جميع من تواجد هنا لكم اجزل الدعوات واطيبها
كاديه وفقك الله اثلجتي صدري
لحظه بل دقيقه هل تعيشين جوف نبض وتسكنينه نظرتك في تصوير هذال ترجمه لما في كل صدري بت اشك بك
لكن ساابحث عنك في بنات افكاري في الجزء القادم ربما رأيتك مخبئه هناك
حقا ً انا التي يحق لها ان تصفق ولو كنت ممن يرتدون القبعات لرفعتها تكريما ً
وفقكم الله دنيا ودين واسعدكم الله بطاعته وجعل اوقاتكم خير وبركه

في حفظ الله

نبوض اللي فهمته من ظروفتس الحلوه ان شاءالله زواج يارب يوفقتس وييسر امرتس يارب اذا كان زواج او غيره

مبسوطه نبوض ان الروايه بتسارعين في نهايتها وحنا واثقين ولله انتس مارح تتغيبين الا والروايه منتهيه لانتس من بديتي وانتي راعية واجب ومحافظه على تنزيل البارتات واذا صار وغبتي زي المره اللي راحت وبلغتينا وماكان غيب طويل


ولله يافهاد ضيعت بالنوري ماعليك واصل معها باللي انت تسويه وبتشوف اللي يرضيك منها
بس اللي فهمته يافهاد انك حاضر جمعت ابوك وعمانك في بيت عمك ناصر بس ماصار لك صوت في النقاش اللي داير بينكم


نوره وشرايتس بفهاد الحين مازال خلال ولا هو الحلال يانتي بتتحسرين على عمرتس اللي راح وانتي رافضته بس تدرين نوره اعجبتيني بردتس على ام فهاد خلي ذا العجوز تنقد على عمرها بتصرفاتها اللي زي وجها
ايه على فكره نبوض مافهمت الكلام اللي دار بين نوره والهنوف في سيف
وشكانت نوره تقصد وش اللي فهمته الهنوف ومنهو اسعيدان اللي يقول سيف تطبخين له


الله يستر من الشامه اللي عرفت مكانها يامحسن وانتي ياصالحه نعنبو دلاختن انتي راعيتها وشلون تاصفين البنيه عند خوتس ماتدرين انه حرام مالت عليتس
اتوقع يغايض سيف بالشامه بس ياترى وشبتكون ردت فعل سيف


سلمى ابوتس موافق على هذال وانتي وافقي تكفين مهوب حب في هذال الخايس الي بعد اللي سواه رافضها بس عشان تورينه من سلمى اللي كان رافضها مادري وشنظرك عنها يوم ترفظها انا متاكده انك اذا عاشرتها بتشوفشي ماشفته في لمى على بالك ان سلمى ساذجه وهمها في الحياة حبك لا اصح يابابا سلمى بتجيك ان شاءالله بصوره ثانيه


سيف مادري وش بتسوي اذا محسن قالك عن الشامه هل بتوسم في جبهة محسن مره ثانيه ولا بيكون لكم معركه ثانيه مع شوشة الهنوف مثل ماسوى حمد ولا بتسكت عن السالفه وبتهدد فيها الهنوف وبتاخذه يزعم انك بتربيها


ابوسعد ابشرك ابو فالح ماهنا مراح للشرقيه عندي احساس ان سلمى بتوافق على هذال اذا درت ان عمها ابوسعد بيترك الرياص عشانهم
ولله كلمك قويه يابوفالح الرياض وهلها عايفينك من يقول العين لك منزل الله يحيك انت وسيف وسلمى وياللى بشاير معكم ونوال بعد مهيب مضيقه بس الدجاجه فالح وامه ومرتها درب يسد مابيرد يتوكلون على الله ويقضبون طريق الشرقيه وعفشم انا اللي بتكفل بشحنه اذا بغو


اللهما اكرمنا نحن ونبوضه بدعوة لاترد وبرزق لايعد وباب الجنه لايسد آآآآآآآآآآآآآمين

سلااااااااااااااااااااااااااااااااااام








وسعوووووووووووووووووووووووووووووووووووووا







دررررررررررررررررررررررررررررررررررررررب







أنااااااااااااااااااااااا جييييييييييييييييييييييييييت^_^






أدريأدري اني تأخرت بالرد....وماعندي عذر وانا كل يوم منسدحة في المنتدى هع... بس والله صرت احب ردي هنا يكون اخر رد قبل ينزل البارت الجديد^_^... اتقيد بالمثل اللي يقول ختامها مسك هع هع هع<<< كذا الثقة والا بلاااش خخخخخخخخخخ

نبووووووضه الف تشكرااااااااااات كثييييرااااااااات على البااااارت الحزين بالنسبه لي ^_^... والله ان عيوني دمعت وانا اقرى كلام ابو فالح لاخوه ابو سعد....( الرياض عافتنا يا نايف مهوب حنا اللي عفناها) والله جملة تطعن القلب بالصميم وتشلعه من مكانه..... جد اثرت فيني وايد... حسير بحزن وانكسار ابو فالح الشديد ومن عزوته وهلها.. خاصة لما قال جينا من الشريقة ولها بنعود... كأنها يقوول يجيت اتعزوى بكم ومالقى العزوة عندهم... المهم ان كلامه قووووي حيييييييييييييييييييل حيييييييييييل.... وهذا الشي شفنيه من ردة فعل ابو سعد... يوم قال ديره عافتكم حنا عفناها وديرة سكنتوها حنا لها سكّان......بس تصدقووون ماتوقعت ابو فالح يوافق على خطبة هذال لسلمى.. توقعت هو اللي يرفض مهوب يرد الشوور لسلمى.. !!!!

سييييييييييييييييف... يووووووووووه يارجال طلعت راعي تخميس(تفحيط).. يارجال خاف ربك في الشايب لايصير لك شي ويروح هو فيها من فجعته فيك..... المهم خلنا من شغل التفحيط ذا انا مالي فيه صالح.. ذلحين محسن العتبان حصل لط طريق عشان ينتقم منك وهو الهنوف.. بس ياترى انت وش راح تكون ردة فعلك على ذا الشي.. هل راح تصدق اللي بينقال عنها من محسن..والا بتكون راح تتهور وتسوي شي في ذا التعبان وبعدين ترجع تكمل على الهنوف ولو استدعى الامر انك تتزوجها خاصة وانك تعرف انها تكرهك..!!!!!

صالحة.. ياخسارة.. حسن النية احيانا تكون نقمة بدال ماتكون نعمة... يعني وش استفدتي يومش تقولين انها حلوة ومدري وش والشامة وغيرها..!!! بالله ذا غباء كيف ينوجد في بنت شاطرة في المدرسة.؟؟؟؟!!!

محسن...... يعلك القووم يارب...... يارجال حل عن سمانا... ترى سيف يكفيه اللي فيه ..لاتجي تزيده تم(ن) يتهور وترووح فيها انت.... اكره الناس اللي تفكر بالانتقام عن طريق الشرف... ذلحين ضرب سيف لك شي يستاهل انك تنتقم بذا الاسلووب... ترى ذا انتقام الجبان اللي مايقدر يواجهه غريمه.. فيستخدم اخبث الطرق واجبنها... ياجعل ربي مايوفقك في مسعاك يارب..

سلمى..... والله انش اصيلة.. وفعلا عجبني ردش لابوووش وانش تطلعين عمش وولده من اللوم... ياجعل ربي يوفقش ويكثر من امثالش ^_^.... تصدقي عاد ودي ترفضين هذّأل عشان يحس بإحساس اللرفض غير المتوقع.. مثل ماسوى فيش .... بس اتوقع انش اكثر حكمة مننا وراح تسوين شي يخلي هذأل يحس بفداحة الشي اللي سواه يومه كسرش وكسر ابووش ^_^

فهّااااااااااااد والنوووري... يارب يارب يوفقكم ... والله يافهّاد ان مثلك قليل ^_^.....اجل مكحولة العين .... وودك تغير في القافية بس عشان خخخ... تعال تعال.. وش فيك ماشفنا لك تدخل في مجلس عمامك...!!! والا تركت الشيبان يتصاافون فيما بينهم ^_^.... !!!!!وبعدين ياترى فهد يتصل عشان يبشرك بويش؟؟!! اتوقع اتوقع يبشرك انهم القوا القبض على العصابة اللي يهددونك من زمان....!!!!...النوووري... ايه ايه حسي بفهاد ولا تقاومين مشاعرش.... يارب ذي الدمعة تكون بداية دموع الفرح في حياتكم ^_^..عجبني تصرفش مع ام فهاد .. ^_^


شييييخة...... آآآآآآآآآآآآآآآآميييييييييييييييين.... بس مدري انتي ذلحين قريتي وش في الاوراق والا باااقي تستعدين لأسوء الاحتمالات!!!!!!!

ايه صح نبووضه مافهمت وش سالفة الشغالة اللي ذكرتها النوري عن الهنوف وسيف؟؟!!!!!؟؟

امممممممممم وش بع وش بعد...!!

ايه هذّال........ تصدق شدني شي مشترك بينا هع... اننا ما نواطن الرز وقت العشااء خخخخخخخخخخخ... واخيرا لقيت احد نفسي....^_^.... بس صدمتني يوم ابووك يقوولك قوم احجر وارضي عمك.. وانت تقووله له انك انت اللي بتخطب للناس اللي جاية!!!!!!!!!!!!!.. افااااااااا افاااااااا..يعني بدال ماتعدل الموضوع .. تقووم تزيده خراب....!!!!!


ارجع واقووول الف شكر نبوووضه على البااارت..... وننتظرش بشوووووووووووق يالغلا ^_^

مساكم حب ورضاء وطاعه

استفسارتكم عللا عجل ^_^
سيف والشغاله يقصد الهنوف لانها لاهاوشت مسكت خط ماتعطي فرصه الي قدامها الالين تخلص ويقول استلمتني كنها شغاله

وسعيدان سيف يعير سعود ويقول لنوره خليه لاتطبخين له لانه كان يعير سيف يقول ماللها كاتب لكم المره المبروكه وبتنقطعون من العيشه الطيبه

وفي حفظ الله ووفقكم الله دنيا واخره
دعواتكم
وسبحان الله بحمده سبحان الله العظيم

السلام عليكم ورحمة الله وبركاته
لقلوبكم النديه
سأكون هنا
ولدعواتكم
سأظل
ورد الجوري
وفقك الله دنيا ودين واسعدك الله
على بركة الله نبدأ في مسيرتنا التي اقبلت على مشارف النهايه بأذن الله

فتحت نوال الباب بسرعه وهي تنفس بصعوبه من الركض- سلمى ابوي وفالح يبونس تحت
خافت سلمى وقلبها مسكها لايكون ابوها غير رايه مادرت ان ابو سعد قايل له اذا شديت بشد معك وديره عافتك بعيفها وصار الي صدق ماكلها ابو فهاد وهي الي ماله دخل بالسالفه لاصار اخوانه بيرحون ويخلونه
نزلت سلمى ورجولها ترجف وبطنها ماغصها ودخلت المجلس
ابوفالح – قبل يتكلم تكلمت سلمى وكنها تذكره بوعده لها – يبه انت تقول انك صامل!!!!!!!!
ابوفالح دنق ورفع راسه – عمس ابو سعد بيروح معنا لورحت ورجع خطب مره ثانيه هذال وقلت ذالمره بشورررررررررررررس انتي,,,,,,,, انتي.......... وبس
!!!!!!!!!!!!!!!!!!!!!!!!!!!!!!!!!!!!!!!!!!!!!!!



سلمى قعدت تبكي على الكنبه ولاردت قعدو حوالي خمس دقايق وفالح رايح جاي وابو فالح ساكت يحتري بنته
فهاد اتصالات العمل ازعجته ورسال ابو عبدالرحمن اربكته واخرها
لوتدري يابو سالم وش معي لك من اخبار كان رديت
فهاد تنحنح- مادام الامور وصلت كذا وابو فالح لاشد شد معه عمي نايف حنا ياال سالم وش الي جنيناه عشان يرحون العرب منا
مصالحكم هنا وحلالكم هنا ومدارسكم هنا
وش انتم حاصدين لارحتو
تكلم ابو فالح عقب مادخل عليهم من سلمى – جنيتو خوتنا ودمنا
فهاد تضايق بس كتم وتكلم بصوت واطي- الدم ماهوب جنايه ولا اثم وخطيه
تكلم ابو فالح – لا انتثر الدم وقطع العرق يابوك وسال الا يصير خطيه
فهاد بصوت واطي – والعرق ماانقطع والدم الي سال جرح ويبرى ياعم
ابو فالح بهدؤ عاصف – بس انه مابرى ؟؟؟؟؟؟؟؟؟؟؟
فهاد بنفس درجة الصوت- لو انكم احتريتو بيبرى بس وين الصبر
ابو فالح تنهد – يجيبه الله
الكل كان ساكت ومنبهر من الكلمات المتقطعه الي دارات بين ابو فالح وفهاد
وسيف عاده يشوف هذال بنظارات استحقار وكنه يقول احلم تقول وافقت
استأذن فهاد وطلـــــــــــــــع مع ان معه ااجازه لكن يهمه حتى لوانه اجازه يعرف كل شي ومايقدر يقطع صلته بعمله
في المجلس المقلط والاعصاب منفلته ومصدوم منها
فالح يصارخ عليها ويهاو شها – انتي ماتحسين ؟؟؟؟؟؟؟؟؟؟؟؟؟؟؟
انتي وش ؟؟؟؟؟؟؟؟؟؟؟؟؟؟؟
ماتعلميني ؟؟؟؟؟؟؟؟؟
صدق قالتها امي مافيس كبد تحس يتوطونس العرب وتلفين عليهم
دخل سيف صوتك وطه فضحتنا خالي وعياله جو
؟؟؟؟؟؟؟؟؟؟؟؟؟
اهل الشرقيه دخــــــــــــــــــلو لكن قلب ابو سعد ماهوب متطمن لدخلتهم ابد وهمس لارد عمك حدد موعد مع اريجيل وجيه العرب ماهيب وجيه زياره وجيه ناس تخطب
محمد مايتداني مع هذال من عقب ضرب شيخه الاول فحب يناكد الوضع محمد
محمد وهو يتركى زين – ودي ان عمي وانت ماخطبتو تعرف مابغى عمي الشديد الاوهو يبي الفرقى
هذال يعدل شماغه ويشوفه بنظرات يعني تراني عارف مقصدك – والله ياخوك مثلي ماينعاف وانت خابر هذي الاوله الثانيه جبر خاطر لعمي ابو فالح سوى ردو ولا لا ......انا ....واعوذ بالله من انا رجال ٍ مايتعطل عمري شوفني
...................وانت تحكم بس حنا مثل ماقيل نحاول نزين الاوضاع ولاحنا من الي جاي برداه ويهدمها وشدد عليها وهو يشوفه – يعني انت جاي بردى يامحممد تهدم
وصلت الرساله لمحمد لكن حضرة المدير راسه يابس – كان قرت على عمرك من البدايه ياخوك ولاهدمتها – قالها وهو يشوفه بطرف عين
هذال سوى عمره ماسمع شي والتفت يسولف لمبارك



الوضع كان حااامي والخاطر ماعاد يتحمل
نوال – انتي وش ؟؟؟؟انتي مسحوووووره ولامتخلفه ؟؟؟؟
سلمى كانت تبي من ورى عرسها مقصد لكن مافهموه
دخل ابو فالح وهو شايط من منظر تجمعهم عليهم وهم شابين والبنت جالسه تبكي
طردهم كلهم من المجلس ودنق عليها – ها يابووووس وش فيس والي تبينه يمشي واشر على لحيته ولو على ذي )) انتي المباركه فيهم وانتي الشيخه عليهم ولاحد غاصبس بشي
سلمى تنفس بصعوبه – يقولون متخلفه يقولون مسحوره هو صحيح عمي بيروح معنا لو رحنا اجل وش الفايده وعمي سالم وش ذنبه يقعد بلحاله
؟؟؟؟؟؟؟؟؟؟؟؟



ابو فالح – اجل موافقه
سلمى ووجهها احمر وعيونها متنفخه – بشــــــــــــــــــــــــــــرط
!!!!!!!!!!!!!!!!!!!!!!!!!!!!!!!
فهاد اتصل عليه عوض-
ورد فهاد بهدوء رغم عواصف الوضع عنده- هلابك يابو عبد الرحمن
عوض- هلابك فهاد نبيك تجينا في مستشفى التخصصي ابشرك عملية البطحاء الي نفذو منها مهربين مسكتهم نقطة تفتيش طرق الرياض والرجال بحالة حرجه وهذا حنا نحتريه يقوم من البنج عشان يفيدنا وجواله ماسكت من يوم ماانصاب من قوات الطرق الى الحين
فهاد بخوف- راقبوا لغرفه ولازائر يدخل عليه ولايجيه هذا الحين مستهدف منهم عشانه في يدنا لاتضيعه يابو عبدالرحمن وجايك
طلع فهاد عقب مااسئذن منهم وهم لاحظو ربكته ومتوجه للمستشفى واول مادخل لقى عوض عند القسم والغرفه مراقبه اخذو اسم دكتوره وسلم للحراس ومحد يدخل عليه ولازياره لان قبله تسلل احد من عصابه التهريب لاحد المصابين وسمم اكله الي من المستشفى وطلع لانهم يخافون يدلي بمعلومات عنهم
حتى لوانه خدمهم بعيونه وغالي عليهم ناس مالها ذمه ولاضمير ولاتخاف الله في ارضه
كان فهاد قاعد يتكلم مع عوض على الكرسي وعلى يمينه الغرفه
المراقبه في اخر السيب كان فيه واحد يتكلم في جواله
صايل- هلا بطويل العمر انا موجود في المستشفى وكل شي مخطط له بس ....
المهندي بصوت عالي – وش بسه الله ياخذك .؟؟؟
صايل – ياطويل العمر ............. المقدم فهاد موجود ....... ورفيقه عوض
المهندي- وش جابه الله يقطعه اسمع الخطه ماهيب طاريه عليهم المهم روح وارسل الممرضه بملف الدكتور ورد خبر مابي يذن الفجر ويطلع الصبح الا هو مودع الدنيا هذا كان يمينا ووجوده بينهم خطر انت فاهم ؟؟؟؟؟؟؟؟
صايل بخوف- ابشر طال عمرك
فهاد بترقب – اقول عوض هذاك مانيب مرتاح له
عوض يلتفت ماشاف شي – وين ؟؟؟؟
فهاد- خلاص راح واحد يكلم ويشوف من بعيد و راح
لحظات دخلت ممرضه فلبينيه تأكد من الملف واسم الدكتور ودخلت وطلعت
فهاد كان يسولف لعوض الي صار في بيت عمه وكانت الممر ضه لابسه كعب
وعليها البطاقه وملف الدكتور المراقب للحاله وكل شي نظامي والتفت لقى الرجال رجع مره ثانيه
عوض – طيب ليه التعقيدات ذي كلها ؟.............وقطعه فهاد
عوض ماقد شفت ممرضه في حــــياتي لابســــــــــــــه كعـــــــب
!!!!!!!!!!!!!!!!!!!!!!!!!!!!!!!!!!!!!!!
عو ض- وشلوووووووووووووووووون ؟؟؟؟؟؟؟؟؟؟؟؟؟؟؟؟؟؟؟؟؟وقامو دخلو على المريض الي كان يتلوى من الوجع اما فهاد طلع اول ماشافه الرجال هرب ولحقه فهاد وعلى طول مر على الاستقبال اغلقو منافذ الطواري وطلع بطاقته
وسكرو المخارج لانه امر من طرف عسكري
وحتى الزوار يوم بغو يطلعون ردوهم المستشفى اعلن الاستنفار عو ض دق على الدائره يطلب مد
الاحوال اربكت حتى المرضى الي انتشر انه ارهابي وماهوب مهرب حالة فزع
بين الزوار لدرجه ضرب احدهم الامن وهو معصب – ارهابي داخل وتبي تذبحنا تحتجزونا لين يفجر فينا
دق صايل على معزبه وهو تكلم بصعوبه بعد ان قطع شووط بعيد عن فهاد – انكشفنا ياطويل العمر
المهندي – وشلون يعني .؟؟؟؟؟؟؟؟؟ الله يلع.... الله ياخذ روحك
صايل كشفنا وبس وسكرو المنافذ والمخارج وش السواه ياطويل العمر
المهندي ماكان اقل ذكاء من فهاد – شوف احرق أي شي وحطه عند منبهه الحرائق وتنفتح البوبات ومنافذ الطواري
وفعلا طلع ولاعه واحرق احد نشرات المستشفى الي كانت عن الوقايه من امراض الكبد واشتغلت اجهزت الانذار
فهاد وقف مطارده وراح للاستعلامات يوقفون الانذارات ولكن مان ان راح وشاف الناس قد طلع مجموعه منهم وهو يضرررررررررب برجله الجدار وشماغه على متنه
احساسه بالهزيمه وانه فر شي من يده حط في خاطره حريقه كان اقرب من أي شي قدامه وفجأءه راااااااااح



حوار كان عنوانه(( الي انكسر من القزاز ماله جبر ))
سلمى يعتذر من سيف وفالح منك قدام الكل
ابو فالح – بس خوالس هنا
سلمى بقوه – طيب انا يابيه قدام الناس ماهوب خوالي
ابوفالح- بيحسبها اهانه
سلمى – ابيه كذا يحسبها بسلامة راس عمي
ابوفالح بامر لكن هادي – اقصريها
سلمى رفعت راسها حطت عينها بعين ابوها - قصرتها يابيه من يوم هملوووووووووني
,,,,,,,,,,,,,,,,,,,,,,,,,,,,,,,,,,,,
...............................................





فهاد رجع اخذ نوره وهو حاله منقلب – نوره وش فيك خذيتني بدري
فهاد ساكت –
نوره وش صار مع ابوي وعمي
فهاد ساكت
نوره فهاد صبيت قلبي وش فيك
رن جواله برساله فتحها
مشكلتك تحسب عمرك ذكي وهذي غباء لان اذا عديت نفسك ذكي تهاونت بغيرك ولاتهاونت بغيرك مصيبه لانه بيسوي الي مايخطر على بالك
وصحيح نسيت اقول لك طلعت ماتخاف ((يقصد ان التهديد مااثناه))
ورمى الجوال وهو يردد بصوت عابي خوووف نوره
غبــــــــــــــــي غبـــــــــــــــــــي غبــــــــــــــــــــــــــــــــــــي
نوره سكتت ودموعها من الخوف تصب الرجال انهار في السياره واول مره تشوف فهاد المغرور بنفسه يهين عمره كذا




في وسط المجلس وش قلت ياناصر – كان صوت ابو سعد
ابو فالح – بقول الي قالته بغيتوه زين ورديتوه غيركم يبيها ومحد منكم متعطل لاانت ياهذال ولاهي كلن وافي
ابو سعد – تامر وبنتنا بالي تبي
ابوفالح – قوم تعذر من اخوانها
سيف شاط وقام يهاو ش يالنذل تاخذها كذا تخسي مسكه مبارك وسعد
سعد – هد عمرك يارجال
سيف وهم ماسكينه – والله لو يقرب مني لا اكسر راسه مايتم شي ولاتحدوني بشي
سيف مبارك ماعاد يحتال فيه فصاح بمحمد – الصبي لوى رجلي ورجلي عادها توجعني
سيف سمعه فضرب رجله واطلق مبارك صرخه مدويه لكنه ماانثنى عن مسكته وقهرته حركة سيف ومارده الابلكمه على وجهه لينه طايح بين ايدين سعد
حمد قام لاخوه طوالي ومحمد حل محل مبارك وسيف طايح يهاوش
ابو سعد عصب وقام – الله لايحشم بعيدكم ولاقريبكم هذاااااااااااااااااااااااااااااااااال
وابو فالح صالح بالعيال – اخذوووووووووو الخبل وحطوه في المقلط وصاح بفالح اقفل المقلط عليه
دخلوه العيال وهو يلعن ويهاوش وكل مادخلوه وسكرو الباب لحقهم وفتحه وكل مايحذفه سعد على ورى يقوم ويجر الباب
قام سعد واخذ شماغه – محمد ذا بيفضحنا ويسوي له مصيبه ((جوّده )) يعني امسكه- وانا بربطه بشماغي في الدريشه سعد كان قوي البنيه فخلا محمد يربطه وهو ماسكه وسيف يدعي ويتهدد ويتوعد
قفل الباب فالح وهو يرمي كلمات على مسامع سعد – هذا والله القرب الي ودك تبيعه
التفت عليه سعد بحده عندكم شماغ افزعو به علي مانيب طالع على الريجيل كذا
ويكفي الي صار عند العرب
حمد يغسل يده ومعه مبارك- اربك طيب
مبارك – ماهوب صاحي ولاهوعلى شكله فيه قوه تهد ديره
حمد بحده- تراني مالومه
مبارك التفت بعصبيه وعاقد حجانه – بعدي فضحنا عند الاجناب ولاخلا لشيبان وزن ولاتلومه اقول امس علي
ودنق حمد يشوف رجل مبارك – جعل رجله للكسر حشاء حوافر ثور ماهوب ادمي
مبارك يدنق لرجله – والله انها ذابحتني اول ماقلت رجلي توجعني قوم وتسلط وارجفها
حمد- ماهوب صاحي
دخل عليهم عند مغاسل االرجال سعد- وهو يلبس شماغ فالح وهو يردد- يالله انك لاتفضحنا في خلقك يالله




وصلت البيت وهي ماهيب مصدقه وضعه ابد نزلت عباتها وبدلت وشافته على وضعيته متمدد قربت له وجلست جنبه – فهاد
مارد
نوره بخوف فهاد حاكني
فهاد- .....
نوره صوتها بدى يتحشرج والله صبيت قلبي رد
فهاد- .........
نوره قامت اول ماقامت الاومعصمها بيده وجرها له وحط راسه في حضنها
وهوساااااكت
نوره خافت فهاد ضعيييييييييييييف ماتحمل شكله تبيه يجرحها عادي تبيه المغرور بتقبله تبيه المتغطرس راضيه فيه اهم شي مايضعف فهادتعباااااااان ومنهد حيله وتكلم بصوت واطي- تخيلي لو ان فيه مرض وتوقعين الناس كلها تصاب فيه الا انتي وعقبها تنصدمين انس انتي الي فيس المرض وش تسووين؟؟؟؟؟؟؟؟؟
نوره ويدها ترجف حطتها على راسه فهاد كن براد الارض تجمع في راسه من حطت يدها وكن براكين الحسره انطفت من لمستها وشلون وهي حلم العمر الي مع العمر ماتوارى
قال لها طفي النور
طفت النور وسكت شوي ونوره مقبوضه ورجع يتكلم بعد ماقال – لاااااااله الا الله بصوت قوي
نوره وصوتها يرجف فهاد وش فيك-
فهادبصوت هادي بدون نفس – تخيلي المرض الي تخيلت اهل الارض تنصاب به الى الانا الخوف والغباء وفي لحظـــــــــــــــــــــه اكتشفت اني جبان وذليل وغبـــــــــي
نوره تبي تدافع وسكتها فهاد بيده حست انه اختنق ......رجال تعدى انصاف الثلاثين ينكسررجال بهيبه مثل فهاد يضعف رجال بغروره يستكييييييييييييين كانت نوره في صدمه
كان فهاد يوم يلحق صايل في المستشفى كل مالتفت عليه صايل كان يتوقى بجدار او باب وعقب يلحقه لانه يحسب معه سلاح فكل مالتفت عليه كان يحسبه يصوب عليه
واول ماشاف حريقة الورق الي احرقها صايل وبطريقته فتح منافذ الطواري وطلع انصدم لانها ماطرت عليه
فكان فهاد
يعيش انهزام النفس بينه وبين نفســــــــــــــــــه
نام فهاد ونوره ماغيرت وضعها فهاد كان يحس بدموعها الي على راسه وفجــــــأءه غنت نوره بصوت يرجف وسط الظلام وكنها تواسي طفل
كانت تغني بصووووت واطي وهي تبكي وياماحلا الاغنيه لابكيت وانت تغنيها تشبه (( الطائر الحزين)) الي مايعزف احلى الاصوات الا اذ كان ينزف وبيموت
نااااااام ياحلم العمر في داخلي ولاتروووح
كان ودي اموت قبل المح ضعفك بعيييووني
تعووودت من خلبك ياطيري جررروووح
تعودت اعذل غرورك ويلووووووموني
وتكررها بصوووووووت واطي لكن فهاد كان نايم وفي وسط الظلام سرى صوتها حلم في منامه وفي وسط الهم سرى صوتها في خاطره كنه هاجوس ولاطااااااري



بشاير عند النافذه – سيف والله ماقدرررررررررررر
سيف وجه محتقن – والله لس ثلاثة الاف ان جبتي الشبريه
بشاير خووااافه – لاوالله مااجيبها عشان تطعنه
سيف معصب- الله يقطعس ابيها عشان افك الشماغ الي رابطيني به عجزت افكه
بشاير ترجف – والله ماقدر
سيف – يهددها ويتوعدها وطااااااح وهو منكسر ويلوم اخته الي كسرته ماهوب هذاال
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
.................................................. ...............


ابو سعد – دام التحاليل جاهزه من قبل بكره نملك بعووووووووون الله
الرجال قامو يباركون لهذال وابو سعد
كانت تبكي وملاهي تبي تفتح لاحد وكل من طق الباب رمى عليها كم كلمه


هذا انا يوم اخلف الوقت ظني الحزن حزني والسوايا سواياك
بكيت وابكيت العيون وبكني تعال شفني كل ماحان ذاكراك
كم واحد جاني عقبك وسألني شخبآآآآآر( من حبيت واقفى وخلاك
واصد والحزن الخفي ممتحني وان قلت بجهل منهو قيل ماهوب يخفاك
قيل العوض قلت العوض ماشحني والله لاهذا ولاذآآآولآ ذااااااك
يامآ بعضهم مرني مافتني يجعل ماهم العوض في محياك
الله لايجبر عزى من عذلني ماجاه ماجاني ولاجاه ماجاك
والي عذل يقول ((لو ولو اني جعله يعشق واحدن كنه ايآك
ومافيه شي في حياتي غبني الانهار اقفيت وانا اسمع بكاك
الله من جرح ٍ قديم مكني امداك نزفه لكن ادواااه ماامداك
علي كم جار همي وطعني اسمع صوت المعاليق تنخاك
وين انت يالي كل ماغبت عني واقف على باب الامل اتحراك
ليت اعرف اخون وعقب اقول خني على الاقل القى سبب واتناساك
وليت الهوى في محبتك ماخذلني وليت الهجر من طيب خاطري ورضاك
ولوان الوصل وقربك بالتمني ماغبت عن عيني وانا اتمناك
خايف يطول البعد وتسج مني وياخذ مكانك شخص ماهوب يسواك
وش عاد اسوي يومك اقفيت عني لاانا اتبع المقفي ولااحب فرقاك




فهاد قام الصبح وهو خامل تروش ولانفسه في فطور ولانزله وراح لتلفزيون وكان يتابع برنامج على العربيه قوى العالم العسكريه وكيف توزيعها حسب الاقوى
جلست جنبه نوره وتبي تنسيه الي صار البارح او تنسى هي – وانت ماشالله دايم برامج هتلر سبحان الله بينك وبينه شبه
تبسم فهاد ابتسامته المعهوده وهذي كانت كفيله براحة نوره – بويش بينا وبينه شبه
ها ؟؟؟؟
نوره – مدري احس مجالكم واحد ((الاجرااااام ))
فهاد- صادقه انااكبر مجرم ولاني أي مجرم مجرم بمرتبه
نوره – الحمدالله اعترفت
فهاد – ماهوب يقولون الحب جريمه ودايم مشاعل اسمعها تغني ولاشافتني سكتت وراحت
للحرب مجرم انا للحب مجرم
ويامجرم الحب وش ذنبي وجرمي خليت نار الهوى في داخلي تضرم
نوره – الله الله ش ذا الاجرااااام يعني تبي تقول ان جريمتك بس الحب
فهاد يضحك وهو يقول – عليم الله انه الصـــــــــــــدق
فهاد وعينه على الشاشه- عاد تدرين ان هتلر الي هز العالم والي اسمه مرتبط بالقوه كان يخـــــــــــاف
ونوره ساكته التفت وكمل
هتـــــــــــــــلر كلن يخاف لكنه ماكان غبــــــــي
!!!!!!!!!!!!!!!!
نوره تحاول تجنب الحديث معه لانه تذكر البارحه وقام يربط باحداث البارح
والتفت عليها ولو تدرين وش منه يخاف؟؟؟؟؟؟
نوره تبلع ريقها ماتبي حالة امس ترجع – وش منه؟؟؟؟؟
فهاد- تخيلي راعي المدافع والحروب راعي القتل والدم عنده فوبيا من الاماكن المظلمه والضيقه وكان كل شي في قصره واسع ويوم الانقلابات والحرب وعرف ان اعدائه بيظفرون به اختلفت رويات قتله لكن يقولون انه راح لمكان ضيق ومظلم وانتحر حتى ماحد يمثل به اويعذبه لامسكوووه
نوره تبي تغير مجرى الكلام – بس كان يعذب اليهود زين طلعت منه حسنه
فهاد يمسح شعره – لانه معه عقده من فئه من اليهود اغتصبو امه ومؤرحين نفو وقالو اخته قدامه فصار معه عقده من يومه صغير
نوره تبسم – هذا هتلر على جرايمه فيه حسنه اجل الحمدالله بنلقى بك حسنات
فهاد بجمود - بتلقين لو دورتي
نوره كل مافتحت مجال معه ماطلعت سليمه – عاد انا قريت كتاب مقامات القرني
وكان كاتب فيها ان هتلر قال قبل ابدأ في خطاب العالم ايام الحرب العالميه ابي كلمه قويه افتتح بها خطابي وكان فيه عراقي معه قال انا بخلي خطابك يهز العالم ابدأ
اقتربت الساعه وانشق والقمر وكانت ايه من القران لكن كلماتها قووويه اعجب بها هتلر ودونها في خطابه
فهادبنظره- ماشالله تقرين ؟؟؟ وش قريتي غير مقامات القرني
نوره تحط رجل على رجل – الظاهر انك حاقرني
فهاد- والظاهر ان كل منا حاقر رفيقه قالها وهو يضحك
نوره – بسوي نفسي ماسمعت قريت كتاب كيف اصبحو عظماء خيااااااااااال فوق ماتتصور وكتاب الاجوبه المسكته واغلب كتب القرني احبها ((وجات فتره ماانام لين اقرى صفحات من لاتحـــــــــــــــزن))
والتفت فهاد وصدمها – ايام طلاقس من فالــــــــــــــــح
نوره اعرفت ان الجازي شكلها تقوله كل شي
نوره ارتبكت وحطت شعرها ورى اذنها ورجعت قصتها الثانيه لورى- ماهوب شرط
فهاد- اجــــــــــــــــل ؟؟
شكله مصر على النقاش واولت تطلع نفسها بطريقه دبلوماسيه
نورة بتأني – انسى الطرف الثاني انا بنت ومسألة الطلاق شوي مزعجه ماهوب واجد والاكثر شي مزعجني اني وحده مان مثل البنات يعني حملي مايتم وماادري ليه تخيل حتى يوم كنت اطلع من مسألة طلاقي ارجع في مسألة كوني ام وحتى يوم كنت اوسي نفسي القى عمري مكسره يعن حتى لواتزوج مره ثانيه باقي شي متكسر
فهاد عرف انها تهرب – ودس انس جبتي منه ولد ؟؟؟ او بنت من صلبه صح وبعدين اتكى بطريقه غريبه وأشر بيده علامه نفي (( لاتقولين حزازيه عادي تكلمي لاانا الي احبس بنجرح من كلامس ولاانتي الي تحبيني فتخافين علي عشان كذا تكلمي براحه
نوره في صدمه شكل ضيقة البارح جابت فيوزاته – نوره- وش فيك فهاد ؟؟؟؟؟
فهاد قرب- تنكرين انس ماتحبيني وانا امااحبس خلاص قولي كل شي بصراحه دام مافيه احد بينزعج وبعد عنها ورجع لوضعه الطبيعيوكمل- بالعكس بترتاحين وصدقيني عادي
فهاد كان عارف ان دوره هذا كلفه انه يمسك السكين ويقطع عروقه كان عارف ان بيده يذبح نفسه يبيها تبوح تبوح بكل شي
اهم شي يعرف وش في خاطرها ويرسي معها على بر
فهاد- يالله اسمعس
نوره تبلع ريقها – وش تبي بالظبط ؟؟؟؟؟؟
فهاد – ابي الي في خاطرس
نوره بخوف- مافي خاطري شي!!!!!!
فهاد بأصرار – غير ان ودس انه يجيس منه ذريه وغير انس ماتبين فرقاه ليه ماقعدتي معه
نوره ماحبت طريقة فهاد الي اعتبرتها استفزازيه- اعتقد هذا شي خاص فيني ومالك دخل بشي الابعد ماوقعت بعدين وش الي خلاك تفتح السالفه
فهاد يمسح شعره – عادي لاني مانسيتها
نوره فهاد شي انتهى ونسيت – ليه تذكرني
فهاد – كذا حب مشاركه فقط لاغير والحياه الزوجيه مشاركه في كل شي ياهانم حتى في الفراش الي هاجرته من اعرسنا
نوره – مادام لاانا الي احبك ولاانت الي تحبني وش الي حادك
فهاد انقهر من رده فحب ينتقم بطريقته الي تكرهها- شوف انتبهي تكلمين عني انا امووووووووووووووت فيس واحبس
نوره حست انه يستفزها من البدايه – بس انا مااحبك
فهاد- اجل الحمدالله الي قسم ارزاقه عطانـــــــــــــي ورزقني بالي احبه
وانتي عطا س الي تكرهينه
نوره تنفست بصعووووووووبه فهاد ماعاد صرت افهمك
فهاد بجمود- بس انا فهمس
نوره سكتت فجأءه
وتكلمت – وش فيك كذا انقلبت
فهاد- لاانقلبت ولاحاجه كنا حلوين بس انتي ذكرتيني بأشياء مانسيتها
نوره بحده- ماهوب ذنبي اني ذكرتك دون ادري ولاهي غلطتي انك اخذت وحده لها ماضي ياسيادة المقدم ((ماهوب يقولون لك كذا ))
فهاد صفق بيده الثنتين – شاطررررره- انا مانيب فاضي لس اولا وادبر من عندها ثانيا راسي فيه اشياء واجد ثالثا ً جهزي لعمرس بكره رحلتنا
اووووه قبل لاانسى بصراحه قسمس وظفتيه زين لانس وحده تعرفين تختارين كلماتس
((وكلمة لها ماضي خانقته لين منعت الاوكسجين يدخل الرئه من الضيق))
وخلاها بين الياس والامل تحتريه وتركها بين الرجاء والخوف واقفه وحطها في درب له اتجاهات اسهلها نسيانه وابسطها الدموع



هذال قام لفالح يعتذر منه وهو يدعي في نفسه على الموقف الي انحط فيه وانصدم من فالح الي سوى حركه جابت راس هذال اول ماقرب من هذال
نحى راسه علامة حب راسي جمد هذال واهل الشرقيه موجودين فحب راسه وقال العذر والسموحه
لكن فالح ماشفى غليله لانه رفع راسه لهذال وقال
خلصت عذرك واستسمحت
هذال ساكت والكل ساكتين
وكمل فالح بقوه – رووووح ياولد العم عذرك ماقبلناه وجيتك مالها ثمن وحبة راس عمك واجب وحبة راسي رد اعتبار وغلطتك مالها دوى
ابو فهاد والشيبان كلن يردد لاحول ولاقوة الا بالله والي يسترجع
والاحراج كان من نصيب هذال الي كرهه سلمـــــــــــــــى وقام يتحسب عليها
وفي خاطرها (( بالعون اني ماابيس يالاجوديه من حينس وزود ٍ عليه كل شي صار بسبتس)))
هذال تكلم بصوت عالي – الكرام لاعتذرت لها حفظت ماء وجهك وقدرت شانك
واهل الردى لاعتذرت منهم قللو مقدارك وردو معاذيرك
وقبل لايروح من المجلس – ياعم مجلس مايحشم اهله مالي مقعد ٍ فيه والملكه والتفت لفالح يقهره يعني شوف بتملك دون رضاك وكمل - رد ذا اليوم كرمكم الله
ومشى هذال والنار جايره بصدره ونفسه لو لفح ارض خضراء احرقها وكل شي في عروقه متوقد



فهاد في دورة المياه يتوضاء الوتر وشاف عمره في المراايه وهو يكلم عمره ليه
ليه تحرق عمرك يافهاد ليه تنبش القبور وانت خابر وش فيها ليه تسأل عن خفاها وانت داري انك تبي الوجع لعمرك تدور الهم لعمرك
وغسل وجهه وهو يقول غلاها – حبها – هو الي خلاني ومالي عذر الاهواها
لازم ارجع كل شي زيا ول واخذ بخاطرها على الاقل يكفي الشغل وهمه اروح انكد على عمري
وطلع وشافها في مكانها وهوراح للغرفه



الجازي كانت ماهيب في حالها بعد ماجاها مسج من مبارك مكتوب فيه
ان شالله الشوق مامات وعاده يحترينا ؟؟؟؟؟؟؟؟؟؟؟؟
ويوم دقت عليه قال غلطان واحد من اخوياه عازمه على استراحه صار اسبوع ومابغيت افاجأه بالجيه
ماصدقت الجازي ابد
ومبارك يلف في جواله – رسايل الجازي
الرساله الاولى – جيب معك وانت جاي دانو وحليب اطفال الاخضر
الرساله الثانيه – سدد فاتورة الكهرب
الرساله الثالثه – مبارك لاتنسى تدفع قسط الروضه
الرساله الرقيقه والي كانت ارق وحده وطار من الفرح يوم شافها كانت – مبارك وينك بتأخر ؟؟؟؟
هي عاديه واقل من عاديه ولكن تفسيرها انها مشتاق هوانها يمكن فقدته انها خافت عليه
وسكر جواله وهو يقول – ضميت منس لين صرت اشبع من قطــــــــره
قطره منس كنها غيث



فهاد عقب ماخلص لبس نظارته وطلع الشنطه ونادها
جلس على الكنب واشر لنوره ماتبين تعرفين تعالي
فهاد يدير ارقام الشنطه- نوره لاتضيقين مني
نوره بعمد- لا ....لا ...تاخذ ف بالك ماهوب انت ماتحبني ولاانا احبك فليش ازعل الزعل من الناس الي تحب
فهاد التفت- شاطره مره ثانيه بس لانس تحفظين الدرس
نوره التفتت لشنطه تتفادى عيونه طلع اوراق ورفع نظارته وتكلم بصوت اول مره تسمعه به
اسمعي تدرين ان ندى مايفتحون لها حساب لانها قاصر وانا بفتح لها حساب انشالله لادخلت السن القانوني ولكن مااقر اصبر فشوفي حساب بنك البلاد هذا بأسمي لكن الي فيه لها وفتح ظرف وطلع منه بطاقات الصرافه واوراق فتح الحساب
فلاصار شي فيني لاتعمونها مع الورث هذي دراهم لندى
وكمل وهذي ياطويلة العمر جمعية الاطفال المعوقين ذوي الاحتياجات الخاصه
استقطاع من راتبي كل شهر 470 ريال الفايض فهي طايره طايره قلت اخليها في الجمعيه فااذا نزل التقاعد وانتم في غنى حاولي ماتقطعين الجمعيه ذي من الراتب
فها تحاشى نوره وكمل بجديه وهو يركز النظر في الاوراق والصكوك
الي معه وتكلم – وش ذي ؟؟؟
وكمل بعفويه – ايه هذي اراضي في الرياض قي ظهرة لبن والمزاحميه
كلها بأسمي ماعدى ذي لنــــــــــدى
وهذي ورقه ياطويلة العمر الريجيل الي اطلبهم دراهم
وشوفي كل شي عشان ماتنسين مدونه عندس في ذا الورقه
واخيـــــــــــــــــــرا ً التفت عليها – تبكيــــــــــــــــــــن
نوره خطت يدها على راسها تبكي- ايه ابكي مابي يصير فيك شي الله يخليك لاهلك ولعمي
فهاد بحزن مصطنع- بس
نوره رفعت راسها – ولنا
فهاد اجبري بخاطرنا واكذبي وقولي لي
نوره – ولي ............ولي ....ولي
كررتها لانها صادقه
كررتها لانها تحبه وتخاف عليه حتى قبل تاخذه
كررتها لانها تب تموت لو صار له شي
في حفظ الله استودعكم
دعواتكم
ان يوفقني ربي في الدنيا والاخره
ويسهل اموري
الله يحفظكم ويوفقكم دنيا ودين
سبحان الله وبحمده سبحان الله العظيم
والصلاة والسلام على اشرف المرسلين
خير البشر محمد عليه افضل الصلاة والتسليم