ههههههههههه للاسف ملحقتش المسلسلات دي بس هحاول ادور عليها باذن الله

هو زمان اه الحاجات دي كانت خيال علمي لكن دلوقتي معظم الحاجات دي بقت موجودة فعلا
انا كنت في مؤتمر قمة المناخ بتاع الامم المتحدة الاخير اللي كان في مراكش وكان فيه معرض من اسهامات الدول في الحد من ارتفاع نسبة ثاني اكسيد الكربون
ومن ضمن الابتكارات كانت السيارة الصغيرة دي

دي تعتبر تاكسي وبتتحرك لوحدها في الشوارع -بناءا على إرشادات الشركة - فيها مكان لراكب واحد فقط والناس بتتصل تطلبها علشان توصلهم واقرب عربية متاحة بتقف اوتوماتيك ادام الشخص اللي طلبها معتمدة على ال GPS
الجميل ان دي عربية كهربية وبتتشحن اوتوماتيك وهي ماشية عن طريق الرنين المغناطيسي بس الشوارع لازم تكون مزودة بنظام يدعم الشحن اللاسلكي للعربيات دي
للاسف الشديد معنديش فيديو كنت فرجتك عليه :(

وفعلا فيه محاولات كتير حاليا لانتاج سيارات طائرة وفيه شركات اعلنت ان خلال السنين الجاية هتنزل الاسواق
https://www.youtube.com/watch?v=bXuypU5lDsM

ههههههههههه لكن ان السيارة تتحط فيها قنبلة وميحصلش فيها حاجة مش عارفة الحقيقة اذا كانوا توصلوا لحاجة بالشكل ده
اللي اعرفه ان ممكن العربية تكون مصنوعة من مواد خاصة تديها خواص ميكيانيكة عالية جدا وثبات حراري كبيـــر وممكن متتأثرش فعلا او متتخدش بس ضد حاجات معينة لان التكلفة بتاعتها بتكون عالية جداااا جداااا
لكن ان القنبلة تتحط جوه دي معرفش الحقيقة
لكن على رأي احد البروفيسورز .. الخيال العلمي بالامس هو حقيقة الغد على الاغلب

وهدور على مسيو نايت البطل الخطير ده عجبني
والسلام عليكم ورحمة الله