السلام عليكم ..
فهاد
ويل حالي عليك ياالشيخ ضاربتك عيله عشان تاخذ نورة ولا والمسكينه توها طالعه من المستشفى حليلها وغير حالتها الي محد حاس فيها ,, وحركة بوكيه الورد هههههههههههه رووعه وطلعت هب هين والله وحطيت اسم ام فهاد لانك ذكي وعرفت من كلمة اخلال وهلال اكيد نورة بتعرف انت الي يبت البوكيه ..واتوقع ان هالكلمة الي قالتها نورة في ساعة غضب اكيد ما راح تعديها لها وبيكون لها حسااب .. وكره فالح لك مع انه في شي خلاني افكر فيه ..
|
اقتباس :-
|
وش بينكم من عقب ماطلعت من السجن وفكك الله من الي وهقوك
|
يعني انت مطلع فالح من السجن .. وشوه التهمة والناس الي موهقينه فيها ..؟؟؟؟؟؟ وهل فالح كان متهم زور ولا صحيح هو مذنب ..؟؟؟؟ وليش يكرهك هالكره وانت السبب في خلاصه من هالشي .. ؟؟؟؟ والمفروض انه يكون نقطة ايجابيه لصالحك عند فالح ..
نورة
ينرحم حالج يا نورة يوم عن يوم ومحد يعلم بالي في قلبج الكل يعتقد انج فرحانه ومواقفه على هالزواج الي انتي رافضته ومالج خاطر فيه ..ويوجهون لج التهم والكلام الجارح الي يعذبج فوق العذاب والقهر الي انتي فيه .. كل هذا والقرار هب بيدج انتي لا بيد فهااد الي مصر ياخذج والكل يلومه عشان اخذ وحده مطلقة وما تييب عيال وما دروا انها هي حبه القديم وسبب وصوله لطموحه وغايته الي بسبب هالشي ضاعت منه وتزوجت فالح وقدر له انه يطلقها ..وترجع تكون من نصيبه .. هل راح في يوم تعرفين انه فهاد اخذج لانه يحبج ولا هو مجرد عناد بفالح وبسبب النفور والحقد الي بينهم .. وافكارج يوم طروا فهاد وانج في ويوم بتعيشين وياه تحت سقف واحد لهدرجة هب قادرة تتقبلينه وتتقبلين انه يكون زوج لج .. وسلبيتج وضعفج على كل تواجهينه من كلام جارح ويحطمج وانتي ساكته المفروض تكونين اقوى من جي وتواجهين الكل لانج ما سويتي شي غلط وصنتي نفسج واهلج .. ويوم فهاد خطبج كان من نفسه هو هب انتي الي طلبتي هالشي .. يعني المفروض تقوين وتحاولين تكونين اشجع عشان تقدرين تتحملين الايام الياية والكلام الي راح تسمعينه بيكون ازود واشد من هالكلام ..
السيافي .. سيف هدية عدوتي الغاليه 
ما يهمك كلام ام لسان ولا الي تقوله لانها اكيد في يوم بتندم عليه اشد الندم وانه فكرت فيك هالتفكير .. وقالت عنك الهايت والمهرج الي كان بالنسبه لك صدمه وخصوصا من الهنوف الي في يوم بتكون زوجتك .. واتوقع الا اكيد انك ما بتعدي هالكلام بالساهل مثل كل مرة واكيد انك بتسوي شي تحاول فيه كسر راس الهنوف وتندمها على الي قالته بحقك .
محمد وشيخه
هذا الي توقعته انه تكون مريض يا محمد ومرضك ممكن يكون سبب لموتك وهذا الي تفكر فيه وتفكر في شيخه من بعد حياتك وكيف بتواجه الحياة .. وتتمنى انه يكون لها منك شي عشان تقدر تتحمل من بعد ويكون لها ذكرى منك ..الله يعينك صعب الانسان يعرف انه حياته في هالدنيا محدوده وايامه قليله.. وشيخه اكيد ما راح تتحمل فكرت مرض محمد الي للحينه ما تعرف عنه شي بس اعتقد ما راح يطول هالشي واكيد محمد بيحاول يخبرها خصوصا بعد ما يعرف ان شيخه حامل ..وبعد ما تعرف انها حامل بيكون عندك دافع وامل انك تتعالج وتعيش معاها ومع الطفل الياي بالطريق .
هذال وسلمى
سلمى حبها لهذال وقاعده تبني احلام وامال بانها في يوم بتكون زوجته وتكون شريكة حياته .. هل فعلا هذال بيتزوجها وهو الي عقله اخذته عيده وسلبت تفكيره ..؟؟؟ فعلا حالتهم صعبه خصوصا لما يكون الحب من طرف واحد والطرف الثاني ما يحمل له اي معاني الحب .. بس اتوقع انه بتزوج سلمى لانه القوى العظمى ما راح توافق انه ياخذ وحده غريبه وهو الي محيرين له بنت عمه .. بس شوه يتكون ردة فعل سلمى لما تعرف ان هذال ما يفكر فيها ولا وده انها ياخذها عقب حب كل هالسنين الي تفكر فيه وتتبع اخباره ..؟؟؟؟؟؟؟
نوال .. تستاهلين الي يسويه سيف فيج .. خليه يعلمج انه الله حق وانج وحده يبغي لج تأديب ويعلمج كيف تحترمين اهلج وتصونين وتسترين عمرج ..واتمنى انه ياخذج واحد يعيد تاهيلج من اول ويديد ..
فالح واماني
فالح المالح الحينه توك ياي تفكر في نورة ولك خاطر فيها .. توها حلت في عينك بعد ما خطبها فهاد وهي كانت زوجتك وكان بمقدورك تحافظ عليها وما تتزوج الشيفه اماني .. بس صدق الطيور على اشكالها تقع .. ويمكن كان طلاقك منها رحمه لنورة وخلاصها منك يالشيفه .. وخلي شينت الحلايا اماني تنفعك وتييب العيال الي بسببهم تخليت عن نورة وبعتها برخيص وهي الي كانت لك نعم الزوجه ..بس شي للحينه مستغربه منه ليش للحينه اماني ما حملت وكان زواجك منها عشان تبي عيال .. معقوله تكون ما تيب عيال ...؟؟؟؟؟؟ واذا فعلا في شي يمنع الحمل اكيد بتكون صدمه لك وللكل ..
نبض ومشاعر سلمت ايدينج يالغلا على الجزء .. ولو انه كان قصير وكان ودنا انه يكون اطول شويه بس ان شاء الله بالاجزاء الياية تعوضينا .. وكل عام وانتي وكل من يعز عليج بخير وعافيه .. بس عندى طلب يالغلا وجان ما يضايقج .. حاولي تفصلين بين كل حوار والثاني لاني تخربتط وانا اقرأ الجزء بسبب ما فيه فواصل بينهم ..
ونحن بانتظار الجزء القادم بكل شوق ولهفه ..
07-12-08, 09:52 PM
جديد مواضيع قسم الارشيف
العرض العادي
