المنتدى :
ركن المطبخ
دليل مطاعم مملكة البحرين بشكل فكاهي
بسم الله الرحمن الرحيم
دليل مطاعم مملكة البحرين
الموضوع منقول للفائدة ،عجبني قلت انقله هنا ،ومكتوب باللهجة البحرينية
عبارة عن رأي بحرينين في المطاعم البحرين الي يفضلونها
#####################
اسم المطعم المفضل : هونك كونك
نوع طعامه : صيني
موقع المطعم : في فرع في ام الحصم او فرع ثاني في البديع
عيوب المطعم : المطعم صغير شوي يعني ليلة الجمعة مالكم محط ريل
#####################
سم المطعم المفضل :يم يم تري
نوع طعامه :باستا
موقع المطعم :شارع المعارض
عيوب المطعم :الدري مالهم يدور الراس و العيب الثاني فيه هو اخدم نفسك بنفسك
#####################
اسم المطعم المفضل : جسميز
نوع طعامه : فاست فوود واحلى شي مشروم سوبرم وجبس مع اونيون رينجز
موقع المطعم : كل مكان موجود
عيوب المطعم : سعره غالي اذا وجبة وحدة ما اتكفيك..
#####################
أسم المطعم المفضل لدي وبكل صررررررررررررراحة: في ( مطعم بيتي ) ماحب دايمآ آكل من المطاعم
نوع طعامه : اللي تبي
موقع المطعم : مملكة البحرين ( الرفاع الشرقي )
عيوب المطعم : خالي من العيووووووووب والحمدلله
#####################
اسم المطعم المفضل : ترياكي ( يم يم تري )
نوع طعامه : الترياكي
موقع المطعم : مجمع الدانة
عيوب المطعم :ان الكشير اللي هناك امفهية مع تراجيها
#####################
اسم المطعم : ابل بيز
نوع طعامه : الي تبينه مشوي ، مقلي .........
موقع المطعم: يم جيان
عيوب المطعم: الخدمة وايد بطيئة
#####################
اسم المطعم المفضل : مطعم المارد
نوع طعامه : معجنات ومشويات
موقع المطعم : سار
عيوب المطعم : بعيد عن بيتنا هاي عيبه بس بعد كل أسبوع أنا عندهم هههههههه
وأهم شي مو تشترون أي بيتزا عليكم ببيتزة المارد بيتزا بحجم البيتزا العودة اللي في بيتزاهات اللي ب 6 وشوي وهم عندهم بدينااااااااااااااااااااااار فقط....
#####################
اسم المطعم: تشيليز
نوع الطعام: مشويات وفاست فود وسلطات
موقع المطعم: فرع السيف والجفير ومجمع الدانة
عيوب المطعم: لي حد الحين ما شفت فيه أي عيوب .. إلا إن يكون زحمة في ايام الويكند ...
#####################
اسم المطعم:بيتزاهت
نوع الطعام :بيتزا
موقع المطعم :في كل مكان
عيوب المطعم:مافي عيوب لحد الحين
#####################
اسم المطعم : تشيل & جريل (( ديري كوين )) "سابقاً "
نوع الطعام : سلة الدجاج الكرسبي أممممم لذيذ حده ....
عيوب المطعم : الجبس مالهم وااااااايد قليل !!!
#####################
اسم المطعم:شيليز
نوع الطعام :مونتري جيكن وتربل بلاي
موقع المطعم :سيف وجفير ودانة وسند
عيوب المطعم:غالي
#####################
اسم المطعم: سنشري انترناشيونال
نوع الطعام: بيبر ستيك وايد لذيذ احلى من الابراج واكثر من قطعه يمي يمي
موقع المطعم: العدليه + الحوره
عيوب المطعم: شكله مال هنود على خفيف
#####################
المطعم: اذا بتكلمون عن بوفيه ( بندروزا ) بوفيه اند غريل.
نوع الطعام: مشويات وبوفيه.
موقع المطعم: شارع الملك فيصل يم مملكة الاطفال الي في الكورنيش.
عيوب المطعم : ما فيه اي عيوب بس في شي عندهم اهمه مع شليز وهو مبلغ الضريبة أو خنقول السيرفس وايد 12%.
#####################
اسم المطعم : المطعم اللبناني
نوع الطعام: مشويات (ولا أروع)
موقع المطعم : المنامة بالقرب من سينما اوال +مدينة عيسى- جدعلي ( ماجربته)
عيوب المطعم: ما فيه عيوب بس مشكلته انه زحمة ويارايت يفتحون لهم محل في المحرق أو يفتحون المطعم في مبنى مستقل
#####################
اسم المطعم المفضل : بيزا كومبني
نوع طعامه : الاكلات الايطالية
موقع المطعم :الجفير شارع الشباب
عيوب المطعم : مافي عيوب بس شوي صغير
#####################
اسم المطعم المفضل :شيليز
نوع طعامه :اتوقع امريكي بحت
موقع المطعم :مجمع ماكس محرق
عيوب المطعم :اكله خيالي بس غاااااااااالي واي
#####################
اسم المطعم المفضل : يم يم تري و كنتاكي
نوع الطعام: باستا و توستر
موقع المطعم: مجمع السيف و سوق واقف
عيوب المطعم: زحمه و يطول ساعات وانه ماحب الانتظار
#####################
اسم المطعم المفضل : شنغاهي هت
نوع الطعام: صيني يمي (هوت السور سوووووب )
موقع المطعم: شارع المعارض
عيوب المطعم: مكانه شارع المعارض
#####################
اسم المطعم : فندق رامي
نوع الطعام : اكلات بحرية
موقع المطعم : في الجفير
عيوب المطعم : بصراحة عيبة الوحيد انة وايد وايد وايد لذيذ
#####################
اسم المطعم : شذى
نوع الطعام : اكلات بحرية تايلنديه
موقع المطعم :مجابل النادي الاهلي يم صيدليه ناصر والجزيرة
عيوب المطعم : مافي عيب الا انت كل جم يوم رفعوا اسعارهم
بس يسوة
#####################
اسم المطعم المفضل : كوفي شوب كوكوز
نوع الطعام: اكلات منوعة
موقع المطعم: العدلية
عيوب المطعم: لا عيوب تذكر
#####################
اسم المطعم : برجر تاون
نوع الطعام: ستيكس ، بط ، برجر ، .. هالسوالـف.
موقع المطعم : العدلية
عيوب المطعم: صغيييير مو بحجم اكله، يعني اكله محترم و هو صغير
#####################
اسم المطعم المفضل :ماجيك ووك
نوع طعامه :نودلز (صيني)
موقع المطعم :الجفير والبديع في جواد
عيوب المطعم : ماشفت عيوب بصراحة .. بس المطعم عجييب ودايما نروحله..
#####################
اسم المطعم المفضل : لانترنس
نوع طعامه : هندي
موقع المطعم : البديع
عيوب المطعم : عدم وجود مكان مخصص للعوائل..
#####################
اسم المطعم: بابا جونز
نوع الطعام: بيتزا (( سبايسي جكن))
موقع المطعم: مجمع البحرين
عيوب المطعم: انسوني يا هلي على ما تبرز البيزا يعني لسانك يوصل الارض وانت لي احين ما استلمت الاوردر
#####################
اسم المطعم المفضل :جيليز
نوع طعامه :كل شي
موقع المطعم :في eماكس - محرق
عيوب المطعم : ينزل ريريك وانت تنطر ايبوون الاكل
#####################
اسم المطعم المفضل :رنديفو
نوع طعامه :بوفيه على حسب
موقع المطعم :مجمع السيف
عيوب المطعم :لحد اللآن ما جفت فيه عيوب
#####################
طبعًا هذي بعض مطاعم البحرين والخافي اعظم
نقلت هالمشاركة ،لمتعة قراءة الإجابات فيها ،منها الكوميدي المضحك ومنها الصريح المعاتب
دمتم بود
|
21-11-08, 07:03 AM
رد: دليل مطاعم مملكة البحرين بشكل فكاهي
جديد مواضيع قسم ركن المطبخ
العرض العادي
