السلام عليكم ورحمة الله وبركاته

لييييييش وقفتي هنا حزني حرام عليكــ

((هيف))

حقده على دانه ماله اي داعي بلي سوته بس راح يغير رايه فيهااا هذ1 شي اكيد

((دانه))

بتتعب مع هيف كثير وحتى بعد ماتتعرف على اهله وخاصه مع نوت وراح تفقد اخوانهاا

وبطبيعتهاا الحنونه راح تجذب هيف لهاا ..

((رغد))

راح يكشفهاا ابوهاا او قبل راح تعرف بخطوبت زياد لبنت عمهاا ويمكن تحاول تخرب بينهمم

وخاصه انها حقوده او ان طلال راح يضرهاا ..

((جنى ))

براتهااا علقت فيهاا زياد وطهرتهااا واذ1 عرف ان رغد بنت عمها راح يخاف كثيررر على انها تعلم جنى ..

(( ام عبدالله ))

الجده الحنونه الي عطت بنت ولدها حنان الام الغائبه ..

(( ابو دانه ))

الاب الي يشقى عشان يوفر لبناته حاجاتهمم ويعوضهم حنان الام المتوفيه ..

يعطيك العافيه ياقلبي نحتاج بارت قريب هذ1 مرره قصير ..

جــــــ,ــــــــ,ــــــودي

مـــراحب >>>>>>>>>>>>اشكر البنات الي ردوا على البارت الي فات واشكرهم ةعلى تواصلهم معي.كنت اتمنى الاقي ردوود اكثرواللحين وهذا البارت السابع جهز وان شاءاله اشوف ردوودكم وتعليقاتكم عليه وماتخيبون ظني فيكم











الجزء السابع..

دانه للحين قلبها يدق من الخوف لانها لحالها معه وزاد اكثرصوته و عيونه الي تناظرها بالمرايه ,,سمعته يعيد الكلام بنفس المعنى وبنفس نبرة الصـــوت::سواقك انا اخلصي انزلي؟؟
شبكت اصابع يدها الي متامسكه بعض بقوه وقالت بأصرار وعناد وهي تحط عينه عليه وبصوت فيه حده::ماني نازله؟؟
غمضت عيونها من صوت باب السياره الي صكره وراه وجاها شعور انه بيذبحها من الشرر الي شافته بعيونه وهو يكلمها..ماحست الا الي فاتح الباب وساحبها من ذراعها طلعت منها صرخه من وضعها:: لحظه شوي شوي ؟؟!!
هيف وقف وخر يده على طول خفق قلبه من منظرها وشكلها انبهر فيها تلقائيا التفت يمين يسار يتأكد انه مافيه احد غيرهم ,,رفعت الشيله الي طاحت على يدها لانها ماكانت لافتها لفه كامله كانت بس راميتها عليها عشان التسريحه ..دانه منقهره من تصرفه كانت بترجع لمكانها بس تراجعت خافت لايذبحها ومافيه احد حولها ماتحس بالامان معه ابد كلمته بكره ::ممكن تبعد عن طريقي ؟؟ وبهدوء هيف بعد عن طريقها و راح وركب السياره وحرك بدون كلمه وحده.....





في بيت ابو دانه..
تحديد بالسطح..
الجوهره والدموع محبوسه بعيونها بعد ماشافوا هيف::رنو خلاص صياحك ماينفع .؟
رنا بصوت مقطع وبخوف الصغار::ه هذا و وحش انتي ماتذكرين كيف ص صوته يخوف ودانه تهاوشت م معه؟؟
الجوهر خافت من قلب على اختها تذكرت شلون كان يهدد قالت بعكس خوفها لاختهاماتبي تخوفها::حبيبتي لاتخافين هو اللحين زوجها بالله في احد يأذي زوجته وبعدين فكري شوي شلون يعرف ان دانه هي نفسها الي دخلت بيته يعني كل الموضوع صدفه بصدفه؟؟
هدت رنا شوي من الصياح::ايه صح كيف ......
فرحت الجوهر انها هدت :: شفتي كيف وكملت ::

يالله امشي خلينا ننزل ولايشوفك ابوي وانتي تبكين بيتضايق.,.
هزت راسها ونزلوا تحت..
الجوهره فكرت انها ضروري تقول لابوها لانها تأكدت ان دانه مو طبيعيه من هذاك اليوم الي طلعت فيه من عند هيف قررت اللحين تقول لاختها العنود عشان يقولون لابووهم على كل شي ...........









جالس بجناحه ومشغل التلفزيون بس مو معه ابد مع افكاره الي دايم تداهمه مهما يحاول يهرب منها..يالليت عندي ولد يحمل اسمي ودي اتزوج واعيش حياتي مثل الناس واجيبلي ولد ,,غمض عيونه من ذكرى ماراحت من باله ,,كل منها هي السبب هي الي كرهتني بهالشي حبيتها ,,حبيتها من كل قلبي ,,بس ليش ,,غمض عيونه اكثر وتعوذ من ابليس مدري متى بنسى هالشي ,,
ناظر ساعته وخذا شماغه وعقاله لانه اليوم مسوي عشاء وداع لان الكل بيسافر وعزمهم في بيته واكيد اللحين هم على وصوول ,,شاف جنى بطريقه طالعه من غرفتها ناظرته وهي تبتسم توها بتتكلم بس,,

طنشها ومشى ..كالعاده جمووود بوجهه..تنهدت جنى وهي تقول لنفسها::عادي تعودت ورجعت للغرفتها جلست على كرسيها تحس انها طفشانه ,,مر على بالها هيف الشخص الي اذا ضاقت غصب عنها يمر في بالها ,,هيف تغير ماصار يسأل عني مثل اول حتى اذا رحت عندهم البيت يمر مرو الكرام بدون كلمه وحده ..جاء في بالها تتصل عليه ,,طيب وش اقوله ..ابتسمت عادي انا اصلا مثل اخته ويعني وش بيفكر ماراح يفكر بشي ابداااا ,,وفعلا خذت جوالها وسوت بحث على اسم ,,(اغليـــــك) وابتسمت وهي تشوف صورته وقت عملت الاتصال,,عقدت حواجبها بضيق لانه مغلق عادت الاتصال ونفس الشي..انتبهت على جدتها الي تتصل عليها ..::هلا ..لا لا تروحين ,,بطلع معك ,,اللحين نازله..وخذت عبايتها وشنطتها وجوالها ونزلت على السريع...,,...................................









دانه جالسه بالسياره وتحس انها بتنخنق ودها تفتح درايش السياره كلها من ضيق النفس الي تحس فيه , ,,لفت وجهها للدريشه بعد ماكانت تناظر قدام ,,تذكرت عيون ابوها وهو يسلم على هيف والي واضح انه كان يوصيه عليها لمحت في عينه دمعه ,,تمنت لو تحضن ابوها بهالوقت وتعترف له بكل شي وتقوله انه انسان منافق كريه وبنظرها مافيه ذرة رجوله بس ماخذني بالسر لانه مايتشرف فيني ماخذني عشان يذلني ,, تمنت تقول كل شي,, تمنت تقوله ,,هذا الي وثقت فيه وسلمته بنتك لو ماخذته كان يبي ينزل راسك بالجحيييم ,,تمنت وتمنت بس كله بس عشان ما تبتعد عن ابوها وتجلس عنده عند مصدر امانها بدنياها .......................



هيف كان يسووق بسرعه جنونيه ,,من كثر ماهو متوتر فصخ الشماغ ورماه بالسيت الي ورى,,ضاغط بيده على الدركسون يبي يهدي توتره,, يكلم نفسه: عارف انه شي طبيعي هالتوتر شفت بنت واعجبتني بس خلاص عد بداخله من واحد الى عشره,,سحب نفس وفعلا حس انه هدى ,,التفت عليها تمنى يشوف تعابير وجهها لانه يحس كأنها قطعة ثلج جلس جالسه معه ,,يبيها تتكلم التفت عليها فقال يبي ينرفزها::الا ماقلتي شرايك بزواجنا حلو مو؟؟
دانه التفتت عليه بعد مارمى كلامه انتبهت لمعه بعيووونه واضحه وبنظرة عينه استهزاء صدت بعينها مالها خلق ترد عليه انسان لئييييم ....
ابتسم على جنب كان وده يشوف وجهها كيف تناظره مد يده على شريط وشغله فنانه المفضل محمد عبده يالليل خبرني ..وسرحت دانه مع الاغنيه


يا ليل خبرني عن أمر المعاناة*** هي من صميم الذات ولا أجنبية

هي هاجس يسهر عيـونـي و لا بات*** أو خفقة تجمح في قلبي عصـية

هي صرخة تـمردت فوق الأصـــوات*** أو ونة وسـط الضمايـر خفـية

أو عبرة تعـلـقت بـيــن نظرات*** أو الدموع اللي تسابق هميـة

أعاني الساعة و أعاني مسافـات*** و أعاني رياح الزمان العتية

و أصور معاناتي حـروف وأبيـات*** يلقى بها راعي الولع جاذبية

و لاني بندمان على كـل ما فـات*** أخذت من حلو الزمان و رديـه

هذي حياتي عشتها كيف مـا جـات*** آخذ من أيامي و أرد العطيـة








في السياره,,
::ايه يمه جهزت كل شي؟؟
::يابنتي ابيك تكونين هناك عاقله؟؟
جنى التفتت لجدتها بتعجب::وين يمه قصدك بجنيف؟؟
ام عبدالله وهي ملاحظه استعجابها::ايه يابنتي وكملت بتردد::ياجنى تعرفين احنا هناك مو لحالنا معنا ام هيف ونوره وزياد ؟؟
جنى للحين مستغربه من كلام جدتها اول مره تقولها كذا::طيب واذا كانوا معنا عادي وبعدين احنا متعودين على بعض والحمدالله انا عاقله ولاتشكين في هذا ؟؟
ام عبدالله وماودها تجلس مع زياد وا حتى تحاكيه تبي بنتها تجي ثقيله<<<تفكير العاجيزوماعرفت كيف توصلها المعلومه قالت ::يابنتي لا مانيب شاكه قصدي انك كبرتي وزياد كبير ولاتقعدين تناقرينه وتتكلمين معه كثيير ..؟
جنى بضيق تذكرت نظرات زياد لها::اصلا انا ماحب اجلس معه كثييير
ام عبدالله تناظرها وتسمعها وهي تشتكي من زياد ان هو الي دايم يناقرها وانتبهت لكلمتها ان زياد ماصار يناقرها مثل اول تغيرشوي ,,بداخلها فرحانه لان جنى ماراح تبعد عنها يعني كل يوم بتشوفها ,,بس ماتدري متى بتفاتحها ,,بالأخص انها دايم هواش معه وماتوده كثيير ,,بعكس هيف دايم تسأل عنه تمنت لو هيف هو الي للجنى,,مع انه كبير عليها بس يكفي جنى توده ,,تنهدت هذا اتفاق المرحوم وابو هيف رجعت لورى بذكرها وقت داخل عليها ابو عبدالله وقالها عن طلبهم لجنى
..وقتها كانت تلعب بحضن ابو هيف التفت على ابو عبدالله وولده ::شوفوا بنتكم هذي نبيها لولدي زياد وشرايكم؟؟؟
ابو عبدالله ابتسم::والله ونعم انا ماعندي مانع؟؟
عبدالله مو اقل منهم::والله ونعم النسب ؟؟
ابو هيف::اجل خلاص ترى جنى محيره لولدي زياد ماتطلع لغيره؟.................



تنهدت ورجعت لواقعها وهي تقول لنفسها:: وانا واثقه ان زياد بيسعدها..................................









في بيت ابو دانه


::اقولك متاكده شفناه من الفتحه الي بالسطح هو نفسه؟؟
العنود مسكت راسها وهي تحاول تمنع دموعها تنزل مر في اذنها اختها وهي تقول بتفهمين كل شي بعدين سكتت شوي من صدمتها وبعدها قالت ::يعني كان هو الي طالب منها مايحضر احد زواج فتحت عيونها وهي تكمل::يعني متعمد يكوون سكاتي يعني زواجه لها عشان ينفذ تهديده!!
الجوهره ماتحملت اكثر نزلت دموعها هذي اختها مو أي احد قالت من بين دموعها::انا ابي افهم شي واحد كيف عرف انها دانه هي نفسها ؟؟
العنود هي تتذكر شكله قالت بغصه ::حبيبتي هذي الاشكال الي يبونه يوصلون له بأشاره منهم؟؟
الجوهره وقفت وهي تمسح دموعها::امشي خلينا نقول لابوي عن كل شي؟؟
العنود بأعتراض::لا لا انتظري نكلم دانه ونشوووف اخاف نتسرع وماتدرين يمكن نطلع فــــاهمين غلط؟؟
الجوهره بخوف على اختها::طيب كيف ابي اطمن عليها طيب خلينا نقول لابوي نبي نكلم دانه عشان يكلم هيف. ونحكي معها؟؟
العنود سندت راسها على السرير وحظنت الدبدوب الي مافارقها ابدا وهي تفكر بأختها وش سالفتها وشلون وافقت عليه معقوله تكون صدفه ردت على الجوهره::مستحييييل ابوي بيخليك تكلمينها وكملت تقنع نفسها قبل اختها::لاتخافين انا واثقه بدانه وبعدين لاتنسين لو ماتبيه كان ماوافقت وانتي تعرفين دانه عنيده مستحيل تجبر نفسها على شي ابد...................







في بيت ابو بندر..

بندر يسمع كلام عمه وابوه يحس كأنه المقصوود بكلامهم؟!!
ابو خالد::لالا ان شاء الله غاده بينا ماتطلع ؟؟
ابو بندروهو فاهم على اخوه وقال وهو يبتسم::غاده مشاءالله الكل يتمناها وانا اخوووكـ؟
غاده تسمع كلامهم مبسوووطه دووم تتمنى بندر وارسمت بخيالها ان هو بيكون زوجها ضحكت وقالت ترد تعلق على كلامهم وبحركاتها المعتاده عينها على بندر::ايه بس هو وينه يتحرك يتكلم يقول شي..؟

بندر متعود على كلام غاده ومنتبه على عيونها الي من ورى البرقع انها مستانسه على حكيهم,,

اما ابو خالد انحرج من كلام بنته المفروض تستحي فقال لها::غاده روحي ساعدي بنات عنك؟؟؟؟
غاده على طول قامت تبي تبين سنعه قدام بندر وعمها؟؟

بندر يناظربنت عمه وهي تروح ماكان وده بفكر بشي موزي ناو انه ياخذ فكره ماتعجبه عن غاده لانها بالنهايه بنت عمه,,وهو مايكرها بس ماتعجبه تصرفاتها يحس مو هي اتلزوجه الي يبيها ,,هي وحده في بالي العنود ومافي غيرها يمكن ماوصلت لدرجة التعلق بس يكفي ارتاح لها,,حب يأجل تفكيره لانه مو وقته الحين والتفت على عمه وهو يقول::عمي الا خالد ليش مامشى معكم؟؟
ابو خالد يعجبه بندر يشوف فيه رجوله ويبيه لبنته ويكفي انه ولد اخوه وبيأمن على بنته معه قاله وةهو يبتسم::ابد عنده تمرين اخيرو تلقاه مشى اللحين ؟؟
ابو بندر مبتسم::ماكفته لعب بالمدرسه مع العيال ؟؟
بندر يضحك::ههههههه يبه هذا خالد ماتعرفه لايكل ولايمل من الكوره .............ودخلوا بسوالف الجال اسهم اخبار كووووورهـ






كانوا بالمطبخ مندمجين يرتبون سفرة العشاء::
اسيل تقطع السلطه وتكلم انوار::الحمدالله ماجاء معهم خالد؟؟
انورا وهي مشغوله بترتيب الصحون والملاعق::مين قالك ماراح يجي توني سمعت مرت عمي تكلمه وهو اللحين هو على طريق؟؟
::لاااا لاتقولين اجل بقول لابوي وبندر يجلسون بالمجلس؟
::طول عمرنا نجلس مع بعض متعودين كل مازرناهم ولا زارونا هذا شي لامفر منه؟؟
اسيل من صغرها تستحي من خالد::ايه عارفه بس عنهم اقدر اصرف نفسي بس هنا ماقدر لازم اكون موجوووده معهم؟؟
انوار تاكل من السلطه :طيب وانتي وش ليش تقومين اجلسي عادي؟؟
طفشت اسيل منها::اول شي انكتم من الغطاء وبعدين ماخذ راحتي استحي من خالد؟؟
انواار شهقت::اهييئ اسيل تستحي لا لا ماصدق .؟
اسيل ضربتها بكتفها::اقول اقلبي وجهـــك بس!

دخلت عليهم امها ومرت عمها وراهم غاده وهي تقول::عمه وين مكان السفره ؟؟
قربت اسل لانوااربصوت واطي::مشاءالله بعد صارت امي عمتها وخلصت البنت؟؟
انوار بنفس الهمس::حرام عليك يمكن احترام؟؟

نقزوا على صرخة امهم ::يالله يابنات عجلووحطوا العشاااء....................................................

نتعرف على الشخصيات الجديده..
ابو بندرماتكلمنا عنه::قليل وجوده بالبيت بسبب مرابطته ..شخصيته متفاهم مع اولاده ..معتمد اعتماد كبير على بندر خصوصا لغيابه الكثير عنهم ..
ابو خالد::عايش بمنطقه جنوب نجد,,متقاعد ..متزوج من بنت عمه..وعنده خالد وغاده..
ام خالد::انسانه مسالمه مدينه ,,تملك قلب كبييييرتحب الناس ..وكل حلمها تشوف عيالها مرتاحين ببيوتهم ..

خالد::27سنه مدرس رياضه بدنيه ,,يعشق الكوره اسمرمملووح طوله متوسط جسمه طبعا حكم تخصصه اكيد جسم واحد رياضي ,,شخصيته حلوه ..مرح بنتعرف عليه اكثر بالبارت القادم

غاده::25سنه ,,خريجة قسم عربي ماتوظفت هي ماتبي تقول جلسة البيت احسن,,حلوه بيضاء بملامح احلى واحلى مايمزيها شعرها الكثير الناعم,,لكن شخصيتها ,,انتوا احكموا عليها..



تفكر بحياتها الي جايه الي وضحت نهايتها من بدايتها,,خرب فرحتها بانها تعيش حالها حال البنات..راحت عينها يمين ويسار على السياره اتذكرت وش كثر كانت تركب السياره هذي هلى ماحبت على كثر ماكرهتها ,,انتبهت لصوته الكريه لأذنها ::يالله انزلـــي..؟

فتحت الباب ونزلت بصعووبه ..ناظرت الحي الي كان مظلـــم ومــاكأنه بالرياض وشوارعها حتى انها شكت انها موفي الرياض ,,الحي يخووف ومعزوول بين اراضي فاضيه,,رفعت عينها للعماره الي واقفين عندها حستها كئيـــبه ,,حست برجفه بكل جسمها بالاخص رجلينها ..تمنت ابوها موجود تبي الامـــان تبي سندها ,,بلعت ريقها شافته يروووح بيدخل العماره وبيده شنطتها قالت بعفويه من الخووف الي فيها::لحــــظـــه انتظرني؟؟
مايدري ليه استجاب لها ووقف ينتظرها حس من نبرة صوتها انها خايفه ,,عرف خوفها من الحي الي هي فيه لانه فعلا يخوف ومظلم مرره بعكس حييهم الي ليل نهار اصووات وممتلي ناس..قربت له ورفع عينها له وقالت بتردد::بنسكن هنا؟؟
هيف ابتسم على جنب وقال بأستهزاء وهو مبسوط على خوفها ::قصدك تسكنيــن لان هذا المكان مو مكاني انا هذا مكانك انتي واشكالك ؟؟
مشت وراه تحس بأهانه,,هذا الي يبيه يبي يذلني ليل نهار بس انا لازم اكونا قوى مابي اضعف لاني بشووف اكثر من كذا...حمدت ربها انها بالدور الارضي مافيها تطلع بالفستان للدور الثاني..وقفت وهي تشوفه يحوس بمخابته كانت عينه على ظهره من طوله ,,جلست تتفحصه وهي مشمئزه انتبهت لملاحه وجهه حلوه بألاخص طريقة ذقنه محدد بطريقه حلوه وتلفت شكله ينطق بالهيبه والرجوله بس معدنه ولاشي صدت بعينها وهي كارهه تشوفه زياده..واخيرا فتح الباب ودخلوا..

حست انها مكتومه ونزلت الشيله منها على طووول ,,القت نظرها على الشقه الي من بدايتها تبان نهايتها ..عند الباب مجلس وحمام..قدمت لصاله الصغيره ناظرتها يمين يسار تحس الصيحه جتها بس مسكت نفسها وصارت تدعي و تقول لنفسها متى اطلع منها يارب عجل برجعتي..قطع عليها وهو يقرب منها وعيونه على وجهها لمدور وفمها الصغيــريحس بأحساسيس داخله تتحرك بمجرد مايشوفها ::شرايك بالشقه بالنسبه لبيتكم الي انتي كنتي فيه حلو اكيد عاجبك ؟؟
دانه قررت ماتسكت لكلامه صدت بعينها عن عيونه الي ماعجبتها نظراتها::صدقني لا انت ولافلوسك تهمني؟؟
هيف وهو عارف انهم مو من هالناس بس يبي يبدا معها ::ايه والدليل اقتنع ابوك بسرعه بزواجنا وباعك علي اكيد مايبي يفوت واحد مثلي...؟
دانه ضرب ناظرته بحده وقالت بثقه ::هه ضحكتني ابوي لو يعرف بالي انا فيه والله لايتفل بوجهك مثل ماتفلت بيتك..؟
فار دمه من كلامها قرب لها ومسكها بزنودها وقال بعصبيه واضحه ::دانه لو اسمعك تردين علي بكلام زي كذا وربي لاتندميــــن او حتى تفكرين ترفعين صوتك علي بتشوفين شي ماشفتيه..وفكها وطلع عنها......

مسكت مكان مسكته بعد ماتركها تحس بوجع من مسكته.. جالسه تهدي نفسه منه ,,غصبا عنها تحس بخوف منه صوته يهز الي مايهتزوبألاخص ماتعودت احد يزاعق عليها وبمثل صوته..نزلت دمعه منها من الوضع الي هي فيه سحبت نفس و مسحت دمعتها ,,ناظرت الغرفه الي تشوفها من الصاله مشت لها وهي تسحب الشنطه ..دخلت وقفلت الباب وراها.. فصخت عباتها وهي تناظر الغرفه الي عجبتها وتحس مكانها مو بهالمكان لانها فيها فخامه ..ناظرت السرير واقشعر جسمها بمجرد ماتخيلته ينام جنبها .جلست عليه بقلة حيله ..رجعت دموعها تنزل مرت صور خواتها وابوها ,,تبيهم تبي ترجع لهم ..مسحت دموعها تذكرت انها ماصلت العشاء.توجهت لشنطتها,,واخذت لها بجامه قطنيه عاديه وخذت منشفتها,,وطلعت للحمام..........
هيف بعد ماطلع كلم امه على طول يطمنه لانها مفكره انه رايح الشرقيه..رجع للشقه وسمع صوت بالغرفه ..وقف وهو يشوفها بالفستان عينه ماراحت لايمين ولايسار يناظرها من فوق لتحت ,,بعد ماختفت عن عينه دخل للغرفه وهومبتسم ويكلم نفسه:: مثل عارضات الازياء...بدل ملابسه الي كانت مرتبه من فتره لبس بجامه ريح ظهره على السريرالي وصاه راشد بانها تكوون الغرفه مميزه.. وده ينااام لانه تقريبا له يومين مانام عدل,,فيه افكار تحوس براسه ,,انتبه على شنطتها الي بالارض وكانت مفتوحه ,,جاء له فضول يشوفها ..راح وجلس على ركبته قريب من شنطتها ,,مد يده شاف على ملابس رفع وحده منها كانت جلابيه اكمامها طويله ,,رماها ..قعد يحوس فيها وشاف علبه فتحها ,,مشط بكل مكياج ,, لفت انباهه صندووق صغير على طول فتحه,,شاف صور بنات صغاراكيد دانه معهم ناظر ماقدر يميزها فيه وحده كبيره اكيد هذي امها وبحضنها بنت صغيره ايوا هذي نفسها الي شفتها عند الباب بس كأنها قديمه ,, ,,لفتت انتباه صوره صغيره مكتوب من وراها دندوونه رفعها على طول بفضوول وابتسم هي نفسها الي بحضن امها يعني هذيك دانه سبحان الله الصغيره الي شفتها عند الباب نسخه مصغره منها,,حطها على جنب ..سكر الصندوق والفضوول للحين فيها دخل يده وسحب قطعة قماش لونها سكري::شلون تلبس هذي.. قلبها يمين يساروابتسم ::اها ,,,

حس بصوت من الحمـــام رجع الي بيده ..,ورجع يريح على السريروتذكر اهله هذا الشي الي الوحيد لاتذكره يحس بالندم على الي سواه...........................................



في بيت ابو جنى بعد العشــاء ..
ابو رغد::والله كان ناقصنا هيف بهالجمعه؟؟
ابو جنى:: الا صحيح وينه حاكيته اليوم كل جوالته مقفله؟؟
ابو هيف::ابد طالع للشرقيه لليخت حقه ؟؟
زياد بأبتسامه:عاد هيف معروف لاطلع للبحر يقفل كل جوالته حتى ما يحب يكون احد معه يفضل بروحهـ؟
ابو رغد::بصراحه مالومه يارجال البحر لاشفته ودك تشوفه و تناظر فيه بدون مايكون صوت معك؟
زياد يناظر ابو رغد يسمع فيه دايم بس اول مره يلتقي فيه تخيل لو كان هذا ابوها ,,ضحك على تفكيره وانتبه على الجوال الي يدق واستاذن وطلع برى......
::هلا والله
طلال:وينك يارجال عندي علووم ؟؟
زياد ابتسم::اجل خلها بأخر الليل ؟
::لاتقول للحين بالشركه؟؟
::لاطالع منها من العصربس انا وابوي معزومين اللحين عند عبدالله ؟؟
::هو نفسه ابو جنى؟؟
زياد مايخبي شي عليه ابتسم::ايه هو نفسه؟؟
ابتسم طلال:عند الحبايب اجل وكمل كلامه خلاص استناك الليله مو تنسى ترى بكره سفرتك ونبي نجتمع..؟(صحيح مغزلجي درجه اولى بس ثقه عند اصدقاءه مستحيل يخون فيهم)
::ولايهمك فمان الكريم.......سكر منه وانتبه للسياره لي دخلت ابتسم على طوول شاف جنى وام عبدالله ينزلون منها,,ماتوقع ابد اليوم يشوفها........
جنى ماسكه يد جدتها توهم راجعين من السوق::يمه زيادوه وش عنده جاي مو العاده عزيمه يحضرعزيمه؟؟
::لان هيف طالع للشرقيه واكيد زياد جاي بداله مع ابوه؟.؟
جنى فهمت ليش هيف مقفل جواله ,,قرب لهم وسلم على ام عبدالله ,,والتفت على جنى وسألها:هاه جنى بكره السفره استعديتي؟؟
جنى بمجرد ماتذكرت السفره ابتسمت متشوقه لها مع انها كذا مره راحت لها::اف كووورس مستعده لها.؟
ابتسم زياد من قلب اول مره يكلمون بعض بهدوء بدون ماتعصب ولاشي رد عليها::حلو اجل نلتقي بكره بالمطار ..يالله اشوفكم على خير...ومشى لمجلس الرجال؟؟
كملو ا طريقهم للبيت ,,ولفت انتباههم صوت جوال يرن,,التفتت على جدتها وقالت::يمه هذا صوت جوالك؟؟
::لا بالله هذا مو جوالي انا احط هالرنه ؟؟
تركت يد جدتها وتعبعت مصدر الصوت وانتبهت على الكرسي وشافت الجوال ,,راحت له وشالته كان جوال N95ناظرت الشاشه عقدت حواجبها من النك الي يتصل ::قطوتي Rمين هذي ,,معقوله بنت يحاكيها زياد يمكن ليش لا<<<<<عرفت انه جوال زياد من صورته على الشاشه..

زياد بعد مادخل للمجلس فقد شي بيده كان ماسكه وعرف ان نسى جواله على الكرسي وعلى طول قام وطلع خاف ا ن جنى تشوفه وبالذات انه مو صامت خاف ييطيح بيدها وتشوف اسامي البنات وهذا غير الرسايل والصور<<<بلاوي
وفعلا طلع وشاف جنى واقفه والجوال بيدها قرب لها وهو يبتسم واول مره يحس انه مسوي ذنب وحس بينقلب عليه انتبه على عيونها حس فيها سؤال ابتسم بتوتروقال ::شكل صوورتي عاجبتك ؟؟
جنى وهي رافعه حاجب وتميل فمها:: قطوتي هااااااه؟؟<<قالتها وهي تمد بكلامها
زياد فهم عليها تقصد انها مسكت شي عليه عارف ماتفرق معها اللحين بس مو لصالحه بعدين وفوق هذا مايبي يطيح من عينها فقال بلسانه الي يحسب انه بينقذه::شوفي هو ماعندي قطوه غيرك وكمل بكذب::اكيد هذي نوت متصله ؟؟
جنى عارفه انه يكذب من حرف الي جنب النك بس في شي خلها تنسى ساللفة الجوال ويخليها تعصب وتطلع الحره الي فيها منه شوي ::وانا وشدخلني فيك ليش تربطني فيك انت ماعندك شغله غيري رمت الجوال عليه بعصبيه ومشت عنه.......................

تنفس براحه رجع لهم وهو يحمد ربه انها جات على كذا ..تذكر كلامها الاخير,,انا وش سويت لها عشا ن تعصب اللحين ياخوووفي البنت جد تكرهني من جد انتبه على ابوه الي يقول ::يالله سرينا وراكم سفر بكره لازم تنامون بكره.........................


اما جنى دخلت للغرفتها وهي معصبه..اوف كل شي يدخلني فيه ..حتى جدتي تربطني فيه..ماصارت هذي؟؟وعيونه هذي ودي افقعها بيدي الثنتين نظراته تخلي الواحد يعصب غصب عنه له سنه وهو على هالحاله ..رمت نفسها على السرير بتعب ,,وغمضت عيونها تريح نفسها شوي وهي تتذكر ان زياد بيقابلها هناك كيف ببتحمل نظراته لها..................








نرجع لدانه وهيف..
بعد ماطلعت من الحمام شعرها ملفوف بالمنشفه,,وبيدها الفستان الي رافعته على يدها..دخلت وانصدمت وكشرت بنفس الوقت بوجهها وقت شافته نايم توقعته في المجلس للحين..مشت بهدوء ماتبيه يصحى مالها خلق له ,,فعلا قربت لدولاب فتحته شافت ملابس هيف معلقه سكرته بأشمزاز,,وراحت لدولاب الثاني وعلقت الفستان وطلعت على طول,,

اما هيف نومه خفيف يحس بكل شي حس فيها من طلعت بس سوى نفسه نايم ,,قال يمكن تجي تنام..

دانه بعد طلعت نزلت المنشفه براسها ,,وتذكرت اغراضها تبي تصلي وحق الصلال بالشنطه هذا غير المشط وبعض حاجاتها ,,رجعت ودخلت بنفس الهدوء وبدون لاتلتفت لسريروسحبت الشنطه وانتفضت وقت سمعته يقول::وين بتودين شنطتك؟؟
بلعت ريقها وردت بقوه بدون لاتناظره و بعكس نفضتها::اوديها وين ماوديها ؟؟
هيف بهدوء وهو يشوفها بالبجامه الورديه وريحة عطرها الي دغدغ انفه وبشعرها المبعثر على ا كتافها وعلى ظهرها بحوسه واهمال قال بصوت خاثر::سألتك جاوبيني؟؟
دانه ارتبكت من نبرة صوته قالت وهي تسحب شنطتها ::بروح الغرفه الثانيه؟؟
هيف غصب عنه نزل من السريروكان اسرع منها مسك يدها وسحبها له دانه وهي تحاول تخلص يدها منه بس هيف قرب لها تكلمت دانه::هيف وخر الله يخليك؟
هيف طبيعة اي رجل معه بنت بنفس المكان ويجمعهم مكان واحد ولا فوق هذا ملكه حلاله قال وهو يثبتها ويشبك يده بيدها ويسحبها زياده بتحكم منه وعاجبه قربها وبصوت قريب للهمس:: لاتنسين انتي زوجتي ؟
دانه صرخت بوجهه بنبرة صوت فيها ترجي وهي تحاول تبعد نفسها عنه::مابيك انا مابيك الله يخليك ابعدعني؟؟
هيف شاف الكره بعيونها تضايق منها قال من بين اسنانه::لاتفكريني ميت عليك بس ماقدر امنع نفسي منك ,,دانه ::لالا اكــــــرهك ..؟ بالنهايه دانه بنت وهو رجل ماقدرت تمنعه ,, حست نفسها بضاعه شاريها ويبي يستمتع فيها,.,.نزلت دموعها من انفاسه الي كارهتها غمض عيونه هيف بقوه ومد يده وسكر النـــور.................................

نهاية الجزء السابع,,

قراه ممتعه

يا حيالله حزني وحشتينا ....

كل يوم ادخل القصه اشوف اذا نزل جزء جديد او لا

بس الحمد لله رجعتي ...>>وحده متحمسه مع القصة هههههه

ومشكووووووووره على هالجزء بس من جد هالهيف قاهرني الا باط كبدي

مغرور وشايف نفسه وش عليه ياحظي بس الدانه دواك وماراح يكسر

راسك الا بنت ابوها عليتس به يادانه وريه نجوم الليل بالنهار >>قااااهرني

دانه الله يكون بعونتس طحتي وماأحد سم عليتس بس ولا يهمتس انتي

قد التحدي وهالهيف راح يعرف قيمتس بس انتي اصبري اشوي على غروره

وبتشوفين وش لون تحفى رجليه على شانك ياقميل ...ههههه

الي مستغربه منه وشلون جاء له قلب هالهيف وماعلم اهله بزواجه

احس انه راح يلاقي المشاكل من تصرفه ...الله يعينه >>احسن يستاهل

كنت اتمنى اشوف ردة فعل ام بندر اذا درت بس مالها ضيحه اليوم ؟؟؟؟

تكفين حزني نبي نعرف وش صر عليها اكيد بتزعل وهي الي حاطه ببالها

ان دانه لبندر ...بس ياليتها تحول على العنود قبل مايجيها رزقها الثانيه وتطير


تسلم الاياااااااااادي ياحزني الضامي ...

بس ياليت ماتطولين علينا ...بانتظااااااااااارك دائما...

هلا والله بحزني هلا وغلا
والله البارتين يجننوا كل واحد أحلى من الثاني
ياقلبي يادانة والله كسرت خاطري
وخواتها ياقلبي عليهم بالهم مشغول على أختهم
زياد شخصية حلوة بس لو يبطل حركات المغازل
طلال الله يستر منه شكله مو جايبها البر
غادة حسيتها مليقة وجريئة بزيادة
أسيل وخالد الظاهر راح يصير بينهم قصة حب وإعجاب
بندر لازم يعجل ويخطب العنود قبل لا تخطبه بنت عمه
جنى أحسها بنوته كيوت وناعمة تجنن
السر الكبير والخطير هو سر أبو جنى وأمها وسبب طلاقهم
ننتظر القادم على أحر من الجمر لا تطولين ياقلبي