متى يرتاح قلب ن بالهوى ملكته راحت ايامه كلها وهويرتجيك - الصفحة 37

28-06-09, 09:34 PM

المشاركة رقم: 181

المعلومات
الكاتب:	العامريه
اللقب:	عاشقة ملامح

البيانات
التسجيل:	Mar 2008
العضوية:	67057
المشاركات:	5,058
الجنس	أنثى
معدل التقييم:
نقاط التقييم:	64

االدولة

مدونتي

الإتصالات
الحالة:
وسائل الإتصال:

كاتب الموضوع : نبض ومشاعر المنتدى : الارشيف

تفتح القصه بطلب الكتبابه

ياهلا فيك مرة اخره

مشرفات القسم

30-06-09, 08:30 PM

المشاركة رقم: 182

المعلومات
الكاتب:	جنان وكلي حنان
اللقب:

البيانات
التسجيل:	Sep 2006
العضوية:	12442
المشاركات:	51
الجنس	أنثى
معدل التقييم:
نقاط التقييم:	10

االدولة

مدونتي

الإتصالات
الحالة:
وسائل الإتصال:

كاتب الموضوع : نبض ومشاعر المنتدى : الارشيف

يا مرحبا والله

عزيزتي نبض ومشاعر اهنيك على قصتك الرااائعه جداً

ماتتصورين فرحتي بعودتك وفتح القصه ...

بانتظارك حبيبتي ....هذي اول مره ارد عليك بس تأكدي اني متابعه لك باستمرار وعاااشقه لقصتك وخصوصا النوري وفهود...
فلا طولين علينا ترى حنا مشتاقين لك قبل قصتك ..وان شاء الله تبشرينا بنتايجك الحلوه في دراستك..

01-07-09, 01:16 AM

المشاركة رقم: 183

المعلومات
الكاتب:	نبض ومشاعر
اللقب:

البيانات
التسجيل:	Nov 2008
العضوية:	107484
المشاركات:	106
الجنس	أنثى
معدل التقييم:
نقاط التقييم:	11

االدولة

مدونتي

الإتصالات
الحالة:
وسائل الإتصال:

كاتب الموضوع : نبض ومشاعر المنتدى : الارشيف

تعديل بسيط في السبيس بين الاحداث حتى تسهل القراءه
اتمنى من المشرفات حذف البارت الاولى لعدم امكانيه فتح باب التعديل
ولعدم وجود الفرغات بين الاحداث

في ليل قد اشرف على الصباح في ليل ظلامه قد بدى يتلاشــــــــــــــــــى وكأنه ينذر بفرج لكل غمه
وفي ليل اسطوري قدمت وكأنها العروس لمحبيها
قدمت والشوق هنا دائما يدعوها
وتقول لكم انها لن تغيب مرة اخـــــــــــــــرى
فقد اضناها الشوق واحرقها لكم
وعبر نسمات الليل الدافئه
جأتكم حروفي
اتت
متى يرتاح قلب ٍ بالهوى ملكته
لقلوبكم
اهداء الى كل متابع وضيف وطاقمي واخص ام وسن وفروحه رغم الغياب مازلنا في انتظارها
دعوتنا في ظهر الغيب لها
ومتـــــــــــــــــــــى يرتاح
هي وابطـــــــــــــالها
لن يطول غيابها باذن الله وهي تعلم ان قلوب محبيها تتوق لوصلها

مسكته بايدين ترجف وعيون خائنه دائما تخون جفونها وتفضح دمعها
نوره والدمع مالي عيونها نزلت النعمه الي في يدها-
ضيقتي كانها تسعدك فضيقتك اشتريها
ولو الثمن راحـــــتي على ماقيل غالي

والعرس لاعودنا بيتحدد ولو اني مابيه
قريب بس انتي لازم اتأدبين
واخوانس الي انتي معتده بهم وعمي الي انتي مستقويه به علي
هذاهم يباركون
لان نوره قايله ماتبي عرس الحين وهذا الي استفز فهاد
دخلت سلمى ومعها الطوفيريه
لفت نوره على طول للمغاسل
سلمى- عز الله الخدمات تجمعو ماعينتي نفعه
نوره- صادقه بس عاد وجدي عليهم الغربه محقه (( يعني شينه)) تلومينهم لاتجمعو
سلمى طلعت مع باب المطبخ الخلفي الي يطلع للحوش خالفتها نوره عشان ماتشوفها
سلمى طلعت لقت الخدمات متجمعين والي معهم بزارين والي يسولفون
هاوشت وحده من الخدمات عشانها سفهتها سلمى دخلت –نوره الله يعينك.......م سكتت سلمه وعيونها تطوف في ارجاء المطبخ مستغربه من طلعتها وهتفت بكلمه لا يشوبها أي استنكار او أي اهتمام لكل الي صار
هذي مســـــــــــــرع طارت من المطبخ

في الصاله
اماني – صدق انس خوافه
نوال- ايه ابي اقهرها مثل ماقهرتني بس ماهوب بذى الطريقه
اماني- يالخبل خليها تنفعها كلمتها محد جاني مغصوب رجلس هو الي خطبني ومحد غصبه عمي ناصر حالف اني محد يغصبني على شي مابيه--- وش ذا الذكاء بيغصب رجال على وحده هو مايبيها – هذا كلامها ماقهرس ماجرحس نوال انا احبس ولااداني عليس وذي بوريها
تذكرين يوم تمسخر
وفهاد محد قاله روح لها واخطبها وانا عن نفسي ولو بيدي هو لكم
نوال جت بتكلم ..........
اماني – خلاص جب ...جب عاد خلي خالتي تكلم
ام فالح – ارب مرتكم حامل ولاشي مااشوفها تشل شي
ام فهاد بحرقه ام على عيالها- وهي الله يرضى عليس معودتس تشل شي دايما يد مكفوفه والثانيه مصفوفه
ام فالح – المره تداوي المره
ام فهاد – قولي خير خلنا نجوز االتسبير (الكبير ) ثم لاحقين خير وان افلحت مرت فهاد ولادربها درب اختها ان تركب المره فوق رقبتها قريب

في مكان اخر صاحب الشأن تتفطر كبده الما
نوره – ماعاد اقدر يانوف والله ان همومي تذاودني
نوف بخوف- جعلها ماهوب ابرك من عرسه كانس من اعرستي وانتي ماغير هم وجدري
نوره – يقول لي اخوانس الي انتي معتده بهم يباركون لي وعمس الي انتي شاده الظهر به يبارك لي ولازم انس تادبين
نوف بحسره- انتي قايله له شي
نوره –لا
نوف – هذا يتعمد ماهوب جرحس الاكسرس بس انتي متاكده ماسويت شي
نوره – لا لا يانوووووووووف لاتنفخين راسي

فهاد في المزايين راح يمر على مخيم العمال ويعطيهم المقسوم الي وعدهم به
وهو في الطريق بينه وبين نفسه
ليتني يانوره ماقدمت عليس ليتني يانوره ماقدمت عليس
((((((انا المكان سبقه على احد ))))))
ليه كلمتها مانســـــــــــــــــاها عكس نوره الي رمتها ونستها
؟؟؟؟؟؟
ورايحه تقولين عرس في ذالعطله مابه عرس
غديت كني المره وانتي الرجال وانا احتري الرجال متى يحدد عرسه واوافق
معصي والله معصي بس ماعليه انتي مشيخه عند اهلس وعمي مخليس شايخه
مقيوله المره ماتشيخ
وانشهد انه صــــــــــدق من قال (شيخ بزر ولاتشيخ مره) مثل ان المره ماتولى شي
بس هذي الاوله لي يابنت العم وعادس ريضه بالثانيه

شيخه في الغرفه تكلم
( ان الهاتف المطلوب غير موجود في الخدمه مؤقتا نرجو الاتصال في وقت اخر )
شيخه
الله يقطع ذا الشبكــــــــــــــــه كانها عله كبد
دخلت هياء وش فيس ياشيخـــــــــــــه
شيخه ماسكه الجوال بقهر- هو به غيره ذا الجوال د بلة كبد
هياء الحمدالله ماعليهم بخير وسهاله وتبين اجيب رقم فهاد الثريا جبته
شيخه بشغف- الثريا ... الثريا....... راح عن بالي افزعي بي بالرقم تكفين ياهياء
هياء- وجدري روعتيني كل ذا عشان محمد المصارع حشاء بتضيعين عقلس معه
شيخه – اجل حمد ماشالله حسن السيره والسلوك
هياء بضحك- عشان كلمتس مافيه رقم وانطقـــــــــــي وطلعت
راحت شيخه وراها هياء ماتحب احد يقول شي عن حمد مع ان اخلاقه على طريف
لكن مانحكم عليه كليا سيي

ام فهاد- وش علوم اهل القويعيه
ام سعد- بخير جعلس سالمه وبتجي العجوز اذ اراد ربي بيجيبها احدى العيال للعرس تقول ودي احضره
ام فهاد وام سعد بنات خاله وام فالح اجنبيه خذاها ابو فالح ومع ذلك علاقه ام فهاد مع ام فالح اقوى والعجوز هي ام ام سعد كبييييييييييييييره في العمر وماعاد تمسك الكلام لكنها عادها تميز العرب وتعرفهم
ام فهاد – بيتبارك عرس فهاد
الجازي – ياسلااام الحين ماحضرت عرسي وتبي تحضر عرس نوير
شيخه دخلت عليهم – الله من ذي الي انتي متشفقه تحضر عرسس
هياء – جدتي
شيخه – ياسلام حتى انا اضم صوتي لصوت الجازي
ضحكت ام سعد – تقول اغلى خلق ربي بياخذون بعض وش قومني ماحضر
اماني – عادها ياخاله تعرف العرب وتفرقهم
ام سعد – حليوه يابنتي بس تهذري بالصلاه والغنم لاصلت قالت قربو سجادتي ماصليت
وهي توها مصليه والله يطول بعمر معيض قايم بها هو وعويله جعله يلقاها في دنياه
والعصر ودوها لغنمها ويالله بحسن الخاتمه لكن والله ان عند معيض مره ولاكل النسوان قايمه بالعجوز وماتخلي الخدمات يتكشفونها ورجلها مخليها تاج ٍ على الراس
ام فهاد – تستاهل السنافيه من النسوان تخلى هنا وتاشر على راسها
اماني – كنهم ينغزون
نوال- ياعيني يعني حنا يال سعد نسوانا وبناتنا هم الي ينحطون على الراس وهم الي ينفعون
اماني – مالت بس مالت غنم وغثاء قلب
نوال – اوهههههه ياليت فالح يوديس هناك في الديره عشان تنهبلين
اماني- وع ع الله هذا الي ناقص خلنا نروح للبنات مشغلين الاستريو يرقصون

الهنوف - لحظه ...لحظه طابور اجلسسو لارقصنا صفقو وبعدين نحط شوط لكم
للبزران
مشاعل حلوه صفقو اعوذبالله يالبزران ليتهم ماجابوهم
وشغلو البنات الاستريو على موضي البارحه دقني هوجاس
ورقصت سلمى والهنوف ومشاعل وشووووووي الا شيخه معها كاس عصير متكيه على طرف الباب-
اعلاااااااااااااااااان من الهيئه العامه واللجنه الااداريه يقولون جيبو الاستريو في صالة الاستقبااااال
البنات بصووووووت واحد
الهنوف-لااااااااااااااااااااااااااااااااااااا
حرام نبي نستهبل ونبي نرقص مصري ونبي نهز وهذا كله مايجوز لهم يبون لفح وشعور وحركات مالهاداعي وزيدي الرقصه لازم يكون شابطس كهرب 220 مايدانون الرقص الهادي
مشاعل بطفرر- يالييييييييييييل

شيخه خذت الجوال وكلمت فهاد
فهاد – هلابس يابنت نايف علومس وعلوم امي
شيخه- سالمين جعلك سالم
فهاد – بغيتي شي
شيخه –فهاد محمد مقفل جواله ولاهوب عادته مايدق وابي امسي عند اهلي مانيب ساريه مع عمتي وبستاذنه (( شيخه تكذب ماهيب داقه تستاذن لانها مستحيه من حماها تقول داقه انشد من محمد ))
فهاد – على خير بشوفه يمكن معزوم عند حدى المخيمات لان واحد من المدرسين مواجهه واكيد عازمه
شيخه – على خير جعل عمرك طويل فمان الله
فهاد – فمان الله
راح فهاد للعمال يشيك على وايت الابل (( سياره ماء تؤمن الشرب للاابل))
وفي طريقه يهوجس محمد وين راح من صبح
الله يستر

عن ام رقيبه شمال ب50 كيلو تقريبا داخل سيارته
راسه على سيت السياره – وش السواه يامحمد ثاني نوبه تجيني ولاقدر امن عمري وانا اسوق لا اله الا الله
رفع راسه وخذى حبوب الانترو جلسرين تحت لسانه حتى توسع الشرايين التاجيه
وريح شوي وعقب حرك سيارته

هذال متوجهه في الطريق اشتتتتتتتتاق لها
اول مادخل البيت طارت له لمها له – جيت من ام رقيبه عشااااانس ها عسى تملى عينس ذا الجيه
بين احضانه في عالم اخر يتكلم بكلمات ماتفهمها بين ذراعيه الدنيا مع كل ملذاتها ماتسوى في نظرها لحظه في وجوده لو يظلم الكون وهي معه مايهمها
ضعف الدنيا كله تعوض به
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

البيت كان ضجه العجز يصفقون
كانت ترقص نوال واماني وعود نوال في الرقص كنه خيزران
ورقصو البنات وعقب جاء حمود لامه يمه مالقصوووووني
قامت الجازي قالت عيدوه من جديد
نوره- مازان ملعبكم الاعقب ماطبه حموود
بشاير – حرام عليس ملعب رقصت فيه نوال مازانه ربي الامدري وشلون يرقصون عقبها وهي تطالع جازي
نوره ماعبرتها لانها تدري ا البنت متاثره بامها اختها ومرت اخوها وكبرت عقلها عنها
هياء تهمس لنوره- متى يالخبل وتخلصين تجهيز
نوره- ماغير كم روحه وبس
نوره – توقع روحتين بخلص فيها
هياء فاتحه عينها – من جدس روحتين
نوره – اول شي عطور بخلصها مكياج انتي خابره وانا عند ابوي كل شوي اروح معكم السوق
وباقي كم شغله واشيـــــــــــــــــــاء بسيطه الفساتين باخذ فستان الي بفصله لعرس هذال وفستان الي فصلته لزواج اخو مرت جارنا ام ركان عندي خلصنا تراني من بروح له بروح لبيت عمي وابوي الثاني وبهدف على اختي –(يعني بقدم ) وكلهم اهلي
هيــــــــاء- لاوالله ومتى نروح نحجز فستان العرس
نوره بصوت عالي التفتت عليها منه بشايرالي قطعت سالفتها والتفتت عليها ام فهاد- اييييييييييييييييييييييييييييييش فستااااااااااااااااان عرررررررررررس والله الي مالبسته
هياء طالعت الي انتبهو – طيب اهجدي وعقب انتحاكى (( فضحتينا في العرب جعلس الصداع))
نوره من عصبيتها ماهمها الي انتبهو بس ارتبكت من ام فهاد والبلا والله لو تدري وش ني رافعه صوتي عليه ان تقبررررررني اليوم قبل باكر

تعشو البنات وسرو وراحو ال ناصر وال سالم لبيوتهم بعد حفله اقل مايقال عنها صاخبه من الحلا لقاتوهات للبوفيه الي حاطته جازي يعني احتفلو احتفلو

وفي الليل في غـــــــــــــرفه نوره
الجازي تلبس ولدها سلووووم بجامته وتدهنه
وشيخه تمسح مكياجها وهياء ترقد بنتها في حضنها والهنوف ومشاعل ماسكييين زاويه يسولفون باحداث اليله وقعدة حريم بعد حفل – تحليل
نوره تصفط جلالها عقب الوتر
هياء-مادريتو نويران وش اخر افلامها هياء تهز رجولها الي راقده عليها بنتها وترفع عينها بنوره
سكتو التفتو كلهم على هياء الي نزلت بنتها على السرير وكملت- نورررره تقول ماتبي تستأجر فستان عرس
البنات سكتووووووووو
الجازي – نعم نعم وش ذا الانانيه
نوره تحط الجلال على ركبتها وتقعد على كرسي مقابلهم – خير ياطير وش دخل الانانيه في موضوعنا
كملت الجازي كعادتها ولسانها منفلت – ماهوب معناة انس لبستيه خلاص اخوووي اول مره يعرس يعني لازم يحس انه معرس واقل شي فستان يعطيه ذ الشعور
ولاخلاص اعرستي قبل خلاص تحرمينه
نوره – دنقت وسكتت- اول شي ماغصبت اخوس ياخذني ثانيا رضخت لرغبته فهو بعد لازم يتقبل رغباتي ولانيب حادته علي مااعجبه اقصاها ورقه من عند الشيخ تفك ازمته وتحل ازمتي ولاعيب اتطلق ثاني مره دامني بنت ماحصلت نصيبي عند عيال عمي بخير ونزلت سجادتها وهي ماره على راس السرير
وخيم السكووووون الي كان يشوبه نظرات لوم من هياء ونظرات عتاب من شيخه ونظرات استنكار من مشاعل والهنوف وقامت مشاعل معصبه
- ترى عمتي ماتستاهل منكم وخالي اذا ماعجبه وضعها يطلقها كافي الي جاء عمتي يعني مايكفي عيشه ماتشفق عند فلاح وامه - بتكملها عند جدتي الحاره الله يهديها وخالي الي مايندرى وشلون تعامل معه زود على كرهها له ولو تدرون وش تقول جدتي تقول اذا كانها طولت ماحملت لاركب خالي الثانيه وهي ماتشوف الدرب مايكفي انه معرس على كبر ماخذ الي نافيها عيال يعني مع كل ذا وماتدري وين تلقاها وانتم فاضين فستان مافستان
- وطلعت
-
انــــصـــــــــــــــدمو البنات من تفكير امهم ولامومشاعل انها تكلمت والبنات الهنوف وشيخه انصعقو من الي قالت مشاعل
نوره في الصاله تفرفر في التلفزيون عارفه ان احد البنات بيلحقهاوفماحبت تبين ضعفها وقعدت تفرفر بدون شعور
جات مشاعل وطالعتها لفتـــــــــره - طيب قري على قناه خلني اشوف معس
نوره وقفت بدون ماترد باي كلمه على قناة بدايه
وقعدو يقرون المكتوب واندمجو قطعت السكون مشاعل- عمــــــــه نفداس
نوره بعدم اهتمام – لبيه
مشاعل – تعرفين ان خالي صارم وشديد بس انه طيب على الاقل شوفيه مع ندى وجدتي مهما كانت حاره بس تعاليها بالسياسه هذا وانا بنت بنتها ترى دايم تنطرني وتهاوشني على لبسي بس تراني ادري اني غاليه
نوره –والعايله تبي العرب كلها تداريها وانا انا يامشاعل به احد يداريني
مشاعل – سكتت
كملت نوره – انا مقبله على عرس رجال ماادانيه لو انه خالس ومقبله على عمه موريه الشين اختي على شي ماهوب بيدها وعادني التاليه في الدرب ولاتنسين اني طلقت عشان ذا السبب وامس من تالي ماعادها بمنيره الي انا خابره
وبيت عمي ناصر شايل علي ولاهو حاط لاني وافقت على العرس والعجوز تفسرها اني عشان احر بنتها واقهر ولدها الي طلقني
وكـــــــــــــــــل ذى على راسي وكل ماسمعتيه يلهب في خفاي ولاحد حاس والتاليه تقوم علي الجويزي عشان فستان هذا الي حسبته........بس هذا ؟؟؟ الي فكرت به
وكملت نوره بصوت متهدج...
فستان مابه فستان ولاعاد يحكي لي بالعرس الي نكد عيشتي وماخلا فيني شي الاغيره ولو تدرين يامشاعل بالي اخفيه دون كل ماسمعتي جات عبرتس
وعادكم تهادوني عشان عرس وفستان وهو الضعيف الي مااعرس وانا الانانيه
مشاعل في نفسها – كانت تنصت والالم ينحرها على حكي عمتها والوجع يستكين بين ضلوعها فعلا عرسهم غير موازين واجد وتغيرت اشياء واجد وهل جدي ناصر خذو فكره عنها
وبعد فيه شــــــــــــــــي تخفينه ......مااصبرس ياعمه في ذمتي
نوره – وش فيس سكتي ؟؟؟

الجازي عقب سيل لوم وعتاب من البنات
الي تقول وجعانه يومس تنطلين كلمتس عليها والي تقول مالس داعي
المهم قامو عليها قومه
نوره عقب ماراحت مشاعل تستلم خالتها اختلت في نفسها شوي
يارب نصيبي عند فالح ماكان النصيب الي ينحلم به او يتحسف احد انه خسره
بس على القليله هــــــــــــــــو احســــــــــــــــن من الي عافني وفي بيت ابوي سبني
هو مكتوب علي ارضى بالقليل حتى في المشاعر هو مكتوب علي اتحســـر على القليل عشاني بواجه العدم هو المفــــــــروض اخلي القليل ذكرى حلوه عشان بواجه مستقبل الله العالم عنه كئيب من بدايته هو لازم ارضى واقنــــــــع بااليسير حتى في المحبه على الاقل احسن من شخص مايكنها لي وكأني اقول طعنة السكيــــــــن افضل من النحــر بها
يعني لازم قلبي يخلي فالح ذكرى حلوه بالنسبه لشخص ماحط ذره محبه وش محبه ؟؟الا احترام مقابل ماكان له في خاطــــــــــــــري
حتى في المشاعر (( العوض ولا القطيعه )) حي فالح ولانذالـــــــــــــــة فهاد

فهاد والازعاج ولاحتفلات وهذا وفــــــــد من فخذ القبيله
وهذي عطايا
وكان الجـــــــــــــــــو مزعج
طلع فهاد من ازعاج التصوير والاحتفالات التي كانت ام رقيبه كلها في توافد وازدحام
ورفع الجوال يدق على محمد
محمد – هلا والله ارحب
فهاد بخوف مابان- البقاء وينك غاط من الصبح
محمد- وصلت قريب وعينت احدى المدرسين في مدرستي القديمه وعزمني
فهاد- طيب جوالك مقفل افتحه ترى بنت نايف ماكله قلبها الضعيفه
وانت ياخوك مزلب في العرب -)) يعني مطنش
محمد بعد النوبه الي جاته وطولت معه الى ربع ساعه حس انه في أي لحظه
يمكن يغيب فلازم يعلم فهاد بس عقب عرسه الكل لاحظ عليه نحف عقب ماكن متين
ولاعاد ياكل أي شي فيه ولازم يعلم على الاقل فهاد بس عقب عرسه
محمد- على خير
فهاد- وفي السمره لازم تاتي في موضوع يبونك فيه الشيبــــــــــــــان
محمد- ليل ٍ طويل لانه طارى له عرسه
سكر فهاد ومحمد فيه مايكفيه شيخه من صوب والشيبان الي مايجتمعون على شي وصرنا مثل العذارى الي يغصبووون
على العرس
يالله ستـــــــــــــــــــرك
!!!!!

اماني – بنات في راســـــــــــــــــــي موال لاجاء عــــــــــــــــرس هذال
بيعجبكم
نوال وبشاير طالعو بعض
وكملت اماني – نوير ذي الي شايفه عمرها ذا الليل عليكم بكسر راسها
ولاخلي عرس فهاد الي تباهى به انه خلا بنت عمي البنت وجاني تحسف
والابعد الملعب مازان الاعقب ماطبته ام لسان طووويل
((نوره ماكانت تقصد))
نوال- وش بتسوين
اماني – لااخليها ضحكــــــــــــــه للناس القاصي والداني وخصوصا لاكانت الانوار عليها بما انها العروووس
ابتسمت نوال – ترى بيت عمي دايم يشوفنا اقل منهم وشايفين عمارهم فتكفين بردي كبودنا واصلا ماخذه فهاد تقهرني وتقهر فالح وانتم خابرين انها ماادني فهاد الحسود
حطت اماني رجل على رجل وقالت ولا يهمكم بتشوووفون
بشاير- اهم شي ماحنا في الصوره ولاتكبر السالفه
اماني- الحمدالله حنا مالنا دخل والسالفه من الدمام يعني لامن قريب ولامن بعيد
صـــــــــــــــــــدفه
ماتصيـــــــــــــــــر صدفهّ
!!!!!!!!!!!!!!!
ولاخلي حقكم يجيبه الله على ايدي

نوره والبنات ورجعت الامور الى مجاريها لكن بتوتر
نزلت نوره فنجالها وقالت بقولكم شي
البنات طالعوها بشغف
نوره بتوتر- جدري ان شالله نسوان حبكم للعلوم اخلعتوني جعلكم الصداع
هو راي عادي مثـــــــــــلا لوفيه مره مات رجلها وكان معــــــــزر فيها
طيب وتزوجت رجال ثاني وكان عادي معها يعني يحترمها ساعات تحسه يحبها وساعات تحس انها ولاشي عنده لكن في المقابل ماكن مثل رجلها المرحوووم يعني موريها الشين - خطاء لو اقتنعت بالثاني وحطته عندها شي وخلته يسوى لانها
في قراره نفسها تقول احمد ربي على ماعطاني ابرك من الي راح-- وهو المفروض تقدم له كل شي لانه هو الي قدامها والانسان دون عطاء مايعيش وهو في الاخير
على الاقـــــــــــــــــــل اخير من الي مات
كاالعاده نطت الجازي
جعل الله يعزر فيه ان شالله وهي على اساس مالقيت العنب اشرب المر واقول حالي
معصــــــــــي
نوره كانت تضرب المثال بعيد عشان مايشكون البنات
شيخه لا جازي انا فاهمه وش قصدها يعني هذا الي قسمه ربي لها تعيشه وتحطه بعد سلطان زمانها وش تسوي ترى لاقارنتي المقارنه قشرى
الجازي – وعشانه ماقسم الله لي الطيب توطى الشوك واقول ابرك من الجمــر ياحبيبتي هذي تقارن من ردي لا اردى وعلى فكره لو تلاحظين مشينا على كلامس ياشيخه تراها بتظطر انها تعطي الثاني اشياء مايستحقها مجرد انه فيه طرف اسوى منه
شيخه رفعت صوتها – يالعوبه يامصدوعه طيب وش تسوي تشق هدومها
الجازي – لا اعطيه اغلى ماعندي مجرد اني عشت تجربه سيئه معصيييييييييي
نوره العبره اول مره تبلعها وتحس بطعمها المالح واول مره تكتم الدمعه لين تشرق بها
وكانت تطالع الاصوات وشلون كانت تعلى ونقاش الحريم وفي عالم ثاني ماتشوف الا شفايفهم تحرك
يعني خطاي اني عطيتك عشان ماانحرم وهذا انا انحرمت
واظطريت اعطيك الي ما تستحقه عشاني قارنت بينك وبين الاسوى
مشاعل قطعتهم- تدرون اليوم استغربت
الجازي – وش
مشاعل انتم تعرفون ان فالح كان مايحب تكون اغراض عمتي مع اغراضه
ودايم حتى الكوميدينا عطورته على جنب ولوشاف الكبك حقه في درجها شال الدنيا
اليوم تقول اماني يوم دق فالح عليها يسألها عن ثيابه في الشنطه قالت شي غريب
قالت نسيت احطه في شنطتك لانه كان في درج اكسسوراتي الكروت مع قلمك
نسيتها في الدرج !!!
وقعد يسولف عادي ومره عمتي سألها عن مفاتحه قلت في الدرج قال مليون مره
اقولس مااحب اغراضي مع احد
نوره – ايه عادي الرجال اول مايعرس يستنكر المره بس الحين لا تعووود خلاص ينسى
سكتو البنات قالت الهنوف ترى انا ماخذيتو رايي
شيخه – اكرمينا
الهنوف – انا مستعده اقنع في الرزق الي عطاني اياه ربي ومظطره اقنع في المحبه الي قسمها الله لي من امي وابوي مثلا كلنا نعرف ان نوره اغلانا عندهم
لكـــــــــــــــــــن مانيب مجبره اقنع في عواطف شخص انا اقدر اني اتخلى عنه اذا ماقدم لي مااستحق لاني مانيب ملزمه
لانه مستعده اقنع في الرزق لانه من عند الله فلابد احمده واشكره
ومظطره في امي وبوي ومالي غيرهم وافضالهم ماتلحق
لكن ماني مجبره مع شخص لي حريه الاختيار في تركه و لا بعد زيدو انه مااثمر فيه عطاي
فليه اكسر نفسي عشان تجاربي
نوره سكتت لانه هذا الي كان في بالها – دايم حياتها ناقصه مع فالح مع ذلك جارتها
نوره رفعت عينها للهنوف ومن الصدمه
شافت نظـــــــــــــــره من اختها معناها
تراني ((((قريتس يا النووووووووووري ))))

في الليل الشيبان
سيف يهمس للمحمد القوى العظمى وراها مشروع ياويلك يامحمد
محمد شال الفنجال وكنه بيضرب فيه سيف
سيف بعد راسه بمزح
يارجال وش دراني عنهم هذا فهاد وهو فهاد زوجوه بعد محاولات بيعجزون فيك انت .. ماظنيت
محمد- سيف امس تراني والله حدي وبعدين الشايب الي مغصوب مهتوي محد غاصبه
سيف- والله اثره مابه غصايب
تنتنح ابو فهاد وبدى -
الظاهر انكم كلكم موظفين ماعدى اثنين منكم والي على عازه دراهم
المعارض تنطحه والابل قدامه لابغى شي بعنا منها
لكن تروحون تشتغلون شغلة ماهيب لكم ولاعليكم مانتم محتدين
هنا سيف نفخ صدره ورفع راسه
تكلم ابو سعد
وتراك ياسعود خابرانه لابغيت ماحد ٍ برادك كانه تبيها في مصلوح
حمد مايداني الطلايب والخير قدامه بس تراه ماراح واشتغل شغلة ٍ ماهيب له
وهو خابر ان كل الخير ذا تاليه له ولاخوانه
الجميع الله يطول بعمرك وجه ابو سعد نظره لسعود
وهو ياسعود رجال معه مره وفي رقبته بنيه والله يكتب المقبل له
وش عاد انت واحد وبراسك وش الي بنقول عاسرك ومخليك تشتغل قهوجي
محمد ابتسم وهمس لسيف – اخلعوني ومرجو قلبي واحسب اجتماعهم عشاني ولابعد قدامكم شيبانا مايعرفون ياخذون واحد على جنب لازم يفتضح عند الكل
سيف- الدور جايك القوى العظمى ماتخلي احد وراسه سالم ولابعد قدام الكل عشان الفضيحه تكون متاحه بلوتوث
ابتسم محمد بخبث- اسمع الدرس تراهم يتحاكون قدامنا عشان لاتسووول نفس احد لمثل هذا الفعل من اطفالنا
سيف غمز بعينه- ابشر حضرة المدير بس لاتروح ترى دررررررررسك وراي على طول الحصه الثانيه لك
ضحك محمد – الله يكفينا شــــــــــــــــــــرك
سعد – وتراك منت محتد ياولدي بكره لاتناشبت مع واحد قام يعيرك بها
رفع سعود راسه لسيف وقال – لاتروووووووووح بعيد ولد عمي قبل الاجنبي عايرني بها
سيف ضاق واحتقن وجهه وكن المجلس توتر وبدت الحراره رغم برودت الجو تغزو الاجساد- الظاهر اني ماعيرت كثر مااستعبتها وفرق يالرفييييييييييييييييييييق
وشدد على الرفيق
سعود – الرفيق وشدد عليها مايهجم على خويه قدام الناس كنه مجرم في حقه
وترى المحل طلب الشرطه وسجل رقم السياره وانا الي صلحت الوضــــــع
والمحل مايحتاج اعفاني عن الخدمه
ابوفالح ابرك ياولدي وش انت معين
فالح – معين خدمه الي يخدمه لاقفى عنه وماجا ب الي يبي نفخ فيه كنه خدام عند ابوه
معين بواري السيارات الي حتى راعيها ماينزل ويدخل له لازم يطلع له
سعود انقهر منه – معين اني ماجبت النقصيــــــــــــــــــــه لعمري
فالح شب واشتعل
لاترمي علي افعالك عقب مااشتغلت شغله الرخمه مايشتغلها راعيها الاتسود وجهه
سعود – الرخم.......................
سعــــــــــــــــــــــوووووووووووووووووووووووود بس لك عين ترد
جاء صوت ابو فهاد رعـــــــــــــــد انتفضو منه
وكمل
ماكن حنا موجودين زوووود ٍ على فعلك تحاكى
سعود سكت وكسر خاطره سيف
سيف- ماصـــــــــــــار الاكل خير وسمعتوه ان المحل اعفاه وخلصنا
ابو سعد وش فيك يافهاد ماتحاكى
فهاد مرتكز على رجل وفي يده السبحه – عقب حكيك يايبه مابه قول ولكن مادامك بغيت شوري بقول
وكان فهاد محل احترام الشيبان في كل محل وهم الي يطلبون رايه لانه مايتكلم وشيبانه موجودين وكنه يقول مابه شور عقب شوركم
فهاد نسف غترته وحط عينه في الافق وكان قدامه الليل دامس وتكلم بثبات وكل كان يسمعه الا كان منتبهه لكل حركه يصدرها
جر السبحه بيده الثانيه واستقرت السبحه بنية اللون بين يديه الثنتين يد يجر بها حبه واليد الثانيه تسقبلها وكمل
اول شي الشغل ماحرمه الله وش ماكان مادم راعيه يعرق منه وفي حلال
وشغلة سعود ماتسود الوجه لكنها بعد ماتبــــــــــيض الوجه
الشياب هنا هدو بعد ماكانو على وشك الانفجار
وفيه ناس معتازه هي احق وهي اولى من راعي النعمه الي يشتغل تقضية وقت ولاهوايه
والي مثلك ياخوك يطمح للي يبيض وجهه والي يجمل حاله عند الرجال دامك رجال مقتدر شوف وين العلوم الغانمه واغتنمها وان شالله انك ماتنحد على شي احتدو عليه غيرك
و راعين الشغله ذي لو تهيـــــــــــــــــاء لهم ربع ماتهياء لك خلوها

بشاير في غرفة النوم وتأكد ان سلمى نايمه
اقول نوال انا بصراحة خفت من كلام اماني
نوال بقلق- يمه انتي لاتخليني اوسوس وش بتسوي يعني
بشاير – مدري بس صدق خوفتني
انا خايفه تصير سالفه توصل للعيال وانتي خابره اخووووووووس سيف
والله ان يقلب عيشتنا ان درى صاير شي منا لبيت عمي نايف
نوال- لالا مماتوقع وامسي لاتقوووووووووم ((وهي تأشر على سلمى )) علينا العروس
تلعن خيرنا
ضحكت بشاير – يووووووه الله يعينا عقب عرس فهاد ملكة هذال وعقب عرسها

تكلم ابو سعد وهو يشوف فهاد
ابو سعد – والله انك يافهاد لاتحاكيت ريحت ولا جبتها جبتها
ابوفهاد – سمعت ياسعود ماقيل..... ولابه داعي نعيد ماصار دونك المعارض دونك الابل دونك حلالك
سيف يهمس لمحمد- هذولا هم (الابل والمعارض) ماعندهم غيرها حتى انا ابوي يقول اشتغل عند الابل محاسب واحط الصادر والوارد ولانتاج وحسابات الطعام
بس ابيك تخييييييييييييييييييييييييل وضعي ابل وشغل محاسبه
وين تظبط!!!!
محمد ضحك- خلنا نسري قبل لايشبكووونا

مــــــــــــرت الايام الثلاثه الي راحت نفس الشي لاهل البر
علاقه سيف وسعود تدريجيا رجعت الى الافضل
محمد صار يكلم شيخه ويطمنها
لاجديد في هــــــــــــــــذا الصباح سوى الدومات
الي سرحو اهلها
نوره وهي تطلع عطرها من الشنطه وتطلع اغراضها
احد معه مشبك بلم القصه الي ازعجتني –
ابله نعيمه الا اقول تفتح درجها – تفضلي
اقول نوره – ليه ماتقصينه شعرك طويل شوي
نوره تفتح البنسه بطرف فمها وتطيح خصله غصب- مدري تعودت عليه
ابله نعيمه بخبث- بكره لاتزوجتي تطفشين منه وتقصينه
نوره – عادي اذجات على شعر عساني بس مااطفش من عيشتي كلها
نعيمه – تكلمي بصوت عالي وش تحلطمين فيه
نوره ابتسمت – اقول عادي والله يعين
قامت من عندهم وكان في الممر مرايه كبيره نزلت المضلات الي جايبتها للعب في الخارج لانه دورها وتعدل شكلها الباب كان مفتوح
قالت حدى المدرسات- رجلها يقطع القلب يابنات رجالي امس يقول هذا ولد ال ... مقدم وشـــــــــــــاعربس كأنه كبير عليها
نعيمه – كبير واجد يعني
المدرسه – شوفي اذ ا عمر نوره 27فهو تقريبا سبع وثلاثين سته وثلاثين خمسه وثلاثين مدري بس على مايقولون في بحـــــــــــــرها
نعيمه – الله حرام يعني اكبر منها بعشر سنوات تقريبا والله مغامره بكره لانضجت وصارت 36 هو يكون متعدي الاربيعنات الله يعيييييييييييييييييييييييييينها
نوره على طول شلت اغرضها وراحت وفي نفسها ضحكت
ياحليلهم يبنون عيشتي معه طول العمر

هذال نايم وهي تصحيه
يالله قوووووم وش فايدة جيتك وانت ياعند اهلك يانايم عندي
هذال رفع يده وهو يمسح على شعرها – احمدي ربس البارحه رايح لهم وماامسيت عندهم واهل البر يسألون واهل البيت يسألون يعني مغامره مني
طيب قوم خلنا نفطر وبشغل التلفزيون ورني اهلك وعرفني عليهم
ضحك هذال – طيب وخري عني
زحفت عنه
قال بضحك لاحول ولاقوة الا بالله اقولس وخري عني
زحفت عنه وقالت قوم وش فيك
هذال بمكر- وين ااقوم وانتي قاعدة على السرير تراني مااقاومس وخري ابرك
في لحظه نطت لينها عند الباب
تدري ابروح افطر وعمرك ماافطرت بالطقاق
قام هذال بسرعه وهو يعلي صوته بالطقاق هاااا هذي فيها قبايل واوريييييييييييييييييس شغلس عندي
وقام وهو اقرب للسعاده لكنه اكيييييييييييييييييييييييييد في راحه

اليوم خفت الاحتفلات ولكن الجديد ان شيخ القبيله وعياله معه وخاصه واحد من عياله متغطرس
بين سوالف وبين علوم
تكلم ولد الشيخ بااهانه متقصده – بعض الناس الحين لاملك قرشين حط عمره شيخ يحسب الشيخه بالريال
لان قنوات الساحه كانت تكتب مثلا ذود الشيخ فهاد بن سالم ال...
مجاهيم فئه المئه لمالكها الشيـــــخ ....
فقال ابو فالح – الشيخه يابوك ماتجي بااحمر الريال تجي بالمراجل وكمن رجال معدم وهو شيخ بأافعاله
فالح ابتسم ابتسامه رضى
ولد الشيخ- والله انك صادق ياعم والواحد لاملك له حلال وانعم الله عليه سمى عمره شيخ ونسى من هو شيخه
فهاد ماعاد تحمل فحول الكلام لصالحه – وبكل رزانه والله انك صادق واالزلابه يحسب انه بالدراهم هي الي بلحالها تشيخ
ولد الشيخ- صادق ولاجيت للحق مابه شيخه الا الي شيخته على ساس واما من حط عمره شيخ ماهوب شيخ
فهاد هنا عرف الرميه – ان كان شيختك ياولد الناس على ساس
قاطعه – أي بالله شيختي على ساس
فهاد- كفو والله شيختك على ساس وكانها عن ابو وعن جد و...جد جد.... فانت ورثتها
ولد الشيخ- ورثتها يومها ماهيب شيخه ريال واقوال لكن افعال
فهاد بصوت قوي- ومثل ماقلت كان شيختك ورثتها فانا شيختي بيمــــــــــناي جبـــــــــتها
ابو سعد استانس بكلمه فهاد لان ولد الشيــــــــــخ اسرف فيه وفيه رمي الحكي عليه
وجاته من الي يقول اتق شر الحليم اذا غضب
فهاد سكته وفي نفس الوقت نبهه انه في مجلسه وانه مااهانه مثل ماسوى ولكن رد عليه بالي يداويه بها
محمد لمبارك – اشهد ان فهاد برد خاطري جاي العرب في محلهم ومكانهم بدال ماتبارك جاي تعلمهم انك شيخهم والله انه خساره ولد لذى الحية الغانمه
مبارك – مااصبره عليه لواني في ثوب فهاد _ يعني مكان فهاد
لاقول تراك في محلنا وتراك ضيفنا والحشيمه لشايبك ماهيب لك جاي يتنقص منا في مقعدنا
محمد – ماعليه جابها له
مبارك - يضحك وسيف الي كان يشوف فهاد قدوه له بس ماكان يبين وخاصه لفهاد نفسه ودايم يقول انت شايب خرفت وفي نفسه صوره لفهاد يتمنى يوصل لها
فالح – ماحشم ولد الشيخ والله لو ان المتحاكي واحد منا كان قامو الشيبان علينا وانتم ماتعرفون تحشمون وماتعرفون السلوم ؟؟هذا انا حلفت بنقوم ولاحد قايل لفهاد شي
ابو فهاد وسط السوالف مسك يد ابو فالح وقال تلومني لاقلت لامت مانيب شايل همهم دام فيهم فهاد عسى الله يطول بعمره والله لواانه مارزقني الابه ان اقول والله له الحمد اعطاني واحد عن قبيله
جعل الله يمد بعمره ويخليه لامه وخياته تكفى ادع ياناصر.... تكفى ادع
كانت الحياة في نظر ابوفهاد توقفت واعطى الطريق عياله يكملونه ووكأنهم الثلاثه ارتاحو من دنيا وهمومها وباقي غيرهم يكملون الطريق قصه كفاح الشيب كان بطلها
والعمر سلطانها والحكمه راسها ولاخوه مكملتها والسيطره تحكمها

وانتهـــــــــــــــــــــــى المزايين وبكل مافيه
وبذكرياته وبهمه بتعبه وايام تجهيزاته وكلن في فراشه
فهاد ماهوب مصدق انه راح تعب شهور راحت ذكريات هذال يومهم يسرحون ويتخيرون لهم مكان تذكر نقل اللبل والتعب الي واجههم تذكر المخيمات ويوم بناينها تذكر يوم ضــــــــــــرب الخطوط صار نص يومه اذماكان ثلثه تذكر يوم العرض ويوم جاو الشيبان تذكر النتايج
تذكر المزايـــــــــــــــــن بكل ماحمل مر مشهد سمارتهم في الليل وضحكهم ومر عليه موقف ولد الشيخ الي كل كلمه خلت عروقه توقف الدم وتجمده
تذكـــــــــــــــــــــر كل ماحفل به تعب ايام وشهــــــــــــــــور وكأنه متحسر
عليها وحيانا التعب يصبح له لذه ولذكره طعم اخر
غفا فهـــــــــــــــــاد وهو يفكر وش بيواجه في الرياض
يانجد زيني دربي تراني على المـــــــوعد جيت
باشواق ٍ تلهب حشاء منهو على العشق ملهوف
وعقبها استقعد وتلطم زين لان الهبوب كانت بارده ومن برودتها تنشف ماء العين
وعـــــــدل شماغه ولفه على راسٍ من الهم غزاه الشيب
!!!!!!!!!!!!!

ام سعد في بيت الشعــــــــــــــــــــر
ترى معيض ولا واحد من عياله بيجون من القويعيه بيجيب امي
نوره – يالبيه اشوى انها بتجي بيتبارك العرس والله
الجازي – تلبس ولدها الشربات وتهاوشه لافصخه تدخله
نوره – تعال حمود ترى ندخلك لاشاف الحوش انهبل الا يمشي حافي
الجازي تمد فنجالها- اثر جدتي بتجي وحنا لنا الله ترى مبارك ولدها مثل مانوره بنتها
ام سعد – لابعد ضايقه يوم رحت لهم دونس تقول ماجات قليله الخاتمه
نوره –تضحك فديتها لبى قلبها
قالت ام سعد – وترى اهل العمره مانيب مخاويتهم
وين اخلي العجوز عنده
نوررررررررره – اجل انا معس بقعد
ام سعد على هواكم
الجازي خير ان شالله
باقي على العرس فوق اسبوع وحنا كلها يومين
نوره الي كانت تحاشى رحله فيها فهاد
لا واخلي امي بلحالها
الجازي ماهيب بلحالها مع العجوز وهياء وحمد مايندرى عنهم حملها تعبانه فيه
هي تقول برووح وحمد يقول مابه مراح معصي
نوره- لابالله بخلي بنت عمي عند امي واروح لااتحااااولين
الجازي بلعانه – انا خابره ليه ماتبين المراح بس احب اقولس انه بيقعد غير روحي ابرك لس
الجازي كانت تقول الكلام من راسها
نوره- ويقعد وش دخلني في بيته بعدين البارح يوم رتبت الاغراض ماكفت الشنط وفيه كذى شغله باخذها من الحياة بلازى
الجازي – اجل بروح معس وخذت جوالها لقت فيه رساله

من مبارك
جيتك وله وجيت كلي اشواق مكمله
جيتك عناء جيتك شقاء وارحم الحال
بعدك ايام عني تراني حشاء ماتحمله
فلا تغيب وتقــــــطع عنا حبل الوصال
في خاطري لك شي اظن قلبك يجهله
شي ماله وصـــــف ولاتعـبير ن يقااال

ابتسمت وقالت شكل اهل المزايين في الطريق وقدهم قريب
وبالفعل اقبلوا هل المزايين بعد تعب وبعد كد شهوووووووووور

بيت ابو فالح
العفش مالي الحووووش من العزبه
والبنات كلهم طلعو برى يسلمون عليه
وتعلقو في ارقاب اخوانهم
سلمى مسك اذنها سيف وهمس وانتي ليه ناحفه تدرين انهم بيملكون قري
سلمى دنقت والله واجد يالسيف
سيف ايه واجد وانشدي فالح – التفت فالح وقال أي بالله ناحفه
وام فالح ماسكه يد ولدها وكنها مستقطعه منه
ودخلو
بيت ابو سعد وبيت ابو فهاد ماكانت الاجــــــــــــواء بعيده
عن بيت ابو فالح وجاء سادو يدخل العفش داخل غرفه العزبه لانها واجد
والبيت كله يرتج منيره راحت لااهلها والجازي وهياء راحو عقب ماسلمو
ومسك يدها مبارك وتروعت وقرب لااذنها لاتأخرين
الجازي - حرام عليك اهلي توهم جايين من البر وابوي معهم باخذ علومهم وبشوف احوالهم والله اني مشتاقه لهم
مبارك بقهر- واللوح الي قدامس ماجاء من بر وجهبه ( يعني برد) وكرف
الجازي – الا جعلني قبلك بس هذا انت طيب وتقهويت معك وخذيت علومك
وماعليك الاعافيه
حمد سبحان الله كان الوحيد الي ماتغير بس كانت هياء تمطره بكلمات تبين انها حاسه فيه
هياء – احسك شوي ناحف ومسمر وش الي في يدك
حمد- ابد جرح من الشبوك
مبارك سكت ودخل حجرته وفصخ ثوبه يريح
وقعد على السرير وتمدد وهو يقول ماهيب كفو احد يحتريها
ورفع رجله الي كله من اسفل القدم الى الركبه فتحه كبيره متخثر دمها واطراف الجرح على طوله متورم
وتذكر يوم كانت احد الناقات ميت حوارها كانت طول الليل ماتمسي واذ طلع السفر والنور
تهبدت الناقات برجولها من غيظها ودخل مبــــــــــارك راسه من تحت الشبك ورفع رجله فوق الشبك الي تحت واول ماحط رجله الثانيه شقها السيـــــــــــــم الحديد على طولها فماراح المستشفىبر وبرد اكتفى بغسلها بماء ورش عليها مسمار- عويدي يوقف النزف
رفع رجله ونام وفيه حره على الجازي وشاف هياء شلون تودد لرجلها وهو ماغير يتدلع عليها وابتسم يوم تذكر شكل اخوه حمد الجدي شلون كان يقول ابد مافيني شي بس عشان تلح عليه وضحــــــــــــــك واختفت ضحكته يوم تذكر حاله وقال دواها عندي ذا العجوز (مانه) بعمرها علي هييييييييييييييين
الجازي – في خاطرها زعل ولا اقول حتى وان زعل تراني مانسيت
ترانوووووووووووووفا كنه صغيــــــــــــر عليس

!!!!!!!!!!!!!!!!

وراح الجو من بين سوالف وعلوم وهذال استأذن
ابو سعد وفي حضنه بنت حمد بصوت مرتفع-
وانت وين انت رايح
هذال- قريب
ابوسعد في المزايين ماتنشاف وهنا ماتنشاف وسابقنا للمجي وممسى في البيت ماامسيت انت وش وراك ؟؟؟
هذال- يبه مانشدتني وانا صبي وين اروح وين اجي يوم كبرت تنشد بوصل حدى الربع وجاي
ابوسعد دبر امورك وسنعها ملكتك عقب عرس نوره ورح المعرض واسحب منه سياره ولا اخذ صرافه الحساب وجهز مهر بنت عمك وحطه في حساب
عشان تسحبه امك وتوديه لهم
هذال دبر – ابشر طال عمرك
وطلع منهم هذال وفي نفسه – ياوالله النشبه باخذها بزر وعلقوها فيني ولابعد نسوانهم يردونها ويحدونها يالله يارب
رحمتـــــــــــــــــك
ابوسعد يلتفت لسعد- ريحو انتم ذا اليومين وعقب بنروح مكه منها نمشي العرب الي حرمناهم من عطلت عيد رمضان عشا تجهيزات المزايين ومنها شــــــــــــكر لربي على ماعطانا نعتمر ونعين خير من ربي
سعد على امرك
ابو سعــــــــد – مر امين ومر المعارض ترى فهاد لحيتو كبده هو الي يطارد في كل شي
سعد- ابشر مالك الا الرضاء

الهنوف داومت هي ومشاعل وحاطين حفله وجايبين حلويات ومشروبات
مرت عليهم حنان- اقول الهنوف واحد من عيال عمك يقول بابا كان تاجر مخدرات
الهنوف كانت قاعده وانصبخ وجهها والبنات انصدمو هنا ردت مشاعل
ماكان ولابيكون ان شالله وهو بري منها
حنان – ويقول بابا اكيد بيطلع بري منها المقدم في المكافحه بيطلعه منها
مشاعل – ماطلعه والي طلعه منها واحد ماله علاقه بدائره خالي
ويكون في معلومس حي البري من شي ابتلا به وشين الي للحين مبلي
حنان وش قصدس- سكتت مشاعل حنا عرفين وفارقي احسن
هنا الهنوف نطت – يعني المال الي تاكلينه وتبخترين به وشهو.... أيه حي ولدنا الي بري بس مالقمنا حرام ماهوب عيشته في رشاوي مد يمين مصافح ويمين زرف
حنان عصبــــــــــــــت انتي وحده كذابه وحقيره وحيوانه وواطيه
الهنوف وانتي وحده عيشس حرام
راحت البنت تحلطم وهي ترطن بقول لماما
الهنوف توترت اما مشاعل شوي وتصيــــــــــح
الهنوف – قهرتني قلت خلني اطلعها
مشاعل ليتني ماعلمتس انا يوم نشدت خالي عنه قال رجال راعي رشاوي وسمعته شينه لاتماشين بنته ولاتقربينها
وانتي فضحتيني
الهنوف علت صوتها للبنات الي لجمو من سمعو الي صار- وقالت سمو الله ينكد عليها
اما حنان فهي مسكت كلمه عيشتس حرام لمعنى ثاني بيورط الهنوف ومشاعل
الهنوف– ماما...... السواريه والشاميات الي يفتحون النفس ماما وهي عاده عمرها مثلهم شين السرج بس
مشاعل – شينها لاجتمعت احشف وسؤ كيله

في الكليه
قاعده توري صديقاتها صوره لاقطتها من التلفزيون
سهى- ياالدووووووووووبه رجلس يهبل
سلمى – وجع عقب السبوع الجاي رجلي
رايده – الله يالزين ياسلمى يهبل هذا الي شاق قلبس من يومنا في الثانوي تعرفين تنقين
سلمى – تخيلو في حفلتنا دقت اخته عليه وقال وش ذا الازعاج قالت نحتفل
بالنتايج قالت النذله احرجتني ومرتك من صبح وهي تصفق وتصفر
قال ان شالله في نجاحها قالت ماظنتي قال لا بنات عمي ناصر بيفلحون ماهوب مثلس
ياراعيه الدراسه على طول اعرست نطلت الدراسه وهي فوولت قالت هين اذا ماحطيت عاهه في مرتك قال ترى وراها رجاااااااااااااااال
هذال كان يتفادى اسأله شيخه مثل يوم قالت ماظنيت قال بنات عمي ناصر ومانطق اسمها ويوم قالت بحط فيها عاهه قال ورها رجااااال يقصد اخوانها
شيخه سكرت وقالت وراها رجال ها وبنات عمي ناصر يفلحون ولا انا يعيرني هذال عشانس يالعصلى وتقعد تقبص فيني وصدق استانسنا
سهى – ياعيني على الحب
رايده – ياهنيا لك ياسلمى
سلمى – ابن عمي ولاغير ابن عمي
ورددو سهى ورايده بصوت واحد ((( يهناء لي )))
دايم تغنيها سلمى لاقالو بنزوجس صديقاتها وجرتها على موال شامي

الهنوف وشاعل
طبعـــــــــــــــــا طلعو من المدرسه وهم في خوف على الي بيصير
فقررو يغيبون وعقب مايرجعون يداوومون منها راحه ومنها فكه من وجع الراس

مرت يومين نوره ملت من الروضه الي تقريبا معلماتها ماصار لهم سالفه الارجلها الاولي وليه تطلقت منه وخاصه بعد احفالات المزايين الي ظهرت فيها العايله
والجازي ترتب شناطها عشان الروحه وبتقعد هياء عشان حملها وتعبها وحمد بيقعد
ونوره وامها وخاصه ان عجوزهم جات
بيت ابو فالح كلهم بيرحون
بيت ابو فهاد بيرحون
كلهم
شيخه تمد اوراق لمحمد – محمد افتحيها
شيخه ترفع حواجبها – اكيد دام درج السياره مقفل ماله لزمها تحرج على اوراق البيت
ضحك محمد- قلت ميدس درج السياره فيه مهر المره الجديده وفيه صك بيت تبين تفتحينه ترى المره اقبلت
شيخه قربت منه – وش فيك ياعين ابوي ناحف ولاعاد تاكل
محمد هذا انا اكل والسمنه مامنها خير والمره الجديده شارطه قايله ميد ابوها الهرش ( يعني السمين ) كانه مانحف ماابيه
شيخه – جعلها الجدري انا ابيك متين
محمد- وانا ابيها وبنحف
شيخه انسدحت ودفته- جعل الله مايبيك لانت ولاهي
ضحك محمد وحط يده على بطن شيخه ومسح عليه- هنا مابه مودمي
شيخه بوجع وصدت منه – حاليا لا
محمد لف بيده وجهها صوبه وقال بياتي وهو يمسح على شعرها
شيخه – تهقى
محمد- ايه
شيخه- وان ماجاء
محمد- ماالله اراده وتراني رجال ماحب الازعاج يعني خيره من ربي
شيخه- بس انا ابي بياخذونك يامحمد
محمد بسخريه- من السفن الفضائيه ولا الجن
شيخه دمعت عينها وابتسمت – بيودونك لراعية الدرج
محمد ضحك ولمها لصدره عاااااااااااادها في بالس وضقتي اجل مانتي بممسيه
وهذا الي ابيـــــــــــــــــــــه
!!!!!!!!!!!!!!!!!!!!!!!!!!!!!

في بيت ابو سعد والجو انيس العجوز ام معيض مسويه للبيت طعم
نوره – ياجده ياااااااااااااااااااجده مابه اذان الحييييييييييييين
ام معيض-الا يذن انا اسمعه افرشو سجادتي
انتي يالعوباء هنيف قومي جيبي ماء اتوضاء
االهنوف تحط يدها على فمها وتعلي صوتها – ياجده
على كيفس صلاة ربي
نوره- جده نفداس اصبري عقب ساعه ويذن
غمزت الهنوف لنوره –ومافهمت
وشوي الاطلعت الهنوف برى وجات عند الدريشه وقالت
الله اكــــــــــــــــــبر .... الله اكبــــــــــر .... اشهد ان لااله الا الله ....
تكمل حي على الصلاة حي على الفلاح
وجات تركض اذن .......اذن ياجده..... جيبو الوضو ء لجدتي وتروح تفرش سجادتها
ونوره جالسه مبلمه
وبالعه ضحكتها من المشهد الي قدامها
الهنوف قالت وهي تأشر بيدينها حليتها
نوره – لا والله يالفالحه
وهذا حالهم .........................
^_^

اليوم الفجر جهزت السيارات
وتزهبو
جات سياره سعد وفيها مرته وكانو بينزلون ندى بس نوره قالت عمروها ولكم اجرها وضعيفه بتفقد العرب ولاجات اختها الصغيره تقهرها
ونزلت مشاعل تسلم على عمتها وجدتها
وجات سيارة ابوفالح وسياره سيف
ونزلو يسلمون على الي ماهم برايحين
والي صدم نوره
هياء فهاد يقول لا اعتزتو شي دقو علي
نوره – ليه ماراح
هياء رفعت كتوفها اشــــارة مدري

مبـــــــــــــــــارك يعدل مرزام غترته والجازي تصيح يالله
اخلص
مبارك ماعطاها اهتمام
وتعطر وقال بروح بعد شوي وبفطر وبعين خير وبسولف مع جدتي وعقب نمشي
الجازي للخدامه –الي شاله شنطه البزران وحليبهم وسالم
روحي خلاص
الجازي تقعد على السرير وتنزل طرحتها بقهر وطلع شعرها الي مستشورته وروجها الفوشي وبلوزتها الاسبانيه البنفسجيه وتنزل عباتها منظر سرح فيه مبارك للحظات مايدري كم وعرف وش هو مشتاق لها وضميان لها
وعلى طول تذكر صوره البارح وطرد كل شوق لها
عادي نمشي بلحالنا على هوان
الجازي- حرام وناسه معهم نوقف سوى ونروح سوى ونتغدى سوى والفجر شوف محلا شوفه
مبارك يعدل الكبك قلت لااااااا يعنــــــــــــــــــــي لا اااااا
وطلعت طفرانه
مبارك اشوى بردت حرتي هين ياجازي انا تقهريني في نفسي انا اوريس
طلعو ركب ابو فهاد مع سعد وبنته
وابو فالح ركب مع ابو سعد
وفالح ركبت معه امه وام فهاد واماني
وسيف طفى موتره وركب مع سعود
وقالت ام فالح سلمى اركبي سيف انتي وبشاير
ومشاعل نزلت لانه السياره ضاقت يوم ركب جدها قدام والخدامه والبزران
قالو روحو مع جازي خالتس يامشاعل واخوس يالهنوف
البنات دخلو وقالو بنروح معكم
مبارك – معصيــــــــــــــي
ليه لان عفش الشيبان كله معي ولافيه مكان روحو شو فو الموتر وانا سيارتي ماتاخذ الاوحده تروح معي ووحده تروح مع أي موتر
رجعو بعبايتهم قال ابو فالح اركبو مع سعود وسيف البنات استحو من سيف الشيبان يضربون هرن ويصيحون
اشرقت الشمس وانتم عادكم
وقعدت سيارتين في الرياض
وراح سيف يفتح الباب الخلفي لعانه وقال- اوووووووووه نسيت العذر قدام وسكر الباب الخلفي
الهنوف – صدق تافه
سيف – سعود تراني بسوق موترك
سعود على خير وعد الي معنا طبعا منيره درت ان بنتها متوسعه مع عمها ارسلت دوينه وشوي الا مدخلينها قالو مشاعل بنت سعد امس تقول انتبهي لها
مشاااعل – لااااااااااااا مالي خلق بزرا ن اففففففففف
الهنوف – حرك سعود قبل لايجبون المبزره الباقيه
سيف – خلص كم حبه معنا سلمى معنا اربع حبات
سعود – اووووه الكبيره هنا وشلونس يابنت ناصر
سلمى – بخير جعلك بخير
سعود- وش رايس تروحين للموتر الي قدام وتوسعين علينا
سيف – ياليت معها كم وحده
سلمى- اعرف حركات الشباب عشان تاخذون راحتكم سرعه ومطاعم وهياته مافيه
وانا الرقيب عليكم هنا انا اكبركم ويقول ابوي لايسرع بعد يعني تراني عدادكم
سيف – لاضايقتني شليتس ونطلت لراعي الفكسار الذهبي ومعس وحده على كبدي
بشاير تهمس له هين انا على كبدك وهو يقصد هنوف والهنوف وصلتها الرساله
سعود مشت السيارت توكلنا على الله
وطول الطريق البنات همس وروسهم بروس بعض والعيال سوالف عن المزايين وعن الي صار
طلعو من المزاحميه وتعدو الدوادمي وقدهم عند القويعيه
وفقو عند محطه الي يعبي والي ياخذ مناديل والي نزل يشتري والي يبي محطه نزل
نزلو البنات وكان سعود يعدل العفش الي ورى وفاتح الشنطه مع سعود والبنات نزلو للمحطه مع منيره والنسوان
سيف- انا احس انها فرصتي اكرهها في عمري عشان تعيفني دامها معنا ولاجاء الامر الواقع وخطبت غصب بتقول معصي
وهينا سويت الي علي وهي عافتني واخلص منهم
كانت بتركب وسمعتهم وااوجعها قلبها – مالت عليك يحسبني ميته عليه وع على الفاشل يصير رجلي
وركبو وخذو البنات فطور وركبو
والعيال وناسه
سعود- تذكر يوم رسبت في اولى ثانوي مرتين
سيف- لاتقول راسب انا بس كنت احاول اكون
اكثر شطــــــــــــــــــاره ومابغيت اطلع لين احس نفسي فاهم المنهج
فقط لاغير
سعود- يازين ذيك الايام مدرس الاحياء مع عيال ال مانع
يوم يسألك الاستاذ عطني ثلاث حيونات برمائيه في المتوسطه
قلت سمكتــــــــين كبار ووحده صــــــــــغيره
البنات ماتو ضحك بس بصووووووووووت واطي لانه السياره ماكانت محارم لهم
مشاعل بصوت واطي – على نياته
الهنوف – والله من البلاهه والغباء
وكل همسه كانت توصل مسامع سيف لان الهنوف متعمده
سيف عاد يوم ضربت ولد المدرس وانفصلتتتتتتتتتتتتتتتتتتتتتتتتت ياانها سالفه
مانيب ناسيه وياشينها لاكذبت على العرب وطلعت مفصول احراااااج
سعود على نياته مااذكر
سيف – بس انا اذكر
وكان والد المدرس شايف عمره والكل عنده فاشــــــــــــــــــل
وهو الي ماشالله عليه وتكتشف بعدين انه هو المسكين الي فاشل
ونظرته ماتعدى رجوله
الهنوف تهمس – ولد المدرس افلح ولاقعد على الاقل عاله على اهله
كانت كل كلمه ترن في اذن سيف مثل العسل
لانه هذا الي يبيه

يسولف برواقه وهي تطحن اسنانه وكل شوي تفرك معصمها بالساعه ويشوف تصرافاته ومستانس
مبارك – الا ياجده اقدر اصور لس غنمس وااوريس اياها
ام معيض- وش تقول
مبارك – االحين اكلم احد العيال يصور غنمس ويرسلها وتشوفينها كانس مشتاقه للحلا على قولس
العجوز – الحين
مبارك بوناسه- ايه الحين
ام معيض- يالله اني داخله عليك ولو اقول صور العنق – الي توها مولده تسمى العنق - تصورها
مبارك بثقه – الله الله
ام معيض – اعوذ بالله سحر سحر ياولدي فكنا منه
ضحك مبارك ونزل بيالة الحليب وضحكو
ام معيض – فكني ياولدي من علم الردى
مبارك يحاول يلتقط انفاسه من الضحك – اسمها وسائط
نوره وامها يضحكون ومستانسين مولعين الدفايه وفاتحين الستاير على الفجر الي تو مابزغوالدنيا اصلا غيم والجو شكله اقرب لشكل المغرب سبحان الله
وريح القهوه والحليب والعجوز المبروكه كلها مناظر اجتمعت تصنع راحه غصب وترسم البسمه في زحمه الاوجاع
ام معيض – لا بالله الا اسمه سحر والسحر حراام ياولدي خافو الله خافو الله
والجازي في نفسها تأففففففففف
يالله يالله
مبارك شاف الساعه بكل برووووووووووود وقال
نمشي
الجازي بقهر طلع من عيونها – لاوالله ياخي
مبارك قام وسلم عليهم وهو يقول تراس اخرتيني
الجازي انقهرت الحين من الي من صبح الجده على الروحه(( يعني اطلبه ))
مبارك ودس ولانمســــــــــــــي
صاحت الجازي – لااااااااااااااااااااااااااااا
مبارك يلبس نعاله وانتم بكرامه وهو يتمتم
ويلك على الممسى يامبارك لكن ماهوب حاصــــــــــــــــــــــل

وموعدنا التكمله الخميس لان الاحداث الباقيه يبغى لها حبكه افضل مما كتبت عليه
فأنا مازلت احمل هم نتائج لم تظهر دعواتكم
وانتظر بشوووووووووووووق
ارائكم
وتعلييقاتكم
فكونو على استعداد ياطاقمي
والسبوع هذا بيكون بارتين وبعدين الثلاثاء بارت ونرجــــــــــــــــــع مثل قبل
اذ الله اراد ودعواتكم الله يجزيكم الجنان
بارك الله فيكم واسعدكم الله
في انتظاركم سأكون وبقربكم سأبقــــــــــــــــــــــــى
واكرر عذري لتأخير
واكرر عذري
ولكن رغم
كل شي
سوف احضر لكم بعون الله

اختكم نبض ومشـــــــــــــــــــاعر

01-07-09, 03:31 AM

المشاركة رقم: 184

المعلومات
الكاتب:	جوودي1
اللقب:	عضو راقي

البيانات
التسجيل:	Oct 2008
العضوية:	101279
المشاركات:	1,968
الجنس	أنثى
معدل التقييم:
نقاط التقييم:	48

االدولة

مدونتي

الإتصالات
الحالة:
وسائل الإتصال:

كاتب الموضوع : نبض ومشاعر المنتدى : الارشيف

هلااااااااااااا والله

نبوووووووووووووووووووووووووووووووووووض الحمدالله على السلامه

نوره الله يصلحها وش عايشه فيه انا مع الجازي كيف تبي تحرم فهاد من

الفستان مهما كان طبعه له حق انه يشووف الفستااان ....

هذال معقوله متزوج بسسسسسسسسسرررررررر انا مارحمت الا سلمى يااعمري عليها

من الحيييييييين وانا حاااااااااااااااقده عليه على بالي اخته ولا

شي ونبووض تلعب بعصابنا صااااااار متزوج ضاق صدري من قلب

ضجووي طلب بليزز بيني السر البارت الجاي احس مافي اي صبر عندي

الجازي هذي متى تعقل وتشوف رجلهاا انا مخاف الا انه يتزوج عليها

ننتظرك بكل شوووق نبووض

جــ,ــ,ــودي

01-07-09, 06:31 AM

المشاركة رقم: 185

المعلومات
الكاتب:	احساسي يكفيني22
اللقب:	ليلاس متالق

البيانات
التسجيل:	May 2009
العضوية:	144717
المشاركات:	576
الجنس	أنثى
معدل التقييم:
نقاط التقييم:	10

االدولة

مدونتي

الإتصالات
الحالة:
وسائل الإتصال:

كاتب الموضوع : نبض ومشاعر المنتدى : الارشيف

السلام عليكم ورحمة الله وبركاته

ياهلا ومرحبااا والله

وشها الزين يا الغلا ..

ما تقصرين يا طويله العمر ..

الله يعين نورة على نفسهاااااااااا ويعين فهاد عليهاااا

وهذال وانكشف غموضه <<حركات متزوج با السر

يمكن تكشفه سلمي عن طريق احدي صديقاتهااا ..

وفي انتظارك وبكل شوق

ومرحبا بك مرة اخرى

LinkBacks (?) LinkBack to this Thread: https://www.liilas.com/vb3/t99514.html
أرسلت بواسطة	For	Type	التاريخ
Untitled document	This thread	Refback	24-11-10 02:16 PM