سبحان الله يا اسراء .... انتى مصممة تقلبى كل توقعاتنا على دماغنا !!! حتى لما قلتلك ادهم صبرى ولا جيمس بوند ... طلع زورو ..


مش بقولك يابنتى بتتفرجى على افلام اكشن كتير !!!!!!

بس تعرفى انتى بجد نجحتى فى تغيير تفكيرى عن الاخ نيكى الى حد ما ... لانى كنت مستعدة اقتلهم واخلص منهم هما الاتنين دلوقتى مش هو بس !!! بقى ده وقتوا يا جدعاااااااااااااااااااااااااان
والله حرقتوا دمى .. والشعرتين اللى كانوا فى راسى الله يعوض عليهم !!!

لا والاخ نيكى ده كمان حرقة دم غير ... قال ايه المسدس سقط من يده ؟؟؟ امال هتكملوا الطريق ازاى ياخويا ... هتحدفهم بالرمل !!!

وماسكلك فى كلمة زوجتى اوى ... كأنها كلمة بيسمعها لاول مرة وعجبته !!! اما اشوف يافالح هتقدر ترجعها ازاى ؟؟؟

صراحة انجى طفح كيلها منك ... حاولت معاك كتير وانت زى القفل ولا هنا .... ( تعذرينى اسراء بس انا بحب اسم انجى اكتر من لورا )

بجد حاسة الصعوبة كلها فى اللى لسه جاى ... ازاى عيقدر يلين قلبها بعد مامات من ناحيته ؟؟؟ داقت العذاب الوان وفقدت اغلى الناس بسببه ... معقولة ممكن يكون ليه فرصة تانى ؟؟؟

ماتتصوريش متأثرة ازاى بالامها وجراحها ... ذكرياتها بتعذبنى ... بجد اجدتى الوصف والتعبير اسراء لدرجة انى عشت كل لحظة معاها !!!

الله يعينك فى اللى جاى لانه فى نظرى القفلة هى اصعب مافى الرواية ... لو ماظبطتش يبقى كل اللى قبلها ولا الهوا !!! بس انا واثقة فيكى ياقمر انها هتكون احلى قفلة زى ماامتعتينا طول الرواية .... بالتوفيق

وبانتظارك