اقتباس :-
المشاركة الأصلية كتبت بواسطة الهاله  |
مرحبا ,,,
صباح الخير ,, وصباح التميز من انسانه متميزه لأقصى حد ,,,
مايحتاج أقول عن القصه انها رائعه ,, ولايحتاج أقول انج مبدعه ,, حتى وإن كانت هذي خربشات ,, لكن كثير من اللوحات الفنيه
المشهوره والمعروفه ماهي الاخربشات لأصحابها ,,,
أجدتي طيف بكل ماتعنيه الكلمه من معنى ,,
شدني للقصه ,, اسمج في المقام الأول ,, لمعرفتي برقي تفكيرج ,, كما شدني لها ,, عنوان القصه اللي يحمل الكثير من
الرموز والمعاني ,, فالحمائم في القصه كثر ,, من أول شخصيه فيها وهي عوق مرورا بوضحه الى مشاعل اللي أحس انها تنوح
بصمت وبعمق لكن محد داري فيها ,,,
اضافة الى اللهجه الأصيله والمفردات العميقه والمتأصله في القدم والخاليه من المفردات الحديثة اللي طغت على لهجتنا
وكلامنا وبدينا ننسى الكثير من معانيها ,, فأضفتي لي حصيله لغوية ومفردات أصيله ,, كنت أجهل معانيها ,, ويوم قريت
البارتات ,,أضفتي لي الكثير ,, من اللي كنت أجهله ,,
نجي لشخصيات القصه ,, عوق وبعد ماعرفنا جزء من حياتها ,, وبلسانها هي ,, لم استغرب حرص وضحه عليها ودافعها
لمعاملتها بشده كان ينبع من ماضي عوق اللي مالها ذنب فيه أبدا ,, والدافع الثاني اللي هو تحرش سالم في عوق اللي ذكرته
عوق واعتقد انو عوق تظن انو امها المفترضه ماتدري ,, لكن الظاهر انو الوضيحي تدري بالبير وغطاه ,,,
بالنسبه لسعد ,, شدتني مواقفه مع زوجة ابوه اللي هي ( وضحه ) وفعلا حسيت انه نعم الرجال وانا اعتقد انو
سعد مسيره ومسيطر عليه سالم ,, لأن المواقف اللي وقفها مايوقفا واحد قليل أصل ,, حتى وان كان دافعه
الميراث ,, صدقيني يام الوليد ,, اللي يكون عنده هدف غير نبيل مايقدر يسوي اللي سواه سعد ,, ولابد
ماينكشف الوجه الآخر له وبفتره قصيره ,, لكن سعد طيبه طول مع وضحه ,, وانكشف وهو بمعية سالم وكان
اثناء الجلسه منحرج من كلام اخوه ,, لذلك اكاد أجزم انه مسير ومغرر به من قبل سالم ,,
اما الشخصيه اللي فعلا كسرت خاطري في القصه فهي ( مشاعل ) ضحية المجتمع المتشدد في من ناحية
تثقيف الطفل
جنسيا وانا هنا ماقصد التثقيف الكبير والمتفتح بدرجه خطيره ,, لكن ع الأقل اعطاء الولد والبنت بعض المعلومات
وبشكل بسيط
عن الفرق بين الجنسين ولنا في ديننا القدوة الذي الزم التفريق بين الأطفال في المضاجع حتى لو كانو أخوان ,,
لكن الكثير من
الأهل يجهلون هالأمور ويتهاونون فيها ,, الى أن تقع الفاس في الراس ,, وبعدها يصبح عندنا ضحايا مثل بدر
ومشاعل وعوق !!!!!
حتى في مسألة تربية بدر بين البنات هذي أكبر خطأ ,, لأن بيكون عنده فرصه لأن يشب على أمور البنات وهنا بيكون مهيأ لأن
يكون من الجنس الثالث أو العكس بالنسبة للبنت ,,,
الحديث في هالأمر يطول ,, يام الوليد ,, وليس هذا مجاله ,,
لكن ,, نهاية ,,
اشكرك ,, ع مناقشة هالقضية وان كنت أري انو القصه تشمل مجموعه القضايا الهامه والحساسه ,,,
تقبلي مروري وهذرتي الطويله ,,
تحيااااتي للجميع ,,,
|
هلا وغلا با الهاله
كنت داخله بنزل البارت وشفت ردك
ردي عليك يطول لكن وقتي ضيق بنتي مرشحه والغوالي ينادون يبون الغداء
انتي الوحيده الي اشرتي ان العنوان فيه مجموعه من الحمائم وهذا صحيح وهذا الي قصدته بنشوف ضحايا اخرين نتيجة الجهل
على لسان ضيف راح نستضيفه قريب با الروايه
وقضايا الاعتداءت والا اغتصاب والله ما كنت ابي اخوض فيها وخصوص انا كنت دايم اوقف بوجه البنات الي يكتبون عنها كنت اقول دائمآ
يا بنات بها القضايا لاحلول
ولكن الحذر الحذر
في موقف راح يصير في البارتات القادمه اطلعت عليه وحده من خواتي
وبعد ايام جات تخبرني قالت تذكرين الموقف الي انتي كتبتيه
اليوم في بنات يسولفون عن نفس القصه منشوره با الجرايد
ورجعت وعدلت الموقف
دليل ان المخادع يعيد نفس خطته والبنات المخدوعات ماشين وراه ولا كأن احد ينبه
ان الموقف سمعته قبل سنين من لما كنت سنه اولى جامعه
صار يعني قبل سنين طويله
ومع هذا تكرر قبل ايام
اللهجه تعمدت ان تكون با اللهجه البدويه وان الحدث صار في قبيله مشهوره
لأن ابليس خداعه واغراءه ماهو بعيد عن الكل
مشاعل بيكون لنا عوده معاها بعد بارتين وعوده جريئه جدآترددت كثير اني اكتبه لكن
عودتها ضروريه ومواقفها الي بتتكلم عنها احداث مفصليه با الروايه
سعدمثال كثير من الناس فيه الجانب الطيب لكن في وراهم شياطين توزهم
ولاتنسين الهاله فتنة المال عظيمه
ممتنه جدآلمرورك وتعليقك وثقتك بالي اكتبه
والله العالم اني استخرت قبل انزل الروايه
وهدفي انه يمكن في احد نايم في العسل ويمر من هنا يصحي
تثقيف اطفال في ظل ما نواجه من ابتلاء صار ضروره وخصوص البنات الضعيفات
اسأل الله انه يستر على اعراض بناتنا وبنات المسلمين
اسعدني جدآمرورك هاله
17-12-11, 12:12 PM
جديد مواضيع قسم القصص المكتمله من وحي قلم الاعضاء
العرض الشجري