كاتب الموضوع :
نبض ومشاعر
المنتدى :
الارشيف
لبي قلب راعية الهديه غرقتيني بهداياتس لبي عمرتس جعله طبعتس وحنا ربعتس ونبوض اذا اهديتي الخوالي عمامي اكتبي معه NoOoFY لايضيق صدرها لانهم عينين براس والقابي مرتبطه ببعض
بصراحه اذا قلت لبارت حلو خيال روعه كذبت عليتس لاانه اروع من الروعه واحلا من الحلا خيال قليله بحقه اشبعتين بعلوم نوره وفهاد
وضحتي سالفت هذال
انهيتي سالفت الهنوف وعايلة ال حنان
محمد ومرضه سلمى وردت فعلها
مخططات مبارك الجازي
موقف العجوز من نوره
تدرين من ببدا به نبوض بعجوز قريح ام فهاد يمه يمه يمه منها البنت مابعد وقعت في بيتها خلقت معها المشاكل نعنبو دارتس اخوانها ضافين بناتس الثلاث ماتخفين يطيحون في تبدتس
ماخذتن البنت بشراع ومجداف الله ياخذتس وتريحين البنيات من غثاتس
لاعبتنبتس العجوز ام فالح الاجنبيه وانتي يالامعه وراهاوراها
بتخربين على عيالتس وحريمهم
يالوم اللي يلوم فهاد وهذال يوم مابغو بناتس وانتي امهم
ادواتس الشاعر المقدم فهاد يوم انه عطاتس جوتس وقام يرفعبتس
يومه قال(تهبي تغدي بدالتس مرتي ثم تهبي ) بعد قولتس الخايسه
(الولد لا اعرس غدى ولد المره مهوب ولد امه)
سكتس واللي بالقلب بالقلب يعني ترفيعه ولا هو ولد النوري وابوها واخوانها وزوجها وش عندتس بعد وولدتس ماقعد ذا العمر كله الا عشان عيونها الغوالي حره على قلبتس ولله ان تنجلطين من عشق فهاد النوره
وتموتين قهر اذا بادلته نوره المشاعر
فهاد والنوري قمه قمه في بارت اليوم ولله ولعبت بنوره يافهاد لعب استمري تكفين ينبوض على لعبتس بعصاب النوري لين تنخ وتستسلم لك وتنهار وتعترف على حبها لك تراك يفهاد قاب قوسين او ادنا من اعترافها
بعدين تعالي يارافست النعمه يوم تقولين انا اللي قايله اقعد مامليت منك بغرور وعنجهيه يانرجسيه ايه قايلته وانا اللي سامعتس وانتي تقولينه بعد تنكرين
حتى عيونتس علمت فهاد لبي قلب اللي صايدتس يانوره هو يحصلتس الشاعر المقدم الشيخ فهاد
بعدين تعالي يانبوضه (الكيري والخيار هي جازت الفهاد بدون خبز )
من يوم خلصت البارت وانا رايحه احط لي بصحن كيري وخيار وكلته تصدقون بنات جربوها لذيذه بس ماندري عن فهاد وش رايه
الله ياخذ عمرك ياحميدان انت وحنان وابوحنان وام حنان آمين
وشذا الطق اللي طقيتها انت ماتعرف شي اسمه تفاهم
ليش ماسمعت كلام الهنوف وش عندها مالت عليك بلا مالت يالخايس
والهنوف ليش صرتي ضعيفه فجئه انتي على حق والحق مايضيع ووراه مطالب ليش ماعلمتي المديره وحلفتي كل اللي سمعو وفضحتيها هي وابوها الحرامي
انكسرتي يالهنوف واللي كسرتس زود شوفت سيف لتس وانتي تنضربين وشبيقول عنتس اخوانها بعد ماحكموها وعجزين عنها يالله لابد حقتس تاخذينه ومنير وشعندها بتحرم لبنت من عمتها ترى مشاعل والهنوف روحين في جسد وسعيدان يطاوعتس في تفريق بين اخته وبنته جعل من دقه مع حمد عشان ياخذ منه شوي
سلمى يعمر عيني ياسلمى ولله اني راحمتن حالتس ياقلبي اظهري اللي بخاطرتس لاتضغطين على عمرتس هذال مايستاهلتس بالول وانا اقول مجبور على البنت بفزعه ولا اهلها نخوه ياخذهااو يمكن شافها ولا قدر يبعد عنها لكن اللي صار انها لعانتن فيك يعني تطيع تطيع الشيبان ويوم جت على سلمى عصيتهم رح ياشيخ الله حسيبك
اول وانا اقول يارب تاخذها هي تستاهلك وانت تستاهلها هي حبوبه ولا فيها نجاسه وخبث وانت اسنافي والكل يحبك وفزاع لو ماجاك الا شهادت الشيخ فهاد وحبه وعلاقته فيك والحين لا والف لا ماتستاهلها
بس تدرين وش اتوقع بيطلب ابوسعد من هذال ياخذ سلمى بيوفق هذال ياخذها وهو متاكد انها بترفضه لكن الصدمه بتكون الموافقه وتدرين من بتكون مهمته مهمت فهاد بيقنع عمه بهذال
بس اللي مايعرفه هذال ان حبه السلمى بيسري فيه مثل مسرى الدم بالجسم وراح يذوق الويل منها وبيشوف سلمى غير اللي كان راسمها في باله
اجل الخايس كان ناوي يتزوج سلمى ومعه لمى مالت عليك ولله اللي مالك في الطيب نصيب
يالجازي تراني قلتها لتس في ردي اللي راح ويقوله لتس هالحين لا تاخذتس العزه بالاثم وتشوفين انتس ناقصه عن مبارك عيشي شببتس معه يالخبله ترا توتس يالخبله صغيره والبسي لبس البنات تشببي وغيري لوكتس واذا شفتي ان عند مبارك نيت عرس بعده صفقيني
هذا هم الحريم عزامات ندامات ياصبر قلب مبارك عليتس ولله انتس راس
محمد ربي يعافيك ويخليك الشيخه ونجاح عمليك وخبر حمل شيخه يكون ان شاءالله بيوم واحد عشان تكيدون العزال
من قرايتي للبارت اول مره ولله ماقدرت ارد نبوضه عليتس حسيت كل كلمه بقوله عن البارت قليله في حقه حتى الكلام ضع وقمت اخربط ثم امسح الكلام قلت ماعليه نوفي (خوالي عمامي )اركدي شوي وبعدين ارجعي وفعلن سمعت كلامي وهذاني رجعت وقريت البارت مره ثانيه وبدا الكلام يطلع حبه حبه لين انفكت العقده وجاتس يركض
بارت روعه واروعه منه عودت نبوض للانتظام في تنزيل البارتات
ربنا اغفر لنا ولها وتب عليناوارزقنا نعمة الصحه آمين
ووفقنا الى ماتحب وترضى
|
07-10-09, 12:13 AM
جديد مواضيع قسم الارشيف
العرض العادي
