كاتب الموضوع :
عيونك اخر آمالي18
المنتدى :
الارشيف
[COLOR="Green"]" بســــم الله الرحمـــن الرحيــــم"
...**& ترى مهما أكون إنســان&**...
بقلم: عيونك آخر آماليـ18..
أهديكم أحبتي أول روياتي
كتبتها وأنا أتأمل أن تعجبكم وان تحوز رضاكم
كتبت فيها كل شيء رأيته
واشيــــــاء لم أراها في حياتيـ ولأكن تمنيتها
كتبتها وانا لا اريد ان ااملئها بعدة امور
أردتها بسيطة بأسلوبي
لم أشاء ان ابداء بشيء كبير اردت ان ابداء بقصة بسيطه نوعا ما
بالنسبهـ لخيالي الواسعـ
وقد تكلمت بقصتي عن اشياء عده ولاكن لم أشاء ان أغوص فيها
أردت إن إبداء معكم أحبتي بهذه القصة التي يتكلم أكثرها عن الحب
انالطالما بحثت عن الحب فهو السعادة...
اردت ان اخرج من ضجيج الصمت
الى صمتـ الكلام
اردت الخروج من حريق الحقد
والدخول في تفاصيل الغرامـ
احبتي افتحوا لي صفحه بمخليتكم
واحجزوا لي معكم لنبحر في خيالي
الذي يسكن الواقع اكثر مناطقه
حاولت أن اقرب الواقع بأكبر قدر ممكن فاستوحيت أحداث من حياتي
وجسدت أبطال خيالي الواسع
أتمنى جدا ان ينال أسلوبي رضاكم
بقصتي هذه تكلمت عن
الحب...فالحطة الحب الحقيقي كلحظتي الميلاد والموت لا تتكرر ..!!
الخيانة...أصعب شيء فالحياة
الظلم...وهو ابشع احساس يشعر به الشخصـ...
الغيرة..هي التقاء صوت العاطفة بهبوب العاصفهـ....
الصداقهـ..الصداقة كالمظلة كلما اشتد المطر كلما ازدادت الحاجة لها..
وامور عديده سترونها بسطوري
الحب هو اجمل شيء في الحياة يأتي من دون ميعاد تماما كالموت
ولأكن الحب يجلب معه الفرح
بعكس الموت تماما لان الموت يجلب معه الحزن كارثة
تحل بأهل الميت فقد رحل ولا رجوع له
ليس من الصعب أن تضحي من أجل صديق..ولكن من الصعب
أن تجد الصديق الذي يستحق التضحية !
جملة نرددها ونحس بأنها تملك معاني كثيرة
ولاكن يبقى السؤال من هو هاذا الصديق اللذي سيظحي من اجلي
هل هو موجود في حياتنا هذه...
لضمير صوت هادئ..يخبرك بأن احدا ينظر اليك
الضمير
جميعنا نمتلك الضمير
ولاكن من منا ضميرة حي!!
من منا ينتصر صوت ضميرة على صوت الجانب السيئ منه!!
أحيـاناً ..
نؤثر الصمـت لأننا نعجـز التعبير عن مشـاعرنا
ان الصمت شيئ جميل عندما لانجد من الكلام مايفيد
ايظا عندما يستوجب مننا ان نتكلم نجد انفسنا نقف عاجزين عن
الكلام فنصمتـ
عندما نرى عذاب اخواننا ....نصمـتـ
عندما نرى اطفال يتعذبون....نصمـتـ
نرى حرب نرى دمار نرى هلاك مدن وماذا...........نصمـتـ
ان للصمت احيانا ضجيج..يطحن عظام الصمت..
سأتكلم ايضا عن طائفه هاجمت مجتمعنا
سأتكلم عن شذوذ غزانا
اصبحنا نرى الان طائفه غريبه من البشر
وانا لاطالما تسألت
هذه الطائفة تنسب نفسها لاي جنس بالظبطـ!!
ايعلمون بهول مايفعلونة الايتعظون
ليس سهل مايفعلونة
فهتزاز عرش الرحمن ليس بشيء بسيط
ولاكنـ يمهلـ ولا يهملـ
احبتي
قصتي هذه وظعت فيها جهدي لتظهر لكم بأجمل صورة
عشت مع ابطالها
تمنيت وجود بعظ من شخصياتها في حياتي
كتبت فيها بعظ من الامور اللتي واجهتني في حياتي
وها انا الان اقدمها لكم
واتمنى ان تحوز رظاكم....
اختكم:عيونك آخر آماليـ 18...
الفـــ ص ــل الاول
الجــ الاول ـــزء
*&.تســـ الحياة تمـــر.&*
تجري الحياة وتسير
تلعب الاقدار
ويسخر مننا الواقع
وتستمر الحياة
اول بيت سنتعرف عليه
ابطاله ليسوا بأناس اغنياء
ولاكن لديهم مايكفيهم وهاذا يغنيهم عن سؤال غيرهمـ
ليسوا ايظن بأناس مثالين لاتظهر لهم زلة وليس لهم جانب شيطاني بتصرفاتهمـ...
منزل متوسط الحجم
اثاث ليس بغالي الثمن
ولاكن ذوق راقي ولمسات جميلة
انه احد البيوت
التي تقطن بمحبوبتي الرياض
انه بيت بطل قصتي
ّّّّّّّّّ***********
كانت ام نواف
تصوت من الدرج على بنتهاالبندري
ام نواف: قومي يلة ماعاد الا خير يلة ترى اخوك تحت
البندري:طيب يمه خلصت هذاني بنزل
وتربط شعرها الاسود المزرق بشكل فوظوي زاد من جمالها وترفع شنطتها CAT
واتجهت على طول لدرج
واخذت تنزل درجاته وهي تدندن
وفي الصاله وعلى الارض مفروش سماط
وعليه مالذ وطاب
نواف:ماشالله ياام نواف وش
هالسنع ذا كلة شكشوكة مرة وحدة طالعه سنعه لولدك نواف
ام نواف وهي حابسه الابتسامة:اقول بس اترك عنك هالهرج والطنازة على
هالصبح
وتدخل البندري وبراطمها واصلة للخرج من التعبيسه:سلام
الجميع:وعليكم السلام
نواف:ياهلاوالله بام كشه
البندري بستهزاء:ارحمني يامهند<<خخخخخخ فيوزاتها ضاربه
نواف وهو يقوم :اجل مهند هاه اوكي دوري لك احد يوديك يانور هههههههه
ام نواف:اقول ورى ماتركدون
التفت نواف على امه وبتسأل قال:يمه اجل وين هاجر
ام نواف:ايه صح هاجر بتغيب تعبانه شوي
ابو نواف:السلام عليكم ورحمة الله وبركاته
بعد ماردو عليه السلام توجهو له نواف والبندري عشان يحبون راسه
البندري:صبحك الله بالخير يالغالي
ابو نواف: هلا هلا والله بنو
هاه كيف الدراسه ترى هالسنه توجيهي وانا ابوك بيظي وجهي
البندري يقالها تنكت:ليه انت مب اسمر يبه عشان ابيظ وجهك وتموت
من الظحك هههههههههههههه
نواف:البندري خن نروح دمك بدى يخف
البندري: طيب ثقلة هههههههههههه
هاذي حلوة لاتقول حلوة
نواف يقلدها:حلوة ولامرة هههههههههه
البندري من الظحك رشقت كل اللي بفمها من الشاهي على امها
ام نواف:حسبي الله على بليسس يالمرجومة هالحين من خف دمس ولا دمه عشان تظحكين هالظحكة
روحوا يلة لايجينا شين اكود<<يعني شي اكبرخخخخخخخخ
البندري راحت تغسل
نواف:يلة اجل انا بطلع وقلولها تلحقني بسرعه وقولوا لهاجر ماتشوف شر
ابو نواف: توكل ياولدي ويلتفت على مرتة:وش فيها هاجر
ام نواف:سبحت امس العصر ونامت تحت المكيف وهالحين حالتها حاله
ابو نواف:هالمكيف ذا مرظ على المسلمين
كم مرة اقولها اقصريه بس ماتسمع ..
****************
وفي احد شوارع الرياض وبأحد السيارات اللي تنتظر من إشارة صحارى تفرج على الخلق وتفتح
كانت هناك سيارة نواف الرنج البيج
كان نواف طفشان من الاشارة فجت فباله فكرة
نواف :اقول بنو بعد شوي اظحكي
البندري :بسم الله عليك ليه
نواف:ماعليك انتي بس اظحكي معي
يلة يلة تشيز ويقطعون الاشارة زي السلام عليكم
البندري:مهبول انت بغينا نروح لولا ستر ربي
نواف:عشان كذا اقولك اظحكي
البندري مسكينه مافهمت ولاحبت تسأل عشان لايتفلسف عليها
التفت عليها نواف وهو يبتسم وقال:شكلك مافهمتي
البندري :فهمنا يامقطع الاشارات
نواف:ابد ياطويلت العمر هالحين حنا قطعنا الاشارة فالكميرا حقت المرورصورتنا ولازم
حنا نبتسم عشان تطلع صورتنااحلى
بنو بتقهره:كان قلتلي عشان افتش حسافه مارح ابين
كفخها نواف بااقرب شريط جنبه اقول اسكتي بس
وكملوا طريقهم وهم مشغولين بسوالفهم اللي ماتخلص
***********************
وفمكان ثاني تقوم هاجر اللي هي اخت نواف
وتتصل على خويتها
هاجر:الو هلا
منى:هلا
وتكمل وهي تغني... كلو يصحصح كلو يقوم
هاجرتدندن لها:تربت تربت توت
منى:علشان نبداء اجمل يوم
هاجر:تربت تربت توت
هههههههههه
منى:بشري مشت الخطة
هاجر وها لاسم يعنيلي كثير لان من يحملة هو تؤم روحي ونصفي الآخر<<انسجمت مرة خخخخخخخ
:وش رأيك يعني مامشت وبكلمك لوما مشت ماشفتيني أكلمك الحين كان انا الحين بالساحة
منى:انا بصراحة ماكذبت زيك قلت مارح أروح تعبانه شوي
هاجر:لاياشيخه ماكذبتي اجل ذا وشو
منى :لابس انتي جبتي الابجورة وخليتيها على جبهتك لما صرتي حارة يقالك مصخنه<<خخخخخخخخخ
هاجر:اسكتي الله يعافيك تنذكر ماتنعاد
لما جاني ابوي وقاللي اوديك للمستشفى بغيت اخرها
منى:غريبة بالعادة هالحركات حركات نوافوة
هاجر:اقول بس سكري لاتجي امي هالحين
منى:ايه يله سي يو
****************
*&..نشـــ بس بالآخر ــــاغب
تميـــ برائتنا ـــزنا ..&*
وبالمدرسه وعند الباب كانت بنو تصفط عبايتها وتمشي بهدوء وفجئه جتها رزان واثير
رزان:هلا والله
اثير:سلام
بنو:هلاوالله سلام كيف صبحكم
رزان:اسكتي الله يخليك ترى علينا فيز اول حصة
اثير:لاعاد قولي غيرة
بنوتكحلها:لاوبالفصل بعد مو بالمعمل
رزان:امشو بس نروح لشلة
وبوسط الساحه وعند منصه كبيرة كانت هناك مجموعه كبيره من البنات مسوين شكل اقدر اقول عنه دائري
ولاكن دائري من نوع اخر لان فيه اللي متكيه عاللي جنبه وماده رجولها واللي قاعدتلك بالنص
تحل الواجب واللي واقفة تشرح سالفة ومتحمسة والشنط كانت شيء أخر
يعني البنات كانوا مسوين فوظى كبيرة تقدمت بنو ورزان واثير لهم
وكل وحدة رمت شنطتها وكملت الناقص
بنو:سلام على المفهيه والمواصلة والتعبانه والصاحيه وواحد شيشة ياولد <<قالت هالكلام وهي
ترمي نفسها عليهم
الكل :هلا والله
هههههههههههه
اما رزان فرمت السلام هي واثير وجلسوا واندمجوا بسواليفهم اللي ماتخلص لحد مايرن الجرس
لتتجه كل منهم على طابورها وتبدا يوم دراسي جديد
********************
رح ننتقل الحين لبيت قريب من بيت ابو نواف
بيت قديم ببنيانه ولاكن جميل
كان بيت كبير جدا
صالات واسعه
اثاث فخم
ولاكن اهله ليسوا اصحاب الأنفس السيئة
ليسوا من يفسقون على النعمة
ليس لديهم من هو يرفع بخشمة
ويتذمر لاتفه الاسباب
ليس منهم من يحتقر الطبقه العاديه من المجتمع
وهذا غريب بمجتمعنا
فاعتدنا لاصحاب المال
هذه الصفات
لقد كانوا اناس بسيطين جدا
لايستطعمون بالاكل الا وهم مجتمعين على الارض كما اعتادوا من ابيهم المتوفي
مع غنائهم الاانهم يمنعون وجود السائق
فهم يمتلكون الغيرة على محارمهم
عادات لم يستطع الوقت محيها
....
وبأحد صالات هذا البيت...
كانت أم محمد مرة الجد تكلم أم نواف
أم محمد:أقول يا أم نواف وش رايس نطلع ها لخميس
أم نواف:وأنتي الصادقة وه بصراحة ملينا ها لبيوت
أم محمد:إيه والله خلينا نغير جو شوي
أم نواف:خلاص اجل تجهزو وبأ قول للبنات يجن يوم الأربعاء قبل الخميس عشان نطلع سوى
أم محمد:اجل أدق إنا على بناتي وأكلمس
أم نواف:يله اجل بروح أشب على غداي
أم محمد:فمان الله
أم نواف:مع السلامة
أم نواف بصوت عالي أخذت تنادي
أم نواف:هاجر هاجر
هاجر:هلا يمه
أم نواف:وش صار عليك خفيتي
هاجر:إيه الحمد لله
أم نواف:دقي على خواتس كلهن وقليلهن بنروح يوم الخميس لشاليه
مع بيت جدس عشان ياخذون احتياط لعيالهم بالملابس
هاجر وهي مستانسه:هيه وناسه هالحين ادق بس خواتي كلهم يداومون هالحين
العصر ادق عليهم يالغاية
ام نواف وتوها تتذكر:ايه صح ودقي على نواف قوليله لاينسى اخته ترى ابوك يقول مهب جايبه
مشغول راح يقظي من جيان وجيان بخريص مشوار عليه اذا راح يجيب اختس
هاجر :انشالله مامي
واتجهت ام نواف للمطبخ تشوف وش صار على هالغدا
**********************
وفي احد المؤسسات
وفي كل غرفة من الغرف يوجد موظف له
مشاكلة له حياته
لكل شخص روتين
خاص يسير عليه
وبأحد غرف هذة المؤسسه
كان نواف يشرب شاهيه ويكتب بالاوراق اللي قدامه
نواف:الا ابو الهش ماقلتلي
هشام:هلا عن وشو
نواف:خوينا ذاك اللي جاه الحادث بطريق الخبر وراح يعالج برى وش صار عليه
هشام وهو يتذكر:قديم انت بصراحه
نواف:ارحمني يالجديد
هشام:ههههههههه
هشام:الولد رجع طيب ولله الحمد بس يعرج شوي
نواف:لا زين والله
الحمد لله ياشيخ كان ميؤس منه
هشام:ايه والله الحمد لله لا وابشرك
نواف:وشو
هشام:الولد تملك وبيعرس قريب
نواف وهو يستهبل:ايه بس الله يرزقنا ياخويي كل الشباب انخطبو وتملكو وانا
وانت حظنا واقف مدري وش معمي عيون البنات عننا
هشام وهو يظحك:هههههههههههه انا على الاقل احسن منك بنت خالتي تبتسملي
لاجينا عندهم يعني فيه امل ام انت شكلك بتعنس
نواف وهو بيموت من الظحك:شكلي ببدا اروح عروس ياشيخ
هشام:هههههههههه اقول بس ناظر ملفاتك
نواف:ارحمني يالجدي ياحبيب بنت خالك انت
سرح نواف بعد ماتذكر العرس اللي ذكرة بحبيبته اللي اصلا ماقد نساها اكيد هالحين هي بالجامعه
ويرن جواله ناظر المتصل البيت
نواف:هلا
هاجر:هلانواف
نواف:هلا بالتعبانه وش عندك
هاجر:ههههههه امي تقول رح انت جب بنو
نواف:ليش وابوي وينه به شي
هاجر:لا بس رايح يقظي وبيتأخر يقول انه بجيان اللي بخريص مشوار منه لمدرسة بنو
نواف:خلاص اجل ابشروا
هاجر:وجبلي اندومي على طريقك
نواف:ورى ماقلتي لابوي يجيب دامه يقظي
هاجر:نواف بلى قعط بعدين مالي خلق ادق وانا غايبه
نواف:خلاص طفشتيني ترى يلة
هاجر:اسمع ابيها دجاج خاص
نواف:خاص ولا عام ههههههههههههه
هاجر:جته الحاله اجل مع السلامه
نواف:ههههههههههههههههه مع السلامه
*****************
وفي احد مدارس الرياض الاهليه
كان مبنى عالي
ساحات كبيرة
فصول واسعه
نظافه تامه
رقي بالتعامل
ولاكن بثمن
ولاشيئ في هذة الدنيا ليس لة ثمن
حتى الكفن بثمن...
كانوا ينزلون الدرج هاربين من حصة العربي ورايحين للمقصف بعد غثى ست حصص
رزان بنات وش تبون من المقصف
اثير:عصير برتقال
بنو:مويه
عذا:انا ابي منجا الربيع
بدور:وانا زي بنو مويه
وبعد ماعطتهم صاحبة المقصف طلبهم وشربولهم رشفه منه
التفت بنو وقالت:اقول بنات خلونا نروح لباقي الشلة فوق احسن من دوراننا كذنا ننكشف
بدور:ايه والله اكيد عليهم فراغ
اثير:وش عليهم ادبي
وراحو البنات فوق وهم يسولفون وش يسوون مقلب على خوياتهم
ولما وصلو لدور الثالث مكان فصل باقي الشلة اللي مقسومة
خمسة بنات علمي وستة بنات ادبي وكانوا كل صديقاتهم اللي داخلين ادبي بفصل واحد
اتفقوا البنات على مقلب وبدوا بتنفيذه
دفعت عذا باب فصل البنات ودخلت ومثل ماتوقعوا حصة فراغ والفصل صاير تجمعات وكلن لاهي باللي جنبه
عذا على طول راحت لمكان خوياتها اللي يقطن ااخر الفصل وكالعاده مبعدين الالطاولات وجالسين عالارض
عذاناظرت امل اللي مجمعه الشنط ومخليتهم لها وساده ومتغطيه بالعباة وكان شكل الفصل يساعد لان البنات
مطفين اللمبات وحاطين طرحهم على الدرايش عشان يخف النور المهم امل كانت مغمظه
وتسولف مع ابتسام ودلال
وجنبهم كانت تغريد تطبل بالمنديل والاء تصفر وشهد تغني لهم
وش هــالجمــال اللــــى بـــــدأ
زيــنـــك أبــد مـالـه مـدأ
جمـــالك أجـبرنـــى أقـــــــول
نعـــم...نعــم إنتــى كـــذا
البنات من وراها:نعم نعم انتي كذا
عذا:اموت عالجو وش عليكم ادبي
امل وهي مغمظة:من هي صاحبة هاذا الصوت ياغلام
ابتسام:انها عذا ياسيدي
عذا وهي تظحك عليهم وهبالهم :بنات انا جايه بقولكم شي بس مابيكم تزعلون اوتخافوون
البنات بدت على وجييهم الاهتمام
عذا بعد ماتحمست:اممممممممم بصراحه
تغريد:يلة بسرعه اخلصي
عذا:بصراحه اثير داخت علينا الحصه الرابعه ووديناها للمشرفه وهي الحين عندها
البنات كلهم قاموا من اماكنهم وهمو بالخروج وعذا وراهم
عذا:بنات تراها هالحين خفت
البنات مااهتموا لها وبدوا ينزلون الدرج
وبالجهه الثانيه انطلقت بنو لغرفة اكثر المدرسات عصبيه واللي البنات يكرهونها
ويخافون منها خوف العمى واللي تكون مربية فصل الادبي
بنو وهي تطق الباب:السلام عليكم
الاستاذه جميلة:وعليكم السلام وش بغيتي
بنو:لابس كنت بقولك ان المراقبه لينا تقول انه فصلك سبب ازعاج للباقي بسبب البنات اللي طالعين
استاذة جميلة وهي توقف والشرر يطلع من عيونها:خلاص قوليلها الحين بشوف وروحي فصلك فاهمه
البندري بكل برائة:انشالله
وتنطلق ابلة جميلة للفصل وتفتحه بقوة مماخلى البنات يرتاعون واللي زاد من روعتهم انها جميلة
وبدور ثاني انسحبت عذا من ورى البنات بهدوء ولا لاحظوها وتوجهوا لغرفت المشرفه
امل:بنات غريبه الغرفه فاظيه
ابتسام :ايه والله
وتجيهم من وراهم المشرفه
المشرفه:خير حبايبي فيه شي
الاء:استاذه وين اثير
المشرفه:اي اثير وبعدين ارجعوا فصولكم يلة عندكم حصة
شهد:استاذه يعني ماجتك اليوم طالبه تعبانه اسمهااثير
المشرفه:بنت يلة على فصلك يلة يلة
البنات بعد ماطلعوا جاتهم الكارثه سمعوا جميلة تناديهم من الدرج
ابلة جميلة:يابنت انتي وياها وش مطلعكم
امل:ياويلي جمول
ابتسام:ياويلي رحنا وطي
ابلة جميلة:وش تسوون برى فصلكم انا ماقلت اقعدوا لما تجيكم المدرسة هاه
دلال:استاذه رحنا نشوف صديقتنا عند المشرفه
ابلة جميلة:يعني كنتو عند المشرفه
امل:ايه
ابلة جميلة:تعالوا وراي اجل اكتبوا تعهد وارقوا لفصولكم
تغريد:بس استاذه
الاستاذه :ولا كلمة وراي
ويطلون البنات عليهم من فوق وهم ميتين من الظحك
البنات راحوا وهم يدعوون على الباقي وكلن يتوعد انهم بيردونها لهم
[/COLOR] اتمنى تكون البدايه حلوة لكم انتظر تعليقاتكم...
|
30-11-08, 01:50 PM
جديد مواضيع قسم الارشيف
العرض العادي
