السلام عليكم ..
يا مرحبا بالوريقات وكاتبة الوريقات
اشتقت والله للقصة وعربانها والرد عليها والتعليق على كل شخصية فيها ..
ان شاء الله تكون اخر الغيبات للوريقات ياابلة ادري انه ردي متاخر ومتاخر وايد بس عاد انتي تعرفين الظروف وانشغالي الفترة الي طافت الله لا يشغلنا الا بطاعته ..
نيي عاد لربعنا وعلومهم ..







فهد
اجديت ياابن ناصر والله انك قدها وقدود يالذيب قدرت تنفذ الي بالك وتخلي تركي يخطب امل .. اعتقد انت الي خبرت نايف وقلت له عشان يساعد وتحطون تركي امام الامر الواقع .. وغير سالفه امل والملف الي موجود عند غانم وتوصيل له معلومات عن شخصيه راعيه الملف بدون ما يحس هالشي يدل على ذكائك وانك ما كان هدفك نشر القصايد والاشعراء .. وسالفه صدقيه الي طلع فجاءة بالاحداث هل علاقتك فيه مجرد صداقه ولا فيه سر ثاني مخفي للحينه ومن هي هالشوق معقوله تكون انسانه انت حبيتها وما كان لك فيها نصيب ولا فيه سبب ثاني وقصة غير ..؟؟؟؟








عايض ..
كل موافقك وتصرافتك تدل لى رجولة وشهامة قليل تنوجد في هالزمان واتوقع الا متاكده لولا الي صار لك وفترة الادمان الي ضيعت منك امل كان انت الحينه احسن ما يكون .. دائما الانسان لما يخطأ حتى لو يكون هو ما له ذنب بالخطأ هذا وغصب عنه .. ياثر عليه وعلى حياته وعلى نضرة الناس له حتى لو صلح الخطأ ورجع مثل ما كان واحسن ويمكن هالشي كان ظلم لك انت وبنظرة الكل لك وخوفهم من زواجك باي بنت ثانيه من بناتهم وانك تدمر حياتها ومستقبلها وما تكون لها زوج يحافظ عليها .. مثل الي صار ويا امل والي حصل لها من بعد ما طلقتها وهي الي كنت تحبها .. بس هذا الحب هل كان بعد الزواج ولا قبله لان كلام نايف عن حبك لها يدل على انه هالحب قبل لا تتزوج امل حتى .. وخصوصا وانت عايف كل الحريم من بعدها ولا فيه اي انسانه بنظرك تملئ او تاخذ مكانها في قلبك او حياتك .









موضي ..
اخيرا صرتي حرم تركي بن ناصر الف مبرروك عليج تركي بن ناصر .. والله يعينج على الحرب الضرووس الي بتصير بينكم انتي على جرحج منه ومن الكلام الي سمعيته وهو على كبريائه وعزة نفسه من الي صار من سنين ومنو فيكم الي راح ينتصر بالمعركه ولا بيكون فيه تعادل ههههههههههههه ..
بس حزنت وتاثرت وانتي تتذكرين كيف حياتج قبل وفاة امج وبعد وكيف كنتوا اسرة سعيده ما تفكر في بكره .. صدق الزمن له احكام والقدر خير وشره مكتوب على الانسان ولابد انه يشوفه .. يمكن موت اعز اثنين عندج وبعد الحياة الي عشتيها والوحده يكون زواجج من تركي تعويض لج وراحه وسعادة عقب حزن وهموم سنين بدون محد يشاركج فيها .. يمكن بالبدايه حياتكم تحسين بالكره ناحيته وانه انسان ما يستحق اي حب منج لانه ما راعى مشاعرج ورفض انه يتزوجج عشانج بنت تركيه .. بس الاكيد بتسامحينه بعد ما تعرفين الاسباب الي خلته يقول هالكلام بدون ما يقصد بمعناه .. والاهم من هذا انه حب متكمن بقلبج من سنين من ايام الطفوله يالكورة خلي النخله يعرف من هي موضي وشوه بتسوي بحاله عقب ما يشوفج .









تركي
واخيرا عرفنا السر الي يخليك ترفض موضي .. والسبب الي يمنعك حتى من انها تمر في بالك وهالشي سببه كبريائك واحساسك انك انظلمت من سعد ومن موفقفه منك المهاجم بدون ما يعرف الحقيقة .. وانه الحمار خليفه هو اساس البلا والمصايب هل راح تقدر تنسى الي صار في الماضي والموقف الي كان سبب خلافك مع سعد والزعل الي بينكم وهل سعد عرف الحقيقة مثل ما نايف كان يهرفها وانك ما قلت حرف من الي قاله خليفه ولا اهنت موضي ولا نزلت من قدرها ..؟؟؟ ولا توفى وهو جاهل في الموضوع ولا عرف الصدق ...؟؟؟
والحب الي تكنه لموضي والي مخفيه كل هالسنين ومحد يعرفه فيه الا المقربين منك ويعرفونك ويعرفون حجم غلا موضي بقلبك وهي شوه تعني لك .. هل راح تبقة مكابر عن هالمشاعر ومخفيها عقب ما صارت موضي زوجتك وامر واقع عليك ولا بيي يوم وبتظهرها بعد ما تشوف موضي المرأة موب الطفله الي كنت تلاعبها ..؟؟؟؟








امل ..
الله يعطيج على قد نيتج ياامل انتي مثل الشمعه الي تضوي على خير وتحرق نفسها .. سبحان الله على كثر اهمومج وحزنج الي عايشته الا انج مأثره غير على نفسج وتعطي بدون انتظار مقابل وتنشرين الفرح والبسمه لمن هم حولج بالوقت الي انتي تتعذبين فيه ومحد حاس فيج .. متى ايي اليوم الي بيون لج فرج من اخوج الحمار عوجان وزوجته الكريهه الي مثل الشيطان توسوس بالشر وتحرض عليج اخوج الي لمفروض يكون لج العون .. هل كرهه لج له سبب وهل معقول يكون السبب علي الي للحينه ما عرفنا وينه مختفي ولا ممكن يكون ميت واذا واحد من هالاثنين شوه سبب هالاختفاء اذا كان موجود هل معقوله يكون مسافر ولا مريض .. واذا ان متوفي سوه سبب الوفاة معقوله يكون حادث ولا سبب يعتقد عوجان انتي الي وراه وهذا الي مخليه يكرهج ويعاملج هالمعامله القاسيه ...؟؟؟؟؟







الفتان نصوور ..
محلاتك يالفتاان ارجع واقول انت ملح القصة وانت الي محليها بسوالفك وشقاوتك وتفتينك الي طايح فيه بين هذا وذاك ههههههههههههههه .. بس ما اقوول الله يعين العرب عليك يااافتان .








غــــــانم
ياامرحبا بطل القصة وبس والبااقي كــــــله كومباارس هههههههههههههه .. يا مرحبا بغنووم فروووحه اخيرا كحلت عيوني بشووفتك ياااا بطل القصة كلها وبس والبااقي كـــــــومبارس هههههههههههههههههه .
اخيرا يااغنومي انفكت العقدة وطلبت انهم يخطبون لك وتتزوج والاحلى من هذا الي بغيتها امل ونعم الاختيار ويمكن ربي حطها في بالك عشان تكون انت لها تعويض عن حياتها وتكون هي لك والزوجة الي تكون تعويض بعد .. لان انتم الاثنين عشتوا بحرمان وحزن وحده وكلن محتاج الانسان الي يحتويه وينسيه ايامه الماضيه .. بس ان شاء الله تتم الخطبة على خير وما يعترض لها عوجان وهو الي يرفض مو امل .. بس اتوقع انك بتتمسك فيها وتحاول انها تكون من نصيبك حتى لو تسوي شي يخلي عوجان يوافق مثل انك تحاول تضغط عليه او تقدم له مقابل موافقته .. اتمنى ان هالزواجة تتم بخير وباسرع وقت لانه حياة امل وسعادتها بيدك يااغانم وانتي الانسان الي يستحق امل وهي تستحقه .




امل مجرووح ,,, ابدعتي يالغلا بكل حرف بكل كلمه في كل وريقه اسلوب رائع وطريقه مميزة بحداث ولا حوار وسرد وافكار .. وخصوصا انتقال الابطار للماضي وبرجوع بفكرهم للحاضر بالاسلوب هذا اضفتي شي مميز وعامل تشويق للقصة واحداثها ولتفعالنا وشوقنا لمعرفه الياي من احداث .. اجديتي يالغلا وسلمت انامل خطت شي يمتع كل من تابعه ..
بنتظارج بكل شوق ولهفة وبنتظار المزيد من الابداع الي باذن الله متواصل وغير منقطع .


فــــــــــــهد بن نااصر تصاادر وصاار من املاااك فرووحه وبس
وهذا صك الملكيه ههههههههههههههه

الى سيري وبارك الله حياتك بكل خير وطيب


قووووووووووهييييييييييييد