عادت اليكم والشوق يحدوها
عادت لكم بزهو وفرح للقائكم
عادت لانها حقا اشتــــــــــــــاقـــــــــت لكم
قرأه ممتعه
متى يرتاح قلبن بالهوى ملكـــــــــــــــــــته
الجزاء الحادي عشر





عبدالله – عمتي
الهنوف طارت وقطعته لايكون قايله شي ويفضحها عند البنات
وعلى طول فزت
الهنوف – وش عندك يابوي
عبدالله- يقول انا مهرج وكلهم يبوني مقعدي
ماهوب معيوف الله لايبلانا حتى من المدرسه
انقهرت منه وعبود استانس يالله وش اروح وش اقول
الهنوف وهي رافعه حاجبها – قول المعيوفين ظايقه خواطرهم ويبون( مهرج ) يوسع صدورهم
عبدالله دخل بيت الشعر وفطنو به الشيبان
ابو فالح – النما وش بلاه رايح وجاي
(النما) يعني الطفل
سعودبسرعه- انا مرسله
ابوفالح – اهلكتوه الله لايولينا والي ن مسرف
سيف لعبدالله - قولها (حرام) يجي المهرج مانتي (محرم) لاملكت هرجت بالعقال على ظهرس
ولاعاد تجي سمعت ابوي وش قال روح ولاتعود
سيف يدري ان الهنوف ماتبيه من سعود والي علم سعود طبعا بنت اخته مشاعل
وهو بعد مايبيها بس قالها كذا نكـــــــــد فيها

استقعد سيف وهو مستانس ومد عليه سعود القدوع (يعني التمر)
سيف – اكرم
سعود – الي يشوفك يقول ماهوب الي قبل شوي طايح فيه
سيف- والله انك صادق ياعند عمي نايف تمر مشالله واذكر الله
والي برد كبدي ان والله العالم داخل البيت نفس الود ودها تحطني بين ظروسها ذالليل
سعود- الحين مسانتس تناكد البنات وتحمس كبودهم
سيف- مثل العسل على قلبي الا مثل التمر ذا في فمي
وضحــــــــــــك وهو يمد يده على التمر الي قدامه

في ام رقيبه
محمد يكلم فالح السياره
فالح- دابلين كبدي ذا الشيبان اقولهم خلونا نودي اللبل للحلاقين ومعيين
( في المناطق الي قريبه من ام رقيبه اسواق وحلاقين للبل الي وبرها تالف او لونه مغاير حتى لايؤثر على تقييمها
محمد- قلت ميد فهاد خلنا نحلق كم وحده وعيا
فالح – حلاله بكيفه لكن حلالنا ماله دخل
محمد- يقول حرام الحين برد والمربعانيه ( وقت البرد الشديد) قدنا في حلها
نحلقها والله ان يذبحها البرد والشين
فالح – وانا اقول ليه يقول ابوي لا تكسبنا اثمها – طيب نحط عليها جلال
محمد- يقول فهاد مابه دفاء ابرك لها من دفاء ربي وخلو وبرها
فالح – والله لوانهم عياله
محمد يضحك- ترى فهاد رحوم بس الي يشوفه ويشوف تصرفاته يقول اقسى من الصخر – انشدني عنه
فالح- والدليل الي صار فيني اخوك قطعته الرحمه
محمد- هنا مالي حكي تدري ليش ؟ لانه مثل ماقال له موقفه
والسالفه طلعت من يده
فالح بسخريه- اقول خلها بس يارجال حنا خابرين كل شي
محمد حب ينهي المكالمه لانها ماجازت له – اجل يالي خابركلش فمان الله وسلم على من تواجهه
فالح – على خيروفمان الله
اماني – وش فيك وش عنده محمد لايكون ضاق عشان خليته ورحت؟؟؟؟؟؟؟؟
قام فالح يسولف لها وش الي صار

الهنوف –يخسي الهايت- الفاشل- الرخمه- انا اخذه لو على قص رقبتي
وقامت تضحـــــــــــــــــــك ماعاد الا الزلابه ضاقو ريجيلنا
مشاعل- ووجع زين وجدري جدي صوتس قصريه ويكفي الي صار مع بشاير
الهنوف – ياختي بجي وارقعها ماعليس بس ماسمعتي اخر نكته
سيف سيف يامشاعل
مشاعل وهي تجر الهنوف- وش فيه
الهنوف تضحك- يقول بااخذس واحط العقال على ظهرس
مشاعل- ياويلي لايكون قايله له شي
الهنوف- قلت له مهرج قال ابرك من المعيوفين قلت ترى المعيوفين على قولتك
يبون شي يوسع خطرهم
مشاعل شهقت- هاااااااااااااا تخيلي يقول لحمد ولاهذال والله ان يقطع العقال على ظهرس
الهنوف وهي تمشي قدامها مشاعل- ماهوب قايل شي و يالله خلنا نروح نرقع السالفه لبشاير مع اني احسس موسوسه بس يالله
طلعو برى على الثيل المزروع وباب المطبخ مفتوح عليه
البنات قاعدين
سلمى – وين غطيتي
الهنوف – اكلم وحده من صديقاتي وتعيرني وتناكدني تقول بتاخذين اخوي واخوها استغفر الله لاطموح ولادراسه ولااهله يرتكون عليه بشي
بشاير فهمت قصدها طوالي- سبحان الله الناس مالها الاالظاهر مثلنا مع ا ن الي يشوفنا يقول فالح هو الي مسؤل عنا وهوالي يراعينا مع انه العكس الي معنا والي يراعينا سيف فالح اسأليه عن حبت عينه اماني مرته وبس
صحيح يكد على البيت ويجلس مع ابوي وامي بس سيف عندنا غير حتى ابوي يقوله على انه اكثر واحد يجرح فيه يقول سيف لاطلع يضيق علي البيت بالي فيه
الهنوف عرفت ان بشاير تكلم وهي المقصوده يعني ادري ان اخونا ماهوب مثل ماانتي راسمته- الله يخليه لواليه
بشاير- ويرزقه بالي تستاهله ويستاهلها
مشاعل – امين
طبعا البنات برى قدام باب المطبخ الخارجي
وسلمى تراقب كل ماجاء واحد من العيال وتنحنح في المطبخ يصوت يبي شي قامو مشاعل والهنوف مع ان الخدمات موجودين بس العيال عندهم عقده مايدانون الخدمات يمسكون معاميل الرجال ودلالهم
وفي كل مره تخيب ياحمد يامبارك ياسعد
وفي خاطرها تدعي ربها تشوفه قبل يمشون
مشاعل – سلمى قصتس تجنننن
سلمى وهي تحرك شعرها الشلال – صدق والله مع اني احس اني قصرته واجد
مشاعل – بالعكس عادي
الجازي جاتهم- لا وين حلو هذال يحب الشعر الطويل اسالي الهنوف يقول ليه ماتخلين شعرس مثل مشاعل
سلمى ابتسمت ابتسامه على جنب مستحيه وبدلع- وش علي منه
الجازي – المره لازم تراعي وش الي ف خاطر رجال المستقبل
مشاعل والهنوف ماودهم ان الجازي تحاكت وقطعتها الهنوف
الهنوف – هذا انتي شاطره بنصايح غيرس وناسيه عمرس الي يبي لها تأهيل
الجازي- ماعاد بقى الاانتم الحيييييييين مفصولين ويعطون نصايح
الهنوف اتشت وتذكرت الجازي هي الي فضحتهم ونكبتهم
مشاعل – اقول الجازي روحي شوفي ولدس يصيح وراس الله يرحم واليس
ضحكوووووووالبنات والهنوف في خاطرها طرى سيف
الله يسامح الجــــــــــــــــــــازي ولاكان حنا وين وسيفوه وين

وفي غرفتها ماطلعت لين يخف الدخون عشان صدرها والربو
هياء تطق الباب
نوره – ادخلي
هياء – ليه ماجلستي معنا
نوره – مالي خاطر والدخون برى والجو كتمه لين يخف شوي وبطلع
هياء تشوف جهاز نوره الي مشبوك – نوره جاتس ازمه
نوره- وش فيس تقولينها كانها سكته قلبيه عادي طول عمري لا انكتمت اشغله وين الجديد
هياء – لاني بديت اخاف عليس احسه زاد عليس
نوره – لا زاد ولاشي وبعدين تعالي وش فيه حمد متغيــــــــــــــــر ولاعاد قام يقعد
؟؟؟؟

منيره – يقول ابوي ان شاء الله قبل لانمشي للمزاين نملك بعون ربي
البنات بطرف المجلس يفركون ايدين بعض من الوناسه
ام سعد- الله يتمم بخير
ام فالح – امين الله يوفقها العوض ولا القطيعــــــــــــــه
ام فهاد- أي عوض الله يهديس ياام فالح الاقولي السعد
ام فالح – وانتي الصادقه البنات وهم بنات ماهم محصلين النصيب
الجازي – ونصيب نوره ماشالله على قوله عمتي يسعى ماهوب يمشي
ام سعد برد خاطرها- وانتي الصادقه ولا زين ودراسه ونفسن طيبه رضيه وش قومه مايسعى نصيبها الايسعى ويسعى
ضحكو البنات وام فهاد منقهره بس المشروه على ولدها ماهوب على بنت الناس
وام فالح تأكدت ا ن ام سعد- تقصد بناتها مع ان ام سعد كلامها دفاع لااقل ولااكثر

والطريق طوييييييييييل ويقطعونه بالسوالف
في السياره والوحه الي قدامهم الرياض 155كيلو
اماني – ماادري وش عليه كل العايله طايرين فيه وكلامه اوامر وخير ياطير قال فهــــــــــــــــــاد--- ولاخلاص كلامه توقيع
فالح- تنشديني وليته على كذا شايخ هناك في الخيط والمخيط
اماني – يااهلكم عليهم طلعات بس وش خوش طلعات
فالح – وانتي للحين ماتغير لسانس كل ماتجين من اهلس القاموس منقلب
اماني- قامووووس اهلي فديتهم

طرد السراب الم والجهل بأن ماتتبعه ســـــــــــــــــــــــراب مر الاالم
واخيــــــــــــرا جاء والقلب ماعاد يحتمل ولولا الضلوع ولاكان ظهر من محله
تغطو يابنات هذال بيدخل يسلم على العجز والنسوان
دخل هذال ملقي قفاه للبنات ووجهه للعجز ومرت اخوه منيره
هذال- وش حالكم يابنات
البنات – بخير زان حالك
ووش حالكم ياعجزنا
ام فهاد تأشر بالعجرى – تعال جاي عشان اشيخ العجرى على راسك
ضحك هذال ومع ضحكته رجف قلبها وعيونها معلقه فيه
هذال حلم الطفوله – وحب المراهقه- وامل الجاي من عمرها
وهمست
عســـــــــــــــى ربي لي يخليه
عســــــــــــــى ربي لي يخليه
هذال كان واقف بطوله المعتدل وشكله الجذاب طريقته وهو يسولف تجذب الي حوله اذ سولف كثير الاانشغال بشماغه اذا ضحك نسف الغتره
واذيتكلم بموضوع جدي ارخاها ولفها بطريقه مايله
ملامحه قريبه من نوره واجد من ناحيه ازين عيال نايف هذال
طبعا العجز استانسو عليه وعلى سوالفه
وقعد يسولف مع منيره وبنتها ندى وسويلفاتهامع دانه
ام فهاد- مافي النسوان ضعييييييييييف ( تقصد ندى)
ودق جوال هذال رفعها وعقد حواجبه واشر بيده اجل فمان الله وسلمو على فالح لاواجهتو ذالليل ياخاله
ام فالح- فمان الله وانت سالم
وفي جهه اخرى طلع وطلعت معه الروح كان هذا ادنى تصوير
لشعورها فجأءه كسى المكان وحشه وفي عينها اظلم سبحان الله فيه مخلوق يخلق شعور لدرجه ان وجوده يصير كل شي حلو وبعده يوحش المكان
ايه فيه هذال في دنياي يسوي هذا كله
بشاير- هيييييييه وين رحتي
سلمى – معكم
الجازي – لافي ربي معــــــــــــــه ماهوب معنا !!!!!!!!!!!!!!!!
ضحكو البنات على تعليق الجازي الي( صــــــــــــدق جابتها)
نوره- طالعت نفسها ف المرايه ورجعت لذكرياتهاوكانت تشوفها ابيض واسود من دون الوان لان ذيك الفتره صــــــــدق راحت من ايامها الالوان واختفت وبالاصح صار لونه اسود وماهو أي سواد سواد الغربه سود تحطم فيه( قلب) وانتهى به (امل)
هياء – نوره تراهم حددو عرس فالح
نوره وعيونها مليانه دمع- جعل ربي يوفقهم
هياء – تكفين لايضيق خاطرس
نوره باابتسامه استهزاء – لايضيق خاطري ليه هو بقى خاطر
ضمتها هياء وقامت تبكي وانفجرت نوره بالبكاء – ودي ابكي ياهياء ودي اصيح من خطبو انا كاتمه من ملكو وانا كاتمه والحين بيعرسون ياهياء بيعرسون
هياء ودموعها على متن نوره- طلعي كل الي بخاطرس وابكـــــــــــــي
نوره – لاماابي ابكي ابي امووووت ياهياء ولايجي ذاك اليوم ابي اموت ولا الحق عرسه
هياء – تعوذي من اب ...... ابليييييييييييييييييييييييييس
رجعت للواقع بلحظه
فجاءه رفعت عينها للمرايه وابتسمت انا حددو ملكتي يافالح
وش حالك الحين !!!!!

اماني – تصدق فالح اشتقت لعمتي
فالح وهويمد صحن المكرونه عليها – بس لعمتس صدق نسوان
اماني – اكذب
فالح – ايه اكذبي
اماني – والله اني مااشتقت الا ولهت عليك موووووت
فالح – للحين القاموس معطل ولهتي علي هااااااا ................
اماني – كم باقي على الرياض وينقلب العداد شفت بنت اصل
فالح- هههههههههه

وفي زاويه ثانيه من اجواء العشاء
الهنوف ومشاعل ساكتين
الهنوف- وش فيس ساكته
مشاعل – وانتي وش فيس ساكته
الهنوف- قلبي يوجعني
مشاعل – سلمى صح
الهنوف هزت راسها
مشاعل- انا جنبها ياالهنوف ليتس شفتيها قسم بالله ان تنهبلين لو العيون تحاكى كانت
تحاكت
الهنوف- المشكله حاله سلمى ماتأهل تقولين لها البنت تحبه اناعن نفسي لو اموت مارحت اقولها احس لو قالو لها والله ان يجيبون نهــــــــــــــــــــــايتها
الله يستر الله يستر

في غرفتها تقلب الملابس
وهي قررت تداوم بكره بس عسى اهلها يوافقون ولايطلعون لها بسالفه توس طالعه من المستشفى
وشوي دخلت الهنوف
الهنوف- الحلا وش قاعد يسوي
نوره- مابه احلا منس وانتي داريه بس بجاوبس انا جعلس تحيين ارتب لبس
لدوام بكره
الهنوف- من جدس تحاكين
نوره- ايه اجل اضحك اول شي صار لي غايبه يومين ثانيا طفشانه ثالثا خاطري اروح لمكان يغسل كبدي عقب المستشفى
الهنوف – ورابعا تنسين وتطلعين من جو وكانس لابعدتي عن ابيت بتنسين
نوره وفي يدها تنوره كانت بتعلقها بس من سمعت الهنوف ارختها وقامت تطالع فيها – تقريبا كذا
الهنوف- النوري طيب وش الي حادس على الغصايب وانتي محلوف عليس ماتغصبين على شي
نوره في خاطرها النذل ومن غيره يسويها
الهنوف- احاكيس
نوره- مابه غصايب الي جاكم صحيح ابوي ناصر يقول اني رافضه عشان عياله
وطلبني وماابي ارده وين الغصايب معه
الهنوف- ماادري احس فيه شي مانيب فاهمته !!!!!
سكتت لحظه الهنوف وبغمضه عين الاوهي متعلقه برقبتها
الهنوف- الا نوري وش رايس نروح معس بكره
!!!!!!!!!!!!!!!!!!!!!!!!!!!!!!!!!!

في مجلس الرجال
ابو فالح- ارحب حـــــــــــــــــــي الله المعرس
قامو الرجال يسلمون على فهاد الي كان جيته بعيده
فهاد- لابالله مابه معرس وين معرس وانتم ما خليتوني املك والمعرس لوبغى خذى مرته وسرى
بها وانا مااقدر اخذ مرتي ومالي عقدن عليها
ضحكو الرجال
فهاد بطريقته فهمهم انه يبي يملك بسرعه
ابو سعد – انا ابو سعد لوبغيت ملكتك ذالليل
ابوفهاد –تسلم تسلم يانايف لكن خله يتركد
ابوفالح – اجل عقب عشاء سلامه نوره ان شاء الله الملكه
ولو انه خاطرنا نحطها ملكتين ولاياهذال
انقلب وجهه هذال وحس فيه فهاد وعلى طول فهادتكلم
لا بالله لااحد يخاشرني في ملكتي لاخلصت سو الي تبي انا ابطيت مافرحت العرب خلوهم يفرحون بي عقبها لاتملك وبس الا في نفس الليله اسر بها ( يعني اخذها معك في الليل)
مبارك يهمس لفهاد– انت وش جايك المعرس يسري بمرته – وياهذال املك واسر بها
وش انت مخطط عليه مابه مره لا بعرس وماهوب معناته اعرست خلاص
شيخه النسوان هذي يافهاد
فهاد – عاد انت وش الي حار ك مرتك وعندك وش لك وش لخلق الله
سعد – سمعنا يافهاد شيلتك في المزاين
فهاد بحرج وعدل جلسته ويده على المركه مرتكيه بطريقه تشرح هيبه راعيها
وجاس جلسه تبين قدر صاحبها - يسمعكم اياها هذال
هذال- الي كاتب شيلاتنا كلبوها ياطويل العمر ابوعوض جعله للمكاسيب ( عوض خوي فهاد )
ويشلها النداوي ويقول
اقبل عليكم اليــــــــــوم فهــــــــــــــــــاد بمنــــــــــقيه
وضحن واذكر الله لا لها نــــــــــــد ومـــــــــــــــــــثايل
وقام هذال يسرد لهم الشيله
فهاد – وسمعنا شيله حلالنا
هذال – ابشر طال عمرك وقام يسمعهم القصيد الي في المزاين
شعل وصفر ومجاهيم كما حـــــــــلكه الليل
طوال ارقاب تنومس منهو مع العرب ملكها
تنومس ( يعني مالكينه تصنع لهم قدر عند الناس )

مشاعل – فديته والله يقول عبود انه جاء
ندى – خالي جاء ودوني له
مشاعل وهي تدنق – مايصير فيه رجال وانتي كبيره بسم الله عليس
وجرتها صياح ليه دانه تروح للرجال وهي بعد تدرس كبيره
طلعت نوره من سمعت صوت ندى تصايح
نوره- وش بلا الندى
ندى ودموعها الي ماتوقف ظالمه ولامظلومه – خالي جاء ومعيين اروح له ودانه مخلينها تروح له
نوره جاها شعور خليط من الخوف ومن الضيقه – خلاص الحين بقول للعيال يدخلونس المقلط
ندى وهي تمسح نظارتها حفظ النظر بطرف ثوبها – يالله روحي قولي لهم
نوره – ان شاء الله بس بشرط لاجيتي عند التلفزيون تلبسين نظارتس ولا لاتقربين واجد منه بعدين عيونس توجعس
ندى – خلاص بس ودووووووني
نوره – ابشري ياندى الورد مثل مايقولون
ندى – لا لا بس خال هو الي يقوله ويقول مابه ورد الاانا وياس
هنا بس جمدت اوصال نوره ووقفت عربيه ندى عن المشي والتفت على عمتها بكل براءه- والله العظيم يقول انتي الورد قلت و دوينه قال لا قلت بس انا بحالي الورد قال انتي وعمتس نوره
ارتبكت نوره ودنقت على ندى – متى حبيبتي قالس كذا
ندى – وهي تسوي بعيونها حركات يعنني افكر
من زماااااان
نوره ماتوصلت لشي ياكد الي في خاطرها – اذا انا الورد فانت الشوك الي
على غصـــــن الورد يافــــــــــــــــــهااااااااااااااااد

مشاعل – احلفي
الهنوف - وربي ماجاس الاالصحيح
مشاعل – ياربييييييييييييييييي يمكن مايوافق ابوي
الهنوف- بس قولي على الله توافق امس تمسين عندنا ولاابوس نرسل له النوري لان امس سمعتها تقول
بتسرين معهم
زمت شفايفها – والدبره ( يعني وش السواة)
الهنوف- الدبره دبره الله خلينا نشوف الجازي تقنع امس

نوره دقت على هذال تقول له يقول لفهاد ندى تصايح تبيه وحنا في المقلط خله يجي لها
هذال – على خير لادقيت عليس يعني ترانا جينا اطلعي
راح هذال لفهاد-
هذال- به عرب يبونك في المقلط
فهاد ارتبك بس مابان عليه شي ويوم شاف هذال دخل معه ردد بالخفاء
يجيب ربي العواقب سليمه لانه توقع انها نوره
وهو داري انها ماهيب جايبتها على خير مع ان انه للحين لاوي ذراعها
ضحك في نفسه ومستانس اني لاوي ذراعه اقولها كان فعلي نوماس
تغيرت يافهاد ولاهو انت كذا ماحد يهمك الاعمرك !!!!!والي تبيه تحصله!!!!
دخل المقلط واول ماشافها ارتاح وهو اصلا شوف بلا شي يريح وش عاد وهومتوقع شي شين طلعت هي
دنق عليها وحبها وجرها لين قعد على الكرسي مقابلها
فهاد – حي الله نداهم وغلاهم
ندى- ليه ماجيتني دانه تقول انها راحت لك وقلت لها انتي الزينه وانتي ندى الورد لييييييييييه
ضحك فهاد- اعنبو ابليس ذالبنت كان غيرتها بتذبحها – دانه تغار من اختها عشان الكل يهتم بها وتناكد ندى من الغيره
واسترسل وهويحط شعرها ورى اذنها ويتأملها – تلعب عليس مابه ندى ورد الاانتي
وقامت تسولف عليه
طبعا هذي اول مره مايطلعون ندى عليه لانها بسم الله عليها طالت
قعدت تسولف عليه ويديه على ركيباتها والحزن بدأ يتغلل لنفسه
كبرت وتغيرت وعيشتها ناقصه والي يكرهه صدق ويعيفه عمره
كلام الدكتور ان ماعندها مناعه وادنى شي يصيبها بالااضافه ان المعاقين ماهم من الناس ذوي الااعمار الطويله ونادر ماتشوف معاق وصل لسن الرشد والشيخوخه
كلامه (رصاص) يصيب قلبه كلامه (سم ) يمشي في وريده ندى هي الحاجه الوحيده الي في حياته ماطفت الوانها الحاجه الحلوه الي ماتغيرت في دنيته
ندى عيوني الي اشوف بها لاراحت ماعاد اشوف شي
ندى- خالي وش رايك بشعري حلو
شعرها كان ملفلف من تحت بطريقه حلوه
مسكه فهاد – ماشالله وش ذالزين
ندى- عمتي نوره سوت شعرها كذا قلت سوي معس بس هي احلى شعرها طويل وهي تأشر على ظهرها ماهوب انا قصير
فهادابتسم ابتسامه خبث والتفت يشوف فيه احد وكن السالفه جازت له - نداوي وش لون شـــــــــــــــعرها؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ^-*


نوره عند المغاسل حقت الحريم شافت نوال جايه
نوال – ماباركت لس يامرت اخوي او اسفه اقصد يالعروس
نوره تنفست بصوت عالي علامه الطفش- الله يبارك فيس
نوال- بس لاتوقعين انس بتوفقين وانتي الي هدمتي حياه شخص ثاني ولاتهقين انس بتفلحين وبه احد يدعي عليس (حسبي عليس كانس وقفتي بطريقي )
حسبي عليس كانس خليتني عرضه للقيل والقال
(الله لايوفـــــــــــــــقس )
نوره بعد ماراحت نوال تكت على المغاسل بيديها الثنتين ومدنقه راسها ورفعته ببطى عشان تشوف الدموع الي كست ملامحها تشق دربها بقهر عشان تستقر على يدها وعلى طرف المغاسل
يارب رحمتك يارب رحمتك

منيره – من زين علمها عشان تروح اتمشى مفصوله وتكأفونها معصي تنطق
الجازي – واذا قلت عشان ابو نايف
منيره – لاترفعين ظغطي
الجازي – طيب تراكم زودتها مفصولين مفصولين وخير ياطير مرتبكين جريمه ...!!! ماكن الااخت هي الي فاضحتهم
منيره- ايه جريمه تنثبر وتخلي مني تباع الهنوف وطرايقها
الجازي – هيه منيره عسى ماشر تراها عمتها ولانسيتي واخت سعد
منيره – هي ماانهبلت لا يوم ماشتها ونقلناها معها
الجازي – مالت عليس زييييييييين
منيره – امسي علي وفكيني وقولي مأسالتي شيخه حامل الشهر ذا ولا لا؟؟؟؟؟؟؟؟؟
الجازي – وانتي ماعندس الاذي الااسطوانه كل شهر تسألين نفس السؤال ؟؟؟
منيره – ايه ماعندي الاهي لان امس ناويه تزوجه !!!!!!!!!!!!!!!!!
الجازي فتحت عينها علــــــــــــــــى الااخــــــــــر

شيخه في غرفه نوره تدهن رجليناها
دخلت نوره – هي تراهم قدمو العشاء روحي تعشي
شيخه وهي تسكر علبه الكريم – وانتي ليه ماعشيتي
نوره وهي تروح لسريرها – كليت لي لقمتين كرامه لسعد وقمت ولاانا مالي نفس
شيخه- وانا بعد
نوره- لايكون ............
قطعتها شيخه – لا انا ما اصلي
نوره- امانه معس امانه ياشيخه انتي تركتيها
شيخه- وربي يانوره خليتها وحطت يدها على بطنها
كل يوم يانوره وانا اقابل المرايه واحط يدي على بطني ويد على ظهري اتخيل لو اني حامل كل ليله اتحسس بطني متى يجي وتسكنه قطعه من محمد قطعه تكبر في بطني قطعه امنيتي تجي بس اخاف ان هذا عقوبه الله لي لاني اخذ الحبوب من وراها
وجلست تبكي ونوره منقهره على حال اختها
نوره وهي تمسح دمع شيخه اذكري الله – وقولي ابتلاء من الله سبحانه وتعالى بدال ماتقولين عقوبه
شيخه – بس بعد لااحد يلومني انسان ماعطاني شعور استقرار في أي لحظه يمكن الاقي نفسي في بيت اهلي يامد يده يامهاوشني وحاط الحره فيني
ليه اربط نفسي معه بضناء اعذب نفسي ليه ؟؟؟؟؟
نوره –تمسح على راس اختها وهي تدعي ان الله يعدي ذاليله على خير
من بدايه دعاوي نوال الى شيخه وعناها
في البرد اشديد طلع من المخيم متوجه لسيارته والهواء يلفح شماغه تلطم وبالحسره وصل لسياره من الوجع ورمى نفسه على السيت
– ودخل وفتح درج السياره الي حاط له قفل
وحاط مواعيده وادويته وكل شي فيه
وعلى طول تناول حبوب (نترو جلسرين) وحطها تحت لسانه
وخلال دقايق تحسن وبعده قام يقلب في اوراقه ويشوف متى موعده الثاني عشان يصرف له الدكتور حبوب ( النترات ) لانه مفعولها اطول امد من النتروجلسرين
وبعد ماهدأ وخف وجعه ابتسم لما شاف الدرج وقفله وتذكر تحقيق شيخه وليه حاطه
وتذكر يوم قال لها عشان احط فيها عقد مرتي
طلع جواله وارسل
ياليل ( ياريف ) العيون المساهير
انا دخيلك لاجفاء النوم عنها
ماهوب ذنبي لاعصتني المقادير
واصبح خفوقي للمصايب وطنها
احدن فراقه عن عيوني تباشير
واحدن فراقه ياخذ الشوف منها
منقول

في السياره وفالح في المحطه
اماني –احسن خليها الله عليهم
نوال- على بالس بكت شي قسم بالله يااماني ولادمعه وكني اكلم جدار
اماني – الااشكال ذي عديمه احساس ولاكنها سوت شي
نوال- الله لايوفقها ياماني بس الحمدالله مسكت نفسي ولاخنقتني العبره يوم قلت لها حسبي عليها كانها خلتني حكي عرضه للقال والقيل بس يوم حسيت ا ني تعبرت رحت وخليتها وياجبل مايهزك ريح ماحست ولابان عليها شي

نوره فضى المكان عقب العشاء
وهجدوا هل البيت طبعا واخيرا وافقت منيره تخلي مشاعل بس ذاليل
شيخه نامت ماحد واعي في بيت الشعر الاالشيبان والعيال والجازي
طلعت الاب توب وعلى طول منتداها وقسم نزف الخواطر
اتــــــــــــــــــــــــألم
بل اتأوه من الاالـــــــــــــــــــــــــــــــم
عندما افتح عيني على واقع لااريده
عندما اتمنى ان يعود زمان جميل انتهى
عندما اتذكر انسان عزيز رحل بل عوده
عندما اكتشف ان لااحد حولي سواي
عندما اقف امام المرأه فلا اتعرف على نفسي
عندما انادي بصوت مرتفع ولايصل صوتي
عندما اشعر بالظلم ولااستطيع نصر نفسي
عندما اتنازل عن اشياء احتاج اليها بااسم القرابه
عندما اظطر يوما بالقيام بدور لايناسبني
عندما اظطر لتغيير بعض المبادئ لااساير حياتي
عندما اصافح يد ادرك مدى تلوثها
عندما انحني بذل للعاصفه كي ابقى في مكاني ولاتقتلعني
عندما اشعر بان هناك اناس فرضت الحياة وجودهم معي
عندما اغمض عيني على حلم جميل واستيقظ على وهم مؤلم
عندما ارى الااشياء امامي تتألم بصمت
عندما يدخلني احساس قلق بااني تسببت في ظلم انسان ما
عندما اجد نفسي اتنازل عن احلامي واحد تلو الاخر
عندما ضحك بصوت عالي كي اخفي صوت بكائي
عندما ارتدي قناع الفرح لاخفي( ملامح الحزن )من وجهي
واتألم عندما اشعر باني سبب تعــــــــــــــاسه انسان ماء

منقول لامانه

كانت تقصد اناس فرضت عليها الحياه وجودهم معها فهاد
وكانت تقصد شيخه بالاشياء الي تتألم بصمت امامها
وكانت تقصد فالح بالاانسان العزيز وايامها معه حلم جميل انتهى بوجود كابوس
(فهــــــــــــــــاد)
كانت تقصد انهاسبب تعاسه وظلم انسان نوال
وفي النهايه كل هذي مشاهد
ادمت قلبها وخلت قلبها صدق مثل ماكتبت
يتألـــــــــــــــــم


تمت
تواقعاتكم الله يجزاكم خير
وارائكم في الجزء تهمني
نبض ومشاعر
تنتظركم بشوق
طاقمي كونو كما عهدتكم على اتم استعداد

في حفظ الباري
الى ان نلتقي الثلاثاء القادم

عدنا بالرد

السلام عليكم ورحمة الله وبركاته ..

الهنوف

السلاااااااام عليكم..

كل عام وانتي بخييير نبووضه..
الجزء ابدااااااااااااع.. كل ابووه وكل مشااهده رووعه.. بس اكثر شي قهرني نوال قليلة الادب..
واكثر شي زعلني مرض محمد..

محمد.. مااتشووف شر يااا شيخ الله يعافيك ياارب ويحميك ويحفظك لشوواخه.. والله انا شفت اسم علااجك وعلى طوووول سوويت بحث في قوقل.. العلاج الاول مالقيت له شي اكثر من انه سيتخدم بالمتفجرات والصواريخ بسم الله علينا بعني شي طبي مالقيت عنه.. وبعدين قلت يوه لايكون نااوي يامحمد تصير صاروخ وهذي هي الطريقه.. هخهخهخهخه.. وبعدين بحثت عن الدواء الثاني ولقيت انه يستخدم طبيااا لمرضى القلب.. وانه يستخدم لعلااج الذبحه الصدريه.. الله يكفينا شرهاا ياارب.. يعني انت اذا بحثي كان صحيح عنك القلب؟؟؟ بس من متى وكيف مالاحظوا اهلك عليك شي؟؟ وانت ليش ماقلت لاحد شي؟؟؟ والى متى بتخبي وضعك هذاا؟؟؟؟؟؟؟؟؟؟؟

نبض ومشاعر


اسلوب في غاية الروعه مع انه اكثر الكلام مو مفهوم لانه بدوي بححححت الله يهديك بس ترى اغلبنا حضر مع انك ماتقصرين تترجمين لنا بعض الاحيان بس ولو

خخخخخ مجتمع ابطال الروايه يذكرني بمجتمع ناس يقربون لي كله اربط الابطال فيهم

المهم استمري على هذا الاسلوب الشيق مع ان البارت مررا قصير بس كل شي منك حلو

بس في شي قاهرني الحين نوير لازالت تحب فالح وش ذا عاد؟

فهاد يطفره ويطفر ابوه قولي لها تعقل والا في ناس بتاخذه اذا ماعقلت<< انا اللي باخذه

وسلمى مسكينه لاتكسرين بخاطرها تكفيييين لان قلبها ابيض


وعلى فكره زارا ترى اموووت في ردودك عليك خفة دم ياشيخه