الجزء الخامس عشر:


زيد وهو مندمج في التفكير ..قطع عليه سرحانه صوت الباب حق الشقه كان ينفتح ثم يتسكر..قال هذي اكيد نوره..اغلق الوورد والمجلد وقام عن الكمبيوتر كله..وراح يوقف عند الكوميدينه..وقعد يسوي نفسه يمشط شعره..الا وباب الغرفه ينفتح وتدخل نوره.......!!!!!!!!!!!!!!!!!!!!!


نوره: السلام عليكم..
زيد التفت لها بكل براءه: هلا وغلا بقلبي وروحي..وعليكم السلام والإكرام..وراح لعندها ومسك يدها وسحبها معه على ان قعدها على الكرسي..وجلس هو على ركبته قدام الكرسي..وباس يديها وسط تتنيحها..




نوره اول مادخلت الغرفه كانت متضايقه عالآخر وتحاول قد ماتقدر تضبط اعصابها..كانت تحس بكتمه على صدرها..تحس بأنها فرن من كثر حرارتها تحس بالألم وكأن كل سكاكين العالم اجتمعت كلها عشان تنغرز في جسمها وتألمها..حاولت تتجاهل كل شيء يمر في عقلها وماتعطيه الحجم الكبير من التفكير ولكن الهم كان اكبر من قدرتها وقدر يسيطر عليها..بدون مقاومه..مشاعرها بدت تذبل..روحها بدت طلع..عقلها انشل تماماً من التفكير..سلمت على زيد اللي كان يمشط شعره..اللي رد عليها برد زاد من قوة طعنات السكاكين اللي مغروزه في قلبها..شافت زيد وهو يسحبها معه وهي ساكته ماهو من الخجل كالعاده..كان الم خفي حاولت قد ماتقدر انه مايبان عشان ماتبقى الضعيفه اللي الكل يلعب بمشاعرها من غير علمها ...يلعب بكل إستهتار..بكل وحشيه..بكل خبث موجود في العالم...!!!!!!!!!!!!!!!!!!!!!!!!!!!!!
إلى ان شافته يقعد قدامها عللى الكرسي..حلمت انها اميره..يتوجّها زيد بكل الحب اللي في قلبها..ونست او تناست كل شيء سواه زيد..عشان تحلم..ليش ماتحلم والحلم هو ابسط شيء يقدر الأنسان يحصل عليه اويتخيله.....!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!
ماقدرت تمسك نفسها..وسمحت لسيل مدامعها يطيح..دامها متأكده ان مافيه احد على وجه الكون ممكن يمسح دمعتها غير يدها......!!!!!!





زيد:حبيبتي..ليش تبكين..؟؟؟؟؟؟؟!!!!!يوجعس شيء..؟؟احد ضايقس؟؟!
نوره اكتفت بأنها تأشر براسها إشارة لا..واللي بعدها رفع زيد يده عشان يمسح دموعها..وقال:اجل ليه تبكين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
نوره اصدمت زيد بأنها لفت وجهها عنه بحركه سريعه ونزلت راسها وكأنها إذا رفعته..ممكن ترتكب فيه جريمه..لايمكن يعاقبها عليها القانون..لأنها وبكل بساطه في رأيها بتكون قضت على احد قتلة المشاعر بكل رقه...!!!!!!!!!!!!!!!!!!!!!!!!!!!!!!!!!!وبلعت غصتها وقالت بصوت مخنوق واللي كان خانقه عبره تحدتها نوره انها ماتنزل وفازت نوره بها التحدي..وحبستها..!!:ابكي على حالنا!!!!!!!...
زيد ابتسم غبتسامه مبهمه وقال:وش فيه حالنا..هذا حنا ماشاء الله تبارك الله علينا..عايشين في راحه وحب وسبات ونبات وناوين نخلف صبيان وبنات............................................. ........!!!!!!!!
نوره:انت متأكد انك ناوي تجيب مني عيال..والا كلام بس..ولما شافت زيد ناوي يتكلم كملت وبحذروقالت:زيد انا ادري انك ماتحبني وتحب منيره بنت خالك..وان اهلك جابرينك علي صح..!!!!!!!!!!!!!!!!!





زيد كأن احد عطاه كف على وجهه..وقام بسرعه من قدام نوره وراح قعد على السرير وهو معطي نوره ظهره وهو يقول:انتي من اللي قالس هالكلام؟؟؟؟؟؟؟؟
نوره:مهب مهم من اللي قالي..لكن المهم ليش تبي تظلمني معك يازيد ليش؟؟؟؟الحين بس عرفت انت ليش كنت تطنشني في ايام زواجنا..وليش سويت اللي انت سويته لما شفت منيره..واشياء كثيره..مااعتقد انه لازم اعيدها لاني متأكده انك عايش على ذكراها...!!!!!!!!!!!!!!!!!!!!!!!!





كانت اخر كلمه قالتها نوره هي الضربه القاضيه اللي قصمت ظهر البعير..جرحت زيد في كبريائه.. في رجولته..في نفسه.. وفي قلبه..لكن زيد قدر يتخطى هالعتبه اللي بنتها نوره بينهم وقام وراح جلسجنب نوره على الكرسي وقال:اسمعيني زين يانوره انا مهما كان بيني وبين منيره بنت خالي مستحيل يكون مثل او على الأقل ربع اللي بيني وبينس..واتمنى تفهمين قصدي زين يانوره..وتحافظين على بيتس..وقام وحب راسها وسحب غترته من السرير وطلع بعد ماقال:انا مهب جاي لا على الغداء ولا على العشاء وبنام في الاستراحه مع اخوياي عشان تفكرين على راحتس..مع السلامه......!!!!!!!!!!!!!!!!!!!!!!!!!!!!!








نوره بعد ماطلع زيد افتحت الباب لدموعها بكت بكل حرقه ..بكت على حظها بكت على حالها بكت على حبها اللي مات مع باقي كرامتها..!!!
وقالت في خاطرها ياليتني القى واحد يحبني ربع الحب اللي تحبه يامحمد لمزنه ماكان ذا حالي ولاكنت تعبت زيد معي.!!!!!!!!!!!!!!!!!!!!



زيد طول الطريق وهو يفكر من بنوره ومن اللي ممكن يقولها هالحكي..مافيه احد طرأ على باله غير اخته هند..ايه هند هي الوحيده اللي تدري بسالفته مع منيره..وقال وهو يشد على دركسون سيارته:
..هند هذيمستحيل تخلي لقافتها...انا لازم اأدبها ..ومسك جواله ودق على رقم هند..دق مرتين ولاردت..رجعت دق مره ثانيه وردت على طول..



هند: هلا زيد حبيبي..
زيد: هلا..ليش ماتردين..؟؟
هند: كنت اصلي وتوني مخلصه صلاه..بغيت شيء.؟؟؟
زيد: اقول هند انتي فاضيه الحين؟؟
هند: لاغداي على النار وبروح اشوفه الحين..
زيد وهو معصب: اسمعي وصي الشغاله عليه واطلعي عند الباب الحين خمس دقايق وبمرس....وسكر في وجهها...
هند:بسم الله هذا وش فيه ..وكأني قالتلة واحد من عياله ..تقولون رماده وشبت...اعوذ بالله..وخذت عبايتها وراحت تستأذن من امها...

السلام عليكم ورحمه الله وبركاته




سلمت يداكي أختي العزيزه......
فذوقك رائع و متميز جدا وراقي بأختيارك لهذه القصه
التي جذبتني من أول كلمه ....لمتابعه أحداثها المثيره...

وصلت بالقراأه حتي البارت الحادي عشر

ولي عوده لأكمال باقي الأحداث المثيره
لأعرف الي أين ستصل الأمور بنوره وزيد...
...ومحمد ومزنه.....
وماذا ستفعل منيره يا تري مع نوره ...والغيره واضحه جدا عليها
وهل ستنجح بالتفريق بينهما.....
وهل ستكون هند من نصيب سعد.....

متابعه بقوه بأذن الله ..


شكرا علي مجهودك .....وعلي هذه القصه المثيره.....

تحياتي لكي وتقديري وودي

هلا وغلا بعاشقة الملامح ....

أول ماشفت اسمك قلت بس ....أكيد القصه خطيييييييييره

الا طلعت تجنننننننننننن ...

مشكووووووووورة على الاختيار الرائع ...

وراح نكون بانتظاااااااارك علشان نشوف هالدلخ زيد وش بيسوي

مالت عليه اجل فيه احد تحصل له النوري ويعافها ....

والا مزنوه هالخبله مسويه نفسها مابيه وهي تموت على تراب رجليه

الله يخلف عليهابس ...والا فيه احد يقول خذ خير قال ما معي ماعون هههههه

مالت عليها ودي احطها في النجر هي وزيد وادق روسهم....

نوره ومحمد

احسهم لايقين لبعض أكثر تبين الرومنسيه والعقل والحبابه كل شي جامعهم

بس حظهم كل واحد طايح في جهه ...


عــــــــــــــــــــــــــاشقه اللامــــــــــــــــــــــح

لاتطولين نبي نشوف أخرة هالمهبل وش هي ...هههههه

بانتظااااااااااارك ياعسل...

هلا وغلا بنت النيل
انتي الي ذوقك رائع ومافي مثلها
الف شكر على المروور نوورتي القصه..

الجزء السادس عشر:


نوره بعد بكاء طويل..قامت واخذت لها دش بارد عشان يقلل من حرقة قلبها..ويهون عليها..وطلعت تصلي..وبعد الصلاه سحبت وحده من لوحاتها وقامت ترسم فيها....!!!



زيد بعد عشر دقايق من مكالمته لهند وصل عن باب بيتهم..ودق لهند عشان تطلع..طلعت عند وركبت السياره..
هند:السلام عليكم..
زيد:وعليكم السلام ياام لسان..سكري بابس بسرعه..
هند خافت من زيد لأنها شافته..منفعل كثيرفسكرت بابها بسرعه..زيد مسك جواله ودق على سعد..
زيد:السلام عليكم
سعد:.................
زيد:اسمع ترى مااقدر اجيكم الليله عندي شغل دقيت عليك اللحين عشاني عارف انك في الليل ماراح يكون عندك إرسال..سلم على الشباب
سعد:................................
ثم سكر ونزل جواله جنبه..وقال:هند قولي قسم بالله اني لقول الحق!!!!
ضحكت هند بعفويه لأنها ماتدري وش السالفه..
زيد بحزم:ردي علي..
هند بهدوء:زيد علامك....قاعد تقاضيني وكأني في محكمه...!!!!!
زيد:هند لاترفعين ضغطي..قولي والله اني اقول الصدق ومااكذب عليك..
هند بعتب:ليه يازيد وانا من متى كذبت عليك؟؟؟؟؟؟؟
زيد:هذا مهب مجال نقاشنا..
هند:طيب يازيد..عشان ترتاح احلف اني مااقول غير الصدق..ارتحت..
زيد وقف السياره على جنب وقال:انتي اللي قلتي لنوره عن سالفة منيره؟؟؟؟!!!!!!!!!!!!!!!!!!!!!!!!!!!!!!!!!!!!!!
هند هنا تنحت قعدت تناظر زيد بخوف وقالت بغباء العالم:ايه انا..ليه فيه شيء..؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!
زيد وهو معصب: لاسلامتس مافيه شيء..الحين رايحة لمره وقايلة لها رجلس يحب وحده قبلس..وتبين الموضوع يمر عادي..تساهيل!!!!
هند بتردد:زيد صاير بينكم شيء..؟؟؟؟؟؟؟؟؟؟؟؟؟؟؟؟
زيد: وش رايس ياهند عنان مسوية نفسس مهتمه بحقوق الإنسان...
هند ودموعها بدت تنزل:والله يازيد ماكنت اقصد شيء يعلم الله انها طلعت مني واني مهب متعمدتها..وحطت يدها على وجهها وبدت تناشق...
زيد وهو مهب متحمل دموع اخته:خلاص ياهند ماصار الا الخير..بس ابيس تقولين لي السالفه كلها..
هند وهي تحاول تضبط نفسها:طيب بس انت لاتزعل علي...!!!!!
انا بقولك بس انت هد اعصابك!!!!
زيد : اعصابي بفقدها إذا ماقلتي لي وش العلم ذا الحين...؟؟؟؟؟؟؟؟؟







ياااااااااااااااربي..الحين انا وش اسوي بعمري انا ماني عارف ليه مزنه رفضتني..مع اني متأكد انها ماراح ترفضني وتبيني..بس ليــه رفضتني؟؟؟؟؟؟؟؟؟اكيد فيه احد قايل لها شيء بس شلون اعرف؟؟؟هند تقول ان مزنه لو تقطعها عشان تقول لك وش فيها..ماراح تقول..والحل يامحمد..انا مستحيل اتنازل عن حبي لها ومستحيل اخليها تتزوج غيري..بس وش بتسوي ياذكي؟؟؟؟؟وليش انت يائس..وليش ماايأس وانا ماشفت بصيص امل يخليني اتعلق به..كل شيء مسكر في وجهي..كل شيء...!!!!!!!!!!!!!!!!!!!!!!!!







هند بعد ماقالت السالفه لزيد من طقطق إلى سلام عليكم....شب عليها في السياره وبغى ياكلها..
زيد وصوته بدا يعلى: الحين ماتقولين لي وش استفدتي..المره ذا الحين تبيني اطلقها..تقول ماتبي تظلمني معها..!!!!
هند نطت من محلها ومسكت يد زيد:لايازيد تكفى الا الطلاق نوره ماتستاهل..المسكينه تعذبت في حياتها..لاتزيد عليها انت بعد..
زيد: انا اللي ازيد عليها والا انتي اللي لسانس مايقعد في حلقس ابد...عموماً انا مهب مطلقها عشان اني ولد عمها ولازم استر عليها..لا ياهند عشان انا ابيها واحبها!!!!!!!!!!!!!!!!!!!!!!!!!!!!!!!!
شغل سيارته ورجع للبيت وهو مفور عالآخر من اخته ..ولما وصل للبيت قال لها:انقلعي قلعس ربي..صدق اللي قال لاتعطي سرك مره..انقلعــــــــــــي...!!!!
هند نزلت من السياره وهي خايفه وتبكي..خايفه على زيد وفي نفس الوقت خايفه منه..اول مره في حياتها تشوف زيد معصب عليها لذا الدرجه..وماتدري وش تسوي عشان ترجع المياه لمجاريها....



زيد اول مانزلت هند من السياره قال: الله يهديس ياهند والله اني ماكنت ناوي ازعلس بس انتي اللي حديتيني.. والا تدرين احسن عشان تأدبين مره ثانيه..انس انتي ملقوفه..ولازم اعقلس..والحين الله يعيني على قلبي واراضيه..ومشى بسيارته..من الساعه ثنتين الظهر إلى الساعه 10 الليل وهو يدور في الشوارع..ضايع مايدري وش يسوي ولا لمن يشكي..!!!!!!!!!





انا ماعندي كرامه..وش مقعدني إلى الحين ليش ماادق على سعد يجي ياخذني..افااااايانوره هذا وانتي العاقله..اي عاقله واي مجنونه ليه انا بقى فيني عقل..طير زيد كل العقل اللي عندي ببروده وعدم مبالاته..انا الحين بس تأكدت اني مااعني شيء عند زيد..والله ولا فكر ولااهتم..حتى رساله عالجوال ماارسل..جوالي اللي جابه من ثلاث اسابيع ولا دق عليه الا مره ..شفتي وتأكدتي الحين انه مايبيس على وجه الأرض وانا متأكده الحين انه يقول زين اللي جت منها ولاجت مني!!!!لازيد يحبني لو مايحبني كان ماصبر علي شهر..لابيصبر ياماما بيصبر شهرين ثانيه عشان مايطلع عليس كلام وبعدين بيطلقس..اعوذ بالله ن ذا الطاري..قامت نوره وخذت القرآن وقعدت تقرأ على السرير عل وعسى يخفف عنها شوي..وناويه بعد ماتخلص تجمع اغراضها وتدق على سعد







زيد لما دخل البيت كان يحاول قد مايقدر انه محد يشوفه..لأنه كان داخل بورده جوريه..



في غرفة محمد كان محمد جالس يكتب في دفتره الخرافي..دفتر يحمل كل اسراره..وكل احلامه..يحمل اجمل عباراته اللي كان دائماً يسطرها..ومايدري ليش!!!!!!!!!!!!!!!!!!!!!!!!!!الا وشوي رن جواله ويرفعه لقى"الشايب يتصل بك"..
محمد:هلا بالغالي..
ابو زيد:....................
محمد: انا في غرفتي بغيت شيء يبه؟؟؟؟؟؟؟؟
ابو زيد:.............................
محمد: ان شاء الله الحين اطلع لكم..
ابوزيد:................
محمد:سلااااااااااام..
ونزل جواله جنبه ويدق الجوال مره ثانيه ويرفعه بدون مايناظر المتصل..
محمد: هلا يبه وش بغيت؟؟؟؟
سعد: .............................
ويرفع الجوال عن اذنه ويشوف الشاشه مكتوب فيها النسيب..سحب تنهيده ورجع الجوال لأذنه..
محمد: هلا سعد يالله حيه..
سعد:الله يحييك ويبقيك..يااخي وينك من زمااااان ماسمعنا صوتك..يااخي طيب دق وسكر ولاارسل رسايل فاضيه..
محمد: تعبان والله وقاعد احضر نفسي الدوره بتبدأ بعد اسبوعين..واتعود عالحكره..
سعد: سلامتك ماتشوف شر..مهب جاينا الليله؟؟؟؟؟؟؟؟
محمد:الله يسلمك..لاوالله تعبان وحيلي منهد..روحوا الله يستر عليكم وسلم عالعيال...
سعد:يوصل بس وشفيكم انت واخوك ماتبون تجون الليله..
محمد:انا والله علمتك بالسبب..انت عاد اسأل اخوي عن سببه ...
سعد: يالله اجل توصي شيء..وقعد يستخف دمه ومحمد مهب ناقص"توصي شيء انا مسافر"...
محمد: نشاااااز الله يهديك..سلامتك
سعد: مع السلامه..
محمد: وانت سالم..




زيد لما قرب من غرفته كان حاس بهدوء غريب..ومخيف وكأن الشقه مهجوره..فتح الباب بشويش..عشان يمكن تكون نوره نايمه والا شيء..لأن الساعه صارت عشره وربع بس بلم وارتاع..يوم شاف نوره واقفه وجنبها شنطه..دخل عليها بسرعه ورمى الورده على التسريحه وهو كله خوووووووف!!!!!!!!!!!!!!!!!!!!!!
زيد: نوره حياتي وش فيس؟؟؟؟؟؟؟؟؟؟؟؟؟؟!!!
صدت نوره عنه بكل قوه وقالت: زيد ممكن توديني لبيت اهلي..؟؟؟؟؟؟؟؟؟؟وعشان محد يقول علينا شيء وحنا تونا اليوم مكملين شهر مع بعض..قولهم اني بقعد عند امي لأنها تعبانه..لأن هذا هو اللي بقوله لهم كلهم..وإذا حسيت انك نسيت منيره تعرف وين تلقاني!!!!!!
وقامت تلبس نقابها..
زيد:نوره..انتي وش تقولين؟؟؟انتي تعرفين اني ابيس انتي مهب منيره...منيره شيء وانتهى من زمان الحين انتي كل شيء!!!!!!!!!!!!
نوره لفت وجههاعشان مايشوف زيد دموعها اللي نزلت من سمعت آخر كلامه:اسمعني يازيد نفسيتي ذا الحين تعبانه..ومهب مستعده لأي نقاش..لو سمحت توصلني والا ادق على سعد يجي ياخذني؟؟؟؟؟؟؟!!!!!!
زيد مارد عليها جلس يناظر فيها نظره حزينه..وشال شنطتها ومشى..وقال:انا انتظرس في السياره...!!!!



نوره بعد ماقفلت بيتها نزلت ولقت مرت عمها وهند جالسين في الصاله سلمت عليهم..وفي وجيههم الف سؤال عن الشنطه اللي مع زيد..لكن هند بزود لأنه تقريباً عرفه وش بين نوره وزيد..
ام زيد:خير يمه نوره عسى ماشر وين مسافرين؟؟؟
نوره وهي تتصنع الإبتسامه: الشر مايجيس يمه بس امي تعبانه شوي وبروح اقعد عندها كم يوم لين تطيب..توصين شيء يمه؟؟؟؟؟؟؟
ام زيد: سلامة راسس يمه..والله اني اشوف امس مهب طويبه ذا الأيام سلمي عليها وعلى مزنه..وان شاء الله بنجي نزورها..يالله يمه ابطيتي على رجلس..والله اني يوم شفت الشنطه قلت عسى مهب جاري بينهم شيء..
ضحكت نوره وهي من داخلها تموووووت من الحراره..وطلعت ويوم جات عند الباب لحقتها هند وشدتها من عبايتها؟؟
هند: نوره عسى ماشر..عسى مهب عشان سالفة منيره؟؟؟؟
نوره: لا ياهند هذي سالفه وعدت..بس مثل ماسمعتي امي تعبانه..وطلعت نوره بسرعه عشان ماتحس عليها هند لأنها فاهمتها؟؟؟؟



هند: والله ان السالفه فيها منيره..الله يلعنك يالشيطان..والله اني غبيه يوم قلت لها ابد مااعرف انكتم لساني دايم منفلت..استاهل والله اللي يجيني من زيد..والله لو ضربني ان معه حق..ودخلت غرفتها



نوره بعد ماركبت اسياره وهي لافه وجهها صوب الدريشه..عشان ماتتصادم نظراتها بنظرات زيد..زيد.. تقريباً لف الرياض..مع العلم ان المسافه بين البيتين ماتزيد عن عشر دقايق ..بس كان يبي يطوول..ويحس ان نوره مازالت موجوده في عالمه..نوره باقي جنبه..كان خايف تجي لحظه تقول فيها نوره..خلاص يازيد عفتك..طلقنــي..!!!!!!!




نوره بعد ماحست ان زيد طولها وهي قصيره قطعت حاجز الصمت اللي بينهم التفتت على زيد لقت عيونه تلمع من الدمع..بس هالدمعه كبريائها منعها تطيح وتريح جفن باكيها..معقوله حبيبي انا حياتي انا يبكي..مستحيل ارضى انها تنزل دموعه..لا انا لازم امنعها..امنع قلبه من انه ينكسر..لازم امنع دمعته..مهب زيد اللي يبكي على فرقى مره!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!