حبيبتي شاهدة قصتك بالصدفة وقراتها واعجبت بها وهي بالفعل تحتاج لدعاية للفت نظر القراء لها فهي جميلة جدا وطريقة السرد رائعة وانا انتظرك على احر من الجمر لتكملتها

الكاتبة وعدتكم بنزال بارت جديد


الثلاثاء او الخميس


عشان كذا ممكن هدوء



ومن غير ننتظر وبسرعة


وقت ممتع مع الكاتبة نبض

مشرفات القسم

وبعد غياب
اتت تحمل لكم الشوق
في افكـــــــــــــــاري كنت اركن في احد الزوايا
لعلها تأتي فقبل كل شي قد اشتقت لها واصبحت جزء من حياتي فاذ بمن يضع يده على كتفي رفعت راسي قليلا فبتسمت مدت لي يدها نهضت
واحتضنتني في لحظه شوق عارمه وكل الافكار التي كانت تجول حولي بلا اهتمام بوجودها التمت انجلا الظلام الذي كان يشوب المكان
اتت لكم بشوق ا اشتاقت لكم
اتت لكم تحمل بين كفوفها قلوب تبحث عن الراحه الراحه فقط وشتان بين الراحه والسعاده
فمطلبها الراحه والاستقرار ولاتطمح للمزيد
فهل سترتاح تلك القلوب؟؟؟؟
الجزء الخامس عشر
متى يرتاح قلب ن بالهوى ملكته راحت ايامه كلها وهويرتجيك

الجازي – معها الاكياس والخدامه
دقت على هياء – الو هيون وينس
عن البوابه الي دخلنا معها
هيا- قريب
الجازي – اجل جمعي الهنوف وسلمى والبنات ونا بدق على نوره
هياء- على خير
دقت الجازي على نوره
نوره بصوت مبحوح- هلا الجوز
الجازي – وجدري وينس تراس صبيتي قلبي انتي وصوتس
تعالي للبوابه الي دخلناها ترانا طولنا وفهاد جعلني قبله مايداني زحمه الااسواق
نوره في خاطرها – دامه مايداني ليه يوم يهايط على العرب ويوديهم
نوره- انتي مع الخدامه وحمودي
الجازي – ايه
نوره – خلاص شفتس
الجازي تلفت- اجل يالله احتريس
سكرت منها وراحت لبوابه مع ان اغراضها شوي وماتقضت وفي نفسها تقول بس متى تفااااارق على الله ذا المكان

البنات تجمـــــعو عند الــــــــــــبــوابه

فهاد كان ماسك بيده ندى وماسك جواله في يده الثانيه
جات الجازي والبنات واقبل سيف وسعود من بعيد ومعه البنات الا سلمى وبشاير الي كانو
اساسا مع الهنوف
سعود- ها خلصتو ومابغيتو-- دافع البلا ذا البنات ما يخلصون هم شافو سوق منا ودعو العقل منا
الجازي- جعلني احتال واصبر اشوفك معرس ان تضيع علومك
بشاير تكهربت من كلام الجازي يوم طرت لسعود العرس
سعود- ياااااااااااااوي ذيك (شيخه) تحطون روسكم بروس مرتي الي مابعد جات
سيف- من الحين بيوطي روسكم عشانها كل ذا عشانه يقال لها مرت سعود بن سالم
سيف متعمد يقول الكلام الي قاله عشان يسمع بشاير علها تغير رايها وتقتنع بدال ماتصير السالفه غصايب وغير تهديد فالح ان ماراح يزوج سعود عشان فهاد خلا نوال ووحده بوحده
فهاد كان يكلم هذال الي يعلمه عن اللجنه وعن عرض المغاتير وان بكره لازم يكون موجود بماانه من ملاك الابل المشاركه

وعلى الكراسي نوره والجازي وهياء ويحترون البنات
هياء وهي تسكر جوالها
بنات حمد يقول الجو عندهم موت بردٍ امحق وبعدبكره النتايج ادعو يابنات
ياويل قلبي عزتي لحمد كان الجو برد عليه وعاد هو دينه ودين الملابس شتويه دايم وهومصيف ولاادري اتبع البنت ولا التبع الابو والله ان حنا فلم ياذا العايله
الله يستر عليه بس
نوره ابتسمت- تصدقين هيون ماشالله عليس تعرفين تعاملين مع حمد انا لواني مرته
كان يمدي عفشي في الشارع وهذا وانا اخته الي من سنين معه عمري ماعرفت ابني جسر تواصل بيني وبينه
هيا كانت تسكر جوالها وتدخله شنطتها- شوفي نوره انتي لاحبيتي الشخص
راح تمتصين طبايعه السيئه هذا في الاحوال العاديه واما الاحوال الاخرى راح تحبين طبايعه الي يشوفونها الي حولك انها سيئه انتي في عينس زينه مثلا حمد احب عصبيته واحب الرجال الحار واصنفها ضمن رجولته في نفس الوقت ابعد عن أي شي يخليه يعصب علي
والجازي تضحك مع اختها وتعلق- حلوه في الاحوال العاديه من أي قناه جايبتها بعدين يومس ماتخلينه يعصب عليس ليه ذاك اليو..................................
نوره وبداصوت الي حولينها يختفي وراحت في عالم هااادي
وهي مازالت في عالم اخر انتشلها من الازعاج الي هم فيه
ليه احس دايم ان حياتي مع فالح كل يوم عن يوم ناقصه؟ ليه ؟
من كلام البنات ومن كلام اختي شيخه احس دايم اني ماعشت مثلهم
ليــــــــــــــــــــه .....ليـــــــــــــــــه ؟؟؟

شيخه كانت متمدده على السرير ومحمد جنبها طول الوقت وهم سوالف
مره عن المدرسه وهواشات العيال ومره عن العايله
ومرت لحظه سكــــون
التفتت فيها شيخه على محمد الي ماغيرت فيه لحظه الهدواء شي سوء
عيونه الي كانت مركزه النظر للسقف
اول ماجات بتكلم سبقها محمد وعيونه على ماهي عليه – شيخه استانست
يوم دقيت عليس ذاك اليوم لقيتس سهرانه على التلفزيون والفشار والعصير وكني معس تذكرين يوم قلتي مره (مااعرف اسهر) بدونك ولا اعرف حتى اكل فشار
بدون طقوسنا الي ناكل فيها – حلو انس تقدرين تسوين اشياء بدوني
ابتسمت شيخه فهمت من كلامه انها نبره عتب ففرحت وهي بعيده كل الي البعد عن الي استوعبته – اهاااااا- السهره – وقدرت اسوي اشياء بدونك – والفشار
واسترسلت بهدوء – اولا سهرت لان انت عارف انام عند اهلي لاصرت مانت موجود دايم فقبل اروح عجــــــــــــــزت انام وانت مانت جنبي فرحت اسهر
محمد بدل مايبيها دواء صارت وجع يعني ماسهرت الا عشانها ماقدرت تنام
وقطع تفكيره كلامها الي كان مثل السهام بس بهدوء تصيب قلبه المريض
والتلفزيون اممممم (واستقعدت) تصدق مادري وش الي تابعته اذكر اني حطيته على اكشن واذكر مشاهد قليله من فلم كامل لاني ماكنت اتابع كنت افكر فيك
ولمت شعرها وهي تكمل – والفشار سويته وليتني ماسويته تدري ليه
لاني احرقت يدي التاوه والفشار ما انوكل !!!!
وضحكت – عقوبه الله عشاني خنت في السهره وسهرت بدونك
جاوبها بضحكه متصنعه
شربت العصير يوم جاء على نصه تذكرتك نزلته وانا ابكي
والله ان حنا ياذ النسوان ضعووووف
وانتهت سهــــــــــــــرتي بدونك امحق سهره ياشيخ غلقه واحرقت يدي وبكيت
محمد غصته عبره وخنقته ضيقه حتى ماقدر يتكلم لو تكلم بكى بكى قدامها
فرد ذراعه لها وهو يقول اقربـــــــــــــــي اقربـــــــــــــــي يالشيخه
واول ماحطت شيخه راسها على السرير لفها بقوه صوبه
وبدا سيل دموع رجل جريح او مكسور او تعيس
ويمكن كل الصــــــــــور تجمعت في قلب محمد
انشهد انس على اسمـــــــــس شيــــــــــخه

كان واقف قبال سيف وسعود ويرتب معهم وش يسون لانه بكره ماشي لاهل البر
وعيونه تنتقل بين العيال وبين الي كانت جالسه ورى اخوه سعود وكانت تمسح ياقه حمودي من الكاكاو وهو يسولف لها وش شراء كانت ايديها وهي تمسح وجهه بكل نعومه ملفته له وكانت طريقتها وهي تسمع للحمود كنها تسمع واحد كبير وهذا الي خلا الولد يكلمها بنشوه فرح ومندمج وطلعت فاين وحطته في جاكيته حركات يدها على راسه كنها نسمه هواء - ورفعت عينها شافت فهاد يشوفها كان كل شي فيها ملفت حتى طريقه مسكها لحمودي - راح حمود لبنت حمد جوهره
وهي عدلت كم عباتها ورفعت عينها الا وعينه في عينها صدت على طول وقلبها يرجف –
هذا وش فيه ؟؟الحمدالله الاانتي يانوره الي وش فيس ؟؟مسكت قلبها يرجف يارب لك الحمد بغى يطير قلبس يالخبل بس عشانه شافس !بس هذا ماشافني هذا شكله يراقبني من اليوم بعدين ليه قلبس يرتعد تراه فهيـــــــــد ولاناسيه لامانسيت بس نظرته عمري ماشفتها ماكانت تحدي ولاكانت سخريه ولا كانت نظرته الي يبي يكسرني بها ؟ اجل وش نظـــــــرته ؟؟؟؟؟
(((عيــــــــــــون العاشقين بصمت تكلمت))) معقـــــــــــــوله
كان هذا صوت الجازي الي كانت تراقب اخوها الي واقف يتمايل مره يتكي على رجل ومره على ثانيه وهي تشوفه كانت تشوف نظراته لنوره
نوره- وجدري يتل قلبس اقصري صوتس جرح سد حلقس
سمعس والحين وش بيقول عني بيقول وحده ماتستحي تقلب عينها فيني مابعد خذيتها ولا بعد جف حبرالملكه- وجيتي كملتي بكلامس الي خرق اذنه
الجازي – حيلس حيلس علي تراني لارادار ولاشي بس لفتني وقفته مره على جنب
ومره على الثانيه
قامت جازي – اقول خلني اشوف اوخيي وش فيه بدل بربرتس الفاضيه
اقبلت جازي على العيال
سيف- حياالله الجازي
الجازي – الله يحيك
والتفتت على فهاد – فهاد وش فيك مستوجع من شي وقفتك ماهيب مستعدله
فهاد وهو يحرك رجله – ابد رجلي الي التوت عود علي وجعها الظاهر من شيلي
لندى
الجازي- الله يهديك يوم رجلك فيها التوى ليه يوم تشلها
فهاد وهو يحرك رجله بشويش يمين ويسار- ندى مال شيلها دخل انا الي هملت العصاء الي اتكي عليها قبل لاتطيب
الجازي بعصبيه - يومك داري ليه ماقعدت عليها
لف فهاد شماغه وابتسم ابتسامه صفراء – الحين متملك وراي عرس وعصاء
ماتجي ولا العمر يساعد يعني افطن العرب بشي مافطنوبه
ضحكو العيال وكانت ضحكه فهاد هي الي سرقت المكان
ونوره كانت تراقب من بعيد

اول ماوصلو البنات قريب من للبوابه وقفتهم بشاير
بشاير – تكفين طالبتس قولي تم
الهنوف – تم وش عندس
بشاير – قولي لنوره تخليس تسمرين عندنا انتي ومشاعل
مشاعل – انا ماقدر امي تقول صار لي فتره وانا عند عماني وقعدت تهاوشني وتقول ان البيت غدى فندق مع انه الي اروح له بيت عماني هو نفسه بيت خوالي
والحين تبيني اقولها خليني اروح بيت عمي ناصر عشان تسوي لي عرس وتفضحني لاااااااااااااا بالله مانيب محاكيتها
الهنوف- امممممممم طيب اشوف نوره
تحاكي امي وان شالله توافق مع ان السهره تنقصها القوطي
مشاعل ووجع يضرب بطنس يا((((المزهريه)))
((عشان الهنوف تحب تحط ورد في شعرها))) فكانت ذي عيارتها

تجمعو البنات وراحو للمكان
سيف وسعود وفهاد كانوبجهه والبنات على الكراسي
راحت الهنوف لنوره – النوري فديت عمرس شوفي لنا صرفه
ابي اسمر عند البنات دقي على امي علميها
نوره- ياليلي الطويل ومن الي يجيبس ؟
الهنوف- الشيخ سادو جعل عمره طويل
نوره بنبره – تالي ذالليل الشيخ سااااااادو
الهنوف- تعالي معه انتي وحمودي
نوره – اني منحاشه من ذا يعني سوق ودبلة كبد واعود بعد ذا كله اجيبس
الهنوف حبت راسها
نوره بحرج- هنييييييييف وجع تحبين راسي كني عجوز فضحتينا...خلاااا فارقيني خليني اكلم امي
طلعت نوره جوالها تكلم امها عشان روحه الهنوف

في المخيم الجو بارد حد التجمد والليل انتصف
وبعد سلام وترحيب من عيال القبيله وشعرائها
كان التعب من نصيب الشيبان والعيال
فرشو العمال فرش العيال
هذال اختار مكان بعيد شوي
ابو فالح – وش قومك ياولدي متشهل عن الدفاء – يعني مبعد
هذال – قريب نفداك من الدفاء واليوم هبوبنا شماليه جنوبيه
ووجهتي ماهيب حولها
دخـــــــــل هذال فراشه وصك عليه وافكاره تودي وتجيب
ايييييييييييييييه ياهذال بتملك غصب وتعيش غصب وبيجون عيالك من مره ماتبيها
وبتسكن انت وياها في بيت واحد ياعيشه الشقاء
حتــــــى العذارء ماعاد يغصبون ذالحيـــــــــن
لو غيرها هانت لكن مابه الاهي خواتها ومرت اخوها يجرجورنها وينفخون عليها
ومالها شخصيه
هذال اكثر من مره يسمع الهنوف والجازي يقولون لو تجنب درب اختها ومرت اخوها تفلح
ومره بيوم عشاء سمع نوال تهاوشها وهي ماسمع لها حس
وتذكر عيده بنت خالتها وش لون كان كلامها وش كان صوووووتها
وانعاد ذاك اليوم الي قالت له فيه الهنوف ان عيده تملكت
وهو وش سوى بس عشان يكون له موقف
وقطع تفكيره وطلع جواله.......
عشقـت غيـدا سمحتـنـي عــن الغـيـد
أقــــول والا بــــس مـانـيــب قــايـــل
ميـت ضمـا والـعـد صـعـب المـواريـد
وبذلـت مـن شانـه جميـع الوسـايـل
والشربه اللي مـن حيـاض الأجاويـد
تقطع ضما هـدف الضلـوع النحايـل
يانووووف جيتك من ورا نازح البيد
بــالــراس مـايـحـتـاج رد الـرســايــل
وأن كان ماضمدتي الجـرح تضميـد
تحـمـلـي شـرهــة عـيــال الحـمـايـل


برا في مواقف السيارات –
نوره – يالله روحــــــــــي
الهنوف بااستغراب – وين
نوره- وجدري ماتبين تروحين مع البنات
الهنوف- ايه ابي
نوره- اجل روحي قبل لايحرك الصبي
الهنوف بضعف- نوري خلي البنات يحاكون فهاد
نوره- منهبللللللللله والله ثم والله لو تحاكين البنات ماتعينن خير
تفضحينا فيه
الهنوف- ياربي وش فيها اخت مرته وبينزلها وولد عمي
نوره- تدرين انه مرته ورق بس مسرع طلايب بعدين جنبينا احتكاك معه
والله يالهنوف لو تسوين الي في راسس ان يجي علمن ثاني
الهنوف تشوف البنات يأشرون لها
التفتت على نوره – امسكي هاس(( ونطلت الاكياس في يد نوره وهي تهابد بالارض من الضيقه
ضحكت نوره من ممشى الهنوف لاضاقت
فهاد فاتح الشنطه ويدخل الاكياس
نوره بتركب وراه تفادى طريقه فتح الباب الي قهرتها مع انها بتصير قريبه منه
واحتارت وراه مباشره تستحي واصلا مالها به وهناك عند الباب
مستحيييييييييييل والوسط مقابله المنظره والشيخ مايحشم
اخيرا استقرت وراه ابرك من شوفته ونظراته وابرك من الباب الي ماعاد بقى الاينط علي يكسرني عشان يفتحه
ركبو البنات في السياره لمح البنات يتزاحفون
سيف – ماخلصتو وش فيكم !!!!!!!!
بشاير- باقي بنت عمي نايف الهنوف بتركب معنا
سيف- استاااااااااااانس عشان يطفرها وفي خاطره اذا ماكرهتيني كرهه العمى ياهنيف وعيفتس باالرجاااال كلهم مانيب سيف
ركبت الهنوف وسلمت – الكل رد السلام

في السياره فهاد يسولف مع اخته
وهياء تفرق بين بنتها وولد مبارك يتهاوشون
ومشاعل تفرج بجوال عمتها
شاف المرايه الكل مشغول وحب فهاد يدخلها في الجو معهم وماحب تصير ضايعه بينهم
قال وهويضحك- عزالله مانتم ميتين جوع ريحه العيشه تعج
وهو صادق البنات طالبين من المطعم الايطالي وطالبين بيتزاهت- ووجبه الارنب الجائع فاهيتا غير وجبات الاطفال
الجازي – عقب فرفره سوق وتعب لازم نعتاش
فهاد – عاد انتي بتموتين من النعمه ((( يغايضها لانها ماتحب احد يقول عنها ماتنه
الجازي ماعندها في احد- والله اني مانيب ماتنه بعدين على الاقل اقل من وزن مرتــــــــــــــك
نوره هنا كن احد لطمها على وجهه كف وعرف بشعورها فهاد فحب يشوفها واول ماشاف الشر بعيونها وتطالع الجازي ابتسم ابتسامته المعهوده ولف على الطريق وكنها يداريها وفتح الشباك والضحكه بضلوعه وعجز الايطلعها الاباابتسامه
وعلى الطرف الثاني
الجازي تهاوش نوره وكا العاده باااااااااااعيتها
الجازي – لاتطالعيني ولاتذكرين بلايز* رد تاغ* الضيقه عليس ونطلتيها علي
ولا اذكرس ب.........اااااايييييييييييي
لان نوره مدت يدها وقبصتها لاتجيب العيد

بشاير – والله ان سياره فهاد تجنننن ياسيف ليتك ماخذ مثلها
سيف- الاسيارتي ذي غاليه علي ولانيب مبدلها هديه الشيبان جعلني فداهم
سلمى – تستاهل والله وعقبال سياره العرس
سيف- الله كريم
الهنوف جت حزه الانتقام يوم طاحت على البلاط وكلمته السم قامت تكلم سلمى بصوت واطي ولكنه مسموع ومتعمده يسمعها- الله الله وانتي بعد تبون عماني يكدون على عرسه مايكفي سيارته من المعرض ولا اخوكم متعود كذا عز الله ماعطاه فهاد شي الي دايم يقول عمي سالم من درس الكليه ماخبرته جاني ومد يده
اول ماجات بترد سلمى رد المعني بالكلام وكان مولع منها وسمع كلامها
سيف – ماسمعنا رايس يابنت نايف
الهنوف – الله يعطيك خيره ويكفيك شرها
سيف- اربها زينه ودبتها واااااااسعه وكل شي زين
عرفت قصده دبتها واسعه يعني ان شالله تاخذس وتذكرت يوم يزاورون اختها وركبها الشنطه وكان يتهزا عليها ويقول العنز محلها الشنطه
الهنوف – السياره زينها بقيمتها
سيف- يمسح على الدركسون بفخر والقيمه ماهيب هينه
الهنوف- اقصد لوان السياره ددسن ثمانينات حتى قطع غياره ماهيب موجوده انقطعت من السوق وشاريها الواحد من عرقه تسوى اغلى سياره لوانها- البنتلي –
البنتلي اغلى السيارات
سيف انقهر منها – وانتي صادقه مثل ما الواحد لوكان متفوق بدراسته ودرجاته عاليه ولاخلاق عنده على طرف ولسانه طويل يسوى واحد فااااااااااشل ماعنده طموح ولا دراسه بس اخـــــــــلاق وطيب ذكر مع العرب
البنات شافوها زااااادت وعمره ماكان نقاش بينهم كذا لانه نادر يلتقون
نوال – خلاص اهجدو
الهنوف ودمعتها بعينها- اصلا عادي سيف اعده مثل اخوي دايم نتهاوش انا واخواني ونتراضى
سيف- هي صادقه
البنات سكتو في لحظه ان وشلون يكتب ربي نصيب و كل واحد يعتبر الثاني اخوه وكل واحد الكبريت وشبابه مع الثاني

هذال- ليه يالغلا انا قايلس اول مااطب الرياض سيده لس الوالده بسلامتها ماهيب هنا والوالد هنا
الطرف الاخر- صدق والله تراني ميته شوق اشوفك اليوم تكح في التلفزيون
قسم بالله تقطع قلبي
هذال – ماشالله عليس حتى الكحه طلعتيها
الطرف الاخر – وش اسوي مبعد عني وسلوتي شوفك
عندك مانع
هذال- ابد ...... كح كح كح...لا اعتراض
الطرف الاخر- اسهرتك يا قلبي وانت مصخن في وداعه ربي
هذال براحه- في فمان الله
تأمل الجوال ثم حطه تحت الوساده تلطم بشماغه من الهواء ورقد
؟؟؟؟؟؟؟؟؟؟؟؟؟؟؟

شيخه – محمد وش فيك كل مالك وتنحف وماعاد تاكل مثل اكل اول
محمد- السمنه مامنها خير وابرك واصلا ماضعفت الايوم خليت الدهون
محمد عرف يطلع نفسه اصلا السمنه وزياده الكسترول في الدم من امراض القلب
وهو داري بيجي يوم لابد الكل يعرف بس حانهم وحان الشايب ابوه على اخر عمره يشيل همه ويحاتيه ولاامه الي بتحط الدنيا وتشلها وخاصه انه ماعنده ولد ولامرته الي غيبته عنها تضيق بها الدنيا وش حال لا غبت عن الدنيا وفهاد مابي اخرب عليه عرسه سكت وسكت والحين يوم جاء يستنانس ويعرس اخرب عليه والله الي ماسويتها
تنهد محمد وهو يذكر موعده الي قرب
((مالك الا الله اصبر يامحمد ويفرجها ربن كريم ))

البنات في المقلط وعباياتهم منطله على المراكــــــــــــي
وقاعدين يفتحون اكياس بعض ويتفرجون
نوره وهي تحط برقعها على المسنده – الاكياس الي وراس حقت الهنوف شوفي فيها
كيستها من فيسس
الجازي وهي تنطل الاكياس على نوره – هاس والله حلوه بلوزتها
ايييييييييييييييه اخيرا لقيته _(( سمي ياطويله العمر اعجبني وقلت اشتريه))
قلب لون نوره – كان ماكلفتي على عمرس بس وجع جازي ماعينتي تشترينا لاذا الثوب حتى فالح مالبست عنده كذا
الجازي عصبت – اف ياربي فالح تلقين اهل الدمام ماااااااالين عينه
يالخبل عباة كتف تلبس وشلون عاد شي محلله ربي وعند رجلها امسي
نوره كان اعتراضها على زواجها من فهاد لانها عارفه وش بيصير بينها وبين فهاد
اكيد بيكون بينهم مثل أي زوجين وهذا الي تموت ولاتبيه لكن لاربطها عقد بينهم الله فيه
اكيد بتلزم كل مافيه وماهوب عشانه عشان لعنة الملائكه وغضب ربي الي لو صار فيها خير بليا شر ملعونه – وعلى شي مايسوى عشان دنـــــــــيا
وابتسمت يوم تذكرت الهنوف تقول تكفين يانوري علميني بكل الي يصير بينكم عشان اكتب روايه وابيس تسوين مثل ابطال الروايات الحـــــــــــي كبده
لين يموت ولاياصلس
ياحليلس ياهنوف تفكيرس ماتعدى روايات تقرينها ولامسلسلات تشوفينها
بس الواااااقع امر بكثيـــــــــــــــر امر من الي نتخيله
كان تفكير نوره منطقي وعقلاني لانها ربطت عيشتها بشي اسمه حلال وحرام ربطت حياتها القاتمه مع فهاد بالشـــــــــــرع
فطلع هو الكسبــــــــــــان اول مره نوره تحس بهزيمه وكل طاقتها الي استنفدتها تمنع شي ماتبيه راحت ادراج الرياح تعبها وهمومها كلها هباء منثور
لودرت ان هذي النتيجه كان اختصرت المسافه عليها بشي اسمه
((((((((استســــــــــــــــــــــــــــلام))))

الجازي كانت تقوس على ولدها بدله – ياعيني وين رحتي
نوره- معس الا قولي لي خلصتي مقاضي
الجازي – باقي بجايم وبروح للحله ولا بروح للسوق الداخلي
اشتريها تعرفين لاجاو من المزاين مدري متى نمشي
نوره – يادبلة الكبد تمشيه وقت دراسه وعرس في عطله
الجازي تغمزلها وهي تفصخ فنيلة ولدها – شفتي ومن لقاها ؟؟؟؟؟؟
دخلت عليهم هياء لابسه بلوزه من سيد وتنوره من نكست
وش رايكم؟؟؟؟؟؟؟؟؟؟؟؟؟

فهاد في غرفته وبالتحديد على سريره ويتذكرها
والله انها ماتغيرت بس يوم شافتني اتحاكى عن رجلي نظرتها عطف ولاحقران
الا اكيد رحمتني ......الا وش رحمتني ...الظاهر انك يافهاد كبرت وبديت تخرف بشويش رحمتها لذى الدرجه تحتاجها تطلب رحمتها طيب حتى العدو ينرحم
الا ..................................
ابي منها كل شي محتــــــــــــــــاج لها فــــــــــــــــي كل شــــــــــي

في بيت ابوفالح
الهنوف تقلب في لاب توب البنات – تدرون انه هذال حط على الديسي ال
رقم سري
يقول لابغيتوه فتحته وغيره مافيه سهر على انترنت
قلت له جوال مافيه جوال اسهر على المسن قال والخيبه مافيه يعني مافيه
تشوفينا صايرين دجاج اعوذ بالله نقوم بدري ونرقد بدري
سلمى – احسن لكم واخوس الكبير اددرى بمصلحتس
الهنوف- اموووووووت انا يالعاقل
بشاير وهي تطالع سلمى- قولي له سهرااااااااانه مع حبيبه القلب والله مايقولس شي
الهنوف قلب وجهها
سلمى استحت – ماعاد بقى الا البزران يالله على شحم بس
الهنوف ساااااااكته وتذكرت وشلون تفكيرها كان مثلهم
في الي بينها وبين هذال

في عالم الذكريات كان له جوله لكن كئيبــــــــــــــه
فالح وهو سارح ويذكر ذاك اليوم بتفاصيله كنه مر قدامه يوم كامل
فالح – الاحالف عليكم تعشون ذالليل
دحام – الله يكثر خيرك وهاك المفاتيح ماقصرت وفيت وكفيت
فالح – ابشر والله تستاهل كل خير يابو فراج وتراه حديد لاراح ولاجاء
فضى المجلس واخوياه الي سافر من ليلته مثل دحام والي تفرقو وكلن راح لا اهله
انتفض فالح يوم تذكر قوات المكافحه والشرطه محوطه البيت
والمداهمه في لمحه بصر تمت وصادرو مسدسه واخذو بطاقات البنك الي معه
واي مصدر مال صادروه وجمدو حساباته
ومانسى الصــــــــــــــــدمه (((سيــــــــــــــــــــــــــــــــارته ))
وهي اكياس الكوكائين تحت المرتبه
بهمس تكلم فالح – الخسيس
طبعا تصادرت املاكه الي باسمه باعتبارها ارباح مخدرات
والحمدالله ان ذيك الفتــــــــــــــره ماكان احد المعارض بااسمه ولاكان رااااحت
كانت المداهمه على وجهه الفجر
وطبعا في سيل الذكريات مانسى فالح النخوه الي في رايه ماصابت راعيها
فالح – وش السواة يافهاد الفـــــــــــــــزعه يافهاد مكاني ماهوب بينهم
فهاد- ادري ان مكانك ماهوب بينهم بس وش اقول حاكيت عوض قال كل شي طلع من يدي ورفعت اوراقه
فالح – تدري ان طفشت من السجن
خسرت وظيفتي وهيبتي عند العرب وتقول كل شي طلع من يدي
فهاد- كم مره قايل لك دحام والي معه لاتماشيهم والتاليه تقول مانتب الي تخير اخوياي
فالح – تشمت تشمت فيني لين تعجز ان شالله مانيب معتازك ولاتسوي لي شي
فهاد- انا ماتشمتت والموضوع ماكان في يدي عشان اسوي شي الموضوع مستلمينه رجال غيري وانا الي علي سويته
تدري انت وش يبي لك يبي لك شاهدين على الاقل والي انت خابره ماشفنا له رقعه وجهه للحين والي معه الحين جاري البحث عنهم
قام فــــــــــالح تعرف تظبط اوضاع ((اخو عوض)) ولاانا مافيه شي بيدك
فهاد- اخو عوض السالفه مدرسه ومجتمع صغير وبسهوله عرفنا مروجين المنشطات وفــــــــــــــرق بين المتعاطي وفـــــــــــرق بين المروج
حتى يوم اطلعت على الكميه هذي كميه ترويج يستحيل تكون تعاطي
وحتى ان فكرت تكذب بيحللون دمك ويكتشفون انك ماتعاطى
فالح- يعني لاصــــــــــــرت متعاطي الحكم غير
فهاد- اكيد انت عارف المروج ( تعزير)
انتفض فهاد وعلا صوته- بس انا بعون ربي مااخلي شبر الالين اطلع الانذال
فالح بقل صبر مدنق ويده يمسد شعره فيها قهر – سافر... الخسيس تدري من ذاك الليل.... سافر...... وين بتدوره في ذالوسيعه
لكن تدري .. انا لقيت الحـــــــــــــــــــــــل


نوره والبنات يلمون اكياس الي شروها وماحلا بعد روحة السوق تفتيش الاكياس كنهم اول مره يشوفونها وعرض الازياء يبدا
نوره – اكياس دبن هامز لي- ونكست وحده لهياء وحده لي مذر كير للجازي
نوره تنادي الخدامه – جيبي السفره
وقعدو البنات الاكل طبعا فاهيتا من نصيب نوره
الارنب الجائع تحبه عشان ذا الوجبه الجازي قاعده تاكل باستا وتسأل البنات
- انا شاريه مجلة زهره الخليــــــــــــــج محد شافها
نور- ايه حطيتها على التلفزيون
الجازي تمام عشــــــــاني ادورها
هياء- فقدنا المصدوعه الهنوف تنهبل لاشافت بيتزهت




فهاد – وش هو اكـــــــــــــــيد انت انهبلت !!!
فالح – مابه الاكذا و اسوي الضــــــــــربه حاصله حاصله ياخوك خلها توجع ولاتذبح
فهاد- وشلون؟؟؟ وانت قايل انك لامتعاطي ولا مروج ودمك نظيف
فالح بهدوء قبل تفجير قنبلته - انت سهــــــــــــل تجيبها لي وانا اتعاطها
فهـــــــــــاد انفجع وبذهول– وش قلت ؟؟ عيد وش انت تقول ؟؟؟
فالح – ماتبي تطلعني ؟؟مابه الا الي سمعته
فهاد يرفع صوته- انت صاحي ...الظاهر انك انهبلت ....انت واعي بالي تقوله
!!!!
تبي تصير مدمن ؟؟؟وتبيني انا الي اجيبها لك ؟؟؟وتكذب اقوالك !!
فالح- مالنا الاذا الدرب وغيره بابه ملدود
فهاد- اولا شي ربك ودينك ثاني شي صحتك ثالث شي خيانتي لله ولوظيفتي الي حالف فيها على المصحف رابع شي ماعاد ينوخذ بااقوالك لوكانت صدق الاباادله
والتاليه يافالح هذا الي رباك عليه الشايب وقت الشدايد تنحد على دروب المرخمه ودروب الردى ماهقيتها والله ياخوك
فالح – وقت الضيق انحدينا
فهاد- لوانه مباح لنا الحرام في الضيق والحاجه ماعرفو الناس الصبر ولو كلن بياخذ مصايبه شماعه عشان يعصي الله عزالله الي راحت الدنيا باهلها
خيبت ظني بك ؟؟
فالح قام معصب – شوف هي مبينه معك لانت الي نافع ولانت الي بتخلصني
فلا عاد تسوي شي ولا ابي نفعتك الي تقول لان ماورها الاالكلام والرجال افعال ماهوب كلام يالشيـــــــــــــــخ
ياعســــــــــــــــكري
فهــــــــــــــــــــــاد كان مذهول من الي طلبه فالح
وشلونا لازمات تغير تفكير الواحد
كانت اخر زياره بين فهاد وفالح لان
فالــــــــــــــــح رافض يقابل زيارات فهــــــــــــــــــاد


خلصت مواعين العشاء ورتبت المطبخ وراحت للمقلط شابكه جوالها يشحن
واخذت جوالها لا وتلقى رساله منه ماقرتها لانه اختفت من الشاشه الرئيسه
ابتسمت وقعدت تعيد قرايه الرساله لين حفظتها من كثر ماقرتها
وارســــــــــــــلت
تعبت اهرب من الاشياء البسيطه ومن تفاصيلك
تعبت اسأل زويا البيت عن اول واخر احوالك
حبيبي لاتجيني قول وين انت وانا اجي لك
ابيك تقول وين انت وعلى عيوني انا اسعالك
وربي فوق روس الشوك لااخلي القلب يمشي لك
واخلي ظلالي يسبقني قبل يحضني منزالك
وحتى الشوق من صبح الدرايش قام يهدي لك
عصافير الصبح ترفرف على بيان مدخالك
هنا ترمي صباح الخير قبل لاتروح وادعي لك
هنا تضوي مساء الخيرفي عيني من عذالك
تعاااااال محتاااااج اسولف لك عن ايام واشكي لك
وافض غيم الحزن وانثر حنين الشوق بقبالك
تعال وحط في قلبي هموم الفرقا واشيلك
لان القلب ماهو قلب اذا في نبضه ماشالك
حرام الليل ماهو ليل اذا ماكنت في ليلك
حرام الصبح ماهو صبح اذا ماكنت بضلالك
تروح واحط روحي على كفي وانادي لك
نزعت العمر من شفت الغلا بالروح نادى لك
وقف دمعي من عيوني ابي من عينك ابكي لك
اخاااف ابكي من عيوني وابعثر جيت وصالك
على شاشه الجوال ظاهر
جاري ارسال الرســــــــــاله
همست جاري ارســــــــال روحــــــي
جعلها فداك
يا(((هـــــــــــــــــــــــــــــذال)))
!!!!!!!!!!!!!!!!!!!!!!!!!!


تمت انتظر تعليقاتكم وارئكم بشغف
فلا تحرموني منها
اتيت على موعدي معكم اليوم
كذلك موعدنا مع جزء مليئ باحداث
يوم الخميس فكما وعدتكم قلت لكم جزئين في اسبوع واحد
النبض ستقيـــــــــــــــم هنا فقط لاجل انتظار طاقمها فهل
انتم على اهبه الااستعــــــــــــداد ؟؟؟؟
اتمنى ان تكون حروفكم متواجده هنا
فهي مرأتـــــــــــــــــي
دعواتكم حفظكم ربي جل مطلبي

مشكوووووووووووووووره نبض على هالبارت ..
يا ملح الجازي وخفة دمها ملح القصه...
ياعزتي لمحمد رحمته مررررررررررررره شايل هم مرضه وهم شيخه اللي
متعلقه فيه ..بس ان شاء الله ان نبض بتخليك ترتاح تكفين لاتموتينه
تكفين لاتموتينه .....
ياكرهي لفالح سبحان الله ماطقته في عيشة الله ياليت مرض محمد فيه ..
اتوقع اللي ارسلت لهذال نوره ...
ياحليلهم اتخيل اشكالهم وهم بالمقلط يحسون باغراض السوق تذكرت شكلنا
اذا جينا من السوق خخخخخخخخخخخخخخخ .
اشتهيت بيتزا حقتهم خخخخخخخخخخخخ
مشكوره نبض على هالبارت الرائع الله يوفقتس دنيا واخره....
نحن مستعدين لكل بارت بينزل وننتظرتس الخميس ان شاء الله ....

ياهلا والله اختي نبض من طول الغيبات جاب الغنايم جزء رائع كعادتك اتضح بعض الغموض في قضية فالح ولكن بدا ء غموض اخر من هي اللي يكلمها هذال ويراسلها ؟ شكرا لك في انتظار المزيد