|
رد: رواية قد جلبت لي الدمار
البارت الثالث والعشرون
قامت هند الصبح لما تسلل ضوء الشمس من الدريشة لعيونها تعدلت وقامت وهي تحس انها ثقيله واطرافها باردة وحلجها يعورها توها بتاخذ فونها من على الرف اللي يم سريرها الا تلاقي كيس ادوية من المسوصف محطوط عند راسها وصحن ابيض صغير فيه ماي وبداخل كمادة ثلج هند استغربت ونزلت تحت بثقل : صووول صوول صول راحت لهند : ها هند انتي زين ؟ هند : اي بس حق منو الادويه صول : هذا بابا فواز امس يجي ودي انتي طبيب هند وصل الدم لراسها من العصبية : فواااز !!! صول : اي فواز هند صعدت و مسكت الادويه وقطت بالزبالة وعطت الصحن لصول هند وهي تصعد تحلطمت : خرااا عليه شيبي هذا !!!!! اففففف .................... فوز قامت من الصبح لان ضاري دق عليها وقعدت تكلمه طووول اليوم كأنها تعوض نفسها عن كل هالايام اللي ما كلمته فيها * حدثتهم ذات يوم عن رجلٍ لا يكذب ، لايخدع لا يرسم آمالاً معلقة بالهواء عن وفاء وإلتزام ، عن عطفٍ قبل الحب فأخبروني أنه مجرد أمنية لا تتحقق ! ** فعلا يا فوز الرجل الذي تتمنينه فارسا لك امنيه لن تتحقق ضاري ليس سوى رجل يركض وراء مصلحته يحبك نعم ، اتفق معكِ لكنه لن يسعدك لن يحقق لكِ امنياتك الحالمة ** ....................... مرام قامت من النوم مخترعه من صوت تلفونها ردت وكانت المتصله عبير مرام : اي اي تعالي عندي قلت لج اليوم عشان اعرفج على رفيجاتي اوك اوك يالله مع السلامه راحت وخذت لها شور و طلعت من غرفه تنزل الدرج كالعادة ركض وما تنزل درجة درجة لا تنزل 3 درجات 3 درجات هههههه بآخر الدرج التوت ريلها وطاحت وطلعت صرخو ألم : ااايييي وييهد تعدلت وفركت ريولها وغمضت عيونها من مقدار الالم اللي تحسه بطلت امها الباب ومعاها اغراض وايد وجنطتها الحمرا الكبيرة وتوها رادة من السفر وهي تتكلم بفونها الجلكسي اللي كفره يبرق من الشوارفسكي وتضحك بأعلى صوتها ولما صكته انتبهت بمرام قاعدة وتفرك ريولها ام مرام : هههههه حمد لله والشكر شعندج قاعدة على السيراميك جنج كلب تعالي قعدي مثل خلق الله ع القنفات مرام بنفسها : الناس يقولون شفيج عسى ماشر سلاماات شلونج يا بنتي ولهانه عليج - اي لميني ع الاقل ام مرام : حمد لله والشكر وين رحتي ؟ مرام : ماكو - وقامت وهي تمشي بصعووبه كبيرة من عوار ريلها انطق الباب وفتحته وكانت عبير سلمت عليه وراحوا لغرفتها * حور وهي تتافف والوضع كلش مو عاجبها لفت وكلمت امها : هلأ وين بدك تروحي ؟ ام حور وهي تطالع عمرها بمرايه الصاله الكبيرة وترد شعرها الاشقر القصير اللي واصل لكتوفها لورا : بدي روح لخالتك نانا بتروحي معي ؟؟ حور وهي تحط ريل على ريل بقنفه الصاله وتقلب القنوات وهي مادة بوزها : لا ما بدي وتأشر بايدها - روحي الله مَعِك ام حور وهي تقرص خد بنتها : ولك تؤبوني العسووله شو بكي زعلانه خلاص بابا بدو يطلع معك ما بيصير هيك حور تتأفف وترفع فونها : اني وي - خلاص بدي دء على رفيئتي حتى اعتزر منا عن البارتي ام حور : متل ما بدك يالله سي يو وترفع حور الفون وبعد ثلاث واربع رنات : بيبي شلونج ؟؟ ......................... عند لجين ( حبيبه حور ) * لكن مو بوية بنت حالها حالها اللي بالبارتي وتهز ريلها والتوتر واضح عليها شوي والا توقف : شنوو لا لا مالي شنو ابوج هذا يستعبط !! حور : شنو بعد شسويله تبين اكفخه اهوا قاللي ماكو روحه يبيني اروح معاه - وتقلد صوت ابوها - ابي اطلع وياج اليوم ويكند اففف اففف ارف لجين اللي شوي وتبجي : ب ب بسس هذا عيد ميلادي حور : بعرف بعررف يا ئلبي وهيدا اللي ئاتلني انو هيدا البيرثدي تبعك بس والله هيدا الغبي ما عم يفهم لجين : افففف -- بالبارتي وبالجهة الاخرى عند زين اللي كانت لامة مها وطايحتله تغزل ومها سرحانه بقنفه من القنفات زين وهي تقرب لمها بطريقة وقححه : مهووويتي مها وهي توخر زين وتحاول تركز بلجين وبهمس : زيووون مو وقته زين وهي تقرب اكثر : الا وقته يالله يا بابا لفي علي عطيني جوي *** >> استغفر الله << مها وهي تمسك ( حنج ) زين وتقربه للمكان اللي سرحانه فيه : تشوفين لجيينوه ؟ زين وهي تحاول تدقق ومها للحين ماسكه حنجها : اي شفيها ؟؟ مها وهي ترجع زين للقنفه : مادري شكلها بتبجي زين تعطيها نظرة ال( ماني فاهمة ) !! : انزين واذا بجت شعلينا منها بالله - وتقرب لها وهي تحرك حواجبها بطريقه غبييه - خلينا بجونا مها : ههههههههه - وبخجل بعيد عن العذرية - استحي زين وهي تحاوط خصرها : فددوة علييج يابا ................. ............... عبير : مو قلتي بييون رفيجاتج ؟ مرام : اي دقيت ما قدروا عبير : اهااا مرام : الا قولي لي عبير انتي اي صف عبير بحزن : وقفت قيدي من زمان مرام : صج لييش عبير : ظروف ................ زين : خلاص يا يبه لا تضايقين عمرج يمكن صج ما قدرت تيي لجين وهي مادة البوز : موو شغلي هذا عيد ميلادي مفروض تكون اول وحدة تحضر زين وهي تغمز لها : خلاص يا يبا يا مالج بتشوفينها وتشبعين منها - الا اقول منو هذي اممووت واشوف هالحور مها وهي تقعد بحظن زين : بيبي اهيا معانا بالسكول زين : اي وحدة ؟ مها : تعرفين اللي ب 11 ادبي شعرها طويل وبيضه زين وهي تفكر : متحجبة ؟ مها : لاااا ثوبها واايد قصير وجنه ينادونها كات لجين : اي زين شوي وتطلع عيونها : كاات اللي امها لبنانية مها ولجين : اي وصلتي خير زين : حبيبه م..* وسكتتت لانها بغت تييب العيد لجين بعصبيه : اللي كااااانت - شددت على الكلمة - كااانت حبيبتها زين : اها وبنفسها ( يلعن امج يا لجينوه ما طحتي الا على هذي صج حظ يكسر الصخر ) ................... صباح اللي خذا احباب صباح اللي نفض ذكريات الماضي وهي نازله بالدرج مثل العادة بمريولها القصير والضيق وبتاجها الاصفر الفسفوري الضعيف علئ شعرها القصير والتراجي معبيه اذنها من فوق لتحت صوووول صوول يالله بسرعه وين الكورن فليكس يالله بسرعهه وكملت بصوت كله صدمة لما وهي تعدل شعرها : صوول شفيج لييش تبجين صول وبيدينها صينيه الكورن فليكس ريوق هند المعتاد وهي تمسح دموعها بطرف كم ايدها الثانية : مافي شي يالله هبيبي اكل وره مدرسه هند وهي تركض لصول وتسحب منها الصينية وتحطها على الارض : صوول شفيج ؟؟ ليش تبجين صول وهي تلف ويهها للصوب الثاني وتمسح دموعها : مافي شي يالله روه جيب جنطة مال انتي باص الحين يجي هند بصراخ وهي شوي وتبجي : صوول شفيج ؟؟ صول وهي تحضن هند : نودا هبيبي انتي وااجد زين سووي ادرس زيين ولا يسوي مشكل وقولي حق ماما انا هبي هيا وااجد هند مخترعه : شفيج جنج قع تقولين وصيتج ؟؟ شفييج ابو هند وهو نازل من الدرج بكشخته : ماما هند روحي تريقي بتتاخرين ع المدرسه الباص الحين بيي هند ولا كأنها تسمع احد : صول شفييج ؟ ابو هند : ماما هنودة صول ما فيها شي بس سلمي عليها بنتأخر هند : بتتأخرون علئ شنو ؟؟ وليش اسلم عليها وين بتروح ابو هند : باخذها معاي المكتب الحين هند بانفعال وصراخ : المكتب !!!! بس بس مو اليووم انت قلت لي بعديين لا لا صول ماراح تروح - وتتمسك بصول جنها ياهل - ابو هند : هنند !! لا تقلبين لي ياهل خلاص باخذها الحين المكتب - تعالي صوول هند وهي تصارخ على ابوها ودموعها تسبقها : لاا ماكو روحه صوول ماراح تروح معاك - وتأشر على فوق - قلبت مخك خلااص بكلمه منها نستك نفسك اخذ خدامتها اهي شمعنى صول ابو هند بعصبيه : هنننند شهالحجي تحجي معاي عدل هند تخصرت : لا والله صول ماراح تروح ابو هند : وانا قلت بتروح هند نست ان اللي قبالها ابوها و عصبيتها زاادت : ماراح تروح وغصبن عنك اخذ مرتك النسرة وعيالها وقطهم اما صول لا ماراح تاخذها ابو هند اللي الدم وصل لراسه من العصبيه والقهر رفع ايده وضربها كفف : جبب ولا كلمة انا ابوج واذا امج ما علمتج شلون تحترمين ابوج فآنا بعلمج هند اللي تخدرت من طراق ابوها وعينها تعلقت بالارض : اكررهك وطلعت بسرعه من البيت لما سمعت صوت هرن الباص ............. بغرفة - زين وهي قبال المنظرة الصبح تغني : علي راح ابجيها ابد ما تنام اخليها والله لو شفتها تموت تحلم بعد احاجيها - وتكمل بلحن غير مفهوم ترن تترن ترن ترننن دن دن رشت من عطرها * الرجالي * المفضل وكتت نص علبه السبريه على شعرها عشان يثبت السبايكي مالها شوي - والا يمتلئ صوت غرفه بصوت قيثارة الفن نوال الكويتية ( ذبحني الشوق بغيابك ليالي الشوق بغيابك خذتني نسيت الناس باسبابك وكل الناس بغيابك نستني ) وتوسطت شاشه بلاكبيريها البورش باسم ( Mahooy ) ردت : ولك فدوة على هالصباح اللي ينسمع حسج بيه يابا * طلع العرج ههههه مها : هههههه شهالسلام الحلو زين تغني بصوتها الحلو : في غيابك كل ما حولي بعيد كل ما ناديت وينك جيتني بثوب جديد تري را را را را مها : ههههههههه اهم شي تري را را را هذي زين : ههههههههه ارووحلج فدوة يا يبه مها : شفينا مروقين اليوم زين وهي تطالع عمرها بالمنظرة وتعدل خصله من شعرها : ماكو سمعنا صوتج بعد ما تبين نروق يالحب مها : زين يالله انا بروح امي تناديني اشوفج بالسكول زين : فديت السكول آنا ااخ مها : ههههه يالله سي يو * قرائي قارئاتي ،، المراهقه سن صعب جدا مهما كانت تربيه الابناء الا ان فيها يولد فراغ عاطفي ان لم يتم اشباعه بالحب النظيف او حب العائله فسيتم اشباعه بحب كالحب الذي ترونه الآن اللهم اني استودعتك قلوبنا فلا تملأها الا بحبك ولا تشغلنا الا بذكرك * * لا تسأل المنجرح ليه يبكي // يمكن لقى بالدمع كل التعابير * بالمدرسة ، مكان اللقاء ، مكان المحبة والشقاء مرام ماسكة ايد فوز وتدور هند بعيونها بين البنات فوز : استغفر الله ليكون هالطنق غايبه اليوم بعد كاافي غابت الخميس مرام : مادري ماشفتها الصبح كلش يمكن غايبه ،، والا اقولج امشي صفها يمكن ما تبي تنزل الفرصة وهم رايحين لصفهم صادفوا حور وهي لامه وحدة متحجبه قصيرة ، لامتها حيييييييييل ( هذي لجين ) فوز اول رد فعل منها طالعت مرام اما مرام ابتسمت باستهزاء ابتسامه تذوب على الجنب وكملوا طريقهم . . عند حور ولجين لجين : واااي حياتي مشكورة على الهدية حور بدلع : يالله عاد فدااج يا روح حور انتي مها اللي ساندة ظهرها ع العمود وواقفه معاهم تطالعهم وتلعب باظافرها : اففف وينها هالخرا حور ولجين لفوا عليها : شفيج ؟ مها : اي طبعا طايحيلي تغزل انتي وياها و غراميات من اليوم شدراكم حور : ههههه شفيج منو تنطرين مها مبوزة : زيوون هالخرا من طق جرس الفرصه ما يات مادري وينها لجين : يمكن غايبه مها : لا كنت وياها اليوم الصبح لجين : المهم ما علينا منج الا يا الحب اي كملي شسويتي مها تضربها : جب انتي وياها حور ولجين : هههههه . . بالصف وتحديدا صف هند زين : هند خلاص شفييج وربي قلبي عورني هند اللي متكورة على نفسها بزاوية الصف وقاعدة ع الارض وراسها بين ريولها وتبجي بحرقه زين : هنوووووود !! تكفين شفييج من ييتي ما نطقتي بكلمه كلله بجي لي متى هنند هند ما تكلمت وصوت شهقاتها كل ماله ويعلا زين - فقدت الامل قعدت ع الارض قبال هند وحطت ايدها على خدها تنطرها تتحجى . . مرام : اي شفيج نسيتي انها بهالصف فوز : يالله دشي مرام وهي تحط ريلها داخل الصف ولافه راسها على فوز تسولف معاها الا بصوت احد يبجي لمن لفت شافت هند متكورة على نفسها بزاويه وتبجي وزين قاعدة قبالها وحاطة ايدها على خدها مرام بخوف : هنووود شفيج فوز حاطة ايدها على حلجها : هنوود امبيه برمشة عين كانت مرام قبال هند وحاطة ايدها على ركبتها : هنوود شفيج ابوي ؟ اما هند فلم تجب على مرام ايضا لفت مرام على زين وقعدوا يطالعون بعض مستغربين فوز شوي وتبجي : هنوود شفيج زين : لا تحاولون صارلي ساعه اترجاها تتحجى ما ردت علي مرام رفعت ويه هند من بين ريولها : هند تحجي يا قلبي هند دزت ايد مرام وبضيقه : وخروا عني مرام وفوز وزين كانت على روسهم اكبر علامة استفهام : شفييج مرام ما تحملت تشوف هند جذي صارخت عليها : تحجي لا ادوس ببطنج مسكت من كتوفها - تحجييي زين تسحب مرام : خلاص مو وقته صراخ خليها على راحتها مرام دزت ايد زين : انتي وخري وكملت صراخ - تحجي هند خلاص مشاعر الغضب والحزن كلها تفجرت بويهها وقفت ودزت مرام باقوى ما عندها : وخرواا عني مو ناقصة احد - وطلعت . . عند حور اللي ماسكة ايد لجين وتغني بصوت عالي دلوع بالممر : خليني شوفك بالليل ليله بعد الغروبي مش عيب الملئى بالليل ليله بتستر لعيوبي لجين تصفر ومها تضحك عليهم مرت هند من جمبهم وويهها احمر وتمسح دموعها حور بدلع : شوو بنا الحلوين شو صايرلوون ؟ هند لفت عليها وعطتها نظرة محتررمة : تحاجيني ؟ حور وهي تحرك شعرها الكستنائي الطويل بدلع : لا بحاكي اممي ،، ماما اللي بالبيت بحاكيها هند ونفسيتها ززفت ومو طايقه احد : اقول فارجي ترى قسما بالله مو فاضيتلج حور تأشر بايدها بقرف : روحي روحي احسن ما تموتي لجين بضحكه عاليه جدا : هههههههههههه مها : خلاص عااد شفيكم هند لفت بتروح الحمام مو طايقة ترد على احد حور بدلع يبط الجبد : روحي للزفت مرام خليها تطبطب عليج بلكي بتهدا اعصابك هند لفت عليها والشرار يتطاير من عيونها كللش والا طاري مرام لا ومنو اللي يتحجى وحدة مرام تشوف ابليس ولا تشوفها : تعالي هنيي . . مرام وهي ماسكة راسها : اففف شفيها هذي فوز وهي شوي وتبجي : خاايفه وربيي خاايفه عليها زين وهي توقف : برووح ادورها اشوف شفيها وربي خبصت قلبي مرام : لا آنا بروح قعدي زين : لا قعدي آنا بروح لها - وطلعت برا الصف ركض توجهت للساحه الا بصراخ وهوشه وبنات متيمعين زين : اووه شالسالفه - وراحت لهم ولمن فككت البنات شافت هند وهي ماسكة شعر حور وتطقها وحور تصارخ ولجين ماسكه هند من ورا توخرها وتطقها زين بسرعه سحبت هند وشلتها بحكم جسمها النحيل والخفيف هند : هديني عليها هديييني زين وهي تضحك : ههههههههه بسج قطعتي شعر البنت وراحت بعيد عن البنات ونزلتها زين : صج انج قزمة وعصله بعد هند وهي تعدل شعرها : مو وقت سخافتج زين : ههههههه مسكت ايد هند وركضت فيها بدون مقدمات هند : ااي ااي هديني وين موديتني زين وصلت للصف ودخلتها : دشي الصف عند مرام وفوز هند وهي تتنهد : مرام .. فوز .. سوري ع اللي صار مرام راحت لعندها : قوليلي شفيج ؟ زين : الا قولي شسووت ههههههههه صارلها ساعه طاقه هواش مع هاذي كات مادري حور اللي امها لبنانية مرام : ماعلينا منها بلعنه - انتي شفييج ؟ هند ارتمت بحضن مرام اللي اطول منها بوايد وبصوت مبحوح : متضايقه وبججججحت فوز ما قدرت تستحمل بطتها بجي وياها : هننود لا تضايقين عمرج شفيج زين : ههههههههه امبيه امبيه شفيكم الحين - تأشر - هالهبله عرفنا انها متضايقه انتي شحقه تبجين فوز بجت وما ردت اما مرام غمضت عينها وهي تمسح على ظهر هند . . يا صاحبي وشفيك قاعد لحالك ليش انت متغير و مشغول بالك صارحني قاسمني عاناَك و همومك ما أطيق أشوفك متعب القلب حالك |
رد: رواية قد جلبت لي الدمار
البارت الرابع والعشرون
العصر هند صكته من مرام اللي داقه تتطمن عليها عقب حالتها اليوم تمددت هند على قتفته غرفتها بشورتها اللي لي نص الفخذ باللون العشبي وبلوزتها الحفر الوردية تعلقت عيناها بالفراغ وطغت بسرحان عميق قطع حبل افكارها صوت طفولي وراء باب غرفتها هند : منوووو سارة : آنا هند بغضب : خيير اللهم اجعله خيير شتبيين سارة : هند تكفيين بطلي الباب شوي هند قامت وعدلت بلوزتها : نعم خييـ.. وسكتت لما شافت دموع اختها وخشمها الاحمر من البجي : شفيج سارة الصغيرة ارتمت بحضن هند بكل براءة هند بحنيه اول مرة تييها : شفيج يا قلبي ؟ سارة من بين دموعها : مم ماما مم ما تحبب تحبني هند : شنو شنوو ما سمعت - وتمسح على شعرها : منو مزعلج ؟ سارة : ماما ما تحبني هند تمسح على شعرها : لاا شهالحجي ؟ سارة ترفع اصبعها الصغير : والله العظيم ما تحبني كل ما اقول لها ابي شي تصارخ كله لا كلله لا - وتكمل بجي هند ضمتها : شفيج حبيبي شنو تبين ؟ سارة تمسح دموعها بطرف كمها بطريقية طفوليه اسرت هند : ابي بليستيشن نفس مشاري مشاري عنده آنا ما عندي واهوا كله ما يخليني العب معاه هند بعفويه : يهه بس بليستيشن - وتأشر على عيونها - من عيووني الثنتين روحي لبسي الحيين نروح لمحل الاجهزة نشتري لج سارة تنقز مستانسه : صج صصج ؟ هند : اي يالله روحي لبسي سارة : احبببج والله احببج هند : هههههه يالله صبري ادق على راج.. وسكتت تذكرت ان ابوها ودا السايق . ميلت بوزها بضيق وهي تقعد على القنفه وبيأس : ما عندي احد يوديني سارة بخيبه امل : لاااااا مابي ماابي هند ما حبت تكسر بخاطرها : ما عليج روحي بدلي انا بدبر سارة باستها ورااحت بسرعه بدلت دزت هند مسج لمرام ( مرووم دزي لي السايق ) ...................... زين متبطحه بالصاله ببيجامتها الرمادية الصبيانية وشعرها كشه ( توها قايمه من النوم ) وتقلب بالتلفزيون وصاكة اذنها من ازعاج يهال اختها امل وصراااخ ولويه زين : يا حيواناااات يال #٪###٪ امل نزلت وهي تطالع اختها زين بنظرات عتب واستحقار ( للحين زعلانه منها ع اللي صار ) زين حبت تقهرها : يا زعلان يا زعلان خليت قلبي حيراان ههههههههههههههههههه امل : احترمي نفسج زين طالعتها بنص عين و ابتسمت ع الجنب باستهزاء امل قعدت وهي تهز ريولها حييل من القهر من اختها .................... نزلت من الدرج ببنطلونها الكحلي وبلوزتها الكحلية مكتوب عليها بالابيض Polo * شافت امها تعطي اخوها عبود فلوس وشكلها وااايد عبود وهو رايح للباب : مشكورة يمه مرام : تعاال هني عبود : هلا مروم مرام لفت على امها اللي ماسكه فونها وشكلها توها رادة من السوق لان الاكياس وااايد حولها : يما جم عطيتيه ؟ امها وعينها ع الفون : مادري ما عديتهم عطيته اللي توني سحبتهم مرام سحبت الفلوس من جيب بنطلون عبود وعدتهم بعدين ضحكت باستهزاء : هه ٣٠٠ دينار كااش تحطينهم بايد واحد ما تعدى ١٢ سنه امها : يعني شنوو ابخل على ولدي مرام باستهزاء : لا حشى عطيه ، وعطيه وااايد واكثر بعد وانتي ما تدرين ولا تسألين شيبي فيهم ؟؟ ام مرام : تتنطزين حضرتج ؟؟؟؟ مرام : يممه من صجج !! اي ام هذي اللي تحط بايد ولدها مبلغ مثل هذا وما تكلف عمرها حتى تسأله وين بويديه ام مرام : انا واثقه بولدي وبعدين وردي الفلوس له مرام طالعت عبود : واثقه بولدج ! عبود بلع ريجه ونزل راسه للارض ام مرام بصراخ : بتتدخلين بتربيتي بعد !!!! مرام قطت الفلوس بويهه عبود : لا اخلي اخوي يضيع جدام عيوني ام مرام : عبود يعرف الصح من الغلط - وبنغزة - ما قلب جنس ثالث ولا شكله شكل بنت مرام تصنمت وبغت تدمع عينها بس تماسكت - امها قصدت مظهرها وشكلها مرام صفقت : براافو عليج خوش ام صاجه صاجه ام مرام : انتي هييي تحجي عددل مرام : كيفج انا ماراح اتحجى ولا بسوي شي بس ان ضاع عبود - لمعت عينها بحزن - ذنبه برقبتكم ، وصعدت لغرفتها لتجعلها تشهد على مسيرة بكائها القهري المستمر ............... فوز بغرفتها قعد تنظم لها جدول للدراسه عشان الاختبارات النهائية باجي لها اسبوعين دق فونها ركضت له بلهفه : هلا حبيبي ضاري : هلا يا قلبي فوز بعبرة : اشتقتلك ضاري : هههه شدعوة امس مكلمج فوز : بس اشتقتلك ضاري : فووز طلبتج فوز : عيوني لك ضاري : من ردينا لبعض ما شفتج بشوفج فوز : انشالله باجر الصبح عند البحر زين ضاري : زييييين . . . يسعد صباح اللي على البال ما غاب الصاحب اللي بالوفا دوم اطريه عسى صباحه ورد وزهور واطياب وعسى الزمن من فرحته دوم يعطيه . قاعدة على الكراسي اللي قبال البحر الساعه تسع ونص الصبح ببنطلونها الاسود السكيني وبلوزتها المشمشيه وفلات مشمشي بحظنها فونها الايفون فايف الابيض ومشبوك بسماعات حول اذنها ومع مناظر الطيور تسمع فيروز وصوتها الجبلي ( نسم علينا الهوى من مطرح الوادي ) وابتسامتها تسحر كل الموجودين حولها - وقفت لما شافته واقف يتأملها بشكلها الطفولي وغمازاته دخلت حيييل من كثر ابتسامته وماسك بايده وردة جوري حمراء ضاري بهمس : اسسسف فوز وهي تاخذ الوردة : مشكورر ضاري بعيونه لمعه غريبه : احببج فوز حطت عيونها اللي دمعت بعيونها : امووت فيك ضاري اشر على البحر : نمشي ؟ فوز هزت راسها اوكي ضاري يأشر على سماعاتها : شنو كنتي تسمعين ؟ فوز : فيروز ضاري سحب فونها ووخر السماعات وشغل الاغنية بصوت عالي وهو يغني معاها : نسم عليينا الهوى من مططرح الواادي يا هوى فوز : ههههههههه ضاري فضحتنا قصر صوتك ضاري : يا هوااا دخل الهواااا خدني على بلادي فوز : ههههههه ضاري خلاص ضاري قعد على ركبته جدامها : احبج احببببج فوز تطالعه وتتلفت : ضاري ققوم فضحتنا ضاري بصرااخ : احببببببج فوز تقومه : زين زيين بس قوم هههههه ضاري : ههههههههههههه .......... سكينه بثقل وهي قايمه من النوم راحت و بطلت الباب اللي صرلها ساعه يطق بطلت وشافت واحد مغتر ولابس دشداشة : السلام عليكم سكينه باستغراب : هلا وعليكم السلام ؟ الريال : هذي مو شقته ***** ؟ سكينه : اي الريال : وينه ؟ سكينه : ابوي طالع مو هني الريال : اوكي وقعي على هالورقه .................. ضاري : حتى اهيا مشتاقتلج فوز : فديتها منوش وااايد احبها ضاري بغمزة : واخو منووش ؟ فوز : وييع ضاري بطل عيونه : افاا فوز : هههههههههههه وضلوا يتمشون . ضاري : اووه خيوط الجوتي تبطلت فوز : اربطهم ضاري : اففف مالي خلق انزل اربطهم فوز : اربطهم جنك خبل جذيه ضاري : فوز اربطيهم فوز تكتفت : احلف ؟ ضاري : هههههههه لا ما عاش من يخلي فوز تنزله فوز : اي عبالي فوز تأملت بوحدة تمشي بعيد عنهم بلبسها الفاضح والضيق وجسمها يجنن لابسه بنطلون تايغر ضيييييق وبلوزة سوداء حفر وشعرها اشقر قصير مايل للابيض وحاطة حمراء حمراء فاااقعه فوز : امبييه هذا شكل وحدة تطلع فيه الصبح ضاري عدل جوتيه ووقف : شفيج تتحلطمين ؟ فوز تأشر بعيونها ع البنت : شوفها امبيه ليش مسويه بنفسها جذيه ؟؟ ضاري كأن احد معطيه طراق تلعثم وقلب ويهه الوان لما شافها وبتوتر واضح ضاري : ف ف فووز امشي نروح كوفي شوب شي هني حر فوز : لا ضاري الجو بالعكس واايد حلو خن نقعد ضاري توتر اكثر لمن شاف ام التايغر تقرب صوبهم فوز : حبيبي شفيك ؟؟ ضاري : و و ولا شي امشي خن نروح ** شفيه ضاري ؟؟ وشقصته مع ام التايغر ؟؟ |
رد: رواية قد جلبت لي الدمار
البارت الخامس والعشرون
ام فوز سلمت من صلاه الضحى والتفت على صوت باب الصاله اللي تبطل شافت فهد وثيابه مبهذلة وشكله تعبااان انسدح على الكنبه وغمض عيونه ام فوز قامت ومسحت على راسه وهي واقفه : شفيك يما شكلك نمت برا البيت فهد وهو مغمض : اي يمه تكفين خليني ارتاح ام فوز : شفيك فهد قعد : واحد من ربعنا سوا حادث وامس كله احنا عنده بالمستشفى ام فوز شهقت : لا حول ولا قوة الا بالله شلونه الحين ؟ فهد : لا حمد لله حالته زينه بس كسور ويدق فونه - لحظة يمه الو هلا تركي ها شلونه الحين ااي زين حمد لله انزين علمتوا اهله .. خلاص انا بروح اقولهم اخاف يحاتونه يالله فمان الله قام - ام فوز : وين رايح ؟؟ فهد : بروح لبيت رفيجي اقول لاهله من امس ما يا البيت اخاف يحاتون ام فوز : دير بالك على عمرك يمه وسوق عدل واقرأ دعاء الركوب .... ضاري منو هذي ؟ ضاري : ه ه هلا اروى اروى او بالاصح ام التايغر : اقولك منو هذي ضاري : هذي هذذي فوز اروى : منو فوز ؟ فوز سكتت منصدمة من اللي قع يصير جدامها ضاري لف ايده حول كتوف فوز : هذي اختي الصغيرة فوز انصدمت اول شي من ان لمسها ومسك كتوفها بطريقه وقحه والصدمة الاكبر ان نكرها اروى حطت راسها على صدر ضاري بوقاحه وهي تلعب بخيوط بلوزته : يعني اخت ريلي ضاري ابتسم بارتباك : اي فوز دزت ايده من كتوفها وهي ترجف و منصددمة : اختتتك انا اختتك ضاري صد عنها وحط عيونه ع البحر ماله ويه كللش يجابلها قال لاروى : وخري شوي اروى تمسكت بعضلاته : بيبي شفيك ؟ فوز دمعت عيونها بقههههر وهي تشوف انوثتها تنجرح جدامها وهي تشوف اللي فضلته على روحها وخانت اهلها عشانه يخونها جدامها بوقاحه نزلت دموعها وقالت بهمس وهي تشهق : حقيير ح حقيبر اروى : ضروي شفي اختك تبجي فوز مسحت دموعها : تهني فيه وركضت ............. فهد وهو يطق جرس البيت للمرة المليون ومحد يرد فتحت له ( خلود ) * اخت رفيجه ( خالد ) تذكرون خلود ؟ بطلت الباب وبعيونها النوم : نعم ؟ فهد طالعها ومايدري شلون يبدي : قوة خلود وهي تتثاوب : اهلين تبي خالد ؟ فهد : لا وين امج ؟ خلود : نايمة * ابو خلود متوفي فهد : انزين منو هني اكبر منج خلود : خالد فهد : لاا خالد مو هني خلود : عيل وينه ؟ فهد : خالد بالمستشفى خلود حطت ايدها على صدرها : شنووو فهد : لا لا تحاتين اهوا خلود : شفيييه شفييه ؟ فهد : سوا حادث خلود طاحت ع الارض وهي تبجي فهد راح لها يبي يقومها وارتبك لما شاف عيونها السودا الواسعه ورموشها الكثيفه وبعيونها دموع فهد : لأ ل لا تحاتين ح ح حادث بسيط خلود : تككفى ودني له تكككفى فهد : اوكي ركبي سيارة السايق وخليه يلحقني خلود راحت ركض فوق تلبس .............. بجت بجت بجججت لين نشف الدمع من عيونها نزلت من السيارة وهي تحس بثقل ولما فتحت باب البيت صكرته وطاحت ع الارض تكمل بجيها ام فوز اخترعت وركضت لبنتها : يممه فووز بسم الله عليج شفيج ؟ فوز شافت امها المييته من الخوف عليها وهي بثوب الصلاة الكحلي مسحت دموعها : لا يمه م ماكو شي ام فوز مسكتها من كتوفها وقومتها : عليج الله يا يمه حلفتج بربج تقولين لي شفيج فوز : يمه رفيجتي ت تعبانه ام فوز قاطعتها : لا تجذبين علي مستحيل كل هالبجي والدموع عشان رفيجتج تعبانه فوز بسرعه : لا سوووت حادث ام فوز صفقت ايدينها ببعض : لا حول ولا قوة الا بالله شفيهم ربعكم اليوم فهود رفيجه مسوي حادث وانتي بعد فوز وهي تصعد الدرج : يمه لحد يقومني ع الغدا خلوني انااام ام فوز : على هواج يا يمه على هواااج ......... هند قامت من النوم مخترعه من حلم مززعج او كابوس ولفت تبي تشرب ماي ما لقت غسلت ويهها ونزلت ببيجامتها الضييقه البيضاء وبنطلون البيجامه الطويل المنقط بوردي واخضر والبلوزة حيييل قصيرة ابو هند تحت بالصاله يكلم فواز اللي يايهم : والله ما تروح لين تتغدى فواز : لا عمي كثر الله خيركم مابي ابو هند يمسك ايده ويقعده : قلت لكك اقعد ياااه فواز : انشالله ابو هند : سارونه روحي نادي هند ع الغدا هند نزلت من الدرج سارة : كاهي بابا نزلت ابو هند : هنوود ما تبين غدا هند سفهته وراحت المطبخ فواز انصدم من اسلوبها - بالمطبخ مرت الابو : انشالله تيين تساعديني هند حطت قلاص الماي اللي شربته ع الطاوله : اقول انشالله تسكتين ومالج شغل فيني مرت الابو : قليله ادب ما ينشره عليج هند : هههههههههههههاي طلعت من المطبخ ابو هند : الناس يقولون السلام عليكم ، يحب راس ابوه ، يسلم على ولد عمه اللي يايهم هند صعدت الدرج لكن صرخه ابوها وقفتها ابو هند بصرااخ : هنننند هند وقفت وهي معطيته ظهرها ع الدرج : نعم ابو هند بعصبييه : لما احاجيج توقفين وتردين هند لفت : نعم ؟ ابو هند : سلمي على ولد عمج هند وهي تطالع فواز بنظرات استحقار : السلام فواز بارتباك من نظرتها : وعليكم السلام ابو هند : لا لا تعالي عطيه جم طراق على نظرتج الزفت هذي هند : هههههههههه ابو هند قام بيكفخها لكن ايد فواز اللي التفت على ذراعه وقفته فواز : عمي عشاني خلاص اقعد ابو هند بصراخ وهو يقعد : ذلفي غرفتج مابي اشوف ويهج ............ بالمستشفى عند خالد - خالد : خلوود شفيج خلاص لا تبجين كاني جدامج خلود باست راسه وهي تبجي : الحمد لله الحمد لله اما فهد كان سرحان فيها ( اهيا حللللللوة بس الله يهداها لو ان شعرها طويل مو جنه شعر صبي اااخ ماشاء الله عليها صج صج حلوة ) .......... بوسط العشب الاخضر اللي مغطي حديقه البيت بلونه الجميل وحمام السباحه الكبير منسدحه وكل همووم الدنيا فيها حاطة ايدها على راسها من تحت وشغاله تفكيير وذكريات مالها اول من تالي طالعت منظر الغروب واشعه الشمس اللي تنزل بالتدريج ودموعها تسابقها بالنزول و بوسط دموعها اللي ما عمر احد شافها ابتسمت ابتسامه قهر تسوى مليوون دمعه لانها ما تدري على شنو تبجي بالضبط علئ اخوها وصياعته والا امها واهمالها والا على ابوها وقساوته وخيانته لامها بوسط تفكيرها غرقت بذكرياتها لبعييييييد قبل ١٠ سنين لما كانوا امها وابوها يتهاوشون ** ام مرام : خلاااااص خلااص زهقت منك ابو مرام : لا والله انا اللي زههقت منج ومن ام مرام قاطعته بصراخ : طللقني طلققني ماابيك ابو مرام بصراخ اقوى : حممدي ربج وحبي ايدج ويه وقفى انج من اول ما ييبتي هذي - ويأشر على مرام - ما طللقتج - ضرب صدره بقهر - انا ابي وللد وللد يشيل اسمي وحلالي موو بنت ام مرام : وانا حصلت وقلت لاا هااا جاوبني حصلت وقلت لااا قول الحمد لله كلنا ما نبي بس هذي نعمه ربك * تذكرت لما كانت تبجي وتروح لابوها يطردها بدال ما ياخذها بحضنه ويهديها ابوها : اووووه فاضي لمناحتكم ودلعكم يالبنات روحي ابجي بحضن امج لا بارك الله فيج ولا بامج تذكرت فرحه امها وابوها بعبود اول ما يا على هالدنيا تذكرت معاملتهم له جنه ملك وهي ولا كانها موجودة تذكرت كلام امها لما كانت تييها تبجي ام مرام : خلي عنج دلع البنات ومصاختهم وذلفي دارج لا تبجييين خلاص اذيتيني تذكرت كف ابوها لها وضربه القاسي لها وهي بعمر ال١٢ سنه عشانها شلت عبود وطاح منها بالغلط " ابوها : لووو صارلها شي اقسم بالله لادفنج حيه خرااا عليج لا تشلينه الله ياخذ روحج ... تذكرت كفه القاسي على خدها وهي ياهل لما ضربت عبود لانه شخبط على رسمتها .. تذكرت كلمات امها لما كانت تروح لها عشان تشتكي من معامله ابوها القاسيه " امها : احسسن تستاهلين يزاج واقل منو قالج تطقين اخووج تستاهلين . تذذذكرت وتذذكرت وتذذكرت ودمعه ورا دمعه وراها دموع نزلت صدى اصوات اهلها تسمعهم لي يومها هذا " لا تبجين لا تبجيين لا تصيرين ماصخه مثل البنات لا تبجين " وصارت صاارت ولد واكثر بعد تجردت من انوثتها تجردت من كللل شي مافي شي يدل على انها انثى الا اسمها شعرها شعر ولد جسمها جسم ولد ولوهله من زمانها للاسف كانت تصرفاتها تصرفات " ولد " صحت من سرحانها على صوت اذان المغرب توضت وصلت وتحس قلبها يعورها من كثر ما بجت ... لطفولتنا تأثير كبييير على حياتنا وعلى هموم مستقبلنا كل شي سيؤثر على مستقبلنا هو هموم ماضينا وعقدنا $$ |
رد: رواية قد جلبت لي الدمار
البارت السادس والعشرون
( مالي خلق للدراسة لكن في احلام وطموحات ما يحققها الا بنت الكلب شهادتي ) *: صكت فونها عقب ما حطت هالتوبيك بالواتساب وكتبت off بتويتر والانستغرام وحطت جهازها مغلق وحطته بالدرج قامت خذت لها شور عشان تصحصح للدراسة وطلعت من الحمام بفوطتها الاف وايا ولبست بيجامتها الحرير السوداء بازرارها البيضاء وقعدت على مكتبها الصغير بغرفتها وطلعت كتابها الكيمياء لتبدأ به الدراسه حسب جدولها التنظيمي للاختبارات النهائية بس عندما حاولت الاندماج بدراستها داهمتها افكاار كثييرة عن ضاري ضربت راسها بقهر ودمعت عينها : خلاااص خلاااص اططلع من هالمخ خلاااص راحت غسلت ويهها لتبدأ صفحه جديدة بحياتها مثل ما بدأت دراستها لهذا اليوم .. اما مرام كانت قايمه قبل الكل من الساعه ٧ صلت الفير ودرست لانها حاطة ببالها شي واحد من يومها صغيرة تسعى له ( دكتورة جراحة ) حطت الشاي قبالها وحطت جهدها كللله بالدراسة ......... اما هند و زين كللللش يا جبل لا يهزك ريح مو جنه باقي اسبوعين ع الفاينل طايحيله نوم ونت طووول الوقت * الله يهديهم ههههه ........ هند قامت الساعه ١ بالضبط وتسبحت وراحت مع سايق مرام اللي دقت عليه لبيت مرام لكن قبل لا تتجه للبيت هند : حبيب مر الجمعية مالتكم هذي ونزلت للجمعية عشان تاخذ ريد بول وهي عند الثلاجه وهي ترفع نفسها عشان توصل ...... : يالحلووووة يالمزززو هند التفتت لترى فتى قد لا يتجاوز الاثنى عشر سنة ويبدو صغييرا بيده اليسرى زقارة ويغازلها الولد : ابووووي يالاحمر هند : عمى بعينك قليل الادب الولد : ليييش لييش جذي - وبغمزة يا معذبني هند : اقول فارج فارج لا صرت طوولي تعال تحجى قله ادب الولد : هههههههه عاد من طولج هند تخزه : فاارج واول ماراح بطتها هند ضححك : ههههههه توه ما طلع من البيضة ياي يغازل بشييه بشييه بنفس المكان - لكن برف آخر من رفوف الجمعية عبد الله : وييينك انت وائل ( رفيجه ) : لااا بس طحت لك على وحدة مزة هههههه عبد الله : صصج وينها !!! وائل : لابسه احمر وجسمها يهبببل هناك عند قسم العصير والريد بول عبد الله : ها بشر ضبطتها وائل : لا حساافه اهيا كبيرة عبد الله : هههههه وما غازلت الا كبيرة وائل : يعني اغازل وحدة بالابتدائي لا حبيبي انا ابي وحدة جذي جسمهاا اخخ بس اخخ عبد الله : ههههههههههه وينهي خن اشوفها عند مصافط الجمعية - عبد الله وربعه يلحقون ام الاحمر عبد الله يصفر : يا حلووة يال### ويتفوه بكلمات بذيئة ## هند لفت من سمعت الكلمة وانصددمت لما شافت عبود هند شهقت : عبووووود عبد الله تلعثم : ه ه ههند !!! راحت له ومسكت ايده بقوة : ماا تستحي هاا شهالكلام اللي اكبر منك من وين متعلمه عبد الله نزل راسه وتلعثم : مم ما كنت ادري انه انتي هند : تبي اعلم مراام هاااه !! عبد الله يترجاها : لا لا تكفيين هند ؛ كسرت خاطري خلاص ماراح اقولها بس اوعدني ما تسويها مرة ثانية عبد الله : وعدد وعد هند ابتسمت وراحت - الله اكبر الله اكبر اشهد ان لا اله الا الله " اذن العصر و مرام مارمشت من كتابها ولا خذت راحه و بدون مقدمات وفجأة غططت بنووم عميييق على كتابها الفيزياء اللي قبالها وبعد غفوة ما استمرت عشر دقايق فزت من نومها هند : شفييج مرام فركت عينها : هند ؟؟ هند : اي زهقت ومريتج مرام تتثاوب : اي اوكي هند : شقع تسويين مرام : ادرس هند : اي مرام مو شي يديد مرام : ههههههه قولي لا اله الا الله هند : لا اله الا الله لا تخافين ما تنحسدين هههههههه مرام : قعدي هني شوي ويايتج هند تنسدح على سريرها : هوو وين رايحه مرام : بآخذ شور ع السريع عشان اصحصح هند : اوكي ......... بجو آخر ومكان آخر تُقام به اعمال لا ترضي الخالق سبحانه وتهز عرشه زين : ههههههههه فدوة على اللي ما حطت شي بخاطري مها مستحية طقتها : جببب زين : ابوووووووووووي مها : هههههههههههههه رحاب طقت الباب : زيوووون زيووون زين نقزت من السرير بخرعه : قوومي قوومي لبسي بسرعه مها : هااه امبييه صبري زين ومها يلبسون بسرعه بسررعه زين تهمس لمها : بلوزتي يمج قطيها علي بسسرعه رحاب تزيد الطق : زيووووون زين : لحظظة لحظة وبطلت الباب رحاب دخلت : شفيج طولتي - وانتبهت برفيجتها قاعدة على الكرسي رحاب : سوري ما كنت ادري مها : لا عادي رحاب : انا بطلع تبون اخلي الخدامة تييب لكم شي زين ماسكة الباب : لا بس طلعي رحاب : اوكي وطلعت - ............ مرام وهي تبطل زراير قميصها الاولى لانها تحس انها مخنوقة صارخت باعلى صوتها على الخدامات : جيييين جييين اووه لييتا لييتا بطلوا الباب بطلوا الباب وكانت سكينه سكينه : ويين مرام ؟؟ الخدامة تأشر على القنفه الكبيرة سكينه راحت لها : مررام مرام تلف : هلا سكينه سكينه قعدت بجانب مرام : مررام طللبتج مرام وهي تطالع بعيون سكينه الخوف والقلق : شفيج ؟ سكينه : ابوووي ابوي مرام : شفيه ؟ سكينه : ابوج قطه بالسجن مرام : شنووو لييش سكينه : لاننا ما سددنا الاجار من جم شهر ( سكينه وابوها بشقه من املاك ابو مرام ) مرام : من صجج ؟؟ سكينه : والله يا مرام والله وباجر لازم اكون برا الشقه خلااص مرام : قولي غير هالحجي !!! سكينه : والله يا مرام والله تكفيين كلمي ابوج خلي يطلع ابوي وينطر علينا شوي مرام نزلت راسها : ما اققدر سكينه : ليييش مرووم تكفيين مرام غمضت عيونها وسندت روحها ع القنفه : والله العظيم ما اقدر تهاوشت معاه من جم يوم سكينه : مرووم تكفين و ربي متوهقه وين اروح شسوي من غير ابوي وهو مقطوط بالسجن مرام : اهوا جم عليه ؟ا سكينة نززلت راسها : وواااااايد مرام : وربي يا سكينه لو اقدر ساعدتج شوفه عينج من جم يوم تهاوشت مع ابوي هوشه كبيرة وامس امي ولا عندي فلوس رصيدي بالبنك صفر ولا جان عطيتج سكينه وهي تحط ايدها على ويههها : لا حول ولا قوة الا بالله مرام : ولا يهمج الحين آخد من عبود فلوس واعطيج سكينه وقفت بسرعه : لا مابي شي خلي فلوسج لج مرام : وين رايحه سكينه وهي طالعه : جهنم مرام لما طلعت سكينه مسكت راسها : ياا ربي ناقصة آنا بعد تزعل هذي يااربي فرجها قعد تضيق علي من كل صوب يااارب ...... هند لما رجعت من عند مرام شافت سارة تطالع تلفزيون بالصاله صعدت فوق لكن وقفت لما سمعت صوت سارة الطفولي : هنوود كنت ناطرتج هند ابتسمت ان فيه احد مقدر وجودها بهالبيت : تعالي فوق وراحت معاها بس سارة قعدت بغرفتها وهند دشت الحمام تتسبح ولما طلعت بفوطتها البيضه اللي لافتها حول جسمها هند : سارون لفي ببدل بدلت ملابسها لشورت ازرق وبلوزة حفر بيضاء وطاحت على سريرها وبطلت فونها لكن ما انتبهت لسارة اللي قع تحاول تمسك المزهرية اللي معلقه بشكل مرتب برف ابيض على الطوفه العشبيه وطاحت المزهريه على راسها وامتلأ بالدم هند صاارخت : ساااارة ............... |
رد: رواية قد جلبت لي الدمار
البارت السابع والعشرون
هند : سااااارة صعدوا أبو هند ومرته من الصالة على صراخ هند وهم مخترررعين أبو هند بطل الباب وانصدم من منظر بنته الصغيرة وهي طايحة والدم يسيل من رأسها أبو هند بصراخ وخوف : شسويييتي فيها !! هند تحرك راسها يمين و يسار وتمتمت بكلمات يالله تنسمع : م م مالي دخل وربي مرت الابو بججت وبصراخ : كللللله منج كللله منج أبو هند حمل ساره بين ذراعيه و ركض : وخري عن طريجي ووخري مرت الابو لحقته وهند ركضت وراهم وعند الباب - هند كانت تبي تطلع معاهم بس دزها ابوها وصارخ : وخري الله ياخذج وافتك منج والله والله يا هند أن صار ببنتي شي لا اذبحج تفهمييين هند تكورت على نفسها وبجت على أرضية الصالة وفزت من الخرعه لما صكر أبوها الباب بقوة ...... فوز نزلت عقب ما تطمنت على فهد أخوها اللي مريض بغرفته و خلصت دراستها راحت المطبخ تبي تأكل شي خفيف انطق باب البيت والخدامة مو موجودة راحت وبطلت الباب وأول ما بطلت شافت تركي بغترته وعقالة ابتسم لما شافها وفوز من الحياء انخشت ورا الباب تركي : السلام عليكم فوز من ورا الباب : وعليكم السلام تركي : فهد وين موجود ؟ فوز : اي بغرفته تركي : ناديه لو ما عليج امر فوز : لا أهوا مريض ما يقدر ينزل تركي يبي يسولف معاها باي ناحية : صدق ؟؟ ليش شفيه فوز : حرارة تركي : سلامته فوز : الله يسلمك تركي : ناديه خن اوديه المستوصف فوز : لا لا ماله داعي انا حطيت له كمادات تركي : خلاص ما عليه يالله انا رايح لا صحى خله يكلمني فوز : انشالله تركي يبي يحاول يشوفها لكن لما صكرت الباب ابتسم وراح وهو يتنهد ويقول بباله ( لزوم أكلم الوالدة لزووووم ) * نسيت اقول لكم أن تركي بدوي .... زين بغرفتها وهي تكلم مها كالعادة مها : يالله شرايج تييني ع الويكند البيت زين : هههههههه علمناهم على الطرارة سبقونا على البيبان مها : جب بس جب يالله عاد زين : هههههه لا اتغشمر اتغشششمر يالحب شوي - إلا تطق رحاب الباب رحاب : زيوووون زيوووون يالله بطلي الباب زين : يالله مهوي خن اشوف هال### شتبي نعم رحاب : زيوون طلبتج زين : هااا رحاب : بييونا حريم لبسي فستان زين : خييييير برا برا براا رحاب : ههههه يالله عاد زيوون زين : ذلفيي ذللفي رحاب شوي وتبجي : يالله عااد زين : أممم جم تدفعين ؟؟ رحاب : اللي تبين كل خير بس لبسي زين : ما عندي فساتين رحاب : فساتيني القديمة موجودة أخذي واحد منهم زين : بس مابي قصير رحاب : عندي واحد اسود طويل خلاص عاد زين : أوكي روحي ييبيه رحاب توها بتطلع وإلا تتذكر : اي اي تعالي زين وهي ماسكة الباب وتوها بتصكه : خييير رحاب ابتسمت بغباء : مكياج زين صرخت : خييييييير !!! لاا عاد مصختيها رحاب : تكفيبيبييبين زيوت والله لو تبين مية دينار عطيتج زين حركت حواجبها بطريقة عبيطة : اووكي بس مسكرة رحاب : وحمرة زين : لاااا حمرة لاااا رحاب : فلوس بسس فلوس زين : لاا تحاوليين رحاب : بعطيج فلوس زود زين : أوكي خلاص بس تعالي رحاب : هااه زين : عطيني فلوس رحاب : عقب ما يروحون الحريم زين : ههههههههه لا حبيبتي حرامي ما يبوق حرامي رحاب : أوكي خلاص بعطيج عربون ههههه زين : اي جذي نضمن حقنا . . راحت رحاب بفرحة وعطت زين نفنوف اسود طويل حفر و فتحه الصدر كبيرة شوي ومشطت شعرها الاسود وحطت مسكرة وقلوس ونزلت رحاب تستقبل الحريم أما زين كانت تطالع نفسها بالمنظرة وتضحك نفس المينونة مو مصدقه أن هذي اهيا * بس ما كانت تدري أنها ازدادت عن جمالها جمال آخر جمال انثى انولدت من جديد لبست فلات اسود و نزلت من الدرج لكن وقفت عند راس الدرج من فوق وهي تسمع سوالف الحريم وضحكهم ومن بين السوالف اللي ما تخلص سمعت صوت أمها تقول هذي الساعه المباركة ومن لنا احسن منكم زين وقفت تفكر بينها وبين عمرها : الساعه المباركة !!! ما عندنا احسن منكم !!! منو هذول ولما رتبت الافكار بمخها قالت - لحظة لححظة هالحجي ما ينقال الا لخطبه و أمل ورحاب تزوجوا يعني ما بقى إلا انا - شهقت وحطت أيدها على حلجها - شنو وو انا بتزوج تخيلت شكلها وهي متزوجة وعندها يهال ضحكت لانها آخر فكرة نظري على بالها وصعدت فوق غرفتها وهي تتحلف وآمل وأمها ورحاب بالذات لأنهم ما قالولها وضحكا على اللي بتسويه فصخت الثوب الاسود وغسلت ويهها من المكياج ولبست بيجامتها وقعدت على فونها وعقب دقايق بطلت الباب رحاب وهي كاشخه : ويينج انتي ليش ما لبستي !! زين ابتسمت بمكر : الحين بلبس رحاب التفتت بتنزل : يالله ناطرتج ...... هند ظلت على حالها قاعدة على الدرج وتبجي بحرقه صارلها ساعة تبجي من راح أبوها ومرته بالمستشفى يودون سارة اختها طق فواز الباب وبطلت الخدامة فواز من برا : وين بابا الخدامة : راح مستسفى فواز : لييش ؟؟ الخدامة ؛ سارة راس يتلع دم فواز كان بيروح وهو يتحلطم لان عمه موصيه ييب شغله وقف وقال للخدامة : هند وين ؟ الخدامة دخلته وأشرت على الدرج فواز انصدم وراح لها أما هند رفعت راسها وقبل لا يوصل لها ركضت لغرفتها ما تبيه يتشمت فيها فواز شافها لما ركضت منحاشة منه تنهد تنهيدة كبييرة وقعد ع الدرج لف الخدامة ؛ اهيا بروحها معاج هنئ ؟ الخدامة : اي مساري وماما روه مع بابا فواز عصب من عمه لان خله هند بروحها بالبيت وخذا كل عياله ومرته قعد بالصاله ينطر عمه يوصل و عشان يكون يم هند ..... زين نزلت على الحريم بلوك سرها الأسود وبلوزتها الرجالية على منتخب برشلونه ومسوية شعرها سبايكي وحالقته زود من ورا زين : هاااي الحرمة وبناتها الثنتين انصصصدموا من مظهر اللي كانوا بيخطبونها لولدهم وما كانت أم زين وخواتها اقل صدمة منهم زين : شفيكمك تطالعوني جذي أم المعرس ابتسمت : بصراحه اول مرة اشوف بنوته ما حطت ولا نقطة مكياج وطالعه حلوة مثلج تبارك الرحمن زين بنفسها : وليييييه شهالبلشة مو جني بكلحها عميتها الحرمة قامت عقب ما تطمنت من جمال اللي بتزوجها ولدها : يالله عيل نشوفكم على خير - وغمزت لزين وبينا وبين أم زيونه اتصال زين تلعثمت وقامت تفكر تنقذ عمرها وتتدارك الموقف ضحكت بطريقه رجوليه وهي ماسكة فونها التفتوا عليها كلهم - زين نزلت فونها : لا بس قريت نكتة شفيكم ؟؟ الكل : ههههههههههه يحليلج زين بنفسها : افففف شفيهم هذول ؟؟ زين قعدت الحريم : لا لا خالتي - وتقوم تقعدهم - قعدوا قعدوا الحريم استغربوا وقعدوا أما زين ركضت لفوق وبعد دقايق نزلت بيدها شيشة وتدخن الكل انصددددم من حركتها الوقحة قاموا الحريم بيطلعون أم زين تبي ترقع : ويين تو الناس قعدوا زين وهي تطلع دخان الشيشة من حلجها : شفيج خالتي قعدوا الحرمة وقفت : ماني خالتج - يالله بنات امشوا ولما طلعوا - أم زين صرخت : زيبيييين !!! زين بابتسامه استهزاء : شفتها اللي يستغفل زين شيصير فيه - احسن يزاكم واقل وما شفتوا شي بعد ! ............. سكينة نايمة بسرير فرح بتعب وهي تتلفت تدور فرح سكينه : فرررح فررح فرح طلعت من الحمام وهي تنشف ويهها : ها شفيج سكينه ابتسمت : مشكووورة على وقفتج معاي فرح طبت على سكينه وضربتها : عن هالحجي وجب لا ييج كف والله يا سكينه لو تقعدين عندي طول العمر هنيالي وبعدين منو عندي بهالشقه غير يدتي وخالي سكينه : ياااا بعد قلبي .......... هند نزلت عقب ما غسلت ويهها ونشف ريجها من البجي للمطبخ وشافت فواز نايم بقنفة الصالة هند بصوت واطي : شيبي هذا ؟؟؟ وراحت للمطبخ وهي تمشي شوي شوي عشان ما ينتبه لها . . أما فواز قام من النوم لما سمع صوت شي حركة بالمطبخ قام وراح شاف هند تشرب ماي لفت هند عليه وعدته نظرة وراحت للباب تبي تطلع فواز حط أيده على الباب يمنعها لا تطلع : ليش بجيتي اليوم ؟؟ هند : وخخخر أيدك بطلع فواز : جاوبيني و بوخر هند : خللللصني فواز : جاوبي اول هند شوي وتبجي : ووخر أيدك بطلع فواز لما شاف عيونها تلمع بدموعها ما هان عليه ووخر ايده وظل يتأمل ها وهي تصعد وبهمس ما ينسمع وهو يطالعها قال بينه وبين نفسه ؛ احبج ....... مرام خلصت دراستها وطلعت لكوفي شوب تريح اعصابها وتشم هواء ولما وصلت قعدت على وحدة من الطاولات وقبل لا تطلب رفعت رأسها على شاب ناداها وهو واقف على طاولتها مرام رفعت راسها : كلمتني ؟ الشاب ابتسم : مرام عدل ؟ مرام : اي الشاب قعد : ممكن اقعد ؟ مرام ابتسمت باستهزاء : هه عقب ما قعدت تستأذن ، عالعموم نعم ؟ الشاب : ما عرفتيني ؟ مرام : جني شايفتك من قبل ؟ الشاب : معاج ضاري مرام : اللي فوز تحاجيه ؟ ضاري : اي مرام : نعم ؟ وقاطعهم القرسون عشان يأخذ الطلب مرام : شنو تبي خلصني ضاري : أي شي عادي ولما راح القرسون - مرام : انزين انت بخصوص انك يايني شايف فوز معاي شي ؟؟ ضاري ابتسم : لا انا ابي اكلمج انتي مرام عقدت حواجبها : و شنو اللي بيني وبينك عشان تحاجيني انا ؟؟ ضاري شبك اصابعه ببعض و حطهم ع الطاوله : بحاجيج بخصوص فوز مرام : شفيها فوز ؟ ضاري : " قال لها كل السالفة " مرام قامت : قلعتك - زين تسوي فيك ضاري : الحين ابيج لي عون تصيرين فرعون مرام : اول شي - موضوع بينك وبينها انا مالي شغل فيه ضاري : انزين وين رايحة ؟ مرام : مو خلصت سالفتك وسمعت ردي شتبي ؟؟ ضاري : وين رايحه الحين مرام بعصبية : خيير انشالله ترى على فكرة انا مرام مو فوز دقق يا بابا ضاري : هههههههه تأمرين أمر يالشنب مرام طالعته بتستهزاء وطلعت بوكها من الجيب الخلفي وحطت الحساب على الطاولة ضاري : اقول اقوول شيلي فلوسج انا ادفع عيب بنت وتدفعين مرام طالعته بنص عين : هه ماكو بنت هنئ غيرك .... ................(($$ |
| الساعة الآن 11:38 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية