واقع حياتنا

قـمـر نورتى منتدى ليلاس

قصتكـ لمست شئ فيا وشدتنى انى اقراها

اكيد هتشد اى حد لانها فعلا واقع للحياه

أتمنى ليكى مزيد من النجاح وفى انتظار باقي الاحداث وياريت مش تتاخرى علينا

ايه ده فين الردود زعلت انا بقي

علي العموم بشكر العامريه وياسمين وعشان خاطرهم هنزل بارت جديد

الفصل التاني

الساعه 7 الصبح

تيــــــــــــــــــــــــــــــــــــــــــــــــــت

مي وهيا نفسها ترمي المنبه اللي بيرن من البلكونه

قامت من النوم وهيا بتقول ف سرها امتي اخلص من الثانويه المقرفه دي ويارب اصلا تعبي يجي بنتيجه

مريم وهيا صحت برده علي صوت المنبه
مريم: يووووووووووووووه هو الواحد مش يعرف ينام ف البيت ده انا مش عندي محاضرات الا الساعه 11 وحضرتك مصحياني من دلوقتي

مي وهيا مش فايقالها:بقولك ايه يامريم انا هلبس واخد حاجتي وامشي مش كفايه صاحيه من النوم بدري ده ايه القرف ده

مريم:قالتلها بطلي رغي كتير واطفي النور

مي ف سرها :امتي بقي اخلص وابقي ف كليه واصحي براحتي

قامت لبست هدومها ونزلت عشان تفطر وهيا حاطه الطرحه علي كتفها

صباااااااااااح الخير عليكوو ياحلي عيله

الكل : يسعد صباحك يامي

الكل قاعد يفطر طبعا محمد عشان رايح الشغل وبابا كذلك وماما عشان تفضل ورا الاستاذ مازن لحد مايفوق

مي: منظر مازن وهو بينام علي الاكل تحوووووووووووفه كان نفسي اضحك عليه بس خفت لحد يهزقه تاني والواد مش ناقص

المهم اخدتلي كام سندويتش اتسلي بيهم ف الفسحه ولبست الطرحه واخدت الكام كتاب اللي معاياا ف الشنطه ونزلت انا ومازن لاني بوصله لان المدرستنين جمب بعض

وانا داخله المدرسه لاقيت حبيبه قلبي وانتمتي ساره

ساره : دي صاحبه مي من اعدادي والكل بيقول عليهم تؤام بعض من كتر ماهما مع بعض فالمدرسه والدروس

مي:صباح الفل علي عيونك ياحوووووبي

ساره وهيا ببتضحك علي هبل صاحبتها المعتاد:صباح النورر ياميمو ياقمرر

يلا بينا يابنتي لحسن احنا جايين متاخرين وهتلاقي الحصه هتبدا

الحصه الاولي كانت كيماء حاجه تسد النفس علي الصبح كده ووراهاا عربي ووراها حصه انجليزي بس المدرسه كانت غايبه والعيال ف الفصل كانوا هيعملو فرح وبعديها الفسحــــــــــــــــــــــــــــــــــــــــــــــه

ف الفسحه
نزلو الاتنين القمرات مع بعض وطبعا مي ماسكه السندويتش بتهري فيه (((( السندويتش صعب عليا والله))
ساره: انتي يابنتي بتاكلي اكل بس مش بيبان عليكي
مي: نقوووووووووا بقي علي الواحد ياساتر من عينكو

ساره :لا انا مش بنق ولا حاجه انا بحسد بس ههههههههههههههههه

مي : االا قوليلي ذاكرتي الكمياء عشان الدرس خلي بالك هيعمل مراجعه

ساره : متخفيش ياباشا وراكي اسد
مي: ولا شكلك هتطلعي قطه من اول سؤال هيسالو لييكي المستر وانتي هتجري
ساره: مشكلتك اني حفظاني
مي: ههههههههههههههههه طبعا تربيتي

ساره : لا والله انا ذاكرت كويس الحمدلله وانتي.؟
مي : الحمدلله يابنتي انا نفسي بقي السنه دي تخلص قررررررررفت مش كفايه السنه اللي فاتت ذاكرنا وطلع عنينا وواحده جابت 94% اللي هو انتي وانا جبت 95%
ااما اانا مقهوره اووي وخايفه السنه دي تتطلع كدا كمان

ساره : والله انا مش عارفه اقولك ايه بس الواحد يعمل اللي عليه والباقي علي ربنا صح ولا لا؟
مي : ونعم بالله بس االواحد بيضايق لما يلاقيي اللي بيعمله ويتعب فيه يروح هدرر

ساره: متعرفيش الخير فين انتي اعملي اللي عليكي حتي لو ربنا مش كرمنا بالكليه اللي احنا عاوزينها اكيد هيبقي فيه حكمه فكده

مي: ربنا يخليكي ليا ياسوسو انا مش عارفه من غيرك كنت عملت ايه

ساره : ويخليكي ليا يارب ونفضل اصحاب كده علطول

وجرس الفسحه ضررب وخلصوا البنات بقيت الحصص وروحوا كل واحده علي بيتها

وهما متفقين يقعدوا شويه وينزلو الدرس بتاع الكيميا ويرجعو ينامو ويصحوا هما الاتنين يسهرو اويذاكروا الفيزيااااااااا((يعععععععععععععععععع))))

ف حته تانيه الا وهيا كليه الاداب

مريم واقفه مع الشله بتاعتهااا وعمالين يرغوا ومستنايين الدكتور يحن عليهم ويجي

كان فيه شله ولاد من اللي قلبكوا يحبه العيال بقي استايل عالي اووي وواحد منهم كان معجب بالبت مريم

سها صاحبت مريم: مررررريم شوفتي اللي واقف لابس كحلي هناك ده

مريم: مش عاوزه ابص

سها: يابنتي ده عينه هتتطلع عليكي

مريم: خليها تتطلع انا مش بتاعت الكلام ده وانتي عارفه كده كويس

رشا صاحبت مريم الانتيم: جرا ايه ياست سها مخلاص قالتلك مش عاوزه تبص واصلا ده واد هااااايف جداا

سهاا : انا بقولها اللي انا شايفاه وخلاص فيها حاجه دي......

رشا : لا مفيهاش بس اسكتي بقي وسيبي البت ف حالها اووكي؟

سهاا: انتو حرين ده انتو خنقه سلاااااااام

رشا ومريم بصوا لبعض وضحكوا علي سها اللي مش ناويه تعقل وتسيب حركات الهبل دي

المهم الدكتور اخيررررررا جه وخلصوا المخاضرات واتفقوا مع بعض ان رشا هتعدي عليها بليل عشان يعملو البحث اللي الدكتور طالبه منهم علي الكبيموتر

وكل واحد سلمت علي التانيه ومشيوااااا

ف البيت

ايمان كالعاده بتحضر الغدااااااا ومحمد اتصل بيهم واعتذر انه هيتغدي بره مع حازم عشان يعوضه عن خروجه يوم الخميس اللي نسيه فيهاا

واتلمواا العيله علي السفره وبعد ماخلصوااا

محمود: هيا ياعيال مرتاحين مش ناقصكوا حاجه

مي نطت وباست باباها: ممننحرمش منك يابابا ياااااااااارب

كلهم قالوا امين يارب

محمود قال ليهم انا هروح لامال بليل شويه لحسن انا بقالي كتير مش سالت عليها واحتمال اقابل انور هناك هتيجي معايا يايماااان

ايمان: طبعا يامحمود اانا هقوم دلوقيتي اعجن الكيكه اللي انتو بتحبوهاا وهات بالمره السيد عشان مش يقول عملتيها من ورايا

محمود ضحك علي طيبه مراته وقالها السيد ده اساسا اول الناس ف القايمه الي جايين معايا

وقام محمود ينام شويه عشان السهره بليل وايمان قامت تعمل الكيكيه

ومي نزلت الدرس مع ساره ومريم دخلت توضب الاوضه عشان رشا لما تيجي

وطبعا الاخ مازن فاتح التلفزيون ولا علي باله مذاكره ومامته سايباه لحد ماتخلص الكيكه وبعد كده هتقفشه عشان تذاكرله لانه مش بيجي غير كده

بعد سااااااعه جه محمد ودخل اوضته ونام ومريم مش واخده بالها انه جه

وعلي الساعه 6 رشا جت وجايبه معاها شوكلاتات وحلويات لزوم القعده

ودخلت الاوضه عقبال مامريم تحضر الشاي التمام

نحكي بقي علي رشا: دي صاحبه مريم من اولي كليه بنت اخلاقها كويسه ومحترمه اووي وبتحب مريم وتعبترها بير اسراراها ومريم كمان كده ورشا بتتميز بعيونها العسلي المكحلين وعليها خدود جمال رباني كده ماشاء الله عليها قمر 14

نرجع لقصتنا
رشا قامت تشغل الكبيموتر عقبال مامريم تخلص الشاي اللي بتعمله علي الشمس

وفكت الطرحه وسابت شعرها اللي كان كستنائي ولسه هتقعد علي الجهااز لقت اللي بيخبط علي الباب

قالت اكيد مريم وبتفتح البااااااااااب وانصدمت,,,,,,,,,,,,


مين علي الباب وايه هيكون ردت فعلهااااااا

ف البارت التالت

انتظروني