كـــــــــــــــــــــل عام وانتم بخير

مذهله الخليج - بنت الكويت- ذما

غنده- غلا عتيبه

زااااراا- فروحه

وكل من شارك نبض
هنا

من كل قلبي لكم جزيل الشكر
وجزاكم الله خير

فرووووحه
فديت قلبس انا ليش ازعل
ووين محله

ياقليبي والله انتي
اولا على الموعد ابشرررررررري
ثانيا
انتي صادقه انا نزلته من دون مااراجعه واقراه
وقريته اليوم الظهر
وشفت اخطااااااء
وعدلتها ياعيني وجبت العيد هناك في المنتدى الثاني وخلي زارا تعلمك يوم عدلت خبصت الدنيا
بس اذا قريته راح يبين التعديل كثير
واما عن الحوار احاول اطور من اسلوبي تعرفين البدايه ^-^
بس ملاحظتك ماتزعل ؟؟وين الي يزعل بس يافروحه ؟؟
وان شاء الله تشوفين الجزء الجاي
فيه تحسن اولا وانتظر رأيك
واي ملاحظه عندك او عند اي احد
ماهو على عيني على رااااااااااااسي
واخر شي
الله يفتح عليك وينور دربك
ويسعدك ياعيني دنيا واخره


حطيت نفس الرد الي في المنتدى الاصلي

عشان الاعضاء اذا احد عنده ملاحظه

فكلي اذااااااان صاغيه

وجزاكم الله خير

رااااااااااااائع بارت رائع وكل القصة نفس الشي

سلمت يمناااااااااااااك يا مبدعة وننتظر الجديد ^^

مساك معـــــــــــــــــــزه وتقديـــــــــــــــــــــر

تنويه

الجزء بينزل اليوم الساعه 12

واعتذر اذا ماناسب احد الوقت


نبض ومشاعر

اقبلت عليكم والشوق يحدوها واتت تحمل الحب لكم
في مساء بارد وفي سماء ملبده بالغيوم ورغم تلك الظروف
اتتكم
متـــــــــــــــــــى يرتاح قلبن بالهوى ملكته

وطلع
تارك وراه
وجع من البدايه
جرح نازف
دموع حاره
نفس مقهوره
عطر خنق نفسها كا العاده


وقفت للحظات تعيد هو وش قال
وجمدت لمده لماتذكرت مسكته
وشلون يتجرا؟؟؟ يلمسها ويمسكها
وانصــــــــــــدمت لما شااااااااااااااااافت اصابعه معلمه على معصمها
وحست بالضعف لما تأملت يدها
وانتابها شعور بالااهانه لما نزلت دموعــــــــــــــــها

في سيب الرجال فهاد يمشي بخطوات ثقيله مر على المرايه عدل سبكه عقاله
قراء حزن لمع في عينه
قرر انه يستأذن مر على عمانه في بيت الشعر
سلم عليهم فهاد-
يالله فمان الله يا جماعه
ابو سعد- افا عشاء ملكتك منت متعشي
فهاد – العمل متصلين علي وعندنا مهمه
ابو فالح – الله يستر عليك
فالح بنظره تحمل ملون معنى – عساك على القوة بس مايصير بعد ياولد العم
(نحتري عرسك سنين وبنين) والتاليه عشاء ملكتك ماتحضره
ابو سعد- والله انك صادق يافالح يابوك
فهاد اغتاض في نفسه – ليه تحتري عرسي والله انك مانت بعيد من الشيبان
فهاد بخبث واضح -
بعدين عشاء العرس اطعم من الملكه
ضحكوووووووووكلهم
الافالح الي اكتفى باابتسامه تجاري الضحك
فهاد وتعرف الشغل والمناااااااااااااااااوبه – كل الي في المجلس مايحس بشي لانه كلام فهاد وفالح عادي الا
فالح فهم كل كلمه نطلها فهاد عليه
طبعا الظاهر يقول النقاش بين ولد عم ولدعم والخافي
قذائف كل منهم يتفنن برميها ولاحد فطن فيها الاسيـــــــــــف ؟؟؟؟

طلع فهاد عقب ماسلم على اهل المجلس ولحقه هذال
هذال- وين مبكر يارجال
فهاديشوف الساعه – بلحق على الدوام
هذال- الله ماجاء الدوام الاعقب ماسلمت على المره ولاقبله ماجاء
سبحان الله
فهاد- خل مني حكيك تراك ماعادك بصغير تراك سنين لحمد الي عليه بنيه والله يكتب له الي في الطريق يعني الي مثلك قدهم ابوان
هذال – مانتب تقول عندي مناوبه
فهاد – اسمع لي حكي معك بس ماهوب ذالحين
وطلع فهاد مفتاح سيارته
هذال – سلم على من تواجه
فهاد ياشر بيده الي فيها المفتاح – يوصل

في قسم النسوان
ام فهاد – ام فالح وشيخه
وهياء- والجازي – منيره وام سعد – وجارتهم ام ركان
ام فالح – جعله مبارك وتبارك
ام سعد- الله يبارك فيس
ام فهادوهي تمد كيس على ام سعد – طقم شاريه فهاد جعله يحياء لنوره
والمهر معه داخل والي ينقص علمونا به
ام فالح – لابد ان شاء الله ماهوب ناقص شي 150 الف تصرفها بعقل وبتكفيها
الجازي تهمس لمنيره الي في حظنها بنتها دانه – الله يدبل كبد ذاالعجوز كان عله وش دخلها
منيره- الا صادقه ولامهبوله انتي 150 ماهيب مكفيه امسي علي ولا يبون
بيكسرون ظهره زود على الشقه الي خذت شوي وشويات يبلونه
مايكفي مصاريف العرس بعد
الجازي – لا والله محد قاله يعرس ثانيا العرب ماقالو شي الي نط ام فالح
بس تصدقين خاطري لون الساحرات الثلاث موجودين عشان يولعون من الغيض
الاوقات الي مابيهم يجو اول من يحضر هم والوقت الي ابيهم يجون ماحد يحضر
مالت عليهم
منيره – والله من الشر الي فيس
الجازي – الامن حر الظليمه خلهم يجون يشوفون بعيونهم الي جابه فهاد وخلهم يدرون بانه قدم العرس عشان يدرون انه محد جبره هو الي بعمره جاء
منيره- لا والله وش يدريس يمكن ابوي طالبه ياخذ المطلقه والي مافيها حيل على العيال لانه مابه احد بياخذها وتعرفين فهاد بحر ماله سد لوتموتين ماعرفتي خفاه
وتلقينه مايبي يكسر بخاطر ابوي
الجازي وسوست وعلى طول وكنها تكذب الي سمعت – ماظنتي وياليت تمسين مثل بنتس الي رقدت في حظنس مادريتي عنها
وماازينس ساكته في ذمتي

نوره بعد ماوصلت لغرفتها بعناء لانها ماتبي احد يشوفها وهي رايحه
قفلت الباب بقوه وتنفست براحه وكنها وصلت لشي صعب انها توصل له
والسالفه بس مشوار غرفه
رمت برقعها ورمت طرحتها وجلالها وراحت للمرايه
شافت وجهها ابتسمت ابتسامه باهته فرحت لانها طلعت الي بخاطرها والي لو بغت خواته يوصلونه له ماراح يوصلونه له بنفس الطريقه الي تبي
فكت شعرها وحركته وكنها انتصرت بعد تعب وتكلمت – ماهوب انا يافهاد الي تعايرني عند فالح وعقبها تجي تاخذني عشان تقهره

في غرفه الهنوف
مشاعل – حاولت بس ابوي معيي ينقلني وامي تقول معصي احس اني اكرهه المدرسه عقب السالفه
وبنت ابله صفيه فاضحتنا ومطلعه علينا كلام تقول ان المديره ضربتس
وانها هي الي شافتس
الهنوف عصبت – تخسي والله ما اخليها
مشاعل بخوف- ياويل قلبي ليتني ماعلمتس
الهنوف- عادي ان ماسمعت منس باسمع من غيرس لكن قسم بالله لااخليها تندم الحقود
مشاعل – تكفين مالنا خلق مصايب
الهنوف – والله انها ناقصه عقل كل بلاويها علي عشان ابله فايزه ماتحبها وتحسبني السبب اعنبو ابليسها ابله فايزه مره ماهيب حكر على اوادم دون غيرهم ماهيب رجال
شوفي وش كثر البنات الي يحبونها مع ذلك مستانسه لانس اذا حبيتي شخص ودس العرب كلهم يحبونه الا طبعا ( طويل العمر ) الي للحين زماني ماجابه
بس هذي مريضه نفسيا حتى يوم اوري ابله فايزه رسوماتي راحت توري ابله فايزه
رسومات وللحين اقولس اقطع يدي والله اذا كانت ترسمها ولاتقولين تظلمينها الاشكال ذي اعرفها
مشاعل – الله يستر بس
الهنوف خلت بلوزه المريول الي بيدها – شعيييييييييييييييييييييييييل ماعلمتس !!!!
وش اخر علوم اسرتنا المبجله
مشاعل نزلت سوارتها الي تحاول تلبسها - لا ماعلمتيني
الهنوف- اليوم سمعت حمد يسولف لمرته هياء
يقووووووووووووول سيف بيخطبني
مشاعل تستهبل – صدق
الهنوف- ايه جايس العلم بس تصدقين الرجال شكله والعالم الله هون عقب
الي صار في العشاء شكلي عيفته بجنس حواء بكبره
مشاعل – الله يستر
الهنوف- مشاعل والله انس دجاجه كل شوي الله يستر وش منه خايفه
لايكـــــــــــــووووووون خاااااااااااااااااااايفه ان الربع يحولون عليس
وانفجرت من الضحك واسترسلت
بهاذي معس حق تذلين واي والله(((( الله يستر)))))
اعنبو ابليسس الرجال عاف البنات كلهم
مشاعل كانت خايفه لكن الهنوف ماصابت لانها ماعرفت وش منه مشاعل خايفه
ومشاعل بدورها التزمت الصمت

في السياره يهيم على وجهه مايدري وين يروح والحشاء يتوقد
الخاطر استوطنته ضيقه وفي خاطره مليون هاجوس وحديث النفس في صراع
فهاد في نفسه- والله اني داريه انها ماهيب جايبتها على بر
من يوم شفتها يوم التحليل تدعي وانا داري طيب ماهوب ذا الدرجه
ماتقبلني قلنا يمكن لو تدري بكل شي بتهون لكن تكره - تكره قويه
المشكله لوداري من البدايه كان ماقربت منها لكن جاتني من درب التحدي
انا اتحديني يانوره - !!!!
ها تحديتني وش استفدتي ولا شي الي ابيه يمشي طوع ماهوب غصب
حتى موافقتس طوع ورضى ماهوب غصايب
فجاءه جاء بخاطره طاري
يعني لو ادري انها تكرهني من البدايه كان ماقدمت ولا خطبت
وجنبت نفسي العناء وش تفرق يعني سنين وانا خوي الشقاء
وابتسم بس من وين ادري انها ماادانيني وانا ماشوف الانفسي
مااشوف الاوش ابي انا وبس من وين اعرف!!!!!!!!!!!!
وفي عز ضيقته تكلم
صدقــــــــــــــــتي ياهياء انا ماعلي الا من عمري ولااشوف الانفسي
شاف جواله المتصل محمد وارتاح على القليله يسلى من الي صار شوي

هياء في المطبخ تسوي الجمر عشان الدخون وحمد واقف معها
هياء – حمد انا عارفه ليه ضايق لك كم يوم ومتغير
حمدساكت
هياء- طيب كلمها تراكم اخوان ومهما صار بينكم من خلاف اختك الكبيره ياحمد
ولاتنسى انها بتخلي البيت من قريب ماهيب زينه في حقك تروح وفي خاطرها شي
حمد خذى الملقط حق الجمر يعدل الجمر- لوانها بتسمع والله لااحاكيها بس نوره عسره
هياء- ويلك من الله نوره قلب البيت كله الي كبيرنا قبل صغيرنا مالكته تقول عسره ماورى ابوي شي ابوي الي عسر الله يهديه لاقالو العرب نوره هون
وش عاد انت بعدين تكلم وكنك جربت ياخي وش خاسر انت ولو تبي جيت معك
حمد- والي يقولس انه حاكاها ولا ردت له خبر وش تقولين عنه
هياء- عادي مره ومرتين وثلاث وترى كلامك جارح وقوي وقايله في عز حاجتها لك
حمد يقرب المدخن – على خير ويكتب الله الي فيه بركه
وطلع من المطبخ
دخل حمد الخيمه ومعه عبدالله
سيف لمح عبدالله داخل صوت له – عبدالله تعال
عبدالله- لبيه
سيف – لبيت في منى ليه ماسلمت
عبدالله استحى وسكت
سيف- بعدي الشيخ روح لعمه اهنوف على قولتك وقول ( مبروك العوده للمدارس )
راح ركض كنه مبشر بخير
ودخل عبدالله يدور عمته ولقاها تاكل هي ومشاعل
في المقلط
عبدالله – عمه سيف يقول مبروك العوده للمدارس عشانهم بيدامون عقب الفصل
طالعت الهنوف بمشاعل وهي محتره وقامت معصبه وقالت قول له
قله شاب ودوه الكتاب
عبدالله- وشلون يعني
الهنوف- قول مبروك الدراسه وشاب ووده الكتاب
مشاعل – تكفين اقصري الشر ياهنوف
عبدالله واقف
الهنوف روح
واقبل عبدالله واستانس يوم شافه
عبدالله- تقول مبروك يوم الشايب وودوه الكتاب
عرف ان قصده يوم شاب ودوه الكتاب
سكت سيف وفي نفسه يضمر لها النيه
سيف في نفسه- والله ان ماخليتس تعيفين عمر س يام لسانين مانيب سيف
بس ماعليه



وقعدت هياء لين اقتحمت عليها الجازي
الجازي – وش عندس ؟؟؟ ساعه انتي ورجلس في المطبخ وش بقيتو لغرفتكم
هياء – وجع ان شاء الله اول شي روعتيني والله ان الهنوف صادقه صديع
لاجات تدخل ازعاج لاحطت يدها في موضوع فضيحه لاتحاكت تبرى لسانها منها والله ان الهنيف عينت صنفس بصحيح
الجازي – صه اسمعو من يتحاكى ( سعيد اخو سعيدان ) مثل يضرب للمتشابهين في الحال--- ترى بنت نايف ماعليها قصور ولا ليه مفصوله
اعنبو ابليسس خافي الله تراس طفشتينا لايكون حنا منبوذين من المجتمع وحنا ماندري ولايكون مسوين جريمه قسم بالله ياجازي زودتيها وخليتي الي مايسوى سيف يتهزاءعلينا والسبايب لسانس قلت مرت اخوي وماعليه تمزح بس عاد لهينا وخلاص مصخ مزحس ولاعاد اتحمله واذا نا اتحمله ترى مشاعل ماتحمل ويكون في معلومس كل ماتطرين الفصل هاوشتها امها الي تدور أي شي عشان تهاوشها فيه عشان الفصل
وطلعت الهنوف بسرعه عقب مافضت كل الي في خاطرها
وهياء مصدومه والجازي ماهيب بعيد عنها
الجازي تلتفت على هياء – قليله ادب انهبلت في ربي انها انها انهبلت وش فيها ولعت من يوم شفتها لابسها السكري والااسود غسلت يدي
هياء- لاوالله انتي الي انهبلتي تراها صادقه اهجري شوي في البنات
الجازي – اقول ممسى بس طيري معهم في العجه شافتها عصبت وطاشت خلاص معها
طلعت هياء من المطبخ وقالت – غلطان الي يناقشس

في غرفتها منسدحه تقراء مجله واخير نفسيتها تقبلت الموضوع
خفت دموعها ولاصارت تبكي كل ماجاء طاريه لكن الضقه محال تروح وان تقبلت وجودها بين الضلوع
ورن جولها يعلن وصول رساله فتحته وابتسمت لانها هي الي دايم تكون موجودها حزه الضيق تقبل وحزه الحاجه تجي ونطقت
لبــــــــــــى العـــــــــــرب في ذمتي
مخزنه اسم نوف لبى العرب
واول ماقرت الاسم بالفعل شعورها نفس الاسم الي هي حاطته لها
تبسم واترك جروحك على ,’ جنب الزمن ’, وارتاح

حرام تطيح من عينك على شان الزمن دمعـه

انا برجوك لا تزعل ولا تزيـد [ الجـراح جـراح ]

تبسم واترك جروحك على شانـي بلا رجعـه

انا ادري صعب لو تنسى ولاكن الامل مـاراح

ولو راح الامل يبقى في تالي من الالم متعـه

ابيك اقوى من عناده ولو جاك الكلام رمـاح

وابي تشعل من جنونك على طاري الغلا شمعه
ابيك اقوى’ من جروحه ’ تحدى هالزمن وارتاح

لان الدنيا ماتسوى على شان الزعـل دمعـه
مسى الجوري ياعروس
وهونيها وتهون مع اني اشوف ا ن الي ياخذ المقدم المفروض يسوي احتفاليه وابشرس شفته اليوم في الساحه يوم عرض الشيلات
اعنبو ابليسس وش ذا!!!؟؟ قسم بالله نسيت نفسي وقمت ابحلق فيه واقول مانتي بخيت يانويران يومس عايفته
بس استانست انس ماتبينه عشان مستقبلا لو عفتيه تنازلين عنه لي والاقربون اولى بالمعروف
انا اعرف اتصرف معه احسن من الحقود بنت عمس نوالوه

ضحكت نوره من قلب وتدري ان نوف تحس فيها ون الملكه غلقه بالنسبه لها
وارسلت
اسفه حبيبتي نوال اقرب بنت العم اولى به بعدين مايستاهلس النذل الااذ انتي نذله مثله وهو من ناحيه الواقع لابقين على بعض
لكن تعرفين النصيب يابنت خالد
ولا كان فدووووووووووووه لس مايغلى (الرخيص) على غالي
حطت ارسال

نوف قعده تقهوي امها ضحكت وحست انها تقدر تكلمها واخيرا تقبلت الوضع
ام نوف- ابك انتي وش بلاس تشوفين الجوال وتضحكين؟
نوف- احاتي نوره والحمدالله ارسلت لي وتنكت بعد اكيد خاطرها زين
ام نوف- هو ولد عمها الي مغصوبتن عليه
نوف- ايه يمه هو
ام نوف- لاان شاء الله بتوفق معه ترانا يالحريم قلوبنا رقيقه هذا انا وامس مغصوبه اخذ ابوس ولانيب ادانيه وسبحانه مولف القلوب ولا هذي هي ماخذه ولدعمها قبله وموافقه عليه وتقولين تطلقت الوفق بيد الله ماهوب على الرضى ولا الغصيبه بس الله يتمم لها بخير
نوف بامل – ان شاء الله يايمه الله يسمع منس النوري الااخت الي الله مارزقني بها عساها تهتني في دنياها يااااارب

في مجلس الرجال
ابو سعد – يالله ياهذال يقول عمك ابو فالح اعجل على البنت قبل لايجوزها
هذال بغى يتسرع ويقول خلها تروح في نصيبها والحمدالله انه عرف ان ابوه يمزح يوم شافه يغمز لعمه ولاكان جاب العييييييييييد مع الشيبان وصدمهم
هذال – قريب قريب ان شاء الله خلنا نفتك من المزاين ونخلص
وفيها عقب حلال
الكل – ان شاء الله
سعد- ترى فهاد يقول ان شاء الله السبوع ذا كلبونا نتواجد خلاص بدا العرض والضيفان قدامنا والجماعه ماشالله يقول محمد جاو المخيم
ابوفهاد- اجل فضو عماركم واجهزو
والتفت هذال على سيف- ماتدري وين سعود ؟؟؟؟؟؟
سيف- لا والله مادري وينه غاط فيه ذ الصبي
هذال – الاهو صحيح يقول عمي انك بتوظف في شركه خاصه
سيف- ياطويل العمر الله الله وبالشين وافقو القوة الثلاثيه العظمى يقولون فيك شطاره اشتغل في المعرض بس انا ماحب اشتغل في المعرض وبيني وبينك احسن برى على الاقل التزم ----فيه خصم فيه عقوبه ومن ذا الحكي
وبعدين كذا ودي احس بطعم الاجازه لااخذتها عقب الشين
هذال – ((حبك للعناء يالمعنى)) على ماقيل طيب وش شغلك
سيف- تعدل وسكب عمره ورسم ابتسامه جذابه وعدل الياقه وتكلم بثقه
انفع علاقات عاااااااااااااااامه
ضحك هذال- بصراحه على ذا الخاطر الوسيع والابتسامه ذي
ماهوب علاقاااات عامه الاسفيييييييييييييييييير
ضحك سيف
هذال – كل ذا وناسه عشان بس العرس
انصدم سيف وشلون فسرو دراسته وطلبه للوظيفه انه عشان ام لسانين
والحقيقه عشان يكسر راسها
سيف- ابدطال عمرك بس تعرف صار لي كم سنه متخرج وعمري 24
واخوياي الي اخر كورس والي متوظف والي اعرس ماشالله وكون عيشته
وانا على حطت يدك طبعا كل ما يهزؤني اقول توني 21وين اتوظف به وين اعرس وبكره لاجاني بزر وش اسوي به بزر يربي بزر
يقول ابوي بيشيب راسك وانت عادك 21
هذال- وانت ماشالله تصغر عمرك على كيفك
سيف- ابي اعيش عمري بعدين تعال انت 27سنه ولااعرست ولاشي
وكم سنه وتطيح في الثلاثين ولابه احد للحين يشيل اسمك
هذا ليبي يغير موضوع سيف فرد عليه بضحكه- مثلك ابي اعيش عمري
وقام من عنده




في بيت ابوفالح ( البنات )
في المقلط قاعدين ياكلون الوجبات الي طالبينها من الاارنب الجائع
بما انه مافيه احد من الشيبان والعيال بيتعشون عند ابو سعد
اماني – تلقونها قليله البخت وضايعه النصيب مستانسه الحين
بشايروهي تاكل بطاطس وعينها على الشاشه – اكيد ياحبيبتي وين ماتستانس معه ظابط وشاعر وصورته في المجلات والتلفزيون وراعي حلال وزيدي عليها اعزب وهي مطلقه يعني تحب يدها وجه وقفى
نوال نزلت لقمتها- المفروض ان العشاء عندنا ذالليل
سلمى – اقول الحمدالله ان النصيب ماهوب في يدس ولافي يد الثانيه
وخير مطلقه الحمدالله ان الله هو الرازق ولاكان قطعتو ارزاق المسلمين
بشاير- وش فيس طشتي بشويش تراس مابعد رحتي لهم والله يستر بعد لارحتي صرتي من طقه الجازي والي هناك
سلمى- وش طقته وش خرابيطه انتم ليه حاطين الدعوه احزاب ترى بنتهم كانت معكم تروح وتجي عمرها ماقالت خوات فالح سوو ولا قالو
عمر العرب مارددو حكي على لسانها علينا بس ماقول الا ياكثر حسناتها
والي تقولين عنها قليله بخت انشهد انها بخيت دامه تجيها الحسنات وهي منسدحه
نوال- امسي علينا كلامس غلقه واماني بالله لاتجيبين طاريه ماهيب كفو تاخذ حسناتنا
سلمى خذت وجبتها وقامت لان الوضع مااعجبها
بشاير- ياربي هي وش فيها احسها صارت معقده وقامت تتطبع بطبع بيت عمي ابو سعد من الحين
اماني – اقول ماعليكم سلمى وعارفتها تزعل شوي وصدقوني بتطفش وتعود عليكم

شيخه عقب العشاء تمد على عمتها الشاهي
ام فهاد- بتسرين معنا ذالليل ؟؟؟؟
شيخه- ماظنتي ياعمه
ام فهاد –ليه وش عندس
شيخه ارتبكت ولاتبي توضح للجالسين- ابد سلامه عمرس بس نوره شوي تعبانه وبقعد معها شوي
ام فهاد- محمد بياتي القابله العصر وانتي هناك
شيخه مااعجبتها طريقه عمتها وخاصه قدام ام فالح- على خير ياعمه

عقب العشاء سر و الشيبان وسرو النسوان
في جناح هياء وحمد-
هياء على السرير وتزيل مناكيرها – ماظنتي راقده ولاتحجج عشان ماتروح تبيني ادق اتأكد دقيت
حمد بتردد- دقي وتوكلنا على الله
وفي غرفتها ترتب دولابها وتطلع ملابس دوام بكره دق جوالها
نوره – هلا هيون
هياء وهي تطالع حمد- اقول النوري مارقدتي
نوره تطالع ساعه يدها – على وشك وش عندس
هياء – اجل افتحي الباب حمد جايس يقول انه يبيس
سكرت نوره وهي مالها خلق نفسها وشلون يجي عاد احد يناقشها
تنهدت ب لااله الا الله
سكرت الجوال هياء- لااوصيك طواله البال صحيح انكم نادر ماتتفقون
بس عاد لازم ترخي شوي
حمد- هو من ناحيه برخي ابرخي بس هي بتلين ولا بتخربها زياده
!!!!!!!!!!!!!!!!!
في جناح مبارك والجازي
الجازي –تفك تلفيف شعرها وتطلع الزيت
مبارك – وش قاعده تسوين
الجازي تفتح علبه الزيت والتفتت عليه مستغربه- وش فيك ماتشوف
ابحط زيت على شعري ساعه وبسبح عشان مايتقصف
مبارك استقعد- تكفين والله شكلس يجيب العافيه وهو ملفلف خليه
الجازي – واذ تبيه يجيب العافيه دايم خلني ازيته عشانه لوتقصف ياحبيبي شوفه بيجيب المرض ماهوب العافيه
مبارك انقهر منها- بس تدرين لفلفبه كل يوم عشان شعرس مايزينه الاالتلفيف والادايم يجيب المرض ويفتح الله عليه
الجازي عصبت- قسم بالله ماتستاهل اهتم به كل يوم والتاليه
يجيب المرض
لحف مبارك وجهه وضحك عليها لانها عصبت يعني فيه تقدم
وتكدر لانها بتنام وهو مكدرها

يمشي في الممر
متردد و خايف بس خلاص ماعادفيها قد قالت لها هياء
طقت الباب
فتحت نوره وببرود- حياك
دخل حمد وهوينقل عيونه بالغرفه لين جلس- بسم الله ماشالله اجل مالوم الهنوف يومها كل شوي باخذ غرفة نوره لاطلعت
ضحكت نوره ضحكه باهته – جعلها فداء
حمد اشر لها تجلس - مانيب مطول --اول شي بدخل بالموضوع على طول
اولتها مبروك وثانيها بسألس معجبس وضعنا كذا
نوره بعدم مبالاة- ليه وضعنا فيه شي !!!!!!!!
حمد – نوره لاتستهبيلن !!!!!! حكي ماتحاكيني ولاجلست قمتي لاصرنا بلحالنا وصرنا مانقعد بلحالنا ولاتنشدين عن احوال ولاشي
ولاكلمتس صديتني وتقولين وش فيه
نوره بقله صبر- حمد لاترفع صوتك علي ثانيا انا مااستهبل صحيح وضعنا تمام ليه شايفنا متماسكين في بعض بالعكس وضعنا عااادي
وبالنسبه للمقعد ماعاد صرت احب اقعد معك وهذا في صالحك عشان مايجي في خاطري عليك شي ففضلت اجنبك احسن
وبالنسبه اني مانشد الاانشد عنك دايم هياء واسألها بعد
وان كانك ضقت في حزه رخاء اني صديتك يوم حاكيتني
تراك صديتني في حزه (عازه وحاجه) وعلمني من الي مفروض يضيق
سكت حمد لان نوره صادقه- طيب واذا قلت ابي السماح
دمعت عين نوره- ومن قال اني ماسامحتك!!!!! انا مسامحتك من ذاك اليوم لكن كل الي تشوفه مصدومه انك كذا انك صدمتني في عز ماني محتاجتك يعني بكره لانخيتك بتخليني
وعند من عند اخته ياحمد بكره لاضامني وش بتسوي !!بتنطلني عليه
وتوقف معه
حمد – نوره اضمن فهاد لس بس انتي اقبلي العذر وخلصنا
نوره- مابه عذر ياحمد انت اخوي بس تكفى لاتضغط علي وكل شي
من نفسه بيتعدل
حمد – قام من عندها وقال والله ماتنضامين وانا حي
نوره دنقت ورفعت عينها له- ولايهونون العيال
حمد –فهم مغزى كلماتها والي تقصد ماراح انضام وهم موجودين
بس طنشها ومثل ماقالت هياء ارخي شوي
قام حمد – تبين شي
نوره – سلامتك
حمد- تمسي على خير
طلع حمد بخيبه توه حس ان جرحه غوير توه حس انه خلا نوره تفقد فيه كل احساس بالنخوه
توه حس ان تخلا عنها يوم ارسل هياء ونسى انها اولا واخيرا اخت فهاد
نوره ارخت راسها على الكرسي وكانها تبي ينزل منه كل وجع وكل هم
ولكن هيهات مادام القلب الي ينبض هو الي يورد التعب له ويصدره

الجازي شافت مبارك نايم انقهرت زياده لانها نست تعطي نوره
الي قالها اياه فهاد ا والي وصــــــــــــــــــها عليه !!!!!!!!!!!!؟؟؟؟؟؟؟؟


تمت
تواقعاتكم الله لايهينكم والله يجزاكم خير
طاقمي انتظر حروفكم بشوق
كونو على استعداد
فروحه ان شاء الله فيه تقدم ؟؟؟؟
انتظر رايك

تقبلو ودي
الى ان نلتقي الخميس القادم
اختكم %نبـــــــــــــــــض ومشـــــــــــــــــاعر%

في حفظ الباري

اهلييييييييييييييييييييين نبض ومشاعر

تسلمين ياقلبي

بس ليش البارت يقتصر على يوم واحد او نص يومم

انا طمعانه انك تنزلين نص الاسبوع هذ1 بارت موو يوم الخميس

بس تسلمين ياقلبي .. نجي للابطال ..

نوره : وجرحهاا من حمد وخوفها من حيتهاا مع فهاد وتفسيرها الغلط عن سبب زوجها منه مابان للحين حس

باقي بارتين عشان تنكشف بعض الاوراق وسبب حقد فهاد على فالح او العكس


الجازي وبروودها مع مبارك وصبره عليهاا بس ياخوفي يتزوج عليهاا او يعلب عليهاا انه متزوج


سيف وهنوف: الثناي المرح متى راح يصير الشي الرسمي ويبداء الاكشن


يعطيكـ العافيه


جــــــ,ــــــــ,ـــــــودي