السلام عليكم ورحمة الله وبركاته
أهداء لكل من مر هنا بين وريقاتي
لكل من سطر حرفاً
فالـ وريقات لن يكون لها روح دون تعليقاتكم التي تهمني
بقدر مايهمكم نزول الورقه
زارا<< تستاهلين ياقلبي الهدية
دفى الكون << أحبك دفو أشعر بحنان يحوطني بمجرد مشاهدت أسمك ينور صفحاتي
نجمة بعيدة << سلمتي غاليتي على مرورك العذب هنا وهناك
جودي1 << تسمين ياقلبي على المرور
النبع الصافي << سلمتي على مرورك العذب
عطر الاماكن << تعطرت صفحاتي من عطر حروفك
النصف الآخر << سلمتي على مرورك ..
هذه الورقه إهداء لكم
~~ الــورقة الـعـاشـ 10 ــرة ~~
~~ أنا أريد وأنت تريد
والله
يفعل مايريد ~~
~~ الـساعة 4 الـعصـر ~~
~~ مجلس أبو سعد ~~
ابوسعد متكي وجنبه ابو نايف وعايض قاعد على يمينه
وسالم مقابلهم ويصب القهوه على خواله وأخوه
سالم يأشر لـ خاله أبو نايف بمعنى تكلم
ابو نايف يمد فنجاله لـ سالم ويلتفت على أبو سعد : اقول يا عبدالله
جايـك انا وعيالك عايض وسالم في حاجه عساك ماتردنا
ابو سعد بأهتمام ..: ابشروا بعزكم
ابو نايف : الله يديم عزك
يا ابو سعد اولدك عايض يبي بنتك موضي
يدخل نايف على ذا الجمله ..: السلام عليكم
ويوجه كلامه لـ عايض :
والله يا عايض أنسبك ينشرى بس سبقك رجال , من يومين .
يدنق على أبوه وعمه يحب خشومهم
ويسلم على سالم و عايض وهم تحت تأثير صدمت كلامه
يقعد على يسار عمه أبو سعد .
وحط يده على ركبة عمه: أسمح لي يبه , اني تعديت عليك ورديت على عايض
بس انا عاد نفسي ولدك وأخو موضي
أبو سعد " يكن لـ نايف معزة خاصة جداً يعتبره البديل عن سعد " يلف عليه ويحط يده على يد نايف :
أي با الله ولدي وأخو موضي
أبو نايف يطالع ولده بشك : مــن الرجال إللي مكلمك ؟ وليه ما كلم عمك وكلمك أنت !!!؟
عايض وسالم في حالة ترقب لـ معرفة من الرجال ؟ ووش ردة فعل خالهم أبو سعد يقدمهم ولا يقدم الرجال عليهم؟
نايف يشرب الفنجال إللي صبه وعينه على عايض وسالم إللي ضاق من تكلم نايف حتى التحفي ماتحفاه
نزل فنجاله بهدوء وبعتب شديد :أفاااا يعني مانيب أخو لـ موضي يحاكوني الرجاجيل عشان يخطبونها
أبو نايف وأبو سعد انطقوا في وقت واحد : إلا أخوها
كمل أبو نايف : بس الرجال ما خطب خطبه رسميه , فـ عايض خطب والحق له
هنا ابتسم سالم والفرحه شعت من عينه
أما عايض فالموضوع ما حرك فيه شي << وفي نفسه عقب أمل كل النسوان عندي سواء
نايف بطولة بال وثــقـــه إن إللي يبيه بيتم : والله يبه أن كانك انت وأبوي عبدالله مانتوب شايفيني كفوا وأن كلمتي للرجال ماتسوى فقدم عايض
بس خلني اتم لك السالفة وعقبها قل رأيك
يأشر له أبوه بمعنى تمها واخـــلـص
نايف يعدل قعدته ينصب رجله اليمين وساند ذراعه عليها : عقب ما عودنا ذاك الليل من المزرعة كلمني تركي بن ناصر
هنا ارتفع ضغط سالم , عايض ضحك في نفسه تركي دايم المنقذ لبنات العايله منه
ماطاف نايف ضيقة سالم بس كمل دون اهتمام له :
يستأذني في إنه يتقدم علي ويخطب بنت عمي فقلت له موضي قدها اخت لي دامها ما حصلت لي مـرة وأللي مثله يخطبونه الرياجيل لـ بناتهم وتواعدنا يجي يخطبها عقب مايعود من رحلته لـ مؤتمر الكويت , فالرجال سافر وهو ضامن أن موضي له ,
تـــكــســر كلمة ولـــدك للرجال ياعـــم !؟
ووالله يايبه اني استخرت إذا أقبل في تركي رجلٍ لـ موضي ولا لا
من غير قصور في عايض .
أبو سعد قاضي سابق في المحاكم الشرعية : مابه خطبه على خطبه عايض جاء وهو مايدري بتركي وتركي كلم نايف وهو مايدري بنية عايض بس تركي تقدم قبله بيومين فوينك يانايف وليه ماعلمتني
نايف اللي مجهـز الـ عذر : يبه تدري اني مناوب لـ يومين وتوني طالع اليوم وجيت أقول لك مابغيت اعلمك بالتيلفون
سالم بغضب مكتوم : يا خال تركي ما خطب لكن عايض خطب خطبه رسميه
يقاطعه
نايف بعتب : أفاااااا ياسالم , يعني منتب عاد كلامه معي خطبه , على الأقل هو قدرني واتصل يشوف خاطري , مهوب أنت و عايض
عايض إللي قطع كلام سالم الضايق حط يده على كتفه : سالم أصبر ياخوك .
ثم لف على الحضور وخص نايف : السموحه منك يانايف , والحق لـكـ ودام تركي مكلمك قبلنا فـخلاص ياخال أنا اخطب لـ تركي ما أخطب عليه
وان الله تممه فجعله مبارك وأنا الشاهد الأول على العقد
أبو نايف بأعجاب برد عايض : الله يبارك فيك وجعل ربي يعوضك عن موضي بخير
عايض في خاطره " عقب أمل مابه عوض مالها في النسوان مثيل ": الله كريم ياخال
يوقف وهو يأشر لـ سالم " الضايق على تركي ونايف وكل الحضور "
بمعنى قم
عايض يحب خشوم خواله ويوجه كلامه لـ أبو سعد إللي مستحي انه ردهم
وذا كلامه عقب حتى ما ردهم
عايض وهو مدنق على أبو سعد : ياخال لا تحشد منا ولا صار إلا الخير وجعل ربي يوفقها مع تركي
أبو سعد بأمتنان : الله يجزاك خير يا عايض ويا أبوك أنا مارديت على تركي للحين فأن كان مابه نصيب له عندنا فأنت المقدم على الغرب
عايض وهو مقفي : على خير يا خال ,, يا الله أكرمك الله
الجميع : حياك الله
أما سالم فطلع بعد سلامه على خـواله بصمت غاضب
:
:
~~ سيارة عايض ~~
يفتح سالم الباب إللي جنب السواق ويسكره بقــــــــوه من حر مافيه
سالم بصراخ : لــــــــــيه استسلمت بسرعة ؟ لـو أنـــــــك أحرجت خوالي والله مــا يـبدون تركي عليك
عايض يحرك الموتر وببرود أعصاب : لـو لي نصيب فيها ما اعترضنا تركي , وأنا أستخرت ومابين لي شي فقلت إذا لي خير فيها بيتيسر الموضوع ودامه ماتيسر أكيد خيره لـها ولي
سالم يـلف عليه ويحرك يده وينتفض من كثر ضيقه : أنت وش مصنوع!! منه وش ذا البرود !!؟ يــــــعــني تركي مـــــــــاحـــلت في عـــــيــــــــنــــه
إلا يـــــــــوم انك خطبتها!!
عايض ساكت يبي أخوه يفرغ ضيقته كلها قبل ياصلون البيت
~~ سيارة نايف ~~
نايف طلع من بيت عمه وهو شايل هم تركي إللي مادرى عن التطورات إللي صارت
فتح تيلفونه طبع مسج وطرشه لـ تركي
وهو يدعي في قلبه أن مخططه يتم وخليفه للحين مسافر
مايبي وجع رأس ومشاكل
خوف على أبوه وعمه أللي ما عادت صحتهم تستحمل
وخوف على موضي ومستقبلها وهي أمانه في رقبته مثلها مثل خواته
وخوف على خليفه الأهوج أللي يفكر بيده وما يفكر بعقله أناني من صغره وما يهمه أحد
أهم شي أللي يبيه
حتى لو خذاه وقطه عقب
كيف آمان على موضي معه ؟!
يرفع نظره لـ فوق وهو يتمتم يارب أنك تسهلها
ينتبه للشارع أللي وصله
كورنيش الدوحه
ضحك وتذكر كيف سعد كان يستمتع بالمشي الفجر هنا
وقف في المواقف توه بينزل إلا
تليفونه يرن بأسم الرضيعه 1
~~ سيارة عايض " الجو المتوتر" ~~
مع دخول السياره للبيت يوقف عايض السياره ويـلف لـ سالم ويحط يده على كف أخوه : يـاخوك لا تنسى ترى تركي أقرب لـها في العصبة صدق أنا وتركي عيال عمتها لـكن أبو تركي ولد عم خالي عبدالله وأبوي مهوب من فخيذتهم يعني هـو أولى بها مني فليه نحرج أنفسنا وهو يقدر يحجرها حتى لو اني خاطب قبله فشلون والرجال مكلم ولد عمها أللي في مكان اخوها ذا اللحين
سالم بتنهيده قويه ويحرك يده بعصبيه :شوف منتب تاني موضي لين يردون على تركي قل لـ أمي تخطب لك من بنات الجماعه
عايض ينزل من الموتر : خير ان شاء الله , أنزل يا ابن الحلال خلني ألاعب ولدك قبل ما يأذن المغرب
~~ بعد الــمغرب ~~
~~ طبيلة بيت أبو فالح ~~
:
تركي وفهد ينزلون من سيارة فهد الهمر الأحـمر
فهد يلتفت لـ تركي : الحمدلله على سلامتك , أظلمت الدوحه برجعتك
يضحك على تركي
تركي يضرب كتف فهد : مظلمة بوجودك طال عمرك
يضحك فهد : حلوه منك والله اشتقت لك يا أخوك, علوم غزلان الكويت ؟
كملوا سوالفهم عن الكويت وأهلها وهم
يمشون متوجهين لمدخل الفيلا
يرن تيلفون تركي بـ مسج
الموضوع إللي علمتك به ترى تم
عدني مكان سعد وموضي أختي
ان كان يرضيك تصغرني قدام عمي
وتحرج خالك أللي رفض عايض من فرحته بخطبتك لـ بنته
فسوى أللي يرضي ضميرك
" تراه ينتظر جيتك له تخطب رسمي ذا الليل ولا بكره بالكثير "
تغير وجه تركي
وانقلب الضحك لـ وجوم انتبه من تفكيره على ترحيب أمه
تدارك نفسه ورسم ابتسامه باهته
وهو يسلم على أم فالح وأبوه
:
:
~~ في نفس الوقت ~~
~~بيت عيال راشد ~~
أم راشد في خيمتها ..هي وأم خالد يرحبون بجاره لهم من سنين ..وام أيتام ..
[ تشتغل فراشه في مدرسة أمل ]
أم هلال ...: اشتغل في مدرسة .....
أم خالد ...: عندكم حد من بناتنا في مدرستكم..
أم هلال : أي و الله عندنا من بناتكم حمده بنت حسن ..وموضي بنت عبدالله ...وأمل بنت علي ....فديت والله قلبها ...
تنتبه أم راشد ..: وش اسم التاليه ؟
أم هلال ..وشفيج يا أم راشد ماسمعتيني ولا الكبر شين والسمع قل ..
أم راشد وهي تجر عصاها : آها بس انتي وذا الكبر يقول انتي اللي بزر ...أخلصي علي وردي ...
أم هلال ...وهي تشرب فنجالها ببطىء تحب تنرفز أم راشد وتتحرش فيها ..: أمل بنت علي ...
أم خالد ..وهي تمد صحن الفواكه المقطع لـ أم هلال : وش معنى ذي اللي تفديتيها من بدة الباقيات ..
وأم راشد في ترقب للرد لأنها من المعجبات والمؤيدات لـ خطبتها لحبيب قلبها غانم ..وتبي شي يقنع أم راشد زود ...
أم هلال ...تتنهد ..: تدرون انها لا لقت حصه فاضيه يات عندنا في غرفة الفراشات وتقهوت معنا وتسولف معانا ..ماتقول انا معلمه وذولي فراشات ..
ولا لاتعبت وحدة من الفراشات ... تنشد منها ...وتتطمن على صحتها ..
وماتجيب للمدرسات فطور الا تحسب لنا واطرشه لنا غرفتنا ما تعطينا الفضله مثل غيرها من المعلمات ...
ولا دروس الدين اللي تجمعنا وتقص علينا ذيك القصص اللي تشرح القلب وتهون علينا مصايب الدنيا
وترفع يدها ...ومن قلب صادق : يـعــل ربي يسعدها ويوفجها ويفرج همها ويعوضها خير ويرزقها بالزوج الصالح اللي يقدرها ... آآآآمين
تأمن أم خالد وأم راشد اللي زاد إصرارا ها على مرادها ...
يتبع
16-05-09, 07:01 AM
جديد مواضيع قسم الارشيف
العرض العادي
