
ام عبدالله مسكت راسها بقوه من سمعت طاري الطياره؟؟
جنى تغمز لابوها::بس تصدق يبه تحلمت ان الطياره طاحت فينا؟؟
ام عبدالله قالت مفزوعه::بسم الله علينا فال الله ولافالك وكمللت تبعد خوفها::ابد نتوكل على الله ومو جاينا الا الخير!!
ضحكوا عليها ام عبدالله
على كثر ماركبت طيارات بس تخاف منها,,قبل كل سفره تفكر فيها تخاف انها تطيح فيهم.................
صار لهم وقت بالمطار ام هيف جالسه مع نورة بصالة الانتظار..وزياد واقف من الجهه الثانيه ويشرب كوفي ,,والجوال بأذنه..
بصوت باكي::زياد بأشتاقلك؟؟
زياد بصوته الي تحبه رغد::ليش البكي مابي دموعك تنزل؟
رغد بنفس نبرة الصوت::ماتحمل انك مو قريب مني؟؟
::لك وعد مني احاكيك كل يوم؟؟
رغد من بين دموعها::ابيك اول ماتنزل من الطياره تحاكيني تطمني؟
زياد بدا يحس برغد انها متعلقه فيه تجيه اوقات ينهي العلاقه مايبي يجرح احد هو كل الي براسه تسليه وحس انها متوقعه اكثر من كذا فقال::تامرين امر.. بس قبل لاسكر ابي دعوه من احلى واعز صديقه عشان يرتاح بالي؟
رغد ابتسمت ::ان شاءلله توصل بالسلامه و تنبسط بسفرتك ؟
::لايحرمني منك يالله اخليك
::مع السلامه..قالتها بصوت مقطع سكرت منه ورمت نفسها على مخدتها وضمتها بقوه ,,وجلست تبكي مو أي بكي كان بصوت مسموع,,تحس ان زياد مو لها ..بألاخص من تلميحاته الاخيره الي صار يقولها بكثره يبين لها انها صديقه لا اكثر ولاقل..تخاف تفقده ماتبي تفقده,,حاكت كثير بس ماهتمت لهم غير زياد ماهتمت .............................
بنفس الوقت جالسه على الكرسي وحاطه رجل على رجل وتفكيرها مومعها,, هذا حالها من رجعت من اهلها..تروح وترجع على نفس تفكيرها..بعد ماوصل زوجها ورجعت للبيت..
::هاه كيف البنات بهاالاسبوعين؟؟
نوت بفرحه لرجعته من السفر::البنات مشتاقين لك وينتظرون هداياهم لايكون نسيتهم؟؟
ياسرهو مريح راسه على السرير::لاكيف انساهم هذولا حياتي؟؟
نوت بزعل::وانا وش اكون؟؟
ابتسم طول عمره يحب نوت ويحب دلعها عليه::انتي الاساس وكمل بأبتسامته:: ابيك تروحين تشوفين وش الي جبته معي لكم؟؟
ابتسمت وقالت بدلع::لايحرمني منك حبيبي,راحت وفتحت الشنطه بغرفة الملابس ,وفتحت الشنطه وشافت كيسه فتحتها كان فيها علبة والي واضح انها داخلها ساعه,,فتحتتها وكالعاده عجبتها ,يعجبها ذوقه ,,كانت ساعه الماس من ماركة رويلكس..انبسطت عليها ,,سكرت الشنطه..وراحت فتحت شنطة ياسر,,حبت ترتب ملابسه مثل ماكانت تسوي بداية زواجهم لانه من النوع الي مايحب احد يمسك ملابسه من
الخدم..وفعلا فتحتها وبدت تعلق بدله بدله..لحد مالفت انتباهها ,,بوحده من البدل شعره ,,عقدت حواجبها ,,وش جابها بين الملابس ,,وسحبتها بيدها ,,كان طويله ولونها اشقر..خافت,,لانها مستحيل تكون طايحه من شعره,,لانه الواضح انها شعر بنت,,قربت البدله لها ,,شمت ريحة عطره,,قلبت الجهه الثانيه دق قلبها خوف,, اختلط معه ريحة عطر نسائي,,من وين هالريحه,,لعب الشك براسها ,,ومن هذاك اليوم وهي تفكر ..وتكلم نفسها,,معقوله ياسر الي واثقه فيه يطلع يخوني..لا لا ماصدق يمكن جايه بالغلط..بس كيف تجي وريحة العطر,,وش يكون,ويمكن بوحده من اجتماعاته,,انتبهت له وهو يدخل عليها,,ناظرته بنظره غريبه عليه نظره فيها شك خوف سؤال سمعته وهو يقول لها::وين واصله ؟؟
نوت لفت وجهها بضيق..استغرب منها قرب لها وجلس قريب منها::شفيك نوت فيه شي مضايقك؟؟
نوت ناظرته وقالت::يهمك اذا تضايقت اولا؟؟
عقد حواجبه باستعجاب::اكيد مو انتي زوجتي؟؟
نوت بعصبيه وفيها الصيحه ::حلو للحين متذكر؟؟
ياسررفع حاجب اول مره يشوف نوت كذا::طيب ليه العصبيه انتي مو على بعضك اليوم قولي وشفيك؟؟
نوت ماتدري تصدق الي شافته ولابس اوهام وهي فاهمه غلط حطت عينها عليها قالت بهدوء ::ياسر انت للحين تحبني؟؟
ابتسم ياسر::هذا الي مضيق خلقك شاكه بغلاك عندي؟؟
نوت للحين عينها عليه تبي تشوف ردة فعله::قلت اذكرك يمكن تلاشت مع كثر سفرك وشغلك اكيد اشغلك عني ؟؟
ياسر بلل فمه وقف وقرب لها ومسك يدها وسحبها لصدره وهو يقول::صدقيني نوت انتي بتبقين حبيبتي طول ماانا عايش ومابي يجي براسك غير هالشي مهما يكون انتي اغلى شي عندي؟؟
نوت حطت راسها على كتفها فكرت يمكن تكون ظالمته ابعد تالي شافته عن بالها وردت عليه::وانا بعد احبك وماشوف غيرك؟؟
استغرب من كلمتها الاخيره رد عليها يغير الموضوع::طيب انتي نسيتني وش الي كنت بقوله لك؟؟
نوت رجعت ناظرها عليه وقالت بحماس::وشو؟؟
::حجزت لنا على باريس؟
نوت بفرحه:من جد تتكلم؟؟
ابتسم وهز راسه لها ,,كملت نوت::مو على اساس عندك شغل كثير هالصيف؟؟
::عشان اكون معكم فضيت اشغالي لااسبوعين لنا ؟؟
نوت تحس نفسها بتطير::ماتصدق وشلون مبسوطه اسبوعين كامله بنكون مع بعض؟؟
ياسر حس يتقصيره من ناحية زوجته وبناته كيف انه::نوت والله اني عارف اني انشغل عنكم كثير بس كله علشانكم؟؟
نوت ابتسمت::معذور يالغالي وربي يعافيك ويقويك ..........................
هذي هي حياة نوت مع زوجها انسانه ثانيه غير نوت الي مع الناس تكون زوجه حنونه لزوجها مطيعه له مأديه دورها معه على اكمل وجه,,
بعد ماوصلوا المطار وخلصوا ..شافت نوره واشرت لها بيدها ..................
زياد يناظرها ويبتسم ويحاكي نفسه ,,يابختك يازياد جنى معاك اسبوعين ....
وهم يسلمو على بعض,,
::فرحانه انكم معنا بنفس الرحله؟؟
نوره ابتسمت لها بخاطرها والله بركات تدبيرات زياد::ان شاءلله نستانس بالسفره؟؟
قربت وجلست بكرسي قريب من نوره وجلست تناظر الي يرحون ويجون...انتبهت لزياد جاي لعندهم,,لابس بنطلون جنز وتيشرت اصفر مدخل من تحته بلوزه لونها زيتي .. جنى تناظره,,هذا وش مايلبس يطلع واو..
::صباح الخير للي مبحلقين عينهم علي؟؟
جنى بخاطره شي هذا مايفوته شي::اهلين صباح النور؟
زياد شاف وجهها تشكل حب يزيدها::للحين زعلانه علي ولارضينا ؟؟
جنى سحبت شنطتها الي كانت جنبها وحضنتها بقوه تبعد توتره وبألخص نوره مو جوده استحت خافت يروح تفكيرها بعيد ردت عليه وتبي تبين عادي::زياد ترى مالي خلق مع هالصبح ؟؟
زياد رفع حاجب::وش قلت انا اللحين عشان تتضايقين و كيف مالك خلق وانا اشوفك من اليوم تسولفين وتضحكين ومسوطه؟؟
جنى رجعت ظهرها على الكرسي صوته وطريقة كلامه معها يحرك مشاعر جديده وغريبه عليها حتى مع هيف الي تعزه وتغليه ماحست فيها::ليه بعد ماودك اضحك حاسدني يعني؟؟
زياد ابتسم ::بالعكس وناستي اذا شفتك تبتسمين؟
صدت بعيونها عنه لنوره تبي تخفي اللخبطه الي تحس فيها عنه::نوره وين هيف له يومين ماله حس؟
زياد تضايق انا اللحين واقف قدامها وهي تٍسال عن هيف ,,هو يعرف انها تهتم فيه وفاهم انها تعتبره مثل اخوها بس يتمنى يكون له نص الاهتمام الي يكون لهيف,,,قطع عليهم زياد وهو يقول بضيق ::هيف مو فاضي عنده اشغال!!
جنى براءه ::مأسألتك سألت نوره ؟
زياد مارد عليها تركهم ومشى......نوره فهمت على زياد ومسكت ضحكتها لبراءة جنى تحس ودها تضحك بس مجرد ماتتخيلهم في بيت واحد كيف بتكون حياتهم وشلون بيكون مع بعض ........انتبهت لها وهي تقول::شفتي جواله مقفل ؟؟
:: وهو طالع لليخت حقه؟؟
::اها يعني بالشرقيه يعني مستحيل يفتح جواله؟؟بعد مرور دقايق بوسط حكيهم ....انتبهوا على البوابه انفتحت وتوجهوا للطايره.........................................
صحت دانه بعد مانامت شبه نوم يسمى ,,لانه تقريبا كل نص ساعه تفتح عيونها ,,عدلت جلستها بملل وهي تكلم نفسها,,وينه هذا عديم الاحساس نايم من البارح ,,حتى صلاة الفجر ماشفته صحى لها..اكيد مبسوط بالي سواه ,,كيف ماينبسط وهو خلاني عبدته بفراشه..تحركت من مكانها وهي للحين موجوعه من الي صار معها ..دخلت الحمام غسلت وجهها ونشفته وطلعت..سمعت صوته من المجلس وكان يكح تكلمت بقهر بصوت مايسمعه الا هي..جعلك تشرق وتموت وافتك منك,,,....
صحى هيف وهو يمسك ظهره من الكنب بس حس نفسه نام نوم ثقيل وهذا مو من عادته ..
::مدري وش صار عليها من امس؟طلع للصاله ماشافها راح للغرفه ,,شافها متكوره على السريروكانت معطته ظهرها.. مايدري ليه حس انها مو نايمه..
دانه اول ماسمعت حسه على طول نطت على السرير وجطت نفسها نايمه..مابي اشوف وجهه وهو يناظرني اكيد يبي يتمتع بالذل الي سواه اكيد بيناظرني ويتشمت فيني هذي الافكار الي كنت تدور براسها,,.........
هيف للحين واقف لفت عينه عليها,, بنت بسيطه بس فيها شي يشد من اول ماشفتها واحس ان منشد لها ..بهالوضعيه الي هو يشوفها فيه,,يحس كأنه مثل الحاكم الظالم ..معقوله ظلمتها تذكر دموعها امس وقت كانت بين يدينه,,وده يعتذرلها بس فيه شي يمنعه وحاجز,,بس الي مـتأكد منه ماقدر اخليها اكثر من شهر ..تكلم بصوت مسموع وراه امر::دانه ؟؟
دانه غمضت عيونها بقوه ,,اوف للحين هنا توقعته طلع مابي اشوف وجهه سمعته يناديها مره ثانيه ,,قالت لنفسها يعني مصيري اشوف وين بهرب منه خليني اتعود ردت على نفس وضعيتها::في شي؟؟
هيف بنرفزه::انا احاكيك لفي وناظرني؟؟
دانه بدت الاوامرعلى نفس وضعيتها لفت للجهه الثانيه وناظرته برود وقالت تبي تبرد خاطرها فيه وهي عارفه الكلام الي بتقوله جريء ::اثبت رجولتك وعرفت انك رجال بس صدقني الي سويته هذا ضعفك قدامي ؟؟
هيف حس بدمه يفور بداخله حس كلامه قوي وجاه بالصميم بس رد بعكس الي داخله::دانه صدقيني شايف كثيييير قبلك وانتي ماحركتي فيني شعره بس وحده معي لي انا وحلالي ليش احرم نفسي..وكمل ينهي كلامه مايبيها ترد بشي ينرفزه اكثر من كذا ويرتكب فيها جريمه قال وهو متأكد انها ماكلت شي من امس::اناطالع اجيب فطور ارجع والقاك جالسه بالمجلس,,
دانه قهرها كلامه لعبه بيده خدامته انا غطت وجهها بالشرشف وقالت وهي ماتتخيل نفسها تاكل معه::مابي فطور؟..
هيف بطريقه تنرفز قرب لعندها ومرر يده على جسمها وبهمس::ابيك مربربه شوي ماحب البنت النحيفه عشان كذا لازم تأكلين اوكيه تركها وطلع بعد مارمى كلامه حس انه رد على كلامه الي قالته......
::نزلت دموعها الي حاولت تمنعها,,روح ان شاء الله بحادث يخلصني منك.............................................
اليوم ابوهم مايروح للدوام,,بعد ماصحت من نومها ,,طلعت لابوها الي كان جالس بوسط البيت وفارش الفرشه وقاعد يتقهوى.قربت لعنده وصبحت عليه وباست راسه,,
::هلا والله بكبيره البيت ؟؟
ابتسمت العنود وعلى طول قالت::يبه الله يخليك ابي اكلم دانه؟؟
::اللحين بهالوقت؟؟
العنود برجاء::ايه يبه اللحين وخلنا نشوف بيجون عندنا اليوم ولا لا ؟؟
::اللحين هم معاريس وانا مفتشل ادق عليهم؟؟
العنود تحاول::يبه مافيها شي دق سلم عليهم وسكر وكملت وهي تبوس يده وراسه::الله يخليك يبه؟؟
انرضخ لها وطلع جوالها واتصل على هيف,,
واقف يحاسب الي بيده وقطع عليه صوت جواله الي كان توه فاتحه واتصل على الشركه لانه ناوي يروح لها اليوم العصر .. ناظر الشاشه ورد على طول::مرحبا؟؟
::هلا بالمعرس صباحيه مباركه؟؟
بلل فمه::الله يبارك فيك؟؟
::وين دانه حولك ابي ابارك لها؟؟
ارتبك شوي::والله ياعم دانه مشغوله بخليها تحاكيك ..
::لالا خلاص سلم عليها ماودي اشغلكم ,,
::ان شاء الله ,,يوصل..
بعد ماسكر ,,العنود بخوف::يبه ليش ماكلمت دانه؟
ابو دانه::مشغوله وقتله يسلم عليها؟؟
العنود خافت عليها كانت بتتهور وتقوله بس مسكت نفسها بصبر لحد ماكلم دانه,,ابوها حس انها بتقول شي //وش فيك تبي تقولين شي قوليه ؟؟
العنود ابتسمت::لايبه سلامتك..وكملت بغصه::بس دانه مكانها خالي فقدتها؟؟
ابتسم لها::كل وحده لازم تتزوج وتروح مع زوجها ا وانتي بيجي دورك وبتخليناودانه خلاص راحت بنصيبها ادعي لها بالتوفيق....
العنود هزت راسها مأيده كلام ابوها,,وبخاطرها الله يستر من من هالنصيب وهالزوج ..........................................
بنفس الوقت بيت ام بندر,,
واقفه قبال المرايه ,,لمت شعرها الي كان معقدها لانه نوعا ما اقرب للخشونه لمته بطريقه عشوائيه ,,وحطت كحل بداخل عيونها لانها ماتستغني عنه..طلعت من الغرفه بجامتها لان مافيه احد صاحي ,,راحت للمطبخ تجهز القهوه لابوها عشان للصحو من النوم يلاقونها جاهزه طبعا هذي اوامر امها,,وفعلا حطت القهوه على النار,,وعملت لها كوفي ,,وجلست على الطاوله المطبخ تشرب برواقه لحد ماتخلص القهوه,,وهس جالسه تشرب سمعت صوت جاي للمطبخ ,,فخمنت انه بندر لان عنده دوام وبيصحى اللحين,,بحركه سريعه تخبت ورى الباب ,,اول ماحست انه صار بيدخل للمطبخ حطت يدها بحركه طفوليه و طلعت راسها وهي تصرخ::بووووو..!!تجمدت عيونها ماعرفت وش تسوي ..
خالد بعد مالف عنها وطلع كان مسك ظحكتها على شكلها وحب يبعد الاحراج عنها سلم عليها::هلا اسيل شلونك ؟؟
اسيل انصبغ وجهها للحين مانسى وجهي ردت عليه بضيق::بخير الحمدالله بس يالليت ثاني مره قبل لاتدخل تستأذن ولاتطلع صوت؟؟
خالد حس بالفشله من كلامها وماحب يسكت لها::افا يابنت العم صدقيني ماكنت ادري ان فيه احد صاحي وكنت ابي مويه ولا مايصير اخذ راحتي و هذا بيت عمي كأنه بيتي والا انا غلطان؟؟
ماعرفت وش ترد عليه احرجها::طيب انا بطلع لفووق وانت ادخل خذ الي تبي ..ممكن بس تبعد عن طريقي بروح فوق....
سكت خالد وماعلق عليها ,,طلع مثل ماقالت له........
طلعت تركض على الدرج شافت امها الي كانت عامله حسابها ومعها جلال ..عطتها خبر انها حطت القهوه على النار وطلعت لغرفتها...وجلست على الكرسي وهي للحين تحس بالاحراج منه,, انا طول عمري اتهرب من اني اشوفه واشغل نفسي عن تفكير فيه,,واللحين طلع بوجهي,,شوفته تسعدني وهذ شي ماقدر انكره,,حتى اني احب اسمعه لجاء يحكي اذا كنا جالسين مع بعض,,احس نفسي مبسوطه وانا قريبه منه,بس مابي احبه,,طول عمرهم يبوني لخالد ودائما يقول عمي ومرت عمي مافيه غير اسيل لخالد,,غرقت عينها فجاءه,بس انا مابي ابعد عن اهلي,,زواجي من خالد معناته,,اترك امي وابوي وخواتي وابعد عنهم ,,انا مابي ابعد عنهم ,,ابي يكون نصيبي قريب منهم حولهم,, رمت نفسها على السرير وهي مو قادره تخفي فرحتها بشوفته وبنفس الوقت ماتبي تشغل تفكيرها فيه .....................بشوف بكره وش مخباء لها
دخل الصاله بالاكياس الي كانت معه ..هو ماله خبره بهالاشياء اول مره يشتري اغراض للبيت ماعرف وش يأخذ,بس مشى نفسه بمعلبات وكراسون وعصيرات,, ,,بعد ماناظر المجلس ومالقها,,هذي مو ناويه تجي تأكل لها شي,,سحب نفس ونادى عليها من الصاله..
دانه سمعت صوته يناديها تذمرت,,بعدت الفراش عنها بضيق وطلعت للصاله ,,شافته يحوس بالاكياس الي بيده تكلمت بكره::قلتلك فطور مابي فيه شي ثاني؟؟
رفع عينه لها وكان شكلها مره مبهذل شعرها مرفوع أي كلام وبجامه عاديه اكامها طويله ابتسم على جنب ورجه بحوس بالكيس وهو يقول::بالطقاق عمرك ماكلتي شي رمى لاكياس بالارض وكمل حكيه ::ابي تحطلي فطور وتجيبينه لي بالمجلس ومشى عنها,,
وقف بعد ماسمعها تقول::روح دور غيري تخدمك ؟!!
هيف التفت عليها وشافها هي ماشيه قال بصوت عالي فيه ثقه وبرود ينرفز::دانه عنادك هذا ماراح ينفعك سوي الي قلتلك عليه ,وكمل بصوت اعلى::ترى ابوك اتصل وقلتله دانه مشغوله ويسلم عليك كثييييييييييييير بعد ماقال كلامه دخل للمجلس وشغل التلفزيون وهو مبتسم وكأنه واثق انها بتسوي الي قاله لها
دانه ابتسمت,,ابوي اتصل,,انا ابي اكلم ابوي وخواتي ,,كيف اتصل عليهم,,ومافيه هنا تلفون حتى جوال مامعي,,عقدت حواجبها,,معقوله يحرمني منهم معقوله مايخليني اكلمهم ولااشوفهم,,هذا يسويها ,,واكيد هذا الي يقصده,اذا عنادته بيحرمني منهم ,,قررت تكسر الشر وتروح تحطله الفطور ,,وفعلا دخلت وخذت الاكياس ,,شافت معلبات وبيض وخبز ,,حطتها على جنب ,,شافت كراسون وعصير ,,ابتسمت بمكر::والله ماطبخ وتعب نفسي عشانه؟؟
فتحت الدرج شافت مليان صحوون وكاسات ,,ماشاءالله الاخ مانسى اغراض المطبخ,,خذت صحن وحطت علبة عصير وكراسون من كم نوع ,,وطلعت فيه ,,دخلت للمجلس شافته جالس على الارض ويتفرج على التلفزيون..
عيونه على التلفزيون مالتفت عليها وفيه ابتسامة نصر بوجهه ,,
دانه شافته مطول وهي عارفه يبيها تحط الصحن عنده بس هي ماحبت تنزل تحط الصحن عنده ,,حطت الصحن على مكتبة التلفزيون ولفت بتطلع,,
::روحي هاتي لك عصير وتعالي افطري معي..؟
دانه بكره واضح من صوتها::قلتلك مابي فطووور؟؟
هيف عصب:: سوي الي قلتلك عليه وارجع واقولك صدقيني العناد ماينفع معي؟؟
لفت عليه بضيق ::وخذت الصحن وجلست على الارض وطلعت لها كراسون وبدت تأكل بصمت..
ابتسم وقال ::ايوا كذا ابيك مطيعه..وكمل بعد ماناظر الفطور::بمشيه لك بس ثاني مره ابيك تطبخين لي,,فتح العصير وشرب منه ومده لها وهو يقول يغرور::مايصير كراسون بدون ماتشربين معه شي خذي اشربي ماعندي مشكله ارجع اشربه من بعدك؟؟
دانه تحس الاكل بالموت ينزل من حلقها نظرات عيونه تحسسها انها ولاشي تحس انه يبي يهينها بأي شي قالت بغصه::ماحب العصير؟؟
هيف كان بيجبرها تشرب من عصيره بس لاحظ دموع بعيونها وغير رايه وبعد حس تفكيره سخيف لو جبرها بس مايدري وده تشاركه بهالشي....شافها رمت نص الكراسون الي ماكملته وقامت بعد ماقالت شبعت,,,,,,.................................................. .........................................
نهاية الجزء الثامن
16-01-09, 08:11 PM
جديد مواضيع قسم الارشيف
العرض العادي
