الـــسلام عليكم ورحمة الله وبركاته

مســــــــــــاء الورد

وريقتنا اليوم ...
أهــــداء ..للحبيبه ...الــــفنوديه ...

تعبير لشوقنا لها ....

امنياتي لكم بــ قراءة ممتعه ...


الـــــــ ورقة الــــ ثــالثة
:

:

لا تحزن إذا جاءك سهم قاتل مـن .....
أقــرب الـناس إلى قــلـبـكــ

فسوف تجد من ينزع الــسهم و.....
يعيد لك الـحـياة و الابـتـسـامـة :
:
:
~~ يوم الجمعه الساعه 5 الفجر ~~ :
:
تركي توه راجع من صلاة الفجر ..
دخل غرفته يلبس لبس الدوام .. للعمليات البحرية ..يفكر وهو يلبس<< بطرش لها رساله ذا أللحين وذا أضحينا الله ييسر واقدر اكلمها
يتنهد وهو يسكر أزرة جكيته ..ويتأكد من شنطة أوراقه ... ...
الله يفتح لي وألقى لس حل ..
يوصل لباب الغرفه ويرجع يتذكر قبعته [ قبعة أو غطاء الرأس للسلامة ] ..
يطلع من غرفته يمر على أمه ... قاعدة على سجادتها تسبح وتستغفر..
السلام عليكم
يدنق يحب راسها ويدها
صبحس الله بالخير ياوجه الخير
..صبحك الله بالرضى والعافيه
تامريني بشي قبل ما اطلع
لا ياعيوني ..جعل ربي يحفظك من كل شر
آآآآمين
يا الله سلام عليكم
:
:
طلع للحوش وهو يركب موتره اللي واقف قريب المجلس... يسمع نقاش الشيبان اللي طلعوا معهم من المسجد وكالعاده يجتمعون في مجلس ناصر بن فالح ..لين تشرق الشمس ثم كلن يتيسر لبيته
يضحك وهو يركب موتره ...على النقاش اليومي بين شلويح وعفاس ......وأبوه وإمام المسجد أبو حسن يفكون النشب بينهم
:
:

~~ بيت سعيد ~~
~~ الضحى العود الساعة 10 الصباح ~~
علي توه قايم من النوم ويا الله يفتح عيونه
ويسمع صوت هدّه [هواش ] بين أبوه وأمه ..ضاقت الدنيا بوجهه وعاف الفطور ...
:
~~.. حجرة سعيد ..~~
خاف ربك أنت وأخوك في ذا اليتيمة ..وش غّير عوجان عليها ...وأنت الله يهديك اللي يقوله عوجان قــرآن منزل ..وين خوفك من ربك
أقول لس اسكتي يا مره قبل يلعب العقال على ظهرس
لا مانيب ساكته ..... الحق ماينسكت عنه بقول كلمة الحق ..عشان
ما يلحقني انا وعيالي شي من فعلك في أختك وفلوسك الحرام ..اللي من ورا ذا المسكينة ما أبيها ....
يلف عليها بضيقه ..
انا فلوسي حرام ..ويقوم بــ يضربها ....
على دخلة ..علي و روضه عليهم ...وتوقف روضه بين أبوها وأمها
روضه ترجى أبوها
..يبه تكفى ..لا تضرب أمي ...اضربني أنا بس لا تضرب أمي ..
أمي خايفه عليكم من فلوس اليتيم ...
يبه تذكر ..قول الله تعالى .....[ إن الذين يأكلون أموال اليتامى ظلما إنما يأكلون في بطونهم نارا وسيصلون سعيرا ] .....
وقوله تعالى [ ولا تقربوا مال اليتيم إلا بالتي هي أحسن حتى يبلغ أشده ]شافت أبوها تأثر.. فكملت ..بنبرهـ حزينة تستعطفه خوف عليه وعليهم من ظلمهم لعمتها..
يبه يرضيك يسوي .. علي ولا حمد..فينا أنا و خواتي سواتكم في عمتي ..
علي شاف أبوه التهى مع كلام روضه خذا أمه وطلعها برى الغرفة ..وخلى روضه مع أبوه لعل وعسى تلّين قلبه..
يقعد سعيد وكأنه انتبه .... لكن طمع بني آدم ووسوسة الشيطان وتزيينه لفعله ...وبحثه لعذر لفعله ...رجّعه لموافقته للي هو ماشي فيه مع أخوه..
لف لبنته اللي تشوفه بنظرة رجاء
يابنتي وش سويت لـ عمتس ..ماجاها مني الا الخير هذا أنا وعوجان انباري حلالها ..وتوني معطيها من أجار العماره ..
يوم شافت ان أبوها مهوب سامع لها ...
تنهدت ... طيب يبه تكفى ...أمي ماتبي من فلوس الأجارات شي حتى عمارتكم الجديده ..واذا بتصرف على البيت بس من راتبك حتى لو ما كفانا
الحمدلله حنّا راضين ..
:
:
عقب ماطلعت شيما هي وعلي من الغرفة .. .. راحت تشوف عيالها اللي تبرز له غترته ..واللي رجع ينام ..ورجعت اتقومه عشان ماتطوفهم صلاة الجمعه
وتدعي في قلبها ان الله يكفيهم شر ظلم سعيد وعوجان لـ أختهم اليتيمة ... هذا وهي وحيدتهم وجايه عقب 20 سنه يعني ذا الاعوج بينه وبينها حوالي 24 سنه ..وتفكر ...
ما استحى عوجان والله أنها المفروض بنت له مهوب أخت
لا حول ولا قوة إلا با الله
ترفع عينها فوق ..يارب انك عالم ما بيدي شي ..ولا عندي إلا لساني ...يارب تفرجها عليها ولا تأخذنا أنا وعيالي بذنبهم ..
يارب نور بصيرة سعيد ورجعه للحق

....
:
:
عقب ما أطلعوا للمسجد...شيما تنادي روضه ...
لــــبـــيـــه يمه ...
روحي اغرفي من غدانا ..لجدتس وعمتس وزيدي السمك عمتس تحب مشخول السمك ..ووصي ميري تدخله لين عند أمل لاتعطيه حتى خديجه زيــن ....ودقي على عمتس لا طرشتي الغداء ..عشان تدري به....
تـامــريـن يـمـه ..
وترجع شيما تكمل قرايتها لسورة الكهف ...

:
:
~~ اتصال بين روضه وعمتها ~~

تيلفون أمل يرن ...بأسم روضه
وعليكم السلام ..هلا وغلا ...لبيه ياروح عمتس ...
جعل ربي يكثر خيرس ..الله يسلم أم علي ...ما تقصر ...الله يطعمها ويطعمس من طعام الجنة
ابشري بمركم بكره ان شاء الله ...ههههههه لبى قلبس كل ذا شوق يالعياره هههههههههه..ما أضن أقدر ذالليل ...
خلاص فديتس ..سلمي على أمس ..
تسكر وهي تقول سبحان الله
فرق بين اللي تطرش ( ترسل ) لي من لقمة بيتها وأنا ما نيب معها واللي حنا وإياها بنفس البيت تخش العيشه هههههههه
صدق بنت الفقر بنت فقر لو تعيش بقصر
الحــمـد لله..... الله لا يبلانا
ويغنينا من فضله
:
:
~~ يوم الجمعة الساعه 3 العصر ~~

أمل على سجادتها قاعده تقرا الأذكار عقب صلاة العصر ...تنتبه لصوت المسج .. عقب ماخلصت ..فسخت جلال الصلاه وطوت سجادتها وحطتها في مكانها ..
تسحب تيلفونها من الشاحن وتبتسم يوم شافت الاسم اللي جايها المسج منه ..[ الذيب ] ...
أمل لاتنسين اللي وصيتس عليه ..إن شاء الله تطحنينها وتبلعينها بس ما أحد ياخذها فاهمه ... وغرفتس اقفليها وعلقي المفتاح في رقبتس ....كان عندي أمل أعود اليوم بس وش السواه ...أنا ذا اللحين في حالول عندنا موضوع ما انحل في وحده من المحطات ولازم احله قبل ارجع للأدارة
احتمال ما ارجع ألا الأحد ..إن قدرت كلمتس
ادعي لي ربي ييسرها لي
لاتنسين اللي وصيتس عليه

~~ في نفس الوقت في حجرة عوجان ~~
ماسك سلطان اسمع رح لعمتك وقول لها تعطيك بطاقتها الشخصيه وإذا سألتك ليه قل لها فيه مضاربه على اراضي في بنك قطر الوطني ...وفيه دفع رسوم عبر البطاقة الالكترونيه ...وانك بتحط اسمها والاراضي في الوسيل ..يعني هي ربحانه
رد سلطان يبه بس تدري ان ذا الموضوع بالحظ ......ادري ..انت جب لي بس البطاقه ...يبه وش تبي بها ...ناظره بغضب ...سوّ اللي قلت لك عليه وبس مالك شغل بغيره ...يعني كل ذا السالفه تبي البطاقه يبه اطلبها منها ...
ناظره بغضب ..تدري انها مهيب معطتني اياها وان خذيتها بالغصب ...يمكن ادّخل فيها الاجناب ..
سلطان وهو يشوف أبوه وفي خاطره والله ما ألوم عمتي منتب وجه ثقه يايبه والأجناب ادري بك خايف من تركي اللي لولا خاطر عمتي ولا كان أنت في السجن ذا اللحين ...

انتبه على صرخة أبوه فهمت يالرخمه ولا لا ..
قام ...ابشر يبه بروح لها ذا أللحين ...
:
:
يطلع سلطان ويلقى فيصل في الصالة يرسم في كراسة الرسم ملعب كوره وعيال يلعبون فيه ..ناداه ومدح رسمته وسأله تحب عمتي أمل ...التفت يمين ويسار يتأكد ما أحد يسمعه
أمووووووت فيها ويعد على أصابع يده ..هي تشتري لي حلاوه وهي شاريه لي لبس الكوره وقبعة اللاعب هذاك حق ...قطع كلامه زين وإذا قلت لك روح روها ذا الرسمه ... وش رايك ؟......
اممم زين بس بشرط ..
يضحك سلطان هههههههه زين يا المصالح .......
توديني جنغل زون ........ابشر بس مهوب اليوم ...زحمه ولا انتب بــ لاعب براحتك ..
يالله قوم .. بسرعه ولا تخلي أحد يشوفها قبلها زين..


فيصل يدق الباب
تفتح له ..
هلا والله بالفيصل ..
عمتي ....ويأشر بيده انزلي وحب خدها ..واحمرت أمل ..من حركته ...
يدخل ويسكر الباب ..
يمد لها كراسته ..شوفي رسمتي ... يعطيها إياها ويروح صوب الثلاجة ..الصغيرة في طرف الحجرة
تمدح أمل رسمته ...الله تجنن ...ماشاء الله يافصولي ..رسمك حلو ..وتنتبه على الكلام المكتوب على طرف الدفتر [ بجي اطلب بطاقتس الشخصية لا تعطيني إياها حتى لو شفتيني أموت قدامس فاهمه ...سلطان ] ملاحظه امسحي الكلام لا يلعن خامسي اخوس ومرته ..
دمعت عين أمل ...فديت قلبك ...الله يحفظك أنت وأخوانك وعيال عمك من كل شر ..
يطلع فيصل وبيده كيسة كلها كافي ..من ثلاجة أمل ...
:
:
:
:

~~ يوم الأحد ~~
~~ مدرسة أمل ~~
خوله وسلطانه يتمشن في ممر من ممرات المدرسة بين المعامل وغرفة المدرسات
تدرين أمل مافيه مثلها أدب وأخلاق ودين وجمال سبحان الكامل ما ادري يختي كيف الــــميــنـون طلقها
..صادقه ..تدرين خوله..... بغيت أخطبها لأخوي فارس بس عيت أمي مع أن أمي تمدحها وتعزها ..بس تقول مطلقه وحتى فارس قال انا أبي بنت مهوب وحده عافها رجلها عقب شهرين أكيد فيها عذروب كايد
فجأه شهقت سلطانه وتغير لون وجها وحطت يدها على فمها ..
تسألها خوله شفيج خرعتيني ...سلطانه والدمعة في عينها ...أمل سمعتنا وياقلبي عليها ماحبت تحرجنا لفت تروح معملها من الطريق الاطول ..
احمدي ربج إن اللي سمعتج أمل مو العله هيا ولا موضي جان ياكلونج الثنتين بقشورج والله حتى منيره أهون من هالثنتين تقولين أمل أختهم مو رفيجتهم
تتذكرين يوم حصوه المسكينه تسأل أمل حد خطبها عقب ما تطلقت ..من اللي نقز وغسل شراع حصوه
لا لا ياخوله ..بعد حصه عله قالتها بشماته وأنتي تعرفينها تموت في التشمت تستاهل ماجاها والله إن أمل ماتستاهل المغثه
:
:
~~ معمل العلوم ~~
أمل تدخل وهي ماسكه دمعتها تدخل وتقفل باب المعمل عليها
تعوذت من الشيطان
ماتبي تبكي عمر الدموع ماغيرت شي
وتردد ..يارب يارب ..
تحاول تركب الاجهزه اللي طلعتها لها مشرفة المعمل ...
بس ماقدرة أقعدت على أول كرسي قدامها وانهارت تبكي ..على حالها وعقب ماهدت شوي ...
جرت ورقه من اوراقها وكتبت

~~ رحلة الدموع ~~

لو ما كانت هذه الدنيا حزينة..
...
فلماذا نولد عليها ونحن نبكى!؟
...
عندما تولد فى هذه الدنيا..
...
تولد وتولد معك الأحزان..
...
تأتى أليها طفل رضيع يحزن..
...
ويبكى ويصرخ باالأهات..
...
وجميع من حولك يهللون ..
...
والسعادة تملئ عيونهم بك..
...
فلا أحد يشعر بك..
...
ولا ..يشعر بأهاتك وأحزانك غير..
...
الخالق البارئ عز وجل..
...
تبدء حياتك بالدموع..
...
والجميع تملئ عيونهم الفرحة..
...
هذه هى حياتى..
...
دموع تسقط وأحزان تنمو..
...
وتكبر والجراح تتربع فوق..
...
عرش قلبى ..
...
ما أصعب ان تعيش حزيناً ..
...
وجميع من حولك لا يشعرون بك..
...
تدور الأيام فى هذه الدنيا..
...
كل يوم يمر ويأخذ معه نزف ..
...
من جـراح ليس لها نهاية..
...
قاسية هى الدنيا لدرجة الجمود..
...
كما هى جميله لدرجة الجنون..
...
تأخذك لسعادة ليس لها حدود..
...
وفجأة تسقط بك الى بئر الأحزان ..
...
عانيت وضقت ذرعاً بهذه الدنيا..
...
فهل أنا أنسان معقد بدرجة بالغة ..
( اللا مفهومية ؟! )
أم أنا أنسان بسيط بدرجة بالغة ..
( اللا معقولية ؟! )
...
سؤال يثير الدهشة..
...
يخرج من جرح داخلى..
...
وأحزان لا تنتهى..
***
{ الخاطره ..لـ المبدعه ..زهره بيضاء }
:
:
:
تتعوذ من الشيطان وتحاول تلم شتات نفسها ...بعد ما استخدمت نزف القلم ..ليعبر عن.. جروح قلبها..ودموع عينيها

وترجع لتجارب درسها..وتحاول تتناسى جروحها ... راجية من الله الفرج..
:
:


يتبع

~~ غرفة المدرسات الساعه [ 9:00 ] ~~

أمل تصحح كراسات البنات ومنيره وهيا عندهن حصه ..وموضي متأخرة عندها موعد ..
يرن تيلفون أمل ترد وهي تطلع من الغرفة
وعليكم السلام ...صباح النور والسرور هلا والله بروحي ...
جعل ربي مايخليني منك
أيه معي .....متى ؟ ...أنت عند الباب ذا أللحين ..خلاص شوي وبجيك وتسكر منه تاخذ عباتها وشنطتها متوجهه ..للباب ..اركبت معه الموتر صافحته بيدها ..ياقلبي شكلك تعبان مارقدت ..وين ارقد وحنا في ذا الهلكوبتر اللي كل شوي قايلين هــواء ولا حنا بقادرين نقلع المهم يا الله طلعي بطاقاتس والجواز .........
تبيها كلها؟!!!.......ايه عطيني أياها كلها ...........زين بس علمني وش اللي جرى لذا كله فيه شي أنت داري به ولا تبي تعلمني
لــف لها أفاااااااا يا أمل خايفه مني ألعب في حلالس ......... بروعه لا والله ..جعلني فداك ..كل اللي عندي من فضل الله ..ثم من فضلك ..
زين أجل يا الله من غير مطرود انزلي من سيارتي ..تأخرتي على بنياتس اللي ادرسينهن..
الله يسامحك تطردني ادري بك تلف وادور ماتبي تعلمني
انزلي يابنت الحلال وراي شغل ويلف على باب المدرسه روحي شوفي ذا الثنتين اللي تهادن ...
تلف امل تروعت اعرفت وحده منهن ياويلي منس ياموضي وش انتي مهببه اليوم
لو مانيب مشغول كان قعدت اضحك عليهن ...ويكمل وهو يضحك ياشين هدت النسوان ههههههه وأحلى شي لا تقابضن بالشوش هههههه..يا الله ..الحقي عليهن ...
:
:
:
~~ قبل دخول موضي لحوش المدرسه بدقائق ~~
موزه تتصل بحصه ...حصوه لحقي طحت لج على خبر ..بالنقل المباشر ......... قولي ياالله اسمعج..............لا تعالي جوفيه على الهواء مباشره أكي عفيفة زمانها اللي ذبحتنا بحلقات الذكر يازعــم مطوعه وهي اكاهي مع رفيجها لا ومواعدته عند باب المدرسه ...والله خلاص بييج اللحين خليني أجوف بعيوني
سمعة موضي الكلام ولفت تشوف من تقصد وان صدمت هذي أمل مع تركي ..
موزه لما شافت موضي ماتت في ثيابها ...تمنت الأرض تنشق وتبلعها
موضي تطالعها بأحتقار ....خير يا مويزان ياطويلة اللسان ......
موزه بتنفي التهمه وش قلت لج أللحين أنا .......وبتكمل دخولها للمدرسة
اقـــول يا النمامه....جنبي أمل ..ولا تتبلينها ..اللي هي معه أخوها ..لفت ويـه عشــــــتوا من وين ياها ها الأخـو اللي نعرفه ان لها 2 وجفناهم من قبل ولا هذا يــاي دٍَعايه هههههههه الله يخسج ياموضي أكذبي كذبه تتصدق ..لا تحاولين تغطين على رفيجتج وتأشر على خشمها ..خلاص ياحلوه ..رفيجتج...طلعت ريحتها ...الخايسه

موضي .. بحرقة قلب ...اسمعي أنتي وذا للي مناديتها ..<< تشوف حصه جايه مسرعه شوي وتركض ..حتى عباتها الكتف ماسكرتها عدل ...والشيله حاطتها أي كلام
أمل ذكرّها وسمعتها ...مثل ريح العود والعنبر ...اذا طروا الشرف والحكمة ..والعقل ..كأنهم يقولون أمل ..مهوب أنتي والشيطان اللي مخاويتها ...
وعلمن يوصلس ويتعداس أن سمعة كلمه مقيوله في أمل ..ولا عن أخوها إلي اسمه تركي ...وبثبت لس يالــ .........أنس رميتي محصنه والله بيرويس لكن قسم بالله لو سمعت كلمه بس وحده عن شرف أمل أني لـ أفرم خشتس بالقاع وأنتي تعرفيني ماتهمني لا وظيفه ولا غيره ...وعندي شهود ..على كلامس ..
تطلع تيلفونها كلامس كله مسجل ..وبخلي أخوها ذا اللي اتهمتيها به يرفع عليس قضية قذف ..وتراه يموت على التراب اللي تمشي عليه
يعني ..تسوى عيونه ...فوكلي محامي من أللحين ...للقضية ...
موزه خااااافت ...الموضوع فيه قضايا ...
أمل تدخل على سالفة قضيه ...مسكت موضي ...موضي وش فيس ..على موزه ...وتنتبه ان حصه بعد جايه من فوق ..وش سالفتكم ؟!!!!
موضي تمسك ذراع أمل .. ماعليس منهن وتلف عنّهن ...باحتقار... و تمشي معها ....أخبار ولد عمتي ..المزيون ؟... متى ناوي يخطبني ..؟ تضحك أمل على حركات موضي ..اللي دايم حاطه أن تركي من نصيبها غصب عنه ...وكل الموضوع ضحك بضحك
تغمز لها أمل خلس أنتي من المزيون والتفتي للي متهاوشين بسبتس وبغوا يتذابحون من اللي ياخذس .. تلوي موضي فمها ...تكفين خلينا منهم مابه إلا زوير وعوير ..... ويمشن رايحات للأداره توقع موضي في سجل الدوام..
وكملوا متوجهين لغرفتهم ..
:
:
:
~~ غرفة المدرسات ...الساعه 10:45~~
تدخل موضي وهي تلعن وتسب بنات صفها ....
تشوف منيره اللي لفت لها ..تعالي بس أفطري ما ادري تغدي معي وخليهن والله إن ذا البنات أدبلن كبدي ...مايفكرن ألا بالتعدل والتزين ...والدراسه آخر همهن .....
تقعد معها ...وتاكل من صحنها ...الله يختي وش ذا الجبنه اجنن .... وبهمس ..منور مشي معي اللي بقوله زين ..أشرة براسها زين وهي تاكل زيتونه ...
اقول ياسلطانه ..
هلا موضي أمري ...
مايامر عليس عدو ..أنا ومنور تهاوشنا كم أخوان أمل ...وقالت أنها ماتصدقني واتصدقس أنتي ...
ضحكة سلطانه أللحين ماتصدقش وأنتي بنت خال أمل بالرضاع ..وانا حي الله بنت قصراهم
موضي تضرب منيره بضحك ..وهي تقول لها ..شفتي الناس اللي تقدر
منور لـ موضي ..وجع اوجعتيني ..وبهمس أكذبي الكذبه
يالــ ..........وصدقيها ....
موضي ..بهمس أنطمي يا أم كرش.. لا تخربين إللي أسويه
وترجع تلف على سلطانه ...زين ياسوسو خلصيني من ذا اللي مكذبتني ...وهي تشوف موزه بنظرة أحتقار ..
شوفي أذكر أن خالش ناصر عنده بنتين الكبيره ..وضحه ثم نوير ...وعقبه الـ أربعه ذكران...فالح وتركي وفهد إللي راضعه معه أمل ..وثامر أصغر واحد ...
ومع أخوانها عوجان وسعيد صاروا 6 أخوان وأختين ..ماشاء الله الله يخليهم لها ..
وتلف موضي لـ منور وهي أدزها بكتفها شفتي ..ماصدقتيني ...
زين زين ...خلاص صدقتس ...عورتيني ..جعلس السلال ياموضي
خضيتي العيشه في بطني .....ليتني ماقلت لس تعالي أكلي معي
:
اصبري عادني ماخلصت ..
أقول سلطانه ...تتذكرين حديث ولا آيه عن رمي المحصنات ...
لفت لها سلطانه ..بروعه .. وفي خاطرها ...لا يكون سمعة كلامي الصبح ولا أمل علمتها ..هاه ..لا مستحيل أمل تقول لها ...
سلطانه ...سلطانه ...وش فيس ...أكلمس ..
هاه ..لا فديتش أحاول أتذكر ...اللي تبينه بس ليه وش صاير ..
لا أبد بس تناقشت مع وحده من البنات الله يصلحها تتهم وحده معهم أنها تماشي شباب فا أبي أحذرها من عقوبة الكلام بأعراض المسلمين ورمي المحصنات ..لعل وعسى ينفع معها وهي تشوف موزه وحصه اللي يحاولون يتشاغلون بكراسات طالباتهم ..وكأن الكلام مهوب لهم ..
ارتاحت سلطانه قالت أبشري وتفتح كتاب من كتب الشريعة ...
اسمعي ..
قال تعالى: [ إن الذين يرمون المحصنات الغافلات المؤمنات لعنوا في الدنيا والآخرة ولهم عذاب عظيم يوم تشهد عليهم ألسنتهم وأيديهم وأرجلهم بما كانوا يعملون]
وفي الصحيحين أن رسول الله عليه الصلاة والسلام... قال اجتنبوا السبع الموبقات فذكر منها قذف المحصنات الغافلات المؤمنات..
جزاس الله خيرا ياسلطانه ..
وتلف موضي على الصحون لقتها فاضيه طالعت منيره ..أبي اعرف انتي في اثمس [ فمك] ضروس ولا مطحانه مابقيتي لي شي ..غسلتي الصحون يا دافع البلى منس يامنور صدقت هيا يوم سمتس جازورا هههههههههه أخاف يجي يوم تاكلين الصحون .. هههههههههه
منيره تعصب قولي ماشاء الله بطيح ضروسي من عينس
ويمضي الوقت بين ضحك ومناوشات أصحاب

:
:

~~ أحد أيام الأسبوع ...العصر ~~
~~ غرفة سارا بنت عامر ~~
نجول تدخل على السوري ...وهي مندمجه مع شاشة التلفزيون وكل شوي تعيد اللقطه ...وتنهد ...
السوري ..يا الهيمانه ..ياشوق راشد ...
لفت ...وجع وش تبين ..قطعتي علي أحلامي ..
زين يا أم أحلام ...ما لاعة كبدس من شيفة رويشد ..
تنهدت وبنبرة هيمانه لبى قلبه ...يجنن يانجول
نجول وهي تقعد على كرسي مكتب السوري ...وتلف الكرسي الدوار
أقول السوري فرضاً ..فرضاًً..أن راشد ما بغااااس .. وتمط الكلمه ....وخذى غيرس وش بتسوين ..؟؟؟
فالس ماقبلناه وش ذا الكلام وتشوفها بنظرة تساؤل ...نــجول في بطنس علم هو قايلس شي ...
لا والله بس خايفه عليس من حبس له ...ياخوفي يطلع حب من طرف واحد
لا لا أنا بس معجبه فيه ...
نجول وهي تقوم تنسدح على السرير
علينا يا السوري ..انتي طول اليوم الوطني مقابله ..التلفزيون تبين تشوفينه بالعرض العسكري و مسجلته وكل شوي تعيدين اللقطه ..
خففي من حبس له
نطت السوري عليها وهي تضربها بالمخده ..وجع وجع يانجيلا ...أدري بس تحبين تخوفيني
نجول من وسط ضحكها هههههه خلاص بتاخذينه أصلاً هو مكلم أبوي يبيه يخطب له ..
السوري تضم المخده ..وعيونها ترمش ..
صدق بيخطب من ...؟
ما أدري يمكن من بنات خوالي ولا أخت صديقه ؟
وتلبس جلالها وتطق منها قبل تمسكها ..
ترجع أطل عليها لاتفكرين واجد لو لس نصيب معه بتاخذينه يالهيمانه هههههههههههه .... تعالي الخيمه بسرعه جدتي تبينا ..
سلام يا وضحه ترى بن عدوان في الخيمه
ههههههههههه
وراحت وهي تضحك
:
:
~~ بيت ناصر بن فالح ..~~
مقعد النسوان ..
المناسبه عشاء رجعة فهد بن ناصر
الوقت ..بين المغرب ..والعشاء

:
:
:
جوزه بنت سلطان [ زوجة ناصر بن فالح ]..وبناتها وضحه ونوير ..وبناتهن ..
مجتمعين عندهم العمات والخالات ..ونسوان الجماعه ...
يهنونهم بجية فهد ويباركون بتخرجه ...
تدخل عليهم أمل وهي كاااااشخه والفرحه ماليه روحها ومبينه في
عيونها ...
تسند أمها وهي أدخلها مقعد النسوان .....تقعد أمها اللي حلفت جوزه بنت سلطان إنها تقعد وعقب يجن يسلمن عليها << لأنها كبيرة سن وما تتحمل الوقفة فتره طويلة ...
سلمت عليها جوزه وتوالى عليها بالسلام كل الموجودين ...وبعد ما سلمت أمل ..طلعت مع الجازي بنت وضحه

~~غرفة جوزه بنت سلطان ~~

...وهي تفسخ عباتها ...جوجو روحي جيبي العلبه المغلفه ...اذا مالقيتيها في الصاله أسألي خديجه وين حطتها ...وحطيها بغرفة فهد ......ابشري ..امم خالتي هي هديه لخالي فهد ... أمل وهي تعدل شعرها ...أيه يافضوليه ...
تناديها ..جــوووجـــووو....ترجع اطل عليها ... لا تحاولين تفتحينها ........ضحكة بخبث هههههههههههه ...تأشر بأصبعها... خالتي بس شوووي على طرف ..
لا شوي ولا واجد ...ياخبر بفلوس .. عقب شوي بيفتحها فهد وبيصير ببلاش ... جوجو ياقلبي في صينيه فيها معمول تمر طرشيها مع وحده من الخدامات للمقعد ...
تروح الجازي ...
وتـو أمل بتطلع من ممر الغرف ... إلا هيا في وجها ..وفي يدها صحن فطاير ...وهي تهلي ...هلا والله بحماتي العزيزه ...تحبها ...<< وقبل لا تهاوشها أمل لانها لعبة في العيشه إلي تبي تحطها مع العشاء ...ومن باب خذوهم بالصوت لا يغلبوكم ........فديتس يا أمل وش دراس إني اتوحم في أكلس ... أمل بفرحه ..حـامــل جعله مبارك يعني أموله جايه في الطريق ...إلا موضي من وراها... كذااااااااااااابه ...تــوس ..تقولين مااااتصلين ...ما وعت موضي إلا بخبطه على رجلها ..............آآآآآآآهـ وجع ياهويان
....يوجعس فضحتيني ........أمل تضرب كتف هيا بشويش وهي تسلم على موضي ..كم مره قلت لس لا تكذبين حتى بالمزح ..كل ذا عشان بطنس ...أكليه جعل فيه العافيه ...بس لا تكذبين ...تسألهم ..
وينكم لما دخلت ماشفتكم ؟... ..أنا كنت في المطبخ لـ أستقبال....مواعينس المحمله بـكل وتحط قطعة فطيره صغيره في فمها ...وتكمل..امممم مالذب وطاب ... تضحك ...وتلف على موضي وأنتي .... كنت معها في المطبخ ....أجدد القهوه بدال نوير ..استحيت أخليها تشتغل وأنا مقابلتها ..تضحك أمل وتغمز لها فديت البنت السنعه ...تسمع نوير تناديهم ...ويرجعون للمقعد ......


~~ مجلس ناصر بن فالح ~~
بعد صلاة العشاء :
:
:
ناصر بن فالح وأخوانه وانسباه عبد الله ومحمد بن سلطان ..
وعيالهم ..والجيران وشيبان الجماعه كلهم مجتمعين ..
يهنون برجعة فهد ويباركون ..تخرجه ..
خالد بن راشد ... هانيك سلامة فهد يا أبو فالح ..وعلى البركه تخرجه الفال ان شاء الله للترقيه بشغله ..هانيك خير ..الله يبارك بعمرك ...آآآمين ..الله يجزاك خير يا أبو راشد ..وتتوالي التهاني لـ أبو فالح
:
:
غانم وسالم ..عقب ماسلموا وتحفوا الشيبان وباركوا لـ فهد
تركي ينشد غانم وين منصور وش فيه ماجاء ...والله ياخوك كلمته العصر يقول توه جاي من دوامه وعلى كلامه انه بياتي ...
يلتفتون لـ سالم ...وهو يكلم منصور ..ويضحك هههههه راحت أجل عليك نومه وين ام العيال منك.... ..زين مالك عذر ترى تركي زعله صعب..... زين يا الله أعجل علينا ترى غانم جويع آخخ ههههه..<< غانم يضربه بكرسوعه ..
ويقوم تركي لـ فالح اللي صوّت عليه
:
سالم يهمس لـ غانم ..فكرت في اللي قلت لك ..
لا فكرت ولا غيره أنا قايلك من ليلة سهرتنا في المزرعه لا....
يابن الحلال فكر ..طيعني ..
أبي أعرف أنت تشتغل خطابه ..أنا أفتك من سالفة العرس في البيت
أجيني أنت ... أشمعنى ذي تبيني أخذها ....سالم يحاول يتكلم لكن غانم قطع عليه ...مالك شغل فيني لك في عمرك ...
ينتبه سالم لـ تركي معودٍ عليهم ..
خلاص اسكت ذا أللحين تركي جاي صوبنا
بنكمل كلامنا بعدين عشان أتعرف أشمعنى ذي بالذات..
وأنا أقولك ...لا بعدين ولا ذا أللحين
تركي ...يقد جنب سالم ..ويشوف غانم ضايق
ويهمس ..لـ أبو طلال [ سالم ]... وهو يشر للهندي يقرب دلة القهوه
وش فيك على غانم ؟
مابه شي ...يلتفت عليه وهو عاقد حواجبه ..اسمع منتب رايح ذا الليل إلا معلمني باللي بينكم
سالم يحاول ينهي الموضوع ونيته أنه مهوب معلمه بشي ...على خير على خير ..
تركي وهو يمد الفنجال على غانم ..
وبهمس لـ سالم لا تصرف الموضوع والله لو ادخل عليك حجرتك وأسحبك من أم طلال ..العلم الليلة عندي ..
ضحك غانم ..هههههههههه وفي خاطره ... ياويلك ويا سواد ليلك
يا سويلم لا درى تركي بالعلم
:
غانم يحاول يغير الموضوع ويوجه كلامه لـ تركي ...زين خل منا سالم ذا اللحين واسمع ترى مناقصة وزارة الأوقاف رسة على شركتنا
بس عندنا مشكله
:
وتاخذهم السوالف في أمور شركتهم الخاصه ومنها لــ مواضيع الجماعه والربع
:
:
:
في الطرف اللي ملتمين فيه الشباب حول ..فهد ..
هلا والله بالدكتور ... راشد بن خالد يغمز لمحمد بن عوجان وخالد بن عامر ..شباب ماتشكون ان فهد شاري الشهاده ولعب علينا ضحك فهد ..... رشود وش دراك لا يكون مفكر تشتري شهاده ...ههههه
عامر من وسط ضحكه لا راشد ماينفع يشتريها ...مابقى له إلا السنه ذي ويخلص كليته ويعلق النجمه...... الله ييسرها له... الكل آآآمين ...ويلف صوب محمد وانت يا أبوعوجان .....السنة ذي أن شاء الله آخر سنه ..وان الله يسر رحت أكمل دراسات عليا ...
تبي الشور سو مثلي توظف ..بشهادتك ..والشغل يبعثك أتكمل بدال ماتروح على حسابك ...
والوظيفة أبشربها...بس انتظر ارجع لدوامي بالبنك ...وبتشوف اللي يسرك أن شاء الله
:
:
..وتدور جلسة الشباب .. بين سوالف دراسة ووظائف ..واتفاقات ..لـ اجتماعات شبابيه يأخذون راحتهم فيها بعيد عن الشيبان ..
:
:

~~ مقعد الحريم ~~
:
:
تعشوا النسوان وارجعوا العجايز ..للمقعد .. ...أمل وهي تمد المدخن
لـ أم راشد .. طاب طيبس وعاش حبيبس يابنت علي.. .. وتنظر لها بنظره إعجاب ..وتهمس لـ أم خالد اللي جنبها ..شوفي الزين ...أربه يحصل لـ غانم .. وتوجه أم خالد نظرها لـ موضي صادقه يمه ...موضي مزيونه ... واسكتوا لما أقبلة عليهم ... خلود بنت نوير ..بالطيب ...
:
:
~~ برى المجلس ~~
عقب ما تعشوا الجماعه ولا بقى إلا القريبين والنسابه..
ثامر يتصل تيلفون على أمه ..[ جوزه ]...
يمه أبوي بيدخل يسلم على عماتي وفهد معه ..وين يجيكم ..؟
خله يدخل الصاله ...عاد عندنا نسوان ...من صوب باب الدرج ..وحنا بنجيه ...
خير أن شاء الله ...
:
:
~~ في الصاله ~~
فهد يسلم على عماته ومعه أبوه اللي سلم ورجع عقب ماجاه تركي وقال له أن الرجاجيل ينشدون منه ..
واستغرب تركي ... انه ما شاف أمل ..قرب من جوجو ونشدها وين أمل ..أشرت بعينها فوق ...
راح بيشوفها ...وهو يمشي على الدرج صدم بجسم..
ومسكها قبل تطيح ..وهي من الروعه تعلقت فيه ...
:
:
:
:
:
:
:
:
:
ضحك ...وقال لها عميه ماتشوفين ..آآآآه روعتني وروعة المسكينه اللي معي ...
تلفت وماشاف احد...طالعها .. مابه أحد ألا ان كانهم سكونس (جن )...ويمثل أنه خايف منها ..
ضحكت لا ..ياقلبي موضي بنت عبدالله وتغمز له ..
لوى بوزه ..طويلة اللسان..... الــكوره وضحك هههههههههههه تذكر يوم يشوتها ..وهي بزر واتدربا ...وتبكي ..وتتوعده تعلم أبوها عليه ..
:
:

تركي ..تركي ..وش فيك وقفت ؟!!! أنزل معي ..يقولون فهد ..هنا بلحق اسلم عليه قبل يروح ...
:
:
موضي وهي اتضرس على تركي ...انا كوره ياناطحة السحاب ...
ضحكت مع سرك ...ليت من يكسر ذا السنون اللي فرحان بها ...
:
:
هلاااااا والله وغلا ..بتوأمي الرضاعي ههههههه ويضمها ..وهي تبكي على صدره ....
فديت قلبك ...اشتقت لك ...مبروووك ..
الله يبارك بعمرس ويحب راسها ...
بس أنا ما أرضى بـ مبروك حاااااااف خصوصا أنتي
ضحك تركي ....ابشر باللي مدلعتك وشكلها حتى غرفتك مسويه لك فيها خرابيط ..
يحب راسها ..ويتفداها ..
ودي أشوفها ذا اللحين بس العيال عادهم بالمجلس بعود لهم ..
زين فديتك ..أنا بروح عقب شوي مع أمي ....
يحب راسها ...بس لازم أجينا ذا الاسبوع ...أبي أقعد معس ..
أن شاء الله فديتك بس رح لـ ربعك ذا اللحين
يا الله ..سلام عليكم ..

جوزه تكلم أمل ... يابنتي كان ماكلفتي على نفسس ..ماعليس من فهيدان ...وهو لاعبٍ عليس ..ويتدلع ...ولا هذا وضحه ونوير ..باركن له وبس لا هدايا ولاخرابيط.... شهادته له ... وان درى أبوس ناصر بيزعل ...
لبى قلبس يمه تدرين بغلا فهد عندي وماجبت شي كايد ...شي بسيط يفرحه ..وأذا عطيته أنا فهي من عندي أنا ووضحه ونوير ..وحده منا تكفي ...
وضحه ونوير ..لبى قلبس ...ماتقصرين يابنت علي كريم ...
موضي داخله وهي هاده على أمل ..لـيــه ماااااااعلمتيني أن العيال راحوا وأنا أخنزت فوق ...ضحكت أمل اللي تدري ليه هي ضايقه حبت خدها ..وهي تهمس لها ادري ودس تضربينه بس هو مايدري أنس ماعادس بكوره وقدس مليكان ههههههه
وجع وجع وجع انت واخوس المخنز..

ورجعوا لـلمقعد ...يسلمون على النسوان اللي بدوا يظهرون..
:
:
وتنتهي الـ سهره... بفرحة عامرة ..بـ عودة فهد
:
:
:
~~ حوش بيت ناصر بن فالح ~~

محمد مدخل سيارته عشان جدته ..وهو يساعدها تركب وأمل راحت تنادي الخدامه اللي راحت تجيب مواعينهم وتأخرت ....
راجعه للسيارة والخدامة تمشي وراها..
تنتبه للي يسلم على أمها ..وتوقف ....ما تبي تشوفه وهو اللي عقدها من الزواج .... وتسبب في أنها تُلقب بمطلقه حتى لو برغبتها...وهي تلف تبي ترجع للمطبخ قبل ينتبهون لها
بس وقفها صوت .....
:
:
:
:
:
:
:
:
دوام الــحال من الــ محال ..فلا حزن ولا فرح ..دائم
فعش اللحظة كما هي .. بـ حلوها ومرها .. فما يمضي من حياتنا لا يعود
فا أجعل اللحظة .......متعة في عبادة مـن وهـبنا هذه الحياة
وتقرب له سعيداً أم حزيناً ..
سعيداً بالـ شكر
وحزيناً بالصبر
:
:
:
قراءة ممتعه


همسه ..

طبعاً ياحبايب مافيه ورقه يوم الخميس ...

حجززززززززز مكااااااااااان

-----------------------------

تسلمين ياقلبيي على الرووووووووورقه

مدري احس في الجزء هذ1 زاد الغموووووووض اكثر من اول

يعني طليق امل يقرب لها ولا كيفففف

شكل في قصة حب بين تركي وموضي ننتظرها بفارغ الصبر

بصراحه فرحت ان لأمل احباب مثل عيال اخوها ولا تركي واهله

وان شاء الله انك كريمه وانا نستاهل وبتنزلين بارت يوم الخميس

هههههههههههههههههههههههههههههههههههههههههاي

ابد1111ع انتي امل ننتـــــــــظرك بفارغ الصبر ياقلبي..

السلام عليكم ورحمة الله وبركاتة....


مساء الخير,,


كيفك؟؟.. ان شاء الله تكوني بخير,,,,



جزء اقل مايقال عنه رووووووووووووووووووووووووووووووعه.... يعطيك العافية ....من جد الجزء رااااااائع.....




تــــــركـــــي: يالبى قلبه.....والله والنعم الأخ لــ أمل.....الله يخليه لها ولا يحرمها منه...اووووة طلع فية حب وغرام بين تروووووك و مووووضي....حرام مع ان كان ودي تكون لـــ نجلاء....بس الله يوفقك مع مويضي...ويعووض نجوول بفهد يارب......



غانم وسالم: اتوقع يتكلمون عن أمل.....ان غانم يخطبها.....




زوجة سعيد: الله ينصرس على زوجس... عجبني انها مو راضية تاخذ افلوس حرام...... وعجبني حبها لاامووول.....




موزة وحصة: وهم ماقالوا على الله يمسكوون على أمل شئ .... حرااام عليهم بقذفونها.....




ام راشد: انتي تبين اموول لــ غانم.... وام خالد تبي موووضي..... خليس على رايس ياام راشد ولا تبدلينه...... غانم لاامل... وامل لــغانم.....




سلطان ومحمد: الله يخليكم لاامووول ... ولا يحرمها منكم... الله عوضها بدال اخوانها بعيالهم......



أمووول: الله يصبرس على خوانس ويحميس منهم....



حراااام عليس أمــــــلكان كملتي على الاقل لما نعرف من طليقها...




ويعطيك العافية على الجزء الخطييييييييييييير......



بحفظ الله....

يسلمووووووووووووووووووووو
اموووووووووووووووووووووووووووووو
ولي عودة يا قلبي