~~ غرفة أمـــل ~~
لابسه نظارة للـقراءة لحـفظ النظر فقد بداء بالتأثر لـكثرة انكبابها على قرأة كل مايقع في يدها
فهي قارئة نهمه
ممسكة بكتاب صغير الحجم
ولكنه
يحمل معاني ربانيه ثمينة
حتى تكون أسعد الناس << لـ عايض القرني
في لحظتها يصلها
مسج من فهد
بشرى ساره
تركي يفكر بالزواج
تتنهد كنت اتمنى لك موضي
الله يعوضها خير ويوفقك يا أخوي
لـ ترحل في دينا ذكريات
فلاش أول ذكرى
تركي جاي من لندن في اجازة الكرسمس
أعطى الكل هداياه إلا أمــل
موضي قاعدة تلاعب الجازي بنت وضحه وملتهيه عنهم
تركي يمد كيسه لـ أمل : أمل هذا لس ولـ ويأشر بعينه لـ موضي
تضمه أمل لبى قلبك ياحنون زين انك مانسيتها
تركي بنظره غامضه وشبه حزينه : وأنــا أقدر أنساها
فلاش آخــر
موضي ناجحة بتفوق في الثانوية الــعامه
الكل فرحان لـها
تركي
يتصل بـ أمـــــل
: وينس في البيت ولا طالعه
أمــل: لا ياعيوني بطلع بعد أشوي مع علي
تركي : وين بتروحين ؟
أمـل: بروح أشتري لـ موضي هديه
تركي بنبرة تبين فرحته ..: لا لا أنا أللي بوديس وقولي لـ أبو عوجان يستريح يكفي أنس مشقيته معس كل يوم
أمــل وهي تشوف علي بن عوجان
: علوي ياعيوني تركي بيوديني
علي يغمز لها : وش عنده أبو ناصر شكله يبي يشتري هو الهديه
رغم أن علي كان يمزح وما كان يعني شيئ
إلا انه كمن أيقظ أمل ونبهها لـ اهتمام تركي لـ موضي وأن اوحى لها بأنه يساعدها في مجاملة بنت الخال
وهداياه لـ عدم أدخال حزن في نفسها أنها منسيه
لكن من هنا بـدء بحث أمل ومراقبتها لـ تصرفات تركي التي يحاول أن يضبطها
فلاش آخــر
آخــر الليل ســـــهرانه مع تـــوأمها الروحي
تلعب كـــيرم
وهواش مع علي الغشاش
يدخل عوجان
يهاوش علي : وش فيكم تالي ذا الليل ؟
أمـــل تستغل الفرصة وتقوم تتمسكن : عوجان شفه يغش وهو شارط أذا فاز يتأمر علي
عــوجان : ولا يهمس بكسر خشمه ذا اللحين وبفوز عليه
:
آآآآآآآآآآآآآآآآآآآآه يا علي من عقبك أنقلب حــــال عوجان
والله ما أدري هو انقلب ولا هو كذا وبان على حقيقته
تتعوذ من الشيطان
اطرش مسج لـ تركي
الله يوفك مع اللي اخترتها
رغم اني كنت اتمنى لك موضي
" لا تنسى تستخير "
تقوم تتوضىء تصلي قيامها
وتدعي لكل الأحبه الأحياء منهم والأمــوات
~~ غــرفة فهد ~~
منسدح على الـسرير
يتابع فيلم أجنبي
يجيه مسج من خويه ماجد أدخل الــمسن ياقحطه بكلمك مكاملة فيديو
يتصل فيه وهويضحك :...ههههههههه مرحبا بشحيفان القطو
:...........
فهد :عجزان أقوم من مكاني وش عندك ؟
يسمع صوت بنت وصوت ماجد وهو يصرخ بـ انقلعي أنت وهي فضحتوني بالرجال
ماجد : السموحه ياخوك ,
فهد : ولا يهمك يارجال ماسمعت شي
المهم وش عندك ولا مزاجك اخترب ؟
بعد حديث مطول عن أمور عدة تنتهي المكالمة
ولكن ذهن فهد رفض إنهاء الذكرى التي خرجت من عمق تلك المكالمة
فصوت شوق الضاحك كيف ينساه !!؟
:
:
~~ غرفة تركي ~~
مـــازال في عالم الذكريات يـ نبهه صوت رنين المسج من أمل
يتنهد : ما تدرين انها موضي
هههههه
يرجع لمشاهدة فيلمه الخاص وكأنه لا يريد الواقع
أو يريد شيئاً يثنيه عن عزمه , عن قراره
أمـل تاخذ الــ جرايد من غرفة تركي
ترجع له بعد دقايق وبيدها ورقه
تحطها قدامه على المكتب : تركي وش هذا ؟
يرفع عينه للورقه وبصدمه لكنه يتمالك نفسه وبكل برود: وش ذا الورقه؟
أمل اطالعه بنص عين : اقول يا أخوي الحبيب اعترف وخلصنا
تركي يتملص من الموضوع : وش اعترف به انتي الثانيه روحي الله يهديس كملي شغلس مع أمي
وجيبي الورقه يمكنها لـ خويي بنته اسمها موضي
امل سافهته وتقراها بصوت :
ماكل من يكتب بحبر وقرطآس
يوصف شعوري يوم أكتب خصآلك
وماظنتي وصفك معالناس ينقاس
وماظنتي هالكون ينجب مثآلك
إنت ذهب . إنت زمردوألمآس
وإنت القمر .. والكل يبغى وصآلك
يامعربة جدين ! حآكم وقرنآس
أنا أشهد إن الله كمّّل جمآلك
محظوظة البختينمن بد هالنآس
صلاح الدين وزين عآشق دلآلك
ماأحب أخفي إسمها يرفع الرآس
موضي ياعسى كل العذآرى فدآلك
تلتفت له أمل : هذا قصيد واحد في بنته
ألعب على غيري تغمز له وببتسامه
لكن لا تخاف سرك في بير
:
يغفو وعلى ثغره ابتسامه
:
:
:
::؛:: يوم جديد يحمل بــوادر فرح ::؛::
~~ الـعصر " المسيان "~~
~~ مقعد الـ عجايز ام راشد وأم خالد ~~
أم راشد تسبح بمسباحها
وأم خالد تستغفر وتلهج بدعاء لـ عيالها
وتترقب عودة غانم لـ تجس نبضه ناحية الـ زواج
لـ تبدء خطوتها التالية فإن كان مايزال يعاني شيئًا من ذالك السحر لا بـد من أظهار المخفي لـ معالجة مايمكن علاجه
وأن استجاب فالشكر لله وليس هناك حاجة لـ إعلامهم بشيء قد انتهى ليس بجهد منهم بل بتوفيق من الله
يقطع تفكيرها دخول غانم
:
:
غانم جالس جنب العجوز ام راشد
أللي سولفوا معه أول ما دخل وتقهووا وعقب كلن لهى منهم من عاد لـ التفكير ومنهم من عاد لـ التسبيح
أم خالد تفكر بطريقة لـ فتح الموضوع ..
مابه إلا نفتح موضوع خطبة راشد لـ السوري
غانم في نفسه
كيف أفتح الموضوع والله اني مستحي عقب ذا العمر أقول لهم أبي أعرس وأنا أللي كل ماقالوا لي ضقت وزعلت
اللحين أقول أبي أعرس
وش الــسواة يعني يوم اني ما أبي العرس كل شوي ناطات ذا العجايز أعرس وأعرس وليه ماتعرس واللحين يوم اني أبي العرس ساكتات ولا يطرون العرس
يفرك عارضه المرتب وزايد وسامته بتفكير
وش السواة كيف أخليهم يفاتحوني
تلمع عينه بفرح ..مابه إلا موضوع راشد وسارا
يقطع تفكير الأثنين صوت ام راشد "
أقول يا غانم وش رايك نخطب لكـ ماتبي تفرحني وأنا أمك؟
ام خالد في حالة ترقب لـ ردة فعل غانم
غانم في خاطرة وده يقوم يحب رأس جدته
غانم محرج وفرح بنفس الوقت : ومن بتخطبين لي ؟
أم راشد بفرحه أنه أستجاب : بخطب لكـ أللي ما مثلها أحد
أم خالد قلبها يرقص فرح : تبي أحد ؟ أشر بس أنت .
غانم ببتسامة فرح : لا أول علمنّي من اخترتن لي ؟
أم خالد ترمي أسماء أمامه فهي لم تختار وان كانت ترى ان غانم لا يستحق إلا الأفضل : منى بنت ولد عمك اللي بالجامعه مزيونه وعاقله
غانم عقد حواجبه ..:لا يمه وش ذا بزر ما أبيها
أم خالد في نفسها حلو أول مرة يستجيب كذا: زين
سلمى بنت خالك
غانم بضيق في نفسه ليه ذا المره ما طريتوا أمل :
يمه خوالي على العين والرأس بس سلمى ما أبيها
ويكمل في نفسه :جرئية ومافيها حيا , من تدري أني جاي أسلم على خالي تدخل يابلفيت انها ماتدري ,الله يوفقها مع غيري
:
ينتبه من تفكيره على صوت الجدة
أم راشد بفرح : اخترت لك أمل بنت علي
غانم وده يقوم يرقص من الفرحة
لكن قطع ذا الفرحة
أم خالد : لا يمه أمل مطلقه وغانم يستاهل أللي أحسن منها
غانم ضاق وانطفت الفرحة في عينه وبصوت هادئ لكن فيه نبرة عتب شديدة : يمه ليه تقولين كذا مهوب أنتي قلتي أختار اللي أبي واهم شي أني أعرس .
وأمل إللي صدعتوا رأسي بمدحكم لها من أسابيع, ويوم قلت أللحين أبيها تقولين لا !
أم راشد تهاوش ام خالد وبصوت غاضب : يعني ذا اللـــحــين يوم فرحنا انه وافق يعرس تعيين
مافيه بتوفقين وبتخطبين امل سمعتي يانجلاء
ولا لا
أم خالد اعترضت لترى ردة فعل غانم هل كان يجاريهن ثم سيرفض بحجة أن ولا واحدة تناسبه أم انه جاد
أم خالد : أبشري انت وهو
يقوم غانم يحب رأس الثنتين
: زين متى بتروحن للنسوان
ام خالد : خلها على نهاية ذا الأسبوع بروح أنا وجدتك وأختك جملة
يسمع صوت آذان المغرب
لـ يقوم الكل لـ إجابته
:
:
~~عقب المغرب ~~
~~ مجلس أبــو سعد ~~
أبو سعد ..: والله يا أبو فالح مانيب لا قي لـ موضي أخير من تركي
ولو هي ذبيحه ماعشتكم لـ كن عطني يومين أشاور البنت وأرد عليك << ماحب يعطي الموافقه على طول ولو انه موافق .
نــايف مايبي الموضوع يطول ويعود خليفه قبل مايتم الموضوع
: يبه تركي مهوب غريب ننشد منه وأختي موضي موجوده
خلنا نأخذ رأيها ذا اللحين وخير البر عاجله
يأيد كلامه أبو نايف
أبـو فالح يمسك يد أبو سعد اللي يبي يقوم داخل " ينشد موضي ظاهريا ": والله ماتقوم وخل البنت تفكر على راحتها وبدال اليومين أسبوعين
نايف استصاب خليفه بيعود عقب أسبوعين لازم اخلي عمي يرد بكره وياليت الملكه تتم بكره بعد
الله يعدي الموضوع على خير
ودخلوا الشيبان في سوالف وعلوم الجماعة
فالح وفهد استئذنوا عقب الخطبة
نايف وتركي على جنب
نايف ..: تركي يا خوك موضي أمانه لا تهينها وتظلمها
تركي بنظره غامضه : للحين ماتم شي لا تأمنّي شيٍٍ مهوب لـي
نايف بثقه : ماأمنتك إلا أني داري أنها لكـ بعون الله
:
:
~~ بعد يومين ~~
تمت الموافقه واتفقوا أن الملكة تتم غداً " المصادف ليوم الاربعاء"
مازال الموضوع متكتم عليه بطلب من نايف
لا يعلم بالخطبه من النساء سو أم فالح وخزنه
:
:
~~ الملكة ~~
نايف يتصل بـ خزنه : تعالوا المقعد الشيخ يبي يأخذ موافقة موضي
:
:
موضي ترجف والحزن متملكها ..في أجمل يوم للبنت
فاقده الأم حتى لو حاوطتها خزنه بأهتمام الاخت الكبرى إلا أن في النفس غصه
نايف الأخ ولكن سعد بتكون فرحته فيني غير
الشيخ: يا موضي بنت عبدالله .....
ماتسمع من كلام الشيخ شي الخوف والحزن صموا أذانها
آآآه ياحسافه لـ يتني ماحذفت نفسي في نصيب ما أدري وشهو قايل
انتبهت من رجفتها وتفكيرها على نغزة خزنه بمعنى ردي على الشيخ
فردت دون تفكير : موافقة
يمد لها نايف الدفتر ....بعد ما وقعت
نايف ..: مبروك يا موضي
والله يوفقس مع تركي
اسمعي يا موضي لا يضيمس تركي وتقولين مالي سند انا أخوس
وسندس
في أي وقت لا اعتزتيني رني لي رنة وتلقيني حاضر عندس
سمعتي
موضي من وسط صدمتها وخوفها يكون هو تركي نفسه
بصوت مخنوق من العبره وامتنان لـ نايف : جعلني ما أذوق حزنك ياخوي
يروح نايف وتلف موضي على خزنه : خزنه وش اسم المعرس؟ وتنتظر الأجابه بكل خوف يكون أللي في بالها
خزنه تضمها : ألف ألف مبروك ..
ههههههه فيه وحده ماتعرف أسم رجلّها يا ألعياره
رجلس هو ..ولد عمتس جوزه تركي بن ناصر
هنا ما استحملت سيقانها تشيلها انهارت على اقرب كرسي
: لا لا ما أبيه تكفين خزنة قولي لهم ما أبيه
خزنة بروعة : موضي وش فيس ؟ هو لعب بزران توس موقعه وش تبين الناس يقولون !!
ولا وش تبين يصير في عمي عبدالله؟
منتيب صاحيه!!!!
خلاص قدس مرته
تقعد جنبها تضمها : ياحبيبتي عادي هذا خوف العذارى من العرس بس عقب بتشرقين بأسمه ذا اللي تقولين ماتبينه
تدخل عليهم أمل <<أللي جات على أساس انها ملكة موضي ووصاها أبو سعد ماتعلم موضي بأسم المعرس
تفتح الباب وروحها مليانه فرح ان الله جمع موضي وتركي : ألف ألف مبروك عليس تركي
تنصدم من ردة فعل موضي
خزنه وهي طالعه : بروح أشوف العشاء , خليس معها يـ أمل
~~ مجلس أبو سعد ~~
~~ المناسبة عشـاء ملكة تركي ~~
الكل يبارك لـ المعرس
والفرحه تشع من عين أبو سعد
أبو فالح يحس بفرحه لكن فيه ضيق في صدره مايدري وش سببه
عايض وفى بوعده وكان الشاهد الأول
فهد فرحان لـ أخوه وفي خاطره : والله وجابت مكالمتي لنايف فايدة , خلصنا من موضوعك يا تركي
باقي الحبيب الثاني ويلتفت يشوف غانم أللي يعلق على تركي وفرحان له
فهد : هاه ياغانم هذا خويك اعرس متى بتلحقه؟
غانم يبتسم ابتسامة ذات مغزى : قريب أن شاء الله
نايف فرحان أن الموضع انتهى بسلام : مبروك يا أبو ناصر
و يحط يده على كتفه
تركي ..أختي أمانه عندكـ لا مالت علمني أعدل ميلها
تراها ودايع الظفران وفرايس النذلان
وخبري بك أنك ظفر من نسل ظفر
فلا تخيب ظني فيكـ
~~ مقعد الفيلا الداخلي لبيت أبو سعد ~~
موضي منهارة وتبكي ..تحضنها أمـــل
أمــل : اسم الله عليس وش فيس !!!؟
موضي تنتحب وكأن ميت لـها ميت شلال من الـدموع غطى وجهها وفي نفســها
ليــهـ لـيـهـ يــا تــركي ؟
لــمـا؟
تـــــجــرح
وتـــزيد الـــجـرح
ألـــماً
تأتي لتنثرعليه
مـلحـاً
أنزلت مـن عـليائك !؟
لأصـبح لـكـ جــاريةً
لــتهينني
لــتـزيدني
ألـمـاً
لا..لا..
فــ جرح
حـبكـ
يكفيني
ألـماً
:
:
:
تبعد عن حضن أمـل
لتشعر بــقوة غريبه لمواجهة الحياة مع جارحها
فـتتوعد تركي
والله لـ أوريك بنت التركيه وش تقدر تسوي
أن ما خليتك تندم على كل جرح جرحتني أياه.. ما كون موضي
ولكنها تعود فتنتحب
لا تريد حرباً تريد سلاماً وحباً
:
آآآآهـ الله ياخذك ياتركي
الله ياخذك ويفكني منك
في هاللحظه
تسمع طــلق ناري
تنط أمل وموضي في ذات اللحظه
يطلون من دريشة المقعد المطله على الحوش
والـرعب ملك قلوب الثنتين
وعلى ألسنتهم الله يستر الله يستر
~~ في نفس الـوقت ~~
~~ المطابخ الخارجية ~~
نايف يصوت على خزنه
يحطون العشاء
يسمع الطلق الناري يرتعب ويحذف الصينيه أللي في يده ويرفع شليلله ويخب صوب المجالس وفي باله شي واحد
:
:
لكم ودي جميعاً
توقعاتكم ياحبايب
20-05-09, 06:05 PM
الورقه 11
جديد مواضيع قسم الارشيف
العرض العادي
