كاتب الموضوع :
نبض ومشاعر
المنتدى :
الارشيف
السلام عليكم ..
فهاد ..
خف يا ابو سالم علة النوري شوه تراى هي ما تستحق هالي تسويه فيها .. مهما هي سوت وحاولت تقهرك ولكن انت تعرف انها معذورة .. بس بعد ما الومك وانت تشوف تصرفاتها الي تقول تصرفات طفلة صغيرة ..ويبغي لها وقت عشان تعرف الحقيقة وانها ظالمت بحكمها عليك وبالصورة الي ماخذتها عنك .. وهالشي انت تقدر تغيره وقادر عليه مثل ما قلت تخليها توافق برضها عليك وقدرت تسير كل شي تبغيها تنفذه حتى لو من دون رضاها قادر انك تلين قلبها من ناحيتك وتخليها تشوفك بنظره ثانيه غير نظرة الكره والاحتقار .. وخصوصا بعد موقف نوال بالسوق والي هي فسرته غلط ..بالوقت الي كان تصرفك تصرف شخص يخاف ويغير على محارمه ومن واجبه انه يحافظ عليهم ويحميهم كأي انسان عنده كرامة ورجولة ..
نورة ..
موقف السوق الي شفتيه وفسريته غلط .. وانه فهاد يحب نوال وخاطره فيها اعتقد غبي لانه لو كان يبغي نوال ما فكر يتركها برضاه واختارج انتي بالذات وخصوصا معارضة اغلب اهله على هالزواج يعني كان اتزوجها وهي محيرة له وما فكر فيج .. بس اتوقع ردة فعلج كانت غيرة عليه من نوال وحسيت انه مهتم فيها ولا كان ما اعطيتي الموقف اي اهميه لو كان فهاد ما بدا يعني لج شي .. ويوم في السيارة وتفكيرج بشخصيته واهتمامه في ندى الي ينم على انسان حنون طيب يختلف عن االانسان الاناني والقاسي والي يفكر بنفسه وبقرارته .. هذا الشي ممكن يكون بداية علة انج تفكرين فيه من ناحية ثانيه وانه انسان يستحق الاهتمام وممكن تكون الفكرة الي في بالج غير صحيحة .. واذا فعلا فكرتي بالهشي بيكون في صالحج انتي .. بس انتي بتخربين على نفسج باسلوبج وتعاملج مع فهاد والعناد الي تتوقعين من خلاله ببتخلصين من فهاد ويوافق على الطلاق .. بس بالعكس هذا الاسلوب بخليه يتمسك اكثر ويعاند ويحاول يغيضج باي طريقة .. اتوقع بعد تحديد العرس اللحظات الحاسمة قربت بينج وبين فهاد لانه راح يجمعكم مكان وسقف واحد ..
سيف .. سيافي .. سيف فرووووووحه ..
اليوم انت التوب يا ابو هناد .. بردت خاطري بشينة الحلايا الشيفة اماني الي تستحق الي ياها وجزاها واقل من جزاها .. صدق انت الي تقدر عليهم وتادب الساحرات الي ما فيهن حشيمة .. بس عاااد انت خربتها مع الهنوف يوم طاحت ومت من الضحك يوم تسمي على البلاط وانت كنت ناوي تسمي عليها ههههههههههه .. موقف لا تحسد عليه الهنوف واتوقع ما راح تعديه على خير ..لانه موقف رفع ضغطها وزاد النار الي بينكم حطب .. والله يعينكم على بعض ..
هذال وسلمى ..
اخيرا اقتنعت ان لا مفر من سلمى وانها هي الي راح تكون من نصيبك هب غيرها .. وهالشي اكيد بعد ما تاكدت انه رفعه هب من نصيبك ولا راح تكون لك .. ومن صالحك انك ترضى بسلمى لانها بالنهاية هي الي راح تكون زوجتك بما ان هالشي من تخطيط القوى العظمى وما تكون مخير هب مسير بموضوع مصيري يخص حياتك .. بس اتوقع بعد زواجك بتغير الفكرة الي ما خذها عن سلمى ورفضك لها وبتنسى رفعه .. لان سلمى هي المناسبة لك وصفاتها الي هي تميزها عن غيرها وهالشي بتكتشفه بالايام الياية .. وبتكون الانسانة الي تستحق انك تحبها مثل ما هي تحبك .
الساحرات الثلاثة ..
تستاهلن الي ياكن من سيف كفو عليه ابو هنااد ويا ريت كان سوى اكثر .. لانكن تستحقن يالي ما تعرفن طريق الحشيمة .. وتعتقدن ان الحشمة وسترة البنت عقد وتخلف .. وهو ستر وحشمة ورضى الله سبحانه الي امر فيه .. وعفة عن الحرام والفضايح والدليل الموقف الي تعرضت له نوال ولولا وجود فهاد كان هي الحينه مفضوحة بين الخلق .. ويا ريت هذا الموقف يكون عبرة لكن عشان تتقن الله .. وتلبسن ملابس تكون رمز لللحشمة والستر هب العكس .
محمد وشيخة ..
محمد حالتك تنرحم .. وتتعذب ومحد داري بالي فيكم انت وشيخة والكل يلومكم واولهم امك السوسة الي ما همها غير نفسها ولا تفكر في سعادة عيالها ومصلحتهم همها انها تشوف عيالهم بس .. وغير هذا مرضك الي منقص عليك حياتك وشاغل تفكيرك .. وحرامك انك تشوف السعادة مع شيخة الي تتوقع في يوم انك تفارقها وتترك لها الحزن والعذاب بموتك .. بس المفرو يكون عندك الامل بالله وان الله قادر على كل شي وقادر انه يشفيك .. وممكن اذا خبرت شيخة بمرضك بيكون في صالحك لانها اكيد بتوقف وياك وتساعدك عشان تتعالج وتتمسك بالحياة ..
نبوضه .. فديتج والله الف الف شكر لج يالغلا على الهدية .. الرائعة الي مثل صاحبتها ربي ما يخلينا منج ولا من الهدايا الحلوة الي مثلها.. وربي يسلمج ايدينج على هالجزء المثير والمشوق بحداثه .. ولا تعتذرين يالغلا لانج ما قصرتي وملتزمة مثل ما قالت عدوتي بكل جزء تنزلينه بوقته ولا اخلفتي علينا مرة .. والقليل الي يلتزمون بتنزل الاجزاء قصصهم وهذا ان دل يدل على التزامج مع القارئ الي يتابعون القصة .. ربي يوفقج وتنهين القصة على خير .
عدوتي الغالية ..
انا في اشد حالات الصدمة وعدم الاستيعاب هل هذه الرمسة تطلع منج لا والف لا لا الصدق انها من النفس الشريرة التي تفكر في حلال واملاك غيرها ويا ويحااااه منك ايتها النفس الشريرة التي سكنتي عدوتي الغالية وجعلتيها تفكر تفكير سوئي وتفكير اناني لا يمت بصلة لعدوتي الغالية .. بل متاكدة كل التأكيد انها اهدتني سوافي من طيب خاطرها ونفس رضية و لا تفكر في استرجاعه ولا حتى الندم انها اهدتني اياه ههههههههههههههههههههه ..
اقووول بلا كلام وبلا خراااط وبلا خطب لا تجدي نفعا معك ايتها العدوة الغاليه .. افا ثـــم افا خيبتي ظني فيك يا زين وش جاك هههههههههه .. الحينه عقب العطية تبين رد الهدية هذا هب من اسلوم العرب الايواد ولا من شيمهم يا عدوتي .. انتي اهديتي الهدية فلا تفكرين ترجعينها .. في معلوم او ما في معلوم يا ام العسل وقد اعذر من انذر .. والله على ما اقووول شهيد هههههههههههههههه <<<< عدوتي لا تواخذيني على الي قبل تراه منقع وصاير كوكتيل بس افهمي انه تهديد شديد اللهجة هههههههههههه.
التعديل الأخير تم بواسطة فروحه ; 17-01-09 الساعة 08:34 PM
سبب آخر: عدوتي عيب الهدية تنرد وشق جيب هههههههههههههه
|
16-01-09, 02:09 AM
جديد مواضيع قسم الارشيف
العرض العادي
