كاتب الموضوع :
أمـ مجروح ـل
المنتدى :
الارشيف
~~ مقعد الحريم في فيلا عوجان ~~
:
:
أمل وموضي يسولفون تدخل عليهم تماضر ومعها نجلاء
نجول تقعد جنب أمل : والله عمي محظوظ وأنتي محظوظه
أمل وجهها قب أحمر
موضي ميته ضحك : وتصفق بأيدينها تكفون كيمرا أصورها وأذلها بها ههههه
ياحلو اللي مستحيه تذكرين وشسوى بي نويصر ليته هنا عشان يعلق كم تعليق واكفخه
يرن تيلفون ولأن تيلفون امل وتيلفون موضي نفس الشي
ترد موضي على التيلفون من دون ماتنتبه للأسم :
هلا والله بروح قلبي
تركي اللي كان ضايق فجأه كان أحد صاب عليه ماي وانربط ألسانه
ألو وينك ياقلب موضي شكل الشبكه ضعيفه أصبر بوقف جنب الدريشه وتعطي البنات ظهرها
تركي يتمالك نفسه وبصوت هامس : السلام عليكم
انتفضت موضي هذا مهوب صوت أبوها
من ذا ؟
وبصوت غاضب : مـــــن معي؟
تركي بحده : تركي بن ناصر يامدام
موضي قطت التيلفون بروعه على الأرض
وارجعت أخذته وتسمع اللي ينادي ألو ألو وينس
موضي بهمس ولكن بحده وغضب : وأنت من سمح لك تتصل علي
تركي بسخريه رغم فرحه بسماع صوتها: ومن اللي كاذب عليس وقال أني داق عليس اعتقد اني داق على أختي وأنتي متلقفه وتمثلين أنس ماتدرين عشان تكلميني
موضي أحمرت وأصفرت وهي تشوف أسمه في الجوال " الذيب "
وهي مسجله أبوها " أبوالذيب " انتبهت لنهاية الأسم ذيب ولاشافت البدايه
موضي وهي متوجه لـلمغاسل عشان مايسمعونها القاعدين وبهمس : لاتصدق روحك يـاهيرسيز ,يا يا يا ميمون ..وفي نفسها وجع وجع وتسكر التيلفون بوجهه بعد ما استفزها بضحكه الساخر
وارجعت للمقعد عند البنات بعد ماحطت تيلفون امل صمت احتياط لو رجع واتصل خله يموت قهر
:
:
~~ تركي ~~
واقف برى المجلس عند الباب المطل على الشارع
يشوف التيلفون بغضب
وده يدخل اللحين ويسحبها من شعرها
وش هيرسيز ووش ميمون؟ هي مسبه بس وش معناها
معليه شكلس يبي لس ترويض
ملحوقه لا الوقت ولا المكان ولا الظروف تساعد ولا كان سنعتس
بس مسيرس عندي هه وعقب بنشوف وش تقدرين عليه
وبنوايا شرشبيليه
ابتسم بخبث
:
:
:
ادخلو الشيبان يسلمون على العجايز ثم توجهوا لـ أمل في المقعد الداخلي بصحبة محمد وسعيد
يتقدمهم محمد
:
~~ المقعد الداخلي لفيلا عوجان~~
نجول وموضي وتماضر انخشوا في الحمام ورادين الباب يتسمعون الكلام اللي يدور<< مايبون يطوفهم شي
أمل رغم فرحتها بشوفتهم أبو وعم وخوال من الرضاع سكبوا عليها من حنان مشاعرهم الكثير
والغريب هو حنان سعيد البالغ هل هو تمثيل لا لا فهذا سعيد كنت اعرفه غاب من سنين طويلة متى عاد؟ وكيف عاد ؟
تنتبه على صوت سعيد : أمل ياخوس الشيبان ينشدونس موافقه على غانم ؟
ساكته ومدنقه
سعيد :أمي تقول أنس موافقه
ساكته
محمد واقف ورا أمل : قرب وهمس لها تكلمي تكفين خلينا نخلص مدة يدها ومسكت كفه كأنها تدور سند من لحمها ودمها
سعيد انتبه لـ مسكتها لـ يد ولد أخوه حس بحزن انا جنبها ماحسستها بالأمان لكن استاهل اللي سويته مهوب شوي
لو تدرين يا أمل وش صار معي ؟
محمد : يعني موافقه
ضغطت على يده
سعيد : أمل ردي الشيبان يبون رد مهوب سكوت
طلع صوتها بهمس
:موافقه
يباركون لها الشيبان مقدما
الشيبه حمد والله لو خلوها ملكة مره وحده كان ابرك دامنا مجتمعين
سعيد وهم ظاهرين ولا يصير خاطرك إلا طيب أن كان به شيخ فاضي ذا اللحين ملكنهم
أمل شبه طاحت على الكنبه
لا لا قلت موافقه بس مهوب الملكة اليوم
الـ د. ناديه بترد علي بكره ولا بعده انتظروا شوي
يطلعون لها البنات اللي تغني واللي ترقص من الفرحه
نجول : ياعيني عمي بيطلّع شيخ من تحت الأرض عشان ذا الزين يكون له من اليوم
:
:
~~ في الحوش ~~
يوقف سعيد عقب مادقت عليه شيما وكمل محمد مع الشيبان للمجلس
شيما : سعيد تكفى أمك فرحانه لا تكسرون فرحتها أنت وعوجان
والله ماتتخيل فرحتها لما قلت لها أن سعيد موافق ولو عارض عوجان بيتصرف
سعيد في خاطره ماتدرين أني وقفت كأني طوفه ولا قلت كلمه
: على خير أن شاء الله الشيبان خذوا الموافقه وودهم ان الملكة تتم ذا الليل دام الكل موجود
فرحت شيما انه جاب طري الملكة وسهل عليها المهمه: احم زين سعيد ترى علوي ولدك مطرشه سلطان يجب الشيخ
تكفى لاتفشهلم وتصرف مع عوجان أنت اخوه تقدر تتكلم لكنهم عياله بيفشلهم قدام الرياجيل
سعيد وسط ذهول وتعجب مع ابتسامة كيف العيال طلعوا أخير من ابوانهم
: زين الله يكتب اللي فيه الخير بس وصلي لـ أمي عوجان ماراح يعديها إلا إذا لحسته بمبلغ عدل
شيما بـ ضيقه : لا تحاتي عمتي معطه سلطان القرين لايت أي مبلغ يعطيه أياه لو عصلق ودفتر الشيكات في جيب سلطان
يشوف ساعته الآذان ماعاد عليه الا دقيقتين
زين بـ نروح نصلي ذا اللحين والله الله في العشاء شوفي الطباخ وش سوى لا تتكلين على مريم
لا تحاتي كل شي جاهز وسلطان ماقصر موصي الطباخ
وأمل كانت تشرف تحسبة لربعة في العزبة
:
:
يدخل سعيد المجلس ووسط ذهول عوجان وفرح باقي الحضور
أصر سعيد ان الجماعه مايروحون اليوم إلا متملكين
والشيخ واحد من العيال راح يجيبه
وعقب الصلاة بيكون حاضر
الكل يثني على سعيد
وغانم عيونه تبرق ببريق سعاده هو مستنكرها من نفسه إلى هذه الدرجة تعلقت فيها يا غانم
يطرش مسج
" نجول إن كان لعمس غلا دبري لي صورة لـ أمل
الملكة بتتم ان شاء الله عقب الصلاة يعني بتكون حرمنا وحقي أشوفها فما دام مابه شوف أبي صورة
ومايحتاج أقول خلي الموضوع بينا "
:
:
~~ طريق المسجد ~~
:
عوجان يتقاصر عن صف الشيبان ويمشي جنب سلطان :هين يالهيس متعاون معهم علي سنعك بعدين أجل تبي تتمم الملكة ذا الليل زين بس تراني بطلب مهرها نص مليون وخل عريس الغفلة يدفعه ولا يفارق
سلطان بستنكار بهمس غاضب وبحده:
وش؟ ليه يبه هي بضاعه ؟
عوجان بتهكم : هه أجل أدفعها من جيبك أنت ولا العجوز
أبي 3 ملايين
عوجان ابتعد عن سلطان وهو يبتسم بخبث
:
فهد منتبه لتعابير وجه سلطان الضايق
طرش له مسج
" وش فيك ؟ وش عنده عوجان ؟ "
يرد عليه
" لا تحاتي موضوع تافه وحله عندي "
:
:
سلطان علم عمه بكلام أبوه واتفقوا وطرش سلطان لـ أبوه مسج بناءً على اتفاقه مع عمه
" كتبت لك شيك بـ 3ملايين وبعطيه عمي سعيد كطرف ثالث يضمنك ويضمني
اول ماتتم الملكة بسلام يعطيك أياه
يبتسم عوجان ويمسح لحيته هه ضربنا 3 عصافير بحصاه
تخلصنا من شيبة النخره وبنعطيه فلوسه ونفتك من حنته كل يوم
وبنفتك من العلة امل وفوقها 3 ملايين لا 2,5لأن النص بيروح للعه شويمي آه ليتني طالب أكثر
يا الله فيها بركه
:
:
~~ المقعد ~~
:
نجول بعد ماصلت تلف على موضي وبهمس موضي تكفين بطلب طلب صغنون هالكبر وتأشر بأصبعها ولاترديني
موضي بضحك : يوه مايكفي بنعطيكم أمل بعد فوقها طلبات
لا مافيه لا صغير ولا كبير واجد عليكم أمل
نجول تضحك وتقرب من أذنها : موضي عمي يبي صورة لـ أمل تكفين دبريها
موضي تشهق : والله عمس مهوب هين يختي ليه ماقلتي لي قبل اللحين منين اجيب لس
نجول بنظرات ترجي : تكفين دبريها
موضي شوفي اليوم ما أقدر يختي امل تحت ولو بروح فوق بيكون معها وبيت عوجان ما اقدر أمشي على راحتي فيه
بكره مريني البيت مع عمس الكريم وأعطيس الصورة اللي تبين
نجول تمط شفتها بتفكير: يعني مافيه أمل اليوم
تأشر موضي برأسها لا
وضحه و نوير ومعهم شيما يدخلون
أمل البسي عباتس الشيخ بيدخل يبي يسمع موافقتس
موضي ونجول انخشوا في الحمام وتماضر طلعت عند جدتها في الخيمه
بعد ماخذا الشيخ موافقتها طلع هو وسلطان وامل راحت في نوبة بكاء مرير واللي يركز يلقاه بكاء خوف
بل رعب من شيء قادم
نوير باركت لها وطلعت الخيمه
وضحه اللي عاصرت حالتها الأولى
ضامتها
:أمل أصابع يدس مهيب وحده والرياجيل أصناف وأنواع مثل النسوان
والله ان عمير يشكر فيه
أمل من وسط شهقاتها وبصوت مكتوم : وضحه انا خايفه
وضحه : تدرين حلو انك تخاف بس مهوب الخوف اللي يخليك محلك سر لا الخوف اللي يخليك تحرص انك تنجح وانتي خير من يعرف ذا الشي
أمل :زين ليه ماتزوج للحين وهو عمره قريب من الأربعين
وضحه بحكمه : زين خلينا نسألس أنتي هو ممكن يقول زين وعقل ليه تطلقت والكل يمدح اللي كانت عنده؟ جاوبي
سكتت أمل
وضحه وهي تقوم : شفتي كلٍ منا عنده أسبابه يمكن الناس ماتقتنع بها بس تضل أسباب خاصه ومش لازم تكون أسباب نخاف نظهرها للناس لا ممكن تكون شرف لنا أن الناس تدري بها بس قناعاتنا ان الناس مالها شغل ولا لها الحق في معرفة كل شي
ومهما قلتي لهم يضلون يبحثون حتى وراء الأسباب اللي قلتيها وممكن يكذبونها او يقلبونها
اللحين أنتي مقبلة على حياة جديده فـ أبديها صح من دون تأثير لأي ماضي
وتطلع وضحه وأمل مازالت تكتم العبرات
تطلع موضي ونجول
موضي بتأفف : اللحين ليه ماناديتينا يوم طلعوا
نجول بـ فرحه : مبـــــــروك عليس عمي الوسيم الحنون
:
:
~~ المجلس ~~
:
الشيخ يسجل البيانات يلف لـ غانم البنت شرطت شغلها موافق
غانم : نعم موافق وفي خاطره لو تبي غيره بعد حاضرين
الشيخ :والصداق " المهر " وقبل لا يتكلم عوجان
سبقه سعيد : ريال ياشيخ حنى نشتري رجال
يحلف خالد بن راشد ان المهر200 ألف ريال رد على طيب فعل سعيد
علي فرحان بكلام أبوه وسلطان ومحمد أكثر فرح أن عمهم أنقذ الموقف لأن عوجان ماينضمن ممكن يخربها رغم الأتفاق
ياخذ محمد الدفتر وينقز فهد جنبه تكفى اخاويك أبي أبارك لـ توأمي الرضاعي
محمد وهو فرحان: يا أخي أنتوا مشاركينا فيها الله يعين
خلني أعلمهم عشان يطسن البنات اللي عندها
~~ المقعد ~~
:
شيما تدخل على أمل تبارك لهابفرحة أخت محبة
: ياعروستنا ياقلبي محمد وفهد جايين لس بالدفتر
ارتعشت أمل
موضي ونجول بـتأفف يوه انكتمنا من الحمام كل شوي داخلينه
~~ الحمام~~
نجول وموضي مسكرين الليت
موضي يختي خايفه لاتطلع سكون
نجول : اشش خليني أشوف واسمع
نجول اول ما سمعت الصوت
انتفضت وتحاول تعدل من وضعها عند الباب تبي تشوف شكله
هو والله هو
معقوله
~~ عند أمل ~~
:
:
فهد : السلام على احلى عروس في قطر
مبروك
محمد يمد الـ دفتر
يحب رأسها ألف مبروك ياعمه
والله البيت بيفقد نوره
وبيزيد نور بيت غانم
امل تبتسم رغم دموعها
يضمها فهد
ويدزه محمد بشويش يضمها الثاني
وهذا زادها بكاء
يطلعون
لتخرج لها اثنتان واحده متأففه والحقيقه انها مقهورة ليه مادخل مثل اخوه كان ودي اقهره لو جاء
أجل انا دبه يالنخله
والثانيه
مسحورة وترجف من وقع المفاجأة
كيف لنا ان نلتقي مرة اخرى وهنا
أيعقل أن .....
تنفض رأسها وتنتبه على هز موضي لكتفها: نجول ماباركتي عقب التوقيع اللحين خلاص صارت حرم عمكم غانم رسمي
وبعدها يدخل هجوم من العجايز وتماضر اللي نطت تضم عمتها
وبعدها دخلت نورة بنت عوجان وكلها خجل ان الناس في بيتهم وهي كأنها ضيفه وبنت عمها صاحبة البيت
ولكنها باركت وعاودت الخروج
:
:
~~ غرفة سلطان الساعه 11~~
يحذف غترته على الأرض ويقط نفسه على السرير بتعب
الحمدلله عــدة الليلة على خير تلفت أعصابي
يضحك وهو يتذكر بعد ماخلا المجلس
:
عوجان :يا الله وين الشيك
عوجان يقراه مبتسم لكن تنقلب البسمه لغضب لدرجة انه مد يده لرقبة سلطان
: وش ذا المكتوب أنا قلت 3 ملايين وأنت كاتب نص مليون
سعيد يفك رقبة سلطان من أبوه ويساعده محمد وعلي بن سعيد
سعيد : عوجان انت مشكلتك مع شويمي اللي كنت بتزوجها أياه 500ألف وهذه توفرت
عوجان يطلع وهو يتحلف في سلطان وأمل ,,,,الخ
سعيد يلف لـ العيال ماعليكم منه ماعنده إلا الحكي
بيضا الله وجيهكم ياعيال :
:
يردد الحمدلله عدة وعمي كنه رجع لعقلة
ذكر عمه رجّع لباله أحلى شي صار له اليوم
يسحب المخده يضمها
آآآآآه وين اللي اليوم كانت بين أيديني ههههه والله كنه فيلم هندي زين ماتدربينا على الدرج
دوختيني ياتوته
الله يكتبس من نصيبي
ينام من التعب وذكرى حبيبته الصغيره
وصورتها بين يديه تداعب جفونه بنعمومة كنعومتها
:
:
~~ اليوم الثاني ~~
نجول مرة موضي وخذت منها صورة لـ أمل طبعاً من دون علم أمل
غانم نزل نجول وتعذر انه بيبدل وبيطلع
نجول في نفسها تبتسم لـ فرح عمها تدري أنه ماعنده شي بس يبي يستفرد بالصورة
~~غانم~~
طول الطريق من بيت ابو سعد والبيت
ميت يبي يشوفها لكن يصبر نفسه مايبي أحد يشاركه اللحظه حتى نجول ولا حتى الهوى إللي بالشارع
هذا شعوره نحو صورتها
فكيف سيكون لشخصها لو عاش معها؟
قاعد على السرير يفتح الظرف بحذر وكأنه بيطلع خريطة الكنز وخايف تتضرر
مصعوق
ماسك الصورة بـ أيديه الثنتين وكأنه حاضن أمل بحضن كفيه لصورتها
معقولة وش ذا البنت
عيونها رغم انها مهيب كبيرة لكن فيها بريق عجيب
ابتسامتها
خشمها الدقيق
نحرها
ينتبه للبسها
فستان ناعم أزرق مايل للكحلي مزموم عند الصدر يتوسط فتحة الصدر وردة من كريستال (سوارفسكي ) بنفسجي
شعرها مفكوك معمول غجري بسيط مرفوع على جانب وجهها بوردة بنفسجيه
عقب ما فاق من سكرة منظر أمل في الصورة
ماعادني بمخليها تلبس كذا في المناسبات
ولا تلبس عباة احسن وأستر
وبدأ تفكير آخر يشعل في جوفه ناراً
معقولة كل ذا الزين
والعلوم الزينه عن اخلاقها
ولا أعرست عقب عايض !!!
لا يكون كانت ترفض لأن عاد له معزة عندها ؟
وبدت الغيرة من ماضي أمل تنهش في روحه
يردد لنفسه
خلاااااص هي لي أنا بروحي وبس
ومنها يقرر قرار وبناء عليه ينزل لـ
:
:
قـــــراءة ممتعة
:
توقعاتكم ياحبايب
:
:
ودعتكم الرحمن
التعديل الأخير تم بواسطة فراشة الوادي ; 04-06-09 الساعة 12:08 PM
سبب آخر: تعديل بطلب من الكاتبة
|
04-06-09, 10:06 AM
جديد مواضيع قسم الارشيف
العرض العادي
