الجزء الثامن ،،

بعد كم يوم من أحداث قصتنا ..
عند شخص أهملناه كثير ..
منى : طيب يوم انها معجبتك ليه ما نخطبها ؟
فارس : لا لا مدري منى اخاف ترفضني و تخرب علاقتي مع عادل مقدر
منى : وش تخرب علاقتكم انتم مو اطفال
فارس : مدرري منى ما ابي ما عاد ادري وش افكر فيه
منى : و الله مدري فارس انا انصحك تخطبها
فارس : طيب عندي فكرة احسن .. و بدون تدخل عادل
منى : علمني
فارس : انتي تعرفي عليها و اذا قوت علاقتكم قولي لها عني
منى : لا و الله و كيف اعرفها بالله عليك
فارس : اممممم فكري معي
منى : مدري صراحه
فارس : مو هي معك بـ الجامعه
منى : فارس تستهبل انت وش بيخليني اعرفها بين بنات الجامعه
فارس : يووه ما ادري منى خليني افكر و نشوف
منى : اوكي .. مع ان رأيي تخطبها و خلصنا
و سكت فارس و جلس يفكر

عند رنا الي كانت مشتته ..
مدري يا ربي وش بيصير مرة كانت بايخه حركة ريم بس مالها ذنب هي تحسبني بنبسط
اووف و هذا الحقير توه يتذكرني توه يفكر بوحده اسمها رنا هنا اكرهه
اووف مدري يا ربي وش اسوي كل هـ الفترة نسيته او متناسيته ع الأقل
لا و لا جاء و كلم الا امس مع موقف فاارس اووف و هذا الثاني انا ناقصته بعددد
يا ربييي ليه كل شي اجتمع مرة وحده يا كرهي لهم اوووووووف

و في مكان ثاني كانت الجوهره تكلم لمياء ..
الجوهره : اووف مدري لمياء انا ابي و لا ابي
لمياء : هذا مستقبله جوجو
الجوهره و هي تبكي : ادري ادري بس ما ابيه يبعد
لمياء : يا ربيي منك جوجو و الله ما تسوى عليك بعدين كلها كم سنه و راجع لك
الجوهره : و لو انا وش يضمني
لمياء : يا ربيي منك هدي انتي اللحين و فكري زين
الجوهره : يصير خير .. يلا انا بسكر ماما تناديني
لمياء : اوكي و هدي هدي
لما سكرت جلست لمياء تفكر شوي بعدين قررت
مي : هلا هلا و الله و غلا
لمياء : اهلييين .. كيفك مي
مي : تماااام انتي اخبارك شمسوية
لمياء : تمااااام
مي : شعندها لمياء تكرمت علي و كلمتني
لمياء : حرااااااام عليك و الله اني اكلم
مي : هههههههه ايه بس بالموووووووت
لمياء : مالت عليك و انا مكلمتك بعد
مي : خلاص و لا يهمك اسحبها هههههه
و سواليف و تحاول لمياء تعرف شي من مي
مي : اييه ما قلت لك لمـوو
لمياء : ايش ؟
مي : فيصل جايته دوره تبع البنك و يمكن يطول
لمياء : صدددق ؟ و بيروح ؟
مي : مدري ما قرر عاد اشوفه ضايق خلقه مرررة هـ اليومين
لمياء : ليه شفيه
مي : مدري ينافخ و نفسه براس خشمه
لمياء : يمكن لانه ما يدري يروح او لا .. هي مو اجباريه و الا
مي : لا لا كيفه ما فيه شي اجباري
لمياء : اهـاااا .. حلو اجل خليه ياخذ راحته بـ التفكير
مي : هو ما بقى شي يقول 3 شهور بس يالله يجهز نفسه و اموره بـ الدوام
لمياء : يؤ بدري مررره
مي : ايه شفتي كيف
لمياء : الله يعينه
مي : رندا ابعدييييييي ظفي وجهههههك
لمياء : وش فيكم هههههههه
مي : الا بتاخذ التلفون مني يختي مكلمتني انا و الا انتي
رندا: كيفييييي هاااااااتي بكلمهاااا
مي : مااااااالت
لمياء : ههههههههههههه اعصابكم اعصابكم كل هذا حب فيني
مي : مالت عليك انتي الثانيه
لمياء : ههههههههههه هاتيها خل نراضيها شوي
و اخذت رندا التلفون : لمياااااااااء اللحين تدقين على مي يعني كأنها هي بنت خالتك الوحيده نحن هناااااااا
لمياء : طيب طيب اعصابك يختي ههههههه ما تسوى عليك ههههههه
رندا : مالي شغل راضيني
لمياء : اقول روحي بس ههههههههه
و جاها خط بهالوقت يووه هذا وقته بعد
لمياء : رندا جاني خط خلاص تكفين ارضي هههههههه
رندا : تسكتيني علشان تردين على مكالمتك لا لا لا انا اهم
لمياء : يا ربييي خلاص اجيب لك شريط طق هههههههههه
رندا : مااااااااالت شقالوا لك رقاصه
لمياء : ههههههههههههههههههه انتي الي قلتي مو انا
رندا : ماااااااالت انا بعد اطلب رضاوه
و يرجع يدخل خط اووف هذا مصر وش سالفته ما قد أصر كذا
لمياء : رندا حبيبتي خليني اشوف خطي و ارجع اكلمك
رندا : لا تلعبين علي
لمياء : و انتي بزر العب عليك ههههههههه
رندا : مالت روحي روحي لخطك خليه ينفعك
لمياء : ههههههه طيب باي و سلمي ع الكل
رندا : يبلغ .. باي
لما سكرت رجعت لمياء و دقت على مساعد و يرن يرن يرن يوم جت بتسكر رد
مساعد بدون نفس : هلا
لمياء : اهلين !! كيفك مساعد ؟
مساعد : بخير .. بغيتي شي ؟
لمياء طارت عيونها شفيه هذا نفسه خايسه : انت الي مزعجني من اليوم و تكلمني من طرف خشمك بعد
مساعد كان متضايق من امور بـ الشركه و لا لقى غير لمياء يحط حرته عليها و يوم شاف معها خط انقهر !!
مساعد : اكلمك مثل ما ابي كيفيييي
لمياء عصبت : لا مو كيفك حلوة هذي لعبة عندك انا
مساعد : لمياء لا تخليني ارفع صوتي عليك
لمياء : كل هذا و لا رفعته !!
مساعد : اووف اقول باي باي احسن
و سكر و لا انتظر منها جواب حتى و لمياء فوق راسها علامات تعجب !!
مساعد : اووف شفيني انا حطيت حرتي كلها فيها وش ذنبها اووف
اما لمياء الي كانت متنحه وش فيه هذا !! وش شايفيني عنده ينافخ علي و انا بعد ليه تضايقت كيفه مو شي مهم كلها يومين و افتك منه
افتك منه !! يعني برتاح كذا شتفكرين فيه لمياء شتفكرين فيه انتي انهبلتي اكيد بترتاحين اكيددددد بتتركنيه و بتنهين لعبته البايخه
بس انا تعودت عليه .. نعم تعودتي عليه خير لمياء خير وش فيك وش صاير لك اووف اصلا هو مو شي مهم و انتي تعرفين هـ الشي

عند رغد بـ المستشفى ..
كان فيه مريضة و الدكتور فواز كان هو المسؤول عنها و رغد كانت معها هذاك الوقت ..
هناء : متى بطلع مليت من المستشفى و الكتمه
رغد و هي تسوي شغلها و تبتسم : هانت ما بقى لك الا كم يوم
هناء : بس طفش مررررة
رغد : عادي هانت
هناء : انا مدري كيف متحملين تشتغلون هنا انتم
رغد : ههههه عادي تعودنا عليه
هناء : اللحين انتي ليه تشتغلين هنا يعني لهالدرجه شغلكم حلو
رغد : هههههههههه مو مسألة حلو بس وش تبيني اجلس بالبيت اسوي
هناء : و لو يعني مدري احس شغل المستشفى مو كويس بـ الذات لنا حنا البنات
رغد : وش دعوه انا محترمه نفسي و لا لي شغل في أحد
هناء : مدري و الله يعني لو كنتي محتاجه كان اقول صح
رغد : لا محتاجه و لا شي بس بما اني محترمه حالي الكل بيحترمني ليه الفكرة هذي !!
و طلعت رغد منها مقهوره للحين الناس كذا اوووف و اذا صرت اشتغل بـ مستشفى وش بيصير يعني بدشر
و قابلها فواز و هي تكلم نفسها و معصبه : شفيه الحلو معصب
يوم قال هـ الكلمه عطته رغد نظرة هي خلقه معصبه و هذا يتغزل
فواز : خلاص اسف اسف ما تسوى علي زلة لسان
رغد بدون نفس : تبغى شي مني دكتور فواز
فواز حس انها معصبه : لا سلامتك و ابتسم بعدين كمل اهم شي لا تزعلين نفسك
و راح رغد هنا استحت مرررة اووف منه مع انه حقير الا اني احبه !!

نترك أجواء المستشفى و نروح شوي عند مها و بندر ..
مها : بندررر ابعد عنيييييي وش ذا الريحه وعععع
بندر : وش تبيني اسوي لك تسبحت مليون مرة تعطرت و لا هو عاجبك
مها : وع بندررر ريحتك مرة تقرف شكلك ما تتنظف
بندر : لحوول مها وش سالفتك علي انتي اليوم
مها : مدري مدري ابعدد عني مالي خلقك اوووف
و راحت عنه و هو مستغرب وش فيها هذي

نروح لـ بيت ابو فيصل ..
مي : مدري مرام هههههه
ايه يمكن اجي لحوول انتي شفيك مصره .. هههههه دريت انك تحبينها يختي
اوكي خلاص و لا يهمك .. اوكي اجيب احد معي عادي ؟ .. اها حلو اجل
اووكي خلاص و الله دريت ههههه .. اوكي باي
رندا : وش السالفة ؟
مي : مرام صاحبتي عازمتني على حفلة دي جيه بعد اسبوعين تقريباً
رندا : الله وناااااسة بروح معك
مي : ههههه ايه قلت لها عادي اجيب احد قالت ايه يعني باخذك
رندا : ونااسة مرة نغير جو شوي من الدراسة ملييييييت
مي : هههههه من اللحين لـ بعد اسبوعين ما تدرين وش يصير
رندا : و لو خليني انبسسسط
مي : هههههه الله يرجك يختي ما تقولين ثالث
رندا : يعني ما انبسط ثالث اعقد حجاجي مالت عليك
مي : هههههههههه اسفين خلاص
و نزل هـ الوقت فيصل و هو معصب
سكتوا الثنتين خافوا منه
فيصل : وين امي
مي : طالعه
فيصل : يوووه و انتم ليه اصواتكم عاليه ازعجتوني
رندا : اصواتنا عاديه كنا نسولف عادي اول مرة تجي كذا انت
فيصل : يووه خلاص خلاص انا بطلع
و طلع و تركهم و هم ساكتين
مي : بسم الله شفيه هذا ما تسوى عليه دورة بتخليه كذا
رندا : من جد .. معقولة كل ذا من دورة !!

يوم طلع فيصل من عندهم و لف بـ السيارة راح و دق ع الجوهره
فيصل : اهليين
الجوهره : هلا فيصل شفيك ما ترد قلقت عليك
فيصل : ما فيه شي .. جوجو انتي ما تبيني اروح صح
الجوهره سكتت بعدين قالت : لا فيصل هذا مستقبلك و انا كنت أفكر انا ما ابي اكون أنانيه علشانك
بعدين ما تسوى كلها سنه و انت راجع
فيصل ابتسم و كنه حمل و انزاح : جوجو صدق كان ضايق خلقي منك بس كبرتي بعيني
الجوهره : فيصلللل انا مو أنانيه علشان اطنش الي انت تبيه و الأفضل لك
تشقق فيصل بعدين قال : يا شيخه ما تسوى علي هـ اليومين ضاق خلقي فيها و انتي خلاص تبيني اروح
الجوهره : ههههههه محد قال لك تضيق خلقك
فيصل : و الله قليلة الأدب هذي
الجوهره : ههههههههههههههههه
فيصل : اييه اضحكي و الله اخاف حاطه عينك على احد ثاني و تبين تفتكين مني و تسفريني
الجوهره : موب شينه تصدق
فيصل : اقول يلا يلا يلا سكري
الجوهره : هههههههه و لو ما يهون علي فصوووولي
فيصل : ايه حسبت بعد
الجوهره : اوكي فيصل انا بسكر اللحين اكلمك الليله ان شاء الله
فيصل : اووكي ..

بعد ساعه من طلعة فيصل من البيت رجع و هو متشقق و راح عند خواته
فيصل : مي رندا اطلبوا الي تبوووووون امروا و انا بنفذ لكم اليوم
مي : بسم الله مو كأن هذا الي ينافخ علينا تو
رندا قامت و حطت يدها على جبهة اخوها : لا ما فيه حرارة بسم الله عليك شفيك انت وش المزاج المتقلب
فيصل : هههههههه ما فيني شي اقول بنات تراني بروح لندن
مي : اخيرااااااا اجل علشان كذا متشقق
رندا : ايه المدام وافقت انه يروح
فيصل لف عليها : وش مدامه انتي بعد
رندا : مدري بس الي يشوفك الأيام الي راحت يقول بيترك زوجته و عياله
مي : هههههههههههههههه و الله جبتيها صح رندا
فيصل : ماااااااالت عليكم بس

بـ بيت ابو عادل ..
عادل : رنا تكفيييييييييييين
فهد : رنا فكينا منه تقولين بزر هو و ازعاجه اليوم
رنا : لا يعني لاااااااا
عادل : بليززز رنا طلبتتتتتتتك
رنا : لااااااااااااا
فهد : ياخي انا ودي ادري وش تبي انت بالضبط
عادل : من زمااااااااااااان ما تهاوشناااا
رنا : وين من زمان معه ما مر كم يوم من آخر مرة
فهد : مشتااااق افهميها يختي
رنا : يؤيؤ يـ الخاين و شذذذذذذذذى
عادل : طيرووووووووا انتي و اياه
فهد : ههههههههههههههههههههه هو شي من اثنين يا انه خاف انه يحب لمياء يا انه استحى من طاري شذى
رنا : هههههههه و انا عجبتني الثانيه
عادل الي صدق استحى : مالت عليكم هييييه تراني اكبركم
فهد : مو مبين
رنا : اي و الله اشك احيانا اني انا و فهد اكبر
عادل : امحق اخوان بس
فهد : ههههههههههههههههههههههههههههههه ارتفع ضغطه كلمي لمياء يحط حرته عليها اخاف يحطها فينا
رنا الي كانت تدق اصلا : هذاني اكلمها هههههههههههههههه
لمياء بصوت مليان نووم : نعمممممممم
عادل : يمه وش ذا الصووووووت
لمياء : اووف و مقوميني من نومي علشان اسمع الصوت الشجي هذا
عادل : احسن من صوتك
لمياء : اقوووول رنا روحي عني و اذبحي اخوك
رنا : ههههههه هو قال وش اسوي
فهد : لمياااء خلي النوم عنك
لمياء : اووف انتم متفيقين و ما عندكم غيري انا انسانه نااااااايمه
عادل : وشلون نايمه و تردين علينا
لمياء : يا سخفك و سكرت بوجيههم
فهد : ههههههههههههههه ما عندها وقت بنت عمي
رنا : ابد هههههههه
عادل : مالت عليها و يوم بغيت اتهاوش تصير نايمه

نروح لـ لمياء الي صحوها ..
اوووف هذولي طيروا النوم مني و انا بعد وش منومني هـ الوقت اووووووف
كله منه مساعدوه الحقير اجل انا ينافخ علي اوووف اكرررررررهه كلها يومين و كذا يسوي اوووف
مالت عليه الحقير الزفت انا ينافخ علي و يرفع صوته مين هو علشان يهاوشني ميييين هو
اووف و انتي ليه حارقة اعصابك لمياء مين هو علشان تحرقين اعصابك له !!
مين هو .. طيب ليه كلمتيه من الأول ليه مشيتي معه بـ لعبته الغبيه .. انتي غبيه لمياء و كل يوم تكونين أغبى
و كل ما تقربتي من هـ الي اسمه مساعد تصيرين أغبى أنسانه بـ العاااااااااااالم

نروح لـ بيت أبو مساعد ..
كان الكل مجتمع و مبسوطين حتى سعود و هدى كانوا معهم
ملاك : ماااالي شغل حرام عليكم فرحوني ابي اصير عمه
هدى : يختي غصب ما نبي ههههههههههه
سعود : و الله انك نشبه ملاك
مشاري : انا عندي اقتراح زوجوها و خلونا كلنا نصير خوال و منها تفكنا شوي هههههه
هدى : أبد زواجها على ايدي
ملاك حطت يدينها على خصرها : يا سلاااااااام و انا لعبة عندكم بتزوجوني و تمشوني بكيفكم لا يا بابا انت و هي انا جالسة ع قلوبكم
نواف : ما شاء الله موب لسان عليها هذي
بدر : ملاحظ انت و يقولون اقتدوا بـ الي اكبر منكم !
نواف : انا مدري كيف بنفلح و هذي الي اكبر منا على طول !
ملاك : هييييييي انت و اياه عاجبتكم سالفة الطناااازه هاااااه تراني اكبررر منكم احترموني
بدر : امحق
نواف : اي و الله
مشاري : ههههههههههههه فشلوها .. اللحين مسوية بتقوينهم يعني
ملاك : مشكلة محد منكم محترررررمني
سعود : راحمك بس ماش انتي مقلقتني من اليوم ههههه
هدى : حرام عليكم ههههههه
ملاك : يوم انه حرام عليهم وقفي معي
هدى : لا اسفة مقدر اخالف زوجي
ملاك : مااااااااالت عليك انتي و زوجك حتى حتة عيل موب جايبينه
سعود : ولدي موب حتة عيل انتي و خشتك
ملاك : خله يجي اللحين
سعود : لا يكثر بس ولدي شيخ حتى لو ما جاء
ملاك : اووف روح بس انت و ولدك بعدين لفت لجهه ثانيه مسااااااعد ما فيه غيرك دايم يوقف معي
مساعد : ....
ملاك : مساااااااااااااااااااااااااااعد
فز مساعد : بسم الله .. هلااااااا
كلهم انتبهوا على مساعد لأنه كان واضح انه مو لمهم أبدد
نواف : يووه يا ربيي مين سعيدة الحظ الي يفكر فيها اخوي
بدر : ايييه تلاقيها اللحين مو نايمه الليل لأن اخونا مفكر فيها
مساعد متنح و للحين مو مستوعب و يطالع فيهم
سعود : لا لا مساعد وش سالفتك هههههههه و الله يبيلك صورة
ملاك : بسم الله على اخوي
مشاري هو الوحيد الي كان ساكت و يطالع اخوه كان بـ مساعد شي و بحكم ان
مشاري طول عمره قريب من اخوه حس بالشي هذا و لا علق
مساعد فجأه قام من عندهم : عن اذنكم انا بطلع انام
ملاك : وييين بدررري
مساعد ابتسم بوجه اخته : تعبان شوي
و طلع فوق و تركهم كلهم مستغربين منه
هدى : أخوكم فيه شي اول مرة اشوفه كذا
سعود : ايه صارت مشكلة بـ الشغل اليوم و ابوي حط اللوم عليه و يمكن معصب علشان كذا
مشاري : ابوي الله يهديه ما عنده تفاهم
سعود : و الله مقدر اقول شي هو كان فيه غلط بس مو من مساعد و جت براسه
ملاك : حرااام الله يعينه اخوي
نايف و بدر : و حنااااا من نصير
ملاك : مالت عليكم مساعد هو الي دايم معي مو انتم
سعود : بقلبها ههههههههه
كملوا جلستهم بسوالف و ضحك و بعد ساعه طلع كل واحد لغرفته ينام و سعود و هدى راحوا بيتهم
راح مشاري لغرفة اخوه مساعد و طق الباب
مساعد : ادخل
مشاري : اهليين .. وش فيهم الحلوين زعلانين
مساعد : ههههه ما تلاحظ انك تاخذ دور زوجتي
مشاري : هههههه شسوي ما عندي غيرك ادلعه و يدلعني يا حبيبي
مساعد : روووح عني يا شيخ ما بقى الا انت عاد
مشاري : هههههههههههه وش نسوي الدنيا حدتنا و انا اخوك
مساعد : مالت بس هههههههه
مشاري : مساعد امم انا عرفت عن سالفة الشغل
مساعد الي نسى مع سالفة لمياء : اي سالفة ؟
مشاري طير عيونه : ليه فيه سوالف بعد ؟؟؟؟
مساعد : هاااه ايييه تقصد السالفة ايه ايه ذكرت
مشاري : يعني انت مو متضايق لأن ابوي حاط اللوم عليك ؟ فيه شي ثاني صح ؟
مساعد : لا لا ما فيه شي
مشاري : علي مساعد انت حتى ناسي سالفة ابوي !! وش شاغلك .. و كمل بمزح لا تكون بس صايد لك صيده من وراي
هنا ارتبك مساعد شوي ما يدري ليه و انتبه مشاري و قال : لاااااااا هذي يبيلها جلسة أخ مساعد قل لي اللحين كل شي اعترررررف
سكت مساعد بعدين قال : كل شي بوقته مشاري مو وقته اللحين
مشاري : لا لا يا بابا اللي قدرت تهزك و تضيق خلقك و تنسيك سالفة ابوي معك هذي وحده ما ينصبر على سالفتها
الحييييين ابي اعرف كل شي .. من هي .. كيف قابلتها .. كل شي لا تخلي شي ما تقوله و الا بذبحك او اقول بكلم ياسر اكيد يعرف
مساعد : بسم الله علي ما تسوى سالفة
مشاري : لا مو أي سالفة انا أعرفك بحياتك ما اهتزيت كذا و بحياتك ما نسيت ابوي ان ضايقك بشي معناته هذي مو اي احد
سكت مساعد بعدين قال : طيب بقول لك ..
مشاري : و انا اسمعك ..
قال له مساعد كل شي من يوم كان بـ لندن الى يوم صرخ بوجه لمياء اليوم ..
مشاري : كل هذا يصير و انا ما اعرف شي يالظالم
مساعد : مدري ما حبيت اقول شي الى ما تنتهي هـ اللعبة البايخه الي انا جبت فكرتها
مشاري ابتسم : اللحين صارت بايخه
مساعد : اووف مشاري تدري لو تخلص اللعبه بعد يومين و انهزمت تعرف وش بتطلب لمياء
مشاري : وش بتطلب ؟
مساعد : بتطلب ننهي كل شي و هذا الي انا ما ابيييييه ما ابييييييه
مشاري : و ليه ما تبيه
هنا سكت مساعد ما يدري وش يقول !!
مشاري : تحبها مساعد ؟
مساعد سكت بعدين طالع اخوه و قال : مدري .. احس اني تعودت عليها ..
غير كذا عنادها لي مخليني اصر اكمل تحديها كل شي فيها يخليني اصر اكمل معها ..
مشاري ابتسم : مدري اقول لك انت تحبها او لا بس يمكن انت تفوز بعد
مساعد : اخاف هي تفوز
مشاري : يا شيخ وسع صدرك و بدالها عشر بعدين سكت و كمل هذا اذا كنت ما حبيتها
مساعد خاف من الفكرة بقوة : لا لا ما توصل حب يمكن اعجاب بس حب لا لا وش تخرط انت
مشاري : مدري عنك مساعد انت اول مرة تنسى كل شي بحياتك و تركز على سالفة مثل كذا !!
بعدين بقول لك ترا صراخك عليها اليوم ما كان له داعي ابد مو معناته ابوي حط حرته فيك تحط حرتك فيها
مساعد : انت تعرف اني ما حطيت حرتي فيها علشان سالفة ابوي بس
مشاري : و تقول اعجاب ابعد عني تكفى
مساعد : يووه مشاري انا ما قلت لك علشان تستهبل معي
مشاري : و الله انت متعب نفسك مساعد و الا ما يحتاج لها تفكير تبيها قل لها عادي ليه تصعبها و تكابر و كله على حسابك انت
طول عمرك مساعد تكابر و ما تستفيد و حتى لو استفدت بالنسبه لنفسك بـ السالفة هذي ما راح تستفيد حتى بينك و بين نفسك
سكت مساعد بعدين قال : ابي انام
مشاري ابتسم و عرف ان اخوه تضايق من كلامه لانه الصح : اوكي تصبح على خير ..
و طلع و ترك مساعد بـ أفكاره ..
مشاري يقول لي اني انا احبها .. مشاري الي يعرف اني رافض الفكرة .. مشاري اخوي الي يعرفني أكثر من نفسي
و قبله ياسر و الله اعلم من بعدهم .. معقولة كلهم يشوفون شي انا ما أشوفه و يمكن حتى لمياء ما تشوفه
بس هي ليه تشوفه هي تكرهني و متضايقه من كل العلاقة .. بس بعدين انا ما ابي كل شي ينتهي
ما ابي الأربع شهور تنتهي أبي اكمل مدري الى متى بس أبي اكمل أبي ابقى معها
طيب ليه مساعد ليه وش تبي فيها وش بتستفيد تحبها لا بس انت تعرف ان كلامهم غلط و انت ما تحبها !!
اوووف انا و هـ الأفكار كل شي بوقته زين ليه اقلق نفسي و اعور راسي
آآه يا لمياء خليتيني اتضايق من نفسي .. لدرجه اني صرت ما اعرف نفسي !!
اقول نم ابرك لك يا مساعد محد نافعك اووف

لمياء : من يومين ما كلم و لا سأل كأني انا الي مزعلته اللحين
مدري من الي صرخ ع الثاني لا و اليوم بعد انتهت اللعبه انا اوريه الزفت
اووف و ليه أفكر فيه أصلا الحقير اصلا هو مثله مثل غيره ماالت عليه
اجل انا يصارخ علي كني اصغر بزارينه اورييييك يا مساعد
اووف منه نشوف اليوم وش بيصير و نشوف وش آخرتها كل شي بينتهي اليوم ان شاء الله
يا ربيييي مدري شسوي اوووف بكلم الجوهره أبرك خل أشوف وش صار عليها
الجوهره : اهلييييين بنور العيييين
لمياء تضحك : وش عندها المروقة اليوم شكل الأمور تمااااام
الجوهره : تمام التمام بعد ههههههههه
لمياء : يا جعله دوم هههههههههه
الجوهره : الله يسمع منك لمياء مع اني للحين خايفه من سالفة السفر مدري ليه
لمياء : انتي قررتي القرار الصح و لا عليك من شي
الجوهره : هذا الي يريحني يالله ربك يعين بس
لمياء و هي تتنهد : و يسهل
الجوهره : انتي شكلك متضايقه فيك شي
لمياء : ما فيه شي يسوى ما عليك
الجوهره : لا انا متأكده ان فيك شي قووولي
لمياء : جوجو مو وقته اللحين بـ الجامعه السبت اقول لك كل شي شرايك
الجوهره : وعدددد
لمياء : وعد انا بعد ابي اتكلم
الجوهره : حلو اجل الله يصبرني للسبت
لمياء : هههههههههه حشا وش بقول لك انا
الجوهره : مدري عنك شكلك مهببه
لمياء : ههههههههههههه روحي تكفين
الجوهره : طيب اللحين روقي يا ماما .. و وعدنا السبت
لمياء : طيب ماما جوجو هههه
الجوهره : ههههه مالت عليك بس يلا يلا خليني اسكر
لمياء : ربي يحفظك


نروح للمستشفى عند رغد ..
رغد : اوكي نص ساعه و برجع لك
هناء : اووكي
و طلعت من عندها رغد و شافت مايا بطريقها
مايا : و لك شو هاد رغد آدامي لا لا ما بسدء
رغد : ههههههههه ليه وش فيك
مايا : شو هاد يا بنت ما عاد شوفك ابدااا كل هاد شغل
رغد تقلد لهجة مايا : شو ساااوي
مايا : و لك شو مهضوم عليك الشامي رغد
رغد : ههههههههههه
مايا : شو عندك ؟
رغد : بس نص ساعه و برجع لمريضة
مايا : شو هاد بدي شوفك
رغد : تشوفيني هذاني قدامك طيب هههههه
مايا : رغد لا تجننيني بدي شوفك متل العالم و الناس
رغد : هههههههه شسوي الشغل كثير الأيام هذي و لا الحق
مايا : مصيري بشوفك يا بنت
رغد : ان شاء الله ههههههههه
مايا : شو كم بآي ع النص ساعه
رغد : هههههههههه تستغلين الوقت
مايا : اييه هههههههههه
رغد : باقي ثلث ساعه هههههههه
و جلسوا الثنتين يكملون سوالف
و بعد ما نتهت النص ساعه راحت رغد و معها مايا بتشوف هناء ..
مايا : شو هاد مو انتي الي بتروحي لها ليه دخلت هاي ؟
رغد مستغربه : مدري !!
لفت مايا شافت الممرضة الفلبينيه تضحك و غمزت للدكتور فواز
مايا : رغد شوفي شوفي
لفت رغد و جلست تطالع بـ الي صار و عقدت حواجبها
و راحت بسرعه دخلت عند مريضتها .. فواز انتبه ان رغد شافته و برضو عقد حجابه
ان شاء الله ما شافت شي بس !!
دخلت رغد على هناء و الثانيه معصبه لآخر درجه
هناء : اللحين انا يسوي معي كذا الحقيررر صدق الرجال رجال وين ما رحتي
رغد : ايش فيك هدي اعصابك
طالعتها هناء بقهر و قالت بحده : اللحين ليه دخلت علي الممرضة الفلبينيه الي تو
رغد الي ما تدري وش السالفة : ما ادري !! انا استغربت و جيت اشوف !!
هناء : شوفي شوفي هذي الورقة الحقيررر معطيها الفلبينيه علشان تعطيني رقمه امحق دكتور
رغد ما عاد تدري وش تسوي معقوله هو لا لا ممكن واحد غيره و الي صار برا صدفه !!
مسكت رغد الورقة و كانت يدها ترجف و جتها غصه لما شافت الرقم و الاسم الي فوقه ( الدكتور فواز )
هناء : صدق حقيررر انتم كيف تخلون دكاترة مثل كذا عندكم
رغد الي ما عاد تدري وش تسوي و هي تحس انها بحلم فواز فواز كانت مايا صادقه هو لعاب
و كل حركاته معي يبي يجيب راسي بس جبته فواز جبته و حبيتك و حست ان العبرة خانقتها
هناء انتبهت و خافت لأن شكل رغد كان ما يبشر بـ الخير : رغد وش فيك ؟
رغد بـ ابتسامه مصطنعه : ما فيه شي انا بطلع برسل لك ممرضه ثانيه تاخذ اللازم
طلعت و قابلتها مايا الي كانت واقفه ما راحت لأنها حاسه بحركات فواز مع رغد
و شافت الي تو و حست ان فيه إنّ و لما شافت رغد طلعت من هناء كان شكلها غيرررر
كانت ماسكه دمعتها لا تطيح و تطالع بـ المستشفى و تحس نفسها ضايعه
مايا : رغد رغد شو بك
رغد : كنتي صادقه مايا كنتي صاااااادقه حقير و الله حقير
مايا : شو بك رغد مين الحقير شو صار ؟
رغد : الدكتور فواز راسل رقمه لعند المريضة الي تو
مايا سكتت و طالعت بـ رغد ما تدري شتقول لها
و رغد برضو سكتت لانها شافت فواز من بعيد جاي صدق من قال ( يقتل القتيل و يمشي بجنازته !! )
فواز مبتسم : شفيك رغد شفتك من بعيد شكل فيك شي و قلت أتطمن عليك
مايا كان ودها تذبحه صدق وقح !!
بس رغد عطته نظره احتقار طويلة و قالت : و لا شي دكتور فواز و رصت على دكتور بس لو سمحت انا ما أتشرف تحاكيني
غير اني بـ مكان شغل محترم و لا أبي ألوث سمعتي .. لو سمحت يعني لا عاد تجي تكلمني
فواز الي كان مستغرب معقولة شافت هناء طيب حتى لو شافتها المفروض تنهار مو كذا !!
و عطته ظهرها و كملت : اعذرني عندي شغل مهم بروح اشوفه ..
و تركت فواز مستغرب من تصرفها من وين جابت هـ القوة !!
مايا برضو استغربت من ردة فعل رغد كثير ما توقعتها قوية كذا بس ابتسمت و لحقتها
مايا : رغد لو بدك تطلعي مو مشكلة انا بآوم محلك
رغد ابتسمت : لا لا مايا ما يحتاج ببقى لآخر الدوام ..
مايا : اوكي ع راحتك


ببيت ابو خالد .. كانت العائله مجتمعه
ام خالد : صدق خالد كل شي مهيأ لك خلني أفرح فيك
لمياء : اييييه تكفى خالد نبييي زواااااااااااااااج
خالد : على حسابي هههههههههه
لمياء : ايه ههههههههه
ابو خالد : و الله الفكرة زينه بس كله بشورك خالد انت تبي او لا
خالد : مدري و الله انتم وش سالفتكم فاتحين الموضوع هذا اليوم
ام خالد : كل ام تبي تفرح بولدها
لمياء : و العروووس جاهزه بس انت قل لي اخطبيها
خالد : مين !!
ام خالد : وش عروسته انتي من ناوية تزوجين وليدي
لمياء : ماماااا يعني بالله عليك بجيب لاخوي وحده مو كويسه
فيه وحده و غمزت لخالد و ضحكت
خالد : !!!
ابو خالد : قولي من تقصدين ههههههههههه
لمياء متحمسه : فيه العنود اخت بندر مرررررة كويسة البنت و محترمه و تنحب
ام خالد : اي و الله بسم الله عليها
خالد سكت و تذكر فشلته مع العنود و عطى لمياء نظرة
و لمياء ماتت ضحك لانها فهمت نظرة اخوها
خالد : اقول تكفون يكفي مزح بالسالفة هذي انا مالي خلق زواج و خربطه
لمياء : انت الخسران
ام خالد : كنك انتي الي بتتزوجين اللحين وش محمسك
لمياء : كذااا ابي زوااااااااااج
ابو خالد : نزوجك انتي اجل هههههههههه
لمياء : لا لا غيرت رأيي
خالد : هههههههههههه اييييه شاطرة تبين تزوجيني انا بس
لمياء : مالت بس هذا جزاتي ادور مصلحتك
خالد : ما نبيك تدورينها تكفين
ابو خالد : خلاص انتم ما تعرفون تجلسون الا تتخانقون
لمياء : هو يبدا شسوي له
خالد : واااااااااضح
ابو خالد بصوت عالي : خلااااااااااااااااص
و سكتوا خافوا من ابوهم يوم صرخ عليهم


عند رنا الي كانت طفشااانه لأبعد حد ..
رنا : تكفييين مها تعاااااالي و الله طفش
مها : يختي مقدررر بروح لاهل بندر اليوم
رنا : اووف لاحقه عليهم
مها : لا و الله لاحقه عليك انتي
رنا : مااالت امحق اخت .. حتى لمياء مالها مزاج تطلع شسالفتكم انتم اليوم
مها : هههههههه يختي مزااااج نفسيات حنا
رنا : اي و الله
مها : اقول عطيتك وجه بس هههه المهم بروح لبندر عطلتيني
رنا : روحي روحي خليه ينفعك
مها : يعني انتي الي بتنفعيني اللحين روحي تكفين .. يلا باي
رنا : اووف باي
سكرت منها و هي طفشااااااانه
و دق جوالها و شافت الاسم .. ارد او لا اووف مدري بس هي مالها ذنب خلني ارد بس
رنا : هلا
ريم : اهليين رنوي .. رنوي سوري سوري سوري ع الي صار آخر مرة و ربي ما كان قصدي
رنا : عادي ريم ما صار شي
ريم : لا بس انا تعديت حدودي و لا قلت لك اول و الله اسفة رنا
ابتسمت رنا و رحمت بنت خالها وش ذنبها هي بالي سواه اخوها : لا ريمو عادي و الله ما زعلت منك انا
ريم : اكيييييد
رنا : اكيديييييييييين
ريم : طيب رنا تجين عندنا اليوم
رنا و هي تذكر رياض : لا لا معليش اسمحي لي ريم
ريم بضيق : لييه شفتي انك زعلانه
رنا : لا مو مسألة كذا بس انتم تعالوا احسن انا مالي خلق اطلع من البيت
ريم : طيب بشوف ماما و بابا و ارد لك
رنا : اوكي انتظرك ..


عند ريم ..
ديم : هاا وش قالت
ريم : تقول تعالوا انتم مالي خلق اطلع
ديم : عادي اهم شي نتشاوف من زمان عن بعض
ريم : و انتي صادقه بقول لامي
و نزلوا البنات يستأذنون من امهم و ابوهم
ابو رياض : عادي و لا تنحبسون بـ البيت
ام رياض : بس تراني باخذ السواق اليوم لو وداكم رياض عادي
و على نزلة رياض قالت ديم : يوووه عاد رياض الي بيوافق
رياض : اوافق على وشو
ريم : ريااض تكفى قل تم
ديم : ايييه تكفى رياض تكفى
رياض : بسم الله علي وش فيه ؟
ريم : نبي نروح عند رنا و امي تبي السواق
رياض ابتسم عز الطلب و الله : عادي انا اوديكم
ديم : لا لا فيك شي اخوي حرارتك مرتفعه صاير لك شي
رياض : بسم الله علي ترا بغير رأيي
ريم : لا لا خلاص تأسفي له ما صدقنا
ديم قامت و حبت راس اخوها : آآآآآآآآآآآآآآآسفة
رياض : ما تسوى عليكم ههههههههه


نروح عند رغد الي خلصت دوام و دخلت البيت و هي تحس انها تعبااانه
شهد وربا كانوا يضحكون و يسولفون فوق و شافوا اختهم داخله و تبكي
شهد : شفيها ؟؟
ربا : مدرري .. لا يكون صاير لها شي بس
شهد : خل نشوف و الله خوفتني
دخلوا الثنتين عند رغد الي كانت ع السرير تبكي
شهد : رغد رغد شفيييك بسم الله عليك وش صاير لك
و ربا وقفت ما تدري شتسوي اول مرة تشوف اختها كذا
شهد : رغد شفيك
رغد : الحقيررررر الزفت اكرررررررررهه و كملت بكيها
شهد : وش السالفة رغد حبيبتي هدي نفسك
رغد بين دموعها : تخيلي شهد قدامي عطاها رقمه قدامي
ربا الي توها تستوعب السالفة نطقت بكلمه وحده : فواااز !!
رغد هنا جلست تصيح اكثر و اكثر
فهموا الثنتين ان السالفة لـ فواز بس ما يدرون وش السالفة بـ الضبط لأن رغد تبكي و مو راضية تقول لهم شي
شهد : رغد هدي نفسك مو زين الي تسوينه بنفسك
رغد : مقدرررررر و تبكي
ربا الي توها تتحرك راحت بسرعه جابت كاس مويه لاختها و رجعت : رغد خذي اشربي هدي نفسك
رغد شفيك اول مرة اشوفك كذا لو ايش الي صار ما يسوى تسوين بنفسك كذا
رغد الي هدت شوي بس دموعها للحين تنزل : بنات طلع حقير ما همه الا اللعب و انا الي حبيته ليه يا ربي ليه
ربا و شهد للحين ما يعرفون السالفة بـ الضبط !!
شهد : انا مدري وش الي صار بالضبط بس ما ابيك تقولين لنا اللحين انتي اهدي و نامي و نتكلم ان صحيتي
رغد طالعتهم و هزت براسها انه احسن
و طلعوا ربا وشهد و تركوها ..
رغد ياااا ربي ليه كذا ليه كذا ليه حبيته ليه حبيت واحد حقيررررررر
صح ما صار شي بس يكفي انه قدر يلعب بمشاعري او بجزء منها يا رب يا رب ساعدني و كملت بكاء
شهد : مدري وش سوا فيها الزفت هذا
ربا : الله يستر و الله خفت عليها اول مرة اشوف رغد كذا
شهد : يالله تقوم و نعرف وش مسوي فيها
ربا : يعني ظنتك بتنام .. قولي ع الأقل تريح و تستوعب الي صار لها مع اني ما اعرفه
شهد : حسبي الله عليه بس ما تسوى عليه دمعه من اختي


نروح عند رنا الي نزلت تجهز كل شي لجية بنات خالها ..
اووف يا رياض انا وش طيحني فيك انت
لا و من بين كل هـ العالم ما لقيت غيره من زينه يعني اووف
مدري يا رنا وش آخرتها معه يعني يوم انتي تحاولين تنسينه يجي و يسوي لك فيها
ماااالت عليه لو اني ما سمعت هذاك اليوم بس .. وش اخربط انا استغفر الله
شوي الا دق الجرس و ركضت رنا .. شكل البنات جوا ..
راحت عند الباب : هلا هلا و الله تو ما اسفرت و انورت و مدري ايش
ريم : ههههههه هلا و غلا
و سلموا على بعض
رنا : وين ديم
لفت ريم : مدري وين اختفت توها وراي
رياض : دييييم
ديم : طيب طيب خلاص عرفت
رياض : يلا قدامي اللحين
دخلت ديم و قالت لها رنا : صباااح الخير لي ساعه فاتحه الباب
ديم : ههههه شسوي رياض عطلني
هنا تغير وجه رنا شيبي ذا جايبهم بعد !!
سلموا على بعض بعدين قالت ديم : رنا رياض يبي يسلم عليك
رنا : نعممممممم !!
ديم : هو قال قولي لـ رنا بسلم عليها
رنا الي ما قدرت تقول لا بس بداخلها نااار وش يبي هذا !!
جاء رياض من ورا الباب : كيفك رنا
رنا بدون نفس : بخير
و سكتت ..
رياض : امم طيب انا حبيت اسلم بس شكلك مالك نفس
رنا : اوكي .. باي
رياض و الله طرده محترمه : اوكي يا بنت عمتي نشوفك على خير
رنا : ربي يحفظك
و طلع و هي تتأفف وش يبي هذا ما يفهم اووف مالت عليه
ديم : يلا يلا خلص مسلم عليك تعالي داخل
رنا الي كانت للحين واقفه محلها : هااا ايه يلا ههههه
ريم فهمت وقفة رنا غلط تحسبها فرحانه !!


عند رياض الي طلع لـ صديقه ناصر ..
و هو بـ الطريق كان يفكر يا الله لـ الدرجه هذي ما عاد طايقه كلمه مني و لا شي
حتى ما ردت و قالت اخبارك انت او شي مطنشتنيييي مدري يا رنا وش آخرتها معك
بس انا الي نسيت و انا الي لازم اتحمل النتايج و مصيري برجعك لي يا رنا
محد بياخذك غيري و بتكونين لـ رياض و بس و تشوفين
وصل لـ عند ناصر و كلمه ينزل لأنهم بيروحون بسيارة وحده سوا
ناصر : وش عندك تأخرت و انا ساعه لازم انتظر
رياض : بسم الله علي خلني اخذ نفس شوي
ناصر : مااالت عليك لي ساعه انتظرك
رياض : وش اسوي وديت خواتي لبنت عمي و رجعت
ناصر : يا هوووووووووو قل كذا بنت عمك لها شغل بـ السالفة
رياض بدون نفس : اسكت يا شيخ
ناصر : ههههههه و الله شكلها مطنشتك تطنيش محترم هههههه
رياض : لا تذكرني يا ناصر قاهرتني مرررة تخيل اسألها عن اخبارها ترد و تسكت
و لا قالت عيب ما ارد او اقول كيفك انت لا مطنشتني
ناصر : عاد الي سويته انت مو شوي
رياض : و لو امداها نست .. انا مدري هي تكابر و الا ايش
ناصر : اكيييييد تكابر ما اتوقع تحبك و بتنساك كذا من الباب للطاقه انت الحقها للآخر و صدقني بتكون لك
رياض : و هذا الي بيصير اذا كان بالها طويل انا بالي اطول
ناصر : ههههههه خلك اللحين من هـ السوالف و خل نروح ننبسط



نرجع لـ لمياء الي كانت مقهوره من مساعد ..
اووف يبيني اكلمه مالت عليه هذا وجهي ان كلمته و بعد اليوم ما راح ارد عليه لأن اليوم آخر المده خلاص
اكررررررررهك مساعد اووف انا وش ربي بلاني فيه اكرررهه و كل دقيقه اكرهه اكثر
و دق الجوال .. هذا هو وش يبي توه يتذكر اووف بس ليته متأخر و لا دق
لمياء بدون نفس : نعمممم
مساعد : افاا كذا تردين
لمياء : لا و الله كيف تبيني ارد مثلا اهلي فيك !!
مساعد سكت عاذرها هو كان اسلوبه بايخ : طيب طيب آسف
لمياء : و ليه الآسف عادي مو انا اصغر بزارينك أخ مساعد
مساعد كان وده يقول لها اخ بعينك ان شاء الله بس مسك نفسه : محد قال انك اصغر بزاريني
بس انا آسف انا كنت مضغوط و لا ادري وش صار لي
لمياء : لا و الله و تحط حرتك فيني لا و مخليني يومين حتى ما دقيت تعتذر !!
مساعد اخذ نفس : لمياء لا تطولينها خلاص و الله ما كان قصدي غلطت عليك و اعتذرت و اوعدك ما اكررها
لمياء : تكررها !!
مساعد : ايه اوعدك ما اكررها
لمياء : و انت واثق اننا بنكمل يعني
مساعد : و ليه لا خل نشوف من أخذ معلومات أكثر عن الثاني
لمياء : اوكي انا اعرف انك مساعد و دارس بـ لندن ادارة اعمال و امممم ايه توك راجع من كم شهر و تشتغل بـ شركة ابوك
مساعد ابتسم : و الله حافظة درسك
لمياء : اييه وش ع بالك .. قل لي شتعرف انت
مساعد : اوكي انا اعرف انك لمياء الـ .... و تدرسين تعليم خاص ما عندك الا اخو واحد و ببتخرجين السنه الجايه
عندك وحده من صديقاتك علاقتك معها قوية غير بنت عمك اييه و بنت عمك الثانيه حامل بعد
لمياء هنا تنحت كيف جاب اسمي و سكتت
مساعد : هااا عندك شي تزيدينه
لمياء الي استوعبت : انت كيف عرررررفت اسمي
مساعد : المهم اني عرفت
لمياء : لا لا كيف
مساعد : جوالك يا ذكيه
هنا لمياء انقهرت : غش غش انت ولد تقدر تجيب الي تبيه انا لا
مساعد : و الله لو تبين كان قدرتي تجيبينه مو مشكلتي
لمياء انقهرت مرررة لأنه على كذا مساعد فاز عليها وش بيطلب !!
مساعد ابتسم : اللحين اقدر اقرر وشي جائزتي !!
لمياء : اوووووف وش تبي اطربني
مساعد : أبي شي واحد بس نكمل مع بعض !!
لمياء خلاص وصلت معها : لاااااااااا اطلب الي تبي الا هـ الشي احنا قلنا 4 شهور بس
مساعد تضايق من رفضها بس زاده اصرار : مالي شغل انتي ما قلتي ما تطلب هـ الشي من الأول حنا متفقين ان الي يفوز يطلب الي يبي
لمياء : يوووووه انت ما تفهم انا اكرررررررهك
مساعد عصب من جد اللحين : تكرهيني تحبيني مالي شغل انا هذا طلبي و غصب بتنفذينه
و بسكر اللحين علشان ما أغلط بس لو دقيت مرة ثانيه تردين مفهووووووم
و سكر بـ وجهها السماعه و هي بـ حالة صدمه !!
طيب ليه انا رفضت هو صادق هي ما قالت من الأول ما نقدر نطلب هـ الشي !!
اووف بس ما تبي ما تبي تكمل و هنا خنقت لمياء العبرة انا ليه قلت له اكرهك بحياتي ما قلتها لأحد ليه فقدت أعصابي

نروح عند مساعد الي كان صدق متضايق ..
سويت الي ابي خلاص ببقى اكلمها بس هي تكرهني !!
تكرهك يا مساعد تكررررررهك تفهم وش معناة الكره
يا قوي الكلمه يا لمياء .. بس ليه انا متضايق انا ما احبها !!
بس و لو الكلمه قوية الكره شي قوي و صعب
الظاهر ما راح نكمل لمياء ما دام هذي نظرتك عني ما اعتقد اقدر اكمل معك و انتي تكرهيني !!
و فكرتك عني اكيد مو كويسة .. ربي يعين بس ..

الجزء التاسع ،،

بعد يومين من الأحداث الي فاتت ..
يوم السبت بـ الجامعه ..
كانت لمياء و الجوهره بـ المحاضرة و الاولى مسرررحه مرة
و لا هي لم الي تقوله الدكتورة و لا غاب هـ الشي عن الجوهره
و يوم خلصت المحاضرة لفت الجوهره على لمياء : ممكن اللحين اعرف وش فيك ؟
لمياء : وش فيني !! ما فيني شي هذاني قدامك حاضرة و وش زيني
الجوهره : لمياااااء لا تلفين و تدورين معي اول شي اليوم شكلك مو شي ابددد
ثاني شي انتي قلتي لي ان عندك شي و بتقولينه لي اليوم و انك محتاجه تتكلمين
لمياء : أنـاااااا
الجوهره : لا جدتي لميااااء لا ترفعين ضغطي
لمياء و كنها رضخت للأمر الواقع : اممم طيب طيب بقول لك بس خل نطلع من القاعه
الجوهره : لا هنا اهدى من برا
لمياء : وش سالفتك جوجو اليوم
الجوهره : ابي اعرف وش فيك بس
لمياء سكتت شوي و سرحت بعدين طالعت بـ الجوهره و قالت : جوجو الي بقوله لك ترا ما فيه اي انسان يعرفه حتى رنا
الجوهره : طيب تكلمي
لمياء أخذت نفس بعدين قالت لها كل السالفة من اول ما عرفت مساعد الى الي صار قبل يومين
لمياء : و بس هذا كل شي
الجوهره : لميااء انتي مستوعبه كل الي قلتيه
لمياء : ايييه مستوعبه جوجو لا تزيدينها علي و تقولين انتي بـ الأول خطأ و مدري ايش انا عارفه هـ الحكي
الجوهره سكتت و لا علقت على كلام لمياء
لمياء : انا ادري اني غلطت من الأول بس انا بديت و على انها 4 شهور و خلصنا بس الأخ مطولها اووووف
لمياء : جوجو تكلمي لا تسكتيييين اوووف انتي الثانيه ابي احد يتكلم معي مو يسكت
الجوهره : اخاف اقول لك شي و انتي كذا و تاكليني !!
لمياء هدت نفسها بعدين قالت : لا ما راح اقول شي انتي قولي لي رأيك بس
الجوهره : انتي قلتيها بـ الأول انتي غلطانه لأنك رضختي من الأصل ..
بس انتي بديتي و كملتي و انتي تتحملين نتايج تهورك و الا انا غلطانه !!
لمياء : ....
الجوهره : لمياء انا صادقه انا ما راح اجاملك و اقول الي سويتيه صح انا غلطت و انتي كررتي غلطتي !!
ما راح نكذب على بعض و نقول ان الي نسويه صح و تنهدت بعدين كملت بس انتي اخذتيها لعب
و لعبك هذي نتيجته بعدين ترا كلمتك قوية و انتي غلطتي وش اكرهك !
لمياء : ما كنت اقصد نرفزني
الجوهره : لا و الله حلوة نرفزني اذا كل ما نرفزنا احد بنحط حرتنا عليه عز الله ضعنا بعدين انتي دايم تمسكين اعصابك وش صار لك
لمياء : مدري جوجو هـ الأنسان عنده قدرة انه ينرفزني و يرفع ضغطي بشكل ما تتخيلينه اووف
الجوهره : المهم انتي تبين تتركينه فيه الف اسلوب انتي اللحين مثل ما تهورتي و بديتي كملي و شوفي لك صرفة
بس اللحين انتي غلطتي و الي يغلط يعتذر ما يكابر خلي مكابرتك هذي تراها ما راح تنفعك
لمياء : يووه جوجو حسستيني بـ الذنب و هو ما يستاهل
الجوهره : رجعنا على ما يستاهل بقول لك شغله مهمه هو غلط عليك
لمياء : لا
الجوهره : جرحك ؟
لمياء : لاااا
الجوهره : و انتي
هنا سكتت لمياء بعدين طالعت بـ الجوهره و قالت : انتي الا بتحسسيني بـ الذنب اليوم اوووف خلاص سكري السالفة
الجوهره : نشوف آخرتها معك لمياء


نروح لـ مكان ثاني عند رغد الي ما كانت تبي تروح اليوم الدوام ..
و قرروا ربا و شهد يغيبون علشان يشوفون شـ عندها
بعد ما ربا ذبحت نفسها علشان تقنع امها انها تغيب
رغد : مو رايحه يعني مو رايحه
شهد : ممكن اعرف وش بتستفيدين ان جلستي هنا ؟
رغد : ما أشوف خشته الزفت
ربا : رغد انتي لا راضيه تعلمينا السالفة و لا راضيه تروحين
رغد : يا ربيي بنات خلاص ما لي خلق
شهد : لا حنا لازم نعرف السالفة رغد لو حنا ما وقفنا معك من بيوقف معك قولي لي !!
هنا جلست رغد تبكي
ربا : بليز قولي لنا حنا جالسين علشانك اليوم انتي اكبرنا و لا يهون علينا نشوفك كذا
رغد سكتت بعدين قالت : شوفوا انا بقول لكم كل شي
شهد : اخيرا قولي يلا لا تغيرين رأيك بعد
جلست رغد تحكي لهم الي صار و هي تبكي
ربا : هدي هدي ما تسوى عليك رغد و الله حقير ما يستاهل دموعك
شهد : بعدين احمدي ربك انتي ما تهورتي او سويتي شي معه و ظليتي محترمه حالك و رافضة اي احتكاك معه
ربا : اييه و بعد اللحين انتي تخلينا نصر انك تروحين للشغل غصب مو بكيفك
رغد : كيف اروووح قولوا كيف اقابله احس ان ودي اعطيه كف ان شفته
شهد : امسكي اعصابك و روحي عادي و ابتسمي و احقريه مثل ما سويتي اول الموقف
اللحين كنتي قوية بلحظة الموقف و اللحين تضعفين انتي اللحين روحي بعد فترة استقيلي و ريحي عمرك
رغد سكتت كأنها بدت تقتنع ..
ربا : شهد صادقه روحي اللحين و عادي كنك تأخرتي عن الشغل دبري لك اي صرفة عاد
رغد بعد ما فكرت شوي : تدرون بسوي الي تقولونه و الله يقويني .. شوي رجعت دمعت عينها
شهد : وش قلنااااا
رغد : خلاص خلاص بلبس اللحين ممكن تطلعون
ربا : لا لا مو طالعه
رغد : روووحي اقول وش مو طالعه
ربا : مزاااااااااااجي
رغد : ربااااااااا روووووووحي
شهد سحبت ربا و هي تضحك على هبال اختها
و يوم طلعوا ابتسمت رغد : يا رب خل لي خواتي مدري من دونهم وش كنت بسوي
و لبست و تجهزت و طلعت قالت لامها انها بتداوم
لما وصلت للمستشفى أخذت نفس و نزلت
مايا قابلتها : شووو رغد جيتي ،، حسبتك ما راح تجي
رغد ابتسمت : لا و ليه ما اجي بس كانت اختي شوي تعبانه و لما تطمنت عليها جيت
و تقول بقلبها و الله و عرفتي تكذبين يا رغد


نترك رغد شوي و نروح لـ مها ..
مها : بندر بليز خلاص مالي خلقك
بندر : اللحين انتي وش سالفتك ؟
مها : يوووه انت الي وش سالفتك قلت لك ما ابي خلاص ما يحتاج اعيد و ازيد
بندر مستغرب من تصرفات زوجته : مها طيب هدي وش قلت ما قلت شي بعدين انتي دايم تنبسطين لو رحتي هناك
مها : اللحين ما انبسط لا و بعد معك امحق وناسة و راحت و تركته
و هو مستغرب وش فيها هذي لها يومين مو طايقتني !!
راح بندر و كلم اخته العنود لانه كان جد متضايق من تصرفات مها
العنود : هلا و الله بأحسن أخو بـ الدنيا
بندر انشرح صدره شوي : هلا هلا بهالصوت
العنود : وش عنده مكلمني هـ الوقت لا تكون بالدوام بس و تاخذ قسطاً من الراحه
بندر : هههههههه وش قسطاً من الراحه انتي بعد .. لا مو بالدوام طالع بدري اليوم
العنود : يا هوووو وش عندك و الا بتجلس مع زوجتك ههههههه
بندر : اذا كبرتي تعرفين
العنود : لا و الله
بندر : ههههههه يلا يلا بس بسكر منك قلت بشوف اخباركم
العنود : اوكي انتبه على نفسك و على مهااا و البيبي
بندر : قولي عائلتك و خلاص
العنود : من كثركم هههههههه
بندر : يلا بس باي
العنود : باي
سكر بندر و جلس يفكر اي عائلة عنود و اي جلسة مع زوجتي هي حتى مالها خلق تشوف وجهي !!
مدري وش صاير فيك يا مها مدري وش صاير فيك ..


نروح لـ بيت أبو عادل ..
كانت رنا جالسة قدام التلفزيون و تشوف فلم هندي و تبكي
دخل عادل وفهد و هم يضحكون و شافوا اختهم تبكي و خافوا
فهد ركض لـ رنا : رنا حبيبتي شفيك من مزعلك وش صاير لك
رنا : البطل مات و دموعها تنزل
عادل تنح بعدين شاف الي تشوفه و قال : اللحين خوفتينا و نقول وش فيها هذي بـ الأخير فلم هندي و البطل ماااات وش تبين اسوي فيك
فهد الي كان متنح فجأه مات ضحك : قوية رنا قوية ههههههههههههههههههههههههههههههههههههههههههه
عادل : قال ايش قال البطل مات انت شفت شكلها بس فهد تقول بـ عزا ههههههههههههههههه
فهد : و الله حسبت احد ميت و الا فيه شي بس صدق صار احد ميت ههههههههههههههه
عادل : وين العزا رنا بـ أي بيت ههههههههههههههههه
رنا : مااااااااااالت عليكم انتم وش يعرفك بـ المشاعر و الأحاسيس
عادل : اي مشاعر يا شيخه كله فلم
و كمل فهد عنه : لا و هندي بعد لو اموت ما اشوفه ههههههههههههههههه
رنا عصبت : ماااااااااالت عليكم
فهد : هههههههههه بروح بس ابدل ههههههههههه
و طلع فهد و تركهم و عادل للحين يعلق و يضحك
راحت رنا مسكت جوالها و حطت المايك : الووووو
شذى : هلا و الله و غلا
رنا : شذى اسمعي لا تستحين تراني حاطه المايك و عادل عندي
عادل هنا تنح بوجه اخته وش تسوي هذي
شذى : ....
رنا : يووه شذى عادي شوفيه يتطنز علي لاني ابكي على فلم هندي
عادل : ......
شذى : ......
رنا هنا ماتت ضحك : شذوووي تراها بعد من متابعين الأفلام الهنديه عادل و مدت لسانها له و شالت المايك
رنا : خلاص تراني شلت المايك ههههههه
شذى : يا حمااااااااااااااااااااااااااااره ليه سويتي كذا
عادل الي انقهر و فرح و انحرج من حركة اخته طلع على طول لـ غرفته
رنا : يستاهل يتطنز علي من اليوم علشاني اصيح على فلم هندي
شذى : هههههههه حرام عليك احرجتيني انا بعد
رنا ضحكت : ايييه و الله اقطع يدي ان كان ما انبسطتوا انتي و اياه
شذى : يووه رنووووووووي
رنا : هههههههههههه ايه مسوين مستحين و انتم من جواتكم ميتين وناسة
عادل الي طلع لـ غرفته
الله ياخذ ابليسها رنا وش ذا الموقف بس و الله فرحت
يووه من زمان ما سمعت صوتها
بس اردها لك يا رنا احرجتيني صدق اوررررريك


نرجع للمستشفى و رغد من غرفة لـ غرفة و ملهيه نفسها بـ شغلها ..
كان فيه واحد يراقبها و مستغرب حتى جت اليوم !!
و راح لها : اهلين رغد
رغد طنشته و لا كانه يتكلم
فواز : انا اتكلم هنا !!
رغد : اووه سوري دكتور ما انتبهت لك و عطته نظرة قوية هو استغرب منها
فواز : كيفك .. اشوفك اليوم متأخره عسى ما شر
رغد : خصوصياتي ما تخصك دكتور .. تامرني بشي ؟
فواز حاول يلطف الجو و ابتسم : لا انتبهي على نفسك
راحت رغد عطته نظرة احتقار بعدين قالت : اعرف انتبه لـ نفسي زين يا و سكتت بعدين قال يا دكتوووور
فواز هنا انجن اول مرة بنت تعامله كذا حقرته و طنشته لا و حسسته انه و لا شي
طيب طيب يا رغد انا اوريك و الله لا اعلمك مين الدكتور فواز و تشوفين كيف انتي الي بتتعلقين فيني
رغد من نظراته صدق خافت بس سوت نفسها قوية
مايا : رغددد
رغد فزت : بسم الله
مايا عقدت حواجبها : شو بك
رغد : لا لا و لا شي
مايا : انا شفتك مع الدكتور فواز من بعيد .. رغد ديري بالك على نفسك منه
رغد ابتسمت لـ مايا و قالت : مايا لا توصيني بعدين خليه يسوي فيني شي انا وراي رجال و ابتسمت
و ردت لها مايا الابتسامه : انتي بتطمنيني كتير رغد بس انتبهي منه
رغد : و لا يهمك ..


نروح عند لمياء الي كانت بغرفتها تفكر بكلام الجوهره ..
الجوهره صادقه انا غلطت عليه و انا بعد ما قلت من اول انه ما فيه اننا نكمل يعني انا غلطانه
بعدين انتي بديتي بـ كل هـ اللعبه لمياء تحملي النتايج انتي رضيتي
و هو ما جرحك و لا سوا شي لك بـ العكس كان دايم يساعدك اووف بس ما ابي
انا احس اني اغلط و لا ابي انجرف بـ الغلط اكثر .. يا رب ساعدني
اووف مدري وش اسوي مدري احس ما عاد أقدر أفكر أكثر لنا يومين ما كلمنا بعض بس من حقه انا الي غلطت !!
و بهاللحظة دق باب غرفتها خالد و قطع تفكيرها
لمياء : ادخل ..
خالد : اهلييين و سهلين يا زين غرفتك تو ما نورت تو ما صارت حلوة تو ما
و قاطعته لمياء : خلاص خلاص عرفنا انك حلو و مزيون و تنور اي مكان فيه بس كله لأني اختك مع علمك بس
خالد : تكفييييييييييييين
لمياء : ههههههه الا وش عنده الاخ خالد منور غرفتي
خالد : اممم صراحه كنت بقول لك شي
لمياء : وش عندددك تحمسسسسسست
خالد : هههههههه اعصابك .. اممم لمياء شرايك بـ العنود ؟
لمياء : أخيرااااااا قررت تتزوج و اقتنعت بالعنود يعني ونااااااااسة
خالد : بسم الله اولا انا ما قررت و انا اسألك عن البنت لا أكثر و لا أقل لان براسي شي
لمياء : خالد تكفى البنت كويسة مرة و محترمه وش براسك
خالد مد لسانه عليها : مالك شغل .. بعدين يا حلوة انتي انا لو بغيت أتزوج بتزوج الي انا ابي و بمزاجي
و طلع و تركها و خافت لمياء معقولة خالد براسه احد معقولة يبي احد
طيب و ليه سأل عن العنود وش ناوي عليها يا ربيييي انا ليه اقترحت من الأول اووف ناقصتك انا خالد
و هي بـ أفكارها مسكت الجوال و دقت ما تدري ليه بس دقت ..
مساعد شاف الرقم و استغرب !! بس رد بيشوف وش عندها تنازلت !!
مساعد بدون نفس : هلا
لمياء : اهلين .. كيفك
مساعد برضو بدون نفس : تماااام
و لا قال لها كيفك و لا شي و حست لمياء انها تفشلت و سكتت
و سكت هو بعد !!
راحت لمياء قررت أخيراً تتكلم و قالت بسرعه : آسفه و سكتت
مساعد جته الضحكه هنا قالتها كن أحد ملاحقها : وش قلتي ما سمعت ؟
لمياء : يا ربيييييييي
مساعد للحين يحاول يمسك ضحكته : آسفه على ايش ؟
لمياء : مساااعد انت تعرف على ايش
مساعد بعناد : لا ما اعرف قولي على ايش
بـ الأخير تنهدت لمياء و قالت : آسفة ع الي صار قبل يومين ما كان قصدي بالي قلته بس انت نرفزتني
و اللحين ادري اني غلطانه و عادي ما تفرق عندي نكمل او لا و و بس
هنا ضحك مساعد : اممم حلو و الله حسيتي انك غلطانه
لمياء : عادي الاعتراف بالحق فضيلة و انا غلطت
مساعد : و الله الي اعرفه عنك ما تتنازلين عن كبريائك وش عندك تنازلتي هـ المرة
لمياء صدق تنرفزت : مساعد لا تخليني أندم اني تأسفت لك و قلت الي قلته
هنا ضحك من قلب : متحسفه بعد .. اوكي اوكي مو مشكلة
لمياء تنهدت بعدين قالت : طيب انا اللحين بسكر اهم شي متصافين كذا
مساعد ابتسم : ايه متصافين
لمياء : اوكي اجل اخليك .. باي
مساعد : باي
لما سكرت طااار مساعد اخيرا تأسفت و الله كنت ناوي اكلمها اليوم و اخلص من كل السالفة
بس جت كذا سبحان الله ربي يبينا نكمل ههههه و الله بديت اخربط انا بس ليه مبسوط
صدق انك غريب مساعد تو كنت متضايق منها و نافخ نفسك و اللحين فرحان لانك بتكمل معها
مدري وش آخرتها بس ابي اكمل من جد ابي اكمل !!
اما عند لمياء الي كانت حالتها مو بعيده عن مساعد ..
انا ليه تأسفت من متى لمياء تعترفين بغلط و لا تكابرين
كلها يومين بس و رحتي تعتذرين !!
اووف لهالدرجه أثر فيني كلام جوجو ايه اكيد كلام جوجو
اووف منك لمياء ريحي دماغك بس !!


نروح لـ مها و بندر الي كانت حالتهم مثل الزفت ..
بندر : انتي فهميني بس وش فيييك
مها : يووه بندر ما فيني شي ما تفهم ما فيني شي
بندر و هو معصب : طيب ليه مو طايقة و لا كلمه اجلسي تناقشي مو كذا
مها و خلاص وصلت معها : بندر خلااااص اوكي مالي خلقك لو سمحت اسكت و خلني بحالي
بندر : طيب انا وش مسوي لك اللحين
مها : يووووه ما سويت شي بس مو طايقتك تفهم مو طااااااايقتك
و طلع بندر من البيت معصب و مها جلست لحالها و هي معصبه


نروح للشرقية ..
شذى كانت مسرررحه كل اليوم علشانها سمعت صوت عادل ..
و جت من وراها نجد: شذذذذذذذذذذذذذذذذذذذى
شذى فزت : بسم الله وش تبين انتي
نجد : من اليوم اناديك بس انتي مو لم احد
شذى : يختي نادي زين مو كذا اوف
نجد : و الله وش اسوي لك ما دمتي ما تسمعين
دخل عليهم عبدالله : شفيكم صوتكم طالع لـ برا
شذى : اختك هذي خوفتني بسم الله
نجد : من اليوم اناديك و لا تسمعين شسووووووووي
عبدالله : الحمدالله و الشكر شفيكم انتم اليوم
شذى : ما فينا شي انت الي شفيك
نجد : صدق انت الي شفيك
عبدالله : لا لا لا اللحين تقلبونها علي انتي و اياهاااااا
شذى : هههههههههه لا لا انا قلبي ما يطاوعني
عبدالله : ايه وااااااااااااااااااضح
نجد : هههههههه انا عن نفسي يطاوعني و نص موب مجاملتك
عبدالله : امحق خوات بس انا ثانوية عامه راعوا مشاعري
شذى : ما يحتاج عندك امي و ابوي و سعد أنا احياناً اغار منك من اهتمامهم
عبدالله : قل أعوذ برب الفلق
نجد : مااااالت بس
شذى : هههههههههههه صدق نفسه

عند ربا و شهد ..
شهد : و الله خل نطلع نغير شوي من نفسيتها
ربا : قولتك
شهد : ايييه شوفي وشلون طلعت و تلاقينها اللحين بترجع و نفسيتها أزفت
ربا : الله يقلعه
شهد : اعصابك
ربا : قاهرني وش ذا الوساخه لا و يكلمها بعد الي سواه
شهد : عادي كلهم كذا
ربا : خل ادق ع البنات بس
و دقت ربا على لمياء
ربا : كيف .. لا عاااااااااد .. قهر مرة كان ودي تجين معنا .. على قولتك خيرها بـ غيرها .. اوكي باي
ربا : لمياء تقول ما تقدر
شهد : قهر .. طيب شوفي مي و رندا
ربا : بكلم رندا ..
اوف ما ترد هي و خشتها
شوي و رجعت رندا تكلمها : هلا هلا و سهلا مليون ولا يسدن
ربا : هههههههه وش عندك مبسوطه
رندا : كذا مزااااااااج
ربا : ههههههه طيب يا ام المزاج ، خليني ادخل بالمهم انا داقة عليك نبي نطلع السوق تجين معنا انتي و مي ؟
رندا : الله ونااااااسة ابي اطلع .. بس بشوف امي و مي ادعي توافق امي
ربا : ههههههه ايه عاد ثانوية عامه الله يعينك انا بـ الموت اقنعت امي
رندا : ما دامت اقتنعت فيه امل امي تقتنع ههههه امك اصعب من امي ههههه
ربا : هههههههه مالت بس .. المهم شوفيهم و ردي لي
رندا : اوكي خل اشوفهم اللحين .. سي يو
ربا : سي يو
ربا : خل نشوف رندا تقدر تقنع اهلها او لا
شهد : ان شاء الله يقتنعون


نروح عند بيت أبو محمد ..
مي : تعاااااااااااااااالي
الجوري : لا انا اثلاً ما احبك
مي : جوري تكفيين هاتيه
الجوري : هذا حددددي مو حدددك
مي : اقول لا يكثر هااااتيه
الجوري : اثلاً بابا دايبه لي انا انتي ما عندك بث تاخدين حقي
رندا الي كانت تشوفهم و ميته ضحك ع المسلسل الي قدامها بين جوري و مي
مي : انتي بدل ما تضحكين تعالي فيدي و خذيه منها
رندا : ههههههه لا يختي هذي ام لسانين خذيه منها انتي
مي : جوووووووووووري
الجوري : لا لا لا لا هذا حدددددددددددددددي
مي : جوري حبيبتي انتي هاتيه
الجوري : تلعبين علي عثان انا ثغيرة لااااااا
مي : يا ربيي شسوي فيها هذي
جتهم ساره هـ الوقت و طايرة عيونها بين مي و بنتها
ساره : وش السالفة ؟
مي : بنتك ماخذه جوالي و مو راضية تطلعه لي و لا ادري وين حاطته
ساره : ههههههههههههههههههههههههههههههه
مي : هيييي لا تضحكييين طلعوا لي جوالي انتي و بنتك ذي مدري وين ودته لا و المصيبة انه ع السايلنت بعد
رندا : هههههههههههه محد قال لك تحطين سايلنت
مي : اووف جوووووري
جوري : لا لا لا نابي نابي
ساره راحت لـ بنتها : حبيبتي جوري عطي عمتك جوالها
الجوري بوزت : لا لا هدا حدي
ساره : طيب عطيها و انا اشتري لك واحد احلى منه
الجوري محتارة بعدين بـ الأخير قررت و راحت طلعت لها الجوال و عطته مي
مي : ما بغيتييييييي
الجوري : اثلاً ماما تبي تثتري لي أحلى من حدك
مي : خليها تشتري لك يختي و اتهني فيه بس فكيني
ساره : هههههههههههه و الله رحمتك مي
رندا : انتي فاتك اشكالهم و ربي نكته تقولين وشو ههههههههه
مي : ماالت شوفي من بياخذك لـ حفلة الدي جيه
رندا : لاااااااا اكذب اكذب استهبل اصلا بعدين ساره انا قلت شي
ساره : ههههههه لا أبد ما سمعت اي شي
رندا : شفتي
مي : ياالمصلحجيه
ساره : ههههههه وشي حفلة الـ دي جيه هذي ؟
مي : صديقتي عازمتني عليها مو الاسبوع هذا الي بعده و باخذ رندا معي لان ماما قالت لي لا تروحين لحالك
ساره : ايه احسن ما احب انا جو الحفلات هذي
مي : و الله هي وناسة بس
ساره : مدري احسه يخوف جوهم ههههه
رندا : لا يا ماما ع حسب الأشخاص فيه ناس صدق تقرفك و فيه ناس بـ العكس تنبسطين معهم
ساره : صح
رندا : ايييييييه تذكرت ربا قايلة لي بيطلعون السوق اليوم
مي : انا مالي مزاج اطلع ابددد
ساره : حتى انا و الله
رندا : يووه انا مرة ابي اروح طيب اقنعوا امي اروح معهم
مي : و الله كيفك انتي اقنعيها
رندا : اووف منكم بروح لها
شوي الا رجعت لهم رندا مبسوطه و تناقز : امي واااااااااااافقت ونااااااااااسة
ساره : ما تسوى عليك هههههههههههه
رندا : فرحااااااااااانه ونااااااسة
مي : هههههههه طيب كلمي ربا قولي لها
رندا : ايه صح ..
و دقت على ربا .. اييه ربا .. ايه ايه خلاص امي قالت عادي ..
لا لا مي تقول مالي خلق بس انا .. اوكي انتظركم لا تنسوني هههههه


نرجع لـ بيت أبو خالد ..
خالد : يمه انا عزمت أتزوج
ام خالد : صدق خالد أخيرا يا ولدي
خالد : بس يمه انا الي ابيها انا الي بختارها
ام خالد خافت لا يكون ولدها متعرف على وحده و الا شي بس سكتت
خالد : طيب يمه ما راح تسأليني مين ابي ؟
ام خالد : مين يا ولدي ؟
خالد انا ابي ..............


نترك خالد و أمه و نروح للبنات ببيت أبو رغد ..
رغد : يووه بنات مالي خلق
شهد : حرااام عليك حنا ميتين نبي نطلع و امي وافقت لانك معنا
رغد : اووف منكم وش عندكم اليوم
ربا : لا تخربينها رغد تكفيييييين حتى رندا بتجي معنا بليزززز
رغد : طيب طيب لا تزعجوني يلا قولوا للسواق يطلع
ربا : يييييييييييييس اللحين اقول له
طلعوا البنات و مروا رندا و راحوا السوق
و بـ السوق ..
رندا : شوفيييييه يختي يهبببببل
ربا : ايييه مرة يختي يخقق
رغد : هيييي انتي و اياها اعقلوا لا اشيلكم عن هـ المكان
رندا : شوفيه رغد بالله عليك مو يجنن وهـ
شهد : ههههههههه مهبل و اجتمعوا اكلتوا الرجال بعيونكم
ربا : و الله حلـوو
رندا قامت و دخلت المحل
و لحقوها البنات
رغد : مجنونه
رندا كاتمه ضحكتها : بشوفه عن قرب
شهد : ماالت عليك الي يشوفك اللحيني قول بتسوين شي يعني
رندا : لا موب مسوية شي بس بتأمل بـ الجمال الرباني
ربا : اي و الله شوفوه يا حلوووه
شهد : ربا اعقلييي وش ذا انتي و اياها
و تمسك رندا يد ربا و يبعدون عنهم
و يجلس الي بـ المحل معهم يوريهم عطوراته
و طبعاً هو ما انبسط أبد ع البنات
رغد : مجااااااااانين
شهد : و ربي مهبل مدري متى بيكبرون هههههههههه
رندا وربا يوم خلصوا الي يبون طلعوا
رغد : خلاص ارتحتوا
رندا : و الله طاح من عيني راعي بنات
ربا : اييه وش يقول امري انتي لو تبين المحل نعطيك اياه ههههههههه محل ابوك
شهد : ما كأنكم الي تو خاقين عنده
رندا : لا لا صار خفيف
رغد : لاااااا يكثررررررررررر
ربا : ههههههههه يختي خلينا جايين ننبسط
شهد : و ربي انتم خطرررررر
ربا : يؤيؤ شوفوه طلع شكله بيلاحقنا
رغد : تستاهلوووووون
رندا : أصلاً ما يقدر يسوي شي امشوا تكفووون
شهد : اخس يـ القوية
رندا : توك تدرين يعني انا اقواكم
ربا : لا يكثر تكفين هههههه
و هم يتمشون و مبسوطين سكتت رغد فجأه
شهد : رغد شفيك ؟
رغد : شوفي لفي يمينك
شهد لفت و شافت ولد مع بنت صغيرة و قالت : وش فيه ؟
رغد : هذا دكتور عندنا بـ المستشفى
ربا : وش تسوووون
رغد : اسكتي يا فضيحه
رندا : وش عندكم انتم تتكلمون بصوت واطي نبي نعرف
رغد : طيب بس ما تفضحوني
ربا و رندا بـ صوت واحد : طيييييب
رغد : شوفوا يمينكم الي جالس مع بنت صغيرة
رندا : ايييه ذاك الرزة شفيه
رغد : مالت عليك هذا الي هامك
رندا : يختي صدق رزة هههههههه
رغد : المهم هذا الدكتور سامي معي بـ المستشفى
ربا : صددددددق يا حليله
رندا : هذا الي اممممم
سكتوا رغد و ربا و شهد لان رندا ما تدري عن سالفة فواز بعدين قالت رغد : لا لا هذاك ولت ايامه ههههههه
رندا : اووف لييييه
رغد : كذا واحد لعاب ما عليك منه
رندا : مالت عليه .. اجل حولي للدكتور هذا يختي رزه
رغد : مالت عليك هههههههههه اصلاً شكله متزوج
رندا : ايه يمكن
رغد : توني ادري
ربا : هههههههه ملاحظين اننا واقفين بنص السوق و نحلل
شهد : اي و الله وقفتنا غلط هههههههههههه
رغد الي توها تنتبه : يووه يالفضيحه لا يكون انتبه لنا
رندا : عادي ههههههههههههه
من بعيد كان الدكتور سامي يطالع بجهة البنات هـ الوجه مو غريب علي بس مو باينه من بعيد
بس وش موقفهم هذولي بالنص الحمدالله و الشكر صدق بنات فاضيات

الجزء العاشر ،،


بعد اسبوعين ..
كانت مي محتاسة و تتجهز للحفل و دخلت عليها رندا
رندا : اوووف شرايك البس هذا او هذا
مي : يا ربييي يختي شيدريني عنك
رندا : اووف ساعديني يختي علشان ما نتأخر
مي : رندا جننتيني انا جالسة أعدل بـ نفسي
رندا : مالت عليك
و طلعت و تركتها
مي : اووف منها ما تعرف تسوي شي لحالها
و لما خلصت مي اخذت عبايتها و نزلت
رنداااااااااااا .. وينها هذي اوف لازم تتأخر
ربع ساعه و نزلت رندا
مي : صباح الخير
رندا مطت شفايفها : وش اسوي كنت اتجهز
مي : طيب خلصينا خل نروح
طلعوا الثنتين بيروحون للحفل


فيه أحداث قبل اسبوعين من هـ اللحظة نسيناها !!
نروح لـ بيت ابو خالد قبل اسبوعين ..
خالد : يمه انا عزمت أخطب العنود
ام خالد كانت طايرة من الفرحه و من شدة فرحتها جلست تبكي
خالد : يمه انا ما قلت لك علشان تبكين
ام خالد : من الفرحه يا خالد من الفرحه اخيرا بتتزوج لا و عرفت تختار
ابتسم خالد : طيب يمه متى تكلمينهم
ام خالد : مستعجل
خالد : ايييه خلاص انا عزمت و كل شي على قولتكم جاهز وش يعطلنا
و نطت عليهم لمياء : وش عنددددددددكم
خالد : بسم الله .. بعدين انتي وش دخلك هذي سوالف كبار
لمياء حطت يدينها على خصرها : لا و الله
ام خالد تبتسم : لمياء باركي لاخوك
لمياء : ليه ؟
ام خالد : بخطب له
لمياء : صددددددددددددددددق
خالد : حشا كنها هي الي بتتزوج موب انا
لمياء : لا لا تستهبلون علي
ام خالد : يعني بكذب عليك انتي و وجهك
لمياء : ماما من الفررررررحه
ام خالد : هههههههه لا و بتفرحين لما تعرفين مين
لميااء : ميييييييييين
ام خالد : العنود اخت بندر زوج مها
لمياء : وااااااااااااااااااو وناااااااسة
خالد : و الله كنها بتقابلك انتي موب مقابلتني انا
لمياء : انت شعليييك خلني اعبر عن مكنونات صدري
خالد : اما مكنونات صدري قوية
لمياء : كيفييييي
ام خالد : خلاص عاد طولتوها انت و اياها
خالد : طيب يمه متى تكلمينهم
ام خالد : اليوم بشوف ان شاء الله
خالد : اييه تكفين يمه بسررررعه
ام خالد : خلاص خلاص بكلمهم
لمياء : يا عيني هذا الي كان معارض و بيتزوج بمزاجه
خالد : مالك شغل
ام خالد : الا صدق وين ابوكم ؟
خالد : طالع عنده شغل
على كلامهم دخل ابو خالد البيت
لمياء : هذا هو جاء بابا ماما مشتاااااقة لك تو تقول لي انا و خالد
خالد : ايه بعد قالت ان البيت بدونك ظلام ما فيه لمبات
لمياء تطالعه : امحق غزل تعرفه يا اخوي هذا و انت على وجه زواج و تمط شافيفها و تكمل يبيلك كورسات و الله
خالد : مالت بس .. بعدين انا و زوجتي نتفاهم شدخلك
ام خالد : صدق ما تستحون عيال آخر زمن
ابو خالد : هههههههههه ليه يعني كلامهم ما عجبك
ام خالد : وش دعوه يا ابو خالد
خالد : ايواااا بدوا يتغزلون ببعض الشايب و العجوز
ابو خالد : رح رح بس قال شايب و عجوز قال
لمياء : ههههههههههه فشلوه خل طول لسانك ينفعك
خالد : ماااااااالت هذا و انا بتزوج بعد
ابو خالد ابتسم لولده و سكت
ام خالد : ما شاء الله قايل لابوك قبلنا
خالد : اجل لازم اخذ بـ شور ابوي قبل
لمياء : يا عينييييييي
أهم شي بتتزوج و بنسوي زواااااااااج
خالد : هذا الي هامك
لمياء : اجل


نرجع لأسبوعنا ..
راحوا مي و رندا للحفل و دخلوا بيت مرام ..
مرام : هلا هلا مي
مي : اهليين .. اخبارك
مرام : تماااام .. هذي اختك
مي : يس
رندا : اهلين
مرام : هلا و الله .. ان شاء الله تنبسطون بنات
رندا تهمس باذن اختها : اييييه وش ذا اللبس شكلهم بزياده فري
مي : اسكتي لا تفشلينا
رندا : شوفي يختي مرررة موب صاحين هم و اشكالهم
مي : رنداااا
رندا : يختي بطلع الي بخاطري صدق ما عجبتني اشكالهم
مي : يختي وصلنا نجلس شوي و نطلع
رندا : الله يصبررررني
و جتهم مرام : مي تعالي انتي و اختك هناك
مي تبتسم : اوكي
رندا : مي انا ناغزني قلبي
مي : رندا خلاااص عاد تراك وترتيني
و راحوا لـ عند مرام
و جلسوا يرقصون و مبسوطين و رندا شوي لهت
مرام يلا نتصور
مي : لا معليش ما يحتاج مرام
مرام : لا مي تعاااااالي
مي بـ الأخير رضخت لها و صورت معها
مرام : طلعت الصور جنااااان
مي ابتسمت : اي و الله
شوي جتها رندا : يلا مي نروح السواق عند الباب
مرام : يؤ بدرررري
مي : معليش مرام ماما قالت لنا ما نتأخر
مرام : قهررر كنا بـ ننبسط كثيررر
مي : الجايات أكثر
مرام : يلا على قولتك
و طلعوا من عندها مي و رندا و بـ السيارة ..
رندا : يختي ما ارتحت لها ابدددد
مي : عاد البنت حبوبه
رندا : وعع شفتي اشكالهم و ملابسهم حتى هي
مي : مالي شغل في هـ الشي البنت فري مو معناته انها مو كويسة
رندا : مدري و الله مي ما ارتحت
مي : ربك يعين
مدري ليه قلبي قابضني الله يستر يا مي وش صار لك !!
كله من رندا خوفتني ..


بعد يومين بـ المستشفى عند رغد ..
مايا : شو رغد انا خايفه منوا كتير كتير
رغد : يعني بالله عليك وش بيسوي
مايا : ما بعرف بس نزراته الك بـ تخوف
رغد : ما عليك مايا لنا اسبوعين و لا سوا شي يعني وش بيقدر يسوي
مايا : ديري بالك ع نفسك رغد
رغد ابتسمت لها : لا تخاافين
مايا : ربك كريم
و كان فيه واحد من بعيد يتوعد
انا اوريك يا رغد و تشوفين لو ما خليتك تترجيني و تجين لـ حد عندي ما اصير انا فواز
سامي : فواز وش موقفك هنا
فواز انتبه لـ سامي : هاا اييه و لا شي بس طفشت و قلت اطلع من مكتبي
سامي : عاد تطلع وين يا حسرة بـ أرجاء المستشفى
فواز : شفت عاد ههههههههه
سامي كان يعرف حركات فواز بس يقول مالي شغل فيه ما دام الباقين راضين !!
مرت من جنبهم رغد و كانت تنحرج من الدكتور سامي دايم
و هنا ابتسم فواز بـ خبث لانه يعرف ان سامي محترم بزياده فـ حب يسوي حركة خبيثه من حركاته
فواز : اهليين رغد
سامي رفع حاجب و سكت
لفت عليه رغد و طالعته و انتبهت لـ سامي انحرجت كثيررر
الحقيرر يبي يحرجني قدام الدكتور سامي يا حقرك يا فواز يا حقرك
فواز ابتسم : كيفك ان شاء الله بخير اليوم احسك مو بخير مدري ليه
رغد عصبت جد بس محترمه وجود سامي بعدين قالت : ابد ما فيني الا كل عافية و رصت بـ اسنانها دكتور فواز
فواز : اوكي حبيت اتطمن عليك بس
لفت رغد و تركتهم و هي مقهوره بـ داخلها الحقيررر اللحين الدكتور سامي بيفكر ان فيه شي بيني و بينه
سامي الي كان يطالع سكت و انقهر من رغد هذي مو محترمه حالها ابدد !!
فواز كان مبتسم بعدين لف على سامي و قال : و الله هـ البنت شي
سامي : فكني من سوالفك تكفى
فواز : هههههههه بالله مو حلوة
سامي : فواز انا بروح خلك من هـ السوالف بس و انتبه لـ شغلك ابرك لك
و راح سامي و تركه و ابتسم فواز هذا سامي بيحسب ان بيننا شي يا رغد و هذا اول شي بس
بعد باقي .. توك ما شفتي شي رغد توك ما شفتي شي


نروح عند الجوهره و لمياء الي كانوا بـ الجامعه ..
الجوهره : زييين اخيرا تعدلتي
لمياء : مدري جوجو ما ابي اكمل
الجوهره : لمياء حيرتيني معك
لمياء : مدري مدري اووف
الجوهره : اعصابك يختي بعدين تدرين تراني غيرت اسمك بـ الجوال هههههههه
لمياء تطالعها : وش سميتيني قولي انك سميتيني اسم بايخ
الجوهره : لا يختي انا لاحظت عليك حاجه من يوم قلتي لي سالفة مساعد
لمياء : الي هي ؟
الجوهره : بين كلمه و الثاني تتأففين فـ سميتك ( ميس اوف )
لمياء : مااااااااااالت اكرهك
الجوهره : ههههههه يختي و انا صادقه كل شوي اووف اووف
لمياء : اوووف منك
الجوهره هنا ماتت ضحك
و انتبهت لمياء على نفسها و ضحكت بعد
شوي دقت رنا على لمياء
لمياء : ايييه يختي تعالي .. اييه اييه انا هناك .. ايه خلصيني
الجوهره : بتجي رنا ؟
لمياء : يس .. تدرين لي اسبوعين ما شفتها
الجوهره : الله و ليه
لمياء : مدري يختي اول مرة نطول عن بعض
الجوهره : هذي هي و الا ؟
لمياء : الا رنااااااا
الجوهره : يختي اهجدي
لمياء : مقدر ههههههه اييه جوجو انتبهي رنا ما تعرف عن مساعد
الجوهره : اوكي لا تخافين
و وصلت لهم رنا و سلمت عليهم
رنا : اووف حر حر حر
لمياء : ههههههه وش تسوين عاد
رنا : من جد يا ربيي احس اني بـ موووت من الحر
الجوهره : تحملي أجر أجر هههههههه
و على سوالف البنات فجأه سكتوا و جلسوا يتأملون بـ البنات
و شوي الا ضحكت لمياء
رنا : بسم الله شفيك
لمياء : يختي شوفي الي جنبنا كل وحده تخرط ع الثانيه ههههههههه
الجوهره : ههههههه و انتي اذا طفشتي ما عندك غير هـ الهوايه
لمياء : وش اسوي بس و الله كذب عيني عينك ههههههههههه
رنا : خلي التسمع بس موب فايدك ههههههه
لمياء : يختي شسوي سكتوا و اسمعهم كذا مو بكيفي
الجوهره : صارت شي طبيعي ههههههه
لمياء : ايه ايه
رنا : الحمدالله و الشكر بس ههههههه
اييه الا صدق وش صار ع سالفة خالد مو خطبوا رسمي ؟
لمياء : لا لا اليوم بيروحون ان شاء الله
رنا : هههههههه و الله كبر خالد و بيتزوج
لمياء : مو راكبه ابددد
الجوهره : ههههههه حرام عليكم
لمياء ضحكت بعدين قالت : عقبااال كل عيال عمي و خوالي يا رب
الجوهره حمر وجهها مرررررة
رنا : ههههههههههه الله يسمع منك


نروح عند مها و بندر ..
بندر : و الله خالد ما فيه منه بس عاد هـ الشكليات
مها و كانت اليوم متعدله عن الأيام الي راحت : اي و الله خالد ولد عمي و اعرفه زين ما راح تلاقون مثله
بندر ابتسم بعدين تذكر : الا وش عندك اليوم مروقة
مها : عادي دايم كذا
بندر : اما دايم كذا انتي ما شفتي نفسك الأيام الي فاتت
مها : اووف بندر خلاص عاد لا تعكر لي مزاجي
بندر : بسم الله ما قلت شي انا
مها : اوف منك
و سكت بندر وش سالفتها هذي دقيقة وش زينها و شوي تقلب علي !!


نروح عند عائلة ابو خالد ..
لمياء : تبخر تبخر
خالد : خلااااص كتمتيني
لمياء : مبسوووووووطه
خالد : هههه ترا ما بعد صار شي
لمياء : اييه بس خلاص الموافقه و وافقوا بس باقي تشوف العنود
و بعدين نرسل لهم الشبكه و تحددون الملكة و خلصنا
خالد : يا سهلها هههههههههه
لمياء : ايه ايه سهله
ام خالد : يلا ما خلصتوا ابوك ينتظرك خالد
خالد : جاي جاي
لمياء : بالتوفيييييييق
خالد : ههههه و اياك يا رب و غمز لها و قال عقبالك
لمياء : ماالت رح رح بس لا اعصب عليك
خالد : ههههههههه باي
طلع خالد و ابو خالد يبون يخطبون العنود رسمي
لمياء كانت مبسوطه و بهاللحظة دق جوالها و كان مساعد
لمياء : اهليييييييين
مساعد : وش عندها المروقة
لمياء : خاالد اليوم بيخطب رسمييييي
مساعد : ههههههه ما شاء الله الله يوفقه بعدين سكت و كمل عقبالك
لمياء : لا لا انا ما ابي رجال يمسكني شكرا
مساعد : هههههه ما شاء الله عليك تبين تصيرين حرة اجل و قالها بتريقة
لمياء : تطنز من اليوم لـ بكره انا مروقة و ما راح اعصب
مساعد : جعله دوووووووووووووم


نروح عند بيت ابو بندر ..
العنود : يا ربييي يعورنييي بطنييي
مها : هههههههه هذا و انتي موافقه و خالصه
العنود : حتى لو
مها : هههههه اجل يوم الشوفه وش بتسوين
العنود : يا ربيييييييي
مها : ههههههههههههه
و عند الرجال ..
ابو بندر : و الله يا ابو خالد ما راح نلاقي مثل ولدكم لـ بنتنا
ابو خالد : الله يكتب اللي فيه الخير
ابو بندر : عاد كل شي تمام و حنا عارفينكم ومعطينكم موافقتنا
ابو خالد : ما راح نختلف بـ شي يا ابو بندر
و خالد بس شغلته يوزع ابتسامات
عادل الي كان جاي هو و ابوه معهم قال : هييي انت اصحى وش ذا توزع ابتسامات ع كل شي
خالد : مبسوووووط
عادل : الله يخلف ان كان الزواج كذا يسوي هذا و انت ما بعد شفتها و لا حددتوا شي
خالد : ياخي وش مجلسك جنبي خلني مبسوط
عادل : ههههه الله يهنيك
و يوم اتفقوا على كل شي طلعوا ابو خالد و اخوه و العيال و هم راضين
خالد : اخيرااااااااااا
عادل : ما تسوى عليك و الله ههههههههههه
ابو عادل راح و سلم على ولد اخوه : مبروك خالد
خالد : الله يبارك فيك عمي
ابو خالد : عاد الشوفه اتفق انت و بندر حنا هنا خلصت مهمتنا و الباقي على الحريم
خالد : و لا يهمك
عادل : هههههههه يبيها من الله
خالد : مالت عليك خلني مبسوط
و عند العنود و مها ..
مها : خلاص اللحين كل شي صار رسمي ههههههه
العنود : يا ربيي استحييييت
مها : ههههههه يلا عاد لا يكثر تكفين
العنود : لا مهاا صدق استحيت عاد انت بنت عمه بعد و حطت يدينها على وجهها
مها : ههههههههه صدق انك نكته


نروح عند مرام الي كانت تقلب قنوات التلفزيون و اخوها عندها ..
ناصر اخو مرام كان جالس و يقلب جوالها و شاف صوره
ناصر : مرام مين هذي الي بـ الصورة
مرام بدون اهتمام : ورني .. و يوم شافت الصورة اييه هذي مي صاحبتي بـ الجامعه
ناصر رفع حاجبه : و الله مملوحه
مرام برضو بقلة اهتمام : اييه
راح ناصر و ارسل الصورة له بعدين قال : مرام ابي رقمها
مرام طالعته : ليه ؟
ناصر : كذا بتعرف عليها عجبتني
سكتت مرام بعدين قالت : ما راح تعجبك مو من النوع الفري البنت
ناصر : معليش هاتي الرقم
مرام : طيب تلاقيها بـ اسم مي الـ ...
ناصر : حلو حلو
و اخذ الرقم و ابتسم ..


نرجع لـ بيت ابو خالد ..
اول ما دخلوا ابو خالد و اخوه و العيال جتهم لمياء
لمياء : هااااا بشرووووا
خالد : يعني هم موافقين و خالصين وش نبشرك فيه
لمياء : مدري مدري انا متحمسه
عادل : مالت بس على وشو يا حسره
لمياء : اووف هذا وش جابه
خالد : يعني مسوية ما تدرين انه فيه ههههههههه
لمياء : لا ادري بس مطنشته كنه موب فيه
عادل : هييييييي انتي
لمياء : اييه صدق عدووووووول عقباااااااااااااالك
عادل : مااااااااااااااااااااااااااالت
لمياء : هههههههههههههههههه
خالد : على طول مالت قل آمين طيب هههههه و الا ما تبي
لمياء : اييييييه مرة مرة مرة ما يبي ههههههههه
عادل : اقول لا يكثر بس انتي و اخوك
لمياء : هههههههههههه مسكييييييييين
تركهم خالد و دخل عند امه يعلمها شصار لانها كانت مرة متحمسه
عادل : دخل دخل
لمياء : اييه بيعلم امي الاخبار هههههههه
عادل : هههههههه يا حليله خلود مبسوط
لمياء : عقبالك ههههه
عادل هـ المرة قال : آآآآآآآآآآآآآآآآآآآآآمين
لمياء : ايه ايه اطلع على حقيقتك
عادل : اقول ادخلي بس ما تستحين واقفه معي لحالك
لمياء انحرجت لانها توها تنتبه انها مع عادل لحالهم و وقفتهم غلط بس سوت نفسها عادي : ماااااااااالت .. يووه نسيت رنا قايلة لي كلميني .. باي ابن عميييييييي
و دخلت و تركته و هو ضحك على خبال بنت عمه و راح عند ابوه و عمه بـ المجلس


نروح لـ بيت ابو فيصل ..
فيصل كان محتاس بتجهيز سفره
محمد و ساره و بنتهم الجوري على حالهم
رندا ثانوية عامه و تحاول تشد حيلها ما بقى شي
مي كانت جالسة لحالها و طفشانه
شوي دق جوالها ..
مي : غريبة مين هـ الرقم .. خل ارد عليه و اشوف
مي : ...
... : الـوووو
مي غريبة مين هذا : ايوه ؟
... : مي الـ .... صح ؟
مي : من معي ؟؟؟؟؟
... : انا واحد ما تعرفينه اول شي اسمي ناصر و اعرف كل شي عنك
مي عصبت : خيررر انت وش تبي داق و مسوي لي فيهااا
ناصر ابتسم : و الله انا ما اكذب عليك حتى صورتك عندي
مي : نعمممممممممم
ناصر : هههههههههه شفيك كذا برسلها لك علشان تتأكدين .. و اذا تأكدتي لي كلام ثاني معك
مي هنا ما عاد تدري وش تقول كل شي وقف فيها
ناصر : اكلمك بعدين و بتردين ههههههههههه
و سكر منها و هي بحالة صدمه ..
مين هذا يعرف اسمها كامل لا و يقول معه صورتها معقولة يا ربيي وش ذا الوررررطة
اووف يا ربيي وش يبي مني هذا .. لا لا يمكن يكذب اووف
و دق جوالها نغمة رسالة و فتحتها بسرعه و هنا جت حالة الصدمه الكبيرة لـ مي
كانت صورتها و تحتها مكتوب بكلمك و تردين علي فاهمه
مو معقوله لا مو معقولة و دخلت بحالة بكاء
يا ربي شسوي اللحين يا ربي ساعدني يا رب مالي غيرك
يوم شوي هدت فتحت الصورة مرة ثانيه .. هذي صورتي يوم حفلة الدي جيه
هذي الصورة الي صورتها مرام معقولة مرام خانتني معقولة
و رجعت تبكي يااااااااااا رب مالي غيرك ياااااااااارب


نروح عند مها و بندر بعد ما رجعوا لـ بيتهم ..
مها : بندر بكره ان شاء الله بروح لاهلي
بندر : طيب
مها قامت و جلست تجهز شنطه لها
بندر : و ليه تجهزين شنطه كنك بتهاجرين
مها : اووف مو طايقه اجلس عندك ابي ارتاح عند اهلي
بندر : لا و الله و خير ان شاء الله ؟
مها : يوووه بندر صدق صدق مالي خلقك و لاني طايقتك محتاجه ابعد
بندر : و كذا تقولينها مها وش شايفتني عندك جالسة تعامليني معامله زي الزفت و ساكت بعد بتطلعين من البيت
مها : يووووه تراني من جد مالي مزاج و روحة بروح و لا لي خلقك بندر تفهم مالي خلقك
و راحت عن الغرفة و تركته و هو بحالة ذهول منها !!


نروح عند رنا الي كانت تكلم لمياء ..
رنا : صدددق و متى بيشوفها
لمياء : مدري يختي مرررة متحمسه هههههههه
رنا : يا حليلك يا خلود هههههههههه
لمياء : اييييه مالت عليه بيفضى البيت و لا عاد عندي احد اتناقر معه
رنا : ما عليك بخلي عادل يجيك كل يوم هههههههههه
لمياء : هههههههههه تخيلي .. الا تصدقين اليوم جالسة مع اخوك لحالي و لا انتهبت لا و اسولف و متحمسه
رنا : ههههههههههههه الله يرجكم انتي و اياه
لمياء : يختي ما حسيت بنفسي هههههههههه
رنا : انتي و اياه دايم كذا هههههههه
لمياء : وش نسوي نحب نتناقر يختي هههههه
و جاء لمياء خط من مساعد
لمياء : رنوي اكلمك بعدين اوكي
رنا : اووكي
و ردت لمياء على مساعد : هلا
مساعد : اهليين .. من كنتي تكلمين
لمياء : متحمس اسأل عن اخباري اول هههههه
مساعد : هههههه كيفك
لمياء : تمام و انت ؟
مساعد : بخير .. اللحين من كان معك
لمياء : يا لقفك
مساعد : وش اسوي
لمياء : طيب و لا اخليك تنحرق بمكانك كنت اكلم رنا بنت عمي
مساعد : اها .. الا صدق شخبار خطبة اخوك
لمياء : تماااااام ..
و جلست لمياء تسولف له وش صار حتى سالفة عادل و انها وقفت معه لحالها قالتها ..
مساعد : و انتي وش يجلسك معه لحالك
لمياء : مدري ما حسيت بنفسي .. بعدين انا و عادل اذا تناقرنا ما نحس بأنفسنا
مساعد عصب : لا و الله و توقفين معه لحالك
لمياء : يا ربيي انا ليه قلت لك السالفة اصلا بعدين عادي كل اهلي بالبيت و ولد عمي اعرفه موب ناوي علي شر
مساعد : و لو مو معناته تفتشين له و تسولفين معه كنه اخوك عادي تجلسين معه يعني
لمياء : و انت وش رافع ضغطك حنا نصطفل مع بعض
مساعد : لا ما تصطفلون
لمياء هنا وصلت معها : ع الأقل اجلس مع ولد عمي لحالي مو اكلم واحد غريب
مساعد هنا عصب : لمياء اقول بسكر اللحين ابرك
لمياء بدون نفس : ربي يحفظك
و سكروا و كل واحد معصب من الثاني
لمياء اووف هذا وش دخله اللحين اجلس مع عادل ما اجلس معه وش لقفه
اووف منه بس يتلقف انا مدري وش يبي منيييي يا ربييييي
مدري وش آخرتها معك يا مساعد مدري وش آخرتها معك

اما عند مساعد ..
اوووف منها لا و بكل برود تقول لي السالفة و تضحك بعد
و انا من وين طلع لي ولد عمها هذا لا و جالسة معه و تتناقر معه
و الله قهرتني و رفعت ضغطي .. و انت ليه مقهور مساعد وش مخليك تعصب
راس مالها بنت مثلها مثل غيرها و كيفها تكلم الي تبي و تجلس مع الي تبي
بس لا كرامتك ما تسمح لك .. بس انت ما تحبها و لا بينك و بينها شي علشان تقول كرامتي
اووف وش ذا التفكير بحياتي ما فكرت بـ أحد كذا !! الله يسامحك يا لمياء ..


بعد اسبوع من الأحداث جاء اليوم الي اتفق فيه خالد و بندر انه يشوف العنود ..
دخل خالد و هو مررة مرتبك
بندر : هههههه ترا اختي ما تاكل و الله
خالد : هااا لا يا شيخ تنكت بعد
بندر : هههههههه اندري عنك الي يشوفك يقول انت البنت
خالد : لا يكثر بس وين اختك خل نخلص
بندر : امحق اسلوب شكلي بغير رأيي
خالد : بندررررررر
بندر : طيب طيب ههههههههه
جلس خالد و هو مرة متوتر
و بعد 10 دقايق دخلت العنود كانت منزلة راسها بـ الأرض و مستحيه مرة
شايله بيدها كاسات عصير قدمت لـ خالد واحد و لأخوها بندر واحد و جلست
خالد من الربكه ما عاد يدري وش يسوي و كان فيه قهوه قدامه
قام اخذها و صبها
هنا بندر كتم ضحكته و العنود ما عاد تدري وش تسوي من الحيا
يوم انتبه لنفسه يووه وش تسوي يا خالد حطها و جلس و هو ميت من الاحراج
بندر : خالد متى ما مليت قل لي اقول لاختي تطلع
العنود عطت بندر نظرة قهر و هو تبسم
و خالد انحرج اكثررر بس ما خلاه احراجه ما يشوف قزها قز
بعد 10 دقايق رحمها و قال لـ بندر خلاص
هو قال و الا ما قال طلعت العنود و هي تركض
بندر هنا انفجرت ضحكته
خالد : ماالت على وشو تضحك
بندر : اول شي شرايك باختي
خالد استحى بعدين قال : الله يكتب اللي فيه الخيره
ابتسم بندر بعدين انفجر ضحك مرة ثانيه
خالد : يووه وش فيك انت
بندر : اما لما قمت تصب القهوه قوووووية ههههههههه
خالد : يووه وش اسوي ارتبكت
بندر : ههههههههه رح رح تكفى و الله نكته ههههههههه
خالد : ماالت عليك من نسيب اذا اخذت اختك موب مخليها تزورك
بندر : انت جرب بس و مد له لسانه
خالد : مالت .. يلا انا بطلع اللحين
بندر : اوكي
وصله بندر للباب و هو يعلق و يضحك عليه
و بعدها راح خالد و تمشى شوي بعدين رجع للبيت


نروح عند مي الي كانت ما تدري وش تسوي ..
اسبوع ما كلم بس ارسل لي الصورة و اختفى يا رب نساني و بيتركني بحالي يااا رب
انا ما ابي مشاكل انا ما سويت شي و الله حراااام
شوي الا كلمها ناصر ..
ناصر : هلاااا
مي و هي خانقتها العبرة : اهلين
ناصر : خليتك اسبوع مرتاحه و اتوقع خلصنا راحه
مي : انت وش تبي مني
ناصر : ما ابي شي ابيك تسوين الي انا ابيه بس
مي : بعدددددددك
ناصر بحدة : لا تتقاوين علي لا تنسين اني اعرف كل شي عنك يا مي
اسمك الكامل و عندي صورتك وش تبين اكثر
مي : انت واحد حقير
ناصر : حقير مو حقير ما يهمني المهم الي ابيه يصير
مي عصبت : يا وااااااااااطي
ناصر هنا عصب : اسمعي اهانات ما راح اسمعها منك مفهووووووووووم
مي هنا جلست تبكي : انت وش تبي وش تبيييييي
ناصر : ان هديتي بكلمك و اقول لك
و سكر منها و هي بحالة انهيار


بعد أسبوع كان الكل مبسوط بـ خبر خطبة خالد ..
ببيت أبو خالد ..
لمياء : هههههههههههههه قووووووووية و ربي للحين اضحك عليك خالد
خالد : لحووول يختي انسي انسي
لمياء : ههههههههه الله لا يجيب لي رجال مثلك هههههههههه
خالد : ماااالت بس عليك
لمياء : هههههههههه .. بعدين وقفت عن الضحك و كملت الا شصار ما قالت لي امي متى تبون تخلصون من الشبكه و هيك
خالد : مدري امي ما قالت متى بنروح .. بتجين انتي ؟
لمياء : أكييييييييد ما فيها كلام هذي
خالد : ايه انتي اخذك بـ الدجه شاطرة فيها و خلي دراستك على جنب
لمياء : عاد لا تتكلم عن الدارسة الحمدالله طول عمري متفوقه
خالد : هذا البلى انا مدري كيف كل هـ الدجه و بـ الأخير تنجحين لا و بمعدل مرتفع
لمياء مدت له لسانها : سر المهنه
خالد : ماالت و الله شيي يقهررر
لمياء : هذا بدل ما تفرح لاختك مالت عليك من اخو
خالد : يختي قهر انا اكرف نفسي اكثر منك و انتي اشطر مني
لمياء : الشطارة من الله يا اخوي هههههههههههههه
خالد : مااااااااااااااااالت كني يعني موب شاطر
لمياء : هههههههههه
شوي الا جوا ام خالد و ابو خالد مع عيالهم ..
لمياء : مسااء الخير
ابو خالد : مساء النور .. و الله اول مرة اتعب كذا
لمياء : هههههههه ايه ايه من الشغل خذ لك راحه بابا و رح مع ماما اذا تزوج خالد
ام خالد : لا و الله و انتي وين نحطك
لمياء : انا اروح عند رناااااااااا
خالد : اييييه هذا الي تبينه ههههههههه
لمياء : مالك شغل .. انا اصلا ابي مصلحة امي و ابوي
ابو خالد : ههههههههه فديت بنتي الي مهتمه فيني
خالد : و الله بياعة حكي هذي
ام خالد : صر بياع حكي مثلها هههههه
خالد : و الله المشكلة ما يمشي الا بياع الحكي يعني
لمياء : مشكلة ههههههههههههههه
ام خالد : الا خالد نبي نروح بكره نجيب الشبكه
لمياء : ايييييييه انا برووووووح
خالد : وش دخلك انتي
لمياء : اصلا انت تبيني لان ذوقي ارقى من ذوقك
ام خالد : بديناااااااا
خالد : ههههههههه خلاص خلاص بس علشان امي بسكت
لمياء الي ضحكت لان امها طفشت من نقارهم : خلاص و هذي حبة راس شرايك بعد ههههه
ابو خالد : صدق بياعة حكي ههههههه
لمياء : بابااااااااا
ابو خالد : هههههه هذا الواقع اسف مقدر اجامل
خالد : هههههههه حلوة منك ابو خالد
لمياء بوزت : ترا بزعل
خالد : طقااااااااااق
ام خالد : لحوول خلونا نتكلم بجد شوي علشان نخلص
خالد : اييه صح بكره ان شاء الله بنروح نجيب الشبكه .. و متى بنروح لهم ؟
ام خالد : بكلم ام بندر و بتفاهم معها
خالد : حلووووو
لمياء : تحمس خالد هههههههههههه
خالد : و الله لو بيدي كان خلصت و تزوجت ههههههه
لمياء : اووووف هههههههه مستعجل الأخ
خالد : بقوووووووووة
ابو خالد : الله يوفقك بس .. و يعينك عاد هـ اللحين بتجلس تدور بـ الأسواق و تجهز بيت و زحمه
خالد : معليييش أهم شي أخلص اللحين
ام خالد : انا بكلمهم اليوم ان شاء الله بس اذا حصلنا شي


عند رغد بـ المستشفى ..
مايا كانت متضايقة و لما طلعت رغد من غرفة مريض جتها
مايا : رغد صار شي بينك و بين فواز ؟
رغد رفعت حاجب و قالت : وش بيصير يعني
مايا : ما بعرف رغد اي شي احتك فيك ساوا اي شي
رغد : لا ما عليك منه ما يقدر اصلا
مايا : رغد ديري بالك ع نفسك منشاني
رغد : وش السالفة مايا وش صاير ؟
مايا : و لا شي .. انا عندي مريض بشوفه و ارجع لك
و راحت مايا و رغد مستغربه وش السالفة !!
شوي الا طلع الدكتور فواز من غرفة جنبها يوم شافها ابتسم و راح لها
فواز : اهلين رغد
رغد طنشته و جت بتمشي و مسك يدها
رغد لفت عليه و طالعته بـ حده : اترك يدي لو سمحت
ترك يدها فواز و هو يبتسم سوا الي يبيه و بس : مو مشكلة حصل خير ..
رغد راحت و تركته و هي معصبه من وقاحته
و هو وراها تشوفين يا رغد مصير الحكي يوصلك و وقتها بتكرهين عمرك و نشوف انا او انتي !!


نروح عند بيت ابو محمد ..
الجوري : دوووووومي عمة ميييي
مي : ......
الجوري : افتحيي لي البااااااااااب
رندا جت و شافت الجوري تطق باب غرفة مي
رندا : وش تبين جوري
الجوري : ابي عمة مي
رندا : عمة مي مسكرة على نفسها يعني نايمه او ما تبي احد
الجوري : لا لا لا انا ابي عمة مي مالي ثغل
رندا : لحول شسوي فيها هذي جوري حبيبتي مي نايمه
الجوري : خليها تدوووووم
رندا : لا و الله لا خليها تنام
الجوري : انتي وعه
رندا : ما طلبت رأيك
الجوري : اثلاً انا ما احبك
رندا هنا ضحكت : لحوول شسوي لك انتي
الجوري : افتحي لي الباب يعني وث تثوين لي
رندا : ههههههههه و ربي عليك حكي جوري
الجوري سوت نفسها زعلانه : لا تضحكين عليي انا اتكلم ذيييييين
رندا : ايه ادرررررري
الجوري : خلاث دولي لي اثفة علثان اثامحك
رندا : روحي عنيييييييييي
الجوري : دولي اثفة يلا علثان تثيرين بنت ثاطرة
رندا هنا ماتت ضحك و قالت : اسفة ها ارتحتي ؟
الجوري : يعني
رندا : روحي عني تكفين بعد يعني
و هم يتكلمون طلعت عليهم مي من الغرفه
شافتهم قبال الغرفة و كانت عاقده حواجبها و معصبه : انتم ازعجتوني عجزت انام
رندا : شسوي لها هي تبيك
الجوري : عمة مييييييي احبببك ثيليني ابي ادلس معك وحثتينييي
مي هنا ابتسمت غصب عنها : طيب يا حلوة بشيلك و اجلس معك و لا يصير خاطرك الا طيب
رندا : انا تو معصبة علي
مي : ما فيه مجال مقارنه ههههههههه
و دخلت مي مع الجوري لغرفتها و خلتها تلعب و دخلت معهم رندا
و دق تلفونها يوم شافت مي الرقم اعتفس وجهها و لا ردت
رندا : ليه ما تردين
مي : مالي خلقه
رندا : هاتي ارد انا و اصرفهم ههههههه
مي : لا تكفين لا يكثر بس
الجوري : ابي البث هذااا
مي : لا كبيررر عليك
جوري : خليني اثووف طيب
و تجيبه لها مي و تجلس تلبسه و تحوس
رندا : هههههههه اقول خليك معها بس انا بروح اشوف مذاكرتي ما عاد باقي شي
مي ابتسمت لاختها : الله يوفقك
و طلعت رندا من عندهم و قبل ما تطلع حاست على جوري شوي
و رجع تلفون مي يدق و ردت : نعممممم
ناصر : ليه ما تردين علي مو انا قلت لك ردي اول ما ادق ؟
مي كانت مقهوره منه : و انت مين انت علشان تأمرني
ناصر : انا هههههههههههههههههههههههه انا الي يعرفك و عنده صورتك و لو يبي يجيب وين ساكنه بعد ههههههههه تبين تعرفين مين انا بعد
مي هنا خنقتها العبرة و نزلت دموعها غصب عنها : انت واحد منحط
ناصر عصب : ما قلنا بدون اهانات انتي الظاهر ما تفهمين
مي : شتبي مني شتبيييييي
ناصر ابتسم بـ خبث : ابيك انتي
مي ما عاد تدري وش تقول ولا يطلع الا صوت صياحها
الجوري الي كانت واقفه تشوف عمتها تصيح وقفت عن اللعب و جلست تشوفها
مي كانت منهارة صدق وش يبي هذا الي معه كل شي عنها
ناصر : انا بكلمك بعد ما تخلصين صياح و بتفق معك .. و ردي مفهووووم
و سكر و لا انتظر منها أي رد
الجوري جت و جلست بحضن مي : عمة مي ليث تثيحين مين ذعلك
مي : ....
و تمسح الجوري دمعة طاحت من عين مي : عمة مي انتي حلوة ما عليك منهم اثلا هم ثينين الي يذعلونك
مي حز بخاطرها تبكي قدام هـ الصغيرة بس ما كانت تدري وش تسوي بعدين مسكت نفسها و طالعت الجوري
مي : جوري حبيبتي انا ما فيني شي شوفي بعد و تبتسم لها
الجوري : ليث كنتي تثيحين
مي : بس كنت زعلانه شوي و اللحين رضيت
الجوري : لا تثيحين مرة ثانيه انا بعدين اثيح معك
مي : خلاص و لا يهمك ههههه


نروح عند ناصر الي ما جبنا طاريه أبد ..
مرام : ناصر انت وش ناوي عليه ؟
ناصر : ما عليك مني
مرام : البنت ما عاد تكلمني ناصر
ناصر : وش تبين فيها ؟
مرام : اووف منك انت الواحد ما ياخذ منك لا حق و لا باطل
ناصر : اقول بس انا بطلع
طلع و خلى اخته و هي طنشت و جلست تشوف التلفزيون
و هو يدور بـ الشوارع بـ الأخير دق على صديقه
ناصر : ما بغيت ترد
... : شسوي مالي نفس
ناصر : اقول بمرك طفشان و متضايق
... : اللحين ؟
ناصر : ايه وش عندك
... : لا اللحين مقدر خلها بكره احسن
ناصر : اووكي
و كمل دورانه بـ الشوارع بدون أي هدف ..

الجزء الحادي عشر ،،

بـ بيت ابو عادل ..
كان عادل توه جاي للبيت و دخل على رنا
عادل : رنااااااااا
رنا : وش تبي بسم الله
عادل : صديقي بـ الملحق برا عندي تكفين شوفي الشغاله و جيبي لنا قهوه و شاهي
رنا : اووكي
راح عادل و ابتلشت رنا تجهز لاخوها اغراضه
رنا : اييه طلعي من الثلاجه حلى اييه هذا
لا لا طلعي صينيه حلوة وش ذا .. وش تبي ذي اوف ما يفهمون لازم كل شي انا اشوفه
و بعد ما جهز كل شي كلمت رنا عادل و قالت له يجي ياخذ الأغراض
لما دخل عادل
رنا : ها شف كل شي تبي زياده بعد
عادل : ههههههه انتي متحمسه بقوة
رنا : لا يكثرر مرة ثانيه اجل لا تقول لي جهزي لي
عادل : هههههههه فديت اختي بس
رنا : و بعدين قل لصديقك اشكر رنا و اييه سلم لي عليه بـ المرة
عادل : طيب و يروح و يمسك تلفونه و دق على فارس
عادل و هو يصارخ : فاااااااارس
فارس الي تنح و رد : نعم وش فيك
عادل : اختي رنا تقول اشكرني لاني جهزت لك الأغراض و اييه تسلم عليك
فارس انحرج بقووة هذي ما غيرها
رنا صرخت و سمعها فارس : عااااااااااادل يا حمااااااار
فارس ابتسم و سكر هو و عادل التلفون
رنا : يا دب ليه قلت له انا استهبل
عادل : عادي فارس موب غريب ههههههههه خليني اروح بس ينتظرني
و شال عادل الأغراض و طلع و رنا مرررة انحرجت
رنا : يا ربييي وش ذا الأحراج لا و محلوف علي ما اطيح الا بـ فارس هذا يا ربيييي
هذا ملاحقني ملاحقني وين ما أروح كان عادل ما عنده صديق غيرة يا ربييييييييي
اما عادل الي راح لـ فارس ..
فارس : وش عندك مكلمني و مسوي زحمه
عادل : ههههههه كنت بقهر رنا و قالت لي الكلام بمزح قلت بستهبل عليها
فارس : حراااام علييييك .. تلاقيها انحرجت
عادل : عادي ههههههه


نروح عند لمياء الي كانت تكلم رنا تلفون ..
لمياء : ههههههههههه رهيييب عادل
رنا : مااااااالت انا اشكي لك و انتي تقولين رهيييييب
لمياء : و الله شي شي الموقف هههههههه
رنا : لا و الله ليته صاير لك
لمياء : لو صاير لي بقول هاته اكلمه انا اشكره هههههههههههه
رنا : مااااااااالت هذي الي ما تستحي
لمياء : عادي عادي ههههههههه
رنا : يا ربيي لمياء مرة منحرجه منه مررررة
لمياء : يا شيخه وسعي صدرك هههههههه
رنا : خلينا من السالفة بس قولي لي وش صار على العنود ؟
لمياء : مدري اليوم اذكر اننا بنروح نشتري الشبكه و بـ تدق عليهم امي
رنا : مها تقول انها ودها بـ ملكة كبيرة ما تبي زواج
لمياء : و الله احسن
رنا : الله يوفقهم بس
لمياء : آمييييييين
خالد : لمياااء يلا بنروح لمياااااء
لمياء : رنووي بسكر اللحين خالد ينادي علي
رنا : اووكي .. باي و سلمي ع الكل
لمياء : اووكي .. باي
خالد : لمياااااء
لمياء : جيت جيت وش فيك تصارخ
خالد : تأخرناااا
لمياء : طيب وين ماما
خالد : تحت جاهزه انتي خلصنا بس
لمياء : اوووكي .. بس البس عبايتي


نروح عند رنا الي للحين منحرجه من موقفها مع فارس ..
يا ربيي ليه دايم اطيح معه بـ مواقف وش ذا الأحرااااج
جاء عادل من وراها و نغزها و هي فزت و صرخت
رنا : يا حمااااااااااااار
عادل : ههههههههههههه و الله انك نكته
رنا : ماااااالت حرام عليك خفت و الله
عادل : ههههه عادي يا اختي انتي دايم تخافين
رنا : عاد تراك من اليوم منرفزني ما يحتاج تزودها يعنيييي
عادل : ههههههه يا حبني لك يا رنا ع الريحه
رنا : مالت مالت مالت تفهم
عادل : هههههههههههههههه
رنا : اييه و تضحك بعد
عادل : ههههه المهم رنوي ودي تعرفون اهل فارس
رنا : ليه وش المناسبة ؟
عادل : امم كذا يختي انا هـ الأنسان اقدره و صديقي من زمان فكرت و قلت ليه ما اعرف اهله على اهلي
رنا : امم مدري بس كذا بدون مناسبة أحسها صعبه
عادل : بـ زواج خالد بعزمهم
رنا : يووه يالمشوار هههههههههه
عادل : انتي تقولين مناسبة وش اسوي ههههههه
رنا : هههههه طيب طيب زواج خالد ما فيه غيره
و هز جوال رنا لأنه كان ع السايلنت
رنا : روح عني يلا برد
عادل : مالي شغل بسمع
رنا : هههههه لو هي لمياء كان قلت لك عادي و حطيت المايك بعد
عادل : ليه مين هذي اجل
رنا : ريم بنت خالي
عادل : وععع ما اهضمهم عيال خالي ابددد
رنا : حرام عليك ريم و ديم مرة عسولات
عادل : يمكن ديم بس ريم مدري احسها شايفه حالها مثل اخوها
رنا : حراااااام ريم مرة طيوبة
عادل : ما علي منهم موب متزوجها انا ههههههه
رنا تضحك : ايييييه تتزوجها انا اوريك شغلك
عادل : يلا يلا بس عني
و نط لهم فهد : مييين بيتزوج ما خبرت احد غير خالد
عادل : يا شين القطه
رنا : انت الي قاط عمرك
فهد : ايه ايه صح انت شدخلك انا و اختي نسولف
عادل : و الله الي قلبوا علي
فهد : تستاهل ههههههههه
رنا : ايه تستاهل خل استهبالك مع خويك ينفعك
عادل : اووف بقلبك هههههههه
رنا : اييييه مالت عليك
فهد : ليه وش صاير ضحكوني
و قال له عادي وش سوا مع فارس
فهد : هههههههههههه رهييييبه عادل ههههههه
رنا : ماااااالت انا انحرج و انتم تتضحكون
فهد : و الله موقف رهيب رنوي ههههههه
رنا : مالت عليكم .. وين مها بس هي الي بتوقف معي
شوي الا جت الشغالة : مدام رنا ماما تنادي انتا فيه مدام مها تحت
عادل : بسم الله كنها عارفه
رنا : ههههههه طيب اللحين جايه
فهد : يلا نكمل الهبال عند مها و نسلم على ولد اخونا ههههههههه
و هم نازلين شافوا الشغاله جايبة شنطه بتطلعها فوق
عادل : من شنطته هذي
راني : هذا حق مدام مها
رنا : غريبة وش عندها بتنام عندنا
فهد : و الله انتم تقلقون انفسكم انزلوا و اسألوها
نزلوا و هم حاسين ان مها فيها شي اول مرة تجي تنام عندهم بعد زواجها !!
مها : ما بغيتوا كل ذا تغلي
ام عادل : ايه شكلهم ما يبونك مها
مها : افااااااا
عادل : هههههههه وش ذا يمه تشيشينها علينا
ام عادل : تستاهلون
رنا : ههههههه ما عليه ماما سامحينااا
و راحت سلمت على اختها
ام عادل : المشكلة مقوى عليكم عيالي
فهد : اييه و احلاهم انا
مها : سلم اول بعدين مدح بعمرك
فهد : يووه نسيت و راح يسلم عليها
و جلسوا كلهم و سوالف و وناسة و شوي دخل ابوهم
ابو عادل : هلا هلا و الله تو ما انور البيت ببنتي
عادل : افا يعني حنا اللحين ما ملينا عينك
ابو عادل : انتم دايم بوجهي هي راحت و اخذها واحد ثاني
مها تضايقت بس ما بينت و سلمت على ابوها : هلا بابا كيفك ان شاء الله بخير
ابو عادل ابتسم لبنته : انا اذا صرتوا انتم بخير انا بخير
مها : اجل ضمنا انك بخير ههههههه
عادل : لا انا مو بخير
ام عادل الي خافت : ليه وش فيك
عادل : بس علشان ابوي ما يصير بخير
راحت ام عادل طقته : ماالت عليك من ولد خوفتني
فهد : يمه كنك ما تعرفين عادل ههههههههه
ابو عادل : انا قلت غار من خالد و بيقول مو بخير زوجوني
عادل : لا لا لا باقي علي شوي انا
رنا : اما شوي ههههههههه
ابو عادل : الله يخليكم لي بس انتم و لمتكم مع بعض هذي
فهد : آميييين و يخليني لكم لان بعدي البيت بيظلم
ام عادل : بسم الله عليك
فهد : ليه دايم انتم متشائمين انا قصدي ان سافرت او تزوجت و تركتكم ههههههه
رنا : ماااااالت انا خفت يا دب
عادل : انتم ع الريحه عاد ههههههههه
ابو عادل : الا شخبار حفيدي مها
مها : ههههه يسلم عليك
رنا : يا ربيي مها متى تجيبين لنا ولد نفسي بصغنوووووون
مها : ههههههه انتم تبون ولد على حسابي انا
عادل : ايه لا نربي و لا شي يجي جاهز نلعب عليه و نرميه عليك
ام عادل : هههههه بيستغلونك
مها : ملاحظة انا
و بعد ساعه و نص طلعت مها لـ غرفتها تبي ترتاح و لا أحد سألها وش عندها بتنام عندهم
عادل : وش سالفتها مها بتنام هنا ؟
ام عادل : تقول انها تعبانه شوي و ان بندر قال لها تجي عندنا اريح لها
رنا : بس هي توها اللحين بـ الشهر الثاني خلي التعب للأخير
ام عادل : يمكن متعبها الوحام
عادل سكت بس حس ان فيه شي


اما عند بندر الي كان مع اخوياه بس مو معهم لانه مرررة متضايق ..
مدري وش سالفتك مها و آخرتها يعني
انا مدري وش قلبها علي فجأه اووف ابي اريح راسي احسه بينفجر
طلال : وش فيك بندر ؟
بندر : هاا لا ما فيه شي
طلال : علييييي واضح ان فيك شي اليوم انت موب على طبيعتك غير انك
من يوم ما تزوجت و انت ما تجي معنا بوسط الاسبوع الا هـ المرة
بندر : بس حبيت اغير جو ما فيه شي مهم
طلال : بندر انا اخوك قل لي يمكن اساعدك
بندر : ما عليك طلال لا تشغل بالك ما فيني شي
طلال : براحتك بس متى ما بغيت تتكلم انا هنا
بندر ابتسم له : و لا يهمك ما عندي غيرك


بـ السوق عند لمياء و خالد و امهم ..
ام خالد : خالد جننتني وش تبي اجل
خالد : مدرررري
لمياء : و الله انت مدري شتبي من الدنيا خلك على جنب و انا و امي نشتري
خالد : لا و الله مين الي بيتزوج
لمياء : شنسوي لك عليك حركات مدري وش تبي
خالد : كيفييييي
ام خالد : وش كيفك عطلتنا شفنا اشياء روعة
خالد تنهد : طيب طيب خلاص انا بس بعطي رأيي بـ الأخير
لمياء : يكون احسن
و جلسوا يقررون ام خالد و لمياء و يوم خلصوا وروا خالد
خالد : حلو هذي مو مثل الأشياء الي وريتوني اياها قبل شوي بـ المحل
لمياء : لا و الله الا انت الي مدري وش سالفتك
ام خالد : المهم انا تعبت خل نرجع و بكلم ام العنود علشان ما تسألني بعد
خالد : يا زين امي عارفة لي
لمياء : ههههههه من كثر ما ازعجتها و الله
رجعوا للبيت و كلمت ام خالد ام بندر بعد ما جلس وقف خالد فوق راسها
ام خالد : خلاص .. اي و الله ههههه .. الله يوفقهم بس .. يوم الاربعاء اي زين .. فمان الله
خالد الي كان يتسمع : يووه الاربعاء طوووووويل
ام خالد وش طويل حنا اللحين الاثنين ما بقى الا يومين
خالد : اووف الله يصبرني بس


نرجع لـ بيت ابو عادل ..
رنا : مها صاحيه ؟
مها : ادخلي
دخلت رنا و شافت مها منسدحه ع السرير
رنا : وش عندك
مها : ههههه و لا شي تعبت شوي
رنا : امممم غريبة جايه عندنا و بـ تنامين عندنا بعد
مها : ابد قلت لـ أمي بندر قال لي اغير جو لاني تعبانه و اريح لي هنا
رنا شكت : متأكده ؟
مها : ههههه يعني وش بيكون فيه
رنا : مدري عنك انا احس ان فيه شي
مها : لا لا تخافين ما فيه شي
رنا : اتمنى


بـ بيت ابو رغد ..
شهد : ليه يعني وش صاير
رغد : مدري شهد انا احس ان فيه شي بس مدري وشو
شهد : هو غريبة يعني
رغد : مدري اول شي مايا لما جتني حسيت ان فيها شي بعدين لما جاء هو ما سوا شي كل الي سواه مسك يدي
شهد : وقح و ربي
رغد : بس غريبة حتى لما قلت له يبعد بعد و راح و لا قال اي شي
شهد : رغد انا خايفه عليك
رغد مع انها مررة خايفه قالت : لا تخافين أصلاً ما يقدر يسوي شي
شهد : و لو هو ولد و دكتور بـ المستشفى و اخاف اي شي يجي عليك
رغد : ههههه ما عليك شهد انا واثقه من عمري
شهد : حتى لو انتي واثقه بس غيرك لا
رغد : الي يبي يقول عني شي يقول كيفه
شهد : الله يعين انا مرة مو متطمنه
رغد ابتسمت تبي تطمن اختها : ما عليك كل شي بـ يصير بخير ان شاء الله
شهد : يا لييييت


اما عند مي الي كانت من سيء لأسوأ ..
يا ربيي انا شسويت بكيت عند الجوري و ضيقت خلقها
بس وش اسوي يا رب وش اسوي
حتى فيصل خلاص ما بقى له شي و يروح يا رب ساعدني
و ترجع تبكي انا وش سويت وش سويت ليتني ما سمعت كلام مرام و صورت ليتني
يا رب مي وش صار لك وش صار لك وشلون بتحلين هـ المشكلة
اقول لـ فيصل لا لا فيصل حمقي و يمكن يصدقه الولد معه صورتي و اسمي و كل شي عني
حتى محمد ما راح اقدر اقول شي وش اقول لهم وش اقول محد مصدقني
كيف راحت له صورتي ياااااا رب ساعدني ما توقعتك مرام بالدناءه هذي
كان اقول انتي ما ساعدتيه بس صورتي و رقمي و اسمي مين غيرك
حسبي الله عليك حسبي الله عليك
من اقول له يا رب مين بيقدر يساعدني مين يااااا رب يااا رب لطفك يااااارب


بـ بيت ابو رياض كانوا ريم و ديم يسولفون ..
ديم : مدري ريم احس رنا فيها شي صاير ما تبي بيتنا
ريم : مدري يختي وش بيصير لها يعني ببيتنا
ديم : مدري انا افكر عجزت الاقي شي
ريم : يختي يتهيء لك صدقيني
ديم : ريم حنا قلنا لها كذا مرة تجي عندنا و ترفض و تخلينا حنا نجي لها لييييه
ريم : مدري يمكن مو مرتاحه او عندها شي بـ البيت
ديم : لا السالفة فيها شي مدري احس رنا ما تبي بيتنا علشان شي
ريم : خلي عنك هـ الأفكار بس .. انا واثقه ان ما فيها شي .. يمكن بس منحرجه علشان رياض
ديم : طول عمره هنا و عادي
ريم : و لو الوضع اختلف رياض له اربع سنين برا و لا زارنا الا مرتين يمكن و رنا كبرت و تغير كل شي
ديم : يمكن


عند مساعد الي كان متضايق من حاله ..
اووف انا ليه انفعلت اللحين و المشكلة مو قادر اكلمها بعد اوف منك مساعد
انا مدري وش آخرتها بس
و يمسك التلفون و يكلم ياسر ..
ياسر : اهلييييين
مساعد : ياسر متضااااايق ابي اطلع
ياسر : وش عندك ؟
مساعد : مدري كذا متضايق
ياسر : و الله كني اعرف سالفة هـ الضيقة
مساعد سكت و لا رد عليه لأن ياسر فاهمه
ياسر : مساعد انت متأكد انه مثلها مثل غيرها ؟
مساعد : اييييه متأكد
ياسر : مدري عنك مساعد
مساعد : يووه ياسر المهم تقدر تطلع معي او لا
ياسر : لا و الله مقدر اللحين
مساعد : اوف طيب خلاص بسكر اشوف مشاري
ياسر : طيب .. و هدي ما تسوى عليك
مساعد : يصير خير .. باي
سكر مساعد و يوم جاء بيدق على مشاري شافه يدخل
مساعد : زييين وفرت علي
مشاري : ليه اكييييد اشتقت لي صح
مساعد : اطلع من مخي تكفى
مشاري : ههههههههه خلني امدح عمري يوم انك موب مادحني
مساعد ضحك على اخوه بعدين قال : انا بطلع تطلع معي ما ابي اروح لحالي
مشاري : امم مع اني توني جاي بس ليه لا يلا قدااام
مساعد : الله من الدجه ههههههه
مشاري : خلني اوسع صدري هههههه
طلعوا الاثنين و مشاري يحاول في مساعد يبي يشوف وش عنده بـ الأخير قال مساعد الي صار لـ مشاري
مشاري : و تقوووول علاقة عاديه
مساعد : يووه مشاري ما ابي محاضرات او تعليقات انا عصبت عادي
مشاري : و الله مدري عنك .. بس عادي انت غلطت تأسف
مساعد : لااااا
مشاري : ليه هي اذا غلطت عليك ما تتأسف لك
سكت مساعد بعدين قال مشاري : شفت وش معنى انت ما تتأسف لها
مساعد : وش عندك اول مرة تنصح كذا ههههههه
مشاري : هههههه لأني حاس انها مو أي علاقة و مد له لسانه
مساعد : لا يكثر تكفى مثلها مثل غيرها صدقني
مشاري : احاااااااول
و رجعوا للبيت و راح مساعد غرفته و هو مقرر يكلم لمياء خلاص ..


عند لمياء ..
لمياء : اووف مالي خلق ارد وش يبي هذا يهزأ و يرجع يدق بعد
بـ الأخير ردت لمياء بدون نفس
مساعد : اووف وش ذا النفس
لمياء : لا و الله
مساعد : ايه مدري وش عندك صاير لك شي
لمياء : مسوي مرررة بريء
مساعد ببراءة متقصدها : ليه انا وش سويت ؟
لمياء : أبددد ما سويت شيييي
مساعد ضحك : طيب اسف امس كذا انفعلت و حطيت كل شي فيك
لمياء : انت ملاحظ كل ما ضاق خلقك من شي تجي تحط حرتك فيني
مساعد : يا بنت الحلال تأسفنا
لمياء : تتأسف اليوم و بكره ترجع تسوي نفس الحركه
مساعد : اذا سويتها لك الي تبين
لمياء : وعد ؟
مساعد : وعد
لمياء : طيب نشوووووووف
مساعد : ههههههه و الله تهدد بعد
لمياء : اجل وش تحسب
مساعد : هههههه وش سويتي اليوم
لمياء : اممم رحنا نجيب الشبكه علشان خالد
مساعد : ما شاء الله الله يوفقه
لمياء : آمييين

في اليوم الثاني في الليل ..
عند ناصر الي طلع من البيت بيروح لـ صديقه
ناصر : اوف وينه ذا ما يرد
و يدق مرة ثانيه .. أخيراً رد ما بغى
... : هلا و الله
ناصر : ما بغيت
... : ههههه شسوي توني انتبه كنت مسرح
ناصر : الي ماخذ عقلك
... : انت تعرفه ما يحتاج اقول
ناصر : ربك يعين .. المهم انا بمرك اللحين بس ابي اطللع
... : اووكي مو مشكلة
ربع ساعه و وصل ناصر لـ بيت صاحبه و دق عليه
ناصر : انزل انا عند الباب
... : يلا جيت
شوي و طلع صديقه
ناصر : ما بغييييييت ساعه عند الباب
... : ههههههههه شسوي اختي ازعجتني وين بتروح اصبر و و و
ناصر : ههههههه حشا زوجتك
... : هههههههههههههه من جد
ناصر : رياض عندي لك سالفة
رياض : انا داري من يوم كلمتني امس و انت عندك شي
ناصر : آخ رياض خلنا نروح لـ كوفي و بقول لك كل شي
رياض : اوكي
لما وصلوا الكوفي ..
رياض : يلا اللحين قل لي وش عندك ؟
ناصر : اسمع بقول لك بس لا تقاطعني
رياض : اووكي
و يجلس ناصر يقول له كل شي صار من اول ما شاف صورة مي الى الي صار امس
رياض : انت مجنوووووووووون ناصر انجنيت استخفيت يوم حنا بـ امريكا ما سوينا كذا
ناصر : يووه عاد انا ركبت براسي هـ البنت و خل عنادها ينفعها
رياض : حرام عليك ناصر خف ربك تخيل اختك مكانها
ناصر : يووه رياض انا قلت لك السالفة موب علشان تعطيني نصايح
رياض : انت الظاهر صار بعقلك شي او متأثر للحين بـ أمريكا
ناصر : يووه يعني نسيت شوق اللحين و جيت تقول لي انا الغلط
رياض : لا لا لا تقارن هذا بـ هذا وش صار فيك انت انا ما كنت العب ع البنت و لا كنت اهددها لا تقاااااارن
ناصر : رياض لا تخليني أندم الي قلت لك
رياض و هو مقهور صدق : الله يهديك يا ناصر بس صدقني انت الي بـ تخسر
ناصر : وش بخسر يعني
رياض : الله يهديك بس


نروح لـ بيت ابو محمد
عند فيصل الي خلاص ما بقى عليه الا شهر و ييسافر ..
مي : خلاص يعني فيصل بتمشي
فيصل ابتسم لاخته : وش فيك انتي اليوم الي يشوفني يقول بهاجر
مي متضايقه حيل و ما تدري مجرد احساس ان اخوها بـ الرياض يعطيها امان من ناصر
فيصل شافها سكتت : مي فيك شي ؟
مي : لا متضايقه لانك بتمشي بس
فيصل : كلها سنه و برجع و اجلس على قلبك
مي : الله يرجعك بـ السلامة و اجلس على قلبي مثل ما تبي
فيصل : ههههههه ليتني من زمان قايل بسافر علشان اشوف غلاي
مي : لا و الله
فيصل : هههههههه اي و الله
مي : لا تخاف بعد هـ اليوم بتشوف غلاك دايم
فيصل ابتسم و سكت
و جلست مي تساعده و هو يجهز شنطته


من بكرهـ اليوم الموعود لـ خالد ..
خالد : يلا اسرعوووووووا
لمياء : اللحين انت وش معجلك
خالد : ابي اخللللللص
ام خالد : اعصابك موب فايتك شي لا تخاف
خالد : يووه بسرررررررعه
لمياء : خلاص خلاص خلصت اوف منك
خالد : ايه لا تعطليني
ام خالد : الله يكتب الي فيه الخير على هـ العجله فيك
لمياء : هذا الي ما كان يبي يتزوج ههههههههههه
ام خالد : سبحان الي يغير و لا يتغير
خالد : اقول انا بـ السيارة
لمياء : ههههههههه مسكين ما عنده رد
و طنشها خالد و راح للسيارة و ام خالد و لمياء يضحكون عليه و لحقوه
و لمياء تستهزي بـ خالد و هو معصب عليها و هذا الحال طول الطريق
لما وصلوا ..
خالد : لا تفشلينا انتي بس .. يمه انتبهي يمه ترا بنتك تفشل
لمياء : ماالت اصلا هم ما وافقوا عليك الا لأني اختك
ام خالد : استحوا انتي و اياه و يلا ندخل عيب عليكم حشا موب عيال
خالد و لمياء ماتوا ضحك على امهم الي دايم تطفش من مناقرهم
بعد ما دخلوا لـ بيت ابو بندر
ام بندر : هلا و الله
ام خالد : هلا فيك و الله
و بعد السؤال عن الأخبار و جت العنود
لمياء : يا حركااااات .. زوجة اخوي بالله وش شعورك و انتي بتصيرين حرم أخو لمياء
العنود : مااالت حرم خالد مو اخو لمياء
لمياء : و الله الي ما تستحي استحي مني انا اخت العررررريس
العنود : ههههههه للأسف مقدر
لمياء : ماااالت بس هههههه
العنود ابتسمت و سكتت كانت منحرجه بس لمياء تخفف عليها شوي
بعدها سألت لمياء : عنووود متى ناوية تحطين الملكة
العنود : مدري .. بندر يقول خالد مستعجل
لمياء : ايه يبي يتملك هههههههه
العنود انحرجت بس قالت : عاد انا ودي اسوي ملكة كبيرة و اخلي الزواج مختصر
لمياء : ايه و الله احسن لك و اريح بعد
العنود : انا قلت كذا بعد
لمياء : اجل اتفقوا انتي و خالد بعدين ضحكت و قالت عاد خالد مستعجل
العنود انحرجت مرة هـ المرة و سكتت
و خالد جالس على اعصابه الى ما طلعوا اهله
خالد : هااا يمه وش صار
ام خالد : اسأل اختك هي الي من اليوم تسولف مع العنود
خالد : لحوول عز الله خربت زوجتي
لمياء : احمد ربك بعد معطيه زوجتك وجه
خالد : الا انتي احمدي ربك الي زوجتي معطيتك وجه
لمياء : امحق
خالد : مالت اقول
ام خالد : اقول خلونا بـ المهم .. حنا خلصنا دورنا خالد و الدور عليك اتفقوا متى الملكة و كل شي
خالد : يصير خير يمه


نروح لـ بيت ابو عادل ..
عند رنا و عادل الي كانوا يحاولون يعرفون وش فيها مها
عادل : يعني متأكده ما فيك شي لا انتي و لا بندر ؟
مها : هههههه وش بيصير يعني قلت لكم ما فيه شي ليه انتم مو مقتنعين
رنا : صراحه كلامك مها مو مقنع
مها : لحوول خلاص بليز سكروا السالفة
عادل : خلاص لا تعصبين .. ع العموم ان بغيتي تقولين لنا وش السالفة حنا موجودين
مها تنهدت : قلت لكم ما فيه شي
رنا : مو مشكلة ما فيه شي ما فيه شي
و دق بندر على مها بـ الوقت هذا
مها اوف وش يبي هذا ما لقى يدق الا اللحين مقدر اكلمه قدامهم و تطالع في اخوها و اختها الي جالسين ينتظرونها ترد
مها : خيررر
رنا : جوالك ؟
مها : طيب ؟
عادل : موب راده
مها : و انتم عندي لاااااا
عادل : ليه ؟
مها : ما ابي اكلم زوجي قدامكم و مدت له لسانها
عادل : مااالت بس من زينك انتي و اياه
مها : احسن منك انت و زوجتك المستقبليه
عادل : ما بقى الا هي بعد
رنا : ههههههه خلاص اعصابكم كل واحد يصلح سيارته هههههه
عادل : انا اصلحها عادي بس هي ما عندها سيارة
مها : ههههه مالت عليك بس .. المهم انا بروح عند امي الي يبي يجي يجي
طلعت مها و تركتهم
عادل : قايل لك صاير بينهم شي
رنا : المشكلة مو راضية تقول
عادل : انا مدري وش السالفة حتى بندر ما ظنتي بيقول شي
رنا : الله يصلح الحال بس
لما طلعت مها من عندهم دق بندر ثانيه و ردت عليه
مها بدون نفس : نعممم
بندر : هلا مها .. كيفك ؟
مها : بخير .. و انت ؟
بندر : الحمدالله عايش
و سكتوا بعدين قال بندر : مها تبين شي .. محتاجه شي ؟
مها : لا شكراً ..
بندر سكت و حس ان المكالمه ما منها فايده غير البرود الي بينهم بعدين قال : انا بسكر
مها : ربي يحفظك
و سكروا من بعض و تنهدت مها و هي تطالع جوالها بعدين نزلت لامها و طنشت ..


عند بندر الي كان حيل متضايق ..
انا مدري وش آخرتها معك مها مدري وش آخرتها
ابي افهم بس وش صاير لك ..
الله يهديك بس لو تقولين لي ع الأقل وش فيك !!
و قطع افكار بندر صوت جواله ..
بندر : هلا و الله بـ النسيب
خالد : هلا هلا هلا
بندر : هههههه وش ذا علقت
خالد : ياخي مبسوط كيفي
بندر : هههههه ما تسوى عليك ما دريت ان اختي بتسوي فيك كذا
خالد : بالله عليك انت يوم جيت تتزوج ما انبسطت
بندر : هههههههه اكذب ان قلت لا
خالد : شفت .. المهم بدون اي مقدمات انا ابي اتملك
بندر : بسم الله علي اعصابك طيب هههههههه
خالد : ما فيه ابي اتملللللللك
بندر : هههههههه و الله انك نكته خالد
خالد : بندر تكفى تكفى اقنع اختك نتملك بدري
بندر : اممم طيب بشوف اسألها و ارد عليك
خالد : اييييه تكفى بكروووا
بندر : ههههههه طيب طيب

في بيت ابو خالد و عند لمياء تحديداً ..
لمياء : اممم مدري الجوهره انتي لا تكبرين السالفة
الجوهره : بس بشتاق له لمياء .. و ربي كل ما جاب لي الطاري و الا قال لي عن تجهيزاته يضيق خلقي
لمياء : ربك بيهونها ان شاء الله
الجوهره : الله يصبرني مدري كيف سنه و الله طوووويلة
لمياء : يعني كنه موب مكلمك او مكلمته ان شاء الله بتكلمون بعض
الجوهره : حتى مو مثل اللحين
لمياء : هونيها و تهون
الجوهره تنهدت : ربك يسهل بس
و دخل على لمياء خط و هي تسولف مع الجوهره
لمياء : هذي رندا مدري وش عندها
الجوهره : ردي عليها انا بسكر اللحين
لمياء : اووكي .. ربي يحفظك
سكرت الجوهره و ردت لمياء على رندا
رندا : ما بغيتي من كنتي تكلمين هااااااه
لمياء : حشا وش ذا سلمي اول هههههههه
رندا : مقدر مقدر اغااااااااار
لمياء : تكفيييييين زوجي على غفله
رندا : وش يعرفك يمكن اتزوجك
لمياء : وععععع روحي عني تكفيييييين الله يقرفك
رندا : هههههههههه و الله حتى انا تقرفت وعععع تخيلي
لمياء : لا لا ما ابي اتخيل ههههه
رندا : المهم انا مكلمتك ابي اطلللللللللع
لمياء : وين تطلعين ما بقى على اختباراتك الا 3 اسابيع
رندا : علشان كذا ابي اطللللع طفشت يا عالم طفششششت
لمياء : ههههههه تصدقين عاد حتى انا ملانه مرة
رندا : ايييه كفوا بنت خالتي
لمياء : هههههه طيب قلتي لـ رغد و البنات ؟
رندا : لا بكلم ربا اللحين وبشوف
لمياء : اوكي خلاص الوعد بكره اجل
رندا : ان شاااء الله
لمياء : الا وين بتطلعين اول ؟
رندا : ابي اطلع السوق بعدين نروح كوفي
لمياء : امم مو مشكلة حلو
رندا : يلا اجل خل اروح اشوف ربا
لمياء : اوكي و سلمي عليها
رندا : يبلغ .. باي


نروح لـ بيت ابو رغد ..
شهد : وش فيك مسرحه ؟
رغد : مدري يختي وش السالفة بـ المستشفى فيه شي غريب انا مو عارفته
شهد : يا خبر اليوم بـ فلوس بكره يبقى ببلاش
رغد : الله يستر من هـ الخبر شهد الله يستر قابضني قلبي
شهد : ربك بيسهل ان شاء الله
رغد : ربي يعين بس
شوي جتهم ربا ..
شهد : اخيرا تكرمتي علينا و جلستي معنا
ربا : ثااااالث يا عالم ما تحسووووون
رغد : ههههههه الا نحس الله يوفقك بس
ربا : الله يعين تعبت و ربي الي مهونها انه ما بقى شي
شهد : ايه خلاص بتفتكين
ربا : اييه قبل انسى ترا رندا دقت علي و قالت انهم بكره يبون يطلعون هم و لمياء لو نبي نروح
رغد : انا مالي مزاج مررررررة
شهد : و انا عندي اختبار السبت
ربا : اوكي بقول لها ما نقدر .. حتى انا مالي مزاج اطلع
و كلمت ربا رندا و قالت لها انهم ما يقدرون يطلعون معهم ..


من بكره في المستشفى ..
رغد : اوووووووف تعبت تعبت
مايا : شو فيكي اليوم
رغد : مدري احسني مرررة تعبت
مايا : ربك بيسهل
رغد سكتت و عقدت حواجبها
و مايا كانت تكتب و لما انتبهت لـ رغد كيف ساكته و عاقده حواجبها انتبهت للي يتكلمون وراهم
الممرضة 1 : ايييه هذي هي رغد الي تحب الدكتور فواز
الممرضة 2 : ههههه لا و المشكلة بـ العلن ما عاد فيه احترام
الأولى : شفتيه ذاك اليوم مسك يدها قدام الكل و لا اهتمت و لا حتى هو اهتم
الثانيه : هو رجال عادي بس هي بنت ما خافت على سمعتها .. استغفر الله بس
رغد كانت منصدمه و ساكته انعقد لسانها ما عاد تدري وش تقول
و مايا ما كان ودها رغد تسمع الكلام بـ الشكل هذا
و بـ الأخير تكلمت مايا : رغد خل نبعد عن هوون
رغد سكتت و تطالع مايا بنظرة مالها اي معنى
مايا : رغد خل نمشي يلاااا
رغد : .......
مايا خافت على رغد : رغد شو بك
رغد ما عاد تدري وش تسوي تحس رجولها ما عاد تشيلها
و العبرة خنقتها وصلت فيه الحقارة انه يطلع عليها حكي و يخرب سمعتها
و على وقفة رغد كان فواز توه طالع من غرفة مريض و انتبه لها و ابتسم و راح لها
مايا الي انتبهت : رغد خل نمشي عن هوون يلا رغددددد
رغد ما تكلمت بـ اي كلمه
و وصلهم فواز و قال : اهلين رغد .. كيفك ؟
ورغد عطتها نظرة بدون اي معنى و سكتت ..
مايا : لو سمحت دكتور فواز ابعد عن هون
فواز ببراءة مصطنعه : لييه وش فيك رغد فيك شي تعبانه ؟
رغد الي للحين مصدومه : .....
مايا : دكتور بليز ابعد عنا
ابتسم فواز و انبسط من شكل رغد و قال : اوكي بروح اللحين بس برجع اتطمن عليك رغد
و راح و تركهم و مايا انقهرت من وقاحته و حقارته و شافت رغد الي كانت واقفه بمكانها بدون اي كلمه
و الي زاد الطين بله الممرضات الي وراها رجعوا يتكلمون
الأولى : شوفي جايها و هي بكل وقاحه تطالعه و متنحه فيه
الثانيه : صدق ما تستحي وقحه
هنا رغد غصب عنها تجمعت الدموع بعيونها و نزلت مرة وحده
مايا : رغد رغد تعي معي
و اخذتها مايا و ودتها لـ غرفة انتظار للنساء
رغد هنا انفجرت بالصياح ما عاد تتحمل الحقيررر الحقيرررر و تصيح
مايا ضمتها : هدي هدي رغد و الله ما بيستاهل
رغد بين دموعها : شوه سمعتي مايا يتكلم عني الحقيرررر الحقيرررر
الي كانوا في غرفة الانتظار انصدموا من دخلة مايا و رغد عليهم و صياح رغد
و جتهم وحده كبيرة بـ السن شوي و قالت : بسم الله عليك يا بنتي وش فيك
رغد هنا زاد صياحها الحقيررر الحقيرررر
مايا ما عاد تدري وش تسوي
و الحرمه اخذت مناديل و موية كانت معها و عطتها رغد : هدي نفسك يا بنيتي هدي نفسك
رغد كل شوي يزيد صوتها تحس بحسرة بقهر ما عاد تدري وش تسوي
ما توقعت الحقارة توصل فيه بـ الشكل هذا ما توقعت انها توصل انه يشوه سمعتها
مايا اخذت المناديل و المويه الي مع الحرمه و ابتسمت لها : شكرا يا خاله
الحرمه ابتسمت لها بعدين طالعت بـ رغد : ما فيه شي يسوى يا بنيتي تصيحين عليه
ما فيه شي يسوى دموعك الي تنزل .. اهدي و اتكلي على ربك
طالعت فيها رغد و حاولت تمسك نفسها بس دموعها كانت تنزل و قالت بصوت متقطع : ش .. ك .. راً
مايا : هدي اعصابك رغد بدك دء ع حدا يوصلك البيت
رغد هزت راسها بـ لا
مايا حزنت عليها كثير بعدين قالت : شو بدك ساوي ؟
رغد : ما ابي شي خلاص انا هديت
مايا : ما كان بدي تعرفي ما توأعت السالفة كبيرة هيك آسفة رغد ما كنت بعرف انه نشرها هيك
رغد ابتسمت لـ مايا : مايا انتي كنتي تبين مصلحتي بعدين سكتت و كملت و هو بيلاقي جزاه وين بيروح عن ربي
سكتت مايا لانها تعرف ان رغد تحاول تبين قوتها بس هي ضعيفة كثيررر من جواتها
و رغد جلست تطالع الجدار بنظرة مالها اي معنى بعدين قالت : خلاص خل نطلع من هنا
مايا : متأكده انك منيحه
رغد هزت راسها بـ ايه و طلعوا الثنتين
مايا : رغد ما راح تركك
رغد : لا لا انا بخير مايا روحي ما عليك
مايا : اوكي بس ان احتجتي شي أولي لي
رغد : اوكي ما عليك
راحت مايا و رغد كانت مسرحه ما تدري وش تسوي اكيد اللحين سمعتها بـ الأرض عند كل المستشفى
يا رب سهل لي امري يا رب طلع الحق يا رب
جتها دكتورة و كانت تطالعها بنظرة احتقار بعدين قالت : رغد لو سمحتي ابيك تجين معي للغرفة رقم 100
و اييه جيبي معك ضمادات محتاجينها و يا ليتك تستعجلين و راحت و تركتها
رغد لما شافت نظراتها خنقتها العبره بس تحملت
و راحت بتجيب ضمادات و لما شافها فواز بتروح غرفة الممرضات لحقها
و انتبه لهم سامي و راح لحق فواز وش ناوي عليه ذا و هي بعد ما اهتمت بـ سمعتها !!
استغفر الله بس و انا الي كنت احسبها محترمه الله يستر على بناتنا بس
دخلت رغد الغرفه بتاخذ الي تبيه و لا كان فيه غيرها
و جاء فواز بيدخل وراها و قبل ما يسكر الباب دخل سامي معه
و انتبه فواز و مط شفايفه وش يبي هذا
و طالع سامي رغد الي انتبهت لتسكيرة الباب و لفت
و هنا انصدمت لقت فواز و سامي واقفين يطالعونها
و أخيراً تكلم سامي : اووه سوري انسة رغد ما انتبهنا انك موجوده
صح دكتور فواز ؟
فواز الي انقهر : ايه ما انتبهنا
رغد الي كانت واقفه و لا تدري وش تسوي خافت من نظرات فواز لان نظراته كان كلها شر
و سامي كان يطالعها هي و فواز بـ أحتقار
تمنت رغد الموت ولا تناظر هـ النظرات بـ عيون الكل
بـ الأخير قالت : انا اصلاً بطلع
و طلعت بسرعه من بينهم و طلع وراها سامي الي حس ان مهمته خلصت
و طالع بـ رغد و هي تمشي استغفر الله بس الله يستر على بناتنا
لهالدرجه وصلت بالبنات ما يهتمون بسمتعهم استغفر الله بس
و قدام الكل بـ المستشفى و عادي لها كل هـ الأسبوع تمشي بكل ثقه
استغفر الله استغفر الله و فواز بعد ما توقعته يتمادى لهذي الدرجه
اما رغد الي هنا خلاص وصلت حدها اعتذرت و طلعت من الدوام لأنها ما عاد تتحمل ..


عند بندر الي كان مع اخته ..
بندر : يعني خلاص اقول له بعد شهر
العنود : اوكي مع اني احسه بدررري
بندر : الولد مستعجل و انتي يمديك بـ شهر تتجهزين كلها ملكة مو زواج
العنود : على قولتك بس ان شاء الله الاقي حجز
بندر : ان شاء الله
العنود : الا بندر شخبار مها من زمان عنها ؟
بندر سكت شوي بعدين قال : الحمدالله بخير
العنود : غريبة جالسة عند اهلها للحين
بندري تنهد بعدين قال : انا و اياها اتفقنا كذا تعرفين حامل و مع التعب
العنود شكت بس مشت السالفة و قالت : اهاا .. الله يعينها


نروح لـ بيت ابو عادل ..
رنا كان يدق تلفونها و رقم غريب ازعجها له يومين و لا ترد
هـ المرة طفشت و ردت
رنا : نعمممم
... : رنااا
رنا سكتت من الصدمه مستحيل تنسى هـ الصوت مستحيل تنساه
رياض : رنا انا رياض عرفتيني
رنا : انت وش تبي ما تستحي داق علي ؟؟
رياض : رنا وش فيك .. انا بس بتطمن عليك
رنا عصبت : رياض امسح رقمي لو سمحت .. انا مجرد بنت عمتك تفهم
رياض : رنا وش دعوه نسيتي كل شي اللحين
رنا جد عصبت هـ المرة : لا تتكلم لا تتكلم ما ابي اسمع شي مااااااا ابي ما تفهم
و سكرت السماعه بوجهه و جلست تبكي
وش رجعه اللحين وش رجعه وش يبي مني وش يبيييي
توه يتذكر ان عنده بنت عمه توه يذكر ان فيه وحده تحبه هنا
ليه يا رياض ليه اللحين تجي ليه يوم عرفت كل شي لييييييه
يا رب خلاص ما عاد اتحمل الي يصير منه ياااااارب


نخلي رنا و نروح للبنات الي طلعوا للسوق ..
رندا : ويييييييينك لمياء ؟
لمياء : تووني انزل
رندا : صباح الخير
لمياء : ههههههه هذاني اشوفك يلا يلا باي
و راحت لمياء لـ بنات خالتها
مي : ما بغيتي تجين يختي
لمياء : شسووووووي
رندا : يا كثر ما تتأخرين بس
لمياء : يلا يلا امشوا بس
مي : ايييه سكتينا ههههههه
لمياء : هههههههههه خل نتمشى عاااد مو تسكيته
رندا : احاول اصدددددق
لمياء : تكفييييين لا صدقي
رندا : لا لا افكر
مي : هههههههه يلا بس امشوا انتي و اياها
و البنات جالسين يتمشون كان فيه 3 شباب يطالعونهم
مشاري : اووف و الله حلوات
ياسر : مشاري تكفى خلنا من هـ السوالف اللحين
مشاري : لا لا مالي شغل بس هم و الله و لا اسوي شي
مساعد : هههههههه ما تترك حركاتك انت
مشاري : خلوني انببببببسط
ياسر : امحق وناسة
مشاري طنشهم و لحق البنات و لحقوه مساعد و ياسر
بس كانوا وراه شوي ..
مشاري يلاحق و يرمي حكي و البنات مطنشين
بـ الأخير طفشت رندا و قالت : بنااااات طفشني
مي : طنشيه يختي
لمياء الي كانت تمشي و هي واثقه : كيفه يبي يغازل يغازل انتي لا تلقين له وجه
رندا : يختي يقهرررررررر
مي : خليه مالنا بـ المشاكل
رندا : انتي اجلسي على جنب تكفين مسالمه بزياده
لمياء : هههههههه طنشي وش حارق رزك
رندا : اقلقنييييييي
اما عند العيال ..
مساعد الي قرب شوي لما مشاري هو و ياسر و انتبه لـ لمياء ..
ياسر : مساعد مساااعد
و مساعد متنح بيورطني مشاري هذا !!
ياسر : مساااعد
مساعد : هااااااااه
ياسر : مو هذي صاحبتنا بـ لندن
مساعد : الا الله يفشله ذا
ياسر الي مات ضحك على شكل مساعد الي يطق ظهر مشاري و هذاك مطنشه و يحاول فيه
و مشاري مطنشه و لا كأنه هنا و مساعد يغمز يسوي حركات و لا عطاه وجه
مساعد : لحووووول مشاري يا عله
و تطنييييييش .. و يرمي حكي و يتبسم و يستهبل
لمياء هنا انتبهت لـ مساعد و رفعت حاجب : يا سلااااام اجل هذا اكيد واحد من اخوياه مالت بس
و تشوف مساعد و هو يسوي حركات لمشاري و ضحكت
رندا : وش فيك ..
لمياء : اضحك ع الخبل الي يلاحقنا
رندا : طفشني بسوي شي مالي شغل
ابتسمت لمياء هنا و يوم عرفت ان مساعد معهم قالت : سوووووي
مي : انتي و اياها لا يكثررررر لمياء لا تشجعينها هي ع الريحه
لمياء : عادي ههههههههه
راحت رندا و لفت على مشاري و الثاني انبسط يحسبها ملت و بتعطيه وجه
و طااااااااااااااااع الشنطه على وجهه
مشاري : ............
رندا : تستااااااااااااهل قليل ادب
و مشوا البنات و لمياء ماتت ضحك على تعابير وجه مشاري و مساعد و ياسر الي وقفوا فجأه و تنحوا بحركة رندا
و فجأه ضحكوا الأثنين
مساعد : قوية و الله هههههههههههههههههه
ياسر : يستاهل هههههههههههههههه
مشاري : ....
مساعد : ههههههه قلت لك هههههههه و الله هذي طالعه على لمياء ههههههه
ياسر هنا مات ضحك زياده لانه تذكر سوالف لندن
مشاري الي استوعب : وش لمياء و وش سوت هذي !!
مساعد : الله ياخذ ابليسك من اليوم انغز لك و اطق بظهرك وحده من البنات الي معها لمياء الي اكلمها
مشاري : كااااااااااان قلت
ياسر : ههههههههه اما كان قلت مات و هو يطقطق فيك
مشاري : وش عرفني انا بعدين قال .. و الله اللحين عرفت ليه طحت على وجهك مساعد
مساعد عقد حواجبه بعدين قال : مااااااااالت بس من قال اني طايح
ياسر و مشاري هنا ماتوا ضحك عليه
اما البنات لما خلصوا و تمشوا
رندا : اووف يلا نطلع مليييت
مي : ههههههه كل هـ الطلعه ع حسابك مسرع ما مليتي
رندا : شسوي ماش طفش
لمياء : هههههه اوكي اجل تبين نتقهوى هنا او برا
رندا : لا لا خلونا نطلع احسن
لمياء و مي : اوكي
طلعوا البنات و انتهبوا على مشاري الي ركب سيارته و ركبوا معه مساعد و ياسر
رندا : يووووه هذي سيارته
مي : وش دخلك فيه هو و سيارته
رندا : شوفي شوفي راز ايميله ورا باخذه
لمياء : وش تبين فيه
رندا : كذا لعانه بوريه هو وجهه يغازل و يستهبل بعد
مي : بلا هبال اقول خليك منه هذا شكله راعي بنات
رندا : راس ماله ماسنجر
لمياء سكتت و لا علقت و سرحت بـ مساعد
و كيف عرفته و الطريقة و كل شي خافت يصير هـ الشي مع رندا
رندا : اخذذته اشوا لقطته قبل يروحون
لمياء : رندا انتبهي بس
رندا : ما تخافيش عليا يختي
لمياء ابتسمت بعدين قالت : ان شاء الله
مي سكتت برضو كانت خايفه على اختها و هي تذكر ناصر و الي جالس يسويه فيها


في يوم الجمعه ..
رغد من امس ما طلعت من غرفتها و لا هي راضيه تتكلم مع احد ..
و اهلها كلهم قلقوا عليها من شكلها يوم تدخل عليهم ..
ربا : وش سالفتها وش سوا الحقير بعد
شهد : انا دارية حتى امي تسألني لاحظت انها مرة مو طبيعيه
ربا : اووف الحقير انا ادري انه سوا فيها شي
شهد : الله يستر و الله اني خايفه
ربا الي تنكدت : حتى انا اووف منه
اما رغد الي كانت بغرفتها ..
الله ياخذه الحقير الحقيرررر الله يوريه الي سواه فيني
و تصيح صياح يقطع القلب اكرررررهه اكرررررهه
وليه انا ليه يا ربيييي وش معنى انا يسوي فيني كذا
يااا رب يااا رب ساعدني يااارب استر علي يااااا رب
شوي دق باب غرفتها و حاولت تمسك نفسها و قالت : نعمم
ام رغد : رغد افتحي الباب
رغد مسحت دموعها و حاولت قد ما تقدر تمسك اعصابها و فتحت لـ امها الباب
ام رغد دخلت و شافت بنتها بعدين قالت : رغد وش فيك
رغد الي نزلت راسها ما تبي امها تشوف وجهها : ما فيني شي ماما
ام رغد راحت و رفعت راس بنتها : لا تقولين ما فيك شي شوفي وجهك واضح انك تو كنتي تبكين
رغد انا امك ان ما قلتي لي من بتقولين له لو عندك شي قولي لي و انا بساعدك
رغد هنا انهارت بحضن امها و جلست تصيح
ام رغد حز بخاطرها صياح بنتها ما تحملت تشوف بنتها بهالشكل و مين اكبر بناتها
رغد الي طول عمرها ما بكت قدام احد الي طول عمرها تقول رغد هي القوية بين بناتي
ما توقعت يجي هـ اليوم الي تشوف فيه بنتها منهارة بـ الشكل هذا
ام رغد : رغد حبيبتي هدي .. هدي بسم الله عليك
بسم الله عليك رغد وش جاك و ضمت بنتها و حطتها بـ سريها و حاولت تهديها
الى ما نامت رغد الي كانت صدق منهارة
ظلت ام رغد معها بعدين لما شافتها هدت و نامت طلعت
و شافت شهد و ربا جلسيت يتكلمون
ام رغد : شهد انتي و ربا انا متأكده انكم تعرفون وش بـ أختكم و اللحين ابي اعرفه
شهد : وش فيه يعني ماما
ام رغد : وش ما فيه !!
ربا سكتت بعدين حست انهم لازم يقولون لامهم لان واضح من شكل رغد انه صاير شي كبير
و قررت تقول : ماما الا احنا نعرف و بنقول لك
سكتت شهد بعدين قالت : اجلسي ماما و نقول لك كل الي صاير
و جلست امهم و قالوا لها سالفة فواز بس طبعاً قطعوا بـ السالفة
بس قالوا ان رغد تحس انه ناوي شر و من هـ الحكي
ام رغد عصبت صدق : خلوا رغد تصحى و نشوف وش سوا فيها و الله لو انه مسوي ببنتي شي ما راح يشوف خير
ربا : ماما رغد ما كانت تبي تقول علشان بابا انتي تعرفين ان عنده ضغط و تعبان ما راح يتحمل
ام رغد : مو مشكلة انا بحلها بس خليني اعرف وش السالفة و انا اتصرف


نترك رغد اللحين و نجي عند لمياء ..
لمياء تذكر سالفة مساعد و تموت من الضحك
طيب طيب مساعد انا اوريك و جلست شوي بعدين قررت تكلمه
مساعد الي كان عنده مشاري و رد : هلا و الله
لمياء : اهلين بالمغازلجي ههههههه
مساعد : لحوول و الله اني عارف انك بتعلقين
لمياء : و ربي نكته هههههههه بس زين سوت فيكم بنت خالتي ههههههه
مساعد : مالت انا وش دخلني هذا اخوي انا بررررررريء
لمياء : يا ربيي ع البراءة
مشاري : وش تقووووول
لمياء : فيه احد عندك ؟
مساعد : ايه اخوي مشاري هذا الي ضربته بنت خالتك هههههههههه
لمياء هنا متت ضحك : سلم عليه و قل له عييييب يا بابا
مساعد جالس يضحك وقال لـ مشاري كلام لمياء
مشاري : مااااااالت وش عرفني انهم متوحشين كذا
لمياء الي سمعته لانه صوته كان عالي : مااالت هو المتوحش
مساعد : خلاص تكفوون هههههههههههه
لمياء : ابييه انت اضحك
مساعد : دوووم اضحك ان شاء الله
لمياء ضحكت عليه : آميييييين
مساعد : طيب لمياء انا بسكر اللحين بصرف الي عندي و اكلمك بعدين
لمياء : اووووكي
مساعد : و بعدها علقي على كيفك
لمياء : ههههههه لا لا اقتنعت ان مالك ذنب ههههه
مساعد : هههههههه طيب باي
سكروا من بعض و جلست لمياء تفكر
مدري وش صاير لي غريبة انتي يا لمياء
قبل كم شهر كنتي ما تبين تكملين معه و اللحين !!
يلا يمكن رضيت بـ الأمر الواقع الله يسهل بس
اما عند مساعد و مشاري ..
مشاري : يا عينييييي و يقول ما طاح بعد
مساعد : تكفى عاد لا طحت و لا شي عاااادي
مشاري : احاول اصدقك بس مو مقتنع
مساعد : عمرك ما تصدق انا اعرف عمري
مشاري : ايييه طييييييييييب


عند رنا الي انقهرت من حركة رياض ..
اووف ما ابي اقول لـ مها شكل الي فيها مكفيها
اووف يا حقره يقتل القتيل و يمشي بـ جنازته اكرررررهه
خل ادق على لمياء اطلع الي فيني بس
دقت رنا على لمياء
لمياء : هلا و الله و غلا بـ أحلى بنت عم بـ الدنيا
رنا : ايييه خذي بعقلي حلاوة
لمياء : هههههه و الله وحشتيني رنوووو
رنا : حتى انتي .. شوفي عندك شي بكره ؟
لمياء : نووو بكره ما عندي دوام .. اصلا خلاص خلصت كل شي ما راح اداوم الاسبوع هذا
رنا : حلووو اجل تعالي لي تكفييين طفشااااااااانه
لمياء : انا اكثر و الله بس بشوف امي جعلها توافق
رنا : زين يختي ملييييييت بس اذاكر حشا
لمياء : ههههههه احمدي ربك آخر سنه تذاكرين فيها ان شاء الله
رنا : هذا الي مهونها .. ايييه لمياء عندي لك سالفة بس خليها بكره ان جيتي اطلعها لك صح
لمياء : هههههه طيب طيب قولي اللحين عادي
رنا : لا لا علشان تجي حرتي عليك
لمياء : حرتك يعني اكيد السالفة فيها رياض
رنا : و فيه غيره الحقيرررررر
لمياء : الله يصبرني لـ بكره
بعدين ضحكت و كملت : اللحين انا قررت اني بجي ما شاورت احد
رنا : ههههههه تفائلي يختي بعدين ما فيه دوام و لا شي محد قايل لك لا
لمياء : ان شاء الله
الا صدق ترا الملكة صارت بعد شهر ان شاء الله يبيلنا فساتين
رنا : اووف مالي خلق اطلع السوق ابددد
لمياء : انا امس رحت مع مي و رندا بس ما لقيت شي حلو
رنا : اوف يختي عاد شهر يعني بعد الاختبارات على طول مرة ما يمدي
لمياء : عاد خالد مستعجل .. الا اقول سمعت اصواتهم هو و امي
شكلهم جوا خليني اروح اشوف شو عندهم و اشوف اقدر اجيك بكره او لا
رنا : اوكي .. اجل باي
راحت لمياء عند امها و خالد
خالد : جت النشبه
لمياء : مالت هذي جزاتي جايه بعرض خدماتي
خالد : شكرا مو محتاجينها
لمياء : اصلاً ما تستاهلها
ام خالد : تراني مصدعه بلاكم
لمياء راحت و حبت راس امها : خلاص خلاص حنا ما عندنا اهم من صحة امنا
ام خالد : اللواقه
لمياء : هذي جزاتي خايفه علييييك
خالد : المشكلة الكل عارف لك
لمياء : مالت بس
بعدين قالت : ماماااااا
ام خالد : وش تبيييين
لمياء : اممم انتي تعرفين ان ما عندي دوام الاسبوع الجاي و انا لي فترة ما شفت رنااا
ام خالد : روحي لها
لمياء : فديت امي الي تفهمني
خالد : ما تستاهلين ليتني امك اقول لك لا
ام خالد : تكفون لا تصدعون راسي
لمياء و خالد ضحكوا على امهم الي تصدع منهم هم و مناقرهم بس هم ما يتحملون الا لازم يتنقارون


من بكره عند رغد الي صحت و هي تحس انها منهده ..
اووف وش جاك يا رغد انهرتي بس الله لا يلومك و الله مو سهله
حسبي الله عليك يا فواز .. لا و لاحقني ربي ستر علي و جاء الدكتور سامي
و رجعت تبكي و هي تتذكر اكيد كان ناوي على شر اكيد عيونه كانت تخوف
يا رب و رجعت تبكي يا رب مالي غيرك
راحت و غسلت وجهها و صلت و طلعت من غرفتها لانها تحس انها تعبانه من جلستها لحالها
كان البيت فاضي و يوم شافت الساعه اووف الساعه 9 و الله نمت من قلب
نزلت تحت و لقت امها جالسه و تذكرت الي صار امس و تنهدت
كانت تعرف ان امها اكيد بتقول شي و يمكن عرفت من شهد و ربا شي
ام رغد طالعت بنتها و ابتسمت : صباح الخير
رغد : صباح النور ماما .. ليه خليتوني انام كل هـ الوقت
ام رغد : شكلك كنتي تعبانه قلت خلوها ترتاح
جلست رغد عند امها و سكتت ..
ام رغد قالت للشغاله تجيب لـ رغد فطور و هي ما اعترضت لانها كانت ميته جوع
لما خلصت رغد فطور طالعتها امها و رغد حست فيها
ام رغد : شهد و ربا قالوا لي عن الدكتور الي انتي خايفه منه رغد
رغد : .....
ام رغد : رغد حبيبتي لا تخافين قولي لي وش صار معك امس و صدقيني ما راح يضيع حقك
رغد تجمعت دموعها و لا علقت تذكرت كل الي صار امس و نزلت دموعها
ام رغد : رغد تكلمي انا امك من لك غيري انا و ابوك انا عرفت انك كنتي خايفه من ابوك
و فرحت لانك مهتمه فيه بس ما دامت كبرت المشكلة قولي لي انا ع الأقل خليني اساعدك
رغد هنا انفجرت و صاحت ما عاد تتحمل ما عاد تتحمل كل الي صار احتقار الناس لها و كل شي
ام رغد راحت لبنتها و ضمتها : ابكي لو الدموع بتريحك بس لازم تتكلمين رغد لازم تقولين لي
لو اي احد سوا لك شي صدقيني بوقفه عند حده
و ظلت ضامه بنتها و رغد تصيييييح و لما هدت رغد مسحت دموعها و طالعت امها
رغد : ماما ما ابي بابا يعرف ما ابيه يتعب بسببي
ام رغد خافت كثير خافت يصير شي كبير الي صار لـ رغد : لا تخافين قولي لي انتي و لا تخافين من شي
تنهدت رغد بعدين قالت لامها كل شي الكلام و الاحتقار الي شافته بـ عيون الناس
سمعتها الي تشوهت و آخرتها لما لحقها فواز و سامي انتبه له و برضو عطاها نظرة احتقار
ام رغد انصدمت من كل الكلام الي قالته رغد و رغد رجعت تبكي
رغد : ماما و الله ما كنت اعرف ما كنت اعرف ان فيه ناس بـ الحقارة هذي و انهارت من جديد
ام رغد كانت ساكته ما قدرت تعلق انقهرت من اللي صار لـ بنتها و هم ما عرفوا
ام رغد : استقلتي ؟
رغد : لاااا ما قدرت اسوي شي جيت للبيت على طول
ام رغد : انتي لا تروحين للدوام خلاص و خلي الباقي علي و حتى الاستقاله
رغد و هي تبكي : ماما و سمعتي و الاحتقار الي اشوفه انا واثقه من نفسي بس محد يدري محد يدري انه كذاااب
ام رغد حست بـ بنتها و حست بالقهر من فواز : ما عليك رغد صدقيني حقك بيرجع لك
و جلست ام رغد تفكر وش تسوي ..


نترك رغد و نروح لـ مي ..
استغفر الله ما عاد انام زي العالم و الناس
حسبي الله عليك يا ناصر بعدت النوم عن عيوني
استغفر الله بس مدري كيف بتنحل المشكلة هذي وش بسوي يا رب
من اقول له من بيوقف معي .. بس وش اقول وش اقوول
يا رب استر علي يا رب استر علي مالي غيرك
طلعت و جلست تقلب بـ التلفزيون و شوي دق تلفونها
شافت المتصل و ردت : هلا هلا و الله بهالصوت
ساره : ههههههههه وش هـ الترحيب
مي : ادري انك ما كلمتيني الا ان الجوري مزعجتك تبيني ههههه
ساره : يا سلااااام مو حب فيني يعني
مي : صراحه شوي بس لك بس الغالب لجوري
ساره : بعد تقولينها بوجهي
مي : احسن من ما اقولها من وراك
ساره : هههههههه مالت عليك بس خذيها مزعجتني من اول ما صحت
مي : فديتها انا هاتيها
الجوري : عممممه مييي تعالي خوديني انا طفثااانه ما فيه احد عندي
مي : و امك وينها عنك
الجوري : لا لا انا طفثاانه مليت من ماما دايم اثوفها ابيك انتيي انا احبك
مي : هههههههههه انا اموت فيك
الجوري : عمه مي انتي ثح ثرتي ثاطره و لا عاد تثيحين
مي اووف وش ذا الورطه : لا يا حلوة ما عاد اصيح ..
الجوري : اييه لا تثيحين و اذا احد ذعلك مرة ثانيه دولي لي انا اذلبه او اهاوثه
مي : هههههههههه فديتك يا ناس ابد و لا يهمك على طول بجيبك تفزعين معي
الجوري : كيف يعني ؟
مي : ههههه يعني تهاوشين الي يزعلني
الجوري : لا تدولين ملة ثانيه كلام ثعب
مي : هههههههه و لا يهمك
اخذت ساره من الجوري التلفون : مي وش تخرط عليك هذي
مي : اندري عنها هههههه
ساره عقدت حواجبها : فيه احد مزعلك مي ؟
مي : ما عليك مشكلة صغيره بس و انحلت الحمدالله بس جوري كانت عندي
ساره : ايه خوفتني احسب فيك شي
مي : لا لا لا تخافين
ساره : اشوا .. المهم مي انا بسكر خليني اقابل هـ البنت و اسوي الغدا
مي : اوكي ربي يحفظك
سكرت ساره و تنهدت مي اووف كانت جوري بتفضحني
انا بعد عجزت امسك نفسي قدامها بس وش اسوي يا كرهي لك يا ناصر
و دق التلفون .. اووف ذكرت القط جاء بينط استغفر الله وش ذا الصبح عليه
و ردت بدون نفس : خير
ناصر : انتي الظاهر ما راح تعقلين ؟
مي : اووف وش تبيني اسوي لك اضحك يعني و انت تكلمني
واحد يكلمني و جالس يهدد وش تبيني اسوي قل لي اضحك انبسط ارقص مثلاً
ناصر : لا تتطنزين انتي و وجهك
مي : تكفى انا مو بمزاج يسمح لي اكلمك
ناصر : مو انتي الي تتحكمين و تقولين مالك مزاج او لا انا ان بغيت اسكر بسكر تفهمين حتى لو سكت ولا تكلمت
مي : انت ما تفهم انت انسان حقير و ربي حقيرررررررر
ناصر معصب : مي احترمي نفسك و الا و ربي ما راح تشوفين اي خير
مي : من وين يجيني الخير منك
ناصر رفع صوته : صدقيني ان كمليتها او قلتي كلمة زياده يا ويلك
مي خافت صدق و سكتت ما عاد تقدر تتحمل الي يصير لها
و سكت ناصر يهدي نفسه بعدين قال : اسمعي انا بسولف معك و اي شي ابيه تنفذينه مفهوم
ان كلمت ردي على طول عندك احد ما عندك مالي شغل ردي و قولي لي
مي تنهدت و قالت بانكسار : اوكي
ناصر : و اللحين بسكر موب فاضي لك وراي شغل
مي كان ودها تقول له كني ميته عليك او انا الي مكلمتك بس كانت خايفه منه و قالت : اوكي
و سكر ناصر بوجهها و هي هنا جلست تصييييح تحس ان كرامتها انجرحت و كل مالها تنجرح اكثر من انسان ما يستاهل


نرجع لام رغد الي قررت وش بـ تسوي بس كانت تنتظر بناتها يرجعون ..
ام رغد : شهد انا كلمت ابوك و بيتأخر اليوم شوي و انا بطلع لا تخافون اوكي
شهد : وش عندك ماما
ام رغد : ان جيت تعرفين ..
المهم انتبهي على رغد و ان جاء ابوك و انا ما جيت قولي له اني رحت مشوار شوي وراجعه
شهد : ان شاء الله
طلعت ام رغد و شهد استغربت وش يطلع امي هـ الوقت غريبة !!
اما ام رغد اخذت السواق و طلعت للمستشفى الي تشتغل فيه رغد
لما وصلت نزلت و بكل ثقة كانت تمشي
و تطالع بممرات المستشفى و تشوف الي يشتغلون و تذكر كلام بنتها و تنقهر اكثر
شافت وحده و قالت : لو سمحتي
مايا : آمريني .. شو بخدمك ؟
ام رغد : انا ابي اعرف وين مكتب المدير ؟
مايا : مكتب المدير مو بهاد الدور بدك وصلك اله
ام رغد : يا ليت
مايا : بس هو ما وصل ما بيجي الا بعد نص ساعه
ام رغد تنهدت و قالت : مو مشكلة انتظره
مايا : بس معليش مدام ما بتئدري تنتزريه بمكتبه
ام رغد عقدت حواجبها بعدين قالت : مو مشكلة انتظره بأي مكان
مايا : اوكي انا بوصلك للمكتب او لاي مكان بدك ياه
ام رغد : اوكي
انتبهت على دكتور كان جاي و يتبسم و جته ممرضة : دكتور فواز .. دكتور فواز
فواز لف ع الممرضة : نعم ؟
الممرضة : المريض الي بالغرفه الي قابلنا مو راضي ياخذ اي شي يقول لازم اشوف الدكتور اول
فواز مط شفايفه : اووف منهم هـ المرضى طيب بروح اشوفه
ام رغد شافته بنظرة احتقار طويلة و قهر و هو انتبه لها وش عندها هذي تطالع فيني كذا !!
مايا برضو انتبهت لها و عقدت حواجبها و عطت فواز برضو نظرة و انتبهت لها ام رغد
لان فواز جاهم على انه بيكلم مايا و هو بيشوف من هـ الي جالسة تناظرة بالشكل هذا ؟
فواز : مايا
مايا بدون نفس : اي خدمه دكتور ؟
فواز رفع حاجب بعدين قال : ابيك تجين معي للمريض الي بالغرفة هذي و اشر ع الغرفه
مايا : آسفة دكتور المريض مو تحت خدمتي انا و ما راح اجي معك
ام رغد الي كانت تطالع الموقف و تذكرت ان رغد قالت لها عن مايا
فواز عصب : لا تنسين انك ممرضة هنا
مايا : ممرضه هوون بالمستشفى دكتور مو عندك ؟
فواز عصب و عطاها نظرة و راح للغرفه
ام رغد : انتي مايا صاحبه رغد ؟
مايا لفت عليها : ايه مدام انتي بتعرفيها ؟
ام رغد ابتسمت : انا امها
مايا : اهلييين خاله اهلييين سوري ما عرفتك
ام رغد : لا عادي حتى انا ما عرفتك
سكتوا شوي بعدين قالت ام رغد : مايا انا ابي اكلم المدير علشان الي صار بـ رغد
مايا : اوكي خاله هو اللحين ع وصول انا بوصلك اله
ابتسمت ام رغد و قالت : اوكي .. حلو
لما وصل المدير راحت مايا و وصلت ام رغد لـ مكتبه
دخلت ام رغد المكتب ..
المدير : آمري وش نخدمك فيه ؟
ام رغد : لو سمحت انا جاية اقدم استقاله بنتي رغد الـ .... و برضو اقدم شكوى على دكتور عندكم
المدير عقد حواجبه : وش فيه آمري وش صاير ؟
و قالت له ام رغد كل شي و انه حاول يعتدي على بنتها و فيه شاهد على كلام بنتها
المدير انصدم من اللي سواه فواز و انحرج من ام رغد كثير : اسف و الله ما كنت اعرف بس صدقيني راح اواجه الدكتور فواز و نشوف
هو دكتور كويس و لا ودنا نخسره بس مدري وش اقول لك
ام رغد : هو شوه سمعة بنتي دكتور و حنا ما نسمح بالشي هذا مهما كان و لا أعتقد انك انت بتسمح فيه
المدير تنهد : انا بناديه اللحين و نشوف وش عنده بس ابي اعرف من الي شافه يدخل الغرفه و لحقه ؟
ام رغد تتذكر بعدين قالت : اييه الدكتور سامي و برضو فيه ممرضة اسمها مايا
المدير : اوكي .. و طلبهم الاثنين و برضو طلب مايا
فواز و سامي استغربوا وش يبي منهم المدير اما مايا الي كانت تعرف حاولت تخلص شغلها بسرعه علشان تروح له
و وصل فواز اول و لما دخل شاف نفس الحرمه الي احتقرته و عقد حواجبه
فواز : نعم تبيني بـ شي دكتور طلال ؟
طلال : دكتور فواز هذي ام رغد و تشتكي عليك
فواز عقد حواجبه : أنا ليه وش سويت ؟
ام رغد كانت جالسة ببرود وثقه بس من جواتها مقهوره منه يتكلم بكل ثقه
قال له الدكتور طلال كل الي سواه
فواز : لا و الله انا وش ذنبي دكتور لما احد يطلع حكي
بعدين كمل بلهجه اشمئزاز : بعدين مو مشكلتي لو البنت مو كويسة
طلال : دكتور فواز حنا نتكلم بكل احترام و محد غلط عليك
فواز : برضو دكتور طلال ما اعتقد انت تسمح لاحد يهينك
ام رغد : دكتور فواز بنتي عندها شاهدين على الي سويته
فواز بكل ثقه : جيبيهم و انا اواجههم سهله
طلال الي ما يدري من يصدق بس هو يعرف ان فواز له مغامراته بس ما توصل للدرجه هذي !!
و دق الباب و دخل الدكتور سامي و وراه مايا
سامي استغرب من الحرمه الي جالسه عند المدير و استغرب اكثر من الاستدعاء له و لـ فواز و مايا وش السالفة !!
طلال : دكتور سامي انت و الانسه مايا انا بقول لكم كل شي بس لازم تقولون لي الي تعرفونه
سامي : اوكي دكتور !!
مايا : انا مستعده آول كل شي
و قال لهم طلال كل شي و سامي انصدم ما دامت امها جايه و البنت استقالت معناتها الي صار امس ايش !!!!!
طلال : دكتور سامي ؟
سامي : ......
طلال عقد حواجبه و فواز كان واقف بـ ثقه
مايا : دكتور طلال انا بعرف كل شي من بدايته و بئول كل شي
طلال : قولي ؟
و قالت لهم مايا كل شي الى الكلام الي طلعه فواز
ام رغد هنا ما قدرت تمسك اعصابها و قالت : يا حقيررر تحسب سمعة الناس لعبة بيدك
فواز طالع مايا و بعيونه شر
اما سامي الي كان مصدوم اخيراً تكلم : يعني امس كنت ناوي بـ البنت شر لما لحقتها للغرفة ؟
الدكتور طلال هنا صدق عقد حواجبه : دكتور فواز السيده ام رغد تطلب منك ترد اعتبار بنتها ع الكلام الي طلع
انا ما راح اوقفك او اسوي اي شي بس اتمنى ان الموقف ما يتكرر
ام رغد : بس دكتور هذا عقابه
الدكتور طلال : الدكتور فواز دكتور ممتاز و لا اقدر استغني عنه بس اهم شي يرد اعتبار بنتك و لا يصير خاطرك الا طيب
و غير كذا دكتور سامي انت شفت الدكتور فواز يسوي شي ؟
سامي : انا شفت رغد راحت الغرفه و راح هو بيدخل الغرفه و رحت انا معه
فواز : انا ما رحت ناوي شي عادي ما دريت اصلا انها هناك
طلال : انا ما بيدي شي غير الي قلته بس ع الكلام ينرد اعتبارها بس ما فيه شي ضد الدكتور فواز اسف ..
سامي انقهر بس ما بيده شي يقول انه كذاب و انقهر اكثر من تصرف الدكتور طلال بس وش يقول !!
و ام رغد انقهرت اكثر من كلام الدكتور طلال و فواز و قالت : يعني هذا رد اعتبار بنتي !!
شكرا دكتور و شكرا انت استاذ فواز بس اهم شي تتحسن سمعة بنتي بالمستشفى و غيره لا صدق ان حقوقنا ضايعه
و طلعت و تركتهم و هي معصبه هذا الي قدره ربي عليه !!
طلعت مايا وراها : خاله خاله
ام رغد : اهلين
مايا : اسفة ع الي صار ابل شوي يحء لك تعصبي
ام رغد : ما عليه مايا انتي مالك ذنب
مايا : ع الآليلة الي بـ المشفى يعرفوا انوا مو كويس
ام رغد : مو مشكلة مايا و مشكورة تعبتك معي
مايا : و لو خاله هاد واجبنا .. و سلمي ع رغد كتير
ام رغد : اوكي
طلعت ام رغد من كل المستشفى و هي مقهوره بس ع الأقل حاولت و ردت اعتبار بنتها لو بالمستشفى بس !!
اما سامي الي طلع هو و فواز سوا طالعه و قال : ما كنت متوقع ان الحقارة توصل فيك لـ درجه انك كنت ناوي نية خبيثه للبنت
فواز : يووه تكفى انت و محاضراتك سامي .. بعدين انا ما سويت فيها شي لو سويت تعال كلمني
و طنشه و مشى و انقهر سامي و انقهر من نفسه لانه صدق الحكي الي طلع عن رغد بس وش كان بامكانه يسوي !!


نروح لـ بيت ابو عادل ..
كانت لمياء توها واصله لبت عمها و دخلت مع رنا
و قابلوهم عادل و فهد اللي بيطلعون
عادل : و انا اقول ليه بيتنا مظلم صارت لمياء عندنا
لمياء : لا و الله تو ما نور بيتكم و الظلام الي تشوفه الجزء الي انت فيه
عادل : هاهاها ما تضحكين
لمياء : لا لا عاد انت الي تموت من الضحك
فهد : اقول انت و اياها بنتأخر و انتم تتناقرون ما تتعبون
عادل : قل ما شاء الله
لمياء : ايه قل ما شاء الله استغفر الله بس
عادل : ملاحظة انهم ما يشوفون غيرنا
لمياء : الشهره الشهره
عادل : صدقتي و الله
فهد : قلبوا علي
رنا : ههههههههه ايه خالد مو فيه يقلبون عليه
فهد : و انتي صادقه هههههه
عادل : اقول يلا آخرتنا قدامي
فهد هز راسه : انا الي مآخرك بعد طيب طيب اخوي الكبير وش اسوي
لمياء : هههههه الي يشوفك يقول مغلوب على امره
عادل وهو يسحب فهد : اييه مرة ينرحم
و طعوا و البنات يضحكون على اشكالهم
راحوا البنات لغرفة رنا
لمياء جلست و قالت : يلا اللحين تقولين لي وش السالفة
رنا : خلينا نقول بسم الله اول
لمياء : مااااااالي شغل ابي اعرررررف
رنا : ههههههه طيب طيب بقول
و تقول لها رنا عن رياض و كيف كلمها
لمياء : و الله وقح
رنا : شفتيي كيف حقيررررر
لمياء : صدق ما يحس هـ الانسان استغفر الله بس مرررررريض
رنا : ما علينا منه ما ابي انكد على نفسي
لمياء : و انتي صادقه .. الا وينها مها ؟
رنا : بغرفتها نايمه .. يختي مدري وش عندها
لمياء : يلا متى ما بغت تتكلم انتم عندها
رنا : الله يهديها بس !!