السلام عليكم..
اول شي سووري عالتأخير بس كنت حدي مظغوطة هالاسبوع
...
قصـه حلـوة
و
اسلـوب اكثـر من رائـع والي محليـه اكثر "تميـزه"...
يعطيج الف عافيـه عالبارتات الي تهبـل...

محمــد
وشالي خاشـه عن شيـخة!!
فيه مرض بس شنو اهو!!
يقهـر اهو وعصبيـته... فيك شي مو تحط حرتك بغيرك

شيـخة
مااقول غير الله يعينهـا على تقلب مزاج محمـد..
وزين انها قطت الحبوب

مبارك
يكسـرالخاطر
يحبـها ومو حاسـه فيـه يبي يتقرب منهـا واهي سافهتـه
صج تقهــر
بس انهم ينادون بعض "بالعيوز" "والبزر" صج انها على غشمرة
بس اوقات ممكن تجرح

الجـازي
يا انه غيبة او تستغبـي تقهـر
زين انها قالهـا عن صديقـه:)
يمكن تحس شوي

نورة
مسكيــنه ما تستاهـل
موقف ما تنحسد عليه صراحة ان وافقـت هدمت حياتهـا وان رفضت فشلت ابوها واخوانهـا...
وفوق هذا كلام حمــد لهـا وانه قال لهيا توصلـه...
الله يعينهـا

فهـد
اوك تحبهـا بس مو بالغصــب..
مادري عاد!!
ان شاء الله تعوضهـا عن فالح

امــاني
استغفر الله
صج ما تخاف ربهـا
من زين ريلهـا الحين عشان نورة تتعمد يشوفهـا
ولا يعني صايدتهـا الحين
صج كلن يشوف الناس بعين طبعـه:)

سلـمى
لا شكلهـا طايحة بحبــه
يعني حركات جدا عفوية فسرتهـا على كيف كيفهـا
وما خلت احد ما قالتله عنهـا

هذال
اوك حلو انه يبي عيده
وعيده ما يعيبها شي
بــس
رح يزيد الطين بلة ورح يكبر الموقف بين العيلتين
وبعد اهو ماله ذنـب
ولا سلمى لها ذنب وانها بنت احلامهـا عليـه بسبب كلام"انه لها"

الهنوف& مشاعـل
ههههههههههههههههههه
يهبلون ثنتينهم

سيـف
حدي متشوقة لزواجه من هنوف او ان يصير شي رسمـي
احس بصير اكشن بينهم:)

آخر شي
سووري عالقصـور
تقبلي مروري[/COLOR]

مساء صافي تداعبه قطرات المطر ومساء يحمل نسمات بارده
وعبر اثير الشتاء وعبر رائحه المطر
تأتــيكـــــــــــــــم
%متـــــــــــــى يرتاح قلب ن بالهوى ملكته راحت ايامه كلها وهو يرتجيك %

الجــــــــــــــــــــزء الســــــــــــــــــــــــابع

في القايله
دخلت البيت بشويش طلت على ابوها وامها وسلمت عليهم وعلى طول دخلت غرفتها واول ما ابتسمت على انه ماحد شافها وهي ماخذه التليفون
نوره – هنيف وش عندس بالتليفون ؟؟؟؟
الهنوف طيحت شنطتها وتأففت ولفت على نوره -
يعني ليش؟؟ عشان اكلم!!
نوره- من تكلمين في ذا القايله ؟
الهنوف – شوفي انا منحاشه منس انتي من بد اهل البيت والظاهر ان مشاعل صادقه ا ن اول من يدري انـــــــــــــتي سوى طقيت منس اولا بس تدرين ادخلي وبقولس ؟؟

فهاد- السلام عليكم ورحمه الله وبركاته
وردو الشيبان على فهاد
وحب راس امه ابوه
ابو فهاد – حيالله فهاد
فهاد- الله يحييك ويبقيك
ابو فهاد- كلمني خوي لنا في المعارض يمدح محلنا في المزاين ويقول محل طيب وترتيب ن يذكر الله عليه
ارتسمت على وجهه فهاد ابتسامه رضى
فهاد – الحمدالله رب العالمين على كل حال من فضل ربي
ماعاد باقي الا القليل باقي اللوحات والوايتات وباقي شين بسيط ويكتمل كل شي
ابو فهاد – والله انكم ماقصرتو سويتو كل شي محمد وفالح راحو يشرفون ويكملون الباقي
فهاد- استانس ان فالح ماهوب في الديره على الااقل ياخذ راحته مع عمه وحتى وان كان مع عمي وش عاد !!وش يقدر يتكلم به!!
موجود والا ماهوب وجود – شور راســـــــــــي بيمشــــــــــــــي

نوره – حسبي على ابليسس فصل مره وحده ؟
الهنوف – شوفي عاد العلم لايوصل امي والعيال والشايب ولا والله ان يسون تحقيق ويمسكونها علي بيجون عيالي وعيال عيالي وهم ماينادوني الا- راعيه الفصل
وماعليس شرهه المدرسه فصلوس ثلاث ايام يفتكون – واهلس وانتي خابرتهم ماحد يسلم منهم
نوره – لايكون طلعوس من الطالبات المتفوقات
دنقت الهنوف – اييييييه وقالو ماتحضرين حفل التكريم
ورفعت راسها طوالي – لاتخافين في الطليعه قالت ابله فايزه بحاول في الااداره
نوره – الهنوف وش فيس كذا مستانسه وكن الوضع عادي اصدقيني الحكي
الهنوف – امممم بصراحه لانا مخططين ننقل لمدرستس الي بتوظفين فيها
الان سعد يقول انشالله بداومين السبوع ذا !!!!!!!!!!!!!!!!!!!!!!
..........................................

هياء – حاكيت نوره
حمد – لا
هياء وش بتسوي !!! الجازي تسألني تقول وش فيك ماتحاكي نوره حتى يوم دعيتها للعشاء كنك تدعي واحد ماتعرفه ( الي يبي عشاء ) ياتي
حمد- حتى ابوي برق اذ دخلت قامت من المقعد وسالني وتحججت
انها صدف ويمكن عندها شغل والشايب كا العاده عطاني النظره الي انتي خابره يعني ماصدقتك
هياء – ياخوفي لو يدري عمي وش بيسوي هذي نوره عنده ماهوب ا احد
حمد – ولااحد خرب نوره الاهو الله يهديه


سعد جاي هو اهله لبيت ابوه على العصر
سعد دخل ودخل معه الاازعاج
منيره وندوي وخداماتها ومشاعل وحشرتها ودانه وصوتها اول ماشافت حمودي
وبنت حمد ودبت الحياه اول مادخل سعد البيت
مشاعل عقب ماجرتها الهنوف وتخطيط وش بيسون في مصيبتهم الي طاحو بها
الهنوف يمكن تدبرت بس الفقيره مشاعل كلتها صحيح وهي مالها دخل
منيره وهي وخواتها وسوالف مع نوره
البزران حول الشايب وهواشهم
وكلامها لحمود الي يفزع لدانه على بنت حمد
ابوسعد – اف ياحميد تضرب مرتك عشان دانه
التفتو وهم يضحكو ن
مبارك- وين جات مرته
ابوسعد بنت حمد مقروعه لحمود
ماتو من الضحك وكن ذالعاده ماراح تنتهي
نوره – ياحول ياييبه ما يكفي حنا بتلحق ذا لبزران
حمد حب يتكلم مع نوره – ابوها هو الي ماهوب مجوزها
ولامرخصها
سكتت نوره ودخلت هياء تخفف التوتر الي بدا يبين
هياء – يالله يال مبارك حسنو اخلاقكم معنا عشان نقول عليكم قبول ماهوب تضربونا والي في يدينا تاخذونه وتبون نوافق وجلست بنتها في حضنها وهي تقول مع ان ذا الزين حرام عند الجازي وولدها الجيكر بس قسمه وش نقول يامس
سعد- يالله البشاره يالربع
سكتو كلهم الا الشايب الي للحين يلاعب العيال لان الخبر عنده
سعد وهويمد اوراق على نوره – ابشري بالوظيفه يانوري
نوره مسكت الاوراق وهي تبستم – جعلني قبلك ياسعد والله ماقصرت مع اني متردده اطفال احس اني خايفه الدعوه يبي لها خبره
سعد – الايبي لها قلب ماشالته ضلوع بين البشر مثل قلبس
استحت نوره ورفعت راسها لسعد -
عسى الله يخليك لنا يابو نايف
واشتغلو العيال تعليقات وضحك وش بتسوي نوره مع البزران وقامت مشاعل والهنوف
وهي تصك الباب وتطيح على السرير –ياماتمنيت اغيب الا ثنين والحين بغيب بس غياب ماله طعم لانه اجباري
مشاعل – ياويل قلبي وش بيسوي ابوي لاقالت له عمتي بعدين انتي افرحي بالغياب ولاعليس
الهنوف – انتي عارفتني لو اني احب الشي واموت فيه وجاني اجباري اكرررررهه
مشاعل وهي خايفه – الهنوف وش بتسوين لوقالو اخذي سيف ؟؟؟؟
الهنوف قعدت تضحك- شوفي على حسب هو الغصيبه حاصله حاصله لكن تفرق هو يبيني ويدري اني مابيه وملزم اخذه بااخذه
مشاعل- صدق والله انس صادقه ماهوب شرط انس تاخذين ألي تبين المهم انس تاخذين الي يبيس
الهنوف درت ان مشاعل مافهمتها- باخذه( وبطلع حب عيونه) عشان يعرف يقدم على ناس ماتبيه
مشاعل – اعوذ بالله منس مااعسرس ؟؟
مشاعل كسرت خاطرها الهنوف لانها سمعت ابوها يعلم امها بكلام الشيبان
وسكتت

وجاته رساله من مدير مدرسه التربيه الفكريه بشكر وان المبلغ تحول للحساب
فرح فهاد وتذكر ندى اخذ شماغه ومفتاحه وراح
.........................
سيف – تصدق الدراسه بتصعب علي كلها انقليزي في انقليزي
سعود- خلاص الدنيا الحين لغه بس عادي ماعليه مرت المستقبل يقولون شاطره في الانقليزي
سيف وهو يطول على المسجل لعانه – صدق والله
سعوديأشر له يقصر عليه – خلاص عاد مايسوى علينا ذكر زوجه المستقبل
طول سيف على المسجل اخرشي وسعود
خلاص ياشيييييييييييييييييييييييييخ مانعووووووووووووووودها
ولا حياة لمن تنادي


نوال – وهي تطلع الي شرته من السوق
اماني – شي والله
نوال- وعبايتي توها طالعه
سلمى- وجع وش ذا العبايه
نوال – راس وش فيها
سلمى– وش الي مافيها اولا ضيقه كنها ثوب ثانيا الشرايط المعه تركواز مالها داعي مبرزه الخصر واجد
نوال- شوفي قالو مابه كتف قلنا زين وعبايه راس بعد يتحكمون بها
اصلا فالح ماراح يقول شي المتزمت سيفوه هو الي بينشب بعدين بنات عز وحلالنا يطلع في القنوات عباتنا راس
اماني – عادي هذا انا البس كتف ماقال فالح شي مع انه لايخلو من تعليقات عمي وسيف بس هذي لبستي من جيت من هلي
نوال – يالله فارقي ماعاد بقى الا البزران يعطونا نصايح هذا الي كان ناقصنا
اماني - احس عقليه سلمى مثل بنات ابوسعد
نوال- ماعليه تعود من الحين لين تجي وتعيش عيشتهم

فهاد- وين اراضيكم
سعد – عند الشايب انت وينك ؟
فهاد وهويركب سيارته – عند بابكم طقيت ماحد فتح قلت ادق اشوف وينكم
سعد – اقلط اجل حياك الله
فهاد وكن العزيمه جايته من السماء- على خير
ابو سعد – من انت تحاكي
سعد- احاكي فهاد جعلك تسلم وقلت يجينا
ابو سعد – حياه الله
نوره ضاقت عليها من جاء طاريه وسيطر عليها خوف لايكون جاي يتم وعده
سعد- يالله يابنات قومو وجددو لنا القهوه واشاهي وتراني جايب اقط اظهروه لاابوي
قامو البنات
نوره وهي تطالع حمد – سعد لا تمشي لاني ابيك نفداك
حمد انتبهه على نوره وفي خاطره معقوله تعلمه مستحييييييييييييل تسويها نوره
وبعد فتره ابتسم وهو يهمس مانتي بهينه يالنوري (حـــــــــــرب اعصــــــــــاب)

سيف – تصدق على طاري الانقليزي اذكر اخوك فهاد يومه في العسكريه يدرسني يابلفيت اني بفلح مع العرب قالي لاجيت وسألك الااستاذ
Wahat is your nem?
قله
My nem safe nasear al…..
عاد اخوك متحمس منها اتكشخ عند الطلاب اني فالح ومنها ياخذ المدرس فكره جعل ابرك اني مجتهد
ويوم سأل رفعت يدي
وعلى طول
قلت بدال ماي نيم
(مايونيز) از سيف ناصر ال.....
قال المدرس الله يهديك ليه نسيت الكتشب
..........................................
والتاليه قعد اخوك فتره (نكتة المـــــــــــوسم) في المدرسه وصرت لاجيت للبوفيه تغامزو علي الشله عطنا بيض مع مايونيز ولا تنسى الكتشب
.....................................................


في مجلس ابو سعد

دخل فهاد- ياولد وتنتنح
ابوسعد – دونك المجلس يافهاد اقلط
قامو العيال وسلمو على فهاد ودنق على عمه
دخلت منيره – تنزل القهوه والشاي وهي تقول أي ريح جابت ابو سالم عندنا
نسف فهاد شماغه وقال الصحيح انه ماهوب عشانس
ضحكو العيال
ريح دعتني لندى الورد
هي وينها ...جيبوها لي..
منيره – ابشر
وقعد سعد يسولف لهم على بنته يوم تقول تحبونها اكثر مني عشانه ماتمشي جعلني ماامشي جعلني ماشوف
ابو سعد- يادافع البلا بنتك ياسعد مشوهه ( يعني عوباء)
وهم يعلقون على دانه جابت الخدامه ندى
حالها يكسر القوي غصبن عليه ويخلي الي مادمعت عينه من شوفه تدمع و فهاد لا شافها يضعف تلقائيا
بنت مثل القمر بس ماراح تعيش عيشتنا !!!!!
نزلتها الخدامه على جلاسه
مبارك يهمس لحمد- انت تشوف فهاد يتغير وجهه معها
حمد خلني اجمع شوي قبل امس شايفه ماسك سعود ولاعن خيره عشانه رافع صوته على محمد ليتك شايفه ان تحلف ان ذا ماهوب فهاد
مبارك – عشان طبعه معنا عادي نستنكر لاعصب
فهاد – خلاص روحي انا بسويه
قام فهاد وحط جنبه ندى وهو يلاعب يدها
ويسولف مع العيال وعمه عن الروحه الي حددو انها
السبوع الجاي (الثـــــــــــــــــــــلاثــــــاء)
عشان من الحين يتجهزون واهل الدوامات يستأذنون

نوره جالسه معهم وهي تحرك خاتمها- طيب امس وابوس مايدرون
ابوس بطلبه بس امس وش السواة معها !!!!

نوره – طيب وش رايس اقول ميد خالتس الجــــــــــــازي
الهنوف ومشاعل بصوت واحد- لالاالااااااااااااااااااااااااااااااااااااااااااا
نوره حطت يدها على اذونها – وجع يلحقكم ياثنتين اذني فجرتوها
الهنوف – ارجوس لاتحدينا على الذل الجازي والله ان نبطي وهي تعايرنا وتوصل عياراتنا للعايله كامله
مشاعل – كلش الاخالتي
نوره وهي تحرك حواجبها – شوفوا لي قلتوه صحيح بس مالنا الا هي – مااختلف معكم انها صديع ولسانها قاااااموس بس تعرف تنشب في حلق الواحد
وهي تحرك خاتمها بعفويه وتفكر بالبنات – من رايي ارضخو للامر الواقع وخلنا نقولها
مشاعل بصوت خالي من أي تعبير – عمه ليه ماغيرتي خاتمس؟؟؟؟؟؟؟؟
نوره تفأجأت
ماهيب حلوه انتي الحين بتصيرين مرت خالي فهاد
تحسينها عدله انس للحين محتفظه بخاتم اهداس اياه
فـــــــــــــــــــالـــــــــــــــــــح ..............................
نوره !!!!!!!!!!!!!!!!!!!!!!!!!!!!!!!!!!

فهاد عقب السوالف – استاذن بطلعها برى وبعود
ابو سعد – على خير يابوك
وفضى المقعد ولا بقى الا العيال وازعاج النسوان واصل
ابو سعد قولو ميد سادو يجهز بيت الشعر بنطلع فيه
سعد يبه برد
ابوسعد- خابر انه برد وابيكم فيه اهدى ومادام سعد موجود
العيال !!!!!!!!!!!!!!!!!!!!!! تعجبو من ابوهم


ابوفالح – اخوك للحين ماراح
سيف – على كلامه بيسرح من فجر هو والمدير بس طلع يقضي العزبه
ابو فالح – والله ودي ان فهاد يخاويهم على القليله نريح ان كلش بيتم تمام
اجل ليه نروح خلوه يروح بدالنا على القليله نريح عمارنا ( صوت فالح الي جاء وقعد )
ابو فالح – هذا الي قدرك ربي عليه عز الله الي ماقلت لا تحاتي كلش بيجي على الخاطر ولا بعد تبون فهاد هو الي يقابلها كن ماعنده دوام
فالح باستهزاء – عنده دوام وعندنا حنا دوامات بس حنا لنا اهل وحريم وبزران هو وش وراه ؟؟؟؟
ابو فالح عصب – ومن قريب بيصير له حرمه وعيال واهل ولا شي كايد على رب العالمين
سيف بنبره تقارب سخريه فالح – حتى ولو ياشايب ماعنده اهل مثل مايقول ولدك
دوامه يكفي تعـــــب تــــعرف (سياده المـــــــقـــدم) سلك عسكري والالتزامات واجد بس ما الهته من التزامات اهله
فالح بنذاله – شفناك خذيته قدوه هو وافلحت ؟؟؟
سيف عصب – وش اسوي طلعت على الدنيا وانت بوجهي وتوبت اقتدي باحد
وقلبها عليه وخلى ان سبب فشله هو
ابو فالح وصوته ارتفع – سيف اخوك الكبير ذا حكيك له وقدامي ؟؟؟
سيف قام – العذر والسموحه ياشايب غلطنا مع
(القــــــــــــــــــــــــــد وه)
شيخه وهي مع عمتها وجارتهم يتقهون
جاتها رساله –
طلعي شنطتي وحطي لي فيها غيارات وحطي اغراضي كامله ولا تنيسن شي وبتلقين في درج المكتب فاكسات في زرف عليه شعار معارضنا حطيه
بمركم
شيخه استانست وبنفس الوقت جاها شعور بالغربه صحيح انها ماتكلمه بس تشوفه اخر اليل وصحيح مايقعد معها الانادر بس يرقد معها
قامت لغرفتها ترتب اغراضه وهي تنقل من مكان لمكان بحزن غريب وضيقه اجتاحتها ومافطنت الا ودمعه تنذر بسقوطها
فكان مقرها على فنيله محمد مسحتها
ومشاعرها الي كانت تجهل سببها بعد دمعتها
ابتسمت وعرفت سببها ؟؟؟؟؟

نوره – مافيه وكيفكم ؟؟؟
مشاعل – ياعمه جعلني قبلس خلاص
الهنوف – امسحيها بوجهي تكفين
نوره – وانتي وش عليس مني ؟؟
مشاعل- ماادري بس حتى ولو بتاخذينه غصب مايصير
نوره – قطعتها وش دراس بالي بيصير اصلا – ولا كل ذا عشان خالس
مشاعل – ايه ابي الزين لخالي الي ابطينا نحتري عرسه وابطينا نمني عمارنا به
نوره صفقت الباب بعد ماقالت
( مـــــــــــــــــــــالت عليس وعلى خـــــــــــــــــــــالس )
..........................................

ابوسعد – اولا شي حمد بكره تروح المعارض وتاخذ السياره الي تبي
حمد- ولا اقطعك يبه بخير ماله لزوم ووش مناسبته؟؟
ابوسعد – ماهوب عشانك عشان هياء وبنتها
حمد شك ان هياء قالت بصدفه اولمحت ساعتها ماراح يرحمها – اشتكت لك؟؟؟
ابوسعد – بنات عمكم ماهم شكايات وانتم اخبر
حمد بصرامه – كثر الله خيرك يبه يكفي عايشين بذا اللفله الي وش كبرها وقايمين بنا خدمها وسواويقها
ابو سعد – الفله تطرد فيها الخيل من كبرها والخدم والسواويق خيركم من عقب عيني
العيال – الله يطول في عمرك
ابوسعد- لاتطول في الحكي
الامر الثاني لكم عامه وحمد خاصه
نوره لااحد يلحق جالها ( يعني لااحد يضايقها) ولاحد يظغط عليها بشي احتى بكلمه
عشان خطبه فهاد وخاصه نسوانكم !!!!
الشـــــــــــــــــــــور الحين ماهـــــــــــــــــــــوب في يدهــــــــــــــــا
العيال استغربو يعني ابوهم بيغصبها

نوره – مشاعل خلاص بس انا حز في خاطري كل الي حولي فكروب فهاد وانا مافكرتو فيني وقهرتني كلمتس خالي وابي له الزين
وانا ياشعيل ماحد مهتم في خاطري
الهنوف بعوابه – والله اني قايله نوره قلبها برد وبعديييييييييييييين قصدها
خالي وابي له( الزين) والزين انتــــــــــــــــــــــــــي
وتغمز لنوره


ابو سعد – الشور في يدي ماهو ب في يدها
حمد- بس يا يبه الي نشوفه ان الشور في يدها ؟ولو بنتبع نوره ارخت روسنا
ابو سعد عصب بقوه من كلمة ولده ورفع صوته – تهبـــــــــــــــــــى ماهيب اختك الي ترخي الراس
حمد- بس يا.....
قطعه ابوه
ابوسعد- اختك مخليه الشور في يدي من ثاني يوم
من الخطبه وهي الي قالت الراي رايك ولابعد قولك قول واذا بتشوف خاطري
مابيه ولابي عيشتن معه والشور شورك والله لوتبيني اليله عنده - ادري ماخلا لكم شي وحطكم قدام العرب والي تبيه انت تامر ربه ماتشور به ؟
ولاتنسى عمي ناصر وموقفي منه
وكان هذا سبب لنوره لكن ماهوب رئيسي
وغرقت عين ابوسعد اول ماتذكر نوره وهي تحاكى ودموعها تقول النقيض وكن حالها يترجاه تكفى لاتحطني بدربه
حمد جاته صفعه وصفعه قويه يعني هو غلط على نوره ونوره ماقالت له شي
عن كلام ابوها
وش السواة وش السواة ياحمد
وش وجهك وش بتقول وش بتعذر كانت هذي الكلمات الي تدور براس حمد
عقب حكي ابوه

فهاد – وهو يفتح حلاو هولز
ندى – انت دايم تشتريه
فهاد- لاني احبه مثلس دايم اجيس عشاني احبس
ندى تضحك- صح انت بتجوز ؟
فهاد- ابتسم على كلمه بتجوز الله الله بنتجوز ؟
ندى – انا قلت ميد ابوي اذا خذيت عمتي نوره بسكن عندكم عشان عمتي تحبني وانت تحبني
بس دانه تقول بيجيك عيال وبتطردوني ؟؟و
ضحك فهاد واستانس على فكره انه ممكن يجيه عيال من نوره وجاه شعور بالفرحه
مجرد مرور الفكره براسه
رفع ندى فوق وكانه يكأفأها على شعور الا - اجمل شعور يحس به و يفكر فيه

واخيرا خلصت اغراضه بس باقي الفاكسات
لحظه ياشيخه اي فاكسات واورق ماهب انتي قايله مانيب ماده يدي على اوراقه
وجات في بالها فكره تخليها تحتك بمحمد قبل لا يروح ومنها تحسسه بغلطه
واخذت الجوال
وطوالي كتبت له
...................
وهو يفكر بروحه المزاين واشغاله وكنه يحاول يهرب من كلام الدكتور الي قاله له !!!!!!!!!!!!!!!!
جاه مسج
فتحه عند اول اشاره صادفته وابتسم
شنطتك جاهزه واغراضك كامله بس اوراقك اسمح لي ماامد يدي على اشياء ماتخصني
ابتسامته خالطها مراره تذكر كلام الدكتور وتنهد
ليت ربي يكتب لي عمر واعوضس عن كل شي
ولا انتبهه الاالبواري تضرب وراه عشان يمشي وضحك رساله منها الهته شوفتها وش بتسوي فيه ؟؟؟؟
وهو عند بوابه الفله قرر يرسل لها رساله
شيخه انقهرت من رده وخاصه كلمته بدون تكرار
لكن ماطول الشعور عنده لانها استحت وولع وجهها اول ماشافت اخر رسالته وفهمت معناها
وطولت تأمل الرساله
الي مخزنه اسمه الجديد _ متعبني
الحين طلعتي مؤدبه وتسمعين الكلام واحسن شي التلميذ الي يتعلم من استاذه بدون ( تكرار )
تراني مشتاق وانتي لازم تشتاقين لاني بكره مانيب موجود اجي ولقاس مشتاقه \
شيخه تنهدت – صدق والله متعبني ولاعاد صرت اعرف لك
ارعبها دخوله
وهو يقول منه الي متعبس وماعاد صرتي تعرفين له؟؟؟؟؟؟؟؟؟؟

نزل فهاد ندى على اذان العشاء وراح الصلاه مع عمه والعيال
واستأذن عشانه بيروح لعمه ناصر

سعد – طيب عشان خاطرس بس يالنوري بتروح منها دون عقاب لكن مايمنع نتخذ اجرأت ثانيه
نوره – اهم شي عند كلمتك وخف عليها منيره خابرتها حاره انت تصرف معها وخلها ترفق باالبنت
سعد – على خير انشالله
ابوفالح حياك الله – اقلط ياولدي
فهاد- الله يحيك ويبقيك

الجازي – بنروح لغرناطه وباريس قاليري ونمر السلام
نوره –الله كل ذي
الجازي – فيه وقت الثلاثاء بيمشون بعدين بيبي لنا والله اغراض

الهنوف – ليتهم حطو الفصل السبوع الي بيجي الحين بنحرم من حصه ابله فايزه اسبوعين ثلاثاء واربعاء اففففف
نوره – انتي ماهوب من بياض وجهس تذكرين السالفه ترى لي معس كلام ثاني بعدين

محمد وهو ماسك يدها – مانيب محتاج تفهمين ولاهوب لام تعرفين لي اهم شي تحبيني
شيخه- مايصير مستحيل اقدر امشي كذا
محمد – لا بتقدرين مابيس تعرفين تصرفاتي ولاتتعبين نفسس بشي
ابتسمت شيخه وقالت – صدق متعبني
محمد- على طاري متعبس واسمي بجوالس هذي لها حساب ثاني لا تحسبيني مادريت عنها داري ومفوت بمزاجي وكمل بخبث
رضوتهاااااااااااااااا ثمن ثاااااااااااااااااني

ابو فالح – وهويحك ذقنه والله انك صادق نوره محد خابرها مثلي مرتن حشيم وتحسب حساب كلش
فهاد- انا ماردو علي ونوره يمكن تعيي عشانك عشان نوال وعشان فالح
وبتراعي خاطرك وانا حاكيتك عشان تحاكيها انا شاريه ولي خاطرن فيها
ابو ناصر غارق بتفكيره وشلون ماطرى على باله ذا الشي
ابشر يابوك اليوم بتعشاء عندهم ولا يصير خاطرك طيب

الجازي – مبارك وش اخبار خويك وعرسه
مبارك – للحين ماصارشي بس قلت اذا انت ملزم مثلي جرب حظك واذا ممشى الحال الشرع محللل اربع
الجازي خذت جلالها وبرقعها وصفقت الباب باقوى ماعندها وفي خاطرها
يصرح بعد اول يلمح والحين على بلاط طيب طيب يامبارك
مبارك حط ايدينه على راسه ومدد رجوله على الكنبه وقال – اوجعتها يامبارك اوجعتها ....ز.. بس ماعليه خلها تحس شوي
ولا بغت تكسر الباب بعد ..... ياحبنننننننننننننننننننني لها............. والله ياحبني لها ...........
وتكلل شعور مبارك بمزيج فرح وانتصار

تعشاء فهاد ورقد بدري وقال لااحد يوعيني وكنه يبي يجي بكره من دون مايحس الاانتظار

وعقب العشاء وعند سيب المغاسل صوت ابوفالح لنوره
نوره – سم يايبه
ناصر – سم الله عدوس
نوره – بغيت شي ؟؟؟؟؟؟؟؟؟
ابو فالح – ايه بغيتس يابوس شوفي لنا درب يابوس

سعد – الله يستر ياهذال والله اني ذال من زياره عمي ناصر
هذال – لا انشالله الا خير وكل الخير
في المقلط وجو من السكون والرهبه وقلب نوره يرجف
ابوفالح – شوفي يابنتي اناداري ان الخطبه طالت وانتي حلفت ماتغصبين على شي ماتبينه
ابوناصر استرسل وعروق نوره جف الدم منها
وادري انس معيه عشان خاطري لا يجيه شي منس ونا الحين اقولس
نوال وهذا نصيبها ومخطيه كانس بتردين فهاد عشانها وانا مانيب ضايق ولا شي وذي قسمتها وانتي بنتي مثل ماهيب بنتي
ومخطيه كانس تظنين بيشين خاطري انه عقب ولدي فالح بتاخذين غيره فالح هو الي طلق وفهاد شاريس الاوالله اني راضي يوقف نصيبس عشان عيالي ولاعشان تراعين خاطري بهم
وانا الحين الي اقولس كان لي خاطر قولي تـــــــــــــــــــــــــــم ....................

نوره في دوامه وفي مصيده وطاحت فيها وش تسوي تقول ما لها حكي
تقول انا معيه عشان عمري ماهوب عشان عيالك وعشان خاطرك صعبه
وقويه وبتخيب ظن عمها الزين فيها ولا تقول ايه وتلزم عمرها
واصلا الموقف مايحتمل
غير ..............................
كلمه منها...........................
وهي الي انطقتها ...................... بدون شعور ولان مابه خيار ولان اصلا مافيه تفكير ووش تفكر به يانها بتقول كلامك صحيح وبتورط ويانها بتقول لا وبتكسر خاطر عمها وتخيب ظنه

تــــــــــــــــــم تــــــــــــــــــــم يايـــــــــــــــــــــــبه
الجزء الثــــــــــــــــــــــــــــــــــــــــــامن
ومره اخرى ورباننا الاثير ومره اخرى ورسولنا الشوق
تأتي اليكم
متى يرتــــــــاح قلــــــــــب ن بالهــــــــــــــوى ملكـــــــــــــته

واصلا الموقف مايحتمل
غير ..............................
كلمه منها...........................
وهي الي انطقتها ...................... بدون شعور ولان مابه خيار ولان اصلا مافيه تفكير ووش تفكر به يانها بتقول كلامك صحيح وبتورط ويانها بتقول لا وبتكسر خاطر عمها وتخيب ظنه

تــــــــــــــــــم تــــــــــــــــــــم يايـــــــــــــــــــــــبه
ابو ناصر وارخى راسه ودمعت عينه – بغيتي توقفين نصيبس يابنتي والسبه انا وعيالي
لواني ماجيت ذا الليل كان ما كتب الله كحيلان ( الرجل الشهم) من نصيبس
والله انس من جيتي غاليه ولابه شي يزود من غلاس ماقول غير الله يوفقس يانوري كانس مايوم عنيتيني
نوره ودموعها ماوقفت – ارفع راسك يايبه مالك دخل ولا عيالك اذا الله مهوب كاتبه لي مانيب ماخذته لو كلكم تبوني له واذا الله كاتبه لي باخذه لوكل العرب ماتبيني اخذه
وحبت راس عمها وقالت والله كاتبه لي- كاتب اني باخذه يايبه - ولانت وقفت من نصيبي ولا عيالك
وراحت وفي لحظه سكرت باب غرفتها وتسندت عليه وفي بدايه لحظه خضوع لواقع مرير طاحت من طولها عند الباب وهي مغطيه وجهها وتبكي
تبكي في غرفه كل شي فيها ساكن مايقطع هذا السكون الا صوت الالـــــــــــــــــــم
...................................
في بيت ابو فالح
نوال – الااقول يمه صحيح فهاد مجله قطوف بتجي بيت عمي ابوفهاد
ام فالح – ليه وش عندهم في بيت عمس ياحظي ؟
نوال- مدري بس يقول سيف انهم بيحطون مقابله مع فهاد عشانه شاعر من عقب ماطلع في المزاين وفي قناة الساحه وهو له صيت
ام فالح – الا خلي مني فهاد دريتي ا ن ام فهاد تقول شكل النوري طردت فهاد لان الخطبه طالت وابوسعد مستحي يرد اخوه
نوال بقهر – يمه لا تمنيني – اخاف مايرجع لي
ام فالح – الحمدالله الظاهر انس مصخنه وش امنيس اذا جاء حنا الي بنرده ونطرده ونسوي سواة العجوز!!!!!!!!!!!

وفي بيت سعد
قاعد يشرب الشاهي ويقلب في لقنوات
منيره – الا اقول سعد وش توقع ابوي متعشي عندكم له ؟؟
سعد بعدم مبالاه – دايم وهويتعشى عندنا
منيره وهي تصب الشاهي _ لا اقصد ماتوقع عشان خطبه فهاد
سعد- يمكن بس الله يستر
منيره – ليه يعني قلت الله يستر ؟
قطعها سعد يعني يمكن يقول ابوي انه نوره ماتبي عرس
فخايف على خاطر عمي ومحتار وشلون يوصلها له
منيره بغيض –
سعد افهمني نوره اذا ماوفقت فهاد ماهووووووووووووووب معرس تفهم يعني ماهوب معرس!!!!!!!!!!!! يعني ماهوب جاي عليه ذريه مايكفي شيخه مااعرس عليها تجي اختها وتنكبنا
سعد وهو يرمي الجهاز على الطاوله
اسمعي يابنت الناس نوره وقلت لس اذا مابغت شي مههيب مغصوبه عليه والا تحطين الوم على اختي حطيه على اخوس اكثر ماكثر الله النسوان يأشر ويبشر
اما شيخه فهذا شي بيد الله سبحانه اذا اراد انه يجي لمحمد ولد بيجي وذا ماكتب لويتزوج مليون وحده ماهوب جاي عليه احد
منيره- والهنوف الي مشاعل ماتعرف الفصل من رافقتها وهي من حال ردي الى حال اردى انشهد انا ماعينا خير من خواااااااااتك
وفي لحظه سكــــــــــــتت منيره وجــــــــــــمد سعد
منيره حاطه يدها على خدها وسعد عينه بعين منيره وايده قابض عليها
لاعاد تطولين خواتي بلسانس الطويل ذا والله اني لااقصه بليتي العرب يومس معهم في البيت وبتبليهم بعد وانتي في القلعه
وطلع سعد من البيت اما منيره فكان تفكيرها انه
حمواتها ضروها كلهم

في نفس الوقت وفي نفس الوضعيه بااختلاف المكان
فهاد يتقلب على سريره ماجاه نوم واخيرا استقر على ظهره وعيونه على السقف
وتكلم بصوت مسموع
ياترى يانوره وش حالس الحين؟ – عرفتي الخلال وش سوى ؟ دريتي ان مابه شور يمشي الاشور عمري – انا تحطيني مع فالح- فالح ياالنوري!!
هذا الي وصلت له في عندس !!!! بس ماعليه اهم شي انس بتدرين اليله اني لاقلت فعلت
في نفس الوقــــــــــــت وفي نفس الوضعيه بااختلاف المـــــــــــــــــــكان

نوره تقلب على السرير ووناتها متقطعه والهواء والنفس من كثر البكي يالله تاخذه
وماعلى لسانها الا
(مستحيل يكون بـــــــــــــــــشــــــــر هذا ابلـــــــــــــــيــــــــــس براســـــــــــــه )

ليله مرت عصيبه ومظلمه وكان الهواء فيها يبعث على الكأبه على نفس مقهوره ونفس ترى انها قتلت نفسها بيدها وحفرت قبرا لها
ونفس اليله مرت على نفس تشعر بنشوة النصر ومر الانتظار
الان وجه الشـــــبه
ان كلا منهما يريد ان تظـــــــــــــــهر الشمـــــــــس لتدفن الذي كان بالامس

في الصباح ابوفالح وسيف وفالح ونوال على الفطور
ام فالح – الابنشدك صحيح ان خطبه فهاد انتهت
ابو فالح – ايه
نوال والفرحه تنطق بعيونها وبحزن متصنع- عاد الله يهديهم مالقو الافهاد يردونه
ام فالح – عجوز الفلس وتشرط بايره ومافيها عيال وبعد
ابوفالح قطعها- قومي من وجهي قبل لاتحديني على شي مابيه خافي الله وراس بنات يرتجون نصيب تبين تبلينهم بلسانس وتحل العقوبه عليهم بسبايبس ماقول الاحسبي الله ونعم الوكيل
العيال انصدمو وشلون يطرد امهم وفي ذا العمر من المقعد وقدامهم بعد
وقبل لاتطلع
ايه ابوسعد انهوا لخطبه لانهم حددوا لملكه
وقام وهويقول الواحد مايعرف يصبح في ذا البيت
وترك وراه علامات استفهام على ام فالح ونوال وتعجب على فالح
وفرح واستغراب على سيف

سيف بيقطع الهدوء – (ياسعد عين) بيت عمي ابوفهاد – يعني ياحظهم
نوال – وش عليه ياحسره
سيف – على القليله بيقومون كل صبح بيلقون فطور يفتح النفس
وريح القهوه الي يقعد الراس والبخور الي ريحته تعج من راحت نوره وحنا ماعاد عينا عيشتن صاحيه
نوال – مالت عليها (عيشه) -يعني اكل - عجز وبعدين حنا وعينا على خدم وطباخين وامي ماكانت تطبخ
سيف – لاتشيلين نفسس بفرق كم سنه بينكم وحتى هي طلعت على خدم وطباخين بس فرق سبحانه نوره شيخه مامثلها في نسواننا بس ماقول الاياحظك ياسعيدان- يقصد سعود - بالعيشه الزينه خساره فيك
بس عاد مادام ان الامور انتهت بقولكم شي لوان نوره مارضت بفهاد تقدمت لها انا
نطله فالح باغطاء الجبن – انت ماتثمن كلامك يالخبل تكلم عن وحده كانت مرتي
صدق انك زلابه ورخمه حتى الكلمه ماتثمنها
اماني بعصبيه – وش فيك ماقعدت معها دامك انغثيت يوم ذكرها اخوك لايكون لك خاطر فيها ولا بتحط العله في الشيبان انهم جبروك
فالح انتفض – مالس دخل لي خاطر ولا مالي خاطر وخلصنا من ذا الموال والله ان ابوي صادق محد يعرف يصبح في ذا البيت
وقام منهم
بشاير –يالله صباح خير
قامت نوال- وخري عني ودفت بشاير
بشاير- وهي تطالعهم وشفيكم
سيف – اسألي مرت اخوس
اماني – قامت والله انكم فاضين
جلست مقابله سيف – وهي تاكل زيتون وش فيهم العايله الصباح مأتشه
سيف- نفس كل يوم الاخلاق تباع وتشترى بس هانت قلت ميد راعي البقاله الي قبالنا انت فيه بيع اخلاق انا عطي كل يوم 500 ريال والهندي كسر خاطري صدق وقعد يسأل وش اخلاق وش لونه هذا فيه اكل ولا منين جيب ؟ ضحكت وطلعت كل الي في بوكي وعطيته اياه
بشايرماتت ضحك وسيف يتكلم وهو ياكل – لانه صدق ياخوس عندنا كساد في الاخلاق في ذا البيت
بشاير زمت شفايفها- الله يهديك حتى بشوره اخلاقها كاسده
سيف- انتي لو تسلمين من نوال واماني وتأثيرهم و...................يعني شوي الوالده الله يحفظها تطلعين واشر بااصبعه اللابهام
بشايربضيقه- شو ف الي صار مايرضيني يحيرون اختي ويرمونها ولايعودن ياخذون مرت اخوها سابقا ونوره بعد سوت كذا حركه لاماني ماهيب عدله والجازي كل شوي عرس اخوي وشقه اخوي وتغيض نوال وهذا شي مايرضيني وامي حررررررررام عليك ام منغبنه من حال بناتها ياقلييييييبي عليها
سيف وهوينزل الكوب – نوره اكثر واحد عارفها انا -شوفي اماني هي الي تبلا عليها ولوتحلف بيديها ورجولها ماصدقت والجازي يابعدي ماردت الاونوال جايبه العيد الااجوديه ماعرفها الامن سوالف سعود صحيح انها صديع بس ماتخطي على احد والوالده عشانس اخر العنقود ماهوب معناه تغضين الطرف عن كل شي
بشاير منصدمه من اخوها الي يعرف كل شي وابوها وفالح حاطينه الي مايدري عن شي
وحط في فمه لقمه ونفظ يده وهوياشر بروح الدوام
فاقت بشاير من الصدمه وقعدت تفطر
وبالها مشغول
..........................


عند المنظره يتامل نفسه ابتسم ابتسامه غريبه
تحمل معنى الرضى ومعنى ( الاانتصــــــــــــــــــار) وحتى لوماتوافق الموقف الي حطها فيه صعب وماله راي فيه
طلع وشاف سعود – صباح الخير ياوجه الخير
سعود- الله يصبحه بالخير والسرور
ماشالله وش ذا النفس على الصبح
فهاد سحب كرسي وقعد عليه – ابدن مابه شي الا الشيبان وينهم كانهم يفطرون رحت افطر معهم
سعود – انت خابر مايقعدون على الكراسي حطو فطورهم برى في بيت الشعر
فهاد- والله اني داري مريت المقلط والصاله مابه احد واخذ طاقيته وهويقول دافع البلا في ذا (الجهبه) يعني البرد – برى ويفطرون

الجازي وهي عند راسها ومشغله جهازها وهياء تحط المحلول
وحمودي يبكي
نوره وشكلها كان مرعب عيونه كا العاده لا بكت تنفخت وحمرت وشفايفها جفت
والجازي تصارخ لووووووووتي – طلعي عبايه ماما وقومي بابا بسرعه
جا مبارك والخوف بادي عليه وش فيها
الجازي – ماهوب وقته عط السواق المفتاح يقرب السياره
وتعال عونا نرفعها ماتحس فينا بس واعيه
شالت هياء حمودي وهي تسمي عليه وصدمت بالخدامه الي جايبه العبايات
وطلعت لان حمودي اختلع يوم شاف عمته
وشوي الا صاااااااااااااااااااااااااااااحت الجازي
لان نوره فقدت الوعي وطاحت من حيلــــــــــــــــها
............................................................ ..........


فهاد- والله انه برد عليكم ياذا الشيبان
ابو فهاد- محد مكبرنا الاانت ولاحنا نطمر العرفج وشوف العرب لا قلنا سعود علينا ماقالو شي لاجيت وقلنا ولدنا ذكرو الله
فهاد- ايه اقلبوها علي وقولو اني انا الشيبه
ام فهاد – لا بالله ولييييييدي مابه ازين منه زين الرجال
فهاد- الله لا خليني منس كاني مع ذا الشيب زين الرجال
ابوفهاد بصوت قوي – وزين افعال بعد
فهاد – تربيت يمناك لاعدمناك
ابو فهاد – متى بتجي المجله
فهاد- اليوم العصر ولابه لقاء الابحضورك
ابوفهاد- وش لك بي بروح المعارض ولاني بصوبكم لاني بشاعر فيحطون مقابله معي
فهاد- الا لي بك انت الي اظهرت ذا الشاعر وخلهم يدرون أي نبع ارتوي منه ولانسيت قصايدك
ابو فهاد وهو يطالع ام فهاد- يالله قصايد نسينها ايام الشباب
فهاد- ماشالله وذي بالحالها تكفي واصلا مابه لقاء الابوجودك وبحضورك
ابوفهاد – الحق على الدوام ويصير خير

وطلع فهاد من الشيبان وركب اليوكن متوجه للعمل وهويجتاحه شعور غريب
هل هو عشان تفكيره بنوره وش بيصير فيها وهو يكلم نفسه
سبحان الله توني افكر وش بيصير فيها تو طرت علي وش بيجيها من امس وانا بس مستانس ان ألي براسي بيمشي وكل همي ان عمي بيكلمها توك يافهاد تحسب لشعورها توك يافهاد تهتم لوجودها توك ياسياده المقدم
وفجأه نفض ها الافكار من راسه ورجع لغروره ولعنفوانه وبلحظه نطق
وبصوت مسموع ( هي الي جابـــــــــــتـــــــــه لنفـــــــــــــــــــــســـهـــــــــــا )

وفي الطواري
وام سعد جنبها الهنوف يدها على راسها وحمد عند ركبها اذكري الله ماصار الاالخير
وهياء وهي تبكي عمه قولي لا اله الا الله وقام حمد عنهم
ام سعد- لا اله الا الله حق اكيد النوافذ مفتوحه ولا مادخلها غبار
اقبل حمد على مبارك واول مالمحت جازي حمد راحت لهياء وعمتها
مبارك – تاخر الدكتور ياحمد وخفت يوم استدعوا لا استشاري و الا استشاري مايجي الالحالات قويه
حمد – اذكر الله ماهوب صاير الا الخير كلها كتمه وبتعدي
وطلع الدكتور- وطالع فيهم من فيكون زوجها ؟؟؟
مبارك – حنا اخوانها
الدكتور - شرفو مكتبي ازا بتريدو

..............................


شيخه – طيب والله تو الناس وماافطرت معي
محمد وهويطالعها- لوانس قايمه من فجر كان افطرنا وسولفنا بعد
شيخه- وهي مدنقه يعني لازم تلحقني حسوفه وش اسوي امس كلها سهرانين
محمد- طيب لاحسوفه ولاشي وجلس مقابلها وهويقول بفطر بشرط اذا جات (الشيخه)
بنفـــــــــــــــــــــــــــــــسها تفطـــــــــــــــــــــــــــــرني^_^


الدكتور- خيتك الي فيا ماهو ربو من ازمه جو اختك ازمتها نفسيه انفعاليه حاده ادت الى انسداد الشعب الهوائيه وبالتالي عدم وصول اوكسجين كافي للرئتين
وحاله الاغماء الي وصلت الها مضاعفاتها ماهي منيحه وهيدى ملفها ادامي بيوكد ان الربو صحيح انو حاد لكن اسبابه ماكانت انفعاليه نفسيه الا اخر مره وهاي المره التانيه
فنصيحه المريضه تبعد عن أي شي يخليها تنفعل وخاصه انها في هي الفتره بتمر بحاله نفسيه عصيبه وهاد الشي عرفته من ملفها ومن اخر نوبتين الها
فرجاء حاولو تبعدوها عن أي شي بيضرها او يأسر على حالتها
مبارك- على خير انشالله
الدكتور – طبعا مافيكن تاخزوها هلا على القليله لما تفوا ونطمن باانفسنا
حمدومبارك صافحو الكتور - الله يجزاك خير

ام سعد عند راسها – وهي تقرى عليها
دخلو العيال واشرت الجازي بيدها بشويش
كانت نايمه منظر عيونها هو ماتغير شفايفها جافه والمغذي في يدها والاوكسجين
هو متنفسها ..................................

سعود- وين الي بيمرني؟؟
سيف- سند مرني وخذاني معه ودقيت عليك اعلمك جوالك مقفل
سعود- على خير اجل
سيف – سعود
سعود- سم
سيف – سم الله عدوك مبارك قدوم الشيخه عنكم
يالله فمان الله
سعود مادرى وش يقصد سيف
........................
الجازي – خلنا نروح البيت بشوف حمودي شايل البيت بالصياح وانت روح لعمي وعلمه لايتروع
هياء – ياعمه اذكري الله بتقوم الحين وش فيس
وبعدين انتي خابره نوره ماهيب اول مره
تطمنو عليها العيال
مبارك وهوفي استراحه الزوار – يالله من يحاكي الشايب لازم نقوله مادامها ماهيب طالعه اليوم
حمد – وهو في شعور حسره لانه حس انه خسر نوره وتذكر كلمتها
(انت كسرت شي لك بداخلي )
مبارك- الحين ساعه اكلمك ماترد
حمد دق على سعد وعلمه وقام من عنده لانه حس انه مخنوق

راح ياشيخه راح حطت عينها على خبزته ماكملها تناولتها بيديها وكملتهاوهي
تبـــــــــــــــكي
تكره بعده – تكره ضربه – تكره جروحه- تكره جفاه- لكن
تحب كل مافــــــــــــــــــيه – معادله صعبه ومتناقضه و ( فريده من نوعها ) لكنها اجتمعت في شيخه
بيني وبينك شي ماهو مع الناس
شي ولكن بس بينك وبيـــــــني
شي يعادل حاجتي له مع الانفاس
يحس بهم منهو يطالع بعيــــــــني
احساس سكن بعروق قلب حساس
اجمل شعور مرني في سنينــــــي
وفي غيابك اجتاح الخفوق هوجاس
عود على خلك قبل لاشي يجيني

جاري ارسال رساله

سعد – بمرك عقب الدوام
ابو سعد على خير انشالله
حاسب مبارك المستشفى وخذى البنات وبقت ام سعد مع نوره
وفي السياره – مبارك احد قايلها شي
الهنوف والبنات وكل وحده تحلف انها ماكدرت خاطرها بشي ولا ضايقتها بشي

عقب الظهر
البنات – انشغلو بالقهوه والشاهي عشان الزياره
وشيخه دقت على فهاد عشان يوديها
الشيبان عند نوره من عقب الظهر
ابوفهاد- الله يطع ذا الربو كانه بلوه
ام سعد- تخبر الجو بارد والغبار ماهدى
نوره تحس بااصوات حولها لكن الي تشوفه انها في دوامه وفالح ماسك يدها واليد الثانيه فهاد يجرها بكل عنف وقسوه وانسحبت من فالح والي خذى يدها فهاد
وهو يقول الخلال خذاس ارتحتي الخلال خذاس – الخلال خذاس –
الين اختلطت السوالف وصارت تسمع عمها ابو فالح وعمها ابوفهاد
لكن ما تشوف غيره هو هو يجر يدها واختلطت عليها اصوات عمانها وامها
وعينها مالها شـــــــــــــــوف غير فـــــــــــــهــــــــــــــــــــااااااااااااااااااااااااا ااد

تمت