~~ بيت أبو نايف ~~
~~ غرفة خليفة ~~
غرفة خليفه منسدح على سريره ويفكر بصمت
: امممم
اللحين ذا العله جارهم لازم أعرف متى يغيب صاير كأنه كلب حراسه
ويتذكر البارحه كيف نط له عند السياره
عيّاد بـ أستغرب وش يجيب خليفه بيت عمه ومابه أحد لونايف بقول عادي لكن خليفه لا : السلام عليكم , حي الله خليفه , أقلط على القهوه
خليفه ببرود تحته ضيق شديد من عيّاد : وعليكم السلام , الله يحيك , ويدق سلف السياره , السموحه ياخوك مستعجل
ويأشر لـ سواق أبو سعد: خلاص راجو بعدين بكلم بابا
حتى يوحي لـ عيّاد انه جاي لموضوع خاص ببوسعد
ينتبه خليفه على دق الباب
أم نايف من ورا الباب : خليفه قوم فديتك الظهر أذن قم صل
خليفه بتأفف : زين زين بقوم
وهو يتحلف : هه والله ماتكون لك قبلي ياتركي ان تاخذ فضلتي
واخليك ماتسوى هه
وانت ياعم تتأدب انت وبنتك إنكم فضلتوا تركي على ولد اخوك
:
:
:
~~ سيارة سلطان ~~
رايح لـ بيت عمه سعيد كالعاده يسلم على جدته مهوب متعود يمر يومه من دون مايشوفها يفتتح يومه بدعواتها وينتهي بدعواتها الدائمه له يحس بـحنانها المتدفق له ولـ أخوانه دوم تقول له والله أنك اغلى من أبوك وترد عمته امل أيه يمه ما أغلى من الولد إلا ولد الولد وأنا راحت علي
يبتسم لـذكرى العمه
سر البسمه في بيتهم يشعر بالسكينه كل ماقعد معها يحس انه من خلال وجودها حواليه ان الدنيا حلوه مهما صار هي الجندي المجهول لـ نجاحه في حياته
يتنهد الله يوفقها مع غانم ينتبه من تفكيره على رنين تيلفونه بـ أسم حمد
: سلطان افزع لي ياخوك أبوي طايح في المجلس
سلطان اللي توه واصل عند بيت عمه : أنا عند الباب جايك
يشيل عمه مع حمد ويطيرون صوب طوارىء مستشفى حمد
:
:
~~ طوارىء مستشفى حمد ~~
في الممر
الدكتور معصب على سلطان : أيه الاستهتار اللي انتوا عايشين فيه ده
انا عوز اعرف أنتوا ولاد أنتوا
أزاي تسيبوه يخرج المره اللي فاتت ده عاوز ينتحر
سلطان متفاجىء ووده يدوس في بطن الدكتور لـكنه ماسك أعصابه : متى كانت المره اللي فاتت حنى مادرينا به !!!
دكتور وش اللي في عمي ؟
الدكتور وهي يكتب في الأوراق اللي عنده : عمك ياسيدي عنده جلطه في القلب ودي التانيه يعني ماتستنوش للـ تالته لحسن يموت
سلطان : يعني وش تنصح به نسفره ولا
الدكتور معصب ويتكلم بـ ضيق : أنا عوز اعرف انتوا ليه كل ما يمرد عندكوا حد عوزين تسفروه يعني ايه مافيش سقه بالدكاتره اللي عندكوا
سلطان في خاطره اللي يشوف مثلك يهون يعالج , ينتحر أبرك له : زين يعني وش تنصح به؟
الدكتور يعدل نظارته الطبيه :أحنا دلوئتي مسيطرين على الجلطه وان شاء الله ماتتحركش وإزا زابت يبأ خير وبركه وأن مازابتش مافيش غير نعمله ئسطر بسيطه
تفاهم سلطان مع الدكتور
اللي حول سعيد لـ وحدة العناية الفائقة في الدور السادس
:
:
يتصل سلطان في أبوه من باب اداء الواجب مهما كان هذا أخوه
لكن اللي رد عليه إنسان لاهي في معاصيه
عوجان من وسط سكره : نـــعم ياذيل أمل
:....
عوجان بلا أهتمام : وخير وش أسوي به
قلعته خل عمتك تنفعه
ويسكر الخط بوجهه
يشوف سلطان التيلفون بحزن على حال أبوه
الناس تتعض بالموت وأنت فقدك لـ علي
زاد في ردى حالك زود
:
:
~~ نفس الليله ~~
~~ السعوديه في أحد الفنادق الشهيره ~~
العيال راحوا يجيبون العشاء
شيما متضايقه تحس بكتمه تكلم تماضر تنشدها عن عيالها
و تطمنت عليهم
ترجع تكلم نفسها سعيد مكلمني العصر ومافيه الا العافيه
أجل وش ذا الضيق !!!؟
تتصل في أمها تنشد من أخوانها وتتطمن عليهم
تتعوذ من الشيطان وتدعي لـ حبايبها
بـ أن يرعاهم والله ويحفظهم من كل شر
على الطرف الثاني من الغرفه
أمل مريحه على السرير
والهوجاس ذبحها وهي تشوف الاكياس المتكدسه في طرف الغرفه
آآآآه معقوله الله كاتبه لي
هل بنجح ذا المره ولا لا ؟
عايض وغانم ليه أحسهم وجهين لنفس العمله
تتذكر كلام الدكتوره ناديه
اللي ملخصه انه عريس مايتفوت
هه طيب اجل ليه ماتزوج للحين !!!!؟
أبي أحد يجاوب على ذا السؤال و يريحني
ياخوفي أنه راعي بنات ويبلاني بمرض
وليه أسمح له !!؟
لا لا لازم احطه تحت اختبار لـ فتره
وتخطر في بالها فكره مجنونه
تبتسم وتحس بـ شبه إطمئنان
يقطع تفكيرها صوت علي ومحمدينادونهم يأخذون العشاء
:
:
~~ بعد يومين ~~
~~الصبح~~
سعيد تحسنت حالته
رفض أن أحد يخرب على أمل تسوقها فحلف على سلطان وحمد مايعلمونهم بشي
والعجوز قالوا لها أن سعيد مسافر فـ أضطر حمد ينام الفتره اللي فاتت في البيت وسلطان هو اللي ينام عند عمه
الوقت اللي سلطان يمر جدته عشان ماتحس بشي
يكون حمد عند أبوه في المستشفى
تماضر الوحيده اللي تدري
وعايشه في توتر خوف على أبوها
تبي تزوره بس كيف ؟
~~ المستشفى ~~
سعيد يفطر
وسلطان يقرأ الجريدة
وهو يحاول يعرف من عمه وش مضايقه من دون ما يأثر على صحته
ياخذ نفس عميق : يبه
يبه سعيد
ينتبه سعيد اللي الهوجاس ذابحه حتى الاكل ماله طعم لولا الدواء ولا ماذاقه : سم ياولدي
سلطان ببتسامه : سم الله عدوك
دامني ولدك قل لي اللي في خاطرك إلا أن كانك منتب شايفني كفوا
سعيد : إلا والله ولدي اللي ينحط على اليمنى
سلطان يقرب كرسيه من السرير ويحط يده على كتف عمه : أجل قل لي اللي مكدرك وخلا حالك كذا
سعيد يتنهد بألم : علتي يا بوك من أبوك
كيف أشكي لك من ثقتي ببوك اللي طعني وفي الاخير قال مسؤوليتك بالطقاق
لكن ذي حوبة أمل وقفت معه ضدها وربي خلاني أذوق ن نفس الكاس
سلطان بوجع من حالهم اللي وصلهم أبوه له ظلم أبوه بيعم ذا الجماعه الله يزينها: يبه وضح أكثر
سعيد يدز الصنيه اللي ما كلى منها إلا شي بسيط : اسمع يا بوك خابر الـ
يقطع كلامهم دخول غانم بن راشد
إللي درى بالصدفة عن وجود سعيد في المستشفى
:
:
~~ الخميس العصر ~~
~~ المزرعه ~~
:
:
موضي نايمه في غرفة عمتها جوزه يدخل عليها نصور ..
يقرب من السرير يطل في وجهها يشوف وجهها ..: مودي ..مودي ..دومي تلويحن معانا عند العنم .. يهز كتفها بيده الصغيره مودي مودي دومي انا وددوه بنلوح عند العنم ..
موضي تفتح عيونها بتعب ويا الله تقدر تشوفه من السخونه : نصور ابي انام اطلع
نصور يشوفها ترجف ..وتتلحف عدل بلحافها
يقرب منها : مودي انتي تعبانه ...؟ بلدانه ...؟
موضي من تحت اللحاف اللي مغطيه فيه وجهها: ايه ...اطلع خلني انام ...
نصور ...يروح يفتح الدفايه ويقربها من السرير عشان تدفى موضي
ويطلع رايح لجدته
:
:
~~ برى فيلا المزرعه ~~
أم فالح عند باب المطبخ توصي ماتيلدا
: شوفي موضي تعبانه بعد أشوي روحي شوفيها
وسوي لها شوربه إذا قامت قبل ما اجي عطيها أياها
فاهمه
ماتيلدا : أوكي مدام مودي مافي اكل غداء سوبح بس يشرب عصير اورنج
ام فالح وهي طالعه : زين أذا فيه شي دقي علي من تيلفون موضي زين
ماتيلدا :أوكي مدام
نصور جاي يركض : ددوده هاه ددوده مودي حلااام تعبانه مليده
أم فالح : الله يشفيها وفي بالها أن ماتعافت لين الليل جبرتها ووديتها المستشفى
:
:
~~ بوابة المزرعه ~~
يدخل الرنج ينزل تركي وهو يتكلم بالتيلفون
: مرحبا يبه , شحالك وشحال اخوياك ؟
أبو فالح :طيبين وبسهاله, وين مكانك ذا اللحين؟, أربك مريت أمك
تركي : أنا داخل المزرعه توني أنزل من موتري ,
متى بتمشون صوبنا ؟
ابو فالح : والله النيه أنغبش السبت أن الله يسر
تركي : الله ييسر امركم , ويامرحبا بكم , يبه ولا عليك أمر عطني الشيبان أكلمهم
وبعد السلام على عمه وخواله يسكر ينتبه للخدامه اللي طالعه تركض
جايه صوب المجلس
تركي : ماتيلدا
ماتيلد وكأنها لاقيه طوق النجاه
: سير تركي مودي موت فير داكل غرفه مدام كبير
تركي قط الشنطه اللي بيده وركض داخل
ماسأل عن أحد صدق يدري أن أمه عند الغنم
بس ان موضي ماتت
هنا
حس الدنيا وقفت
ماعاد لحياته معنى أذا موضي ضاعت منه
شبه طار داخل الفيلا
:
:
~~ غرفة أم فالح ~~
يفتح الباب بقوه يقابله دخان مالي الغرفه
يتلطم ويدخل وعينه على السرير
يشيل حبيبته وهو يدفن وجهها في صدره
وكانها بكذا يحميها من كل خطر
ويعطيها من نبض قلبه بس ما يصير فيها شي
يسدحها في الصاله ويصرخ على الخدامه
تفتح الدرايش
رجع للغرفه خوف يحترقون وبدال واحد يكون الكل بس ذا الواحد مهوب أي شخص
قلبه عند اللي في الصاله بس لازم
يطفي سبب ذا الدخان ولا صاروا في مصيبه اكبر
ينتبه للدخان جاي من البطانيه والدفايه يسحب فيش الدفايه ويحذف البطانيه
في بانيو الحمام
يرجع للصاله راكض وهو يحمد الله انها ماصارت أكبر
من دخان
يقعد على الأرض
يقرب وجهه من وجهها عند خشمها تحديدنا
ماتتنفس لا لا تتنفس بس تنفسها ضعيف
حرارتها عاليه
يصرخ على الخدامه تجيب له عباه يغطيها
لازم يوديها المستشفى
بس
بس لازم يضمن تظل تتنفس
يقرب فمه من فمها
تتلامس الشفايف
بــ نفخة
هواء من صدر تركي لـ صدر موضي
وكأنه يهبها شيئًامن روحه
ويضغط على صدرها
يواصل
العمليه لـين حس أن تنفسها أفضل
رغم ضعفه بس أفضل
ينتبه للخدامه الواقفه حاضنه عباة موضي
تبكي
سير تركي يو لف مودي سو ماتش
أتس لايك رومنتك ستوري
وااااو لف ستوري أن لايف وتمسح دمعتها من تأثرها بموقف تركي مع موضي
تركي بضيق من ذا التافهه : عطيني العباه
يلف موضي ويشيها بين أيدينه بتملك
يطلع ونيته لـ طوارىء حمد
مستحيل ينزلها لـ مركز الشحانيه الطبي يتعلمون فيها
سادح الكرسي اللي جنب السواق ومنيمها عليه ومثبت حزام الأمان عليها
حسها تنتفض بردانه
يغطيها بفروته
سحب عطره وحط منه عند خشمها حسها تحركت وقامت تهمهم بكلام غير مفهوم
بتنهيده من أقصى أعماق روحه : الحمدلله
يحرك بسرعه مجنونه كجنون روحه المتعلقه بالغائبة عن الوعي بجانبه
وفكره يدور لو أني ماجيت ذا الوقت وش كان ممكن يصير
كان بخسرها
ولو
ولو
يتعوذ من الشيطان و يستغفر
الحمدلله
الحمدلله
يمد يده يمسك كف يدها يحسسها بأنه معها
حس بيدها تجذب يده لصدرها تحضنها
وتتمتم بـ أسم سعد
سعد
لا تخليني
تكفى أخذني معك واتعبر
أبيك آآآآه
آآآه سعد
تركي مايبيني
مايبيني
مايبيني
وتغيب عن الوعي وهي حاضنه يده
تركي مستغرب
ليه تقول كذا!!!!! ؟
من قال لها ذا الكلام ؟
يوصل المستشفى
وينزل شايلها
بخوف يفقدها
هي روح تركي لوفقدها بتكون
حياته بلا لون
يضمها بتملك
يخاطب موضي بتشديده لضمته لها
وكأنها بهذه الطريقه تسمع مافي نفسه:
بـ تعرفين ياقلبي
ان تركي مابغى غيرس
وماحب غيرس
انتي هواه اللي يتنفسه
تركي يعشقس بجنون
الله يحييس وتعرفين قدرس عند تركي
:
:
:
~~ بيت سعيد بن علي ~~
:
العجوز ودانه يشوفون التلفزيون
على طرف القعده دوه كهربائيه عليها دلة القهوه وحليب بزنجبيل
هند منبطحه على بطنها تحل الواجب
وأم عوجان قاعده على الأرض ومتسنده على الكنبه ماده أرجيلها ودانه تهمزها
دانه اللي تصغر تماضر بسنتين : جدوه ليه مرة عمي عوجان ماتحب عموه أمل!!؟
اتنهد ام عوجان بـ حزن : أيه يـاامس سالفة طويله مالس فيها حاجه
الدانه تقرب من جدتها وتضمها حست أن جدتها تتجرع ألم كــــــبير : جدوه أنا أدري أنه عشان علي ولد عمي بس ليه وش ذنب عمتي أمل !!!!؟
أم عوجان وهي تمسح على رأسها : مالها ذنب لكن هم ركبوها الذنب وصدقوا كذبتهم
الدانه بــأستغراب ترفع نفسها من على صدر جدتها : يعني كــــيف !!!!!؟
:
:
توقعاتكم 
10-06-09, 06:14 PM
جديد مواضيع قسم الارشيف
العرض العادي
