السلام عليكم احبتي سواء قراء ام اعضاء منتدى ليلاس
.
.
.
ساشارككم روايتي الاولى .... واول دخول لي بعالم الكتابة بعد قرائتي للروايات
.
.
.
روايتي بعنوان ( قد جلبت لي الدمار ) ... وقد شاركتها بمنتدى اخر قبلكم
والان اريدكم ان تنضموا قارئين لروايتي ...
ربما يعود السبب لكوني احب هذا المنتدى وقد قرات روايات كثيرة به
لذالك ,,
اتمنى هذي المرة ان اشارك ككاتبة بدل القارئة :)
رواية قد جلبت لي الدمار
شخصياتي حقيقية وانا بيني وبينكم منها لا اقول ان هذه الرواية واقعية جدا لابعد مدى لا بل هي خليط ما بين الواقع والخيال وفي الحقيقة يطغى الخيال على الواقع في روايتي
ابتدينا قصة جميلة كلها حب وامل كنا ندعي كل ليلة يا عساها تكتمل كنا نسمع كل قصة تنتهي دوم بفشل جينا نحاول نغير النهاية وما حصل
الشخصيات حقيقية تمام الحيقة بصفاتها و شخصياتها لكن الرواية والاحداث خيالية
بسم الله الرحمن الرحيم
البارت الاول
فتحت عيناها على صوت اتلمنبه الساعة السادسة والخمس واربعوم كعادة روتينها اليومي المدرسي بكسل لتذهب لمدرستها ** طبعا البعض منكم الحين يقول مدرسة وقايمة الساعة سبع الا ربع غلطانة حبيبتي ههههه
نعم انها فتاة كسولة لابعد مدى , مستهترة لا يهمها شئ عديمة المسؤؤلية نبدا باول شخصيات رواياتننا الا وهي (هند) .. هند فتاة كويتية الجنسية تمتلك جسد نحيل لا يملك من ملامح الانوثة كثيرا شعرها قصير او كما نقوله بمجتمعنا (بوي ) لكنها ليست ب(بوية )ولا (مسترجلة )ولا (متشبهة بالرجال )بل هذا هو شكلها وطبيعه ملبسها او (ستايلها ) حنطية البشرة لون عدسة عيناها اللون البني المائل للعسلي كثيرا , لديها انف حاد كالسيف وشفاه صغيرة لمن ليست بممتلئة حاجباها قصيران او كما يسمونه ال(chineese ) ترسمهما باللون البني , اتوقع كفى عن مظهرها ولننتقل الى شخصيتها (هند ) لن احكي عن شخصيتها الكثير بل ساكتفي باقتباس المهم اما الباقي ستعرفونه مع احداث روايتي ** هند انسانة مستهترة كباقي بنات سنها خصوصا انها في سن ال(16 ) الان اي تقريبا بداية المراهقة او نصفها , ابوي هند مطلقين وهند تعيش مع امها بحيث ان ابيها متزوج ولديه طفلين ** اخوي هند من ابيها وهم مشاري وسارة . مشاري في الصف الاول من الابتدائي اما سارة ففي سنتها الاولى من الروضة , وزوجة ابيها بعمر ال28 تقريبا اي اصغر من والدة هند ب 3 او 4 سنوات خصوصا بان والدة هند تبلغ من العمر 32 عاما , اما والدها ففي ال35 من عمره
تطلق ابوي هند وهي صغيرة , اي تقريبا في الصف الثالث الابتدائي ** بعمر اخيها مشاري او اكبر منه بسنة او سنتين , بسبب مشاكل وخلافات عائلية واسباب خاصة
بعد ما افاقت هند بعد سماعها صوت منبهها المزعج , اتجهت للحمام * عزكم الله للقيام بامورها المعتادة من غسيل وتفريش اسنان وبعد خروجها , بدات تصيح باعلى صوتها على مدبرة المنزل المسكينة او ال(الخادمة )
هند : صوووووووووووووووووووووووووول
صول : ها انتي سنو يبي بعد هاا ؟
هند : وين ملابسي المدرسة ؟
صول : نودا وين يعني ناس حطي ملابس , بكبت مال انتي ؟
هند : اي صح كاهم .. خلاص ولي
هند لبست مريولها المدرسة الذي يصل من فوق ركبتها بخمس انشات وحذائها الاسود وجاربها الوردي واحلقه اذنها السوداء ووالوردية وتعطرت بعطرها المفضل وانتهت تقريبا من هذا كله في الساعة السابعة والعشر
وغادر عنها الباص منذ وقت طويل ** اي هند تركب باص خاص للمدرسة وهذي ليست المرة الاولى الذي يغادر عنها لكن الشكوى لله -.-
فاضطرت للذهاب للمدرسة مع امها بعد صراعات علة ما تقومها ** لان ام هند المسكينة كانت بسابع نومة وصلت لمدرستها مدرسة ***** الثانوية بمنطقة ***** وقد كانت الساعة 7 و الخمس وعشرون
دخلت المدرسة متوجهة لصفها وكانت اول سنة لها وهي في طريقها لصفها رات احدا يمشي اماها وهي ورائه بالضبط فاجتاحتها ابتسامة كبيرة جدددددا
هند : هلا ابوووووي
*****: هلا يبه
هند : هههههه اللي يشرفنا يقول كلش صارلي سنه مو شايفه ويهج !
*****: ههههههـ
هند : مروم شعندج متأخره اليوم ؟ موعوايدج
مرام : بعد شسوي هاالطنق تأخر علي اليوم>> قصدها السايق
منو مرام وشعلاقتها مع هند ؟
.مرام، رفيجه هند حييل وتوأمها، ضخمه البنيه، سمراء البشره، هادئه الملامح،تمتلك عينان فاتحتان اللون وعسليتان وفاتحتان اكثر من عدسات هند ، ذات شعر اسووود قصير
جدااااا، مرام انسانه هادئه جدا ، تميل للتكانه كثيرا، نفسيه على من يستحق التعامل معهم هكذا، أسلوبها بارد في التعامل و منرفزه جدااااا على من تريد ان تقهره ، لا يعلم من يراها لاول مره في مكان عام ان كانت صبيا ام فتاه !!!!
نرجع لروايتنا،،،،......
هند : اها خرا عليه
مرام :يب انزين على وين؟
هند : يعني وين على صف ياحلوه !
مرام : اها أوكي مشينا!
هند : اوك امشي عيل
هند و مرام يروحون لصف هند عشان تحط
حنطتها وبعدين لصف مرام عشان نفس الحاله بعدين ع الطابور .
وهم في طريقهم وسط ضحكهم وقطات هند السهلات و ضحك مرام البارد
****** : مرووووم ،مرووووم، مروووووووووووم ،قلبي!
هند : ويييع مروم يرحم امج لا تلفيت مالي خلق لها
مرام :هههههههههه
هند: اي ضحكي ضحكي ، الله يعين، حسبي الله بس.
******: مرووووم وينج ماتردين قلبي
مرام : سوري !بس كنت اكلم ،هند، شبغيتي ؟
شبغيتي ! أنا حوووور تعامليني بها لاسلوب!!!
هند بصوت من بين ضروسها:عاد مادري منو حورر!!
مرام : اها و المطلوب!!
هند: اوك
(نتعرف على حورر )
حور عشيقه مرام امها لبنانيه مسيحيه وأبوها كويتي ، بنت جميييله جدالا من وجهه نظري
شعرها طويل و صابغته كستنائي بيضاء عيناها واسع شوي وخشمها صغير وشفايفها صغار ومليانه انثى بكل ما تحمله الكلمه من معنى لكنها للاسف المتأسف من متصنعات الدلع << على
علاقه مع مرام من تقريبا "سنتين >> بتسألون ليش مرام ما تحبها ، لا مرام تحبها حيييل طيب ليش أسلوبها جذيه بالرد عليها لان مرام ماتبين ولا تطلع شعورها لأحد ،، انزين مرام ليش جذي من شوي معاها )) بقولكم أنطرو اشوي و يتعرفون بس صبر شوي على -_-
((نرجع لروايتنا
هند : احسن ماسويتي فيها ، كفور والله يا عضيدتي
مرام : _______
هند : مروم شفيج ساكته !!
مرام : هاا ! لا ولاشي امشي خن نروح الطابور بيبدأ
هند
: اقول وقفي !! وتمسك مرام
مرام: شفيج !!
هند: والله مانتحرك لين تقولين شفيج ، وشاللي مسكتج!
مرام : أووو هند عبالي عندك سالفه
^^هند: تعطيها نظره
مرام : شفيج تطالعيني جذي !
هند : بتتحجين ولا بروح ادوس ببطنها (تقصد حور )
مرام :هههههه ليش شمسويتلج أهي ! اهيا شكو !
هند : شوفي هي للأمانة ماسوت شئ ! بس اول شئ أكيد ماتتضايقين إلا من سبتها وثاني شئ جذي كره من عند ربي ما احبها !
مرام : إها
>> هند تعطيها نظره
مرام : هههههه
هند : لا والله ماكو شئ يايبه بس شوي يمكن لأني مو نايمه عدل
هند : علينا هلحجي ، ترى انا مو حور تجذبين عليها !
>> طق الجرس لبدايه الطابور
هند : لاتخافين ماراح ينقذج الجرس ، لنا حساب بالفرصه!
مرام : هههه
وراحت هند لصفها ومرام لصفها اللي ثنينهم
بعاشر بس الشعبه غير .
وبدأ الطابور مع تحيه العلم والاذاعه المدرسية مع تفتيش المخالفات وطبعا مع آيات القران العطره والدعاء
>> انتهى الطابور برحيل كل صف إلى صفه العشر والحادي عشر والثاني عشر
لكن ابطالنا بالصف العاشر مع بدايه اول سنه جديده مع العناء والشقاء لهم مع مرحله #الزفت الثانويه
في مكان آخر أو بالأحرى في أداره المدرسة : جالسه ترتب أوراقها التي قرأتها وقت الطابور بكل عزه وشموخ ، طالبه مجتهده
تكرّس حياتها ودراستها هدفا لنيل طموحها واشباع حلمها سأعرفكم عليها بحكم أنها فرد مهم جداً من هذه الروايه >> ومتأكده أنكم ستحبونها وستحبون طبيعه شخصيتها وتعاملها ، لن أتكلم عنها كثيرا في هذه البارت ولا الذي بعده ، أو بالأحرى لن اخصص لأي بطل من أبطال روايتي صفحات أو جزء مهم لتتعرفوا عليه مباشره ، بل سأدع لكم القصه والرواية مع ابطالي لتتعرفوا عليهم بأنفسكم ، فقط سأكتفي بنبذه بسيطه عنهم ليس إلا أما
أعماق شخصياتهم وأسرارها فلكم حرية التعرف عليها وفهمها بالتدريج حتى تتعايشوا معها بكل حالاتها ومواقفها ، لنرجع لروايتنا ..
فوز » طالبه إذاعة متميزه من الدرجه الأولى ، لا يضاهيها غيرها في الأسلوب ، أسلوب لبق بوجه جميل ! مقوله تتطبق على فوز ، بيضاء مائلة للحنطيه بلون بشرتها ، شعرها يصل لبدايه أو نصف كتفيها و مصبوغ بأجمل لون وهو الأسود الملكي ، طويله القامه ، رشيقه البدن ، لا أقول ولا أبالغ بأنها ملكه جمال ، لكنها بعيني وبعين صديقاتها قد اجتازت هذه المراحل بليافه الاسلوب ، متفوقه ومهتمه بدراستها والقراءة هي هوايتها
الأولى ، كفى كلاما عنها ولنرجع لروايتنا في الاداره كانت فوز ترتب أوراق النشاط الاذاعي ليوم غد هي وابنتان من بنات وطالبات الاذاعه الأولى أسماء وهي بالصف الحادي عشر أدبي و الثانيه مريم في الثانيه عشر علمي ، فوز كانت اصغرهما سنا ، وكانوا يتفقن على ما سقال غداً وعلى مقدمه البدايه للإذاعة وأي قسم سيشارك بالإذاعة » لان في هذه الاثناء كانت الحصه الدراسية الأولى ، ومرت ببطء وملل شديد مع المواد الثقيلة
الكئيبة على أبطالنا من فيزياء وكيمياء وإحياء ورياضيات وغيره من بوعه جبد »
ومرت الحصه الثانيه بنفس مقدار الملل والكابه والثقل والثالثة أيضاً ولكن بشكل أخف لان ببساطه ماوراها فرصه وحين سماع صوت الجرس الفرصه
هند : وأخيرا ، مابغى يطق
مرام : زين يبه رحمنا وطق «وهي تتمغط
فوز : ياالله ، ماحليت المسألة عدل ، أوف خلاص عاد بالبيت يحلها ألف حلال » طبعا هم مؤ بصف واحد بس قعد أعطيكم فكره عن رده فعل كل وحده
فيهم لمن افتكوا من الثقل اللي عليهم
وطلعت كل وحده من صفها ، ومتوجهين الساعه للقاء اليومي
هند : فوزوه انتي وينج يالطنق بالطابور
فوز : سوري كنت بالإذاعة
هند : كل يوم بهالاذاعه
فوز : بعد شسوي
و بدوا يتمشون مع سوالفهم والضحك والشماتة والطنازة اليومية المعتادة
*** : بنية
التفتوا الثلاث
**** : من فيكم فوز ال **** ؟
فوز : انا
هند : ليش انتي منو ؟
مرام : هندوه عن اللقافة
**** هند نعطي مرام نظرة
***** : ابلة سارة تبيج
فوز : اوكي ياية
هند : ما عليج منها فوزه كشتي فيها
فوز : لا يبة مو ناقصة بروح اشوف شتبي وياية .
هند : اوك
و راحت فوز ****
قعدوا هندوا ومرام يتمشون ويسولفون لين ما خلصت الفرصة وهكذا مر اليوم الدراسي لين الحصة السابعة والساعة 35 :1
وفجاة دق جرس الهدة و ......
هند وهي طالعة من الصف ولابسة جنطتها السماوية وهي تغني : من لهيب الشوق ابتدا امره واصبجت به مفتون والسبب نظر**
والا تقاطعها احدى من خرجت لرواق مرحلتها بصف ذو شعبة اخرى
فوز : شل فؤادي فوق في سما غمره يا ويل انا مجنون خوفي من هجره *** يا ويل حالي ع المطرف
هند : الا تعالي فوز بقول...
تقاطعهم
مرام : السلام عليكم
هند : يا هلا وعليكم السلام
فوز : هلا مروم وعليكم
مرام : ............ ساكتة
هند : المهم شكنت بقول
فوز : ما ادري عنج ؟
هند : ايه , شتبي فيج الابلة اليوم ؟
فوز : ماكو تبي تسالني عن بنية معاي بالصف
هند : اها جذي عيل
ومن نفس هذا الوقت لكن باختلاف المكان
******** : سكينة انا ابي اعرف لي متى وانتي بالبيت ؟ انتي اخر سنة مو ناوية تداومين انتي ؟
سكينة : .......... ساكتة
********* : انتي هي !! انا اكلمج ترا
سكينة : خلاص خلاص بداوم بس مو الحين بعد جم يوم
**** : بس تلقين طايفتج دروس الدنيا , وانتي سمالله عليج مو مريضة ولا تعبانة عشان كل هالغياب
سكينة : غادة ! احد قالج من قبل شكثر انتي حنّة وقرقة
غادة : والله بكيفج دراستي ولا دراستج !! شهادتي ولا شهادتج !!!
سكينة : *************
غادة : اوك عيل انا استاذن بروح البيت امي قع تدق شكلي تاخرت عليها
سكينة : اوك يبا اذنج معاج
والحين ابي ردودكم السنعة عشان انزل البارت الثاني حبايبي لا تحرموني مروركم ***
معاكم : يا فاهمني
...................
البارت الثاني
رافق رفيق لا تضايقت يسقيك
ما تنفع الرفقة على غير فزعات
ولا الردي عند اللوازم يخليك
لا نافع نفسه ولا منه نفعات
رافق اصيل في زمانك يداريك
لا شاف غلطاتك مع الناس غطاك
في وسط ازدحام اوراقها وضوء غرفتها المشع وضغوطات الدراسة الشديدة وحلم ينتظر النجاح و تعب شديد وراس يكاد ان ينفجر
في كل يوم احس اني عايش بخير وانت معاي...**نغمة فون
فوز : الو ,, الوو ,, امم الوووو !!!
فجاة ,,, طوووووووووووووووط
فوز : استغفر الله ناس و ربي فاضية !! المهم وين كنت ايه عنصر الهيليوم رمزه ه,,
في كل يوم احس اني عا**
فوز : الو الوو .
طووط طووط ,,
فوز : اوووووووه عمى انشالله , ناس استغفر الله ** وحطت الجهاز مغلق
بنفس هالحزة او الوقت والزمان بغرفة يسودها الظلام , يعمها الهدوء , بهواء وسط تكييف بارد او متجمد . وسرير كبير ياخذ مساحة شخصين و بجسد عاري وقميص مخلوع وسروال قطني بزراق لونه فوق ركبتها باربعة عشر انشا , وبسبات كسبات الطفل تنام وفجاة ...
تررررررررررررررررررررررررررررررررررررررررن ** منبه !
فتحت عيناها بكل هدوء تتامل ذالك الشئ المزعج والذي يصدر اصواتا مزعجة امامها وبعد حدود الخمس دقائق من الاستيعاب اوقفته بوجه و عابس ** مكشر * كما نقول اوقفته وهي تلف وجهها الناعس للجهة الاخرى وتغمض عيناها التي لم تفتح الا نصفهما عند تاملها المنبه , وبدات تتقلب واضعة يداها تحت وسادتها الباردة من جليد هواء غرفتها . وفي غضون ثواني من الاستيقاظ والاستيعاب والتفكير قررت ان تنهض , نهضت بكسل وببرود وراحت الحمام *عزكم الله * لتغسل وجهها وعند دخولها و فتحها صنبور المياه الباردة وانفها الاحمر من كثرة البرد واثر اصابتها بالزكام نتيجة تكييفها المتجمد اثناء نومها ,,
**** : مرووووم انتي هني ؟
مرام وبصوت مبحوح يدل على بداية استيقاظ وهي خارجة من الحمام : اي هني
****** : حبيبتي فجي الباب
# فتحت مرام باب غرفتها التي ما زالت في ظلامها وتجمد اجوائها عارية الصدر مرتدية الشورت او ( البوكسر ) الازرق اللون
مرام : هلا يمة شبغيتي ؟
ام مرام تتامل جسد ابنتها الذي قد يبدو غريبا عليها بعض الشئ !!
مرام : يمة وين رحتي ؟
ام مرام : مروم انتي ليش لابسة جذي ؟
مرام : ليش شفيه لبسي ؟
ام مرام : اول شي الغرفة حيل باردة وثاني شي اكو بنت تلبس هاللبس وين بلوزتج !! غطي صدرج عيب لا تيي الخدامة تشوفج جذي مطلعة صدرج جدامها لا حيا ولا مستحى حتى *حمالة صدر * مو لابسة
مرام : _______________ ساكتة
ام مرام : زين يمة رفيجتج تحت
مرام : منو ؟ هنود ؟
ام مرام : لا حور
مرام : خليها تصعد فوق
ام مرام : زين بس غيري لبسج
********************************
منين منين منين شيب راسي انا منين منين دمعي اللي عماني منين منين **
*****: هننننننننند وووويعة انشالله صوت الاغاني واصل للشارع قصري على هالخراا هننند هننننند اوووو صووول صوووول صوول ويهد ,
صول : نعم ماما
ام هند : روحي حق هالطنق هندووه وخليها تقصر على صوت الاغاني اللي بدارها حشى مرقص مو بيت حشى !!!!
^^^
طق طق طق طق ** =) =)
صول : هند هنوودا نوودا حبيبي فكي باب نوودا
شلون شلون شلون بالله بهل الاذية شلون شلون شلون جبتي الهم ليه
هنننند اوو نودا يالله فكي باب
** وهند داشة جو مع حاتم العراقي !
صول : ماما هند يمكن نايم ما يردي انا يطقي باب اهيا ما يبطل
ام هند : كسريه صارخي مالي شغل تصرفي لاني ان قمت توطيت ببطنها هالخرا على صوت هالاغاني اللي فضحتنا
صول بصراخ يبط الاذن : هننننننننننننننننننننننند
هند فتحت عينها وقامت * ايه كانت نايمة ومشغلة اغنية حاتم العراقي ونايمة عليها والمسجل باعلى صوت يعرض كل البوم اغانيه كاملة
هند : هااااااا نعم خييييييير
صول : ماما قول قصري على مسجل وانزل تحت
هند : والله ابتلشنا زين زين فارجي
· نزلت هند بعد مالبست بوكسرها الاحمر وبلوزتها السودا الحفر
· وهي تفرك عيونها الحمر من النوم ونازلة الدرج :
· ام هند : ويهد يهد حيلج قولي امين
· هند : شنو شسالفة شفيج ؟
· ام هند : جم مرة قايلتلج هالعادة تبطلينها ؟
· هند : شنو شفيج شمسوية انا يا حظي ؟
· ام هند : هندووه هند اقسم بالله ان حطيتي هالزفت اللي مثل ويهج وهالاغاني و عليتيها لاخر صوت ونمتي عليها واحنا نطق الباب ولا همج اقسم بالله لا اتوطى ببطنج
· هند : اوكي اوكي خلاص هدي !! وين رايحة انتي ؟
· ام هند : مو شغلج ذلفي عن ويهي .
· هند : زين ين اعصابج يا يبه
· ** ام هند وتاخذ مفاتيح السيارة وتطالع نفسها بالمراية وتطلع
· هند بنفسها : اي هذا اللي فالحة لنا فيه اووف !
· ^^^^^^^^^^^^^^^^^^^^^^^^^^^^^^^^^^^^^^^^
بسرعة بسرعة لبسي امي قعد تناديني بسرعة !!
حور : امبيييييه ! امبيييه لا توتريني صبري !
مرام : دشي الحمام بسرعة خدامتنا قعد تطق الباب روحي
Maram, Maram madam wont you
مرام : oki jen tell her I will come
** جين خدامة مرام الفلبينية الجنسية =)
مرام بهمس وويها عند باب الحمام من برا : حور انا بروح تحت عند امي لا خلصتي طلعي وقعدي بالغرفة شوي ويايتج
حور بنفس الهمس والنبرة : مرام اخاف دروا
مرام : شكوو !! امي بس قعد تناديني شدراها المهم انا بطلع اوكي
حور : اوكي
الجهاز مغلق او خارج منطقة التغطي....**
***********: اووف اوووووووووف !!
الجهاز مغلق او خارج منطقة التغطي....**
********: اوووووف اوووووووف وينها هذي ؟ّ!! خن اشوف الواتس اب
************
Last seen at 5:01
**********: اوووه هذي شفيها ؟؟
وبالرسايل بالوات ساب
فووز
فوووووز
فووووووووووووووووووز وينجL
**
بالوات ساب
************************
عند فوز اللي منهمكة بدراستها
فوز : اوك ! حمد لله زين خلصت واجب الفيزياء حمد لله اول مرة تعطينا واحد سهل جذي
اممممممممممم خن اشوف الجدول شنو علينا باجر اوك امم وفيزياء وانجليزي اي اوكي * تحاجي عمرها طبعا J
وهذا الجدول ورتبنا الكتب وخلصنا
فوز وهي تنزل الدرج : يوووووووووووووووووعااانة يماااا ميري وينهم هذيلا ؟ وتدش المطبخ وتسويلها خبز وتصب عصير وتفتح فونها : اوووه ! كل هذيلا مكالمات !!!
4 hanood \3 maroom \15 Dari ** المكالمات اللي كانت بفونها
فوز وهي مستغربة : شفيهم ؟
عند هند اللي كانت منسدحة ع الفراش وفونها بيدها
ربع حبي يعادل كل الل....*** نغمة فون
هند بنفسها : اووه هذي فوزوه
وترد : الووو وينج انتي يالطنق !
فوز : ليش شفيكم
هند : لا يبه ماكو شي بس وينج انتي ؟
فوز : بالبيت بعد وين ؟
هند : ووينج عن الفون انا و مروم ندق عليج مغلق
فوز : لا كنت ادرس وتوني خلصت
هند : اي خرعتيني وثول انزين دقي على مرام تبيج تعطينها صفحات الاختبار
فوز : غريبة ! وليش مرة وحدة ما خذتهم منج !
هند : وانا شدراني عن الصفحات بالله
فوز بشهقة : ماا درستي
هند : لا تموتين بطيتي اذني شوي شوي وتكمل : لا ما درست
وفي رواق اخر وفي رف اخر من رفوف حكاية روايتنا شخصية لم نتعمق بها كثيرا ولكنها من الشخصيات المهممممممممممممة بروايتنا
سكينة : هيييييي ! الزمي حدودج لا اتوطى ببطنج
البنت : انتي وحدة حقيرة وحيوانة انا اعلمج
سكينة : ههههههههههههههههههههههاي ضحكتي امي والله
البنت : انتي هييي ! يا زبالة وخري عن اختي احسن لج
سكينة : ومنو اختج ؟
البنت : اختي اللي تكلمينها وعادتها حبيبتج !! يا زبالة
سكينة : اكلمها !! حبيبتي !! اي وحدة فيهم
البنت وهي منصدمة : اي وحدة فيهم !!! حسبي الله ونعم الوكيل اثاري في غير اختي وايد الله يستر عليهم منج يالعقربة حسبي الله عليج
سكينة : اووووووووووووو خلصيني نعم خير منو !
البنت : انا اخت دانة
سكينة : اي دانة منو دان... ؟ اييييي داااانة اللي هذااك اليوم !
البنت : اي يوم ؟؟؟؟؟؟؟؟؟؟؟؟؟؟؟؟؟؟؟؟؟؟؟
سكينة : ههههههههههههههههههاي وانتي شكوو
البنت : خلصيني لا ترفعين ضغطي تحجي
سكينة : اووه مو فاضيتلج ترى ** وتصك الفون
سكينة طالبة في اخر سنة لها من الثانوية بيضاء طويلة القامة نحيلة البدن ليست هذي السنة الاولى من سنينها في الاخيرة في الثانوية سكينه في عمر 19 سنة عادت سنتها الاخيرة تقريبا 3 مرات سكينة ليست بفتاة عادية مثل باقي الفتيات ولا تعيش حياتها بصورة طبيعية فهي * مسترجلة * لون عدستها اللون العشبي نسبة لامها الباكستانية , ماتت ام سكينة وهي في السابعة من عمرها وعاشت مع ابيها السّكير طوال حياتها لم يتزوج ابيها بعد امها لانه ليس بشخص يمتاز بالمسؤؤلية ولانه لا يريد الالتزام بحياته ولانه باختصار * يدور خرابيطه وياخذ الذي يريده بخارج حدود الزواج وفي اماكن الفاحشة والعياذ بالله * فكان يشرب ويلعب القمار وكم من ايام كانت سكينة لا تستطيع شراء حاجياتها الاساسية لعدم توافر المال الذي اسرفه ابيها كله اثناء لعبه القمار * ويعيش بشقة مع ابنته سكينة && هذي نبذة بسيطة عنها
سكينة وهي منسدحة بالسرير والفون معاها بعد انهائها مكالمتها البغيضة الاولى مع البنت ...........
سكينة : لا حياتي هذي رفيجتي كانت قعدة تحن
البنت : لا عادي قلبي حصل خير
سكينة : المهم شنو كنا نقول
اثناء تجوله في السالمية بهالحزة بوسط سيارته الفراري الحمرا المكشوفه اللي ابهرت كل البنات بالخط السريع
اي معزة وانت خليت فيها شي المعزة ضااع*** نغمة فون
ضاري : الوو وثول يثولج يا الثولة قولي امين !
فوز : اوف اوف اوف ! ليش هههههه شمسوية
ضاري : من الساعة 3 للحين وجهازج مغلق هاا ليش ؟
فوز : سوري والله كنت ادرس وتوني خلصت والله
ضاري : اي مدامج تدرسين زين خلاص يبه سامحناج
المهم ابيج تشدين حيلج وابي نسبة ترفع الراس
فوز : اي وانت بعد ترى هذي اخر سنة لك ثانوي شد حيلك عشان تدش الجامعة
ضاري : اي والله صاجة وانتي بعد شدي حيلج عشان انا اخذ الشهادة مني واخطب واتزوج مرة وحدة
فوز بخجل واضح : احم
ضاري : ههههههه امموت على اللي يستحون
فوز :______________ ساكتة
وبعد صمممت دام لمدة خمس الى سبع دقائق من الطرفين
ضاري : احبج
فوز بخججل طااغي : الله لا يحرمني منك
ضاري شاب وسيم حنطي البشرة ضخم البنية يمتاز بحس الفكاهة العالي على علاقة مع فوز منذ اربع سنوات نقدر نقول تربوا على حب بعض ولا يستطيع احدا منهم تخيل حياته من دون الطرف الاخر فضاري قيس فوز وفوز ليلته
اتمنى عجبكم هالبارت وابي ردودكم اعزائي
و اصواتكم وابي تشاركوني بالانستغرام المخصص لصورخاصة للرواية اللي صممولي اياها مخصوص من ناس غالين على قلبي instigram : 8d_glbt_ly_aldmar ) ) واتمنى متابعتكم
يا فاهمني
البارتالثالث
مرام : ها وصلتي البيت ؟
حور : اي حياتي كاني وصلت
مرام : اوك عيل فمان الله
اوووووووووووووووووووووه صووول خلااص بسج حنة
صول : نوودا ليش جديه غرفة
هند : خلاص بسج نظفي وانتي ساكته !
صول : زين زين خلاس انتي روحي تحت عشان سووي مسح سراميك
هند : امري لله خلصينا . الا وين ماما
صول : للحين مافي يرجع من برا
واثناء النقاش الجاري ** ربع حبي يعادل كل اللي** : هلا مروم
مرام : هنود وينج
هند : ويني ؟ بالبيت مع صولوه ذبحتني بالحّنة والقرقة
مرام : تعالي عندي البيت
هند : شعندج
مرام : تكفين هنود ! محتاجتلج
هند : خرعتيني شفيج !!!!
مرام : تعالي * وتصك الفون
هند وهي تصك فونها : شفيها مرام الله يستر !!
^^^^^^^^^^^^^^^^^^^^^^^^^^^^^^^^^^^^^^^^
بمكان اخر وبالتحديد ( سبونز ) وهي قاعدة بالسيارة و عقب ما طلعت من يمعة رفيجاتها بالمطعم وتعشت
ام هند : الو
ابو هند : هلا ام هند شلونج ؟
ام هند : الحمد لله تمام الا شعندك نزل عليك الوحي وصرت تسال ؟
ابو هند : شدعوة انتوا اهلي وهذي بنتي لازم اسال
ام هند باستهزاء : يا سبحان الله اي اي ما تقصر الحين سؤال وسالت تبي شي ؟
ابو هند : ام هند بقولج شي ؟
ام هند بطول بال : تفضل
ابو هند : انا هالشهر ما اقدر ادفع مصروف هند و....
ام هند تقاطعه : انا اقول مو لله داق
ابو هند : لا شدعوة كنت ابي اتطمن على بنتي
ام هند : قول ابي اتطمن على فلوسي !
ابو هند : والله يا ام هند ما اقدر كلش هالشهر
ام هند : وليش انشالله ؟
ابو هند : تدرين مسؤؤليات وديون ومصاريف اليهال
ام هند : وليش هند مو من عيالك !! ولا خلاص نسيت
ابو هند : لا يا ا......
ام هند تقاطعه : خلاص خلاص مشكور ويي منك اكثر على العموم هند مو بحاجتك الحمد لله , باي
ابو هند : ام هند صبري
ام هند : شنو بعد ؟
ابو هند : اذا احتجتوا شي اتصلوا اوكي
ام هند : بنتي لو احتاجت شي منك وتبي تدق كيفها ماراح اوقف بويها اهيا بعد بنتك بس لا احتاجت فلوس او شي بتعطيها غصبن عليك
ابو هند : عيوني لها
ام هند : اي خير انشالله
مروم يا بعد اهلي تحجي شفيج ؟
مرام بصوت مخنوق : مخنوقة هند وربج مخنوقة
هند : فيني ولا فيج , شفيج يا بعد هند
مرام : اليوم سوويت شي احس اني ندمت وايد عليه
هند : شنو اللي ندمتي عليه ؟
سكي سكيي سكييينة و و و يينج ووينج يا ال****
سكينة اللي منسدحة بفراشها وتتكلم بالفون وبضحكة مصطنعة : ههههه يا روحها انتي
س س كييينة يا ال*****
سكينة : لحظة بتول لحظة شوي !
نعمممممممم
ابو سكينة : وو يين ج
سكينة : بتول بعدين احاجيج ابوي قع يناديني ** وتصك الفون
ابو سكينة : ياال*****
سكينة : انتبه لالفاظك تراني بنتك !!
ابو سكينة اللي يمشي وهو يترنح يمين وشمال و باين انه مو بوعيه : ابي زقايري وبصراخ : وينهم ؟
سكينة اللي تطالعه باحتقار : دورهم بنفسك
ابو سكينة : ت ت تعالي وين رايححةة
^^^^^^^^^^^^^^^^^^^^^^^^^^
هند : مع حور !
مرام : والله ما كان قصدي ما ادري شلون ما مسكت نفسي جذي ما ادري
هند : ما عليه مروم هدي
مرام اللي تمسح على صدرها اللي حاسه انه شوي وقلبها يطلع من مكانه من شدة الحسرة وتانيب الضمير : هنود ضميري ذابحني ! اول مرة اسوي هالشغلة ما توقعت ان راح يصير فيني جذي ما توقعت هنود !! كل رفيجاتي سووها قبلي وااايد واشوفم عادي ليش انا يصير معاي جذي
هند وهي تمسح على ويهه مرام : لانج اطهرهم واحسنهم اهما ضميرهم مات من زمان وانتي لا انتي بعدج نظيفة
مرام : بس انا اسوي مثلهم ابوس حور والمها واعاملها كانها مرتي واحبها وحتى انا كاني صبي بس ما وصلت لل
هند تقاطعها : مروم خلاص انسي
مرام : ما اقدر هند ما اقدر صورتها للحين ببالي
هند : خلاص مروم ريحي عمرج
مرام : شلون طاوعتها وسوييت اللي سويته شلون ؟
هند : خلاص استغفري ربج وربج بيسامحج
مرام : استغفر الله ياربي استغفر الله
هند : انزين مرام ؟
مرام بحسرة: هلا
هند : ما دامج تبتي عن هالذنب ليش ما تتوبين على اللي انتي فيه بعد
مرام : شنو اللي انا فيه
هند : انج بوية
مرام وهي عيونها على الارض ومنزلة راسها بتعب وبكل هدوء : هند سبق وتكلمنا بهالموضوع من قبل و قلتلج ليش وشلون صرت جذي وانتي اكثر وحدة تعرفين ليش و شحقة انا ,ما صرت او تحولت لهالحالة الا بسبب وابد ما صرت جذيه لفت انظار او لارتكاب فاحشة مع جنسي بس ابليس ااخ ابليس شاطر
هند : وحور ؟ شتقولين عنها
مرام : هنود احبها والله مو بيدي معاملتها وحرصها علي اول مرة احد يعطيني اياه بحياتي شفت منها شي ما شفته بامي وابوي
هند : بس تصرفاتج معاها ما تبين هالشي ولا يبين كلامج
مرام : لاني ما احب ابين و انتي اكثر وحدة تعرفيني
هند : مروم انتي اكثر من اختي وانتي تدرين و يشهد الله انج انتي و فوز اهلي بهالدنيا بس حالج جذي الحين موعاجبني
مرام ولازالت على وضعها الهادئ : مو بيدي ! خلاص صكي هالموضوع تراه يضايقني كافي علي ضيقة وحدة لا تزيدين علي
هند وهي تلمها : انسي مروم استغفري ربج وانسي
مرام وهي بحضن هند وبصوت مبحوح : استغفر الله استغفر الله
*****: من صجج ؟؟؟
حور : اي والله شفيج
بنت خالة حور : ومرام وافقت
حور : وليش انشالله ما توافق , وبدلع مصطنع : حاصلها حور
بنت خالة حور : عاد اهيا واااايد تكانة و احس ما يطلع منها هالامور
حور : حبيبتي ما تنلام دام حور عندها مابتمسك عمرها
بنت خالة حور : ايا الجلبة طلعتي منتي هينة هههههههههههههه
يا ابو مشاري ما يصير جذي
ابو مشاري اللي هو (ابو هند ) : شنو اللي ما يصير ؟
مرت ابو هند : نبي نسافر حرام عليك حاكرنا بهالبيت !!!
ابو هند : اوووهوو انتي شفيج اقولج ما اقدر انا حتى بنتي ما عطيتها مصروفها حق هالشهر
مرت ابو هند بصراخ : اووهو !! بنتي بنتي بنتي عاد اللي يسمعك يقول بنتك بغابة ولا بروحها ما عندها احد مسكينة !!
ابو هند : انتي هيي !! شفيج يا مرة ؟
مرت ابو هند : انزين الحين شقلت عن اللي قلتلك عنه ؟
ابو هند : قلت لا يعني لا خلاص
مرت ابو هند : اييي كله من بنتك اللي جنه ما عندك عيال غيرها
ابو هند : ترى انتي ذبحتينا بنتك و بنتك وبنتك الله ياخذها وياخذج فوقها
وهي طالعة من بيت رفيجاتها راجعة للبيت مع السايق فجاة **
اصدمت سيارة السايق مع سيارة بجوارها , كانت السيارة كمارو حمرة فيها خمس شباب و ياشرون للهندي وهم معصبين بانه يصفط على جنب ***** وهند اللي قاعدة ورا وعلى فونها ولا دارية عن الدنيا , صفط الهندي على جنب الطريق وهند استغربت!!
الولد : انزل انزل اقولك انزل !! ** ولا انتبه على اللي قاعدة ورا لان سيارة السايق مظلمة من ورا
** الهندي نزل وهند انصدمت وما نطقت بحرف
الولد بعصبية : انتي عمي ما تشوف خرا عليك وعلى ويهك !
الهندي : بابا الله يخليك هذي سيارة مافي عور واجد بس شوي
الولد : اقولك كل تبن وكمل بصراخ : انت تدري هالسيارة بجم خرا عليك !!
الهندي : سوري بابا والله اسف سوري
الولد : وين كفيلك انت دق عليه دق !
الهندي يبجي : سوري بابا سوري
الولد : انت ما تسمع وبصراخ : وين كفيلك !!
** وهند تسمعهم وهي خايفة تنزل بهالليل و الشباب وايد وماعندها احد والشباب ما يدرون ان فيه احد غير الهندي بالسيارة
الهندي : انا مافي شغل والله مافي شغل ماما داخل كلم ماما انا مافي شغل
الولد سكت ***
الولد الثاني : ماما داخل !!!!!! وهو مستغرب
الهندي سكت
الولد يخزه عشان يتكلم *
الهندي : اي ماما داخل سيارة
الولد : بروحها ؟
الهندي : اي بروحه
** الشباب يطالعون بعض وهند تسمعهم وهي مييته من الخوف
صوول صووول وينج ؟
صول : نعم ماما انتي يرجع ؟
ام هند : اي توني رادة وين هنود ؟
صول : نودا يطلع
ام هند : متى طلعت ؟
صول : ساعة ستة
ام هند : حطي العشا بغرفتي و بقي لها عشا لا ردت تاكل
صول : زين ماما
الولد : ماماتك ورا ؟
الهندي : اي ماما يقعد ورا
· الولد يطق دريشة هند من ورا
وهند ميتة من الخوف وما تبي ترد .
الولد وهو يطق الدريشة : لو سمحتي , اختي ؟
هند :___________ ساكتة
الولد : في احد هني ؟؟
هند وهي تبطل الدريشة : هلا اخوي
الولد ابتسم ابتسامة عريضة **
الولد الثاني اللي يمه : امبيييه شكلج صغيرة !
هند تطالعه وهي ساكتة وما نطقت بحرف
الولد الاول : اختي هذا السايق مالكم * يستعبط
هند : اي
الولد :سايقج دعم سيارتي
هند : اسفة اخوي
الولد : شنو اسفة اقولج دعم سيارتي تقولين لي اسفه !
هند وهي شوي و بتبجي : انزين شسوي ؟
الولد : شنو شتسويين ؟
هند : اخوي والله اسفة مادري شسوي والله شنو تبي , جم تبي عشان تصلح سيارتك ؟؟
الولد: لا خلاص اهوا مجرد خدش بسيط
هند : زين مدام انه خدش بسيط عيل شتبي ؟ جم تبي خلصني
الولد : خلاص عشان عيونج الحلوين بنسامحه يا يبه وما نبي شي منج وهي يغمز
هند تخزه : احترم نفسك
الولد وهو يضحك : ما قلنا شي يا يبه هدي
هند : زين الحين شتبي ؟
الولد : مابي شي ابي سلامتج يا الغالية
هند وهي تطلع راسها من الدريشة : راجا يالله تعال
الولد وهو يمسك دريشة هند بكل وقاحة : على وين
هند تبتعد عن الدريشة : وخر ايدك وتوكل !!
الولد وهو يطل من دريشتها : مو قصدنا شي يا يبه بس على وين
هند : بروح بيتنا وتكمل باستهزاء : يعني من بعد اذنك يعني
الولد بنفس الاستهزاء : لا يبه من صجج بهالليل تروحين بيتج مع السايق بروحج لا والله ما اخليج
هند : عشتوا منوا خاف اخوي وانا مادري
الولد : هههههههههههه يحليلج لا انتي بحسبة اختي وانا خايف عليج
هند : انزين يا اخوي والمطلوب
الولد وهو يبتسم : اوصلج
هند : تخسي
الولد وهو يضحك بضحكة عالية : ههههههههه لي افا الحين هذي يزاتي
هند : مينونة انا !!! اركب السيارة معاك انت وربعك تخسوون
الولد : افا عليج اطردهم لج واوصلج بروحنا
هند : تخسي !
الولد بعصبية وهو ماسك دريشة هند حييل : عيل ماكو روحه البيت
مرام : عبود روح حق الخدامة و قولها تسوي العشا بروح اتسبح
عبد الله ( اخو مرام الصغير ) : مروم فيج شي ؟
مرام : لا يالله انا بروح قول للخدامة لا تنسى
عبد الله : اوكي
عبد الله اخ مرام الصغير ما عنده خوات غير مرام وهي ما عندها اخوان غيره بالصف السادس الابتدائي يشبه مرام كثيرمن ناحية لون البشرة الاسمر والملامح الهادئة
هند : اقول فارج لا ..
الولد : لا شنو شبتسوين
هند بارتباك واضح : ادق على اخوي
الولد وهو يضحك : هههههههههههه اخوج !! اي اخو هذا اللي مخليج مع سايق بروحج يوديج وييبج بهالليل
هند ساكتة ودموعها انهمرت غصبا عنها كانه كلامه ع الجرح هي فعلا ما عندها سند بهالدنيا محد يسالها وين رايحة وين ياية محد يدري عنها **
الولد : ها شقلتي ؟ بلا لف ودوران و بلا عوار راس وركبي وكمل بخبث : لا تخافين ماراح يصير شي
هند وهي تبجي : الله يخليك تكفى وخر خن اروح بيتي تكفى !
الولد : شفيج يا يبه شفيج بوديج بيتج لا تخافين بس ركبي
هند وهي تصارخ : قلت لا خلاص تكفى
وتمسك فونها لا شعوري و تتصل على مرام
عند مرام اللي تتسبح وفونها يدق وما ترد
عبد الله : مراام مرااام مرووم العشا جاهز
كيفج باكل بروحي
* تكفين يا مرام اطلعي هند بحاجتج
هند بهمس : اوف اوف ردي تكفين مروم ردي
الولد : حرااام اخوج ما رد و بخبث : حظج نحس
وتدق هند اكثر من مرة ومرام نفس الشي مو قاعدة ترد
اما الولد فتطمن وتاكد انها بروحها ومحد بيي لها
الولد : بتنزلين ولا ابطل الباب و اييرج غصب
هند طالعته وهي منصدمة حطت الفون باذنها كمحاولة اخيرة قد تنفع
الولد باستهزاء واضح : لا لا تبجين دموعج غالية علي
مرام : هلا هنود
هند بالسيارة تبجي بهستييرية مو مصدقة
مرام بصراخ : شفيييج !!
هند تبجي ** والولد منصدم شفيها قلبت ماسكه الفون وتبجي
مرام بصراخ طلع من التلفون : ويهد شفييج
هند : م م محممد تعاال بسرعة تعال ياخوي
الولد ومرام انصدموا **
مرام : محمد !! منو محمد هنود انتي صاحية
هند : محمد تعال
مرام : انتي وين ؟
هند : على خط **** السريع
مرام : ليش شفيج
هند : في شباب متيمعين على سيارتي
مرام : اوووخ نطريني يايتج
وتركض لكبتها وتقط فوطتها اللي توها لابستها بعد ما طلعت من الشاور وتلبس بسرعة اي شي وتروح ركض للسايق وتروح لهند **
فهد خلاص عاد شفيك على اختك
فوز : خليه يمة خليه مقيولة
فهد : ههههههههههههههههه
فوز : ضحكت من سرك فهيدوه ماشي والله لاطردك ان ييتلي وقلت بسهر معاج على الفيلم ولا تاخذ لابي اليديد اوريك
ام فوز : هههه احسن زين تسوين فيه
وسط ضحكهم ,,
هلا ضروي توك تتذكر رفيجك !! ها خلاص اوكي ثواني ويايك اي او خلاص اوكي
ام فوز بعد ما انهى فهد مكالمته : شفيك يمة ؟
فهد : لا يمة بطلع الحين مع رفيجي
ام فوز : بس بنحط العشا
فهد : لا يمة عليكم بالعافية بتعشى مع ضاري برا , فوز
فوز اللي هيمانة من سمعت طاري ضاري وما ترد
فهد وهو يلوح بايده على ويهه فوز عشان يوعيها : الوووو
فوز : هاا
فهد : لا تنامين برجع اسهر معاج
فوز وهي تضحك : هههه اي خير انشالله
عند اللي ما ينحسد على حالها
هند وهي تصارخ : اخوي ياي والله ليوريكم
الولد : يعني بتخوفيني !! انتي جذابة
هند : والله ليوريكم يا الجلاب
الولد بنفاذ صبر وهو يبطل باب سيارة هند : اقول عطيتج ويه ** ويسحب ايدها
هند وهي ترفسه وتصارخ وتبجي : هدني وخر عن ايدي لا تلمسني لا تلمسني
وتفتح الباب اللي من صوبها وتدزه وتنحاش
ولم تبرح الا ان مسكها الاخر من اصدقائه
الولد الثاني : وين على الله ؟ ** و يحضنها
هند : هدني هدني لا تلمسني
وينزل الولد اللي بالسيارة والباجي اللي معاه ويجتمعون على المسكينة !!!! ويسحبها واحد منهم بقوة للسيارة
ووقفتهم صرختها وهي تقول : اخوي اخوي هذا اخوي
تصرقعوا و دزوها على الرصيف و ركبوا السيارة وانحاشوا وخلوها طايحة ع الرصيف
******** اصلا هند ما شافت احد مثل ما تقول بس شافت سيارة من بعيد قالت اخوي عشان تفك عمرها وحمد لله ذكائها قدر ينقذها باخر لحظة
اما حالها فكانت مستلقية على الرصيف تبجي شوي بصراخ وصوت بايين انه خايف عليها : هنوود هنووووووووود
وما فتحت عيونها الا هي بحظن شخص غاااااااااااالي : مرام مرااام هذي انتي ؟
مرام : يا روحها اي انا شفيج ؟
هند بشهقات عالية ونوح قاسي : بغيت اروح فيها يا مرام بغيت ارووح
مرام وهي تحضنها زيادة : بسم الله عليج شفيج تعالي تعالي قومي ** وتقومها ويركبون سيارة مرام بعد ما قالت مرام لسايق هند يرجع للبيت وهي بتوصل هند للبيت
ركبت هند السيارة ومرام يمها وماسكتها بعد ما لاحظت ارتجافها الشديد من اللي صار, و بحنية : شفيج ابوي ترجفين ؟
هند وهي تبجي : مادري
اتمنى عجبكم البارت لاني تعبت عليه =) وابي ردوودكم
18-08-13, 10:06 PM
رواية قد جلبت لي الدمار
جديد مواضيع قسم القصص القصيرة من وحي قلم الأعضاء , قصص من وحي قلم الأعضاء
العرض العادي
