مساء الأبداع

امتعتينا بروايه رائعه واحداث مشوقة وشخصيات مختلفه

حبكت بطريقة الكاتب الواعي

اناتو ني اشوف الروايه

روايه فيها من الواقعيه الكثير من اسامي الأبطال للأعمار

للأحداث ابهرتيني بصراحه

عجزت القى شئ انقدك فيه

واعجبني أسلوبك لأنه فعلآبيئة الروايه تشبه كثير الواقعنا ومجتمعنا

اسم الروايه ينطبق كثير على الأحداث

هل هو انتظار فهاد النوره

والا انتظارسلمى الهذال

مع ان العنوان طويل وصعب ينحفظ

الروايه تتركز على ثلاث اخوان

ابو سعد رجل فارض شخصيته وعياله وبناته ماعليهم منقودوجوزه حرمه خيره ماعليها منقود



ابوفهادمثل ابوسعدوعياله رجال متلمس خشومها وبناته

لكن ام فهادانا اشوف انها ماتنلام الواحد يخلي نفسه في مكانها

ولدها محمدسنين وهومعرس ولاشافت من نماه شئ

وفهاد بعد اخذ طليقة ولدعمه وهي قد سقطت وحمالها صعب ولدها رجال

كلن يتمناه هي ماتدري بحب فهاد النوره ولاتدري في مرض ولدها الثاني

وتشوف بناتهافي بيت عمهن وكلن يطرد وراها ظناها

الله يعين اشباهها

ابوفالح رجال اجودي وثل اخوانه لكن عياله واحدرجال وتكانه والثاني

كمخه مغير يلاوي برقبته ورى المره

والبنات ماهن بعيدات عن اخوهن

يعني العايله ماطلع منها الا بسلمى وسيف

عسى الله يخلف

امتعتينا امتعك الله بلباس الصحه والعافيه انتي ومن تحبين

السلام عليكم
اول شئ مشكووووووووره نبوضه والله انها احلى هديه نتيه يالبى قلبك يعطيك العافيه تعيشين وتهدين للغالين عليك

نجي للبارت خيااااااال ابداع ماشاء الله عليك نبوضه
نوره وفهااد حب قديم جديد بداء يضهر على السطح شوي شوي فهاد صادق مع نفسه معترف بحب النوري وقاعد يحاول يكسبها باي طريقه حتى لو سفره لاسبانيا مو مشكله بس اللي مايعرفه فهاد حب نوره القديم اللي كسره بدون قصد منه في حديثه القديم لفالح
بعكس نوره اللي للان تساوره الشكوك نحو فالح ومقدار حبه لها واللي تفسر كل كلمه منه على كيفها يعني تبينه يالنوري يتفداك قدام امه اللي ما تواطنك وتغار على ولدها لازم ياالنوري فهاد يمسك العصا من النص وانتي اللي راح تساعدينه اتوقع الجليد يذوب شوي شوي في سفره اسبانيا واتوقع بعد حمل قريب للنوري تكسر فيه عين ام فالح واشلتها وتحبب فيها عمتها ام فهاد وتكسبها لطرفها
الجازي ومبارك والله هالبنت تكسر الخاطر هي خبله والا ايش بالضبط الرجال شوي ويشلها من على الارض ومابعد شافت حبه وبعدين خير ان شاء الله ليه ماتسال عن الرسايل يا الخبل هذا زوجك انتي اولا وحده تحس فيه وبعدين هو اللي مختارك مو هله اللي غاصبينه عليك عشان تحسسين من فارق العمر
موقف سيف من سلمى
تدرين نبوضه وربي من جد اصعب شئ في الدنياء ان الوحده تقلب حزنها الاليم في قلبها لبسمه وضحكه خارجيه تغطي فيهاكرامتها المجروحه وتخفي المها عن اللي يحبونها واللي اصعب منه ان اللي تحبهم نفسهم هم اللي يكشفونها ويعرون مشاعرها قدامها
اتوقع سلمى تنهار الحين بطريقه اصعب من قبل لان جرحها صار جرحين

محمد اتوقع انه راح يموت في العمليه والا قبلها وشيخه راح تنهار ويمكن اهلها يزوجونها لكن من مادري لاني ماذكر من اخوان فهاد الا محمد
الهنوف والله ان الضلم ظلمات يوم القيامه فلا تكدرين خاطرك من اللي صار لك
مع نه اللي اصعب عليك ان سيف يكون هو منقذك بس صدقيني وبقولها للمره الالف سيفوو يحمل بقلبه شئ خاص لك والايام بتثبت صحت كلامي

نبوضه انتظر القادم بلهفه
انتظرك على الموعد

يسلموا بارك الله فيك بارت حسيت فيه انه الامور بدت تتزين

هذال ربي انه رجال وما قهرني غير راعي المحل كيف يخلي شيبه يحب ايدينه ربي يوريه يوم قهرني قسمن بالله


سيف زين نك يوم تصرخ على سلمى احسن خليها تطلع اللي بقلبها حتى لو لحالها بغرفتها ولا تحبسه جواها


تسلمين يالغلا لا عدمناك يارب

--------------------------------------------------------------------------------
السلام عليكم ورحمة الله وبركاته
مسائكم طاعه ورضـــــــــــــــــــــاء وطابت اوقاتكم بذكر الله
وصلاه على المصطفى عليه افضل صلاة واحسن تسليم

في مساء ندي وفي صفاء سماءٍ يشبهكم اّّّّ تت ففرشت بساطي انتظر احبتي وطاقمي المعتاد
هبت نسمات بارده حركت شعري وحركت طرف البساط لم انزعج فقد كانت نسمات بارده فالتفتُ اليها قلت اتعلمين ماذا اتمنى ؟؟
بادرتني الابتسامه – ماذ تتمنين يانبــــــــــــض ؟؟؟؟قلت ان تهب نسمات بارده كاتلك التي باغتتنا علها تخمد لهيب قلوب متى يرتاح
نظرت للجانب الاخر وقالت بعمق
اتمنى ذلك ......................

اظنه امتلى بساطي من احبتي فهلمي الينا فنحن بشوق لك ولاابطالك


الهنوف تتصل على بيت اخوها سعد وترد منيره
منيره بدون اخلاق- هلا الهنوف شااخبارس وعلوم عمي وعمتي
الهنوف ماكان ودها انم نيره ترد – بخير جعلس بخير شلون العيال الدوني وندى نيوف
منيره – بخيروكلهم سالمين
الهنوف طفشانه – مشاعل بتجي ولا اجيها
منيره بعصبيه – الهنوف ركزي على كتبس انتم ثنوي ويبي لكم نسبه وخل منس السوالف الي مالها داعي
الهنوف – ماقلنا شي بس نصك على عمارنا !!!!!!!!! بعد مايصير
منيره تحاول تظبط اعصابها – مشاعل تذاكر وماهيب جايه الاتسلم على جدانها وتعود
انتي ماتبتي مشاعل هاديه من تمشي وراس ماتعين الا الغثاء
الهنوف مقهوووووره – اجل يالله فمان الله اصلاً كلنا يأل نايف الحين غدينا مايجي ورانا الا الغثاء انتم من جهه وعمي ناصــــــــر من جهه وكلن يشوفنا غثاه
وانتهت المكالمه
سكرت منيره وهي مغتثه- أي بالله مايجي وراكم الا الغثاء من ضمينا بناتكم الي مابهم عيال وحنا ماعينا غير الغثاء من خربت طبايع بنتي الامنكم وحتى عمي ناصر ماسلم منكم اشهـــــــــــــــد انكم غثاء كبووووود

صعبه الظروف ماتخدم عايلة ابو سعد وحطتها في خانه مايجي منها الا الهم
!!!!!!!!!!!



قاعده تخيط الفستان وقدامها باترون الخياطه
صالحه –يمه بالله خيطي ذا الأكمام وانا بخيط الباقي
ام محسن- الا عطيني اياها وبخيطها وقومي حلي واجباتس
صالحه – لا يمه ماعندي دفــــــــــاتر خلني اقضي وقتي في ذا العله
ام محسن تصب لولدها الي يتابع المباره – وين دفاترتس يابنتي؟؟؟؟
صالحه – خذتها بنت جديده تبي تنقل مني الدروس وقالت بحل واجبات اليوم لتس
بس احزري يايمه من هي بنــــــــــــــــــته ؟؟؟؟؟
صالحه وهي ماسكه الأبره – بنت سعد بن ....ال ...
ام محسن تصب القهوه لعمرها – والي مادرى عنهم يابنتي
صالحه نزلت الأبره في الباترون_ يمه الي طلع في المزاين انتي تذكرين الشاعر الي فاز هذا يصير ولد عمها لززم
التفت عليهم محســـــن الي كان منشغل في المباره – تقوليــــــــــــــــــــــــن مــــــــــــــــــــــــــــــــــن
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
صالحه بطيب نيه – بنت سعد .بن ........ال .......الي طلعوا لسنه هذي في المزاييييييييين
التفت عنها وتابع المبــــــــــــــــــاره وهو حاط المركه ورى ظهره وباله ماهوب مع المباره ولامع اخته الي تسأله ولايرد
ليه تعرفهم
؟؟؟؟؟؟؟؟؟؟؟؟؟؟؟؟؟؟؟؟؟
لان محســـــــــــــــــــن صدق ماكان باله في المباره ولاكان باله مع اخته وكان فكره يسترجع فيها كل لحظه ضربه فيها
سيف في الأستراحه ومافي نفسه الأ((( جيت وجابك الله لي ياسيف )))
!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!



نوره وشيخه ومحمد وفهاد وابو فهاد وسعود كلهم مجتمعين في خيمة الشعر
شوي الادخل عليهم كرم الدين ومعه عيال سعد الي دايم كل مده يجيبهم السواق يوسعون خاطر الشيبان
صوت صياح نــــــــــدى كان المنذر انها جايه
نوره قامت جاو العيال وراحت عشان تستقبلهم
جاو كلهم نايف وعبدالله وندى ودانه ومشاعل ماجات
ابو فهاد – الله يعينها على نفسها ماقوى صوتها قومو سكتوها فضحتنا في الله وخلقه
دخلو وسلمو على جدانهم وندى اخر وحده دخلت مع الخدامه لان تنزيلها من السياره ياخذ وقت
وامتلا بيت ابو فهاد من حشرة العرب



ام سعد في المقلط وعند الدفايه والجازي وهياء والهنوف مسوين حليب شاهي ومعه قرصان وبسكويت للهنوف
الجازي تأكل حمود ولدها – دقيت على نويران اليوم وفي السوق تقضى لسفرتها بيمشون عقب بكره ان شالله
الهنوف – تعلمني قسم بالله خنقتني العبره البيت دونها ولاشي احسه اكتئاب
الجازي تنزل بيالتها – أي والله ماعاد به احد يناكدني مالس حرام ...ولا كم سرقتي اليوم ؟؟؟؟؟؟؟؟؟؟؟؟؟
هياء – خلاص لاتغلقونا الا استنانسو بيرحون يوسعون خطرهم
ام سعد – ماشفتو هذال ؟؟؟؟
الهنوف مدنقه – الا اليوم متقهويه انا وياه وعلمته بالي سواه حمد
ام سعد – كان ماقلتي له شي هو بلشان بعمره
الهنوف – وقال لا صار شي تعلميني وانا اسنعه ولاعليس لوان مشاغل الدنيا على راسي
وقلت له تصـــــــــدق ياهذال من كثــــــــــر مااحبك احسك كأنك اختي
قام ونزل عقاله وقال انا ولد ابوي افزع لس والتاليه كنك اختي قمت حبيت راسه قلت ياخي اخذ المعنى مجازي من غلاااااااك وقربك لي كنك اختي
ضحكوووووووووالبنات
الجازي – امحق مدحه يالخبل شين المدحه لاجات من جنبها
اذكر سعود يقول يوم كنا ندرس انا وسيف في الفصل وسيف شاة الله في ارض الله في شي اسمه انجليزي
صفحه بيضاء....... وقال المدرس لسيف تفهم بالانقلش قال سيف انا – اقلــــــــــــز واحد في اهلي
يابلفيت احسن واحد في الانقليزي يقول دورتها مالقيت الا اقـــــــــــــلز وقلتها
يبي يزينها وهو اعماها
الهنوف تضحك وداخلها مكسوره مانست الاصار والصوره الي طلعت لسيف ذاك اليوم هي صوره شينه هي شفقه هي شماته وش بيقول في نفسه
؟؟؟؟؟؟؟؟؟؟؟؟؟؟؟؟؟؟

دخل البيت مبارك في يده سبحته يلفها مره يسار ومره يمين وهو ويجر شيلة الصحراء لشاعر مدغم ابو شيبه –
انا يابنت مانيب من قوم دقه وتسكيره انا من ربعن لاحاسبت ماتاخذ الباقي
ويعيدها دخل عليهم وسمع ضحكهم – الله الله زين المقعد ماشالله
الجـــــــازي منقهره منه الخاطر منشرح ويضحك ولا بعد مانيب من قوم دقه وتسكيره جعل تسكر عليك انت وراعية الرسايل
هين يابرووك هين يالبزر صدق شين البزران لاطاشو
!!!!!!!!!!!!!!!!




ابو فالح وام فالح في غرفتهم
ام فالح – خــــــــــــلاص عزمت ؟؟!!
ابو فالح – ايه عزمت وأن شالله لاجاء العشاء بعلمهم
ام فالح – تعودنا هنا وصحيح اهلي هناك لكن عيشة عمرالرياض الله يهديك
ابو فالح – ابرك عشان تذكرين يوم خذيتس مناك
ام فالح تبسم – الله يذكر ذيك الايام بالخير كانو خالاتي يقولون وش تبين بالبدوي ياخذس ويحط على الراس ((جاره)) وسبحان الله الوفق والنصيب من عنده
ابو فالح – بتعرفين انه ازين لنا ولهم منها مايجي في صدورنا شي على اهلنا وتصفى النفوس والعيال لاجاو يسلمون على عمانهم غالين ولاراحو غالين
وينسون في البعد ابرك من كل يوم هنا يجد علمن جديد ويزيد شي مانبيه يزيد
ام فالح – والبيت ذا نأجره
ابو فالح – لافالح يقول ماحنا مأجرينه يلعب فيه المسـتاجر وانا من شوره عشان لاجينا هنا في العطل نسكن به
ام فالح – شورك وهداية الله والله يعين بكره بنعلم البنات واربهم يوافقون ولا يعندون
ابو فالح نزل نظارته ويمسحها بطرف شماغه – حنا بنعلمهم ماناخذ رايهم وسلمى قد علمتها الصبــــــــــــــح
ووافقت
!!!!!!!!!!!!!!!!!!!!!!!!!!!!!!!!!!!!!!!!!

الرحيل ..........او الشديد مثل مانقول بلهجتنا ابو فالح عزم يخلي الرياض بأهلها ويخلي اخوانه عشان ماتمتلي الصدور اكثر
بيخلي اخوانه عشان ماتصير احقاد ولاتكبر بينهم البغضاء
بيخلي اخوانه ............عشان نفسه وعشان عياله ..............
وبيروح للدمام للحين مادور بيت ولا سوى شي لكن القرار اول الخطوه

................................



ابو فهاد وجنبه ندى – ليه يابوس تصيحين
ندى – الدانه كاسره لعبتي عشان لعبتها انكسرت
ابوفهاد يلتفت لدانه الي جنب شيخه- ليه يابوس كاسرتها؟؟؟؟
دانه وفي يدها كاس حليب ولابسه كوت نافخها – ليه لعبتي منكسره وهي لا!!!!!!!!؟؟؟
ام فهاد – الله يكفينا شررررررس لاكبرتي هو حسد وبس الله لايبلانا
وضحكو
فهــــــــــاد تكلم وندى بينه وبين ابوه – كم مره قايل لمنيره البنت كبرت لبسيها لبس ضافي
وتلبسها لبس ٍ نسأل الله السلامه
ندى لابسه مريله هاي نك وطولها فوق الركبه زيتي وهيلا هوب شتوي لونه بني وكل ماقعدت طار الثوب لين فخوذها والبنت طالت
ام فهاد – وش تسوي منيره الله يعينها تقول لاشافتني اشتري لدانه شي طارت اشتري نفسه قصير ولا هو تشترين نفسه لاتلومها يامك
فهاد- الا تشتري للصغيره ضافي ماهب لازم قصير وبنطلون دام الكبيره بتصيح ضعيفه ماتدري عن شي اكيد لاشريتو لذيك اشترو مثلها
الايايمه دبرة بنتس في بناتها رديه
ام سعد – الا الله يعين تشوف الشين وعمى العين من هواشهم لكن الله يصلحها
نوره بعفويه – فهاد صادق ياعمه دامها عارفه ان بنتها تبي نفس اختها تشتري للصغيره ضافي
ماشالله قد ندوووي مره طالت وصكت على العرب
فهاد ابتسم ومد فنجاله جنبها وقال- اهم شي في الحياة الزوجيه مساندة راي الزوج
نوره تصب له والجو ازعاج وسوالف – لا والله واهم شي في الحياة الزوجيه النفاق لان اهم ركيزه
فهاد – تراس مانتي بعاجبتني واتجاهل أي شي تقولينه بس لاتنسين انتي تعرضين نفسس للمسآئله القانونيه بطريقتس هذي
نوره بعبط – اها ليش مروجه ولا متعاطيه ؟؟؟؟؟
فهاد – لا مخـــــــــــــربه
نوره طنشت وقامت تمسح بيدها على نقش صينية الفناجيل مطنشته
فهاد- هاس قومي على طاري مروجه ومتعاطيه افتحي غرفتي الي تحت وطلعي منها فردي ((مسدس صغير بحجم اليد )) وطلعي منها اوراق مكتوب عليها الفرقه الثالثه للمداهمات انا مستلم عن خوي قبل اظطراري وبسلمه مهمته لانه رجع
نوره على خير
ومال فهاد على جنب وطلع المفتاح من جيبه ومده لها ((يالله قومي قبل لاانساه ورقيه فوووووق ))

قامت نوره من عندهم


مبارك في غرفته يتفقد رجله و متعمد يغني لانه شاف الجازي مضغوطه منه يوم دخل يدندن اليوم –
ودعتك الله يانظر عيني باامانة الي ماغفت عينه
ماودي ايدينك تترك ايديني
................................
وقطع اغنيته- اقول الجوز شين الديار لاراح منها من تعزه انتي وش رايس
الجازي بنقمه- ماشالله ومن الي مشحنك بعده
مبارك رجع يدندن ويعنني ماسمعت –هاة وش قلتي مانيب معس
الجازي بهدوء تحت عواصف – ((اقوووووول من مشحنك ))- وتمد نطقها
مبارك بذكاءسكت وبعدين رد – ايه ....ايه واحد من الربع
ورجع يدندن مره ثانيه
انقهرت جازي وقامت تبي شي –بروح اسهر عند الهنوف
مبارك صدق استنانس انها انقهرت لكن مايبيها تروح عنه – ليه ماعندس دوام
الجازي – الا ....بس مافيني نوووووووووووووووووم
وصفقت بالباب
مبــــــــــــــارك ثنى رجله وحط يده تحت ورى رقبته– لا خلس بس حسبي الله على شيطانس تقاضيتي مني دون تدرين
وش بيرقد مبارك الحين وانتي مانتيب معه ليلك طووووويل يابو حمود



كانت تخطط وبالها مشغووول ولاترتاح الا لين تعرف بنفسها
شيخه رقت قبل محمد وخذت الأوراق وقفلت الدرج عشان بكره تصورهم
وتعرف وش في اوراق المستشفى ولايكون صبره علي عشان فيه شي
وهي تعرف ان الضعف منها بسبب حبوب المنع الي تاخذها من بدايه زواجها



نوره فتحت الغرفه وخافت يوم شافت الفرد وطلعته وفي خاطرها وش ذالمتحف امحق غرفه قدييييييييييييييييمه حتى المكتب عافي عليه زمان جدي فتحت احد الكراتين فيه لبس عسكري وعلى الطاوله لصقة للبدله مكتوب عليها المقدم فهاد سالم ال...
ولمحتة كتاب ...الجاسوسيه ايام الحرب العالميه على الطاوله
ولفت نظرها ديوان السديري وأشياء كثيره خاطرها تشوفها عن قرب
بس مأابطت في الغرفه خاطرها تقعد تفرج هو شلون ساكن هنا بس من سمعت صوت العرب دخلو البيت طلعت طوالي وهي خاطرها تعرف كل شي عن فهاد الأولي ماهوب فهاد الشخص الثاني الي قدامها وبدت نوره تفصل بين فهاد الي تعرفه وبين فهاد الي تعرفت عليه
؟؟؟؟؟؟؟؟؟؟؟؟؟؟؟؟؟




سلمى داومت في كليتها ومابقى احد ماله سالفه الاتحليل سالفتها
سهى – ماعليس منها لاتردين عليها
سلمى في قاعه فاضيه تكلم ببرود مميت - وش تبيني اقول عايف – ولاخاين
ولا اقول انا الي ماابيه اصــــــــلا ً بتقول كذابه انس رادته
سهى – مالت عليهم جاين يدورون العلوم
سلمى – ومال احد عندي شي واي وحده تسأل بتعين رد مايسرها حتى خوال عمي سالم مرسلين لي بزرانهم المستجدات ياخذون السالفه مني يعني مايدورن عن شي!!!!
سهى – طنشي
سلمى ذبلانه ومهما حطت روج وكحل يبان انها طافيه – بسأل ليه انا الي مفروض اطنش ليه انا المفروض اقبل بخيار فرض علي ويوم عشت مع ذا الخيار الحلم ويروح.... يقولون اصبري ويوم كلن يتعرض لي.... تقولون طنشي تقدرين تقولين لي حضرته هــــــــــــــــــو وش يقال له
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
سهى سكتت وتحاول تبرر واو تجاوب لكن لاجوا بالا ان الظلم تمكن منها والجور نهشها
وسلمى عيونها غايمه ومركزه في صديقتها الي ماتملك جواب

طال الجفا وأنا شعوري غير
عن ذكرياتي وأقرب , , أمآلي
أحترت مدري هالسنه شيصير
وشلون لو يبقى على بالي
الغايب اللي زادني تفكير
ياكثر مايجرح فوق احتمالي
أحيان اشوف احلامنا وأغير
وأحيان مدري ويش يبقالي ؟؟
وأحيان احس ان الزمان بخير !!
وأضحك لا شفت وجيه عذالي
الحلم راح , ومالقى تفسير
ولا فيه غير ابقى على حالي !!
يالصمت سامحني على التأخير
مليت اداري صوتي , العالي
كان المسافه , مالها تأثير ؟؟
الجرح له يومين (( يبرالي ))


في الصباح شيخه راحت لسواق وعطته يصور الاوراق عشان تاخذها والعصر تروح للمستشفى بدل اهلها
لكن دايم نخطط لأمور وماتمشي على كيفنا الا تمشي عكس التيار وتجيب المصايب لنا
!!!!!!!!!!!!!!!!!!!!!!!



فهاد في غرفته يكلم دخلت عليه نوره ومعها الأغراض الي وصاه عليها
سكر من التليفون ووجهه متغير
نوره لاحظت وجه فهاد الي انقلب اسود وقبل تسأله فاجأها – نوره جيبي الشنطه السوداء في دولاب ملابسي وتعالي
كانت خايفه الا ميته خوف لكن ماهو منه كثــــــــــــــر ماهو عليه
راحت نوره تجيب الشنطه وهوراح للمغاسل يغسل وجهه ويقول اربها مافطنت فيني ورجع تفكيره للمكالمه واسترجع كل شي فيها
......| الف الف مبــــــــــــروك سيادة المقدم زواج سعيد منك المال ودي اقول ومنها العيال لكن شكل مالله كاتب تشوف عيالك
فهاد بعصبيه من – ضحك ضحكه ماهوب لازم يابن الحلال المهم العمليه اطلع منها ابرك لك
فهاد -لوانك رجال قلت من انت
تذكر ضحكته انا (((عمــــــــــــــــارة الشميسي يالطيب )) كانك تذكرها حبينا نبارك ونسأل فمان الله يا
............................ابو العياااااااااااااااااااااااااال
وضحك وسكر السماعه

عمـــــــــــــــارة الشميسي هي فله في حي الشميسي تمت مداهمتها قبل ثلاث شهور ومالقو فيها شي لان المروجين عرفو قبل المداهمه فأاخلوها .................

يكفي انه خلا نوره وماخطبها بعد تهديد جاها في انه لو مارجع الي انوخذ بقيمة ملايييييييييين في احد مداهمته (( وكانت عباره عن افيـــــــون وحشيش )) عش الزوجيه بيصير لك ان شالله جحيم يتصدر الصحف والجرايد بعنوان راح ضحيته (((عروس في عمر الزهور ))
وخلا الخطبه ثلاث سنوات لين قبضو عليه وراحت نوره في نصيبها لاقدر ياخذها ولاقدر يخليها ويقول خلوها لانه ماكان يضمن انهم يقبضون عليهم او لا والتعقب يمكن يطول لخمس او ست او حتى اكثر ولاحد يرضى يخلي بنته تنتظر رجاء شي ماهوب مضمون وفهاد يوم تراجع عن خطبتها ماعطاهم امل انه يبيها او بياخذها
اصــــــــــــــــلا ً فصارت من نصيب فالح

دخل غرفته وشاف نوره عند الشنطه – نوره رديها الصباح رباح انا تعبان واخذ جواله وارسل لعوض ((حط جوالي تحت المراقبه )) لان التهديدات صارت على ر قم العايله ماهوب العمل ومدري من وين يجيبون ارقامي ......لاهنت يابو عبد الرحمن

نوره قربت منه فيك شي
فهاد بهم واضح – طفي اليت انا تعبــــــــــــــان
وباالأصح كان منهـــــــــــــــــــــار


الساعه تقريبا ً 9 شيخه تكلم
كرم الدين حط الأوراق عند الباب وبجيك الحين
دخلت وخذت الأوراق وهي داخله جناحها
انصدمت من الي شافته ........وتوقف كل شي في جسمها عن العمل من الخوف ...النفس وقف ....القلب وقف ......الدم تجمد ولاعاد مشى......عينها مارمشت ................... حلقها جف ...لسانها ثقل..ولاتكلم
يوم شافت محمد قدام عينها انشلت كليا ً عن الحركه صارت هي والجماد ماتفرقهم .................الخوف .....تملكها .........والرهبه سكنتها .....
والأوراق في يدها
.........................
محمد كان مستأذن لانه تعب واجد اليوم حفل وزاره التربيه والتعليم
للتعليم الجديد وتعريف المداراس بالخطه التدريسيه الحديثه فرجع بدري والدكتور نصحه بعد أي مجهود يستريح عشان لايزيد ويأثر عليه اكثــــــر من تعب الى مضاعفات

ولكن شيخه كانت مثل أي لعبه وقفه للحظات عن الحركه
ومازالت
..............واقفه دون كلمه ولاحركه والأوراق مازالت في يدها ........
!!!!!!!!!!!!!!!!!!!
!!!!!!!!!!!!!!!!!!




انتهت في حفظ الله
سبحان الله وبحمده سبحان الله العظيم
طاقمي بشوق انتظركم الى ان نلتقي الأسبوع القادم
دعواتكم احتاجها وفقكم الله دنيا واخره

الأبيات للامانه للشاعر جابر الديحاني
كانت معكم اختكم | نبض ومشــــــــــــــــــاعر

اكششششششششششششخ علي انا اول وحده ارد


بارت غامض ومشوق للي بعده يلموا يالغلا لاعدمناك يارب


قووووووهييييييييد