السلام عليكم ورحمة الله وبركاته
مسائكم رضى
مسائكم ورد وود

شفى << هلا والله وغلا بشفى تساؤلاتك في القادم من الوريقات
ام رنا<< يسلم قلبك
إحساسي يكفيني22 << يعافيك يا إحساس ووجودك يزيد الوريقات بهاءً
نتاشا << يسلم عمرك وقلبك
بنوته << فديت الرقه يابنوته سطورك دوماً له رونقها لا حرمني الله مرورك العذب

ripe lady << أحرجتيني بكلامك , ثنائك على سطور وريقاتي وسام اعتز به

مرحبا ً أحبتي
دقائق وتكون الوريقة بين أيديكم

~~ْْ الورقة الـخـامـسـ 15ــة عــشــرة ~ْ~ْْ:
:
:

للـ حياة أبواب عديدة
لما نقف عند الباب المغلق ؟
نعلم أنه ما أن يغلق باب إلا ويفتح الله لـنا عدة أبواب
فلنترك الباب المغلق على الأيام الماضية بما تحمله من أحزان
ونقدم بجسارة على الأبواب المفتوحة مهما تخوفنا مما وراءها
فللغموض رونقه وجماله
لـ نبدأ من هنا رحلتنا عبر أبواب جديدة
:
:
:
:
~ بيت غانم بن راشد ~
~ الصالة ~


العجايز أم راشد وأم خالد قاعدات ايتقهون
وأم خالد اتكلم في التيلفون
وتمده على أم راشد : هاس يمه بتله تبي تبارك لس بملكة غانم
وهذا حالهن من البارحه لم يتوقف رنين الهاتف لـ مباركة عقد قرآن غانم
وزاد فرحة ام خالد ان الكل يثني على أمل
ولكنها استغرب أن بنات اخوها ماباركوا لها اللهم أمهم وأبوهم
وينها سلمى اللي كل يوم ادق تنشد مني وتسأل عن صحتي مهوب عادتها وكعادة أم خالد تبحث للطرف الثاني دائم عن عذر
يمكنها مريضة ولا مادرت

غانم نازل ومستغرب من اقعادنهن داخل العادة يقعدن في الخيمه
غانم : السلام عليكم
مساكن الله بالخير
وش عندكن قاعدات اهنا وماظهرتن للخيمة ؟
أم راشد وهي تمسد ارجيلاتها الممدوة على الأرض : ياولدي مطر , وعيت علي أمك أظهر تقول زلق
لاخف المطر شوي ظهرنا
غانم بحنان وهو يعدل دلاغات ارجيل جدته : تبين الخيمه شلتس ووديتس
ويلف لـ أمه وارجع اشيل أم خالد ولا تهتمن من الزلق
أم راشد وام خالد يدعن له
جعل تشل عيالك ويبرونك مثل برك بنا وأحسن
غانم يبتسم وياخذ نفس طويل استعدد للي يبي يقوله
:زين دامكم جبتوا طاري البزران
أنا أبي أم البزران تكون عندي عقب أسبوعين
أم خالد بنظرة استنكاروبفرح داخلي أن الشر زال نهائي
من ذلك العمل السحري
يوضح غانم اكثر
أنا أبي العرس عقب أسبوعين وفي خاطره ولهو على كيفي خليته بكرة
أم راشد بفرحه : جعله والله ساعة مبروكه
ام خالد بـ اعتراض
ياولدي ليه العجلة تونا متملكين البارحه
عط البنت وقت اتقضى للعرس
وحتى حنّا نبي وقت انرتب لعرسك ونحجز قاعة
واتعبر ما بغيت افرح بعرسك
تكفى ياولدي
غانم اللي مصمم يتم الموضوع بسرعه
يبيها ما يقدر يصبر اكثر
يبي يمحي كل أثر لـ احد قبله هي له هو وبس
غانم بـ أعتراض : يمه كل شي مقدور عليه وممكن تسوونه في يومين
أنتي أشري بس وانا بدفع
ولا تدرين وزعي الشغل عليس وعلى خواتي ونسوان اخواني مهب مقصرات
أم خالد بمحاولات لتمديد المدة عشان العروس ولكنها تتعذر بالتجهيزات : زين ياولدي خلها شهر
غانم بـ تأفف داخلي : يمه إجازة الربيع تبدأ الاسبوع الجاي يعني العروس عندها إجازة أسبوعين مهوب ملهيها شغل عن التجهيز بتخلص

أم راشد بمحاولة أخيره : ياولدي طالبتك خله عقب شهر
مستحية أكلم أم عوجان وأقول أسبوعين
غانم استحى يرد أمه وهي طالبته : زين بس تراه مهوب أكثر من شهر
أبي تركي يحضره وهو بيسافر تقريباً عقب شهر
ام خالد : زين ياولدي الله يوفقك معها ويفرح قلبك
غانم : يسحب التيلفون عند أمه : كلمي ام عوجان اللحين وقولي لها وبكرة بحط مهرها في حسابها
أم خالد تاخذ التيلفون وتحطه جنبها : ياولدي والله مستحيه ادق على العجوز
إلا بقوم ذا اللحين وأروح اشتري لها شبكه وبوديها بكره ومعها المهر
غانم :خلاص أنا بروح أشتري الشبكه وأن كانس تبين تروحين معي خوتس ماتنعاف
أم راشد تضحك : غوينم والله اني شاكه أنك شايف البنت
ولعبت بمخك
روحتك انت ونجول فيها بلا!
غانم يمثل الحزن : لو ان لي أم وجدتن يحبن ولدهن كان خلّني أشوفها مهوب هن لهن الشوف وأنا حرق الجوف
:
يضحكون العجايز عليه
وهو قام يلبس بنية شراء الشبكة
وهو يفكر ماذا يلبس ملاكه ؟
:
:

~~ اليوم الثاني ~~
~~ غرفة أم عوجان ~~

أم عوجان تدخل غرفتها وخديجة قدامها شايله صندوق مغطى بلفافة مخمليه مزينة بـ بربطة تتلاقى في قمتها بـ حلقة ذهبيه على طرفها حرفان [ G&A]
عقب ماحطتها الخدامة بجانب سرير ام عوجان وقريباً من تجوري [ خزنة ] العجوز

أم عوجان لـ خديجة : روحي نادي أمل

بعد دقائق تصل أمل
أم عوجان بحب لـ صغيرتها : تعالي جنبي
تقعد أمل بجانب أمها
شوفي أم رجلس جات وجابت ذا الصندوق لس
أمل تلف بعدم استيعاب لكلمة رجلس : زين , وش فيه الصندوق؟
أم عوجان ببتسمامة وعيون دامعة : شبكة ألماس ومهرس
انزلت أمل تفتح الـ صندوق
انتبهت للحلقة وضحكت في نفسها مصدق عمره كأنه مراهق
حروف وحركات بعدين قالت في نفسها حرام يمكن حركات حد من البنات وظلمته
تفاجأت من اسم المحـل
والـ الطقم
رقيق وناااعم رغم فخامته
قلوب صغار متداخلة ببعض
تحيط بقلب أكـبر
والدبله
أم عوجان تمد لها مفتاح التجوري حطي الطقم فيه
والصندوق أخذيه
بعد ماحطته
ام عوجان : ام خالد ماجات بس بذا
أمل بصمت تنتظر وش ورا أمها اليوم كلامها بالقطاره
أمل بخوف من الطاري اللي جا في بالها: هاه يمه وش تبي ؟
أم عوجان : العرس بعد شهر من اليوم
أم بشهقه ودموع : لا يمه تكفين ليه بسرعه كذا ؟!!!
قولي لهم عقب شهرين ولا إجازة الصيف
أم عوجان : يابنتي استحيت والله انها تقول ان رجلس مستعجل ولو عليها يبيه عقب أسبوعين لكنها اطلبته شهر
فلا تكسرين كلمتي وأنا قلت لها ابشري
والعرب ماقصروا جايين البارحه واليوم ياخذون مافي خاطرنا

تطلع أمل مهمومه
ما اهتمت للصندوق ولا للظرف اللي فيه

والعجوز قاما تتوضاء عقب ما خشت مفتاحها في مخبى ثوبها
:
:
يدخل عوجان يبي يكلم امه يشوف الصندوق ايتلفت مابه احد
يسحب الظرف يبي ياخذ منه كم ألف
لكن للأسف لقى وصل إيداع بالمهر
مات قهر كل شي واقف ضده
رجعه بضيقه
وطلع
:
:
~~ غرفة أمل ~~

أمل مصدومه وعيون دامعه يرن تيلفونها بـ أسم أم نصور
هيا : مساء الخير ياعروسه
وينس اليوم ؟ ليه استئذنتي وطلعتي من صبح
أمل ببتسامه : مساء السرور , كنت تعبانه شوي
هيا بضحكة : يوه لايكون نصور معديس
والله ولد اخوس جنني وشكله اعدى أخوه
البارحه طول الليل في طوارى السد
أمل : فديت نصور شلونه اللحين ؟
هيا ونصور يسحب السماعه : هاس هذا هو يبي يكلمس
نصور بصوت تعباااان : ألو عموه كح كح آآه آآه
أمل بـ رحمه وحب لهذا الصغير : لبيه ياقلب عموه
نصور : كح كح عموه انا مليد اتح واذوع ماما هاه حلت الدتوريدلبني أبله عولتني
أمل :اسم الله على حبيبي ناصر , خلاص عشان انت تعبان بجيك وش تبي اشتري لك
وقعد نصور يتشرط على أمل وايتدلع
اتسكر وهي تضحك
آه ليتني طفله أكبر همي لعبتي هه
:
:

~~ بيت فالح ~~
~ المجلس ~

تركي جاي يزور حبيبه نصور
نصور شايله أبوه ويحطه في حضن عمه
تركي يرحب بـ ناصر بن فالح
نصور ايتدلع : تكي انا مليد
تركي : اسم الله عليك
نصور بتميرض أزياده : تكي أبي الوح الدعميه
يضحك فالح : نويصر المريض يروح المستشفى مهوب الجمعية
بث أنا لحت المثتثفى هاه ودلبوني ابله منا ويأشر على مكان الأبره
تكي يعول وادد
يطلع فالح يجيب القهوه ويستغل نصور الموقف
نصور : تكي عمو ثارت علوثه
يضحك تركي ويضمه : آه منك ياللي مايطوفك شي أشك انك بتشتغل مراسل للجزيرة
أيه صارت عروسة غانم تعرفه
نصوربتفكير: ثديعك هذاك اول ثرى لي عثكليم وثرت مليد
ما احبه
هو ياحد عموه يعني حلاث ماعندي عموه
ويتعبر لا انا ابي عموه لا تلوح عنده
يضحك تركي : لا عندك عموه بس بتروح بيت غانم مثل موضي بتجي بيتي عند جدك وجدتك
يصفق نصور: الله بدي مودي علوثة تكي هيه , قلب تعابير وجهه بشكل حزين وتميرض: تكي انا بعد أبي يثير عندي علوثه ليث انت وثديعك عندتم علوثات وتل الناث عنهم علوثات وانا لا
يدخل فالح وينهره : نويصر وش ذا الكلام ؟
نصور يحاول يستغل وجود تركي ويتعذر : بابا انا ادول لا ثرت تبير أبي علوثه نفث تكي
يضحك تركي وهو يقعد نصور جنبه : ولا يهمك بجوزك بنتي
نصور يمسك يد تكي : اول دول والله بنت تكي علوثتي
فالح : خلاص ترانا حاجرين بنتك لـ ناصر ولدي من اللحين
يضحك فالح وتركي على نصور اللي مصدق عمره ويبي عروسه من اللحين
:
:
~~ اتصال تيلفوني بين وضحه وأمل ~~

بعد السلام والسؤال عن الحال
وضحه : أمل وش الكلام اللي علمتني عنه أمس
صدق تقولين ماتبين عرس !!؟
أمل بحرج شديد : وضحه والله استحي اسوي عرس والبس فستان
أحس العالم يضحكون علي
وضحه :وليه ان شاء الله يضحكون وش انتي مسويه ويعيبونه عليس
أمل : وضحه وش تبينهم يقولون مطلقه وكبيره فرحانه بعمرها كل شوي لابسه فستان وقاعده على الكوشه
كنها بزر
وضحه بحكمة : أمل انتي ماسويتي غلط أذا اعرستي قبل
وماصار نصيب يكمل بس أنس تحرمين رجلس من فرحته وفرحه أهله به
يعني عايض كان له حق وغانم لا
أمل انتفضت من مجرد ذكر الأسمين مع بعض
أمل : الموضوع ماله علاقه بالثنين له علاقة فيني أنا
هو يبي يسوي عرس بكيفه بس أنا بقعد في البيت ومن دون كوشة وبلبس فستان عادي مهوب فستان عروس
وضحه مستغربه من تفكير أمل : أمل ياقلب أختس
أنتي تبين تنجحين في حياتس الجديدة ولا لا
أمل بعجلة ولكن فيها خوف : أكيد وكملت
وضحه بس أنا خايفه وبكت
خايفه أكثر من المره الأولى
وراحت في نوبة بكاء مرير
وضحه تحاول تهديها
وعقبها بفترة
:أمل لازم تهدين وتسمعيني
أنتي أكثر وحده تعرف فينا في أمور الدين وتنصحين اللي حواليس واتجين عند نفسس واتضيعين
اسمعي غانم له حق يكون معرس داخل على زوجته بـ أبهى حلّة وأجمل شكل
تناسي أنس تزوجتي قبل
لا تحسسينه من البداية ان لحياتس قبل تأثير على حياتكم
ترى الرجال أبغض شي عنده ويذبحه انه يكون في نفس زوجته ولا بالها ذكرى لـ رجال وبالأخص لو كان زوج سابق
والعرس بيتم مثل ماهم يبونه وبتلبسين ثوب أحلى من عرسس القبلي وبتجهيزن جهاز أفضل تسمعين
وبتقعدين في الكوشه
أمل : بـ أعتراض تخنقه العبرات
لا تكفين وضحه أنا أبيس تقنعين تركي يقول لـ غـ ـاااانـ ـم
يسوي عشاء وبس
وضحه بتنهيده وطولة بال : لا انا قلت لس اللي بيصير
ما أبي تخسرين من البدايه وإذا على الكوشه محنى بحاطينها في القاعه بنخليها في شي من الغرف الواجده اللي في القاعه
عشان يقدر يدخل ويصور معس لأن عيالنا مايدخلون القاعات على النسوان
أمل بفقدان أملها بـ أن هذا الزوج يختفي أو أن تكون نائمة وهو مجرد كابوس وينتهي بـ استيقاظها ولكن هيهات هو واقع لا محاله
تقطع عليها وضحه تفكيرها :
اسمعي شوفي أذا سلطان بيوديس الشرقية ولا الرياض تتسوقين ولا كلمت أحد من العيال يوديس
تدرين ودي تخاويس موضي اتجهز معس بالمره
عشان أول مايجي تركي من السفر يعرس ماله داعي التأجيل
تسكر وضحه من أمل الباكيه والمعترضه
لا تريد أعادة الكره
تخاف
نعم تخاف
لا أنكر لم أحب عايض أو لم يعطني الفرصة لـ أحبه
رغم حنانه المتدفق نحوي خلال الأيام الأولى
ولكن ما أكتشفته جعله أبغض الناس لـ روحي
أشعر بـ أني ظلمته كما ظلمني لم أعطه فرصة أخرى ولكني
لا أستطيع المجازفه
فخرجت بـ أقل الخسائر
لقب مطلقة لـ عذراء لا يعلم بذلك غيره
آآآآه يارب
وكلت أمري أليك
:
:
اليوم الخميس آخر يوم دوام ومنها تبتدي
تبتدي إجازة الربيع للمدرسات

أمل سافرت للسعودية أتجهز [ الشرقيه والرياض وفيه مخطط العمره ومنها لجدة حسب تيسير السفرة ] مع محمد وعلي وراحت معها شيما بتحريض من أم عوجان خوف انها ماتتشرى خصوصا علامات الحزن والخوف الواضحه لقلب الأم قبل عيونها
:
:
:


يتبع

~~ بيت أبو نايف ~~
~ عقب المغرب ~~

خليفة راجع من السفر
تستقبله أمه بالأحضان يدنق على رأس أبوه
وعقب السلام
يطلع يبدل
أبو نايف لـ نايف : درى بملكة بنت عمك
يـ أشر له لا
ايتنهد : زين أنا أللي بعلمه
:
:

~~ يوم الجمعه العصر ~~

نايف عقب الغداء ماقيل , ماجاه نوم يفكر بردة فعل خليفة الغريبه
لا هاوش ولا تهاد !!
استقبل الموضوع بهدوء ولا اهتم !!
توقعت يروح لـ تركي ايتهاد معه ولا حتى يحاول يذبحه
ولا يتهاد مع عمي ولا أبوي
ولا معي ويحط حرته فيني إني خليتها لتركي!!
لـكن يسكت ولا يقول شي
هذا يخوفني أكثر
الله يستر
ما يندرى وش تحت رأسه !؟
بس خليفه مستحيل يسكت لابد في رأسه بلا
يمسك التيلقون يحذر تركي
وتذكر عيّاد
كلمه ونبهه لو شاف خليفه جاي لبيت عمه أبو سعد
ينتبه لـ ويفزع لعمه إن حصل شي
ويدق له عشان يجي
عيّاد على علم بموقف خليفه وهدته مع نايف عشان بنت عمهم فما استنكر طلبه
:
:
~~ بيت حمد بن فالح ~~

ريما في حجرتها وميته نفسها صياح تبكي بحرقه
يرن تيلفونها
بأسم خلودي تعطيه مشغول
يرجع يرن مره ثانيه
تشيله ريما بعد ماحاولت تضبط صوتها رغم دموعها اللي ماليه وجها
خلود بصراخ : لــــــــــيه تسكرين التيلفون بوجهي يالخايسه
رد عليها بكاء ريما المكتوم
خلود بخوف : ريمو وش فيس ؟
ليه تبكين ؟
لكن مافيه رد
خلو بخوف ورعب أكبر: ريم شي يعورس ؟
ريم تحرك رأسها بـ لا وكأنها تشوفها
وخلود على الطرف الثاني مرعوبه
: ريما تكفين ردي علي والله لو أقدر اجيس جيتس اللحين
ريم تشاهق : خلود أنا وش ناقصي
ماني حلوه؟
اخلاقي شينه مع الناس ؟
ليه ؟ وتشهق
ليه؟ تشهق
خلو بروعه: ريمو ليه تقولين كذا؟! بالعكس الكل يقول ريما حبوبه
واجنن وانت احلى وحده فينا
انا سميرا وقصيره وانتي ماشاء الله طول ورزه وبيضااااء لدرجة اني احسدس , استغفر الله اغبطس
ريما تتمالك نفسها من البكاء : زين ليه عيال عمي ولا حتى أمهم مايشوفونه
يعني فالح بقول كبير وأعرس وانا بزر
تركي خذا موضي وتذابح هو وعايض عليها وعيال عمها متذابحين من قبل عليها
ليه أنا عيال عمي ماتذابحوا يبوني ولا حتى تقدم لي حد منهم
ليه ليه؟
وتشهق
خلود بروعه عمر ريما ماكانت حقوده
معقوله حاقده على موضي
: ريما ليه تقولين كذا حراااام عليس
موضي ماتستاهل تحقدين عليها
يختي يكفي الوحده اللي هي عايشتها لا أم ولا أخت ولا اخو
وأبو تخاف في لحظه يموت ويخليها وحيده
ريما ومازال بقايا البكاء : والله اني أحبها صدق أغار من محبة مرة عمي لها واهتمام الكل فيها بس أحبها
وماني حاقده عليها وأول ما وصلنا الخبر فرحت لها بس بس
وارجعت تبكي
خلود حست ان ريما مجروحه من شي خلاها تقول ذا الكلام :
ريما العله لمياء قايله لس شي ؟
لمياء تكون زوجة ناصر بن حمد اخو ريما
ريما : ايه تدرين تضحك بتشمت وتقول لي
مسكينه عايفينها عيال عمها
ايتهادون على بنت الخال ومخلين بنت عمهم
شفتي انس شينه وماتنبلعين
لدرجة ان مرة عمس فضلت بنت التركيه عليس
خلود بحره : وليه سكتي لها ؟
ليه ماقلتي لها على الأقل حنى بنات حافظين أنفسنا مهوب نتزوج عن طريق التيلفونات واللعب على عقول الشباب
ريما ببكاء : خلود ما اقدر أقول كذا أحس أني متشمته فيها وفي أختها
أخاف الله يبلانا ويبلا خواتي
وتدرين ناصر خاتم بيدها يمكن يطين عيشتنا بسبتها
لكن مع ذا رديت عليها
ببرود أن انا اللي ما أبي والدليل أني فرحت لموضي
وموضي تستاهل كل خير
يكفي طيبها ودينها مهوب ناس استغفر الله
وهذا قهرها زود عن اني اعيرها بشي
خلود بفرحه واعجاب بـ عقل ريما: بعدي والله قهرتيها بفرحتس بس ياقلبي خليها من القلب ولا تقهرين عمرس وبيجيس واحد ماتتوقعينه وياليت يكون في اسمه ألف يلوع الكبد مثل اللي في اسمس ابي اعرف وش حلو ريم ليه لازم ريما يختي حلقي يعورني وأنا اقوله
وسط ضحكات المخالطه ببقايا بكاء.. ريما على تعليق خلود الدائم على حروف أسمها
خلود بفرحه لضحك رفيقتها وبنت خالها :المهم
اللحين ياقمر وش رايس بكره تجين عندنا أنا عازمه الشله
وبدت خلود تغير مزاج ريما الحزين

:
:
~~ بيت أبو فالح ~~
:
:
ابو فالح يتعشى مع العيال : هاه ياعيال من بيخاويني منكم لـ عرس صالح بن جفال
تركي ويهو يمد الخبز لـ فهد : اللي عرسه بالرياض ؟ ماقال فالح انه بيخاويك ؟
أبو فالح : أيه , وترانا عقبها بنكمل لـ مكه نعتمر في ذا الجو الزين
فهد يصب له كوب كرك: أنا حاسب حسابي لخوتكم
خذيت إجازه 5 أيام مع الجمعه والسبت صارت أسبوع
ام فالح وهي تصب لـ أبو فالح ماء : من اللي بيخاويك ؟
أبو فالح : الشيبان اخوانس وأبو حمد ويمكن يخاوينا عفاس واخوه
ثم يلف لـ تركي: منتب مخاوينا ؟
تركي وهو يممسح يده بالفاين : الحمدلله ,
لا والله يبه , ما أقدر أخذ إجازه ذا الفتره وحتى لو قدرت بأخذ يوم
أبو فالح : ليه ؟
تركي : يبه أنا سفري نهاية شهر 2 وحنى قدنا على نهاية واحد يعني عندي حول شهر أرتب المور اللي عندي في شغلي غير
أمور شركتي انا وغانم وحنى بنغيب عنها في نفس الوقت هو شهر عسل الله يهنيه وانا لـ دورتي
أم فالح وأبو فالح الكل يدعون الله بالتوفيق
ام فالح لـ أبو تركي
: زين دام تركي أهنا وثامر نبي نروح المزرعه وبقول لـ وضحه ونوير يخاونا
تركي في عالم ثاني ..خالي بيروح وموضي بتقعد لحالها في البيت ؟ ما قدر سافر وخلاها وراه !!!
يقطع تفكيره زيني تيلفون الصالة وهو الأقرب له : ألو , ألو
مافه رد
شاف الكاشف طلع رقم بيت خاله عبدالله ضحك في خاطره ورفع حاجبه اليمين المقطوع
وبدا سب : الو ألو ماترد ياللي ماتسحتي صدق انك ميمون شاطرين بس في إزاعج الناس وسكر الخط في وجه المتصل بعد ماحس بالنفس المتسارع دلاله على غضب الطرف الثاني وكان على وشك الإنفجار

على الطرف الثاني في
~ بيت ابو سعد ~

موضي ودها ترد بس أبوها جنبها في خاطرها زين ياتريكان المخنز أصبر علي ان ماطلعت في رأسك قرون ماكون موضي
ابو سعد يلف عليها : ماردت عليس عمتس
موضي تنتبه من تفكيره : هــاه , لبيه يبه
ابو سعد : كلمتي عمتس ولا لا
موضي بتمسكن : لا , يبه فديتك أنت قول لها والله استحي أروح بيتهم وأنا توني ماخذه ولدهم , تكفى يبه
ابو فالح وهو يسحب سماعة التيلفون : زين زين دقي الرقم
:
:
~~ بيت أبو فالح ~~

اتصال تيلفوني بين ام فالح واخوها عبدالله
أم فالح : زين خلاص مانيب جايه عندها ولا هيب جاية عندي
وش رأيك بنروح المزرعة وأبد لا تحاتي تركي مهوب معنا
ما معنى الا ثامر والبنات وضحه ونوير وبزارينهم
تركي يسمع ويضحك هه طاقه مني لكن معليه إن ماجننتس وانتي هناك يالدبه
ويتذكر كلام نصور تكي علوثتك حلوه بث عود
تكي يعني وش عود يعني ويأشر بـ أصبعه ليث تقول لها كوله
فهم انها طويله بس مهيب معقوله ضعيفه
ينتبه لـ فهد يناديه
فهد : تركي ..
تركي

:
:
~~ بيت خالد بن راشد ~~
~ غرفة نجول ~

تدخل سارا : نجول قومي عمي يبينا
نجول اتمغط : فارقيني خليني اقـرا
سارا اطل في المجله
ابي اعرف انتي من متى تحبين الشعر
ماخبرس شاعره
نجول ساكته وسرحانه
تنقز السوري جنبها على السرير
نجول انتي تحبين ؟
تضحك على جنب : ايه احب الحب نفسه أحب فارس احلامي وتكمل في خاطرها
أحبها ولا أعرف أسمه أعرف الشكل والصوت أما الأسم فلا
هه
السوي اتهزها : نجول قومي معي عمي يبينا نشوف الكتلوجات عشان قسم العروسه
نجول زين روحي وبجيس
تطلع السوري وترجع نجول لـ مجلتها ومازالت هيمانه في صوت الحبيب المجهول
تطل عليها السوري وبصرخه روعتها وقامت تلحقها واتحلف فيها وسط ضحكات سارا
وسب نجلاء لها
:
:

~~ بيت عبد الرحمن بن محسن "خال عيال راشد"~~
:
:
أم محسن : اللحين ولد عمتس ما لقى الا المطلقه ياخذها
ولا عمتس عميه ماتشوف بنات اخوها ولا بنات عمه اللي مكدسات في البيوت
سلمى بحره : وش أن سوي ؟
قلتي لي خبي وراها وأهتمي بها وأنشدي عنها
ولا جاب فايده هذه راحت للمطلقه وهملتنا
ماسوت مثل العجوز جوزه اللي حازت الخير لـ بنت اخوها مهوب عمتي عمت عينها
ما أدري وش شايفين نفسهم عليه؟
ام محسن بخبث : سلمى ياقلب امس اسمعي حتى لو خذا المطلقه مسيره يعرس عليها ويأخذ بنت
فخليس شاطره وأكسبيهم
يوه يمه أرجع مثل قبل وفي الاخير أموت حره
لا لا ما أبي خلاص
أم محسن : يابقره غوينم أغنى أخوانه كلهم وبيدلعس شوفي كيف مدلع خواته وبنات اخوانه
سلمى بتأففف : افففف زين
بنشوف وش آخرتها
تسحب امها التيلفون : هاس دقي وباركي وتعذري أنس كنتي مريضه وكحي كم كحه
ومثلي الفرحه أنه توفق وأعرس اخيراً
سلمي بتأففف: زين ودق رقم بيت عمتها لـ تبدأ تمثيليتها من جديد
:
:
~~ بيت سعيد بن علي ~~

أم عوجان جات بيت سعيد عند بنياته وعويله الصغار بطب من شيما وسعيد
شغل سعيد مايطلع الأ متأخر على الساعة 3وزود
و شيما وعلي مسافرين
صالة بيت سعيد
الباب يدق ويدخل فيصل
يقى جدته اللي ترحب وتسهل به
يدنق يحب رأسها : يمه سلطان برى يبي يدخل يسلم عليس
قلب تماضر يرفرف لـ مجرد ذكر أسمه كيف وهو عند الباب
: يمه بروح المطبخ أجدد القهوه خل فصول يدخله
يدخل سلطان
وفصول ماسك معه جريدة خاشها
وينادي هند بنت سعيد كبره وهو وياها دايم عيار وهواش
هنوده شوفي الجريد عشان تعرفين انه صدق أنتي هنديه من الهند عمي سماس على الهند ياهنديه
تضحك عليه : لا والله يا البومه مع عيونك المدوره
أصلاً أسمك فاصوليا على الفاصوليا اللي ناكله عشان كذا يقولون فصول
فيصل هاس أقري وحاط دائرة كبيره على المقطع حدث في مثل هذا اليوم
26/ 1أستقلال الهند
ويضحك فصول شفتي حتى يوم ميلادس هو يوم ميلاد سميتس الهند
ويضحك بتشمت
تبكي هنود وتروح عند جدتها واتشكى
سلطان راضاها وهاوش فيصل
تدخل الخدامة بصينية القهوة
ينتبه سلطان لـ صحن البسبوسة الحارة وكانها توها امسواه
سلطان وهو ياكل القطعه الثانيه : مزين ذا البسبوسه من اللي مسويها ؟
ام عوجان : تماضر فديتها يوم درت انك بتجي قامت قالت سلطان يحب البسبوسه بسويها قبل يجي
سلطان في قلبه لبى قلب اللي تسوي اللي أحبه
متى تكون بس بوسة غير
على الطرف الثاني : تماضر اتسمع وتضرب خدا بشويش ياويلي فضحتني جدتي بيقول ذي خبل وخفيفه
انتبهت لـ صوت سلطان : يمه اقنعي عمتي شيما
آخذ تماضر عقب ماتخلص اختبارات
قالت ماتبي شي من فلوس أبوي وهذا انا جمعت المهر من راتبي وطقطقت في الاسهم
والبيت بيأجرون لي الشغل
أم عوجان : لا منتب ساكن في أجار الا خذ وحده من الفلل الثنتين اللي عندي لك
يدنق يحب يدها يمه ما أبي إلا سلامتس ودعواتس لي
وانا ببتدي حياتي من دون فلوس احد
ام عوجان: اجل مانيب راضية عليك ياولدي انت اللي تراكض لين انبنت ولا تبي شي منها بتأخذها وأسكنها وأبد اعتبر انك مأجرها والاجار لبنتي تماضر مهوب لك
وكأن ام عوجان تذكرت شي
:ياولدي أنا أشوف سعيد مهموم أبيك تشوف وش ورأه
ولده حميدان يقول أبوي يمسك قلبه كأنه يوجعه
سلطان بتفكير : وحمد وينه ؟
وينادي هند
روحي نادي حمد من فوق
هند : حماده نايم ويقول لي اذا قومتيني بضربس
سلطان زين يمه أنا ظاهر اللحين وبدق لـ حمد وبشوف وش أمور عمي
ويرفع صوته أكرمكم الله
:
:
~~ المزرعة ~~

ثالث يوم لهم بالمزرعة
أم فالح في غرفتها تسبح على سجادتها وأنسدحت تنتظر الشروق
نصور راقد على السرير " اللي جابه تركي البارحة
عقب ماجنن امه يبي يروح المزرعة عند جدته"
ثامر وتركي وعمير راقدين في المجلس
وتركي طول في السهر فنام هو وعمير رجل وضحه اللي بيمشي هو وعياله الصبح صوب بيتهم في الدفنه
تركي قام مع الفجر ولا رقد متعود على دوامه يسرح من فجر
سوا له في المشب قهوه وتقهوى وكلم مديره على الساعه 6 وخذا اليوم إجازة وعقب دخل داخل البيت وهو في خاطره كلهم رقود وكلهم حلال علي
دخل بدلة القهوه اللي سواها لمقعد الفيلا الداخلي متوقع ان امه واعيه جا بيرجع للمجلس
لكن اللي سمعه خلاه يهون ويوقف مشدوه عند الدريشه المطله على حديقة الأرجوحة
يفرك عينه
:
:
:
:
توقعاتكم ياحبايب
:
: