الجزء الثالث .،


بعد 3 أسابيع ..
في الصباح انفتح باب بيت ابو عادل
و الكل جالس يفطر دخلت عليهم مها
رنا : مهااااا لا لا ما اصدق
مها و هي تبتسم : السلام عليكم
ابو عادل : هلا هلا ببنتي كذا تجين بدون ما تقولين لنا
مها : هههههههه حبيت اسويها مفاجآة بابا
ام عادل و هي تبكي و تضم بنتها : احلى مفاجآة و الله
عادل : خلاص خلاص بقوا لنا شوي
مها : اهليين عدول
عادل : تدرين للأسف بقبل منك الدلع هـ المرة لانك توك جايه و مبسوطه ، الا صدق على طاري الوناسة وين زوجك المصون
مها : هههههه بيجي يتغدى هنا اللحين راح
فهد : احم احم نحن هنا و الا بندر منسيك العالم و مخليك ما تشوفيننا الا بالتقسيط
مها : هههههههه وش دعوه فهد هلا هلا و تروح تسلم عليه
ام عادل : هذا احلى يوم عندي ما اصدق اخيرا رجعتوا
مها : هههههه ماما الي يشوفني يقول لي سنين بعيده
رنا : و الله لك وحشه مها مرة وحشتينييييي
ابو عادل : ههههه ايه انتي الي خسرتي من هـ الزواج
مها : ههههههه وش دعوه بجيك كل يوم و لا يهمك رنوي
و بعد ما جلسوا ساعه مع بعض جت رنا و مسكت يد مها و سحبتها معها
رنا : هههههههه يلا يلا بس تعالي و قولي لي كل شي وش سويتوا و كل شي
عادل : هههههه شوي شوي عليها
البنات بغرفة رنا ..
مها : و الله يا رنا مرة انبسطت كانت احلى ايام حياتي
رنا : و كيفه بندر معك ؟
مها : ههههههه الحمدالله تمام ، صايرة امي رنوي
رنا : خايفه على مستقبلك هههههه
مها : و انتم اخباركم اخبار لمياء و خالد و عمي و زوجته
رنا : كلهم بخير يسألون عنك اييه صدق خل اوريك الفستان الي شريته لعزيمتك
مها : متحمسه انتي هههههه
رنا : اييه و الله اشتقت لك يالدووبه
و يجلسون الثنتين و تشوف مها الي شرته رنا من لندن
مها : و الله كله حلو بالذات الفستان مرة نعوووم
رنا : زين عجبك انا مرة كنت خاقه عنده و اقنعتني لمياء اخذه
مها : الا صدق على طاري لمياء ابي اروح لهم بعد العصر اليوم
رنا : خلاص بقول للمياء بتنبسط مرررة
مها : لا لا خليها مفاجآه أحسن
رنا : هههههههه اوكي مع ان لمياء تكره المفاجآت
مها : ما علي منها هههههه
و بعد ما جلسوا مع بعض و سولفت مها لرنا عن كل شي و رنا نفس الشي نزلوا للغدا
و جاء بندر و جلس معهم
عادل : هاا بندر قل لي لو اختي جننتك شي
مها طارت عيونها : اخ عادل تراك اخوي سندي تجي تقوله هو ان كنت غاثته
بندر : ههههههههه و الله وش يسوي مها عادل حبني و حس اني دايم صح
مها : اييييييه طيب طيب اكرهكم
ابو عادل : هههههههه الا بنتي عاد اتركوها بحالها بندر انتبه ترا مها غاليه
بندر : بعيوني يا عمي
مها مبوزة : صباح الخيرررر
عادل : ههههههههههه و الله انك نكته مها
مها : مالت
مها بصوت واطي : بندر
بندر : هلا
مها : ابي اروح لعمي بعد العصر مع رنا اوكي
بندر : اوكي يعني اخذك من هناك
مها : ايه و تعال انت مع ابوي لو قهوه بس
بندر : اوكي مو مشكلة يا قلبي
عادل : هيييه انت و اياها لا تتهامسون عندكم كلام قولوه بصوت عالي
بندر : ياخي انت شدخلك جالس اتغزل بزوجتي
مها هنا انحرجت مرررة بالذات ان بندر يتكلم كذا عند ابوها
ابو عادل : ههههههههههههه خلهم يا عادل كيفهم انت ما تخلي احد يرتاح
فهد : لا يبه بس فاقد لمياء و لا يدري وين يودي طاقاته
مها : هههههههههه و هذولي للحين
عادل : الى بكره


/


بعد العصر ..
بغرفة لمياء يووووو مرت على رجعتنا 3 اسابيع ما أصدق الأيام بسرعه مشت
بس غريبة على كلام مساعد اليوم يبينا نبدا لعب معقولة اليوم بيكلم لا لا لمياء ان شاء الله لا
بس ليه انا خايفه احس اني ورطت نفسي بشي كبيررر انا مو قده اكره نفسي
اووف محتاجه اتكلم مع احد ليتني اقدر اتكلم بس يا ربيي مرة خايفه مرة احس الأيام الجايه ما راح تجيب لي خير
انا شفيني صايرة كذا غبيه لمياء غبيه اكره نفسي اكرهها

.. : بوووووووووووووووووووووو
لمياء : بسم الله و فزت من مكانها
بعدين شافت الي دخل عليها ، رناا اكرهك اكرهك اولا كيف جيتي و بعدين ليه كذا تدخلين علي هاااه
رنا : بسم الله هذا بدل ما تقولين اهلين ببنت عمي بصديقتي اكلتيني
لمياء : مالت كيف تبيني اقول لك كذا و انتي داخله علي بهالشكل
رنا : خلاص خلاص اكلتيني ما تسوى علي
لمياء : بعدين ليه جيتي بدون ما تقولين لي
رنا : ما دريتييييي
لمياء : ادري عن ايش
مها : اهليييين يا حلوة
لمياء تصارخ : مهااااااااااااا لا لا ما اصدق يالبايخه جيتي و لا قلتي لي
و انتي الثانيه بعد تعرفون ما احب احد يسوي لي مفاجآه اكرررررررهكم
مها : بسم الله قولي الحمدالله ع السلامة اول صدق لمياء ما تتغيرين ههههههه
رنا : ما فيه امل تتغير هههههههههههه
لمياء : هههههه هلا مها و الله لك وحشه يالدوبه كيفك و اخبار بندر معك هااا قولي لي بس ان كان سوا لك حركه وحده
مها : هههههههه لا شكرا مو مستغنيه عن زوجي للحين
لمياء حطت يدينها على خصرها : وش شايفتني وحش
رنا تاطلع في لمياء : ما يحتاج تشوف
لمياء : مالت عليكم اتفقتوا علي اللحين
مها : ههههههههه يلا البسي بس و تعالي تحت كلنا جالسين
لمياء : اووكي يعني بتتعشون عندنا
مها : يس
لمياء : وناااااسة خلاص دقايق و انا نازلة
رنا : يعني ساعات
لمياء : برا برا
مها : هههههههه يلا نطلع لا تذبحنا بعد شوي
و طلعوا الثنتين و هم يضحكون على خبال بنت عمهم
شوي الا لمياء نازلة و هم جالسين مبسوطين و يسولفون و جلست تسولف معهم
و مع السوالف و الوناسة جت الساعه 1 و مها بتروح لبيتها
لمياء : و الله قهر ما بعد خلصت السوالف
مها : و لا راح تخلص خل اروح لزوجي بس ينتظرني انتم مو فايديني
رنا : يا عيني صرنا نعرف نطلع بدري بعد
مها : هههههه اي يا ماما تزوجي و تعرفين
لمياء : ههههه روحي روحي بس لا يذبحك
مها : يلا باي بنات اشوفكم على خير
لمياء و رنا : بااي
طلعت مها و جو عادل و خالد و فهد
عادل : اهلا اهلا
لمياء : لا حول و لا قوة الا بالله اللهم طولك يا روح ملاحظ انك تتمشى بالبيت كنه بيت ابوك ؟
عادل : تغطي عني و راح اطق الباب قبل ادخل و يمد لسانه عليها
لمياء : لا تحدني اسويها
عادل : ههههههاي ضحكتيني بعدين انتي الي بتخسرين شوفة طلعتي البهيه
لمياء : وععع ما بقى الا اخسر شوفتك انت
فهد : نفسي مرة اشوفكم هاجدين و لا تتناقرون حشا
خالد : يجيبون الصداع
رنا : ههههههه من جد
لمياء و عادل بصوت واحد : مااااااالت عليكم
لمياء : الا عادل صدق تذكر الصورة الي صورتها لخالد يوم بلندن
عادل : اي صورة
لمياء : ههههههههههه الصورة ههههههههههه
عادل : اييييه ايييه هههههههههه هاتيها تكفين ابيها
خالد : لحوول و انتم ما تتفقون الا علي و انتي بعد ما قلتي لي انك مسحتي الصورة
لمياء : ما قدرت معليش خالد ههههههههه صدق نسيت اوريها مها ههههههههههه
رنا : حرام عليكم ههههههههه
عادل : وصلت الصوره هههههههه و الله شكلك رهيب خالد
فهد : و الله الله يعينك عليهم خالد ههههه انا ابي افهم شي واحد ليه ما يتفقون هـ الأثنين الا عليك
خالد : انا داااااااااااري
لمياء : ههههه مسكين يا اخوي الا صدق رنا ليه ما تنامين عندي اليوم
رنا : مدري و الله
لمياء : بليززززز رنوي
عادل : لا موب نايمه
لمياء : انت شدخلك
عادل : اخوها الكبير و ولي امرها
لمياء : ماالت اصلا انا بروح اقول لعمي و اجلس بحرتك
رنا : هههههههه طيب خلاص لمياء خليها بعدين و الله اللحين ما فيني حيل و فيني النوم و انتي ما راح تخليني انام
عادل : ايواااااااا فشلتها
لمياء تطالعه من فوق لتحت : مسكين ما تعرف تفرق بين التفاهم و التفشيل
عادل كشها
فهد : هههههههه خلاص تكفون
و بعد كل هـ الضحك طلعوا العيال من عند عمهم
و بغرفة لمياء اووف طفش ليت رنا نامت عندي اووف
و بهاللحظة دق جوال لمياء رقم غريب
لمياء و هي رافعه حاجبها خير من الي بيدق هـ الوقت اوف مالي خلق ارد
و طنشت و جلست تغير ملابسها شوي الا جاها مسج
فتحته لمياء و تنحت
لمياء معصبه : خيرررر و قلبي بعد هذا شايل الكلفة على طول اووف وش يبي اللحين وقته الغبي
و يرجع يدق جوالها و ردت
لمياء : نعممم
مساعد : هلا هلا و الله بهالصوت
لمياء : خير ؟
مساعد : اووف البنت معصبه
لمياء : اللهم طولك يا روح
مساعد : اول شي تحمدي لي بالسلامة
لمياء : نعمم !!
مساعد : انا بالرياض اللحين
لمياء : اووف اشوف الرقم تراني مو غبيه
مساعد : اها زين حسبتك غبيه بس تدرين غبيه ازين من انك ما تفهمين بالذوق
لمياء و عصبت : اوووووف وش تبي انت لندن خلاص راحت و انسى كل شي فيها
مساعد : لا و الله و انتي نسيتي اتفاقنا الي اتفقنا عليه هذا الشهر خلص و بنبدأ
لمياء : بس انا غيرت رأيي
مساعد : لا و الله و هو بكيفك توعديني بعدين تغيرين رأيك
لمياء و كنها بدت تخاف و بان هـ الشي على صوتها : انا ما ابي العب هـ اللعبه
مساعد حس ان صوتها تغير : و ليه ؟؟
لمياء و تحس شوي و تبكي : بس ما ابي مقدر اكمل
مساعد : و انا ابي اكمل و برجع ازعجك عاد اللحين عندك بالرياض بعد
لمياء بينها و بين نفسها : اووف يا ربيي انا ليه وافقت من الأول وش يبي هذا مصر يعني
مساعد : الـوووو
لمياء : طيب بمشي معك للأخير و بعدين و آخرة هـ اللعبه ايش ؟
مساعد : كيف ؟؟
لمياء : يعني حنا جالسين نلعب لعبه و آخرة هـ اللعبة ايش ما راح تستفيد و لا انا بستفيد
مساعد : انتي شعرفك حنا نبدا و نشوف آخررتها ايش
لمياء : ...
مساعد : شفيك ؟
لمياء : الحمدالله ع السلامة
مساعد مات ضحك : هههههههههههههههههههههههههههههههههههه
لمياء عصبت : شفيييك تضحك
مساعد : ههههههههههههه صباح الخير اللحين لي ساعه اكلمك توك تذكرين تقولينها هههههههههه صدق انك عجيبه
لمياء انقهرت : الي اردى منك الي يتحمد لك ع السلامة
مساعد : هههههههههه خلاص خلاص ههههههه
لمياء : انا جاني خط بسكر
مساعد : امم اوكي انا بنام اللحين و بكلمك بكره
لمياء : اوكي ، باي و سكرت على طول
مساعد : ههههههههههههه و الله فلته هـ البنت و الله اني فقدتها كانت معطيتني جو لما كنت هناك
امم بس لازم اعرف كيف اخذ منها السوالف شكلها صعبه بس نشوف يا لمياء ان شاء الله موب خالصة الأربع شهور الا و انا عارف كل شي عنك
و دق باب غرفة مساعد بهالوقت
مساعد : ادخل
ملاك : مساعد انت صاحي
مساعد : ههههههه وش ذا السؤال
ملاك : هههه مدري بس طفشت لحالي و سمعت صوتك تضحك قلت اكيد صاحي
مساعد : ليه ما نمتي للحين
ملاك : طفشاانه مالي خلق بعدين ما جلست معك اليوم كثيرر قلت اجي اسولف معك شوي ما دمت صاحي
مساعد : اووكي تفضلي يا اختاه
ملاك : هههه طيب
و جلسوا ملاك و مساعد يسولفون سوا
( ملاك هي اخت مساعد الوحيده اما البقية كلهم اولاد و بيجون مع الأحداث )
بغرفة لمياء الي كانت ترجف من الخوف
اووف انا ليه كذبت و قلت معي خط بس صدق 3 اسابيع مدري عنه و فجأه يرجع اووف ما ابي اكمل ما ابي
وش جاني انا راس مالها لعبه و ان شاء الله اعرف كل شي عنه و بعد ما تخلص الـ 4 شهور افتك منه
يااا ربييي مرة مدري شسووي مرة خاايفه من الي يصير يا رب ساعدني
و نامت لمياء و هي تفكر


/


اليوم الثاني العصر
لمياء توها صاحيه من النوم و تكلم مي
لمياء : اوكي مي خلاص خلاص طييب
مي : اي لمياء و لا تنسين بعد
لمياء تقاطعها : مي بليزز خلاص و الله راسي مصدع
مي : انتي شفيك اليوم
لمياء : ما فيني شي ، مي انا بسكر اللحين ابي اكل شي و ارجع اكلمك اوكي
مي : اوكي و هي متعجبه من لمياء
رندا : شفيك ؟
مي : غريبة لمياء اليوم اول مرة اشوفها مالها خلق كذا
رندا : يووه مي ما تعرفين لمياء ان ما صار لها مزاج خلاص تقفل مرررررة
مي : اي بس مدري ليه استغربت
رندا : عادي يا شيخه تلاقينها توها صاحيه و لا لها خلق
مي : يمكن

لمياء : يااااتي وين غدااي
ياتي : هدا مدام
لمياء : اووف كم مرة قلت لك لا تقولين مدام
ياتي : تيب مداام
لمياء : اووف خلاص روحي شكرا
راحت الشغاله و لمياء مرة معصبه اكلت شوي و خلت اكلها
اووف حسبي الله عليك يا مساعد الزفت سديت نفسي عن كل شي الله يخلصني من هـ الأربع شهور على خير
و مسكت لمياء تلفونها و دقت على الجوهره
الجوهره : هلا مساء الورد
لمياء : هلا الجوهره سوري امس ما رديت عليك كانوا عندي بنات عمي
الجوهره : عادي يا قلبي اجل مها رجعت من شهر العسل ؟
لمياء : اي رجعت
الجوهره : الحمدالله على سلامتها
لمياء : الله يسلمك
الجوهره : شكلك توك صاحيه من النوم
لمياء : امم تقريبا ليه
الجوهره : ما يحتاج شوفي اسلوبك ههههههه دايم تصيرين مقفلة و لا لك مزاج ان صحيتي
لمياء : ههههههه شسوي عاد طبع فيني ما يتغير
الجوهره : هههههه من جد و لا فيه امل
لمياء بقلبها : اييييه مرة كله نوم الا ما اقول الا حسبي الله عليك يا مساعد انا شلقفني و وافقت على لعبته الغبيه مثله اوف
الجوهره : الووو لمياء شكلك جد متنحه خليني اسكر اللحين و اكلمك بعدين اوكي حبيبي
لمياء : سووري جوجو بس صدق احس اني دايخه شوي اليوم
الجوهره : ههههه عادي يلا اكلمك بعدين
لمياء : اوكي باي
اووف منك يا مساعدوه شفيني انا على الولد انا الي رضيت بعد اوف بس هو الي بدى
انا شفيني اللحين اتكلم مثل البزران هو الي بدى و انا وافقت غبيه غبيه

خالد : مين الغبيه ؟
لمياء توها تنتيه انها تكلمت بصوت عالي : هااااا
خالد يطالع في وجه اخته متشكك : شفيك انتي موب صاحيه
لمياء : ما فيني شي
خالد : اجل شفيك معصبه و الا توك تصحين هههههههه
لمياء : اووف شفيكم كلكم علي درينا اني ان صحيت يطلع مزاجي معفن
خالد : زين عارفه هههههههه ليت عادل هنا و الله لا يضحك عليك الى بكره
لمياء : مالت عليك من اخو و راحت لغرفتها و تركته


/


في مكان ثاني كان فيه واحد توه داخل البيت و يصارخ : يا اهل البيت وينكم
يا هوووه يا عالم
ريم : ديم انا خايفه امي و ابوي مو فيه
ديم : لا تخافين تعالي وراي
و كل وحده جالسة ترجف و هي تسمع الصوت
لما وصلوا نص الدرج كل الثنتين صرخوا بوقت واحد
ريااااااااااااااااااااااااااااااااااااااض
رياض : بسم الله هههههه وش فيكم وش هـ الي ماسكينه بتروحون حرب
ديم : يالدووب خوفتنا
ريم : ريااض اخوي اخيرا جيت و تنزل بسرعه تسلم عليه
رياض : و انتي شفيك للحين بمكانك ههههههه
ديم : استوعب الموضوع و اتأكد ان كانك اخوي او تلعب علينا
رياض : هههههه ما تغيرتي
ديم تنزل و تسلم على اخوها : و الله مشتاقين لك يا رياض يا دب
رياض : و انا اكثر و الله اجل وين ابوي و امي
ريم : اللحين جايين مدري وين رايحين له حنا صحينا و لا لقيناهم
ديم : خونه
رياض : هههه اتركي طوالة اللسان عنك يا بنت عيب هذولي ابوك و امك
ديم : اوهوو جانا المؤدب
ريم : ههههه
رياض : ما تغيرتوا ابدد للحين ريم الهاديه و ديم الهبلا
ديم : الي يشوفك يقول هذا له مليون سنه تراك زايرنا قبل سنتين و الا نسيت
رياض : هههههههه لا لا ما نسيت خلاص لا تاكليني
ريم تفكر بنفسها و الله بتفرح رنا كثير لو درت بس هو ما سأل عنها حتى لا يمكن علشان ديم معنا او لانه توه واصل و الله مدري عنك رياض

شوي دخلوا ابو رياض و امه
ديم : بسرعه رياض اجلس هناك
رياض : ليه ؟
ديم : اووص اجلس و انت ساكت
جلس رياض و هو مستغرب
ديم : ماما بابا عندي لكم مفجآة بس قبل وش تعطوني عليها
ابو رياض : ههههه انا عن نفسي موب معطيك شي
ام رياض : و انا تبع زوجي
ديم : اووف ما دريت انكم بخيلين كذا بس ما عليه اتنازل و اخليكم تشوفون احلى مفاجآة
ريم : هههههه ماما بابا ادخلوا الصاله فيه واحد ينتظركم
ابو رياض : واحد ؟!!!!
و دخلوا الاثنين و انهبلوا لما شافوا ولدهم
ام رياض و هي تبكي و ضامه ولدها : ما اصدق اخيرا يا رياض اخيرا رجعت
رياض : خلاص يمه هذاني رجعت لك و بتشبعين مني بعد
ام رياض : ما اصدق اخيرا يا ولدي
رياض : اخيرا افتكيت من امريكا
ابو رياض : و الله احلى خبر سمعته يا ولدي اخيرا
الكل كان مبسوط برجعة الرياض و كان مجتمعين و يسولفون و مبسوطين
و فيه ناس بامريكا مقهوره من رجعته
و ناس تفكر فيه و هو ما يدري


بعد أسبوع من أحداثنا الكل كان يتجهز لحفل مها
بـ الذات رنا و لمياء لانهم حاسين انهم تعبوا فيه

في بيت ابو خالد الساعه 4 العصر
لمياء : يااااااااتي وين شنطتي و جلست تتكلم مع نفسها بصوت عالي اوف وين ودتها هذي هذا وقتها بروح للفندق
ياااااااااتي
دخل خالد و هو يتحمد على اخته و راح لامه حب راسها : اقول وش فيها ذي
ام خالد : مزعجه العالم تبي تروح الفندق اللحين و جالسة تجهز اغراضها كنك ما تعرف اختك يعني
خالد : انا اعرف انها خبله يمه بس عاد كذا هههههههه صوتها طالع لبرا من الحماس ههههههه
ام خالد : قم قم بس لا تتطنز على بنتي حرام متحمسه لعزيمة بنت عمها من متى و هي تجهز لها مع رنا
خالد : و الله انكم فاضين ليه الزحمه هذي كلها
ام خالد : خلهم يفرحون بعدين مها ما سوت لها حفل زواج خلها تنبسط بزواجها
خالد : و الله يا هـ الشكليات تغثنييييي
ام خالد : عاد كيفك محد طلب رأيك
لمياء و هي نازلة و سمعت كلام امها الأخير : ههههههههه فشلته هههههههههه
خالد : بسم الله بعدين انتي وش دخلك
لمياء : بالله وش فشلتيه عليه ماما قولي لي خل اضحك اكثر
ام خالد تضحك على بنتها : ابد يقول العزيمه مالها داعي
لمياء : نعممممممم هذا الي ناقص بعد اسمع انت ترا ان شاء الله اذا تزوجت بتحط حفل زواج تفهم
خالد : زوجتي و انا مدري !!
لمياء : لا مو زوجتك بس ان شاء الله زواجك على يدي
خالد : اها بس محد بيزوجني غير امي الله يحفظها
لمياء : محد قال شي بس انا مع امك و الا انا مو اختك هاااا
خالد : روحي تكفين
ام خالد : خلاص انت و اياها صدعتوا راسي الي يشوفكم يقول بزارين ما يقول الصغيرة عمرها 20
لمياء : اييييه انا توني صغيرة
ام خالد : مو كأنك تأخرتي رنا ما راحت الفندق
لمياء : يوووووووه نسيييت لهيتوني بالسوالف اووف يلا يلا بروح ماما متى بتجين
ام خالد : على المغرب كذا انتم رايحين مرة بدري
لمياء : اووكي اجل انا اودعكم حاليا و راجعة لكم
خالد : فكه
لمياء : انت تتمنى اجلس عندك
ام خالد : لحووول ما صدقت اصرفكم انت و اياها
خالد : قوية لمياء امي تبي تصرفنا !
لمياء : اي و الله قوية افااا يا ام خالد كذا نهون عليك
ام خالد تضحك على عيالها : روحوا تكفون بتهبلون فيني انتم
لمياء حبت راس امها و قالت : يلا بااي
خالد و ام خالد : في حفظه


/


في الفندق رنا معصبه لان لمياء تأخرت عليها و هي لها ساعه لحالها
لمياء : هااااااااي
رنا : لا لا صباح الخير تو الناس كان ما جيتي لا و الثانيه مسوية فيها عروس بعد للحين ما جت تبون ترفعون لي ضغطي انتم
لمياء : بسم الله اصبري شوي خليني التقط انفاسي
رنا : لا يكثر اقول تراني معصبه عليك انتي و مهاا الثانيه بعد
لمياء تبوس رنا : خلاص لا تزعلين مني ما اهون عليك انا ادري
رنا ضحكت : مالت اقول المهم خل ننزل نشوف تجهيزات القاعه
لمياء : اووكي يلا
و البنات جالسين يشرفون ويشوفون القاعه و كيف تجهيزاتها
لمياء : رنا متى بتجي امك و مها ؟
رنا : يقولون المغرب الظاهر بيمرون امك و بيجون
لمياء : اهااا شكلهم كذا اجل مالت عليها مها على بالي بتجي معنا من بدري
رنا : حتى انا قهرتنيييي
لمياء : مو مشكلة اووف انا جوعاااااااانه
رنا : ليه ما اكلتي شي
لمياء : لا صحيت و جلست احوس و اتجهز
رنا : اجل خلينا نروح الغرفة نطلب شي ناكله و نرجع بعد شوي
لمياء : اووكي احسن بعد
راحوا البنات الغرفة و طلبوا لهم اكل و شوي جاهم و جلسوا ياكلون سوا
و هم ياكلون
لمياء : رنا اممم شصار على رياض ؟
رنا : وش جاب الطاري اللحين
لمياء : مو هو جاء يعني ما ارسل لك شي ما قال شي اي شي ؟
رنا : و الله مدري عنه لمياء خالتي تبي تسوي عزيمه له و الظاهر عازمينا كلنا و بيني و بينك مالي خلق اروح ابدد
لمياء : ليه خايفه ؟
رنا : من ايش اخاف لمياء من ايش
لمياء : امممم من انه مو مفكر فيك مثلا ؟ خايفه تكونين متعلقه بوهم و تنصدمين ؟
رنا سكتت و دمعت عينها
لمياء و حز في نفسها حال بنت عمها و اقرب الناس لها و قربت لـ رنا : رنا حبيبتي ما عليك منه لو هو مو مفكر فيك بتلاقين الي يسواه
لا تضيقين خلقك انتي صدقيني كل شي بيبين مع الأيام و اذا كان ما فكر انتي مع الأيام بتنسينه و بتصيرين اقوى

لمياء : مثلي انا !!!
رنا : اي لمياء انتي قوية ما يقدر احد يعرف ايش فيك لو اني ما اعرفك كان قلت انك ما تحسين
لمياء : ههههههه يا شيخه ما عليك بعدين انتي قوية بس بطريقتك
رنا : ربك يعين بس
لمياء و تبي تطلع رنا من جوها : اووف ما فيني حيل انزززل مررررة متى بتجي الكوفيرا ؟
رنا : انا دارية عنها هذي ثالث مرة اكلمها و تقول لي شي خمس دقايق
لمياء : اووف هذي متى ناوية تخلصنا الساعه اللحين 5 و نص
رنا : ان شاء الله تجي اللحين و تفكنا
بعد خمس دقايق دقت عليهم الكوفيرا و جت
الكوفيرا : مين بدا تبدا صبايا
رنا : انا ببدا و بعدي لمياء بعدين نبدا بـ الميك آب
الكوفيرا : اوكي
و بعد ما شافت ايش التسريحات الي يبونها و خلصت منهم على جية مها و امها و ام خالد
مها : توكم تخلصون و لا بديتوا ميك آب بعددددد
لمياء : شنسوي عاد تأخرت الكوفيرا ما جت الا 5 و نص كذا
مها : اووف اللحين الساعه 7 الا ربع متى بتبدا فيني
ام خالد : ما عليك ان شاء الله بتخلص و تبدا فيك بدري
لمياء : هي اللحين ماسك رنا تسوي لها ميك آب و راح يكون خفيف مو مطولة ان شاء الله
خلصت رنا و بدت لمياء و خلصوا الثنتين الساعه 8 و بدت الكوفيرا بمها
و راحوا البنات يتجهزون و يلبسون فساتينهم
الساعه 9 و نص بدوا الضيوف يجون
و البنات و امهاتهم في الاستقبال و جوا ريم و ديم معاهم برضو
شوي و بدوا يجون الضيوف و امتلت القاعه
و البنات بين صديقاتهم و بنات معهم و يسلمون و مها معاهم
الجوهره : روووعة تنسيق القاعه لمياء من منسقها لكم
لمياء : من ذوقك يا قلبي هذي الشركة الي قلت لكم عليها اتفقنا معهم و سووا كل شي
نورا : و الألوان طالعه حررركة مررة و حركة الشموع و الورد مرة حلوة
لمياء : بس انا احلى
أشواق : بدينا هههههههههههه
لمياء : ههههههههه ليه النحاسه خليني اشوف نفسي شوي
نوف : يختي ان خليناك ما راح نخلص كل اليوم ههههههه
رنا و هي جايه للمياء : اهلين بنات كيفكم ؟
الجوهره : اييه من قدها اخت العروس انتي حتى ما شفتينا بطرف عين
رنا : ههههههه و الله مشغولة زين الي سلمت عليكم بعد
نوف : بعد مانه علينا بالسلام حاله انتي و بنت عمك
رنا : لا بليززز لا تقارنيني بـ لمياء
لمياء : شفيكم كلكم علي اليوم مالت عليكم من صديقات و بنت عم
الجوهره : هههههههه بناات ابي ارقص
لمياء : يلا حتى انا
و قاموا لمياء و الجوهره سوا
و راحت رنا لصاحباتها
أمجاد : رووووعة شكلك اليوم رنووي مرة كيوت طالعه
رنا : من ذوقك ترا بستحي
لميس : هههههه عاد انتي ع الريحه ما يحتاج
رنا : ههههه زين الي عارفين
و عيون رنا تدور بـ القاعه
لميس : من تدورين ؟
رنا : مدري وين راحوا ريم و ديم ابي اخليهم يجون هنا
أمجاد : توني لاقطه ريم بس اختفت
رنا : اجل اصبروا اجيبهم و اجي
و راحت لبنات خالتها و جابتهم مع صاحباتها
و مها كانت مع اهل زوجها
العنود : مها مرررة حلو الحفل صدق توفقتوا بكل شي ما شاء الله
مها : الله يخلي رنا و لمياء مع انهم ذبحوني كان العزيمه لهم ههههههههه
العنود : ههههههه خليهم ينبسطون اول وحده تتزوج عندهم و لا سويتي لهم حفلة زواج بعد
مها : ههههههه يختي وش الفايده ان كنت انا ما راح انبسط خليني كذا انبسط و اجلس مع الكل ههههههه
العنود : هههههه معك حق و الله
و جو رنا و لمياء عندهم
لمياء : اهلين بـ الحلوين هااه بشروني عسى اعجبتكم العزيمه بس
العنود : ذوق مرررة يا لمياء صراحه عيني عليكم بارده ان تزوجت انتم بتسوون لي حفل زواجي
لمياء : ابد انتي امري بس انا عندي استعداد تااااام
رنا : هههههههه ما صدقت لمياء عاد
العنود : ههههههههه يا حليلكم و الله
شوي الا العنود دق جوالها
العنود : اووكي .. خلاص اللحين بجي ، بنات ماما تبيني بروح لها
مها : حتى انا بروح معك بجلس مع خالتي شوي
لمياء : حركااااااااات صايرة حرمه
مها : وش تحسبين انتي بعد
العنود : ههههههه هذا طعن فيك مها يعني كنها سبتك ؟
مها : تصدقين شكلها كذا
لمياء : لا عاد اتفقوا علي انتي و اياها درينا انكم تحبون بعض
رنا : ههههههه احسن احسن حسي لما تقلبين انتي و عادل علينا
مها : ههههههههه ايييه صح لازم تحسين
العنود : عادل اخو مها و الا ؟
رنا : ايه اخوي بس ودك تشوفينه هو و لمياء العنود بالذات لما يقلبون على خالد هههههههه
لمياء سوت نفسها بريئة : انااااا حرام عليكم انا دايم مع اخوي بس عادل يخرب سمعتي
مها : هههههههه روحي بس عنود مو كننا تأخرنا على خالتي
العنود : اي صح نسيتها انتم تنسون الي ما ينسى
لمياء : هههههههه اوكي بنمشي معكم و الا رنا
رنا : يلا
و راحوا كل البنات عند خالة مها
ام بندر : سبحان الله رنا ما تشبهين مها أبدد
العنود : اييه تو كنت اقول لمها ماما مرة مختلفات
رنا كانت شوي منحرجه : اي كثير يقولونه
مها : ههههه ليتك دايم تكونين فيه خالتي اول مرة اشوف هـ الثنتين منحرجات
لمياء الي كانت تطالع بـ الصالة لانها استحت كثير من نظرات ام بندر
ام بندر كانت تشوف البنات و تقول ( ما شاء الله ما شاء الله )
و رنا و لمياء صدق استحوا و مها ميته ضحك عليهم هي و العنود
و استحوا يروحون من عندها بالأخير رحمتهم مها و دقت على جوال لمياء
لمياء شافت المتصل و تطالع بمها مستغربه بعدين سوت كأنها ترد
لمياء : اوكي .. اي خلاص اللحين جايين
بعدين قالت : عن أذنكم مي تبينا تعالي رنا ..
رنا : اوكي
لمياء : عنود تعالي اعرفك على بنات خالتي
العنود : اوكي يلا
و راحوا البنات سوا عند الطاولة الي جالسين فيها كل البنات
مي : اهلا اهلا ما بغيتوا
لمياء : هههههه شنسوي بس نمشي و نسلم حتى انا ابي اررررقص
رندا : حتى انا ابييي لمياء يلا شجعيني
رغد : ههههه اللي يشوفك ما يقول هذي كل ما جت اغنية تقوم
لمياء : ههههههههه
رنا : بنات نسيت اعرفكم هذي العنود اخت بندر زوج مها
لمياء : يوووه يا بعدها اخت بندر زوج مها
ربا : ههههه استحي شوي يا بنت انا اصغر منك و مسوية عاقله
لمياء كشتها و سكتت
و قاموا البنات يسلمون عليها و جلسوا مع بعض
و مع الوناسة و التعب الي تعبوه ما فضت القاعه الا على 3 و نص
لمياء : يا الله تعبتتتتتتتت
مها : ههههههه و الله كفيتوا و وفيتوا بناات انا لو اني لحالي ما سويت كذا
لمياء : و انتي تحصلين اصلا
مها : بدينااااا
رنا : هههههههه ما فيه فايده عاد زياده على كذا بتذلك طول عمرك على هـ العزيمه مها الله يعينك
مها : مشكلة و الله و لا تكونين انتي معها بعد
رنا : صراحه عاجبتني السالفة ههههههه
لمياء : ههههههه و الله زين بديتي تتعلمين
رنا : ههههههههههههههه
و في هـ اللحظة دق جوال لمياء
و الله لو دار الجفا في بالك لصد صده ما بعدها صده
و اجيب و اجيب
اجيب راسك للوطا من عالي و اقول لا ابو الحب و لا ابوو جده
رنا : اووف وش ذا النغمه لمياء هههههه
لمياء : هههههه يختي كذا مزااااج
مها : وش ذا المزاج يختي ما لقيتي غير هذي
لمياء : ههههههههه عاد مزاجي كذا
و في نفسها تقول بلاكم ما تعرفون انه يستاهل مالت عليه هذا وقت يدق بعد
رنا : طيب ردي ارحمي هـ الي متصل يمكن يبيك ضروري
لمياء : محد قال له يدق اللحين موب راده
مها : هههههههه الله يعين زوجك عليك
لمياء : هو يحصلني اصلا
رنا : هههههههه انتي بيجيك يوم و يجيك الي يكسر هـ الغرور
لمياء : هذا مو غرور هذي ثقة بالنفس ههههه
مها : زااايده ههههههههه
لمياء : هههههههه يحق لي يختي
ام خالد : خلصونا يلا نمشي
لمياء : اوكي ماما ، يلا بنات سي يو
رنا و مها : سي يو
راح الكل لبيوتهم


/


لمياء بغرفتها ..
امم مدري اكلمه او لا و الله طنشته ههههه بس يستاهل احسن ههههههه
مالت عليه يقهرني مسوي انه الي ما فيه مثله كأنه مان علي انه يكلمني يا كرهي له
و يرجع جوال لمياء يدق
لمياء اووف يا فضيه ما عنده شغل غيري هذا ؟!!
اوف شكله مصر شكلي برد خلاص و ترد لمياء
لمياء : هلا
مساعد : صباح الخير كان ما رديتي احسن بعد !!
لمياء بغرور : و الله كنت افكر بس رحمتك
مساعد انقهر منها و من نبرتها : لمياء انا اذا دقيت تردين مو تطنشيني تفهمين
لمياء : و الله محد ضربك على يدك و قال كلمني !!
مساعد هنا صدق عصب : لمياء انا للحين طيب معك لا تحديني اتعامل معك بنذاله
لمياء صدق خافت بس حاولت ما تبين : و خير يعني انت الي تبي انا ما ابي اكلمك ما ابي اكمل خلاص اووف غصب هي
مساعد : لا و الله و انتي تستهبلين معي مو اتفقنا و انتي وافقتي ع الاتفاق بعد 4 شهور
تعالي و قولي لي انك ما تبيني بس اللحين لا تفهمين يا لمياء لا مو بكيفك انا مو لعبة بيدك
لمياء هنا صدق عصبت : يعني انا الي لعبة !!!!
مساعد : لا حول و لا قوة الا بالله الظاهر هـ الليلة مو معديه على خير
لمياء : ...
مساعد و لمياء سكتوا هنا كل واحد يهدي نفسه
لمياء : اوف انا شفيني كذا انفعلت و انقهرت مو انا الي تتكلم مو انا هذا مو اسلوبي اوف يا كرهي لنفسي و انا اكلمه اصير غبيه
مساعد : هذي وش اخرتها معها حشا ما امداني اقول كلمة بس انا اتحمل اي شي الا انها تطنشني يكفي اني متحمل غرورها
لمياء : اسفه ..
مساعد : ....
لمياء بنفسها : غبيه غبيه انا بحياتي ما اتأسف و جالسة اتأسف له اوووف غبيه
لمياء : كيفك ما تبي ترد لا ترد انا سويت الي علي
مساعد هنا عجز يتحمل و مات ضحك : انتي مو صاحيه و ربي مو صاحيه ههههههههههههههههههههههههههههههه
اللحين اعتذرتي و مانه علي بعد بالأعتذار ههههههههه و ربي قوية هههههههههه
لمياء حست انها صدق زودتها : اووف شسوي انت عصبتني بعدديين انا كنت بالفندق ما بعد رجعت يوم تدق مع بنات عمي
مساعد : كان قلتي من اول طيب ؟! او كان ارسلتي مسج او ع الأقل عطيتيني بزي !!
لمياء : خلاص خلاص طيب فهمت
مساعد يتكلم بكل هدوء : لمياء انا ما جبرتك تكلميني صح ان اسلوبي بالأول كان وقح بس انتي رضيتي صح و الا انا غلطان
لمياء : ....
مساعد : ادري اني صادق انتي رضيتي تبدين اللعبه و المفروض نكملها و نشوف آخرتها صح ؟
لمياء و هي تتنهد : اييه
مساعد : طيب خلاص خلينا ع الأقل ان كلمنا بعض ما نتهاوش و نتكلم بهدوء شوي ما يصير ؟
لمياء : الا يصير
مساعد : اوكي حلو ، اخبار العزيمه ؟ انبسطتي
لمياء كانت متضايقه شوي من الي صار و حز بخاطرها بس مسكت نفسها : الحمدالله تعبنا ما راح ع الفاضي
مساعد : اهم شي انبسطتي
لمياء : امم الحمدالله انبسطت مرة و صديقاتي كلهم جوا و اهم شي مها انبسطت و عجبتها
مساعد : مها هي بنت عمك الي تزوجت ؟
لمياء : اييه ، الله يوفقها
مساعد : آمييين
بعدين قال : لمياء صدق انتي وش تخصصك ؟ عرفنا عمرك عرفنا وين تدرسين بس تخصصك ما عرفناه هههههه
لمياء : لا مو قايله
مساعد : و ليه ؟!!
لمياء : يا سلاااام نسيت اخاف تاخذ معلومات اكثر مني و تفوز علي كل معلومه مني اخذ منك وحده بعد
مساعد مات ضحك : ههههههه طيب طيب احسبك ذكية و بتقولين ثنتين او ثلاث هههههههه
لمياء : اووف صدق اني غبيه راحت عن بالي مسوية نزاهه
مساعد : هههههههه طيب انا ما قلت لك ليه طلبت منك نبدا بعد شهر صح
لمياء : لا ما قلت لي
مساعد : لانه كان آخر شهر لي بلندن و الحمدالله تخرجت و رجعت للرياض
لمياء : يعني كنت تدرس بـ لندن ؟
مساعد : اييه
لمياء : خريج ايش ؟؟
مساعد : محاسبة
لمياء : حركااااات طلعت موب سهل و الله
مساعد : ايه ما يمديك انتي علي انتي طيب ما قلتي لي وش تخصصك ؟
لمياء : تعليم خاص
مساعد : حلو و الله
لمياء : اي بس متعب شوي
مساعد : ما فيه شي مو متعب انتي بس شدي حيلك ما شاء الله وصلتي لـ ثالث اللحين يعني شيليها و اعتبري باقي لك سنه
لمياء : ههههههههه حلوة هذي لعبة هي
مساعد : هههههههه ايه اعتبريها كذا
لمياء : و انت كل شي عندك لعب ما فيه شي جد ابددد ؟
مساعد : الا فيه بس و انا اكلمك اشياء كثيرة لعب
لمياء : و معترف بعد
مساعد : خلاص اسف اسف ما ابي اتهاوش بليززز
لمياء و فيها الضحكه و وضح على صوتها : اهااا اوكي مو مشكلة
مساعد : اييه اضحكي عادي ترا مالت عليك بس انا استهبل و انتي تاخذين كل شي بجد
لمياء : هههههههه تستااااااااهل
و جلسوا يسولفون شوي
لمياء : مساعد بروح انام اللحين
مساعد : اوكي نوم العوافي و سوري لاني عصبت عليك اليوم
لمياء بقلبها وش ذا الأدب الي نزل فجأه : لا عادي مو مشكلة حصل خير يلا باي
مساعد : باي
لمياء بسريرها و تفكر بالي صار انتي كيف رضيتي لمياء كيف يا ربيييي و المشكلة انه خلاني اتجاوب معه و اكلمه عادي
كيف مدري المهم انه صار عادي و اليوم مدري حسيته غير اوف انا شفيني بديت افكر فيه و الله اني مو صاحيه

و عند مساعد ما كان أحسن حال و الله هـ البنت غريبة انا مدري كيف صبرت على غرورها علي انت يا مساعد الي ما تتحمل كلمه من احد
هذي تتكلم عليك و تعصب بعدين ترضى و بكل سهوله من كلمة اسف تعذرها شصار لك يا مساعد صدق اني مو صاحي


/


نروح لبطله ثانيه من أبطال قصتنا عند رنا ..
رنا جالسة و تفكر بكل شي صار
بعد اسبوع قالت لها ريم انهم بيسوون عزيمه لرياض هي ما تبي تروح بس ما تقدر تقول شي
ما تبي تشوفه تحس انها ما تقدر بس وش تسوي ما بيدها شي
و جالسة تشوف صوره الي عندها آآه يا رياض معقولة كل شي نسيته معقولة
حتى كلمة سلام ما وصلتها لي او حتى شي بسيط يحسسني انك متذكر بس الظاهر انا احلم واجد
هذي الدنيا رنا لازم تكونين اقوى من كذا و جلست تبكي

و عند رياض ..
يا الله مدري وش بسوي اللحين اشياء كثيرة تغيرت من يوم جيت الرياض
ما عاد ادري وش بسوي و شوق يا الله يالدنيا بلحظة كل شي انتهى بيني و بينها
انا بس كيف تحملت دلعها كل هـ السنين شلون كنت صابر عليها ؟
صدق غريبة رياض توك تشوف عيوبها توك تحس انها انانيه
بس اخر الايام صدق صارت انانيه بشكل مو طبيعي اجل تبيني اترك اهلي و اجلس عندها !!
يا الله ان شاء الله الايام الجايه تكون احسن


/


بعد كم يوم من العزيمه و اليوم الي قبل العزيمه الي مسويها ابو رياض لولده
كانت رنا عند لمياء
رنا و هي تبكي : ما ابي اروح ما ابي لمياء ما ابي
لمياء : رنا حبيبتي انتي ما عليك روحي و انبسطي و وسعي صدرك و كيفه ما عليك منه
رنا : مقدر لمياء مقدر اشوفه مقدر ادخل بيتهم و هو فيه مقدر اشم ريحته هناك مقدرر
لمياء : و الله انه ما يستاهل كل هـ الحب رنا
رنا : ادري ادرري و هذا الي ذابحني ابي شي واحد يخليني اقول لا يا رنا هو يستاهل هو للحين متذكر بس ما فيه
لمياء و لا عاد تدري وش تسوي : رنا هدي اعصابيك صدقيني ما راح يصير الا كل خير انتي روحي غسلي وجهك و هدي
رنا : اوكي و راحت تغسل وجهها
شوي قالت لمياء : رنا ابي عصيررر
رنا : انزلي و جيبي لك
لمياء : لا لا مو نازلة مالي خلق اشوف عادل بليز رنا جيبي لي
رنا : اووف منك لمياء يا كثرك
لمياء بدلع : حبيبتي انتي
رنا : خلاص خلاص بروح اجيب لا تتدعلين علي تكفين
لمياء : هههههههه طيب
و نزلت رنا و لمياء كانت متقصده تبي رنا تطلع من جوها شوي
و راحت رنا المطبخ
رنا : ريتا وين العصير الي كان بالثلاجه ؟
ريتا : في مجلس بابا عادل اخذ هوا بس فيه روح
رنا : اووف طيب بروح اجيبه جهزي كاسات و صينيه
ريتا : طيب مدام
رنا راحت للمجلس تبي تجيب جيك العصير و هي داخله دخل واحد معها و قلب وجهها ما عاد تدري وش تسوي
و هو نفس الشي ضيع و جلس خمس دقايق و يوم استوعب الموضوع طلع بسرعه
رنا يا ربيي وش ذا الفشله هذا صديق عادل الي ذاك اليوم وش هـ الفشللللللللله
فارس طلع و هو مو مستوعب معقولة يشوفها مرة ثانيه يا رب انا ليه افكر فيها كذا
فارس اعقل هذي اخت صديقك اوف بس و الله غصب عني مدري هو اعجاب بشكلها و الا ايش
رنا راحت بسرعه المطبخ و قالت للخدامه تجيب العصير لغرفتها فوق و طلعت هي عند لمياء و هي ترجف
لمياء : بسم الله عليك رنا شفيك ؟
رنا : يا ربيي لمياء موقف يفششششششششل
لمياء : وشوووو وش صار !!
و جلست رنا تقول لها بكلمات متقاطعه و بالأخير طلعت السالفة
لمياء : يا هوووووووه و تقولين لي رياض بعد هذا قدرك هنا
رنا : روحي يا شيخه تكفين لاني شفته مرتين صار قدري
لمياء : هههههههههه و الله رنا مدري ليه احس ان الولد اعجب فيك ذاك اليوم و اكيد اليوم انهبل يوم شافك بكشتك هههههههه
رنا : اووف لمياء لا تصيرين سخييييفه و الله استحيت
لمياء : ههههههههههه و ربي فلة موقفك ههههههههه
رنا : مااالت عليك فرحانه بعد بلاك مو انتي الي جاك الموقف
لمياء : ههههههههههههههههههههه مقدر اوقف يا ربيييي
و بـ هاللحظة رن جوال لمياء
لمياء : الو ههههههههههههه
الجوهره : بسم الله عليك لمياء شفيك
لمياء : هههههههه ما فيني شي
الجوهره : متأكده وش هـ الضحك !!
لمياء : ما عليك بس عند رنا انا و اضحك عليها
الجوهره : اها قولي كذا سلمي عليها
لمياء : يبلغ هههههه
الجوهره و هي محتاره بس بالأخير قررت : لمياء
لمياء : عيونها
الجوهره : لمياء ابيك بموضوع
لمياء : خير شفيه جوجو ؟؟
الجوهره : اممم ابي اشوفك و لحالنا
لمياء : طيب خلاص انا بكره معزومه خليها بعده شرايك تجين عندي
الجوهره : امم اوكي خلاص وعدنا بعد بكره
لمياء : حلـوو يلا عاد رنا بتذبحني
الجوهره : هههههه اوكي باي
لمياء تفكر غريبة شتبي فيني الجوهره و متحمسه تبي تقول لي
رنا : شفيك ؟
لمياء : لا بس افكر شتبي فيني جوجو ، صح تراها تسلم عليك
رنا و هي للحين منحرجه من الموقف الي صار لها مع فارس : الله يسلمها
و في مكان ثاني كان واحد يدور بـ الشوارع و ما يدري وش شعوره
فارس يا ربيي مدري انا مبسوط او لا بس و الله احس نفسي فرحان لاني شفتها مدري ليه بس و الله وناسة
وش صار لك يا فارس بنت لعبت فيك بس و الله مؤدبة و محترمه البنت و الله حاله انا شعرفني بعد
صدق اني مدري وش ابي بس لا اكيد هي كذا ما دامت اخت عادل اووف خلوني بس من تفكيري انا مدري حتى وين رحت


/


و في مكان ثاني عند الجوهره
ما ادري اقول لـ لمياء او لا بس لمياء احسها بتفهمني
و انا محتاجه اتكلم مع احد مرة محتاجه ياا رب ساعدني
يا رب ما اندم اني قلت لـ لمياء يااااااا رب



/
\
/


توقعاتكم .،

الجزء الرابع ،،


جاء يوم العزيمه و رنا كانت مرة متضايقه
و لمياء جايتها من بدري لانها عارفة ان بنت عمها مرة متضايقه
لمياء : رنـوو حبيبتي وسعي صدرك
رنا : ما ابي لمياء ما ابي اشوفه ما ابي و جلست تبكي
لمياء ضاق خلقها مرة : رنو تكشخي بيني انك ما اهتميتي خليك طبيعيه و صدقيني لو هو يفكر فيك يعرف مكانك لا تتضايقين
رنا : لمياء لو هو يفكر فيني كان سأل بس ريم ما جابت طاري و رجعت تبكي
و كملت كلامها بين دموعها : انا مدري ليه حبيته ابي اكرهه ابي اكرهه لمياء و الله ابي اكرهه ابي انساه مو قادره
أبي أصير مثلك قوية بس ما اقدر احس اني ضعيفه ضعيفه مررة
لمياء : لا رنو انتي مو ضعيفه بس انتي متأثره و صدقيني قدام الكل ما راح تبيني شي انا اعرفك
رنا : ...
لمياء : قومي يلا عطلتيني و عطلتي نفسك غسلي وجهك و البسي
و قامت لمياء تجهز لبسها و رنا تطالع فيها و ساكته
و دق جوال لمياء هـ الوقت
لمياء : اووف
رنا : شفيك ؟
لمياء : هذي وحده نشبه مالي خلقها
رنا : طيب حطي جوالك ع الصامت علشان ما تنزعجين
لمياء تطالع في رنا و تقول ببينها و بين نفسها : بلاك ما تدرين مين هذا و الله لا يشغل ابوي ان ما رديت
لمياء : برد و اصرفها احسن و انتي يلا قومي غسلي
قامت رنا لدورة المياه
و ردت لمياء على مساعد
مساعد : يا انتي تتغلين بشكل
لمياء بطفش : ما اتغلى ، تبي شي انت ؟
مساعد : يا حبك لهالأسلوب انتي دايم كذا ؟
لمياء : لا بس معك
مساعد : هههههه بعد تقولينها بوجهي
لمياء : تبيني اكذب عليك يعني ؟
مساعد : مو مشكلة لمياء صدقيني بيجي اليوم الي تتمنين فيه تسمعين صوتي ( قالها بكل ثقة )
لمياء : ههههههههه ايييه بأحلامك أكييد ، المهم انا اللحين عند بنت خالتي و مو فاضية بسكر
مساعد و هو يبتسم و يعرف انها بتتنرفز منه : اوكي مو مشكلة بس صدقيني بيجي هـ اليوم اليوم بكره بس انتي انتظري
لمياء بنرفزة : انا بسكر !
مساعد : اوكي قلبي باي
لمياء : قلبك بعينك باي
مساعد : ههههههههههه مو صاحيه و ربي خبله هـ البنت بس نشوف لمياء الأيام بيني و بينك
اما عند لمياء اللي كانت مرة معصبه
أووف حقير و ربي حقيرر اجل انا بيجيني يوم اتمنى اسمع صوتك هذا الي ناااقص الحقيررر
رنا طلعت من دورة المياة ( الله يكرمكم ) و تطالع في بنت عمها مستغربه : لمياء شفيك تكلمين نفسك ؟
لمياء : لا ما فيه شي زين طلعتي بلبس
و تدخل تبي تلبس و رنا وراها مستغربه !
جاء الليل و وقت العزيمه و الي وداهم هو عادل
لمياء : اووف ما لقيتوا غير عادل يوديناا اوووف
عادل : لك الشرف اصلا انك بتركبين سيارتي
لمياء : لااااا ما بقى الا يكون لي الشرف علشان اركب سيارتك انت و تطالعه بنص عين
عادل وقف بنص الطريق : طيب انزلي !!
لمياء فتحت الباب و نزلت
رنا : هيييييي انتي يا مجنونه
و عادل ميت ضحك و لمياء واقفه برا و ما عليها منه
عادل : اركبييي فشلتينا ههههههه
لمياء ببراءة : مو انت قلت لي انزلي و وقفت !
عادل : بتقنعيني يعني انك بريئة ؟
لمياء : ايييييه
عادل : اركبي اركبي بس تأخرنا
ركبت لمياء و رنا تقول : و ربي انتم الاثنين مو صاحين ما تتجمعون مع بعض
عادل : ليه شقالوا لك مجانين ؟
لمياء : رنا لو سمحتي شي بيني و بين عادل لا تتدخلين
رنا هنا تنحت : و الله الي اردى منكم الي يسولف معكم انتم يا تتهاوشون سوا يا تقلبون ع الخلق سوا
لمياء : يسسسسس
عادل : مات ضحك على اخته و بنت عمه و على نفسه بعد !
صدق مجانين !
وصلوا و هنا رنا حست بربكه و حست عليها لمياء
لمياء مسكت يدها : هددي ما تسوى عليك
رنا تتبسم : لا تخافين
لما دخلوا قابلتهم ريم و مها الي كانت واصله قبلهم
ريم : رنننننننوي يالددبه وحشتينيييييي
و تضمها و تسلم عليها و بعدها راحت للمياء تسلم عليها : و الله زمان عنك لمياء
لمياء : من جد من زمان ما شفتكم
مها : هييي انتي و اياها تراني هنااا
لمياء : يختي انتي ملينا منك دايم بوجيهنا
رنا تحاول تكون بطبيعتها : اييه لمـوو صادقه ملينااااااا
مها : مالت عليكم انا بروح الحريم بس لحد يشره علي يقول ذي مقابله بزاااارين
و تركتهم و البنات ميتين ضحك عليها
و بعدها دخلوا البنات و هم مبسوطين مع بعض
مرت العزيمه و طلع الكل الا عائلة ابو عادل و رنا أصرت هي و ريم أن لمياء تجلس معهم
و جلست على أن عمها يرجعها لبيتهم ان طلعوا
و كانت فيه مها بس بيجي زوجها بعد شوي
رنا اووف احس اني عطشااانه
ديم : رنا
رنا : هلا
ديم : تدلين مطبخنا ؟
رنا : ايه ادله شدعوه
ديم : اجل روحي جيبي لك مويه و جيبي لنا هههههههه
لمياء : هههههه حلووووة و الله ديوووم
ديم : ايه اعجبك و تغمز للمياء
ريم : صدق انك ما تستحين
رنا : خلاص انا حلفت اني انا الي بجيب لكم موية و لا احد يجي معي بعد شرايكم
ريم : لا رنوي شدعوه فشله
رنا : ههههه انا مو غريبة و اوريك ديم اني اقدر ههههههه
ديم و لمياء بصوت واحد : يلا يلا بسرعه عطشااااااانين
ريم : هههههههه صدق مجانين
رنا قامت و هي تضحك و راحت للمطبخ
مها : ههههه حرام عليكم تتعبون اختي
ديم : وش هـ ألخوه الي توها تطلع كان تكلمتي قبل تروح
لمياء : ما كانت فاضية تكلم حبيب القلب ههههههه
اما عند رنا الي راحت المطبخ
فتحت الثلاجه و طلعت 4 أكواب موية على عددهم
الا على دخلة انسان ما نست ملامحه للحين
هو ارتبك و هي ما عاد تدري شتسوي حست انها تبي تبكي
رياض : آ .. آ .. آسف ما دريت ان فيه احد هنا و طلع بسرعه
رنا خنقتها العبرة هنا : يا ربيي وش هـ المواقف البايخه الي تجيني انا بس حتى ما طالعني حتى ما اهتم شكله ما عرفني
حست رنا انها بتبكي و مسكت عمرها و راحت للبنات
ريم : زين جيتي تو اخوي رياض كان بيدخل المطبخ
رنا بنفسها : كاااان يا ليته كااااان
لمياء طالعت ببنت عمها و حست انها تغيرت و مها حست بأختها و بهاللحظة دق عليها زوجها يبيها تطلع
رنا و هي تحاول تضحك : هذاني جبت لكم المويه شفتي ديم بالعافية عليك
بعدين قالت مها : اوكي بنات انا اشوفكم على خير جاء بندر
رنا : بدرري
مها : انتم اللحين بتروحون بعدين مو مليتوا من خشتي
ريم : هههههه ما عليك منهم احنا وحشتينا
و لطعت مها و تركت الباقين مع ريم و ديم
و جلسوا البنات كل الليله ضحك و سوالف الى ما رجعوا رنا و لمياء بيوتهم
بـ البيت دقت لمياء على رنا و الأخيرة كانت تبكي
لمياء : رنووي شفيك ؟
رنا : ما فيه شي لمياء
لمياء : شوفي صوتك واضح انك تبكين و شكلك تغير بعد جيتك من المطبخ شفتييه ؟
رنا هنا ما عاد تتحمل : لمياء تخيلي ما عرفني قايلة لك قايلة لك نساني
لمياء : رنا هدي اعصابك و الله ما تسوى عليك و روقي و روحي اقري قرآن و هدي نفسك
رنا و دموعها تنزل : ان شاء الله
لمياء : يلا قلبو انا بسكر و بدق بكره اتطمن عليك
رنا : اوكي باي
لمياء سكرت و هي ضايق خلقها على حال بنت عمها
الله يعينك رنا و الله ما يستاهلك هـ الأنسان ربي يعوضك ان شاء الله
و جت بتنام و تذكرت مساعد اووف يلا احسن انه ما دق مو رايقة له ابددد و حطت راسها و نااااامت

عند مساعد الي كان طفشان و لا يبي يكلم لمياء
اووف مدري وش آخرتها مدري بعدين وش بيصير
انا اصلا ليه جالس اكلمها !
و الله عجيب يا مساعد مو أنت الي قلت بتجيب راسها معقولة هي تجيب راسك !
لا لا وش هـ الأفكار انا انجنيت أكيد بس كبريائها و غرورها ذابحينييي
و على افكاره دق الباب
مساعد : تفضل
مشاري دخل و قال : زيين انك صاحي ياخي طفشااان
مساعد : هههههه بسم الله شوي شوي
مشاري : و الله طفشااااان مساعد مرة طفشان حتى سعود راح مع زوجته و انت مدري شعندك صاير مشغول حشا كل ذا دوام
مساعد : هههههههه اعصابك ياخي اكلتني
مشاري : لا تلومني ما غير اصدقاء و دراسة مليييييت ابي اجلس معكم
مساعد كان يحس انه مقصر مع اهله و اخوانه : ههههه و لا يهمك من بكره بعدل وضعي بس تعرف انا جالس أثبت نفسي بـ الشغل
مشاري : تكفى يا شيخ كن الشركة مو لأبوي
مساعد : و لـوو لازم أثبت نفسي
مشاري : بهذي معك حق بس و الله صاير طفش البيت حتى ملاك طفشانه و بدر و نواف هذولي لحالهم حكايه
مساعد : ههههههههههه ليه
مشاري : يعني ما تعرف التوأم العله
مساعد مات ضحك على أخوه
( مشاري الولد الي تحت مساعد على طول و علاقته بأخوه قوية مرة و يدرس اللحين عمره 22 بينه و بين ملاك سنتين
و نواف و بدر هذولي توأم و بـ ثالث ثنوي و سعد أخوهم الكبير و متزوج بنت عمه )
مساعد : ربك يعين انت غريبة ما نمت للحين
مشاري : نتمتع بما بقى من العطله يا أخي
مساعد : هههههههههههه تمتع وش وراك ههههههه بس انا طال عمرك بنام اللحين لو ما عندك مانع
مشاري يضحك : أفكر بالموضوع اول
مساعد : اقول عطيتك وجه اطلع يلا هههههههه
مشاري يضحك : يلا يلا تصبح على خير
لما طلع مشاري ابتسم مساعد و طالع بالجوال : شكل ما عندها نية تدق لازم تتغلى !!
يلا بس انام و نشوف لنا صرفة بكره

من بكره لمياء بتقابل الجوهره و لا تدري وش عندها
و كانت لمياء بغرفتها و محتاسه بين ملابسها و امها تنادي و الجوال يدق
لمياء : اووف وش ذا الحاله مو قادرة اركز بـ شي ( نعممم مامااا )
ام خالد : لمياء تعالي ابيك
لمياء : جااايه
و تروح لمياء لامها و تطنش تلفونها
لمياء : هلا ماما تبين شي ؟
ام خالد : ايه بقول لك ترا بعد يومين عمتك بتجي و بنروح كلنا عند عمك لانها بتجي هناك
لمياء : صدددق وناااااسة يعني بشوف شدووو
ام خالد : ان شاء الله انا قلت اقول لك اللحين قبل تطلعين علشان تستعدين اعرفك لازم تتهيأين نفسيا طال عمرك
لمياء : هههههه ماما شدعووه بس ما عليك مررة وحشتني عمتييي
دخل خالد عليهم : وش السالفة شفيها عمتي ؟
لمياء : يا شين الي يدخلون عرض
خالد : مو عرض طول هاهاها
لمياء : يا سخفييييييي
خالد : توك تدرين انك سخيفه ؟
ام خالد : خلاص ازعجتوني لمياء ما تبين تطلعين اشوفك ما لبتسي
لمياء : اييه صح بروح اتجهز جوجو قايلة لي ما اتأخر
و راحت تركض لغرفتها
خالد يطالع فيه اخته : الحمدالله و الشكر بس
ام خالد : مرجوجه هـ البنت المهم خالد ترا بعد يومين بنروح لعمك بتجي عمتك من الشرقية و بنتجمع كلنا هناك
خالد : حلو و الله من زمان عنهم و عن سعد القاطع حتى بالمكالمات بخيل
ام خالد : يلا بكره بتشوفه و بتشبع منه ان شاء الله
خالد : ان شاء الله يلا يمه انا طالع اللحين تبين اجيب لك معي شي
ام خالد : الله يحفظك يا ولدي و انتبه لا تسوق بسرعه و لا تكلم بالجوال و
خالد : هههههه خلاص يمه ما تسوى علي روحه لا تخافين
و طلع خالد من البيت ..
عند لمياء الي خلصت لابسة و تجهزت بتطلع
يووه نسيت جوالي و راحت تجيبه
و شافت 3 مكالمات لما فتحتها
اووف كلها منه ذا وش يبي مررة مو وقته اوف منه
ادق و لا اطنش اممم اطنش احسن كيفه يبي يرجع يدق يدق انا مو مكلوفه فيه
الا دق الجوال و هو بيدها
بسم الله ما امداني ابي اطنش هذا ما عنده وقت !!
لمياء : هلا
مساعد : ساعه علشان تتكرمين و تردين ؟
لمياء : و الله مو ما عندي غيرك استاذ مساعد !
مساعد عصب منها بس قال لها بكل برود : حلو و الله كذا علموك أهلك تردين ع الخلق ؟
لمياء تنرفزت بسرعه كـ العاده ان كلمها : ان شتبيي هااا ممكن أعرف بعدين انا مشغولة مو فاضية لك
مساعد ببرود بعد : ليه وش عندك ؟
لمياء : انت مو ولي أمري علشان اقول لك !
مساعد تنرفز صدق و قال بصوت شوي عالي بين عصبيته : لمياء اقول لك وش مشغوله فيه
كـ العاده لمياء خافت منه اذا عصب و قالت بسرعه : بطلع
مساعد هنا ما يدري شيسوي معصب و بنفس الوقت يضحك عليها و يقول بنفسه : و الله هـ البنت فله تو مسوية فيها القوية ما امداني اعصب عليها الا خافت ههههه
و سوا نفسه للحين معصب : وين رايحه ؟
لمياء و هي مررة مقهوره بس ما تدري ليه خافت منه : لصاحبتي و كملت بأسلوب ينرفز لا يكون لازم أخذ أذنك استاذ مساعد ؟
مساعد بأسلوب ينرفز أكثر منها : و الله المفروض بس بسامحك هـ المرة
لمياء : اووف يلا عطلتني بطلع
مساعد : اووكي قلبي وعدنا الليلة بكلمك لا تنطشين اوكي عمري ؟
لمياء مرة عصبت منه : اول شي لا تقول قلبي و لا عمري تفهم بعدين يصير خير باي و سكرت السماعه
مساعد يطالع في السماعه : و الله سوتها مرة ثانيه و سكرت بوجهي هههههههه و الله انها نكته ههههههه
لمياء اخذت شنطتها و عبايتها و نزلت و هي مرررة معصبه
ام خالد : بسم الله تو كنتي وش زينك شفيك يا بنيتي
لمياء تحاول تهدي نفسها : ما في شي ماما بس تأخرت على الجوهره بقول للسواق يطلع
ام خالد : الله يحفظك يا بنتي
و طلعت لمياء و هي مرة معصبه من مساعد و قاهرها

عند الجوهره الي كانت نتظر لمياء
ياااارب ساعدني و لا تعصب علي لمياء و الله اعرف اني غلطانه بس وش اسوووي
و هي تفكر رن الجرس و عرفت ان لمياء وصلت
دخلت لمياء و سواليف هي و الجوهره
بعد ساعه تقريباً
لمياء : جوجو وش فيك ؟ وش صاير لك تبيني تعلميني ؟
الجوهره ارتبكت : امممم مدري لمياء ما اعرف صح و الا لا بس أبي اقول لأحد و لا لقيت غيرك أنتي أعز صاحباتي
لمياء استغربت من الجوهره : جوجو قولي و كملت و هي تتبسم مهما كان هـ الشي الي مخبيته انا معك
الجوهره تطمنت و شوي شوي بدت تحكي : لمياء انا أحب
لمياء : !!!!
الجوهره : أدري ان هـ الشيء غلط بس شسوي يا لمياء أحبه
لمياء مررة أنصدمت آخر شي توقعته ان جوجو لها علاقة : هههههه و الله دنيا حتى انتي جوجو مثلي بس ع الأقل انتي تحبينه اما أنا !!!
الجوهره : أدري انك منصدمه لمياء و يمكن تقولين الجوهره تخبلت بس و ربي أحبه لمياء
لمياء : من متى ؟
الجوهره تنهدت : لنا سنه اللحين
لمياء : اووف سنه يالظالمه و مخبيه كل هـ المده !
الجوهره : لا تلوميني لمياء مو شي افتخر فيه اقوله
لمياء تتبسم لصاحبتها علشان تطمنها : جوجو يا قلبي عادي بس أهم شي انتبهي لا يكون يلعب عليك او شي
الجوهره : مدري لمياء انا خايفه بس مدري أحبه لمياء أول مرة أحس بهالشعور مع أحد
لمياء : تدرين جوجو ما أقول الا الله يوفقك بس ديري بالك لا يكون يلعب عليك
الجوهره حست بالراحه يوم تكلمت : فيصل مرررة طيب ما أحسه من هـ النوع
لمياء : حركااات بعد أسمه فيصل و تغمز لها و الجوهره استحت
لمياء : هههههههه و الله حركه جوجو تستحين بعد يالله ربي يوفقك يا قلبي و يحقق الي ببالك و يصير فيصل صدق مثل ما انتي حاسه
الجوهره : الله يسمع منك لمياء
لمياء : اووكي احكي لي كل شي كيف عرفتيه و كل شي
و جلست الجوهره تحكي للمياء كل شي
الجوهره : شوفي تذكرين ايام ما كنا ندرس ثالث ثنوي ؟ لما قلت لكم عن الولد الي اضفته و عطاني رقمه بعد مده ؟
لمياء : اييييييه ذكرته وش فيه ؟
الجوهره : مو أنا و اياه حذفنا بعض علشان ما نتعلق ببعض بالذات بعد ما حط رقمه هو بعد ندم
لمياء : ايه اذكر السالفة حتى من ذاك اليوم ما عاد شفتيه
الجوهره : ايوه زين ذاكرة ، المهم قبل سنه تقريباً رحت موعد بالمستشفى اوكي
لمياء و هي متحمسه : اوووكي
الجوهره : ايوه رحت ذاك اليوم و يوم جاء وقت الموعد طلعت من غرفة الأنتظار لأني مليت و لقيت واحد يشبه له لمياء مررررة
لمياء : يا الله معقولة !!
الجوهره : صدقيني لمياء حسيت وقتها أني بحلم مدري وشلون صرت أحس كل شي توقف بالنسبه لي و اطالعه ابي اتأكد
لمياء : كملي كملي حمستينيييي
الجوهره : اييه بـ هالوقت طلعت الممرضة و نادت على أسمي كامل ما لقيت الا الولد ألتفت فجأه علي و جلس يطالع فيني
لمياء و هي مقدمه جسمها قدام من الحماس : كملييي يختي كملييي
الجوهره : دخلت انا عند الدكتور و يوم طلعت لقيته واقف لمياء ينتظرنييي و أخذت الجوهره نفس
لمياء : و بعدين كملي خلي نفسك بعدين
الجوهره : ههههه طيب المهم انا يوم شفته أحس اني انشلييييت تصنمت بمكاني و تنحت راح قرب مني و قال ( اشتقت لك ) و رااااح
لمياء : يؤيؤ بس كذا ؟
الجوهره : اييه تخيلي انا تنحت شوي بعدين طلعت و انا بحاله ما يعلمها الا ربي كنت افكر اقول لك او لا بس ترددت كثيررر
و بعدها قررت أتهور أذكر اني زمان حفظت رقمه عندي بس مو متأكده هو للحين موجود أو لا و اروح و أفتح اللاب و الاقيه محفوظ
و تهورت لمياء و ارسلت مسج و من بعدها و احنا ما نستغني عن بعض
لمياء : يا الله جوجو و ربي فلم هندي هذا لو أقول لأحد ما راح يصدقونيي
الجوهره : بس صدق لمياء انا أحس بأحلى شعور بحياتي و انا معه ، انتي ما جربتي لمياء الحب حلو حلو كثيرررر
لمياء : الله يوفقك معه جوجو و يصير مثل ما انتي حاسه ..

نرجع لبطله من أبطال قصتنا الي هي رنـاا
كانت بغرفتها مسكرة النور و الغرفة زي الثلج جالسها بسريرها و الجو هدووء و لا فيه غير دموعها الي تنزل
انا ليه حبيته ليه ؟ ليه عطت قلبي لواحد ما يستاهله واحد راح و نساني على طول
يا رب محتاجة لك يااا رب مالي غيرك و بدت تبكي بصوت مسموع

في الليل رجعت لمياء لبيتهم و كانت طول الوقت تفكر
دخلت غرفتها حتى ما سلمت على امها و جلست ع السرير و لا غيرت و تفكر
يااه يالدنيا جوجو تحب و رنا تحب و كل وحده منهم متعذبه من هـ الحب
وحده نساها و الثانيه خايفه من هـ العلاقة و انتي لمياء ؟
أنتي عايشة برعب أنتي عايشة بدون مشاعر بدون شي مجرد لعبه
أيه لمياء لعبه جالسة تلعبين لعبة الله اعلم وش آخرتها
جالسه تلعبين مع شخص ما تدرين وش وراه شخص وقح و حتى هـ الكلمه سهله عليه
حست بضيقه ضيقة قووية و دق جوالها طالعت بالشاشه و ضاق خلقها أكثر
لمياء بضيقه : هلا
مساعد حس بصوتها : اهلين كيفك لمياء ؟
لمياء : بخير .. و سكتت
مساعد استغرب هذي فيها شي أكيد
مساعد : رجعتي من عند صاحبتك ؟
لمياء : ايه
مساعد : عساك انبسطتي ؟
لمياء : الحمدالله
و رجعوا سكتوا ..
مساعد وش سالفتها هذي !
مساعد : لمياء فيك شي احد مضايقك صاير لك شي ؟
لمياء ما تدري ليه حست ان نفسها تبكي حست ودها تقول له أكرهك لانها جد حست بقمه بياخه اللعبه الي يلعبونها
بقمة حقارته و هي الي رضت رضت تكون كذا غبيه
مساعد : لمياء ؟؟؟؟
لمياء : معليش مساعد بسكر تبي مني شي ؟
مساعد ما حب يضغط عليها و قال : لا ربي يحفظك
لمياء : باي و سكرت
مساعد كان يبي يهزأها على تسكيرة السماعه اليوم بس ما قدر لما سمع صوتها ضاق خلقه عليها حس فيها شي
و من متى من متى يا مساعد تحس !!
معقولة جابت راسك هـ البنت بغرورها !
لا لا مو معقولة مستحيل أصلا انا ما امداني معها هي لعبه !!!!
و عند لمياء الي كانت حالها أصعب من مساعد
حطت راسها ع المخده و نزلت دموعها : يا ربيي ليه ليه يصير لي كذا ما ابي اكلمه ما ابي يصير شي
و غمضت عيونها بقوة حتى صوتي وضح ان فيني شي كشفني لهالدرجه صرت شفافه ما ابي ما ابيه اكرهه
يا رب وشي آخرتها وش آخرتها يا رب ساعدنيييي ياااااا رب


بعد يومين رنا نفسيتها من اسوأ لاسوأ
و لمياء ضايعه يومين ما كلموا بعض هي و مساعد و ما تدري وش بيصير عليها تحس بضيااع
و ضايق خلقها على بنت عمها و نفسها تقول لها عنها هي عن الي يصير معها و لا هي قادرة

خالد : لمياء يا ويلك تأخرينا
لمياء : كيفي بطلع متى ما أبي الله يخلي بابا و السواق بعد انت مالك شغل فيني
خالد : و الله و طلع لك لسان تردين علي فيه
ابو خالد : ههههههههه من يوم خبرت اختك و هي لها لسان
ام خالد : اي و الله ما قد شفتها ما ترد عليك ههههههه
خالد : ههههههههه حلوة حلوة يبه انت و امي ههههههاي
لمياء مبوزة : لا و الله اللحين هو الي يهاوشني و انا الي اصير ارد و مدري ايش امحق أهل
ابو خالد : آفااا امحق أهل اللحين بعد و تقولين مالك لسان
لمياء استحت من نفسها : يؤيؤ بابا مو انا الي قلت
ابو خالد : أجل مين ؟
لمياء تتبسم : مدري يمكن قريني
ام خالد : بسم الله علينا وش هـ السوالف يا بنت
خالد مات ضحك على أخته الي طلعت نفسها من السالفة بهبالها : اما قرينك هههههههههههههههه خليه يسلم علي هههههههههه
ابو خالد يضحك : الله يخليكم لي بس
لمياء : آميييين و يخليني لك انا اهم وحده و الا خالد مو مهم
خالد : روحي تكفيييين بعدين انتي ليه للحين مقابلتنا ؟ روحي تجهزي يالله من اللحين الى الساعه 7 تكونين جاهزه
لمياء : لا يا شييييخ و الله اليوم بطلع بدري و بركب بسرعه و تشووف
خالد : أتحداااااااااااااااك
لمياء : تشووف
ام خالد : ليتك دايم تتحداها يا خالد
خالد : ههههههههه مسكينه امي متعقده منك
لمياء : ايييه انتم ما عندكم غيري انا المسكينه بس بابا معي صح ؟
ابو خالد ضحك على بنته و لا حب يكسر بخاطرها مو هذي دلوعته : اكيددددد
خالد : اييه دلعها و خلها تخرب و لا تجيني بعدين تقول لييييه
ابو خالد مات ضحك على ولده : لا تخاف موب جايك بروح لامك شرايك ههههه
ام خالد : ههههههه ابد ما عليك منهم يا ابو خالد هههههه
لمياء : هههههه اتفقوا عليك ههههه
خالد : ههههههه مو مشكلة يوم انهم امي و ابوي موب انتي و عااااادل العله
لمياء : ههههههههههههه و الله من زمان ما تهاوشت معه من يوم العزيمه
خالد : اي و الله من زمان ، الا صدق انتي يالخبله صدق نزلتي من السيارة ؟
ابو خالد : وش نزلت ؟ وش السالفة ؟
لمياء : هههههههه ابد بابا يوم عزيمه اهل رياض قال لي عادل انزلي من السيارة و وقفها و انا نزلت
ابو خالد : مجانين صدق انتي و عادل مدري متى بتكبرون !!
ام خالد : اذا تزوجوا و تدق بالحكي
لمياء : لااااااا انا توني صغنوووونه بتهنى بحياتي
يلا يلا باي بروح اتجهز
خالد : ههههههههههه انحاااشت ههههههههههههههاي
لمياء طنشته و طلعت فوق و كلهم ضحكوا عليها

عند رنا الي كانت حيل متضايقه و لا لها خلق بس اذا تذكرت ان عمتها بتجي تنبسط شوي
كانوا الكل متحمسين و يجهزون لجية العمه عندهم
بس عادل حس تغير بأخته هو و فهد
فهد : عادل وش سالفة رنا لها يومين مو على بعضها ؟
عادل : علمي علمك و الله انا مستغرب منها
فهد : شرايك نروح نغير جوها و نستهبل عليها
عادل : فكرة مش بطاله يلا قداااام
فهد : يلااا
و يروحون الاثنين عند اختهم بغرفتها
و يدقون الباب عليها
رنا : لحظظظة ، خلاااص ادخللل
عادل : الله ايش الحلاوة هذي اليوم
فهد : و الله مو سهله اختنا طالعه حلوة علي
رنا : هههههههه يا عيني ع الوثوق أصلا انا احلاكم
عادل يطالعها من فوق لتحت : و الله مدري انا احس اني احلى منك
فهد : لا تحاولون انا احلااااااكم
رنا : ههههههههه خلاص لا تتهاوشون كلكم حلوين
عادل : و بنحبكن
رنا و فهد : ههههههههههههه
عادل جلس على سرير اخته و يطالع فيها بحنان : رنا
رنا : هلا
عادل : تعالي اجلسي نبي نكلمك
رنا استغربت و جلست بين اخوانها
عادل : رنا فيك شي احد مضايقك ؟
رنا : ....
فهد : رنووي حنا حاسين فيك مو معناته ساكته ما تدرين اننا نعرف اذا تضايقتي
رنا خنقتها العبرة و هي تحس باهتمام اخوانها بس مسكت نفسها : ما فيني شي صدقوني بس متضايقه من الاجازة طوولت
عادل : اووف دافورة
رنا : هههههههه بسم الله علي منك
فهد انبسط لانهم قدروا يطلعون اختهم من جوها : ايييه رنووي شفتي اليوم بتجينا عمتي و شذذذذذذذى و يرص ع الاسم
رنا : هههههههههههه اييييه بتجي شذذذذذذى و تسوي نفس حركة فهد و تقول مرررة واحشتني
عادل يطالع في الاثنين و وده يذبحهم : انت و اياها انطموا خلاص
رنا و فهد : هههههههههههههههههه
رنا : و الله صدق لازم ادق على لمياء بصورك عادل تكفى برسل صورتك للمياء علشان تضحك هههههههههه
فهد : ههههههههه انتي اصبري تجي و الله ما تخليه بحاله ههههههههه
عادل : ماالت عليكم انتم و اياها انا بروح بس
رنا : هههههههه ايييه انحااااااش
عادل كشها و طلع و فهد مات من الضحك بعدين قال : يلا رنوي انا بطلع بعد اخليك تتجهزين
رنا : فهد شكرا
فهد يبتسم لاخته : رنووي حنا اخوان لو احنا ما حسينا فيك من بيحس ؟
رنا ابتسمت لاخوها : يلا خلني اكمل استعدادي
فهد : ههههه بطلع بكرامتي
و طلع و جلست رنا لحالها و هي تحس بنعمة اخوانها الي حاسين فيها
آآه منك يا ريااض خليتني ما أحس بنفسي و أضيق خلقي و بالأخير ما استفدت شي بس لازم احاول انسى لازم

بعد كم ساعه جوا لمياء و اهلها و قابلهم عادل
عادل : يووه بيتنا ظلم جت لمياء
لمياء ما كان لها خلق ترد عليه طنشته و مرت من قدامه و دخلت
و سملت امها على العيال و دخلت وراها
خالد : ههههههههههههه بالله عادل المفروض تعد كم مرة طنشتك لمياء
ابو خالد : انا مدري متى بتعقلون يالله جعل ربي هدى بنيتي و عقلت و قررت ما عاد ترد عليك
عادل استحى يوم شاف عمه بس ما قدر يسكت كثير بعدين قال : آفاا عمي يعني اللحين حنا صرنا مزعجين
خالد : يووه ما أتحمل المؤدب هههههههه يبه تعال كل يوم هههههههه
ابو خالد : هههههههه انا مدري ليه ما يطلع قدامي الا الوجه المؤدب
عادل : احترااااااااام عمي احتراااااااااام
خالد : امحق هههههههههههههه
و ضحك ابو خالد و دخلوا المجلس و هم يسولفون مع بعض
عند الحريم ..
رنا توها تنزل
و شافت لمياء و امها و راحت تسلم عليهم و جلست جنب لمياء
لمياء : صبااح الخير كان ما نزلتي
رنا : هههه شسوي كنت اتجهز و عادل و فهد عطلوني شوي
لمياء : ليه ؟
رنا : يا ربيي لمياء اليوم صدق حسيت بنعمه اخواني و الله احبهم
لمياء تضحك : وش هـ الحب اليوم
رنا : و ربي لمياء تخيلي حاسين بضيقتي و جايين يونسوني و يشوفون وش الي فيني
لمياء ابتسمت لانها تعرف عيال عمها حنونين : الله يخليهم لك رنووي و هذا علشان تعرفين انك تضيقين خلقك على ناس ما تسوى
رنا ابتسمت لبنت عمها : تووبه بحاول قد ما اقدر انسى و الي نساني بنساه
لمياء : ايووه كذا ابيك ، الا صدق وش صار بعادل يوم درا ان شدوو بتجي هههههههه
رنا : ههههههه فاتك شكله و ربي تمنيتك فيه كان تضحكين ضحك على شكله
لمياء : ههههههه قهر بس مو مشكلة ما راح اتركه من التعليق
رنا : ههههههه اهم شي خلي شدو بحالها تراها ما يحتاج
لمياء : هههههه لا توصين حريص انا ما علي الا من اخوك
شوي الا سمعوا صوت ابو عادل يهلي و يرحب و عرفوا ان عمتهم جت
و راح الكل يستقبلهم عند الباب
سملوا على عمتهم و شذى و الباقي دخلوا العيال بالمجلس و الحريم دخلوا

عند العيال
الشياب جالسين يسولفون سوا
و الشباب سوا
خالد : وش ذا الغيبه سعد ياخي ترا فيه اختراع يسمونه تلفون تعرفه ؟
عادل : لا ما يعرفه انت و وجهك هو توه ع البيجر
سعد : ههههه وش دعوه بس و الله يا عيال ما افضى كثير و بعدين ادري انا مقصر بس عاد الدنيا تلهي
عادل : لا يكثر اقول قال تلهي ما نشوفك تقطع مفهوم
خالد : اسمع كلام عمك
سعد : ما بقى الا عادل يصير عمي ههههههههه
عادل : عمك و عم اهلك و يطالعه بطرف عين
سعد و خالد : هههههههههههههه
سعد : ملاحظ عادل اني معطيك وجه ؟
خالد : لا هذا مو وجه انت تعطيه على قد عقله
سعد : ايييه صح عليك
عادل : اقول طيروا بس انت و اياه وين لمياء الي تقدر مواهبي
خالد : ههههههههههههه و الله مطنشتك اليوم هههههههه
سعد : و هذولي للحين هههههه
عادل : لبكررررررره
عبدالله كان يسولف مع فهد و مندمجين بالسوالف
( عبدالله عمره 17 بس يحب فهد كثير و قريب له
و سعد كان كبر خالد و عادل )
و نط لهم عادل : وش تقولووون ليه ما تسولفون معنا هااه هاااه و الا من لقى احبابه نسى اصحابه
عبدالله : بسم الله علينا شوي شوي ياخي ما شاء الله عليك بالع مسجل ؟
فهد : هههههههه اكلت المسكين
خالد : بس حلو عبدالله رديت عليه لا تسكت له هذا
عبدالله يبتسم : من قال لك اني بسكت له
عادل : اووف كلكم علي حشا
سعد : كفو اخوي هههههه
عادل : مالت عليكم بس و طلع عنهم و هم ميتين ضحك عليه
اليوم مو يومك يا عاادل بس كل شي يهون ما دامت شذى معك بنفس المكان !

عند البنات الي كانوا مبسوطين بشذى و ما خلوا شي ما سولفوا فيه
لمياء : يا زيييينك يا الوهيي كبرت و الله
عبدالأله : ايي انا اصلا كبيررر انتي تحسبيني بزر ؟
لمياء : هههههه لا ابد مو بزر وش دعوه
رنا : هههههه يا حبي له من زمان عنكم مرررة
شذى : هههههه شفتي كيف الدنيا لو احنا هنا كان دايم نتشاوف
رنا : اي و الله
شذى : لمياء مندمجه مع ألوهي بقووة
رنا : هههههه ما تعرفين لمياء تنسى نفسها اذا شافته او شافت الجوري بنت خالتها
شذى : هههههههه من جد
لمياء : تراني اسمعكم لا تحشووووون
نجد تضحك : ما شاء الله عليها بنت خالي عليها اذن
لمياء : هيييييي بسم الله علي
رنا و شذى : هههههههههههههه
( شذى كانت بسن رنا اما نجد كان توها عمرها 14 و عبدالأله كان بأول ابتدائي جاهم بعد وقت طويل و كان الكل فرحان فيه )
بهالوقت دخلت عليهم مها
و راحت سلمت على عمتها بعدين راحت للبنات
شذى : مهااااااااا وحشيتنيييي
مها : و انتي اكثر و الله شدو
و جلسوا يسولفون سوا و مبسوطين بعدين جاء عادل
عادل : ياا ولددد
ام عادل : وش جابه ذا
لمياء : ههههه خالتي اشتاق يتهاوش معي أكيددد و تطالع شذى بنظرات و تضحك
رنا : ههههههه ايه مو أنتي مطنشته اليوم أكيد و تغمز للمياء
شذى وجهها قلب أحمررر مررررة و البنات يعلقون و يضحكون
تحجبوا لمياء و شذى الي كانت ميته من الحيا و دخل عادل
عادل : هلا هلا عمتي تو ما نورر البيت
لمياء : منور بوجودي طبعا من قبل
عادل : يا شين الي يحب يرز وجهه
لمياء بغرور : يحق لييي
عادل : انتي بيجيك أحد يوم يكسر لك هـ الغرور
لمياء هنا اعتفس مزاجها و تذكرت مساعد و طنشت كلمة عادل و سكتت
رنا استغربت هي و مها و حتى عادل و شذى برضو لان الكل متعود على لمياء و ردودها على عادل
بس محد علق او قال شي
و جلس الكل يسولف و يضحك و عادل و شذى بعالم ثاني
و مها منتبهة لهم و تبتسم بس ما كانت تدري عن حركات الكل معهم
عادل يضحك و يسولف و مخلي الوضع عادي اما شذى مرررة مستحيه
رنا تطق شذى : لا تستحين يا بنت خليك عادي ههههههه
شذى : رنااا لا يكثرر و بعدين وش مدخله أخوك
رنا : هههههه قلنا لك مشتاق للهواش مع لمياء
شذى قلب وجهها بقوة بعدين انتبهت : رنا شفيها لمياء ساكته
رنا سكتت و طالعت في لمياء الي مسرحه : مدري و الله انا استغربت
عادل كأنه يقرا افكارهم : وش عندها مس لمياء ساكته و لا افحمتك بكلامي
لمياء طالعته بنص عين و قامت : تبون شي من المطبخ ؟
ام عادل : اجلسي يا بنتي الخدامات يجيبون الي نبي
لمياء تبتسم لزوجة عمها : لا خالتي ابي اروح اجيب لي مويه و لو تبون شي قولوا لي
ام عادل : خليهم يجيبون لنا اجل موية بطريقك
لمياء : اوكي
و راحت لمياء عنهم
رنا استغربت و شذى لان توها كانت تستهبل و تضحك معهم حتى عادل ما فاته هـ الشي و برضو مهـا كانت مستغربة تصرفات بنت عمها المو طبيعيه
مها : وش سالفتها ؟
رنا : علمي علمك !
لمياء راحت المطبخ و جلست بكرسي فيه و تفكر
اممم شصار لي انا كلمه عفست مزاجي شصاير لي صايرة شفافه الكل يدري عني
مو طبعك هذا لمياء لهالدرجه الزفت غيرك !!
اووف و الله انقهرت يمكن لاني احس ان جزء من كبريائي و غروري متحطم معه
صح مو كله بس برضو !!
آآه الله يسامحك يا مساعد ليتك تفكني من كل هـ السالفة
و جلست تطالع في جوالها و تتأمله و هي تفكر بكل شي من أول السالفة لآخرها
ما تدري ليه بعد سالفة الجوهره ضاق خلقها كثير كانت تتمنى الولد الي تكلمه اعز صديقاتها يصير صادق
تتمنى لها الخير هذي صاحبتها و برضو رنا كانت حالتها النفسية مو كويسة
كانوا كلهم يتكلمون و يشكون لها بس هي تتكلم مع مين من تقول له عن الي يصير لها مين عندها يسمع لها
تنهدت مرة ثانيه بضيقه ياا رب ساعدنيييي
حست لمياء انها تأخرت عليهم قالت للشغالة تجيب موية و رجعت لهم على وجهها ابتسامه تحاول تخفي الجزء المكسور فيها

عادل الي كانت الجلسه عاجبته على طول لما شاف لمياء تحرش فيها : يوووه طلعتي و الله اني احسبك متي
لمياء و هي ما تطالعه : تكفى لا يكثر بس يا روميو زمانك
رنا هنا عجزت تتحمل و ماتت ضحك و شذى حمر وجهها و مها تطالع في لمياء و رافعه حاجبها
عادل انقهر من كلمتها : لمياء لا يكثر اقول كنا مرتاحين بدونك و الجلسه كانت روعة
لمياء تطالعه بغرور : أتحدااااااااك أصلا انت ما تقدر تسوي شي من دوني و ابتسمت
ام سعد : بسم الله عليكم شفيكم انتم
مها : يعني ما تعرفينهم يا عمتي لمياء و عادل مثل العاده مو شي جديد
عادل كان منحرج من كلام لمياء و الله عرفت تحرجه و رنا مو قادرة تتحمل مرة فيها الضحكه و شذى برضو انحرجت
اما لمياء راحت جلست بكل هدوء بمكانها و طالعت بعمتها و قالت بكل براءة : عمتيييي انتي شفتي هو الي يبدى دايم ترضين اسكت عن حقيييي
عادل مطير عيونه فيها : لمياااااء
رنا هنا ما عاد تتحمل و ماتت ضحك
و ام خالد و ام عادل نفس الشي
العمه : و الله مدري عنك لمياء انتي بريئة قدامنا بس كلكم سوا لا انتي و لا هو
لمياء فتحت عيونها مررة و تطالع عمتها و تقول بدلع : عمتييي لا تظلمينيييييي
هنا نجد ضحكت بعد على بنت خالها و عبدالاله مستغرب يناظرهم بعدين قال : عاادل ليه تزعل لمياء انتي تدري انها هي حبيبتي و اذا كبرت بتزوجها ؟
عادل طير عيونه و قال : هاااااااه
شذى الي كانت مستحيه هنا ضحكت خلااااص من كلام اخوها و الكل لحقها
و لمياء راحت و ضمت عبدالاله : و تلوموني في حبه بعدد شف الي مو انت
مها ما قدرت تتحمل : و الله مو سهل الوهي هههههه لمياء لا تكسرين بخاطر الولد
عادل : و الله لاعبة عليه هـ البزر وش تكسر فيه انتي الثانيه بعد
المهم انا بروح للعيال مدري وش فيكم اليوم كلكم علي
لمياء ميته ضحك : لو انا معك عند العيال كان قلبت عليهم معك
عادل : ادرررررررري تعلميني
ام سعد : ما شاء الله و انتم دقيقة اعداء و دقيقة اصحاب
رنا : هذولي هم دايم كذا عمتي سبي واحد منهم قدام الثاني و يقلبون كلهم عليك ههههههه
مها : و انا اشهد يا عمتي ياما قلبوا علي
ام سعد ضحكت على هبال عيال اخوانها
و طلع عادل راح للاولاد
و قامت رنا : بنات قوموا معي للغرفه و اذا جاء وقت العشاء ننزل
لمياء : يلاااا
و قاموا كلهم و اخذوا نجد معهم لان ما عندها احد بسنها بس مها جلست مع عمتها و امها و زوجة عمها
لمياء : تدرين نجد يبيلي اوديك معي لبنات خالي و خالتي هههه هم الي عندهم احد قريب لك ههههه
رنا : لا تقولين ربا بس هههههه
لمياء : الا
شذى : ههههه اخبرها بالثنوي و الا
لمياء : اي السنه هذي هي و رندا بـ ثالث ثنوي
شذى : الله يوفقهم بعدين تذكرت شذى اييييه لمياااء يا دبببببه احرجتيني توو مرررررة
لمياء : ههههههه ليه انا شقلت
شذى : يا ربييي تذبحيني بهالبراءة
لمياء : هههههههههههه
نجد : اووف طفش ابي اسوي شي
رنا : شرايك اوديك عند التلفزيون
نجد : اييييه تكفين مرة ملانه
و راحت رنا تودي نجد لغرفة التلفزيون
و بقى شذى و لمياء بالغرفه
شذى : لمياء
لمياء : اممم
شذى : ممكن اسألك سؤال ؟
لمياء : اسألي يا قلبي بدون ما تستأذنين
شذى : تسلمين لي اممم لمياء شفيه انعفس مزاجك و حنا تحت ضايقتك كلمة عادل ؟
لمياء سكتت شوي و سرحت : ....
شذى : لمياء سوري لو ضايقتك بس ما عجبني شكلك
لمياء تبتسم لبنت عمتها الحنونه : لا شذى ما زعلت من كلام عادل بس ذكرتني كلمته بـ سالفة وحده من صاحباتي و ضاق خلقي عليها
شذى : آهـااا
لمياء : لا تشيلين هم عادي بعدين انا و عادل ما نزعل من بعض ههههه
شذى : ما شاء الله عليك ليتني جريئة مثلك انا استحي منهم كلهم
لمياء : لانك ما تعودتي عليهم كثير بعدين عادل غير غصب بتستحين ههههههه
شذى حمر وجهها : لمياااء عااااد
لمياء : ههههههه خلاص خلاص
دخلت رنا و فتحت الباب قوة و قالت : وش تقولووووووون
لمياء : حشا دخلة ولد
شذى : ههههه مرررة صايرة عربوجه رنوو
رنا : انا اصلا كلي نعومه بس انتم مو مقدرين
لمياء : هههههه مرررة
رنا : اسمعوا المهم بدون اي جدال اليوم انتم عندي و لا وحده تفتح فمها و تقول لا مفهوووووم
شذى : بسم الله اكلتينا
لمياء : ههههه من جد انا من عندي امي ما راح تقول لا و لا ابوي
شذى : امم حتى انا ما اتوقع تقول ماما شي
رنا : يسسسسس و الله بنفلهااا اليوم
يلا يلا بنات بطلب من البقاله العده
لمياء : هههههههه اهم شي لا تنسين السنيكرس
شذى : انا ابي افهم انتي وش حببك فيه مرررة ثقيل
لمياء : اعشقه
رنا : تزوجيه
لمياء : مو راضي
شذى : ليه ؟
لمياء : يقول يحب وحده ثانيه و سوت نفسها تبكي
رنا : ههههههه الحمدالله و الشكر صدق مجانين
شذى : هههه مرررة
جلسوا البنات سوا و ضحك و سوالف و قرروا كلهم ينامون عند ابو عادل
الا الحريم و نجد و عبدالأله لانه صغير و مها طبعاً جاء زوجها و أخذها

شذى : يا الله بنااات تصدقون الساعه 6 ما حسيت بالوقت ابددددد
رنا : و كيف بنحس و حنا سوا لو جت 1 الظهر ما راح نحس ههههههههه
لمياء : صادقه و الله بالذات اننا من زمان عنك يالدوووبه لا و جالسه بالأخير تسألنا عن عاااادل
شذى احمر وجهها على طول و رنا ضحكت على نبرة لمياء
لمياء : هههههه لا تستحين شدوو ما فيه احد بس انا و رنا بس ههههههه
شذى : ماااااالت عليك
بهاللحظة و البنات يضحكون سوا دق جوال لمياء و مجرد ما سمعت الدقه اعتفس مزاجها
شذى : يووه الحبيب دق عليك لمـوو ردي عليه
رنا : اييه ما يحتمل يفارقك عاد الزياده بعد نايمه عندي و انتي ما قلتي لي تبينه ينجن ؟
لمياء عصبت صدق لانها تخيلت مساعد يتأمر فيها كـ العاده : حبيب بعينه
شذى : اووف عصبت
رنا : هههههههههههههه بقوووة عصبت
قامت لمياء من بينهم و قالت عن اذنكم برد على التلفون و تميعت و هي تقولها حبيبييييي
شذى و رنا : هههههههههههه
لمياء كانت تحاول ان البنات ما يحسون فيها لانها صدق تضايقت طلعت من الغرفه و ردت على مساعد
مساعد : الوو
لمياء بصوت واطي و هادي : هلا مساعد
مساعد : اهلين بعيون مساعد
لمياء : .....
مساعد ابتسم حتى هو ما يدري كيف طلعت منه الكلمه بعدين قال : سوري
لمياء : لا عادي
غريبة يتأسف وش عنده الأخلااااق !! ( هذا الكلام ببال لمياء طبعاً )
مساعد : اخبارك لمياء ان شاء الله مرتاحه اليوم
لمياء : الحمدالله مرررة مبسووطه
مساعد : يا عساه دوم وشالطاري اليوم هـ الفرحه
لمياء وش يحسبني دايم متضايقة : ابد عمتي جايه من الشرقية و نايمين كلنا عند عمي الكبير
مساعد : حلو اجل عطلتك
لمياء : امممم
وش فيني ليه ما اقول ايه غبيييه !
مساعد يبتسم حس ان لمياء شوي بدت تتجاوب معه مع انه مستغرب هـ التجاوب : امم لمياء ممكن اقول لك شي ؟
لمياء استغربت صدق هذا مؤدب اليوم ! بعدين قالت : تفضل
مساعد : عاجبك الوضع ؟
لمياء : اي وضع ؟
مساعد و هو يتنهد : وضعنا لمياء احنا بدينا و قلنا بنكمل 4 شهور و اللحين مر شهر زي الزفت لا علي و لا عليك و لا تقولين لا لاني متأكد
لمياء : ....
مساعد : لمياء بليز تكلمي معي انا ابي حل احنا بدينا و هانت كلها 3 شهور و الا ما تقدرين تتحمليني ؟
لمياء : ....
مساعد بهدووء فظييييع : لمياااء
لمياء ما تدري ليه ساكته بس بالأخير تكلمت : هلا
مساعد : ليه ساكته كلميني قولي لي انا صح او لا ؟
لمياء سكتت شوي بعدين قالت : مساعد مقدر انت بدايتك سهل اقول انها وقحه معي انت انت بعدين سكتت
مساعد ابتسم لانها شوي تجاوبت معه بدون عصبيتها و نرفزتها : انا ايش ؟ و ابتسم بعدين قال غير وقح ؟
لمياء انحرجت شوي بس تقول يستاهل هو الي جابه لنفسه بعدين قالت له : و لا شي احساس في داخلي احب احتفظ فيه
مساعد : اوكي براحتك ما راح اقول لك وشو متى ما بغيتي انتي تقولينه بتقولينه بوقته بس لمياء عندي طلب ممكن ؟
لمياء : آمـررر
مساعد ابتسم لأنه انبسط من كلمتها و قال : ما يامر عليك ظالم ، لمياء باقي من مدة لعبتنا 3 شهور ممكن نخليها هاديه و نكون اصحاب و نتبادل مكالمات تحسسيني شوي انك معي ؟
لمياء : ...
مساعد : لمياء طلبي مو صعب صح ؟
لمياء تنهدت بعدين قالت : اوكي مساعد بس برضو نظل على اتفاقنا بعد ما تخلص المده الي يعرف أكثر يطلب الي يبي
مساعد : تم
لمياء : اوكي خلاص
مساعد : اجل اللحين اخليك عطلتك عن بنات عمانك
لمياء : لا مو مشكلة
مساعد : انتبهي على نفسك
لمياء : ان شاء الله ، يلا باي
مساعد : ربي يحفظك
عند مساعد كان ما يدري وش صار له جالس يوزع ابتسامات من اول المكالمه مو قادر يمسك نفسه فرح أخيراً أخيراً قدرنا نوصل لتفاهم
أخيراً هي تجاوبت معييي أخيراً رضت يا ربيي كل هذا تغلي يا لمياء الله يتمم هـ الـ 3 شهور على خير يااا رب

عند لمياء ما كانت حالتها احسن من حالة مساعد كانت واقفه و تطالع بالتليفون ما تدري الي سوته صح او غلط بس هدوءه اليوم
احساسها بانكساره و ان فيه شي خلااها ترضى بعدين مثل ما كان وقح معها هي تواقحت عليه بس يحق لهاا هو الي بدا !!
اوعدك مساعد أحاول اتقبلك الى ما تخلص المده على خير و بعدها لكل حادث حديث و تنهدت و رجعت للبنات بالغرفه

الجز الخامس ،،


بعد اسبوع جلسوا الأخوان مع أختهم و الكل كان مبسوط بجيتهم
جاء وقت رجعتهم و الكل كان متضايق لانهم متعلقين في بعض
بس كان لازم ان الكل يرجع لبيته لان ما بقى الا أقل من أسبوع على الدوامات

و طبعاً عادل و شذى ما شبعوا من شوفة بعض و الود ودهم يبقون طوول الوقت
و لمياء و رنا و حتى خالد يدقون بالحكي

لمياء و هي تودع شذى عند عادل : شذى بتوحشينااااااااا مرررررة مررررة مررررة فوق ما تتخيلين
شذى حمر وجهها : حتى انتي و الله
لمياء : بس انا و الا كلنا و غمزت لها
شذى هنا ذاابت من الخجل و عادل مبسوط على حركة لمياء
صدق هـ الاثنين مهما صار الا ان قلوبهم على بعض !!
عادل : لمياء انا بشتاق لك
لمياء : هههههههههه و انا أكثررر عادل
عادل : لا تنسيني لمياء اوكي
لمياء : من عيوني
و كل هذا و شذى صار وجهها أحمررر من كلامهم لانها عارفه انهم يقصدونها
عادل : اوكي باي يا قلبي و قالها بنبرة حالمه
لمياء : ههههههههه عطيتك وجه عدوول رووووح بعيد يلا
عادل حس انه زودها : هههههههههه بسامحك هـ المرة
لمياء : ههههههه غصب عنك
رنا ميته ضحك عليهم هي ما قدرت تسوي شي ما حبت تحرج شذى بس لمياء عااادي عندها
و خالد مع سعد كان يودعه بعدين جاهم عادل و سلم عليه
عادل : عاد لا تقطع سعد ترا نتعود عليك بعدين ننساك
سعد : ههههه و لا يهمك بزعجكم و اقلقكم
خالد و كنه خاف : لا لا تكفى ترا عادل يجاملك
سعد : ههههههههه طيب انت و وجهك يجاملني أجل
فهد و عبدالله كانوا ميتين ضحك عليهم و ودعوا بعض برضو و راحوا عمتهم و عيالها بعد ما قضوا احلى ايام معهم
بهالفترة رنا ما كانت تدري عن خالها و لا تبي أي شي عنهم و نفسيتها بدت تتعدل
اما لمياء فأوضاعها مع مساعد كانت هاديه و كل واحد فيهم يحاول يعرف شي عن الثاني

بدت الدراسة بعد كم يوم و الكل كان لاهي الي بالمدارس و الي بحوسة الجداول
و صار مساعد يكلم لمياء يوميا على قولته علشان يعرفها صح و يفوز هذا كان عذره لنفسه !
اما رنا ما كان فيه أي تطور بحالتها

بعد ما انتهى اول اسبوع من الدراسة ببيت ابو عادل

فهد : اووف بيبدا الجد الاسبوع الجاي مااالي خللللق
رنا : حتى انا و بالذات انها آخر سنه مرررة مالي خلقهاا
فهد : يالله هانت ربي بيعطينا أجر و سوا نفسه يبكي
رنا : ههههههه ايه اجر بالعلم بس ما يحتاج تبكي و تسوي فيها متأثر
فهد : ههههههههه وش اسوي عشت جو
دخل عليهم عادل هـ الوقت و قال : رنووووي تكفين قولي للخدامات يجهزون القهوه و الشاهي و يجيبون لنا بالمجلس
رنا : اوكي
قال فهد : ليه من عندك
عادل : فارس صديقي جايني
رنا تذكرت فارس و ابو المواقف معاه واااو فشللللله و قامت بسرعه تقول للشغالات الي قاله لها اخوها علشان ما يحسون فيها لان وجهها حمر
هي ما تقدر تمسك نفسها على طول مشاعرها تبين عليها مو مثل لمياء لو يبين عليها مرة عشر مرات ما يبين
و لما قالت للشغالات يا ربيي و الله استحي منه هـ الولد وش ذا الفشله انا و مواقفي معه بعدين تذكرت و جلست تضحك
دق جوالها و ردت
رنا : هلا و الله و غلا بهالصوت
ريم : ههههههه يعني بتقنعيني انك مشتاقه و انتي حتى اتصال ما تتصلين
رنا : وش اسوي يا قلبيي تدرين ان عمتي جتنا بعدين حوسه التجهيز و بعدين الجدول غير انكم انتم توه اخوكم جاي ما حبيت اعطلكم ( حست بغصه و هي تقول اخوكم حتى ما قالت اسمه )
ريم كانت تعرف عن رنا و رياض و حست برنا : رنووي اسمعي انا بمرك اللحين قولي لامك لو توافق ابي اروح اشتري اغراض و ابيك معي
رنا : امم مدري و الله ريووم
ريم : بليززز رنا حتى ديم مالها خلق تجي تعالي انتي بليززز
رنا : امم اوكي بقول للماما و برد عليك
ريم : اوكي ردي بسرعه
رنا : اوكي يلا بروح اسألها و ارجع اكلمك
ريم : اوكي
ريم تفكر ياا رب توافق و تنجح خطتييي يا رب
رنا سألت امها و ما عارضت و رجعت دقت على ريم و قالت لها و فرحت ريم كثير
ريم : رياااض حبيبي يلا تكفى ودنيي السووق
رياض : يا كثررك ريم خلي السواق يوديك
ريم : بليزز اخوي حبيبي انا ابيك انت
رياض : لحوول طيب خلاص مو مشكلة بس آخر مرة
ريم راحت تبوس اخوها : انت احسن اخو بالدنيا
رياض : ههههههه مصلحجيه
ريم : هههههههه طيب بس نبي نمر بيت خالتي
رياض : ليه ؟
ريم : انا قايلة لرنا تجي معنا ما ابي اروح لحالي
رياض : آهـاا مو مشكلة
ريم فرحت لان اخوها ما عارض و قالت : دقااايق و اجيك
راحت بسرعه تلبس عبايتها و ركض للباب
رياض : ما خبرتك مطيورة ريوم و الا انعديتي من ديم
ريم : هههههه مستعجله
رياض يضحك على اخته : يلا طيب علشان ما نتأخر
مروا رنا و دقت ريم عليها تقول لها تنزل لما طلعت رنا تدور سيارة خالتها بس ما حصلتها و عقدت حواجبها
هذي تكذب علي اللحين تدري اني ما اتأخر اذا طلعت تستهبلل اووف
شافتها ريم و ضحكت عليها و دقت
رنا : ريوووم و الله لا اذبحك انتي ويييين
ريم : هههههه انا برا بالسيارة الي قدامك سيارة رياض يا غبيه
رنا هنا تغير وجهها و ضاق خلقها يعني بروح معه !
بنفس السيااارة !
بنفس المكان ليه يا ريم ليه انا احاول انساااه !
تنهدت بقووة على طلعة فارس و عادل و استحت رنا و راحت بسرعه لسيارة رياض
عادل : لحظة فارس هذا ولد خالي بروح اسلم عليه فارس و هو يتأمل رنا و هي تمشي : اوكي
سرح فارس في رنا و هي تمشي و يتذكر لما شافها صدق عاجبته هـ البنت
رنا استحت مرررة من فارس لانها تذكرت موقفها معه
و لما ركبت السيارة سمعت اخوها عادل يقول : اجل يلا ما اعطلكم
رياض : ما عليك يلا اجل مع السلامة
عادل : ربي يحفظك الله الله باختي
راح عادل عنهم و رنا تطالعه ما تدري ليه بس كانت تبي اخوها يجي معها ليه مو حاسه بالأمان ليه خايفه !
شصار لك رنا ليه تخربطتي يوم صار قريب منك تحبينه تحبينه للحين !
هو حتى ما ذكرك هو حتى ما فكر فيك رنا اصحي اصحي حست ان دموعها بدت تنزل و حاولت تهدي نفسها
ما يسوى علي من حب و الله !!!
رياض : ما فيه سلام يا بنت العمه
رنا بصوت هادي : سوري السلام عليكم
ريم : هلا رنووي شفيك ساكته حسبتك نمتي هههههه
رنا ابتسمت بس ما علقت و رياض يسولف من اليوم مع اخته و يشاركونها بالسوالف بس هي مالها نفس
مو انتي الي كنتي تبين قربه بس هو نساك !
واضح يا رنا واضح !
وصلوا السوق و نزلوا و جلست ريم تشتري و رنا تسرح بالأغراض كانت مرة متضايقه
حست ان رياض مو لها حست انه ما يفكر فيها و هي الي تاعبه نفسها بالتفكير فيه
كانت تعد الليالي علشان جيته كانت تنتظره بس .... !!
ريم : شفيك رنوي ما شريتي شي
رنا : مو محتاجه شي تعرفيني ما احب اشتري الا الي احتاجه
ريم : انا مثلك بس محتاجه احس اشياء كثيرة
رنا : أهم شي خلصتي
ريم : ايه خل نروح لرياض بالكوفي
رنا تنهدت بعدين قالت : يلا
ريم حاسه ببنت عمتها كانت متضايقه من اخوها كان يحبها بس اللحين هي حتى ما تعرف و هي أخته !!
راحوا البنات لرياض
رياض : خلصتوا ؟
ريم : ايه ما بغيناااا
رياض : حلو طيب اجلسوا بعزمكم على كوفي
رنا : لا ما يحتاج رياض خل نرجع
رياض : آفـااا رنا ما تبين عزيمتي
استحت رنا بعدين قالت : اوكي خل نجلس
جلسوا كلهم ع الطاولة و سألهم رياض : هااه شتبون اجيب لكم ؟ ريم انتي أكيد موكا
ريم : هههه أكيد ما تغيرت
رياض ابتسم لأخته بعدين طالع في رنا و قال : أنتي رنا شتبين ؟
رنا : .....
رياض : رنا ؟؟
رنا : هاا اييه اي شي مو مشكلة
رياض : اجيب لك مثل ريم ؟
رنا : ...
ريم : لا رياض رنا ما تحب الموكا جب لها لاتيه
رياض : اوكي
ريم تطالع برنا الي سرحت
رنا : ما يذكر اي شي عني حتى الشي الي كنا دايم نسويه سوا و برضو أحبه مجنونة انتي يا رنا !!
جاء رياض و عطاهم طلبهم و جلس يسولف معهم و دق جوال رنا
ردت و كانت صديقتها لميس
رنا بنفسها زيين الي دق احد مالي خلق اسولف معهم
رنا : هلا قلبي
هنا رياض عطاها نظرة وش قلبي و قدامي بعد رنا انقهرت منه وش دخله ذا
لميس : كيفك رنوو اخبارك
رنا: تمام انتي كيفك ؟ و شدت على انتي تبين لرياض انها بنت و انها ما اهتمت فيه
طالعها رياض و سكت و ريم حست بتوتر الجو
لميس : رنوو انتي مو في البيت اسمع عندك ازعاج
رنا : لا بالسوق اكلمك ان رجعت البيت اوكي
لميس : اوكي يكون احسن مو قادرة اخذ راحتي معك
رنا : اوكي قلبي باي
لميس : باي
رنا سكرت و لفت على ريم : ريم تسلم عليك لميس و برضو شددت على الاسم
و رياض ساكت
ريم : الله يسلمها و الله حبوبه هـ البنت
رنا : ايه مرة
رياض : خلصتوا نمشي ؟
رنا : انا خلصت
ريم : و انا بعد
راحوا كلهم للسيارة و كان الجو هادي و بهالوقت دق جوال رياض رقم خاص
رياض طالع بالرقم و رفع حاجب و رد : الـووو
جاه صوت أنثوي : ريااض حبيبي اشتقت لك
رياض سكت و ما عاد يدري وش يسوي كانت اخته جنبه و بنت عمته وراه و هذي تكلمه مو وقتها أبدد !!
.. : رياااض شفيك ما ترد علي و الا نسيتني
رياض : اكلمك بعدين اوكي ؟
رنا كانت تراقب تصرفاته و حست انه ارتبك غريبة مين الي يكلمه و يخليه يرتبك !
.. : ريااض حرام عليك انا اقول لك مشتاقه لك و انت تقول اكلمك بعدين
رياض : معليش انا مشغول عندي الأهل اللحين بسكر
.. : اوكي حبيبي بس بنتظرك
رياض : اوكي باي
و سكر منها و بدا يمشي بسرعه بالسيارة
رنا خافت كثيرر من سرعته و ريم ترجمت احساسها بالصوت : رياض لا تسرع تكفى
رياض حس بنفسه و خفف السرعه و كان متضايق من المكالمه الي جته و رنا حست بهالشي و استغربت من الي عكر له مزاجه !
وصلوا لبيت رنا و نزلت راحت لغرفتها و كانت مستغربه وش السالفة مين الي كلمه !!

عند لمياء كانت تكلم مساعد طبعاً كانت المكالمات كاثرة بينهم هـ الأيام
مساعد : ههههههه و ربي انتي خبله
لمياء : شسوووي يعنييي تبيني اسكت
مساعد : ههههههههه لا لا لا تسكتين اصلا انتي عندك لسان ما شاء الله يكفي بلد
لمياء بوزت : احسن اصلا تبيني ما اخذ حقي يعني
مساعد مات ضحك على لمياء و تصرفاتها و لا عاد قدر يتكلم
لمياء : مسااااااعد خلاص عاد لا تضحك ما تسوى علي سالفة قلتها لك
مساعد : و ربي مقدررر ضحكتيني هههههههه
لمياء : مسااااااااااعد
مساعد ما يدري شجاه يوم قالت اسمه حس بشي غريب بعدين سكت ما عاد تكلم
لمياء فيه هذا سكت : مساعد لا تكون مت من الضحك ؟
مساعد ضحك بعدين قال : ليه خايفه علي ؟
لمياء سكتت بعدين قالت : لا بس ابي اشوف آخرة لعبتنا يا ذكي من بيفوز مع اني عارفه انها انا
مساعد تضايق شوي من ردها بعدين بعد الضيقه عنه شوي و قال : هههه لا تثقين بنفسك بزياده
لمياء : نشووووف
مساعد : هههه نشوف
بهالوقت دخل خط مع لمياء يوم شافته لقتها رنا
لمياء : امممم
مساعد : وشو الـ اممم يعني فيه شي
لمياء : ههههه اي بنت عمي دقت علي بشوف وش عندهاا
مساعد : يعني مليتي مني ؟
لمياء : امم مو مليت مليت شبه مليت صراحه
مساعد : مااالت بس روحي لبنت عمك خليها تنفعك
لمياء : اكيد بتنفعني اجل انت الي بتنفعني هههههه
مساعد جد تضايق بعدين قال : اوكي لمياء اسكر اللحين
لمياء : اوكي باي
مساعد : باي

اووف شجاني انا ليه متضايق يا مساعد ليه اعجبت فيها ؟
طبيعي تعجب فيها بنت و تكلمك و مطيح الميانه معها بس لا مو هذا السبب انت كانت تعجبك من اول ما شفتها
بس اعجبك غرورها كبريائها بس لا مساعد انت تلعب على نفسك !
اووف ذبحني التفكير فيك يا لمياء و انتي " و لا حاااسه "

اما لمياء الي كان الوضع عندها عادي راحت كلمت رنا : الووو
رنا : لا يا شيخه ساعه من كنتي تكلمين هاااا
لمياء : ههههه شوي شوي علي يختي كنت اكلم حبيبي يعني بالله عليك بقطعه و اكلمك ؟
رنا : ايه انا اهم
لمياء : روووحي بس
رنا : هههههه طيب لمـوووووو
لمياء : انا من يوم سمعت لمـوو و انا ادري ان وراك شي
رنا : امم لا هو مو شي بس امم لمـوو انا متضايقه و ابيك تجين عندي
لمياء : ليه سلامات شفيك ؟
رنا : اقول لك اذا جيتي بس تعالي بليززز بكره و من بدري
لمياء : امم اوكي مو مشكلة اجيك و انا كم عندي من رنـوو
رنا : فديييييتك يا بنت عمي يلا خليني اروح انام اجل
لمياء : اوكي تصبحين على خير
رنا : و انتي من اهله

سكروا الثنتين من بعض بس لمياء جلست تتقلب بالفراش و لا جاها النووم
كانت تفكر بأشياء كثيرة لييه مع ان الحال اللحين مستقرة الا اني احس اني ضايعه
مدري كيف شعوري أحس فيه شي مو صح بس مدري وين !
مساعد اليوم تضايق مني ادري حسيت بصوته بس انا عادي !
معقولة انا ما عندي احساس !!!!!
دق جوالها و هي تفكر
لمياء الظاهر اليوم يوم المكالمات العالمي و ردت
مي : اهليييييين يالقاطعه
مياء : هلا هلا هلا مليون و لا يسدن
مي : ههههههههه لاتحاولين ما راح ارضى انتي واحشتني و انا مو ع البال
لمياء : شدعووه ميووش صدقيني انتي بالبال انتي بس آمري و انا بجيك اركض ركض
مي : هههههههه ليتني دايم ازعل اجل
لمياء : ههههه لا تشوفين نفسك بس
مي : لميااء تقدرين تجين بكره ابي انادي رغد و خواتها بعد
لمياء : لا و الله توني مواعدة رنا اروح لها
مي : يا ربيي مرة وحشتووني
لمياء : خلاص خليها الأسبوع الجاي و نجي جية محترمه و منك لي اجلس على قلبك من العصر هههههه
مي : اووكي بس يا ويلك لو قلتي مرررتبطه و الا شي
لمياء : اووكي ما يصير خاطرك الا طيب بعدين انتي ما تستحين داقة علي هـ الوقت
مي : يختي شسوي وحشتينييي و لا اقدر انام الا لما اسمع صوتك
لمياء : ههههههههه لا تكفين تراني شكيت بأخلاقك
مي : ههههههههه يلا اجل اخليك اللحين تنامين و انا بعد بروح انام
لمياء : اوكي باي
مي : باي

في اليوم الثاني ببيت ابو خالد ..
كان الكل جالس يتغدون و لمياء استأذنت من ابوها تروح لرنا
و قالت امها انها حتى هي بتروح لام عادل
و خالد و لمياء كـ العاده يتعاندون مع بعض و كل واحد يرمي تعليق و سوالف و ضحك
لما خلصوا
لمياء : ماما انا قايلة لرنو اني بجيها من العصرر
ام خالد : لا لمياء انا مقدر اروح الا بعد المغرب
لمياء : يا ربيي طيب خليني انا اروح
ام خالد : لا تروحين معي بتشبعون من بعض
لمياء : بليززز ماما بليززززز
ام خالد : لا يعني لا
لمياء : اووووف
خالد : يكفي دلع يختي ما بين العصر و المغرب شي
لمياء مبوزة : عندددك بعدين انت وش حارقك سيارتك معك متى ما بغيت تطلع بتطلع
خالد : ههههههه يا ربي سيارتي اليوم بيصير لها شي من عينك
لمياء : مااااااااالت

بعد المغرب راحت ام خالد و لمياء لبيت عمها ..
رنا : ماالت مو تقولين بجي من العصر
لمياء : و ربي امي ما رضت و خالد يشيشها بعد
سمعهم عادل و جاء يركض : اهلييييييييين
لمياء : اووف كانت ناقصتك انت بعد
ام خالد : لمياء عيب
لمياء طيرت عيونها بأمها : وش سالفتكم انتم اليوم ضدي
عادل : تستاهلين و الا فيه أحد يكلم ولد عمه الكبير كذا و بهالأسلوب البايخ ؟
لمياء طيرت عيونها بعادل : نعممممم من يتكللللم
ام خالد : لمياء خلاص
مياء : اووف رنا خل نروح فووق
رنا : ههههههه اليوم مو يومك يوم عادل
عادل مبتسم : تستاهلييييين و يمد لسانه لها
ام عادل : لقينا لك وجه انت بعد
عادل : آفـااا فشلوني
رنا و لمياء ضحكوا عليه بعدين طلعوا فوق لغرفة رنا
لمياء : انا ادري ان وراك شي انتي
رنا : اناااا
لمياء : اييييه واضح على وجهك ما تعرفين تخبين شي انتي رنا كل شي يوضح على وجهك
رنا : امم طيب بقول لك كل شي من الألف الى الياء بس لا تعصبين
لمياء : اوكي قولي بس
و قالت لها رنا عن كل الي صار
لمياء : و تحبينه بعد ! رنا انتي مجنووووووووونه
رنا و هي متضايقه : شسوي لمياء مو بكيفي احبه و ربي غصب عني احبببببه
لمياء مقهوره من بنت عمها وش تحب فيه بس وش تحب فيه : اوووف منك رنا اووف
رنا : ...
لمياء : اصحي رنا اصحي انتي حتى ما تدرين من الي كلمه ذاك اليوم و انعفس اصحييي
رنا و خنقتها العبرة : مو بكيفي لميااء لا تقسين بكلامك علي
لمياء : احياناً نحتاج للقسوة مع الي نحبهم علشان يصحون و يشوفون حياتهم ما يتعلقون بوهم
رنا : ..
لمياء : رنا خلاص اطوي صفحة رياض من حياتك اطويها
لمياء كانت مرة معصبه من بنت عمها و من حبها لرياض الي ما يستاهل
لمياء : رنا حبيبتي انتي تستاهلين الي يسوى رياض تفهمين
رنا و جلست تبكي ما تحملت كلام لمياء : لمياء شسوي انا مو قوية مثلك انا ضعيفة مقدر اتحمل مقدر اضيع كل هـ الحب مقدرر
لمياء تنهدت بعدين قالت : رنا تقدرين انتي تحسسين نفسك بالضعف و انتي تحسسينها بالقوة رنا مو انا الي اعلمك
رنا سكتت و هي عارفة ان كلام لمياء صح بس ما تقدر تقول شي
لمياء : خلاص روحي غسلي وجهك شوفي شلون صار كنك وحش
رنا : ههههه كله منك بروح اغسل
لمياء ابتسمت و جلست تطالع وين راحت بنت عمها و تضايقت كثير

لما رجعوا البيت كانت لمياء تفكر معقولة كل هذا حب طيب ليه ؟
ليه يوم حبت ما حبت احد يستاهل ؟
مدري وش آخرتها معك رنا مدري وش آخرتها مع حبك الي ما منه فايده ؟
انا قسيت قسيت كثير اليوم بس لازم الواحد يقسي نفسه لازم يكون اقوى من الي يصير له لازم ما يضعف للحب !
يمكن لأني انا ما جربت أقول هـ الحكي مدري !
ما تدري ليه هـ الوقت حست ودها تكلم مساعد يمكن صار عاده من عاداتها الكثيره الي تعودتها بحياتها يمكن !
لا رد ..
اووف يوم بغيته ما يرد
شوي الا دق تلفون لمياء و صار مساعد لمياء تغيرت كثير و صارت تكلمه بس بتتغير أكثر و بترضى تحب !!
ردت لمياء : اهلييين
مساعد : هلا و الله و غلا معليش تو ما انتبهت للتلفون كان ع الصامت
لمياء : لا عادي
مساعد : كيفك اليوم كيف روحتك ان شاء الله انبسطتي
لمياء : امم كله تمام الحمدالله
مساعد : اممم و الي يقول لك ان فيه شي ؟
لمياء : فيه شي مثل ايش ؟
مساعد : مدري بس انا اعرف ان فيك شي
لمياء سكتت بعدين قالت : ما فيه شي يسوى بس متضايقه علشان بنت عمي و السالفة خاصه مقدر اقولها
مساعد ابتسم ع الأقل بدت تفتح له قلبها : مو مشكلة انا هلكاااااان
لمياء : سلامتك شفيك
مساعد : اليوم كان لازم اداوم و انهلكت بشكل ما تتخيلينه توني راجع
لمياء : اووف وش هـ الدوام
مساعد : شسوي ابوي طلب مني مقدر اقوله لا
لمياء : أبوك ؟
مساعد : ايه انا اشتغل بشركه ابوي
لمياء : آهـااا
و جلسوا يسولفون شوي بعدين سكروا من بعض ..


بعد أسبوع كان هادي ع الكل و كان متعب و حوسه مكتبات للبنات
رنا كانت تحاول تمشي حياتها طبيعيه و هي تفكر من الي خلى رياض معتفس ؟
اما لمياء كانت هاديه بس كانت تبي تخلص باقي الـ 4 شهور بسرعه و ترتاح
يوم الاربعاء في الجامعه كان الجوهره مع لمياء
الجوهره : يا ربيي لمـوو أحبه بشكل ما تتخيلينه
لمياء ابتسمت لصاحبتها : الله يهنيك جوجو
الجوهره دق جوالها و ردت : هلا
فيصل : هلا و الله قلبي كيفك ؟
الجوهره : امم تمام
فيصل : عطلتك ؟
الجوهره : لا عادي بس جالسه مع صاحبتي
لمياء كانت بهالوقت مسرحه بالجوهره و بالمكالمه
فيصل : و ميين سعيدة الحظ الي جالسة معك بغاار منها
الجوهره : ههههه هذي أعز صاحباتي الي قلت لك قلت لها عنك
فيصل : ايييه انتي ما قلتي اسمها
الجوهره : اسمها لمياء
فيصل : نفس اسم بنت خالتي
الجوهره : صدق يا محاسن الصدف ههه اوكي قلبي انا بسكر اللحين مخليه البنت لحالها
فيصل : اوكي انتبهي على نفسك
الجوهره : اوكي و انت بعد باي
فيصل : بااي
لمياء تطالع فيها و تبتسم : يا عيني ع الحب
الجوهره حمر وجهها : لميااء لا تحرجيني و الله أحببببه نفسي الكل يعرف اني احبببه
لمياء : هههههههه يا بخته
الجوهره : الا صدق تدرين تو وش قال لي
لمياء : ايش ؟
الجوهره : يقول عنده بنت خاله نفس اسمك
لمياء عقدت حواجبها بنت خاله نفس اسمي و فيصل يؤ معقولة يكون !!
الجوهره : شفيك لمـوو
لمياء متنحه في صاحبتها
الجوهره : لمياااااء
لمياء : هااااا
الجوهره : شفيك
لمياء : جوجو انتي قلتي لي اسمه فيصل ؟
الجوهره : ايه
لمياء : يشتغل ببنك ... صح ؟
الجوهره : بسم الله كيف عرفتي
طالعتها لمياء بعدين سكتت الجوهره و شهقت : لموو لا تقولين انه ولد خالتك
لمياء : و الله شكله كذا جوجو يا الله تخيلي الصدفه
الجوهره : يا ربيي قوية لمو مرة قوية
لمياء ابتسمت بعدين قالت : تصدقين انا كذا تطمنت عليك فيصل مو راعي خرابيط بس برضو بشوف وش وراه و انتي لا تقولين له اني طلعت بنت خالته خليها كنك ما تعرفين
الجوهره : اممم اوكي بمشي على شورك
لمياء : حلو و انا بتأكد لك مو بكره بروح للبنات و نشوف ههههه اجل فيصل و الله كبر
الجوهره : هههههه ترا ما اسمح لك
لمياء : تكفيييين تراه ولد خالتي قبل ما تحبينه
الجوهره : و لو
لمياء كشتها و قامت و هي تضحك عليها
الجوهره كانت مو مستوعبه الموضوع قد ايش الدنيا صغيرة ولد خالة اعز صاحباتي !!
شوي الا جوا البنات لمهم
نورا : وش عندكم جالسين لحااااالكم خلصتوا ؟
لمياء : ايه من زمان و حنا هنا ننتظركم
نوف : يختي انهلكنا هلك هلكتنا هـ الدكتورة
لمياء : هههههه تستاهلون قايلة لكم حولوا لشعبتي احسن
نورا : ذليتينا يختي
أشواق : جوجو يا هووووه شفيك مو معنا
الجوهره الي كانت تفكر : هااا لا معاكم
أشواق : واااااضح
الجوهره تبتسم : صدقيني معكم
نورا : خلاص سماح هـ المرة هههههه
لمياء : احمدي ربك جوجو تكرموا عليك و سامحوك هههه
الجوهره قامت و حبت راس نورا و قالت : شكرا ماما
و كلهم جلسوا يضحكون ..


من بكره ..
كانت جمعة البنات عند مي و رندا
و كانوا مستعدين بكل شي و متحمسين لانهم من زمان عن البنات
لما جاء المغرب جوا رغد و شهد و ربا
ربا : كـ العاااده لمياء ما وصلت
مي : و هي عاده تجي بدري هههههههههه
رغد : هههههههه مدري متى هـ البنت بتبدا تجي مثل العالم و الناس
و هم يتكلمون رن الجرس
رندا : ههههه شكلكم ظلمتوها اكيد جت
دخلوا البنات و صارت لمياء الي عند الباب دخلت
لمياء : هااااااااااااي قااايز
ربا : لا لا لا وش هـ التطور جايه بعدنا بس بـ 5 دقايق قوووية لمياء قوية
لمياء : ههههههههه شفتووا قايلة لكم اني بجي بدررري
مي : امحق بدري بس مو مشكلة شي اهون من شي هههههههه
كانوا البنات جالسين مبسوطين الا سمعوا صوت ولد
مي : اكيد هذا فيصل توه صاحي و لا يدري انكم بتجون
لمياء ابتسمت لما سمعت اسم فيصل و كانت مقررة تعرف اذا كان ولد خالتها يلعب على صديقتها او لا يا رب ما تفشلني فيصل
فيصل لما درا ان البنات فيه رجع غرفته تلبس و نزل : ياا ولد
شوي الا قالت له رندا يدخل
فيصل كان وسيم مرة و عمره 25
فيصل : أهلين بنات كيفكم
لمياء : احنا كلنا بخير انت اخبارك فيصل من زمان ما شفناك
ابتسم فيصل ما فيه ملسونه و تطيح الميانه بسرعه غير لمياء : انا تمام بعدين ضحك انتي ما تتغيرين ؟
لمياء : جالسه على قلبك اخ فيصل و مدت له لسانها
فيصل : ههههههه و ربي ما تتغيرين هذي انتي من يوم عرفتك
فيصل كان يفكر اما لو تكونين يا لمياء الي مع جواهر بتكون قووية
لمياء : عاد وش اسوي يا ولد خالتي هذا طبعي مستعد تتحملني ؟
فيصل : هههههههه لا تكفين مالي مزاج
مي : ههههههه خلاص تكفون
فيصل : وش اسوي هي مو راضية تسكت
رندا : صير أعقل منها يا أخوي و اسكت
لمياء : يا سلاااام يعني انا مو عاقله اللحين مالت عليكم بس من بنات خاله كرموني انا ببيتكم
فيصل : هههههههه يعني نسكت لك ؟
لمياء : يسسس عليك لمبه صفراء مولعه بقوة
فيصل : هههههه طيب طال عمرك آمري شتبين
لمياء : اممم ما ابي الا سلامتك طال عمرك
فيصل : ههههههه طيب انا بجلس على قلوبكم سيارتي تتصلح و بنتظر صديقي تسمحون لي بنات ؟
لمياء : انا نيابه عنهم اسمح لك
ربا : يختي خلي لنا مجال نتكلم
فيصل : ههههههههه ما تقدر بعدين ما تصير لمياء
رغد و شهد : هههههه
البنات ما كانوا ماخذين على فيصل كثير بس لمياء كانت متقصده تطيح الميانه شوي تبي تعرف شي !
لمياء : امم فيصل انت اللحين متوظف و كل ظروفك حلوة صح ؟
فيصل : ايه ليه ؟
لمياء : امم ليه ما تتزوج ؟
فيصل شرق بالمويه الي كانت معه : نعمممم
لمياء ببراءة تطالعه : اقول ليه ما تتزوج ؟
فيصل بينه و بين نفسه بعد تكررها !
لمياء : يووه شكلي أحرجتك بسؤالي عادي قل لو انت ما تبي ترا عندنا بنات كثير لو تبي ههههه
فيصل : ههههههه لا شكرا ما ابي خدماتكم لو بتزوج انا الي بختار زوجتي و ابتسم
لمياء هنا ابتسمت يعني فيه امل يكون يحبها يااارب يكون يحبها صدق ما ابي ولد خالتي و صديقتي ما ابي واحد منهم يتعذب !
فيصل جالس يطالع في بنت خالته استغرب سؤالها بالذات انها ابتسمت طول عمرك غامضة يا لمياء !
لمياء سكتت شوي و كانت جنبها رندا و همست لها : رنداا تكفين افتحي موضوع عن الحب
رندا : لييه ؟
لمياء : بس افتحيه انتي تكفيين انا مقدر عند اخوك اتكلم كذا
رندا كانت مستغربه من طلب لمياء و راح فكرها ان لمياء يمكن تحب فيصل معقولة ! و ليه لا ؟
رندا : امم بنات تصدقون امس قريت قصة مررة رومانسيه
لمياء : انا مو مع القصص الرومانسية لانها تخالف الواقع ( طبعاً لميا تعمدت تقول كذا )
فيصل : و ليه بالعكس فيه كثير بالواقع
لمياء : ما اتوقع فيه ما فيه احد يحب بصدق اللحين
فيصل : حرام عليك لمياء و الله كثير يحبون و يخلصون و امنيتهم ينتهي هـ الحب نهاية حلوة
لمياء : مدري بس انا ما قد شفت قصة حب زي العالم و الناس
فيصل : انتي ما قد شفتي لا تحكمين عن الكل كذا
فيصل كان متحمس مرة بالنقاش و هـ الشي أعجب لمياء و حسسها ان فيصل صدق يحب الجوهره بس يا رب ما يكون يتكلم كذا
بس ابتسمت و سرحت و فيصل استغرب صدق انسانه غريبة !!
رندا برضو كانت مستغربه من بنت خالتها من طلبها الغريب
كانت لمياء تبي تسحبه اكثر بالحكي بس يكفي للحين هم شاكين فيها زين بعد حسيتي على نفسك يا لمياء
و اخذتهم السوالف سوا و جاء صاحب فيصل بعد نص ساعه و تركهم
رندا : لمياااء وش ذا السؤال الغبييي عاد فيصل خلقة ما يحب احد يتدخل في خصوصياته
لمياء : و انا وش قلت سألت سؤال بريء مرة لا تصيرون معقدين
رغد : بس و الله قوية لمياء ما شاء الله عليك كيف تجرأتي عليه انتي مثلنا من زماان ما شفتيه
لمياء ابتسمت بعدين هزت كتوفها
شهد : لا تلوميني اذا قلت انك خبله و مجنونه
لمياء : هههههه مو اول وحده تقولها
مي : أهم شي انتي شككتيني صراحه شوي بـ انك تحبين أخوي
هنا ما قدرت تتحمل لمياء و ماتت ضحك : مي حرااااام عليييك
مي : لييه و الا اخوي ما يستاهل يعني
لمياء للحين تضحك : مو كذا بس انا أصلاً مو وجه حب يا شيخه فاضية أحب و أتعب خليني كذا
مي : بالعكس الحب حلو انتي غريبة لمياء مع انك رومانسية و حساسه بس ما تبين تعيشين هـ التجربه
لمياء : اذا حبيتي تضعفين و اذا ضعفتي راح يتحكم فيك الي تحبينه و انا ما ابي هـ الشي
ربا : يا ربييي فيك غرور قوي لمياء
هزت كتوفها لمياء و قالت : يمكن و سرحت لان مساعد دايم كان يقول لها انه بيجي يوم و ينكسر غرورها
رندا : يا هووو نحن هنا
لمياء : اشوفكم مو عميا ههههههه
شهد : يلا بنات طفشااانه شغلوا مسجل سووا اي شي
راحت رندا على طول كنها ما صدقت : يلا يلا وش تبووون
رغد : بسم الله هذي ما صدقت ههههههه
مي : أشك احيانا ان بأختي زار هههههههه
لمياء : ههههههههه حرام عليكم عاد كل شي الا رندا حبيبتي
رندا : اييه دافعي عني لا تخلينهم يحشون لاني مو فاضية ادافع عن نفسي اللحين
و جالسة تحوس بـ ألشرطه تدور شريط يعجبها
شهد : الحمدالله و الشكر بس ههههه مو صاحيه
رغد : خليها تنبسط هههههههه
شغلت رندا المسجل و جلسوا يرقصون و يستهبلون
ربا : اووف تعبت خلااااص
لمياء : و الله ربا صادقه تعبت و انا اضحك
مي : و ربي مو صاحين وش ذا أول مرة أضحك هـ الضحك اليوم استهبال مو صاحي ههههههههههه
رغد الي للحين ميته ضحك : هههههههههه خلاص رندا هههههههههههه
و رندا جالسة تضحكها و هي مو قادرة تتحمل
شهد : رندا ارحمي أختي هههههههههههه
لمياء قامت و غيرت الشريط و حطت لهم شي هادي
رندا : يووه لييييه كذا
لمياء : تعبنا يختي خل نسولف
رندا : اووف طيب
مي : الا رغد أخبار المستشفى ؟
رغد : و الله تماااام
لمياء : تصدقين رغد أحسه مررة ونااسة
رغد : هههههه مو دايم شوفي انا لأني ماخذته تسليه ما عليه لأني متى ما بغيت أتركهم ما راح يهمني شي بس هو كرف مررة
لا و بالذات لا جاك دكتور نفسه زي الزفت و الا مريض يحسبك شغاله عنده مرة ينرفزوون
لمياء : على كذا ما يصلح لي الوضع انا أبددد من أول يوم بيطردوني هههههههه
شهد : هههههههه بالعكس ع الأقل تاخذين حقك مو مثل رغد
رندا : عاد انتي مو مكفولة فيهم رغد يعني مو متوقفه حياتك على هـ الوظيفة لو انا مكانك كان ما أخلي أحد يرفع صوته علي
رغد : ما اعررف
ربا : قولوا لها دايم أعطيها كورسات بس ما فيه فايده فيها هههههههه
لمياء : طيب خلونا من هـ السوالف ما عندكم دكاترة مزايين رغد دايم الدكاترة حلوين هههههههه
رغد : هههههههه هذا همك
لمياء : اييه يختي بضمن مستقبلك يمكن واحد منهم يخطبك هههههه
سرحت رغد شوي و ابتسمت و لا فات هـ الشي على لمياء و رندا
رندا : أيوووووه هـ الإبتسامه يعني فيييه أحد ههههههههه
رغد حمر وجهها مرة : وش فيه أحد انتي بعد
لمياء : هههههههه لا و حمر وجهها بعد كفك رندا هههههههه
رغد راحت فيها من الحياء
مي : ههههه حرام عليكم البنت راحت فيها
لمياء : مالي شغل أبييي أعرف مين
شهد : ههههه قولي لهم رغد خلاص انفضحتي
ربا ميته ضحك على شكل اختها و تقول : و الله عجيبه أختي ليه تستحين عادي
رغد : يا ربيي بنات مرة احرجتونيييي
رندا تقلدها : احرجتونييييييييي
لمياء : هههههههه ما علينا قولي
رغد أخذت نفس : طيب بقول لكم هذا دكتور عندنا هو دايم يلمح لي بس انا اخاااف
لمياء : يا ربيييي أهم شي حلو هههههههه
رغد سرحت : يجنن يا بنات
رندا : عشناااااااا هههههههههه
رغد و حمر وجهها ثانيه : يووه خلاص ترا و الله ما أقوووول
مي : لا لا تكفين حنا ما صدقنا تتكلمين
رغد كملت : هو يتميلح قدامي كثير و عاجبني بس مستحيل اتجرأ و أسوي شي معه يبيني يعرف وين انا
لمياء ضاق خلقها شوي و سرحت : رغد تقول كذا و انتي يا لمياء الي ما تحبينه و لا شي كملتي !
رندا : طيب رغد انتي حبيتيه و قالتها بلهجه رومانسيه
رغد مرررة استحت هنا و سكتت
ربا : هههههه خلاص بنات يكفي اختي راحت فيها
رندا : اييه السكوت علامة الرضا
مي : شقالوا لك زواج هو هههههه
شهد : هههههه و الله حرام عليكم خلاص
لمياء هنا ابتسمت و هي تطالع في رغد بعدين قالت : رغد انتبهي لا ترضخين له حتى لو تموتين فيه
رغد طالعت بنت عمتها و قالت : لا تخافين لمياء انا ما ابي أبدا أرضخ له يبيني يعرف بيت أبوي
قامت رندا و بدت تترقص و تستهبل : عشنااا عشناااا ايوا ايوااا عاشت بنت خالي ايوااا
و قامت ربا معها : و عاشوا خواتها ايواااا و بنات عماتها ورا ورا
مي : خلاص يا مهابيل هههههههههههه
و كملوا البنات سهرهتهم بضحك و وناسة
الى ما رجعت كل وحده منهم لبيتها

في بيت ابو خالد و بغرفة لمياء تحديداً
كانت لمياء تفكر بكلام البنات اليوم انا مغرورة ؟
يمكن بس امم غروري عاجبني انا ما ابي احد يتحكم فيني ما ابي يملي علي تصرفاتي
ابي اعيش مثل ما انا ابي ما ابي اضحي و احد يضحي لي ابي اكون لمياء و بس من دون شخص ثاني
مدري تفكيري صح او لا بس انا ما ابي احب و انحب ما ابي اتعذب
اخذها التفكير و نامت ..

مر شهر و الكل محتاس بدراسته و اختباراته و رنا و لمياء ما كانوا يشوفون بعض ما كان بينهم غير التلفون
و بيوم من الأيام دقت رنا على لمياء منهارة
رنا : لميااء لميااء الحقينيييي و تبكييي بهستيريا
لمياء : رنا رنا هدي اعصابك شفيك يا قلبي شفيك
رنا : لمياء يحب يحب غيري و تبكيييي
لمياء هنا عصبت من جد : رنا انا جايتك اوكي
رنا : تعالي بليز لمياء تعالي
كانت رنا حالتها صعبه و لمياء زين الي فهمت منها كلمتين
طلعت لمياء و استأذنت من امها و حاولت فيها الى ما اقتنعت بس شرطت عليها ما تتأخرلأنهم كانوا بنص الأسبوع
راحت لمياء لبيت رنا و كان ودها لو تعدي كل الطريق بثانيه بس مو بيدها
وصلت لمياء البيت و قابلولها فهد و عادل
عادل : وش عندها لمياء منورة بيتنا بنص الاسبوع اخبر امك ما ترضى
لمياء ما كانت رايقه : عادل بليز بروح لـ رنا
عادل عقد حواجبه : ليه فيها شي
لمياء : لا لا بس تبيني اساعدها بكذا شغله و امي قالت لي ما اتأخر ممكن تبعد اللحين
عادل مستغرب من استعجال بنت عمه بس قال : اوكي روحي
فهد : وش عندها
عادل : مدري صايرة أخلاق معي
كانت مها عند رنا بهذا الوقت و رنا تبكي
مها : طيب رنا حبيبتي قولي لي شفييك يمكن اساعدك ؟
رنا ما تكلمت و بس تبكي و دخلت عليهم لمياء
رنا يوم شافت لمياء بكت زياده
مها طالعت لمياء بنظرات رجاء
لمياء : مها ممكن تخلينا شوي بس و انتي بعدين بتفهمين كل شي ؟
مها : اوكي بس هديها البنت منهارة
لمياء : ما عليك
طلعت مها و رنا كانت تبكي و كان صوتها يقطع القلب
راحت لها لمياء : رنا شفيك وش صار
رنا : مقدرر اتحمل لمياء انجرحت و ربي انجرحت
لمياء طيب هدي اعصابك و قولي لي شفيك
رنا كانت تبكي و مو قادرة تقول كلمتين على بعض
لمياء : اوكي هدي اعصابك روحي غسلي وجهك قدامي
رنا هزت راسها و دخلت
و دق الباب لمياء : ادخلي راتي
راتي : هذا عصير مدام
لمياء اوكي حطيه
حطته الشغاله و طلعت
طلعت رنا بعد ما غسلت وجهها من دورة المياه
لمياء : خذي هذا عصير ليمون يروق لك مزاجك و ابتسمت
اخذته رنا و طالعت لمياء نظرة امتنان
لمياء : هههههه ترا ما عاد اسوي لك شي
رنا : لا خلاص و كان فيه نبرة حزن بصوتها
لما شربت العصير رنا و هدت شوي طالعتها لمياء كانت بتيها تتكلم من حالها
رنا : لمياء اسفة يمكن انتي عندك اختبارات مذاكرة و عطلتك بس ما لقيت غيرك محتاجه اتكلم
لمياء اتسمت : رنوي حبيبتي انا مو بنت عمك بس انا صديقتك و متى ما بغيتيني بكون عندك و لا تبدين تسوين لي فيها
رنا ابتسمت لها بعدين قالت : آآه يا لمياء ليتني سمعت كلامك ليتني قدرت انساه من زمان
لمياء عقدت حواجبها و طالعت برنا : صار شي قوي صح ؟
رنا و نزلت دمعتها : يحب لمياء يحب
لمياء : رنا هدي اعصابك و قولي لي كل شي
رنا : اوكي ، و بدت تحكي رنا كل الي صار لها

كانت رايحه لبيت خالها أمس لان البنات مرة أصروا تجي معهم و أمها ما قالت لا
راحت لمهم كانت ديم تذاكر و ريم راحت شوي تكلم
مشت هي و كان رياض بالصاله يكلم

رياض : انتي ما تفهمين شوق بليز لا تتعبيني معك
شوق : انا احبك رياض افهمني انا ابيك حبيبي ارجع لي و ريحني يعني ايش مستفيد من جلستك في الرياض
رياض : شوق انا احبك بس مستحيل أترك أهلي علشانك مستحييييل
شوق و هي تبكي : ليه رياض ليه تهدم حبنا الي صار له 4 سنين ليييه
رياض تنهد بعدين قال : شوق انا حبيتك من قلبي بس انانيتك هي الي خربت كل شي انا كنت مستعد ابيع كل الدنيا علشانك انا حبيتك حب
بحياتي ما حبيت احد كذا حبيتك شوق من قلبي حسيت انك أهم شي في حياتي ما كنت اطلع اجازات علشان اكون معك بس انتي ما اهتميتي
و تقولين اللحين انا الي اهدم انا احبك بس انتي مو مقدره هـ الشي مو مقدرته شوق

كل هـ الكلام كانت رنا تسمعه و كانت مصدومه ما تدري وش تسوي ما قدرت تحرك رجولها ( طبعاً هي تسمع كلام رياض بس و انا عرضت لكم كل المكالمه )
و كان رياض يمشي بعصبيه و طلع و لقى رنا بوجهه كانت بدون حجاب بدون شي بس كانت مصدومه نظراتها له كل شي
رياض انصدم لما شافها و كانت شوق للحين معه : ريااض حرام عليك رياض انت اناني بس انا بكون وراك الى ما ترجع لي تفهم رياض بترجع لي
و من صدمة رياض بشوفة رنا سكر السماعه بوجهها : رنـاااا !!!!
رنا تطالعه و ساكته ما قدرت تتحرك حست نفسها منهارة
رياض : رنا انتي من متى هنا ؟
رنا سكتت و لا قالت و لا كلمه و لفت ظهرها و خلت دموعها تنزل براحتها راح رياض مسكها
و كان معصب انا اكلمك لا تديرين لي ظهرك و جاوبي على سؤالي تفهمين مو فاضي لدلع البنات
هنا رنا صرخت بوجهه : ابعد يدك عنييي من انت علشان تلمسنييي من انت تراك ولد خالي و بس تفهمممم ابعدد
رياض انصدم من صراخها و هي كملت و هي تبكي : ابعد عني رياض ابعد عني و راحت بسرعه و كلمت سواقهم يجيها
رياض كان واقف بمكانه منصدم ما يدري وش صار و لا وش السالفة و راح لغرفته و سكر على نفسه و هو بحالة ذهول !!
اما رنا شافتها ريم عند الباب : رنا سووري تركتك بس تعرفين كانت البنت تبي اشياء ضروري
رنا دموعها تنزل بس حاولت تمسحها و قالت لريم : معليش ريم انا بطلع اللحين امي ارسلت لي السواق تبيني ارجع
ريم باحباط : بدررري
رنا ما عاد تتحمل : لا معليش مرة جايه هذا لاسواق يدق باي و طلعت

و بس هذا الي صار و رجعت رنا تبكي عند لمياء مرة ثانيه
لمياء تنهدت : رنا خلاص المفروض الي صار يقويك
رنا : مقدر لمياء انا ضيعت عمري و انا احبه حبيته من قلبي و هو يحب غيري و بكل وقاحه يصرخ بوجهي جرحني جرحني لمياء
لمياء وقفت هنا : رنا اصحي اصحي خلاص هو جرحك هو ما اهتم بأي شي كان بينكم هو نسى رنا خلااااص انسي انتي بعد
عيشي حياتك لا رياض و لا غيره بينفعونك رنا خلاااااص فكري بعقلك و خلي قلبك و الله ما يسوى شي منك ما يسوى تتعبين علشانه
رنا : ليتني اقدر مثلك لمياء ليتني اقدر مثلك و نزلت دموعها
لمياء : لا تقدرين رنا تقدرين انتي صرختي بوجهه بينتي له ان ماله سلطه عليك بينتي له قد ايش هو صغير
انتي تقدرين تسوين كل الي تبين بس انتي ما تبين اصحي رنا خلاص رياض ما يستاهلك و زين الي عرفتيه بدري
رنا مقتنعه بكلام لمياء بس هذا الأنسان الي حبته و صعب تنساه بين يوم و ليلة
رنا : من فترة و انا أحاول انسى و اذا شفته أضعف لهالحب بس اللحين ما راح اضعف بس ما راح انسى بسهوله لمياء
لمياء : بتنسين و انا بساعدك اوكي
رنا ابتسمت لبنت عمها الي بدونها ما تدري وش تسوي : اوكي ، انا خوفت مها اللحين لازم اقول لها السالفة
لمياء : انا بقول لها كل شي هوني على نفسك ارتاحي انتي اللحين اكيد ما نمتي من امس
رنا : اي و الله
لمياء راحت و عطتها بنادول نايت و مويه : محتاجتهم اكيد انا متأكده مع كل الي صار صدع راسك و منها تنامين
رنا : صادقه باكلهم و انام
اكلت رنا الحبوب و طلعت لمياء و تركتها علشان ترتاح و تنام شوي و قابلتها مها
مها : لمياء شفيها رنا ؟
لمياء : مها هدي و تعالي معي لغرفتك وبقول لك كل شي
مها : اوكي
جلست لمياء و قالت لمها كل شي من أول السالفة الى آخرها
مها كانت مصدومه كل هذا يصير لاختها و هي ما تعرف
مها دمعت عينها : يا حياتي يا رنا صدق ان رياض طلع حقير هذا و هو اول يقول ما راح اخذ غير رنا
لمياء : يلا عاد صار الي صار و اللحين انا قلت لك علشان تهونين على اختك مو تزودينها
مها : ربي يعين احنا لازم نوقف معها اللحين هي محتاجتنا
لمياء : أكيددددددد
مها طالعت بنت عمها الي كبرت بعينها كثير : تدرين لمياء طلعتي احسننا
لمياء : أنااا ؟!
مها : ايه لو انا مكانك كان ما قدرت اهدي رنا يمكن اسوي تصرف مجنون مع رياض من القهر
لمياء : امم مدري مها بس انا ودي اذبحه لو بيدي بس كيفه اهم شي عندي رنا هو يصطفل
مها : و انتي صادقه

نروح لمكان ثاني مكان جالس فيه رياض و مستغرب
يا الله يالدنيا ليه توني اتذكر ليه ؟
كان يتأمل دبدوب صغير و حلو كان مستغرب انه بغرفته بس اللحين تذكر
هذا الي عطته اياه رنا !
يااه يالدنيا نسيت رنا و حبيت شوق تركت رنا و رحت لوحده مثل شوق !
انا مجنون و الا صاحي صح كان حب مراهقه بس برضو
معقولة رنا للحين تحبني معقولة سمعت الي صار اليوم و انهارت
يا ربي انا شسويت لازم اسأل ريم انا أذكر اللحين ريم هي الي عطتني الدبوب و قالت لي انه من رنا
سكت شوي بعدين نادى اخته
دخلت ريم لغرفته : رياض شفيك تبي شي ؟ فيك شي ؟
رياض : لا لا ريم ما فيني الا العافية بس بسألك سؤال و جاوبيني بصراحه
ريم : اسأل !!
رياض : ريم امممم تذكرين الدبدوب هذا ؟
ريم ابتسمت : أكيد أذكره
رياض طالع بأخته بعدين : صاحبته للحين تفكر فيني ؟
ريم طالعت أخوها و فرحت كثير يعني أخوها يفكر في رنا يحبها للحين : ايييه رياض تفكر فيك
رياض حز في خاطره كل الي صار كيف كنت أعمى كيف يا ربييي كيف
ريم : تصدق رياض كنت متوقعه انك ناسيها
رياض طالع في اخته و نزل عيونه يكذب يقول ما نسيتها !!
سكتت ريم و حست ان فيه شي و قامت : يلا انا بطلع اللحين تبي شي ثاني ؟
رياض : لا سلامتك
طلعت ريم و هي مستغربه من أخوها و هو جالس يتحسر ع الي صار مسكينه يا رنا !

الجزء السادس ،،


بعد يومين من الي صار على رنا كان الإربعاء ..
لمياء كلمت مها و قالت لها يطلعون السوق يروحون عن رنا
و بتدق على بنات خالاتها يجون و وافقت مها و قالت بتكلمها
طبعا بعد ما استأذنت من امها

و ببيت أبو عادل كان الكل متجمع ..
عادل : و الله نكته فهد و الا تذكر ذاك اليوم لما جلس أبوي يسوي العاقل و هو الي حاس الدنيا
فهد : اييييه و هذا شي يتنسى ههههههههه
ابو عادل : استحوا على ووجيهكم انت و اياه
ام عادل : ههههه حرام عليكم خلوا ابوكم يالي ما تستحون
عادل : حنا ما نقول الا الي يصير صدق هههههههههههه
ابو عادل : وخر انت و اياه بس ههههه
رنا : عاد كل شي الا بابا مالت عليكم
عادل : ايييه تمصلحي معه وش عندك
طالعته رنا بنص عين و ما كان لها خلق أبددد بس قالت : تحسب كل الناس مثلك
فهد : هههههههه ايه رنا تعرفين اخوك هذا مصلحجي درجه أولى اجل ذاك اليوم جالس و يمدح فيني بالأخير صار يبيني اسوي اشياء بالشغل عنه
عادل و هو طايرة عيونه : نعممممممم وش ذا النصب انت و وجهك
راح كملها ابو عادل : اييه و انا اقول فيه اشياء مو خط عادل اثاريه انت فهد
عادل : اقووول ملاحظين قلبتوا علي
رنا و ام عادل كانوا ميتين ضحك لان الكل قلب على عادل
ابو عادل : اييه لا تقلب على بنيتي مرة ثانيه
عادل : حشا و انا ولد مين البطه السوادء
فهد : لااا يا اخوي انت بقول لك الحقيقة الي مخفينها اهلي عنك من سنين
عادل تحمس و قال : قل لي قل لي الحقيقة انا لاقيني عند مسجد صح
رنا : يؤ وش عرفك عادل
عادل : انا تحسبوني ما افهم بس انا افهم من يوم كنت صغير و حسيت بأبوي الي تبناني يوم ياخذني من عند المسجد
ام عادل : هييييييي بسم الله عليك يا وليدي لا تتفاول على نفسك
ابو عادل : ههههههههههههههههههههههههههههه
دق جوال رنا و عادل بدا يتلزق فيها : ميين ميين قولي لي هااه اختي تغازلين من وراي
رنا : عادل تكفى ابععد خلني اكلم
عادل : لا لا لا اخاف على مستقبلك
و مها الي كانت تكلم رنا ميته ضحك على خبال اخوها
ابو عادل : عادل خل اختك شوي ههههه
و بعد شوي عادل و قال : احتراما لابوي مو علشانك
رنا : ماالت بس .. ايوا مها شبغيتي
مها : يا عيني ع الأسلوب .. المهم نبي نطلع السوق انا و لمياء و بتكلم بنات خوالها بعد
رنا : امم مدري مها مالي مزاج ابدد
مها : مالنا شغل انا ما استأذنك بجي الساعه 7 عندكم و بتمرنا لمياء يلا باي .. و سكرت السماعه بوجهها
رنا : بسم الله حتى ما عطتني فرصة اقول شي
ام عادل : ليه وش بغت
رنا : تقول انهم هي و لمياء بيطلعون السوق و يبوني اجي
ابو عادل : ايه روحي وسعي صدرك انتي مو على بعضك لك يومين
ام عادل : و ابوك صادق
رنا : اصلا ما عطتني مجال اقول لا هههههه
عادل : بس انا ما اسمح لك تروحي مع لمياء هذي خراب ع المجتمع
ابو عادل : اقوول كلش الا بنت اخوي
عادل : لحوول قلنا بنتك بس بعد بتدافع عن بنت اخوك
ام عادل : ماش ولدك هذا يبيله قص لسان
ابو عادل : اي و الله
عادل : اتفقوا علي يا سلاااام
فهد مد له لسانه : تستاااااااااهل
و كملوا جلستهم

عند لمياء الي توها مسكرة من مي و لا عارضت راحت تكلم رغد
لمياء : الوووووو
رغد : بسم الله شفيك مطيورة ههههههه
لمياء : مستعجله مستعجله
رغد : ههه بسم الله عليك
لمياء : اسمع ازعاج عندك وينك ؟
رغد : انا بالدوام ما بعد رجعت
لمياء : يووه وش ذا الدوام .. المهم رغد بنطلع انا و البنات و مها و رنا للسوق تجين انتي و خواتك
رغد : اممم مو مشكلة حتى انا طفشانه مررررة بس يمكن ما نجي الا ع 8 او 9
لمياء : مو مشكلة انتي بس استأذني من الادارة و كل شي يكون تمام هههههههه
رغد : هههههههههه صادقه و الله بس ما ظنتي يقولون لا لان ما عندنا شي اليوم
لمياء : حلو حلووووو
رغد : لحظة لمياء .. نعم دكتور
فواز الي كان يطالع رغد من فوق لتحت : من تكلمين ؟
رغد : نعمممم ؟؟؟
فواز : سوري تطفلت عليك مو قصدي
و لمياء طبعاً كانت تسمع ..
رغد : مو مشكلة بغيت شي دكتور ؟
فواز : لا بس شفتك و اممم
رغد : ؟؟
فواز : و لا شي بس اممم قصري صوتك شوي و انتي تتكلمين
رغد حمر وجهها مررررة : سوري ما انتبهت على نفسي
فواز ابتسم و عطاها نظرة : مو مشكلة ما حبيت احد يسمع صوتك و غمز لها
رغد هنا راحت فيها و هو راح و تركها
رغد : بصوت واطي مررة من الحيا : سوري لمياء
لمياء كانت ميته ضحك على بنت خالها : ههههههههه و ربي انتي نكته رغد هههههههه
رغد : لمياااء خلاااااص
لمياء : هههههههه اييه الرجال خاق اجل ما الومه ما اشتغلت عنده الا الدلوعه ههههههههه
رغد : مالت عليييك
لمياء : ههههههه يلا بس اتركك لشغلك بروح اجهز نفسي
رغد : اوكي باي
لمياء : باي
سكرت لمياء و هي مرة مو مرتاحه لفواز هذا ما تدري ليه
يلا رغد كبيرة و تعرف مصلحة نفسها و هي قالت مو متهوره
و دق جوالها ..
لمياء يووه مساعد نسيته قايلة له بكلمه اووف خل اكلمه شوي
لمياء : هلاااا
مساعد و هو متحمس : ملاحظة انك ساحبه علي و على اهلي
لمياء : امم سوري و الله نسييييييت
مساعد : لااااااا و نسيتي بعدددد
لمياء : يووه و الله مساعد ما كان قصدي جلست اجهز لطلعه و راح عن باااالي
مساعد : وش طلعته بعد
لمياء : بطلع مع بنات خالي و خالتي و عمي للسوق
مساعد : ما شاء الله كل الأمه
لمياء تضحك : اييه ابي اطلع رنوو من جوها
مساعد : أمووت و أعرف وش سالفتها بنت عمك هذي
لمياء بصوت عالي فقعت فيه اذن مساعد : سررررررررررررررررررررررر
مساعد : اييي خلاص توبه توبه اعيدها
لمياء : هههههههه طيب انا بسكر ابي اتجهزززز ( و قالتها بدلع شوي )
مساعد هذي الي بتذبحني اللحين : اممم اول ابي اعرف بتروحون اي سوق
لمياء : ليه ؟
مساعد : بس ابي اعرف
لمياء ما حبت تتطاول معه : اوكي بنروح المملكة
مساعد : امم حلو .. اوكي اللحين اخليك
لمياء بعجلتها الدايمه : يلا يلا باااي
مساعد يضحك : باااي
سكرت منه و هو يضحك على رجاجه هـ البنت امم يبيلي اروح اليوم خل اجننها شوي هههههه تستاهل هههه
و كلم على ياسر
ياسر : هلا هلا هلا و الله
مساعد : هههههه شوي شوي هلا فيك
ياسر : وش عندك لا تقول غيرت رأيك عن الطلعه اليوم
مساعد : لا لا لا تخاف بس ابي نروح المملكة اول
ياسر : لييييه ؟
مساعد : بس كذا بخاطري بتجي معي و الا اروح لحالي ؟
ياسر : امم مو مشكلة خل نوسع صدورنا شوي بس كيف ندخل
مساعد : هههههه ما عليك بس انت قل ايه
ياسر : هههه اوكي

نرجع للمياء الي كانت محتاسة لانها بتمر على رنا و مها و تبي تتجهز بدري و هـ الشي صعب عليهااا
اوووف ما احب اطلع بدرررري يا ربييييييي يلا بس اسرررع
خلصت لمياء و نزلت و قابلها خالد الي كان بيطلع
خالد : وين وين
لمياء : بروووح مستعجلللله
خالد : بسم الله شوي شوي خذي نفس وش ذا العجله
لمياء : مواعده مها و رنا و تأخرت علييييهم
خالد : وش سالفتك تمطين كلامك هههههههه
لمياء انتبهت لنفسها : ههههههه مدري و الله
خالد : الحمدالله و الشكر بس روحي روحي لا تتأخرين ههههههههه
لمياء : يلا يلا باااااااي
خالد ميت ضحك على خبال اخته و هو طالع معها : ههههههه انهبلت هذي خل اروح انا بعد لا اتأخر

راحت لمياء لبيت عمها و دخلت
لمياء : رنااااااا وش تنتظرين هااااه
رنا : بسم الله علي بروح كذا
لمياء : لا و الله وش ذا شوفي شكلك وعععع تخوفييين
مها : قولي لها عجزت اقنعها
رنا : يعني حنا وين بنروح راس ماله سوق
لمياء : لاااااا رنا بنروح المملكة و اذا رحنا هناك يعني لازم تعدلين نفسك شوي
رنا : اووف انتم ما قلتوا وين بتروحون
لمياء طالعت بمها و تقول بصوت عالي : انتي ما قلتي لهاااااااااا
مها : بسم الله علي لا نسييت
رنا : خلاص خلاص بروح اتجهز ثواني بس
و راحت رنا و بعد 5 دقايق نزلت لهم
لمياء طيرت عيونها : ماااشاء الله عليك رنا لو انا مكانك كان اخليكم الى 8 تنتظروني
رنا : هههههههه تحسبين كل الناس مثلك
مها : يلا خل نمشي
و راحوا السوق ..

نروح لناس بعيدين شوي بـ الشرقية ..
شذى و نجد كانوا طفشااانااات و تحاول بـ سعد يطلعها
شذى : بليزززززز سعد بليززز و الله ملينااا
نجد : اييه تكفى سعد اليوم اربعاء خل ننبسط
سعد : لحوول انتم ما تفهمون بطلع مع اخوياااااي
شذى : ياربيي نبي نطلع و امي ماخذه السواق و قالت لنا قولوا لاخوانكم طفششش
سعد : دبروا اعماركم عاد انا بطلع
و طلع و تركهم
نجد : يا ربييي وش هذا ابي اطلع شذى
شذى : يعني انا الي ما ابي
شوي الا دخل عليهم عبدالله
راحت نجد نطت بوجهه : عبووووووووووووووووووووودي
عبدالله : بسم الله وش تبين انتي ؟
شذى : عبوودي تكفى طلبناك قل تم
نجد : اي اي قل تم
عبدالله يطالع في خواته مستغرب : قولوا لي اول وش تبون ؟
شذى : طفشانييين نبي نطلع و سعد طنشنا و راح و امي اخذت السواق و قالت ان لقيتوا احد يطلعكم اطلعوا عاادي تكفى عبودي طلعناا
نجد : ايييه تكفى عبودي تكفى طلبناااك
عبدالله رحم خواته و ضحك عليهم بنفس الوقت : اوكي تجهزوا و بطلعكم
نجد : انت احسسسسن اخو ، بروح طيراان و انا عندك
عبدالله : هههههه يلا اسرعوا
و راحوا نجد وشذى يتجهزون و شوي الا هم نازلينه
عبدالله : صدق اذا اشتهيتوا دقيقتين و انتم خالصات
شذى : هههههههه وش نسووي
عبدالله : هههههههه يالله طيب امشوا
و هم بالسيارة و مبسوطين
عبدالله : وين تبون تروحون ؟
نجد : امم نبي نروح تشيليز
شذى : لا لا تشيليز اللحين زحمه مررررة نبي شي هادي
عبدالله : شرايكم نروح لموندو ؟
شذى : امم اوكي حلو
نجد : حتى انا اووكي
عبدالله : حلوو
و راحوا المطعم سوا ..

نرجع لأهل الرياض ..
في السوق ..
مي : الوو لمياء وينكم ؟
لمياء : حنا فوق عند مملكة المرأه
مي : اوكي انا و رندا جايين اللحين
لمياء : اوكي ننتظركم
مها : وصلوا البنات
لمياء : يس
رنا : و رغد و خواتها مو جايين ؟
لمياء : الا بيجون أكيد
دق جوال رنا و كانت ريم
رنا مرة مالها خلق بس ريم مالها ذنب
رنا : اهلين
ريم : هلا رناا كيفك
رنا : الحمدالله بخير انتي اخبارك
ريم : تمااام رنا عندي لك خبررر يجنن
رنا عقدت حواجبها و قالت : وش عندك اطربيني
ريم : لي يومين بدق عليك بس جوالك مقفل المهم اقوول لك شفتي يوم طلعتي من عندنا الاثنين
رنا تنهدت بعدين قالت : اييه
ريم : الا اسمع ازعاج انتي وين ؟
رنا : بالسوق .. كملي وش عندك
ريم : لا لا ابيك تركزين معي
رنا : و الله مركزة ريووم
يوم قالت الأسم التفتوا عليها مها و لمياء
و كملت ريم : اييه اقول لك رياض سأل عنك و كان ماسك الدبدوب الي قد عطيتيه قبل يسافر تذكرين
رنا ضاق خلقها مرة : ايه ايه اذكره
ريم متحمسه و تحسب هـ الشي بيفرح رنا : رنووي يعني اخوي متذكرك مرررة انبسطت لما عرفت
رنا : اها .. اوكي ريم البنات ينادوني اكلمك بعدين
ريم استغربت ردة فعل رنا بس قالت اكيد لانها بالسوق و مشغولة
ريم : اوكي ..
لمياء : شتبي ؟
رنا : و لا شي
مها : علينااااا واضح انه ضاق خلقك اكيد قالت شي عن رياض صح ؟
رنا دمعت عينها بعدين قالت : تذكرني تذكرني بنات لما عرفت مصيبته و جلست تضحك بين دموعها
لمياء ضاق خلقها على بنت عمها : ما عليك رنا حنا جايين ننبسط صح او لا
رنا : صح
لمياء : اجل خلاص يلا ننبسط و هذا البنات اشوفهم دخلوا
جوا مي و رندا و سلموا ع البنات
مي : يا ربيي من زمان ما طلعنا كذا
مها : هههههه صادقه من بعد زواجي و انتم متضايقين راحمتكم انا
لمياء : لا و الله روحي بسسس اصلا احلى يوم كان يوم افتيكنا منك و انتي اللحين ناشبه فينا صح رنااااااا
رنا : اييه صحين مو وحده هههههه
لمياء : شفتيييييي
مها : شسالفتك تمطين حكيك ؟
لمياء : ههههههههه مدري حتى خالد اليوم يقول لي بس الظاهر من الحماااس
رندا : الله يكافينا شره هههههه
مي : رغد و خواتها مو جايين ؟
لمياء : الا بس تقول بيتأخرون شوي لأنها هي ما تطلع الا متأخر من الدوام
رندا : حلوو اهم شي يجون
رنا : هههههه انتقلت عدوى الحماس لك
رندا : ابي انبسسسسط
لمياء : بنات انا بروح اطلب لي شي تبون ؟
رنا : انا بقوم معك
و الباقين قالوا ما يبون شي
قاموا رنا و لمياء و لمياء عارفه ان رنا كانت متضايقة و تبي تبعد شوي
وقفوا و طلبت كل وحده لها شي
و جلست لمياء تطالع برنا و بعدين قالت : رنا ما عليك منه ما يستاهل
رنا : و انا هذا الي مضيق خلقي لمياء حبيته و هو و لا جاب خبري مجرد ما راح نساني و حب وحده لا و افهميني حبيبتي بعد مالت عليهم ثنيناتهم
لمياء : هههههههههه اعصابك يختي و كيفه هو الي خسرك مو انتي
رنا تنهدت : صادقه
رجعوا للبنات و كملوا سوالف بعدين دقت رغد على لمياء تشوف هم وين ..
و جوا رغد و خواتها عندهم
مي : ما بغيتواا
رغد : وش نسووي انا ما طلعت الا متأخر و ع بال ما تجهزت و جينا
شهد : اووف حر حر حر
مها : هههههه لا ينط فيك عرق بس
ربا : ابلشتنا من يوم حنا بالسيارة و هي حر و حر درينا يختي
رنا تضحك : خليها تعبر عن مشاعرها
رندا : امحق مشاعر هههههههههه
رغد : هييي انتم الا اختي عاد سمحت لكم بس يكفي هنا
لمياء : جانا محامي الدفاع هههههه
مها : هههههههه حشا ما تخلون احد بحاله انتم
رندا : اووف انا طفشانه بنات ابي امشييي
مي : و الله انا مالي مزاج
رغد : و لا انا
شهد : انا بريح شوي
ربا : مي تو هههههههه برتاح
رندا : مالت ما تنفعون
مها : هههههه قومي لحالك
لمياء : لا لا انا بمشي معك طفشت من الجلسه رنا تجين
رنا : امم يلا انا ودي امشي
و قاموا رندا و رنا و لمياء سوا
و هم يدورون لمياء : بنات شرايكم ننزل مليييت من هنا
رنا : و انتي صادقه انا بعد طفشت
رندا : يلا اجل خل ننزل
نزلوا البنات سوا
و كانوا فيه اثنين يبون يدخلون و مساعد جايب اخته ملاك و زوجة اخوه سعود هدى
و دخلوا سوا و دخل معهم ياسر
ياسر : ما شاء الله جايب اختك و مرة اخوك علشان تدخل وش ذا الحماس هههههههه
مساعد : ههههههههه ببالي ابي اجي اليوم هنا
ياسر : اقطع يدي لو ما كان ببالك شي هههههههه
مساعد : امش امش بس
و شاف ملاك : ملاك ان بغيتوا تطلعون روحوا مع السواق اوكي
ملاك : هههههه نعرف
هدى : يلا بس انت ابعد عنا و حنا بخير الله واعلم وش براسك
مساعد : افاا يا بنت عمي و مرة اخوي
هدى : يا طولها ههههه
مساعد : ههههههه يلا بس انا بروح لصديقي
ملاك : انت الي ناشب فينا
هدى : اي و الله
عطاهم مساعد نظرة و طنشهم و مشى و هم ميتات ضحك عليه
مساعد : يلا خل نمشي
ياسر : وين ؟
مساعد : اي زفت بس ابي امشي
ياسر : طيب طيب
وقفوا مساعد و ياسر عند ستار بكس يبون يطلبون
و لما طلبوا جلسوا ينتظرونه يخلص
نرجع للمياء و رنا و رندا الي كانوا يتمشون
رندا : بنااات ابي ستار بكس
لمياء : يووه يختي عليك مزاج ليه ما طلبتي معنا تو
رندا : توني اشتهي يختي
رنا : خليها انتي بعد وش حارق رزك هههههههه
لمياء : اووف يلا نروح
راحوا البنات لستار بكس و دخلت رندا و رنا و لمياء كانوا برا جالسين
شوي الا طلع ياسر و مساعد بعد ما اخذوا طلبهم مساعد وقف شوي حس انه لمح لمياء بس يبي يتأكد
ياسر : هييييه انت وش تنتظر
مساعد يبتسم : اصبررر ياخي .. الا و الله هي
ياسر : ميين ؟
مساعد : اسكت ياسر شووووي
ياسر مال يشوف مين يشوف مساعد و شهق : موب هذي الي بلندن ؟؟؟
مساعد ابتسم : الاااا
ياسر : مساعد وش السالفة ؟
مساعد : هههههه و لا شي بعدين اقول لك كل شي بس ابي اهبل فيها وقف هنا ياسر تكفى
ياسر : طيب نشوف آخرتها معك انت و هبالك
ياسر ما كان راضي بالي يسويه مساعد من يوم هم بلندن و مستغرب وش يبي بالبنت ..
مساعد شاف لمياء يبيها تشوفه راح قرب لها على طلعة رندا
رندا : خلصت بنات
لمياء : اوووف ساعه يختي
رنا : ههههههه عصبت لمياء كنها ما عمرها تأخرت
رندا : انا دارية عنها هههههههه
لفت لمياء عنهم كنها زعلانه و شافت مساعد يوووه وش جابه هذا يستهببببببببببل
و مساعد يطالعها و يبتسم و يسوي حركات و مات ضحك على شكل وجهها
لمياء : اوووووف شيبي هذااا
رنا و رندا بصوت واحد : مييييين ؟
لمياء توها تنتبه ان صوتها كان عالي : هااا لا بس واحد يتميلح
رندا : وينه خليني اوريه شغله وينه وينه
رنا : هههههههه اعصابك يا شيخه
لمياء كانت متنحه في مساعد الي للحين واقف مكانه و يبتسم
بعدين قالت : بنات يلا نمشي
رنا : يلا
و مشوا البنات سوا
شوي الا دق جوال لمياء
لمياء اووف وش يبي هذا : هلا
مساعد ميت ضحك و كان طالع هو و ياسر من المملكة : هلا و الله .. شرايك بالمفاجآه ههههههه
لمياء معصبه من حركته : ماااااالت امحق مفجآه
مساعد : هههههه ليه ما اشتقتي تشوفيني
لمياء : لا و الله و ليه اشتاق لك تكفى
المياء كانت موطيه صوتها علشان ما يسمعونها البنات و تمشي شوي شوي علشان يسبقونها ..
مساعد : ههههههههه و ربي انتي نكته على طول خفتي تراني ما اكل
لمياء : اووف مالت بس انا الغبيه الي نزلت بعد
مساعد مات ضحك عليها : توك تدرين
لمياء : اووف مساعد خلاص بسكر انا بجلس مع البنات
مساعد : اوكي باي و جلس يضحك عليها
ياسر : موب صاحي مساعد
مساعد : ليه ما سويت شي انا
ياسر : و لو خوفت البنت
مساعد : ياخي انت مثالي بزياده ياسر
ياسر : الله يهديك بس
مساعد سكت و جلس يتذكر شكل لمياء و يبتسم ..
نرجع للبنات ..
لمياء كانت مرة مقهوره من حركة مساعد
رندا : شفيك انتي
لمياء : ما فيني شي بس مليت خل نرجع للبنات
رنا : اي و الله انا بعد طفشت و اوجعتني رجولي
رندا : اوكي
و رجعوا عند البنات
و كملوا جلستهم و وناستهم بعدين طلعوا على 12 ..


مرت الأيام ع الكل و اختبارات للي بالجامعات و المدارس و حوسة ..
حالة الكل ما تغيرت
رنا و ضيقتها من رياض و الي صار
لمياء و مساعد باقي عليهم بس شهر
رغد و فواز ما فيه اي شي جديد
الجوهره و فيصل برضو ما فيه أي جديد ..

لمياء : بليززززز رنا و الله ضايق خلقي و عندي اختبار الأحد ابي اجدد نفسيتي قبل اختبر
رنا : يا ربييي منك يختي مالي خلللق
لمياء : بليززززززززز
رنا : اووف منك طيب طيب بشوف امي اول
لمياء : ييييييييييييس
خالد دخل على اخته الغرفه لانها كانت فاتحه الباب : بسم الله عليك اختي وش جاك بسم الله عليك
و يروح يحط يده على راسها و يقرا عليها
و لمياء تطالعه متنحه فيه يوم استوبعت الموضوع
لمياء : يا هووووه وش تسوي
رنا : لمياء ؟
لمياء : اصبري هذا مسوي لي فيها اللحين خير اخ خالد خيررررر شايفيني خبله مثلا و الا خبله
خلد : امم لا خبله الثانيه تصلح ؟
لمياء : خوووويلد
خالد : هههههههههه من تكلميبن و مزعجه الخلق و انتي تكلمينه
لمياء : مالك شغل و تمد لسانها
خالد : عيييييييييب عيييييب تمدين لسانك على اخوك الكبير
لمياء : مزاااااااااااجي
رنا : لمياء ترا بسكر خلي هواشك انتي و اخوك بعدين
لمياء : شسوي له نشبه نشبه يا ربيييييي
خالد : مالت بس الله و اعلم من النشبه
طنشته لمياء و كملت : اوكي خلاص انا بتجهز و ترا مالي شغل اليوم انتي عندي
رنا : اقول لمياء شرايك تجيني انتي احسن
لمياء : اممم مدري
رنا : تعالي و خل اقول لمها و العنود يجون
لمياء : فكرة مش بطاله
رنا : اييه و اريح لي بعد
لمياء : هههههههه طيب خلاص بقول لامي بس
رنا : حلو خلاص بدق على مها اللحين
لمياء : اوكي
خالد : من كنتي تكلمين
لمياء : و انت للحين هنا ؟
خالد : وين بتروحين ؟
لمياء : وش تبي جالس عندي ؟
خالد : المفروض تستأذنين مني اول
لمياء : كأن فيه أحد يتكلم بالغرفه ؟
خالد : انا اخوك الكبير
و دخلت ام خالد على عيالها و هم بـ الحاله هذي
ام خالد : بسم الله عليكم وش فيكم من تكلمون انتم
لمياء : ماما فيه احد معي بـ الغرفه و الا يتهيأ لي ؟
ام خالد : وش فيه انتي ما تشوفين هـ الي جالس عندك
لمياء عقدت حواجبها : وييييييين ؟
خالد : يمه من تكلمين انتي ؟
ام خالد : انتم الي بتجننوني المهم انزلوا ابوكم تحت
لمياء و خالد ماتوا ضحك على امهم و هبالهم و قالوا سوا : اووكي
لمياء تطالع خالد : صدق حسيتنا مجانين ههههههههه
خالد : توك تحسين ههههههههه
لمياء : يلا يلا بس ننزل عند بابا
و نزلوا حبوا راس ابوهم و جلسوا معه
ابو خالد : يقولون انكم صرتوا مهاببيل يا عيالي ؟
خالد : من يقول ؟
ابو خالد : امك
لمياء : ايييه صح ماما دخلت علي بالغرفه و كانت تكلم احد و انا ما اشوفه
خالد : صدق ؟
لمياء : اييه مدري من كانت تتكلم معه
ام خالد : حسبي الله عليكم من عيال اللحين انا الي صرت مجنونه
خالد ببراءة : حاشااااك يمه من قال
ابو خالد ضحك على خبال عياله : اييه انت و اياها كلش الا الغاليه عاد
لمياء : يا عينيييييي بس غاليه
ام خالد : استحي يا بنت .. صدق بنات آخر زمن
خالد : هههههههههههه فشلوهااا
لمياء : ماالت بس ما تفشلت
ابو خالد : الله يكملنا بعقولنا بس .. المهم انا بروح اليوم لاخوي و ابيك تجي معي خالد عندنا شغل
خالد : سم يبه
لمياء : ايييه اجل خذوني معكم بطريقكم بروح لـ رناا
ام خالد : وش عندكم
لمياء : بتعزم العنود و تبيني اجي
ام خالد : طيب موب مشكلة

عند مها ..
مها : بندر تكفى خلاص بكلم العنود
بندر : لا لا لا ما فيه
مها : بندرررر خلاص عااد
بندر : هذي احلى بشارة تدرين
مها : هههههههه طيب حنا ما تأكدنا
بندر : حتى انا اقول لك اللحين نروح
مها : لعب بزران هو ههههه انا اخذت موعد لبكره
بندر : الله يصبرني بس
مها : هههههه خلاص عطني الجوال اكلم اختك
بندر : طيب سماح هـ المرة
مها : هههه يعني متكرم علي بعد
بندر : ايييه مو زوجتي يعني على كيفي
مها : مشكلة انت فاهم الزواج غلط
بندر : علميني وشو الصح
مها : تدري لو بجلس اقابلك مو خالصه و لا بكره عطني اكلم العنود علشان اشووف ان كان ما عندها شي
بندر : ههههه طيب دقيت عليها خذي
مها : هلا هلا العنود كيفك
العنود : تمام الحمدالله انتي اخبارك
مها : بخير عم نزأح
العنود : ههههه لا تتكلمين سوري مرة ثانيه بليز
مها : هههههه حسيت بفشلي حرام عليك جامليني ع الأقل
العنود : مقدر عجزت خربتي كل اللهجه ههههههه
مها : هههههه المهم عنود رنا تبيك تجين معي لبيتنا لو ما عندك شي و رضت امك
العنود : مدري مها استحي
مها : يا شيخه انتي شفتي رنا بالعزيمه وش تستحين منه
العنود : امم مدري يختي
مها : بدون كلام روحي قولي لخالتي اللحين و الا انا بكلمها
العنود : ههههه ما عندك وقت اوكي بقول لها و اشوف
مها : حلوو ردي لي اوكي علشان امرك انا و بندر
العنود : اوكي
يوم سكرت مها
بندر : سواق ابوك امرك انا و بندر
مها : لا يا حبيبي انت بس من لي غيرك انا
بندر : اييه العبي علي بكلمتين بس و انا اصدقك
مها تضحك : وش دعووه مو انت زووجي
بندر : ايه زووجك
مها : أجل خلاااص

نروح لمكان ثاني شخص اهملناه شوي الي هو رياض ..
كان جالس مع ناصر لحالهم و متضايق مرة
ناصر : قايل لك رياض ان هـ البنت ما تصلح لك بس انت ما طعتني
رياض : وش اسوي ناصر قل لي وش اسوي و المشكلة ما خلتني الا تكلم ما فهمت انها صفحه و انطوت من حياتي
ناصر : يا شيخ طنشها انت و مصيرها تمل
رياض : ربك يعين بس
و سرح رياض بعيدد
ناصر : رياض
رياض : اممممم
ناصر : السالفة مو سالفة شوق بس صح ؟
لف عليه رياض : ايش ؟؟؟؟
ناصر : واضح ان السالفة مو علشان شوق بس انت فيك شي و مخبيه
تنهد رياض بعدين قال : تدري ناصر انا غبي اترك ناس تستاهل و تنشرى و اروح لناس و لا شي
ناصر : وش صاير رياض فضفض ريح نفسك
رياض : وش اقول لك ناص وش اخلي اقول لك عن غبائي آخ بس
ناصر استغرب لأنه اول مرة يشوف صديقه بـ الشكل هذا حتى يوم ترك شوق ما سوا كذا : رياض السالفة واضح مو سهله صح
رياض و هو متضايق مرة لانه تذكر رنا : اكبر مما تتخيل
ناصر : أقدر اعرفها و الا ما تبي تتكلم
رياض طالع صديقة بنظرة حزن بعدين قال : انا ابي اتكلم ناصر بس مدري كيف احس اني غبي و حقير
ناصر : ؟؟؟؟
رياض : تدري ناصر انا كنت احب بنت عمتي من زمااان من يوم كنا صغار كنت احبها تقدر تقول حب مراهقه
ناصر طالع رياض و هز راسه علشان يكمل و كمل الثاني : رحت امريكا و نسيتها نسيت كل شي و عشت حياتي هناك
و يوم رجعت ما ذكرت شي ابدد حتى كان اسلوبي اقل من عادي مع البنت و اخذ نفس طويل و تنهد بعده
آخ يا ناصر ما كنت اعرف ان البنت للحين تحبني للحين تحسبني مثل ما انا رياض قبل ما يروح امريكا ما عرفت اني تغيرت و تغيرت كثيرررر
ناصر طالع في صديقه و استغرب من كل السالفة و قال : معقولة ظلت تحبك !!
رياض : تخيل تخيل ناصر حتى الدب الي اهدتني اياه قبل اسافر نسيته نسيت حتى انه منها
و جاء ذاك اليوم الي كلمتني فيه شوق و جلست تصارخ علي و اصارخ عليها و كانت هي ببيتنا و سمعت كل شييي
كل شييي ناصر تخيل سمعت كل شي درت اني احب شوق درت عن اشياء محد يعرفها انا انصدمت لما شفتها و سكرت بوجه شوق
و هي وش اقول عنها عطتني كلام زي السم و راحت و تركتني و كلامها كنه شقق غشاوة عن عيني و ذكرني بأشياء انا ناسيها او متناسيها
لما جسيت نبض أختي عرفت ان البنت للحين لي بقلبها مكانه تخيل ناصر مكانه يمكن ضاعت من غبائي ضيعت وحده تسوى عشرة من امثال شوق
ناصر عطى رياض نظرة طويلة و الثاني كان لاف وجهه و متضايق و قال له : رياض طيب حاول ترجع هـ المكانه البنت لو تحبك
يمكن تسامحك لو حست انك انت تحبها صدق
رياض بيأس : تتوقع !!
ناصر : جرب انت وش بتخسر أكثر من الي خسرته يعني ؟
رياض : و انت صادق بس خوفي عزة نفسها تمنعها
ناصر : قلت لك جرب
رياض : ربك يعين بس

نروح لمكان ثاني بـ المستشفى الي تشتغل فيه رغد ..
فواز كان يمشي بممرات المستشفى بكل غرور و الممرضات يتهامسون عنه و ليه لا و هو أوسم دكتور بـ المستشفى !!
فواز لف و لقى رغد منهمكه بـ الشغل و ابتسم و راح لها
رغد : اووف يا ربي وش ذا حشا كله شغل
فواز : تبين اساعدك ما عندي مانع انا فاضي اللحين
رغد حمر وجهها و استغربت من جيته بـ الجرأه هذي : لا شكرا
فواز : عادي ترا ما فيه بيننا فرق هههه
رغد : لا معليش دكتور مو شي يسوى انا اسويها لحالي
فواز غمز لها : ما دمنا لحالنا تقدرين تبعدين الكلافة و تقولين فوااز
رغد مرة انحرجت بس ما اعجبها الوضع : لا سوري دكتور حنا بمكان شغل و انت دكتور فواز لا اكثر و لا اقل
فواز انقهر منها و من هـ الغرور ( الظاهر الغرور صفة متوارثة بـ العائلة ) : وش دعوه رغد ما بيننا شي انا و انتي و قالها بلهجه حلووة و هاديه
رغد انحرجت بس ما حبت برضو تبعد الكلافة بينهم : سوري دكتور و نزلت عينها ع الورق تكمل شغلها
هو انقهر من تطنيشها مرررة و قال : مو مشكلة رغد متى ما بغيتي مساعدتي انا بمكتبي و بتحتاجينها ان شاء الله و عطاها ابتسامته المشهوره و راح
رغد انقهرت : اووف من يحسب نفسه بتحتاجينها ان شاء الله مالت عليه بس و الله حلو و حقير اووف و الله يهبل انا مدري وش محببني فيه وقح
و الله صرتي متناقضة رغد و استخفيتي و صرتي تكلمين نفسك مالت بسسسسس

نروح لـ عند رنا الي كانت تستعد لجية البنات عندها ..
رنا : امم كذا حلو و خلصنااا
عادل : وش عندك
رنا : بيجوني البنات
فهد نط بالنص : مين مين
رنا : يا ربي يا لقفكم
عادل : عطينا على قد عقولنا طيب ههههه
رنا : هههههه العنود اخت بندر بتجي و اختي مها و لمياء
عادل : الله وناااسة
فهد : استخف الولد من زمان ما تهاوش مع احد ههههههه
رنا : ههههههه ملاحظة انا
عادل : يلا يلا بس بروح عند ابوي بـ المجلس خالد و عمي بيجون اللحين عندنا شغل
رنا : امم طيب بخلي ريتا تحط القهوه و الشاهي بـ المجلس
عادل : طيب يلا بروح انا
فهد : و انا بطلع باااي
رنا : الله يحفظكم
الساعه 7 رن الجرس و طارت رنا بتفتح و صارت مها و العنود
سلموا على بعض و جلسوا
مها : و وينها الست لمياء
رنا : كنك ما تعرفينها يعني
العنود : ههههههه ليه شفيها لمياء
رنا : يا ربيي العنود وش اقول لك لازم تجننا علشان تجهز نفسها و تخلص يعني قولي يبيلها ساعتين
العنود : اوووف مو لهالدرجه عاد لا تبالغون
مها : و الله لو ساعتين شويه بعد هههههههههه
العنود : الله الله ههههه وش تسوي هذي ههههه
رنا : انا دارية عنها
بعد ساعه جت لمياء و هي توها تفك عبايتها بعد ما سلمت ع البنات ..
رنا : ما قلت لك العنود صدقتيني اللحين
لمياء : و الله شكلكم تحشون فيني حش تو
العنود : هههههه لا حرام بس قالوا انك ساعه تجهزين نفسك
لمياء حطت يدينها على خصرها : يا سلااام اجل تبوني اجي بخلاقينيييي
مها : يختي كلنا نتجهز بس مو مثلك انتي ضربتي الرقم القياسي ههههههه
لمياء : هههههه شسوي انا استمتع و انا اتجهز
العنود : و الله انك فاضية ههههههه
و كملوا سهرتهم البنات شوي الا قالت مها : خلاص جاء بندر نبي نطلع
لمياء : حتى انا كلمني خالد يقول خل نطلع سوا بدل ما يجي السواق
رنا : لااااا عااااد كلكم مرة وحده
لمياء : يا شيخه ترا الساعه 2 الي يشوفه شهقتك يقول الساعه توها 10
رنا : لا بس طفش لحالي
العنود : مو مشكلة حبيبتي روحي حطي راسك ع السرير و نامي هههههه
رنا : مالت بس هذا الي فالحين فيه
لمياء : هههههه يلا يلا عاد انا بطلع بابا جاي مع خالد ما ابي أأخرهم
و طلعوا كل البنات مع بعض و كانوا خالد و عادل يسلمون على بندر
لما طلعت مها و العنود قال خالد : هلا و الله ببنت عمي قولي لي بس لو زوجك مضايقك بـ شي
مها : ههههههه وش دعوه عاد وش بيسوي فيني يعني
خالد : مدري عنه بعدين شاف الي ورا مها و لا انتبه خالد للمياء يوم تروح لسيارته : وش عندها لمياء متخبيه وراك و الا خايفه من عادل ههههههههه
مها ماتت ضحك هي و بندر و قال الأخير : هيييييه ملاحظ انك ماين على زوجتي و اللحين بعد على اختي محارمنا ياخي هههههه
خالد تفشل يوم درا انها اخته و العنود استحت و راحت للسيارة بسرعه : يووه على بالي لمياء ههههه
بندر : الله يرجك اختك توها مارة و راكبة السيارة
خالد تنح و شاف لمياء صدق بالسيارة و استحى اكثر : الله يخلف علي بس
عادل مات ضحك على ولد عمه و قال : زييين اهم شي تفشل اول مرة اشوفه متفشل هههههههه
بندر ضحك و قال : يلا انا بروح اللحين
و ركب سيارته و مشى و خالد سوا نفس الشي

لما رجعوا البيت لمياء ما وقفت من الضحك على حركة خالد
خالد : خلاص يختي انتي ما ينقال لك شي
لمياء : ههههههههه الله يفشلك خالد هههههههه لا و عندك عما بعد ههههههههه و الله نكته ههههههههههههه
خالد : لحوول اخلص من عادل تجيني انتي
لمياء : هههههههههههههههههه و الله قوية قوية ههههههههههههه المسكينه تلقاها تفشلت
خالد : انا تفشلت موب هي
لمياء : ههههههههههههه الله يفشلك هههههههههه
خالد : ماااااااالت انا بروح عنك ابرك لي
و تركها خالد و هي ميته من الضحك و دق جوالها و صار مساعد
لمياء و هيي للحين ميته ضحك : هلا هههه
مساعد : هلا و الله ما شاء الله وش ذا الضحك
لمياء : و لا شي هههههههههههههههههه و عجزت تمسك الجوال من الضحك
مساعد : بسم الله عليك وش جايك
لمياء : لا لا و لا شي موقف و جالسة اضحك عليه
مساعد : طيب ضحكيني معك
و تقول له لمياء الموقف و هي ميته ضحك
مساعد : هههههههههه حرام عليك طيب لا تفشلينه
لمياء : يستاااهل هههههههه محد قاله ما ينتبه ههههههههه
مساعد : طيب هدي شوي و ضحك من ضحكها
لمياء هدت شوي ما تدري وش جاها هي و هـ الضحك
مساعد : تصدقين لمياء ما بقى الا شهر او أقل
لمياء كنه ضاق خلقها شوي بعدين قالت : و أكيد انا الي بفوووز
مساعد : واثقه بعد
لمياء : ايييه
مساعد يضحك : طيب نشوووف
لمياء : نشوووووووف
و كملوا سوالفهم الى 3 و بعدين سكروا

بمكان ثاني عند رغد الي كانت تسولف لخواتها عن حركة فواز اليوم
ربا : مدري رغد مرة مو مرتاحة له انا هـ الأنسان أحسه وقح
رغد : أدري بس مدري ليه عاجبني
شهد : أهم شي انتي خليك كذا لا تلقين له وجه يبيك يعرف مكانك
رغد : أدري و الله أدري بس قهرتني حركته اليوم وقح بشكل
ربا : و مع وقاحته عاجبك هههههههه أذكر بعد تقولين فيه دكتور حلو مثله بس مو وقح ليه ما حبيتيه
رغد : ههههه قرادة حظي
شهد : ههههههه خلاص هاتيه لي ما دام محترم مو مثل حقك هذا
رغد : حشا لعبة هم هههههههه
شهد : مالي شغل اول وش اسمه اخاف اتورط فيه ؟
رغد : ههههههههه اسمه مازن
شهد : الله مازن و شهد حلوة اسمائنا مع بعض صح ؟
ربا : تجننووووون ههههههههه
رغد : مالت عليكم بس انتم و الي يحاكيكم ههههه

اما عند رنا الي مو قادرة تنام و كل ما تذكرت رياض و الي سمعته هذاك اليوم تتضايق أكثر و أكثر
انا احبببك شووق افهميني احببببك بس انتي حطمتي هـ الحب بيدينك و ترجع تبكي رنا بصوت عالي من القهر
يا رب ليه هو ليه حبيته وش فيه زياده حقير ما اهتم الا بنفسه حقيررر لا و يمسكني و يقول وش سمعتي بعد اكرررررهه
و مع الصياح و حالتها النفسية الزفت أخذها النوووم ..

نروح لمكان بعيييييد لأمريكا
الي كانت فيه شوق مع لينا و مقهوره و هي تقول لها وش سوا فيها رياض
شوق : تخيليي لينا انا يسكر السماعه بوجهي انا يطنشني كل هذا بسبب رجعته
لينا : طيب اتركيه و طنشيه و بيرجع لك شوق اثقلي شوي
شوق : مقدرررر احبه لينا احبه بس يقهرنيي انا اتطنش انا شوق الـ .... يطنشني مييين هو ميين يحسب نفسه أكررهه الحقير
لينا : هدي اعصابك شوق طنشي اريح لك و يا كثرهم الي يبون رضاك و انتي متعلقه بالي ما يستاهل
شوق : اووف شسووي لينا احبببه بس هو مو مقدر هـ الحب و اناني
لينا : انا قلت لك اثقلي كم يوم ع الأقل
شوق بتفكير : أشوووف مع اني أدري اني بشتاق لـ صوته
بعدين جت فترة سكوت بينهم و كسرتها شوق بكلامها : تخيلي لينا اول مقابلني ليل و نهار و الي اقوله هو الي يصير و اللحين يسكر السماعه بوجهي و لا يرد على مكالماتي
لينا : ما عليك منه يختي مصيره يرجع لك يعني هو وين بيلاقي وحده أحسن منك
شوق بقهر : أنا اوريك يا رياض ان ما خليتك تجيني و تنذل عندي
لينا ضحكت : هدي هدي ما يستاهل و الله و بيجي هـ اليوم بس اصبري