كاتب الموضوع :
العامريه
المنتدى :
القصص المكتمله
الجزء الرابع والعشرين: هند عطيني عيب واحد في سعد وانا اقولس تم ماراح تاخذينه!!!
هند:يازيد سعد رجال ومعليه خلاف بس اناماابيه..
زيد:انتي في بالس احد؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!
هند رفعت عينها بسرعه في زيد وقالت:زيد وش الكلام ذا..انااختك ترى تقول حاطة عيني على احد..طيب يااخي كذا من الله ماابيه..
زيد:هذي مشكلتس والله..لازم تعودين انس تبينه..لأن هذا هو اللي بيصير..ابوي والله مايخلي سعد يدور مره وهي عندنا سمعتي!!!!!!!!
وسكت لما شاف هند تبكي..وقال:ياخوس انا مهب غاصبس لكن لأني شايف مصلحتس اكثر منس..سعد رجال كل الناس ودها تجوزه من بناتها..تدرين ليه لأنه يخاف الله في نفسه وفي بنت الناس..وواثقين انه مهب ضايمها..
هند:زيد ارجوك إذا تبيني ارجع لكم مطلقه فأنا موافقه..
زيد بعقل:خلاص وافقي الحين ولاتطلقتي والله ماتجوزين غير اللي تبينه!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!
السلام عليكم...
نوره بصوت واطي:وعليكم السلام..!!!
وقف زيد قدامها يناظرها..وهي مدنقه ومشى بسرعه رايح للحمام..بعد ماسكر زيد الباب ضربت نوره بيدها على الكنبه وسحبت نقابها ولبسته ونزلت..!!!!
ياربي ريحة عطرها مغريه..تجبرني اتكلم معها..وانا ابي اثقل عليها ابيها هي تجي وتقول انا آسفه وواعدك اقدر ظروفك واختار الوقت المناسب..ساعتها بقوم انا بنفسي واحط يدي على فمها واخليها تسكت واعتذر لها انا ....بس متى احسها تغيرت..مهب مثل اول..ومتنت شوي بس كذا احلى ..واتفق بينه وبين نفسه انه بيكلمها وبينهي كل شيء ويرجعون مثل اول بس تفاجأ لما فتح الباب ولا لقاها ابتسم بتعب وقال:إلى متى يالنوري..إلى متى..؟؟؟!!!!!!!!!!!!!!
اللي اعرفه ان الحامل تتغير نفسيتها كثير..وتصير عصبيه..وعلى طول تتنرفز..واحياناً تختلق مشاكل من اللاشي ..بس الزوج الناجح هو اللي يمتص هالغضب..ويخلق جو حلو بالرغم من وجود المشكله والا انا غلطان؟؟؟؟؟؟؟
زيد يناظر سعد بنص عين ويقول:اخس يالخطير لا وتدرس بعد عن الحامل..الحين انت اعرس قبل..!!!!!!!!!!!!!!!!!!!!!!!!!!!!!!!!!!!!!
سعد يضحك :الله يخس بليسك يالدلخ انا من الحين آخذ برنت عن كل شي...عشان ماانصدم بعدين...............................!!!!!!!!!!!!!! !!
يمه انتي وش تقولين؟؟؟؟مهب معناته اني وافقت ييصير عرسي بعد شهر ونص...وش ذا يمه انا ترى بنتس مهب هو اللي ولدس...!!!!!!!!!!!!!!!!!
ام زيد بعد ماحطت اصبعها على فمها قالت:أأأأأأش..قصري حسس وقص بلسان العدو..وجع الحين تمر اخته وتسمع..لاتفضحينا يابنتي..الله يرضى عليس..انا مدري وش ذا الراس عليس انتي واخوس..لعنبو غيركم..تعبت اقنع واعلم وانتم ماتبون تفهمون..اشق هدومي يعني..اذبح عمري..والا افتضح؟؟؟
هند بعد ماكسرت خاطرها امها قامت وحبت راس امها وقالت:خلاص يمه اللي تبينه بيصير..بس تكفين لاتعصبين..معليش يالغاليه بس انا انصدمت..يمه تكفين خليه يأجله شوي..يمه والله مايمديني شهر ونص اسوي شيء...طلبتس يمه وهذي اول مره اطلبس طلب مثل ذا...
ام زيد:والله انا مهب رايحة اقول لسعد اجل العرس عشان الوقت مايكفي..عندس خواته كلميهم وعلميهم وان كان وافق حظس وان ماوافق رصي على عمرس يمس واخلصي ..وتراس مابتلقين احسن من سعد..والله ان يخليس مثل عيونه المركبه..وازود بعد...انتي لو الله يفكس من قواة ذا الراس كان حنا ذا الحين بخير..لكن وش اقول العرق دساس..طالعة على جدتس نوره..!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!
مزنه تكفين قولي له ..والله مايمديني .. تكفين هو يسمع منس ؟؟؟!!!!
مزنه:والله ياقلبي كان ودي اخدمس..لكن ماباليد حيله...مااعند منس الا رجلس..وماجمّع الا وفق..وانا بالذات مايطيعني..يحس ان عقلي صغير ومااعرف لذا الحركات..لكن عندي لس حل كلمي نوره وقولي لها هو يسمع منها واجد ويمكن تفيدس..يالله هنود تراس طولتي علي وانتي تهذرين..وسعد هذا هو جاء تبين تكلمينه؟؟؟؟؟؟؟؟؟؟؟؟ وضحكت..
دخل زيد الغرفه وشاف نوره واقفه تصفط الملابس..وتحطهم في الدرج..ولما شافته سكرت الدرج وخذت سلة الملابس عشان تنزلها للحمام..كان شكلها حلو خشمها محمر من اثر الزكام اللي جاها من امس..وحواجبها كانت معقوده..وخصل من شعرها طايحه على وجهها..وباين ان الحمل في هالفتره متعبها لأنها صارت تحس بثقل بطنها بحكم خفة جسمها..والتفتت وطاحت عينها على زيد اللي كان واقف يتمقل فيها..وتوقعت انه بيشل عينه منها لكن هو جلس مبحلق فيها وعقب ماعطته نظره حاده ابتسم ومشى صوبها...ونزّل السله من يدها بحركه سريعه..ورجعت نوره تشل السله ورجع هو ينزلها عقب ماشلتها في هاللحظه دقت عروق نوره بإرتفاع الضغط وماكن منها الا انها قالت له وبلهجه مضحكه وكأنها بنت متضاربه مع صديقتها:خيــــــــــــر؟؟!!!
ابتسم زيد وقال: الخير بوجهس ياوجه الخير..ورجعت هي تاخذ السله ومشت بسرعه عشان مايسحبها منها مثل قبل شوي...لكن هيهات لحقها زيد وسحب جلالها ورماه عالكرسي..وهنا ضرب انبير نوره آخر معدل له..وبكت..ماكانت متحمله كل هالضغط..ومن من؟؟؟ من زيد..زيد اللي تحبه بكل عيوبه..زيد اللي لاشافته وقف شعر جسمها..مهب خوف..لا.. حباً له..زيد اللي على كثر اللي يجيها منه مازالت تحبه..ومازالت تغليه..بس في راسها حب ماانطحن تبيه هو كل مره يجي يراضيها حتى لو كانت هي الغلطانه..والظاهر ان زيد عودها على كذا..لكن مو كل مره تنكسر نفس الجره..وقالت بين دموعها: انت وش تبي؟؟؟؟؟؟؟؟؟؟؟ حرام عليك يكفيني اللي جاني منك لاتزيدني تعب..كفايه ولدك ملعوزني تجي انت تكمل الناقص..!!!!!!!!!!!!!!!!!!!!!!!!!!!!!!
في هاللحظه رق قلب زيد اكثر مما هو رقيق ونزل لها على الكرسي وقال: ياقلب زيد انتي...اللي يلعوزس اوريه شغله حتى لو كان ولدي..وإذا عني انا هاه هذي يدي قبعيني عليها عشان مااعيدها..ومسك طرف خشمها وقال:يالله خلي هالدلع عنس..انا عارف انس تحبيني..لكن ذا مهب منس من ولدس اللي ملعوزس..لكن إذا هذي بدايتها معه اجل ينعاف تاليه لعنبوا غيره يبي يفرق ابوه عن امه..والله لايحدني لخليه يروح مع عمه الجيش عشان يعرف ان الله حق ويترك شغل النذاله..
عقب ماسكرت هند التليفون في وجه مزنه عقب كلامها..قالت : الا يالحيوانه..عادي عندس تبيني اكلمه..لا وهو من زين وجهه..ايه تكفين خليني اكلمها..والله مااخليك ياسعد لوريك نجوم الليل في القايله واخليك ماتعرف كوعك من بوعك..اجل انا تقولي عني حيوانه..انا اغازل..ومن الهندي..صدق مايستحي..لكن الشرهه مهب عليك الشرهه على اللي وافقوا يعطونك بنتهم..
بس ياربي الحين وش اسوي بسالفة ذا العرس.. والله اني استحي من نوره في ذا الأمور...!!!وليه تستحين يالخبله هذا من حقس...؟!بس والله احسها فشله اكلمها في ذا الموضوع..لا مهب فشله..والا انتي تبين تعرسين ذالحين..؟؟؟لا انا ماابي اعرس ذا الحين ولاابي اعرس وآخذ سعد..؟؟!!!!اجل لازم تكلمين نوره او هند وتخلين ذا الحياء اللي توه ظاهر.!!!!!!!!!!!!!!!!!!!!!!!!!!!!
النوري حبيبتي دامس راضيه ذا الحين..والقلب صافي من ناحيتي انا وولدي..اجل ابيس تعرفين شي..عشان اللي صار مايتكرر..إذا صار مشكله بينا وبسيطه..والله لايجيب مشاكل..ماابيس تسكتين ابيس تتكلمين معي وتحاوريني ونتناقش في مشكلتنا..ترى والله مافيه احسن من الحوار مهب على طول..تهاوشنا على بعض خلاص نزعل اسبوع ولا اسبوعين..ولااحد يكلم الثاني..وفيه شي ابيس تعرفينه بعد..وماابيس تزعلين مني..انا ابيس تقدرين ظروفي الحين وخصوصاً انا حنا نداوم..وانا اجي من الشغل تعبان وحيلي منهد..ومايمديني انام ساعه الا قايم..عشان التحضير والتجهيز لليوم الثاني..وغير كذا تعرفين الرياجيل اللي يجونا كل يوم من شيبان الحاره وشبابها..يعني تعرفين الضغط اختاري وقت مناسب تطلبيني اوديس لأي مكان..وانا كلي حاضر لس..هاه وش قلتي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
والتفت على نوره اللي كانت منحرجه من اللي سوته ..توها تحس بغلطتها..كانت مدنقه وشعرها مغطي وجهها..ثم رفعت راسها وقالت:ابشر من عيوني واللي تبيه بيصير..وادري اني غلطت بس انت بعد ابيك تراعي ظروفي الصحيه والنفسيه الحين..انت عارف ان حالتي النفسيه الحين مهب مثل اول واني على طول اتنرفز واعصب يعني لازم تتحملني شوي..اما سالفة الحوار فأنا اقولك مافيه أي وسيله في الحياه ممكن ترجع أي شي لمجراه الا الحوار..وبالذات الحوار الراقي اللي مافيه أي عصبيه او نرفزه او صوت عالي..حوار مافيه غير عقول مفتحه,,وخصوصاً بين الأزواج..لأني اشوف اغلب الطلاقات الموجوده في مجتمعاتنا بسبب قلة الحوار..والا انت وش رايك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟
زيد يناظر في نوره بحنان ثم ابتسم وقال: رايي..رايي ان عندي احلى فيلسوفه في العالم وانا ماادري..وقام وحب راسها..ودنق على بطنها يلمسه ويشوف حجمه.........!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!
يعني..اقول يعني..ممكن تكلمين..اخوس..اخوس سعد وتقولـ...وتقولين له..اا...أأ.يأجل الزواج لأني مهب ..ااا..اااا...مستعده نفسياً..تكفين النوري كلميه..الله يخليس..
ضحكت نوره على طريقة بنت عمها في الكلام معها وقالت:افا ياهند هو انتي مازلتي تستحين مني..ترى عادي مافيه بين الخوات أي خجل..وابشري على خشمي هذاني بدق عليه اقوله وانتي عندي..واعلمس هالحين..خلس لاتقومين واسمعي كل شيء بأذونس.........!!!!!!!!!!!!!!!!!!!!!!!!!!!!!!!!!!! !!!
خذت نوره الجوال ودقت رقم سعد ورن رنتين..ثم رنه..وبعدها رد سعد وهو يضحك:هلا وغلا براعية هالرقم..كأنس دارية اني عندكم في المجلس...
نوره:هلا والله بالصوت يامرحبا وتوه مانوّر البيت والله..وش لونك يابعد عيني؟؟؟؟؟؟؟؟؟؟؟؟؟؟؟؟؟؟سعد:اها عاد لاتكذبين منوّر من زمان والا نسيتي اني كل يوم عندكم؟؟!!!!!!ويكفي ان بعض ناس موجودين فيه..
نوره:وش قصدك ...عالعموم عندي مويضيع لاحظ مهب موضوع بغيت اكلمك فيه ومهب مطوله بس خمس دقايق..
سعد: يعني ادخل عندس..؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
نوره:لا لا..مايحتاج خلك محلك..هو ينقال في التليفون..على طاري بعض ناس..هم ترى يقولون..ويطلبون سعادتكم تأجلون العرس شوي...ومقدمين علي معروض من الصبح بس انا توني اقراه..هاه وش قلت؟؟؟؟؟؟؟؟؟؟؟؟؟؟؟؟؟؟؟؟
سعد: وممكن اعرف وش السبب؟؟؟؟؟؟؟؟؟؟؟؟؟؟؟؟؟؟
نوره: ممكن.. يقولون مهب مستعدين لانفسياً..ولاتجهيزياً..!!!!!!!!!!!!!!!!
سعد بدون نفس:حلوه تجهيزياً..بس شيء مايقنع..وقام من محله عقب مااعتذر للعيال انه بيكلم في الحوش..الا اقول نوره هي عندس.....؟؟؟؟؟؟؟؟؟؟؟؟؟؟؟
نوره وهي تخفي سؤاله: ايه..ليه؟؟؟؟؟؟؟؟؟؟؟؟؟؟؟؟؟
سعد بخبث ودود:خليني اكلمها طلبتس...
نوره وهي فاتحه عيونها:وش هو...؟؟ عد الله يخليك..تستهبل انت...
سعد: نوره تكفين والله مااطول بس بأسمع عذرها بأذني.....تكفين..عشان خاطر زيد!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!
نوره بعد ماسمعت طاري زيد نست هند وسعد وعلى طول مدت الجوال لهند وطلعت..هند طبعاً تمت تقلب في الجوال وتنادي نوره..نوره خير تعالي وش فيس....؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟
نوره:انتي ماخلاص بتصيرين مرته كلميه هو يبي يسألس عن شيء..وتراه مهب مطول...بسرعه صرفتي على انتي ويا هالخبل..هند الغبيه حطت السماعه على اذنها وبإنصياع..كأن نوره ماسكه ريموت كونترول وتحركها..
هند كان صوت نفسها واضح..وحس سعد انها على السماعه..وماكان يبي يقطع على نفسه هالجو..وقعد يغني وهو حاط السماعه على اذنه بصوت هادي وفي نبرته حنان واضح ويقول:
(((إذا تفارق شخص عادي مصيبه
وشلون لو فارقت من هو تحبه
يارب رجع كل حبيب لحبيبه
دام الحياة فبعدهم حيل صعبه
طبع الوفي لو راح شوقه يجيبه
على حبيبه مااعتقد يقسى قلبه
وبالدنيا محدٍ ياخذ الا نصيبه
وياليت قلبي ياخذ اللي احبه)))
وبعدها تنحنح وقال :الووووووووووووووووووو...
النوري وين رحتي..وماسمع غير صوت هند اللي قالت:انا هند سعد مهب نوره...!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!
سعد اللي سوى نفسه متفاجأ قال:من هند..القمر طالع منين اليوم..هلا هند شخبارس...؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟
هند بثقل وبدون نفس وودها لو تصفقه على السماعه:بخير جعلك بخير سعد اعتقد نوره قالت لك عاللي ابيه..
سعد:صح قالت لي بس ماقالت هي لس اللي ابيه انا...
هند ارتاعت لما قالها سعد كذا وقالت:لا..ليش وش قلت لها..
سعد قال وهو يبتسم:قلت طلباتس اوامر..ومهب مهب اطفي شوقي انا مستعد انتظرس العمر كله بس تكونين راضيه علي..مع السلامه وسكر السماعه
اما هند طاحت السماعه من يدها وهي متفاجئه من سعد واللي قاله....وماقدرت تقول غير كلمة:هذا اكيد مجنون...بس صوته يجنن.!!!!!!!!!!!!!!!!!!!!!!
|
30-11-08, 11:37 AM
جديد مواضيع قسم القصص المكتمله
العرض العادي
