لحظة لحظة الحين هذال متزوج!!!! كييييييييييييييييييييييييييييييييييييييييييييييييييييييييييي يف

فهااااد وشخصيته الرائعة تتضح اكثر واكثر عبر الاحداث..نوورة حكمت من البداية وما يقدر احد يلومها لانها سمعت بادنها متشوقة اعرف ردة فعلها ادا سمعت تبرير فهاد على كل الي كان يسويه ..حياتهم بقدر ما راح تكون حماس بقدر صعوبتها ...والحمد لله انها اقتنعت ان حياتها مع فلاح مو شي تتحسر عليه سوى انه بنظرها من سئ الى اسوء لكن راح يتغير كل شي بعد ما تجتمه مع فهاد تحت سقف واحد

وشكراااااااااااا لك على البارت وننتظر التكملة

موفقة يا مبدعة

سلام

مرحبا يامرحبا يامرحبا بطش والرش
انا نبوض منضمه جديده الطاقمتس اتمنى اكون خفيفه على القلب ومقبوله
من فتره قريت الروايه وحابه اعلق عليها بس حبيت لين ترجعين بعد غيبتس وان شاءالله اخر الغيبات


عشقت الابل وسوالفها وصرت اتابع المزاين في الساحه وغيرها تعرفت على المجاهيم والمغاتير والصفر والبيض
اول كنت اقول وشذا الابل اشكالها وحده وشلون يزاينون بينها لكن بعد مادققت فيها لقيتها فعلن تختلف
ولا ازيدتس من الشعر بيت قمت اشجع واتابع من تفوز ابله


بما اني ماعمري تكلمت عن ابطال القصه اليوم بتكلم عن الجميع من وجهة نظري وبشكل عام



بيت ابو سعد : اعجبتني اسره مترابطه يجمعها حب واحترام بين الشباب وحنيه على البنات ماخذينه من تربية الوالد والوالده
البنات قلوب بيضى علاقه اكثر من ممتازه مع حريم الاخوان
نوره ومعاملتها البيت عمها فالح وفالح عاشت عندهم ماشافو منها الشينه حب سيف وسلمى ودفاعهم عنها في كل موقف يدل على طيبها
اما فهاد وعلاقتها معه احس مكبره الموضوع شوي هونيه وتهون وكلامه قطيه بحر وابدي حياتس معه من جديد الولد اصل وفصل ومرجله وطيب افعال ومركز والكل يمدحه ولاهم الدين حاولي تكسبينه لانتس انتي الربحانه غيضي فالح ولاتخلينه يتفرح عليتس وعوضي ايامتس معه وثوب العرس ابلعي النعمه والبسيه خير وشعندها بنت ابوها ترى الرجال عاده معرس جديد ويبي ليلته ليله هوداخل على حبه وحلم حياته خليتس مره وتسنعي ابركلتس وقطعي عنتس الوساوس اللي براستس ابركلتس
شيخه وتحملها النطلات عمتها ونغزاتها واحترامها لاهل بيتها رغم ظروفها هي ومحمد في البدايه مع اني احس انها بتكون حامل في وقت طيحت محمد وتسويته العمليه وبتفرحه بالخبر اذا قام بسلامه
اما الهنوف سوالفها تدل على ملح ومغايض وعند الصمايل بيبين معدن الطيب
اما لشباب كل واحد له ميزته سعد برزانته وتباعيته الشيبانه احترام وحب لعيال عمه مافي قلبه حقد وحسد مع ان فهاد اصغر عنه وله كلمته بين الشياب ماحسده بعكس فالح اللي يموت قهرمنه
ملح القصه مبارك والجازي قسم بالله فله وعلى قولت المصاريه(ماجمع الا وفق )ولاحقينهم الهنوف وسيف نسخه مصغره عنهم بختلاف قليل في الظروف
حمد الواضح انه شخص عصبي على قولنا(لو تعاسره يده قطعها)
بس عنده هيا فاهمته وعارفه تعامل معه
هذال السالفته سالفه معجبه بهدوءه وحب الجميع واحترامهم واعتمادهم عليه
بس غامض بسالفة زواجه واتوقع انه فعلن فيه سالفه يمكن فزعه
لاكن اللي مستغربته في الموضوع انه مفكر في الزواج من غير سلمى يوم كان ناوي يخطب عيده يعني معرس معرس من سلمى او غيرها اذن وش محل المها من الاعراب والواضح ان له مكانه بقلبه
المفروض يكون واثق من نفسه ويصرح عن زواجه قبل لايظلم بنت عمه ويكون
لها حرية الاختيار


بيت ابو فهاد: البنات طيبهم من اهل ابوهم وتاثير امهم بس على منيره والمعدن الطيب يرجع لصله لان امها متاثره بام فالح واللي خلاها ماداني بيت ابو سعد النسب اللي قربهم لاكن خليها بمجرد ماتاخذ بشاير سعود بتقوم الحرب (جعل حيلهم بينهم )
فهاد بجلالة قدره خطبتس يالنوري لاترفسين النعمه هذا الشيخ فهاد بعقله ورزانته سارق قلوب العذارى متى تفهمينه ينوره
محمد الطيبه والغموض الحق على عمرك وصارح زوجك باللي فيك فهاد لاهي بعرسه وشيخه مهيب مقصره صدقني وتراها سندك وبتاقف معك
وش سر شغلك ياسعود هل حاجه ماديه او غايه في نفس يعقوب
مع اني اشوف الشيبان ما يقصرون عنك لو طلبت


بيت ابو فالح : الله يعين ابوفالح على مابتله مره غثيثه وعيال اغث ماعدا سيف وسلمى
بناتها يمشون وراى حية التبن مرة اخوهم
الله يعين سيف وسلمى عليهم


نبض قصه ولا اروع افتخربتس بنت بلدي صراحه وان معتس للاخر فعلن عشت مع الاحداث بشكل ماتتصورين واللي عاجبني اكثر الحرص على القراء واستمتاعهم وتعويض مافات والله انقهر من اللي يلطعونتس وعقب كم شهر اوسنه يجون تسنهم ماسوو شي وشلون لنا نفس نتابعتس ونتابع القصه منتيب مستعده ليش تكتبين من الاساس
احترامتس للقراء يزيدتس حب
جعل الله لك بكل خطوة توفيق ويسر وأجر آمين


نبوض توني مشاركه في منتدى ثاني عشان بس ارد عليتس

اولا مافتح معي رابط المنتدى وعلق
لكن نزل البارت في منتديات ثانيه
وان شالله اعوضكم في بارت
حصري
لليلاس
وشكري للمشرفات
والاعضاء الذين رافقو قلمي


قدمت اليوم ولكن بحلة اخرى
فهاهي القلوب الى بعضها تجتمع
وهاهو موعد القاء حان
حان لقاء قلب قدر رسم امنياته وقد لون تلك الرسمه بااجمل الالوان ليأتي صاحب الاحلام ويحرق الرسمه بما فيها ولكــــــــــــــــــــن
احرقها رغما عنه وفضــــــــــــــــــــــــل ان تحترق الرسمه بدل من راسمها
ولكن صاحب اللوحه لم يقنع بما فعل واعلن قلبه الشجب ولااستنكار
بل وقتل احلامه
وهاهو القلب الاخر يشهد احد انتصارته في امتلاك من كان عشق له
ومن كان الحياة بعينها له وفضل الوحده ان لم تكن هي اميرته
ولكــــــــــــــــــــن
هل سيمتلك قلبها ؟؟
وهل سيشهد انتصار اخــــــر
؟؟؟؟
في الم الماضي وفي خوف الحاضر وفي ترقب المستقبل
كان الضياع من نصيب قلبها
وهناك اشخاص ينتظرون دورهم واراهم يرقبونني لكني اصد عنهم عنوه
قلب قد احب بكل مافيه بل انه مشى على خطى رسمت له منذ الصغر ولم يعارض قد احب اختياره حتى النخاع وكان من حوله يصور كل
تصرفات الطرف الاخر العفويه وبل العشوائيه الى حقائق لايمكن اخفائها
ليست وحدها من زعرت الحب وسقتها بل كل من حولها شاركوها ذلك
في من هو غــــــــــــــــــــارق في هواه في هوى غيـــــــــــــــر كان الغريق
؟؟؟؟؟؟؟؟؟؟؟؟؟؟؟؟؟؟؟؟
اتت
متى يرتاح قلب ٍ بالهوى
ملكته
راحت ايامه كلها وهو
يرتجيـــــــــــــك
الاهداء الى قلوبكم التي رغم ظروفي رافقتني واعلم ان الوقت لايناسبكم لكن التمسو العذر فوضع السفر يقيدني
متى يرتاح هذه المره اليكم عامه والى نووفي واميره الجروح ووياخذني الوله (وجينا لعيونك ) ولن انسىsoso
فهاد في مكتب حجز القاعات يأكد الحجز وياخذ المفتاح يشوف وش الي ناقص
وش الي الي يحتاجه قسم الرجــــــــــــــــــال
طلع وقبل لايحرك وهو يلبس نظارته القى نظره على القصر
وقال – جعله يسقى لاانورت انواررره
.......................

في مكان اخر فيه الحروووب طاحنه ولكن هادئه في الوقت ذاته من بين الكلمات كان يدس السم
سيف- يمد كيس الفطائر على البنات والعصيــــــــــر
سلمى – سيف جعلني قبلك جايب بايسون للبنات
سيف بااستنكار مصطنع- ليه ماتشربونه
سلمى – الله يهديك ياسيف تستهبل بنت وبايسون
سيف- لا عاد الامر فيه ســــــر طول الطريق وانتم السنتكم ماشالله
وكلامكم ينطق سكر والطاقه للسان الطويل والمرادد موجوده
وماتشربون بايسون اجل وش تاكلون ؟؟؟
بشاير تهمس لسلمى- هيه قولي له والله اني هاجده لا يفشلنا عند سعود
سعود – والمشكله اكلهم مثل اكلنا ولاجانا النشاط الي فيهم

سيف - ولا بعد يقولون((( النسوان ضعيفات )) جعلني المرض كانهم ضعوف
!!!!!!!!!!!!!
سعود يدري ان البنات يستحوون يفطرون في السياره
ودكم ننزل في ( فيــــــــه ) يعني مكان مظل تفطرون والا السياره
سلمى تهمس لكتف سيف لانها كانت وراه- شوف لنا مكان البنات يستحون
سيف- جعلني مااعود سالم كانهم يعرفون السحاء
سلمى – حرام عليك
سيف –ماشالله تستحون من العيشه بس نطل الحكي وطوالة السان لا مافيها حياء
الهنوووف لبشاير فولت – مخلين الحشيمه للفاشل
اخوكم ماشالله يعرف يحشم الي راكبين معه

بشاير –قصري صوتس والله ينكبنا لو سمعس
الهنوف – تكفون لازوجتوه زوجوه وحده من مستواه لاتحشم ولا تقدر وياليت تطابقون المواصفات وتصير بعد فاشله عشان ماتهمله
سيف لسعود- ياحليلك ياسعود اشهد ان حظك قايم بتجيكم نوره مباركه وكل شي فيها مبروك.. وتجيك العيشه السنعه والجناب السنع
سعود- اثرك حاسدني
سيف- حاسدك انت اخوك سبحان الله النصيب ومايجي والمصيبه محد طلع عليها مدري هي رابيه في كوكب ثاني هي جايه من المريخ ياخي افكر في مستقبل بناتنا
بكره رياجليهم لاززززززززم يكونو رخوم عشان تمشيه الوحده منهم مايرفع راسه
نتطمن على مستقبلهم من يتحملهم علمني- لا والله فلاحه ولا والله سنع ولا والله اخلاق
وين نلقى الي يتحملهم وبصبره يدخل الجنه
سلمى – حرام عليك سيف
سعود- يعنني الحين بنت ناصر الكبيره وهم البزران
الهنوف تدري ان الكلام موجه لها الا رد بعد على كلامها لبشاير

الجازي محتره ومبارك يصفر ويتسوك ولاكأنها موجوده
الجازي تكلم بالجوال – وينكم فيه
الهنوف – حنا ملبقين سيارتنا ونفطر
الجازي – ماشالله عليكم
مشاعل خذت الجوال- ياخاله فاتس سيف وسعووود وناسه سوالفهم تجنن
الهنوف – الاماحلاها ربي من سوالف بسلامه خالس
وسولفت مع البنات شوي وسكرت
الجازي سكرت وطالعت مبارك شفت هذي الروحات شوف العرب كلهم مستانسين وموسعين خاطرهم
ماتعلمني وش حالنا حاط الكاس في درج السياره والفطيره ماسكها بيد الي تمسك الدركسون
وانا بالحالي افطر وش ذا الغلقه
مبارك زود على حركتها البارح تكلم – اقول لايكثر وهاس قطعي له الفطاير بدال مانيب ماسكها واكل منها
الجازي – يالييييييييييييييييييييييييييل
مبارك صد وهو يبتسم يعشق نبراتها وهي طفرانه ولامدتها
ياليييييييييييييييييييييل وتمتم بهدوء ماتسمعه
الا ليلين يالجازي توس ماشفتي شي



في الغرفه – هااربس طيبه
شيخه – حاطه المخده على بطنها بخير
محمدقام وفتح الستاره – وغطت شيخه وجهها سكرررررها
محمد قرب وشغل التكيف على التدفئه لان الغرفه ثلجت
محمد وهو يهزكتفها ورجل على السرير ورجل على الارض- الشيخه ...الشيخه
شيخه بنفس منقطع – ه....ه..ه......هاا...ااا
محمد – افا ادعيس تقولين ها
شيخه – لبيــــــــــــه
محمد قرب وخر الفراش – يالله جعلني قبلس خلنا نلحق العرب الخاين مبارك مشى وهو يقول بدق عليكم يقول سج عنا
يالله ...
شيخه غطت وجهها – محمـــــــــــــــــــد مالي مراح معك تبي تروح روح الحق عليهم وانا بدق على امي تجي تاخذني
محمد- زين ليييييييييييييييييييييييييييييه
...............................!!!!!!!!!!!!!!



ابو فهاد – ومنيره وسعد مند مجيــــــــــــــن سوالف وضحك
والجو ماكان بعيد عن سيارة فالح
نوال – ياربي هذي المشغل داقه من البارح وش عندها
اماني – دقي اكدي عليها مالنا خلق افلام ت زحمه - ماقدر - من جد مالي خلق
ام فالح – مانتم ملزومين بها اماني جعلني مااضرها الزين في مخباها – **واماني ناعمه الملامح حد الجمال
ام فهاد- ونوال بعد نفداها العمر الزين والوجه الي حلاه ربي والله ان ولدي ماهو ب رابح يومه ضيعس
نوال – صدت وكنها تداري عبره شعور ان الشخص ينرفض شعور كريه
اماني – فيه الي بيربح بها ان شالله
ام فهاد – تهمس لام فالح مرتنا لازوجنا محمد ماهيب مصبره بتروح لااهلها تطلب الطلاق
ام فالح – وبعد زود ٍ على مافيها تحمس الي مثلها يبلع النعم مايكفي الرجال خلاها على ذمته
ام فهاد- عوينس فيها مرتنا مشوهه وعوباء ماتشوفينها عاسرتنا
ام فهـــــــــــــــــــــاد تخطط لاامــــــــــــــــــر في المستقبل العاجل
وتمهد الطـــــــــــــــــرق قدام ام فالح
!!!!!!!!!!!!!!!!!!!!!!!!!!!!!!



نوره – بسم الله الرحمن الرحيم
شيخه- منس يالمجدوره
شيخه تاخذ كاس - خير ان شالله
نوره مستغربه وواقفه والماء المغاسل يهدر قربت شيخه وطفته وقالت- وجع يوجع راسس بدال ماتستانسين اني بقعد معس تسألين
نوره بخوف- بينس وبين محمد شي
– شيخه لاوالله مابه شي
نوره – اجــــــــــــــــل
شيخه – ابد زهبت عمري وزهبت شناطي وماشفت عمري الصبح الاوانا
حرام علي اطب مكه وخلاص
انفجرت نوره ضحك – ياحرااااااااااام خربت معس
شيخه – اف يانوره مقهوره والله من نفسي والمشكله الحبوب الي تأجلها الدكتور تقول ماانصحس فيها يعني مايكفي لعبت بعمري من البدايه بحبوب المنع الي لعبت فيني وفي شعري وحالي بعد الحين ادمر عمري مره ثانيه
نوره – يابنت الحلال تزين شفتي ربي يحبني وجابس لي
شيخه – اقولس شي بس ماتضحكين ولا تهزين
نوره بااستغراب على مود شيخه الي مدري وش فيه
شيخه- وبشرط لاتعلقين
نوره بطفر- يووووووووه شيخه اخلصي
شيخه- انا تحلمت ان محمد اعـــــــــــــــــــــرس
.................................



ندى – يبه صح حنا بنروح لله
ضحكومنها
ابوفهاد- دافع البلا ياسعد بنتك ذبحتنا ذالليل
وخلتنا اموات يالله حسن الخاتمه
سعد- لايابوس حنا بنروح لبيت الله
ندى – خلاص بنروح بيته اجل بنشووفه في بيته
منيره- تمسك يد بنتها لاجينا في مكه قولي يالله انك تصلحني ويالله انك تعافيني
ندى بنظراتها الطبيه – زين
ابو فهاد- سعد يابوك البنت ليه ماتغطيها
قدها مره
منيره- يبه مابعد وجبت
ابوفهاد- لاكان البنت جعلني مااضرها طوووووويله
سعد- هي بتصبر ماعليه لكن الله يعدل الحال
ذاك اليوم ياعم عازم الجيران ومصلي معنا فهاد وعزمته وهم قالوان خالها موجود ولا ماقالوه ...شيلي البيت بصياح طلعوني له .... الحين
منيره – والله يايبه ان حنا نهجدها انا والخدامه ولافيها حيله صيحه في السماء وصيحه في الارض
افتضحنا في الرجال
ابوفهاد – وصوتها الله يهديها يفجر الرأس بس اصبرو ياابوس ولكم الاجر
الكل – اميــــــــــــــــــــــــــن

ام فالح – مابعد طلع ثوبس
ام فهاد – لامفصلته الجازي وتوه تقول ماطلع وهياء شاريه لي طقم
وفهاد – جعل ربي يرضــــــــى عليه ماقصر هو واخوه
ام فالح – اجل العرس على كلامهم بيجي عربن واجد
ام فهاد- أي بالله العرب بينكتون عليس
ام فالح – الله يعين على ذ العرس
ام فهاد - والله ان ذا الولد الله يهديه خلا فرحتي ناقصه يوم خذى بنت نايف
ام فالح بتطمين لام فهاد - لانقصت انتي الي تميها


هجـــــــــــرة المويه على مقربه من الطايف –كان عندها المقر
سعود يكلم ابوه – مابعد وصلناها باقي شوي ............على خيــــــــــــــــر
البنات كانو هلكانين من الطريق
يقول ابوي لاقربت من هجرة المويه وقفو لين نجتمع ونروح كلنا للميقات
وهذال عشانه براسه بيسبقنا وبيحجز في الطايف ونشوفه في مكه
سيف على خير
سعود – شكل الربع طفو
سيف- اثر التعب محمود العواقب


سكر من الجوال مبارك
الجازي- وش يقولون؟؟؟؟؟
مبارك- ابد يقولون انتوجه قبل الطايف
الجازي – مابغينا
مبارك – الا ابرك بلحالنا وسعه صدر (( يحرها )) وممشى على كيفك من يعينها
يابنت سالم جعل ربي مايحرمس مني
الجازي اكتفت بذيك النظــــــــــــــــــره وقالت – ترانا نبي محطه
مبارك بخبث- تراس مقبله على مكه ولاتصرفين مال حرام وضرب على مخباه الي في طرف صدره الخير والحلال موجود
الجاززززززززززي صدت منه
مبارك يقصد ان دراهمس حرام لانس تسرقينها من البنك هو ماهوب وقت مزح بس في جووووووووووفه نار منها للحيــــــــــــــــــن تستعر



مشاعل هاك ياخال دانه – ابلشتنا ماهجدت
وخذاها سعود
دانه – شوفهم مامشطو شعري ولاجاء عرس خالي يصير مقطع
شعر دانه ناعم بس عقدته يلتف بسرعه والصغيره متعقده
وتسولف على خالها – شفت شعر ندى ناااعم وتمسك خصله من شعرها الملتف وتمدهاوتقول شعرها مثل كذى وووواقف بس انا يتلوى
ندى – تقول الي شعره يتلوى يتقطع بسرعه ويطيح ويصير ماله شعر
سعود- الابتكبرين ويزين
سيف- حسبي الله على عدوكم عقدتوها
سعود- الابيزين وبتغدين مزيونه وبيطول
ودانه ترفع يدها
سيف- اخبر ناس شعرهم عادهم صغار متلقي السماء والحمدالله كبرو وعاشو حياه طبيعيه وقدرو يكملون مشوار الحياة بدوووووووون عقد الا بالعكس حتى معهم مواهب في مرادد الحكي
سعود – لزم الصمت لانه عارف من يقصد
دانه – ويوم كبرو صار ناعم صح
سيف انحرج بس على طول يوم زفره تدارك نفسه- ماظنيت
بس انتي غيــــــــــــــــر
سعود- يعني يقالك انك جبرت بخاطرها
سيف في نفسه – ماعليه خلني بس اكسر راسها ولاحقين نجبر الخواطر
سيف اخذ مشوار مكه تأديب منه لها لانه صعب يشوفها مره ثانيه الا اذا اتوفرت الظروف
الهنوف – سبحان الله ودي اكب الزين كله دام راعيه فاشل ومتكل على غيره
ومن حسن حظها ان سيف ماسمعها لانه لو سمعها كب القااااااز كله
لان السيل قد بلغ الزبى



وقفت السيارات ونزلو ينتظرون مبارك
لان الشياب عادين سعود وسيف توهم ومايبون يمسكونهم البنات على اساس انه صعبه عليهم يعمرونهم

سعود لبق الموتر واستلم عن سيف السواقه
وطق الدريشه على البنات انزلو
ونزلو البنات
سيف نزل وهو يتمغط – يالله عفووووووك ويالله رضــــــــــــــاك
والبنات راحو يطلقون رجليهم في البر لانهم تعبو من الجلوس
سعود يصوووت – لاحد يبعــــــــــــــد ويبلانا
سيف – يابن الحلال محد بغادي بس تعال نزل معي الفرشه والمركى
سعود- ها الحين بيشوفونا سابقين العرب وبيقولون ان حنا مسرعين ويمسكونا ذا الشيبان
سيف- اقول سعود جاء في بالي شي
سعود- وش
سيف – والمركى شايله تدري لاخلصو الشيبان من هذال حولو علي لاني بمسك وظيفه محاسب عقب العصر وادرس في الصبح واكيد بيبلوني املك
سعود- وانت بعد ليه تقدم على وظيفه وانت خابر ان الرجال بيوظفك وانت تدرس
سيف- عشان ابرهن اني مانيب فاشل وصايع ومفحط وراعي استراحات
سعود بمزح- مفحط تحضر التفحيط راعي استراحات نعم قصدك تبرر انك مانت بفاشل وصايع
ماتهمك ماعليك منها
سيف- ايه ماتهمني بس لازم اعلمها من انا
سعود- خل الوظيفه عقب الدراسه
سيف- لا
سعود- اجل تحديك خله ينفعك لاملكوك
سيف- قلت لك الوظيفه لازم امسكها
سعود قاطعه- وتصير في عينها المكافح والي تدرس في نفس الوقت
سيف- هي ماهمتـــــــــــني بس لازم تعرف من االفاشل
سعود- انا بصراحه مافكر مثلك على حساب راحتي
سيف- اكيد والدليل شغلتك
سعود اغتاض وكتم غيضه- خويي فيها وحبيتها وتقدر تقول هوايه
سيف سكت ثم قال
بس تدري اني بدرس وبتوظف ومانيب متملك
سعود بدهشه الله وشلون – بقول تبوني اعرس ليه
سعود – عشان يجي لك عيال
سيف –بقول خواتها الله يرزقهم والله يعطيهم الذريه الصالحه يارب وهذا انا ادعي من قلب ياسعود قبل لاادخل مكه مارزقهم ربي وماهوب بعيد تكون نفسهم تبون تزوجوني زوجوني وحده غيرها
سعود- سكــــــــــــــــــــــــــــت
سيف- عدل جلسته – واسترسل والله اني احبهم كلهم واعزهم لكن ماابي اخذها بكره واسرف فيها وتخرب علاقاتي بعماني عشانها وهي عاد اخر العنقود
يعني لاني المستفيد ولاهي المستفيده وبزعل شيباني وزود على هذا وذاك هذااال حار تراه مايتدانى هو ومحمد في عيشة الله
فليه اخرب ولا والله اني مافكرت بالعيال ولاشي بس الشيبان مالي درب عليهم
الاذا الدرب وقلت لك والله اني ادعي الله يرزقهم
سعـــــــــــــــــــود ضاق – عشان بنات عمه وعشـــــــــــــــــــــــــــان
اخوانه الي تعدو الثلاثين وللحين ماجاهم عيال على الاقل البيت يمتلي عليهم وتغير عيشتهم
وقطع الصمت سيف
اقبلو ربعنا
مشينـــــــــــــــــــــــــــا

سيف كان عذره جارح حد الصميم وكان مبرره صــــــــــادق لكن وش ذنب الي هذي قسمته من الله
؟؟؟؟؟؟؟؟؟؟؟؟؟؟


شيخه مسندحه على الكنب وجنبها كاس حليب حار
وجدتها عندها
العجوز-وش فيس متمدده من الصبح
شيخه- تعبانه ياجده
ام معيض – وش تقولين
شيخه- تعبااااااااااااااااااااااااااانه ياجده
ام معيض – مامنكم تاليه يابنات ذ الوقت صخونه تنهدون منها انا يومني كبرس
نفاس بموضي والله يابنتي اني ولدت في الليل في الصبح لميت القش للشديد واني طارحه مع المرحوم الله يبيح منه عمود الخيمه
شيخهاستقعدت على حيلها – وش تقوووووووووووووووولين ياجده وانتي عادس على قيد الحياة
ام معيض زعلت من كلمة قيد الحياه والعجز حساسين بالنسبه لهالامور- وش ابي يابنتي بالحياة دام كل ربعي فارقوها شين الي ياخذ عمره وعمر غيره دنيا التالين ماتجوز لي ولا عيشتي تجوز لهم
شيخه كسرت خاطرها وقامت لينها قدامها- لاوالله يايمه الامبارك ٍ بيتنا يومس فيه ومبارك ٍ عرس بتحضرينه
ام معيض قلبت عليها- الحين يومني من الصبح ادعيس واقول شويخان وصمخ ماتردين ليه
شيخه بااستناكار – انا ياجده
ام معيض – ونا يخرق اذنس ايه انتي
شيخه – ياجده انا طايحه من اليوم مهدوده ظهري ذابحني وبطني مثل وعندس متى دعيتني
ام معيض – تكذبني بعد جعلس الصخونه الي تهد س
شيخه بضيق ممزوج بزهق- نوووووووووووووووره يالعرووووووووووووس
نوره-جات وجع وش عندس تصايحين
شيخه طفرت- ومت وزققت مصخنه وتدعي علي


تجمعت السيارات وريحو كلهم
الجازي – اففففففففففففففففف طافرني مبارك مالي خلقه
الهنوف – احمدي ربس مبارك ولاغيره
والبنات ضحك وسوالف والجوووبااااارد وكان خيال شكل السماء والي ازاد الشعور روعه
انهم رايحين بيت الله
حركت السيارات بعد ماريحو اهلها

في بيت ابو سعد مازالت الافلام مستمره
نوره –انها صادقه ماتسمعينها
شيخه فاتحه فمها
نوره تهمس لها – دروووس العوباء الهنوف لبى قلبها
لهافقده


قبل نقطة التفتيش
بسطات للجزم وانتم بكرامه وللااحرامات وللااحزمه
البنات مايبون سوى جزم بدال جزمهم وكانو مستانسين وهم يطوفون بين البساطين
الهنوف رافعه غطوتها وشوووووي الا ذاك الي يمشي لها طيران – ويصرعها بكلماته – نزلي الغطوه على العيون الي ماحلاها ربي
الهنوف – هاديه حد الجنون
صدت عنه وراحت مع البنات دون كلمه مخليها سيف وراها بين المصدق والمكذب-
هذي وش فيها استخبلت وعقب ابتسم وقال الاتأدبت بس اجتاحه شعور خلاه يلتفت
لها ويقول بذا السهوله (( وش في راسس يا هنيف )) اشغلتيني الله لايشغلنا الابطاعته
عدو نقطه التفتيش والجو صخب البنات يتقوسون الجزم ويضحكون على بعض في المقاسات والالوان والهنوف صاخه
!!!!!!!!!!!!!!


تجمعو في الميقات
ونزلوالبنات مع شناطهم واغتسلو ولبسو
كان السيل مزدحم بالعايله مشاعل وهي تنشف شعرها
ماشالله الميقات كنه لنا
سلمى – اذكرو الله وخلو السوالف تراكم احرمتو
الجازي جاتهم وهي وشوي تشق هدومها من مبارك
وخلصو
راحو لمكه ونزلو العيال وسيف وسعود خلو معهم هذال لانه الكبيـــــــــر
يعتمر بهم سلمى يوم درت ان القياده بيتولاها هذال انسحبت لاامها واهلها
الهنوف كانت بتلحقها لكن هذال عياء
طافو وكان هذال يدعي بهم ومتمسك في البنات وخايف عليهم من الضياع
وعقب صلو خلف المقام
وبعد السعي جلسو البنات متمددين وهم يراقبون المسعى يشوفون ام فهاد على عربيه هي وام سعد
والشيبان عيو وقامويسعون
بشاير – بنات ادعو كل الي في خاطركم حنا في بيت الله عسى يستجيب دعاويكم
الهنوف – لمحت سيف يدعي وابتسمت وقالت كني عارفه وش تدعي به ياسيف
تراني معك امن
سلمى كانت متربعه وتدعي ومن بين دعاويها
يالله وفقني معه يالله ويالله احفظه وطول في عمره يالله
كل نفس في مكه كانت تدعي كل روح كانت تطلب الواحد وترجيه ناس جاو من اقصى البقاع بس عشان يرفعون ايديهم ويطلبونه
كل البشر في غناهم وفقرهم يتساون بالحاجه له ياكم نفس تطلب الله يشفيها وياكم نفس تطلب الله يسدد دينها وكم نفس تطلب الله فرجها من همومه
سيف كان يدعي الهنوف سلمى هذال الجازي الشيبان كلهم
كانو يتضرعون لله ويدعونه ومنهو غيره جل جلاله
لعباده

انتهو من عمرتهم وانتهو من مناسكهم
راحو الفندق في الطايف الي حجزه هذال لان فنادق مكه مزدحمه
ريحو في الفندق ومر اليوم عادي بهدؤ الهنوف الغير معتاد
ويسولفون وش سوو في مكه ومن بغى يضيع
البنات الي على السرير والي ممده ارجولها وترش عليها ماء مارد والي تدهن ارجولها متكسرين عقب العمره

بشاير- ياويلي يابنات صقعت في ذاك الافريقي الطويل وتروعت
شوي الي هذال جاني وقال خليس مع خواتس انتي مشاعل قلت لا بشاير
مشاعل – طحت على وجهي ماعرفت امشي دون برقع والغطوه مابينت وخالي ميت ضحك
الهنوف اخيرا تكلمت- انا امشي في المسعى شوي كنت بهوي واتمسك في هذال والحمدالله بغيت اسبح على وجهي وارجع الرياض بعاهه ويالله اخت عروس ومصابه
سلمى ماتت ضحك – الي عنز لس ماهوب هذال
سيــــــــــــــــــــــــــف يحسبس الظاهر بشاير ولا انا
مادرى اني فركت اول ماشفت هذال
ضحكو والهنوووووووف منصدمه
بشاير بلعانه – ساعه شافت الخبل هذال بالاحرام تروعت
سلمى ولع وجهها- وجدري طالع ضخم وش اسوي وربي غصب خفت منه
مشاعل – ياويلسسسسسسسسسسسسس عرسس عقب نوره
سلمى انتفضت بخوف وحذفتها بغطاءعلبة الكريم - وجدري تراني مرعوبه
الهنوف يوم شافت سيف هي بعد خافت في نفسها- يمه ليه العيال يروعون بالاحرام حتى سيف يوم شافته ماصدقت انه سيف كذا فجـــــــــــأءه كبر وغدى رجال
وابتسمت ولاهو رجال اصلا وانتي يالهنوف ماتشوفينه رجال

وانتهى يوم مانامت فيه سلمى ولاهنوف ولاهذال
الوضع واحد واختلفت الاسبــــــــــــــــــــــاب

الشيبان قررو يريحون يوم ثاني في الطايف وعقب يمشون
عدى هذال الي قال برجع قبلكم وقالت الهنوف ومشاعل بنرجع معه
البنات بقو في الطايف وسبقهم على الرياض هذال والبنات
ولو ماراحت الهنوف كان ماتت
الاحوال في الرياض
في الرياض فهاد كان مابين البطاقات وتوزيعها ومابين المطابخ والذبايح
وتمنى انه هذال موجود كان ساعده وقضى وقته معه مثل ماكان في المزايين
وصلو اهل مكه
وبعد سلام حار ودموع من هنوف استقرت الاوضاع وريحو اهل السفر
وعقبها اجتمعو عند الجده

فهاد حمدالله انه هذال جاء وتكفل بالقهوه وازعفران وشغل الضيافه
للعرسوشال عنه لانه تعب مابين شغل ومابين عرس ومابين نقل الابل للمكان الجديد

على قهوه ودافيه وحليب كان اجتماعهم
قامت الهنوف وقامت تسرد لهم وش صار وش سوو وعلمتهم مواقفهم في الفندق يوم يفتح بالكرت ويوم دخلو لقت الكهرب طافي نادو الاستقبال وسأل عن الكرت واخذه ودخله في مكان جنب الباب واشتغل الكهرب بالبطاقه تقول وحنا
ميتات ضحك من الهبال وذكرت كلمة جدتي – الكفار ماخلو شي
والهنوف رجعت الهنوف من شافت اهلها
ونوره


جاو اهل العمره وماطولو يومين وهم واصلين الرياض


نوره من سوق لسوق
باقي تقضي لجهازها
نوره- يالله نروح نشوف الفستان الي قلت لس عليه
شيخه- اخيرا قنعتي
نوره- من قال بلبس فستان عرس هو بس شفته قريب من فستان العرس قلت
اخذه
شيخه- وسط المحلات تأشر هذا اخذيه ولاهذا
نوره – عطيتس وجهه انا جايبتس تشوفينه ماهوب تخير لي
واخيرالقته
شيخه ساعه تامل –امممممممممممم ماشي حاله
نوره – حراااااااااام عليس
شيخه- حليو
نوره بضيق- شوووووووووفيه زين
شيخه – حلو
كان سكري وسواريه وكان الصدر قصه وضيق وطرحته رايقه
كان هاادي لكن حلو
نوره – خلصت الاجرأت مع شيخه
شيخه باقي شي- نوره مدري اشياء تافهه مااتذكرها الافي البيت
شيخه – تبن نفر بعد يمكن تشوفينها وتذكرينها
نوره-لا الهنوف مع جدتي والله ان تطفرفيها
ورجعو
ظن نوره ماكان بعيد لان الهنوف داخله مع العجوز حرب داحس والغبراء
الهنوف – الحين الي ينفعس ويقولون يوديس ولد معيض علميني الضمان ليه يعطى ماجد
العجوزتنسى والي ينفعها صدق ولد معيض لكنها تحب ماجد ولد بنتها- لا الي ينفعني ماجد الهنوف لا الي ينفعس ولد معيض هو الي يطارد بس وهو الي يقوم بس والتاليه يوم جاء الضمان تشرهين الي مادرى عنس
ام معيض- تكذبين علي يالعوباء
الهنووف- الااصدق معس
وهذا حالهم الهنووووف مستانسه وداخله جو مع جدتها ومعجبها ان ترادها والعجوز على الكيف
رجعوا هل السوق وسمعو صوت العجوز وصوت الهنوف در وان الحرب قايمه

فهاد اخذ الجازي للقاعه وشافت الي ناقص وقالت لازم تجيب زوليه نحطها على المنصه لارقص احد فوق الرخام وطاح ماعين خير
فهاد- لا عاد الله الله بعرسي
القصر لازوردي كان روعه اول ماتدخل كانت شلالات على الجدران وومزروعه الارض وكان فيه برى غرفه فيها شاشات تلفزيون للاطفال وكانت زجاجيه
من داخل القصر كان حاجه ثانيه كانت المنصه كبيره والجسر زجاجي وتحته بركة ماء
كان القصـــــــــــــــــر خيال
الجازي مبهوره – يهبل يافهاد يهببل
فهاد- صدق
الجازي – أي والله جعل الله يوفقك ويالله مرنا للحجز نحجز هذايا المعازيم ونحدد مكان القصر للمحل المعجنات ونمر
الحلويات واكد حجزي
فهاد بزهو يخالطه فرح- على بركة الله

سلمى لنوال – تصدقين اشوى ان ملكتي عقب عرس فهاد عشان احضر العرس لو ملكوني الحين بنحرم من العرس مااحلاني حاضره العرس وانا متملكه
اماني –هههههههه عادي عشان يزفونس مره وحده وبلا خساير
سلمى – مايرضى هذال ياحبيبتي لازم يحط لي رنه وطنه
نوال – امووووووت انا يالثقه
بشاير- ودى سيف البطاقات لخوياتس ويقول الي ما افتح نزله تحت الباب
سلمى – يارب يحضرون

سيف طالع من المطبخ نادته بشاير
سيف – هلا
بشاير- تعال شوف وش صورنا يوم رحنا ..... شكل السماء خيـــــــــــــــال
والجو يهبــــــــــــــــــل تعال شوف
سيف- والله يوم حنا في المويه
وهو يقلب في الصور
قالت بشاير – ياخساره فات الهنوف
سيف ببرود- ليه ماكانت معكم
بشاير-مالت عليها الخيشه عيت تقول بنام مانمت
جمدت اوصال سيف ويده جبست ولاعاد حركت مؤشر الجوال وقلبه بدى يسرع نبضه حس بان البروده اجتاحته رغم النار الي اشتعلت فجاءه ورفع عينه لها
بشاير- تدق بااصبعها وش فيك
سيف وهو على وشك الانهيار- وش تقولين
بشاير- وش المهم يعني قلت لك مانزلت نامت في السياره وحنا رحنا نتمشى
سيفوبدى يعرق- يعني يوم قعدت انا وسعود كانت موجوده
بشاير بغرابه وهدؤ- ايه
في غمضة عين شافت الجوال انرمى وطلع سيف من عندها كنه مصدوم
سيف طلع برى ودخل سيارته وجلس لحظه يعيد وش قال لسعود وكل كلمه سمعتها الهنوف
يعني سمعت .........وضرب بيده الدركسون ماجاء على بالي انتبهه والنوافذ مغيمه
وقام يزفر من الضيـــــــــــــــق ومرت قدام عينه نظرتها يوم قال غطي عيونس
ومر قدامه يوم قالت في الحرام بنفخه هذال بروووووووووح معك لدرجه كلنا التفتنا وكان بين انها ضايقه
مر قدامه يومهم في الفندق ومعه كيس الفطور
وشاف هذال معه الهنوف ومشاعل وسألهم وين قالو ماشين للرياض
كان يسمع البنات يترجونها تبقى وهي رافضه وتقول لو تطلبون منا لبكره وبعدين لو مارحت بموت وبنكد عليكم خلوني اروح ابرك
تذكر نظرتها البارده وين الهنوف الملسونه وين الهنوف حادة الطبع وين زفيرها الي اسمعه من ورى برقعها لاقهرتها وينه
سيف في نفسه – تسأل وينه عقب الي اكيد سمعته
تسأل وينه ؟؟؟ ذبحت كل شي فيها بكلامك ياسيف وللحين تسأل!!!!!!!!
سيف تنهد بقوه – ابي اتأكد بس شلووووووووووووووون ؟؟؟؟
يارب ماسمعت وكانت نايمه يارب

مرت اليومين وكلن يطارد العرس الي حل وكلن مرتبش في نفسه
جات الكوفيره للبيت لان نوره تقول ماارتاح الا في البيت
سلمى وخواتها في المشغل البيت شبه فاضي من عدى ام سعد وشيخه
منيره وبناتها والهنوف مع الجازي وهياء في المشغل
في مشغل بنات ناصــــــــــــــر
سلمى طلعت وهي لافه شعرها بشبكه ولابسه بنطلون وبدي وتكلم
ها خلصتو
مشاعل يستشورون شعر الهنوف وانا باقي واخاف الوقت مايمدينا
سلمى الابيمديكم وابي وحده منكم هناك قبلي صديقاتي بيجون وابي احد يستقبلهم
مشاعل – لاخلصنا دقيت عليس من جوال امي
سلمى – على خير
بشاير- بطلب ترانا متنا جوع
سلمى – يالله دقي على سادو خليه يجيب لنا غدى بيذن العصر وهم عادهم ريضين

منيره تعلق ثوبها لا يتصفط
الجازي – حاطه كريم اساس بس ولافه شعرها بلفافات
هياء – لو يشوفس مبارك والله ان يطق ويعرس مع فهاد ذالليل
الجازي- الزين بيظهر بعد شوي
مشاعل – خاله تعالي شوي
الجازي وش فيه – بناخذ رايس في شعر الهنوف بسرررعه

تغدو البنات والفلبينيه معصبه من سلمى الي كل شوي تخفف من ضلها وتغير في روجها وتكلم انجليزي والبنانيه ترجم- اخت سلمى ازا بتريدي بلاها تلعبي بحالك احسن مايخرب شكلك وكل هيدى بدو يخف مع التعب اول ماتوصلي الصاله
سلمى – لااحسه ثقيل
البنانيه- انتي بتحسيه تخيــــــــــــن لكن دغري لماتوصلي هونيك بدك تشوفي حالك مع الاضأءه منيحه
سلمى خايفه- والله مايندرى عنس

الجازي ومنيره لبسو عيالهم ثياب وشمغ ولبسوهم تلبيسة الفرد لكن فاضيه
عبدالله يشوف عمره في المرايه هو ونايف – الله نفس مسدس خالي فهاد الي يلبسه مع الثوب
ودقت الجازي على مبارك ياخذ العيال لانهم اذوهم وجاء وخذاهم


في مكــــــــــــان اخر هادئ المكان الي مايشوبه الادخان العود
في الشقه فهـــــــــــــــاد مريح والبيت فاضي ودى العجوز القصر مع امه ورجع وشيك على المطابخ وعود وخياله بعضه معه والبعض غيره اســـــــــــــرقه
!!!!!!!!!!
حمد في القصر والعيال رايحين جايين ركض- دق على انسوان ياخذون العيال ازعجونا
مبارك- النسوان ريضين
حمد – انا ولد ابوي من ظهر وعادهم ماخلصو
سيف – ودي اشوف هم وش يسوون والله لونها عمليات تغيير خلصو حشاء
سعود- والمشكله ربعك يظهرون هم هم الا ذ الالوان الي ماعاد تعرفهم ولاتميزهم من بعض
محمد - ولابعد تلقى كل وحده شايفتن عمرها الزينه وهي لو تشوفها اطلقت رجلك مايردك الا الباب


في بيت ابو سعد الجوء ساكن عكس الصخب الي كان يقام من اجلها في الخارج
نوره متوتره .. الا مرتعبه خوف
خوياتها المعلمات وصلو وتدعي يارب البنات موجودات
وماعاد قدرت تجمع لدرجة تمر عليها لحظات تنسى فيها عمرها انها عروس
ماهيب قادره تاكل وحلقها كل شوي يجف مع انها متكلم واجد

في قسم الرجال
يتوسط الكراسي ابو فهاد وابو فالح وابو سعد
العيال كانوفي الاستقبال
سعود بالثوب الشتوي البني له حضور
وسيف وثوبه الاسود وغترته متزن
وهذال
الي في كل شي يزهاه وفي كل ملبس له طريقه وحركة شماغه ماتغيرت طرف مرفوع
وطرف على جنب كانت لها جاذبيه خاصه في شخصيته
محمد عازم المدرسين والموجهين الي يعرف
عوض كان اول الحضــــــــــــــــور


على اذان العشاء
لبسو البنات ثيابهم
الهنوف كانت لابسه ليلكي ضيق بعدين فلو وشريطه عنابيه وقصته من تحت سبعه مايله وكعب ذهبي باااساور ذهبيه
شعرها مرفوع طبقتين طبقه بوف وطبقه تحت مفكوكه
وكان يزينه لولو ذهبي
طبعا ام معيض مابقى دعوه مادعتها عشان فستانها قصير من تحت وبدون اكمام
مشاعل شعرها طويل وفستانها اسود كانت املى من الهنوف النحيفه كان حرير اسود تحت االصدر درابيه وبعده شك عريض فوشي وضيق من الصدر وواسع من تحت كلوش
شيخه تركواز ضيق وصدره وقصة سمكه وكان شك عسلي على اليمين يبدى من الصدر الى اسفل ومن ورى ذيل طووويل وشعرها مرفوع
الجازي كان زهر لكن كان خيال وهياء كانت انيقه باالاحمر وتسريحه الستينات
نوال كانت جميله وفستانها بحري زادها جمال
واماني والبناتكانو انيقات
سلمى كانت لابسه اخضر سعودي بذهبي ضيق من الصدر والشك كله من ورى الظهر
وقماش متصل من عند الظهر طاووس ورافعه شعرها كانت خيال وطالع شكل موديل فستانها من ورى ملفت

البنات على طاوله يتقهوون مابعد جاو الطقاقات مع مطربتهم الي هي كانت قائده الفرقه
الهنوف للبنات- وتصب لها ماء- سبحان الله اعرف زوجات البدو قبل لاادخلها
البنات ضحكو كيف -
الهنوف- تشوفووووووون البزران اكثر من المعازيم
انفجرو ضحك
سلمى - والله انس صادقه
بشاير - الطراده هي فاكتنا من شرهم ومطاردهم
مشاعل - فاتكم حموود يهاوش الطراده يقول وخرو المعرس خالي والمعرسه عمتي وش دخلكم بعرسنا


وصلو الطقاقات اخيرا وبدى الرقص

بدو بمدح ابو فهاد واخوانه
ثم بالمعرس وابتدى مدح العيال
سلمى كانت على طاوله مع صديقاتها
البزران احلى شي كانو برى في قاعه تلفزيون تابعه للقصر

فهاد يتزين ويعدل مرزم عقاله ويتعطـــــــــــــر
في نفس التوقيت بالثانيه واللحظه
نوره قدام المرايه وعظامها ماتشلها
منظرها كانت راضيه عنه

شيخه – خلني اقرى عليس لايصكس حماي بعين وتصيرين مثل الي ذبح مرته ليله الدخله
نوره كان مكياجها عسلي وهادي والطرحه فوق شعرها الملموم ماعدى اشياء بيسطه من تحته منتثره
كان ضيق وصدره مكشوف وهذا وترها
نوره برعب- ليه يوم قسته في البيت ماكان فاضخ والحين
احس اني مكشوفه واجد
شيخهببرود - احساس عادي عشانس الحين بتقابلين رجال بعدين الطرحه فوق شعرس وساتره متنس لاتبالغين
انتفضت كل خلاياء نوره وانتفضت وحست كل شعر راسها وقف من
كلمة
بيدخل عليس رجال


مع خوياتها تاكل وتقهوى
سلمى – هذيك اخته الي لابسه ليلكي وهذيك ام تركواز اخته ورجلها اخو المعرس
سهى – والله ماشالله يهبلون خواته بس هواحلى
سلمى – اخته تشبهه له العروس فيها واجد منه

معلمات الروضه حضرو وحضرت نعيمه
نعيمه – هذيك الي يقولون كان خاطبها
مرت اخو نعيمه- عز الله ماعين خير كان عاف الزين كله
نعيمه – نصيب
العرس كله تقريبا كان يسأل عن نوال لان فهاد كان خاطبها وغريزه النسوان في البحث والتقصي وليه واي احلى ؟؟ كانت سائده
خذت الجازي ولدها وتلاعبه وغنو فيه (( يالعود الازرق )) وشيخه تلاعبه معها
وطلبو لندى شوط خاص قاموكلهم عشانها (( ياصايغين الذهب عطو الذهب ندى))

ووزعو هدايا المعازيم
فهاد مع نوره ليله الهـــــــناء يجمعهم
عسى السعد يالله في كل مكان يتبعهم

وغيرها من الهدياء الهنوف مسكت الورد الطبيعي توزعه واشرت لها من بعيد سلمى وعطت خوياتها
وقالو المعرس بينزف رجعت شيخه مع الجازي وهياء
وصفو البنات كلهم على المنصه الهنوف ومشاعل وسلمى وبشاير وام فهاد ومنيره ونوال
واماني وصفو وطفت الانورار كلها عدى وبدو يزغردوووووووووووووون
ومع الزغاريد بدى الطق وبدو يغنون في فهاد ونوره
ورقصت ام فهاد الي كانت تبكي وتأشر بيدها وتمسح بالثانيه دموعها

شيخه في الغرفه عبايات وهدوم وهدايا
الجازي ترد على جوالها خلاص جاييييين
الجازي اخلصوووووو مبارك يلعن يقول زفو المعرس
شيخه تحوس في العبايات ليتني قعدت عندهاولاجيت ابطو قلت اروح القصر ونشب كعبها وحالتها حاله لبست عباة مشاعل وحطتها على متنها وطلعو وحرك بسرعه يلحق اليوكن

فتحو البنات علب الصواريخ الورقيه وفي الظلام كانت الوانها جذابه والوان اضاءة المنصه باهره عرفو المعازيم ان المعرس انزف
والزغااااااااااااااااااااااااااااريد مازالت مستمره
وام فهاد ترقص على
كانت المطربه الاولى تغني البيت الاول
والمطربه الثانيه تغني البيت الثاني
فهاد جعل ايام السعد تزهاه وجعله مع نوره له الفرح جلباب
مبارك ياشيخن كل العرب تنصاه اشهد ان حظ نوره بك طاب

في السياره
مبارك – شيخه عدلي غطوتس
الجازي – يالله حصلنا عبايات
مبارك ماعلى صوت زغاريد ذالنسوان اشوف ماسمعتها في عرررررررررررررسي
وهو يطالع الجازي
الجازي- هذا عرس اخوي الوم على اختك
شيخه – مايصير كان فيه عرب مزفوفين غصب قلنا مانبي نزززيد عليهم
الجازي طالعت مبارك وضحكت

ام سعد كانت تقرى على بنتها الي صابتها رجفه يوم قالو فهاد طالع مع العيال وهم بيزفونه
جات شيخه والجازي دخلو من باب المطبخ شغلو الديجيه على الزفه
وكانت في المقلط على الكراسي دخلوالعيال عليها فهاد بثوبه الابيض وشماغه وبشته البني الاشقر وريح عطـــــــــــــره الي اول مادخل عرفت ان راعيه جاء العطر الي طالما رافقها مستحيل تنساه
صابتها رجفه رفعت درجة حرارتها حست ان عروقها وقف نبضها يوم جاء هذال وسلم عليها وحب راسها وجاء حمد ومسك كتوفها وحبها
سعد اول ماجات تحب راسه مسك راسها الصغير بيديه الكبيره وحبه
وتذكرت يوم جاو عمانها قبل يمشون وباركو لها وتذكرت عمها ناصر يوم خنقته العبره وهويبارك
وكلهم باركولها جاء فهاد بجموده وصافحها مصافحه كانت كفيله بايقاف ضخ
الدم الى العروق
طلعو العيال واخذ مفتاح السياره هذال يدخلها للبايكه – الكراج
عشان لاسرو المعاريس تركب براحتها العروس
وطلع مبارك ووسعد وحمد الجو كان صاخب من الديجيه
(( مبارك ياعروسه عريس الهناء مبارك ))
سعد سكرالباب و كان يسأل شيخه عن علاج السكر حق امه

و في ممر المجالس مبارك
يهمس في اذن الجازي الظاهر ماهوب فهاد الي بيعرس
حتــــــــــــــــــــى انا بعرس
ماتسمعين (( مبارك ياعروسه عريس الهناء مبارك ))
الجازي استحت قرب منها مبارك ودفته
والي يرحم والديك اسلم على اخوي الحين سارح في العسل
مبارك بمزح – في بيتنا انا ولد ابوي
الجازي اجل يالله اقتحم عليه
في القصـــــــــــر
بعد ماولعت الاضاءه وانتهى الشوط الي كانو البنات مخصصينه
راحت سلمى تدور صديقاتها مالقتهم وتلفت ماحصلت لهم وجود راحت لدورات المياه وانتم بكرامه مالقتهم
كانت تمشي بين الحضور وفي يدها خيزرانه ورافعه فستانها الطويل وتستقر عيونها اخيــــــــــــرا
على المنصه وتلقى سهى تأشر لها بيدها تعالي ونادت الطقاقه بالمايك اهداء خاص
من سهى وصديقاتها الى رفيقه عمرهم سلمى
المنصه كانت فاضيه وصفرت الهنوف ومشاعل
وبدت المطربه تغني موالها بدون طق برفقه فرقتها
قووووووووووووووول امييييييييييييييين عساك تحبني وتموت فيني
قول امين عسى ايدينك ماتفارق ايديني
مثل مااشتاق انا لعينيك ابي تشتاق انا لعيني
واشرو البنات لها تجي والمنصه فاضيه
فهمت الاهداء وفهمت وش يقصدون به البنات ومشت بشويش وبدى الطق اول ماركبت الجسر وبدت تتمايل وبيدها الخيزرانه الي نست تنزلها والكل كان مبهور بشكلها وبفستانها الي شكله من ورى ملفت وشكه قوي وشعرها المرفوع بطريقه جذابه والكلمات دخلت كيانها وحست انها هي الي كاتبتها وكاتبته له بعد
وفي هذا الوقت بالتحديد قبل عرسهم
كل كلمه كان ودها لو لهاجنحان وتروح له كان كل كلمه ودها لو انها بطير توصل له
ابيك تتعب مثل ماتعب عشان تعرف معنى الحب
لان بجد حالي صار على نفسي ترى يصعب
وقول امين عساك تحبني و تموت فيني
وقول امين عسى ايدينك ماتفارق ايديني
ابيك تحس في حبي وتقول انك تبي قربي
وانك ماتبي غيري واقول امين ياربي
وقول امين عساك تحبني وتموت فيني
قول امين عسى ايدينك ماتفارق ايديني




فهـــــــاد – مبارك عليس
ساكته
فهاد – نــــــــــــــوره
نوره- ماعرفت توازن بين الضجه الي داخلها وبين الهدوء الكاسح الي كان
يعم الجو في الخارج
فهاد طيب لفي علي تراس ماشفتيني
نـــــــــــــوره ماسمعته بس كانت تدري انه يتكلم واصدر صوت عجزت عن فك حروفه ولا فك طلاسمه وكأنه اول مره تسمع مفردات اللغه الي يتكلمها

مسك ذقنها فهاد ولفه عليها وباس جبينها وقال
عسى يجمع الله بيننا في خيـــــــــــــر

دار العالم ن حولها.... وقفت عقارب الساعه.. انكتمت انفاسها وبالكاد رئتها تصتاد ذره الهواء هادئ كل شي عاد العاصفه الي داخلها مجرى الدم في فيضان مجنون فجر اوردتها ومزع شرايينها
والعالم الخارجي كان جامد الاجليد متمثل في هيئه فهاد
الي كانت انفعلاته ماهيب بعيد على نوره لكن مالها مجال ابـــــــــــــــــــدا
تظهــــــــــــــــــــــــــــــــــــر


وللحديث بقيه
وللقلوب حكايه

انتظروني في بارت قريب
هذال وصدمه للجميع ؟؟؟
وشكوك سيف الى اين؟؟

ومركب نوره وفها الذي لم يرسي بعد
؟؟
والكثـــــــــــــــــــــير
دعواتكم لي
ومن هنا الى
ان القاكم
استودعكم الله الذي لاتضيع ودائعه

في حفظ الله
اختكم نبض ومشــــــــــــــــاعر

السلاااااااام عليكم...
مرحباا فيتس بعد هالغيبه ونوورتي مكاانتس ومحلتس..ومرحبااا بفهااد وربعه .. وثاني شي يااشيخه وش هالاخراج اللي مسوويته.. ليييييييييييش قطعتي الجزء هناااااااااااا؟؟؟ كان كتبتي سطر وااحد زياده..هخهخه
نبووووووووووووضه يااويل قلبي على هنووفه.. والله قطعت قلبي.. والا عااااد الصدمه زوااج هذاال بالسر..
هذال هذااا برووحه قصه؟؟ اوول شي كيف قدر يتزوج.. او بالاصح من هي هاللي تزوجها اكييد ان زواجه له ظروف خارج عن ارادته.. ؟؟ بس شكلها مرتاح مع هالحرمه بس ماايحبها..
وسلمي وش بيصير فيها لوو عرفت عن هالشي وهي جالسه تستعد لزواجها.. وغير هذاا مقتعه نفسها بانه يبيها مثل مااهي تبيه...والله انها ورطه بس وين بتااصل له سالفتها هي وهذال؟؟؟

طبعا الجزء اليوم مع التكمله صاار طووويل مرره.. والتكمله فيهاا احدااااااااااااث قوويه ومقدمه لاحداث اقوى.. احب اول شي ابدأ بعجحز القصه جعلها تعجز ركبهن ياارب.. ابي اعرف ام فهاد هالبغيضه وش تخطط له؟؟؟ تبي تزوج محمد لنوال؟؟ عساها السم اللي يسمها هي والعجووز الثاانيه.. يااليتهم نااسينهم بمكه بس وخلين لحوجها يتفااهمون معهن.. والله كان بيصصر للقصه نكهه ثاانيه..هخهخهخه

الله يكفي نوره وشيخه شركن.. والله العظيم تقهروون قهررر.. الله يعل قلووبكن.. وانتي ام فهاد مسوويه نفستس فرحانه وترقصين ودمعتين يعنني فرحانه وانتي مناك نااويه الشر للعرووسه؟؟ الله يكفيها شرتس ياارب..

الجازي ومبارك : والله ياا الجاازي ان مبارك حساافه عليتس.. يختي عطي سداح فرصه... لااا تبينه يتزوج عليتس ولاا تبين تندمجين معه؟؟ طيب وش تبينه يسووي.. وقسم بالله ان دمه خفيفي هالمباارك .. ولوو يبي له وحده ثانيه بتلقين البنات يخطبونه.. عشان كذا انتبهي لنفستس ياا عجوووزه..هخهخهخه

سعود وموقف كشف الحقيقه... اوول شي صرااحه يخرعووووووووووووووووون هالشيااب وهم مسووين جمعه عشان يبتون في امر سعود المسكييييييين. اجل لو هو متهم شو سوواا فيه .. ؟؟ موقف سعود هذاااا ومحاااسبته قدام الكل عشان يتعضوون ويفكرون الف مرره قبل ماايغلط الواحد فيهم.. هو زين شين .. زين لان الشباااب لو بغى أي واحد يغلط فيهم يفكر مليوون مره ويتذكر انه بيكون بين اهله ويحااسب قدام جميع افراد العايله.. وشين لانهم مخلين كل شي مكشووف قدام الاهل وماافيه لهم خصووصيه حتى بالغلط..
ومن موقف سعوود هذا واللي صاار له اتوقع ان هذاال بينال نفس العقاب بس يمكن يكون هذال موقفه اصعب شووي .. لاا مو شي اصعب بكثيييييييييييييييييييييييير.. لان هذال تزوج بدوووووووون علم أي واحد من العايله وغير هذااا هالزوجه مو معرووفه من هي.. ووش الظروف اللي خلته يتزوجها.. ؟؟

سيف والهنوف : يااويلك من ربي يااسيف وش هاللي قلته..؟؟ هذي البنت سمعتك اوول الرحله كنت تجننن انتي وهي وانتم صوااريخكم ارض جووو.. بس عقب اللي قلته والله ماا الوومها لوو تحرقك بعد .. اجل تعيرها بخواتها اذا انت ولد عمها قلت عنها كذاا مااينلاامون النااس لوو قالوا قوولك هذا؟؟؟
جرحتها وجرح مهوب بسيط والحيين خااطري اعرف وشلوووووووووووووووووون بتقدر تعرف عن اللي صاار.. تدرين والله وانا اشووفك متحمس للشغل والدراسه.. وكله عشان تبين ان كلامها غلط يبين انك مهتم فيها حتى لو ماادريت انك مهتم.. لان الوااحد دائماا يحب يبين للي يحبهم انه غير اللي هم يفكرون فيه.. وانت تبي تثبت لللهنوووف انك رجال وقد نفسك وموو لاازم تكون فاشل بالشغل عشانك فاشل بالدراسه..
وانتي الهنووف موقفتس بالمدرسه واللي قلتيه لبنت المديره انتهى والا بااقي له اثاار ماا بعد بينت..
عموماا الهنوف لااتخلين سيف يقهرتس بكلامه واذاا جوو خطااابين واافقي واكسري خشمه اووكي ..
والله اناا معتس وقلبي دااعي لتس..

محمد وشيخه : الله يعافيك ياارب.. شكل المرض متطوور معك ؟؟ قل لفهااد والا أي احد اهم شي ترووح للمستشفى وتسووي العمليه ترى وضعك خلااااااااااص مااينسكت. عليه..

هذال : ابي اعرررررررررف من وين تزوجت هذي؟؟ وين عرفتها ومتى تزوجتها وكيييف وليش؟؟؟؟؟؟؟؟؟؟؟
شوف انا اتوقع زواجك منها فزعه لاحد غالي عليك اخوها ابوها جدها..بس انك تكون تعرفها من قبل لااااا ماا اتوقع؟؟ طيب من متى وانت متزوجها.. شكلك من زمان متزوجها.. واذاا تزوجتها عشان هدف فهو اتوقع عشان مثل مايقولون ظل راجل ولاا ظل حيطه..بس انت رجال بمعني الكلمه مو بس ظل.. وهي زوجتك وانت شكلك مااتجيها الا بين كل فتره والثاانيه.. يعني اذا عشان هذا السبب فهو ماتحقق وخصووصا ان شكلها مو معك بالرياض ؟؟ سالفتك والله صدمتني يااهذال .. كيف بتتصرف الحين وكيف بتكون حياتك مع سلمى.. هذاا اذاا كان لك حياة معها؟؟؟

نوره : تدرين نووره انتس قهرتيني قهررررر.. يعني ماا ادري ليش كل شوووي تفكرين بالعله فالح.. يااشيخه شووفي كيف هوو كااشت فيتس وفي اياامتس والحيااة كلها عقبتس مبدلها وانتي للحين عاايشه على اطلاله.. ابرك الساعات لما سمعتي موقفه مع حماارته.. خليتس تعرفين ان مالتس قيمه ابد عنده.. وشووفي هاللي شااريتس ومتعنى لعيوونتس.. ياليت بس تبطليين هبل وبقاره وتحااولين ترضين فهوودي وخصووصاا انه يستااااااااهل من يرضيه...
تدرين خاطري من اوووووووووول ليله تكشفين له الحقيقيه عشان تعرفين ان انتي حب حياته.. والله لوو قلتي له عن كل السوالف القديمه ان ترتااحين انتي قبل مايرتاح هوو.. بس انتي هبلاا.. بتدخلين بيته وانتي مخليه الكل ضدتس.. ام فهاد اللي اتوقع انها مااارااااااح تخليتس ابد ابد مرتااحه وبتنكد عليتس بالطالعه والنازله.. واخته منيره الغثيثه هذي بعد .. بس يمكن لما تصيرين الحين مع فهاد وانتهى الموضوع ترجع منيره الاولى اللي تعرفينها.. بس انتي اهم شي اهتمي بحيااتس واوول طريق للاهتمام فيها فهااااااااااد لاا تضاايقينه...


حضره المقدم طويــــــــــــــــــــــل العمر فهااااااااااد القلب..الف الف الف مبروووووووووووك الزوااااج.. كللللووووووووووووووووولــــــــيــــــــــــــــــــــــــــ ـــــــش..
منك المال ومنها العيال .. باارك الله لكما وبارك عليكما وجمع بينكما بخير..
كلوووولييييييييييييييش ... الله يووفقك ياارب.. دربك خضر رووح والقلب داااعي لك.. والله لوو تجلس شووي مع نووره ان يطييح كل اللي برااسها يمال البط للي فيه..هخهخهخه
يووه فهوودي والله انك تعجب اللي ماايعجب فيك.. تجنن لما كنت مع ولد الشييييييخ.. كفوووووو كفووووووووو كفوووووووووو والله.. شيخ غصب عنه .. الشيخه خذتها بيمينك جعلهاا ماتكسر ياارب..
ومالووم هالشيبااااااااان وهم موولينك اموورهم رجال ومن ظهر رجال وعلمك غاانم ليييييييييه ماايولوونك اموورهم كلهاا.. وقسم بالله اني كنت مبسووطه وانت تجهز لزواجك ومبسووط وفرحان فيه.. الله يتمم عليك هالفرحه يااارب..
اسمع فهاد نوره هذي لاا ترد على خبالها اسفهها ترى بعض الحريم مالهم الا السفه والا عاد انت ابدأ معها دروس تقوويه عشان تعرف وش انت من لحيه وتعرف ان عمرها ضااااع وهي ترتجي الثووور فالح..

نبووضه .. اما ام معيض هذي.. تجنننننننننن تجنننننننن.. قدرتي تصوورينها وتصوورين كثيييييييير من الحريم الكباار مثلها الله يعافيهن ياارب.. ويعطيهن على قد نيتهم.. عقباااااااااااااااااال ياارب ماا اشووف ام فالح وام فهاااد مثلها مخرفات بس على اقووى شووي. وام فهاد هذي خرفها يكون بانها تحسب نفسها تحب نووره وتصفط لنوره كل خيير...هخهخهخه

صدق نبووضه اماني الحماره كانت نااويه تسووي شي في زواج نوره وكانت نااويه على نيه قشرا.. ؟هي وش اللي نووت عليه؟؟ وهل بيكون للحين فيه مجال انها تسوويه؟؟؟

نستنى الجزء الجاااااااي واللي فيه اجووبه لبعض الاسئله بكل شوووق .. لااتطوولين علينااا نبووضه لاننا من الحييين مشتااقين للجزء الجاي قبل ماانخلص من هالجزء اللي بين ايدينا..هخهخهخه