اختي لقد اشتقناللرواية ولكن هذا لايعطي العذر للاخوات بالتذمر والدعاء على الكاتبة وبالنسبة للكاتبات ارجو احترام المتابعات لهم وتوضيح اسباب تاخرهم بتنزيل البارتات مع تمنياتي للجميع بالتوفيق والنجاح والصحة والعافية ودمتم بخير

السلام عليكم ورحمة الله وبركاته

غدا

ستصـــــــــــــــــــافح قلوبكم

متــــــــــــــــــــتى يرتاح قلب ن بالهــــــــــوى ملكته

اشتاقت لكم

فأانتظــــــــــــــــــروها


على موعد غدا بأذن الله


النبض
هنا
والمشاعر هنا

في متصفحـــــــــــــي

سوف التقيكم


في حفظ الله ورعايته

هاهي بين الزحام قد اتت وكنت في انتظارها فلا اخفيكم قد خفت ان تخون موعدها
ولكن اليوم الذكرى لها موعد مع قلوب ابطالنا والالم يجدد مكانه في قلوب ابطالنا
وكتاب الحقائق مازل يفتح لنا ارواقه
والحزن مازل يستكين تلك القلوب
واتت نبض بصحبة
متى يرتاح قلب ٍ بالهوى ملكته راحت ايامه كلها وهو يرتجيك
ولاهداء لقلوبكم جميعا وخاص لفروحه فأهلا بعودتها



مسك الخط السريع طالع من الرياض وتارك قلبه وراه
تذكر ذاك اليوم الي مستحيل يغيب عن باله
نوره متركيه على المركى وحاطته ورى ظهرها
وقدامها طوفيره القهوه ملزمه الصرف في حضنها والهنوف قدامها تذاكر لها
نوره – يالله قومي جيبي التمر الجديد ماهوب ذا
الهنوف- اووووف امي تقول ذاكري لي ماهوب تشغليني
استقعدت وشعرها كان مفكوك اقول يالله قومي ولا ولا واجب ينحل بزارين اخر زمن
راحت الهنوف وقشتها طايره وتحلطم
نوره تضحك – وانتي جايه جيبي مشط وكريم واهبط شعرس
الهنوف تافف
قامت تنفظ شعرها المايل للبني اول ماصبغته وتقول
اشــــــــقر على اشـــــــــقر ليت خلـــــــــــي يجي يـــــــشوفه
انتفظ وصاح في نفسه انت وش قاعد تسوي يافهاد
فهاد دخل االبيت مالقى احد لف على السور الي ورى وباب المطبخ يودي للبيت قال بتنحنح وبلقى احد اهل البيت يفتح المجالس لي طبعا
بس الي شافه شـــــــــــي ثاني
صحيح انه حبها قبل لايشوفها ويمكن عشانهم اكبر العايله
وكلام الي حوله عنها وحب العرب لها
وتكلم بصوت مسموع
تغيرت ياربي ولا عاااااااااادهي اياها
الشعر الطويل
العيون الواسعه
النعومه نفسها ولا غيرها زمانها
بس الي ماتغير صدق –
صوتها
اشقر على اشقر ليت خلي يجي ويشوفه
(((( اييييييييييييييييي يافهاد)))
هذي عباره دايم يقولها لاجاه الماضي قدام عينه بحسره يختال ويجر معه ربيع العمر الي راح
مر قدامه شريط حياته كنه لمحه بصر من خطبتها لفلاح وطعنته
ليوم زواجها وموته
ليوم طلاقها و ميلاده
ايه ميلاد الفرح بيوم طلاقها ميلاد السعد برجعتها له
ياكم دعوة دعيتها ماخليت والله يوم ذكرها ياكم طلبه يالله طلبتها مانسيتها منها

في احد بنوك الرياض على مكتبها--
الجازي في البنك فتحت جوالها خلني اكلم مبارك
مبارك – في يده حبل ومتلطم وهذال معه الجو كان بارد الا صقيع بروده ويقيدون رجل بعير عشان مايهابد الابل
رن الجوال طلعه شاف المتصل نطل الحبل على هذال الي يصايح عليه
هذال- عزالله ماعاد به ريجيل الواحد لاكلمته مرته ضاعت علومه
مبارك اول ماشاف اهلي يتصل بك قال جابس الشوق والله ياكل ابو هلي
مبارك بنشوه- ارحبي والله
الجازي – سلمه يارب وابقه وش حالكم ياهل البر
مبارك – يسرس الحال – وش ذا الصباح المبارك
الجازي – اربني مااشغلتك
مبارك- ماعندنا شي يابنت الشيوخ الا انتي وش عندس
الجازي – ماعندي الاسلامتك ماعندي عملاء ولاشغل قلت ادق على اهل المزاين
هنا ضاق مبارك منها
مبارك – وبس
الجازي – وسلامه راسك اربكم ماتعبتو ولاذبحكم البرد وارب ابوي يتدفاء زين
مبارك – يالله مشغول يام حمود ادق لافضيت ولا لاطفشت !!!!
الجازي ضحكت – لاوالله يالله فمان الله الله يحفظكم ويسهل عليكم يارب
سكر مبارك يشوف الجوال
اربكم طيبين – ابوي تدفاء زين – يحفظكم – عليكم- ادق على اهل البر –
طيب مايصير ادق عليك يامبارك – مايصير الله يحفظك مايصير تدفيت زين
حشاء والله لو انهم عيالها كلهم بس هين هين البارح رايحين السوق ان ماوريتس يالعجوز( مبارك يسمي جازي العجوز وهي تسميه البزر )
لان مبارك حجر الجازي بعد ماتخرجت من الجامعه وهو في ثالث ثانوي
دايم يتعايرون بضحك بس في الفتره الاخيره صارت تحسس وتحس مبارك يقولها عن قناعه رجال
دق عليها مره ثانيه
الجازي- هلا بك مبارك
مبارك- وهلا فيس الا الجوز اربكم قضيتو لروحه وخلصتو ترى مالي خاطر لاجيت ودني وحطني
الجازي – ابشرك خلصت وباقي كم شغله بخلصها اليوم
مبارك – اني داري مرتي ذيبه
الجازي – كله عشان الغثاء ابشرك افتكيت منه
مبارك – وش شريتي لس
الجازي – ابد بدله من تيرنوفا وجلابيه بس باقي بزرانا
مبارك – اخس ترنوفا احسه بناتي وشلون تاخذين لس منه ماكنها طافت عليس
الجازي ولعت- لايابوي ماطافت علي ومدري ليش البزارين ذوقهم محدد في الي يناسب فئه عمرهم ياخي شوف ذوق الكبار وتابعه اذا ماهوب عشانك عشان عجوزك
مبارك حس انه زودها وبدل ما يأدبها جــــــــــرحها
والادهـــــــــــــــى ان حالتها النفسيه ماتغيرت شوي وكانت متأثره بالي قرته كان واقعي يحبها ويعشقها بس هي بدت في الاربعينات وهو في الثلاثينات
وحقه لابد يدور عليه مع انه لازال يحبها
طلعت صوره مبارك لها كــــــــــــذا
في الروضـــــــــــــــــــــــــه_ن
نوره هلا حبيبي زايد
زايد- ابله هذا من عمتي
مكتوب
معلمة زايد الفاضله وبعد السلام
اعذب التحايا اهديها لك
حقا اثبتي انك جديره بمعلمه اطفال
ودليل ذلك تعلق زايد بك في فتره وجيزه
فزايد طفل صعب التعامل معه – ولا احد يستطيع الدخول معه بسرعه
وكلامه عنك رغم ان فتره تواجدك معه في الفصل لا تتجاوز اسبوع
اعلم انك تقطنين مع اهلك ولايسعني رؤيتك الصباح لاني ادرس فاسمحي لي بزياره
في منزلك

والتعرف عليك بقرب
وهذا رقمي
الرقم 055*********

نوره ماتدري ليه خافت
صفو الاطفال في غرفه الااستقبال ونظموهم طوابير
كان شكهلم في الصبح كانهم عصافير وملابس اطفال الروضه الي تعطي النفس انشراح بالوانها – الزيتي واليموني
كل معلمه صفت طابور فصل الياسمين والتفاح والكمثرى مشو ونوره للحيــــــــــــن سرحانه
زايد – ابله ماقلتي نجوم مسيييييييييير
نوره رفعت راسها – نجووووووم مسييييييير
مشى الفصل ونوره قدام وشوي الا الي مسك يدها نزلت عينها
تشوف الا وزايد ماسك يدها بيده الثنتين وهو مبتسم
بادلته نوره نفس الابتسامه رغم الخوف الي فيها

سيف – في الاستراحه اذا فازت ابل الشيبان ابشرو بذبيحه لكم الاوش ذبيحه الاقعود
كان احد الحاضرين حسود وخاصه على سيف ويقول انه من الناس الي شايف عمره والي يبيه يحصله بغى دراسه وتهيت له وسياره وجاته اخر موديل وانه رخمه
محسن – اقول وش اهلك مشاركين به
سيف- ليه ماتشوف تلفزيون ولا ماغير تحطه على البلا والجلا
بس من وين تشوف يامحسن وانت طايح على الخنيز الي يهزون ويتعرون ولا بعد تعاونهم وترسلهم من جوالك
محسن – ماشالله يا الطواعه هذا انت افلام وتفحيط مع سند
سيف انصدم لانه ماتقبل النصيحه واخذها مجاكر- اجل انصحني
وكلنا نتناصح وتراني ان كنت على ذنب مانيب اجر غيري له واشجع عليه
سيف بن ناصر ماهوب قاصر عز الله ذنوب
فايز- اوووووه اهجدو خلنا نلعب بتركييييييز
فايز – بعدين تعال محسن ليه فصلت من وظيفتك
محسن – كرف نص يوم والراتب 3000 وش ابي به
سيف- تبي به تشل عمرك من الشايب
محسن جاته على طبق من ذهب- الشايب مااشتكى بعدين وش تبيني اشتغل
في كوفـــــــــــي!!!!!!!!!!! ولا في شــــــــــيشـــــــه!!!!!!!!!
سيف- ماهيب شغلة عيال حمايل
كان قعدت في وظيفتك
محسن – اشوفكم منعتو ولدكم لايفضحكم ولاقلتو له هملها وانتم مزعجين العالم في المجلات اخوه الشاعر والتلفزيون الشيخ وملاك الابل والشاعر وانتم خرطي والتاليه ولدكم يخدم صباب للي يسوى والي مايسوى في كوفي
سيف- تعقب وتهباء وشيوخ غصبن عنك

قام سيف معصب ومسك محسن مع حلقه نطلو العيال الورقه وقامو يفكونهم
سيف وايديه على حلق محسن – تعقب يالخاسي ..... تع...ٌقب ..يالخاااااسسسسسسسسسسسسي ........
ومحسن يحاول يفك يدين سيف وصوته يتحشرج من الخنق
وبقوه فكوه .................
سيف يحاول يرجع له وثنين ماسكينه واحد قدامه يدف صدره
محسن والعيال يقومونه
العيال- انتم ريجيل وش بقيتو للبزران ماانتم بصاحين والله
لاحول ولاقوة الله بالله تعوذه من الشيطان وساعته
محسن يمسسك حلقه – لا تحط الحره فيني كانك مانتب مصدق رح لشارع التحليه ل........
وتلقى خويك يالصحيب
خذى شماغه وطار
وهو يسمع تعليقات محسن- مذينا وحنا وحنا وفعلتنا من تركتنا وهم خرطي
حدهم شيشه وقهاوي يخدمون فيها الدشير والصيع الضيع
هنــــــــــــــــا بس رجع ركض سيف مثل الصاروخ
ونط على محسن وعطاه على خشمه ظربات متواليه
محد قدر يقومه لانه كان بكامل قوته لكن بدون وعي
وطلع بنفس سرعة دخوله وخبط باب لاستراحه وهو طالع
وخلا محسن وسط دمه
............................
في البيت على المزايين والشيلات
بشاير تعدل الفحم وتحط عليه الحليب
- ام فالح – لفي به على جنب وطلعي الجمر الي تحت وحطيه فوق
- طلع ابوفالح وصاحو البنات
ابوووووووووووووي فددددددددددديييييييييييييييته
يلبى كبدك في ذمتتتتتتتتتتتتتتتتي
وام فالح حاطه يدها على راسها
-ازعجتوني الله يزعج عدوكم
- اماني هذا تسجيل اكيد فالح بيطلع
لبيييييييييييه يالمزااين الي فيه فالح
بشاير – شوووووفو سيف مع فهاد يأشربيده للمخيم افلقوني انك انه يدري عن شي
اماني- تلقونه لقط الكاميرى تصور قال خلني احط عندي سالفه ولو ماعنده سالفه
ام فالح- اماني يامس لاتضيقين من سيف تراه على نياته
بس عمانه غاسلين مخه على اهله حسبي عليهم
اماني تأفف- لاعادي ياخاله وش عاد سيف حسبت اخوي مع ان اخواني ماقد هاوشوني
سلمى – تهمس ابوك يالنصبه محد هاوشس
ام فالح- بكره النتايج خلنا نشوف فهيد ((تصغير فهاد بتشديد الياء))
وش بيعطي سيف لافاز ماهوب مخليه يطامر معه ويشقى على الفاضي
سلمى- يمه الفضل لفهاد هذا جزاه الي مخلي ولدكم يحس بالمسؤليه تراه ماهوب على عازته عنده مسؤل الابل سطام وعنده الرعيان
ام فالح- اقطعي واخسي تسمعين كلام ام لسان طويل وتجيبينه لي
سكتت سلمى لانه امها داريه ان هذا كلام الهنوف
ام فالح- بشاير اصغر منس اعقل منس يالخبل ولاهو عشان نصيبس عندهم تركبين العيب اهلس واخوانس ليت بشاير الكبيره ماهوب انتي على القليله ارفع منس المشروه
واقول صغيره وبكره تعقل
بشايرانحرجت – لان امها تمدحها وصعبه تنط مع اختها في نفس الوقت اختها كانت تنتظر منها نجده وطالت نظرة سلمى لبشاير دنقت بشاير
وتحرك الجمر بالملقاط وعيونها تقول لاختها ماقدر اقول شي
طلعت سلمى مقهـــــــــــــوره من نفسها ومن اختها

في بيت ابوسعد وفي نفس التوقيت -

في البيت نوره معها تفاحه تاكلها وهي سرحانه
في التلفزيون\
الجازي – ياقوووووووووووووم وين رحتو
نوره على الكنب والجازي على الارض عند الدفايه
نوره – الجازي تعالي شوي
الجازي –تلبس شرباتها معصي حولي انتي عند الدفاء
حولت نوره لها – جازي اليـــــــــــــوم صار شي
غـــــــــــــــريب بالروضه

......................
هذال –الو
الارسال يقطع والشبكه مظغوطه
هذال – الوووو
- هلا وغلا
- لبى التلفزيون والله وياحظ اهل المزاين اليوم
- هذال عرف الصـــــــــــوت وراعيته
هذال –اجل ماهوب مرحبـــــــــــــــا مليون الا
ارحبــــــــــــــــــــي ملااااااييـــــــــــــــــــــن

الدم فاير معه ويحس ان كل عرق بينفجر
من الي صــــــــار حنا انخدم على الي يسوى والي مايسوى__
خذى جواله يكلم
سيف في السياره – وينك فيه
سعود ارتبش – سيف وش في صوتك
سيف- سعوووووووووود وينك فيه وتحاكى ازيلك لك
سعود بخوف- اهلنا صاير عليهم شي
علمني
سيف بعصبيه رمى الجوال – انا اطلعك اطلعك ياسعود من تحت الارض
هذي التاليه تسود وجهي طيب طيب

دخل الشارع باقوى ماعنده والله ستر عليه لين وصل مكان توصيف فايز
.................

الجازي – غريبه
نوره – والله قمت اوسوس
الجازي – يمكن تشكر س اوشي
نوره – ياليت
راحت الجازي – وخلت نوره في هواجيسها
راحت لتلفزيون تسكره لان كل شي معاد وتسجيل
شافت المجله فوق التلفزيون والغلاف فهاد ولقاءه
شي داخلها خلاها تاخذ المجله وتجلس تصفحها
بعد ماتطمنت ان كلا راح من عندها
وهي تقرا القاء
انصدمت من شي
سلمان- اخر قصيده كتبتها تعني لك الكثير
فهاد
قريبه من نفسي وكانت يوم ..... بتاريخ .......الساعه 6 مساء كانت ولادت هذه القصيده قبل ملكتها
بيـــــــــــــــــــــــوم ملكتــــــــــــــــها
!!!!!!!!!!!!!!!!!!!!!!!!!!!!


دخلت بشاير على اختها
سلمى – لاتقولين ولاحرف ولو سمحتي خليني ممكن
بشاير- طيب اسمع...........
قاطعتها بعصبيه
برررررررررررررى
قعدت تبكي وتكلم نفسها – هذال انا على حق والله انا على حق
ماسويت شي غلط وان كان كل شي اسويه عشاااااااااااااانك
فانت تستاهل الروح وراااااااااااااااااااااااااعيه
وش اسوووووووووي ياهذال وش اسووووووووي
سلمى كانت تحس انها تخسر اهلها واحد ورى الثاني
امها – اماني – فالح – نوال –
وبعدييييييييييييييين ؟؟؟؟

فتحت عينها نوره على كبرها ماهيب مصدقه
وهي تقرا كانت ترجف وعيونها تدمع

يالليل هدتني صواديف الايام
يالليل و الجدوى دموع ذرايف
يالليل والخلفي غدا اليوم قدام
والصفو ماعاده لفهاد حايف
تفر عن الحاله هواجيس و اوهام
والعود لافه من عنا الوقت لايف
قامت صواديفه تهدم للاحلام
وازرت عليا بالعنا و الكلايف
يالليل حتى الحظ نايم ولا قام
ايلا نتخيته قوم لي صد عايف
عمن هويته صار لي ند ظلام
وش حيلتي يالليل عشت بخفايف
متى متى تسطر على الطرس الاقلام
وتخط حظ العود بالحيل نايف
نال المرام اللي يداوي به اسقام
وحاش الاماني في زعيم العفايف

بدل اسم فهاد
شقران صاحب القصيد ه الشاعر
شقران الشمري


نوره – معقوله ا نالي قااااااااااااااله
لااااااااااااااااااامستحيل
لاتنبشــــــــــــــــــين يانوره الجمر مانتي محصله الا الرماد
وتذكرت احلامها الي انهـــــــــــدت
وتذكرت امانيها الي رحـــــــــــــــــلت
وتذكرت اجـــــــــــــــــمل شي
حصــــــــــــــــــل في حياتها
وانتهـــــــــــــــــــى

وانتشلها شي غريب وجذبها اسمها
سلمان – ابو سالم قصيده ندمت انك كتبتها ؟؟
فهاد-
ليت ياسلمان ندمت على كتاباتها بل ندمت على انـــــــــــي شاعر
لاني كتبتها

الا ياناصـح ٍ بالطـب روحــي تراهـا لــو لـقـت طــبٍ تــداوت

ولـكـن مـــن يعـوضـنـي بـخــلاً معالـيـق الظمـايـر بــه تــلاوت

انـا ويـاه مــن عـهـد الطفـولـه مثـل قلبيـن فـي صـدراً تخـاوت

حياتـي عقـب نـوره مثـل لـيـلاً جميع نجومه من أعلى تهاوت

يجـي عقبـه فـرح والا حـزن تسـاوت عنـدي الدنيـا تـسـاوت

ونوره – نور الشي

نوره – نادم على كتابتها---- ضاقت وتخلل نفسها شعور غريب عشان فيها اسمي عشان فيها ذكري –يمكن عشاني مرت فالح؟؟؟؟؟ صدق انه ضعيف نفس طيب بنت عمه وش دخلها ولاكاتبها عشان يقهر فالح؟؟؟؟؟
الله يضيعك يافهاد كانك ضيعتني؟

بس كانت مشاعرها اقرب للخيبه اذماكانت خذلان رجعت به نفسها
رمت المجله بقهر ووجع وراحت لغرفتها


سيف وقف عند المقهى شاااااااااااااااااااااااافه
بلبس اهل المقهى
كاب وبدله ومريله
ويخدم على ذا وذا
شااااااااااااااااااافه والسهام في جوفه للحين مركوزه من
كلاااااااااام الخاسي فايز
نزل بسرعه وخلا الباب مفتوح
سعود انصدم وكان معه ورقه اعتبس وجهه
سيف عطاه نظره وكسر الاكواااااااااااب الي كانت على الطاوله-
انسى ا نلك رفيق ولا ولد عم اسمه سيف
وطلع وواجه واحد من العاملين دفه باقوى ماعنده لينه طايح
ومتكسر ماكان معه
سعود نزل الكاب من رااااااااااااااسه
وحط يده على راسه
لانه عرف انه كانه الى الان ماخسر سيف
فهو بيخــــــــــــســـــــــــــــــره
وقريب بعد



فهــــــــــــــــــــاد
في الطــــــــــــــــــــــريق تذكر ذاك اليوم
فهاد – ماشالله عينوك هنا
المأذن- ايه ولله الحمد باقي البيت مابعد خلص تعرف المسجد جديد
فهاد- اعذرنا قطعتنا عنك دنيا رديه ياخوك
المأذن – لا بالله مارحتو عن بالنا بالدعاوي الطيبه
فهاد- جعلك تحيا ء ها بشرني أي ازين الشمال ولا ديارنا
المأذن – كل ديره عند اهلها غاليه ولو الرياض ماعليها زود لكن ماهيب مثل الشمال
فهاد- الله يعين يابن الحلال
سلم المأذن على فهاد وراح

فهاد يسترجع المواقف كامل وصورة الشخص قدامه وفي نفسه
سبحان الله مغير لاحوال
من شلة فساد فيها المتعاطي والفاسق
الى مأذن بس وين الحق جزاه
وهو الي خلا ثلاث من ربعه يجون ويشهدون انهم هم الي ورطو فالح وهو الي ماله دخل
واعترفو على ربعهم
وطلع منها فالح ولولا الله ثم هم كان يمدي فالح في ايام مايعلمها الا الله
ضاق خاطر فهاد تعكر جوه لانه طرى ايام الله لايعيدها
ايام سالفه فالح الي بغى يروح فيها ابوه و سيف كان حالته مايعلم بها الا الله
وخواته ماهم بعيييييييييييييد عنه
فهاد في رحلة ذكريات واايام مرت على العايله
كانت عصيبه سيف الي كان كل يوم موقف في السجن عشان الهوشات الي يتهاوشها
وخوات فالح الي دراستهم تدهورت ولا امه الي حالها لله
حتى اهل الدمام جاو كانت ايام ثقيله
وفجــــــــــــــــــأءه تذكر يوم بيموت ولا ينساه
لانه يوم موت القلب وموت الفرح او
(((موت الحــــــــــــــــياه ))

نوره في غرفتها
على الاب توب
فتح انشاء موضوع جديد
في قســـــــــــم نزف الخواطر

واسترسلت ؟؟؟؟



-------------------------------------------

مساء الوطن المنتظر



بالامس كانت رياح الوجد تطارد اقفال ابوابك الموصده....

تستبيحها....

تعبرها.....

ثم تخلفها بقايا من حطام ...

صليت بخشوع ...ثم مضيت عبرها

نحو عالم لم يعد كما عهدته

مضيت وانا احاول ان اطمأن قلبا وجلا يسكنني..

كان الزمان حينها مساء...او بقايا مساء مغلف ببصيص ضوء صباح ينتظر الولوج...

وجدتك هناك بين اسوارك العاليه..

التي يصعب على من هي مثلي ان تتسلقها..

ولكن....همة عاليه بثها شوق ينبض به قلبي الذي عاند امواج الصبر ولم يبالي...

اندلقت بعدها روحي نحو منحدر وحيك الذي طالما استفرد بك عني..

شيئان ضمرهما تعب جاد بهما خوفي...

خوف من موت حلم منيت نفسي به كثيرا...

وانتظار قاسي لقبول لا اعلم هل ستجود به علي ام لا..

جربت ان ارفع صوتي الذي كان كصوت فيروز ذات صباح وهي تنادي لصباحات العشاق النديه

ولكنه اليوم مستباح من عبرة تسد مخرجه بقسوه..

همست بترقب ..

مساء الخير ..

مساء الارض والمنفى ...

مساء الوطن الذي أضاع مفاتيح ابوابه بعد الجلاء..

مساء الشوق المتمرد..

مساءك عشق تالف منذ زمن ...

بعدها تمرد الهواء ..وسكن

ترقب...
خوف...
فرح.....

لا أعلم اشياء كثيره كانت تتراقص امامي وحول اوردتي..صمت مطبق مسيطر وانت ترفع بصرا

اشبه بوميض امل كنت انتظره منذ زمن..وتقول..

( مساءك وطن منتظر )..

واليوم اعياد الجـــــــــــروح اليوم افراح الاحـــــــــــزان اليوم ذكريات الالم
اليــــــــــــــــوم تتراقص الهموم على تلك القلوب ونعود لذلك القلب

ويتذكر ذاك اليــــــــــــوم
فهاد في بيت الشعر عقب عشــــــــــاء برائه فالح الي معشيهم اهل الدمام خواله
ماقصرو الي دخل قعود- والي دخل خرفان
طبعا فالح حاقد على فهاد على اساس انه متعمد مايفزع له وانه لو طلعه كان مانقع كل هالمده في السجن ولو لا الله ثم ابراهيم كان في خبر كان
وماخذ ان البعيد ساعده وولدعمه تركه لين بغى يواجه المكتوب
وعقب العشاء
وعند المغاسل بالتحديد
فالح ينشف يده وفهاد يغسل
فالح ماباركت لي ياشيخ بكره ملكتي
فهاد بحزن مخفي ورى حصون منيعه هيهات تظهر – مابعد تملكت
لاتملكت ابشر بالمباركه والعانيه بعد
فهاد كان محتار وش عرفه انه يبي نوره ولايحبها
وياترى صدفه ولا نكاااااده وتصرفاته تبين انها نكاااااده اجل من علمه
من يافهاد من ؟؟؟
وقبل لايقفي
جاه الجواب
فالح يمد عليه ورقه – لقيتها تحت المركى يالشاعر يومك تحتري ابوي في بيت الشعر تبارك له الظاهر يوم ابطى عليك الشايب وانت بلحالك
فاحت قريحتك بس للاسف وقتها غلط
تفضـــــــــــــــل


الا ياناصـح ٍ بالطـب روحــي تراهـا لــو لـقـت طــبٍ تــداوت

ولـكـن مـــن يعـوضـنـي بـخــلاً معالـيـق الظمـايـر بــه تــلاوت

انـا ويـاه مــن عـهـد الطفـولـه مثـل قلبيـن فـي صـدراً تخـاوت

حياتـي عقـب نـوره مثـل لـيـل جميع نجومه من أعلى تهاوت

يجـي عقبـه فـرح والا حـزن تسـاوت عنـدي الدنيـا تـسـاوت


((حياتي عقب نوره مثل ليل جميع نجومه تهاوت))
كان مفتاح لفالح وهم لفهاد لانه عرف!!!!!!!
فهــــــــــــاد جاه جوابه الي كان صاعقه وكان طعنه وياشين الطعنه من القريب
يعني نكد فيني ليه ليه الحظ كل ماارتكز مال ؟؟؟؟ ليه الايام كل مازانت علي تميل؟؟؟؟؟
ليه يوم تعدلت خربت؟؟؟؟؟ ليه يوم وقبضو على الي يهددوني وفالح طلع برائه وعزمت على كل شي ينهار؟؟؟؟
فهاد الي مايبان عليه أي شي
كان اشبه بقلعه حصونها منيعه لوتحترق داخل مادرى الي خارجها عن شي
لو تهتز افراح ماعرف الي خارجها حاجه
صفط الورقه وحطها داخل مخباه
وقال باابتسامه- كثر الله خيرك ياولد العم بس بقولك حاجه
ترى سهمك الي صوبت ماصاب واعرف لصيداتك قبل مانت تصطاد
وراح فهاد والالم يسوقه ســــــــــــوق عود للمجلس وسالفه مع ذى
وسالفه مع الثاني ويسأل نسيب عمه عن شيبانهم الاولين
ولا كــــــــــــأن شي صار
ورجع فالح ولاكأنه طعن او غدر
وعينه كل مالها ترف للفهـــــــــاد

الي راح عقب ماسمر وقال بروح للبر وامسي فيه
وهو الي امســــــــــــــــى في المستشفى
مرتفع معه الظغط
!!!!!!!!!!!!!!!!!!!!!!!!!!!!
وكل شي صار ماكان احد حاس به
وعرف ليهه محاولته الي كان يثني بها فالح عن نوره فاشله
لان فالح كاشفه ومعزم على قهره
روحه كانت هشيم وكان محد يدري
الا خويه عوض وحتى عوض مايدري عن شي بالتحديد سوى انه كان يبي وحده وراحت في نصيبها
لان الرجال صعبه يتكلمون في مواضيع حساسه للاجناب حتى لوانه خويهم


الساعه ثنتين الا ربع خانها النوم وجفاها--
نوره طلعت ماجاها نوم
لقت جازي في المطبخ تسوي سيرلاك لولدها
نوره – وش عندس
الجازي بصوت مرتفع شوي- وش شايفتني اسوي
نوره- خير ان شالله تنافخين
الجازي – جلست على الكرسي بكل قوتها وتخبط بسالم على الطاوله
وتأكله بقوه
نوره – حرام عليس بشويش عليه
الجازي تدف الصحن – اخذيه
نوره خذت سالم وهي تطالع جازي – بسم الله عليس فيس شي
جازي بخوف- فهــــــــاد طالع للبر
وادق عليه مقفل وهو قالي بدق عليس
لاوصلت وانتصف الليل وهو ماد ق الا ادق عليه ومقفل
ياويل قلبي يانوره اناذاااله عليه ومابي اخلع امي والعيال قلت اتصبر للصبح ولا ماعاد بها صبر بعلم العيال
وقعدت تبكي
نوره تهديها وخافت ايه خافت عليه .....مهما كان ولد عمها وكبير العايله ..
الله يطول بعمره ويخليه لكم
الجازي – رفعت عينها بقوه
نوره استغربت من نظرتها القويه
الجازي- نوره والله يانوره لو تكونين داعيه عليه اني ماابيحس عند الله ولا احللس
فهمتي
!!!!!!!!!!!!!
نوره انصدمت من قلب
الجازي حرام عليس حتى واني مادانيه مانيب داعيه عليه بالموت
قلت لس الله يخليه لكم
الجازي راسها في حضن نوره الي جالسه على الكرسي الي جنبها
وسالم على الطاوله ونوره تهدي الجازي لاتبكي قدام ولدها الي قام يتعبر يوم شاف امه منهاره
نوره تدري انه غالي عندهم بس ماتوقعت رده فعل الجازي لذى الدرجه يحبونه
وانا لذى الدرجه مااطيقه ؟؟؟؟؟؟؟؟؟؟؟؟؟؟؟



فهاد دون ام رقيبه 200كيلو
في البر وفي منطقه منقطع عنها الارسال
عجز يكمل طريقه واعصابه تعبانه
من سيل ذكريات اجتاحه وحطم سدوده من سيل هدم كل شي قدامه
ماقدر يكمل
فرش فراشه ونزل عزبته
وشب الضو _(النار)
وقعد قدامها متركي على مركى على جنب والفروه على متنه ومتلطم بشماغه من البرد

ويحرك الضو كل ماخمدت بحطبه
في ليل تنفس بحزن عميق وفي ظلام ماتفرق فيه الا النار ونجوم لامعه
فهاد وهومرتكي وعيونه تلمع من النارالي شابه –

من بادي الوقت هذا طبع الأيامـي
عذبات الأيام مـا تمـدي لياليهـا
حلو الليالي توارى مثل الأحلامـي
مخطور عنّي عجاج الوقت يخفيها
أسري مع الهاجس اللي ما بعد نامي
و أصوّر الماضي لنفسي و أسلّيها
أخالف العمر أراجع سالف اعوامي
أنوّخ رْكاب فكري عند داعيهـا
تدفا على جال ضوّه بارد عْظامـي ----(( حرك النار)) بالحطب وعلا صوتهالي يسري في اليل كنه يبث شكواه له
و الما يسوق بْمعاليقـي ويرويهـا
الى صفالك زمانك عجلّ يا ظامـي
أشرب قبل لا يحوس الطين صافيها
الوقت لو زان لك يا صاح ما دامي
يا سرْع ما تعترض دربك بلاويها
حتّى وليفك ولو هيّم بـك هْيامـي
سيّور الأيّام تجنـح بـه عواديهـا

في الصبح البنات متجمعين
عند التلفزيون سرحو العيال قبل الفجر
حتى محمد الي تو ماارتاح لازم يحضر النتايج
سيف وسعود الكل مستغرب
كل واحد راح بسيارته وماهوب عاده

تجمعو العيال في جو يسوده الفخر
هناك اعلام ترفرف
صوره صاحب السمو الملكي الاميرمشعل في كل مكان
القنوات في الجو المصورون يصورون حدث مهم
وعلى الارض القنوات تبث مراسلينها
كانت الساحه في الصداره
وتتبعها القنوات
سيف والعيال ينتظرون النتايج

في بيت ابو سعد
نوره والبنات من كثر ماعصابهم مشدوده الي واقفه والي عند التلفزيون

في بيت ابو فالح
الوضع ماهوب بعيد عن بيت عمهم سلمى يخفق القلب تاره ويهبط تاره والمتحكم الكاميرى الي كل ماجات ناحيه هذال ارتقى نبضها وكن الكاميرى تلعب باعصابها

في بيت ابو فهاد
شيخه وعمتها ومنيره وعيالها نايف وندى ودانه والبنات
عيونهم شوي وبتطلع

في المعارض
امين المصري وكل العاملين مترقبين فوز معزبهم

هي لحظات
هي لحظات

................................
...............................
................................

وتطايرت شمغ وعقل وتباريك

الف مبروك لمالك الابل مجاهيم نايف بن
اول ماسمعو العيال اسم ابوسعد تلو يسلمون على شيبانهم ولانه محد شارك باسم نايف في فئه المئه الاهو وعلى طول
ابو فالح سكت ماقدر يتحكى من فرحته وسلم على اخوانه والشيبان كل واحد يسلم على الثاني والتفتو على العيال الي شماغه على متنه والي عقاله في يده
واقبلت السيارت واالمخيم ازدحم

الفائز المركز الاول فئه المئه
مغاتير لمالكها
فهاد بن سالم ال....
فهاد رفع صدره وتنفس براحه
العيال كلهم سلمو عليه وراح لشيبانه وحب كل وحد على راسه
الفرحه عارمه تعب وشقاء شهور حصله
فرحه الشيبان تسوى في عيونه الكثير
ابو فالح- تستاهل ياكحيلان
فالح – جعله مبارك
العيال- كلهم تستاهل
يابو سالم بعدي والله
ابو فهاديهمس لاخوانه بفخر وبفرح – الذيب اهتوى و جاه مابغــــــــــــــى
وقعد يكرر وهو يشوف العيال يتهافتون عليه يسلمون
الذيـــــــــــــب اهتـــــــــــــــوى وجاه مابغى

يقصد فهاد الي بغاه حصله

البنات كانو في صياح
شيخه نطت على عمتها الي قامت تمسح دموعها
- شيخه- ياعمه ليه
- ام فهاد- من فرحتي ماقدرت
- عيال منيره مسوين عرس
في بيت ناصر
البنات صراااااااااااااخ وسلمى باعت العقل من الوناسه والحياء
شوفو هذال شماغه على متنه وماسك عقاله
ومحد دقق لان الجو صياح
الجازي
مستانسه لانه تطمنت على اخوها وعلموها العيال الفجر انه عندهم
وفرحت فوزه تسوى ملاييييين
نوره جيش سعاده تخلل قلبها وماتدري ليه انقبض صدرها يوم جابو نتايج المغاتير
كانت خايفه .............
وفي جو فرحه
كانت التهاني من الجماعه في شات الصحراء والساحه
وجاء الظهر والبنات جولاتهم في يدهم
اخوياء فهاد وجماعتهم في القويعيه يهنون وجيرانهم وكل من يعز عليهم اخويا العيال ماقصرو
كان يوم حافل
والعزايم والاحتفالات الي مشعلله المخيم
والقصايد لابناء القبيله
يهنون فيها عيال عمهم بالفوز
والعرضات كان لها جو ثاني
اجواء مفعمه بالسعاده
والبنات مسوين عشاء في بيت ابوسعد
ومتجمعيييييين وناسه وسعه خاطر
وفي الليل
تعذر هذال
وقال ان
عنده اشغال
وسرى
في جو كان
حضوره
مهم فيه
محمد اختفى فجـــــــــــاءه وقال لسطام انه رايح لخويه معتازه لانه في عزاء
ولازم يكون جنبه دون مايعلم العيال او الشيبان
في البيت ازعاج ودنيا واوناسه ماليه المكان-
نوره في يدها معجنات راحت لجوالها الي في الشاحن
وتشوف رساله وتوقف لقمتها في حلقها
منذهله من المكتوب ومنقهره من المكتوب
عمرها ماحست بالذل مثل كذا عمره محد اهانها
مثل هالمره ومن من
؟؟؟؟؟؟؟؟؟؟
اختفت من الاجواء
ومحد فقدها لان الازعاج والجمعه مغطيها المكان
والحوسه كانت في كل محل
؟؟؟؟؟؟؟؟؟؟؟؟؟؟


للاامانه الادبيه
قصيدة هدتني صواديف الايام
للشاعر المبدع شقران الشمري
وبدل اسم البطل في القصيده
اسم شقران
والخاطره من انامل مبدعة الحرف عيونها الليل

وقصيده
ياناصح بالطب
وقصيده من بادي الوقت
للشاعر سمو الامير خالد الفيصل

اتمنى امانه لمن ينقل هذه الروايه ان يسند
القصــــــــــــائد لاصحابها
فهي حقوق سوف نسأل عنها يوم القيامه

طاقمي كونو على استعداد فانا بحاجه لاقلامكم
ارحب بكل من انظم الي عبر الخاص وعبر متصفحي
وانتظر مدادكم بشغف
والشوق يحدوني لاارائكم
استديو التحليل انتظركم
ضيوفي انتظركم
طاقمي انتظركم
كما لاتنسون ان تجيبوعلى الاستفتاء
هل افرغ الجزاء القادم لرحله
وبعدها زواج فهاد
ام الجزاء القادم زواج فهاد والرحله رؤس اقلام
لان الرسائل تطالبني بالاستعجال
كما اخبركم انه لن تتغير لاحداث هنا ولن تتغير مسارات الشخصيات
فقط الرحله حدث ؟؟
كما ان دعواتكم بأن تتيسر اموري وان يكون التوفيق رفيقي مطلبي
فارجوكم لاتنسوني منها
لاتنسوني منها
لاتنسوني منها
في حفظ الله ورعايته

اختكم % نبـــــــــــض ومشــــــــاعر%

صباح الخير نبوضتنا
حبيت كل البدو ولهجتهم بعد روايتك والله ابداع وماقصرتي تسلمين والحمدلله على سلامتك يالغلا عاد الله الله مانبغى قطاعه يالغلا
مبروك يافهاد الفوز والله تستاهل الله يوفقك
ونوره الرساله اكيد من فهاد بس وش فيها الله يحنن قلبك عليه
الجازي ومبارك ملح القصه كلها
تكفين عجلي بالعرس الرحله ملحقين عليها
وياليت فيه بارت قبل الاربعاء لاني مسافره ومارح ارجع الا بعد الاجازة يالغلا

يعطيكـ العافيه

امممم الرساله من فلاح مااتوقع من فهاد واكيد كاتب فيهاا شي

او زوجة فلاح .. اهم شي مو من فهاد

راح يقدر سيف الي سواه سعود

نبوووووض حرام عليك للحين مابينتي مين يكلم هذال

صار عندي الموضوع اهم من زواج فهاد ونوره ..

وين السفره شوو صار عليهاا ..!!؟؟؟

ننتظركـ بكل شوق

جـ,ـ,ـودي