(موضوع حصري) ذكريات وهل الحب ينسى - الصفحة 4 - القصص المكتمله من وحي قلم الاعضاء

06-01-13, 12:10 PM

المشاركة رقم: 16

المعلومات
الكاتب:	نجلاء الريم
اللقب:	عضو فخري

البيانات
التسجيل:	Mar 2012
العضوية:	237614
المشاركات:	8,068
الجنس	أنثى
معدل التقييم:
نقاط التقييم:	11015

االدولة

مدونتي

الإتصالات
الحالة:
وسائل الإتصال:

كاتب الموضوع : Julianna المنتدى : القصص المكتمله من وحي قلم الاعضاء

رد: ذكريات وهل الحب ينسى

تفتح الروايه

بطلب من الكاتبه

06-01-13, 06:27 PM

المشاركة رقم: 17

المعلومات
الكاتب:	Julianna
اللقب:	همسة حب

البيانات
التسجيل:	Nov 2012
العضوية:	247670
المشاركات:	2,835
الجنس	أنثى
معدل التقييم:
نقاط التقييم:	5648

االدولة

مدونتي

الإتصالات
الحالة:
وسائل الإتصال:

كاتب الموضوع : Julianna المنتدى : القصص المكتمله من وحي قلم الاعضاء

رد: ذكريات وهل الحب ينسى

الفصل الثاني

مرت اسابيع وبعدها شهور وذكريات علاقتها مع بنات خالها تقوى وتزيد كانو ماشيات على نفس الوتر وممكن يكون هذا السبب الرئيسي لتحسن نفسية ذكريات الشي الي اسعد امها واخوانها طبعا حتى محمد كانت توصله تقارير يومية تقريبا عن وضع اخوانه وخصوصا اخته الحبيبة واخذ اجازة لمدة اسبوع بينزل فيها هو عائلته لعندهم وطبعا ذكريات من فرحتها باخوها وعياله ما خلت شي سوت سوبعة في البيت لانها تمووت فيهم....وعزيز داخل طالع يتحاوش معها يقال يعني يخفف دم...وكان خالهم حدد يوم بيسوي فيه عزيمة كبيرة ببيته فرحان بلمتهم ولانه حس عمره من زمان ما سوى عزيمة لانه انسان كريم...

يوم العزيمة طبعا تلفون ذكريات ما هدى الا ميعاد شوي تتصل او عايشة او شهد كل وحدة تسالها عن اللبس والاكسسوارات وصدعة البنات ^^ كانو يشاورونها لانه لها لمسة مميزة مع انها تحب البساطة مع شوية فخامة...

راحت ام محمد وعيالها لبيت اخوها قبل احد وهي طول الطريق توصي بنتها تخلي بالها من نفسها لانها كبرت وحلوت اكثر وما تنسى تقرا على نفسها المعوذات...ذكريات كانت لابسة فستان بسيط يناسب عمرها لونه كان توتي وحطت مكياج خفيف ولفت شعرها وطلع روعة...

-السلام عليكم
-عليكم السلام حي الله ام محمد شو هالحلاوة غطيتي علي يا اختي..

-هههههه وين اغطي عليك يا ام ريان وش زينك..

قربت ام محمد تسلم على اخت ام ريان وهي عينها على البنت الي عيونها بتتطلع وهي تشوف ذكريات لكنها ما عرفتها..

ام طلال:هلا والله ام محمد انتي وينك فيه ما شوفك..

-والله مشاغل احس الوقت ما فيه بركة...من البنت؟؟ بنتك؟؟

لفت ام طلال ومسكت بنتها وقالت: نعم هاذي بنتي شيخة البنات الريم...

ام محمد ابتسمت اذا هاذي شيخة البنات انا بنتي شو !! وسلمت عليها..

وطبعا مغايض الحريم مسكت ام محمد بنتها والمسكينة مش عارفة الطبخة كانها بنت صغيرة !!

-هذي بنتي ذكريات..

ام طلال بلمت وهي تشوف ذكريات: ما شالله شنه اسمها غريب شوي !!

ذكريات طبعا كله الا اسمها قالت: ابوي سماني...يعني بالعربي انطمي ^^

-الله يرحمه

طلعت من كذا صوت ...

سلمت ذكريات على شيخة البنات الي ردت سلامها ببرود لكنها ما حطت في بالها كانت لاهية بعيال اخوها محمد الا كل واحد يشدها من جهة..

زينب زوجة محمد: ذكريات ما ظني عيالي بهنوك بالعقدة لا تعطينهم وجه

ذكريات ابتسمت: الا بعطيهم احلى وجه..خلينا نعوض وضحكو...

من جهة ثانية كانت في نار شاعلة عند الريم الريم طيبة لكنها مغرورة تحسب نفسها احسن عن الناس يمكن لان ابوها غني لكن المال ما هو الا تراب الدنيا والانسان ما بياخذه معاه الا عمله !!

وطبعا تقوقعت على نفسها ولا تكلمت مع ذكريات ولا حرمة اخوها وكانت هذي اول مرة تشوفها فيها ...
ميعاد كانت طالعة حلوة لابسة فستان مثل ذكريات لانهم اتفقو يوحدون اللبس كان فيه كذا لون ولمت شعرها برفعة خفيفة..

عايشة تساسر ميعاد: اقول حرمة اخوك احس بيطلع نار من اذنها بعد شوي..

ميعاد كركرت مكانها: هس صخي عن تسمعك وتروح تشكينا من يفكنا بعدين من لسانه !!

عايشة: اففف عاد مدري كيف يحبها هالكثر !! يمكن في شحنات بينهم ايجابية بس ...وبينها وبينا سلبي في سلبي ...

-اخ بدت الاخت تتكلم بالفيزياء واللي يرحم والديك اعفيني..بروح انادي ذكريات مسوية حضانة لعيال اخوها ولا كانها جاية عزومة !!

-شو الحلوة كان قريتي/قعدتي في بيتك انتي وهاليهالو بس ناقصكم العاب وتكمل الصورة !!

-مقهورة تعالي..

-ابد وععع عيال اختي ملوعين جبدي شبي بعيال اخوك

لفت على زينب: مع احترامي لذريتك زوزو !!

زينب ضحكت عليهم: طلعو لعبو برع ماماتي ترى البيت متروس عيال...

الريم انقهرت شافت انه خوات ريان ماخذين زيادة على بنت عمتهم ولا عبروها فقامت تعقد عندهم تبي تثبت لهم انها الاحق بهالافضيلة...

وبدت سهام الحقد ووساوس الشيطان تلعب على كفة الخير والشر ...

الريم تبي تلعب على وتر حساس عارفة نقطة ضعف الانسان الي قدامها وقالت

-الا ذكريات انتي ما كملتي دراستك ؟؟

ذكريات رفعت حاجب شفيها داخلة عرض الاخت...

-لا السنة الجديدة بسجل ان شالله

-وليه ما سجلتي هالسنة؟؟ لا يكون النسبة/المجموع مش اوك !!؟؟

-لا نسبتي كانت اوك لكن ظروفنا الي مرينا فيها جبرتني ااجل الدراسة..

-الا هي وفاة ابوك..

-اي وفاة ابوي..

-مسكينة..

ميعاد بقلبها قالت وسكين ان شالله هذي شفيها عالبنت قاعدة تحقق معها !!

-ووين ناوية تسجلين بشي خاص ولا حكومي ؟

ذكريات وهي تناظرها وتسال نفسها ليش تحس اني تهديد لها حست بنفورها منها من اول سلام..والحين اثبتت هالشي..

-ما قررت بصراحة وين..

-اكيد بتسجلي حكومي الخاص ما تقدرون على مصاريفه ...

انصدموا البنات من كلامها وناظرو بعض وركزوا على ذكريات...وعلى ردت فعلها..

اه من زمن قام فيه الي ما يسوى يقول لي عن المصاريف..!!

ميعاد: ريم وانتي شدراك بظروفهم ؟؟

ريم رفعت حاجبها وما عجبها دفاعها عن ذكريات: لاني عارفة جامعات الخاص ومصاريفها وما ظني انه...

وقطع كلامها زينب: الله يخلي لها اخوانها ما بيقصرو فيها هي بس تختار وهم حاضرين واولهم محمد صح ذكريات..

وابتسمت لاخت زوجها وهي ودها تقوم تذبح هالهبلة..وحاسة ان ذكريات غصت ..ناس ما ترحم !!

-صح ,,انا بقوم بشوف عيالك وينهم فيه..

انسحبت ذكريات وانسحبو وراها البنات كل وحدة راحت في جهة وريم ماتت مكانها وقامت تكلم ريان يقال تبي تفضفض !!

غطت ذكريات نفسها وطلعت ما تبي تشوف لا عيال اخوها ولا اي احد مسكت نفسها داخل لكنها حست انها بتنهار ان تكلمت ريم كلمة وحدة زيادة عن وضعهم !! هي شدراها بوضعنا ؟؟ الحمدلله وضعنا ميسور لا اغنياء ولا فقارى !!

تذكرت كلام ابوها وهو يخطط شو بتدرس ووين بتشتغل !! ضحكت على ايام زمان لو تدري باباتي شصار فيني !!

ريان قام من عند الرجال بعد ما نحرق تلفونه من اتصالات ريم وضحكو عليه عيال عمته لانهم عرفو من يتصل هالكثر ما في غير المدام..وطلع يكلمها برة..

ريان: هلا والله برعاية الصوت

-هلا بك حياتي

-خير في شي ولا مشتاقة ؟؟

-لا ابد ما في شي

-ريم شفيك صوتك ما هو طبيعي ؟؟ متضايقة؟؟

-امممم لا .....يعني !!

-من شو ما عاش الا ضايق ريومتي!!
-لا والله عاش

-افا خير شصاير ؟؟

-بس ضايقة شوي من خواتك وبنت عمتك

استغرب ريان: من تقصدين بخواتي ؟؟

-كلهم !!

-ليش؟؟ شفيهم؟؟

ريان طبعه متسرع وبينه وبين نفسه قال بيكلم خواته قبل لا تقول ريم شو السالفة !!

-تصور انهم ما قعدوا معي طول الوقت قاعدين مع هذي الي اسمها ذكريات...

-اوك ليش ما كنتو كلكم سوى...

-انا رحت لهم ويعني حبيت اشاركهم بالحديث لكنهم تضايقو مني وانسحبو حسيت انهم ما يبوني بينهم ...

-لا لا تكبريها افا ريم انتي حرمة اخوهم ...واكيد ما قاصدين..

-الا قاصدين هالشي واضح !!

تنهد ما عرف شو يقول ما هو وقته كلامهم ابوه بيغسله لو تاخر اكثر..

-حبيبي انا تاخرت بنكمل بعدين اوك..

-شفت حتى انت

-خلاص ريم اكلمك بعدين

شاف ذكريات على بعد خطوات منه لكنها ما شافته وكلام ريم يدور في راسه...

-شتسوين؟؟

ذكريات يبست من الخوف هذا من وين طلع !!

-بغيت اشوف عيال محمد..

-العيال يلعبون في الجهة الثانية..

-اوك مشكور..

-وليه اصلا تشوفيهم البيت ترى فيه رجال

طول هالوقت من الحوار وذكريات عاطته ظهرها لكنه كلامه خلاها تلف عليه..

ناظرته بنظرة:تحسسني اني ما عارفة بيتكم او كاني بروح ادور العيال بميلس الرجال !!

ومشت تبي تروح...ما حبت توقف معاه زيادة..

-والله مدري عنك

عصبت ذكريات :خير ريان شايف شي على اخلاقي !!

ريان حس بنفسه زودها:لا السموحة منك بس دخلي داخل عن حد يطلع..

ناظرته وضيقت عيونها وبينها وبين نفسها تقول انه كريه ان تكلمنا ينغز بالكلام غلس سبحان الله مدري على شو اختك ميتة عليك واااع...

-ها شفيك ؟؟

-ولا شي.. ومشت

بعد شوي جاه صوت من وراه وضحكة خفيفة... ولف وكان خالد خطيب اخته...

-شو تسوي؟

-ولا شي كنت اتكلم تلفون..

خالد كان شايف الموقف وسمع الكلام كله !!

-اها زين..ومن كنت تكلم ؟؟ واشر مكان ما راحت ذكريات..

-انت هيه تراك فضووولي بنت عمتي والحين امش العود بيغسل شراعي قم يلا...

-هيه صح العود هو مطرشني ^^

ريان ما سمع الباقي ركض لميلس الرجال لانه يعرف ابوه يحب ولده البكر يقوم بواجب الضيافة..

من جهة ثانية خالد كان يفكر في البنت الي شافها تكلم ريان حس نفسه يعرفها من زمان وجها حزين لكن حلو وعيونها روعة اخذ نفس واستغفر ربه لانه مرتبط بانسانة يحبها ومخلص لها

-اعوذ بالله من الشيطان الرجيم..

ذكريات رجعت للحريم وهي مفوولة من ولد خالتها اووف يغث الواحد طالعلي تقول مارد مالت عليه وعلى خطيبته سبحان الله الاثنين يغثون الواحد..وهذي شفيها من يت وعينها علي عائلة غلسة..وكانت تقصد ام طلال الي هي ام ريم ^^

خلصت العزومة على خير وكانو واقفين في الحوش ريان ويا النسرة ريم وميعاد ويا خالد ^^ واهلهم بعيد عنهم شوي...طلعت ذكريات وامها وهي حاملة واحد من عيال اخوها يقال نام في حضنها وهي تمشي تقرب من خالها تسلم عليه الي رحب وسهل فيها بصوت عالي خلا الكل يلتفت يتسائل شو السالفة؟؟

-هلا والله بشمعة بيت مطر...

ضحكت ذكريات وما فاتها نظرات اخوانها: هلا والله خالي..

-من هالدب الي حاملته؟

-افا ولدي دب هاتيه فديت الدببة ..واخذ محمد ولده منها..وقال لحرمته انهم يمشون..

-شهالزين..

ذكريات حمرت وخضرت خصوصا انه في غريب واقف بعيد عنهم لكنه يسمع اكيد..مسوي مهرجان خالها ^^

-خالي بس احرجتني..

ومسكها بقو وقربها وقامو يتمشون وقال لاخوانها وامها: روحو بكلمها كلمة راس !!

ام محمد: كلمة شو تالي الليل؟؟

-افا الوالدة غيرانة من اخوها ههههههههههههه

-اقول عزوز انطم يلا امشي

-وينها ام ريان تشوفك..

-سمعت امك شقالت ....انطم وامشي

-هههههههههههه كانت ضحكة ناصر وامه عليه..

ريان من جهة ثانية كان يتابع تعابير وجه ريم الي انقلبت وباين عليها العصبية وهي تشوف ابوه وذكريات يمشون سوى..

-ريم شفيك؟

وكانها كان كبريت:ولا شي!!

-الا عمي من متى نزل عليه هالحب ؟؟

سكت ريان وحس انها تغار من بنت عمته ..:ابوي من زمان يحبها بس كانو ساكنين بعيد والحين تغير الوضع ..
-ليته ما تغير وضلو بعيد..

-ريم ترى ماله لزوم كلامك ذول عيال عمتي ..

-اقول ريان ترى انت بس الي ناقص!!

-ناقص شو ؟؟ انهبلتي انتي ؟؟ وبعدين من متى تكلميني بهالطريقة ؟؟

ريم سكتت عنه وهي بتموت من القهر هذي ساحرة بس انا اوريها !!

-خلاص فديتك سوري ويقال تبي تغير الموضوع قامت سالته عن بيتهم...

-يمكن ثلاث شهور بيخلص ما غيرتي رايك؟

رفعت حاجب وبكل غرور ردت: لا !!

بينه وبين نفسه قال هين يا بنت خالتي..

ريم من رجعت البيت وحالتها حاله طلعت على طول غرفتها...وما كلمت احد تحس بنيران شاعلة داخلها تحس بالغيرة ومن من من بنت العمة !! هذي من وين طلعتلي كانو البنات ما يهموها لكن شوفتها مع عمها وكيف كان لاوي عليها ويضحك معها ذبحتها ؟؟ عمره ما كلمني مثل ما كملها ولا ضحك وياي مثلها !! حتى البنات كانو غير معها !! اوووف ذكريات شو السوات وياك ؟؟ كان الشر يلعب بافكار ريم الغيرة من علاقة جمعت بين انسانة غريبة كليا باقرب الناس لها لكن هي بس همها ريان وواضح انه ما متاثر كثير ولا منتبه اصلا.

في بيت ريم لكن في مكان ثاني ام طلال تفكر بالبنت الي شافتها دخلت قلبها باين عليها طيوبة وحلوة المعشر فكرت تخطبها حق ولدها وما كذبت خبر قامت على طول تكلم طلال دقت عليه الباب ودخلت..

ام طلال: السلام عليكم مشغول فديتك؟

:افا واذا مشغول افضي عمري عشان الحلوة..

:ما تيوز انت من هالكلام الا خليه حق الحرمة

طلال حاس بوزه ها بدت العيوز على سمفونيتها

:ما عيبك كلامي اشوف بوزك ترى!!

طلال ضحك على امه: شو شايفة عروس امي

ضيقت عيونها وهي تناظره: والله على كيفك لا طارت ما بتلحق عليها..

:عصفورة هي..

:احلى العصافير. بعد

طلال مل من هالموضوع كل يوم والثاني امه جايبه له عروس وهو ما عنده مانع من الفكرة بس ماجل الموضوع ما يحس عمره مستعد

:اوك ومن هي؟

:بنت عمة عيال خالتك..

:يا الله شو هاللفة اخت عزيز وناصر..

:والله ما ادري عن اخوانها المهم الحين شو رايك؟ ولا اقولك شرايك تشوفها قبل يمكن تعجبك واذا لا خلاص ها شو قلت؟

طلال ما رفض الفكرة بوجه عام ووافق على طلب امه وهي قررت انها تعزم بيت ام محمد لغاية في نفسها..يمكن تصيب ؟

وكاي ام راحت ام طلال لبنتها ريم تخبرها عن نيتها وتفاجات وانصدمت من ردت فعل ريم الا عصبت وما خلت شي وما قالته الا البنات قلو او هذي مش من مستوانا او انا ما حبيتها !! كلام بنات كله ما دخل راس ام طلال الي اذا عزمت على شي بتسويه وما همها الخرابيط الي قالتها ريم.. ريم من حرتها راحت فورا لطلال

ريم: تبى تخطب قريبة بيت خالتي؟؟

طلال ناظرها بنظرة بمعنى انتي شدخلك ؟ :واذا بخطبها عندك مانع ست ريم؟

: لا ما عندي بس هي مش من مستوانا يعني انت رفضت الي احسن عنها والحين بتاخذ هذي !!

طلال يناظر اخته كانه ما يعرفها من متى احناا نتكلم عن الناس ومستوياتهم..:اقول ريم لا يكثر ولا تتدخلي بشي ما يخصك فهمتي ؟!
ريم بينها وبين نفسها هين انا اراويكم يا انا يا انتو !!
طلال 28 سنة شاب وسيم ماله بالزواج يحب الطلعات مع ربعه

في بيت ابو ريان

ما روحوا بيت ام محمد بعد العزيمة عقدوا كلهم مع بعض واخذتهم السوالف بين خبال الشباب وسوالف االشياب ^^ اما ذكريات كانت تفكر بكلام خالها حز بخاطرها كلامه الا انها متاكدة انه ما قصده شي كان يسالها عن دراستها وانه بيتكفل فيها لكن هي ما رضت وقالتله انه اخوانها موجودين ليش اليوم الكل مصر على نفس الموضوع حست انهم ماخذين موضوع تكاليف دراستها بجدية هي لو عليها بتدرس حكومي وتفك راسها !!

:يمه ذكريات قومي يبي شنطتي فوق بنروح.

قامت ذكريات وهي متضايقة بس ما بينت: ان شالله

راحت للطابق الثاني واخذت شنطة امها الي كانت بغرفة البنات وطلعت وهي طالعة لا هي شافته ولا هو شافها كانو متجهين بعكس بعض وصار الاصتدام وكان صدام قوي خلى ذكريات تمسك انفها وهي دايخة...وما عرفت شو صار ومن ....الا بادين تمسكها من كتوفها تثبتها وحست بصداع قوي ضرب مخها وصوت يردد اسمها بقلق..فتحت عيونها وكان ريان للاسف ناظرته بعيون رمادية مغيمة وحواجب معقودة وما حست انه الدم بدا ينزل من انفها...وكان قريب منها

ريان: ذكريات انتي تنزفين انتي بخير..تكلمي..

مسكت فيه من غير قصد ولا فيها قوة تعتمد على نفسها لانها بتطيح غمضت عينها وعضت على شفايفها شو هالمواقف الي تجمعني فيك !!

مسك راسها ورفعه لفوق: ونادى بصوت عالي على خواته وامه :تحملي شوي بنت العمة..

ناظرها وهي تتالم رقيقة هالبنت مع انه الصدام بينهم ما كان بذيك القوة..ما شافها هي وطالعة لو انتبه كان خفف من سرعته كان يفكر بكلام ريم اتصلت ضايقة قال امها تبي تخطب ذكريات لطلال !! طلال عمره ما نزله من زور شايف عمره ما عرف على شو !! ناظر البنت الي بين ايدينه وضحكة خفيفة بداخله لو شافته ريم بتتخبل !!

اول من وصل كانت ميعاد وصرخت بعلو صوتها: ذكريات شفيك !!

:لا تصارخي ناقصك انا تعالي مسكيها...بروح اجيب ثلج يوقف الدم

:كيف نزفت؟

:تصادمنا انا وهي !!

:خلاص روح بسرعة

ام ريان: يمه شفيك؟

ريان: ابد خير تصادمنا انا وذكريات وانفها ينزف بروح اجيب ثلج..

وعلى طوول امها طلعت لفوق تشوف بنتها وكان شكلها يقطع القلب والدم على وجهها الحلو وهي ولا حاسة بشي بس فجاة خف الالم من حست بشي بارد برد عليها قلبها وبدا النبض الي تحس مثل الطبل براسها يخف..فتحت عينها وشافت الكل متجمع بنات خالها وامها ومرت خالها وكان هو واقف بعيد شوي مكتف ايده وماتت من الخجل وهي تتذكر الموقف وانها كانت ماسكه فيه..

امها: ها حبيبتي شتحسين فيه احسن ؟؟

:اي الحمدلله احسن

ميعاد: بسم الله ريان انت صدرك حديد حشا مش بني ادم..!!

ام ريان ضربتها على راسها: بسم الله على ولدي رجال والنعم فيه اقول انتي انطمي بس..

ريان: سلامات بنت العمة ما قصدت..

ذكريات هذا ليش واقف يروح خلص الفلم: الله يسلمك ما صار شي انا بعد ما شفتك ..

البنات عايشة وشهد: اقول لو ريموه هنيه الا بتموت وبتعلن الحرب على خطيبها العزيز هيهيهيهي ^^

عايشة: اخ سكتي لا تيبي طاريها صدق حسيتها اليوم سخيفة ...

:يلا ماما قومي نروح وتريحي في البيت..

ونزلو تحت وصارت حفلة من اخوانها وخالها..الي لوى عليها والي حب انفها ريان حسها طفلة صغيرة كل من يا ودلعها ودللها ابتسم بداخله على الموقف كانت تتحشا تشوفه محرجة من موقفهم ... وطلال طلال ما يستاهلها ..خسارة فيه هالبراءة !!

وريم ما عرف ليش حاطة حطتها من بنت عمته يمكن تغار منها بس ريم ما عليها قصور جمال واخلاق وحبوبة..ما هو غبي ولكنه ما حب يدخل بمتاهات مع ريم على شي اعتبره كونه رجل انه تافه !!

06-01-13, 06:48 PM

المشاركة رقم: 18

المعلومات
الكاتب:	Julianna
اللقب:	همسة حب

البيانات
التسجيل:	Nov 2012
العضوية:	247670
المشاركات:	2,835
الجنس	أنثى
معدل التقييم:
نقاط التقييم:	5648

االدولة

مدونتي

الإتصالات
الحالة:
وسائل الإتصال:

كاتب الموضوع : Julianna المنتدى : القصص المكتمله من وحي قلم الاعضاء

رد: ذكريات وهل الحب ينسى

اتمنى ان الفصل ينال اعجابكم

وبصراحة ما كنت ناوية اكملها

بس الحمدلله غيرت رايي والفضل بيعود لنجلاء الريم وللعزيزة ماهيناز

ولاني لقيت حبكة فنتكة

شكرا نجولا وماهيناز على الدعم

وشكر لكل مين رح ينورني بقصتي البسيطة

محبتي

06-01-13, 07:53 PM

المشاركة رقم: 19

المعلومات
الكاتب:	تفاحة فواحة
اللقب:	عضو فخري محرر مجلة ليلاس

البيانات
التسجيل:	Sep 2010
العضوية:	190966
المشاركات:	20,103
الجنس	أنثى
معدل التقييم:
نقاط التقييم:	11911

االدولة

مدونتي

الإتصالات
الحالة:
وسائل الإتصال:

كاتب الموضوع : Julianna المنتدى : القصص المكتمله من وحي قلم الاعضاء

رد: ذكريات وهل الحب ينسى

سخيفه ريم قهرتني
ذكريات ماتوافق تتزوج طلال
احس ريان راح يتزوجها بس شلون مادري
شكرا جولي بانتظار البارت الجاي بفارغ الصبر

06-01-13, 07:57 PM

المشاركة رقم: 20

المعلومات
الكاتب:	ماهيناز
اللقب:

البيانات
التسجيل:	Oct 2012
العضوية:	246855
المشاركات:	342
الجنس	أنثى
معدل التقييم:
نقاط التقييم:	633

االدولة

مدونتي

الإتصالات
الحالة:
وسائل الإتصال:

كاتب الموضوع : Julianna المنتدى : القصص المكتمله من وحي قلم الاعضاء

رد: ذكريات وهل الحب ينسى

ربنا يخليكى يا جوليانا ويسعدك متل ما اسعدتينى بجد والله قصتك رائعه ومعلش اصبرى علينا شويه فى مشاهدين كتير وانا كنت منهم مش بيحبو يتابعو الروايه فصل فصل وبيستنو شويه لما يكون فى فصول كتير معلش استحملى عشان خاطرى موااااااااااه نيجى بأه للفصل الجامد يا ريتك كنتى لسه مخبيه ريم ههههههه دى خساره فيها اسمها وكمان ريان يا قلبى عليه بس يا حرام شكله نظره ضعيف خخخخخخخخ لاْ ومين طلال ده لا بقولك ايه ذكريات لريان وريان لذكريات والا الجمعه الجايه المظاهرات فى التحرير حتسقط النظام ههههه ومين خالد ده ايه علاقته بذكريات مفهمتش الحته دى بس عاجبنى اوى حتة التصادم دى هههههههه ياعم ركز شويه وسيبك من الرخمة ريم الحقوده بس يارب متكنش كمان شريره احسن زكريات دى بسكوته يا ناس يسلمو جولى ربى ما يحرمك منى هههههههه