كاتب الموضوع :
بقايا شموخ
المنتدى :
القصص المكتمله من وحي قلم الاعضاء
الجزء السادس عشر ،،
بغرفة لمياء ..
ياا رب ساعدني
خايفة كثير من ردة فعل رنا بس خلاص الوقت طال و انا لازم اقول لها
حشا بكمل معه سنه و هي ما تعرف !!
اخاف تزعل بس لا اكيد هي بتفهمني
ياا رب ساعدني مرررة متوترة مدري ليه
مو مرتاحه ابد للي بيصير
بس احس ان هذا الشي الي لازم اسويه ، ربي يسهل بس
اقول خل اكلم جوجو بس من امس ما ترد علي مدري وش سالفتها
اخاف صاير شي بينها و بين فيصل
بس لا لا ما اتوقع هو توه راجع و ابوه توه متوفي وين يصير شي
خل اكلمها و اشوف ..
وش سالفتها هذي للحين ما ترد !!
غريبة اكيد اذا شافت رقمي بترجع تدق علي ..
أقوم اتجهز ابرك لي ما بقى ع المغرب شي
ببيت ابو محمد الله يرحمه ..
رندا : اووف مرة طفش
مي : و انتي صادقه بعدين سرحت
و رندا برضو سرحت بعدين قالت : خليني اشغل النت من زمان عنه
مي : شغليه ..
فتحت رندا ماسنجرها و حصلت مشاري الي اول ما شافها جاء يسلم
مشاري : هلا و الله .. وش ذا الغيبات
رندا : هلا فيك .. ابد ظروف
مشاري الي كان يعرف بس سوا نفسه ما يعرف عن شي : عسى ما شر ؟
رندا : الشر ما يجيك ما فيه شي مهم ..
مشاري : متأكده ؟
رندا : اي ..
و سكتوا الأثنين
اما مي الي كانت مسرحه للحين دق جوالها و قطع عليها سرحانها
رندا : اوف ردي ازعجني
مي : هاا اي برد
انتبهت مي و كان الي متصل ناصر
سرحت بالجوال شوي و بعدها ردت
مي : هلا
ناصر : اهلين .. كيفك ؟
مي : تمام
ناصر : مالك خلق ؟
مي : اكيد مالي خلق
بعدين سكتت و تذكرت شغله
مي : الا انت كيف عرفت ان ابوي توفى ؟
ناصر سكت شوي بعدين قال : عرفت و بس
مي : اهـااا
ناصر : مي ادري ان مالك خلق اللحين و نفسيتك مو كويسة
بس لازم اقول الي عندي صورتك تراني حذفتها و ما عاد عندي اي شي يخصك
بس مي انا ابي اكلمك ابي اظل اكلمك و لا راح اكذب عليك انا جد معجب فيك ..
مي : ......
ناصر : ما ابيك تردين لي اللحين ، بس أي قرار بتاخذينه صدقيني ما راح يضرك
مي : طيب بسكر اللحين
ناصر تنهد ع الأقل ما قالت لا على طول : اوكي
سكرت مي و رجعت سرحت بطلبه الغريب
معجب فيني هههه صدق شي يضحك اللحين لك كم شهر تهددني و اللحين صرت معجب !!
معجب فيني و ليه لا !
انا اكيد انجنيت بس لا لا هذا الي لازم يصير هو عيشني برعب كم شهر
يستاهل شوي ينقهر ما فيه غير كذا
مدري كيف صرت أفكر بس خلاص ما عاد يهمني شي ..
رندا الي كانت مو لم اختها و ع اللاب توب
طالعتها بعدين قالت : شفيك مسرحه
مي : و لا شي ..
و سكتوا الثنتين و كل وحده رايحه بعيد بأفكارها ..
عند بيت ابو عادل ..
كانت لمياء توها نازلة من سيارتها
و انتبهت للي واقف عند الباب المقابل لبيت عمها
كان هناك عمر و توه رايح واحد معه من عنده
انتبهت لنظراته
اووف منه يطالع عيني عينك و بكل وقاحه
جت بتدخل بس سمعت صوت يناديها يوم لفت و لقته عمر
لمياء : خير !!
عمر بارتباك شوي : ادري ان وقفتنا غلط بس كان ودي اسلم عليك
عطته لمياء نظرة و قالت : لو سمحت ابعد عني ما ابي يجيني كلام !!
عمر : و الله حرام عليك لمياء
لمياء عطته ظهرها و كانت خايفه هذا ليه مصر يبيها
و جلست ترن الجرس
عمر لما شافها كذا قال كلمة اخيرة : لمياء و الله احبك و ربي احبك
و لو ترفضيني مليون مرة راح أصر الى ما تحبيني مثل ما أنا احبك
لمياء انصدمت من كلامه و لا علقت
عمر : لمياء صدقيني غرورك و كبرياءك بيخلونك تخسرين اشياء كثيرة
و راح و تركها وراه و هي منصدمه و خايفه و بهالوقت فتحت لها رنا الباب
رنا : هيي انتي ادخليي
لمياء : دخلت و سلمت على رنا و هي ساكته
رنا : خير وش فيك
لمياء الي توها تستوعب : ولد جيرانكم مجنووووووووووووووون
رنا : ليه ، سوا لك شي ؟
لمياء : رنا و ربي مجنون انتي ما شفتيه تو جريء بزياده
رنا : بسم الله وش صاير
لمياء : خل ندخل ما ابي نتكلم عند الباب
رنا : اوكي
دخلوا البنات و لمياء للحين مصدومه من عمر هي تدري انه يبيها
بس توقعته معتبرها شي ما قدر يوصل له و يبي يوصل له لا اكثر و لا اقل
رنا الي جابت العده و جلست عند لمياء : يلا قولي لي اللحين وش صار لك
لمياء : عمر جاني تو عند الباب و كلمني
رنا : يستهبل هذا
لمياء : هي وقفت على هذي يعني !!
رنا : بعدددد
لمياء : رنو قال كلام و لما شافني مطنشته قال لي انه يحبني
و لو يجلس طول عمره يلاحقني مستعد الى ما احبه
رنا : اووووف وش هـ الحكي الولد شاريك من قلب
لمياء : مدري رنا و الله
رنا : الا شاريك و الدليل انه كل مرة يجي يخطبك
سكتت لمياء و هي تفكر بكلام رنا بس هي تعرف انها مستحيل توافق عليه حتى بعد كلامه !!
هي ما تحبه و لا تبيه و حتى بعد كلامه ما حن قلبها ابداً ..
رنا : شفيك ؟ لمياء معقولة ما حسيتي بشي لما قال لك هـ الحكي
لمياء : ما حسيت الا بخوف
رنا : ....
لمياء : مدري رنو انا كاثر احساسي بالخوف ههههه
رنا : الله يستر منك
و مع السوالف و الحكي تذكرت رنا
رنا : الا لموو ما قلتي لي وش السالفة الي كنتي تبين تقولينها لي ؟
لمياء ارتبكت : هاااا
رنا : وش فيك ، و الله اني حاسه ان فيه شي بس يلا طلعي الدرر الي عندك
لمياء : اممم شوفي بقول لك كل شي من الأول بس بليز لا تقاطعيني
رنا : اوكي
و جلست لمياء تحكي لها عن اول ما عرفت مساعد الى الي جالس يصير اللحين
رنا يوم خلصت لمياء كانت مصدومه بعدين طالعت في لمياء و صرخت عليها : انتي مجنونه
اللحين رافضة الي شاريك و جايك من الباب و تروحين لهذا !!
لمياء : يووه رنو انا كنت متوقعه انك بتسوين كذا بعدين من قال لك اني رايحة له
انا رافضة عمر و مساعد كلهم و اثنيناتهم ما احبهم
رنا : لاااااا مرة وااااااضح
لمياء لا تندمين بعدين اوكي اتركي مساعد احسن لك
لمياء : مقدر
رنا هنا انقهرت و جلست تهاوش : كيف ما تقدرين هااا فهميني كيف ما تقدرين
انتي مو بزر انا اعلمك وش تسوين و لا انتي عبده علشان تقولين مقدر اتركه
لمياء : رنا بليز لا تصارخين بعدين انا اعرف مصلحتي و مساعد ما اذاني
رنا : لا و الله و انتي تنتظرينه بعد
لمياء شوفي يا تتركينه او صدقيني ما راح اكلمك ابددد
لمياء : يوووه يعني بتغصبيني على شي رنا انتي اكثر وحده تعرف انك ما تقدرين تجبريني على شي
و ان ظليتي تقولين لي كذا بسوي الي براسي و لا راح يهمني احد
رنا : انا قلت لك الي عندي
جلسوا الثنتين معصبات و دقت لمياء على سواقهم يرجع
و طلعت من غرفة رنا و الأخيرة كانت باقيه
مها الي كانت بالصالة و انتبهت على لمياء و هي تنزل
مها : هلا و الله بلمياء
لمياء كانت تحاول تخفي الي فيها و الهوشه الي صارت بينها و بين رنا
: هلا هلا و غلا مهاوي هاا بشري كيف البيبي و كيفك
مها : يا عيني صار ينسأل عن اخبار ولدي قبلي
لمياء : ههههه يختي لا تقارنين نفسك فيه
مها : بعددددد
شوي جتهم رنا و كانت مطنشه لمياء : مها انتي هنا
مها : ايه
بعدين انتبهت ان الثنتين ما يتكلمون سوا
مها : وش سالفتكم انتم ؟
لمياء : ما فينا شي
اقول انا بطلع السواق عند الباب
مها : يؤ ما راح تتعشين عندنا وش هـ الجيه
لمياء ابتسمت لـ مها : معليش مهاوي يوم ثاني .. باي
و طلعت و رنا تطالع فيها مقهوره بس هي الي بتخسر
مها : خير وش صاير اول مرة اشوفك انتي و لمياء كذا
رنا : ما فيه شي لا تشغلين بالك
سكتت مها و مشتها لها متى ما بغت وحده منهم تتكلم بتتكلم !!
عند لمياء الي طلعت معصبه
اللحين حياتي ليه تبي تدخل فيها
اوكي خايفه على مصلحتي كلامها منطقي
بس مو كذا ابد مو كذا
اووووف ياااا ربي وش صار لي انا
بعدين مين مساعد علشان اوقف بوجه رنو علشانه
استغفر الله بس
وصلت البيت و راحت غرفتها بدلت و جلست كانت مرة معصبه
خل اكلم جوجو هذي الثانيه بعد ما ترد
اووف وش سالفتها حشا لو انا اكلم مين
آآخ احس بصداع فظييييع
و دق جوالها بمسج
فتحته لمياء و انصدمت ..
عند رغد ..
ياا رب انا علقت الولد كثير
و الظروف الي عندنا خلصت
بس مقدر مقدر احس مقدر اقول لا و لا ايه
انا ما ادري وش القرار الصح
الكل يبيني اوافق بس انا ما ادري
انا ما عاد ادري وش ابي
ربا : رغدددددد
رغد : بسم الله نعم وش تبين
ربا : بكلم مي و رندا اليوم نروح لهم بكره شرايك ؟
رغد : اي و الله المفروض نروح لهم نطلعهم شوي من جوهم
ربا : اووكي انا قلت اشوفك قبل
نرجع لـ لمياء ..
كانت جاسة بغرفتها و تبكي
تبكي بشكل فظييييييع
و كان جوالها يدق و مطنشته بـ الأخير ردت
مساعد : أخيرا تكرمتي علي و رديتي
لمياء بصوت متقطع : هـ .. لـ .. ا
مساعد خاف : لمياء شفيك ؟؟
لمياء مسحت دموعها و هدت نفسها : ما فيني شي
مساعد : لا فيك تكذبين على مين يعني ؟؟
لمياء هنا عجزت تتحمل كانت تبي تتكلم كانت تبي تشكي لأحد و جلست تبكي
مساعد حز بخاطره اول مرة يسمع لمياء تبكي ما تعود ابد منها هـ الشي : لمـوو شفيك ؟
لمياء : رنا و جوجو و رجعت تبكي
مساعد : اوكي اسمعي قلبو اهدي اللحين و نامي و بكره اكلمك اوكي
لمياء : اووكي
سكر مساعد منها و هو مستغرب
وش صار لها لدرجه انها تبكي كذا
غريبة وش مسوين لها صاحباتها اول مرة اسمع لمياء تبكي
دايم مبينه قدامي البنت القوية الي ما تهتم من أي شي
اكيد صار لها شي قوي اكيد
مشاري : مساعد افتتتتتح ادري انك صاحي
مساعد : اووف شتبي انت
مشاري : طفشان و لا عندي احد قلت اكيد صاحي تكلم حبيبة قلبك
مساعد : تكفى يا شيخ
مشاري : ههههه هذا الواقع وش اسوي .. بس تبي الجد صدمتني ما كنت تكلمها
مساعد سكت و رجع يفكر في لمياء جد غريبة
مشاري : وش فيك لا تكونون متهاوشين بس
مساعد : الله لا يقوله وش ذا الفال
مشاري هنا مات ضحك : قال ما احبها قال
مساعد : اقول ضف وجهك
مشاري : هههه و الله ما اعيدها ..
مساعد : ايه بعد هذا الي ناقص تعيدها
مشاري : انا ما ادري الى متى بتكابر !!
مساعد : نعمم !!
مشاري : خل اكلمك بواقعيه شوي انت لو تحبها ما تبي تكلمها و خلصنا صح او لا ؟
مساعد : ....
مشاري : الحق على عمرك مساعد ، لا تخسرها طول عمرك
مساعد : مشاري تكفى لا عاد تنصح
مشاري هز كتوفه : و الله كيفك انا اقول لك بس شي واقع
سكت مساعد و سرح بأفكاره و راح بعيد بعيد كثيرررر
و احترم مشاري سكوته و سكت بعد ..
في الصبح عند بيت ابو محمد الله يرحمه ..
صحت مي متنشطه ما تدري ليه
لها مده طويلة ما ارتاحت كذا
معقولة كل هذا علشان الشي الي خططت له
اول مرة تحس ان تفكيرها غريب بس هذا الي لازم يصير
يووه صح البنات بيجون اليوم
مدري قالوا للمياء او لا خل اكلمها
او لا خل اكلمها الظهر أحسن اللحين اخاف نايمه
و الله ودي انكد على الزفت نومه بس ما ابي خلوه شوي يحترق
وش وراه هو مو يقول معجب !!
صدق الدنيا غريبة بين يوم و ليلة ينقلب حالها
امس كنت هنا مع ابوي و اليوم راح
و كان ناصر يهددني و اليوم صار معجب فيني
دنيا غريبة ما تجلس على حالها !!
نروح عند لمياء الي ما كانت قادرة تنام ..
انا وش سويت بس يا رب
معقولة لهالدرجه انا مو كويسة و جلست تبكي
بس ليه ليه طيب و الله حرام عليهم و الله حرام
طالعت جوالها و تذكرت مكالمتها امس مع مساعد
اووف ما توقعت بيجي يوم بتحتاج له
ما توقعت بيجي يوم تتمناه يدق و تتمنى تتكلم معه
بس اللحين تبي هـ الشي تبييه
مسكت جوالها و دقت يمكن نايم بس ما اهتمت لو نايم مو راد !!
مساعد الي كان جالس و منتظر من لمياء اي شي
هو الثاني ما كان قادر ينام كان يفكر بكلام مشاري له
لما شاف رقمها رد على طول
مساعد : هلا هلا و الله
لمياء : اهلين
مساعد : بشري كيفك اللحين ؟
لمياء : الحمدالله كويسة
مساعد : لمياء
لمياء : هلا
مساعد : اسمعيني لمياء لو انتي متضايقه و تحسين ان محد بيسمع لك صدقيني انا موجود
سكتت لمياء حست ان الكلام طلع من قلبه يمكن لأنها محتاجه لمثل هـ الحكي
مساعد : صدقيني انا ما اجبرك تقولين لي اي شي بس اعلمك اني موجود لو بغيتيني بأي شي لمياء
اي شي تبينه صدقيني بكون حاضر بسمع لك و بتكلم معك و بعطيك الي تبينه انتي
لمياء : شكراً مساعد
مساعد : انا ما اقول كذا مجامله او انتظر شكر لا اقولها علشان تعرفين اني معك
لمياء تنهدت تنهيده قوية سمعها مساعد بعدين قالت : رنا امس هاوشتني
مساعد : بنت عمك ؟؟
لمياء : ايه
مساعد : طيب ليه ؟؟
لمياء نزلت دموعها : قلت لها عنك امس قلت لها كل شي من الأول
زعلت مني لأني مخبيه عنها و هزأتني و قالت لي انها ما عاد بتكلمني
يمكن قالت كذا خايفه علي بس محد يجبرني كيف امشي حياتي هذي حياتي انا
سكت مساعد انصدم ما توقع يكون سبب مشكلة !!
لمياء : ادري انك منصدم بس هذا الي صار ما هان علي بنت عمي
اعتبرتها مثل اختي تقول لي كذا صح انا سكت ما علمتها و انا غلطانه
انا غلطانه و الله اعرف و جلست تبكي بس مو لدرجه انها تقول لي انها ما عاد تبي صداقتي معها
مساعد تنهد : لمياء هدي نفسك و صدقيني يمكن كلام بلحظة غضب
لمياء : أتمنى
مساعد : و هذا الي مضيق خلقك امس و خلاني اسمع صوت صياحك
لمياء : لا مو هو بس
مساعد : اجل !!!
لمياء هنا بكت تذكرت المسج حق الجوهره
مساعد : لحوول رجعنا نبكي لمو تكفين هدي و قولي لي طلعي الي بقلبك
لمياء : جوجو صاحبتي
مساعد : شفيها بعد !!
لمياء : لي يومين احاول اكلمها و مطنشتني
مساعد : طيب ؟
لمياء : امس في الليل ارسلت لي مسج تقول انها ما تبي اتصالاتي و لا تبي تسمع صوتي ثانيه
ما تبي أي شي مني خلاص و يكفي الي جاها مني و عضت شفايفها و هي تتكلم
مساعد : و ليييييه وش صاير ؟؟
لمياء : مو هي تعرف ولد خالتي
مساعد : وش دخل هذا بهذا ؟
لمياء : ما فهمت زين بس فهمت انه صايرة هوشه بسببي بينهم
بس انا وش ذنبي و ربي انا ما ابي الا الخير لهم و الله ما سويت شي مساعد
مدري ليه كل شي جاء مع بعض انا مدري وش اسوي و الله ما اتحمل
مساعد : هدي هدي قلبو لا تهتمين و تحطين ببالك صدقيني
يمكن حز بخاطرها شي و بترجع ما عليك لا تتضايقين كلها شغلة كم يوم
لمياء : مساعد انا خسرت اعز ثنتين عندي البنتين الي اقول لهم كل شي عني و لا اهتم
ثنتين اتكلم معهم براحتي كلهم خسرتهم بيوم واحد مقدر و ربي مقدر
مساعد : انا عندك ما بعد خسرتيني هههه
لمياء : لا تكفى
مساعد ابتسم ما يدري حس بفرحه لأن لمياء محتاجته
لمياء : انت اوعدني انك ما تتركني لو صار شي بعد
مساعد : ههههه و لا يهمك اوعدك
لمياء : اللحين ابدا اتكلم لك بعدين تروح مثل غيرك
مساعد قال بعفوية : صدقيني ما راح اتركك ابد لو بيدي كان جلست معك دااايم
لمياء : .....
مساعد انتبه لكلامه ما يدري ليه طلع كله منك مشاري : مو انا مثل اخوك
لمياء الي ابتسمت بألم ما تدري ليه : صح
نترك مساعد و لمياء و نروح لبيت ابو عادل ..
مها : ما تبين تتكلمين يعني ؟
رنا : اووف شفيك انتي
مها : مو من عادة لمياء تطلع من بيتنا بدري
و انتي حتى ما وصلتيها للباب من العاده تغتنمون كل الفرص علشان تسولفون
رنا : يووه مها تكفين لا عاد تتكلمين كذا و لا تجيبين طاري لمياء
الي بيني و بينها اعرف احله و لو ما انحل سلامتها
مها : !!
رنا : بطلع لغرفتي انا
و طلعت و تركت اختها بحالة دهشه
وش فيهم وش صاير بينهم هذولي !!
ببيت ابو محمد الله يرحمه ..
مي : رندا انتي كلمتي لمياء قلتي لها ان البنات بيجون ؟
رندا : لا و الله ما جاء ببالي قلت اكيد ربا قايلة لها
مي : و لو .. انا بكلمها اللحين
و دقت عليها
لمياء : هلا و الله
مي : اهليين وش ذا القطاعه يا بنت
لمياء : وش اسوي و الله ما قدرت امركم و لا اكلم
مي : مو مشكلة سماح هههه
لمياء انبسطت لما شافت مي تضحك ع الأقل نفسيتها تحسنت شوي الظاهر النفسية جتك انتي لمياء !!
مي : اقول لمو بنات خالي بيجون عندنا اليوم تجين ؟
لمياء : لا و الله مي مقدر اليوم
مي : لا عاااااد تكفين لمووو
لمياء : و ربي مقدر اسمحي لي مي بليز
مي : يا سخفك و الله كنت مأمله انك تجين و نتجمع كلنا
لمياء : سوري و الله مي ، اوعدك اجي مرة ثانيه اليوم و الله مقدر
مي : اوكي براحتك ، و الله تمنيتك تكونين معنا
لمياء : حتى انا
مي : اوكي اخليك اجل
لمياء : باي
رندا : ما راح تجي ؟
مي : لا تقول ما تقدر
رندا : قهررر كان ودي كلنا نجتمع
مي : يلا عاد وش نسوي
عند لمياء ..
الله يعيني يا رب
ليتني قايلة بجي بس و الله مقدر
احس نفسيتي صفرر اليوم لا و اذا رحت و قابلت فيصل
احس برتكب فيه جريمه و ربي كرهته
مو كرهته بالمعنى الحرفي بس انقهرت منه
يمكن فيصل سوا كذا لانه متأثر بوفاة ابوه للحين
بس برضو شي يقهر و جوجو على طول تركتني
يمكن نفسيتها تعبانه بسبب الي صار
بس و الله حرام عليهم حرام كل شي يجي مرة وحده
ربي يعين بس هذا الي اقدر اقوله
في الليل تجمعوا البنات ببيت ابو محمد الله يرحمه ..
كانوا مبسوطين و يستهبلون
رندا : من زماااااان ما تجمعنا كذا
ربا : من جدد بس ناقصتنا لمياء
مي : الله يهديها مدري وش عندها و الا مرة كان ودي تجي
رندا : يلا خيرها بغيرها
مي : اقول انا بروح اجيب عصير من المطبخ رندا تعالي معي
رندا : و الله مو فاضية
رغد : خل انا اقوم معك
مي : مالت ما منك فايده ، اوكي رغد يلا
راحوا الثنتين بالمطبخ و هم بالمطبخ يجهزون
مي : الا وش صار على خطبتك رغد ؟
رغد : مدري و الله مي ما بعد قررت
مي : ليه رغد ما دام الولد كويس الى متى تعلقينه ؟
رغد : مي و الله مدري فيه اشياء كثيرة افكر فيها
مي : مثل ؟
رغد : بقول لك
و قالت لها رغد عن سالفة فواز و عن سامي و كل شي
مي و هي تحط الأكواب بصينيه : و لو رغد هذاه مع كل هذا يبيك
رغد : و الله مدري
دق جوال مي و انتبهت له طلعته من جيب بنطلونها
و كان ناصر جلست شوي تطالع بالرقم بعدين عطته بزي
و طالعت رغد و قالت : رغد ما دام جاك مع كل الي صار
معناته يحبك و يحترمك و لو انا منك ما اضيع الفرصة من يدي
مو علشان شي بس صعبه هـ الأيام تلاقي أحد يخاف عليك و يهتم فيك
رغد : الله يجيب الي فيه الخير بس ، مو كأننا طولنا
مي : ههههه من جد اخذتنا السوالف
و رجعوا عند البنات ..
بعد فترة من الأحداث ..
ببيت ابو عادل ..
عادل كان يكلم بالتلفون
عادل : ههه اوكي و لا يهمك .. اكيدد .. ابشررررر
يوم خلص دخل داخل و جلس ينادي مها
مها : نعم نعم
عادل : جهزي شناطك باخذك معي
مها : وين ؟؟
عادل : جهزيها بوديك بيت زوجك بيتك يعني وين
مها هنا خنقتها العبرة : وين لا لا عادل بليز وش تقول انت
عادل : مها بدون نقاش روحي جهزي شناطك
مها : بليز عادل بليز ما راح اروح
عادل : مها لا تخليني اعصب .. تدرين لا تجهزين شي البسي عبايتك يلا
مها جلست تبكي بس غصبها عادل
و هي بالسيارة كانت بس تبكي عادل رحم اخته بس سوا نفسه مو مهتم
عادل : وصلنا انزلي
مها بصوت متقطع : مـ .. ـا .. راح تنزل .. مـ .. عي
عادل : لا عندي شغل بسرعه ادخلي بيتك و خل اخلص اشغالي
نزلت مها و فتحت باب بيتها و يوم تطمن عادل انها دخلت راح
اول ما دخلت مها بدت تنزل دموعها ما قدرت تقول لعادل انها خلاص بتتطلق
ما قدرت تقوله ان بندر ما عاد يبيها كانت تبي ترجع بيتها بس بندر ما يبيها
راحت لغرفتها و شافت كل شي على حاله و جلست تصيح
شوي فتح الباب و دخل واحد لفت مها و لقت بندر
مها : ....
بندر كان مبتسم : نور بيتك
مها : ....
بندر راح و جلس جنبها : مهاوي حبيبتي يعني انتي مصدقة اني بطلقك
او اني برضى ولدي يعيش بعيد عنا احنا الأثنين
هنا جلست مها تبكي عجزت تتحمل
بندر : لا لا انا ما اقول لك كذا علشان تصيحين .. مها انتي صح غلطتي
بس انا بعد يمكن غلطت و كان لازم نبعد كان لازم يحس كل واحد فينا بقيمة الثاني
مها بين دموعها : و الله اسفة بندر و الله ما كان قصدي
ضمها بندر و قال : ما يهم اللحين .. خلاص هذا من الماضي و المهم الي جاي
المهم اللحين حياتنا الجديده مع بعض و ولدنا الي بيتربي بينا
ومها : و الله احبك
بندر : و انا اموت فيك تتوقعين بطلقك يا مجنونه
عند رغد ..
شهد : اممم الظاهر هذا الصح يا رغد
رغد : انا ما صدقت أقرر و و ان شاء الله ربي يسهل لي
شهد : طيب متى بتقولين لـ ماما
رغد : مدري
شهد : أنا اقول قولي لها بسرعه ترا مصختيها
رغد : ادري و الله
شهد : خلصينا يا شيخه كل ما قلت لك شي تقولين ادري
سكتت رغد و لا ردت عليها
و جت ام رغد : بنات ليه ما تجون عندنا وش جالسين تسوون
شهد نطت : ماما وش ابشرك فيه
رغد : شهد خلاص انا اعرف اتكلم
شهد : لو انتظرك ما راح تتكلمين
رغد : اوف منك
ام رغد رفعت حاجبها : خير وش عندكم ؟
رغد : ماما انا قررت اوافق على سامي
ام رغد طارت عيونها : من جدك رغد ؟
رغد : اي ماما خلاص طولتها و انا ما عطيتكم رأيي و اللحين اقول لك و انا واثقه من كلامي انا موافقه
ام رغد : و الله فرحتيني رغد خفت بعد كل هذا ترفضين
شهد : يلااااا خل نقول لبابا ردوا عليهم نبي نفررررح
ربا الي جتهم : خيررر وش عندها أصواتكم طالعه
شهد : رغد واااااافقت أخيراً تكرمت ع الولد بموافقتها
ربا : لا لا لا دنا ما اسدئش كلولوووووووووليش
رغد : هيي انتي و اياها كل ذا تبون الفكه
ام رغد : ههههههه فرحانين لك يالخبله حشا لو هو ايش صابر شهرين كذا
رغد : يبيني ينتظرني
ربا : امحق
شهد : اووص خلاص خلونا نفرح بس
: يووووه نجد لا يكثر
نجد : نبي نرووووووح طيب و الله طفششش
ام سعد : نجد ابوك عنده شغل و سعد بعد محد فاضي لك و عبدالله عنده تقديم للجامعه
نجد : يا ربيييييي نبي نروح مرة اشتقت لخواااالي
شذى الي كانت تقلب التلفزيون : لازم نراعي الظروف نجد
نجد : اوف يعني تقنعيني انك ما اشتقتي لهم
شذى الي راح بالها لـ عادل : الا اشتقت لهم مرررررة بس وش اسوي يوم اننا ما نقدر نروح
نجد : يا ربيبيييييه طيب هم يجونا
شذى : قولي لهم اجل
ام سعد : خلاص نجد ترا غثيتينا بعدين الي يشوفك يقول هذي متنكده هنا
نجد : اوف بس اشتقت لهم
ام سعد : و لا يهمك نروح لهم بعدين بس اللحين لازم تراعين ظروفنا
نجد جلست تتأفف مو عاجبها الوضع
و طنشوها امها و شذى و جلسوا يسولفون مع بعض
بـ بيت ابو محمد الله يرحمه ..
انتشر خبر موافقة رغد و الكل كان مبسوط علشانها
ام محمد : أخيراً بنفرح شوي
مي : انا مبسوطه لها مرة اخيراً وافقت
فيصل : مين بتتزوج هي ؟
ام محمد : سامي الـ ... دكتور يشتغل بالمستشفى الي كانت تشتغل فيه
فيصل : اهاا الله يوفقها
و سرح فيصل بعيددد
رندا : هييييي شفيك مسرح لا تكون تحب يا اخوي بس
لا لا لا تقول لي انك حبيت وحده من الشقر يوم رحت لندن
فيصل : اقول ظفي وجهك تكفين فاضي انا
رندا : و الله شكلك يا الله لا لا تحبها بقوة شكلك
بس تكفى خلها سعوديه عادي تصبغ شعرها اشقر
مي : هههههههه بلا هبل
طنشها فيصل و قال : انا بروح لغرفتي اريح شوي عن اذنكم
ام محمد بحزن : الله يساعدك
رندا : الولد هذا مو طبيعي
ام محمد : من وفاة ابوكم و هو مو طبيعي
رندا : ما اتوقع علشان وفاة ابوي بس
ام محمد : رندا السالفة مو سهله علينا ما بالك هو الي كان بعيد
مي سكتت بعدين قامت : عن اذنكم
رندا : قامت الثانيه ، لا تكون تذكرت بس
طالعت ام محمد بنتها و هي تطلع الدرج بحزن و ألم
كانت تشوف عيالها قدامها كل واحد بحاله ما يعلمها الا ربي
و لا هم يقولون شي و لا يتكلمون الله يرحمك يا ابو محمد الله يرحمك
نروح لـ مي الي طلعت و راحت لـ غرفة فيصل
دقت الباب : فيصل ممكن ادخل شوي ؟
فيصل : تعالي
دخلت مي و شافت الغرفة كيف حوسه : يووه انت يبيلي اجيب الشغالة و انا و نجلس نرتب لك هـ الحوسه
فيصل ابتسم : وش اسوي عاد
مي : صدق مرررة حوسه فيصل
فيصل سكت و جلس يقلب بيده ميدالية مكتوب فيها اسمه
مي طالعته شوي و طالعت الميداليه بعدين قالت : فيصل وش فيك ؟
فيصل كان مسرح و مو لمها ابداااا
مي : فيصل اكلمك انا ؟
فيصل : هلا ، سوري سرحت شوي
مي : الي ماخذ عقلك
و سكت فيصل
مي : فيصل حنا مالنا الا بعض ، عندك شي ضايق خلقك من شي
تكلم لي و ربي ما راح يطلع مني بس ريح و طلع الي بخاطرك
فيصل : مشكورة مي
مي : لا انا ما اقول لك كذا علشان تقول لي شكرا لا فيصل امي ضايق خلقها عليك
و الكل ملاحظ انك متغير ممكن تقنعهم يوم يومين ان السالفة علشان وفاة ابوي و خنقتها العبرة
فيصل : لا مي لا تبكين تكفين
مي : فيصل حنا مالنا بهالدنيا اللحين غيرك و غير محمد بعد الله حرام تسوي في نفسك كذا
ما ابي افقدك انت بعد يكفي فقدنا ابوي تكفى فيصل انتبه لنفسك انت حالك كل ماله و يصير اردى
فيصل ضاق خلقه من حكي اخته بس هو حاس بضيقة بندم بقهر
مي : فيصل انا اختك لو ما سمعت لك من بيسمع لك
فيصل تنهد هنا : مي و الله ابي اتكلم بس وش تبيني اقول لك
تبيني اقول لك اني ظلمت شخص ماله ذنب و لا ادري وش صار فيه
مي بصدمه : ايش كيييف ؟
سكت فيصل و عض شفايفه من القهر بعدين قال : مي بقول لك كل شي بس اسمعيني للآخر و افهميني
مي : اوكي
و جلس فيصل يقول لها كل سالفة الجوهره و عن معرفتها لـ لمياء و هوشتهم بسبب كذا
مي الي كانت مصدومه : فيصل انت تكلم الجوهره صديقة لمياء
فيصل بتنهيده : ايه
مي : و تبيها و الا
فيصل : لا مي انا مو من النوع الي يلعب انا جاد و الله صادق
مي : كيف صادق و تزعل من هـ السبب فيصل وش ذنب الجوهره لو صارت صديقة لمياء
اصلاً و اذا صارت صديقتها وين الغلط فيه فهمني وش الغلط بالعكس لمياء حبوبة و لا فيها شي علشان تقول كذا
فيصل مط شفايفه بعدين قال : مسألة انها مخبيه عني
مي : ما جت مناسبة هي قالت لك !!
فيصل : يووه مي انا مدري وش اسوي انا متضايق من كل شي انا غلطت بس كرامتي ما تسمح لي اعتذر
مي عصبت : وش كرامته فيصل حرام عليك انت غلطت
فيصل : خلاص مي تكفين سكري ع الموضوع
سكتت مي انقهرت من تصرف أخوها صح حسته صادق بس تصرفه غلط و البنت ما دامت تحبه ما تستاهل !!
فيصل : بليز مي ابي اجلس لحالي
مي : اوكي انا بطلع بس راجع نفسك فيصل
فيصل سكت و لا رد عليها
و طلعت عنه مي و هو غرقان بـ أفكاره
مي الي راحت لـ غرفتها و جلست تفكر
ما دام يحبها ليه يسوي فيها كذا و الله حرام
صدق ما ينفهم لكم يالعيال !!
دق جوالها و طالعته هذا ناصر اف وش يبي
مي : هلا
ناصر : اهلين ، كيفك مي ؟
مي : الحمدالله بخير ، و انت ؟
ناصر : الحمدالله تمام
سكتوا شوي الاثنين بعدين قال ناصر : مي تذكرين الموضوع الي قلته لك
مي : ايه
ناصر : انا اسحبه اللحين
مي استغربت بس سكتت ما علقت
ناصر : انا بجي اخطبك
مي : ايشششششش ؟؟
ناصر : لا تردين علي و لا تقولين شي انا بسكر بس حبيت اعطيك خبر و لا تنصدمين ان جيت
سكر ناصر و مي مصدومه يعني متوقع اوافق عليه هذا غبي و الا يستغبي
بس احسن يا مي هذاه جاك برجوله و نشوف يا ناصر نشوف
نروح عند سارهـ زوجة محمد ..
ما أدري وش أسوي مستحيل أقول لـ محمد
بس لازم أفهم من مي السالفة مو معقولة اسكت
ياا رب ما أتوقع ان مي تسويها ما أتوقع أبداً
لازم اليوم أتكلم معها ان رحت لهم ما فيه حل
الى متى يا ساره تأجلين الموضوع
الله يسهل بس
الجوري : مامااا بثررررعه لبثيني ابي الوح لعمة مي
ساره : طيب اعصابك اللحين بلبسك
الجوري : بثرررررعه ثوفي انا دلعت هذا
ساره : لا و الله ما فيه هذا مو حلو
الجوري تصارخ : لا لا لا ابيييييييه مالي ثغل
ساره : اقول ما فيه
الجوري جلست تصيح
ساره : اووف منك يالدلوعه
شوفي هذولي لبسين اختاري واحد منهم
الجوري : على تيفي ؟
ساره : اي على كيفك
الجوري : حلاث ابي هذا
ساره : طيب تعالي البسك
بـ بيت ابو عادل ..
كانت رنا جالسة تفكر بالي صار بينها و بين لمياء
اللحين مر ثلاث اسابيع و لمياء ما كلمت و لا شي
بس انا اوريك لمياء ما راح اكلمك الا ان تعدلتي و تركتي هذا
انا ابي افهم وش هـ التهور فيها هذي
نجلس اسبوع زياده و بشوف لو ظلت مصرة انها تكلمه كيفها خلاص
انا سويت الي علي و حاولت امنعها الله يهديك لمياء
ادري اني عصبت عليها و زعلت بس غصب ما ابي اشوف بنت عمي
و صديقتي بالموقف البايخ هذا وش لو طلع لعاب
الله يستر بس
هذا جوالي يدق وش عنده فهد !
رنا : هلا فهد
فهد : رنوو اسمعي انا عند باسكن روبنز بشتري ايس كريم تبين
رنا : وش عنده الكريم هههههههه
فهد : احمدي ربك بعد هههه يلا خلصيني
رنا : جب واحد توفي كبير و خلصنا
فهد : و الله فكرة يلا يلا اجل باي
سكرت منه رنا
و الله خبل اخوي ذا و بيظل خبل الظاهر يمشي على خطى عادل
صدق انهم مهبل
نروح عند لمياء الي تقوت علاقتها بـ مساعد أكثر ..
لمياء : امممم مدري
مساعد : اصلاً مو بكيفك
لمياء : لا و الله اجل كيف ميييين
مساعد : كيفي اناااااا
لمياء : لا يكثرررررر
مساعد : هههههههه كيفي
لمياء : لا لا لا
مساعد : الهديه لا ترد ههههه
لمياء : انت محد يتكلم معك و يقول لك شي
مساعد : هههههه يلا عاد اعتبريها ذكرى
لمياء : طيييب خلاص برضى بس آخر مرة
مساعد : هههههه افكر
لمياء : لاااا عاااااد
مساعد : هههههههههههههههه
لمياء : صدق صدق مساعد انا جبتها بسالفة و كنت طالعه اليوم او بكره اجيبه
ما كان يحتاج تكلف نفسك
مساعد : خلاااص بدون نقاش انا جبته و خلصت
لمياء : طيب حشا غطيت على عنادي
مساعد : هههههههه احسن
لمياء : امممم طيب كيف باخذه منك
مساعد : بجيبه للبيت
لمياء : لا و الله
مساعد : اي و الله
لمياء : تستهبل انت
مساعد : لا ما استهبل و تشوووووفين
لمياء : انا ادري انك مجنون بس مو كذا
مساعد : ههههههه طيب طيب بتشوفين
لمياء : مجنوووووووووون
مساعد : انا عند بابكم و الله ههههه افتحي
لمياء : مساعد انهبلللت
مساعد : مالي شغللل افتحي خذيها و خلاص
لمياء الي نزلت بسرعه تبي تفتح الباب مجنون هذا
مساعد : اعصابك هههه
لمياء : انت مجنون
مساعد : طيب افتحي الباب و خذيها علشان اروح بسرعه
لمياء : طيب
و سكرت السماعه بوجهه و هو مات ضحك
: و الله خبله ما فيه فايده هههههه
هذي هي فتحت الباب ابتسم و راح حط لها الكيس عند الباب و أخذته و قالت بصوت واطي : شكرااا
مساعد ابتسم و راح لسيارته ما يبي يورطها يكفي انه تهور و جاء لا و العصر صدق انه مجنون !
راحت لمياء لغرفتها و اخذت الكيس
هههههه و الله يعرف يغلف مو سهل طلع
امم مع اني استحيت كثير منه
صدق ربي عوضني فيه مع اني فقدت خلال هـ الاسابيع جوجو و رنا
و سرحت شوي و هي تذكر الي صار بينها و بين بنت عمها و صاحبتها
الله يعين و يصفي القلوب مو قادرة اتحمل انهم زعلانين علي
ربي يعين بس
عند رغد الي كانت مبتلشة
اليوم بيشوفها سامي الشوفه الشرعيه
هذا وش سالفته كأنه ما شافني بالمستشفى يعني
اوووف وش البس مرة محتارة
يا ربييييييه يعورني بطني
حشا رغد كل ذا خوف من سامي كنك ما تعرفينه يعني
ربا : رغدددددد وش ذا الرجال بيجي بعد شوي و انتي للحين ما لبستي
رغد : ربا ساعدينييييييي ما ادري وش البس
ربا : البسي اي شي عادي
شوفي هذي التنورة حلوة و البلوزة الي انتي مطلعتها
رغد : تهقين البسها ؟
ربا : ايه و ما عليك وش فيك انتي
رغد : طيب من غير مطرود لو سمحتي ابي البس
ربا : ماااالت هذا و انا ساعدتك تطرديني
رغد : انا قلت من غير مطرود بعدين خير تبيني ابدل قدامك
ربا : خلاص خلاص بطلع
اووف عورني بطني
كذا شكلي حلو او لا مدري يا ربييي خايفه مرة
الله يستررررر
ام رغد : رغد حبيبتي جاهزه
رغد : ماما خااااايفه
ام رغد : ههههه طبيعي تخافين بس ما عليك شوي و بتطلعين
رغد : طيب طيب تعالي معي
ام رغد : انهبلتي انتي ابوك معك
رغد : لا لا انتي ادخلي معي
ام رغد : روحي اقوول يلا قدامي
رغد بخوف : طيييييب
دخلت رغد و بيدها صينيه عصير
و ابتلشت ما تدري وين تحطها
الطاولة كلها مليانه من القهوه
اووووف وش ذا الورطه
ابو رغد قام و بعد صينيه القهوه
لأنه شاف رغد واقفه مكانها و لا تتحرك
رغد راحت و حطتها و لا قدمت العصير !
ابو رغد : افا رغد ما ودك تعطينا عصير
رغد بارتباك : ايييه طيب
سامي كان فيه الضحكه عليها بس ماسك نفسه
جلست رغد و تنهدت بصوت مسموع
سامي هنا ابتسم صدق مرتبكه كأني اول مرة اشوفها هذي
ابو رغد : سامي خذ راحتك يا ولدي
سامي بابتسامه : ما توصي حريص
رغد طيرت عيونها و الله الوقح عيني عينك
ابو رغد هنا ضحك صدق على نظرة رغد و كلمة سامي
سامي كان جررريء مرة و لا اهتم بس يتبسم
بعد ربع ساعه كانت رغد واصله حدها خلاص تبي تطلع توترت مرة و حس سامي
سامي : خلاص عمي
ابو رغد يبي يرفع ضغط بنته : متأكد ؟
سامي ضحك بصوت واطي بعدين قال : اييه متأكد
و رغد كانت مقهوره و تتحلطم طيييب بابا لا و بعد متأكد خلني اروح بس
ابو رغد : رغد ودك تروحين ؟
رغد الي صدق حمر وجهها قامت بدون اي كلمه و طلعت
ابو رغد : هههههههههههههههه توني ادري ان هـ الحيا كله ببنتي
سامي الي ابتسم : متى ترد لي عمي
ابو رغد : مستعجل
سامي : و الله لو تبي الجد ايييه
ابو رغد : هههههه ما عندك بالوجه ، طيب انا اسألها و اشوف
سامي : طيييب ، استأذن اللحين
عند رغد الي كانت صدق مرتبكه
شهد : ههههههههه اما واقفه متنحه
رغد : شتبيني اسوي
ربا : الله يفشلك لا و تدورين مكان للصينيه و انتي ما قدمتي العصير ههههههههه
رغد : اوووف لا تحرجوووني خلااااااص
نرجع لـ بيت ابو محمد الله يرحمه ..
رندا : مي انزليييي جت جوري و مقلقة البيت تبيك
مي : هههه طيب جاايه
و نزلت مي بسرعه و قابلت جوري توها بتطلع فوق لها
مي : لا تطلعين و تتعبين حالك ههههه
الجوري : عمه مي اثتقت لك
مي : و انا اكثر يا عمر عمتك انتي
الجوري : انا مو عمر احد انا جوووووري نثيتي
مي : ههههه لا لا ما نسيت ، شرايك نروح نجلس عند ماما و بابا و جده
الجوري : طيييب
راحت مي و سلمت على اخوها و زوجته
و بعد ساعه طلع محمد من البيت و رندا طلعت تقابل المسن
و ام محمد استأذنت تبي تروح مشوار و ترجع
والجوري بسااابع نومه
مي : رست علي و عليك
ساره : شفتي كيف كلهم خانونا
مي : هههههه من جد
ساره سكتت شوي و جلست تطالع في مي ما تدري كيف تبدا بالموضوع
مي حست بـ ساره : ساره تبيني بشي ؟
ساره : تبين الجد ايه
مي : خير وش فيه ؟
ساره : مي بقول لك كل شي اللحين و ابيك توعديني تقولين لي الصدق
مي الي خافت بس قالت : وعد
ساره : طيب حلو
و قالت لها ساره عن الي شافته بعدين قالت : مي انا ادري انك ما تسوينها بس فهميني بليز
مي الي نزلت عيونها و نزلت دموعها
ساره : مي لا تنزلين عيونك انتي واثقه بحالك كلميني قولي ايش الي صاير
مي : ساره تكفين لا تقولين لاحددد
ساره : طيب اول وش السالفة ؟
راحت مي قالت لها كل شي و هي تبكي و آخرتها لما قال لها انه يبي يخطبها
ساره انصدمت كل هذا يصير مع مي و لا احد يدري و هي ساكته
ساره : طيب ليه ما تكلمتي مع احد اي احد
مي : ما قدررررت الموضوع مو سهل و رجعت تبكي
راحت ساره و ضمت مي : مي حبيبتي هدي و اللحين هو بيخطبك صح يعني خلاص
مي : لا لا مستحيل اواااااافق
ساره : و ليه ؟
مي : كيف كيف تبيني اوافق على واحد عيشني برعب هددني
ساره : مي خلي فكرة الانتقام على جنب اللحين فكري وش ممكن يسوي ان رفضتي
مي : مدري ما فكرت
ساره : مي فكري بكل شي لا ترفضين و بس
مي تنهدت : الله يعين
ساره : ما قال متى بيجي
مي : ما قال شي مدري وش بيسوي اصلاً الله يستر
ساره : لا تخافين و ما دمت انا اعرف انا معك
مي : مشكورة ساره
ساره : وش تقولين مي على ايش تشكريني
مي : لو غيرك كان ما صدقني
ساره : مي انا اعرفك و اعرف اخلاقك كيف اشك فيك
مي نزلت دموعها و ضمتها ساره و قالت : لا تخافين كل هـ الي يصير لك من عند الله و يمكن خيرة لك
مي بين دموعها : و نعم بالله
في بيت ابو خالد ..
لمياء : اوووف خالد شفيك انت اليوم
خالد : ابي افهم لك شهر ما تجيبين طاري رنا لييييييه
لمياء : اوووف ما فيه سبب كذا
خالد : اول تزعجين البيت علشان تروحين لها
لمياء : خالد تكفى خلااااااااص
خالد : طيب طيب مصيري اعرف وش فيك
لمياء : ما فييييييه شي و بتشوووف
خالد : اشوووووف
لمياء : اوووف منك
و طلعت فوق و خلته
خالد : و الله غريبة انا متأكد ان فيهم شي بس الله و اعلم وشو
خل اروح اكلم عنود بس و مصيري اعرف هذولي وش فيهم
نروح عند لمياء بغرفتها
اووف وش فيه هذا مصر يعرف
وش يبيني اقوله رنا مزاعلتني علشان واحد اكلمه
استغفر الله بس انا ادري اني غلطانه بس و لو
ما توصل لدرجة الزعل اوووووف
يووه خمس مكالمات من مساعد
و انا بعد رامية جوالي و نازله الحمدالله و الشكر بس
خل اكلمه اللحين هذا بعد لا يزعل مو ناقصته هو بعد !!
مساعد : لا لا لا كان طنشتي احسن
لمياء : تكفى مساعد مالي مزااااااااج تسوي زعلااان
مساعد : بسم الله خير وش فيك
لمياء : ما فيني شي اليوم ضايق خلقي
مساعد : صاير شي ؟
لمياء : لا بس متضايقه
مساعد : اممم يعني ما صار شي بينك و بين احد ما زعلك احد
لمياء : لا لا محد زعلني و لا صار شي
مساعد : طيييب ليه المزاج النكد هذا
لمياء : اووف مساعد لا تسوي لي تحقيييق
مساعد : طيب خلاااص بسكت
و سكت و هي سكتت ما فيه غير صوت انفاسهم بالتليفون
لمياء بينها و بين نفسها : مدري ليه حاسه بضيقه ودي ابكي
بس وش بيقول هذي كل شوي تبكي علي اووف مرة متضايقه صدق
مساعد : يعني مكلمتني علشان نظل ساكتين
لمياء : لا
مساعد : اجل ؟
لمياء : مدرررري
مساعد تنهد وش فيها هذي اليوم : الا وش صار عليك ما كلمتي بنت عمك
لمياء بضيق : لا و لا راح اكلمها
مساعد : لمياء اقول لك شي بس ما تزعلين
لمياء : قوول
مساعد : خلي غرورك و كبريائك شوي علشان ما تخسرين الي تحبينهم
لمياء : ....
مساعد : لمياء انتي كذا بتخسرين كل انسان تحبينه ليني شوي ارخي الحبل من عندك
لمياء : ....
مساعد : انا ما اقول لك كذا علشان اضايقك لا بس ابي مصلحتك صدقيني
لمياء بألم : ليه انا سويت لك شي انت بعد
مساعد : لا لا مو هذا قصدي
لمياء : اجل ؟
مساعد : اممم تذكرين اول ما عرفتك كنتي تكابرين كثير
يمكن اللحين خف كبرياءك شوي بس برضو موجود مرررة
احس فيه و انا اكلمك احس بغرورك لازم الواحد يرضخ احيانا
لمياء الي تنهدت هنا : صرت تتكلم مثل عمر
مساعد بصوت مرتفع شوي : عمرررررر !!
لمياء : شفيك تصارخ
مساعد معصب : مين عمر هذا ؟
لمياء بضيقة : ولد جيران عمي
مساعد عصب زياده : و انتي شدخلك فيه عيال عمك
و خالتك و قلنا اوكي بس ولد جيرانهم وش دخله فيك
لمياء : اووف منك انت الثاني لا تفهم غلط
مساعد و هو ماسك نفسه لا ينفجر فيها و ببرودها : طيب فهميني !
لمياء قالت له كل سالفة عمر الى يوم يقابلها عند بيت عمها
مساعد معصب و شوي ينفجر : و الله الوقح
لمياء : و ليه وقح ؟
مساعد : يعني يمسكك عند الباب و يتكلم معك كذا من شايف نفسه
لمياء باستهزاء : هو مثلك بس الفرق انت كلمتني تلفون و هو جاني بيقول كلامه عند بيت عمي
مساعد حس ان موية باردة انكبت بوجهه هي صادقه هو اوقح منه ما قدر يرد وش يقول
لمياء حست ان كلمتها قوية بعدين قالت : مساعد سوري انا معصبه اليوم و بس
مساعد هدى شوي : لا مو مشكلة ، انا بسكر اللحين
لمياء : لا تزعل تكفى
مساعد : لا ما زعلت بس لازم اسكر اكلمك بعدين
لمياء حست انه زعل بس قالت : اووكي
نروح لـ مساعد بعد ما سكر من لمياء
من وين طلع لي عمر هذا انا
لا و يحبها شكله من جد الي خطبها مرتين و رفضته و جاء يقول لها هـ الحكي !!
اووف و هي صادقه وش يفرق عني بالعكس هو احسن مني
هو جاء من الباب بس انا اووووف وش ذا التفكير
انا خلاص لازم اخطبها مو حاله هذي ما عاد اتحمل
و حتى لو رفضت ع الأقل اعرف انا ايش عندك يا لمياء و من الباب على قولتك
الله يستر و لا ترفضني بس يااااااارب تسهل لي
بـ بيت ابو عادل ..
رنا كانت تتجهز تبي تطلع
و مها توها جايه
مها : خيرر وين رايحه يوم جيت
رنا : بروح بيت خالي
مها : غرررررررريبة وش عندك
رنا : بس أغير جو و استحيت من كثر ما ارد ريم
مها : مو على أساس ما تبين تدخلين بيتهم
رنا : عادي ما عاد اهتم
مها : كيفك و الله ، الا أخبار لمياء ؟
رنا : مدري
مها : أمووت و اعرف وش فيكم انتم الثنتين
رنا : ما فينا شي ، يلا باي بروح تأخرت
طلعت رنا من عندها اما مها تنهدت
شفيهم هذولي حالهم صاير غريب
لا هذي تسأل و لا الثانيه اكيد فيه شي بس وشو !
اما رنا الي نزلت و طلعت للسواق تبي تروح بيت خالها قابلها عادل عند الباب
عادل : وين رااااايحه
رنا : عند خالي
عادل : شعندهاااا
رنا : اووف خالي عادي
عادل : اييه تكفين انتي و خالك ، الا أقول وين لمياء زمان عنها و عن لسانها
رنا : رح لبيتهم و تلاقيها
عادل استغرب من اخته نبرتها واضح انها معصبه منها
عادل : خيررر شفيك
رنا : ما فيني شي خلاص بروح باي
عادل استغرب بس سكت و هز كتوفه و دخل البيت كيفهم
نروح لـ بيت ابو رياض ..
كان رياض بس يروح و يجي من الفرحه و التوتر
مبسوط لانه بيشوفها من زماااان ما شافها مشتاق لها
بس ان شاء الله ما ترفضه او شي
حتى ما طلع من البيت علشان يشوفها !!
رن الجرس اكيد هذي هي
طبعاً الأخ كان موصي ريم تتأخر و تأخر ديم علشان هو الي يفتح الباب
راح و فتح الباب
رنا دخلت : اوووووف ساعه علشان تفتحـ .....
و سكتت انهبلت لما شافت رياض قدامها ما عاد تدري وش تسوي
رياض بابتسامه : اهلين رنوو منورة البيت
رنا بارتباك و خوف : وين ريم
رياض : فوق ما بعد خلصت
رنا عضت شفايفها : و ديم
رياض : نفس الشي ، ليه لهالدرجه ما تبين تشوفيني ؟
رنا بنظرة كلها غرور : و مين انت علشان ما ابي اشوفك
رياض انقهر منها مرررة و قال يبي يحرجها : انسان تحبينه و يحبك و الا ناسيه
رنا من جد انقهرت هنا بكل وقاحه جالس يقولها هـ الكلمه بكل سهوله و لا كأنه مسوي شي
رنا : يا الله يا رياض انت للحين ببالك سوالف المراهقين و كملت بالم و قهر و غيظ اخبرك كبرت على هـ السوالف
و راحت فوق و تركته وراها منصدم من كلامها
ما توقع انها مجروحه منه لهالدرجه بس اكيد هي تحبه للحين و الا كان ما قالت كذا
اما رنا الي طلعت لغرفة ريم
بكل وقاحه جايني بكل وقاحه يقول هـ الحكي
لا و يقول يحبني ليه يا ربي انا حبيته من الأصل
حراااااام حرااااااام و الله حبي ضاع عليه
قهر قهر هذا الي اقدر اقوله بس قهرررر
كل دقيقه فكرت فيها فيك و نزلت دموعي علشانك
ريم الي طلعت من غرفتها و شافت رنا واقفة و مسرحه
ابتسمت تحسب انها مسرحه بأخوها بشي زين لانها تحبه !!
ريم : الي ماخذ عقلك
رنا التفتت على ريم : ههههههه ما فيه غيرك
ريم : وااااااااااااااضح و غمزت لها
رنا بضيق : ما علينا وين ديم كل ذا تتزينون يختي
ديم : انا جييييييت انتي على بالي بتتأخرين شوي
رنا : وش قالوا لك يختي لمياء
ديم : هههههه و انتي كل ما قلنا تتأخرين تقولين لمياء احسها رافعة ضغطك بتأخيرها
رنا : هههههههههه اي و الله
بعدين سكتت و تذكرت الي صار بينهم و حز بخاطرها
ريم : هيييييه ملاحظة انك من اليوم مسرحه
رنا : هههههه من جد مدري شفيني
ديم بصوت عالي : الي ماخذ عقلك
رنا : هههههههه ما عندك انتي و اختك غير هـ الكلمه
ريم مدت لسانها : لانها كلمة الحق
رنا : امحق هههههههه
نروح لـ فيصل ..
انا وش اسوي اللحين مقدر و الله مقدر ارجع لها
كرامتي ما تسمح لي و لا كبريائي
اووف ادري اني احبها و اموت فيها بعد بس مقدر
آخ بس انا وش سويت وش سويت يا فيصل
وش استفدت اللحين خل كبريائك ينفعك
بس وش اسوي مقدر اروح لها و الله مقدر
دق جواله بنغمة مسج
يا الله من زمان ما شفت هـ الأسم ينور شاشة جوالي
بس انا السبب انا الي سببت كل هذا و عض شفايفه بقهر و هو يقرا المسج
كان من الجوهره
ياخلّي ،، )
يا الغالي ماهو كذا نقسى ، وننسى من نكون
حنا بشر نخطي / ولكن مانكابر بالخطا
ماهوكذا طقت براسك شك [ تكسيه الضنون ]
انا اذا قلبي عطا / عطا ولامثله عطا )
غبي يا فيصل غبي تضيعها منك
اووف مقدر و الله مقدر
و جلس يقلب بالمسجات يدور شي يرد فيه عليها
بالأخير قرر ما يرسل لها أحسن
و سكر جواله و تنهد كذا احسن و اريح
اما عند الجوهره ..
ياا رب انا ليه ارسلت انا غبيه
اووووف منك الجوهره طول عمرك غبيه
تركتي صاحبتك علشانه و اللحين تروحين ترسلين له
غبيه غبيه و بظل غبيه بس مو بكيفي و الله مو بكيفي
صدق لازم اكلم لمياء مالي وجه اكلمها
بس انا غلطت عليها و على شي ما يستاهل
و هي ما سوت شي بالعكس لمياء دووم تساعدني
يا رب تسامحني بس
و بعدين سرحت بفيصل شوي و قالت : الله يسامحك يا فيصل
نروح لـ بيت ابو خالد من بكره ..
لمياء : شفيه هذا مسكر جواله
معقولة للحين زعلان من كلمتي اووف يا ربييي شسوي انا
لا اكون خسرته بعد بس مو معقوله زعلان لهالدرجه
لا تخافين لمياء شفيك انتي
يا ربييي و الله مو معقوله من امس الليل مسكر جواله و اللحين الساعه 12 الليل
معقولة صاير له شي لا لا وش هـ الأفكار
اجل زعلان طيب انا تأسفت اووف يمكن يأدبني
بس لا لا ما اظن مو معقوله وش صار انا ليه قلقانه
يااا رب يااارب تجيب لي خبر عنه ياااااا رب
و رن الجوال
هذا اكيد هو يمكن يكلمني من رقم ثاني
لمياء : هلااااااا
رغد : اهلين لمووو
لمياء بخيبة امل : هلا
رغد : ما تقولين لي مبروك على رقمي
لمياء : ههه ايه صدق مبروك وش هـ الرقم
رغد : ابد رقم جديد
لمياء : كل هذا علشان سامي
رغد : هههههه لا يكثر اقووول
لمياء : ههههه يا عينيييييي
رغد : اقول بس انا كنت بقول لك بطلع بكره السوق تجين معييي
لمياء : و الله مالي مزااااااااااج
رغد : بليزززز لمو بليززززز
لمياء : امممم طيب خلاص اجي لا تزعجيني
رغد : ايييه كذا احبببببك
لمياء : هههههه مصلحجيه
رغد : يلا يلا اخليك اللحين الوعد بكره الصبح
لمياء : بعدددددد
رغد : ههههههه تحملينييييييي
لمياء : طيب طيب هههههه كله لانك توك بتصيرين عروس جديده
رغد : مااااااااالت
لمياء : ههههههه يلا بس روحي نامي يالله تصحين الصبح
رغد : شقالوا لك ربا
لمياء : هههههههههههه
رغد : المهم اسكر منك امي تنادي
لمياء : اوكي الله يحفظك
سكروا من بعض و تنهدت لمياء
و انا على بالي هو شفيني وش صاير لك يا لمياء
مو معقوله لهالدرجه متضايقه علشاني ما سمعت صوته اليوم
وش صاير فيني صدق اني مو صاحيه !!
نروح لـ مها و بندر ..
مها : امممم اذا جاء ولد نسميه محمد على ابوك
بندر : طيب و بننت
مها : اممممم مدري
بندر : انتي بس لو ترضين تشوفين هو ولد او بنت
مها : لا لا ما ابييي خلها مفاجآه
بندر : طيييب كيفك خليها مفاجآه
مها : اممممممم ابي اسم حلوووو
بندر : امممم شرايك بـ راما
مها : لا لا مو حلوووو
بندر : امم طيب ليان
مها : لا قدييييييم
بندر : لحوول جيبي انتي اسم اجل
مها : اممم سارا
بندر : لا لا ما ابيه
مها : اووف وش نسميها اجل
بندر : انا داري عنك
مها : لا و الله و هي بنتي انا بس
بندر : انا اقترحت و انتي ما اعجبك
مها : حتى انا اقترحت
بندر : لا انا مرتين و انتي مرة باقي لك مرة
مها : اووف منك طيب امممممممم
بندر : طولتي كل هذا تفكير
مها : اصبر خل اتذكر
اممممم شرايك بـ وسن
بندر : اممممم وسن وسن وسن وسن
مها : شفييييييك
بندر : اجرب الأسم اشوفه حلو او لا
مها : لا و الله انا عاجبني الاسم من زمان و تو تذكرته
بندر : و الله حلو اجل خلاص وسن بنتي حبيبتي
مها : قررت انها بنت ههههههههههه
بندر : ايه احسااااااااااس
مها : روح عني تكفى ههههههه
بـ بيت ابو خالد ..
مر اسبوع مو معقوله كل هذا تطنيش اووووووووف
لا لا يا لمياء مو معقوله اكيد صاير شي يا رب يا رب
خل ادق اجرب آخر مرررررة
( ان الهاتف المطلوب غير موجود بالخدمه مؤقتاً )
يوووووووووووه مو حاله هذي وش صاير
مو معقوله الجوال مسكر كل هـ الوقت و الله مو معقوله وش صاااير
انا تلفت اعصابي وش صاير يا ربييييي يا رب خاااااايفه
و جلست تبكي بتعب و قهر ما تدري شتسوي و تروح لمين و تتكلم مع مين
هـ الوقت دق جوالها و فزت لمياء و ردت على طول بدون ما تنتبه للرقم
الجوهره : اهلين لمياء
لمياء لما سمعت صوت الجوهره انفجرت : جوجو و جلست تبكي
الجوهره خافت وش فيها : لمياء وش فيييك ؟
لمياء : جوجو بليز تعالي عندي بليز و الله مقدر
الجوهره : هدي اعصابك و قولي لي شفيك لمياء وش صاير ؟
لمياء عجزت تتكلم و الجوهره ما تسمع الا صوت شهاقها
الجوهره : بسكر و اللحين بشوف لو اقدر اجيك و انتي هدي نفسك
لمياء بصوت متقطع من الصياح : ط .. يـ ... ب
سكرت الجوهره و هي خايفه وش صاير في لمياء وش السالفة !!
اما لمياء ظلت على حالها بعد ما سكرت تبكي بصوت يقطع القلب و خايفه
نروح لـ بيت ابو رياض ..
رياض : يعني تتوقعين للحين تحبني ريم
ريم : انت ما شفتها بعد ما طلعت عندنا فوق بس مسرحه وش معناته هذا
رياض سرح شوي يمكن تكون صدق تحبه و الا ليه تنقهر من كلامه
و ليه ما تجي لبيتهم لو انها ما عاد تهتم فيه كان ما اهتمت بأي شي و صارت عادي
اكيد تحبه اكيد للحين تبيه اكيد ما فيه مجال للشك بس لازم ياخذ احتياطاته هو بعد
ريم : يا الله كل هذا مسويته فيك رنا
رياض : هههههه شفتي كيف بنت عمتك معذبتني و هي ما تدري
ريم ابتسمت لاخوها : الله يجمعكم مع بعض
رياض : آمييييييييييين
|
01-12-08, 01:00 PM
جديد مواضيع قسم القصص المكتمله من وحي قلم الاعضاء
العرض العادي
