يا خاطفي وين ألقى عزتي في زمان المذله / للكاتبة : على شاطئ النسيان .. - الصفحة 10

13-04-10, 10:15 PM

المشاركة رقم: 46

المعلومات
الكاتب:	safsaf313
اللقب:	ليلاس متالق

البيانات
التسجيل:	Mar 2008
العضوية:	66854
المشاركات:	2,022
الجنس	أنثى
معدل التقييم:
نقاط التقييم:	585

االدولة

مدونتي

الإتصالات
الحالة:
وسائل الإتصال:

كاتب الموضوع : safsaf313 المنتدى : القصص المكتمله

الــبــآرت الـــعـــشرون

يا ( مگآنہ |
هو وِع’دني
بِ ( انّہ !
دايم ينتظرني ’
. . . * مثل م’ا أنا وعدتہ [ اني ] برجع لہ وٍ احححححٍ ن ’’
( ليہ ؟
| خ’يّب |
هقوٍتي فيہ , وطعنّي ’

تسّمعٍ ’ إنتْ شششٍ لوٍنْ هآ الطعٍ نہ تئَََََََنْ

صباحية الزوآج
صحوآ البنات كلهم وجلسوآ بالصاله
جلست بتأفف : دآيم شوق تهاوشني عشان أكل
رغد تطالع البنات : مين اللي يسوون فطور اليوم
ريم : بليز انا بثالث فكوني من شغل البيت
شهد تشرب ميشو الحليب : اقول من اليوم بنسوي جدول شوق اللي تكرف وتغسل وتطبخ رآحت ياحلوين
دخلت مها وبيدها ورقه مرتبه الاشغال بين البنات : يالله شوفوا الجدول وينطبق من اليوم بدون اعتراض ســـآمعين
هنادي تهز راسها : ياربي .. من اليوم
مها تعطي رغد الورقه : يالله شوفوه بروح اسوي قهوة لأبوي واجهز فطوره
سحر : والله ضعنا بدون شوق هذا وماصار 24 ساعه على روحتها
سمر تروح للمطبخ : ظلم ليش انا اول يوم
ريم : ارضي يالله مافي اعتراض
شهد تنوم مشاري وتوقف : اللي عندها ملابس تبيني اغسلها تقوم تحطها عند سلة الغسيل ماراح اركض وراكم سامعين
سحر تميل فمها : من الحين الدكتاتوريه
شهد تتخصر : على بالكم انا زي شوق ببالي طويل واترجاكم ترجي انا اغسل الملابس يوميا اللي عندها شي هي تجيبه لكن انا امشي وراكم تحلمون
هنادي : طيب الله يرجك
رغد : وانا علي الطبخ تعرفوني احب الطبخ
ريم : وانا الكنس وتمسيح السيراميك
هنادي: وانا اجازة طول العمر خخخخخ
سحر : تحلمين انتي نطلع لك شغله
رغد تفكر : اممم انا اقولك انتي مسئوله عن نظافه الجدار والتحف والمرايا كل يوم تمسحينها حتى ماتغبر
هنادي : يالطيف هذا شغل يومي لنا كلنا
ريم : ايه ويش على بالك انتي
هنادي شوي وتبكي : وكانت شواقه تسويه ولحالها صدق احنا مفتريات
رغد : زمن الدلع ولى وراح ... دخل ابوهم وهو جاي من المسجد
ابو مها : السلام عليكم
الكل : وعليكم السلام
ابو مها : ويش فيكم اصواتكم لاخر البيت
سحر : والله يايبه اننا نقسم شغل البيت بيننا
ابو مها : وين قهوتي وفطوري .. " سكت شوي بعدها قال ".. يوم شوق في اجي القى الصينيه جاهزة قدامي
هنادي تبتسم : كلنا كنا مدلعين الحين مافي دلع شكلك يايبه من اليوم بتدخل المطبخ خخخخخ
ابو مها : ماهي بعيده والله يابنتي .. بس عندي بنات سنعات صح والا انا غلطان
كلهم صاروا يطالعون ببعض ونفسهم يتشققون من الضحك : ايه صح
ابو مها وهو يحمسهم : طيب يالله ابي فطور يشبع كل شي بالمطبخ حطوه
رغد وشهد يروحون للمطبخ : من عيوننا
ابو مها يطالع بمشاري : يازينه وهو نايم .. من زمان ماشفت اطفال
ريم : يبه انت تحبه زينا يعني
ابو مها : والله انه اغلى منكم عندي .. دخل قلبي الله يسامح امه وابوه اللي تركوه
سحر : اي والله ماعندهم قلب
سمر دخلت : ماكلمتوا شوق
الكل : لا
سمر : يبه نبي نروح لها
ابو مها بحده : لا عيب وانا بوك مايصير نروح لها من اول يوم استنوآ شوي
سحر : بس حنآ مشتآقين لها حيل يبه
ابو مها : تحملوآ .. تحملوآ كلها يومين ونروح لها
سمر تتخصر : طيب مها كلمت بندر وبتروح لها المغرب .. ليش هي ايه وحنآ لا
ابو مها : يايبه مها كبيره وعاقله ومتزوجه بتروح تشوف تحتآج اختكن شي والا تبي شي مايصير نتركها
ريم تهاجمه : آها هذآك قلتها مايصير نتركها تكفى تكفى يابوي ودينا لها
ابو مها بأصرار : لا يعني لا وانتهى الكلام
سحر : ليش الظلم .. مايصير كذآ يبه والله ظلم
سمر تبكي : أنا اشتقت لها يكفي أنها بتعيش بجده ومانشوفها الآ بالقطاره
ابو مها حن عليهم : اممم بكلمها وأشوف اذا فاضيين نروح بعد العشاء .. هجموآ عليه كلهم اللي تبوس يده واللي تبوس رآسه واللي تدعي له
ابو مها يضحك : هههههههه اثاري شوق غاليه عندكم .. اضن اغلى مني
هنادي بسياسه : حشاك يابو مهاوي انت اغلى وآحد بلا منازع بس حنا نمثل عليك ونحزنك حتى نكسب تمشيه حلوه
ريم : يبه يبه ويش رايك نروح نصلي العشاء بالحرم وبعدين نروح لها
ابو مها : الله تشوفونه بس مابي ماخبل ابيكن بنات عاقلات انا وآثق فيكم ومخليكم على رآحتكم .. يابناتي انتم اغلى من كنوز الدنيا عندي .. ابي اشوفكم بأعلى المناصب واهم شي دراستكم
سحر : يبه انا ابي ادرس طب .. تكفى لاتعارض رغبتي
ابو مها فرحان : افا عليك انا ودي وحده فيكم تكون دكتوره .. كيف اوقف بطريقك انتي وخواتك وصية الغالي الله يرحمه
ريم : الله يخليك لنا يبه
دخلت مها وبيدها الصينيه : وهذي احلى قهوه بالعالم لاحلى ابو مها بالدنيا
هنادي تتلفت : الجوال وينه عز الله بيتسمم ابوي من قهوتها
الكل : ههههههههههههههه
مها : اسكتي يالرفله
هنادي : لالا حنا نبي ابوي ماحنا مستغنين عنه

:::
:::

صحت من النوم على صوت أذان العصر كل قطعه بجسمها تألمها ..الم فظيع يسري بجسدها تذكرت اللي صار ضمت الشرشف لصدرها وهي تبكي جسمها كله أثآر جروح وخدوش .. عذآب نفسي وجسدي بآلنسبه لها أمتلت مخدتها دموع دموع حزن × الم × عذآب .. ماتقدر تحرك ظهرها .. بطنها تحس بشي ينهشه بدون رحمه .. لفت برآسها على الجهه الثانيه شافت ملابسها بحال يرثى لها ممزقه وكل قطعه بجهه .. وحشيته مستحيل تنمحى من بالها شافت فيه وحش ينهش لحمها بشرآهيه اغتصبها مره ثانيه ولكن بالحلال .. حاولت قد ماتقدر انها تستند على الكمودينه اخذت ملابسها ولفتها على جسمها وبكل صعوبه وقفت وتحركة للدولاب عيونها مغطيها الدمع ماتشوف طريقها تتمسك بكل زاويه او شي بطريقها ماتقدر تحرك رجولها من الألم اللي تحس فيه .. فتحت دولابها وطلعت لها لبس تلبسه واخذت منشفتها ودخلت الحمام وأنتم بكرآمه جلست بالبانيو وفتحت المويه اختلطت دموعها بقطرآت الماء .. حست برغبه جامحه للأستفرآغ .. وفعلا استفرغت (أكرمكم الله) بكت وبكت لحالها امتلى قلبها كره فوق كرها وحقد زاد اضعاف مضاعفه عليه
حاولت تمحي أثار لمساته ووحشيته اللإنسانيه دعكت جسمها بالجل بقووه لكن هيهات كان متقن رسماته على جسدها الضعيف والناعم .. قوتها ولاتضاهي قوته ولكن هناك من هو اقوى منه وأنتقامه اقوى من أي انتقام .. غطتها قطرآت الماء البارد يمكن أن تطفى نار جوفها وتطهر نجاسة فعلته
طلعت بعد معاناه اتعبتها جلست على السرير وهي لابسه تنوره قصيره شوي وبلوزه كت اضافة نعومه على نعومتها .. لازالت دموعها على خدها الوردي ضلت ربع ساعه على حالتها .. سمعت جوآلها يدق شافته على الطاوله ورآحت له بكل كلافه عليها شافت رقم مها حاولت تتمالك نفسها ولا تبين لها شي
شوق : الـــو
مها بصوت ساخر : الوآآت ياقميل وينك عن الجوال مليون مره دقيت عليك
شوق : كنت نايمه توي صاحيه
مها : حركآآآت توك صاحيه .. المهم ترى بعد العشاء بنجيك اوكي
شوق : حياكم الله
مها ماتطمنت لصوتها : شوق فيك شي .. فهد أذآك بشي
شوق نزلت دموعها لكن بنفس الصوت : لا ابداً مره طيب معي
مها ودخلها الشك : شوقه قولي الصدق فيك شي
شوق : لا والله بس مجرد تعب عادي .. مهاوي تكفين جيبي لي معك مسكن راسي وبطني يؤلموني من أمس
مها على نيتها : اوكي ياقلبي .. بجيب لك انتبهي لنفسك ولاتسوين شي احنا مابنطول عندكم
شوق : طيب
مها : بااي
شوق : مع السلامه .. جلست على الكرسي وحطت رآسها على الطاوله وجلست تبكي
دخل عليها وشافها على وضعيتها هذي كمل طريقه بأتجاهها وحط الكيس اللي بيده على الطاوله جنب رآسها
رفعت رآسها ودموعها على خدها وشعرها مبلول وبنظرات شراريه طالعت فيه ..جلس على الكرسي قبالها وكأنه انسان بريء طالعها ببرود
فهد : هذي ادويه لك استعمليها
رمت الكيس على وجهه باقوى ماتملك وقالت له من بين اسنانها بنبره واضح فيها الكره والحقد : مابي شي منك ياوآطي
ركز عيونه عليها وبنظره ناريه عقد حاجبه : المره هذي بكيفي امشيها لكِ لكن انتبهي على تصرفاتك يامدآم شوق لا أنهيك عن وجه الأرض
شوق وقفت واعطته ظهرها : اللي مثلك قاتل محترف مو غريبه عليك القتل لانك تقتل القتيل وتمشي بجنازة
عصب من كلامها وقف ورآها وبصوت خافت منه : اول من قتلته انتي !! والحين رجعت احييتك عشان اعوض الناقص بحياتي فيك
لفت عليه وبكل قوتها صرخت بوجهه : انا ماني محطة تفريغ تفرغ فيني .. ولاتحسب اني بسكت لك لالا ياشاطر رآجع حسابتك أول
فهد يمسكها مع دقنها بقوه ويقرب وجهه من وجهها : لاتصرخين بوجهي عشان لاتندمين
شوق تبعد يده بقوه عنها : لاعاد تلمسني يا أنجس خلق الله
وتفلت بوجهه وبعيونها حقد طالع فيها بنظره بركانيه وبأقوى مايملك صفعها كف طاحت على الأرض من قوته وهي مصدومه من كفه لها غطى شعرها وجهها نزلت دمعه حاره من عينها احرقت خدها مشى بخطى واثقه منتصره وقف قبل يطلع من الغرفه وبدون لايلتفت لها
فهد بصوت تصدعت من جدار الغرفه : هذآ أبسط شي اسويه لك ياحقيرتي .. وطلع لصالة جناحهم
مر وقت وهي على الارض تبكي بصمت دموعها جرحت خدها مكان صفعته لازآلت علامته وآضح والمه كسى قلبها وانكسر كل شي فيها هذي هي كل محطة في حياتها يمر شخص يشوه معالمها الجميله

آآهـ يا كبر القهر لا صار ما باليد حيله..
والجروح من( القــرايب) والخطا مني وفيني!!
ان نويت اشفي غليلي ما لقيت اية وسـيلهـ
كيف ابلقى دام جرحــي سبته طعنه يميني؟!
وان نوت تبكي عيوني صارت( الدمعــهـ ) بخيله!!
يآكبرها لامن تجمـــع هم قلبـــي وهم عيــني
ياهمـــوماً بي تعدت حدهـا صارت ثقيلــهـ
اخذي مني كم ســؤال ولو سمــحتي جاوبيني
ليه من بعد (الوفـــاء والطيــب) وفعولاً جليله
من يدين اللي حشمته أول طعـــوني تجيني؟؟
وليه لاضاق الفضــا في عيــن من خانه دخيله
مالقيت الا (المــلامه) انتهيها وتبديني؟
ياهمومي ياجــروحي يا صدى الروح العليله
والله ان الـــظــلم قهره قيّد لسانـــي ويديني!!
يوم قيل ناظر حسودك زاد في قوله وقيله
ما طــرالي غير قولت آآآخ يا دنيــا ارحميني
ان تكلمت وحـــكيت وجبت برهاني ودليله
ما تضــرر كود منهو قد لفانــي منتخيني!!
وان سكــت وقلت هانــت هــم وسنيني تزيله
اكتشفت ان (السنين) تزول والهم محتويني!!
بس لجــل اللي انتخى في جد جــدي والقبيله
والله اني لاشــرب المــر واتحــمل ما يجيني
ودام ما بالكون (صــدراً) ارتمي به واشتكيله
ودام مابــه عين تقـــرى حزني اللي مبتليني!!
ما لي الا بيت شـــعراً اذكــره في كل ليله
لا انتهى جـــدال المعاتــب بين قلبي وبين عيني

وقفت لملمت بقايا شتاتها وانكسارها مسحت دموعها وغسلت وجهها حتى تبعد أثر الدمع عن خدها رجعت للمرآيا مكان صفعته حمراء لونه لون الدم مررت يدها عليها نغزها الالم غمضت عيونها وحاولت تتجاهل الالم ومشطت شعرها واستشورته حتى اخواتها مايشكون بشي وخصوصا عمها ومها اخفت اي معالم بوجهها بالميك آب والكحل .. لكن فتحت بلوزتها اللي بارزه كل صدرها كيف تخفي اي جرح وخدش فيه حاولت وحاولت لكن كلها فاشله جلست على السرير وعيونها متعلقه على الباب تنتظر دخول اهلها مستحيل تطلع وتقابله .. أذن المغرب وهي ماحست بمرور الوقت صلت وكالعادة دعت ربها بعد صلاتها طوت سجادتها بعد ماخلصت وهي تسبح وتستغفر ربها فتحت الدولاب تطلع صندلها ارتجفت من دخوله عليها وهو يطالعها بدون أهتمام متجاهل وجودها
فهد : ترى ابوي واهلي بيجون .. مابيك تبينين أي شي لهم لو تزلين بشي ترى ماراح اتسامح معك ابد سامعتني .. طنشته ولا ردت عليه ومشت وهي تعطيه ظهرها
صرخ عليها بصوت وحشي : سامعتني !!.. بعد طنشته ولا ردت عليه وجلست على الكرسي تشرب مويه طلع من الغرفه وهو معصب منها
شوق ( الله يكسر يدك يافهد الله لايعطيك عافيه ياحيوان ياسافل ) حبست دمعتها بعينها وقررت تتجاهله وتطلع تجلس بالصاله حتى تنرفزه بوجودها

رغد تكلم الجوال : ايه طالعه مع اهلي
عبدالله : لوين ؟!
رغد : بنروح لأختي اذا جينا أكلمك اوكي
عبدالله : اوكي عشان اقولك رائي الوالده فيك
رغد حمر وجهها : صدق اوكي اول ما أرجع بكلمك
عبدالله : اوكي يازوجتي الغاليه .. احرجها بكلمته وولعت خدودها
رغد بصوت مستحي : يالله باي
عبدالله : باي ياحبي
اول ماسكرت غمضت عيونها بحالميه وحب لعبدالله اللي سكن روحها وقلبها وعقلها .. استولى على كل شي بدنياها تفدآه بعمرها كله .. حبته بجنون وملك شي ماقدر اي احد يملكه برغد
شهد تطالعها بعيون غريبه : رغيد فتحي عيونك وكملي كشخه مالي خلق تأخرينا
رغد : انا خلصت بس باقي المسكره والروج على بالك زيك بطيئه
شهد : ما أقول الا الله يرفع عنك .. يالله بس اخلصي علينا
رغد تجلس على كرسي تسريحتها : طيب طيب لا تزعجيني .. خذي عباتك وسفرقي عني ( يعني انقلعي هع )
شهد تأخذ عباتها : هين يارغيد يالعجيز ومدت لسانها وطلعت
رغد فتحت عيونها على الاخير وبيدها الماسكرآ : صدق انا عجوز .. خبله شهد انا اوريها
بالصاله
مها : يالله يابنات ورآنا مشوآر طويل
ريم تلف طرحتها : انا خالصه
سحر : وانا كمان
مها : والبقيه ابوي وجلالي تحت يالله يابنات .. وجوآ كلهم ورآحوا

:::
:::
:::

كانت جالسه مع ام رياض وندى وليان ودانا اللي جايين مع جدتهم وجدهم
ام رياض : ألف مبروك يابنتي
شوق بخجل وحياء : الله يبارك فيك ياعمتي
ندى : تصدقين انتي احلى بدون ميك آب
ليان : لالا بصراحه بميك آب وبدون تجننين
شوق استحت من كلامها : تسلمون .. كلكم ذوق
دانا : وين خالي فهد وجدي
شوق : بالغرفه الثانيه .. قبل تكمل كلامها دخل فهد ومعه أبوه اللي فيه شبه من فهد
ابو رياض : السلام عليكم .. وقفت شوق وهي منزله رآسها من الحياء
الكل : وعليكم السلام
ابو رياض : مبروك يابنتي
شوق وهي منزله رآسها : الله يبارك فيك
ابو رياض : عسى ما أزعجناكم بجيتنا
فهد : افا عليك يبه المكان مكانكم
ابو رياض يجلس بالمكان اللي كانت جالسه فيه شوق .. وجلس فهد جنبه على مسافه بعيده شوي
ابو رياض : اجلسي يابنتي جنب زوجك ليش وآقفه
شوق تطالع عمها اللي واضح فيه الحنان : بأقهويك ياعمي
ابو رياض : ارتاحي يابنتي ندى تقهوينا .. وجلست جنب فهد بس حاولت تبعد عنه لكن الكنبه ضيقه
تحس بالم يطعنها ببطنها وظهرها ماتقدر تتحرك منه كثير لكن تجامل قدآمها وهي تتعذب بدآخلها
ابو رياض : يالله يام رياض بنروح
فهد : بدري يبه اجلسوآ
ابو رياض : بننزل الحين الحرم نصلي مابقى شي على الصلاه وبعد تأخذ رآحتك مع عروستك
فهد : بس باقي وقت على الصلاه
ابو رياض : ماعليه ياولدي بنروح ورآنا سفر بكره .. وقفوآ الكل .. وأتجهوآ لباب الجناح وورآهم شوق وفهد ودعوهم .. رجعت بسرعه وجلست على الكنب وحطت يدها على بطنها وهي تتألم بقوه لما دخل الصاله وشاف لون وجهها الاصفر خاف يصير فيها شي .. قرب منها ووقف جنبها
فهد وهو هادي : ويش فيك ؟!
رفعت رآسها وهي تقول له بألم : يعني ماتعرف .. كله منك أتألم
فهد جلس جنبها وحط رجل على رجل ورجع راسها على ورى ولف يديه ورى رآسها : والله اذا هذآ اللي تاعبك فهو شي عادي لازم تتعودين .. طلت فيه ببرود ونظرة احتقار ونزلت رآسها
فهد : اذا مره تتالمي اوديك المستشفى
شوق : شكرآ مايحتاج مستشفى .. وقفت بتروح الغرفه وتعلقت عيونه عليها وقال لها بصوت هادي
فهد : روحي غيري ملابسك أحسن لك بدل الدم اللي ماليها .. لفت عليه والشرار يطلع من عيونها
صرخت عليه : حـــــــقـــــــــيـــــررر.. طنشته ورآحت للغرفه

::
::
ريم : يبه هذآ الفندق اللي فيه شوق وفهد
ابوها : ايه هو ذآ
هنادي : اخص ياشوق حركات بالهليتون
مها : بلا حكي فاضي وهيا على البوابه وبهدوء
شهد شايله ميشو اللي يبكي بحضنها وهي تحاول تسكته : بنات شيلوآ شنطتي
رغد : امشي انا اجيبها معي
سحر اول وحده وصلت عند الانصنصير وهي تضغطها عشان ينفتح لهم : هناديوه شوفي العلامه طالع والا نازل
هنادي تشوف الاسهم الحمراء : شكل هذا الشريط ياسحر حق سوق الاسهم <<~ فايقه تستعبط البنت
سحر انقهرت منها : يالمسوآك فتحي عيونك
هنادي تضربها على رآسها : مسوآك ابرك منك يالدب القطبي
سحر عصبت وحمر وجهها : انا دب قطبي .. وضربها على بطنها بكوعها
هنادي عصبت : هيه على بالك يدك خفيفه والله لاصقع رآسك بالجدار الللي ورآك
سحر تحط يدها على خصرها : فيك خير مدي يدك وشوفي ويش بيصير لك
هنادي تدفها بقوه : هاه وريني ويش بتسوين ياكودليزآ رايس ياتكر انتي
سحر وصل ضغطها مليون ومسكتها من ورى وسحبت طرحتها وهي ناويه تصفقها : والله لا اوريك يامعفنه
هنادي تدفها عنها : يابقره بعدي يدك لا اوريك حركة التكوأندو الجديده
سحر تضربها على ظهرها ودموعها بعيونها : استقوي علي يابويه
هنادي فار الدم بعروقها : انا بويه يــــ... وقبل تكمل كلامها جاء ولد وقال
..: عيب عليكم تتهاوشون
هنادي : وانت ويش خصك اقلب وجهك عنا
الولد : على أي صفحه ههههههه
سحر تضربه بكعبها على رجله : ابعد عنا لا أجمع عليك خلق الله
هنادي تسحب سحر لجوآ الانصنصير وتقفله : خلاص اهجدي عاد
سحر : طيب الله يرجك ... سكتوآ شوي
هنادي : اقول اي دور غرفة شوق
سحر : مدري احسبك تدرين
هنادي : ابوي وينه تركنا ورآح وخواتي
سحر خافت : يمه ما أدري يا هنادي
هنادي : اووف خلينا نرجع تحت الحين .. ورجعوا للدور الاول يدورون ابوهم شافوآ ابوهم يكلم الجوال من بعيد .. واتجهوآ له
سحر : يبه وين رحتوآ ندوركم حنا
ابوهم يقفل الجوال : وانا ادوركم خبري فيكم يوم دخلنا مع البوابه
هنادي : احنا نحسبكم ورآنا
ابو مها : يالله خوأتك يستنونا عند المصاعد ... ومشوآ بأتجاههم

كآنت بغرفتها بعد مابدلت ملابسها لبست بنطلون برمودآ أسود وبدي لون منقاوي طويل شوي لاخر خصرها ومفتوح على شكل v من عند الصدر وتحته حزآم اسود والظهرعلى شكل دمعه طول الظهر.. كان استر شي في الدولاب رفعت شعرها ذيل حصان ونزلت خصل عند اذنها وخصله على وجهها تعطرت وحطت بلاشر مشمشي وروج وردي لامع وكانت بأروع شكل .. رجع لها الالم بظهرها وبطنها بس على أخف شوي
سمعت صوت الجرس وعرفت انهم اهلها لان مها كلمتها قبل دقائق تحملت على نفسها وطلعت من الغرفه شافته متجهه للباب
شوق : لحظة انا بفتح الباب .. لف عليها وهو مستغرب من كلامها
فهد : يمكن السيرفيس روم
شوق : لا هذول اخواتي وعمي
فهد : بكل الحالات انا بفتح الباب
شوق تعارض : بـــس اخــ...
فهد يلف عنها ويمشي : اخواتك ماراح اكلهم .. ومشى للباب بثوبه وشعره كان عشوائي ومعطيه جاذبيه فتح لهم الباب ودخلت شهد ومعها مشاري وعلى باله شوق اللي فاتحه الباب
شهد بتعب : خذي خذي ميشو تعبت وانا شايلته .. ولما مدت يدها اخذه فهد وهو منزل راسه وتفشلت منه ودخلت بسرعه جوآ .. ودخلوآ بعدها البنات وابوهم
ابو مها : السلام عليكم
فهد : وعليكم السلام ... حياكم الله ياعمي
ابو مها : الله يحيك ياولدي .. كيف حالك وكيف عروستك
فهد : بخير جعلك بخير ياعمي .. ودخلوآ للصاله وشوق تسلم على خواتها اول ماشافت عمها رآحت سلمت على عمها وباست يده وجبينه
مها : مبروك يافهد ....فهد منزل راسه ومشاري على يده
فهد : الله يبارك فيك يارب .. عقبالك .. ضحكوآ كلهم على كلمته
هنادي بلقافه : هذي سبقتكم وتزوجت
فهد : اجل عقبال البقيه
ابو مها : امين يارب .. اعطى مشاري لابو مها .. واخذ شماغه وعقاله
فهد : انا طالع حتى تاخذون راحتكم مع شوق
ابو مها : والله ماتطلع .. البنات يروحون مع اختهم لجوآ
شوق : انا بأخذهم لغرفتي
رغد تهمس لها : طيب الجاتوه والبيتفور وين نحطه
شوق تاخذه منهم : روحوآ الغرفه انا اجي لكم بعد شوي .. ورآحوا وهي اتجهت للزاويه اللي على شكل مطبخ وحطت الجاتوه بصحن دائري ووزعت الباقي .. وأخذت الصينيه ومشت قد ماتقدر وبظهرها يألمها .. حطتها على الطاوله وهي تطالع بفهد اللي اسمه واسمها على الجاتوه
ابو مها : الله يرضى عليك يابنتي ويوفقك يارب
شوق : امين يارب لاتنساني ياعمي من دعواتك
ابو مها : والله يابنتي البيت من دونك مايسوى كلنا فاقدينك
نزلت راسها ووقفت : انا بروح للبنات تامرني بشي عمي
ابو مها : سلامتك ... رآحت للغرفه ولقتهم كلهم جالسي ينتظرونها
مها : ياهلا والله بشوآقه
شوق : هلا فيك
سحر : وحشتينا يابنت هذا يوم واحد بس كانه سنه
شوق : توي ادري اني غاليه
شهد : والله فقدناك مرره
هنادي تتطالعها بتفحص : بنت .. قصدي ياحرمه ويش فك شكلك تعبانه
شوق : لاتعبانه ولاشي بس ماشبعت نوم
رغد عينها على صدرها : شوق ويش الجروح هذي اللي بصدرك تفجع
شوق تضم البلوزة على صدرها : كافي اسئله ياكثر اسئلتكم
مها تضحك : احرجتو عروستنا اهجدوآ شوي
ريم بخوف : يعني لو اتزوج بيصير فيني كذا حتى النوم ما انام
شوق عصبت : لالا ماراح يصير كذا بس اسكتوا ياربي
هنادي : حنا نب نتعلم منكم
شوق : هناديوه اسكتي ابرك
شهد تغمز لهم : خلاص يابنات اسكتوآ
سمر شافت الكيس اللي جابه فهد لشوق وطلعت من علبة دوآ ورفعته : هيــــــــــــه .. كلهم لفوآ عليها
سمر : شوقه ويش ذا الدواء
شوق عصبت وصرخت عليها : اتركيه حق فهد
سمر ترجعه وتحط الكيس على الكمودينه : طيب خلاص اعوذ بالله كاننا ارتكبنا جريمه
مها تهدي شوق : ويش فيك متوتره هدي بالك
شوق تهمس لها : انا تعبانه مره مالي خلق احد وهم ذبحوني بالاسئله ليش وايش اووف
مها تستهبل : طيب ليش
شوق عقدت حواجبها : بموت انا منكم بموت
رغد : يالطيف .. حكينا ويش صار معك هيا تكلمي
شوق : ماصار شي اول ماجيت غيرت ملابسي ونمت وماصحيت الا العصر من التعب لي يومين مانمت زين .. والمغرب جوآ أهل عمي وقبل تجون بشوي رآحوا
مها : وكيف كانوآ
شوق : شكلهم مره طيبين من كلامهم وتعاملهم معي وانا زوجه فهد مو ولد ام رياض
سحر : ايه مبين انهم طيبين حتى زوجك شكله تحطيم يجنن مشاء الله
شوق تطالعها بأستغراب وبداخلها ( عساه يموت ان شاء الله من زينه الله يأخذه ويفكني منه ومن شره )
رغد : ياويلك هذا زوجها ماتسمح لاحد يتكلم عليه
شوق : قفلوآ على السيره .. سمعت صوت فهد يناديه قامت بتأفف وهي يادوب تمشي حتى ماتبين شي لاهلها .. وطلعت له
شوق : ويش تبي ؟!
فهد يعطيها مشاري : خذي هذا مدري ايش يقرب لك
شوق : مو لازم تعرف .. وأخذت مشاري ولمست يده بدون قصد وأرتبكت من لمسته طلعت بعيونه وهو يطالعها بتفحص طنشته ورجعت للغرفه .. خلت ميشو بحضنها تلاعبه
مها تهمس لها : شوق خوفتيني عليك ترى قبل شوي بالعافيه وقفتي .. في شي يألمك
شوق : لا مافي شي
مها تحاول تسحب منها الكلام : قولي ويش سوى لك زوجك الغبي
شوق : ماسوى شي
مها : ماهي علي هذي الحركات .. والاثار اللي بصدرك تقدرين تقولين ويش هي
شوق بتأفف : مهاوي بليز ترى من صدق تعبانه وماني قادره اتكلم لا تزني علي
مها : اوكي برآحتك .. بس حطي شي ببالك اني خايفه عليك واي شي تبينه كلميني على طول
شوق : اوكي اوعدك اذا احتجت شي بقولك

:::
:::
فاتن مستغربه تغير اخوها : وين بتأخذني يافايز
فايز بطيبه : بنروح نتمشى من زمان ما أخذتك بتمشيه
فاتن تطالعه بنص عين ولفت على ابوها : غريبه مالك عاده تأخذني
فايز : يعني الاخ مايصير يغلط ويمشي اخته ويعشيها بالمكان اللي تبيه
فاتن: يصير بس ابوي يمكن يحتاج شي
فايز : توك مخلصه من اغراضه واظن ابوي ماهو معترض
هز ابوهم راسه وهمهم بكلمات فهمتها فاتن وأبتسمت له ووقفت تلبس عبايتها
فايز : يمكن نتأخر يبه .. لاتخاف علينا
دخلت وطرحتها على كتفها : يالله فايز أنتهيت
فايز يوقف : مع السلامه يبه .. وطلعوآ للسياره بعد ماحرك السياره ومشى لمكان بعيد طلع كيس من تحت الكرسي ومده لفاتن
فاتن تطالعه بأستغراب: ويش فيه الكيس
لف عليها بنظرات خبيثه وماكره : شوفي يافاتن تنفذين أي شي اقوله لك بالحرف الوآحد ومابيك تنطقي كلمة لا مفهوم
فاتن بدت تخاف منه : ليش ؟
فايز يركز على الطريق : اقولك ليش .. انا مطفر وجاتني فلوس بارده مبرده 10 الالاف ريال مابي اضيعها وانتي سبب الفلوس هذي
فاتن نزلت دموعها : ويش يعني انا السبب
فايز ضحك ضحكة شيطانيه : هههههه بتفهمين كل شي بالشقه ..
:::
:::
:::
رجعوآ من عند شوق مبسوطين وفرحانين .. دخلت غرفتها وقفلت الباب دقت عليه بلهفه وشوق وحب ملئ قلبها
عبدالله : أهلين
رغد : هلا وغلا .. أخبارك
عبدالله : تمام .. بشري عسى انبسطتي عند اختك
رغد : الحمدلله أنبسطنا كلنا .. بس طلعنا عينها ورجعنا
عبدالله : ماطولتوآ صح ؟!
رغد : يس ماطولنا .. كلها نص ساعه ورجعنا .. المهم طمني عنك انت
عبدالله : من اسمع صوتك اصير بألف خير ياروحي
رغد : من جد عبودي اشتقت لك مره .. طول الوقت افكر فيك نفسي ارجع بسرعه حتى اكلمك
عبدالله : ياعمري عليك يارغودتي .. تصدقين فقدتك الفتره اللي فاتت
رغد ترمي نفسها على سريرها : ومن سمعك انا اكثر كل وقتي افكر فيك .. حتى بكاء بكيت عليك يادب
عبدالله : ههههههه تستاهلين انتي اللي انقلبتي علي
رغد : الحين تصحح الوضع .. على فكره رجعت كلمة أبوي
عبدالله : لا بعدي ماكلمته مره ثانيه . عشان عمي مسافر وبعد يومين يرجع ويكلم ابوك ويحدد معه موعد
رغد بفرح : أنتظر هاليوم بفارغ الصبر يا عبودي
عبدالله : بنكون اسعد زوجين بالدنيا ..
رغد بحياء : أكيد دام نحب بعض بنكون أسعد اثنين بالعالم
عبدالله : ماقلت لك امي واختي ويش قالوآ عنك
رغد تحمست : ويش قالوآ ؟
عبدالله : امي ميته عليك وأختي بعد تقول حبتك انتي وشهد
رغد : والله يشهد علي اني حبيتهم .. وغلاتهم من غلاتك ياقلبي
عبدالله : أنا استأجرت شقه قبل شهر ونقلنا فيها انا وأمي واخوآني .. بدل ماهم بالقريه لحالهم
رغد : صدق .. كويس بس مدارسهم ايش صار عليها
عبدالله : نقلتهم كلهم للمدينه والحمدلله الحي اللي استاجرت فيه مدارس البنات والاولاد قريبه من بيتنا
رغد : الحمدلله .. على فكره عبودي اختك سنه كم
عبدالله : ثاني ثانوي علمي
رغد : مشاء الله شكلها اصغر ..توقعت انها بثالث متوسط
عبدالله : ههههههه ياويلك لو تسمعك يمكن تموت
رغد : بسم الله عليها ..
عبدالله : رغـــودتي
رغد : عيوني !!
عبدالله : أحــــــبــــــكـ
رغد حمرت خدودها وردت عليه : وأنا أمــــــوت فــــيـــكـ
بغرفه ثانيه من بيت أبو مها
ريم : هههههههههه خطيره النكته
سيف : هذي اخر نكته بالسوق
ريم : الله الله .. اكسكلوزف يعني
سيف : تقدرين تقولين كذآ
ريم : ويش اخبار خالتي بعد الزوآج أمس
سيف : الحمدلله ماعليه بس تقول انك كنتي ملاك
ريم بحياء : وي هي قالت كذآ
سيف : أيه والله قالت كذآ .. مايدرون انك بكل حالتك ملآك بعيوني
ريم : تسلم لي عيونك ..
سيف مصدوم : ويش قلتي .. عيديها
ريم بجرآئه : تسلم لي عيونك
سيف : ايوه خليك كذآ جريئه ترى ذبحتيني بالحياء
ريم : الحياء شعبه من الايمان
سيف : وه فديت اللي تعرف تتكلم .. خبطي فيني يابنت محمد
ريم : عقبال مايطير عقلك بالمره
سيف : ههههههه ماهي بعيده والله
دخلت عليه ساميه وشافت يكلم الجوال ويضحك وقفت قباله وهي تتخصر وبصوت عالي متقصدته
ساميه : هذآ اللي فالح فيه طول اليوم تكلم ست الحسن والدلال .. حتى الأكل ماتاكل
سيف يغطي الجوال بيده : ساميوه اتقي شري وانقلعي عن وجهي
ساميه : قوم قوم كلم أمي تبيك بموضوع مهم
سيف : قولي لها ربع ساعه وأجي
ساميه : بالله ماتمل من صوتها كل يوم تكلمها .. من زينها ياربي لك الحمد
سيف بعصبيه : أطلعي من غرفتي وشغلك عندي بعدين
ساميه تلف عنه : صحصح وشوف كيف صاير بنت محمد توديك يمين ويسار على كيفها وهي لسى ماجات بيتك ياحظي ..
سيف صرخ بأعلى صوته : أطـــــــــــلـــعـــي برآ
ورجع للجوآل ونطق بأسمها لكنه كان يسمع صوت بكاها
ريم : يلا باي
سيف : ريم ليش تبكين
ريم : مافيني شي بس طحت على الكرسي
سيف : قولي الصدق ياريم .. سمعتي كلام ساميه أختي
ريم تنرفزت : ابي افهم شي وآحد ياسيف ليش اختك تكرهني .. مو بس اختك أهلك كلهم مايحبوني على بالك ماني حاسه بالشي هذآ .. نظراتهم وتلميحاتهم حتى بنات اعمامك انا ماعمري أذيتهم بشي ليش هم يأذوني خصوصا اختك ساميه
سيف : ماعليك ياحبيبتي أهم شي انا وانتي ماعليك بأحد ولاتهتمي بكلامهم ..
ريم : انا ماني مستعده اجي لبيت ناس كارهيني .. وفهم أختك أني مالي ذنب تكرهني وتحقد علي
سيف : لاتهمك ساميه طبعها كذا شرانيه .. لكن قلبها طيب وبسرعه تتأقلم مع الناس
ريم : ايه باين مرره .. وخصوصا يوم تجلس مع كوثر .. انا مضطره اقفل الحين ابي اكمل شغلي
سيف : انتبهي لنفسك ياعمري
ريم : وأنت بعد .. يلا سيآآ
سيف : سيآآ .. رمى الجوال على سريره وطلع معصب ووجه أحمر ومتنرفز صرخ بالصاله وهو يدور على ساميه .. نزل للصاله التحتيه .. وشافها جالسه عند أمها
سيف مسكها مع شعرها ووقفها : مليون مره قلت لك لا تتدخلين بيني وبين ريم
ساميه تحاول تفك يده عن شعرها : مالت عليك وعليها .. اتركني ياغبي تمد يدك علي عشان هذيك اللي سمعتهم بالأرض .. أعطاها كف قدآم امه وكان ابوه توه دآخل وشافه يوم ضرب أخته
سيف بعصبيه : أحترمي نفسك ياساميه وثمني كلامك قبل تقولينه لا أخليك تندمين على اليوم اللي أنولدتي فيه ســـآآمعــه
ابو سيف : خير ويش صاير
سيف يتنفس بسرعه : يبه شوف ساميه انا ماعدت اتحمل شرها
ابو سيف : ويش مسويه أختك .. جلس سيف وقال لأبوه كل شي قالته ساميه واللي قالته له ريم
ابو سيف بحده : ساميه .. أول وأخر مره اسمعك تتكلمين عن زوجة أخوك كذآ والا انا اللي بتعامل معك بشي ماتتوقعينه
ساميه بقوه : انتم تدرون أني اكرها لاتلوموني
ابوها : الكره بالقلب .. أحترمي شعورها على الأقل
ساميه تصرفهم : يصير خير .. وطلعت لغرفتها

بآلبيت
سحر أتنرفزت من اللي قالته ريم : ماعليك منها لاتسكتين لها أبدآ ترى كذا بتتمادى معك
ريم : تعرفين اني اكره المشاكل ولا أطيقها بس ساميوه ذي عقربه شكلها بتكرهني بعيشتي
هنادي : اقول ماعليك منها دوسيها الغبيه ذيك لو أنا مكانك كان أدبتها
ريم بتأفف : والله اني احب سيف .. طيب ويحبني ومثقف ومتعلم بس اخته الله يأخذها
سحر : أجل طنشيها
شهد : ماعليك طنشيها اللي مثلها ماينفع الذوق معها
سحر : بقوه بعد
::
::
بالفندق دخل عليها وبدون نفس قالها
فهد : البسي عباتك
شوق عقدت حواجبها وبنظره ناريه : وليش ؟!
فهد : بنروح نتعشى بمطعم
شوق تكمل قرائه المجله : بس أنا شبعانه مابي أكل
فهد يجلس على الكرسي اللي قبالها : زين والله وفرتي علي 300 ريال
شوق بنظرة احتقار : وبخيل كمان .. مالت عليك بس
فهد : كأنك زودتيها شوي .. ترى ساكت لك بمزآجي والا الكف ما أثر فيك
شوق بحقد دفين : عسى يدك لشلل اذا مديتها علي مره ثانيه .. ومابتردد بدعواتي عليك
فهد : انتي يالنجسه تدعين ههههههه اخر زمن والله
شوق ارتفع ضغطها منه وأنقهرت زياده ولعت من كلامه : ما النجس غيرك انت انا اطهر منك مليون مره
فهد ببرود يرفع رجله وحطها فوق رجله الثانيه : اموت عليك يالطاهره انتي
شوق رمت المجله على الطاوله اللي فاصله بينهم : ايوه اطهر منك غصب عنك ..وقفت وأعطته ظهرها
جاء ورآها وهو يلعب بشعرها وطفشها وهي تبعد عنه
فهد : انا رآيح اطلب عشاء حدي جوعان .. طنشته ورآحت للصاله تقلب بالقنوآت وهي متأففه منه ومن ثقالة دمه وكلامه اللي مثل السم
بعد ماسكر التلفون وطلب عشاء من مطعم الهيلتون جاء وجلس بالصاله وهو يطالع التلفزيون ويشوف البرنامج الديني اللي تتابعه
فهد : لاتكئبينا غيري القناه .. اعطته نظره احتقار
شوق : اذا مو عاجبك اطلع برآ
فهد رفع حواجبه بأستغراب : قلت لك غيري يعني غيري احسن لك ولي
شوق تطنشه : مارآح اغير.. واللي بتسويه سوه
فهد عصب وقف ومشى بأتجاهها تعلقت عيونها فيه وهو جاي بجهتها ..قبل لايلفظ بكلمه وحده دق الباب .. هزتها نظرته الوحشيه وملامحه المخيفه .. ومشى للباب ودخل العربه اللي فيها الأكل جلس على الكنب وجلس يأكل .. تقرفت منه ورآحت للغرفه وهي شايله عليه مره

:::
:::

..: تنفذين كل كلمه يطلبها من الرجال سامعتني
صابها برود وتجمد استحل على مشاعرها ودموعها ما نطقت بكلمه وحده أنصاعت لكلامهم مافي لها أي مفر او مكان تهرب منهم .. دخلت الشقته ووقفت على جنب لوحدها
فايز بأبتسامه عريضه : متى نستلم المبلغ
...: أهم شي تكون على الطلب
صديق فايز : على طلبك والبنت وردة .. بس نبي اللي أتفقنا عليه محتاجين نصرف أمورنا
مد لهم الظرف الموجود داخله الفلوس : وهذآ اللي أتفقنا عليه .. تقدرون تطلعون
فايز : مثل ما أتفقنا الساعه 1 نجي ونأخذ البنت نرجعها لبيت أهلها
..: أوكي الساعه 1 دقوآ على جوالي .. يالله برآ لو سمحتم
قفل الباب وطالع بالبنت اللي قدآمه ولسى لابسه عبايتها
..: نزلي عبايتك " سكت شوي " ..شكلك خايفه وأول مه تدخلين هذآ العالم
فاتن رفعت غطايتها وانصدم يوم شاف دموعها .. خافت من شكله وهو لابس الشورت بس .. وأيقنت ان في هذآ المكان ستفقد هويتها .. جلست على الكنبه ونزلت عبايتها
فاتن : أذا تبي اي شي خذه وخلصني ..
طالعها بأستغراب وجلس جنبها وهو يتودد لها : ويش اسمك طيب
فاتن تمسح دموعها وتتظاهر بالقوه : فاتن ..
..: انا اسمي تركي .. طيب يافتو ليش تبكين خايفه مني يعني
فاتن تهز رآسها بلا ونزلت رآسها ولا طالعته
تركي يطالعها بتفحص شكلها متجهزه بلبسها المثير وشعرها السايح وعطرها لكنه مو مرتاح أبداً
تركي مسك يدها : امم جاهزه الحين .. لفت عليه زي المقروصه ودمعت عيونها وتعلقت عيونها فيه وهي تبكي
تركي استغرب منها : فاتن ويش فيك اذا جايه غصب عنك انا مستحيل أأذيك
فاتن انهارت وهي تبكي : اتركني بحالي .. حرآآم عليكم
تركي صدقت توقعاته وعرف انها مغصوبه : الحقير فايزونوآف هم اللي جابوك صح
هزت رآسها بمعنى ايوه وكملت بكاها .. حاول يهديها لكن ماقدر الا بعد نص ساعه من دوآمة بكاها المستمر

13-04-10, 10:41 PM

المشاركة رقم: 47

المعلومات
الكاتب:	safsaf313
اللقب:	ليلاس متالق

البيانات
التسجيل:	Mar 2008
العضوية:	66854
المشاركات:	2,022
الجنس	أنثى
معدل التقييم:
نقاط التقييم:	585

االدولة

مدونتي

الإتصالات
الحالة:
وسائل الإتصال:

كاتب الموضوع : safsaf313 المنتدى : القصص المكتمله

بآلفندق

كآنت متردده تدخل الغرفه لانه نايم على السرير تبي تروح تأخذ لها أغرآض تتونس فيها .. لكن خافت أنه يصحى وينكد عليها هدوئها وجوها الرآيق .. أخذت الريموت كنترول وقلبت بالقنوآت لكن ملت جالسه لوحدهآ لا أنيس ولا ونيس .. الوحيد اللي معها أبغض مخلوق بعينها شافت ملابسها ماغيرتها ماتقدر تنام وهي بذي الحاله ماتأخذ راحتها ابدا مددت رجولها على طول الكنبه وتكت ظهرها ورجعت رآسها على ورى بملل وطفش غمضت عيونها .. دخل وشافها بحالة الاسترخاء تحاول تمحي اشياء واشياء من بالها .. تتذكر اهلها وجلستها معاهم وضحكهم وسوآلفهم أذا طفشوآ أخذت نفس طويل وطلعت زفره بنفس الطول كأنهآ تبعد ثقل جبال على صدرهآ بدأ الألم يعاودهآ وبانت تجاعيد الالم بجبينها مسكت الخداديه بقوه كأنها تستنجد فيهآ
جاء صوته البغيض لها فزت وعدلت جلستها وتحملت الألم حتى ماتحسسه بضعفهآ
فهد بهدوء : قومي بوديك المستشفى
شوق : وليش المستشفى شايفني مريضه قدآمك
فهد بحده : لا تكابرين على روحك قومي يلآ .. ورآنا سفر مو أبتلش فيك هنآك
شوق بكره : مين قال لك أني أبي أسافر معك
فهد صد عنها ورجع للغرفه ويكلمها وهو ماشي بالممر : بلا كثرة حكي وتعالي ألبسي يالله بدون نقاش
وقفت وتحس بألم يقطع بطنها خصوصا منطقه الوشم اللي كأن وآشمه لها بالماضي المه فظيع كأنه نار تحرق جلدها أحرآق مشت للغرفه بهدوء وشافته ينزل ملابسه صدت عنه وهي تسحب عبايتهآ وهو يطالعها بأستغراب سكت عنها وبعد ماخلص طلع من الغرفه .. سكرت باب الغرفه بعده وغيرت ملابسهآ ولبست عبآيتها اللي على الرآس وقفزآتها وطلعت للصاله ولقته يعدل شماغه على المرآيا اول ماشافها بهيئتهآ لف عليهآ بصدمه وصار يطالعها من فوق لتحت كأنها كائن غريب يشوفه
شوق بحده : خير شايف جنيه قدآمك
فهد يبتسم أعجبته بحشمتها وهو يطالع عيونها العسليه الوآسعه السآحره وقآل : بس شكلك غريب أول مره اشوف عبايه زي اللي عليك
شوق : متعود على الصيآعه والعبايات المزخرفه الفاتنه .. ويش بيطلع منك غير كذآ
انقلب السحر على السآحر كان بينرفزها ونرفزته هي .. تتقن فن مجادلته ببرآعه رفع حاجبه تعطر وطلع وطلعت ورآه وسكرت الباب .. وقفوآ عند المصعد يستنوآ يفتح لهم ضغط بقوه على الزر مرتين ورى بعض
أول ما أنفتح دخلوآ وماكان في غيرهم أنتبهت لرقم الدور كان الدور 15 وقف فجأه عند الدور 11 طلعت بفهد وهي خايفه وأنفتح باب المصعد ودخلوآ بنتين متحجبات والوجهه ميك أب أوفر وسلموآ ورد فهد السلام عرفت من لهجتهم أنهم خليجيات وباين من الملامح أنتبهت لعيون البنات اللي نظراتهم كلها أعجاب بفهد وجماله وجاذبيته قرب من شوق ومسك يدها وهي عارفه قصده أول مانزلوآ بعدت عنه ومشت وقفوآ عند البوآبه وهي تنتظره يجي بالسياره .. خمس دقايق ووقفت السياره قدآمها نزل لها القزاز لانه كان مظلل بأسود وماتشوفه أول مالمحته مشت بأتجاهه فتحت الباب وجلست وهي تتألم وماسكه نفسها .. سحب السي دي المفضل له وضغط On وأشتغلت الاغنيه المفضله له اللي بدايتها
" قــــهــــر مـــآكـــنـــت أنـــا أدري تـــعــــيــــش بــقــلـــبـــي كـــذآبـــه"
سكتت وهي تسمع كلمآت الاغنيه الجو حزين وأليم وكئيب .. معانيها تدل على غموض الشخص اللي معها أنتهت الاغنيه وسكرت المسجل طالع فيها بنظره غريبه
شوق : لاعاد تشغل اغاني وأنا معك
فهد : والسبب يا مدآمتي
شوق : ما أحب اسمع اغاني كثير رآع شعوري على الاقل
فهد بدون أهتمام : يالله أنزلي وصلنا العياده .. نزلوآ وهي تشوف المبنى واللوحه فوقه (عيــــآدة النساء والولادة ) أرتجفت أول مره تدخل مكان زي كذآ اعتراها خوف وخجل بعد كيف بتتكلم ويش بتقول والأهم لو دخل فهد معها ويش بيكون موقفها قدآمه .. رآح للرسبشن وسوآ الأجرائات ورجع لها ومعه ورقه بيده وقف قدآمها وطالعها بنظره جامده وقآل بصوت عادي : يالله نروح لغرفة الدكتوره
شوق : استناني برآ
فهد يستهبل : ابشري طال عمرك بس هذآ اللي تبينه .." سكت شوي وقال بصوت حاد ".. مو أنتي اللي تتأمرين علي أمشي بس قدآمي .. أنقهرت منه ومن تدخله تذكرت انه زوجها يعني مسؤل عنها .. أستنوآ دورهم يجي .. وبعد ربع ساعه دخلوآ على الدكتوره .. جلسوآ على الكرسي
شوق وفهد : السلام عليكم
د: وعليكم السلام تفضلوآ .. بعد ماجلسوآ
د: ايش المشكله
فهد : تكلمي ياشوق قولي لها ويش تحسين فيه .. حمر وجهها وزآد القهر بقلبها متقصد يقهرها ويحرجها
شوق بحياء : انــآ .. أحس بألم أسفل بطني
د أبتسمت : متزوجه
فهد : ايوه تونا من أسبوع << طرآآآخ أووف على النصب
د توقف : تفضلي على السرير لو سمحتي .. مشت شوق مع الدكتوره بأنصياع أنسدحت على السرير وهي تشوف جنبها الالات والادوآت خافت مره أنرعبت غمضت عيونها وهي متندمه أنها طاوعته وجات ..
د تضحك : قومي ياحبيبتي .. ان شاء الله كل شي سليم .. ورجعت للمكتب ورجعت معها شوق وجلست قدآمه
فهد ببرود ويمثل الأهتمام : بشري يادكتوره
د: ههههه خف شوي على زوجتك البنت ناعمه ورقيقه .. حمر وجهها مره نفسها تقتل الدكتوره وفهد كمان
فهد : اهم شي سليمه
د: هذآ اهم شي ورآح اكتب لها ادويه وياليت تستعملينها من الليله
شوق : أن شاء الله ..
د : وانت ساعدها يا أستاذ .. وياليت تقرآ الروشته تبع الادويه اللي كتبتها لكم رآح تفيدكم
فهد يطالع شوق بخبث : ولايهمك يادكتوره .. بسوي اللي قلتي عليه
:::
:::
:::
تركي وقف معصب : الكلب الحقير أخوك ويسوي فيك كذا
فاتن تبكي :تكفى لاتقول لأحد .. أبوي لو يدري بيروح فيها
تركي بحنيه وعطف على حالتها : لاتخافين هذآ سر بيني وبينك .. وعندي فكره رآح تفيدك وياليت تنفذينها معي
فاتن تترجاه : ساعدني تكفى لاتخليني اطيح بهذآ الوحل
تركي : لا تقلقين دامك دخلتي هنا مارآح تطلعين الا رآضيه .. بس اوعديني تطبقين كل اللي اقولك عليه
فاتن : والله بسوي اللي تأمر عليه
تركي : اسمعي بترجعين لاخوك وتمثلين عليه .. وأنا بدوريي رآح ابين له اني رآضي عليك وبقول له ولنوآف اني بأعطيهم اللي يبونه بس يجيبونك لي أنا متى ماطلبتك ولا يودونك لأحد ثاني ويصير اللي مانبيه
فاتن : طيب لو وعدك وأخلف وعده
تركي يضحك : لاتخافين نواف وفايز اهم شي عندهم الفلوس ويعرفون انا ويش رآح اسوي فيهم
فاتن : أنا خايفه من فايز أخوي .. دآيم يهددني
تركي : اسمعي بعطيك ارقامي كلها واذا صار شي على طول كلميني وانا بتصرف اوكي
فاتن : الله يوفقك ويسعدك يارب
تركي : يالله البسي عباتك عشان أدق عليهم وأوصلك لحد سيارة أخوك
فاتن بخوف : بس هو قال بيجي هنا
تركي : ياحليلك شكلك ماعرفتي اخوك زين .. يمكن يقول خلها تستأجر وتروح للبيت انتظريني بروح البس وارجع
جلست تنتظره على بال مايخلص ويرجع
:::
:::
:::
بأستراحـــه غير معروفه
رائد : ماجد ويش فيك لك كم يوم متغير
ماجد : تعبان
رائد : سلامتك يابو أمجاد .. بس ويش تاعبك
ماجد : موضوع خاص .. شاغل بالي
رائد : فلها ياعم مافي شي يستاهل .. خلها على ربك
ماجد : والنعم بالله .. اقول جيب البلاستيشن خلنا نلعب
رائد : ماني فاضي ورآي شغل
ماجد بأستحقار : انقلع عن وجهي طيب
رائد : علامك عصبت علي
ماجد : ماني طايقك يارائد ابعد عني
رائد يمشي للباب : طالع بدون ماتطرد بس بكره بتعرف قيمتي وتركض وراي
ماجد : انت اركض ورآك مسكين مصدق عمرك
رائد اعطاه نظرة استحقار وطلع من الاسترآحه .. دخل معاذ
معاذ : هآآآي
ماجد : وعليكم الهاي
معاذ يضحك : السلام عليكم
ماجد : وعليكم السلام
معاذ : يووه الاخلاق ميح اليوم .. خير ويش صاير
ماجد : ماصار الا كل خير
معاذ : وأنا جاي قابلت رائد وكلمته وطنشني وباين انه معصب .. متهاوشين انتم
ماجد : أبد ماحنا متهاوشين
معاذ بنص عين : علينا يامجود قول الصدق
ماجد : هذآ الصدق وترى ماني رآيق اليوم يامعاذ لا تقلقني
معاذ : يؤؤؤؤؤ الله يستر منك انت ورائد .. ويش رايك تروح معي نفحط احسن من الجلسه ومافي أحد
ماجد : طيب يالله قوم نروح
:::
:::
:::
كانوآ بغرفتهم جالسين يذآكرون
سحر : ريمآ
ريم : هلا سوسو
سحر : بخاطري اقول شي بس خايفه
ريم : شنو ( اخيراً بتتكلمين ياسحر وتقولين اللي فيك )
سحر : انا ماقلت لك عن شي صار لي لما كنا بالمزرعه اخر مره
ريم : ويش صار طيب
سحر سكتت شوي بعدها قالت : سمر وسامر
ريم فتحت عيونها وأذنها وتركت كل شي بيدها : ويش فيهم
سحر : سامر طلع يحب سمر
ريم شهقت وطلعت عيونها قدآمها ماهي مصدقه اللي تقوله سحر : مستحيل
سحر نزلت رآسها وقالت بألم : كرهته ياريم أنا حبيته وهو حب أختي وسمر تحبه وبينهم رسائل عن طريق خلود وأنا قريتها
ريم مدهوشه : ما أصدق اللي قاعده تقولينه
سحر : انا شفته بعيوني وهو يكلمها وأغمى علي انصدمت فيه وبسمر كل الحب اللي بقلبي له رآح بغمضت عين طلع وهم اتوهمه أنا كنت غبيه يوم حبيته .. طلع مجرد أعجاب لا اكثر
ريم : ماني قادره استوعب
سحر : هذآ اللي صار
ريم : والحين اهم شي انتي .. ويش بتسوين
سحر : قلت لك كرهته وبركز على دراستي بلا حب بلا خرابيط بحاول اجيب نسبه وادخل طب الحب ماراح يفيدني دراستي هي اللي بترفعني وتفيدني
ريم : عليك نور هذآ اللي لازم ينقال
:::
:::

اليوم اللي بعده .. صحت من النوم وشافت الساعه كانت 2ونص الظهر رآحت عليها صلاة الفجر والظهر ماعمرها نامت زي هذي النومه ارتاحت فيها التعب والالم كان له دور بتخديرها ونومها الطويل .. تمغطت على السرير وتحسل بشي ثقيل جنبها مضايقه لفت على يسارها وشافته نايم جنبها باين انه منغمس بنومه ومستمتع بأحلامه كشرت وفزت من مكانها بهدوء ورآحت للحمام وأنتم بكرآمه وتوضت وطلعت تصلي الصلوآت اللي فاتتها وتقرأ قرآن لانها ماقرت من ليلة زوآجها وحست أنها فاقده شي بحياته وروتين تعودت عليه .. جلست نص ساعه على سجادتها تقرأ قرآن وتعوض الاحزاب اللي تركتها يومين .. قفلت مصحفها ونزلت شرشف صلاتها وطوت سجادتها ورفعت التلفون وطلبت لها فطور لانها جوعانه مره وما أكلت شي من أمس .. بعد ماوصل طلبها أكلت وشبعت ومشت للغرفه وفتحت الباب بهدوء ودخلت لقته طالع من الحمام ومأخذ له شور ولاف الفوطه على خصره وشعره مبلول مشى للمرآياء ونشف شعرها وحط له جل وصار مجعد

فهد : صباح الخير
شوق بدون نفسك : قصدك مساء الخير
فهد : ليش ماصحيتيني لما صحيتي
شوق تأخذ جوآلها تشوف 6 مكالمات لم يرد عليها رفعت عيونها له وبنظره شر : نوم الظالم عباده
فهد ركز عيونه عليها بالمرآيا وبنبره حاده : سوي لي فطور ياحقيرتي
شوق بأستهزاء : المطعم تحت أطلب منه .. والا اقولك باقي من فطور كول منه
فهد لف عليها ورفع حاجبه وملامحه عصبيه رمى المنشفه اللي نشف فيها شعره على وجهها وقال بحده : مو أنا اللي أكل الباقي انقلعي عن وجهي
شوق : أنت الل أنقلع من الغرفه
فهد صرخ : قلت لك أطلعي
شوق بعناد تجلس على السرير : تعبانه مابي اطلع ..
فهد بعيون كلها شر وحقد : اوكي خليك جالسه بس بتدفعين ثمن عنادك ..وبنبرة تخوف .. أوعدك
شوق بدون مبالاه وأهتمام : ما تقدر .. يــآحمــآر
طار من عيونه الشرآر وترك الفرشه من يده ومشى لها تعلقت عيونه عليها وهي تشوف الشر بعيونه وملامحه الشرسه وقف قدآمها ووقفت حطت عينها بعينه وماهمها عصبيته رفعت حاجبه تقلده فيها
فهد بصوت يخوف : ويش قلتي ؟!
شوق بنبرة أستهزاء وسخريه وهي تطول الكلمه : حـــــــــــمــــــآر
مسكها مع شعرها بقوه وصرخ عليها : أنا اوريك الحمــآر ويش يسوي
ورماها على السرير بكل قوته ألمها ظهرهآ من دفته لها حاولت ترجع تجلس لكنه رجع دفها عرفت اللي يدور برآسه أبتسم بخبث وهو مبسوط بدأ يلمس نقطة ضعفها فتح أزارير بجامتها وبدأت تقاومه وصرخت عليه : اتركني ياحمار
طنش كلمها وزادت رغبته بلمس جسمها .. دفته عنها بأقوى ماتملك وضربته برجلها تفلت بوجهه وقامت عن السرير تألم من ضربتها ولف بنظرآته المخيفه وهو يشوفها تبعد عنه وتعدل بلوزتها اللي ارتفعت من سحبه لها وبهذه اللحظة فقط تفجرت رغبته الرجوليه قام من السرير متناسي الالم اللي يحس فيه .. أول ماشافته يوقف هربت من الغرفه والخوف منه يتملكها .. لحقها لصاله وقفت ورى الطاوله وهو يحاول يوصلها
شوق : لاتقرب مني والله ما اتردد بقتلك
فهد يضحك : تقتليني "وبغمزه" حلالك
شوق خافت من رده وسحبت التحفه اللي على الطاوله ورمت الورد اللي فيها على الارض ورفعتها : صدقني برميها عليك .. بعد عني
فهد يتحرك وهي تتحرك خطوه مماثله لخطوته : كلي حلالك .. لاتقومين احسن لك ولي
شوق تتمسك اكثر بالتحفه : قلت لك بعد عني ماتفهم يامتوحش
فهد : وانا ماراح ابعد عنك .. ابيك بحضني
شوق تصرخ عليه : ياوآطي ياحقير
فهد أبتسم وتحرك بخفه وماحست فيه لانها معصبه وترجف من الخوف : حقير واطي قولي اللي تقوليه أنتي زوجتي وحلالي
شوق تزيد بالصراخ وبصوت باكي : لاتقول زوجتي ياحيوان .. الموت ارحم من انك تلمسني
مسك ذراعها ورمت التحفه لكن بعد راسه بخفه وسرعه عن طريقها وطاحت على الكنب اللي ورآه .. أحكم مسكته لها وهي تحاول تحرر يدها منه وفلتت وبسرعه ركضت وركض ورآها ومسكها مع خصرها بقوه ودفها على الجدآر ومسك اكتافها وهو يثبتها على الجدآر .. تحولت نظرآتها لنظرآت خوف منه بدت تخور قوآها .. ركز عيونه عليها وقرب منها بدت تحس بأنفاسه.. صدرها بدأ يرتفع وينخفض أخذت اصابعه طريقها وبعدت خصل شعرها المتناثره على وجههآ ورجعهآ ورى أذنهــآ أقشعر جسمها من لمسته
قرب منها أكثر وأكثر طبع بوسه على اسفل رقبتها ارتفع شوي شوي ودموعها غطت خدودها
امتزجت شفايفه مع شفايفها .. فجأه بعد عنها وهو يطالع دموعها اللي نزلت على خدودها شاف الالم بعيونها والعذاب اللي تعانيه معاه رآحت للحمام ركض صارت تستفرغ جلس على السرير ونزل راسه لمستوى اكتافه وشبك يديه بشعره بدأ يتذكر الماضي والغزو الفكري مسيطر على تفكيره ذكريات وذكريات تمر بمخيلته موآقف لاينساها .. معاناه كان يعانيها فجأه طلعت صورتها لما كانت بأحضانه طعم شفايفها ذكره بصغرها نفس البرائه نفس العيون .. حتى الشفايف لكن الان بصوره مختلفه أنثى كامله لكن جرحه لها كان كافي بتشويهها .. كانت أول وأخر أمراءه بحياته .. امراءه لمست الجانب المظلم في حياته رماها القدر في طريقه
لكي يفرغ حقده الدفين للنساء وهي من تدفع ذلك الثمن
طلعت من الحمام وشافته جالس على السرير ومنحني .. جلست مقابله لكن بوضع معاكس كل واحد معطي الثاني ظهره .. هو منسجم بتفكيره وهي تبكي وتشهق

:::
:::
:::

دخلت المسن طفشت من المذاكره تبي تغير جو شافت لينا متصله وكلمتها
سحر : هاياتوو
لينا : هياتوو .. اهلين كيفك ياقمر
سحر : تمام وانتي
لينا : بخيرآت بس طفشانه مره
سحر : سيم سيم .. هاتي هرجه
لينا : أقولك .. بروح اجيب شي اشربه واجي
سحر : اوكي انتظرك
خمس دقايق ورجعت لينا
لينا : باكــــوو
سحر : احلى باك .. نورتي
لينا : سحر
سحر : هلا ليونه فيك شي
لينا : أشتقت لك
سحر : ههههههه يانصابه اليوم متقابلين بس تدرين والله حتى انا أشتقت لك
لينا : ثوآني بس
كان معاذ اللي كلمها بغياب لينا .. رآح لغرفته بسرعه وفتح الاب توب اللي اشترآه قبل يومين وفتح مفكره وحفظ ايميلها وقفل الاب توب وهو مبتسم وفرحان يحسب بفرح اكيد تفكر فيه مثل مايفكر فيها صورتها ماتروح من باله
معاذ : آآه لو تكونين من نصيبي ياسحر والله لا أسعدك
لينا : باك
سحر : ياكثر باكاتك .. وين تطسين انتي
لينا : ماقلت لك بروح اجيب شي اشربه
سحر : بس كلمتيني تقولين اشتقتي لي وتخرطين علي
لينا : مدري يمكن اختي دآيم تتلقف يمكن تحسبك بنت خالتي سحر .. يالله حصل خير اهم شي اخبارك أنتي
سحر : على حطت يدك انتي اخبارك مع هزاع
لينا : بخير من المغرب وانا أكلمه عالمسن .. الولد احرجني بكلامه كله غزل ودلع
سحر : ههههههه تتهنين يارب
لينا : احسد نفسي عليه الحمدلله اننا مخطوبين والا كنت رآح اموت بدونه
سحر : بسم الله عليك بعيد الشر عنك .. بس الله الله فيه لاتبينين له انك ميته عليه
لينا : والله اني اتثيقل عليه.. الا وين ريم ماعاد اشوفها على المسن
سحر : مسويه اوف لاين مستغله لاب توب شوقه والله سوت فينا خير شوق
لينا : هههههههه الله يعينكم للحين كل يوم دور وحده عالكمبيوتر
سحر : يس لليوم بس المتسلطه رغد متى ماتبي تقومنا .. يوه ذكرتيني
لينا : بويش
سحر : نسيت اغسل الاوآني اليوم عليا الغسيل .. بروح اغسلها واذا امداني دخلت
لينا : انا بطلع احل واجباتي للحين مافتحت شي
سحر : مو منك والله من هزاعوه اللي مأخذ عقلك
لينا : طسي غسلي مواعينكم ويك ويك ويك
سحر : الله يبلاك لاتتشمتين فينا
لينا : اللهم لا شماته وبارك لنا بسونيا اللي شايله كل شي
سحر : يالله طسي يارمه حلي واجباتك باي
لينا : باايو يا قماشه هووع .. ضحكت سحر على تشبيهات لينا وحبها للأستفزاز
رآحت للمطبخ بتأفف وغسلت المفروض عليها وبعدها جلست على سريرها ومسكت كرآستها وأخذت المرسام وصارت ترسم أي شي ببالها وتفكيرها .. افكارها متشتته رمت الكراسه وتلحفت وهي تحس بالبرد الجو بدأ يشتي ويبرد مره دفت نفسها بالبطانيه ونامت

:::
:::
طلعت للصاله الواسعه بقصرهم شافت امها جالسه وتقرأ قصه بالانجليزي .. حنت لأمها ولحضنها ترددت انها تتجرأ وتجلس معها وهي تعرف ان امها وأبوها يرفضون وجودها بأي مكان معهم أعتزلت كل شي وصار سجنها غرفتها .. تشوف دنياها من منظور اسود رجعت لغرفتها مكانها الوحيد تأملتها نقلت عيونها بين اركانها مكان مرفه .. غرفه ملكيه ملايين البنات يحلمون فيها لكن السعاده وهي المطلب الأساسي لنجاح حياه بني آدم افتقدتها .. بيدها ضيعت نفسها تفكيرها المنحرف اغوآئها ودمرها .. أصعب شعور لما تشوف امك قدآمك ولاتقدر تضمها .. أصعب شي لما تحتاج لحضنها الدآفي ومن الصعب ان تحصل عليه .. والاصعب والأمر ان الوآحد فينا يطيح من عين امه وأبوه وأهله يكون نكره
ليان ( أنا اللي ضيعت نفسي .. أنا اللي سويت كل شي بيدي كنت بضيع خالتي معي لكن ربي حماها من افكاري وشري .. استاهل كل شي يجرى لي استاهل كل اللي يصير فيني الحين شوفي ياليان حالتك حتى اهلك مايبونك .. انا لازم القى لي حل وانهي كل شي حولي )
فتحت الكمبيوتر وبدت تتصفح لهدف براسها تبي توصل له
:::
:::
:::

بعد يومين
كانت جالسه لحالها ملت من كل شي وحده فظيعه تقتلها لاكلام ولا حتى همسآت جاء وقف وتكي يده على الجدار
فهد ببرود : قومي البسي بوديك لأهلك .. فزت من مكانه والفرح بعيونها ماهي مصدقه اللي تسمعه
فهد : بسرعه اخلصي بنروح نسلم عليهم بكره ورآنا سفر لجده وبعدها لاسبانبا وايطاليا .. علقت عيونها عليه مصدومه من كلمته
شوق بصدمه : أيش أسبانيا وايطاليا ؟!
فهد : يس بنروح هناك لايكون ماتبين تروحين لأوربا
شوق : بس انا ماعندي جواز سفر
فهد : لاتخافين كل شي مرتبه بس باقي تتصورين بعد ما نخلص من اهلك اوديك استديو تتصورين
شوق بأعتراض : بس مو لازم السفر
فهد بتريقه : لاتكونين من مشجعي السياحه الداخليه
شوق : ويش فيها بلدنا أمان وحلوه
فهد ضحك على كلامها : ههههههههههههه ما ألومك طول عمرك ماطلعتي من المدينه ويش اتوقع غير هذآ الكلام
شوق كشرت : لا يا أبن بطوطه .. لاتكون لفيت العالم
فهد بغرور : مافي دوله بالعالم هذآ مازرتها ومافي مدينه رحت لها
شوق رفعت حاجبها : والله من الدجه ماخليت مكان الا ورحت له
فهد كشر : روحي البسي لا أغير رائي .. راحت للغرفه وفتحت الدولاب اختارت لها تنوره موف غامق وبلوزه حفر أبيض مموجه بموف وعليها سلسال طويل ابيض وشنطه وصندل ابيض .. رتبت شكلها وتكشخت وحطت البلاشر ودخل عليها ورآح للدولاب طلع له بنطلون جينز وبلوزة حمراء عليها كلام ورسمات بالرمادي ولبس كاب رمادي تعطر وهي مندهشه من ستايله بالنسبه لها كان غريب جداً
فهد : يالله نروح
شوق قررت على نفسها وحصنتها وقالت دعاء الخروج من المنزل ونزلت وركبت السياره معه وهي تحس ان نفسها منشرحه وفرحانه خصوصا انها بتروح لأخواتها
شوق بهدوء : فهد
فهد : هـــلآ
شوق برواقه استغربها : صدق بنسافر والا تكذب علي ؟!
فهد : شوق انتي لسى ماعرفتيني زين انا ما أكذب لو على موتي .. والسفر بنسافر لايطاليا واسبانيا زي ماقلت لك ويمكن نطول هناك شهر او شهر ونص
شوق بصوت باكي : ونرجع للمدينه ؟!
فهد طالع فيها : المدينه !. طبعا لا بنرجع جده
شوق : بــــ..
فهد : لاتناقشين كل شي بوقته ..
سكتت وماردت عليه وصلوآ عند البيت أشتاقت له كثير أشتاقت لايامها فيه نزلت للبيت بلهفه وشوق وتجري مع الدرج فتحت الباب وفهد ورآها وصرخت بالبيت
شوق : بـــــــــنـــــــآآآت ..
سمعوآ صوتهم وركضوآ للصاله وهي كانت تدورهم أول ماشافتها هنادي ضمتها وبعدها جوآ كلهم يسلمون عليها
ريم : اخيرا جيتي
شوق : الحمدلله اني شفتكم والله طفشت من دونكم
رغد : حتى احنا وربي ..
شوق : عمي وينه ابي اسلم عليه
شهد : لسى ماجاء تقريبا على وصول
سحر : غريبه الباشا حقك ماجاء معك .. سمعوآ كلهم نحنحته ..
شوق : لحظة بروح ادخله المجلس وارجع لكم .. طلعت له عند الباب بعد مانزلت عبايتها
فهد : عمك موجود
شوق بدون نفس : لا مو موجود .. بس ادخل المجلس .. وفتحت له باب المجلس ورآحت لخواتها .. طنشها ولا عبرها وجلس ينتظر عمها .. أجتمعوآ كلهم بغرفتها اللي اشتاقت لها وكلهم حولها على السرير حتى ميشو بحضنها
شهد : بشرينا عن أخبارك ويش مسويه
شوق : الحمدلله على كل حال
رغد : ويش فيك متضايقه .. أحد يشوف وجيهنا ويتضايق
شوق تضحك : ههههههه بالعكس فرحانه .. بس متضايقه عشان بكره بنسافر جده
هنادي تدقها : خذينا معك
شوق : لو بيدي أشيل عمارتنا واخذها معي بكل مكان أروح له
سحر : يعني مابترجعين المدينه بعدها
شوق بتكشيره : لا بنسافر أيطاليا
الكل : يـــآآ هــــوووو
وأخذتهم السوآلف والتريقه عليها
دخل ابو مها على فهد بالمجلس وسلم عليه وبعدها رآح لشوق يسلم عليها
شوق : بخير ياعمي الحمدلله .. انت اخبارك ويش مسوي
ابو مها : الحمدلله البنات ماهم مقصرين ابدا معي
شوق : الله يخليك لنا ياعمي .. انا بسلم عليكم قبل نسافر
ابو مها : قال لي فهد توصلون بالسلامه
شوق : الله يسلمك ..
ابو مها : يالله يابنتي زوجك بيأخذ تخلصون مشاويركم قبل تسافرون
سحر تتمسك فيها وسمر بعد : رآح نشتاق لك كلمينا كل يوم
شوق تضمهم : أن شاء الله بكلمكم كل يوم لاتخافون
شهد : أنتبهي لنفسك .. وأصبري بعطيك شي .. ورآحت لغرفتهم
رغد : لا نوصيك بالهدآيآ "غمزت لها وهي متبسمه "
شوق : من عيوني كلي فدآكم
ريم : كلمي مهاوي قبل تسافرين ترى بتزعل
شوق بتحطم : خساره كنت ابي اسلم عليها بس رآحت لقريتها
جت شهد وبيدها كتابين وأعطتها شوق
شوق بأستغراب : أيش هذآ ؟!
شهد : كتاب لغه بيفيدك احفظي لك كم كلمه
شوق تبوسها : الله لايحرمني منكم
هنادي : والله دنيا مافيها امان شوق اللي بس بالبيت تسافر ايطاليا .. خربت الدنيا
ضربها ابوها : اهب عليك قولي مشاء الله
هنادي : تف تف مشاء الله من هذآ وأردى .. عفوآ قصدي ازود
شوق تضحك : ههههههه طيب يالعربجيه دوآك عندي
ريم : شوق ماطلتي مره زوجك يستناك تحت
شوق تلبس عبايتها وتودعهم : انتبهوآ لنفسكم ودرآستكم .. وأهم شي الصلوات لا تتهاونون فيها
هنادي تدفها مع الباب : طيب يالشيخ العريفي حفظنا اسطوانتك مع السلامه
نزلت ومعها عمها .. دخلت السياره وكلم عمها فهد وهي تشوفه يضحك وكأنه بريء ومسالم كرهت تمثيله البارع .. دخل وهو يضحك وأتجه لاستوديو حتى تأخذ صور لجوآز سفرها
:::
:::
:::

اليوم اللي بعده
تحديدآ بجده .. بعد ماوصلوآ للمطار وجاء السوآق وأخذهم للبيت كانت تتأمل الشوارع المباني والسيارآت اعترها الخوف عالم وحيده فيه ابتعد عن مكانها الاساسي منطقه ماعمرها شافتها لكن تحس انها زارتها بالاحلام يومآ .. وصلوآ لقصر جده اللي قرر انه يكون بيت يحتضنهم .. أنفتحت البوابه الحديده تلقائيا ودخلت السياره مشت بطريق مستطيل على يمينه ويساره حديقه خضراء ونوافير دائريه ومظلات شمسيه .. وقفت السياره ونزلت وهي تتأمل البيت الكبير ماحلمت أبداً انها بيوم تعيش في مثله .. طلعت الدرجات الاولى بهدوء .. فتحت الباب الخشبي الكبير مرصع بالذهب .. دخلت وأستقبلها طابور من الخدم دخل بعدها فهد وبيده شنطه صغيره .. وجات مديرة الخدم وأخذتها منه .. مشى لمكتبه الخاص فيه وسط ترددها وخوفها منه
فهد ببرود وبدون مايلتفت : ليزآ
ليز : يس سير
فهد : ودي شوق لجناحها
ليز : اوكي سير .. هاي مدآم
شوق بابتسامه بيضاء : هاي
ليز : ولكم يــو هوم
شوق ضحكت لغتها جدا ضعيفه خصوصا انها ماكملت تعليمها الثانوي : شكرا .. ممكن تدليني على غرفتي
ليز : شور مدآم .. مشت ليزآ ومشت ورآها شوق وهي تتأمل البيت الكبير اللي رآح تكمل حياتها او جزء من حياتها فيه .. مع شخص لايمكن ان تتحمله او تتحمل قسوته وكرهها له

بــآلمدينه .. وتحديد بالسياره
شهد : شوفي رغيد مو ترجيني .. لاتعارضين بأي شي اختاره
رغد : طيب الله يرجك سوي اللي تبين اصلا انتي عنيده واللي برآسك تسوينه
شهد : اممم بروح اول شي لنيو لوك ..
رغد : لالالا اول شي نروح مكس ابي اخذ لي من عنده بدي ذآك اليوم دخل مزاجي بس كنت مطفره
شهد تتخصر : ويش قلت انا توي
رغد : شهد وصمخ ترى كلها محل واحد نخلي جلالي يوقف لنا وبعدين سلطانه طويله عريضه نأخذ راحتنا فيها نتسوق على كيفنا معانا وقت طويل
شهد تفكر : اشوف اساس انا بمر محل ساعات بدور لي ساعه
رغد تنزل من السياره : اوكي انتي روحي اشتري ساعه وانا بشتري البدي اللي قلت لك عليه ونتقابل عند ماكدونالدز تمام
شهد تأخذ شنطتها : تمام وبعدها نروح لنيو لوك
رغد تطالع الساعه : شوفي الحين الساعه 7:20 لما تصير 7:40 نتقابل اوكي
شهد : أوكي سيو .. وكل وحده أتجهت للمحل اللي تبيه
بالنسبه لرغد كان المحل قريب بالمره منها .. دخلت وصارت تنقي اللي يعجبها رفعت بلوزه عجبتها لونها احمر وعجبها سلسال فضي وقفت عن الكاشير تحاسب
رغد : كم الحساب
...: 380
رغد : اوف بلوزه وسلسال بس .. ليش السعر كذآ
..: هذي بضاعتنا يا أنسه
رغد : بس حرآم السعر يكون كذآ
حست بأحد يوقف ورآها بالزبط ويحط يدها على خصرها أقشعر جسمها من اللمسه وببطئ وخوف لفت وقف جنبها
عبدالله : يالله حطه بكيس
رغد بصدمه : عبدالله !!
عبدالله أبتسم لها وغمز : الحساب علي
رغد عقدت حواجبها من تحت لثمتها : ويش الكلام هذا مايصير انا اللي بشتري
عبدالله : أنا وأنتي وآحد مافي بيننا شي ..
رغد : بس .. قاطعها
عبدالله يهمس لها : لا بس ولا شي .. دفع الحساب ومسك يدها ومشوآ لبرى
رغد بزعل : زعلانه منك .. ويش اللي سويته
عبدالله : ياروح عبود انتي ماسويت شي بكره بتكوني زوجتي
علقت عيونها عليه وكانه مافمهت اي شي من اللي يقوله : بكرة ؟!
عبدالله بأبتسامته الجذابه : بكره جايكم بالبيت ونخطبك رسمي انا وعمي وامي
رغد ضغطت على يده وبفرحه تغمض عيونها: أحس اني أحلم
عبدالله : الا حقيقه ياعمري
رغد : عبودي .. والله أحبك وأموت فيك
عبدالله : وانا مستعد ادفع عمري لعيونك .. وهم ماشين أنتبه لمحل مجوهرآت
عبدالله : ويش رايك ندخله ؟!
رغد بأستغراب عقدت حواجبها : وليش ندخله .. سحبها من يدها ودخلها غصب عنها ..
عبدالله : لو سمحت عندك دبل خطوبه
صاحب المحل : ايوه في بس تبغى رجالي او نسائي
عبدالله : الأثنين .. طل لجهت رغد وهي ترآقب كلامه وتصرفاته بهدوء
طلع لهم صندوقين كلها دبل ..
عبدالله مسك يدها بقوه وقال لها : يالله اختاري لك ولي
رغد ضحكت : صدق انت مجنون
عبدالله : يالله بسرعه بشوف ذوقك .. تأملتهم شوي وبعدها أشرت على واحد .. مسكه عبدالله ودخله بأصبعها ..
عبدالله : صراحة ذوق يارغودتي
رغد أستحت منه وقرصته على خفيف : ماتبي أختار لك
عبدالله : يالله أختاري لي .. وأختارت له وأحد عجبه بعد ..
عبدالله : لوسمحت حطهم بعلبه وحده .. أخذ العلبه وطلع معها
رغد : عبدالله صدق انت مجنون .. تشتري دبل الحين
عبدالله : مستعجل يارغد .. ابيك اليوم قبل بكره .. اقولك ويش رايك نطلع قسم العائلات
رغد : لالا مقدر شهد معي بس راحت محل ثاني
عبدالله بترجي : كلها خمس دقايق بقلبي كلام نفسي اقوله لك .. ارجوك يارغد
رغد باصرار : صدقني مقدر .. أجله لبكره لاجيتوآ
عبدالله : ماقدر اتحمل لبكره .. لازم اقوله لك الحين
رغد مسكت يده : خمس دقايق لا اكثر
عبدالله : أوعدك مو أكثر .. ودخلوآ المطعم وأتجهوآ لقسم العائلات بعد ماجلسوآ بالكباين المخصصه
رغد : ويش بتقول ؟!
عبدالله يشبك يديه مع بعض : اممم رغد اكيد بتتردين بالموافقه على زوآجنا
رغد : طبعا لا .. مستحيل اتردد انا انتظرك بفارغ الصبر ياعبدالله
عبدالله : صدقيني وأنا اكثر يارغد .. رغم ان علاقتنا خطاء بخطاء بس حبيتك من قلبي ومستعد أسوي اي شي تطلبينه مني
رغد بخبث : أي شي أي شي ؟!
عبداله يحط يده على كتفها : أيه اي شي
رغد : اممم قولي شعر بس يكون من قلبك ..
قرب كرسيه أكثر منها وقربها أكثر لحضنه وهمس لها بصوت ذوبها وأشعل ثورة مشاعرها بدآخلها

وفجر كل الحب اللي بقلبها له ..
أحبــك]
..ثم..
أحبــك ..
ثم آحبك..!
وعندي لهاذي الكلمه "دلايـل"
عيـون تشفق لشوفـك,,وقربــك..
لها دمعـن على خدي,,همـايل..
عيون ماتبيعـك..ياعيــونـي..
تبيـع,, اليوم لعيـونـكقبـاآآيـل..!!
وأكررهـا,,لـك ياحيــاتـي..
أحبــك..
.. ثم..
أحبــك~
حمرت خدودها ونزلت رآسها بحياء وخجل منه .. تحبه بكل شي فيه بقربه تحس انها مالكه الكون كله وقفت وبعدت عنه وجاء ورآها وضمها
عبدالله : أحبك لأخر عمري يارغد .. لفت عليه وحطت يديها على رقبها وبكل تجرئة وباسته على خده وحطت راسها على كتفها
رغد : وانا اعشق الارض اللي تمشي عليها ياحياتي ما أتخيل دنيتي بدونك .. وضمته بقوه وجلست تبكي
عبدالله يمسح عليها : ويش دخل الدموع الحين
رغد زآد بكاها : أحس بفقدك .. تكفى لاتتركني اعاني في بعآدك
عبدالله : مستحيل يفرق بيني وبينك الآ الموت ياقلبي
رغد زآدت ضمتها له : أذا مت خذني معك .. حياتي مالها دآعي بدونك
عبدالله أبتسم على كلامها : رغد سامحيني على كل شي .. سآمحيني !! بعدت عنه والدموع مغرقه عيونها
رغد : أسامحك
عبدالله : سامحيني اني خليك تخوني اهلك وتجي معي .. انا ندمان بس الحمدلله من بكره بنكون لبعض ..
رمت نفسها بحضنه وهي تردد وتقول له : لا تطلب مني هالشي انا مسامحتك على كل شي .. كيف اسامح روحي اللي بداخلي كيف اسامح قلبي اللي ينبض وعايشه فيه ومستحيل اعيش بدونه
عبدالله : الله يخليك لي يارغد ولايحرمني من صوتك ووجودك معاي .. بعدها عنه ومسح دمعاتها اللي على خدها وباسها على خدها الناعم وأبتسم لها
عبدالله : بلاش دموع وأحزآن
رغد : دموعي غصب عني نزلت .. ضمها لصدره ورجع باسها وهو يضحك
عبدالله : دلوعه انتي .. بس يحق لك صراحه .. دق جوالها وتذكرت شهد بعدت عنه وردت عليها
رغد : اوكي جايه لاتنافخين .. وسكرت الجوال ..عبودي لازم انزل الحين شهد تستناني
عبدالله : اوكي هيا ننزل .. غطت وجها وعدلت طرحتها ومشت معه .. طلعوآ من الباب ووقفوآ على الرصيف قبا تمشي وتتركه
رغد : استناك بكره على نار
عبدالله مسك يدها بقوه : رغد
رغد : ياعيون رغد
عبدالله : ســآمحيني
رغد : عبدالله لاتبكيني كافي فوق مت بكاء
عبدالله : أحبـــــــك
رغد : وأنا بعد .. أما شهد كانت على الرصيف الثاني أول ماشافت عبدالله ولعت من العصبيه تاركتها نص ساعه تستنى عشان عبدالله
رغد : يؤؤ شهد عصبت شوف كيف تطالعني يالله مع السلامه
عبدالله : أنتبهي لنفسك وتأكدي أني أحبك
أبتسمت وهي تشوف وجه اللي أسرها وملك قلبها وكل احساسها .. ماتبي تبعد عنه لحظة وحده
ولا تبي تتركه ثانيه بدون ماتكون معها ويتقاسمون كل لحظاتهم بحلوها ومرها .. نست نفسها وهي تمشي لكن ماصحت الا على صوت شهد اللي تصرخ بأسمها وتعلقت عيونها وأيقنت انه قادم لا محال

وتَّــٍـلَـْـِكُ هٌـِـَـَّـيِ زَحِـَـَّـمُــْـ’ــٍَةْ الأقُـِـًـَـدَّاْرَ

وَدًآعًـٍــْـآ أُيُــْـهَـٍـِـَـآ القًـِـلًـَـِبْ

؛؛؛
؛؛

ومــــــآذا بـــعــــد ؟؟!!

شوق & فهد .. وحربهم بأي نتيجه ستنتهي ؟! وغموض فهد بئر هل من الممكن ان نصل الى اعماقه ؟!

رغد .. هل سنفقدها الى الابد .. أمــآ ستحدث المعجزآت ؟!

شهد وصدمتها هل تكون كفيله بأن تفقدها اغلى أنسانه ؟!

سحر وحلمها الضائع .. وقلب يعشقها متى ستطلق له العنان ؟!

هنادي & ماجد .. ماذا ستكتشف من اسرار وهل ستغفر له امــــآ ...؟!

فاتن .. وظهورها مجدداً وعلاقه تركي ودنائة نفس اخيها

هل هي اسباب كافيه لتدميرها ؟!

13-04-10, 10:44 PM

المشاركة رقم: 48

المعلومات
الكاتب:	safsaf313
اللقب:	ليلاس متالق

البيانات
التسجيل:	Mar 2008
العضوية:	66854
المشاركات:	2,022
الجنس	أنثى
معدل التقييم:
نقاط التقييم:	585

االدولة

مدونتي

الإتصالات
الحالة:
وسائل الإتصال:

كاتب الموضوع : safsaf313 المنتدى : القصص المكتمله

منتظر توقعاتكم

14-04-10, 01:15 PM

المشاركة رقم: 49

المعلومات
الكاتب:	remas2007
اللقب:

البيانات
التسجيل:	Oct 2007
العضوية:	50496
المشاركات:	474
الجنس	أنثى
معدل التقييم:
نقاط التقييم:	542

االدولة

مدونتي

الإتصالات
الحالة:
وسائل الإتصال:

كاتب الموضوع : safsaf313 المنتدى : القصص المكتمله

لاااااااا .....الظااااهر انهاا سياااره رااااح تصدم فيهاااا او يساااااعدهااا عبدالله وتصدم فيه هوووو .....يااارب محد منهم يمووووت ....والله حرااااااام ......فهد وشهد ....الااان مع سفرهم براااا ....رااح يبداا الاكشن ...صفصف ...مستنين على ناااااار ....شكرااااا

14-04-10, 01:17 PM

المشاركة رقم: 50

المعلومات
الكاتب:	remas2007
اللقب:

البيانات
التسجيل:	Oct 2007
العضوية:	50496
المشاركات:	474
الجنس	أنثى
معدل التقييم:
نقاط التقييم:	542

االدولة

مدونتي

الإتصالات
الحالة:
وسائل الإتصال:

كاتب الموضوع : safsaf313 المنتدى : القصص المكتمله

معلييييييييش على الخطاااااء ....اقصد فهد وشووووق .....يااااارب استر على رغد وعبد الله .....