هلا فيك ام دودي

هلا ومييييييية مررررررررررررررحب


شكل المطبخ صار ملاذ من يوم فضيتي يالغاليه ههههههههههه

هههههههههه والله المطبخ مالنا غناة عنه .. مع اني مااحبه هههههه


ربي يرجع لك عيالك بالسلامه <<< احم احم تفكر فيهم باستمرار
آمين يارب العالمين والله يحفظهم
هههههههه لو تدرين أن المعصومه انا ادور عليها لأنهم يحبوونها ..
لذلك تعلمي كيف تعمليها .. خخخخخخخخخخخخخ

شوفي انا ماقد دخلت غير قسمي واليوم بالصدفه ادخل للمطبخ << مو جيعانه ومشتهية تسوي شي خفيف خخخخخخخخ

المهم اعتقد انك تقصدين المعصوب .. احنا في الحجاز نقول له معصوب واتذكر وحده من بنات الرياض تقول له معصوبة

على العموم اللي جابته العزيزة جنا اعتقد انو معصوب مناطق ثانية مش معصوب الحجاز الا اذا فيه عندنا كذا وانا مو عارفه ترى يجوز << من كثر ماتعرف المطبخ وتفهم فيه هههههههههههههه


بس شكلو مرة لذيذ .. خاصة بالتمر احسو بيطلع حلو ...

تسملي جنو على الوصفات ..

احم ..

عاد انا بقول لك على المعصوب الحجازي ..

فيه طريقه مرررة سهله احنا نعملها في البيت بس طبعاً مو زي المتخصصين فيها زي فول القرموشي وابو زيد عندنا هناك يعملونه بطريقة روووعه ..
المهم .. تعرفين الخبز البر

جيبيه جاهز مايحتاج تتعبين نفسك وتسوين

قطعيه بيدك لقطع صغيره وحطيها في فرامة اللحم اذا عندك

راح تفرمه بس مو ناعم مرة خليه على الوسط ..

واذا مو عندك قطعيه لقطع مرة صغيرة .. نتفيه يعني هههههههههه

بعد ماتفرمينه حطي كل الخبز المفروم على صفيح او صاج وحمريه مع شوية سمنة او زبدة واذا مافيه حطي زيت <<< زي ماتعمله امي .. اهم شي لاتكثرين عشان مضر ولو ان كلما كثرتي السمنة كلما يطلع طعمه الذ ..

لاتخلينها كثير على النار اول ماتحسينها بدت تصير قاسية ارفعيها مو تقسينها مرة لا بس شويه ..

جيبي حبة او اثنين موز على حسب حبك للموز .. المهم امي تحط حبة وحده .. واهرسيها بالشوكة لحد ماتصير عجينة مرررة .. واخلطيها على الخبز المحمر


اضيفي علبة قشطة وحركيه وحطيه في طبق تقديم


اذا تحبين اضيفي عليه عسل وبهارات زي قرفة وهيل على خفيف واذا تحبين السكر اضيفي عليه شوية سكر يعطي طعم حلو ..

وبس بالعافية يادودي

انا جبت لك وصفة ماما وحاولت اسهل لك الاسلوب عشان تفهمين بسرعه لأني احيانا اتورط مع وصف بعض البنات تضعي وتضيفي وتجعلي هههههههههه

على العموم يادودي اذا تبغي اكلات حجازية آمري بس ..

هههههههههه اخاف نقلبها تبادل وصفات ونخلي الشغل .. وبعدها مايردنا الا الباب من المنتدى خخخخخخخخخخخخ