كاتب الموضوع :
العامريه
المنتدى :
القصص المكتمله
الجزء السابع عشر:
كان فيه صوت قوي من داخل نوره..يقول لها لاتضعفين...يانوره..
كرامتس..كرامتس فوق كل شيء..كرامتس يانوره...!!!!!!!!!!!
قالت: زيــــد لو سمحت بلا لف وبلا دوران نزلني بيت اهلي!!!!
زيد لما شاف نوره التفتت عليه تمنى انها ماتلاحظ دموعه ..ماكان عارف وش يسوي..بس كان حاس ان نوره بتخفف عليه المه..نوره تحبه ولايمكن تعذبه..بس لما سمع ردها من اللي شافته انصـــــدم...وانصعـــــق من الطلقات الثقيله اللي اطلقتها نوره عليه ولف بسرعه عشان ينزلها بيت اهلها..ماكان متخيل انه ينزل نفسه لها اكثر من كذا ..مع انها شافت دموعه وكان هذا ردها!!!!!!!!!
نوره ماتدري كيف نطقت هالكلام...هي كانت ناويه تقوله:زيد حياتي لاتبكي..انا احبك ومستحيل اتخلى عنك..انا بس ابي احسسك بغلطتك..ابيك تحس باللي جنبك..ابيك تراعي مشاعري حتى لو كذبت علي..بس الصوت اللي في داخلها كان اسرع واقوى منها ونطق بدالها....
زيد:نوره هذا حنا وصلنا..وقبل ماتنزل نوره مسك يدها وقال: نوره ارجوس فكري زين في هالفتره..ابيس تعرفين شيء واحد قبل ماتروحين..وهو اني احبس انتي مهب منيره واني مستحيل اعيش من غيرس...سمعتيني يانوره انا احبــــــــس!!!!!!!!!!!!!!!
نوره التفتت عليه بكل الم:وانت لازم تعرف ان مافيه مره ترضى تعيش مع رجال وهي عارفه ان قلبه وعقله مهب لها ..قلبه وعقله مع وحده غيرها......................!!!!!!!!!!!!!!!!!!!!!!! !!!!!!!!!!!!!!!
وسكرت الباب بقوه....
نزل زيد ونزل الشنطه عند الباب وقعد ينتظر إلى ان تفتح مزنه او سعد الباب..عشان تدخل نوره ولما شاف الباب انفتح مشى....
نوره اول مادخلت وهي تسحب شنطتها اللي اول ماشافتها مزنه قالت:نوره وش فيــــــــس؟؟؟؟؟؟؟؟؟؟؟؟؟؟؟؟
زيد بعد مانزل نوره رجع للبيت سيده..ماكان قادر يفكر..عقله انشل..دخل وهو مدنق للبيت ومر على امه واخته في الصاله بدون مايسلم وطلع لشقته...!!!!
نوره بإبتسامه مصطنعه: مافيني شيء..بسم الله علي!!
مزنه: اجل وش ذا الشنطه اللي تسحبينها؟؟؟
نوره: شنطتي يعني حراااام لو قعدت عندكم كم يوم؟؟! وراحت تقعد عالكرسي..
سعد: لا مهب حرام ..حيا الله من جاء...هلا والله بشيخة البيت..تو مانور البيت..قامت نوره وسلمت على اخوها اللي كانت محتاجه لحنانه كثير....وراحت مزنه تجيب امه للصاله..
ام زيد:هند يمه وش فيه اخوس دخل بدون مايسلم مهب عوايده؟؟؟؟؟!!!!
هند تصّرف امها: يمكن اشتاق لمرته..لاتخافين مابينهم شيء!!!!
واستأذنت من امها عشان تروح تشوف زيد وش سالفته......
سعد بعد ماراحت مزنه تجيب امهم مسك نوره من يدها ودخلها المجلس..
سعد: النوري فيكم شيء...؟؟؟؟؟؟؟
نوره بإرتباك: لاحول الله وش فيكم تفاولون علينا..ياناس مافيني شيء ابي اجلس عندكم كم يوم ..عشاني مشتاقه لأمي..وقمت اشوف صحتها مهب ذاك الزود..!!!
سعد:أكيـــــــــــد؟؟؟؟؟؟؟
نوره وهي تبتسم من طريقة اخوها: اكيد ونــص..هذي امي جات لاتسمعك وتصدقك..وقامت تسلم على امها..
هند تدق باب غرفة زيد بس زيد مهب راضي يفتح لها..
هند: زيد الله يخليك افتح لي ابي اتكلم معك شوي..قالتها بصوت واضحه فيه العبره..
زيد من كثر حبه لهند كان يحاول مايحملها مسؤلية اللي صار وبالذات لاشافها تبكي مايتحمل دموعها قام بسرعه وفتح لها الباب..
زيد:خير هند فيه شيء؟؟؟؟ انا كنت نايـ.......!!
هند قبل لايكمل زيد كلامه ضمته وقعدت تبكي..زيد انا آسفه والله ماكان قصدي...انا عارفه اني غلطت بس وعد مني مهب عايدتها...!!!
زيد: هنوده..لاتبكين ياخوس بعدين وش غلطتي فيه هاه اعترفي اشوف؟؟!!!
هند دخلت الغرفه وسحبت زيد وسكرت الباب..وراحت تقعد عالكرسي...هند وهي تمسح دموعها:زيـ..ــد..انت فاهمني زين وعا..عارف قصدي..ا..انا ماعندي مانع تسوي فيني اللي تبي بس اهم شيء لاتطلقها..دخيلتك ياخوي لاتطلق نوره!!!!وقامت تبوس يده وراسه..!!!!!!!!!!!!!!!!!!!!!!!!!!!!!!!!!!
زيد يضحك:من اللي قالس اني بطلقها..بعدين تعالي من قال ان حنا متهاوشين؟؟!!! البنت امها تعبانه وراحت تبي تقعد عندها كم يوم فيها شيء؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هند: إيه فيها..فيها انك تكذب على هند اختك....حبيبتك...!!!!!!!!!!
زيد:كملي ...قولي دلوعتك اللي يبيلها ضرب على ذا اللقافه اللي فيها...وضحك بقوه بعدين جلس على الكرسي الثاني ونزل راسه ومسكه وقعد يضغطه بقوه..عكس قوة راسه في انه يحاول ينفجر...وقال:هند...دبريني..انا مااقدر اعيش من غيرها مااقدر!!!!!
هند قامت تحوم الدموع على عيونها وتشاور نفسها تطيح ولا ..لا....
في الأخير سمحت لقطره وحده انها تنزل..وقالت:يعني السالفه فيها منيره زي ماتوقعت يازيد؟؟؟؟؟؟؟؟؟؟؟؟!!!!!!!!!!!!!!!!!!!!!!!!
زيد: منيره كل الســــالفه...
هند: زيد ياخوي علمني السالفه كلها حبه..حبه...
رفع زيد راسه لهند وعلمها بالسالفه من طقطق إلى سلام عليكم...لما خلص زيد قامت هند وحبت راس زيد وقالت له:زيد انا آسفه ياخوي..ادري اني ملقوفه..ولساني طويل..لكن هذا لأني احبكم..!!!!!وقعدت تبكي ..زيد قام يمسح على راسها وضمها وقال:عقاباً لس وردعاً لأمثالس ابيس تدورين لي حل ارد فيه نوره؟!!!!!!!!!!!!!!!!!!
هند بإبتسامه باهته:ابشر ماكون هند إذا مارديتها لك...!!!!!
زيد: زين يالله روحي يالواثقه ..ابي انام....!!!!!
هند: من عيوني ..تصبح على خير...وطلعت..
ابو زيد دخل للصاله ومعه محمد وفايز اللي توهم راجعين من عشاء عند واحد من اخويا الشايب..لقوا ام زيد قاعده في الصاله تشوف قناة المجد..
ابو زيد: السلام عليكم..
ام زيد وهي تلتفت عليهم:وعليكم السلام يالله حيهم..علامكم ابطيتوا؟؟؟
راح محمد وفايز يحبون على راس امهم..
ابو زيد:وين زيد ...؟؟؟ عهدي به اليوم في المسجد وحنا نصلي الظهر وعقبها ماشفته..
ام زيد:عقب مارجع من الصلاه دخل على مرته..وعقب طلع..ورجع العصر وطلع ويا مرته ..والحين رجع ومرته مهب معه يقول انها بتمسي عند اهلها..وشفتها نازلة معها شنطتها..والله اني خايفة يكون جاري بينهم شيء..!!!!!!!!!!!!!!!!!
ابو زيد وهو معصب: وش بينهم..عسى مازعلها في شيء؟؟؟؟وهو وينه ذا الحين..
محمد يشاور فايز: الله يعين على ذا الشيبان لازم يحوسون الشغله..
ام زيد: والله مدري ..بس هو ذا الحين في غرفته من يوم جاء مانزل..!!
ابو زيد مشى بون مايتكلم وركب الدرج رايح لزيد..
نوره يابنتي فيكم شيء؟؟؟؟؟وجهس منقلب ..وحالتس تعور..انتي جاري بينس وبين رجلس شيء؟؟؟؟؟؟!
نوره قدام ماتقدر تكذب..او بالأحرى ماتقدر تسكت اكثر...طاحت دموعهاعلى رجل امها وقعدت تبكي..:يمه زيد مايبيني..يمه زيد ماخذني غصباً عنه..مهب برضاه..!!!!!!!!!!!!!!!!!!!!!!!!!!!!
ام سعد طاحت عليها كلمات بنتها..على راسها مثل الصاعقه:انتي وش تقولين..؟؟؟؟؟؟؟؟؟؟؟؟ووش دراس؟؟؟؟؟؟؟؟؟؟؟
نوره: دريت من هند بالغلط..زيد يايمه يبي منيره بنت خاله..تعرفينها ذيك المغروره..ابي اعرف انا وش عاجبه فيها.؟؟؟؟؟؟؟؟؟؟؟؟؟؟!
ام سعد:نوره يمه مهما كان رجلس يبيها..فأنتي الحين مرته..وانا متأكد\ه انه يبيس وانه نساها...
نوره ببكاء:لا...يمه مانساها..زيد مازال يبيها!!!!!!!والدليل يوم سألته عنها قال لي هذا موضوع يخصني انا وانتهى بعد ماتزوجتس....
ام سعد وهي فاتحه عيونها على الأخر: انتي مهبوله يابنت...ليه يوم تروحين تنشدينه..المره ماتنبش في ماضي رجلها..نوره يابنتي..انتي كبيره وعاقله..وفاهمه..تقولين الكلام هذا..اجل وش خليتي لأختس..!!اللي مدري وش فيها بعد هي على محمد وليه ماتبيه...اسمعيني زين يانوره...الحين ترجعين ملابسس في الشنطه وترجعين بيت رجلس ..حنا ماعندنا بنات تطلع من بيتها عشان حركات دلع...يابنتي لاتفضحينا في العرب...قومي...قومي الله يرضى عليس..قومي..!!!!!!!!!!!!!!!!!!!!!!!!!!!!!!!!!!!!!! !!!!!!!
نوره: يمه انا مستحيل ارجع لزيد..الا بعد ماينسى منيره..
ام سعد: انتي ماراح تسمعين كلامي..الا بعد مااقول لسعد...!!!!!!!!
نوره: لايمه..تكفين ..خلاص يمه برجع بس بقعد عندكم كم يوم ..تكفين يمه انا محتاجه ارتاح وافكر بهدوء...
ام سعد: الله يكملس بعقلس يابنتي..بس لازم ترجعين لبيتس...
حبت نوره راس امها وطلعت من الغرفه....
ابو زيد وهو على راس الدرج لقى هند جالسه في الصاله اللي فوق وتشوف الفيديو..ولما شافت ابوها فزت وراحت له تحب على راسه:هلايبه ...سم بغيت شيء؟؟؟؟؟؟؟؟؟؟؟؟؟؟؟؟؟؟؟
ابو زيد: ايه ادخلي على اخوس ..شوفي هو نايم ولا صاحي...
هند وهي تأشر على خشمها:على خشمي..دقيقه بس..وراحت ودخلت غرفة زيد وفتحت الباب بشويش..لقت نور الغرفه مطفى والستاير مسكره..ومافيه غير نور اللاب توب..
هند: زيـد..ابوي يبيك..
زيد: وينه فيه؟؟؟؟؟؟!
هند برا في الصاله..
زيد: في الصاله اللي فوق..وقام بسرعه وطلع ولقى ابوه في وجهه وواضح من عيونه انه معصب عالآخر..قرب زيد وحب راس ابوه ويده..: خير يبه ..تقول هند بغيتني ..تآمر على شيء..
ابو زيد سحب زيد للغرفه ودخل وسكر الباب..!!!!!!!!!!!!!!!!!!!!!!
|
24-11-08, 06:44 AM
جديد مواضيع قسم القصص المكتمله
العرض العادي
