السلام عليكم ورحمة الله وبركاته

نبض و مشاعر أسمحي لي أن أعبر عن أعجابي لأستخدامك للهجتك الأصيله كنت أقرأ الحوارات وكأني أسمع أمهاتي الكبار يتحدثن إلي ياااااا كيف المدنيه تأثر على لساننا لكن ليس علي أن أستغرب و عربيتنا أصبحت مهزوزه ..

أحببت أسلوبك بسرد وأحسست بقربه لنفس أكثر الشخصيات التي أثرت فيني هي نوره أحسست أنها مزيج من الضعف و القوه ولا أعرف لما أحسست أنها وحيده على الرغم من حقيقة وجود أحبابها بقربها ...

اتمنى ان ترجعي لنا عن قريب حتى نرى سير الأحداث بين العرسان و كيف سوف يتصرف فهاد بوجود نوره بقربه ...

تقبلي إعجابي و سجليني متابعة .

قد الفت الحضور لكم كل مساء
وقد تعودت ان تسرق قلوب محبيها خلسه في ظلام الليلولكن هذه المـــــــره اتت وفي جعبتها الكثيـــــــر
اتت وبصحبتها قلوب ترى محبيها في الاحلام وفي السماء وفي كل شي جميل لكن ماأن يعودون الى واقعهم حتى لايرون محبيهم
كم هو مؤلم عند تحب صاحبك وتسكنه دمك وتجعل من قلبك مسكنا ً له ومن اوردتك مكاناً له وتنـــــــــــــزفه وقت الجرح دفعةً واحده(( سلمى ))
كم هــــــــو صعب ان تهـــــــــرب من شخص هو في المقابل يعلم عن هروبك وتجبرك الظروف لتقرب منه(( سيف))
كم هو صعب حين تجعل من نفسك ملاذ للجميع في حيـــــــــن تجد الغربه بداخلك عندما تضيق بك وان كانو جمعاً لفيف(( نوره ))
الااماني طيور ولاحلام خيول بااجنحه يحول دونها المرض والظغوطات رغم ان الحب مازالت ازهاره على قيد الحياه
الضد والضد تجتمع احيانا والمعادله مازالت تحتــــــــــاج الى ترجيح
سوف تحدد قيمه اطرافها
متــــــــــــــــــــى يرتاح قلب ٍ باالهوى ملكته راحت ايامه كلها وهو يرتجيك


فهاد
ركب هو نوره وسرو للفندق الفيصليه
بينما القاعه كانت الاجواء فيها صاخبه


هذال في قسم الرجال وعلى يمناه سيف
هذال- ابوك يالكشخه يا سيف وش ذا الرزه
سيف- انفع بدال المعرررررس
هذال – هماني انا داري ان في خاطرك عرس وتنفع معرس بس بدال المعرس ماظنتي
سيف – اكيد فهاد ومن الخبل الي يجابه فهادلا اله الا الله
ليتني اصف معك وعلى كتفي البشت وتفرح امي بعين السيح الي هو انا وتقول للمعرسه هنيـــــــــــــــــــاء لس يا ابرك عروس خذيت من الرجال فعل وصيت وزين
هذال يضحك – ماشالله مادح عمرك بعمرك
سيف – الله الله ولامانيب كفو
حط هذال يده على متن سيف وهويضحك- الاكفو وكفو


في البيت الجازي تاخذ عباتها وتطفي انوار المقلط عقب ماسرو المعاريس وتطفي الدخون ومبارك متمدد على كنبة الصاله ويشوفها تفتر في البيت وشاف رجله الاوهي ملتهبه وشام عليه الطيب عقب ماانفتح الجرح من حافه السرير

جات الجازي وهو معقد حواجبه وصاح فيها – هاتي لي شاش وقطن
وراحت جازي تجيب علبة الااسعافات – ودنقت وش فيك واول ماشافت الجرح ارتفعت على فوق وهي شاهقه وحاطه يدها على صدرها – وش ذا؟؟؟؟؟؟
مبارك – وش تشوفين افتحي الشاش
الجازي – بدق على حدى العيال يجي يوديك
مبارك – لاتدقين صار لها كم يوم وبتبرى لاتسكر الجرح كل شي بيزين
الجازي – متى.....جرحك وش هو منه؟؟؟
التفت لها مبارك وهو يمد قرطاسه الشاش ووالتفت لها بنظره ماعرفت ترجمها جازي سخريه او شماته او طلب عطف وعلى طول تكلم- شوفي متى اخر مره تفقدتي احوالي ولانشدتي عني وترى شغالتس تدري وانا قايل لها لاتقولس شي دامس من عمرس مادريتي ماهوب لازم من غيرس تدرين
وقام وخلاها
الجازي في نفسها متروعه من رجله الي شكلها يقزز االجرح بشكل طولي وكان الساق احد فاتحه بمشرط واطراف الجرح على طوله لونها بنفسجي ومنتفخه واما الجرح لونه اسووود وفي نصه نقط من الدم وكأنه انفتح من جديد بعد ماالتئم
لحقته الجازي على طول



في السياره
فهاد في نفسه – معقول بسوي وبقول لها والتاليه من شفتها مستحيه منك استحيت لا تقول شي ودي اعرف وشلون ذولا يضربون نسوانهم من اول ليل ولا يهادونهم من اول ليله اشهد ان ماعندهم قلوب والتفت لها ولقاها تطالع الطريق ويده تفرك في سلسة الشنطه الي معها
وضحك وعينه عادها عليها – ترى ذاب الحديد بين يدس
رفعت راسها له واطلقت يدها سراح السلسله وتستسقر الشنطه عند رجولها
ابتسم وصد وفي خاطره – هذي ماكنها اعرست من قبل
ايه يافهاد اعرست وحملت وانت دنياك دنيا
نوره – يراقبني مالت عليه ومسوي فيها معرس وع وعقبها بيطين عيشتي - جعله لذهاب حظ ٍ جمعني بك
دق الجوال – هلابك ياعوض مقبل جعلك تحياء ولاتقصر والله لانت ولاام عبدالرحمن جعل الله يرحم والديها
عوض- اخلص اخلص يالشيخ شايب ويتمطع في عرسه دوس على الموتر وتعال
فهاد- الثقل زييييييييييين
نوره سمعت الثقل زين ركبها مليون جني وكأنه ناوي على شي ويأخره
والنفضه ماخلت عظمن فيها سالم
فهاد- وشوف ا وراق الاجازه رفعتها لابن رفيع (( العميد المسؤل عنهم )) ولاجاني منها خبر
نوره مع فهاد في غارات من كلامه وتحس انها على ارض معركه خاسره معروف وكاسبها معروف



متممد ومعه جواله – ايه اصلا ماعاد على العشاء الاشوي بيقلطون وعقبه بيسرون وش عاد مجيي له استقبلنا وسلمنا ودخلنا المعرس وماعاد الاخير
لمحها واقفه بس تجاهل وجودها وسوى نفسه ماشافها وسكر جواله وتكلم بدوون مايطالع فيها- دقي على احد ياخذس
الجازي مستغربه منه ماكنه الي قبل شوي متلهف عليها لكن مبارك من نوعيه الرجال الي اذا جيتي وانتي غلطانه وعارفه غلطس يزيد الموضوع عنده ولو مشيتيه ترى يمكن شوي يزعل لكن ينسى ويعديها
الجازي اول شي مانيب رايحه ثاني شي من متى جرحك وخير قايل ميد الشغاله لاتعلمني
زفر مبارك زفره ملل
اول شي لازم تروحين ثاني شي مالس دخل ثالث شي لاتصيرين مثل شين وقوي عين
قربت الجازي للكوميدنا ونزلت طقمها وهي طافره من نفسها وش فيه ومبارك معطيها ظهره لكن يشوفها في مرايه الملابس ورفعت شعرها وفتح عينه من الي شافه
...............
!!!!!!!!!!!!!!!!!!!!!!!!!!



فهاد في الفندق سلم عليه عوض مره ثانيه وقال خل اهلك يدخلون الجناح مع اهلنا
وترى اخر طاوله لك عشاكم محجوز فيها تبيها ولارقو العشاء لك
فهاد مسك متن عوض وشد عليه وهزه – خوي والله انك عز الخوي
عوض – وانت راعي الاوله وراعي الجميله يابو سالم ماينلحق
دخلت نوره وسلمت على مرت عوض وقدمت لها الهديه وتعذرت منها لوانها فيها قصور
الجناح الملكي في فندق الفيصيله كان خيال نزلت نوره عباتها وشافت شكلها الي كانت راضيه عنه اخر رضى
وعيونها منبهره في المسبح الي كان داخل غرفة النوم ووقفت مقابلته وهي ماهي مصدقه راحت تشوف زاويه الغرفه كأنها لمحت فيها اشياء قربت كانت باقه وشموع وعصير وقاتو والكرت مكتوب عليه بارك الله لهما وجمع بينهم في خير وفقك الله ابو عبد الرحمن
اقبلت مرت عوض من بعيد فعلى طول فهاد اختصر كلامه وسلم على عوض وراح للجناح الي سبقه قلبه عليه
.......................


فتحو البوفيه
وراحو البنات مشاعل والهنوف ومسكو هدايا المعازيم حقت العشاء
وراحت سلمى مرت عليهم هي وصديقاتها ووزعت على خوياتها
الهنوف – لاوالله خير ان شالله ماتوقفين معنا ولاعرووووووس
سلمى تسبل بعيونها- ايه عروووووس واحترمي مرت اخوس وانتي ماتستحين وماتنتخين سنين ماحشمتيني ولاكني مرت اخوس ومشت وهي تضحك
الهنوووووووف تلتفت- عزتي لنا من ملفى بعض العرب
سلمى مع صديقاتها- وعزتي للي بتهدف عليكم

راحو البنات لبوفيه
سلمى مع صديقاتها وراها وحده شفتي ذي الي رافعه شعرها يقولون قريب بتاخذ ولد عمها- اخوس انتي يالعروس
وتضرب سلمى سهى اسمعي وش يقولون
سهى- احم احم اسمع بس اسكتي
المره –ماشالله مزيونه
الثانيه- ويقولون عاد ولد عمها ازين ماشالله و ازين وصيت شوفيها الي طلع في المزايين التالي ذا
سلمى قلبها ماكان اسير ضلوعها كان فوووووق وتحس انه من الفرحه ماعاد تملكه
وشلون والناس حتى يحكون فيها وفي ولد عمها بالزين وشلون وولد عمها الي تحبه بيصير قريب لها وبتصيـــــــــــــــــــــر له وشلون والي تحب بيتكحل عينها بشوفه وشلون والحلم ولاماني اقبلت
وشلــــــــــــــــــــــــــــــون
ولو انكســـــــــــــــــــــر هذا القلب
.................
؟؟؟؟؟؟

دخل وهي معطيته قفاها كان الجو حوله بروعته خيال ووجودها خلا المكان يصير كأنه ضمن الاحلام ماهو واقع معقول انا ونوره في مكان واحد في مكان لحالنا
لحالنا
تنحنح ارتجفت ولفت عليه على طول
فهاد تبين تعشين تحت ولاهنا
نوره وهي ملاصقه للطاوله الي تبي وجات تبي تتكي على الطاوله حطت يدها على الشمعه القريبه منها بكبرها
........................................


هياء وشيخه على طاوله والمعازيم اغلبهم في صاله البوفيه
هيـــــــــــــــــاء- احزري وين الجازي
شيخه-في البيت وبتجي بعد شوي
هيــــــــــاء- تضحك – نايمه بالعسل مع اخووووووس يالشيخه
وكاشتين في العرس وابو العرس
شيخه – لا لا لا ..........من جدس والله ماخبرت الجازي راعيه حركات اأ ء أأء
هيــــــــــــــاء – وان طاب لس ظني اختي واعرفها ماهيب قاعده من كيفها ملوي ذراعها على القعده
اقبلت امـ سعدعليهم – هياء تكفين يامس لاتلعبين وخلاص امسكي ارضس
هياء- من فرحتي والله ياعمه ماعاد اونس عمري ذا فهييييييييييييييييد ماهوب غيره
ام سعد- اني خابره ياامس بس انتي مرة حامل وحني عمرس شوي
هياء – ان شاالله

الامور ماتبان والحيــــــــــــاة اسرار فعلا لو عرفنا اطرافها فسرو قعدت مبارك وجازي تحوم حولها عصافير المحبه ومايسمعون الادقه قلوبهم في مكان مافيه الادفى الحب
في حين ان الواقع العكس
و
ان زفرات كل منهم يتفنن يسمعها الطرف الاخر واي دفى ...في جو كان تبلد المشاعر فيه هو الطاغي
مبارك واخيــــــــــرا مثل العطشان لقى شربه ماء لقى شي يهاوشها فيه ويبرد كبده قبل يرقد- جااااااااااااااااااااازي (( بصوووووت عالي ))
الجازي طاح حلقهاوالتفتت- خيــــــــــــــــــــــر
مبارك – أي خير وش ذا اللبس جعلس الي منيب قايله
الجازي – وش فيه ؟؟؟؟؟؟؟؟تراك روعتني
مبارك- نص ظهرس طالع كان نزلتي شوي احسن عسى ماشر كبرتي وانهبلتي ماقد لبستس لبسه مثلها من قبل والحين تلبسينها
الجازي- صايره تنجرح من كبرتي من مده والعجوز بس ساكته حتى وان جات بطريق ضحك لان وضعها تحسها تغير وتحس ان ساعه الصفر قربت
نزلت ترفع حلقها الي طاح وقالت – تعرف كبرت وانهبلت مثل ماتقول فااحاول اطلع اصغر من عمري مثل ماانت صاير بزر تحمس على الكبيره والصغيره فليه تضيق خل كل واحد منا يعيش الي يناسبه وراحت
مبارك جاه هدؤ يوم شافها ضاقت منه يبيها تحس فيه مره
وجاته معها دانتيل مزين بااكسسوار-بعدين شالي روماني ويلبس على المتن ونازل كنه وشاح على الظهريعني مايبان الي شفته
مبارك – وانا وش دراني قلت انهبلتي من تالي ولاعدتي تميزين (ولاتدرررررررررين عن شي) وشدد عليها
كان طرف المفرش السكري المذهب نقط دم شافتها اوجعها قلبها وعرفت انه ماهوب مصبر على الشاش وفكه
ويالله طفي اللمبه راسي دايخ ومالي خلق احد ماجيت من القصر عشان اقعد اقابلس واناقرس جيت
اريح وارتاح
راحت الجازي وطفت اللمبه وهي ماره شافت عمرها في المرايا ولمت شعرها وشلون مااعجب بشكلها مبارك وهو الي ماتحط شي يغرقها بسيل مدايح
وخذت مزيل المكياج ومزيل المناكير وطلعت دخلت غرفه عيالها وجلست على الصوفا وشلون وهو مبطي مني وشلون مايشتاق لي وهو الي يتشفق لي كيف مايعطيني اهتمام وانا اليوم في كامل زينتي
وجاها جواب من اقصى الضلووووووع وهدها وجاها الراصاص الي حطمها
وش يعجب به ؟؟؟ وحده كبرت قدها على نهايات الثلاثينات وعادها تحط وتلطخ الابينقد
ليه لايكون عاده عمرس بس ام عشرين ولافي بحر العشرينات وهو تووووه العمر يزها اصلا مايبي لها تفكيــــــــــــر قالها ونقد على ثوبس


نوره اااااااااااااااااااااااااااااااااااااااااااايييييي ي
وكتمت صوتها يوم شافت فهاد انتفض وجاها مســــــــــــــرع
وماسكه يدها وهي تنفخ فيها وعيونها دمعت من الوجع والصوت كاتمته
فهاد- حطيتي يدس عليها وجرها للمغاسل – نوره حطت يدها على الشمعه المشتعله بكبرها والي اوجعها ماكان لسعة النار بكثر مااوجعها السائل الشمعه الي كان حار ولصق في راحة كفها فهاد وهو يحط الماء البارد ويمسح منها الشمع الي لصق على على يدها رفع عينه للمريه بيشوفها شافها ساكته وعيونها تبكي وتنزل من الدموع وعلى الصامت حتى النفس ماسمعها وهي عينها على يدها كان منظر مايبي يوخر عينه منه كانت عيونها ماتنثر ماء لا .....لؤلؤ .... عيونها وهي حمراء على بشرتها
كانت فتـــــــــــــــــــــــنه ....
وخذاها من المغاسل وحاول يهديها بطريقه الرجال المعروفه التهوين – دافع البلا كل ذا الدموع عشان لسعة شمعه مانيب ماخذ مره ام ثمان وعشرين قدني ماخذ بنت ام عشرين
نوره في خاطرها – مالت شين الحلايا وش عليك يالخلال الحرق ماهوب فيك وان جاء فيك ماتحسه وصلا وين تحسه وانت الاعصاب تتعب قبل توصل الاحساس لراسك من طول المسافه
رجع كمه وكلم السيرفز رووم يجيبون اسعافات والموظف فاضي يستعرض خداماتهم اذكانت الحاله حرجه
فهاد- لا الله يعطيك العافيه
وجاها وهي تشوف يدها الي اوجعها يوم جمد الشمع عليها وهو حار فشالت معه اجزاءمن طبقه الجلد الرهيفه الخارجيه بعدين رفعت عينها لمنظر الجناح الي كان خيال وابتسمت يوم جاء في خيالها انها انظلت عمرها ^_^
والي ادهى ا ن الي كان جنب التليفون ضــــــــــــــــاع
في بسمتها الي جات وسط الدموع
وكأنها حوريه


الجازي وهي تنام جنب مبارك جات ولفت طرف الملحف تبي تشوف رجله لقت الدم متجمد على الجرح تطمنت شوي وبكره لازم يروح للمستشفى وتذكرت عيالهم فيهم سر الواحد يمرض ويتوجع مايروح المستشفى وطرى على بالها فهاد يوم التوت رجله ولافكر يروح الا يوم منعته من الممسى وهمست ياترى وش انت مسوي الحيــــــــــــــــــن يافهاد
!!!!!!!!!!!!!!!!!!!!!!!!!!!!


فهاد حط الكريم على يدها وجاء بيلفها وعيت قالت اول ماتبرد علي بفكها واغسلها
فهاد لف راسه بميلان على هواس الا هـــــــــــي أي يد عشان العشى جاي
؟؟؟؟؟؟؟؟؟؟؟؟؟؟؟
فتحت نوره عينها دون ماتنتبه انها اليمين او اليسار لانه من نظرته فهمت انها اليمين


البوفيه كان خيال ونافوره اول ماتدخل وعليها داير مايدور من نعمة الله ماكان
سلمى تعشى- بنات سمعت والي قالت هذي ولد عمها عرسه قريب
سهى – لاتطيرين
سلمى – تاكل انا ميته وناسه وميته خوف
سهى – الحين يسأل خواته عنس واربس زينهياحركات انته
سلمى- احم احم ارب الهنوف تبيض وجهي بس ذي ام لسان اخاف تسب ولاشي اعرفها تعيد احيان لبى قلبها


طلع فهاد وبدلت نوره ولبست جلابيه بس كانت ثقيله وفصختها صعب النوم فيها ولبست ثوب نوم طويل وكان واسع وفوقه قطعه ثانيه دانتيل طويله وبذيل وكانت الياقه للدانتيل فيها شريطه ستان عريض وبعدين قصه مثلثه والا كمام واسعه الين توصل للمعصم فكانت اضيق بمغاط خلى شكلها انيق
لمت الملابس الي كل ماتلبس شي تحسه فاضح او مايصلح وهي تلم الهدوم طق الباب
-نوره العشاء جاهز اخلصي ماصار لبس تراني ميت جوع
نوره- جايه
راح فهاد وهو يضحك حسبها رقدت تسويها
وجات وقعدت معه سم بالله وجات تمد يدها جمدت لانه يد فهاد فوق معصمها
فهاد- اليوم بعشيس انا بنفسي
نوره قلب وجهها اسود وعينها بعين فهاد – لا انا بتعشى واقدر
فهاد – بس ماهو على كيفس
نوره – اجل ماابي عشاء في العافيه عليك
فهاد عصب شوي – عن حركات البزران وكنس اول مره تعرسين وتعشي وريني
نوره- جاها غيض منه هذا اول مطرها كانت داريه انه بيعيرها باانها مطلقه
بس ماهوب من اول ليله ومالها خلق تفتح معه خلافات فيحاسبها على اشياء قبل
مدت يدها للملعقه باابهامها والسبابه وكلت سلطه وشوي مكرونه واما فهاد ضارب في العشاء ولاكأنها موجوده وهي تطالع فيه ولاكن احد معه سافهها ولا حتى عطاها نظره ونوره هي الي طول اليوم تطالع فيه وانتبهت على نفسها وكملت عشاها بطريقه قريبه من طريقته



الهنوف متضايقه لانها بترجع دووون نوووره- يمه بروح مع اول دفعه والبيت ماهوب فاضي فيه الجازي ومبارك
ام سعد على هواس بس علميني مع من تروحين ولاوصلتي علميني
الهنوف - ان شالله
وراحت لطاولة اماني ونوال- بنات احد بيروح بدري
نوال- بصراحه مدرررري ودي ولا ودي مابعد شبعت من العرس (( تبين انه ماهيب زعلانه ولاشي ))
اماني – انا يمكن اروح مع فالح وبشاير
الهنوف- اجل زززززين بلغوني جوالي معي بروح معكم وراحت الهنوف
نوال – كملي يامجنونه
اماني – ايه عاد قلت لخالتي فساتين ربا- وووسام – ومثايل علي انا بس تحضرون عرس حماتي مع اهلي وقالت انشالله
نوال- بس اخاف يكشفوونا وتنحط سالفه اروح فيها انتي ماعليس فالح رجلس ولاهو جايس منه مثل الي بيجيني من سيف وابوي لو درو
اماني- انتي وش دخلس خالتي في الدمام وش دخلكم انا الي لي دخل وهم وش عرفهم ببيت عمس ابو سعد
نوال- ها اا صادقه بس والله للحين ميته خووووف
اماني – في عرس هذال بتعجبس الحركه وبتبردين كبدس وش حركات كبت عصير على فستانها ولاحركات المسلسلات طيحتها في مسبح وخرب شكلهافي يوم خطوبتها
وبعدين كل العرب يبون يشوفونها عقب العرس وخليها جعلها ماهيب ابرك شوفه لها ولابعد في عرس اخوها
ودق جوال اماني وقطعو السالفه
في غرف العبايات لقت بشاير تدور عباتها
الهنوف دق جوالها- هلا اماني يالله طالعه

اماني تسكر الجوال – اف فالح يبيه عمي يقول لاتروح لم الي باقي من العود الازرق وشوف العانيات الي جاتنا من معارفنا وجمعها عشان نعطيها عمك ابو فهاد ويقول روحو مع سيف اففففففففففف حتى كشختي بياذن الفجر وفالح ماجاء
نوال – بنذاااااله ياحررراااااااام
اماني تقوم – يالله يالله بس فارقيني
راحت ونوال تضحك عليها
طلعو البنات بس انصدمت يوم شافت سيف
ركبت قدام – بشاير والي ورى اماني وسلمى والهنوف مجبصه وتدعي على عمرها وتزاحفو البنات
سلمى - يالله اركبي
الهنووف- هااااا وافيه مجال ترجع وركبت معهم وهي مرتبكه
سيف ارتاح وطواري نفسه تقول- ركبت معك وهي داريه انك بتوديهم اكيد انها ماسمعتك ذاك اليوم ولا وش ذالكبد الي بتخليها تركب مع واحد متكلم عليها وتنفس وانا معلم البنات اني انا الي بوديهم اكيد انها تدري وعادي عندها وتنفس الحمدالله يارب
انك طمنتني
سيف- ماشالله اربكم غنيتو فيني
بشاير تصفق وتغني- ويالعود االازرق ياسيف بن نااااصر وتسوى قبيله
.....هي كذى يابنات وضحكوووووعليها يوم قطعتها فجــــــــأة عشان تسألهم
سلمى- عشانك الي تقومها دايم ولاكان ماغنت فيك
بشاير- حرام عليييييييييييس لاتظلميني ذا كله عشان طقوسه الي يسويها لي لاجاء يقومني
كلهم يضحكون والهنوف ضحكت لان اسلوب بشاير نفس اسلوب سيف لاقده يسولف ولاينكت
سلمى – ترى انتي فيس مرض لارقدتي ماعاد قمتي وجع وش ذا
بشاير- مرض في عينس انا اعشق النوووم ولاعاد ارفع راسي منه الا ذا شبعت وانتم تقوموني قبل مااشبع وهنا تكمن المشكله
سيف- يعني خلوها تخمد لين تشبع وهي تقوم
بشاير تصفر- يحيا ذكائك
سيف يوم تطمن ان الهنوف ماسمعته حب يناكدها – ام اليوم يابنات لقيت ذاك الرجال الي بيرتاح معكم لانكم السنتكم طويله والحشيمه بعيده عن خشومكم
البنات بدلع – لاااااااوالله
سيف ويعدل شماغه- عاد انا دايم خايف على مستقبل بناتنا وعلى حياتهم عند الناس وكنه يرسل رساله (( مانيب ماخذ وحده من بنات عمي ))
المهم مالكم في الطويله والله لو تطولون السنتكم عليه مايقول شي
بشاير- يالبيه والله عز الطلب
سيف – توكم ماشفتو شي والله لو تقلون ادبكم وتمارسون هويتكم المفضله في(( المرادد ))مايقول ولا حرف
بشاير- تكفى يعني افرغ كل الي بخاطري مايقول شي وينه ذا من أي كوكب جاي
سيف- انتي خليس على برى الي بياخذس والله لو تقولين كلمه له ان يعطيس ذاك المخمس (( كف)) الي يمشي الفين يخليس تستديرين حول عمرس خمس مرات
بشاير- انحرجت لانه درت انه يقصد سعود بس على طول المهم كمل مايندرى يمكن يخطفني ذا المعرس السحري
ضحك سيف وكمل-
المهم قلت له اعرس انت اشر وحنا لك عون الي تبيه ولو ماهيب نقيصه وحرام كان دفعنا مهورهم
نوال- اها الله ومن يطلع
سيف- يلتفت لنوال- يازيييييييييييييييييييييييييينه يانوووال زينها
بشاير- اخلص
سيف- مابه ولاعذروووووووووب في الثمانينات لاقلت وشلونك قال ها لاقلت طيب قال ها وسرى ليلي معه وانا على ذا الحال اثره مايسمع وانتم ذا الي بيصبر عليكم
البنات- ههههههههههههه
بشايرتضرب كتف سيف- شاااااااااااااااايب كل ذا الحلا وشايب
سيف يرفع السبابه لتأكيد - شاايبو المهم ااصــــــــــقــــــــــه


طلع فهاد متروش ونوره منسدحه واول ماشافته غمضت عينها وهي كل عرق فيها ينتفض وش هو شعـــــــــــورك لو رجع لك الماضي كله او حياء حلم مات برجوع الشخص نفسه ؟؟ بتتقبله ولا لا .. رجع بكل هيبه وخوف ماعادت تميز ولاحتى اتكهن وش بيصير قدام ..... دامه رجع وهي الي كانت تقول مستحيــــــــــل يرجع او يعود
؟؟؟؟؟؟؟؟؟؟؟؟؟؟؟؟؟؟؟؟؟؟؟
!!!!!!!!!!!!!!!!!!!!!!!!!!!!!
رمى بثقله كله على السرير وهي جنبه حط ايده ورى راسه وبعدين التفت للطير الي نايم جنبه ...طيــــــــــر بالنسبه لضخامه جسمه ..والتفت لها كانت ملقيته ظهرها وتحس بحركاته اول مابدت تشم عطره وبدى عطره يقوى في انفها وهي مغمضه عرفت انها تعدى الخطــــــــــــــــــوط الحمـــــــــــــــــــــــراء
واجراس الانذار اعلنت حاله الذعــــــــــــــــــر في جوفها وكأنها تنذر من وقوع كارثه
!!!!!!!!!!!!!!!!!!



محمد وصل البيت وشيخه رقت ومابقى احد
ام فهاد –محمد
محمد- يده على السلم وقده بيرقى فوووق راح لامه- لبيه تبين شي
ام فهاد بربكه – ايه يمك ابيك بكلمة راس
محمد- خير يمه فيه شي؟؟؟؟
ام فهاد- تعرف اخوك اليوم اعرس والي هو ماخذ الذريه بعيدة الرجاوي عنها
محمد نزل شماغه وعرف موال امه واحتراما لها سكت وخلاها تكمل
وكملت وانت كم صار لك معرس وماجاء عليك احد وسعود توه على العرس والا والله لوانه بصري لااخطب له من بكره تبون اموت قبل لااشوف عييلكم خافو الله فيني
محمد بحسرة- طيب والله قال هاكم وحنا قلنا لا هذا حنا في رجاء الله
ام فهاد بصوت عالي- ايه الله ماسكرها عليكم اعرس ويجيك الولد اما تبوني اخذ بنات عمكم الي ماتجيب عيال والي مصخنه وتقولون الرجاء بالله معصي
محمد بزفره لانه ماهوب ناقص - يايم.......
ام فهاد- اص ولاكلمه ولالسانك يناطق لساني لا لين تجي تقول اخطبي لي غيــــــــــره لا تحاكيني
قام محمد وهو حالته حاله مايكفي شايل هم مرضه وكيف بيعلم فهاد ومايكفي اخر مراجعه وش قال له الدكتور
دخل لقى شيخه لابسه قميص نوم زهر وتفك تركيبات الزهر الي بشعرها
شافته ..........وخلت كل شي في يدها وجاته
تمدد محمد على كنبة الصاله وحط رجله على الطاوله الي قدامه
شيخه- وش فيـــــــــك
محمد – مافيني شي
شيخه بتنهيدة ضيق- انا ماسألتك فيك شي لاني متاكده حايشك بلا سألتك( وش فيك)؟
محمد- ابد بس روحي جيبي لي عزايم فيني ضيقه ((ماء مقري فيه ))
قامت شيخه وجابت الماء وجاء بياخذه فتحته هي وحطته على يده وقامت تمسح به على وجه وتسمي وفك محمد ازارار ثوبه وفصخه وتبعه بفنيلته وجلس وخذت شيخه الماء وتمسح به على صدره ومحمد مسترخي راسه على الكنبه وحاط ايديه على راسه ويقرى وشيخه من شافته منهار قامت تمسح عليه وتسمي وهي تبكي
محمد فطن فيها- وش بلاس؟؟؟؟؟؟
شيخه بكت وانهارت- ذاله عليك خاف الله فيني ترى مالي قلب وش بلاك علمني ؟؟؟؟
محمد لمها بسم الله عليس انتي الي تبين عزايم قده ماهوب انا ياالخريش ((القلب الي كثير خوفه )) قالها بعياره
شيخه- وش اسوي من يوم اعرست ماشفتك مثل الحين
محمد في خاطره يالله بصبر ٍ من عندك يالله ذي لو تدري وش فيني وش يصير فيها
شيخه وش تهوجس به – محمد شيخه في ذمتس لو قالو لس اني مت وش بتسوين
دام صخونه ضاع قلبس يالخبل
شيخه بقهر- عادي بدخل حداد ثم احتري نصيبي الجديد
محمد فاتح عينه –انا ولد ابوي وتقولينها
شيخه وهي تصك علبه العزايم– اندري عنك ذي سالفه تنقال الحمدالله على نعمة العقل الواحد بدل مايتحمد ربه على نعمه العافيه يفاول على عمره بالموت
محمد- زييييييين اجل بسبقس وبعرس
وقفت شيخه كل حركه منها حتى غطاء الماء مافرته وسكرته وجمدت كلها ولحظه التفتت عليه وطالعت محمد بنظرة رجاء وخوف فهمها فاانتفض منها
وعدل جلسته وانحنى واخذ منها علبة الصحه وسكره وهي في جمود – اندري عنس قلتي لامت بعرس قلت اجل اعرس عليس واتغدى بس قبل اتعشين بي وقلد نبرتها--الحمدالله على نعمة العقل
قامت شيخه وهي مدبره مسك محمد معصمها -على ويـــــــن ؟؟؟
شيخه في برود وهدؤ- بنــــــــــام
محمد- اجل حتى انا بنام
شيخه – محمـــــــــــد
محمد – التفت عليها وهو ياخذ ثوبه- عيونه
شيخه- انا حاســــــــــــــــــــه انك بتعرس
محمد جمدت يمناه وهو ياخذ فنيلته وتدارك عمره- لاتاخذس حميسه لاتضايقنا من بعض وابدن مالس الا الي مايعرس عليس
شيخه باابتسامه- لاوالله
محمد بمثل ابتسامتها- أي والله
راحت غرفتها وهو راح المطبخ يشرب ماء وهو يهذري بسم الله على قلبس ياشيخه
هو انتي حاسه ولاكل النسوان مثلس ؟؟؟؟؟؟؟؟



فهاد قرب منها ....... وهي كل ماقرب وشمت عطره زياده ...ولاسمعت نفسها قرب...تحس ان قلبها يخف نبضه لدرجة الا ...نبض
مد يده على جبهتها ووخر شعرها عنه ويحطه ورى اذنها ويرجع لان قصتها قصيره وماتوصل لورى اذنها وفهاد مستمتع كل مارجعها عودت على مكانها القصه
وكأنه بزر معطينه لعبه
وفي حين الطـــــــــــــــرف الاخر يشوف الموت في ظلام عيونه واتحس كل شي
واقف على صدرها وفضيحه لو تقوم بيدري انها تكذب ماهيب نايمه
واخيرا اطلق سراح شعرها وراح لمكانه وهو بيحط يده ورى راسه شم شي غريب وحط يده على خشمه وشم عطرها الي مسك في يده وابتسم وطالع يده وفجــــــــأءه تذكر كفها
اول ماجاءورفع الحاف عنها بيشوف يدها نطت نوره مثل البرق لاانه اول مامسك الحاف ووخره مااستحملت وحست بساعة صفر فقامت عن السرير مثل الريح وفهاد رجع على ورى وهو متروع – بسم الله الرحمن الرحيـــــــــــم وش فيس؟؟؟؟؟
نوره وصوتها عالي- انــــــــــــــــــــــــت وش تبــــــــــــــــــــــي انا اماابيـــــــــــــك
تستغفلني ..........خاف الله .........تغشني .. وانا نايمه ......
...قلت لك مليون مره ماادانيك
وش تبي فيني ..... سواتك ...ذي وانا نايمه مايسويها الا الرخمه ...الزلابه .... ميسوونها مع نسوانهم الي حتى وانا واعيه ماقلت شي.....لين ارقد

فهاد ثار لانها روعته ولانها ظنت فيه الشينه ولاعطته فرصه وكل شي كوم ولا سالفه سواتك الرخمه مايسويها وبصوت قطع بكاها- لو بغيت حقي باخذه على شوف عينس وماهوب عشانس لا .....عشان تعرفين بس اني لا بغيت شي
لي اخذه وماعلي من احــــــــــــــــــــــــــد والرخمه ماهوب يحتريس ترقدين عشان شي من حقوقه
ولاهوب محتريس حتى لبكره ................و في لمح البصــــــر مسك ذراعها وشدها له
..........................................



شيخه عند ثلاجتها – اف ماجاني نوم افكر في نوره
محمد- نوره وفهاد ماهوب صوبس في العسل
شيخه وهي تطلع العصير – يالله سألتك تهنيها وتوفقها يارررررررررررررب
محمد – اميــــــــــــــــن
شيخه جايه للسرير – غداهم بكره وينه عند عمي ولاعندنا
محمد بسرحان- لاعند عمي سعد ....... الا اقول شيخه بسألس وقولي بصدق ولا لاتجاوبين
... ليه قلتي انا حاسه انك بتعـــــــــــــــــرس
؟؟؟؟؟؟؟؟؟؟؟؟؟؟؟؟؟؟؟؟؟؟؟


البنات يحترون الفجر يأذن وقاعدين في بيت الشعر وفالينها
سلمى- بشاير- نوال- سيف
سلمى – صدق وبعدين وش سوى خويك
سيف- ابد سند بياخذ اختها شفتي الحظ
بشاير- ياحررراااااااام
سلمى – سيف انت خاطرك في احد حاط عينك عى احد
سيف عدل جلسته- ايه تعرفين بنات عمي مرتع ماشالله يغطون الشمس من كثرهم وتعرفين زين وحياء وجمال ودلال وبصراحه محتاااااااااااار
نوال- تضحك الله يقطع شيطانك
سيف بجديه - اندري عنكم كلهم ثنتين واشر بيده ثنتين والسنتهم طوال ولا بعد شيف
سلمى – هههههه حرام عليك
سيف- الاخلونا بس ..... الهنوف تهقون زعلت يوم اتكلم عن الشايب
سلمى رفعت حاجبها- شوف في البدايه لا بس بعدين يوم قلت لبشاير خليس انتي
اتوقع ايه لان من فيه الابشاير ونوال وهي واستبعدت بشاير وانت لو تقصد نوال كان خصيتها يعني واضحه تقصدها
سيف طالعها وابتسم – وانتي ليه ماعديتي عمرس
سلمى – عشان عشاني الكبيره وعشاان... اني خلصت ... خلاص
سيف- دخل راسه داخل شعر سلمى وجره ابووووك يالحياء والله كشخه تستحين
سلمى فتحت عينها وميلت راسها بمعنى ليه مااستحي ؟؟؟؟؟؟؟؟



حاطه يدها على وجهها وتبكي وفهاد فوق راسه ويده محاوطتها – والله ثم والله في ذا اليله المباركه اني يوم وخرت اللحاف عنس بشوف يدس ولا وش جاب ذا لراس السرير ؟؟؟؟؟؟؟؟؟؟؟
وخرت يدها عن عيونها وشافت يده قدامها فيها مرهم للحروق
فهاد وشلون اونا قدامس ماتحركت من يوم قمتي والله اني جايبه عشان يدس
ورجعت غمضت عيونها وهي تبكي
فهاد – ياليلنا الســـــــــــــــاري اقوم احلف على المصحف والله ثم والله اني ماجريته عشان أي شي والي صار اصلا كان بيصير بكره ولا بعده وكلمتس استفزتني اصلا طرتي بي ولو انس سمعتيني كان بتصدقين
نوره لفت عنه لكن فهاد كسرت خاطره ورجع احتواها
وقعد يسمي عليها وبطى يمكن نص ساعه وهدت وهمس في خاطره – لايكون نامت
والتفت الاصدق نامت
وهو يشوف الساعه كم مابقى على الفجر الاخير قرر يصلي وعقب يرقد وهو قايم للحمام لمح على خدها دمعه مسحها ولقى خدها بارد راح للتكييف وقصر عليه وجر عليها الملحف وهمس
(((مااغلاااااااااااااااك ياذ الملحف في ذمتي ))


في غرفتها وماجاها نوم
الجازي – مبارك ....مبارك ....بروك قوم صلاه
مبارك قام واستقعد وحط يده على راسه اذن الجازي ايه اذن قوم الحق على الصلاة وعين خير
الجازي بتردد- مبارك رجلك اربها ماتوجعك
مبارك – طالعها لا ماهوب واجد ولا اوجعتني رحت المستشفى
ارتاحت الجازي ونامت
مبارك التفت عليها والصلاه -
ولا تقوميني وترقدين
الجازي – انت خليتني ارقد نكدت علي وضيقت صدري
مبارك عاد في راسه شر – قومي صلي ومري على الصغار وشوفيهم لايصخن
احد منهم مادريتي عنه
الجازي – نفسك وهي نفسك مهمل بها وش ارجي منك في نفعه عيالك
وقامت من عنده

في برج الفيصليه كانت اجواء القلوب مظطربه
دخل عقب الصلاة ولقاها عادها راقده ولاهوب عارف مشاعرها رضت ولا لا
فصخ ثوبه
نوره .....النوري ..........النوري.............الن........
ماكمل .... تقويمها....وبعد عنها ....... ولجمته كلمتها وخلت كل عرق كان ينبض حب لها ينقطع........... قطب احجاجه
وتصلبت شفايفه....... وعروق راسه بدت تظهر وبعد عنها اكثـــــر...... بشويش وكأنها حاجه ماهيب له .........ادمته حتى النخاع كلمتها ......ماتوقع يسمعها بس الظاهر انه بيسمعها كثير.......قلبه كنه في سرعه مع الثواني.......... وكل نبضه تسابق الثانيه وجسمه بدى يحتر فجأءه ................
فالــــــــــــــح تكفى خلني شوي ............................. بناااااااااااااام
!!!!!!!!!!!!!!!!!!!
حتى وان كانت نايمه ماتقصد حتى وان كانت في غير وعيها
سهامها صابت ......سهامها صابت

عندي الليلة كـلام وصمـت وأخـاف الثوانـي
تظلمه او تظلم اللي فيـه كـم ضاعـت سنينـه ،،
شي واحد قبل ما أبـدأ ماابـي أي شـي ثانـي
يخطر فبالك وانا اكشف لـك شعـور تجهلينـة ،
إن أنا وبكـل ماتحملـة ( احبـك ) مـن معانـي
كنت وراح ابقى احبك لين مدري وش هو لينه !؟
بـس والله ماقـدرت انسـى ولا همـي نسانـي
لاذكرت انسـان فيـه اسـرار مابينـك وبينـه ،
كـل ماتطـري علـي فكـرة هـواك الأولانـي
أشعر انـي انطعـن مليـون مـره مـن يدينـه ،
أشعـر ان عيونـك الله ماخلقهـا إلا عشـانـي
كيف كانت تبتسم لـه قولـي انـك تخدعينـه !
صورة انه كان يمسـح دمعـك تزلـزل كيانـي
وكيف كان يلـم شعـرك ويتبعثـر فـي يمينـه ،
حتى إسمك يـوم رحـت أدلّلّـه حظـي رمانـي
بنفس الأسم اللي يقول .. بذمتك ماهي غبينه ؟!
وكنّـي اللـي كـل ماناديـك بالإسـم الفلانـي
أطلـب النسيـان يتـرك منـه شـي ٍ تذكرينـه ،
لاتظنينـي انانـي .. لا .. انـا مانيـب انانـي
لو سلمت من الغرق .. بـأموت في ظهر السفينه ،
ياأني ماأكمل واعاني .. أو أكمل .. ثـم أعانـي
كل ماأسمع طاري اسمه او تجي عيني فـعينـه ،
أينّا كـان الضحيـة وأينّـا اللـي كـان جانـي
مـدري .. ولكـن قـراري لازم انـك تقبلينـه ،
مثل ما اكره فكـرة انـه واحـد ياخـذ مكانـي
مااقدر اجلس في مكان انسان .. كنتي تعشقينـه !!

عيونه بدت ترمش بقوه وانفاسه مظطربه وخاطره مايلج الابكلمة
لازم تنسى................... لازم تنسى.........
ولازم اكون اغلى من فالح ماهوب في مكان فالح
ايه ....هي لي ..............وهي تعرف انها لي .............
كان متوتر ويمسح شعره بيده قامت نوره على منبهه جوال الي كان يرن ومن ضيقته ماانتبهه له
قامت نوره بهدوء وطالعت له وماكأنها اشعلت نار خلت حطبها ضلوع فهــــــــــــــــــــاد
وبعد ماخلصت من الحمام راحت خذت المشط ورجعت للحمام تمشط شعرها استحت تمشطه قدامه
وصلت
فهاد ماعرف كم مر من الوقت ساعه ساعتين وقام وهويقول- هذي وينها
راح الحمام .....مالقاها ......راح يفتر في الجنـــــــــــــــاح مالقاها طار قلبه
هذي وين راحت .....لايكون صارفيها شي
انا ......شلون نسيت ان معها ربو لايكون .....يالله يارب ...
ومابين ضيقه وخوف ومابين هم ودعوه
لمحها على الكنب متمدده حاطه سجدتها وساده وحاطه جلالها لحاف دخل كم مره هنا بس ماانتبهه لها وجلس يتأملها
شعرها عاده مبلل وبشرتها الصافيه وهي نايمه روجها الزهر
لمح رجولها طالعه اول ماجاء بيغطيها رجع يده خايف _ ايه خايف كنه طفل خاف يقرب يده لنار اولشي حار
وهمس في نفسه- الحين بعد تقوم تروعني وتبدى في عزف موالها
اخليها ابرك وغمز بعينه مره ثانيه نجر الملحف ماهوب ذ الحين يا النوري
راح فهاد الغرفه اول مادخلها كرهه ونقد على نفسه – خير الحمدالله مستقطع منها
توك مقابلها وشاف المخده الي كانت نايمه عليها وبدلها مع مخدته وهو يقول مدبر عمرك يافهاد بديل لين الله يفرجها ونام وهو مايشم الاريحها
.............................


البنات ياليل ذي راقده من يقومها
سلمى – ادعي فالح يشيلها
نوال – قوميها
سلمى – اسفه تقعد تهاوش وترفس مالي خلقها
جاء ابوفالح من المسجد – يالله صباح خير وش مقعدكم هنا والميته وش فيها راقده هنا
سلمى بربكه – ابد طوالة عمرك صلينا وقعدنا نسولف شوي عن العرس
نوال- ايه وبشاير مارقدت
دخل سيف – زين قمتو للصلاه
ابوفالح- احسبكم سهرانين
سيف- لا وش سهره قومتهم وقاموللصلاه
راح ابو فالح وسلمى تدق كتف سيف كنا على موعد مع الحبل لنشرنا
تعال عاونا على الميته على قول ابوي
سيف- أي والله انها ميته ماهيب صاحيه
سلمى- قلع الرجال الي بياخذها
نوال- حظه امحق والله ماعاد ذى برقاد البارحه جرت الابجوره بغت تفلع بهاراسي
سلمى تهمس لنوال – حاولي تحافظين على عمرس قد ماتقدرين الفتره الجايه
نوال تضربها- وعقب بالطقاق ها
سلمى اشرت براسها ايه


بيت ابو سعد
طفى موتره هذال الا ابوه ماسك لفة البيت وشافه
اقبل ابو سعد- من وين انت جاي ؟؟؟
هذال ارتبك بس ماوضح- وقفل السياره بالجهاز –جاي من خير نفداك
ابو سعد وعصب- أي خير من فجر الله ماتعلمني
هذال- يايبه مشوار وقضيته لافيه مضره ولافيه مفسده تحقق معي وكنك تحقق مع بزر
ابو سعد- دروبك ذا اليومين ماهيب معجبتني
هذال- ماعلي شر ووساويسك فيني خلها وبتعجبك دروبي
ودخلو هذال حمدالله ان ابوه ماطولها معه وابو سعد دخل وهو منشغل بحال ولده صدق


على السرير نايم وتوعى فجأءه
الساعه 11 قام فهاد الله واكبر وراح توضاء قبل الاذان
وراح لنوره يوعيها – مالقاها ....خاف عليها
وراح للصاله الجانبيه طل عليها – شافها لابسه وزاهبه وعند التلفزيون
فهاد – ليه ماوعيتيني
نوره دون ماتشوفه – قلت بقومك لاجات الصلاه
فهاد- زين انس زاهبه عشان نلحق على الغدى اهل القويعيه بيرحون وبياخذون العجوز معهم ونبي نلحق على العرب
نوره – على خير
راح توضاء وهو يغسل وجهه ويطالع نفسه في المرايه- وانا كل ايامي معها كذى بذل عليها ياليل الطويله ليلاه اشهد ان العناء مواعدني معس يانوره


بيت ابو سعد الحريم في المطبخ والغدى صباحيه للمعاريس
حمد في المطبخ ياخذ الدلال والشاهي ومبارك مابين ولادخل المطبخ
والجازي مرتاحه انه مادخل ماهيب ناقصه نغزاته وقبل لايطلع نادته الجازي
حمد – بغيتي شي ياام حمود
الجازي – ايه ....حمد حاول تكفى في مبارك يروح يشوف رجله
حمد- ايه ماعليس هذا هو توجعه لاقام ومتولجني بس ابوي حاكه وقال بروح عقب الغدى
الجازي- ماقصرت جعلك تحيا
وراحت للجوال وارسلت له – حط مره على رجلك واشرب منها لايشم عليك الطيب شفها على طاولة المطبخ
ضحك مبارك وسفهها عاجزه حتى تحطها هي الا عاجزه تدق بعد خلها اربها تعقل


في الفندق ......
فهاد عند المرايه يتعطر ويعدل شماغه – يالله يانوره تأخرنا
خذت عباتها وسبقته للباب
طلعو عينها ماجات في عينه ولاحوار جمعهم بعد الي صار البارح وهذا الي وتر فهاد وقبل يطلع – وريني يدس وش سوت
نوره مدت يدها وعينها على يدها- خفت ومافيها الا العافيه
وهم في السياره حاول فهاد يفتح حوار لكن مافيه مجال ابد
اخيرا جاء في باله
نوره- ترانا بنسافر
نوره اخرشي تتوقعه سفره ولاديره تجمعها هي وفهاد وبس – التفتت عليه
وهو يسوق انتبهه لاالتفاتتها بس سكت وعينه على الطريق وفرح انه جذب انتباهها
ويحتريها تسأل عشان يفتح بينهم نقاش
نوره بدهشه- على وين ؟؟؟؟؟
فهاد للحين ماادري على حسب اجازتي الي بتنزل داخليه ولاخارجيه لاني عسكري ويبي لها اجرأت
نوره- وهي صاده – واذهي خارجيه او داخليه محدد شي
فهاد- محدد خيارات ((فهاد كان ذكي مايعطيها اجابات كان يماطل ويحدها على اجابات تنجبر تسأله هي
نوره – وش هي الخيارات ؟؟؟؟
فهاد- اسبانيا – ايطاليا – فرنسا
نوره في نفسها – ماهيب مصدقه ووش دراااه ان حلمي اروح اسبانيا بس والله زين الخلال بيطلع منه شي
فهاد – وانا خاطري فرنسا
نوره في خاطرها – يافرحه ماتمت الخبل الي ترجي من وراه شي
نوره- وش معنى فرنسا
فهاد – عادي اختيار انتي تبين شي محدد
نوره صدت وهزت راسها بلامبالاة – عادي ماتفرق
فهاد ماتفرق اجل لو اوديس جنوب عن مخيم ابلنا عادي
نوره بصوت مستغرب – في البـــــــــــــــــــــر
فهاد ضحك ضحكه وناسه- ماهوب تقولين ماتفرق
اجل البرمايفرق عن ايطاليا ولا اسبانيا وفرنسا
ورجع يضحك لانه نجح يفتح حوار معها لو كان قصيــــــــــــــــر


في بيت ابو سعد
الجازي – هنوف ادخلي شوفي مرة على الطاوله عادها باقيه
الهنوف- تراس قرفتيني انتي والمره جعلس مر الكبد قولي امين
هياء – وجع وش ذ الدعاوي
الهنوف وهي قايمه – اختس مدرسه
راحت شافتها على ماهي محد جاها
ورجعت وخيبت رجاء الجازي


عند باب البيت
طفى السياره – ماحنا براعين طواله عقب الغدى لادقيت عليس اطلعي نتغدى ونسلم وبنمشي انا مارقدت من البارح زين
نزلت وهمست باانشالله
سحب المفتاح وهو حاس حلى في لسانه بس عشانه نطق ادق عليس- واطلعي- انتغدى – انسلم –كلها عبارت تجمعهم وكنه توه يحس انها حلاله صدق

دخلت عليهم نوره الكل رحب وهلا والصاله لجت بصباحيه مباركه ياعروس
ودخل فهاد على مجلس عمه والكل سلم عليه وبارك له

في المجلس الحريم القهوه دايره ونوره فصخت عباتها كانت لابسه
جلابيه سوداء اكمامها طويله واحد منها ضيق والكم الثاني فراشه وعليها نقس ذهبي وجيب صدرها واسع ولابسه عليه طقم ذهب ومكياجها هادي وورافعه شعرها بوف والباقي فاكته في زاوايه هي ونوف
نوف- وجع ان شالله تدرين بغيت امشي وش ذالصباحيه قد العرب قايله
نوره- نوف تراني مانيب على بعضي
نوف- ليه لايكون جبتي العيد تراني مااداني المره بيدها تهدم عشها
نوره- نوف نقطيني بسكاتس وشني مسويه مانيب ناقصتس يالخبل
نوف- اجل علميني بعلومس ؟؟؟؟؟؟
نوره – اناميته خووووف منه
نوف بخوف- ليه؟؟؟؟
نوره تطالع المعازيم- البارح وانا راقده جاء يوعيني وبدون قصد
ناديـــــــــــــته بفــــــــــــالح
.........................
!!!!!!!!!!!!!!!!!!!!!!!!!!!!!!!!
؟؟؟؟؟؟؟؟؟؟؟؟؟؟؟؟؟؟؟؟؟؟؟؟

في مجلس الرجال ابو سعد يتفقد ولده
ابو سعد يهمس لحمد- ماشفت هذال
؟؟
حمد يدور بعينه بين المعازيم – لايبه خبري به البارح
ابوسعد – لااناشفته الفجر ؟؟؟
حمد- اجل وين راح ماهوب حاضر الغدى
ابوسعد- يالله خير الصبي وراه بلا واشغلني
حمد- يمكن راح لواحد من اخوياه وبدق عليه

في زاوية المجلس –
نوره – هيه وش فيس بلمتي؟؟؟ تهقين يسوي بي شي !!!
نوف- بلمت من خبالس , وانتي ذا الي هامس وش بيسوي لس
نوره- والله اني راقد راااااااااقده
نوف- الله والعذر الله يرحم والديس على كذى كل ماتنامين بتجيبين العيد
نوره- حتى هو اخطاء علي ولاتوجعين راسس
نوف- بويش اخطاء عليس وحتى ان اخطاء ماتجازينه بشي في كرامته
نوره- انا مااقصد تفهمين ...نوف...انا خايفه يحاسبني بعدين
نوف- لايكون رجلس من الطقه الي تخزن ووقت العازه تطلع الاولي والتالي
نوره- انا خايفه يعدي لي واذا اخطيت ثاني مره حاسبني بهواش ولا .....
نوف بدهشه- نفس اخوه يمد ايده ؟؟؟؟؟؟؟؟؟
نوره – لاماهوب نفسه بس يده عنيفه.... يعني تقولين ضرب بس بأسلووووب
نوف- هههههههههههه الله يقطع ابليسس على بالي خاب ظني في امل المستقبل
نوره بأاستغراااب- ووووش ؟؟
نوف- هماس تقولين مانتب مطوله معه خلاص ولاحركات نسوان تدعي على رجلها وماتبيه ولا اعررررس قومت الدنيا حسدان نسأل الله العافيه
ضحكت نوره بصوت مسموع- لا وانا من قبل معلمتس
طينته نذله فلازم شين الحلايا ياخذ نفس طينته والخلال يبي له خلال ماهوب بدر في كماله
نوف تغمز لها – والبدر راضي بالخلال
نوره صدت للحريم الي يسألونها عن احوالها ويباركون لها
ام سعد في المطبخ تسأل الجازي – ماشفتو هذال ادق عليه مايرد خبري به البارح
الجازي- لاوالله
دخلت نوره المطبخ وقعدت تسولف الادخل حمد وسلم عليها وحب راسها ومد عليهازرف وردته وحلف عليها ودعاها للمقلط يسلمون عليها العيال
وفقدت هذال بينهم بس ماجابت طاري ودخل حمد على المجلس وقعد جنب فهاد – ماكلمك هذال ولاتدري وينه ؟؟
فهاد- لا والله خبري به البارح ماكلمتوه
حمد- ياخي مدري وينه وتوقعت اول واحد يجي للغداء
دخلت نوره وكان حضورها ملفت وصدق عروس
نوال- مالت عليها ادرو اني عرووس طالعه وجايه وشوفيني يانوال ((مالت ))
اماني – اف لازم اقوم اعطيها حفالتها(( الحفاله هديه العروس)) والله عشان حشيمة عمي ناصر ولاكان بعيده عنها
نوال- اما انا حفلتها في عرسها الاول احفلها ثاني مره وانا مالي شغله الااهدي المطلقات
اماني بلهفه – قومي قومي
نوال ماسكه يدها – وين نقوم له
اماني نعطيها هديتها وتغمز عينها ونتعذر بطريقتنا عن هديتس
قامت نوال وهي تبتسم وقربو لنوره
اماني تمد هديتها- الف مليون مبروك الله يعوضس ان شالله ويوفقس
نوره عرفت مقصدها – وياس انشالله
نوال- تعرفين يالنوري لوانه الاول لس ابشري بعزسس بس ذا التالي والواجب مايلحقنا والله يتمم عليس ويعوضس
ويعوضس انتي بعد ان شالله عادس بنت وحلوه والي جاي احســــــــــــــــــن
التفتت نوال للصوت وقالت والقايل وراحت بسرعه
نوره بااستغراب- نووووووووووووووف وش سويتي
نوف تعدل بشتها بقهر- ماتشوفينهم جايين يعيرون ماهم يباركون وانتي ساكته
ماقدررررررررت اسكت اف ياصبر الارض دامها تحملت ذي مرت ولدكم الي مدري وشلون مختارينها
...........................................


خلص الغداء وراحو المعازيم ونوره تدق على هذال مايرد
وجا ت ام سعد بجوالها وتعطيه هياء – شوفي اسم هذال وعطيني اياه
دق ..............ودق ......................واخيرا رد
ام سعد – هذال يمك وينك غادي له اقلقتناعليك
الرجال- هلا ياخاله
ام سعد- انا غلطانه ياوليدي
الرجال – فمان الله
ام سعد- شوفي رقم هذال
هياء بدهشه- ياعمه رقمه الله يهديس
ام سعد انقبض قلبها ومسكت الجوال من هياء الي سوت اعاده اتصال-
الرجال- الو
ام سعد- يابوي راعي الجوال وينه
الرجال – ابد ياخاله اناواحد من اخوياه في الاستراحه نسى جواله ورايح يجيب اغراض
ام سعد بخوف ومكذبه- ليه ومن اليوم وانا ادق مايرد
الرجال- ايه انه تعطل عليه الموتر الا عندس ياخاله حدى العيال ولا رجال حولس قريب
ام سعد بخوووف- لحظه
ودخلت – على العيال ومعها جوالها حمد افزع لي يقولون هذال تعطل عليه الموتر فز سعد وفز العيال وخذى الجوال سعد
سعد- السلام عليكم
الرجال- وعليكم السلام
سعد- راعي الجوال وينه وش جابه معك
قامو العيال حول سعد
الرجال- اخوي معك الدفاع المدني بالخرج والجوال عندنا ورديت على الوالده وياليت احد يجيناوالمصابين في مستشفى الملك فهد وياليت يجينا احد نتفاهم معه
سعدطلع منهم في الشارع عشان امه – اربه سالم تكفى ياخوك بشرني
الرجال- ايه في الطواري سالم بس المره الي معه حالها لله
سعد – مــــره
الرجال- تقدر تشرفنا ومايكون الاكل خير
سعد دخل البيت وخذى فهاد ولحقوه العيال بالسيارات ومعهم ابوفالح
ام سعد طاحت تبكي وحمد يهديها والله مافيه شي والله
ام سعد- هو حي ولاميت مابي فيه شي ولامافيه
حمد – والله والله انه سالم
في السياره سعد وفهاد وعند الاشاره التفتت – هذولا الشيبان والعيال شافونا رحنا ماحاكيناهم ولحقونا
سعد التفت على فهاد – من الي معه يقول معه مره
فهاد- من ؟؟؟؟؟؟ يمكن غلطان
شوي الايسحب سعد بريك – ابوك يالولد الهنووووووف ماسلمت علي تكفى يافهاد دق عليهم تكفى
فهاد دق على نوره – فهاد الهنوف عندكم
نوره- ايه وش فيه
فهاد- لا بس وصك الخط
نوره – عند راس امها وتقرى عليها وهي تدعي الله يجيب العواقب سليمه

السيارت وصلت المستشفى وعند قسم الطواري
سعد – هذال بن نايف ال ........... حادث على طريق الخرج
الاستعلامات – يوصف له الغرفه ودخلو الشيبان ورى سعد وفهاد
لقوهذال مخيط راسه اربع غرز وملفوفه يده ورقبته فيها جروح وثوبه ممتلي دم
وغترته على راسه ويده على جبهته وكنه يبكي
وعيووووووووونه حمر رفعه يوم جاو العيال
ادمعت عين ابو سعد – ومسك انت سالم
هذال – ايه سالم
سعد – انت من انت صادم ومن المره الي معك
التفت ابو فهاد وابوفالح –على سعد وهو يهزه
وهذال ساكت
فهاد بعد سعد عن هذال وش ذالطريقه الرجال مختلف ماهو مقطب العلم عاد به خلعه
سعد وهو ينطل عمره لهذال- من الي معك تحاكى واربها سالمه لاتبلشنا مع الخلق
فهاد بالقوه بعد سعد الي اعصابه منفلته والشيبان يهدونه
دخل الامن وقالو اطلعو الصوت العالي ممنوع
سعد معصب - مانيب طالع لين يقول منهو بلانا معه
هذال رفع راسه اخيـــــــــــــرا – مابليت احد بليت عمري المره مرتي بين الحياه والموت
الشيبان انشلو من الصدمه
ابوسعد ماعاد ميز الي حوله
وابو فهاد انخفظ معه الظغط
ابو فالح انكتم من المكان وطلع
فهاد جمدت ايدينه وسعد الارض ثبتته على وضعه وكأنه تمثـــــــــــــــال
وفها داول مره يحس بالضيــــــــــــاع بين هذال الي يبي من يواسيه
ولاعمانه الي منصدمين
ولاعمه ابوفالح الي كسر خاطره وحس بالذنب هذي بنته الثانيه وكن الموقف يتكرر بس بتغير الاشخاص
ولاهوب داري وين يوقف معه ولا هوب قادر اصلا يحدد موقفه
وكان الذهول من نصيبه والصدمه شلت تفكيره عن أي تصرف يتصرفه
كثرت الاطراف وتشابكت الاحداث حوله
والضياع كان هو الي مسيطر عليه عمره ماتوقع انه بيوقف موقف مثل الي انحط فيه
التفت لهذال الي ارخى راسه وغترته اخفت ملامحه
ودارت عينه تدور عمه ابوفالح الي اختفــــــــــــــــــــــى بسرعة البرق
.............................
!!!!!!!!!!!!!!!!!!!!!!!!!!!!!!!!!!!!!!!!!!!!!!!


انتهى

الى ان القاكم في لقاء اخر
متى يرتاح قلب ٍ بالهوى ملكته
كم هنا الى ذلك الحيــــــــــــــــــــن
سوف تشتاق لكم
طاقمي كونو على استعداد
واستديو التحليل ارجو وان تصفو الرحله كما اتمنى حضور طاقمها كامل
ارئكم انتظرها بشوق
ودعواتكم اتوق لها
فلا تنسون انتم مرأتي

في حفظ الله ورعايته
استودعكم الله التي لاتضيع ودائعه
اختـــــــــــــــكم
نبض ومشـــــــــــــــاعر

بارت جمييييل جدا باحداااثه ..ونورة افسدت علينا كل شي ..يعني ما في امل بعد كل الي جاها من فالح لازالت تحتفظ بذكراه ويمكن تحبه كمان ....الله يصبرك يا فهاد والله انك ما تستاهل الي قاعدة تسويه فيك

..فهاد و حادثه ...موقف ابو فالح مأثر جداا ..بنته الثانية وكانها ترفض ..كيف راح تتلقى سلمى الخبر ..انهيار عصبي اكيد ويمكن من هول الصدمة يصير فيها شي اكبر الله يستر

ولا اماني ونوال فرصة من ذهب للتشمت

ننتظرررررك بكل شوق
وحفظك المولى من كل شر يا مبدعة

سلاااااااااااام