السلام عليكم ورحمة الله وبركاته

غبتي عنا كثير ........ وفي هذه المدة وحشتينا وطال اشتيقانا لكي ولابطالك .......

وعندما عدي رجعتي لنا ببارت رائع وجميل ...... رسمتي فيه مشاعر الحيرة لنورة مابين حياتها مع فالح والشئ الناقص فيها وما بين حياة اخوانها وزوجاتهم .... ومابين المشاعر التي تتحرك اتجاه فهد ............ (هل سنرى جديد قريبا ........... ) حلو تفكيرها ..... انها مهما كانت رافضة لهذا الزواج الا ان طاعة الله واجبة ...........


فهد ...... حب خفي ومشاعر تفضح في اوقات غريبة بالنسبة له ........ فهل سيظل الرجل الخفي في حياة نورة ام ان مشاعره ناحيتها ستظهره بقوة في حياتها ومشاعرها .............


فالح ........... صحيح ظهرت على حقيقتك المرة .......... اخرتها مهرب مخدرات .......... وايضا تريد ان تدمن وعلى يد فهد ..... جيد انه راع الله وضميره ولم ينفذ ما تريده والا كنت اول من يوجه له اصبه الاتهام ....... امام الجميع ... وكنت شوهت سمعته ومكانته امام العائلة والعمل ............. وليس بعيدا عن فهد في انه هو من اخرجك من السجن دون محاكمة .............



هذال .......... وراءك سر ......... ما هو ؟ من التي كنت تكلمها هل هي نورة ؟ ........... ومن هي نوف ؟ ......... ومن التي ارسلت اليك الرسالة هل هي نورة ام سلمى ام نوف ؟


هياء .......... تفكير صحيح ( الحب اعمى ) عندما نحب لا نرى من محبوبنا غير كل طيب وجميل ............



باقي الشخصيات .... مازالوا يرسمون معكي احداث قوية مليئة بالصراع والمشاعر .. والحيرة بجانب الكرة والحقد .........


ولا نملك سوى قول تقدمي واستمري منتظرين جديدك لا تطولين ...........

الحمد لله على السلامه نبوضه ان شاء الله اخر الغيبات

وماشاء الله عليتس غبتي ورجعتي لنا بجزء خطيييييييير ...الله يسلم يدياتس


تدرين نبوووضه الشي اللي شد انتباهي الغموض اللي يلف القصه يعني

في كل مره نلاقي سر في حياااة واحد من أبطاالنا ....مع ان اللي اكثر واحد محيرني

هو فهاااد احس حياااته كلها اسرار ...وبعد احس ان كل واحد من ابطالنا كان لفهااد

اثر في حياااته ...

واليوم هذال حطم كل القيووود >>الله يكون بعونك يافروحه هههههه

والاتصال المشبوه اللي جاه خلانا في دوااامه >>ياترى منو ..؟؟؟؟


نوره الله يتممك بعقلك فعلا مهما كانت الوحده ماتتقبل زوجها تظل طاعة الله فوق كل شيئ..

هياء لافض فوك يابنت ابوك ...ياليت نوره تتعلم منتس العلوم الزينه والزوجه اذا تقبلت زوجها

راح تتقبله بكل ايجابياته وسلبياته ...واذا حبته عمرها ماراح تشوف شي شين فيه >>ياحليلنا طيبات


نبوووووووووض ...مشكووووره وتسلم الايادي يابعدهم ...والله يوفقتس في الدنيا والاخره ...

وننتظرتس دوم وكل يوم ...

والشكر موصول لماما زارا ...والله نعم الاختيااااااار قصه رهييييييبه ...والاروع اسم البطله *ــــ^

يسلمووووووووووووووووووو يالغلا لا هنتي



بارت رائع تشكرات


قوووووووووووو هيييييييييييييييد

في ثياب الامل اراها ترفل طربا وفي بساتين افكاري تجول
هذه المره لم ابحث عنها لانها هي من كانت تبحث عني
فرحت حقا بتميــــــــــــــزها
وماتميزها الا بــــــــــــــــــــــــــكم بعد الله سبحانه وتعالى
الجــــــــــــــزء السادس عشـــــــــــــــر
مابعد الاانتصاف
متــــــــــــى يرتاح قلب ن بالهوى ملكته راحت ايمه كلها وهو يرتجيك


في بيت ابو فهاد
في بيت الشعر شيخه مسويه حلا وقهوه وشاهي ومنيره عند امها هي عيالها لان سعد ماهوب موجود مع العيال
دخل سعود وهويفصخ زبيرياته عند باب الخيمه وانتم بكرامه وقال-
والله اني داري من شفت البيت يرتج قلت منيره وقبيلتها هنا ماشالله
ام فهاد- دافع البلا منك انت اخوها تقول كذا اجل البعيد وش يقول الله يكفينا شرك
سعود- لا اله الله ذكرناه
منيره - جعل عمر ابوهم طويل هو الي يكد عليهم ماهوب انت
سعود- كلوني يا دافع البلا
شيخه تضحك- الا انت الي اكل وعطني رايك
سعود- يامال العافي يام سالم
شيخه – ويعافيك
ام فهاد- كلكم الواحد ينادونه ابوسالم ولاجاء الحين سالم ولاغيره
سعود- اصبري زوجو فهاد وهذال وعقبه انا وبجيب سالم وفهاد ومحمد وبسمي على العايله وش تبين بعد
منيره – عندك خلاف على بشاير لو خطبوها الشياب
سعود وهويطلع فصم التمر- ابدن بشايرمثلها مثل غيرها من البنات بعدين ليه اطول السالفه اخذها من قاصرها غصب علي
يعني اجهز عمري ليوم يصبحني فيه ابوفهاد يالله بنخطب عند عمك ناصر فليه العناء
منيره - يعني اختصااااااااااار للشقاء وانا واحد مساااااااااالم مابي بهاذيل
ام فهاد- بنشدك بكره اخوك بيسرح للابل ماقالك بيبطي عندها ولا لا
سعود- ومن متى ولدس ذا يعطي علم على وجهه؟؟ عندس اياه لاجاء انشديه
ام فهاد- تعبان من ذالابل وراه عرس ودبله كبد الله يعينه
شيخه- امين يارب
التفتت ام فهاد على شيخه
ام فهاد- لاجاء محمد خليه يعطي الجيب سعود وانتم اخذو سياره سعود
شيخه نزلت فنجالها- ليه ياعمه
ام فهاد- عشان سعود يخفف عن سعد ومنيره سعود تروح معه مشاعل وندى والخدامه ويحطون بعض القش معه المصدوعه دانه لاركبت مع ندى هي وياها في معارك وانتم ماعليكم خلااااف ثنين لاعيال ولاشي وسياره سعود بتجوز لكم
شيخه تفشلت من سعود ومن طريقه ام فهاد قدامه
سعود بيغير الجو- دويييييينه والله يامنيره اني اموت من الضحك لاتذكرت سالفه جعلني ماامشي جعلني ماشوف عشان تحبوني مثل ماتحبونها
ام فهاد تمسح يدها بشيلتها- مصدوعهٍ الصغيره جعلها الصداع الله يصلحها
منيره- بغت تدف ندى من الدرج يوم تلعب معها البارحه
ودخلوووووبالسوالف الاشيخه الي صدق تحس بالوجع في صدرها

في بيت ابوسعد في الصاله
الهنوف تلبس شراباتها – الجازي انتي ونوره قسم بالله صدق عجز وش يوديكم للحله ولا القريه الشعبيه الي في اقصى الرياض
نوره- ماعندس ذوووووووق القريه تشوفين العجز باسطين براقع وشيال
ومعمول وحياةٍ شليه مالت عليس
الجازي تقرا المجله – ماعليس منها هذي دوريها عند الحياة بلازا – جيان- باريس غاليري- غرناطه
الهنوف- ياختي اندري عنكم احسه غبره وتربان وبس
نوره- هذاك يومس صغيره الحين والله يهبل بعدين ورحي جربي مانتي بخسرانه
الجازي- ماعليس منها تبي تروح تروح ماتبي كيفها
هياء- حسبي الله على عدوكم البيت غلقه دون والي ودون رجال
الهنوف- بسلامتهم الااريح شوي
هياء هين بكره والله ان تطفشين وتقولين وين العيال وسوالفهم
الجازي فجـــــــــاءه نــــــــــــزلت المجله وراحت ضايقه
استغربو منها
هياء – وش فيها ؟؟؟؟؟
الهنوف تشوف نوره – مدري قبيل وش زينها معنا
نوره خذت المجله وقامت من عندهم وقبل تطلع قالت- مافيها شي بس خلوها على راحتها
بعدين ماطفيتو يالله ممسى وهدا

نوره من اول ماطــــــــرت الجازي مجله زهره الخليج عقب ماعودو من السوق ودها ان هياء ماعلمتها مكانها وعلى اساس تخفيها نست و الله كاتب الاتقرا الجازي المجـــــــــــــــله
****
دخل محمد عليهم يالبيه زين السمره في ذمتي
سعود- عشان الي مسويتها مرتك
محمد – غمز بعينه مايجي من الشيخه الاكل زين
قعد محمد - قرب ياسعود مني ذاك الصحن
سعود- امرتك طاردتني منه تقول لين يجي محمد
شيخه- ويلك من الله
قام سعود ويوم وصل للباب الخيمه- خلني اسري قبل ماالمره والرجال يمسكوني
ضحكو كلهم
منيره- متى يعودون اهل اللبل
محمد- الله واعلم بكــــــــــــره النتايج عسى خير
كلهم- الله كريـــــــــــــــم

في بيت ابو فالح المطبخ البنات متجمعين
نوال- شفتو قليله الادب ماتستحي ترادد
اماني- عمى بعينها ماراحت بعيد اختها قليله حياء تخابط بالريجيل لين خذاها فهاد
والثانيه لسانهاطويل
سلمى- والله انكم ماعرفتوها والله انها عسل وقلبها طيب ولاهيب عزالله مثل ماقلتو
بعدين ماشفتو سيف وش سوى بها في السوق والله تفشلت من سعود
!!!!!!!!!!!!!!!!!!
اماني- هذي بوجهها حياء ولااختها
- ايه بوجهها حيـــــــــــــاء اكثر منس حشيم وستير قعدت في ذا البيت سنتين وزود وطلعــــــــــت منه ماقالو العرب بنت نايف
قالت بنت نايف حكت
طلعت من ذا البيت وماقصرت مع اهله غير كل عيد وكل مناسبه كسوة امي زاهبه لاسمعت ابوي صخن جات وسلمت عليه كنها وحده من بناته
والتاليه تقولين في بنات عمي مايستحون الا
يهــــــــــــــــــــبــــــــــــــــاء من قال والله
طلع سيــــــــــــــــــف معصب
اماني وهي معصبه ووجههامحمر هذا وش فيه؟؟ خير ان شالله كل ذا دفاع عشانهم بنات عمه ولا ماقيل
البعيــــــــــــر مايشوف عوجة رقبته_ مثل يضرب في الواحد الي مايشوف عيوبه
بنات عمه كاملات مالت عليهم وعالت بس
نوال- خليه لاجاء فالح ادبه نافش ريشه علينا عشان مابه احد
سلمى- تدرون ياحظ بيت عمي نايف
نوال- على اويش ياحظي؟؟؟؟
سلمى تشوف ساعتها- الحين راقدين وحسناتكم تجيهم وسيائتهم عليكم
اماني- ماقلنا الاشي فيهم
نوال- الحمدالله الحسنات بس لبيت عمي نااااااايف ام خلق الله لااااااااا ذكرتيهم بالسوء عادي
سلمى- على ايدينس لاشفتوني اتحاكى باحد انصحوني محد معصوم ويعلم الله اني ماحط في احد على قصد
وتصبحون على خير
سيف كـــــــــــان معصب ومتحسف انه رفع صوته على مرت اخوه واكبر منه
****
نوره في غرفتها قررت تروح للجازي بس بعد ماتهدا لانها عارفه وش منه ضاقت
راحت للمجله وفتحتها كانت زهره الخليــــــــــج العدد1544 السنه الثلاثون 26شوال الموافق 25اكتـــــــــــــوبر- الصفحه موجود فعلا بالمجله
صفحه هو وهـــــــــــــــــي
صفحه مخصصه للمشاكل الزوجيه يطرحون المشكله من وجهه نظر الزوج والزوجه
ساذكر ماورد بااختصار
هــــــــو (( لست وغد ولكن رجــــــــل واقعي))عندما اخبرت لبنى باالزواج بامرأه اخرضربت وجهها ولطمت نفسها وبكت طوال الليل بحرقه وعند الصباح فاجئـــــــــــتني - صحيح اني لم اتوقع منها ان تطلب الطلاق لان مابيننا اكبر من عناد ومن تفاهات كرامه ولكن فاجئتني بمباركتها لي
قائله – تزوج على بركة الله
اذكر حين تزوجنا قالت امي – امرأتك اكبر منك واكثر تجربه وغدا ستعاملك كأنك خادم لديها لكن امي كانت مخطئــــــــه فقد نصبتني لبنى ملكا على هذا البيت ولم تشعرني لحظةٌ ً واحده انها من تملك البيت وكل الموجودات فيه لقد سلمتني كل مفاتيح تجارتها التي اصبحت على قدرا من المسؤليه فيها بل اغناني الله ورردت افضال زوجتي التي في عنقي
ولو قيل لي ذاك اليوم انها في الستين من العمر ماتراجعت بالاقتران بها
كنت عاشقا مغرما بها لاارى سواها فلم اقصر في تدليلها ولم تقصر هي في تلبية طلباتي كنا مثل طفلين جائعين نغرف من السعاده مانريد
استغرق الامر مني عشرين عاما لكن حاجتي لحضور نسائي مختلف في حياتي
كل يوم يتجدد حاولت قمعه لكن لم استطع فاصبحت كبيره في السن ولم تعد تستطيع حضور سهرات اتفاقيات شركتنا ولم تعد قادره على السفر معي وتشغلها شؤن وابنين الذان يتأرجحان بين المراهقه والشباب وكذلك محلاتها فمأذا افعل وهي قد اصبحت زهــــــــــرة ذاويه لاتصلح ان تزين عروتي
هل انا وغد؟؟ هل انا عديم الضمير؟؟هل قابلت احسانها با النكران؟؟؟هل كان علي ان اضع رباطا اسود على عيني امام شبابي وامام ماتقدمه لي الحياة من فرص سعاده
اسئله كثيره تنهكني حاولت ان اقمع نفسي لسنوات لكني افشل
وهوس زوجتي بالشباب وتمسكها به يؤرقني
صرت احرج من ظهورها معي بسبب ماتفعله انامل الجراحين بوجهها
تلبس ملابس تليق بمراهقات اكثر من امهات
ولان عثرت على من تناسبني في هذه المرحله من عمري ولم اشاء ان اطعن لبنى بالظهر ذهبت واخبرتها بالحقيقه وكان ماكان من هيجانها لكن تبدولي وكانها ارتاحت من سيف كان مسلط على رقبتها منذ سنين بدت لي هادئه لكن مكسوره
كل ماتريده في حياتي هو البقى بها ولو بنصف حصه لهذا
فانا احبها اكثــــــــــــــر من كل نساء العالم

هي ((لم اقل له انا صنعـــــــــــك يوما ))
انه اليوم الذي كنت انتظره اكثر من عشرين عاما كنت انام بعين واحده واهز راسي كي ترحل تلك الصوره
تعرفت على محسن وانا في الثلاثين في اوج فتنتي من راني قال اني ابدو اصغر بعشرات السنين كان رجل بمعنى الكلمه كان يتردد على محلي الذي املكه في ارقى المجمعات التجاريه مع اني لاابيع ملابس نسائيه
تقدم وطلب يدي وعرفت ان يصغرني بست سنوات ولم اكن من الواتي تدير العواطف راسه بل تاجره من سليله تجار تحسب للعقل في كل خطواتها الف حساب
حسبت كل شي وكاني مقدمه على صفقه تجاريه قلت ساتزوج شاب يملا العين ويسعد القلب وانا جمال واملئ الجيب الخالي
تزوجنا وغرقنا في العسل سفرات ورحلات ننام على الحب ونصحو عليه كنت انام بعين واحده خوف غدر محسن ففارق العمر كبير
فتحت له شركه سياحيه واشهد له بانه ابن سوق جرت في يديه الاموال واصبح تاجر يفخر به ذكي وبارع اصبحت تجارته رابحه
والح علي الكابوس نفسه كانت الحياه تزيده وسامه وتطردني الى دائره التجاعيد
والترهلات اكثرت من الذهاب الى معاهد التجميل في حين محسن غارق باجتماعاته التي يزينها الفتيات التي نراهن في التلفاز خرجت خاسره من دائره المنافسه
واتى اليوم الذي انتظره واخبرني محسن انه ينوي الزواج باخرى
بكيت وثرت وشددت شعري وندبت حظي لكنــــــــــــــــي
لم اقل العباره القاتله ((انا صنعتك يوما))
لاني كنت اعرف بالمقابل انه صنـــــــــــع مني امــــــــرأه سعيده
على مدى عشــــــــرين عاما
*****
*****

فهاد كان متعشي عند خويه عــــــــوض دق جواله
فهاد- مرحبا
احد المهربين- الله يرحب بك
فهاد- ارحب يابوي من بغيـــــــــت
المهرب- بغيتك
فهاد- من معي ؟؟؟؟؟؟؟؟
المهرب- واحد من خلق الله كلمتين بقولها واسكراذ انت رجالٍ تبي سلامة اخوك وخويه
فهاد- وش عندك وانت عدو الله مانتب من خلقه
المهرب – البيت الي عندك مداهمه له شمال الرياض اطلع منها واالمعلومات الي جاتكم قديمه ولاعاد تلاحقنا والله ثم والله لاشغلك بقضيه تلبس اخوك وولد عمه تصرفك عنا
وصـــــــــــــك
فهاد – قبل لايركب سيارته
دق على واحد من اخوياه – اسمع حول جوالي للمراقبه ماعاد دقو على جوالي حق العمل مدري من وين جابو رقمي ذا منه يالله فمان الله
فهاد شغـــــــــــل سيارته وحرك وجاته ضيقه خلته يفصخ شماغه ويحطه على المرتبه الي جنبه
لانها نفس الضيقه الي جاته قبل اكثر من ثلاث سنين
كان معزم يخطب نوره كل شي زاهب لين
جاه الاتصال يهدد وكن صوته النشاز يرن باذنه من جديد-
ناوي تخطب يالشيخ روح اخطب وتملك وتراني ابارك لك من الحــــــــين
واعزيـــــــــــك بها من الحــــين !!!!!!!
الظاهر ماينفع معك الالوي الذراع عندي مليون طريقه ابسطها حريقه في بيتك
ماتطلع منها حيه وان طلعت العروس من عش الزوجيه سالمه طلعت مشوهه
فهاد- من قالك اني بخطب ولابتزوج يالشيخ حصـــل معلوماتك زين عقب هدد يالرخمه
وتذكــــــــــر يوم قاله-
الظاهــــــــــــر انك نسيت خويكم وبنتــــــــــــــه المخطوفه
تراها مايدري الحين سماها من ارضاها اكثر من ست شهور
فهاد- وتراك ماتدري اانت من تكلم ؟؟؟؟؟؟؟؟؟
صك السماعه
فهاد كان يعشق وظيفته فيها يشوف خدمه الاسلام ولااهم يشوف ان عيال المسلمين مايتدمرون كان يشوفها مرايه لرجولته كان يشوفها بكـــــــــــــــــل شي حلو في حياته وان خذت احلــــــــــــــــــــــى مافي حياته
فهي الي رجعته لها بعد الله سبحانه وتعالى
******
نوره صكت المجله وكانت داريه ان الجازي بتضيق
نوره كل ماتقول لها داري مبارك قالت- اخوس بكره لاكبرت دور على غيري
عطي عمرس العافيه ليه اتعب عمري وانا داريه اني بنطل بعدين
قامت لها نوره شافت نور غرفتها مولع-
طقت الباب وفتحته لقت جازي تنشف شعرها
نوره- وجع وش عندس متسبحه ذا الحزه
الجازي- عادي طفشت رقدت الصغير ولاجاني نوم قلت اتسبح
نوره- بقولس شي وبدخل في الموضوع سيده وماعرف مقدمه مثل المسلسلات
بقولس
الجازي قعدت ونوره معها
نوره – شوفي حياتس ماتقيسينها على حياة الناس لان هذا قمه الغباء لان الظروف تختلف والناس نفسهم يختلفون
الجازي تنفض شعرها من الماء- ياجنيه وشلون عرفتي انه ذا المضيقني
نوره- لاني يالشينه قريتها قبلس وكنت بخشها عنس بس ماالله اراد لاني داريه انها بتوجعس
والي يوجعس يوجعــــــــــــــني
الجازي بخبث- يومس الحين تنصحين انا بنصحس دامي اكبر منس
قمة الغباء اذا خليتي كم تصرف يحكم على الشخصيه وتعممين حكمس السيئ عليه
نوره- لاهو كم تصرف هذا اولا – ثانيا انا اعرف اشياء ماتعرفينها ثالثا شين القافه
الجازي- والي يقولس انه يعرف اشياء ماتعرفينها يمكن لو عرفتيها تغيرين نظرت سالي مدري من دخلها في راسس
قامت نوره تقلب في الكمودينا في عطورات الجازي – ادلي بدلوس باختصار نظرتي محد دخلها انا اسمع واشوف!!!
الجازي- تدرين مره سألت فهاد وش بينه وبين فالح وخاصه عقب سالفه الي مايخافون الله وبلو فالح
نوره- اهاااا وش قال لس ؟؟
الجازي- قال فيه اشياء مايصير نقولها لانها تمسنا مثل هياء لوانها مخطيه على احد ماودس احد يدري لانه خطاها يمسس يعني كنه خطاس
والمرجله يالجازي ماكلن يطولها باقوال ولاتوصل بحكي - المرجله صعبه ياخوس
قلت له- وانت طلتها والله يافهاد
قال- حتى وان طلتها ترى عقب دوس الجمر ياخوس لكن بقولها ولاتظهر
العيب الي يلحق ولد عمي يلحقني والنقيصه الي تلوفه تجيني
يعني لو يندرى با السالفه مارفعت راســـــــــــي قدام احد
ومن ذاك اليوم دريت ان فهاد فيه شي يدري به ومايبي يقوله عشان مايلحق فالح شي والي يلحقه يلحقنا كلنا اسم الشيبان يربطنا
نوره – عقدت حواجبها وقعدت تجمع الخيوط لكن تختلف الحقايق لاتذكرت كلمته في مجلس ابوها (كبيره وعسره وش لك بها ) يوم خطبها فالح
يعني مابغاني من البدايه وعقبها جاني اكيد نكد في فالح
وفالح يبيني لا مابكــــــــــــــــى يوم طلاقي يقول
بيحـــــــــــــــــي مني يابنت نايف
!!!!!!!!!!!
نوره بخت من عطر جـــــــــــــازي وتظاهرت انه مايشغلها شي
- اجل يالله تصبحين على خير ولاعاد تحمسين يالخبل ترى البنات فطنو فيس وصرفت
الجازي – وانتي من اهله وطفي اليت معس وانتي طالعه
نوره – طلعت وهي تحس داخلها امواج هذا وشلون يصير كذا اكيد معه انفصام شخصيه ؟؟
طيب وش الي بينه وبين فالح
واصلا هو مايبيني ويدري اني طالبه الطلاق
وفالح مايبي طلاقي
يعني مناكد
وراحت نوره في ذكريات كانت وارتها الثرى وهيهات المها يرحل او وجعها يزول لانها بدايه مستــــــــــــــقبل
وبدأ سيل الذكريات ينعاد وينرسم في شريط الذاكره ويمر قدام العيــــــــن
فالح – هذا شور امي وماقدر ارده
نوره وهي تبكي – طيب يافالح الاهي لاتشمت الناس فيني من خذيتك وهم يقولون بيعود لها
فالح – نوره امي الي تبيني اخذها تعرفين وش معنى امي
وانتي سمعتي الدكتور عقب تسقيطس مرتين قال لاتفكرين بالحمل الابعد سنتين يعني راحت اربـــــــــــــع سنين من عمرنا
نوره رفعت راسها وسط زحمة دموعها- طلقــــــــــــني اجل يافالح طلقني
تذكرت محاولاته معها بالتفصيل وكنها وليــــــده اللحظه
تذكرت كلامه وترجيه في انها تبقى وهي رافضه
نوره- اتحمل كل شي الاالشماته اذكر كل ماجات تنغيزها بالحكي انه بيعود عليها وانا ماني الاغصيبه حذفوها عليه ابوه وعمانه وانا الي ارد بفخر
مستحيل وقولو الي تقولونه
تجي الحين تكسرني وقدامها هي هي بذات ........
سكتت نوره فجــــــــــــــاءه يوم شافت فالح يبكي
وراحت دموعها تجاريه
ومانست كلمته
بيـــــــــــحي مني
بيحي مني يابنت نايف
نوره بعد صمت ثقيل
– مبيـــــــــــــــــوح ومحلل

ماهو شرط يكون الشخص سيئ من كل الجوانب لازم الفطره لها محل
وان كان قليل

نامت نوره – بعد ماسافرت لذكرياتها الي كان جواز دخولها وتاشيرتها
دموعها وتنهيده من اقصى الضلوع
تعلـــــــــــــــــــــن نهايه رحله الم


فهاد دخل البيت وسلم على الموجودين في بيت الشعــــر –
وراح الكل استغرب منه ومن شماغه الي على متنه وعقاله الي في يده
دخل غرفته وشاف جواله الي كان مصمته عقب مكالمة التهديد محمد لقاه مرسل له رساله بعد مكالماته- سدد فواتير الكهرب وانت جاي
رساله سعود- لاتنسى الشايب يقول يجدد جواز الراعي قبل لاينتهي
وبعدين وينك العرب يدقون وماترد
فهاد- اه ه اه ه يافهاد يفقدونك لتدبير امورهم ينشدونك ماتعطل اشغالهم يسألونك لحاجتهم
وانت وش سويت لعمــــــــــرك
حتى الي ابي ابني معها عيشتي عايفتني ولانيب قادر اتحاكى
هذا جزاي امنع الردى من اهلي ويلحقني
ياحليلك يافهاد راح العمر لاولد ولا مره نقول لها خاطرن فيك
ولادنيا تنشد عنك يافهــــــــــــــــــاد
حس فهاد ان تفكيره خذاه لدرب مظلم قام تعوذ من الشيطان
وصلى ركعتين ورقد
****
في الصباح
اهل المدارس – راحو ونوره راحت لروضه
وفهاد مشى من فجـــــــــــــر
في ام رقيبه اكبر تجمع لملاك الابل تتحضنه ام رقيبه
اعلام دول الخليج ترفرف هنا وهناك
الامارت – قطر- الكويت –
ساحه العرض تبدا بدخول ملاك فئه المئه
والمشجعين في كــــــــــــل مكان
العرضات للقبايل ولااهازيج بدات قبل حتى النتايج

في شقه محمد وشيخه-
شيخه تمد على محمد شماغه –
هذا كلام عمتي قلت لها الشور شور محمد
محمد عصب في داخله- لاوالله حنا ياال- محمد- مانحب نركب الاالسيارات المرتفعه وماتجوز لنا السيارت الصغيره
محمد مابغى يوافق ويكسر شيخه حتى وان الله مارزقهم مايتنازلون عن ابسط حقوقهم
شيخه – وش بتقول لها
محمد- بكلم المعرض يطلعون سياره من الي تأجر لسعود وبعطيها له
يشل بها العرب الي يروحون معه
ويصير ماعصينا حلوة البن ولاكسرنا بخاطر الشيخه
ضحكت شيخه – جعل ربي يطول بعمرك ولاتقلب علي
محمد- من قلبه ضحك- اول مره اسمع ذا الدعوه بس اميييييييييين
****
سيف مر على البنات قبل يروح الكليه
نوال- صبحه بالخير
سيف – وانتم بمثله – اماني وينها
سلمى - في غرفتها- وش تبي بها
سيف - خلاص بس تعذرو لي منها وقولو لها لاعاد اسمعها اتحاكى في بنات نايف
امي وينها ؟؟؟
سلمى – في المقلط بس مرها تراها ضايقه منك عشانك هاوشت اماني
سيف- مالها الا الرضـــــــــــى

عند السيارت في ام رقيبه –
هذال- والله اني داري انس راقده عشان كذا دقيت اخرب نومتس
الطرف الاخر – اها اجل محد قال كان نومي ثقيييييييييل يعني محاولتك مافلحت
هذال- بدور شي العن اعترفي بالهزيمه احسن
الطرف الاخر- ماسمعك
هذال – اكيد على طريق سيارات رايحه جايه
الطرف الاخر- انتبهه على عمرك
هذال – ذاله علي يالخبل
الطرف الاخر – سمني أي شي عااااادي المهم ماافقد الانسان الي دخل الفرح لقلبي وبس
هذال- مانتي بفاقدته ان شالله
والحين بسكر داق اخرب عليس طلعتي خيشه ماياثر فيس شي
الطرف الاخر- على خير في حفظ ربي
**
في الروضه في غرفه استقبال الاطفال
نوره شافت زااااااااايد طارت له تلمه وهوبعد لمها
بس مد عليهـــــــــــــــــــــــا
زرف استغربت منه
نوره
!!!!!!!!!!!!!!!!!!!

تواقعت طاقمي هنا انتظرها
استديو التحليل ابتدا من ظبيه انتهاء بريم البنفسج
ارئكم اتوق اليها فلاتنسو ان تضعوها هنا ولكم خالص الدعاء فانتم جزاء لايتجزاء من الطاقم
احب اوضح للقراء الذين يطالبون باسرع زواج فهاد او كشف الغموض
للابطال
احب اقدم شكري لمتابعتهم اولا
ثم اوضح ان بعد جزء الرحله سوف يكون زواج فهاد
وكشف غموض هذال
وهذا الجزء كشفنا الستار على سبب تاخر زواج فهاد
وطلاق نوره
وكشفنا شعـــــــــــور الجازي الذي كنا نلومها عليه فقد كان الخوف من المستقبل
وماذيخبئ لها؟؟ هو الدافع ففضلت ان تبقى على ماهي عليه حتى وان اقبلت الايام مماتخافه فليس هناك شي قدمته تخسر عليه في نفس الوقت لم تقصر بواجباته
كشفنا هنا اسرارثلاث من ابطالنا والبقيه
اتيه

في حفظ الله اترككم
اختـــــــــــــــــكم نبض ومشاعر