فروحه - زارا -
سوار - مذهله الخليج - بنوته

غنده - اشتكي - وهايب

فديتكم والله
والله يجزاكم خير من كل قلبي

وهايب - الله يرفع قدرك ويشرفني انضمامك الى طاقمي هنا
ويسعدني تواجدكم من كل قلبي

والحمدالله اتضحت الرؤيا ء
وتم تحديد طاقم متى يرتاح قلــــــــــــــــــب ن بالهوى ملكته

ومن النبض

اصدق الدعاء

السلام عليكم اهلا اخت نبض اقسم بالله ان هذي الراويه الي صكت راسي تسليمن عليه ويالله اليوم الخيمس نستن الراويه على احر من الجمر

ومساء جديد
ونسمات تحملها لنا
اتت متى يرتاح قلب ن بالهوى ملكته


في صفوف الطوابير المدرسه يمشون مشاعل متفشله والهنوف عادي مثل كل يوم ولاكأنها كانت مفصوله تأديبي
اعلنت الصافره ترتيب الطوابير وبدا دعاء الصباح ثم السلام الوطني
ومن ثم الاذاعه المدرسيه
الهنوف- ياربي وش فيس قسم بالله انس غلقه
مشاعل – فيني اني مابي اداوم هنا وانتي خابره
الهنوف – حتى انا بعد بس انتي ليش مكبره السالفه
مشاعل- امي تقول المدرسه هذي كنها حكوميه نظاميه ومافيه مدرسه اهليه متقيده مثلها بعدين حسب العقد مالنا مستحقات لان فيه بند يقول لو طلعت من كيفي مالي شي وفيه بند مالاسره ان تعارض أي عقوبه متفقه عليها من وزاره التربيه والتعليم لانها اولا واخيرا ماهي الاتابعه للمدارس الحكوميه بالمناهج والوائح والقوانين
الهنوف – ياسلام وابله صفيه والمديره نظااااااااام
مشاعل – عاد هذي غصب ماتدرين يمكن زوج مديرتنا يظغط عليها تحسن علاقتها عشان زوج ابله صفيه يتسامح معه في اجازات – رخص ومن هالكلام
الهنوف- خلينا نخلص وتشوفين السنع
مشاعل – والي يرحم والديس ياهنوف مالنا خلق مجاكر
الهنوف- انا كبدي تونس مر
خليني ابرد حرتي
مشاعل قعدت تحلطم على هنوف الي جوها ضاااااااارب

في مكتبه طرى عليه وحط القائمه وعلى طول هذال
هذال- ارحب يالله حي ذالصوت حيه
فهاد الله يبقيك ويحيك وش حالك اربك طيب
هذال- بخير وسهاله علوم المعرس
فهاد- بخير زان حالك وعقبال عرسنا واحد
هذال- فالك لنا ماقبلناه على ذا الصبح
فهاد- افا ياذالعلم بعدين تعال انا اخبركم ببناتنا كلهم ومن كلام مشاعل البنت ماتلحقها العيبه ولا القصور ينوشها
هذال – كذا من الله يافهاد مابيها بعدين انا مالي حق اختار حياتي
هذا انت يافهاد اختاروها لك حياتك ومارضيت وبعدين ياخي هذي وحده رقله لاشافتني تضيع علومها وترجف وحالتها حاله لاحاكيتها ماعاد صفت كلمتين فوق بعض احسها من طقت البنات الي من تشوف الرجال خلاص ينقلب حالها وبعدين صغيره
فهاد – خلصت
هذال يتنهد ايه-
فهاد- سبحان الله مايعجب ادم عجب الحين بدل ماتستانس تنكد على عمرك
ثانيا البنت على كلام البنات ماهيب مهزوزه مثل ماتقول ثالثا العمر عمره ماحدد مسار سعاده وتعاسه الوفق بيد الله
لكن سلمى تنحب البنات يمدحون بها هياء والجازي يقولون مامثلها فليه تهملها للبعيد
ضحك هذال – على طاري اهملها علمتك اني بغيت اخبص الدنيا واجيب العيد يوم العشاء
وقعد يعلمه بسالفه عمه يوم بغى يقول انه مرخصها لولا انه شاف ابوه يغمز بضحه لعمه
ضحك فهاد عليه –
هذال – وش عليك انت الي اختاروه لك ماخذيتها وخذت الي تبي والمشكله محد ضاق منك وانا لو اسويها والله ان يحطون علي انقلاب
ضحك فهاد لين بانت ثناياه الي تسحر من شافها وتمنى من صاحبها انه دايم على ذا الحــــــــــــــــــــال
تدري علومن ذي مايجيبه جوال مايجيبها الامجلس تاتينا فيه وش رايك
هذال- شورك وهدايه الله



في الكليه تمشي وهي راسمه ابتسامه تسحر
ابتسامه تحكي عن كل شي بنفسها
وحده من البنات واقفه تشتري وسلمى تطلع بوكها من الشنطه
البنت لوخويتها- شوفي هذي الي قاعده تحوس بالشنطه ولد عمها يجنن ويقولون حاجرها شفته طالع في المزاين
البنت- بالله عليس لاطلع علميني
البنت- جنان بدق عليس واسمه هذال ماشالله وجه زين واسم زين وبياخذ وحده ماكنها الاجوريه بين البنات
البنت الثانيه – ماشالله عليها
البنت- ويقولون ميييييييييييييييت عليها ويحبها وحد من صديقاتها اختها مع اختي وتعلمها حتى مواقفه معها
كانت تسمع لهم صابتها غيره يوم يمدحونه لكن الشعور الاكبر كان النشوه والفرحه
كان احلى شعور دايم البنات يسبون العاده القديمه (الحجر) على بنت العم
لكن سلمى تعتبرها احلى حاجه في دنياها
طاح شعرها على وجهها ولفته ورى اذنها بطريقه المستحي والفرحان
وسكرت الشنطه وطلعت من المبنى وفي نص الطريق ضحكت
لانها طلعت من الكفتريا ماشرت شي وراحت افكارها مع كلام البنات
وكأن ذكره ينسيها الشرب والزاد لااالااااالا
الا ذكره ينسيها العناء بكبره
ابتسمت ورجعت للكفتريا !!!!!!!!!!!!!!

في غرفه المدرسات على الساعه تسع
نوره تدخل ومعها شرايط واطواق ملونه وكيس كور صغيره
السلام عليكم ورحمه الله وبركاته
المعلمات – وعليكم السلام ورحمه الله وبركاته
نوره- وين ابله نعيمه ((( المعلمه المساعده))) في الفصل
شوي الاودخلت ابله نعيمه معها شاهي
نعيمه- هذا انا جيتك ياناشدن عني
ماهو تقولون كذا
ضحكت نوره – ايه الله يسلمك ياعيوني ماهوتقولين كذا
وضحكو المعلمات
نعيمه- الاصدق خلينا نجرب تكلمي بكلام حضر وانا بدو ونشوف من تظبط
نوره- ياقليبي انتي انا مابه حكي يزهاني لا حكي ابوي وجداني وكل لهجه على اهلها وش زينها
هيام وهي ترتب الحلويات في السله- ماشالله يانوره مجتهده من الحين
نوره – الحمدالله البدايه دايم كذا بس قولي يارب تمه
هيام – ياعين ابوي انتي من قلب تشتغلين
نوره – احس اني مرتاحه وتلتفت نوره على نعيمه الي تاكل
ويل قلبي تاكلين والمديره تقول المعلمات المساعدات يتولون العب الخارجي خلاص الاطفال طلعو من نشاط الحلقه
من اليوم
هيام – يابعد حيي انتي هذي لوتشوف الاكل تودع عقلها في الغياهب
والظلام
نوره-هههههههههههه ماتوقعتس يانعيمه اكووووول
نعيمه تنفض يدها- ماااااالت زين كان وحد غثيثه انزلي من اليوم والثانيه ماغير حاطه عيونها علي كني اكل من حلالها
وراحت لنوره وخذت الالعاب وقبل ماتطلع حوست شعر نوره الي كانت رافعته بطريقه حلوه
نوره وهي تعدل شعرها – خايسه اخلاق ذاالبنت
هيام على طاري البنت انتي متزوجه- نوره مطلقه ومتملكه
هيام – حلوه وشلون يابعد حيي تجي هذي ؟؟؟؟؟؟؟؟؟؟؟؟
نوره تعدل شعرها وتكلم هيام وهي تطالع نفسها ف المرايه- مطلقه من ولد عمي وباخذ ولد عمي
هيام – ماقلت لتس يقولون ان مرت فهاد ال....
الي يطلع في الساحه بتجي عندنا تعرفونها شي
تقرب لكم.... ... ......من قريب ولابعيد ؟؟؟؟
ضحكت نوره- ومن قالس ها الاشاعه ؟؟؟
هيام – شوفي انا محد قالي بس سمعت الوكيله ابله ضحى تسولف على المعلمات واكيد الي علمها المديره
نوره بفضول – طيب وين المهم في الموضوع؟؟؟؟
هيام- بنشوف الي يسرق الماء من العين من هو ماخذ يعني حلوه من مستوا ه وش شكلها وليش تو يعرس ؟؟؟
ومن شغل الحريم الي انتي خابره
نوره تصب لها شاهي – انا اعرفها اذا على حلوه فهي حليوه من مستواه مادري وش تقصدين بها لكن كلهم سوى لكن ليه توه يعرس ؟؟؟
ماسألته؟؟؟؟؟
هيام فاتحه عيونها- وشلون ماسألتيه ؟؟؟!!!!!!!!!
نوره وهي تقعد على الكنب الي في وسط الغرفه
وتاخذلها جبن وخبز – لاني ياعزيزتي وسكتت لحظه عشان تطلع الكلمه بسهوله من دون ماتلاحظ هيام شي
ثم استرسلت لاني
مــــــــــــــــــــــــــــــرته !!!!
هيام-!!!!!!!!!!!!!!!!!!!!!!!!!!!!!

في السيب حق فصول ادبي وقت الفسحه
حنان- عوده محموده ياعيوني
الهنوف- ياقلبي انتي صايره ذربه عقب الغيبه
حنان- احس وناسه الغياب بس عاد ماودي فصل
وتعرفين الفصل للمخالفين للانظمه وانا اهم شي عندي النظااااااااام
( تغيض البنات )
الهنوف- ليه اهم شي النظام الي في خاطرس انتي وامس سووه
يعني لانظام ولاشي من عندي المديره في المخبى وتأشر على جيبها وعسى الله يخلي لكم الوالد وتعرفين عاد سياسه ((امسكي لي واقطع لك))
عشان زوجها ماراح ترفض لس وعشان اموركم تسهل ماراح ترفضون لها
ومصالح مشتركه ويمشي الحال
مشاعل تحطمت يوم درت ان الهنوف جابت العيد
حنان بغضب- وشلون يعني
الهنوف- يعني ياعمري لااحد يقول نظام ونتابع الانظمه وانا لوبغيت نكبتكم عند اكبر راس في التربيه ماهوب على سالفه فصلي
الاعلى الجوال الكميرى الي ينمسك ولاحد يسوي شي وعلى اشرطه الافلام الي خبري خبرس وماحد يتكلم
فاامسكي لسانس ابرك لس تراس مانتب ند لي ولاشاعات الي تطلعينها علي قسم بالله لو ماتقصرينها ماتعينين خير
حنان- احلفي تراني خاااااايفه انتي انكبي وانا انكب وخلي كل وحده تبين مستورها
الهنوف اجتاحها خوف بس مابينت- مانيب على شي شين عشان اخاف مستوري لايظهر لكن الي ماتطولينه بذي وتأشر على يدها
طوليه بذي وتلمس رجلها بطرف رجلها
مشاعل واخيرا جاتها فرصه – خلاص يابنات ماتسوى السالفه
لفت الهنوف وهي تقول يالله مشينا صدق السالفه ماتسوى
حنان- الاانتي الي ماتسوين
سفهوها البنات والهنوف تغلي وش تنكبني فيه تخسي
الاهي

في البنك على مكتبها الجازي متردده
شافت جوالهاابتسمت وارسلت
صبحك الله بالخير يامبارك
الجوز اليوم خاطرها في سوق
بيحصل ولا لا
وراحت الرساله
وماانتظرت واجد الين جاها الرد او الصدمه
صبحس الله بمثله
ياليتس والله تعرفين تصفين حكي مثل ماتصفينه للطلايب
ويحز في خاطري ارد الجوز بس عاد مقسوم
انقهرت منه وفي خاطرها- هين يامبارك تحمس كنك بزر كله عشان شعر وزيت طيب طيب
مبارك بيخليها تروح بس عشان يأدبها معه لاجات تطلب يازين كلامها وغيره يفضى قاموسها


في المعارض الشيبان حزه الضحى وجمعه من احلى جمعه جلستهم تحكي العمر تحكي الاخوه تحكي كل شي حلو في معناه ثلاث اشخاص الشيب خلل لحاهم لون قلوبهم ليس ببعيد عن الون الذي كساء لحاهم وشعرهم
ابوسعد- جهز العامل العزبه وكل شي زاهب
ابو فهاد اجل نمشي عقب العصر
ابو فالح – من الي بيخاوينا من العيال
ابوسعد- هذال وسعد ومبارك وحمد
وفهاد وفالح ومحمد بيعود اليوم بيريح ثم بيلحقنا مع سيف وسعود
ابو فهاد- الله يعين مابغت تخلص امورنا والله يعين لاانتهى المزاين


شيخه في البيت ترتب شنطتها وتحط عطرها ولفت تشوف نفسها وارتاحت
مفيره شعرها فرنسي وحاطه روج فوشي لابسه بنفسج
الورده الفوشيه وراء اذنها معطيتها ستايل ناعم
تحتري العيال يجون من الدومات عشان يودونها لان محمد على العصر موجود
وعقدت حواجبها اول ماطرت عمتها وتنهدت يالله ياكريم تصبرني
وخذت جوالها وارسلت
ياشوق عجل في مجيك وفي غلاك لاتمتحنا
العروق ضاميه و احرق الحشــــاء التهابها

في الطريق يشوف اللوحه رافقتكم السلامه
خنقته عبره ورسم ابتسامه استهزاء – أي سلامه ترافقني
الا ....... -وجع بين المحاني مرافقني
قطع عليه تفكيره صوت الرساله
واضحك – دايم الشيخه حزات الضيقه تقبل
يالله ياشيخه متى الله يكرمنا ويرزقنا باالضناء
قبل لااروح واودع دنياي
وارسل
لاجل الغـلا نطـوي البيـدا ونقطعهـا
مـشـاعـر الـحــب لاعـنــت تعنـيـيـنـي
لاقلـت لبيـه مـن ثغـرك وانـا اسمعهـا
نسيـت بعـد المسافـه بيـنـك وبيـنـي
ياعشـقـه الـــروح يـاخـيـره مطامـعـهـا
شوفت (الشيخه) عـن باقـي الدنيـا تكفيـنـي
محبتـك في قلبي مـن سنـيـن زارعـها
تجـري مـع دم قلبـي فـي شرايينـي
وانـتـه وداعـتـك روحــي لاتضيـعـهـا
والقلب عاشقك قبل تشوفك العيني
لـو ان كبـدي هجيـر الشـوق لايعهـا
امـــر عـطـشـان والشـيـمـه تـعـديـنـي
ام الـدلـع فــي ذرى شـيـخ مدلعـهـا
زيـزوم قـوم علـي الشـدات قاسيـنـي


لشاع سلطان الهاجري
فتحت الرساله الي كان اسم مرسلها للحين متعبني
ورسمت على وجهها اجمل ملامح لسعاده وراحت للمرايه تعدل نفسها وكانها عروس بتقابل عريسها

في بيت سعد
منيره- كل شي جاهز والعزبه والمه شوف شي ناقصها وعلمني
سعد قام ولاتكلم كلمه وحد ه وانقهرت منه
لحقته وهو قاعد يشوف العزبه
منيرهواقف عند الباب ومتكيه – ماتدري متى العرس
فهاد – يقولون يمكن عقب المزاين يعني في عطله الحج
منيره- طيب صحيح نوره ماتبي عرس
سعد- ماادري بس حقها
منيره بصبر متصنع- لاماهوب من حقها لانها ماهيب مثله
هو مابعد اعرس وهي قد اعرست بعدين نبي نفرح باخونا
سعد رمى كيس الهيل من يده – شوفي لامن حقها دامه هو الي خطب وهو الي قدم بعدين تبين افرحي محد رادس شوفي يامنيره
ماخربت علاقتي معس الايوم قمتي تتبعين هبال النسوان بعدين مالس دخل في عرسهم مالس دخل انتي فاهمه ولاعاد تحاكين عن نوره بذا لطريقه تراها ماعاد تخفاني
ولا والله ماتلومين الاعمرس
ورجع للعزبه يتفقدها
منيره طلعت لغرفتها تمشي بسرعه ودموعها في عينها من سعد ومن طريقه تعامله و بنفسها- الله ياخذها كان من دخلت عيشتي وهي قالبتها
الله ياخذهم خواتك كانهم على قولة ام فالح مقطوعات نصيب من اصغرهم الى اكبرهم

في غرفه الانتظار للمعلمات والاطفال نهايه الدوام
نوره – وش فيس ياهيام مانتي طبيعيه
هيام- ياختي صدمتيني معقوله انتي مرته
نوره – يالله خلينا من ذا كله وقولي من مستواه ولا لا؟؟
هيام- اذعلى المستوى لا مانتي بحوله؟؟ ولايمه !!!!!!!!
نوره – اكيد حبيبتي مانيب حوله ولاويني وهو ويييييين ؟؟؟؟؟
هيام – بتلقف بس ماعليه ليه ماشوفس فرحانه
نوره ابتلشت بس جاوبت – يمكن عشاني قد اعرست
فخلاص مابه جديد وحبت تغير الموضوع لماشافت زايد ونادته على طول زاااااااااااااايد واشرت له
وجاها يركض لين طاح بحظنها
ورفعته لها
نوره- حي الله الشيخ
زايد- الله يحييس
نوره بصوت طفولي – ويبقيك يابعد عيني
زايد- بعد شوي بتجي عمتي هند وابوي وبتجيب لي حلاو ومصاص
نوره – طيب بق لي واذا جاء بكره تجيبها خلاص
زايد فرحان – خلاص اتفقنا
الحارس يوت بالمايك – ينادي زايد لان ولي امره جاء
هيام- ترى ماهوب زين تفرقين معاملته تقول نعيمه لاشافته نوره تنسى كل الي حولها
نوره بالم – غصب عني غصب

في مستشفى الملك فهد في الرياض في مكان يلتقي فيه الامل ولالم
في مكان تشم فيه رائحه الموت ورائحه الحياه في مكان غريب تموت فيه ارواح وتحيا فيه ارواح وترحل منه ارواح وتولدهنا ايضا اروح
البياض والسواد نقيضان ولكن اجتمعا هنا
الدكتور – يطالع ويعم الصمت لحظات ويعم السكون اجواء الغرفه البارده
كان استقبال الرياض له هكذا بنوبه ((( ذبحه صدريه)))
عدل جلسته ولبس فانيلته
ها دكتور بشرني لاني استغرب الالم الحين في كتفي والجزاء وراء ظهري
الدكتور- لا شي طبيعي يحس صاحب الذبحه الصدريه بالم في الكتف الايسر لكن علمني يامحمد وش قال لك الدكتور الي انت عنده على العمليه
محمد- قال لي في امل في العلاج والعمليه لكن العمليه نسبه نجاحها 60%في الميه واذا مانجحت ........... مالله كاتب اعيش لانها في منطقه حساسه
والعلاج ماشي الحين وانا يادكتور رفضت العمليه دام انها ماهيب مضمونه وامشي بالعلاج لين يريد الله
لم الاوراق الدكتور السعودي الي كان مطوع وعلامه الايمان في وجه المنور بطاعه ارحمن وتكلم بثبات – طيب عندك علم ان كل مازدت وقت تأخير العمليه قلت نسبه نجاحها
سكت – محمد اذكر الدكتور قالي شي مثل كذا
الدكتور- شوف يامحمد راح اصرف لك حبوب تمنع تخثر الدم تحسب لاي جلطه وراح اصرف حبوب تحت السان توسع الااورده التاجيه ومفعولها سريع
محمد بوجع داخلي مايخفى الدكتور الي تعود على حاله انكسا ر مرضاه- كم بقى لي يادكــــــــــــتور؟؟؟
نزل الدكتور نظارته وتمتم – استغفر الله العظيم انت انسان مؤمن ومتعلم ومايصير تسأل هذا السؤال لااحد من خلقه الاعمار بيد الله لكن شوف صارلي ياخ محمد 9 سنوات وانا هنا عمري ماقلت لاحد كم باقي له تدري ليه؟؟؟ لانه هو مريض ويمكن الموت مابينه وبينه شي من صحته المدهوره في حين فيه شاب بصحته الى ان الشاب يمكن يقدر الله يموت بحادث في سكته والمريض تم يومه ماصار له شي ويمكن يتم الشهر والسن والي بقوته وصحته يقدر الله عليه ويموت هذي اجاااال يامحمد
محمد- والنعم بالله
الدكتور- ويا ليت يامحمد تنقل ملف علاجك عندنا اذا ماعندك مانع
محمد يبتسم وش دراك يادكتور احس اني ارتحت نفسيا هينا من دخلت وقلت في خاطري برسل اوراقي عندك
الدكتور – الله يجزاك خير
وطلع محمد من عند الدكتور
وقلبه تعبان – وجوفه ممتلي هموم – وراسه تجيبه طواري وتقفي به طواري
طالع الدرج وقفله وتذكر راعيته وسوالفها
اشتاق لها اشتاق لزعلها اشتاق لكل شي فيها

في بيت ابو فالح
على الغداء كلهم متجمعين
بشاير تحط الصالونه في جال سيف وسيف مايحبها وهوياخذ التراز – يعني الفلفل ويحطه في جالها
كان منتبه لهم ابوفالح
ابو فالح يحاكي فالح- قيل يابوك عشان نمشي العصر
وتلفت ابو فالح للنسوان زهبو العزبه
ام فالح – على خير
بشاير تشرب ماء وسيف يضحك وهو يوخر الصالونه من دربه
سلمى تشوفهم وتضحك
ام فالح – قول لمرتك لاعاد تصفر يامك شوف سفرتنا ماعاد فرقناها
من كم يوم هي ترقد وماتغدى
سفرتهم ثنتين عشان سيف ماهو محرم الااماني فمايصير يتغدى معهم
فالح – ماعليه تقول تعبانه شوي
ابو فالح – ماتشوف شر
سيف ماهوب معهم يضحك بخفيف
ابو فالح – اركد واثقل بكره لاجوزناك وش بتسوي
ماتعلمني
هنا وقفت اللقمه في حلقه بلعها بصعوبه ورفع راسه للقاعدين وشاف عيونهم وشلون سمرت عليه
وعلى طول جاوب ابوه – توني توني جعلني فداك
ابوفالح- لاماهوب توك وظيفه وتوظفت ودراسه ودرست وش عادك تبي
لاغزى راسك الشيب
وعصب سيف- بصراحه يبه دام المره الهنوف ودي يغزي راسي الشيب ولا اخذها
ابوفالح ملامحه جمدت وناظر ام فالح نظره تحمل معنى تهديد يعني انا انتي الي عيفت الولد في بنت اخوي وعلى طول رجع شوفه لسيف وفجر قنبلته الي مايحتملها سيف وبصوت عالي يلج- احمد ربك كانها وافقت عليك ولا واحد لادراسه مع المسلمين وتوه يمسك عظام راسه- كنايه على ان توه يعقل وراعي سهر واستراحات وجدري وسلال وعلومن ماتطلق الوجه
وش يحدها عليه ماتقول لي الا خل خمالك تستره بنت عمك
سيف نفض القمه وقال- مانيب راعي علومن رديه و ماتوظفت عشان تجوزوني ولانيب الرجال الي تستر خمالي مره – يعني تستر عيوبي وتداريها مره
وراح معصب


في بيت ابو سعد راحت شيخه مع حمد لبيت عمها
ونوره في غرفتها سمعت طق على الباب – ادخل
الجازي – وش عندس ماقيلتي
نوره – ابد ماجاني نوم ولاعندي رقم جواله اعزمه احتريه ماجاء
وش عندس بذالقايله مقبله العاده خامده ؟؟؟
الجازي بتردد- شوفي نوره هذا لس انتي ومدت الكرت
فيه رقم فهاد
احتقن وجه نوره بالدم وحمر وهي ساكته
الجازي – تراس يوم ملكت جبتي لي رقم مبارك دون محد يدري وهو الي موصيس ولاتكلمين بس على الاقل رسايل
مسكت نوره الورقه وقطعتها قدام الجازي
عصبت الجازي منها- الظاهر مامنس فايده لكن احسن لس اخذيه ماهوب عشان ترسلين او شي بس عشان اذا ارسل تعرفين انه رقمه لان رقمس عنده وطلعت
وهي مخليه وراها نوره فاتحه فمها من الصدمه رقمي معه
كذا يالجازي تسوين فيني
؟؟؟؟؟؟؟؟؟
دنقت راسها ورجعت ترفعها وهي ماسكه شعرها لايطيح على وجهها
وشافت نفسهها في مرايه الكبت الي قدامها وخذتها الذكرى لذاك اليوم
ليوم الجرح ليوم الي ماراح تنساه
فهاد وفالح في بيت الشعر
ونوره رايحه تودي القهوه والشاهي عند الباب لين يجي احد ياخذها لان مافيه احد من العيال
فالح – ايه ملزم
فهاد – الحين وش الي حادك عليها
فالح – في خاطري وابيها
فهاد- اول شي نوره اكبربناتنا عقب منيره وماهيب حولك ؟؟كبيره وعسره طبع
فالح- صملت وبحاكي عمي قريب بعدين لواحد يبيها كان خطبها ولاخذاها
حتى انت ماحاكيت فيها احد
فهاد- هذا انت قلتها لوبه احد يبيها كان خذها بس دامك صامل الله يكتب الي فيه الخير
نوره انجرحت كرامتها وانطعن كبريائها وفي الصميم جابها
ووين ؟؟؟ في بيت ابوي ؟؟حتى ماحشم النذل اهل البيت الي هو قاعد عندهم يسب بنتهم الي هي لحمته وبنت عمه صدق نذل وقليل مروه واصلا لوفيه مروه ماكان ياخذني عشان يغيض فالح
خذت الرقم جمعت الورقه وسجلته
باسم
_((((((((((((شــــــــــــــــين الحــــــــــــــلايا))))))))))
عشان الادق ماترد وتكون عارفه رقمه
وانسدحت وهي مستانسه كانها سوت انجاز وكانه شافها جاتها فرحه بمجرد انها عبرت عن شعورها بطريقه بسيطه

في غرفه عيالها وتلحف حمود كانت تكلم بالجوال- ايه مثل ماقلت لك الاوضاع بصراحه ماتبشر يعني لاترسل الحين وخاصه يوم قطعت ارقم
فهاد- على خير اجل يالله فمان الله

فتحت الدرج وطلعت بخاخها وشبكت جهازها وجلست والايعلن جوالها وصول رساله
ومسكتها رجفه لما قرت المكتوب
!!!!!!!!!!!!!!!!!!!!!!!!!!!!!!!!

قاعدين يشربون شاهي كلهم متجمعين ماعد فالح وابو فالح الي راحو يقيلو عشان مشوارهم
سلمى- ياعمري والله الهنوف عسل اكبااااااااد ليه ماخذ عنها فكره شينه
بشاير- لاحبيبيتي سيف قلبه طيب والهنوف قليله ادب ولسانها سليط وين تصلح لسيف معه
اماني وهي تنزل بيالتها- تدرون ليش ردها عشان هذي ياعيوني عقوبه الله يوم هملو نوال وخذته العقرب نويران قال الله ان ترجع على راس اختها وتنعاف وخلهم جعله ابرك واسعد وسعود يقول فالح مانيب مجوزه بشاير وكل واحد تسبب على اهله هي تسببت على اختها وهوتسبب على اخوه
وخل يدرون ا نوال وراها ظهر مايسكت على مسخرتهم
ام فالح- لبى قلبس يااماني والله
سلمى- لاحبيتي هذا اسمه قسمه ونصيب لانهم ماسوو معصيه عشان يعاقبهم ربي
ام فالح- الله يقطع لسانس الحين مرت اخوس تدافع عن اهلس توقفين ضدهم كله عشان واحد للحين ماخذتيه ياقليله الخاتمه ترى هي اختس والي راح اخوس
هنا تعبرت نوال يوم قالت امها لسلمى ترى هي اختس وحست بالم – يمه ماعليس منها خليها يايمه خليها
وقامت نوال من المجلس
اماني معصبه – بكره لاهملس ولا لاصار شي بين الشيبان وهونو ساعاتها بتعرفين ان الله حق وماهوب معناة انه يبيس خلاص السفينه على المواني لا ياحبيبتي الرياح ماتنومن
راحت سلمى لغرفه اختها نوال ترضيها مع انها ماهيب مقتنعه بوجه نظرها بس يكفي انها اختها الكبيره وضايقه وبترضيها
وقفت على باب غرفتها ومسحت دموعها – وطقت الباب ودخلت
شافتها في سريرها تبكي ومتلحفه – راحت لها ركض وطاحت عليها وانفجرت صياح لما حست انها هي السبب في بكاها

في الحمام تغسل وجهها وطلعت وشافت الجوال مسكتها رجفه لما تذكرت رسالته
مساس الله بالخير
اربس طيبه يالعروس ؟؟؟؟
ثانيا مبروك عليس انـــــــــــــــــــا
نوره – مغروووووووووووور
لانه هو اليوم الي احتريه م زما ن واخيرا طاب خااااااااطري
نوره – داريه ياالنذل اكيد طاب خاطرك
ولاشلون اشفيت غليلك
ومسكت الجوال انشاء رساله جديده
قاعد يفتش في الكبت الي تهالكت اجزاءه وضحك لما تذكر اخته الجازي تقول غرفتك متحف اثري وماهوب راضي يغير شي من اثاثها
رن جواله رساله واختفت ابتسامته وضرب عرق في راسه وضغط على الجوال بكل قوته ويده الثانيه يفردها ويقبضها
وعيونه تقرى العو ض اكثر من مره وشلون تجرا وشلون تذكره الحين وتقارني فيه وشلون
الرساله

العروس حال الردى كاسيها يوم صار العوض في مثلك وشرواك
واذا مبروك علي مره فمبروك عليك انـــــــــــــــــــــــــا مليون
والحين طاب خاطري
من يوم حطت ارسال وهي خايفه لايجي ويذبحها يسويها النذل والله لو بغى مد العقال عليها اعرفه اناني الي في خاطره يسويه غصب

في مكان ماهوب بعيد عن نوره
حمد يأكل بنته بسكوت – والله ياهياء مدري شكلها ماش حتى اليوم ماقعدت معي خمس دقايق
هياء- عادي السالفه بشويش ماهيب خبط لزق
حمد- انارجال مايب قاعد احتري رجاوي رضاها فهميها ياهياء وعلميها
هياء – تدري وش الي رجعنا اسلوبك – ايه اسلوبك اعوذ بالله يوم زانت بتخربها
حمد- لامتى وانا اطرد وراها خلاص ماصار شي
هياء- تدري لوانها صارت مع واحد من اخواني ياحمد وبقولها لك بصدق قسم بالله ماعــــــــــــاد ارجــــــــــــــــيه
نزل حمد البسكوت من يده وصعقته كلمه هياء وبنته فاتحه فمها تحتري ابوها يحط البسكوت في فمها
لكن حمد نزل البسكوت وطلع منهم خذت هياء العلبه وقعدت تأكل بنتها وهي توسوس لايكون جرحته وتندمت انها قالت له الكلمه

ضاقت عليها الغرفه وكرهت نفسها
زين ان حضرة المقدم عوض حيس فيس رجاء والعوض يمكن يصيب ويمكن يخيب
لكن انا مستحيل افكر اني احطس عوض ولاجاء في بالي
اصلا الظاهر انس نسيتي نفسس تذكريها زين
نوره وعيونها تذرف دمع -
يعايرني باني مطلقه ثاني مره يعايرني الخلال
حسبي عليك كانك احرقت جوفي حسبي عليك
عطت جوالها مقفل
وهومنسدح كان صادق في كل كلمه ارسلها وكان عارف وشلون بتفسرها
كتب اليوم طاب خاطري
لانه كان مناه ذا اليوم
وفهمت انه تحدي وغيض لفالح ومناه تحقق
وكلمه العوض كان عارف انها بتفسرها انها ماهيب كفو يحطها عوض لاحد في حين ان مافكر يحطها عوض لانها راس المال والمبتغى فكيف تصير العوض وهي الاساس ؟؟؟؟؟
شاف ساعته مابقى شي على العصر وضحك- والله ان الكلمات جات في محلها اشفيت غليلي وقهرتس والكلمات لها معنى ثاني يعني لوجاء يوم ابرر فيه فكل شي من صالحــــــي
صحيح ان (((((((الكلام ســــــــــــــــــــــــــلاح ذو حدين)))))
و((((( صـــدق ان العسكــــريـــــــــه بتجيب راسس ياالنوري)))))

نامت والحوسه في البيت عشان روحة السوق
الهنوف تكلم مشاعل عشان تروح معهم وتكلم سلمى وبشاير
لانه حددو روحتهم و بيرحون مكه لارجعو من المزاين العيال والشيبان
وهياء تصوت للخدامات عشان تلبس بنـــــتها
والجازي تصايح عشان تكوي لوتي برقعها
وحاله استنفــــــــــــــار في البيت مثل كل بيت لاطرى مراح سوق فجأءه
ينعفس اوله وتاليه الي قدامهم يضيع من الحوسه




تمت
وش بيصير في السوق
وش هو الي بيجمع فهاد ونوال ؟؟؟؟
والهنوف وسيف ؟؟؟؟وش راح يصير بينهم وليه بتبكي الهنوف
الجازي ومواقف لاتتكرر مع انثى من نوع اخر
وحمد وش راح يسوي مع نوره
تواقعاتكم وارئكم

واخيرا
من النبض اصدق التحــــــــــــــــــــــــايا

السلاااام عليكم..
نبوووضه.. ماراح اقوول البارت قصير.. بس بقوول اتمنى انتس تطوولينه اكثر من كذااا المره الجايه.. وش فهمتي من كلامي هذااا؟؟ اكيد فهمتي ان البارت قصييير.. هخهخهخه

الجزء هادي صراحه ماافيه اكشن مدمر.. بس احلى شي انا عرفنا ليش نوره ماتطيق فهاد.. بس صراحه فهاد قهرني وهوو يكلم فالح عنها ويقول لاتاخذهااا.. باين اصلاا من كلامه انه يحبها بس الظروف ماساعدته...

الهنوف ومشاعل : الهنووف ياا قوويه انتي عليتس فيهاا الحيوانه ام المصالح خليها ماترفع راسهاا. بس يالهنووف مع هذاا اقوولتس خفي الضغط شووي لاا يودوونتس بداهيه قيل الاختبارات ويخربون مستقبلتس كله.. وانتي ياامشاعل خليتس اللي تنبهين عمتس قبل مايتطوور الوضع وتروح بداهيه بسبب لسانها.. بس يااخوفي انتي اللي تودين الدنياا كلهاا بداهيه.. هخهخهه. بس والله هذيك الحيوانه مهيب قليله ويااخوفي تقوول عنكم كلام يمس شرفكم.. هالاشكال والله ينخاف منهم..ويمكن لو قالت كلام بالنوع هذاا ياا الهنووف تتغير حياتس كلهاا.. الله يستر عليتس ياارب..

ســيــف : خير ان شاء الله !!! وش هالكلام اللي قلته لابوك وانك مااتبي تاخذ الهنوف لوو غزااا الشيب رااسك..؟؟ لااا يااقلبي بتااخذهاا ورجلك فووووق رقبتك.. بتااخذهااا وانت مااتشووف الدرب بتااخذهااا وانت ترقص وتلعب بعد.. هذاا اللي بعد ناقصنااا رجاجيل يرفضوون البنات القويات.. والله ان تاخذهاا ياا سيف غصب مهووب طيب بعد.. وخلني اشووفك ترجع تقوول هالكلام مره ثانيه لااا اكون دااخله عليك ومسطرتك.. هع..هخهخهخه
سيف انت الحين لااا تركب رااسك صدقني البنت بتاااخذهاا وبتصير انت وياهاا اصدقاااء .. >> هاه عساك اقتنعت.. هخهخه
تدري يمكن اصلااا ابوك عقب كلامك هذاا يروح يخطبهاا وانت ماتدري وبعدهاا يخلوون الزواج بعد ماتخلص الاختبارات على طوووول.. وهذيك الساعه .. بيتكون انت وهي تحت الامر الواقع .. وماراح تكسرون كلام الشيااب .. بس بتكسروون رووس بعضكم.. هخهخهخه

الجازي ومبارك :: الجووز..هههههههههههههههه.. والله تعرفين يطلع منتس كلام حلووو.. طيب ياا الدبشه ليش من الاول ماتقوولين للمسكين كلمتين من هذولي وتسكتينه عنتس.؟؟ هخهخهخه
الله يعينتس ياا الجووز شكل مباارك تووه ريض فيتس بعد.. وانت ياا مباارك متى تتوقع يخلص درس التربيه هذاااا؟؟ والله اتوقع انك تنجلط قبل مايخلص. الله يعينك على ام دلع المصالح الجوووز.. هخهخهخه

هذال وسلمى : هذاااااال اسمح لي اقوولك انك غبي.. الحين الحيااء لما تشوفك بنت عمك وانها ماتقدر تقوول كلمتين على بعض صااروا ذنب مايغتفر.. الحين عشاناها تستحي منك والا من طاريك صارت كوخه؟؟؟ هذال اسمح لي كلامك عن سلمى رفع ضغطي مرره منك.. ماتستااهل سلمى تقوول عنها كذاا .. هذا وهي احسن وحده باهلهاا وتقول عنها كذا . اجل لو انها مثل العله اخها نوال وش سوويت؟؟؟؟ تسنع ياا هذال وادحر عنك الشيطان وبطل هالكلام وهالرفض اللي ماله داعي و واقتنع بنصيبك وانت بترتااح .. واهم شي انك بتريحناا ياشيخ.. هخهخه
سلمى : يااعمري انتي.. والله ان هذاال مايستااهل تفكرين فيه لوو ثانيه وهوو يقول عنتس هالكلام.. يااقلبي عليتس وانتي بالجامعه والبنات قليلات الادب يتكلمن عن هذال وانتي غيرانه بس سبحان الله الحريم من يمدحن شووي نسن كلش. هخهخهخه.. عشاانهم قالوا حلوه نسيتي غيرتس عليه شووي؟؟ هخهخهخه.. سلمى والله اني خااايفه عليتس من سالفة هالزواج.. يمكن انتي تدرين عن هالرفض قبل يخطبتس رسمي وهناا تفجرين انتي القنبله وهي انتس ترفضينه ويكون الرفض منتس انتي موو منه..؟؟ ويمكن تكتشفين هالشي عقب الزواج.. وهناا عاد بعد الفوت ماينفع الصوت.. ياا انتس بتخلينه يحبتس غصب او انتس بتخلينه يطلقتس.. احس وضعتس ماايحتمل له احتمال ثالث غير هذولا؟؟؟

نوال :: والله ماارحمتس وانتي تصاايحين... للحين هبلاا وتبكين على الاطلاال.. شرتس كله من هالاماني الله لايبارك فيهااا... من تجي تجيب علوم مثل وجهاا.. قال فالح يقول ماراح يخلي سعود يتزوج بنتهم؟؟ اقوول انطمي بس.. من زين فالح والا من مرجلته عشاان يقول والا يفصل.. اقوول يااليتس سااكته وربي اذا شفتس ودي ادووس ببطنتس .. ياا بغضي لتس بغضااه ياا شبااابة الفتنه...

شيخه ومحمد : حموود وطلع تووقعي صح وان اللي فيك القلب.. طيب محمد يعني معقوله احد ماايعرف ابدااا عن هاللي فيك؟؟؟ وبعدين ليش ماتسوي العمليه؟؟ سووها وتوكل على الله وبانذ الله ربي بيعينك وبيعافيك.. مع اني خااايفه انك تمووت. تدري انا سوويت لي سيناريوا لوو مت بعد شووي تعرفه.. هخهخهخه بس الله يطوول بعمرك مااينجح السيناريوا اللي انا حطيته
شيخه : يااقلبي والله عليتس لوو تدرين وش انا مسوويه لتس لوو مات محمد بعيد الشر.. هخهخهخه.. المهم انتي الحين خليتس مبسوطه مع اني ماا اشوف في بيت عمانتس أي وناسه وامهم مثل الضيبعه كل شووي منكده عليتس بطاري العيال.. كان هالعياال بالبقااله متى مااطرى على الواحد راح وشراهم... هخهخهخه الله يسد نفسها العجووز الشمطاااء..
اقوول ياا شواخه يااخوفي محمد يمووت وهذيك الساعه تدرين من يتدخل بالاحدااااااث ابوو زااااايـــــــــــــد. اتوقع ان هالولد ماراح يكون دووره بس بالروضه .. اتوقع انه بيتعداه وياصل لحيااتكم؟؟؟؟؟ يمكن يكون شطح خيالي بعيد بس صراحه يمكن بعد يصير؟؟؟

نوره : شوفي عاد اصلاا المفرووض تحبين يدتس وجه وقفا لان حضرة المقدم عطااتس وجه وارسل لتس رسايل.. وانت يااقليلة الادب مهماا قال عنتس قبل ومهماا كانت اسباابه مااتطرين له وااحد عافتس وطلقتس عشان وحده ماتسووي .. يعني يااليت يكون عندتس شووي كرامه ومااعاد تطرين الحماار الاول اللي انتي كنتي ماخذته.. ومن نااحيه ان مافيه مقاارنه بهوو طبعاا مليوون بالميه ماافيه مجال للمقارنه بين حضرة المقدم فهااد واللوح والحمار اللي بلا اذان فالح.. النصر والمجد للشيخ فهاد.. وبعدين استحي على وجهتس فهاد خلاص زوجتس احترمي نفستس قبل ماتحترمينه وبلااش طاري الحمار الاول على الاقل عشاان كرامتس انتي ياا غبيه.. ووالله ماعجبني الا هياام اللي قالت بنشوف زوجته من مستواه والا لأ؟؟ خليتس تعرفين ان انتي اللي لاازم تعرفين ان الشرف لتس بزواجتس منه ياا الدبيه.. قااهرتني رسااالتس مرره لفهااد القلب..

حضرة المقدم حضرة الشااعر .. فهااد القلب فهااد الروح .. ( رااعي الــبـــل ) ..

تعظيم سلام سيدي.. هخهخهخه.. فهااااااااد.. فهووووووودي.. فهدهد.. منووور المكاان ياا حضرة المقدم... عقبال مااشوفك لواااء وعقيد وركن وكل الرتب العسكريه لك حلال زلال... فهااد شووف كلامك لفالح قبل ماياخذ نوره ليش كنت بس تثنيه عنها ليش ماعطيته بالوجه وقلت له انك تبيهااا لك؟؟ اتوقع هذيك الايام انكم اصحاب وبيبتعد عن نوره لوو قلت له.. بس انك تكلمه عادي وكانك تنصحه انت غلطت هناا.. وخليتهاا تروح من بين يديك لفالح المالح... وبعدين صراحه بيني وبينك ياافهااد ترى والله نوره معهاا حق تزعل اجل في بيت اهلهاا وتقول هالكلام عنها.. لوو اني منها دخلت وكبيت الشااهي مدري القهوه عليك.. بسم الله عليك.. هخهخهخه . بس هذا طبعاا بيني وابينك والا هي ماتدري اني قلت هالكلام لك. وهي هااوشتها وخليتها هي الغلطانه من راسها لرجليهاا.. بس عاد الحق والصدق انك مزعلها وااجد وشاايله بقلبهاا عليك.. وبعدين كيف هي بتعرف انت وش تقصد وانت ترسل لها رسايل مبهمه لها معنيين.. معنى ظاهر ومعنى مخفي؟؟ اكيد على طووول بتروح للمعنى الظااهر وللاسف انه المعنى اللي يجرح ويغث..بس مانقوول شي فيك ياا الذكي.. والله شكل هالعسكريه بتتعبنا شووي؟؟؟ هخهخخهه

نبووضه تسلمين على هالباارت اللي صاار طووويــــــــــــل وانا ارد.. هخهخخه

وبالنسبه للاسئله اللي حطيتيهااا

كووووووووووووووووووووولوووووووووووووووووش ثااااني وحده
ـــــــــــــــــــــــــــــــــــــــــــــــــ

السلام عليكم ..



فهاد
الله يعينك يا فهـاد مظلوم ومحد دراي بالي في خاطرك واولهم الهبلى نورة الي فسرت كلامك لفالح انه ذم وعيبه في حقها وما درت انه خاطره فيها وما وده فالح يتزوجها .. عشان هالشي هو اضطر انه يقنع فالح ان نورة ما تصلح له ولا تصلح تكون زوجة .. بس شوه الي راح يفهم نورة بعد ما سمعت بنفسها وفي بيتها وهذا الي يخليها تكرهك وما تداني طاري اسمك وفهمها لرسايلك انك تعايرها وتحسسها انها ناقصة لانها مطلقة وانك منيت عليها يوم فكرت فيها وهذا حسب الي فاهمته ..بس الي متاكدة منه انك قادر عليها وقادر انك توضح الموضوع وتفهمها الحقيقة .. وانها كانت امنتيك وحلم حياتك الي انتظرت سنين تتنظره ..وانها هي مكانتها عندك اكبر من الوصف والكلام .








هذال وسلمى ..
فكرتك يا هذال الي ماخذها عن سلمى وانها بنت مثل بنات هالجيل .. بس الي ما تعرفه ان سلمى بنت كل الاخلاق والطيبة فيها وغير كل هذا انها ما تحب الظلم لاي حد .. وانها فعلا هي الي راح تشوف السعادة وياها .. وكلام فهاد لك فعلا هو الصواب عمر السن ما كان مقياس لسعادة اي زوجين بالعكس التفاهم والاحترام والود الي بينهم .. وصغر سن سلمى ما هو حكم على صغر عقلها ..









محمد وشيخة ..
الله يعينك يا محمد ويعطيك الامل والقوة .. عشان يكون عندك دافع تعيش المستقبل ..واعتقد كلام الدكتور لك ممكن انه يولد فيك الامل والتفتاؤل لانه الحياة والموت بيد رب العالمين ومحد يعلم متى يموت .. وشيخة الي للحينه ما عرفت بمرض القلب الي عندك هل راح تخبي عنها على طول ..؟؟؟ والعملية الي ممكن تكون سبب في علاجك هل راح تسويها ولا لا ..؟؟؟








سيف والهنوف ..
شوه راح تسوي يا سيف بعد قرار الشيبه بانه يخطب لك الهنوف هل راح تقدر تغير رايه ما اتوقع خصوصا ان الكل يعرف انها محيرة لك .. وانه لابد في يوم وتكون شريكة حياتك لا محال ما دام القوى العضمى بثت في هالامر .. بس شوه ردة فعل الهنوف عقب ما تعرف انها خلاص باخذ الفاشل هل راح تكون نفس ردة فعلك او راح تكون العكس بما انها تدور على الشي الي يقهرك ..؟؟؟







الساحرات الثلاثة ..
ما اقول عليكم مـــالت ثــم مالت .. من شاف حطبته انكسرت رقبته .. بي يوم وتندم كل وحده فيكن واولهن الشيفه اماني الي بيكون مصيرها اسود من سواد ويها .. والغيرة الي فيكن من نورة هذا كله بسبب الحقد وقلوبكن السوده الي كلها غل وكره لانها احسن منكن وفهاد اختارها تكون من نصيبه وترك نوال .






مبارك والجازي ..
اجديت يا مبارك بعدي زين تسوي فيها .. الجوز يبغي لها قرصة عشان تتـأدب وتغير اسلوبها وطريقة تعاملها وياك وما يينفع ولا راح يعدلها الا التطنيش ورفع الضغط .. واكيد هالاسلوب راح يغير الجازي ويحسسها انها غلطانه ..








نـــورة ..
عيل هذا السبب الي مكرهج في فهاد وما تدانين حتى اسمه .. يمكن الكلام الي سمعتيه كان سبب قوي بالنسبه لاي وحده في مكانج انه يكون سبب كره وحقد على الي قاليه .. وخصوصا انه ولد عمج وكلامه فسرتيه انه غلط ومذمه فيج . بس لو كان تعرفين غايته من هالكلام والقصد منه وانه كان يحاول يمنعه عشان الحب الي يكنه لج وانه عاش على امل سنين انج تكونين من نصيبه ساعتها بتعذرينه .. وعقب حرب الرسايل الي صايره بينكم وكلن يبغي يثبت قوته وكبريائه على الثاني شوه نهايتها وشوه اخرها ..؟؟؟ واهتمامج بزايد وحنانج عليه وهذا يدل على انج حساسه بمعانته وشعورة باليتم ويمكن هذا الشي نتيجة حرمانج انتي من احساس الامومة .. وهالشي الي اتمنى تحققينه وتكونين ام بزواجج من فهاد .







نبوضه .. شوه هالجزء الطـــــويل وطويل واااااايد بعد عيوني تعبت من القراءة <<<<<< لا تصدقين هههههههه تراه قصير واقصر من القصير وما راح يرضينا غير جزء قااادم طويل ويكون طـــويل بمد الياء .. نبضوه سلمت ايدينج يالغلا على هالجزء الرائع .. احب فيج اسلوبج وطريقتج المشوقة الي تتبعينها بالاحداث لو انها قصيره وما تشبع انتظرانا .. بس ما اقدر انكر ان قصة نبض ومشاعر من القصص الي اتنظر اجزاها بفارغ الصبر ..
نحن بنتظارالجزء الياي بكل شوق ولهفة .