هلا بك نبوووضه وحشتييينا

بس دايم اقول ان مهما غبتي غياابتس له قيمه ..

بانتظااارتس..

السلام عليكم ورحمة الله وبركاته

صباحكم ومسائكم طاعه وذكر بالله يزين



في يوم جميل اجمل منه انتم وفي اوقات التقيها بكم اتي بصحبتها لانها تحبكم بل تعشقكم وتهوى وصالكم فهي تنتظـــــــــر ريم البنفسج وتنتظــــــــــر زارا
وتشتاق الى فرروحه واميرة الجروح وكل من غاب عنها تتوق الى miss moon_soso فهي تفرح بعوده الجميع تحب وفاء جودي وانين الوتر – تحب طاقمها من الملوسنه الى اوراق الماضي لاخلا ولاعدم كلهم فردا َ فرداً يعلم الله عالم سريرتي اني اكن لكم محبه حروفكم صنعتها واعتذر عن من سقط سهو اً فماانساني الاالشيطان ومحبتكم قطعا لاتحتاج لدليل دعواتي لكم في ظهر الغيب عربون ودادي ومحبتي
وفقكم الله دنيا ودين لكل الارواح المارقه من هنا سوى مشاركه او زائره
من صميمي
احبكم
احبكم
احبكم
اهداء الى خوالي عمامي
نوف بنت نايف
لاخلاولاعدم
ريم البنفسج
عــــــــــــــــودا ً حميدا ً



بدايه العواصف واول التيار

في غرفة المديرة والوضع بلغ من توتره الذروه وخاصه بقلوب البنات -
المديره – يقول انكم قاذفين بنتـــــــــــــــــــــه !!!!!!!!!!!!!!!!!!!!!!!!!!
الهنوف بصوت اقرب للعالي- ايششششششششششششششششششششششش
؟؟؟؟؟؟؟؟؟؟؟؟؟؟؟؟؟؟؟؟
حنان مقاطعه – بنت الحـــــــــــرام ابوها جاء ياخذ حقها
الهنوف تذكرت يوم الحفله يوم ردت على حنان – احسن من مال الحـــــــــــــرام
لان ابو حنان كان ظابط ياخذ الرشاوي من الجنود مقابل اجازاتهم ومقابل ترقياتهم
مشاعل – تكذبين الله لا ................
ابله صفيه مقاطعه – لاتدعين فيه بنات من فصلكم قالوا نهم سامعين الي انقال
الهنوف رجفه سكنت ضلوعها لان السالفه اتضح انه ملفقه – جيبيهم وانا اشوف
اناقلت احسن من مال الحرام .............ماقلت بنت حرام الله يقطعس
حنان تهز كتفها بعدم مبالاه- مالي دخل هذا قوليه للهيئه والشهود تثبت كلامي وانتم دبروها ونسيت اعلمكم ترى القذف له حد وانتم تعديتم ............ وله تعو يض لاني تعرضت لسمعتي في وسط اجتماعي
ابله صفيه – وهي تطالع الهنوف الي دموعها انهمرت – وحتى وان غلطتي عشان يابنتي تأدبين مره ثانيه وتعرفين كيف لاجيتي تكلمين تنقين كلامك بعيد عن أي ماء عكر
وش انتي شايفه الناس عليه – اهلكم له صيت ولا بأيش نافخه ريشك ان كان فيكم ترانا فينا الوزراء وفينا السفراءبعد بس مانطلنا الناس ورميناهم في اعراضهم
المديره – روحي للبنات ابله صفيه بطريقتك كلميهم رافضين يرحون الهيئه والشرطه ويقولون بينكرون لان اهلهم ماهم راعين مشاكل وقولي لهم عقوبة كاتم الشهـــــاده
اخــــــــــــــــــــر شي يتوقعونه ان الامــــــــــــــــــــــور توصل للهيئه او الشرطه
انهارت الهنوف ومشـــــــــــــــاعل بكي والمساعده راحت تدق على اولياء امورهم
وقبل تطلع قالت المديره جهزي اجــــــــــــراءت الفصل من المدرسه واعلان في الاذاعه
بفصلهم لتطاول بالسب ولكلام البذيئ
......................................الامور لم تقف هنا




في البيت جاو اهل العزاء وبعد ماكل راح يريح بعد تعب يوم متواصل من اليل

راحت لجوالها تبي تكلم نوف
شافت رساله من فهاد
خيره من الله التأشيـــــــــره بتأخر يبي لها عشرة ايام واوراق السفاره ماخلصت منها للحين طالبين تقرير عن عملي واجازتي العسكريه بالانجليزي وبطلبه من جهة العمل وبرفعه ويبون تقرير طبي مدري وش فيهم مشددين في الاجـــــراءت بس تعرفين اني شخص ماهوب سهل سفره لاني آآآفــــــــــــــه
يخافون على الاسبانيات منــــــــــــــــــي يهملون عيالهم ويتسابقون علي وانا الي بصراحه خايف على عمــــــــــــــــــري منهم
فتحت عينها اسبانيات
بروووووووووووووووووووووووووووح اسبانيا
وضحكت من كلامه انه آفه وقالت – الي يسمعه يقول انه ابيض ٍ اعطـر ٍ مايتطاول زينه
مادرو انه ابدوي ٍ اسمــــــــــــــر ٍ جاي من اقاصي البر
ويخاف على عمــــــــــــــــره اجل وش نقول عن هذال
نخشه عن العــــــــــــــــــرب – هو الي فتنه ماشالله ماهوب انت ................
انت............................
أنت ..........................
تطور ملحوظ انمحـــى مصطلح – شين االحلايا- النذل – الخـــــــــــــــلال
بقي الاسم .........بتنطقه ولا ترجــــــــــــع لنقطة الصفر ...........



في المدرســـــــــــــه وجو مشحـــــــــــون
الهنوف – قعدو ساعه في الاداره مابين هم وخوف وصلو الريجيل للبوابه من سؤءالحظ مبارك مصاب فماجاء – هذال مستبعد وجواله اصلاً مقفل – ابوسعد يستحيل – حمد كان في الواجـــــــــــــــــــــه
اما مشاعل – سعد كان هو الخيار الوحيد ولما قلت مشاعل عادي ماله داعي تتصلون على البيت اخوها الكبير ابوي
رفضت المديره وقالت ماهيب تحت وصايته لازم ولي امرها اوحد اخوانها الي ساكنه معهم
الهنوف تمش دموعها ومعلمتها فوزه طنشت حصصها وتحاول تصلح الوضع وتكلم ابله صفيه والبنات
مشاعل بخوف وتمسح دموعها – ياويلي من امــــــــــي والله ماتصدق
الهنوف كانت عيونها حمراء لكن ماكانت مثل مشاعل خايفه ومنهاره – وانا وش اقول....؟؟مستدعين حمد ....... حمد .............. ماكنه الا نار الله في ارضه........يامشاعل يذبحني .......والله يذبحني ومن القراده ماطحت الافيه ......حطت يدها على راسها .......يارب استر علينا ولاتفضحنا في خلقك

الوضـــــــــــــــع كان الجحيم بين الرجال وخاصه ان موضوع الخلاف عرض وحرمه من حرمات الله تعالى
((الاان لكل ملك ٍ حمى وحمى الله محـــــــــــارمه)) هذي الجمله الي نطقها ابو حنان
حمد- يارجال تعوذ من الشيطان بناتنا اهل تربيه وبنات ناس متربين لهم وعرب ٍ اسمها يذكر
ابو حنا ن شاط من كلمة حمد وحس انه عشانهم بدو ولهم مكانه لازم يغفر الزله لكنه رد برد اقــــوى – واذ انتم عرب نسكت عن حقنا حتى حنا عرب ولا انتم شايفين عماركم باخر اساميكم تراها ماتشفع لسؤء التربيه
سعد تدارك كلام الرجال - يارجال اذكر الله ماقصده قصده انه لغط نسوان في نسوان وبنات مافي روسهم الا الجهاله
ماندري من الصادق فيهم وماترضى اسم بنتك يروح هناك ولاحنا نرضى لشوفاتنا بعد
ابو حنان – فرق انا راعي حق ومطالب وانتم اهل ذنب وخطيه
حمد داخله يتوعد لها – قل لااله الا الا الله
حتى اهل البنات الي تبون تجرجرونهم بنروح وسط مشاكل اهلهم ماهم راضين يتجرجرون عشان كلمه انقالت مايندرى عنها

في نفس الموقف واطراف مشـــــــــــــــــاركه
ابله صفيه – برضى بشرط تحلف انها ماقالتها وخويتها تحلف انها صادقه بالي سمعته وهذا شرط ابونا ماهوب شرطـــــــي
الهنوف بصوت مبحوح- احلف على المصحف
كلم البواب وعلمهم – قال انتهت السالفه عند الحريم ((يقصدان البنات حلفو )))
استأذن لهم سعد وحمد
استلمو ملفاتهم ودرجاتهم بترسل على المدرسه الجديده بفاكس او يجي احد يستلم الزرف احد اولياهم
وهم وجيهم متنفخه من الحصه الرابعه الى الحصه السابعه وهم في صياح ونياح مره من بنت ابلة حنان الي كانت تبكي من تهزيئ ابله فوزه والمعلمات لانها كبرت السالفه ووصلتها للهيئه والشرطه
وطالبات المدرســــــه مالهم شغل الا المصيبه الي صايره في الااداره وكانو البنات كل شوي طالعه مندوبه للحمام او أي عذر وانتم بكرامه بس عشان تروح تشوف من بعيد وش صاير بالوضع حتى المريضه ماقدرت تروح للاداره تستأذن للخروج من الصوت والزحمة الي فيها وهوا ش مرة صوت الهنوف ومره مشاعل ومره المديره
كانو الطالبات كل وحده تتسم بالشجاعه تمر وتلقط كلمه تزيدها وتفسرها وتنقلها لفصلها _ الفصول الي كانو معلماتها انتظار كانو يروحون يسألون وش الي صاير
مشت الهنوف ووجها متنفخ من البكي ومشاعل مثلها ووقفت قدامهم حنان تمسح دموعها وهي توخر شعرها على ورى- هذي جزات الي يوقف بدربي ويعايرني بأبوي والله ....والله .....لااوصل الامور للعالي لين تأدبين يالمعفنه
اوووووه نسيت اقولس ترى فيه فرق بين مال حرام – وبنت حرام وعرفته اليوم بس .........
تركتها الهنوف وهي فايره يعني محوره الكلام متعمده بس رجعت لفت عليها – والله لاادعي عليس دعوه لاصابتس اتنـــــــــدم اني دعيتها

وراحو يمرون بين الاسياب الي كانت تهتف طلعو ....شوفي الهنوف ........شوفي مشاعل ......ياحرام .........السالفه كايده ..... ومن هذا الكلام
خذو عبايتهم وملفاتهم وطلعووباقي الافادات من درجات نصفيه وغيره قالو خلي احد اولياء الامور ياخذها بزرف ولابيرسلونها بالفاكس على المدرسه الجديده



في بيت ابوفالح -
سلمى بعد ماتروشت طلعت جل وقامت تدهن ايدينها ورقبتها دخلت عليها نوال
نوال تكلم بالمصري – نعيما ً ياقميل ايه الحلو ه دي ياملزلزه انتي
سلمى تبتسم – جعل ماهوب في الذمه ملزلزه مره وحده
سكتو فجــــــــــــــأءه وسلمى تفرك شعرها بالمنشفه تنشفه وتشبك مجفف الشعر قطعتها نوال
نوال – سلمى تصدقين انتي صدمتيني البارح واليوم
سلمى عدم اهتمام –ليه ؟؟
نوال- يعني حنا بنات ونعرف انس تموتين في ترابه ويجيس خبر صاعقه ولاتحركين ساكن
سلمى بتعب تغمض جفونها تستر دموع لاتفضحها- وش المطلوب افصخ برقعي وادوج بالشوارع ؟؟؟؟ولااشقق هدومي ؟؟؟؟؟؟؟ تراه نصيب مالله كتبه وخساره كان في واحد .........
نوال – (( ماهوب كفو ))
سلمى –الي هو انا ماقلت كذا
نوال بعطـــــــف- بس انتي ماعطيتي نفسس فرصه تضيقين ماهوب زين لس
سلمى تضحك – وليــــــــــــــــــه اضيـــــــــــق رجال باعني انشب في حلقه الا خيره قبل مانتدبس واملك عليه
نوال- قسم بالله قاهرتني وش الي موديس لهم كان ودي اقوم عليس واذبحس
سلمى نزلت عود الاذاني من يدها وكملت – شوفي انا رحت لان ابوي يقول مابه نسوان هناك هياء حامل ونوره عروس ومابغوها تروح قلت اروح
وبعدين ترى روحتي عشان ابوي الي كاسر ظهري احسه ضايق ابيه يدري اني مانيب مكسوره والوضع عادي
والمهم والأهم انه يدري اني مانيب ضعيفه ومانيب ملتويه على عمري ابكي عليه
ولاتنسين اني قلت لاابوي بيت عمي ماعادني بطابته ابـــــــــــــــــــــــد

نوال- اف ماعينا من بيت عمي خير ابوي اول يقول لاامي تطلقين وخلس تجنين حصايد ايدس عشانها ماتبي الذل لنا بصراحه يوم كريه ومشــــــــــــؤم
سلمى – اول شي حرام سب الدهر لان الله هو الدهر ثانيأ حتى الصحابه من شدة حرصهم ان اللسان يخطئ فيسب الدهر كانو يخافون يقولون اليوم بارد اوحار واليوم غبره لانهم يخافون يسبون الدهر بجهاله
ثالثا – مقدر ومكتوب وخييييييره
نوال قامت - اعوذ بالله من كل زلل انابروح لاامي
وسلمى تفكر في نفسها ليه ماانيــــــــــح وابكي لان؟؟؟؟؟
طيب شاسوي و القلب لاانتزع من مكانه ماعاد يحس ولاتهتم فيه هو انطعن هو تقطع لانه طلع من مكانه وشلون ا حس بشي (((((مااملـــــــــكه))))))
......................................
حتـــــــــــى القلب ماعدت املكه - حزن ماقدرت احزن- والفرح ماعاد به فرح افرح له- والقلب منزووووووع
العيش وانت مجــــــــرد بدون مشاعر الم واكثـــــــر الألم عندما تفقد ابسط شي وهو التعبيــــــــــــــــــر لكن هيهات فا القلب نزعته كفوف الجروح والصدمه فـأين لها بأحساس الفرح او الحزن وشعـــــــــــــور الفقد يتملكها حقــــــــــــــــــــاً جوفها يعلن عزاء ليس ثلاثه ايام ولكن هو(( الحداد)) الى اشعار اخر
وربما هي ((الخيره)) كما ذكــــــــــــــــرت الافضل النهايه من بداء في امر كانت هذه خاتمته
والأهم ان مظهر التبـــــــــــلد ظهر لمن حولها قـــــــــــوه وصلابه

هـذا وإحنا تو بالحب ابتدينا
.................. خيره ياقلبي من أولها إنتهينا
قلت هذا ما يجي شك إبـ وفاه
.................. شاطر فعلاً على النيّه يجينا
بس ربك قادر يبيّن ويكشف
.................. مهما بالطيبه نوّى يخدع حدينا
الحياه ادروس والدنيا تجارب
.................. والله الي يبتلي وحنا ابتلينا
لاتضايق لا ولا تتعب لي نفسك
.................. ماهي غلطتنا مع العالم وفينا
من زمان وهذي اطباع المحبه
.................. محنا اول ناس عانينا وشقينا
بلغوا ولد الاكابر لاتباه
.................. لو تضيق الدنيا فينا ما شكينا
لو هو كان يحتري بالعين دمعه
.................. بشروه يب يموت وما بكينا
تنشف عروق الكرامه في جسدها
.................. وتشتعل غيره وعنه مادرينا
بس ياقلب لاتميل ولاتزعزع
.................. يكفي إنا بالهوى درس وخذينا

عـــــــــزاء لأشعـــــــــــــــــار اخـــــــــر



كان طول الوقت يحتري متى تطلع من المدرسه -\
دخــــــــــــــــــــــــــــل الحوش وهو يجــــــــــــــر شعـــــــرها – وتسحب شنطتها وتصيح – فككككككككككككني ياحمد اوجعتني .......الله يوفقك مافهمت شي خلللللللللللللللللللني ..............آآآآآآآآآآآآه ............خلني افهم.......ك ....
وعباتها على متنها وطرحتها على راسها وهو يلعن ويسب والشر راكبه ومتلبسه - الله يقطعس فضحتينا الله لايعافيس ... انتي وحده ما عينتي لس والي ....القعده- واخر العنقود- وخلوها
لاحد يقولها شي !!!!
ان هــــــــــــــــــــــــذا هو خرااااابس....................
ترجاه ويدها على يده تحاول تفكها – الله يوفقك حرام................ عليك ياحمد حراااااااام ....................آآآآآآآآآآآآآآآآآه .....وتبكي بوجـــــع وهو ولاهمه
وهو يشد عليها وهي ـ تأوه .........اآآآآآآآآآآآآآآآآآآآآآآآآه ياحمد راسي ذبحتني
وتطيح ويرجع يرفعها ويسحبها من شعرها
في بيت الشعر يحتري احد العيال – يفهم منه وش الي صار وليه سواها هذال وش جاه منا ؟؟؟؟؟؟؟ فجـــــــــــــــــــــــــأه سمع الصـــــــــــــــــراخ
والصيــــــــــــــــــــــــاح
لكن الصوت كان مبحوح و قطعه البكى....... صوتها!!!!!!!!!!
أي بالله انه صوتها هي !!!!!!!! وبكاها شيـــــــــــــــــن ((يذكره يوم جاهم عقب سالفة هذال وشلون بكت قدامه )) ايه يذكرها ويذكر صوتها لان صداه ماغاب
قام على طول لباب بيت الشعروقال بصوت عالي اقرب للصراخ وكتمان الغضب – الله يهديك ياحمـــــــــــــــــد في وجهـــــــــــــــــــــــــي والله ان تخليها
ارخت الطرحه على طول او ماسمعت الي وقف وطلع لهم وعرفته فكها ودخلت تبكي اخر شي تمناه وقفتها ضعيفه قدامه ولا بعد هو الي فكها منه – استحى حمد من سيف ماهوب عشـــــــــــــــــــــان الهنوف استحـــــــــــى يوم تذكر اخوه هذال وش سوى في بيت عمه ودرى ان سيف جاي يستفسر ولاهوب قادر يحتري لين اهله يجووون
دخلت الهنوف على نوره تبكي وشعرها مايل وربطتها على اخره لمتها بخوف وش بلاس تحاكي ؟؟؟؟تنفضها وهي تبكي خافت نوره اكثر الهنوف وجع تحاكي لاتذبحيني ؟؟؟؟؟؟؟
الهنوف ترتعش وكانت تنتفض من شده الضرب وانفاسه متقطعه ومالها الانشيج – حمممممممم......ممممممممد .........ض,,,ض....ضــــــــربني
نوره بخوووووف وروعه – ضربس ليه ؟؟؟
قطعهم حمد وهو داخل- نوره سيف توه جاي..... سوي قهوه وشاهي والتفت على الهنوف ورمى عليها دفترها الي طاح في الحوش وقال ونظره تهديد مرعبه (((حسابنا ماخلص)))
.................................................. .

الكل عرف بسالفه الهنوف وابو سعد - ماحاكى حمد وهاجره وكل كلمه والثانيه هذا وانا حي ذي سواته
ام سعد جات حرب بينها وبين ولدها انتهت بكلمه منها- لاجاو بناتك شيخ فوق راسهم ومن عندي بنت المره مايشاخ عليها اما الاخت توطى نسمتها
(( كنايه ان بنتك ماراح تقول لها شي عشان زوجتك ام الاخت عادي لو تضربها ))
هجدت الامور نسبيا ً في البيت و سجلت الهنوف في مدرسة نوره
اما مشــــــــــــــاعل رفضت منيره وسجلوها في مدرسه ثانيه
نوره اليوم بتروح مع فهاد ثالث ايام زواجها بعد ماهدت الامور جاها وخذاها
انقضت ايام ثقيــــــــــــــــــــله بل متعبه وانتهت ايام العـــــــــــــزاء


الامور يجتاحها هدؤء قاتل
وخوف مرعب
وترقب للمستقبل
وانتظار مميت
لما سيحدث ترتبا ً على ماسبق


بيت ابو فالح الجو فيه روتين والكل يعتصم الصمت والتفكير مستقبلا ً هو الشاغل
والقرار القادم الذي بمثابة القشه التي قصمت ظهر البعير في طور المناقشه
بيت ابو سعد
الجازي ومبارك حاله توتر تشهدها الجازي وفتور اصاب مبارك
فهــــــــــــاد قعد خمس ايام بالفندق مايبي يحسس نوره انه عشان الايام الي قضتها عند اهلها تحرمها مكان العروس فمدد الاقامه خمس ايام وبعدها يروح لجناحه في بيت اهله عشــــــــــان يرتبون اغراضهم للسفره
ايام الفندق كانت عاديه لان سالفة هذال كانت هي الي مسيطرة على الاوضاع وتبعاتها كانت هي المستجده



المرض شديد الوطأة على قلب مثقل دون سند او مراعاه والتعب موهن دون شريك يأخذ بيدك
محمد البارح عجز يرقد وهو يتقلب كتفه ورقبته توجعه وذراعه بعد قام وسحب من البوك كيسه فيها حبوب وتذكر موعده بكره مع الدكتور والموعد الأهم مع اخوه فهاد لانه تعب



في حزة المغرب وصلو البيت
دخلت نوره جناحها تجولت فيه بعباتها استغــــــــــربت من الذوق كله كلايسكي عصري اكسسوارته ارفف جدارايه
الاضـــــــاءه كانت شوي وتوصل الارض دخلت الصاله كان ديكورها وابيض كنب دائري متصل لونه ابيض وعليه مخدات ملونه والتلفزيون كان في الجدار شاشه بلازما وجنبها ارفف جداريه بنفس الوان المخدات فستقي – برتقالي – احمر ازرق –
دخلت المطبخ كان تحضيري لونه اسود وفضـــــــي له طاوله تطل على الصاله لكن مسكر بستاره اذا انفتحت صارالمطبخ مكشوف
دخلت غرفه قريبه من الصاله كانت مكتبه وفيها كمبيوتر مكتبي وطابعه وكتب ومجلات مكتب خشبي وارفف خشبيه كانت عاديه
المقلط كان حاط فيه جلسه والسقف خشب تراثي والجلسه على نظام السدو الاحمر القديم ابتسمت – يازين القهوه هنا بس
وفانوس معلق ومجسم رشاش كان المقلط خيال
فهاد شال الشناط وسكر الباب – عادس بعباتس مافصختيها بس مالومس انبهرتي من الذوق
نوره في نفسها (((يالييييييييييييل مغروووور واجد بعمره ))))
حلو بس المقلط اكثر شي عجبني مع انه تحسه داخل عرض
فهاد بنبره- حلو ..............كل هذا بس......... حلو .........
هذا تجميع الافكار استغرق شهر من التفكير الداؤب والتنفيذ استغرق ثلاثة اشهر ياطويلة العمر
نوره – اهم شي معجبك خلاص
فهاد يغيضه – وانتي صادقه اهم شي يعجبني انــــــــــــــــا
نوره في نفسها (((مغرررررررررور بلعناها بعد اناني )))
راحت لغرفتها كانت من من نفس التصميم الكلايسكي خزانه الملابس كبيره ولونها عنابي والسرير بدون اكسسوارات وشكليات لكن كان مفرشه فخم لونه زهر وعلى الارض قطع مكرونه درجات العنابي وتحت النافذه كرسي كنبه لونها زهر باهت وجنبها طاوله عليها ساعه عنابيها واباجوره اضاتها زهر تحاوطها شموع من درجات العنبابي للموف لزهر ومجسم قلبين في فازى ملونه بالمويه والحبات الزهريه كان كل شي ملفت وانيق حتى حامل الجوال والشاحن على السقف لها مكان
قدام الطاوله صوته خلاها تلف عليه
فهاد شوفي بنروح للرياض وعقب لجده ومنها لمكه ثم رحلة من مطار جده ثم ترانزيت لبرشلونه
بشيك على حساب البنك وبنزل فيه مصاريفنا وبرسل التقارير الطبيه عشان اخلص التأشيره ماقلت لس العرب مايبوني اســـــــــــــــــــاآآآآآآآآآآآآآآآآآآآآآآآفر وغمز بعينه وطلع
نوره في حيرة لكن حتى فالح كان تعامله معها ماهوب ردي بس طلقها حتى فهاد يمكن يوصلها للسماء ومتى مابردت كبده طلقني ولابعد فهاد مبطي من النسوان يعني كل ذا الدبكه عشان عمره واحد مثله بسوي كذى واكثـــــر
انتبهي يانوره تصيرين مثل النسوان الي تطير في عجة الرجال يميسها بحلم ويقومها بكابوس ايه كابوس مثل كابوس فالح
وليه فالح كابوس ؟؟؟؟؟
لابس....... تخليه عني ببساطه عمري ماحسيت اني عنده مهمه هواشه عشان بنت خالته وبعدين يعتذر ترجاي له لاياخذها ويشمت فيني من حكى



و للاسف هناك اشخاص غير مرحبين بنوره
ام فهــــــــــــــــاد تكلم ام فالح – جات الله لايجيبها بخيرهي واخوها بسلامة فهاد دونها
ام فالح – هي جات اجل ابشري بالحلف خوات وتجمعو الله يعينس
ام فهاد – تجمعو لاماتجمعو الله يفرقهم قليلات البركه عيالي مانيب قاعده على رجاهم بس انتم اصملــــــــو على ماقلت لس
.........................................
؟؟؟؟؟؟؟؟؟
في غرفتهم
اماني – قسم بالله نذاله والحين يسير ويروح ويجي وبكره لاخطب محد يرده ولاكأنه سوى شي الله ياخذه
فالح – دايم اقول لاابوي فكنا من عماني يايبه ماهم راعين منفعه دايم ينظرون لنا نظره ان حنا ماهوب منهم حنا عيال الاجنبيه ونسابه الاجناب يايبه ناس متخلفه لكن ابوي يردد اخواني اخواني لاشانت دنياي عنزولي
اماني – اول عنزهم وسندهم نوال وثانيه سلمى
فالح ضاق من احوالهم فكان الصمت جوابه
هناك نوع من النساء وربما نكون من بينهم حين حدوث المصيبه يجعل الشتائم تذهب للطرف الاخر بحكم حبنا لمن امامنا وحتى يشعر ان نحن نشعر به وفي صفه ولكن لانفطن ان كلماتنا التي نعتبرها مواساه وان سبنا سوف يشعره بالمسانده
ماهي الاحطب يتقد بها حقد من امامنا تحريض على مالايحمد عقباه



هياء- حمد حرام عليك
حمد – حرمت عليس عيشتس زين تستاهل وعادني ريض بها توها ماشافت شي والله
هياء- تفشلها وتقول ريض ضاربها وتقول ريض على الطالعه والنازله هواش وتقول ريض (( اتق الله وخافه ))
حمد- وهي ليه مااتقت الله في لسانها ولاتجيب لي حكي بنات (.....).وتقولين خاف الله
هياء قامت – مادامك ماخفت الله في الفاظك انت لاتلومها بنات ( .....).
كلمه سوقيه ومبتذله وان كان فيه صنف كذى فحنا مانطلقه عليه الاننصحه ماهوب نتعيربه نسأل الله السلامه
الفراغ اعتذر لااكماله احتراماً لمسامعكم وابصاركم عن كل بذيئ من لعن وسب وكلمات سيئه
حمد قام يتحلطم عليها ويرمي عليها من كلام وهياء تلتزم الصمت في الي الله ابتلاها به لكنها
تحبه حد الجنون فاي صبر تتسلح تلك الفتاه امام كلماته المدميه
ومن أي حلم ٍ تجلبه او تشتريه امام صراخ زوجها اومام شتائمه



في شقتها لابسه جلابيه زهر وموف والتطريز كان بنفسجي غامق على طول الجلابيه وفاكه شعرها وحاطته على جنب ومكياج خفيف
في المطبخ استغربت لقت كيري اهااااا اجل الوصفه والوجبه السحريه
جبن كيري وقطع خيار وكوب شاي كانت هذه وجبه تنافس احسن وجبات المطاعم
عند نوره
سمعت صوت السلام الملكي لهتلر طالع من التلفزيون وكان سلام يحكي العظمه وكان سلامه يبث الرعب كشخصه في قلوب من يسمعه كان سلام يؤذن بمقدم شخص له مكانه مخيفه
طلعت تفرج وفهاد كان الاندماج وصل الى ذروته ولكن سحر الانجذاب للي موقفه متكيه على طرف الباب كــــــــــان اقوى الا كان كفيل بأحضار حواسه كافه لها ولو كانت خلف سور الصين العظيم كان حضورها يطغى على كل شي فيه فينسى كل شي قدامه
التفت بعد لحظات تحت قناع انه مادرى بوجودها حب غريب لكنهم اهل الصحراء يبلغ العشق مبلغه فلا يبين ويدمي قلوبهم بسهامه ولا يشكون ويقطع شراينهم ولا يدمعون – من متى وانتي هنا ؟؟؟؟؟؟؟؟؟
تعدلت في وقفتها وردت بحياء- من شوي
فهاد يأشر تعالي وعينه على التلفزيون
نوره– طيب بطفي النار وبغطي النعمه
فهاد – زلي الي على النار في دفايه وجيبها سوى قهوه ولاشاهي والنعمه هاتيها تراني على وشك جوع
نوره تورطت – وش اقوله يافضحي انا وش الي كان ناقصني غير احراج قدامه
طولت بالمطبخ وش اقول له هذي هي النعمه يحسبها فطاير حلا والتاليه جبن وخيار
فهاد نوووووره وين غديتي
صبت الشاهي في كوبين فخار كانت معلقه قدامها وجابت جبن كيري وكان مقطع لثلاث قطع ومزين بشرائح خيار ونزلته
طالعها بأستغراب – مافيه خبز
نوره بحرج خلا اذانيها تصتبغ بصبغتها المعروفه – لا هو ينوكل كذى
فهاد حب يحرجها زياده- اولا ً فيه خبز ثانيـــاً هو ماينوكل كذى انتـــــــي تاكلينه كذى
!!!!!!!!!!!!!!!!!!!!!!!!!!!!!!!!!!!!!
نوره بحرج قاتل وثقه مزيفه امام حضوره الكاسح – اولا ً مافتشت المطبخ ثانياً كل الطرق تؤدي الى روما وتكلمت بهدوء ونعوووومه - هماه بيروح للبطن مافيه مشكله (( ومالت براسه علامه الوضع مافيه أي مشكله))
ضحك فهاد على جنب لانها كانت تكلم وكأن سيف مسلط عليها – قصدك هماه يروح للبطن ماهوب مشكله يدقها كعابي ولا سفري
نوره ضحكت - اتفقنا اجل
فهاد يرفع الكيري لفمه – لااااااااااااااا مااتفقنا ماهوب قبل مااذوقه...............




في نفس البيــــــــــــــت وفي جناح محمد للاسف صار الي مابغاه يصير وصدق الشي الي تخفيه مرده يطلع برضاك ........او تظهره الايام
محمد ياخذ الزروف من الدرج الي تحت ومعه اراق عليها ختم وزارة التربيه والتعليم عشان ماتشك شيخه فيه وقفت على راسه ومعها شماغه قام لها ووقف – وش العشى اليله ؟؟؟؟؟؟؟؟؟؟
شيخه تمسك شماغه – العشاء هنا مابه عشاء خفايف ومقالي لان تحت فيه ذبيحه لفهاد ونوره فأكيد بنزل تحت
محمد – طيب لاتحطين لي مقالي الدجاج والبطاطس الي بتقلينه لي حطيه في مرقه
والذبيحه كلها دســـــم والدهن مامنه خير
شيخه بأاستغراب – محمد دافع البلا وش جايك ؟؟؟؟؟
محمد – جايتني العافيه الدسم والدهن مامنه خير وش فيس انتي ؟؟؟؟
(( الدكتور محذر محمد عن الدهنيات لانها ترفع نسبة الدهن ومحمد كان جــــــــثه طويل وعريض وسمنته تزيد من تصلب الشرايين التاجيه هي الي جابت له الذبحه لان الشرايين ماعاد ضخت الدم للقلب بالكميات المطلوبه والدهون تزيد من التصلب
شيخه – العافيه دوم يارب مع ان حالك موجعني ضاعف ولا عاد تاكل ودايم تهوجس---- سم شماغك جعلني قبلك
محمد – لحظه شيوخ امسكي الشماغ خلني اشوف الاوراق
و بثقه يتفحص الاوراق يعني شوفي الاوراق الي تقولين ليه دايم اقفل عليها كلها حقت المدرسه والرئاسه ((((لكن دوره ماظبط))) لانه وهو يفرفر الاوراق طاح الزرف وانكبت الاوراق الاصليه والتقرير للمستشفى الا لماني وسعد الطبي بعد تحويله
.................................................. ...............
!!!!!!!!!!!!!!!!!!!!!
تلقائيا نزلت شيخه تلمها الاوصرختـــــــــــــــــه وهي جالسه تخترق طبلة اذنها – خليها وقوووووومي .......فارقيـــــــــــــــــني
ماكان منها الاان طاحت على ظهرها من خوفها منه وحطت يدها على صدرها علامة الرعب
شيخه تدمع وبصوت باكي – وش بلاك روعتني وش سويت لك ؟؟؟
وش فيك علي مانتب صاحـــــــــــــــــــي ؟؟؟؟؟؟؟؟؟؟؟

نزل يلم الاوراق لكن ((بصرها)) ماكان بهذا الغباء حتى لا يفطن بين اوراق المستشفى واوراق الرئاسه العامه لتعليم ماكانت ((غبيه)) الى حد عدم تمييز بين تقاير المستشفى...... وبين توصيات وزارة التربيه والتعليم..... ماكانت عمياء حتى تجهل شعار الــــــــــوزاره وشعار.... الصـــــــــحه
بالعربي الفصيـــــــــــــــــح اكتشفت امــــــــــــــــــره
!!!!!!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!!!!!!!



فهاد عند امه يسلم عليها
ام فهاد – توك تجي متعديني والحين تنشد
فهاد بهم مخفي- يمه نفداس مريت البيت الداخلي مالقيتس ومادريت انس في دوره المياه الله يجلس ويكرمس
ام فهاد بصوت حاد – حتى العروس ماجات تسلم ؟؟؟؟؟
فهاد بحرج – الا جات ومالقتس ....و بتسلم عليس
رفعت صوتها - اسمع بعذرك لكن تغطي عليها لا مانيب عاذرتك
فهاد – يايمه تكفين هدي واذكري ربس تراني وجعان
ام فهاد – وجعان من حكيي بس هي جعل والدي في الجنه لا مانتب وجعان منها
واكملت بنبرة انكسار ترو ض فهاد دائما فاامه ضعفه الي دايم يلوي ذراعه
وكملت بنفس النبره
(( صادق من قال الرجال لا اعرس غدى ولد المره ماهوب ولد امه ))
فهــــــــــاد- تهبــــــــــــى تغدي بدالس مرتي ثم تهبى
هل الصدف تخدمها.... والحظ يهدمها.... ولا القدر يكتبها مرة ثانيه
نوره بالم وهم لم تعد تحتمله واقصى ماتتمنى ان تنقضي ايامها هنا وبس – اهبى واهبى يافهاد كاني خبل ولاتبعتك
دخلت هاديه خارجيا ً كمظهر ومكسوره داخليا ً – السلام عليكم
فهاد تهلل وجهه يوم جات تسلم على امه قبل يدعيها – شفتي يام فهاد جاتس من راسها تسلم
نوره حبت راس عمتها وشافت فهاد يشيل الخداديات الي جنبه عشان تجلس جنبه لكن طنشته وهي تقول في نفسها 00وقح ومغررووووور وش يبي بالظبط يسب وبعد يبيني اقعد جنبه
!!!!!!!!!!!!!!!!!!!!!!
يسبني في قفاي ولاجيت تراحيب وش يبي يوصل له هذااكيد مريض نفسي ؟؟؟؟
ام فهاد بشين نفس – وش حال امس واخوانس وبوس وخواتس
نوره – كلهم طيبين يسلمون عليس
ام فهاد – ماجيت امس ولاسلمت عليها عقب الي صار
نوره – سابقه ووجبس واصل ياعمه نفداس
ام فهاد تكلم وكن النسم ضاق – تعذري لي من امس ماجا الوقت اروح لها ولا تهيات االامور جيت وقامت منهم لان جارتهم جات
نوره في خاطرها – ام فالح في اعسر الاوقات تهياء الامور حتى تالي الليل تجي الاوقات لكن حنا ماتهيا الامور الله يسامحس ياعمه
فهاد مال لنوره – لبى العرب الي يسلمون
نوره بملل- عشان مقدارها ومكانها
فهاد- ادين لس بمعروف لانس انقذتيني كنت في حالة دفاع عنس
نوره تشوف عمتها قفت ورفعت حاجبها وهي مبتسمه سخريه – ماشالله وان شالله دافعت ؟؟؟؟؟؟؟؟؟؟
فهاد رجع على ورى – جيتي و جبتي الدليل فاانتصرنا
نوره – ماشالله شكل دفاعك مستميت عنا!!!!!!!!!
فهاد يتكي بثقه وهويمسح شعره – كنس تشوفيني
نوره بنظره مافهمها فهاد- مايحتاج اشوف كلشي واااااااااااااااااضح كثر االله خيرك بس لاعاد تدافع عنا
فهاد بااستغرب وهومبتسم – ليه الاوامــــــــــر ان شالله
نوره وبنظره – عشـــــــــــــان مانكلف عليك
ابتسم فهاد لها ابتسامه مبهمه تنهي الحوار الي كان واضح انه لو استمر سينتهي به الى قنابل تفجر اوردته وتنزف شراينه فكان سد الذريعه اولى وسد الباب افضل فالعواقب معها دايم وخيمه لانها

ماتفهم الى أي حـــــــــــــــــــــــــــــــــــــد يعشقها
والى أي حد كلماتها سكاكين
لشخص مثله



قامت شيخه وتتظاهر بأنها لم تنتبه للاوراق المشؤمه مادام انه مايبيها ومثلت مايرضيه هو منها يرضى ومنها تكتشف بعدين وش اوراقه ً والي تخفيه
شيخــــــــــــه خافت يكون الشي كايد وسكنها شبح الخوف عليه -ليه يخفيها اذا هو ماهوب كايد ؟؟؟؟؟؟؟؟؟؟؟
ولوانه كايد علمنا ولا قال لنا ؟؟؟؟؟؟؟؟؟



الهنوف نفسيتها اسؤء من سيئه مشاعل ماجاتها من كم يوم ولاتقعد معهم على سفرة وكان كل شي يهون ولامنظرها قدام سيف كانت تمنى لو ماتت ولا شافها وش بيقول ؟ونوره ماهيب فيه يعني وضعها كان اكتئاب
الهنوف مع امها في غرفتها وتصفط شيال امها وبراقعها والمسجل يشتغل على سورة البقره
دخل حمد وسلم على امه وردت – وش تبي بعد جاي تبي تضربها عندي
تعبرت الهنوف من الضعف الي سكنها فجاءه
حمد – الله يهديس يايمه وش بلاس ماترقدينها الامعس كنها بزر
ام سعد- حمد فارقني في ارض الله لاترفع سكري
حمد – الحين تحمسين علي من جهه والشايب من جهه عشان الحق
ام سعد – هذا وانت معنا اجل الاجنبي وش بيقول – الهنوف لسانها طويل من شطانة بنات ايه بس ماهيب بنت قليلة تربيه ولاهيب تبلاء على خلقه وامس علي
حمد- ماشالله ولسانها طويل فضيله ؟؟؟؟؟؟ يعني لسانها طويل بيرق لها ولا سناعه
ام سعد – وسعني في ارض الله مافي الخاطر ماهوب وسيع

طلع حمد وهو معصب وضارب اخره و يضرب بالبيبان ويصيح
- هيــــــــــــــــــــــــاء جعل مابه هياء ولانســــــــــــــــــوان
(( يدعي عليها ))

جاته هياء كالعاده يفرغ فيها الي في راسه ويهاوشها على ذرة الغبره الطايره
واذا مالقى شي يهاوش فيه نبــــــــــش في سوالف قديمه عشان بس يلقى حجه يفرغ بها الي في خاطره
حمـــــــــــــــــد عصبي وزاد من ذا جيت سيف الي مالقى لولد عمه جواب او تبرير للي سواه اخوه



هذال كان اغلب الوقت غايب عن البيت تو العزاء منتهي فكان منبين اهله وبيت اهل مرته
هذال داق على فهاد يكلمه – هلا والله باابو ســـــــــــــــــــــالم
فهاد – ارحب ملاييين
هذال – ياخي اعرست وغطست
فهــــاد – شفت اختك وش سواياها ماغيـــــــــــر كل ماطلعت لا تطلع خلك معي ... ماشبعت منك ....ومن دلع النسوان
ضحك هذال – الله يتم عليكم وانت ماشالله الاومر تستقبلها
ضحك فهاد – اشكو لله روضتني اختك
نورررررره فاتحه عينه وماهيب مصدقه يكذب عيني عينك
مغرور واناني و منااااااافق وكذاااااااااااااااااااااااب بعد
فهاد اتفق مع هذال يجيه في بيت ابو عادل بعيد عن الاهل وعن أي احد
وسكر منه وكان فهاد يحتري هذال يرتاح بعد العزاء ويقول له من نفسه وماهوب مثل الي حوله كلهم يسالونه ولايلقون جواب
سكر فهاد وفي راسه مليون طاري وطاري وقطعت عليه نوره
نوره عاقده حواجبها – ليه تقول كذا ؟؟؟؟؟؟؟؟
فهاد – عشان يتطمنون ويقولون مرتاحين ولاناسيه الفلم الي سويتيه في الخطبه والملكه وتنويمس في المستشفى كلهم يدرون يالشيخه انس ماخذتني غصايب واكيد يفكرون بس وبو ضعس
فهاد قدر يقلب الطاوله عليها
نوره – اييييييييش يتطمنون تحرجني وتفشلني (اجل انا) اقول اقعد ماشبعت منك ؟؟!!
فهاد ضاق من كلمتها ((أجل انا )) لكن رد بثبات وكنه ماانوجع - ايه ... انتي وليه ماهوب انتي ..وش ذا النرجسيه الي عايشه فيها المفروض تقولين اجل انا اخذ حضرة المقدم هو يحصل لي اجل انا اخذ الشاعر فهاد بن سالم هو انا اطوله
نوره ووجها كله علامة استفهام – وليه انشــــــــــــاالله اقول كذى
فهاد يغايضها – لانه الصـــــــــــــدق جعلني فداس
في خاطرس تقولين كذى بس ماتطلعين
نوره بصوت متنرفز وبربكه خفيفه لقطها فهاد – لا والله وشلون عرفت انه الصدق ؟؟
فهــــــــــــــــاد بخبث- واذ قلت توعديني تقولين الصحيح
نوره- وش اقولك ؟؟؟
فهاد – اذا قلت وشلون عرفت انه الصدق وانه الي في خاطرس ؟؟ تعترفين انه هو
نوره – اها كمل
فهاد- من عيــــــــــــــــــــــونس
نوررره بربكه وضحت بقوه – ترى تلوع كبدي
فهاد قرب لها ومسك ذقنها – انتي وحده ممثله ولو عندي جائزه الاوسكار عطيتها لا ابرع ممثله وحبيت خدها ((( وحب خدها ))
وسلمتها الدرع وقلت الف مبــــــــــــــــــــروك انتي اكبر نصاااااااااابه
وراح منها وهو يدري انه خلاها وراه مبعثره
ويلوم نفسه هو صدق يافهاد نوره تبيك....متأكد ولابس تغيضها مثل ماتغيضك واخذ شماغه وهو يغمض عيونه ويقول __ تخيل ...عادي
لو اتخيل انها تبيك وعيش عمرك انها تبيك ......لو تكذب شعورها وتقول انتي تبيني ..........
!!!!!!!!!!!!!!!
نوره في حاله تخبط ماهيب مصدقه الي صار ا والي سمعته تحس ان كل شي فيها ساكن ماهيب قادره تستوعب أي شي وشلون يحب خدي واكبر نصابه..........وشلون عرف ....وشلون قدر يخترق قلبي ويعرف خافيه وانا امن داخلي ابيه .........انا ..........انا ........للحين احبه
مستحيييييييييييل وشلون وكم سنه وانا نسيته ولا له حب .....ولو كان له خلاص ولى ... وراح
وحتى وان كان حب رااااااااح وش ذا الحب الي يجيني الحين في اسبوع ........وش ذا الحب الي يجي فجــــــــــــــــــأءه .................معقووووووووووووووووله
لااااااااااااااااااااااااااااااا.................. ............. هذا حب ماهوب مجرد غلا موده
تعرفيييييييييييييييييييين وش معنى حب يانوره

يعنـــــــــــــــــــــــي انا طول السنوات الي راحت ماكرهته رغم كل الي يجي منه
يعني انا للحــــــــــــــــــــــــــين احبه ...........................ولا قد مات حبه
.........................وعت على صدمه ...............خلتها ماتصدق نفسها
واي شعور يجتاحك يخليك مانتب واثق من نفسك ولامصدقها يخلي كل نبض فيك يخفت ويجيب دموعك من اقصى محاجرها ويزلزل كيانك لانك اكتشفت
(((((انـــــــــــــــــــــــــك تكــــــــــــــــــــــــــذب على نفســـــــــــــــــــك )))
فماكان منها الا ان شافت نفسها في مراية الطاوله الي قدامها وبكت وبكت لانها كانت تخدع نفسها

خبـــــرتو واحد ٍ يبكـــي على واحد ٍ يبكيه
وخبرتو سجيـــــــــــــــــن ٍ مايبغي افراجه
احبه ولاابغضــــــــــــته على شي ٍ يسـويه
ولازالت ارقاب الرجـــــــــاء فيه منــعاجه



في استراحة الانتظار كان يفكر وش يقول لفهاد لارجع من سفرته وش يمهد له والي خلاه مصر على موقفه فهاد بيعين ويعاون شديد من عاده صغير بس شيخه بينكد عليها يكفي كلام جماعتنا انها ماجابت احد للحين ولو دروبي يقولون تبي تذبحه وهي ماورثته احد اووووه امك يامحمد والله ان تسكن ضلوعها حزن يحاسبك الله عليه ودون كل شي
وش بتسوي بشيخه
محمد سالم ال .... كان اسمه من اليوم يتنادى ولكن الهواجيس اخذت فكره بعيد رد باارتباك وابتسامه هاديه – موجود




في المجلس الاثنين سوى واخيرا ً –
هذال هات فنجال يابو سالم
فهاد هز الفنجــــــــــال لهذال ومده – اكرم لاهنت
هذال نزل فنجاله وتكلم – بقولك كل شي يافهاد قبل العرب علهم لاقامو علي تعين وتعاون وتعلمهم دامك الي لك شور عندهم ولاتحاكيت يسمعون لك
فهاد تراكى – ابشر دامك لاظلمت ولا اخطيت
هذا تنهد ونزل شماغه بطاقيته – اسمع انا واحد ماابي اتزوج بنت عمي ناصر
وانت خابر
فهاد – الله الله لكن ماتبيها ماهوب معناته تزوج من وراهم ومن دون علمهم
هذال – اذكر الله يارجال
فهاد – الا اله الا الله حق
هذال – ابو عادل يشتغل في محل جولات وجاء مره دخلت المحــــــــــــل عشان جوالي لعبت به بنت سعد الدانه وصار يتصل من نفسه ويعلق قلت اصلحه ولا ابيعه
الا وذاك الشايب الي يكلم الرجال وكنه يترجاه وراح هذال يتكلم بعفويه كن الموقف ينعاد وفهاد منصت مره يرفع حاجبه ومره يتغير وجهه علامة الاستفهام وهذال يفهم فيوضح اكثر له
هذال يتجول في المحــــــــــــــل وعلا صوت الشايب الي شافه مكسور من دخل – الله يخليك ويحفظ طالبك تمدد
الرجال – قلت لك مانيب ماخذها سبيه وانســـــــــــى الدين
ابو عادل – انت رجال طيب ومامثلك بس مابيها بيوم تقول ابوي باعني
انا اشتغل شغلتين عشان اعزهم وعلى اخر عمري بعد ذا الشقاء اذلهم طالبك ياولدي طالبك
الرجال – الظاهر انت الي ماتبي تعاون الحين بساعدك معيي وش تبيع وتشتري
قلت لك مرررررررررررررررتي على سنة الله ورسوله ولا تبطر على النعمه يابو عادل
طلع ابو عادل من محل المحاسب وحب يد الرجال – وبكى الله يبيحك لا انسجن محد خاطبها ولا ابي ابيعها وانا الي طول عمري انذل عشانهم
هذال شاااااااف الموقف ماتحمل شايب يبكي ويحب يد رجل من عمره طاااااااار له ودفه مع كتفه لين طاح شماغه وصاح به – الله لايحشـــــــــــمك والله لا يعز من حالك شايب تخليه يحب يدك ويبكي عليها وهو في حسبة ابو ك يالخاســــــــــــــــــي
الرجال – وش دخلك ؟؟؟ لا ادق الحين على الشرطه متهجم في محــــــــــــــــــــلي
؟؟؟؟؟؟؟؟؟؟؟؟؟
هذال – محلك جعله للحريقه وافصله بعد – الله لايكثر خيرك تبي تذله عشان كم ريال عندك شايب لاحطيت له مقدار وحشمه
الرجال بضحكه – اوووووه فزعه يالحبيب اجل انفذ من ذراعك ومد ماهوب هياط وبس
هذال رفع راسه وكنه رجع من الموقف – طلعت كل الي في بوكي وضربت به على الطاوله وماتجي والله العالم حدود الفين يافهاد
لكن الرجال قعد يتبسم وقال الباقي – استغربت !!!!!!!!! وقلت كم ؟؟؟؟؟؟؟؟؟
قال –300الف يالطيب والمعروف مايثمر بصاحبه مسكنه بيت شعبي و
مشغله عندي والتاليه معيي يزوجني
هذال – ابتلشت يافهاد ثلاث ميه الف يعني بجرد كل الي في الصرافه
لكن مابه غيرها والله يعوض
عطيته الحساب وقلت ماهوب مشتغل عندك وعطيت الشايب كرتي يجي المعارض ندور له شغله
فهاد – حسبي الله على الرخمه من الريجيل لاتفضل يذلك ويخلي المعروف منه يكسرها بك يقطع دابر الرخمه
هذال – كنك تشوف يافهاد والله اني ماهقيت ا ن به اوادم فيهم خسه مثله عشانه تفضل عليه يهينه ويخليه يدنق عليه يحب يده ويبكي
فهاد- ماهوب رابح ياخوك قطعها من الثنتين لا فضل وخير من ابو عادل عينه ولقاه ولحق عطاياه منه ولابه اجر نسأل الله السلامه
هذال كمل – دق علي ابو عادل وعزمني وقال عينت شغل وشغل المعارض ماافهم فيه الحمدالله المحل الي جنبه وضفني والله يجزاك خير وام عادل تبي تسلم عليك والجماعه يدعون لك
تقهويت عنده يمكن ثلاث مرات لين جاء ذاك اليوم الي طردني فيه ابوي من المعارض عشاني حاكيته في بنت نسيب عمي فالح
ورفع صوته علي اول مره في حياته ولا انسى ذاك اليوم –
ابو سعد- انت صاحي – تبي تفضحني في عمك – تبي تفشلنا في العرب يعني بنتعدى بنتك ياخوي عشان انخطب بنت نسيبك هذا الي تبيني اقوله !!!؟؟؟؟؟؟
هذال – يايبه لاتقول كذى انا قلت نتعذر لابو فالح وعقب نروح للدمام نخطب
ابو سعد – وابو فالح عمك وبنته وش هم ماتحاكى ؟؟؟
صوره نتعدهم وليته لاجنا ب الا لنسابتهم
هذال بصوت معصب – يايبه انا مانيب بنت تغصبني طعتك يايبه في كل شي حتى في دراستي قلت ادخل علمي ياهذال وبيض وجهي ماهوب مثل اخوانك ادبي قلت ابشر يايبه ماعليه تامر قلت ادخل العسكريه قلنا يابيه ابي حاسب وبرمجه ووظيفتها زينه قلت لا ادخل العسكريه قلت ماعلي رضى ابوك ياهذال وعقبها ادخل دوره وبشهادتها توظفت ودخلت كليه الملك خالد عسكري بوظيفة مبرمج معلومات وكن دراستي العسكريه هباء لاني توظفت بتخصصي الي اهتويه كله عشان خاطرك قلت بفتح محل اجهزه وبرمجه قلت خلك في المعارض يميني وسندي وخلك من الأجهزه الي مايشتغلها الاعمال وهنود وقلنا ابوي وماعليه والحيـــــــــــــــن في عيشتي تبي تمشيني خاف الله فيني ماابيها بنت عمي الله يستر عليها ماابيها
.....................................
ابوسعد ارتفع معه الظغط ووقف وهويأشر للباب وبصوت عالي– اطلع برى ولا اشوفك في المعارض الا لين تملك ولا تجلس معي بلحالك ولاتحاكيني لين ترضيني بررررى ولا اشــــــــــــــــوفك ولاتجلس معي
فهاد- كنت اشوفك ماتقعد معه بلحالك
هذال عقبها جاني علم ان البنت كانت مخطوبه ذيك الفتره وعقبها تملكت يعني لو اني خاطبها من زمان كان الله يمكن كاتب لي بها نصيب
ضقت من عمري يعني الي اختارها مالله كتبها والي ماابيها القدر لي كاتبها رحت طوالي لابو عادل
وخطبت عنده ابي اعيش عيشه اختارها انا وماكنت ناوي اخلي سلمى كنت باخذها عشان ابوي وعقب اعلمهم ا ني متزوج
لكن بنت ابو عـــــــــــــــــادل كانت ذكيه شكت اني متفضل عليهم وماخذها عشانهم ضعوف ولا ماخذهم عشاني راع فضل عليها واصير مثل خويهم الاول فرفضت اول مابه
– وقلت ميد ابوها هو نصيب ولا الله كاتبه والله يكتب الي فيه الخير عقبها بمده الا ياطويل العمر يدق ابو عادل ويقول موافقين وعقبها اخذتها وعرفت ليه رفضت اول ماخطبتها ولا العرس ناويه ناويه
هي وافقت ولا غيرها
فهاد- سبحان الله تبي تمشي على هواك ويسيرك ربي على مايبي
هذال – والنعم بالله صادق اخترت بنت نسيب عمي والله مااختارها لي وبنت عمي ناصر اختارها القدر وانا مااخترتها وبنت ابو عادل اخترتها والقدر اخــــــــــــتارها
يافهاد ذي عيشه مابي يعيشوني عيشه مابيه مايكفي يختارون مستقبلي بعد ام عيالي وشريكتي انا الي بقابلها انا الي بعيش معها ماهوب هم وحكم بحكم ماجابه الله ورسوله
حتى العذراى ماتغصب على العرررررس افهم الله ماعطاني ودها انت بنفسك ماغصبت على نوال ليه
سكت فهــــــــــــــــــاد وقال انا ماحجرتها
علا صوت هذال – وانا محجرتها هم الي حجرو هم يتحملون هم خطاياهم وان كان لي خطيه يغفرونها لي سنين يافهاد وانت خابرني لاقالو شي قلت ابشرو امرو ولو على حساب عمري والحين يوم جيت بختار عيشتي قبو علي وحتى وان خطيت كل الي سويته قبل رااااااااااح ,..............رااااااااح يافهاد
فهاد كل شي بيزين ياهذال بس بسألك لو الوضع بيتصلح في عرسك من بيت عمي ناصر بتاخذها
!!!!!!!!!!!!!!!!!!!!!!!!!
؟؟؟؟؟؟؟؟؟؟؟؟؟؟؟؟؟؟؟؟
هذال كان اكثر ذكاء بجوابه - هذاك اول اما الحين الخيار طلع من ايدي هـــــــــــــم اذا خطبنا بيرضووووووووووون
!!!!!!!!!!!!!!!!!!!!!!!!!!!!!
لافهاد اخذ جواب
ولاهذال طلع بجواب
!!!!.................




كانت فحصوصات محمد اليوم اكثر دقه حقن الدكتور محمد بماده مشعه اسمها
الثالييوم 201بعد ان قام محمد بمجهود وهو المشي والحركه الاقرب للرياضه وتم يتصوير القلب بالاشعه بعدها باربع ساعات طلب الدكتور من محمد القيام بمجهود فعجز عنه فحقنه بالماه المشعه وتم وضع التخطيط مره ثانيه
بعد ماارتاح محمد ورجع له الدكتور
محمد يزر ثوبه والتعب واضح عليه ويمسك كتفه من الالم
مسك التقرير الدكتور والاشعه بيده
واصبحت العلاقه اقرب من طبيب ومريض الى صديق والطبيب الناجح هو الي يقر يبني هذا الجسر وخاصه في حالات حرجه
الدكتور وهو يقلب ملف محمد وويخفي توتره من النتيجه – اقول محمد ليه ولامره شفت معك احد؟؟؟؟ ولا مره مثلا جاء معك احد يسأل عنك مثل كل المرضى ؟؟؟؟ ليه يوم تنومت ماحد زارك ومثلك عارف مدير مدرسه المفروض الزيارت كثير ه ان كانت محبه ولامجامله عمل
؟؟؟؟؟؟؟؟؟
محمد يعدل زرار ثوبه مبتسم ويعدل شماغه على ورى – ابد يادكتور ماودي بالازعاجات وربكة العرب شينه حتى تزيد ما تطمن
الدكتور- حتى لو ربكة العرب شينه مثل ماتقول بس الوحده تقتل وعندنا في الطب العلاج قبل كل شي نفسي ودايم نقول خنجر الروح الوحده
محمد – بقول لك دامك داري بالبير وغطا ه انا يادكتور مرتي ماالله رزقني منها بعيال ودون ذا كله هشه يعني ماهيب من الحريم الي بتقول بتشد ظهرك وابتسم ابتسامة سخريه - الا بينكسر ظهرها وصغيره ماهيب كبيره تحمل ومرتي لها مكانه ومثلك لاعرفو الي حوي بيظغطون علي اتزوج واجيب احد يشيل اسمي وانا مالي خاطر اجرحها والعمر مافيه وبقى الا العالم به
حب محمد يضيع السالفه لانها ماجازت له – اقول دكتور انا قبل كان يوجعني ظهري ورقبتي بس الحين احس الوجع في ذراعي وفكـي هو له دخل بالقلب مثل وجع كتفي ولا عرضي
الدكتور ينزل عينه للاوراق وقسى بالكلام مع محمد عشان يهتم – لا ماهوب عرضي وكل ماتشوفه من تطور من اسباب الذبحه الصدريه
محمد – دكتور يمكن فيه خطاء طبي تعرف كاثره هالايام الاخطاء يمكن معي شي في العضلات ولا وش جاب الذراع والفك لوجع قلبي يمكن لاتطور ولاشي عضلات ماعضلات
الدكتور – محمد بقولك شي وابغاك تفهمه زين الفحص الي سويناه فحص دقيق جدا ُ والي تبين لي معك نقص ترويه في القلب
وكمل الدكتوربطريقه مخيفه وهاديه بنفس الدرجه – شوف استاذ محمد انا يمكن اكثر دكتور هنا اعطي امل لمرضاي وهذا الشي تعلمته في الخارج ولو كان الباقي لحظات قليله فاالاحرى مانحطم فيها انسان مريض على وشك النهايه ولكن نعطيه كل السعاده ولامل ولوكان الباقي دقايق لانه اشد انسان بحاجه الى دقايق السعاده هذي (( وكثير من الدكاتره هنا تعرضو لطريقتي لكن انا مقتنع فيها ))
لكن في نفس الوقت مااعيش مريضي في وهم ونزل الدكتور نظارته وشاف محمد بنظرات عطف ماارتاح لها محمد وكمل – ضروري تسوي عملية قسطــــــــــره والامر خارج عن خيارك عشان نعرف التطور لان الحقن بالمواد المشعه والاشعه فوق الصوتيه الأكو ماعطانا التصور الدقيــــــــــــــــق للحاله ونجري توسعه للشرايين تسمح بمرور الدم المطلوب
محمد – وان رفضت
الدكتور – تعرض نفسك لجلطه ثمنها حياتك وتعرض نفسك لخوض عمليه اخطر زراعه اورده وشرايين داخل القلب من اعضائك
الدكتور كان قاسي لان محمد ماكان متجاوب معه وخايف من عملية القسطره




سلمى مطلعه ملازمه تذاكر وقهوه وشاهي وبشايرتحل واجباتها وضحك هي واختها
بشاير- هيييييييييييييييييي انتي بس ضحك السالفه ماتسوى كل ذا الضحك الله يقطع عدوس
سلمى تهف بيدها على وجها – حسبي الله على شيطانس وعقب مابدلتي اقلام السبوره بالخطاط
بشاير – بأستغراب – قلت مايمسح الابعطر او منظف وتطلع البنت الي تحبها عطر هنا نطيت وقلت انا بمسحها الا وجات حزه فش الغل واخلص عطرها عليه والبنت من بين ظروسها
سلمى تضحك بقووووه – بس .....بس وجع حراااااااااااام عليس
قامت بشاير تضربها وجع انتي خلاص فضحتينا صوتس عالي
سلمى صايره كثيرة ضحك واغلب وقتها ماتفكر وعلى أي شي تافه تقلب الدنيا وناسه وضحك
!!!!!!!!!!!!!!!!!!!!!!!!!!!!
سيف يكلم نوال- هي تسولف معكم عادي ولاتجيب طاريه
نوال – ايه بس احسها متغيره وانا خايفه
سيف بخوف – ليه و ش فيه
نوال – حتى اماني تقوله سلمى صايره تضحك وفالتها وناسه عمرنا ماشفناها بها
سيف- وش الي يخووف ؟؟
نوال- مدري احسها ياسيف يعني .....................بصراحه .........احسها
تصنــــــــــــــــــــع وهذا ماهوب زين لها
سيف – يحط يده على جبهته وابوي يقول سلمى زاين حالها الا والله امحق حال وراح معصب
دخل سيف المقلط وهو معصب وشماغه على متنه – وش هو له الضحك
سلمى انقلب وجهها – وش فيك تصايح وش سوينا
بشايرمرتبكه من سيف – عادي نسولف و ....و......نضحك
سيف يقرب والشرار يتطاير- ماسألتس سألت الي صوتها طالع لاخر البيت
سلمى توقف وعيونها تدمع – وش فيك حرام نضحك
سيف مسكها من كتوفها – لااااااماهوب حرام تضحكين بس حرااااااااااام الي تسوينه في عمرررررس تفهميييييييييييييييييييييين ولا لا
مايستااااااااااااااااااااااااهل الي تسوينه بعمرس والله الخاسي مايستاهل
سلمى انتفضت بين ايدينه تبكي – خلني ((وصاحت تنادي امها وابوها )) .....يبه ......يمه .....خلوه يروح عني
جاء ابو فالح وشاف سلمى بين يدين سيف وصاح به – خلها الله لايبارك فيك خلها
ام فالح تبكي من بكى بنتها- وش فيك عليها؟؟؟
سيف – ارتبك ومدرى وش يقول وش اصلا يفهمهم- مدري مدري بس هذي مجنونه مجنونه تبي تذبح عمرررررها
ابوفالح – انت الي تبي تذبحها وش عليك منها
بكت سلمـــــــــــى ماهو من هواش سيف ابد- ولاهو من مسكته
بكت لانه الوحيـــــــــــــــــــــد الي كشفها رغم ا ن الي حولها مستغربين من تصرفاتها لكن مافهموها
لكن هـــــــــــــــــــــو قراها ....قرى كل شي في خاطرها بكت تستنجد ماتبيه يكمل وماتبيه يكشفها اكثر
المشاعر صعبها لها مظاهر لكن لها بعد مقاصد يمكن نطلع الفرح عشان مانبين الحزن ويمكن نبين الحزن عشان مانبين الفرح ودايم اهل الشماته يسلكون الطريق الثاني
سلمى كانت تذبح نفسها لكـــــــــــــــــن بموت بطــــــــــــــــيئ

اكتفى قلبي من العنا ولابقى لحـــــزني مكــان
وين اودي البقيه من همومي مابقى لها مـحل
همي اصبح واضـــــح عقب الخفــــاء للعيــان
والفطين يقراني بعيوني لوانه متمرس بالجهل

بقلمي



الجازي تعلق ملابسها بعد ماكوتها الخدامه كانت لابسه قميص عنابي اكمامه مذهبه وفوقه روب شيفون واطرافه على طوله دانتيل ذهبي وماسكه شعرها بتاج معدن كله حلقات ذهبيه مفرغه
مبارك كان يشوفها وشلون تمشي وفيها حره وكل شوي تأفف يشوف شعرها وشلون يتحرك معها معجب في لبسها وفي خاطره يارب وش فيها كذا
كمل لعبه لولده وهو يهمس في اذنه - ياحلو امك ويازينها
وسالم يضحك لاقام ابوه يشاوره في اذنه وكل شوي يرفعه له ويهمس
مااغلاها امك يابوك عندي
وياحظك يومك تسعة اشهور في بطنها
ويردد بصوت واطي
ماغلا امك يابوك عندي
وياحظك ........
كان مشتاق لها من زواج فهاد وهو في جهه وهي بجهه كم مر على زواج فهاد فوق اسبوع
يالله يصبرك يامبارك
ويشوف سالم ويغني له بااذنه والصغير مستانس من ذبذبات ابوه في اذنه ويضحك ويحط ايديه على اذانيه لاقرب ابوه وهو يضحك
الجازي وتمشي وتعلق وهي تكلم نفسها وكل شوي تسرق النظر لمبارك يسويها مبارك لا لا .....حتى لو سواها مستحيل اتغير ولا اغير من شكلي والبس لبس البنات لبسي مانيب مغيرته وشكلي مانيب مغيرته ولاعلي منه فجــــــــــاءه
رمت علاق الملابس على السرير وهي تشوف مبارك الي قاعد يلاعب سالم وتكلمت بصوت اقرب للهواش- اسمــــــــــــع اذا انت تحسبني بتغير فلا والف لا
واذا ماهوب معجبك سو الي تبيه
مبارك مستغرب و ش فيها ذي – وش فيس واحد قالس تغيري خلس كذى بعدين وش فيس ترمين حكي وكمل لعب ولده
الجازي حاره ومبارك بارد بعمد – انا قلت لك من باب التنبيه بس
مبارك تو طرى على باله الجــــــــــوال لايكـــــــــــــــــون شافته بس توها تشوفه معقوله
كم مره جاتني الرسايل شكلي لازم اطلع شريحه جديده
واستنانس يوم شافها معصبه احد قايل لها مبارك مايعجبه شكلس هي ماتدري انها بشكلها ذى تجيب اقصاي تستهبل بس والله الزعل لااااااااااااااااايق لك ياعناااابي
وش عليه خليس تأدبين وتعرفين لاجيتي من العرس وشلون تستقبلين رجلس ماهوب تصدينه كنه بزر وتهتمين في رجلس الي اهل البيت ينشدون عن ساقه وانتي خبر خير وين تعرفين ولاتدرين والخدامه داريه قبلس واصلا ً وشلون تعرفين وانتي لاجيت رقدتي ولا رقدت قمتي وماعمرس تفقدتيني
هين هين يالجازي والله الاحرق قلبس واناعلى ثلج
آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آه ه ه (( صرخ مبارك )) لان ولده سالم نط على رجله الي توجعه يبيه يلاعبه ويشاوره مثل تو
لفت الجازي وعلى طول بصوت مختلعه – وش فيك
مبارك – ولدس نط على رجلي وكل ماتشالت (( طابت )) عود علي وجعها
جلست على طرف السرير ونزلت سالم ونادت الخدامه تاخذه وفتحت رجله اغير لها
مبارك من لفحه نسمها وهو بخير – مبارك بهدوء
لااااااااا
الجازي طيب وش فيك تقولها كذى
مارد عليها مبارك وقعد يتأملها اما الجازي تذكرت الرساله وتذكرت الرقم الي تدقه ويعطيها مقفل جن جنونها وقامت
مبارك انقهر من تصرفها وزفر جيبي سالم وروحي عني
الجازي بعبره – ان شااااااااااااااااااااااااااااااااالله
مبارك هين هين الجازي هذي ثلاثه لس يبي لس كويه وكل ثلاث منس مني بكويه حتى بعلاجس عادل ماابي اوجعس وحده بوحده
جيبي الرابعه والله ان تزعلين ماهوب بالرساله اعبـــــــــر من الرساله وخلس لين تأدبين مالقيتي الي يفرك الشوك في ايدينس
ماعليه ............ماعليه ..........................
ياالجويزي


ملاحظه كل مالم ادونه بأسم من ابيات فهو نقل جهلت مصدره
وماكتبت بقلمي فهو نزف متواضع من ابياتي

طاقمي كونو على استعداد فالرحله دائما ً بكم تزين
ارائكــــــــــــــــــم انتظرها
فهذا الجزء استنزف طاقتي
ونقدكم يهمني
بكل حب انتظركم
وبكل شوق
على مشارفها استقبلكم
في مثل هذا اليوم انتظروووووووووني
من هنا الى ذاك اليوم استودعكم الله الذي لاتضيع ودائعه

قلبي نادك - كويتيه ونص - شبيهة القمر
الله يوفقكم دنيا واخره
شبيهة القمر - لوجود امثالك مع هو القيمه بحد ذاتها
الله يسر امورك

وان شالله هذا البارت رضاء لكم وتعويض عن قصر البارت
والعيديه يارب تكون كملت

لكل طاقمي الرئيسي ولكل من مر هنا
وفقكم الله دنيا ودين سعيده بوجود ارواحكم هنا

في حفظ الله